သတင်းများ

အင်းလေးဒေသ ဟိုတယ်ဇုန် ဖွံ့ဖြိုးတိုးတက်ရေး ဦးစီးကော်မတီမှ ယာယီမြေပေးမိန့်နှင့် အသိအမှတ်ပြုလွှာပေးအပ်

တောင်ကြီး   သြဂုတ်   ၂

605

   ရှမ်းပြည်နယ် အစိုးရအဖွဲ့၊ အင်းလေးဒေသ ဟိုတယ်ဇုန်ဖွံ့ဖြိုးတိုးတက်ရေး ဦးစီးကော်မတီမှ ယာယီမြေပေးမိန့်နှင့် အသိအမှတ်ပြုလွှာပေးအပ်ပွဲကို သြဂုတ်(၂)ရက် နံနက်(၉)နာရီက တောင်ကြီးမြို့ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ် ဝန်ကြီးများ၊ ပြည်နယ် ဥပဒေချုပ်၊ အင်းတိုင်းရင်းသားရေးရာ ဝန်ကြီး၊ ပြည်နယ်အစိုးရအဖွဲ့ အတွင်းရေးမှူး၊ ရှမ်းပြည်နယ် အမျိုးသားလွှတ်တော်၊ ပြည်သူ့လွှတ်တော် ကိုယ်စားလှယ်များ၊ အင်းလေးဒေသဟိုတယ်ဇုန် ဖွံ့ဖြိုးတိုးတက်ရေး ဦးစီးကော်မတီများ၊ ဟိုတယ် လုပ်ငန်းရှင်များ တက်ရောက်ကြသည်။

   ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားသည်။ ဆက်လက်၍ ယာယီမြေပေးမိန့်နှင့် အသိအမှတ်ပြုလွှာများ ပေးအပ်ရာ ဟိုတယ်(C)ဇုန်မှ လုပ်ငန်းရှင်(၅)ဦးကို ပြည်နယ်ဝန်ကြီးချုပ် ဦးစဝ်အောင်မြတ်မှ ပေးအပ်ပြီး၊ အင်းလေးဒေသ ဟိုတယ်ဇုန် ဖွံ့ဖြိုးတိုးတက်ရေး ဦးစီးကော်မတီ ဥက္ကဌ ပြည်နယ် လမ်းပန်း ဆက်သွယ်ရေး ဝန်ကြီး ဦးစိုင်းနော်ခမ်း နှင့် ဒုတိယ ဥက္ကဌ ပြည်နယ် ဘဏ္ဍာရေးဝန်ကြီး ဦးခွန်သိန်းမောင်တို့က ဟိုတယ်(B)ဇုန်မှ လုပ်ငန်းရှင်(၆)ဦး၊ ဟိုတယ်(A)ဇုန်မှ လုပ်ငန်းရှင်(၁၁)ဦး တို့ကို ယာယီမြေပေးမိန့်နှင့် အသိအမှတ်ပြုလွှာများ ပေးအပ်ခဲ့ကြောင်းသိရသည်။

   ထို့နောက် ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကားပြောကြားကာ အခမ်းအနားကို ရုပ်သိမ်းလိုက်ပြီး၊ ပြည်နယ် ဝန်ကြီးချုပ် ပြည်နယ် ဝန်ကြီးများနှင့် တာဝန်ရှိသူတို့သည် ရှမ်းပြည်နယ် အစိုးရအဖွဲ့က တောင်ကြီးမြို့ ဓမ္မဝိဒူ ဘုန်းတော်ကြီးသင်ပညာရေးကျောင်း (၃ထပ်RC) ကျောင်းဆောင်သစ်ဆောက်လုပ်ရန်အတွက် စတင် မတည်ငွေ ငွေကျပ်သိန်း(၂၀၀)လှူဒါန်းပွဲအခမ်းအနားသို့ တက်ရောက်ကြသည်။

606

   ရှေးဦးစွာ အခမ်းအနားကို နမောတဿ(၃)ကြိမ် ရွတ်ဆို ဘုရားကန်တော့ ဖွင့်လှစ်ပေးပြီး၊ မြို့နယ် သံဃာနာယကအဖွဲ့ ဥက္ကဌ မင်းကျောင်းပရိယတ္တိ စာသင်တိုက် ဆရာတော် ဘဒ္ဒန္တ နာယက ထံမှ ငါးပါးသီလခံယူဆောက်တည်၍ ဆရာတော်သံဃာတော်များက မေတ္တာသုတ် ပရိတ်တရားတော် များ ရွတ်ဖတ်သဇ္စျာယ်ပေးပြီး၊ ပြည်နယ် ဝန်ကြီးချုပ်နှင့် ပြည်နယ်ဝန်ကြီးများ၊ အလှူရှင်တို့က လှူဖွယ်ဝတ္ထုပစ္စည်းများ ဆက်ကပ်လှူဒါန်းကြသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ်မှ မတည်ငွေကျပ် သိန်း(၂၀၀) အလှူငွေ ဆက်ကပ်လှူဒါန်းပြီး၊ ဓမ္မဝိဒူ ဘုန်းတော်ကြီးသင် ပညာရေးကျောင်းအလယ်တန်း၊ အထက်တန်း၊ ကျောင်းသား/ကျောင်းသူများအတွက် ဗလာစာအုပ် ဒါဇင်(၁၀၀)ပေးအပ်လှူဒါန်း၍ လည်းကောင်း၊ ပြည်နယ် ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွှန့် မိသားစုက ငွေကျပ်(၃)သိန်း၊ ပြည်နယ် ဘဏ္ဍာရေး ဝန်ကြီး မိသားစုက ငွေကျပ်(၅)သိန်း၊ ပြည်နယ်စီမံကိန်းနှင့် စီးပွားရေး ဝန်ကြီး မိသားစုက ငွေကျပ်(၂)သိန်း၊ ပြည်နယ် စိုက်ပျိုးရေးနှင့် မွေးမြူရေး ဝန်ကြီး မိသားစုက ငွေကျပ်(၁)သိန်း၊ ပြည်နယ် သစ်တောနှင့် သတ္တု ဝန်ကြီး မိသားစုက ငွေကျပ်(၃)သိန်း၊ ပြည်နယ် စည်ပင်သာယာရေး ဝန်းကြီး မိသားစုက ငွေကျပ်(၁)သိန်း (၅)သောင်း၊ ပြည်နယ် လူမှုရေးဝန်ကြီး မိသားစုက ငွေကျပ်(၁)သိန်း၊ ပြည်နယ် လမ်းပန်းဆက်သွယ်ရေး ဝန်ကြီး မိသားစုက ငွေကျပ်(၂)သိန်း ပေးအပ်လှူဒါန်းကြရာ ကျောင်းအကျိုးတော်ဆောင် တာဝန်ရှိသူမှ လက်ခံရယူသည်။

   ရှမ်းပြည်နယ်အစိုးရ အဖွဲ့ ပြည်နယ် ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ မိသားစုမှ ဓမ္မဝိဒူ ဘုန်းတော်ကြီးသင်ပညာရေးကျောင်း (၃ထပ်RC) ကျောင်းဆောင်သစ်ဆောက်လုပ်ရန် အတွက် စုစုပေါင်းလှူဒါန်းငွေကျပ်(၁၈)သိန်း (၅)သောင်းလှူဒါန်းခဲ့ကြပြီး၊ မြို့နယ် သံဃာနာယက အဖွဲ့ ဥက္ကဌ မင်းကျောင်းပရိယတ္တိ စာသင်တိုက် ဆရာတော် ဘဒ္ဒန္တ နာယက ထံမှ လှူဒါန်းမှုအတွက် ရေစက်သွန်းချအမျှပေးဝေကြကာ အခမ်းအနားကို ဗုဒ္ဓသာသနံစိရံတိဌတု (၃)ကြိမ် ရွတ်ဆို ဆုတောင်း၍ ရုပ်သိမ်းလိုက်ပြီး၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက ဆရာတော် သံဃာတော်များအား နေ့ဆွမ်း ဆက်ကပ်လှူဒါန်းကြ၍ ဓမ္မဝိဒူ ဘုန်းတော်ကြီးသင်ပညာရေး ကျောင်း (၃ထပ်RC) ကျောင်းဆောင်သစ်ဆောက်လုပ်မည့်နေရာသို့ လှည့်လည် ကြည်ရှု့ကြကာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့ကြောင်းသိရှိရသည်။

                                                                                                                                                                           မောင်မောင်သန်း(တောင်ကြီး)

 

အာဟာရ ဖွံ့ဖြိုးရေး နှင့်"မိခင်နို့တိုက်ကျွေးရေး ရက်သတ္တပတ်" ကျန်းမားရေး အသိပညာပေး ဟောပြောပွဲ ကျင်းပ

