သတင်းများ

ဇူလှိုင်(၁၉)ရက်နေ့ အာဇာနည်နေ့ရှမ်းပြည်နယ်အစိုးရအဖွဲ့မှ သံဃာတော်(၉)ပါးအား ဆွမ်းဆက်ကပ်

 

590

 

တောင်ကြီး   ဇူလှိုင် - ၁၉

ရှမ်းပြည်နယ်အစိုးရအဖွဲ့မှ ကျဆုံးလေပြီးသော အာဇာနည်ခေါင်းဆောင်ကြီး ဗိုလ်ချုပ်အောင်ဆန်းနှင့် တကွအာဇာနည်သူရဲကောင်းများကို ရည်စူး၍ ဇူလှိုင်(၁၉)ရက် နံနက်(၁၀)နာရီခွဲက တောင်ကြီးမြို့၊ အတုလမာရဇိန် မြို့လယ်ဓမ္မာရုံ၌ သံဃာ(၉)ပါးအား ဆွမ်းဆက်ကပ်လှူဒါန်းကြကြောင်းသိရသည်။

ပထမဦးစွာ အခမ်းအနားကို နမောတဿ(၃)ကြိမ် ဘုရားကန်တော့၍ဖွင့်လှစ်ပြီး၊ နိုင်ငံတော် သြဝါဒစရိယ (အဂ္ဂမဟာပဏ္ဍိတ၊ မဟာကမ္မဌာနစရိယ) စွန်းလွန်းဂူကမ္မဌာန်း ကျောင်းတိုက် ဆရာတော်ဘဒ္ဒန္တအဂဓမ္မာဘိဝံသထံမှ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်လွှတ်တော် ဒုတိယဥက္ကဌ၊ ပြည်နယ် ဝန်ကြီးများနှင့် ဧည့်ပရိသတ်တို့က ငါးပါးသီလဆောက်တည်ကာ၊ ဆရာတော်သံဃာတော် အရှင်သူမြတ်တို့က မေတ္တာသုတ် ပရိတ်တရားတော်မြတ်ကို ရွတ်ပွား သရဇ္စျယ်ချီးမြှင့်တော်မူ ပေးကြသည်။

ဆက်လက်၍ ပြည်နယ်လွှတ်တော်ဥက္ကဌ၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်လွှတ်တော် ဒုတိယဥက္ကဌ၊ ပြည်နယ် ဝန်ကြီးများနှင့် တာဝန်ရှိသူတို့က ဆရာတော် သံဃာတော်များအား လှူဖွယ်ဝတ္ထု ပစ္စည်းများ ဆက်ကပ်လှူဒါန်း ပေးကြပြီး၊ နိုင်ငံတော်သြဝါဒစရိယ (အဂ္ဂမဟာပဏ္ဍိတ၊ မဟာကမ္မဌာနစရိယ) စွန်းလွန်းဂူကမ္မဌာန်း ကျောင်းတိုက် ဆရာတော်ဘဒ္ဒန္တအဂဓမ္မာဘိဝံသက ကုသိုလ်အဖို့ဘာကကို ရေစက်သွန်းချ အမျှပေးဝေတော်မှုကာ၊ အခမ်းအနားကို ဗုဒ္ဓသာသနံ စိရံတိဌတု(၃)ကြိမ်ရွတ်ဆို ဆုတောင်း၍ ရုပ်သိမ်းလိုက်သည်။

ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော်တရားသူကြီးချုပ်၊ ပြည်နယ် လွှတ်တော် ဒုတိယဥက္ကဌ၊ ပြည်နယ်ဝန်ကြီး များ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ် တို့က ဆရာတော် သံဃာတော်များအား နေ့ဆွမ်းဆက်ကပ်လှူဒါန်း ပေးကြကြောင်းသိရှိရသည်။

 

မောင်မောင်သန်း(တောင်ကြီး)

ရှမ်းပြည်နယ်ဝန်ကြီးချုပ်၊ SHWELI(2)HYDROPOWER PROJECT SOCIALIZATION PRESENTATION အဖွဲ့နှင့် တွေ့ဆုံ

20140718

တောင်ကြီး   ဇူလိုင်   ၁၇

ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ ပြည်နယ် အစိုးရအဖွဲ့ အတွင်းရေးမှူးတို့နှင့်အတူ ဇူလိုင်(၁၇)ရက် ညနေ(၄)နာရီခွဲက တောင်ကြီးမြို့၊ ရှမ်းပြည်နယ် အစိုးရရုံး အစည်းအဝေးခန်းမ၌ SHWELI(2)HYDROPOWER  PROJECT SOCIALIZATION PRESENTATION အဖွဲ့နှင့် တွေ့ဆုံဆွေးနွေးကြကြောင်းသိရသည်။

ပထမဦးစွာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ယခုလို SHWELI(2)အဖွဲ့မှ လာရောက်တွေ့ဆုံမှုကို ကြိုဆိုပါကြောင်း၊ SHWELI(1)နှင့်SHWELI(2)သည် မိုင်အကွာအဝေး(၄)မိုင်ရှိသဖြင့် လျှပ်စစ်ဓာတ်အား အကောင်အထည်ဖော်မည်ဟုသိရပါကြောင်း၊ SHWELI(1)နှင့် SHWELI(2) ဆက်စပ်ပေးနိုင်မည်ဖြစ်၍ ဝမ်းသာရပါကြောင်း၊ (၅၂၀)မဂ္ဂဝပ် အောင်မြင်အောင် ဆောင်ရွက်နိုင်စေရန် ဆန္ဒပြုပါကြောင်း၊ (H.I.E)ပရောဂျက်နှင့်ပတ်သက်၍ ပေါ်ပေါက်လာပုံ၊ စီမံဆောင်ရွက်နေပုံကို ရှင်းလင်းပေးရန် ဆွေးနွေးပြောကြားသွားကြောင်းသိရသည်။

ဆက်လက်၍ ပြည်နယ် လျှပ်စစ်နှင့်စက်မှုလက်မှု ဝန်ကြီး ဦးစိုင်းထွန်းရင်က ရေအားလျှပ်စစ်ထုတ်လုပ်မှုနှင့် ပတ်သက်၍ ရေဝပ်နိုင်မည့် ဧရိယာ ဘယ်လောက်အထိ ရှိနိုင်မလဲ၊ စပါးပင်များ၊ လ္ဘက်ပင်များ၊ ရေလွှမ်းမိုး၍ ပျက်စီးနိုင်ကြောင်း ဆွေးနွေး၍လည်းကောင်း၊ ပြည်နယ် သစ်တောနှင့်သတ္တု ဝန်ကြီး ဦးစိုင်းအိုက်ပေါင်းက ရေလွှမ်းမိုးနိုင်မည့်(၂၈.၄)ဟက်ကာကို ဧကပြန်တွက်ချက်ပေးရန်နှင့် ဒေသခံအကျိုးဖြစ်သည့်အတွက် ရှမ်းပြည်နယ်အတွက် မည်မျှအကျိုးရနိုင်မလဲ၊ ပြည်ထောင်စု အစိုးရအဖွဲ့နှင့် တွေ့ဆုံဆွေးနွေးသည့်အခါ ပြည်ထောင်စု အစိုးရကို(၁၀%)ပေးသလို ရှမ်းပြည်နယ်ကိုလည်း(၁၀%)ပေးရန် ထည့်ဆွေးနွေးပေးစေလိုကြောင်း ဆွေးနွေးသွားသည်။

ထို့နောက် MR; XU Hai Yan ( Vice President of H.I.E) မှ ရေဝပ်ဧရိယာ(2.88)ကီလိုမီတာစကွဲယား ရှိပါကြောင်း၊ (2.23)ကီလိုမီတာ ကုန်းမြှင့်ပိုင်းဖြစ်ပြီး၊ စိုက်ပျိုးမြေများ(28.4)ဟက်ကာ ရေလွှမ်းမိုးနိုင်မည်ဖြစ်ကြောင်း၊ရေလွှမ်းမိုးနိုင်သည့် ဧရိယာမှာ ဧက(၇၀)ခန့်ရှိပါကြောင်း၊ဧက(၇၀)တွင် စိုက်ပျိုးမြေများသာ ပါဝင်၍ လူနေထိုင်မှု ပြောင်းရွှေ့စရာမလိုဘဲ ထိခိုက်မှုမရှိနိုင်ပါကြောင်း၊ SHWELI(1) PROJECT နှင့် SHWELI(2) PROJECT ကိုမထိခိုက်နိုင်ကြောင်း၊ ဒေသခံပြည်သူများနှင့် တွေ့ဆုံပြီး၊ ညှိနှိုင်း ဆောင်ရွက်သွားမည်ဖြစ်ကြောင်း၊ အဆင်ပြေအောင်ဆောင်ရွက်ပေးနိုင်ရန်နှင့် မိမိတို့ကုမ္ပဏီတို့နှင့် ညှိနှိုင်းဆောင်ရွက် ပေးမည်ဖြစ်ကြောင်း၊ ဓာတ်အားပေးဝေရေးနှင့် ပတ်သက်၍ အချက်(၃)ချက်လျာထားပါကြောင်း၊တရုတ်နိုင်ငံမှ မြန်မာနိုင်ငံကို (၁၀%)အခမဲ့ လျှပ်စစ်ဓာတ်အားများကို မဟာဓာတ်အားလိုင်းမှတဆင့် ပေးဝေ၍၊ မြန်မာနိုင်ငံအစိုးရအဖွဲ့မှ (၅၀%) ဝယ်ယူနိုင်ပြီး ပိုလျှံသည့် ဓာတ်အားများကို တရုတ်ပြည်ဖက်သို့လိုင်းသစ်ဆွဲ၍ ပေးပို့မည်ဖြစ်ကြောင်း၊ စီမံကိန်းနယ်မြေရှိ ဒေသခံပြည်သူများ အလုပ်အကိုင်များ စီမံထားရှိမှုရှိကြောင်း၊ လက်ရှိအနေထားတွင် SHWELI(1) ရေအားလျှပ်စစ်ဓာတ်အားကို ပတ်ဝန်းကျင်ရှိရွာများ စာသင်ကျောင်းတို့ကို ဖြန့်ဝေပေးလျက်ရှိကြောင်း၊ SHWELI(2)ရေအားလျှပ်စစ်ဓာတ်အားသည် SHWELI(1)  ထက်ခြားနားမှုရှိကြောင်း၊SHWELI(1)ထက်ပိုပြီးဆောင်ရွက်လျက်ရှိကြောင်း၊ ပထမဆုံးအကြိမ် လာရောက်ပြီး စီမံကိန်းအတွက်မိတ်ဆက်ရခြင်းဖြစ်ကြောင်း ဆွေးနွေးပြောကြားသွားသည်။

