Articles

တောင်ကြီးတက္ကသိုလ် ၂၀၁၂-၂၀၁၃ ပညာသင်နှစ် ကာယကြံခိုင်မှု အားကစားပြိုင်ပွဲ ကျင်းပ

တောင်ကြီး   သြဂုတ်   ၁၄

 

1

 

   ရှမ်းပြည်နယ် တောင်ကြီးတက္ကသိုလ် ၂၀၁၂-၂၀၁၃ ပညာသင်နှစ် ကာယကြံခိုင်မှု အားကစားပြိုင်ပွဲကို သြဂုတ်(၁၄)ရက် နေ့လည်(၁)နာရီက တောင်ကြီးမြို့ တောင်ကြီးတက္ကသိုလ် ဘက်စုံခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍရေးနှင့် အခွန် ဝန်ကြီး ဦးခွန်သိန်းမောင်၊ ပြည်နယ်လူမှုရေး ဝန်ကြီး ဒေါက်တာမျိုးထွန်း၊ တောင်ကြီးတက္ကသိုလ် ပါမောက္ခချုပ် ဒေါက်တာမူမူမြင့်နှင့် တာဝန်ရှိသူများ၊ လူမှုရေးအသင်းအဖွဲ့များ၊ ပြိုင်ပွဲဝင်အားကစားမောင်မယ်များနှင့် ဖိတ်ကြားထားသည့် ဧည့်သည်တော်များ တက်ရောက်ကြသည်။

 

   အခမ်းအနားတွင် တောင်ကြီးတက္ကသိုလ် ကိုယ်ကာယကြံခိုင်မှု မောင်နှင့်မယ်တို့က ယှဉ်ပြိုင်ကြပြီး၊ ဆုချီးမြှင့်ပွဲကျင်းပရာ ကာယဗလမောင် (ပထမ၊ ဒုတိယ၊ တတိယ)ဆု ရရှိသူများကို ပြည်နယ်ဘဏ္ဍရေးနှင့် အခွန် ဝန်ကြီး ဦးခွန်သိန်းမောင်မှ ဆုချီးမြှင့်ပေး၍သော်လည်းကောင်း၊ ကာယမယ် ပြိုင်ပွဲတွင် (ပထမ၊ ဒုတိယ၊ တတိယ)ဆု ရရှိသူများကို ပြည်နယ်လူမှုရေး ဝန်ကြီး ဒေါက်တာမျိုးထွန်းမှ ဆုချီးမြှင့်ပေး၍လည်းကောင်း၊ နှစ်သိမ့်ဆုရရှိသူများကို တာဝန်ရှိသူများတို့က အသီးသီးဆုများ ချီးမြှင့်ပေးကြကြောင်း သိရှိရသည်။

 

   အဆိုပါ တောင်ကြီးတက္ကသိုလ် ၂၀၁၂-၂၀၁၃ ပညာသင်နှစ် ကာယကြံခိုင်မှု အားကစားပြိုင်ပွဲတွင် ကာယဗလမောင်(၈)ဦးနှင့် ကာယမယ်(၁၄)ဦး ပါဝင် ယှဉ်ပြိုင်ကြကြောင်း သတင်းရရှိသည်။

 

ရှမ်းပြည်နယ်လွှတ်တော်၊ ဥပဒေပြုရေးဆိုင်ရာကော်မတီ အဖွဲ့ဝင်(၁၁)ဦးအား ညှိနှိုင်းအစည်းအဝေး ဖိတ်ကြားခြင်း

တောင်ကြီး    သြဂုတ်     ၁၄

 

2

 

   ရှမ်းပြည်နယ်လွှတ်တော်  ဥပဒေရေးရာကိစ္စများ စိစစ်ခြင်း၊ ရေးဆွဲခြင်း၊ ပြင်ဆင်ခြင်းများ ဆောင်ရွက်နိုင်ရန်အတွက် ညှိနှိုင်းအစည်းအဝေး ပြုလုပ်မည်ဖြစ်ပါသည်။