တောင်ကြီး    သြဂုတ်   ၁

604

   ရှမ်းပြည်နယ် ကျန်းမားရေး ဦးစီးဌာနနှင့် ရှမ်းပြည်နယ် မိခင်နှင့်ကလေး စောင့်ရှောက်မှု ကြီးကြပ်ရေးအဖွဲ့တို့ ပူးပေါင်းကျင်းပသည့် အာဟာရဖွံ့ဖြိုးရေး ရက်သတ္တပတ်များ(၂၀၁၄)ခုနှစ် အထိမ်းအမှတ် "မိခင်နို့တိုက်ကျွေးရေး ရက်သတ္တပတ်" ကျန်းမားရေးအသိပညာပေး ဟောပြောပွဲကို သြဂုတ်(၁)ရက် နံနက်(၉)နာရီက ရှမ်းပြည်နယ် မိခင်နှင့်ကလေး စောင့်ရှောက်မှု ကြီးကြပ်ရေးအဖွဲ့ ရုံး၌ ကျင်းပကြောင်းသိရသည်။ 

   အခမ်းအနားတွင် ရှမ်းပြည်နယ် မိခင်နှင့် ကလေးစောင့်ရှောက်မှု ကြီးကြပ်ရေးအဖွဲ့ ဥက္ကဌ ဒေါ်စန်းစန်းဝင်းက အဖွင့်အမှာစကားပြောကြားရာတွင် ပြည်သူတို့၏ အာဟာရအခြေအနေ ကောင်းမွန်ခြင်းသည် နိုင်ငံသားအားလုံး ကျန်းမားကြံခိုင်၍ ဉာဏ်ရည် ထက်မြတ်ရေး၊ နိုင်ငံတော်ကြီး ခေတ်မှီဖွံ့ဖြိုးရေးတို့အတွက် ပဓာနကျသော လိုအပ်ချက်တစ်ခု ဖြစ်ပါကြောင်း၊ အာဟာရချို့တဲ့မှုများ လျော့နည်းပပျောက်ရေး၊ အာဟာရ လွန်ကဲမှု ပြဿနာ ကာကွယ်ရေး၊ အာဟာရ မျှတစွာ စားသုံးတတ်သည့် ဓလေ့များ ထွန်းကားလာရေးတို့ကို ရည်မှန်းချက်များအဖြင့် ချမှတ်ကာ အာဟာရဖွံ့ဖြိုးရေးလုပ်ငန်းများကို ဆောင်ရွက်လျက်ရှိပါကြောင်း၊ ကိုယ်ဝန်ဆောင်နှင့် နို့တိုက်မိခင်များ၊ (၅)နှစ်အောက် ကလေးသူငယ်များသည် အာဟာရ ချို့တဲ့မှု အန္တရာယ် အများဆုံး ကြုံတွေ့ရလေ့ရှိသူများဖြစ်သည့်အတွက် ကိုယ်ဝန်ဆောင်နှင့် နို့တိုက်မိခင်များ၊ (၅)နှစ်အောက် ကလေးသူငယ်များ အာဟာရ ပြည့်ဝ မျှတစွာ စားသုံးတတ်သည့် ဓလေ့ထွန်းကားလာရေးသည် အာဟာရ ဖွံ့ဖြိုးရေးလုပ်ငန်းများအတွက် ရည်ရှည် အကျိုးတက်ရောက်မှုရှိစေသည့် နည်းလမ်း ဖြစ်ကြောင်း၊ ကျန်းမားရေး ပညာပေးလုပ်ငန်းများအဖြစ် (၆)လထိ ကလေးများကို မိခင်နို့တစ်မျိုးတည်းသာ တိုက်ကျွေးရေး၊ (၅)နှစ်အောက်ကလေးများကို အာဟာရ ပြည့်ဝမျှတစွာ စားသုံးရေး၊ သံဓာတ်ဆေးပြားများ၊ ဗီတာမင်အေ၊ ဗီတာမင်ဘီဝမ်း၊ သန်ချဆေးများ စနစ်တကျ သောက်သုံးရေး၊ အိုင်အိုဒင်းဆား စားသုံးရေး၊ အသက်အရွယ်အလိုက် အာဟာရ ပြည့်ဝမျှတစွာ စားသုံးရေးတို့နှင့် ပတ်သက်၍ အာဟာရ ပညာပေးလုပ်ငန်းများကို လုပ်ဆောင်ပေးသွားမှာ ဖြစ်ကြောင်း ပြောကြားသွားသည်။

   ဆက်လက်၍ အမျိုးသမီးနှင့် ကလေး ဆေးရုံမှ ကလေးအထူးကုဆရာဝန်ကြီး ဒေါက်တာ ဒေါ်ခင်မိုးမိုးက မွေးကင်းစ ကလေး၏ ကျန်းမားရေး သိမှတ်ဖွယ်ရာ အဖြာဖြာအကြောင်းကို ဟောပြော၍ လည်းကောင်း၊ မြို့နယ် ကျန်းမားရေး ဦးစီးဌာနမှူး ဒေါက်တာ မိုးထွန်းက မိခင်နို့ တိုက်ကျွေးရေးအကြောင်းတို့ကို  အသိပညာပေး ဟောပြောကြသည်။

   ထို့နောက် ရှမ်းပြည်နယ် မိခင်နှင့်ကလေး စောင့်ရှောက်မှု ကြီးကြပ်ရေးအဖွဲ့ နာယက ဒေါ်ဖြူဖြူညွှန့်က အသိပညာပေး ဟောပြောပေးသူများအား အမှတ်တရ လက်ဆောင်ပစ္စည်းများ ပေးအပ်ပြီး၊ နို့တိုက်မိခင်(၂၅)ဦးနှင့် ကိုယ်ဝန်ဆောင်မိခင်(၂၅)ဦးအား အာဟာရပစ္စည်းများ ဖြစ်သည့် ကြက်ဥ၊ အားဆေး၊ အိုင်အိုဒင်းဆား၊ ကျန်းမားရေး ပညာပေးလက်ကမ်း စာစောင်များ ပေးအပ်၍၊ အာဟာရ ဖွံ့ဖြိုးရေး ရက်သတ္တပတ်များကို သြဂုတ်လ (ပထမ)အပတ် မှ (စတုတ္ထ) အပတ်ထိ တိုက်ကျွေးသွားမည် ဖြစ်ကြောင်း သိရသည်။

   အာဟာရ ဖွံ့ဖြိုးရေး နှင့်"မိခင်နို့တိုက်ကျွေးရေး ရက်သတ္တပတ်" ကျန်းမားရေး အသိပညာပေး ဟောပြောပွဲသို့ ရှမ်းပြည်နယ် မိခင်နှင့်ကလေး စောင့်ရှောက်မှု ကြီးကြပ်ရေးအဖွဲ့ နာယက၊ ဥက္ကဌ နှင့် အဖွဲ့ဝင်များ၊ ကျန်းမားရေး ဦးစီးဌာနမှ အသိပညာပေး ဟောပြောပေးသည့် တာဝန်ရှိသူများ၊ နို့တိုက်မိခင်နှင့် ကိုယ်ဝန်ဆောင်မိခင်များ တက်ရောက်ကြကြောင်း သိရှိရသည်။

                                                                                                                                                                  မောင်မောင်သန်း(တောင်ကြီး)

 

ရှမ်းပြည်နယ် အစိုးရအဖွဲ့ အမှူးပြုသော ပြည်နယ် နှင့် မြို့နယ် စည်ပင်သာယာရေး ကော်မတီ မိသားစုများ၏ပထမအကြိမ် စုပေါင်း ဝါဆိုသင်္ကန်းဆက်ကပ်လှူဒါန်းပွဲ ကျင်းပ

တောင်ကြီး   ဇူလိုင်   ၂၇

599

   ရှမ်းပြည်နယ် အစိုးရအဖွဲ့ အမှူးပြုသော  ပြည်နယ်နှင့်မြို့နယ် စည်ပင်သာယာရေး ကော်မတီ မိသားစုများ၏ပထမအကြိမ် စုပေါင်း ဝါဆိုသင်္ကန်းဆက်ကပ်လှူဒါန်းပွဲကို ဇူလိုင်(၂၇)ရက် နံနက် (၉)နာရီခွဲက တောင်ကြီးမြို့ မြို့တော်ခန်းမ၌ ကျင်းပသည်။

   အခမ်းအနားကို နမောတဿ(၃)ကြိမ် ရွတ်ဆို ဘုရားကန်တော့၍ ဖွင့်လှစ်ပြီး၊ နိုင်ငံတော် သြဝါဒါစရိယ၊ အဂ္ဂမဟာပဏ္ဍိတ မဟာကမ္မဌာနစရိယ စွန်းလွန်းကျောင်းတိုက် ဆရာတော် ဘဒ္ဒန္တ အဂ္ဂဓမ္မာ ဘိဝံသထံမှ ငါးပါးသီလခံယူဆောက်တည်ကြကာ ဆရာတော် သံဃာတော် အရှင်သူမြတ်များက ပရိတ်တရားတော်များ ရွတ်ဖတ်သရဇ္စျာယ် ပေးတော်မူကြသည်။