ယင်းနောက် ပြည်နယ် ဥပဒေချုပ်၊ ပြည်နယ် လမ်းပန်းဆက်သွယ်ရေးဝန်ကြီးဦးစိုင်းနော်ခမ်းတို့က SHWELI(2) ရေအားလျှပ်စစ်ထုတ်လုပ်မှုနှင့် ပတ်သက်၍ ပြန်လည်ဆွေးနွေးသွားကြကြောင်းသိရှိရသည်။

မောင်မောင်သန်း(တောင်ကြီး)

ရှမ်းပြည်နယ် ဝန်ကြီးချုပ်ဖလား တိုင်ဒေသကြီး နှင့် ပြည်နယ် အမျိုးသား/ အမျိုးသမီး ဘော်လီဘောနှင့် ဘတ်စကက်ဘောပြိုင်ပွဲ ဆုချီးမြှင့်ပွဲကျင်းပ

584

တောင်ကြီး   ဇူလိုင် -  ၁၃

၂၀၁၄ ခုနှစ် ရှမ်းပြည်နယ် ဝန်ကြီးချုပ်ဖလား၊ တိုင်ဒေသကြီး နှင့် ပြည်နယ် အမျိုးသား/အမျိုးသမီး ဘော်လီဘောနှင့် ဘတ်စကက်ဘော ပြိုင်ပွဲဆုချီးမြှင့်ပွဲ အခမ်းအနားကို ဇူလိုင်(၁၃)ရက် ညနေ(၃)နာရီက တောင်ကြီးမြို့၊ ပြည်နယ်မိုးလုံလေလုံ အားကစားရုံ၌ ကျင်းပရာ အမျိုးသားဘော်လီဘော နောက်ဆုံး ဗိုလ်လုပွဲစဉ်အဖြစ် ရန်ကုန်တိုင်းဒေသကြီးအသင်းနှင့် ရှမ်းပြည်နယ် ဘောလီဘောအသင်းတို့ ယှဉ်ပြိုင်နေမှုကို ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် လွှတ်တော် ဒုတိယဥက္ကဌ၊ ပြည်နယ် ဝန်ကြီးများနှင့် တာဝန်ရှိသူတို့က ကြည့်ရှုအားပေးကြရာ ဘော်လီဘောပြိုင်ပွဲတွင် (၁)ပွဲ(၃)ပွဲဖြင့် ရှမ်းပြည်နယ်အသင်းက အနိုင်ရဗိုလ်စွဲသွားသည်။

ဆက်လက်၍ ဆုချီးမြှင့်ပွဲကျင်းပရာ အမျိုးသမီး ဘတ်စကတ်ဘော ပြိုင်ပွဲတွင် ပူးတွဲတတိယဆုရရှိသော မန္တလေးတိုင်း ဒေသကြီးနှင့် ရှမ်းပြည်နယ်အသင်းတို့ကို တစ်ဦးချင်း ဆုတံဆိပ်နှင့် ငွေကျပ်(၂)သိန်းစီ၊ အမျိုးသမီး ဘတ်စကက်ဘော ဒုတိယဆု ရရှိသော ဧရာဝတီတိုင်းဒေသကြီးအသင်းအား တစ်ဦးချင်း ဆုတံဆိပ်နှင့် ငွေကျပ်(၆)သိန်းကို ရှမ်းပြည်နယ် ရဲတပ်ဖွဲ့ ပထမတန်း ဦးစီးမှူး ဒုတိယ ရဲမှူးကြီး လှိုင်တင့်မှ ဆုများချီးမြှင့်၍လည်းကောင်း၊ အမျိုးသမီး ဘတ်စကက်ဘောပြိုင်ပွဲ ပထမဆုရရှိသော စစ်ကိုင်းတိုင်းဒေသကြီးအသင်းအား တစ်ဦးချင်းဆုတံဆိပ်နှင့် ငွေကျပ်(၈)သိန်းကို ပြည်နယ်အားကစားနှင့် ကာယ ပညာဦးစီးဌာန ဒုတိယညွှန်ကြားရေးမှူး ဦးထန်အိတ်မှ ဆုချီးမြှင့်၍လည်းကောင်း၊ အမျိုးသား ဘတ်စကက်ဘောပြိုင်ပွဲတွင် ပူးတွဲ တတိယဆု ရရှိသော စစ်ကိုင်းတိုင်းဒေသကြီးအသင်းနှင့် ရန်ကုန်တိုင်း ဒေသကြီးအသင်းတို့အား တစ်ဦးချင်း ဆုတံဆိပ်နှင့် ငွေကျပ်(၃)သိန်းစီ၊ ဒုတိယဆုရရှိသော ကချင်ပြည်နယ် အသင်းအား တစ်ဦးချင်း ဆုတံဆိပ်နှင့် ငွေကျပ် (၈)သိန်းတို့ကို ရှမ်းပြည်နယ် အစိုးရအဖွဲ့ ဒုတိယ ညွှန်ကြားရေးမှူးချုပ် ဦးမြင့်အောင်မှ ဆုချီးမြှင့်၍လည်းကောင်း၊ အမျိုးသား ဘတ်စကက်ဘောပြိုင်ပွဲတွင် ပထမဆု ရရှိသော ရှမ်းပြည်နယ်အသင်းအား တစ်ဦးချင်း ဆုတံဆိပ်နှင့် ငွေကျပ်(၁၀)သိန်းကို  ပြည်နယ် လူမှုရေးဝန်ကြီး ဒေါက်တာမျိုးထွန်းမှ ဆုချီးမြှင့်၍လည်းကောင်း၊ အမျိုးသမီး ဘော်လီဘောပြိုင်ပွဲတွင် ပူးတွဲ တတိယဆုရရှိသော စစ်ကိုင်းတိုင်းဒေသကြီးအသင်းနှင့် တနင်္သာရီတိုင်းဒေသကြီးအသင်းတို့အား တစ်ဦးချင်း ဆုတံဆိပ်နှင့် ငွေကျပ်(၂)သိန်းစီ၊ ဒုတိယဆုရရှိသည့် မန္တလေးတိုင်း ဒေသကြီးအသင်းအား တစ်ဦးချင်း ဆုတံဆိပ်နှင့် ငွေကျပ်(၆)သိန်းတို့ကို အင်းတိုင်းရင်းသားရေးရာဝန်ကြီး ဦးဝင်းမြင့်မှ ဆုချီးမြှင့်၍ လည်းကောင်း၊ အမျိုးသမီး ဘော်လီဘောပြိုင်ပွဲတွင် ပထမဆုရရှိသော ရန်ကုန်တိုင်း ဒေသကြီးအသင်းအား တစ်ဦးချင်း ဆုတံဆိပ် နှင့် ငွေကျပ်(၈)သိန်းကို ပြည်နယ် စည်ပင်သာယာရေးဝန်ကြီး ဦးစိုင်းလှဝင်းမှ ဆုချီမြှင့်၍ လည်းကောင်း၊ အမျိုးသား ဘော်လီဘော ပြိုင်ပွဲတွင် ပူးတွဲတတိယဆုရရှိသော နေပြည်တော် ကောင်စီနယ်မြေ အသင်းနှင့် မန္တလေးတိုင်း ဒေသကြီးအသင်းအား တစ်ဦးချင်း ဆုတံဆပ်နှင့် ငွေကျပ်(၈)သိန်းကို ပြည်နယ် စီမံကိန်းနှင့် စီးပွားရေး ဝန်ကြီး ဦးအောင်ကျော်ညွန့်မှ ဆုချီးမြှင့်၍ လည်းကောင်း၊ အမျိုးသား ဘော်လီဘော် ပြိုင်ပွဲတွင် ပထမဆုရရှိသော ရှမ်းပြည်နယ် အသင်းအား တစ်ဦးချင်းဆုတံဆိပ်နှင့် ငွေကျပ်(၁၀)သိန်းကို ပြည်နယ် လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်မှ ဆုချီမြှင့်ပေးကြသည်။

