သတင်းများ

ပဉ္စမအကြိမ်မြောက် တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော်ကို ရှမ်းပြည်နယ်ဝန်ကြီးချုပ် တက်ရောက်ဖွင့်လှစ်ပေး

တောင်ကြီး မတ် ၂

 

049

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများသည် ကလောမြို့နယ်၊ ဘော်နင်းကျေးရွာ၌ ကျင်းပပြုလုပ်သည့် ပဉ္စမအကြိမ်မြောက် တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော် ဖွင့်ပွဲအခမ်းအနားသို့ တက်ရောက်သည်။

 

   အစီအစဉ်အရ ပဉ္စမအကြိမ်မြောက် တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော် မုခ်ဦးအား ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ်လွှတ်တော်ကိုယ်စားလှယ်၊ တောင်ရိုးစာပေနှင့် ယဉ်ကျေးမှုအဖွဲ့ ဥက္ကဌ ဦးသောင်းရွှေတို့က ဖဲကြိုးဖြတ် ဖွင့်လှစ်ပေးသည်။ ထို့နောက် စုံညီပွဲတော်ကျင်းပရာ စင်မြင့်ပေါ်၌ တိုင်းရင်းသား ယဉ်ကျေးမှုအကအဖွဲ့များဖြစ်သည့် ဆူးပန်းအင်း တောင်ရိုးစာပေနှင့် ယဉ်ကျေးမှုအဖွဲ့၊ ညောင်ပင်ခါးရှည်အဖွဲ့(၁) ဓနုစာပေနှင့် ယဉ်ကျေးမှုအဖွဲ့၊ မြက်ဆက်မြောက် ပအိုဝ်းစာပေနှင့် ယဉ်ကျေးမှုအကအဖွဲ့၊ တောင်ကြီးနည်းပညာတက္ကသိုလ်မှ တောင်ရိုးစာပေနှင့် ယဉ်ကျေးမှုအကအဖွဲ့၊ (၂၇)ကြိမ်မြောက် အရှေ့တောင်အာရှအားကစားပြိုင်ပွဲ ဖွင့်ပွဲ - ပိတ်ပွဲ အခမ်းအနားတွင် တောင်ရိုးတိုင်းရင်းသားများ ကိုယ်စားပြု ပါဝင်ကပြခဲ့သည့် အောင်ပန်းမှ တောင်ရိုးစာပေနှင့် ယဉ်ကျေးမှုအကအဖွဲ့များက ကပြဖျော်ဖြေကြသည်။ ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်မိန့်ခွန်း ပြောကြားသည်။

 

   ဆက်လက်၍ ရှမ်းပြည်နယ်လွှတ်တော်ကိုယ်စားလှယ်၊ တောင်ရိုးစာပေနှင့် ယဉ်ကျေးမှုအဖွဲ့ ဥက္ကဌ ဦးသောင်းရွှေ၊ ပွဲတော်ကျင်းပရေးကော်မတီ ဥက္ကဌ ဦးကျော်ဆွေတို့က အသီးသီး ကျေးဇူးတင်စကား ပြောကြားကြသည်။ ယင်းနောက် ပွဲတော်ကျင်းပရေးကော်မတီသို့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့် မိသားစု လှူဒါန်းသည့် အလှူငွေကျပ် (၁၀)သိန်းကို ဦးစဝ်အောင်မြတ်မှ လည်းကောင်း၊ ရှမ်းပြည်နယ်အစိုးရအဖွဲ့မှ လှူဒါန်းသည့် အလှူငွေကျပ် (၁၀)သိန်းကို ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ လည်းကောင်း၊ ရှမ်းပြည်နယ်လွှတ်တော်ကိုယ်စားလှယ်၊ တောင်ရိုးစာပေနှင့် ယဉ်ကျေးမှုအဖွဲ့ ဥက္ကဌ ဦးသောင်းရွှေမှ လှူဒါန်းသည့် အလှူငွေကျပ် (၁၀)သိန်းနှင့် အလှူရှင်များမှ အလှူများ အသီးသီး ပေးအပ်လှူဒါန်းကြရာ တာဝန်ရှိသူများက လက်ခံရယူကြသည်။ ၎င်းနောက် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ ဧည့်သည်တော်များက အမှတ်တရ မှတ်တမ်းတင် ဓာတ်ပုံများ ရိုက်ကူးကြပြီး ပထမပိုင်း အခမ်းအနားအစီအစဉ်ကို အောင်မြင်စွာ ရုပ်သိမ်းလိုက်ကြောင်း သိရှိရသည်။