   ဆက်လက်၍ ရှမ်းပြည်နည် အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့်၊ အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် အေးဝင်းနှင့်ဇနီး ဒေါ်အေးအေးဝင်း၊ ပြည်နယ် ဝန်ကြီးများ၊ ပြည်နယ်/ မြို့နယ် စည်ပင်သာယာရေး ကော်မတီဝင်များ၊ မြို့နယ် အဆင့် ဌာနဆိုင်ရာများ၊ ကြွရောက်လာကြသည့် ဧည့်ပရိသတ်များက ဆရာတော် သံဃာတော် အရှင် သူမြတ် တို့အား ဝါဆိုသင်္ကန်း၊ ဆန်၊ဆီ၊ လှူဖွယ်ပစ္စည်းများကို  ဆက်ကပ်လှူဒါန်း ကြသည်။

   ထို့နောက် နိုင်ငံတော် သြဝါဒါစရိယ၊ အဂ္ဂမဟာပဏ္ဍိတ မဟာကမ္မဌာနစရိယ စွန်းလွန်း ကျောင်းတိုက်ဆရာတော် ဘဒ္ဒန္တအဂ္ဂဓမ္မာဘိဝံသထံမှ လှူဒါန်းမှု အစုစုတို့အတွက် ရေစက်သွန်းချ အမျှပေးဝေကာ၊ အခမ်းအနားကို ဗုဒ္ဓသာသနံ စိရံတိဌတု ဂါထာတော် သုံးကြိမ် ရွတ်ဆို ဆုတောင်း၍ ရုပ်သိမ်းလိုက်ပြီး၊ ပြည်နယ် ဝန်ကြီးချုပ်နှင့်ဇနီး၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့်ဇနီး တို့က ရတနာ ရွှေမိုး ငွေမိုး ရွာသွန်းကာ၊ ပြည်နယ် ဝန်ကြီးချုပ်နှင့်ဇနီး၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့်ဇနီး၊ ပြည်နယ် ဝန်ကြီးများနှင့် တာဝန်ရှိသူတို့က ဆရာတော် သံဃာတော် အရှင် သူမြတ်တို့ကို နေ့ဆွမ်း ဆက်ကပ်လှူဒါန်းခဲ့ကြောင်း သိရသည်။

   အဆိုပါ ပထမအကြိမ် စုပေါင်း ဝါဆိုသင်္ကန်းဆက်ကပ်လှူဒါန်းပွဲသို့ ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ်နှင့်ဇနီး၊ အရှေ့ပိုင်းတိုင်း စစ်ဌာနချုပ် တိုင်းမှူးနှင့်ဇနီး၊ ပြည်နယ် တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ပြည်နယ် ဥပဒေချုပ်၊ ပြည်နယ် စာရင်းစစ်ချုပ်၊ ပြည်နယ်/ မြို့နယ် စည်ပင်သာယာရေး ကော်မတီဝင်များ၊ ပြည်နယ်အဆင့် ဌာနဆိုင်ရာများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

                                                                                                                                                          မောင်မောင်သန်း(တောင်ကြီး)

 

နိုင်ငံတော်၏ ပြုပြင်ပြောင်းလဲမှု လုပ်ငန်းစဉ် တတိယအဆင့် အရှိန်မြင့်တင်မှု ဆွေးနွေးပွဲ ကျင်းပ

တောင်ကြီး   ဇူလိုင်   ၃၁

602

   မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာန ဒုတိယ ဝန်ကြီး ဦးခင်မောင်အေး ဦးဆောင်၍ နိုင်ငံတော်၏ ပြုပြင်ပြောင်းလဲမှု လုပ်ငန်းစဉ် တတိယအဆင့် အရှိန်မြင့်တင်မှု ဆွေးနွေးပွဲကို ဇူလိုင်(၃၁)ရက် နံနက်(၉)နာရီက တောင်ကြီးမြို့  မြို့တော်ခန်းမ၌ ကျင်းပကြောင်း သိရသည်။ 

   အခမ်းအနားတွင် မွေးမြူရေး/ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာန ဒုတိယ ဝန်ကြီး ဦးခင်မောင်အေးက အဖွင့်အမှာစကားပြောကြားရာတွင် နိုင်ငံတော်၏ ပြုပြင်ပြောင်းလဲမှု လုပ်ငန်းစဉ် တတိယအဆင့် အရှိန်မြင့်တင်မှုတွင် ပြည်သူများ ပါဝင် ဆောင်ရွက်ခြင်း၊ တရားဥပဒေ စိုးမိုးရေး၊ ပွင့်လင်းအမြင် ရှင်းရေး၊ တာဝန်ယူ၊ တာဝန်ခံရေး၊ အများဆန္ဒမဏ္ဍိုင် ပြုပြင်ခြင်း၊ တန်းတူညီမျှနှင့် ပါဝင်လုပ်ကိုင်ခြင်း၊ တာဝန်သိဖြင့် တုန့်ပြန်ခြင်း၊ စွမ်းဆောင်ရည်ရှိခြင်းနှင့် ထိရောက်မှုရှိခြင်း၊ အဂတိတရား ကင်းရှင်းရေးတို့ကို projector ဖြင့် ရှင်းလင်းပြောကြားသွားကြောင်းသိရသည်။ 

   ဆက်လက်၍ ရှမ်းပြည်နယ် အစိုးရအဖွဲ့ ပြည်နယ် စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူက စိုက်ပျိုးရေးနှင့် မွေးမြူရေး ကဏ္ဍများကို ပိုမိုတိုးတက်အောင်မြင်စေရန် ရှင်းလင်း၍ လည်းကောင်း၊ အင်းတိုင်းရင်းသားရေးရာ ဝန်ကြီး ဦးဝင်းမြင့်က အင်းလေးကန် အတွင်းရှိ ငါးဖိန်းမျိုးပွားရေးနှင့် မတိမ်ကောရေး၊ စိုက်ပျိုးရေး ကဏ္ဍဖြစ်သည့် ကိစ္စရပ်များကို ရှင်းလင်းဆွေးနွေးကြသည်။

   ထို့နောက် ရှမ်းပြည်နယ် အမျိုးသားလွှတ်တော်ကိုယ်စားလှယ် ဦးဉာဏ်လင်းမှ အကြံပြု ဆွေးနွေးပြီး၊ ငါးလုပ်ငန်း ဦးစီးဌာန ညွှန်ကြားရေးမှူးချုပ် ဦးခင်မောင်မော်မှ တာဝန်သိမှု၊ တာဝန် ယူမှုဖြင့် ပေါင်းစပ်ညှိနှိုင်း စီမံခန့်ခွဲရေး ဆိုင်ရာ ခေါင်းစဉ်ဖြင့် ရှင်းလင်း၍ လည်းကောင်း၊ မွေးမြူရေးနှင့် ကုသရေး ဦးစီးဌာန၊ ညွှန်ကြားရေးမှူးချုပ်ရုံး၊ ညွှန်ကြားရေးမှူး ဒေါက်တာစိုးဝင်းမှ နိုင်ငံတော်၏ ပြုပြင်ပြောင်းလဲမှု လုပ်ငန်းစဉ် အုပ်ချုပ်မှု ယန္တရား တိုးတက်ကောင်းမွန်အောင် ဆောင်ရွက်ခြင်း ခေါင်းစဉ်ဖြင့် ရှင်း၍ လည်းကောင်း၊ ကျေးလက် ဒေသဖွံ့ဖြိုးတိုးတက်ရေး ဦးစီးဌာန၊ ညွှန်ကြားရေးမှူးချုပ်ရုံး၊ ညွှန်ကြားရေးမှူး ဒေါက်တာ ကိုကိုနိုင် မှ မွေးရေ / ကျေးလက် ဝန်ကြီးဌာန၏ Decentralization  ဆောင်ရွက်မှုများ ခေါင်းစဉ်ဖြင့် အသီးသီး ရှင်းလင်းဆွေးနွေးကြသည်။

   ၎င်းနောက် တက်ရောက်လာကြသူများမှ အကြံပြုဆွေးနွေးကြပြီး ကျိုင်းတုံ၊ လားရှိုး၊ တောင်ကြီး ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ တာဝန်ရှိသူများ ဆွေးနွေးကြကာ၊ မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာန ဒုတိယ ဝန်ကြီး ဦးခင်မောင်အေးမှ နိဂုံးချုပ်အမှာစကားပြောကြားကာ အခမ်းအနားကို ရုပ်သိမ်းလိုက်ကြောင်း သိရှိရသည်။