ဆက်လက်၍ အကောင်းဆုံး အားကစားသမားဆုများ ချီးမြှင့်ရာ အမျိုးသား/အမျိုးသမီး ဘတ်စကက်ဘော အကောင်းဆုံး အားကစားသမား ဆုရ(၂)ဦး၊  အမျိုးသား/အမျိုးသမီး ဘော်လီဘော အကောင်းဆုံး အားကစားသမား ဆုရ(၂)ဦးတို့ကို ပြည်နယ် လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီး အောင်သူမှ ငွေကျပ်(၅)သောင်းစီဖြင့်ဆုများ ချီးမြှင့်ပေးသည်။

ထို့နောက် တံခွန်စိုက်ဒိုင်းနှင့်ဆင့်ပွားဒိုင်းများ ဆုချီမြှင့်ရာ အမျိုးသမီး ဘတ်စကက်ဘော တံခွန်စိုက်ဒိုင်း ဆုရရှိသော စစ်ကိုင်းတိုင်းဒေသကြီး အသင်း၊ အမျိုးသား ဘတ်စကက်ဘောတံခွန်စိုက်ဒိုင်း ဆုရရှိသော ရှမ်းပြည်နယ်အသင်း၊ အမျိုးသမီး ဘော်လီဘော တံခွန်စိုက်ဒိုင်း ဆုရရှိသော ရန်ကုန်တိုင်း ဒေသကြီးအသင်း၊ အမျိုးသား ဘောလီဘောတံခွန်စိုက်ဒိုင်းဆု ရရှိသော ရှမ်းပြည်နယ်အသင်းတို့ကို ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က တံခွန်စိုက်ဒိုင်းဆုနှင့် ဆင့်ပွားဒိုင်း ဆုတို့ကို အသီးသီး ချီးမြှင့်ပေးအပ်ခဲ့ပြီး၊ အလံတင် အလေးပြု၍ မှတ်တမ်းတင် ဓာတ်ပုံရိုက်ကူးကြသည်။

အဆိုပါ အခမ်းအနားသို့  ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ်၊ ပြည်နယ် လွှတ်တော် ဒုတိယ ဥက္က၊ ပြည်နယ် ဝန်ကြီးများ၊ ရှမ်းပြည်နယ် အစိုးရအဖွဲ့ အတွင်းရေးမှူးနှင့် မြန်မာနိုင်ငံ အားကစားအဖွဲ့ချုပ်မှ အကဲဖြတ်ဒိုင်များ ပြည်နယ်/ ခရိုင်/ မြို့နယ် အဆင့်ဌာန ဆိုင်ရာများ ပြိုင်ပွဲဝင် အားကစားအသင်းများ၊ ဖိတ်ကြားထားသည့် အားကစားဝါသနာရှင်များ နှင့် ဒေသခံပြည်သူများ တက်ရောက် ကြကြောင်း သတင်းရရှိသည်။

                                                                                                                                                               မောင်မောင်သန်း(တောင်ကြီး)

 

ရှမ်းပြည်နယ် ဝန်ကြီးချုပ်၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့၌ မြို့တော်ခန်းမ ဆောက်လုပ်မည့် မြေနေရာ ကြည့်ရှု၍ နယ်စပ်ဒေသတိုင်းရင်းသား လူငယ်များ ဖွံ့ဖြိုးရေး သင်တန်းကျောင်းတွင် သစ်ပင်စိုက်ပျိုးပေး

 

588

တောင်ကြီး   ဇူလိုင်    ၁၆

ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ် တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် တာဝန်ရှိသူတို့နှင့်အတူ ဇူလိုင်(၁၆)ရက် နံနက်(၈)နာရီခွဲက ဓနုကိုယ်ပိုင် အုပ်ချုပ်ခွင့်ရဒေသ ပင်းတယမြို့တွင် မြို့တော်ခန်းမ တည်ဆောက်မည့် မြေနေရာအား ကြည့်ရှု စစ်ဆေးရာ FUTUER MOON ကုမ္ပဏီမှ ဦးအောင်နိုင်ရင်က မြို့တော်ခန်းမ ဆောက်လုပ်ခြင်း လုပ်ငန်းစီမံချက်နှင့် ဆောင်ရွက်ရမည့်ကိစ္စရပ်များကို ရှင်းလင်းရာ ပြည်နယ် ဝန်ကြီးချုပ်မှ လိုအပ် သည်များကို ဖြည့်စွက်မှာကြားခဲ့ကြောင်းသိရသည်။

ဆက်လက်၍ ပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ် တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် တာဝန်ရှိသူတို့သည်၊ ပင်းတယမြို့ နယ်စပ်ဒေသတိုင်းရင်းသားလူငယ်များ ဖွံ့ဖြိုးရေး သင်တန်း ကျောင်း၌ သစ်ပင်စိုက်ပျိုးခြင်း အခမ်းအနားသို့ တက်ရောက်သည်။

အခမ်းအနားတွင် ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ ပြည်နယ် ဝန်ကြီးချုပ်မှ ပျိုးပင်များ ပေးအပ်ရာ ဓနုကိုယ်ပိုင် အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးထူးကိုကို၊ မြို့နယ် အုပ်ချုပ်ရေးမှူး၊ မြို့နယ် အမျိုး သမီးရေးရာအဖွဲ့ ဥက္ကဌ၊ မြို့နယ် စည်ပင် သာယာရေး ကော်မတီ ဥက္ကဌ၊ မြို့နယ် ဖွံ့ဖြိုးတိုးတက်ရေး အထောက်အကူပြု ကော်မတီ ဥက္ကဌတို့က ပျိုးပင်များကို အသီးသီးလက်ခံရယူကြသည်။

ထို့နောက် ပြည်နယ် တရားလွှတ်တော် တရားသူကြီးချုပ် ဦးကြွယ်ကြွယ်မှ ပျိုးပင်များ ပေးအပ်ရာ ဓနုစာပေ ယဉ်ကျေးမှုနှင့် ဒေသဖွံ့ဖြိုးတိုးတက်ရေး ဥက္ကဌ၊ ရွှေဓနု ကိုယ့်အားကိုယ်ကိုး ဝန်ဆောင်မှုအဖွဲ့ ဥက္ကဌ၊ ပွေးလှ သဘာဝ ပတ်ဝန်းကျင် ထိန်းသိမ်းရေးနှင့် ဒေသဖွံ့ဖြိုးရေး အသင်းဥက္ကဌတို့က ပျိုးပင်များကို အသီးသီးလက်ခံရယူ၍ လည်းကောင်း၊ ဓနု ကိုယ်ပိုင်အုပ်ချုပ် ခွင့်ရဒေသ ဦးစီးအဖွဲ့ ဥက္ကဌ ဦးထူးကိုကိုမှ ပျိုးပင်များ ပေးအပ်ရာ မြို့နယ် ပညာရေးမှူး၊ မြို့နယ် ကျန်းမာရေး ဦးစီးမှူး၊ မြို့နယ် မိခင်နှင့်ကလေး စောင့်ရှောက်ရေးအသင်း အတွင်းရေးမှူးတို့က ပျိုးပင်များကို အသီးသီးလက်ခံရယူကြသည်။

၎င်းနောက် ပြည်နယ် ဝန်ကြီးချုပ်၊ ပြည်နယ် တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် တာဝန်ရှိသူတို့သည် သစ်ပင်များ ကို စိုက်ပျိုးပေးကြပြီး၊ မြို့နယ် အဆင့် ဌာနဆိုင်ရာနှင့် ဒေသခံပြည်သူများ သစ်ပင်စိုက်ပျိုး ပေးနေမှုကို လှည့်လည်ကြည့်ရှုအားပေးကြ၍ သစ်ပင်စိုက်ပျိုးပွဲတွင် ခါတော်မှီ၊ ချယ်ရီ၊ မယ်ဇလီ၊ ယူကလစ်၊ ကျွန်း စုစုပေါင်း(၄၅၀)ပင် စိုက်ပျိုးပေးကြကြောင်းသိရသည်။

ယင်းနောက် ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ်မှ ကြီးမှူး၍ ပြည်နယ် ဝန်ကြီးများ၊ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် အဖွဲ့ဝင်များ၊ ပင်းတယမြို့နယ် ဌာနဆိုင်ရာများ၊ ဒေသခံပြည်သူများမှ စုပေါင်းပြုလုပ်သည့် တတိယအကြိမ်မြောက် စုပေါင်း ဝါဆိုကင်္ကန်းကပ်လှူပူဇော်ပွဲသို့ ပြည်နယ်ဝန်ကြီးချုပ်နှင့် တာဝန်ရှိသူတို့က တက်ရောက်ကြသည်။

အခမ်းအနားတွင် နမော တဿ(၃)ကြိမ် ရွတ်ဆို ဘုရားကန်တော့၍ ဖွင့်လှစ်ပြီး၊ မြို့နယ် သံဃာနာယကအဖွဲ့ ဥက္ကဌ ရွာငယ်ကျောင်းဆရာတော် အရှင်ဘုရားထံမှ ငါးပါးသီလ ဆောက်တည်ကြ၍ ဆရာတော် သံဃာတော်များမှ ပရိတ်တရားတော်များကို ရွတ်ဖတ်သရဇ္စျာယ် ပေးတော်မူကြသည်။

ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် တရားလွှတ်တော် တရားသူကြီးချုပ်၊ ပြည်နယ် ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် အဖွဲ့ဝင်များ၊ မြို့နယ်အဆင့် ဌာနဆိုင်ရာများ၊ ဒေသခံပြည်သူများက ဆရာတော် သံဃာတော်များအား ဝါဆိုသင်္ကန်းနှင့် လှူဖွယ် ဝတ္ထုပစ္စည်းများ ဆက်ကပ်လှူဒါန်းပေးကြပြီး၊ မြို့နယ် သံဃာနာယကအဖွဲ့ ဥက္ကဌ ရွာငယ်ကျောင်းဆရာတော် အရှင်ဘုရားမှ ဝါဆို သင်္ကန်းအကျိုးတရား ချီးမြှင့်ပေး၍ ရေစက်သွန်းချ အမျှပေးဝေကြကာ အခမ်းအနားကို ဗုဒ္ဓသာသနံ စိရံ တိဌာတု(၃)ကြိမ် ရွတ်ဆို၍ ရုတ်သိမ်းလိုက်ပြီး၊ ပြည်နယ် ဝန်ကြီးချုပ်နှင့် တာဝန်ရှိသူတို့က ဆရာတော် သံဃာတော်များအား နေ့ဆွမ်း ဆက်ကပ်ပေးကြကြောင်းသိရသည်။

ထို့နောက် ပြည်နယ် ဝန်ကြီးချုပ်နှင့် တာဝန်ရှိသူတို့သည် ပုန်းတလုတ်ရေကန် သာယာလှပရေး ဆောင်ရွက် ထားရှိမှုအား ကြည့်ရှုရာ၊ မြို့နယ် စည်ပင်သာယာရေး ဦးစီးဌာနမှ တာဝန်ရှိသူတစ်ဦးက ရှင်းလင်းတင်ပြရာတွင် ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားကာ၊ ရွှေဥမင်ဘုရားတွင် ဆုလာဒ်ရွှေပြည် ဆောက်လုပ်ရေး ကုမ္ပဏီမှ တာဝန်ယူဆောင်ရွက်လျက်ရှိသော မြင်ကွင်းကျယ် ဓာတ်လှေကား တည်ဆောက်နေမှုအား ကြည့်ရှုစစ်ဆေးရာ ကုမ္ပဏီမှ တာဝန်ရှိသူတစ်ဦးက ရှင်းလင်းကြပြီး၊ ပြည်နယ် ဝန်ကြီးချုပ်မှ လုပ်ငန်းနှင့်ပတ်သက်၍ လိုအပ်သည်များကို ဖြည့်စွက်မှာကြား၍ ပြည်နယ် ဝန်ကြီးချုပ်နှင့် တာဝန်ရှိသူတို့သည် လှိုဏ်ဂူတော်အတွင်း ဘုရားတွင် ပန်း၊ ဆီမီး၊ ရေချမ်း၊ ရွှေသင်္ကန်းတို့ဖြင့် ဆက်ကပ်လှူဒါန်းကြကြောင်းသိရှိရသည်။

            မောင်မောင်သန်း(တောင်ကြီး)

 

နိုင်ငံတော်၏ပြုပြင်ပြောင်းလဲမှုတတိယအဆင့် အရှိန်မြင့်တင်မှုပြုလုပ်ငန်းစဉ်များ တောင်ကြီးမြို့၌ ရှင်းလင်းဆွေးနွေး

583

တောင်ကြီး   ဇူလိုင် - ၁၂

နိုင်ငံတော်၏ ပြုပြင်ပြောင်းလဲမှုတတိယအဆင့်အရှိန်မြှင့်တင်မှု (Third Wave) လုပ်ငန်းစဉ်များအား ရှင်းလင်း ဆွေးနွေးပွဲကို ဇူလိုင်(၁၂)ရက် မွန်းလွဲ(၁)နာရီက ရှမ်းပြည်နယ်တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်လွှတ်တော် ဒုတိယဥက္ကဌ၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပအိုဝ်း၊ ဓနု ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌများ၊ တိုင်းရင်းသားရေးရာဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်လွှတ်တော်ကိုယ်စားလှယ်များ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ တောင်ကြီး၊ လွိုင်လင်၊ လင်ခေး ခရိုင်မှ ခရိုင်စီမံခန့်ခွဲမှုကော်မတီ ဥက္ကဌများ၊ မြို့နယ်စီမံခန့်ခွဲ့မှုကော်မတီများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌများ၊ ရပ်ကွက်၊ ကျေးရွာအုပ်ချုပ်ရေးမှူးများ တက်ရောက်ကြသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် အရှိန်အဟုတ်မြှင့်တင် ဆောင်ရွက်ရာတွင် အချို့ဒေသများမှာ ဖွံ့ဖြိုးမှု အားနည်းနေသည်ကို တွေ့ရှိရသဖြင့် ၎င်းမြို့နယ်များကို ရေ၊ မီး၊ လမ်း စသည့် လုပ်ငန်းများကို ဝိုင်းဝန်းကူညီဆောင်ရွက်သွာကြရန် အဖွင့်အမှားစကား ပြောကြားသည်။ 

ဆက်လက်၍ ရှမ်းပြည်နယ်အစိုးရအဖွဲ့ အတွင်းရေးမှူး ဦးမြင့်အောင်က ဒေသဆိုင်ရာအချက်အလက်များနှင့် ရှမ်းပြည်နယ် အစိုးရအဖွဲ့မှ ဆောင်ရွက်လျှက်ရှိသော ဒေသဖွံ့ဖြိုးရေးဆိုင်ရာများကို Power Point ဖြင့် ရှင်းလင်း တင်ပြကြသည်။

ထို့နောက် တောင်ကြီး၊ လွိုင်လင်၊ လင်းခေး ခရိုင်မှ ခရိုင်စီမံခန့်ခွဲမှု ကော်မတီ ဥက္ကဌများက ဒေသဆိုင်ရာ အခြေအနေများအား ဆွေးနွေးတင်ပြပြီး၊ တောင်ကြီး၊ လွိုင်လင်၊ လင်ခေး ခရိုင်ရှိ မြို့နယ်များမှ မြို့နယ်စီမံခန့်ခွဲ့မှု ကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌများက ဒေသဆိုင်ရာ အချက်အလက်များ နှင့် ဒေသဖွံ့ဖြိုးရေး လိုအပ်ချက်များ တင်ပြရှင်းလင်းကြသည်။

၎င်းနောက် ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူနှင့် ပြည်နယ် ဥပဒေချုပ် ဦးမောင်မောင်တို့က မိမိတို့နှင့် သက်ဆိုင်သည့် ကဏ္ဍအလိုက် ပြန်လည်ရှင်းလင်း ဆွေးနွေးကြသည်။

ယင်းနောက် ဒေသဖွံ့ဖြိုးရေးအတွက် ရှမ်းပြည်နယ်အစိုးရအဖွဲ့မှ ထောက်ပံငွေများပေးအပ်ရာ တောင်ကြီး၊ လွိုင်လင်၊ လင်းခေး ခရိုင်ရှိ မြို့နယ်(၁၆)မြို့နယ်အတွက် တစ်မြို့နယ်လျင် ငွေကျပ်သိန်း(၄၀၀)စီကို ရှမ်းပြည်နယ်အစိုးရအဖွဲ့ ပြည်နယ် ဘဏ္ဍာရေးဝန်ကြီး ဦးခွန်သိန်မောင်မှ ပေးအပ်ရာ မြို့နယ်အထောက်အကူပြု ကော်မတီဥက္ကဌများက လက်ခံရယူပြီး၊ ပညာရေး ကဏ္ဍအတွက် ဗလာစာအုပ်များကို ရှမ်းပြည်နယ်အစိုးရအဖွဲ့မှ ထောက်ပံ့ပေးအပ်ရာ တောင်ကြီး၊ လွိုင်လင်၊ လင်းခေး ခရိုင်ရှိ မြို့နယ်(၁၆)မြို့နယ်အတွက် ဗလာစာအုပ် တစ်မြို့နယ်လျှင် ဒါဇင်(၃၀၀)စီကို ပြည်နယ်လူမူရေးဝန်ကြီး ဒေါက်တာမျိုးထွန်းမှ ပေးအပ်ရာ မြို့နယ်ပညာရေးမှူး များက လက်ခံရယူကြသည်။

ရှမ်းပြည်နယ်အစိုးရအဖွဲ့မှ ဒေသဖွံ့ဖြိုးရေးအတွက် မြို့နယ်(၁၆)မြို့ကို (၁)မြို့နယ်လျှင် ငွေကျပ်သိန်း(၄၀၀)စီ ထောက်ပံ့ငွေများ စုစုပေါင်း ငွေကျပ်သိန်း(၆၄၀၀)နှင့် ဗလာစာအုပ်(၄၈၀၀)ဒါဇင်တို့ကို လှူဒါန်းပေးခဲ့ပြီး၊ ရှမ်းပြည်နယ်အစိုးရ အဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်အမှာစကား ပြောကြားကာ အခမ်းအနားကို ရုပ်သိမ်းလိုက်ကြောင်း သိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ ဖလားခရိုင်ပေါင်းစုံအသက်(၂၀)နှစ်အောက် အမျိုးသားဘောလုံးပြိုင်ပွဲဆုချီးမြှင့်ပွဲကျင်းပ