 

   သို့ဖြစ်ပါ၍ ရှမ်းပြည်နယ်လွှတ်တော် ဉပဒေပြုရေးဆိုင်ရာကော်မတီ ဥက္ကဌ၊ အတွင်းရေးမှူး နှင့် အဖွဲ့ဝင်များသည် ပြည်နယ်လွှတ်တော်ရုံးသို့ သြဂုတ် လ(၂၆)ရက်နေ့ အရောက် လာရောက်သတင်းပေးပို့ရန် ဖိတ်ကြားထားကြောင်း သတင်းရရှိသည်။

 

ပထမအကြိမ် ရှမ်းပြည်နယ်လွှတ်တော် သတ္တမပုံမှန်အစည်းအဝေး ခေါ်ယူကျင်းပမည့်

တောင်ကြီး    သြဂုတ်    ၁၄

 

1

    ပထမအကြိမ် ရှမ်းပြည်နယ်လွှတ်တော်  သတ္တမပုံမှန်အစည်းအဝေးကို ရှမ်းပြည်နယ်လွှတ်တော်ခန်းမ၌ စက်တင်ဘာ လ (၉)ရက်နေ့ နံနက်(၁၀)နာရီတွင် ကျင်းပသွားမည် ဖြစ်ပါသည်။

 

  ထို့ကြောင့် ပြည်နယ်လွှတ်တော်ကိုယ်စားလှယ်များအား စက်တင်ဘာ လ (၇)ရက်နေ့ ထက်မစော စက်တင်ဘာ လ (၈)ရက်နေ့ ထက်မနောက်ကျဘဲ ရှမ်းပြည်နယ်လွှတ်တော်ရုံးသို့ သတင်းပို့ရန် ပြည်နယ်လွှတ်တော်ကိုယ်စားများထံ ဖိတ်ကြားစာပေးပို့ထားကြောင်း သတင်းရရှိသည်။

 

ရှမ်းပြည်နယ်အစိုးရအဖွဲ့သို့ အမေရိကန်နိုင်ငံမှ Dr. John L.Williams ဦးဆောင်သော PEACE CORPS အဖွဲ့ လာရောက်တွေ့ဆုံ

တောင်ကြီး    သြဂုတ်    ၁၄

 

3

 

   ရှမ်းပြည်နယ်အစိုးရအဖွဲ့သို့ အမေရိကန်နိုင်ငံမှ Dr. John L.Williams ဦးဆောင်သော PEACE CORPS အဖွဲ့သည် သြဂုတ် (၁၄)ရက် မွန်းလွဲ(၁)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ လာရောက်တွေ့ဆုံသည်။

 

   အဆိုပါ တွေ့ဆုံမှုတွင် ရှမ်းပြည်နယ်အစိုး၇အဖွဲ့ ပြည်နယ်လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပြည်နယ်ဒုတိယရဲမှူး၊ ပြည်နယ်ဒုတိယ လဝကမှူး၊ ပြည်နယ်ပညာရေးမှူး၊ ပြည်နယ်ကျန်းမာရေးဦးစီးဌာနမှ တာဝန်ရှိသူနှင့် အမေရိကန်နိုင်ငံမှ Dr. John L.Williams ဦးဆောင်သော PEACE CORPS အဖွဲ့(၆)ဦးတို့ တက်ရောက်တွေ့ဆုံကြပြီး ပညာရေး၊ ကျန်းမာရေး၊ လူမှုရေးကိစ္စရပ်များ ဆွေးနွေးခဲ့ကြကြောင်း သတင်းရရှိသည်။

 

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

koe-kantရှမ်းပြည်နယ်(မြောက်ပိုင်း) ကွမ်းလုံ၊ ကုန်းကြမ်း၊ လောက်ကိုင်နှင့် ဟိုပန်မြို့နယ်များတွင် အများဆုံး နေထိုင်ကြသည်။

We have 69 guests and no members online