   တတိယအဆင့် အရှိန်မြင့်တင်မှု ဆွေးနွေးပွဲသို့ မွေးမြူရေး/ ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာန၊ ဒုတိယ ဝန်ကြီးနှင့် ညွှန်ကြားရေးမှူးချုပ်၊ ညွှန်ကြားရေးမှူးများ၊ ရှမ်းပြည်နယ် အစိုးရအဖွဲ့ ပြည်နယ် စိုက်ပျိုးရေးနှင့် မွေးမြူရေး ဝန်ကြီး၊ အင်းတိုင်းရင်းသားရေးရာ ဝန်ကြီး၊ ငါးလုပ်ငန်း ဦးစီးဌာန၊ မွေးမြူရေးနှင့် ကုသရေး ဦးစီးဌာန၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနတို့မှ တာဝန်ရှိသူများ၊ ပြည်နယ် / ခရိုင် / မြို့နယ် အဆင့် ဌာနဆိုင်ရာများ၊ ဖိတ်ကြားထားသည့် ဧည့်သည်တော်များ တက်ရောက်ကြသည်။

                                                                                             မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့၏၂၀၁၃ - ၂၀၁၄ ပညာသင်နှစ် တက္ကသိုလ်ဝင်စာမေးပွဲ ပညာရည်ချွန်ဆုချီးမြှင့်ပွဲကျင်းပ

တောင်ကြီး   ဇူလှိုင် - ၂၆

598

   ရှမ်းပြည်နယ်အစိုးရအဖွဲ့၏ ၂၀၁၃ - ၂၀၁၄ ပညာသင်နှစ် တက္ကသိုလ်ဝင်စာမေးပွဲ ပညာရည်ချွန်ဆုချီးမြှင့်ပွဲ အခမ်းအနားကို ဇူလှိုင်(၂၆)ရက် နံနက်(၉)နာရီက တောင်ကြီးမြို့ မြို့တော်ခန်းမ၌ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ ပြည်နယ်ဥပဒေချုပ်နှင့် ဇနီး၊ ပြည်နယ်စာရင်းစစ်ချုပ်နှင့် ဇနီး၊ ဗမာတိုင်းရင်းသားရေးရာဝန်ကြီး၊ ပြည်နယ်/ ခရိုင်၊ မြို့နယ်အဆင့် ဌာနဆိုင်ရာများ၊ ရှမ်းပြည်နယ်(တောင်ပိုင်း)၊ (မြောက်ပိုင်း)၊ (အရှေ့ပိုင်း)ရှိ ပညာရေးဌာနမှ တာဝန်ရှိပုဂ္ဂိုလ်များ ထူးချွန်ဆုရ မြို့နယ်ပညာရေးမှူးများ၊ ကျောင်းအုပ်ကြီးများ၊ ဆရာ/ ဆရာမများ၊ ဂုဏ်ထူးရကျောင်းသား/ သူများနှင့် မိဘများ၊ ပညာရေးအလှူရှင်များ၊ လူမူရေးအသင်းအဖွဲ့များ တက်ရောက်ကြသည်။ 

   အခမ်းအနားတွင် အမှတ်(၄)အခြေခံပညာအထက်တန်းကျောင်းမှ ကျောင်းသား/သူများက မြန်မာ့ကျောင်းသီချင်းဖြင့် သီဆိုဖွင့်လှစ်ပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် ၂၀၁၄ခုနှစ်၊ ပညာရေးအကောင်အထည်ဖော်မှု နှီးနှောဖလှယ်ပွဲ (အခြေခံပညာကဏ္ဍ)ကျင်းပရခြင်း၏ ရည်ရွယ်ချက်မှာ နိုင်ငံတော်၏ ပြုပြင်ပြောင်းလဲမှုများအား တတိယအဆင့်အရှန်မြှင့်တင်မှု Third Wave လုပ်ငန်းစဉ် (၅)ရပ်ကို ထိရောက်စွာ အကောင်အထည်ဖော်ရေး အတွက် ဖြစ်ပါကြောင်း ရှေ့လုပ်ငန်းစဉ်များကို အကောင်အထည်ဖော်ရာတွင် ထူးချွန်သည့် လူ့စွမ်းအား အရင်းအမြစ်များဖြစ်သည့် အသိပညာရှင်၊ အတတ်ပညာရှင်များ၊ အများကြီးလိုအပ်မည်ဖြစ်ပါကြောင်း၊ အနာဂတ်နိုင်ငံတော်ကို တာဝန်ယူ ဆောင်ရွက်ကြရမည့် မျိုးဆက်သစ်လူငယ်များအပါအဝင် တစ်နိုင်ငံလုံး၏ လူ့စွမ်းအား အရင်းအမြစ် ဖွံ့ဖြိုးတိုးတက်ရေးသည်။ အခြေခံကျသည့် လိုအပ်ချက်ဖြစ်ပါကြောင်း၊ နိုင်ငံတော်အစိုးရနှင့် ပညာရေးကဏ္ဍကို နိုင်ငံတကာအဆင့်မီ တိုးတက်မြှင့်မားလာအောင် လက်တွေ့ကျသော ပညာရေး ပြုပြင်ပြောင်းလဲမှုများ ဆောင်ရွက်ရာတွင် နိုင်ငံတော် သမ္မတကြီး၏ လမ်းညွှန်ချက်(၁၉)ချက်ကို ရှေ့ဆက်လက်ဆောင်ရွက်ရမည့် လမ်းညွှန်ချက်ဖြင့်ထားရှိဆောင်ရွက် လျှက်ရှိပါကြောင်း၊ ဂုဏ်ထူးရှင် ကျောင်းသာ/သူများသည် အနာဂတ်နိုင်ငံတော်၏ မျိုးဆက်သစ် လူ့စွမ်းအားအရင်းအမြစ်များ နှင့် အညီ အနာဂတ်နိုင်ငံတော်အတွက် အားထားရသူများဖြစ်ပါကြောင်း၊ နိုင်ငံတော်ကို ချစ်မြတ်နိုးသူများ၊ အားကိုးထိုက်သူ များဖြစ်အောင် ဆက်လက်ကြိုးစားသွားကြရန် မှာကြားလိုပါကြောင်း၊ ရှမ်းပြည်နယ်တွင် ၂၀၁၄ခုနှစ်၊ တက္ကသိုလ်ဝင် စာမေးပွဲကို ဝင်ရောက်ဖြေဆိုသူ (၃၅၈၁၉)ဦးအနက် အောင်မြင်သူ(၉၉၁၈)ဦး ရှိလာပြီး၊ ရှမ်းပြည်နယ်၏ အောင်ချက်ရာခိုင်နှုန်း (၂၇.၆၉)ရာခိုင်နှုန်းရှိပါကြောင်း၊ အောင်မြင်သူများထဲ တွင် (၆)ဘာသာဂုဏ်ထူး (၁၃)ဦး၊ (၅)ဘာသာဂုဏ်ထူး (၄၁)ဦး၊ (၄)ဘာသာဂုဏ်ထူး (၅၂)ဦး၊ (၃)ဘာသာဂုဏ်ထူး(၉၉)ဦး၊ (၂)ဘာသာဂုဏ်ထူး(၂၄၇)ဦး၊ (၁)ဘာသာဂုဏ်ထူး (၁၀၈၇)ဦး၊ စုစုပေါင်း(၁၅၃၉)ဦး ပေါ်ထွန်းခဲ့၍ ကျေနပ်အားရအမိပါကြောင်း၊ ရှမ်းပြည်နယ်တစ်ခုလုံးတွင် အောင်ချက် (၃၆.၂၈)ရာခိုင်နှုန်းနှင့် လဲချားမြို့နယ်သည် အောင်ချက်အကောင်းဆုံးမြို့နယ်ဆုရရှိပြီး၊ လာရှိုးမြို့နယ်သည် (၃၆.၂၃)ရာခိုင်နှုန်း၊ ကျောက်မဲမြို့နယ် (၃၅.၆၅)ရာခိုင်နှုန်းရရှိသည်ကို တွေ့ရှိရပါကြောင်း၊ ကျောင်းအဆင့်တွင် အ.ထ.က(၄) တောင်ကြီးမြို့သည် (၇၃.၁၉)ရာခိုင်နှုန်းဖြင့် ပထမ၊ အ.ထ.က(၆) တောင်ကြီးမြို့(၅၉.၈၉)ရာခိုင်နှုန်းဖြင့် ဒုတိယ၊ အ.ထ.က(၁) တောင်ကြီး(၅၈.၂၃)ရာခိုင်နှုန်းဖြင့်၊ တတိယအသီးသီးရရှိသည်ကို တွေ့ရှိရပါကြောင်း၊ အောင်ချက်အကောင်းဆုံး မြို့နယ်ဆုနှင့် အောင်ချက်အကောင်းဆုံးကျောင်းအဆင့်များ ရရှိမှုများကို ဂုဏ်ပြုပါကြောင်း၊ လာမည့်ပညာသင်နှစ် တွင် အောင်ချက်ပိုးမို ကောင်းမွန်ရေး၊ ဂုဏ်ထူးရဦးရေ ပိုမိုတိုးတက်ရေးတို့ကို တာဝန်ရှိသူအဆင့်ဆင့်မှ ကြပ်မှတ်ဆောင်ရွက်သွားဖို့ကိုလည်း တိုက်တွန်း ပြောကြားသွားကြောင်းသိရသည်။