587

တောင်ကြီး   ဇူလှိုင် - ၁၅

၂၀၁၄ ခုနှစ် ရှမ်းပြည်နယ်အစိုးရအဖွဲ့ဖလား၊ ခရိုင်ပေါင်းစုံအသင်း(၂၀)နှစ်အောက် အမျိုးသား ဘောလုံးပြိုင်ပွဲ ဆုချီးမြှင့် ပွဲကို ဇူလှိုင် (၁၅)ရက် ညနေ(၃)နာရီက တောင်ကြီးမြို့၊ ပြည်နယ်အားကစားကွင်း၌ ကျင်းပရာ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်/ ခရိုင်၊ မြို့နယ်အဆင့် ဌာနဆိုင်ရာ တာဝန်ရှိသူ တို့သည် ဗိုလ်လုပွဲအဖြစ် တောင်ကြီးခရိုင်အသင်းနှင့် တာချီလိတ်ခရိုင်အသင်းတို့ ဘောလုံး ယှဉ်ပြိုင်နေမှုကို ကြည့်ရှုအားပေးရာ အချိန်ပို ဒုတိယပိုင်းတွင် တောင်ကြီးခရိုင်အသင်းမှ (၂)ဂိုး (၁)ဂိုးဖြင့် အနိုင်ရဗိုလ်စွဲသွားသည်။

ဆက်လက်၍ နေရာအလိုက် အကောင်းဆုံးအားကစားသမားဆုများ ချီးမြှင့်ပေးရာ အကောင်းဆုံး ဂိုးသမားဆုရ တာချီလိတ်ခရိုင်၊ အကောင်းဆုံးနောက်တန်း အားကစားသမားဆုရ တောင်ကြီးခရိုင်၊ အကောင်းဆုံး အလယ်တန်းအားကစားသမားဆုရ တာချီလိတ်ခရိုင်၊ အကောင်းဆုံးရှေ့တန်းဆုရ တာချီလိတ်ခရိုင်၊ ပွဲစဉ်တစ်လျှောက် အကောင်းဆုံးအားကစားသမား ဆုရ ကျိုင်းတုံခရိုင် တို့ကို ပြည်နယ်လမ်းပန်းဆက်သွယ်ရေး ဝန်ကြီး ဦးစိုင်းနော်ခမ်းနှင့် ပြည်နယ်လူမှုရေးဝန်ကြီး ဒေါက်တာမျိုးထွန်းတို့က ဆုများချီးမြှင့်ပေး၍လည်းကောင်း၊ အသန့်ရှင်းဆုံးဆုဖလားရရှိသည် ကိုးကန့်ကိုယ်ပိုင်အုပ်ချုပ်ခွင့်ရဒေသ အသင်းအား ဆုဖလားနှင့် ငွေသား(၃)သိန်းတို့ကို ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်မှ ဆုချီးမြှင့်ပေး၍ လည်းကောင်း၊ ဒုတိယဆု ရရှိသော တာချီလိတ်ခရိုင် အသင်းအား တစ်ဦးချင်းဆုတံဆိပ်နှင့် ငွေသားဆု (၁၀)သိန်းတို့ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူမှ ဆုများချီးမြှင့်ပေး၍လည်းကောင်း၊ ပထမဆုရရှိသော တောင်ကြီးခရိုင် ဘောလုံးအသင်းအား တစ်ဦးချင်းဆုတံဆိပ်နှင့် ငွေသားဆု(၁၅)သိန်း၊ ဆင့်ပွားဖလားတို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်မှ ဆုများချီးမြှင့်ပေးကာ အခမ်းအနားကို ရုပ်သိမ်းလိုက်ကြောင်း သိရှိရသည်။

အဆိုပါအခမ်းအနားကို ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်/ ခရိုင်၊ မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အားကစားသမားများ၊ အားကစား ဝါသနာရှင်များတက်ရောက် ကြကြောင်း သိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့မှကြီးမှူးကျင်းပသောဝါဆိုသင်္ကန်းဆက်ကပ်လှူဒါန်းပွဲကျင်းပ

581

တောင်ကြီး   ဇူလိုင်   ၁၁

ရှမ်းပြည်နယ်အစိုးရအဖွဲ့မှ ကြီးမှူးကျင်းပသောဝါဆိုသင်္ကန်းဆက်ကပ်လှူဒါန်းပွဲ အခမ်းအနားကို ဇူလိုင်(၁၁) နံနက်(၉)နာရီက တောင်ကြီးမြို့၊ အတုလမာရဇိန် မြို့လယ်ဓမ္မာရုံ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ်အေးဝင်း၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ တိုင်းစစ်ဌာနချုပ်မှ ဦးစီးအရာရှိကြီးများ၊ ပြည်နယ်အစိုးရအဖွဲ့အတွင်းရေးမှူး၊ ပြည်နယ်/ခရိုင်၊ မြို့နယ်အဆင့်ဌာနဆိုင်ရာများ၊ လူမူရေးအသင်းအဖွဲ့များ၊ ဝတ်အသင်းအဖွဲ့များ၊ ဆရာတော်သံဃာတော်များ၊ သီလရှင်များ၊ ရပ်ကွက် အုပ်ချုပ်ရေးမှူးများ၊ မိဘပြည်သူများတက်ရောက်ကြသည်။

ပထမဦးစွာအခမ်းအနားကို ဆရာတော်သံဃာတော်၊ ပြည်နယ်ဝန်ကြီးချုပ်၊ အရှေ့ပိုင်းတိုင်းစစ်ဌာနချုပ် တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့က နမောတဿ(၃)ကြိမ်ရွတ်ဆို ဘုရားကန်တော့၍ ဖွင့်လှစ်ပေး ကြသည်။

ဆက်လက်၍ နိုင်ငံတော်သြဝါဒါစရိယ၊ အဂ္ဂမဟာပဏ္ဍိတ မဟာကမ္မဌာန စရိယစွန်းလွန်းကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသထံမှ ငါးပါးသီလခံယူဆောက်တည်ကြပြီး၊ ဆရာတော်သံဃာတော်အရှင်သူမြတ် များက ပရိတ်တရားတော် များ ရွတ်ဖတ်သရဇ္စျာယ်ပူဇော်ပေးကြသည်။

ထိုနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က နိုင်ငံတော်သြဝါဒါစရိယ၊ အဂ္ဂမဟာပဏ္ဍိတ မဟာကမ္မဌာန စရိယစွန်းလွန်းကျောင်းတိုက်ဆရာတော် ဘဒ္ဒန္တအဂ္ဂဓမ္မာဘိဝံသအား လှူဖွယ်ဝတ္ထု ပစ္စည်းနှင့် ဝါဆိုသင်္ကန်းကိုဆက်ကပ်လှူဒါန်းပေးပြီး၊ အရှေ့ပိုင်းတိုင်းစစ်ဌာနချုပ်တိုင်းမှူးနှင့် ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ၊ ဧည့်ပရိတ်သတ်များက ဆရာတော်သံဃာတော်များအား ဝါဆိုသင်္ကန်းဆက်ကပ် လှူဒါန်းပေးကြသည်။

၎င်းနောက် ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲတွင် ပါဝင်လှူဒါန်း ကြသော အလှူရှင်များ၏ လှူဒါန်းမှုအစုစုကို ကုသိုလ်အလို့ငှာ ဖတ်ကြားလျှောက်ထားပြီး၊ ပြည်နယ်သံဃာ နာယကအဖွဲ့ ဥက္ကဌ အဂ္ဂမဟာပဏ္ဍိတ ဥတ္တရာရုံတပ်ဦးကျောင်းတိုက် ဆရာတော် ဘဒ္ဒန္တပညာသိရီဘိဝံသထံမှ လှူဒါန်းမှုအစုစုတို့အတွက် ရေစက်သွန်ချအမျှပေးဝေ၍ အခမ်းအနားကို ဗုဒ္ဓသာသနံစိရံတိဌတု ဂါထာတော်သုံးကြိမ် ရွတ်ဆိုဆုတောင်း၍ ရုပ်သိမ်း လိုက်သည်။

ယင်းနောက်ပြည်နယ်ဝန်ကြီးချုပ်၊ အရှေ့ပိုင်းတိုင်းစစ်ဌာနချုပ်တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့က ဆရာတော်သံဃာတော်များကို နေ့ဆွမ်းဆက်ကပ်လှူဒါန်းပေးကြကြောင်းသိရရှိရသည်။

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲတွင် ရှမ်းပြည်နယ်အစိုးရ အဖွဲ့ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ ပြည်နယ်/ခရိုင်၊ မြို့နယ်အဆင့် ဌာနဆိုင်ရာများ၊ ရပ်ကွက်ပြည်သူများမှ ဝါဆိုသင်္ကန်းဆက်ကပ်လှူဒါန်းမှု စုစုပေါင်းမှာ(ကျပ်နှစ်ရာလေးသိန်းခုနှစ်သောင်း ငါးထောင်တိတိ) ဖြစ်ကြောင်းသိရသည်။

မောင်မောင်သန်း(တောင်ကြီး)

အင်းလေးဒေသဟိုတယ်ဇုန်ဖွံ့ဖြိုးတိုးတက်ရေး ဦးစီးကောမတီအစည်းအဝေးကျင်းပ

 

586

တောင်ကြီး   ဇူလှိုင် - ၁၅

ရှမ်းပြည်နယ်အစိုးရအဖွဲ့နှင့် အင်းလေးဒေသဟိုတယ်ဇုန်ဖွံ့ဖြိုးတိုးတက်ရေးဦးစီးကော်မတီ အစည်းအဝေးကို ဇူလှိုင်(၁၅)ရက်မွန်းလွဲ(၁)နာရီက တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပကြောင်းသိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှားစကား ပြောကြားပြီး၊ အင်းလေးဒေသဟိုတယ်ဇုန်ဖွံ့ဖြိုးတိုးတက်ရေးဦးစီး ကော်မတီ ဥက္ကဌ၊  ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ လုပ်ငန်းဆောင်ရွက်မှု အခြေအနေများကို ရှင်းလင်းတင်ပြကြောင်း သိရသည်။

ဆက်လက်၍ အင်းလေးဒေသဟိုတယ်ဇုန်ဖွံ့ဖြိုးတိုးတက်ရေးဦးစီးကော်မတီ ဒုတိယဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ရှင်းလင်းဆွေးနွေးသည်။

ထို့နောက် အင်းလေးဒေသဟိုတယ်ဇုန်ဖွံ့ဖြိုးတိုးတက်ရေးလုပ်ငန်း ကော်မတီများမှ တင်ပြ ဆွေးနွေးကြပြီး၊ တက်ရောက်လာသူများမှ အထွေထွေဆွေးနွေးကြကာ၊ ပြည်နယ်ဝန်ကြီးချုပ်မှ နိဂုံးချုပ်အမှာစကား ပြောကြောင်းသိရှိရသည်။

အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အင်းတိုင်းရင်းသားရေးရာဝန်ကြီး၊ ပြည်နယ်လွှတ်တော် ကိုယ်စားလှယ်များ၊ ပြည်နယ်အစိုးရအဖွဲ့အတွင်းရေးမှူး၊ အင်းလေးဒေသဟိုတယ်ဇုန် ဖွံ့ဖြိုးတိုးတက်ရေး လုပ်ငန်း ကော်မတီများ တက်ရောက်ကြကြောင်း သိရှိရသည်။

 

မောင်မောင်သန်း(တောင်ကြီး)

ပြည်နယ်အဆင့် ကျောင်းပြင်ပ မူလတန်း ပညာရေးလုပ်ငန်း ဖွင့်ပွဲနှင့် စခန်းဖွင့်ပွဲကျင်းပ

580

 

တောင်ကြီး  ဇူလိုင်   ၁၀

 

ရှမ်းပြည်နယ်၊ ပြည်နယ်အဆင့် ကျောင်း ပြင်ပ မူလတန်း ပညာရေးလုပ်ငန်း ဖွင့်ပွဲနှင့် စခန်း ဖွင့်ပွဲ အခမ်းအနား ကို ဇူလိုင်(၁၀)ရက် နံနက်(၉)နာရီက တောင်ကြီးမြို့ အမှတ်(၅) အခြေခံပညာအထက်တန်းကျောင်း စိန်မြင်းမိုရ် ခန်းမ၌ ကျင်းပရာ ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ် လူမှုရေး ဝန်ကြီး ဒေါက်တာမျိုးထွန်း၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ် အဆင့်ဌာနဆိုင်ရာများ၊ တောင်ကြီး၊ ဟိုပုံး၊ ဆီဆိုင်၊ ပင်လောင်း၊ ကလော၊ ဖယ်ခုံ၊ မြို့နယ်အုပ်ချုပ်ရေးမှူးများ၊ မြို့နယ် ပညာရေးမှူးများ၊ ပြည်နယ် မိခင်နှင့် ကလေး စောင့်ရှောက်ရေး အဖွဲ့နှင့် ပြည်နယ်အမျိုးသမီးရေးရာ အဖွဲ့များ၊ အခြေခံပညာအထက်တန်းကျောင်း များမှ ကျောင်းအုပ် ဆရာ / ဆရာမကြီး များ၊ ဆရာ/ ဆရာမများ၊ ကျောင်းသား/ကျောင်းသူများ တက်ရောက်ကြသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် ခေတ်မီဖွံ့ဖြိုးတိုးတက်သော နိုင်ငံတော်ကြီး တည်ဆောက်ရေး အတွက် နိုင်ငံတော်မှ ချမှတ်ပေး ထားသည့် ပညာရေးမူဝါဒ ရည်မှန်းချက်များ ပေါက်မြောက် အောင်မြင် စေရန် ပညာရေးလုပ်ငန်းများကို အကောင် အထည်ဖော်ဆောင်ရွက် လျက်ရှိပြီး၊ လူတိုင်းအတွက် ပညာရေးဆိုင်ရာလုပ်ငန်းများကိုလည်း ဆောင်ရွက်လျက်ရှိပါ ကြောင်း၊ (၂၀၁၂-၂၀၁၃)ပညာသင်နှစ် ရှမ်းပြည်နယ်တွင် တောင်ကြီးမြို့နယ်၊ ဟိုပုံးမြို့နယ်၊ ကလောမြို့နယ်တို့မှာ ကျောင်းပြင်ပ မူလတန်းပညာရေးလုပ်ငန်းကို အကောင်အထည်ဖော်ဆောင်ရွက်နိုင်ခဲ့ပြီး၊ (၂၀၁၄-၂၀၁၅)ပညာသင် နှစ်တွင်  တောင်ကြီးမြို့နယ်၊ ဟိုပုံးမြို့နယ်၊ ကလောမြို့နယ်တို့အပြင် ဆီဆိုင်မြို့နယ်၊ ပင်လောင်းမြို့နယ်၊ ဖယ်ခုံ မြို့နယ်တို့တွင်လည်း ထပ်မံတိုးချဲ့ ဆက်လက်ဆောင်ရွက် သွားမှာဖြစ်ကြောင်း၊ ဆင်းရဲနွမ်းပါးသူများအပါအဝင် အကြောင်းအမျိုးမျိုး ကြောင့် ပညာသင်ယူခွင့် လက်လွှတ်ဆုံးရှုံးခဲ့ရသည့် ကလေးငယ်များအား ဒုတိယအကြိမ် ပညာရေး အခွင့်အလမ်းပေးခြင်း ဖြင့် အမှန်တကယ်လိုအပ်နေသော အောက်ခြေလူတန်းစားများ၏ ပညာရေး ကွက်လပ်ကို ဖြည့်ဆည်း ပေးခြင်းဖြစ်သည့်အတွက် ကျောင်းပြင်ပ မူလတန်း ပညာရေးလုပ်ငန်းသည် ဂုဏ်ယူ ဝမ်းမြောက်ဖွယ်ရာ လုပ်ငန်းတစ်ခုဖြစ်ပါကြောင်း တိုက်တွန်း ပြောကြားသွားသည်။

ဆက်လက်၍ ပြည်နယ် ပညာရေး ညွှန်ကြားရေးမှူး ဦးချစ်ဆွေက ကျောင်းပြင်ပ မူလတန်းပညာရေးကိစ္စ ဆောင်ရွက်ထားရှိမှု အခြေအနေကို ရှင်းလင်းတင်ပြပြီး၊ အလှူငွေနှင့် ပစ္စည်းများပေးအပ်လှူဒါန်းရာ ရှမ်းပြည်နယ် အစိုးရအဖွဲ့မှ တစ်မြို့နယ်လျှင် ဗလာစာအုပ်(၆၀) ဒါဇင်စီ၊ (၆)မြို့နယ် အတွက် (၃၆၀)ဒါဇင်နှင့် ခဲတံ(၇၀၀)ဒါဇင်ကို ပြည်နယ် လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ မြို့နယ် ပညာရေးမှူးများမှ လက်ခံ၍ လည်းကောင်း၊ တောင်ကြီးမြို့နယ် အုပ်ချုပ်ရေးမှူးမှ ဗလာစာအုပ်(၅၀)ဒါဇင်နှင့်  အလှူငွေကျပ် (၂)သိန်းခွဲ ပေးအပ်ရာ တောင်ကြီး မြို့နယ် ပညာရေးမှူးမှ လက်ခံ၍လည်းကောင်း၊ ပအိုဝ်းကိုယ်ပိုင် အုပ်ချုပ်ခွင့်ရဒေသ ဟိုပုံးမြို့နယ် အုပ်ချုပ်ရေးမှူးမှ ဗလာစာအုပ်(၃၀)ဒါဇင်နှင့် အလှူငွေကျပ်(၃)သိန်း၊ ဆီဆိုင်မြို့နယ် အုပ်ချုပ်ရေးမှူးမှ ဗလာစာအုပ်(၄၉)ဒါဇင်နှင့် အလှူငွေကျပ်(၅)သောင်း၊ ပင်လောင်းမြို့နယ်အုပ်ချုပ်ရေးမှူးမှ ဗလာစာအုပ်(၃၀)ဒါဇင်နှင့် အလှူငွေ ကျပ်(၁)သိန်းခွဲ ပေးအပ်ရာ ဟိုပုံး၊ ဆီဆိုင်၊ ပင်လောင်း မြို့နယ် ပညာရေးမှူးများမှ လက်ခံ၍လည်းကောင်း၊ ကလောမြို့နယ် အုပ်ချုပ်ရေးမှူးက ဗလာစာအုပ်(၁၀၀) ဒါဇင်နှင့် အလှူငွေကျပ်(၃)သိန်းခွဲ၊ ဖယ်ခုံမြို့နယ်အုပ်ချုပ်ရေးမှူးက ဗလာစာအုပ်(၂၀)ဒါဇင်နှင့် အလှူငွေကျပ် (၂)သိန်းခွဲ ပေးအပ်ရာ မြို့နယ်ပညာရေးမှူးများမှ လက်ခံရယူ၍ လည်းကောင်း၊ ပြည်နယ်မိခင်နှင့်ကလေး စောင့်ရှောက်ရေးအဖွဲ့ ဥက္ကဌ ဒေါ်စန်းစန်းဝင်းက ဗလာစာအုပ်(၃၀)ဒါဇင်၊ ပြည်နယ်အမျိုးသမီးရေးရာအဖွဲ့ စီမံရေးရာဌာနမှူး ဒေါ်နန်းမိုခမ်းက ဗလာစာအုပ်(၃၀) ဒါဇင်ပေးအပ်ရာ ပြည်နယ် ပညာရေးဒုတိယ ညွှန်ကြားရေးမှူးမှ လက်ခံရယူသည်။