   ဆက်လက်၍ ဆုရမြို့နယ်၊ ကျောင်းနှင့်ကျောင်းသား/ သူများအား ဆုချီမြှင့်ရာ ၂၀၁၄ခုနှစ်၊ တက္ကသိုလ်ဝင်စာမေးပွဲ အောင်ချက်အကောင်းဆုံးမြို့နယ်ဆု၊ အောင်ချက်အကောင်းဆုံးကျောင်းဆု၊ (၆)သာဂုဏ်ထူးရှင်ဆုရကျောင်းသား/ သူ များကို ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်တို့က ဆုများကို အသီးသီးချီးမြှင့်ပေးအပ်ကြသည်။

   ထို့နောက် (၅)ဘာသာဂုဏ်ထူးရှင်ဆုရ ကျောင်းသား/ သူများကို ပြည်နယ်လွှတ်တော်ဥက္ကဌ၊ ပြည်နယ်တရားလွှတ်တော် တရားသူကြီးချုပ်တို့က ဆုချီးမြှင့်ပေး၍လည်းကောင်း၊ (၄)ဘာသာဂုဏ်ထူး ရှင်ဆုရ ကျောင်းသား/ သူများ၊ (၃)ဘာသာ၊ (၂)ဘာသာ၊ (၁)ဘာသာဂုဏ်ထူးရှင်ဆုရ ကျောင်းသား/ သူများ ကို ပြည်နယ်ဝန်ကြီးများက ဆုချီးမြှင့်၍လည်းကောင်း (၆)ဘာသာဂုဏ်ထူးထွက်ရှိအောင် စွမ်းဆောင် နိုင်သော ကျောင်းအုပ်ကြီးများနှင့် ဆရာ/ ဆရာမများအား ပြည်နယ်ဥပဒေချုပ်မှ ဆုများချီးမြှင့်ပေး၍ လည်းကောင်း၊ ထူးချွန်စွာသင်ကြားပို့ချပေးသည့် ဆရာ/ ဆရာမများနှင့် ကိုယ်ပိုင်ကျောင်းမှ ဆရာ/ ဆရာမ များအား၊ ပြည်နယ်စာရင်းစစ်ချုပ်နှင့် ဗမာတိုင်းရင်းသားရေးရာ ဝန်ကြီးတို့ကဆုများအသီးသီး ချီးမြှင့်ပေးအပ်ကြပြီး၊ အလှူရှင်များက အလှူငွေများပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က လက်ခံရယူပြီး ဂုဏ်ပြုမှတ်တမ်းလွှာများကိုပြန်လည် ပေးအပ်ခဲ့သည်။

   ၎င်းနောက် ၂၀၁၄ခုနှစ်၊ တက္ကသိုလ်စာမေးပွဲတွင် ဂုဏ်ထူးရရှိသော ကျောင်းသား/ သူများကိုယ်စား ဘက်စုံထူးချွန်နှစ်ထပ်ကွမ်၊ (၆)ဘာသာဂုဏ်ထူးရှင်ဆုရ၊ အ.ထ.က(၄)ကျောင်းမှ မောင်ကောင်းထက်အောင်ကျော်က ကျေးဇူးတင်စကားပြန်လည်ပြောကြားကာ၊ ရှမ်းပြည်နယ်အစိုးရအဖွဲ့မှ ဂုဏ်ပြု ချီးမြှင့်ငွေစုစုပေါင်းကျပ် (၄၆၆.၅)သိန်း၊ ကုမ္ပဏီနှင့် အလှူရှင်များမှ ဂုဏ်ပြုချီးမြှင့်ငွေ စုစုပေါင်းကျပ်(၅၂၁)သိန်း၊ (၅)သောင်း ဖြစ်ကြောင်း သိရှိရပြီး၊ အခမ်းအနားကို အောင်မြင်စွာရုပ်သိမ်း လိုက်ကြောင်း သိရှိရသည်။

                                                                                  မောင်မောင်သန်း(တောင်ကြီး)

 

ရေစီးရေလာကောင်းမွန်ရေးအတွက် မင်္ဂလာလမ်း ရေမြောင်း ကျောက်ရိုးစီး

တောင်ကြီး    ဇူလိုင်   ၃၀

603

   မိုးရာသီကာလအတွင်း ရေစီးရေလာကောင်းမွန်ရေးနှင့် မြေသားနံရံများ ရေတိုက်စားမှု မရှိစေရန် တောင်ကြီးမြို့ မင်္ဂလာဦးရပ်ကွက်၊ မင်္ဂလာလမ်း ရေမြောင်းသည် အပေါ်ဖက်ရှိ ဘုရားဖြူ၊ ရေအေးကွင်းရပ်ကွက်များမှ ရေများ စုပေါင်းစီးဆင်းသည့် ရေမြောင်းဖြစ်သဖြင့် ရေလျှံမှုများ ဖြစ်ပေါ်လေ့ရှိရာ ရေစီးရေလာကောင်းမွန်စေရေးနှင့် ကားလမ်းအား ရေတိုက်စားခြင်းမရှိစေရေး အတွက် ကြိုတင်ကာကွယ်သည့်အနေဖြင့် တောင်ကြီးမြို့နယ် စည်ပင်သာယာရေး ကော်မတီမှ ရေမြောင်း ကျောက်ရိုးစီးခြင်း လုပ်ငန်း ဆောင်ရွက်ပေးလျက်ရှိကြောင်း သိရသည်။

   ထို့သို့ လုပ်ငန်းများ ဆောင်ရွက်ပေးလျက်ရှိရာ ဇူလိုင်(၂၉)ရက် နံနက်(၉)နာရီက ရှမ်းပြည်နယ် စည်ပင်သာယာရေး ကော်မတီ အတွင်းရေးမှူး၊ ရှမ်းပြည်နယ် စည်ပင်သာယာရေး ဌာနမှ ညွှန်ကြားရေးမှူး ဦးစိုင်းထွန်းထွန်း၊ ပြည်နယ် အင်ဂျင်နီယာမှူးကြီး ဦးစိုးသန်းတို့မှ ကွင်းဆင်း စစ်ဆေးရာ မြို့နယ် စည်ပင်သာယာရေး ကော်မတီ အတွင်းရေးမှူး ဦးစိုးနိုင်ဦးနှင့် လုပ်ငန်းခွင် အင်ဂျင်နီယာ ဦးကျော်သူရဆွေတို့မှ ရှင်းလင်းတင်ပြကြကြောင်းသိရှိရသည်။

                                                                                                                                                                             မောင်မောင်သန်း(တောင်ကြီး)

 

နိုင်ငံတော်၏ပြုပြင်ပြောင်းလဲမှုတတိယအဆင့် အရှိန်မြင့်တင်မှုပြုလုပ်ငန်းစဉ်များ ပြည်နယ်/ ခရိုင်၊ မြို့နယ် အုပ်ချုပ်ရေးမှူးများနှင့် တွေ့ဆုံ

တောင်ကြီး   ဇူလိုင် - ၂၆

597

   နိုင်ငံတော်၏ ပြုပြင်ပြောင်းလဲမှုတတိယအဆင့်အရှိန်မြှင့်တင်မှု (Third Wave) လုပ်ငန်းစဉ်များ အား ရှင်းလင်း ဆွေးနွေးပွဲကို ဇူလိုင်(၂၆)ရက် နံနက်(၈)နာရီခွဲက ရှမ်းပြည်နယ် အထွေထွေအုပ်ချုပ်ရေး ဦးစီးဌာန အစည်းဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ကိုယ်ပိုင်အုပ်ချုပ်ခွင့်ရ ဒေသရှိ ဒုတိယညွှန်ကြားရေးမှူးများ၊ ရှမ်းတောင်၊ ရှမ်းမြောက်၊ ရှမ်းရှေ့ရှိ ခရိုင်အုပ်ချုပ်ရေးမှူးများ၊ အထွေထွေအုပ်ချုပ်ရေးဦးစီးဌာန အငြိမ်းစားအရာရှိကြီးများ တက်ရောက်ကြသည်။

  ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် ၂၀၀၈ခုနှစ်၊ ဖွဲ့စည်းပုံအခြေခံနှင့်အညီ ရွေးချယ်တင်မြှောက်သောနိုင်ငံတော်အစိုးရသည် ဒီမိုကရေစီနိုင်ငံတော် တည်ဆောက်နိုင်ရေးကြိုးပမ်းရာ၌ ပြုပြင်ပြောင်လဲမှုများအား အရှိန်အဟုန်မြှင့်တင် ဆောင်ရွက်လျှက်ရှိပြီး၊ အစိုးရခေတ်ဟောင်းစနစ်ဟောင်းမှ ခေတ်သစ်စနစ်သစ်ဖြစ်သော ပါတီစုံဒီမိုကရေစီစနစ်သို့ ကူးပြောင်းခြင်းကို First Wave အဖြစ်ညင်သာချောမွေ့စွာ ဆောင်ရွက်နိုင်ခဲ့ပြီး၊ ပြုပြင်ပြောင်းလဲရေး လုပ်ငန်းစဉ်(၄)ရပ် ဖြစ်သော Political reform, Economic reform, Administrative reform, Public sector reform တို့ကို Second Wave အဖြစ် အရှိန်မြှင့်တင် ဆောင်ရွက်ခဲ့ကြောင်း၊ နိုင်ငံတော်အစိုးရသည် ကျန်ရှိနေသော ကာလအတွင်း ဒီမိုကရေစီနိုင်ငံသစ် ထူထောင်ရေးတွင် ရေရှည်အတွက် အခြေခံအုပ်မြစ်ခိုင်းမာအောင် ချမှတ်ပေးရမည် အပိုင်းနှင့် ပြည်သူတို့၏ လူမှုစီးပွား ဦးစားပေးလိုအပ်ချက်များအား ချက်ချင်းဆောင်ရွက်ပေးရမည့် အပိုင်းတို့အား Third Wave အဖြစ် ထိထိရောက်ရောက်အကောင်ထည်ဖော်ဆောင်ရွက်လျှက်ရှိပါကြောင်း၊ ပြည်သူများ၏ လူမှုစီးပွားလိုအပ်ချက်ကို ဖြည့်ဆည်းနိုင်ရန် ဦးစားပေးလုပ်ငန်းစဉ်(၇)ရပ် ချမှတ်အကောင်ထည်ဖော် ဆောင်ရွက်ခဲ့ရာ၊ လျှပ်စစ်မီး၊ သောက်သုံးရေရရှိရေးတို့ကို အထိုက်အလျှောက် တိုးတက်ဖြည့်ဆည်း ပေးနိုင်ခဲ့သော်လည်း ဆက်လက်ဖြည့်ဆည်းဆောင်ရွက်ရန် ကျန်ရှိသည့် မြို့ရွာများကို ဦးစားပေးအစီအစဉ်၌ ဖြည့်ဆည်း ပေးနိုင်ရေအတွက် ပြည်နယ်အစိုးရမှ အကောင်အထည်ဖော် ဆောင်ရွက်ရာတွင် အထောက်အကူပြုအဖွဲ့မှ တာဝန်ယူဆောင်ရွက်သွားကြရန် လိုကြောင်းပြောကြားသွားသည်။

   ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများသည် တောင်ကြီးမြို့၊ မြို့တော်ခန်းမ၌ ကျင်းပသော ၂၀၁၃ - ၂၀၁၄ ပညာသင်နှစ် တက္ကသိုလ်ဝင်စာမေးပွဲ ပညာရည်ချွန်ဆု ချီးမြှင့်ပွဲအခမ်းအနားသို့ တက်ရောက်သည်။

 

                                                                                   မောင်မောင်သန်း(တောင်ကြီး)

ဒေသန္တရ အုပ်ချုပ်ရေးလေ့လာမှုလုပ်ငန်း အလုပ်ရုံ ဆွေးနွေးပွဲ ကျင်းပ

တောင်ကြီး   ဇူလိုင်   ၃၀

601

   ပြည်နယ် / တိုင်းဒေသကြီး အစိုးရ၊ တိုင်းဒေသကြီးနှင့် မြို့နယ် အုပ်ချုပ်ရေးမှူးအဖွဲ့များနှင့် အရပ်ဖက် လူမှုအဖွဲ့ အစည်းကိုယ်စားလှယ်များအတွက် ဒေသန္တရ အုပ်ချုပ်ရေးလေ့လာမှု လုပ်ငန်းတွင် ဆက်စပ်ပါဝင် လုပ်ကိုင်နေကြသူများအကြား သိမြင်နားလည်မှုနှင့် ညှိနှိုင်းတိုင်ပင် ဆောင်ရွက်မှု ဆိုင်ရာ အလုပ်ရုံ ဆွေးနွေးပွဲကို ဇူလိုင်(၃၀)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပပြုလုပ်ရာ ရှမ်းပြည်နယ် အစိုးရအဖွဲ့ ပြည်နယ် ဥပဒေချုပ် ဦးမောင်မောင်က အဖွဲ့အမှာစကားပြောကြားကြောင်း သိရသည်။

   ဆက်လက်၍ Programme Specialist Local Govemance, UNDP myanmar ဦးအေးလွင်က မြန်မာနိုင်ငံတွင် UNDP မှ ဆောင်ရွက်နေသော ဒေသန္တရအုပ်ချုပ်ရေး လုပ်ငန်း အကြောင်းနှင့် ဆွေးနွေးပွဲ၏ ရည်ရွယ်ချက်၊ မျှော်မှန်းချက်ရလာဒ်များ၊ ဒေသန္တရအုပ်ချုပ်ရေး လုပ်ငန်းနယ်ပယ်တွင် UNDP၏ ကူညီပံပိုးမှု လုပ်ငန်းများအကြောင်းကို ရှင်းလင်းပြောကြားပြီး Programme Specialist Local Govemance, UNDP myanmar မှ  Ms; Anki Dellnas က ဒေသန္တရအုပ်ချုပ်ရေးအခြေခံသဘောတရားနှင့် အဖွဲ့အစည်း ဆိုင်ရာများ၊ ဝန်ဆောင်မှုပေးခြင်း လုပ်ငန်းများ၊ ဆက်သွယ်မှုနှင့် ကောင်းမွန်သော အုပ်ချုပ်ရေးလုပ်ငန်း၊ လက်ရှိမြန်မာနိုင်ငံ အခြေအနေတွင် အရေးပါမှုဆိုင်ရာများနှင့် သဘောပေါက်နားလည်လာစေရန် ရည်ရွယ်ချက်တို့ကို ရှင်းလင်းပြောကြားပြီး တက်ရောက်လာကြသူများမှ သိလိုသည်များကို ပြန်လည်မေးမြန်းကြရာ Programme Specialist Local Govemance, UNDP myanmar ဦးအေးလွင် နှင့် တာဝန်ရှိသူများက ကဏ္ဍအလိုက်ပြန်လည်ဆွေးနွေးပြောကြားကြောင်းသိရသည်။

   အခမ်းအနားသို့ ရှမ်းပြည်နယ် အစိုးရအဖွဲ့ ပြည်နယ် စီမံကိန်းနှင့်စီးပွားရေး ဝန်ကြီး၊ ပြည်နယ် လမ်းပန်း ဆက်သွယ်ရေး ဝန်ကြီး ၊ ပြည်နယ်ဥပဒေချုပ်၊ ပြည်နယ် လွှတ်တော် ကိုယ်စားလှယ်များ၊ ပြည်နယ် အထွေထွေအုပ်ချုပ်ရေး ဦးစီးဌာနနှင့် ခရိုင် / မြို့နယ် အဆင့်ဌာန ဆိုင်ရာများ၊ ဖွံ့ဖြိုးတိုးတက်ရေး အထောက်အကူပြု ကော်မတီဝင်များ၊ လူမှုရေးအသင်းအဖွဲ့များ၊ တာဝန်ရှိသူများ တက်ရောက်ကြောင်း သိရှိသည်။

                                                                                                                                                                        မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့နှင့် မင်းခေတ်သစ် သတ္တုတူးဖော်ရေးကုမ္ပဏီလီမိတက်တို့အကြား နားလည်မှုစာချွန်လွှာ (M.O.U) ရေးထိုးခြင်းကျင်းပ

တောင်ကြီး   ဇူလှိုင် - ၂၅

596

   တာချီလိတ်မြို့နယ် မိုင်းဟယ်ကျေးရွာအုပ်စု၊ မိုင်းဟယ်ကျေးရွာ ကျောက်လှိုင်ဂူအနီးတွင် (၁၀)မဂ္ဂါဝပ် ကျောက်မီးသွေးသုံး လျှပ်စစ်ဓါတ်အားပေးစက်ရုံး(၂)လုံးကို (B.O.O) Build, Operate, Own စနစ်ဖြင့် တည်ဆောက်မည့် စီမံကိန်းအတွက် ရှမ်းပြည်နယ်အစိုးရအဖွဲ့နှင့် မင်းခေတ်သစ် သတ္တုတူးဖော်ရေး ကုမ္ပဏီလီမိတက်တို့အကြား ချုပ်ဆိုသည့်နားလည်မှုစာချွန်လွှာ (M.O.U) ရေးထိုးခြင်း အခမ်းအနားကို ဇူလှိုင်(၂၅)ရက် နံနက်(၁၀)နာရီက ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့အတွင်းရေးမှူးနှင့် တာဝန်ရှိသူများ မင်းခေတ်သစ် သတ္တုတူးဖော်ရေးကုမ္ပဏီလီမိတက်မှ တာဝန်ရှိသူများ တက်ရောက်ကြသည်။ 

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကား ပြောကြား ရာတွင် သဘာဝပတ်ဝန်းကျင်ထိခိုက်မှုမရှိစေရန်၊ ကျန်းမာရေး ထိခိုက်မှု မရှိစေရန်နှင့် ကျန်းမာရေးဆိုင်ရာကိစ္စရပ်များကို ကြိုတင်ကာကွယ်ထားရှိပြီး ကျောက်မီးသွေးလျှပ်စစ်ဓါတ်အားသုံး စက်ရုံးအနေဖြင့် သဘာဝတွင်းထွက်ပစ္စည်းနှင့် သုံးစွဲရသည့် အတွက် အန္တရာယ်မဖြစ်စေရန် အထူး ဂရုစိုက်ရန်လိုကြောင်းပြောကြားသွားသည်။

   ဆက်လက်၍ မင်းခေတ်သစ်သတ္တုတူးဖော်ရေးကုမ္ပဏီလီမိတက်၏ အင်ဂျင်နီယာ ဦးလှသွင်မှ ကျောက်မီးသွေးစက်ရုံး တည်ဆောက်ခြင်းနှင့် ပတ်သတ်သည့်လုပ်ငန်းကိစ္စရပ်များကို Powerpoint ဖြင့် ရှင်းလင်းတင်ပြပြီး၊ ဦးအေးချိုမှ ကုမ္ပဏီ အဖွဲ့ဝင်ပညာရှင်များနှင့် မိတ်ဆက်ပေးသည်။ 

   ထို့နောက် ရှမ်းပြည်နယ်ဥပဒေချုပ် ဦးမောင်မောင်မှ နားလည်မှုစာချွန်လွှာ (M.O.U)နှင့် စပ်လျဉ်း၍ ရှင်းလင်း တင်ပြကာ၊ ရှမ်းပြည်နယ်အစိုးရအဖွဲ့နှင့် မင်းခေတ်သစ်သတ္တုတူးဖော်ရေးကုမ္ပဏီလီမိတက်တို့မှ နားလည်မှုစာချွန်လွှာ (M.O.U)လက်မှတ်များ ရေးထိုးကြပြီး၊ အပြန်အလှန်လှယ်ကြကာ၊ မင်းခေတ်သစ် သတ္တုတူးဖော်ရေးကုမ္ပဏီလိမီတက် ဦးစိုင်းဝင်းပန်မှ ကျေးဇူးတင်စကား ပြန်လည် ပြောကြားပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်အမှားစကား ပြောကြားကာ အခမ်းအနားကို ရုပ်သိမ်းလိုက်ကြောင်း သိရှိရသည်။

                                                                                                                                                                   မောင်မောင်သန်း(တောင်ကြီး)

 

ရှမ်းပြည်နယ် စည်ပင်သာယာရေးကော်မတီ လုပ်ငန်းညှိနှိုင်းအစည်းအဝေး အမှတ်စဉ်(၁၃/၂၀၁၄) ကျင်းပ

တောင်ကြီး   ဇူလှိုင် - ၂၈

600

   ရှမ်းပြည်နယ် စည်ပင်သာယာရေးကော်မတီ လုပ်ငန်းညှိနှိုင်းအစည်းအဝေး အမှတ်စဉ် (၁၃/၂၀၁၄) အခမ်းအနားကို ဇူလှိုင်(၂၈) နံနက်(၁၀)နာရီက တောင်ကြီးမြို့၊ ရှမ်းပြည်နယ် စည်ပင်သာယာရေးဌာန ရုံးအစည်းအဝေးခန်းမ၌ ကျင်းပပြုလုပ်ရာ ပြည်နယ်စည်ပင် သာယာရေးကော်မတီ ဥက္ကဌ၊ ရှမ်းပြည်နယ် စည်ပင်သာယာရေးဝန်ကြီး ဦးစိုင်းလှဝင်းက အဖွင့်အမှာစကားပြောကြားရာတွင် ရှမ်းပြည်နယ်(တောင်ပိုင်း)၊ (မြောက်ပိုင်း)၊ (အရှေ့ပိုင်း)ရှိ စည်ပင်သာယာရေး ကော်မတီများမှ လုပ်ငန်းအားနည်းချက် အားသာချက် များကိုတင်ပြရန်၊ လုပ်ငန်းများ ကိုစွမ်းစွမ်းတမံ ကြိုးစားပြီး၊ စည်ပင်သာယာရေးကိုယ်စားဆောင်ရွက်ပေးရန်၊ ပြည်နယ် အစည်းအဝေးခန်းမဆောင်များ ပြုလုပ်ရာတွင် လိုအပ်သည့် မြို့နယ်များကိုလည်းတင်ပြရန်၊ လိုအပ်ချက်များအပေါ်တင်ပြလာပါက ပြည်နယ်စည်ပင် သာယာရေး ဝန်ကြီးမှ အစိုးရအဖွဲ့သို့ ဆက်လက် တင်ပြပေးမည်ဖြစ်ကြောင်း၊ ရရှိသည့် ရန်ပုံငွေများဖြင့် ဘောင်အတွင်းဦးစားပေး ဆောင်ရွက်ရန်၊ လိုအပ်ချက်များကို အဓိကထား ဆောင်ရွက်ရန် မိမိတွေ့ရှိချက်များ အရေးကြီးသည့် ကိစ္စရပ်များကို သက်ဆိုင်ရာမှ တဆင့်တင်ပြ ပေးကြရန်ပြောကြားသွားသည်။

   ဆက်လက်၍ ရှမ်းပြည်နယ်စည်ပင်သာယာရေးကော်မတီအတွင်းရေးမှူး၊ ရှမ်းပြည်နယ်စည်ပင် သာယာရေးဌာန ညွှန်ကြားရေးမှူး ဦးစိုင်းထွန်းထွန်းမှ လုပ်ငန်းဆိုင်းရာအချက်အလက်များရှင်းလင်း တင်ပြခြင်း၊ ရှမ်းပြည်နယ် စည်ပင်သာရေးကော်မတီရုံးခွဲ(လားရှိုး)နယ်မြေမှ ဒုတိယဥက္ကဌနှင့် တွဲဖက် အတွင်းရေးမှူးတို့မှ ဆွေးနွေးတင်ပြခြင်း တက်ရောက်လာသည့် ပြည်နယ်စည်ပင်သာယာရေး ကော်မတီများ၊ မြို့နယ်စည်ပင်သာယာရေးကော်မတီများက ဆွေးနွေးတင်ပြကြပြီး၊ ရှမ်းပြည်နယ် စည်ပင်သာယာရေး ကော်မတီဥက္ကဌ၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ နိဂုံးချုပ် အမှာစကားပြောကြားကာ အခမ်းအနားကို ရုပ်သိမ်းလိုက်သည်။

   လုပ်ငန်းညှိနှိုင်းအစည်းအဝေးသို့ ရှမ်းပြည်နယ်စည်ပင်သာယာရေးကော်မတီဥက္ကဌ၊ ပြည်နယ် စည်ပင်သာယာ ရေးဝန်ကြီး၊ ပြည်နယ်စည်ပင်သာယာရေးကော်မတီအတွင်းရေးမှူး၊ ပြည်နယ်စည်ပင် သာယာရေးကော်မတီရုံးခွဲ လားရှိုး၊ ကျိုင်းတုံးမှ ဒုတိယဥက္ကဌနှင့် တွဲဖက်အတွင်းရေးမှူးများ၊ ပြည်နယ်/ မြို့နယ်စည်ပင်သာယာရေး ကော်မတီဝင်များ၊ စည်ပင်သာယာရေးဌာနမှ တာဝန်ရှိသူများ တက်ရောက် ကြကြောင်းသိရှိရသည်။

                                                                                          မောင်မောင်သန်း(တောင်ကြီး)

 

ရှမ်းပြည်နယ်(အရှေ့ပိုင်း)ကျိုင်းတုံမြို့တွင် နိုင်ငံတော်ပြုပြင်ပြောင်းလဲမှုများ တတိယအဆင့် အရှိန်မြှင့်တင်မှု (Third Wave) လုပ်ငန်းစဉ်များ ဆွေးနွေးပွဲအခမ်းအနား ကျင်းပ