ထို့နောက် ရှမ်းပြည်နယ်ပြည်နယ် အထွေထွေအုပ်ချုပ်ရေး ဦးစီးဌာန ဒုတိယ ညွှန်ကြားရေးမှူးချုပ် ဦးမြင့်အောင်က မြို့နယ်အုပ်ချုပ်ရေးမှူးများအား မြို့နယ် ကြီးကြပ်မှု ကော်မတီ ဥက္ကဌ တာဝန်ပေးအပ်လွှာများ ပေးအပ်ပေးပြီး၊ စွမ်းဆောင်ရည် အကောင်းဆုံးဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်က ဆုများချီးမြှင့်ပေးရာ တောင်ကြီးမြို့နယ်အုပ်ချုပ်ရေးမှူးနှင့် အခြေခံပညာ အထက်တန်း ကျောင်း၊ အလယ်တန်းကျောင်းမှ တာဝန်ရှိသူများမှ အသီးသီးလက်ခံရယူကြသည်။

၎င်းနောက် ကျောင်းပြင်ပပညာရေး ပြည်နယ်ကြီးကြပ်မှုကော်မတီမှ ပေးအပ်သော စွမ်းဆောင်ရည် အကောင်းဆုံး ဆုများကို ပြည်နယ်ပညာရေးညွှန်ကြားရေးမှူး ဦးချစ်ဆွေက ဆုချီးမြှင့်ပေးရာ ထူးချွန်သော သင်တန်းသားများနှင့် ထူးချွန်သောအလယ်တန်း၊ အထက်တန်း အဆင့် ဆက်လက် တက်ရောက်သည့် ကျောင်းသာ/ သူများက လက်ခံရယူကြပြီး၊ ကျောင်းပြင်ပ မူလတန်း ပညာရေး၊ သင်တန်းသာတစ်ဦးက ကျေးဇူးတင်စကား ပြန်လည်ပြောကြားကာ အခမ်းအနား ကို ရုပ်သိမ်းလိုက်ကြောင်းသိရှိရသည်။

မောင်မောင်သန်း(တောင်ကြီး)

 

ပြည်ထောင်စုဝန်ကြီး ဦးတင်နိုင်သိန်း၊ ကလောမြို့နယ်အောင်ပန်းမြို့၌ ဒေသဖွံ့ဖြိုးရေးအတွက် ပြည်သူများနှင့် တွေ့ဆုံ

 

585

တောင်ကြီး   ဇူလှိုင် - ၁၄

နိုင်ငံတော်သမ္မတရုံးဝန်ကြီးဌာန(၅) ပြည်ထောင်စုဝန်ကြီးဦးတင်နိုင်သိန်း၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရား လွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ကလောမြို့နယ် မြို့နယ်ဖွံ့ဖြိုးရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်အဆင့် ဌာနဆိုင်ရာများ၊ ဆရာ/ ဆရာမများ၊ ဒေသခံပြည်သူတို့နှင့် တွေ့ဆုံပွဲကို ဇူလှိုင်(၁၄)ရက် နေ့လည်(၁၂)နာရီက အောင်ပန်းမြို့၊ အောင်ချမ်းသာစာသင်တိုက် (၃)ထပ်ဆောင်၌ ကျင်းပကြောင်း သိရသည်။

ပထမဦးစွာကလောမြို့နယ်စည်ပင်သာယာရေးကော်မတီ ဥက္ကဌဦးနန္ဒာလှမြင့်မှ ကလောမြို့ သောက်သုံးရေရရှိရေးနှင့် စပ်လျဉ်း၍ဘဏ္ဍာရေးနှစ်အလိုက် ဆောင်ရွက်ပြီးစီးမှု၊ ထပ်မံလိုအပ်သော ဆောင်ရွက်ရန်ကိစ္စရပ်များကို တင်ပြ၍လည်းကောင်း၊ ကလောမြို့နယ်ဖွံ့ဖြိုးရေး အထာက်အကူပြု ကော်မတီ ဥက္ကဌ ဦးခင်မောင်ဝင်းမှ အောင်ပန်းမြို့အတွက် နိုင်ငံတော်မှ ထောက်ပံ့ပေးထားသော ဖွံ့ဖြိုးရေရန်ပုံငွေများကို ကဏ္ဍအလိုက်သုံးစွဲမှု၊ မြို့နယ်လိုအပ်ချက်ဖြစ်သော မီးသတ်ဦးစီး အဆောက်အဦကိစ္စနှင့် ကလောမြို့နယ် အတွက် ထင်းရှုးမြို့တော်ဖြစ်ရေး၊ အောင်ပန်းမြို့အတွက်ချယ်ရီနှင့် ဟဲဟိုးမြို့အတွက် စိန်ပန်းမြို့တော်ဖြစ်ရေး၊ တစ်အုပ်တစ်မအလိုက် သစ်ပင်စိုက်ပျိုးရေး၊ ဒေသအတွက် ဆောင်ရွက်ပေးရမည့် ကိစ္စရပ်များ၊ လိုအပ်ချက်များကို တင်ပြဆွေးနွေးပြီး၊ တက်ရောက်လာသူများ မှ သိရှိလိုသောအချက်များနှင့်  ဒေသအတွက် ဆောင်ရွက်လိုသည့် ကိစ္စရပ်များကို ဆွေးနွေးတင်ပြကြသည်။

ထို့နောက် ပြည်ထောင်စုဝန်ကြီးဦးတင်နိုင်သိန်းမှ တင်ပြချက်များနှင့် စပ်လျဉ်း၍ဖြည့်ဆည်း ဆောင်ရွက်ပေးသင့်သော ကိစ္စရပ်များ၊ ဌာနဆိုင်ရာနှင့် ပြည်သူများက ဆောင်ရွက်ပေးရမည့် ကိစ္စရပ်များ၊ ဒေသအတွင်း စီးပွားရေးဖွံ့ဖြိုးတိုးတက်ရေးအတွက် ဆောင်ရွက်သင့်သည့် ကိစ္စရပ်များ၊ ဒေသအတွင်း မူးယစ်ဆေးဝါးကင်းစင်သည့် စံပြမြို့ရွာများ ဖြစ်အောင် ဆောင်ရွက်သင့်သောကိစ္စရပ်များ စပ်လျဉ်း၍ အကျယ်တစ်ဝန်း ရှင်းလင်းဆွေးနွေး တင်ပြပြီး၊ ဒေသဖွံ့ဖြိုးရေးကိစ္စရပ်များကို ဌာနဆိုင်ရာနှင့် ပြည်သူတို့ ပူးပေါင်းဆောင်ရွက်ရန်နှင့် နိုင်ငံတော်မှ ဖြည့်ဆည်းဆောင်ရွက်ပေးရမည့် ကိစ္စရပ်များကို ညှိနှိုင်းဆောင်ရွက်ပေးခဲ့ကြောင်း သိရသည်။

ဆက်လက်၍ ပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ် လမ်းပန်း ဆက်သွယ်ရေး ဝန်ကြီး ဦးစိုင်းနော်ခမ်းတို့မှ မြို့နယ်ဖွံ့ဖြိုးရေး အထောက်အကူပြုကော်မတီ၊ မြို့နယ် စည်ပင်သာယာရေး ကော်မတီများ၏ တင်ပြချက်များအပေါ်ပြည်နယ်အဆင့်မှ ဖြည့်ဆည်းဆောင်ရွက်ပေးရမည့်ကိစ္စရပ်များနှင့် ပတ်သက်၍ ဆွေးနွေးတင်ပြသွားကြောင်း သိရှိရသည်။

၎င်းနောက် ပရဟိတ ဘုန်းတော်ကြီးသင်ပညာရေးကျောင်း နှင့် အခြေခံပညာ ကျောင်းများ အတွက် နိုင်ငံတော် သမ္မတရုံးဝန်ကြီးဌာန(၅)၊ ပြည်ထောင်စု ဝန်ကြီး ဦးတင်နိုင်သိန်းနှင့် ဇနီး ဒေါ်အေးအေး မိသားစုမှ လှူဒါန်းငွေကျပ်(၅)သိန်း၊ ဆန်(၁၁)အိတ် လှူဒါန်းပေး၍လည်းကောင်း၊ ကလောမြို့နယ် အတွင်းရှိ အခြေခံပညာ အထက်တန်းကျောင်း၊ အထက်တန်းကျောင်းခွဲနှင့် အလယ် တန်းကျောင်းခွဲများအတွက် ရှမ်းပြည်နယ် အစိုးရအဖွဲ့နှင့် အလှူရှင်များမှ လှူဒါန်းသော ကွန်ပျူတာနှင့် ဆက်စပ်ပစ္စည်းများ၊ ရှမ်းပြည်နယ် အစိုးရအဖွဲ့မှထောက်ပံ့သော ဗလာစာအုပ်(၄၀၀)ဒါဇင်တို့ကို ရှမ်းပြည်နယ် အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်မှ လှူဒါန်းပေးရာ မြို့နယ် ကျောင်းအုပ်ဆရာမကြီးများက လက်ခံရယူ ကြပြီး၊ အခမ်းအနားကို ရုပ်သိမ်းလိုက်ကြောင်း သိရှိရသည်။