ကျိုင်းတုံ   ဇူလိုင်   ၂၃

595

   ရှမ်းပြည်နယ်(အရှေ့ပိုင်း)၊ ကျိုင်းတုံမြို့ မြို့တော်ခန်းမ၌ ဇူလိုင်(၂၃)ရက် နံနက်(၉)နာရီတွင် နိုင်ငံတော် ပြုပြင်ပြောင်းလဲမှုများ တတိယအဆင့် အရှိန်မြှင့်တင်မှု (Third Wave) လုပ်ငန်းစဉ်များ ဆွေးနွေးပွဲ အခမ်းအနားကျင်းပရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် နှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ၊ နိုင်ငံရေးပါတီများ၊ မြို့နယ်စီမံခန့်ခွဲမှု ကော်မတီ၊  မြို့နယ် စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်မှု အထောက်အကူပြု ကော်မတီဝင်များ၊ မြို့မိမြို့ဖများ၊ (NGO)အဖွဲ့အစည်းများနှင့် ဖိတ်ကြားထားသူများ တက်ရောက် ကြသည်။ 

   အခမ်းအနားတွင် ပြည်နယ်ဝန်ကြီးချုပ်က" အစိုးရအဖွဲ့အနေနဲ့ ကျန်ရှိတဲ့ကာလအတွင်း ဒီမိုကရေစီနိုင်ငံတော်သစ် ထူထောင်ရေးမှာ အခြေခံအုတ်မြစ်ခိုင်မာအောင် ဆောင်ရွက်ပေးရမည့် တာဝန်နဲ့ ပြည်သူတို့ရဲ့ လူမှုစီးပွားရေးကို ဦးစားပေးကာ လိုအပ်ချက်တွေကို ဖြည့်ဆည်းပေးရမဲ့ တာဝန်တို့ကို ထိထိရောက်ရောက်ကြိုးပမ်းဆောင်ရွက်ကြရန်နှင့် အခမ်းအနားသို့တက်ရောက်လာ ကြသည့် ဖွဲ့စည်းပြီးကော်မတီများနှင့် ရပ်မိရပ်ဖများအနေဖြင့် မိမိတို့ ဒေသဖွံ့ဖြိုးတိုးတက်ရေး အတွက် လိုအပ်ချက်များကို တင်ပြပေးရန်နှင့် တင်ပြချက်များအပေါ် ဆောင်ရွက်ပေးနိုင်သည့် လုပ်ငန်းများကို ဆောင်ရွက်ပေးပြီး ပြည်ထောင်စုအစိုးရအဖွဲ့သို့ တင်ပြဆောင်ရွက်ရမည့် အချက်များကို တင်ပြ ညှိနှိုင်းဆောင်ရွက် ပေးသွားမည်"ဟု ရှင်းလင်းဆွေးနွေးကာ အဖွင့်အမှာစကားပြောကြား သည်။ 

   ယင်းနောက် ရှမ်းပြည်နယ်အစိုးရအဖွဲ့ အတွင်းရေးမှူး ဦးမြင့်အောင်က ပြည်နယ်အတွင်းရှိ ကဏ္ဍအသီးသီးတို့၏ တိုးတက်မှုများနှင့် လက်ရှိအခြေအနေများကို ရှင်းလင်းတင်ပြပြီး ကျိုင်းတုံ၊ တာချီလိတ်၊ မိုင်းဆက် ခရိုင်အုပ်ချုပ်ရေးမှူးများက ဒေသတွင်းဆောင်ရွက်နိုင်သည့်လုပ်ငန်းများကို ရှင်းလင်း တင်ပြကြသည်။ 

   ဆက်လက်ပြီး မြို့နယ်(၉)မြို့နယ်မှ မြို့နယ် ဖွံ့ဖြိုးတိုးတက်ရေး အထောက်အကူပြု ကော်မတီ နှင့် စည်ပင်သာယာရေးကော်မီဝင်တို့က ဒေသတွင်းလိုအပ်သော လုပ်ငန်းများကို ဆောင်ရွက်ပေးနိုင်ရန် ရှင်းလင်းတင်ပြကြပြီး ပြည်နယ်ဝန်ကြီးများက ပြန်လည်ဆွေးနွေးကြသည်။

   ထို့နောက် ပြည်နယ် အစိုးရအဖွဲ့က မြို့နယ်(၉)မြို့နယ်အတွက် ဒေသဖွံ့ဖြိုးရေး ရန်ပုံငွေကျပ် သိန်း(၄၀၀)စီဖြင့် စုစုပေါင်းငွေကျပ် သိန်း(၃၆၀၀)ကိုလည်းကောင်း၊ ကျောင်းသုံးဗလာစာအုပ် ဒါဇင်(၃၀၀)စီဖြင့် ဒါဇင်ပေါင်း (၂၇၀၀)ကိုလည်းကောင်း ပေးအပ်လှူဒါန်းရာ တာဝန်ရှိသူ အသီးသီးတို့က လက်ခံရယူကြပြီး ပြည်နယ်ဝန်ကြီးချုပ်က နိဂုံးချုပ်အမှာစကား ပြောကြားခဲ့ ကြောင်း သိရှိရသည်။

ပြည်နယ်(ပြန်/ဆက်)

ပေးပို့သူ-ဒေါ်မြင့်မြင့်ခိုင်၊ လက်/ညွှန်၊ ပြန်/ဆက်၊ ရှမ်းပြည်နယ်၊ တွဲဖက်ပြည်နယ်၊ ကျိုင်းတုံမြို့

ဓာတ်ပုံ- ဦးလော်ကူး၊ ဓာတ်ပုံ-၂၊ ခရိုင် ပြန်/ဆက်၊ ကျိုင်းတုံမြို့

 

More Articles...

  1. ရှမ်းပြည်နယ်ဝန်ကြီးချုပ် ဦးစဝ်‌အောင်မြတ် တာချီလိတ်မြို့ဖွံ့ဖြိုးတိုးတက်‌ရေးလုပ်ငန်းများကြည့်ရှု
  2. (၂၀၁၃-၂၀၁၄) ခု ဘဏ္ဍာရေးနှစ်အတွင်း အကောင်အထည်ဖော်ဆောင်ရွက်ခဲ့သည့် လုပ်ငန်းများအား၊ ပြည်နယ် စည်ပင်သာယာရေး ဝန်ကြီး ကွင်းဆင်းကြည့်ရှုစစ်ဆေး
  3. ရှမ်းပြည်နယ်ဝန်ကြီးချုပ်၏ဟိုပန်မြို့နယ်ခရီစဉ်သတင်း
  4. ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၌ မိုးရာသီ သစ်ပင်စိုက်ပျိုးပွဲတော် ကျင်းပ
  5. တောင်ကြီးမြို့နယ်အထွေထွေအုပ်ချုပ်ရေးဌာန၏ ရုံးအမိန့်အစာအားပြန်လည်ပယ်ဖျက်ပေးရန် တောင်နီကျေးရွာမှ ဒေသခံပြည်သူများ ဆန္ဒပြတောင်းဆို
  6. ဇူလှိုင်(၁၉)ရက်နေ့ အာဇာနည်နေ့ရှမ်းပြည်နယ်အစိုးရအဖွဲ့မှ သံဃာတော်(၉)ပါးအား ဆွမ်းဆက်ကပ်
  7. ရှမ်းပြည်နယ်ဝန်ကြီးချုပ်၊ SHWELI(2)HYDROPOWER PROJECT SOCIALIZATION PRESENTATION အဖွဲ့နှင့် တွေ့ဆုံ
  8. ရှမ်းပြည်နယ် ဝန်ကြီးချုပ်၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့၌ မြို့တော်ခန်းမ ဆောက်လုပ်မည့် မြေနေရာ ကြည့်ရှု၍ နယ်စပ်ဒေသတိုင်းရင်းသား လူငယ်များ ဖွံ့ဖြိုးရေး သင်တန်းကျောင်းတွင် သစ်ပင်စိုက်ပျိုးပေး
  9. ရှမ်းပြည်နယ်အစိုးရအဖွဲ့ ဖလားခရိုင်ပေါင်းစုံအသက်(၂၀)နှစ်အောက် အမျိုးသားဘောလုံးပြိုင်ပွဲဆုချီးမြှင့်ပွဲကျင်းပ
  10. အင်းလေးဒေသဟိုတယ်ဇုန်ဖွံ့ဖြိုးတိုးတက်ရေး ဦးစီးကောမတီအစည်းအဝေးကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

koe-kantရှမ်းပြည်နယ်(မြောက်ပိုင်း) ကွမ်းလုံ၊ ကုန်းကြမ်း၊ လောက်ကိုင်နှင့် ဟိုပန်မြို့နယ်များတွင် အများဆုံး နေထိုင်ကြသည်။

We have 86 guests and no members online

Latest Updates