မောင်မောင်သန်း(တောင်ကြီး)

 

ပြည်တွင်းအခွန်များဦးစီးဌာန၊ ရှမ်းပြည်နယ်၏ ၂၀၁၃-၂၀၁၄ ဘဏ္ဍာနှစ်၊ ဒုတိယ(၆)လပတ် လုပ်ငန်းညှိနှိုင်းအစည်းအဝေး

တောင်ကြီး မတ်  ၇

 

054

 

   ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန၊ ရှမ်းပြည်နယ်၏ ၂၀၁၃-၂၀၁၄ ဘဏ္ဍာနှစ်၊ ဒုတိယ(၆)လပတ် လုပ်ငန်းညှိနှိုင်းအစည်းအဝေးကို မတ်လ (၇)ရက်၊ နံနက် (၉)နာရီက ပြည်နယ်အခွန်ဦးစီးဌာနမှူးရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ တက်ရောက်၍ အဖွင့်အမှာစကား ပြောကြားသည်။

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ လမ်းညွှန် အမှာစကား ပြောကြားရာတွင် “ ပြည်တွင်းအခွန်များဦးစီးဌာန၊ ရှမ်းပြည်နယ်၏ ၂၀၁၃-၂၀၁၄ ဘဏ္ဍာနှစ်တွင် အခွန်အရပ်ရပ် ကောက်ခံရန်လျာထားချက် ကျပ်သန်းပေါင်း(၇၇၈၇၉.၆၈၉)တွင် ၂၀၁၄ ခုနှစ်၊ ဖေဖော်ဝါရီလကုန်ထိ ကျပ်သန်းပေါင်း(၁၀၅၅၄၃.၆၈၆)ထိ ကောက်ခံရရှိပြီး၊ ရာခိုင်နှုန်းအားဖြင့် (၁၃၆%) ဖြစ်ကြောင်းသိရ၍ ကျေနပ်မိပါကြောင်း၊ နိုင်ငံတော် တည်ဆောက်ရေးအတွက် ဘဏ္ဍာငွေ ပြည့်စုံလုံလောက်မှုရှိမှသာ တိုးတက်ခေတ်မှီသော နိုင်ငံတော်သစ်ဆီသို့ ဦးတည်ဆောင်ရွက်နိုင်မည် ဖြစ်ပါကြောင်း၊ နိုင်ငံတော်အတွက် ရသင့် ရထိုက်သော အခွန်ငွေ အပြည့်အဝရရှိရေးသည် ဘဏ္ဍာငွေကြေး တောင့်တင်းခိုင်မာရေး၏ အဓိကကျသော အကြောင်းရင်းတစ်ရပ် ဖြစ်ကြောင်း၊ အခွန်ထမ်းများ ကိုယ်တိုင် မိမိလုပ်ငန်းအပေါ် ကျသင့်သည့်အခွန်ငွေ သက်သာသည့် အခွန်ငွေများကို နားလည်ပြီး အခွန် ကြည်ကြည်ဖြူဖြူ ပေးဆောင်လာသည်အထိ ပညာပေး ဆွေးနွေးပွဲများ၊ အခွန်ဆိုင်ရာရှင်းလင်းပွဲများကို စဉ်ဆက်မပြတ်ဆောင်ရွက်သွားကြရန် လိုအပ်ကြောင်း၊ အခွန်ထမ်းဆောင်ရန် တာဝန်သည် နိုင်ငံသားတစ်ဦး၏ အနိမ့်ဆုံးသော မဖြစ်မနေထမ်းဆောင်ရမည့် တာဝန် ဖြစ်ကြောင်းကို အခွန်ထမ်းပြည်သူများ နားလည်အောင်ဆောင်ရွက်ကြရန် လိုကြောင်း၊ အခွန်ထမ်းပြည်သူကိုယ်တိုင် စည်းကျပ်သည့် အခွန်ငွေများကို သတ်မှတ်ထားသည့် အချိန်အတွင်း ပေးသွင်းစေရန် စိတ်ရှည်လက်ရှည်ဖြင့် ရှင်းလင်းပြောပြဖို့ တာဝန်ရှိပါကြောင်း၊ နိုင်ငံတော်တွင် စီးပွားရေးမူဝါဒ ပြုပြင် ပြောင်းလဲလာမှုကြောင့် နိုင်ငံခြားရေး ရင်းနှီးမြုပ်နှံမှုများ ဆက်တိုက် ဝင်ရောက်လာမည် ဖြစ်သဖြင့်  အခွန်ဌာန ဝန်ထမ်းများအနေဖြင့် မိမိတို့ဌာနမှ ပြဌာန်းသတ်မှတ်ထားသော ဥပဒေ၊ စည်းမျဉ်းများကို ကြိုတင်လေ့လာထားကြပြီး ဥပဒေနှင့် အညီ မှန်မှန်ကန်ကန် စည်းကြပ်ကောက်ခံမှုများ ဆောင်ရွက်နိုင်ရန် ကြိုတင်ပြင်ဆင်ထားကြရန် လိုကြောင်း ” တိုက်တွန်း ပြောကြားသွားသည်။

 

   ဆက်လက်၍ ရှမ်းပြည်နယ်အခွန်ဦးစီးဌာမှူး သူရဦးထင်ကျော်မိုးမှ လုပ်ငန်းဆောင်ရွက်မှု အခြေအနေများကို တင်ပြပြီးနောက် ရှမ်းပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာစကား ပြောကြားကာ အစည်းအဝေးကို ရုပ်သိမ်းလိုက်သည်။ 

 

   အဆိုပါ ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန၊ ရှမ်းပြည်နယ်၏ ၂၀၁၃-၂၀၁၄ဘဏ္ဍာနှစ်၊ ဒုတိယ(၆)လပတ် လုပ်ငန်းညှိနှိုင်းအစည်းအဝေးသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင် နှင့် ရှမ်းပြည်နယ်အတွင်းရှိ အခွန်ဦးစီးဌာနများမှ အခွန်ဦးစီးမှူးများ၊ တာဝန်ရှိသူများ တက်ရောက်ကြကြောင်း သတင်းရရှိသည်။

 

More Articles...

  1. ရွှေဘုန်းပွင့်ဘုရား ဗုဒ္ဓပူဇနိယပွဲတော် ကျင်းပနိုင်ရေး လုပ်ငန်းညှိနှိုင်း အစည်းအဝေး
  2. ပြည်နယ်လူမှုရေးဝန်ကြီး၊ တောင်ကြီးဆေးတက္ကသိုလ်၊ အားကစားနှင့် ကာယပညာသိပ္ပံ(တောင်ကြီး) ကွင်းဆင်းစစ်ဆေး
  3. တိုင်းရင်းမီဒီယာညီလာခံ မြန်မာတိုင်းရင်းမီဒီယာကွန်ယက် တည်ဆောက်ရေး အခမ်းအနားကျင်းပ
  4. စည်ပင်သာယာရေးကော်မတီ ဒုတိယ(၆)လပတ် လုပ်ငန်းညှိနှိုင်းအစည်းအဝေးကျင်းပ
  5. ပဉ္စမအကြိမ်မြောက် တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော်ကို ရှမ်းပြည်နယ်ဝန်ကြီးချုပ် တက်ရောက်ဖွင့်လှစ်ပေး
  6. တောင်ကြီးမြို့၊ ရေထွက်ဦး၌ GSM ရေဒီယိုစခန်း တာဝါဖောင်ဒေးရှင်း ပန္နက်တင်မင်္ဂလာ ကျင်းပ
  7. ရှမ်းပြည်နယ်(တောင်ပိုင်း)ရှိ ခရိုင်၊ မြို့နယ်၊ မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်း အစည်းအဝေး ကျင်းပ
  8. ရှမ်းပြည်နယ်အစိုးရအဖွဲ့နှင့် ရှမ်းပြည်နယ်၊ မြန်မာ့ဆက်သွယ်ရေးလုပ်ငန်း လုပ်ငန်းညှိနှိုင်းအစည်းအဝေး ကျင်းပ
  9. ပြည်နယ်စည်ပင်သာယာရေးကော်မတီ အကြိုလုပ်ငန်းညှိနှိုင်း
  10. ကိုရီးယားသမ္မတနိုင်ငံတော်၏ Know-hows လုပ်ငန်းစဉ်နှင့် နှစ်နိုင်ငံအတွေ့အကြုံများ ဖလှယ်၍ ပြည်သူလူထု အသိပညာပေးလှုပ်ရှားမှု မူးယစ်ဆေးဝါးအသိပညာပေး ဟောပြောပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-nay

ရှမ်းပြည်နယ်(မြောက်ပိုင်း) မူဆယ်၊ နမ့်ခမ်းနှင့် ကွမ်းလုံမြို့နယ်များတွင် အများဆုံး နေထိုင်ကြပါသည်။

We have 67 guests and no members online

Latest Updates