 

   ဆက်လက်၍ ရှမ်းပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ ဧည့်သည်တော်များသည် ဘော်နင်းကျေးရွာ ဘုန်းကြီးကျောင်းသို့ လှူဖွယ်ဝတ္ထုပစ္စည်းများ လှူဒါန်းခဲ့ကြောင်း သတင်းရရှိသည်။

 

တောင်ကြီးမြို့၊ ရေထွက်ဦး၌ GSM ရေဒီယိုစခန်း တာဝါဖောင်ဒေးရှင်း ပန္နက်တင်မင်္ဂလာ ကျင်းပ

တောင်ကြီး   ဖေဖော်ဝါရီ   ၂၇

 

048

 

   ရှမ်းပြည်နယ်(တောင်ပိုင်း) အများပြည်သူများ တယ်လီဖုန်းများ ဆက်သွယ်မှု လွယ်ကူချောမွေ့စေရန်အတွက် တောင်ကြီးမြို့၊ ရေထွက်ဦး၌ GSM ရေဒီယိုစခန်း တာဝါဖောင်ဒေးရှင်း ပန္နက်တင်မင်္ဂလာ အခမ်းအနားကို ဖေဖော်ဝါရီ (၂၇)ရက်၊ နံနက် (၁ဝ)နာရီက ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ မြန်မာ့ဆက်သွယ်ရေးလုပ်ငန်းမှ ပြည်နယ်မန်နေဂျာနှင့် ဝန်ထမ်းများ၊ East Boy ကုမ္ပဏီမှ တာဝန်ရှိသူများ တက်ရောက်ကြသည်။ 

 

   ပထမဦးစွာ ပြည်နယ်မန်နေဂျာ၊ မြန်မာ့ဆက်သွယ်ရေးလုပ်ငန်းမှ  GSM စခန်းများ ဆောင်ရွက်မည့်လုပ်ငန်းများနှင့် ပတ်သက်၍ ရှင်းလင်းပြီး၊ East Boy ကုမ္ပဏီမှ အမှုဆောင်ဒါရိုက်တာ ဦးညီသူရက GSM စခန်းများတွင် ထားရှိမည့် စက်ပစ္စည်းဆိုင်ရာများနှင့် ပတ်သက်၍ ရှင်းလင်းတင်ပြကြသည်။

 

   ဆက်လက်၍ ပန္နက်တင်မင်္ဂလာ အခမ်းအနားဆောင်ရွက်ရာ နေရာအမှတ် (၁)တွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ နေရာအမှတ် (၂)တွင် ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ နေရာအမှတ် (၃)တွင် East Boy ကုမ္ပဏီမှ အမှုဆောင်ဒါရိုက်တာ ဦးညီသူရတို့က အသီးသီး နေရာယူကြပြီး၊ မင်္ဂလာအချိန်ကျရောက်သောအခါ ပန္နက်များကို ရိုက်ပေးကြကာ၊ ပြည်နယ်ဝန်ကြီးချုပ်နှင့် တာဝန်ရှိသူများက အမွှေးနံ့သာရည်များ ပတ်ဖျန်းပေးပြီး၊ ရတနာ ရွှေမိုး၊ ငွေမိုးများ ရွာသွန်းပေး၍ အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

 

အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ တွေ့ဆုံ ရှင်းလင်းဆွေးနွေး

တောင်ကြီး   ဖေဖော်ဝါရီ   ၁၉

 

043

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ အထက်ပေါင်းလောင်း ရေအားလျှပ်စစ် စီမံကိန်းမှ ညွှန်ကြားရေးမှူးချုပ် ဦးသောင်းဟန်နှင့် အဖွဲ့ဝင်များသည် ဖေဖော်ဝါရီ(၁၉)ရက်၊ မွန်းလွဲ(၂)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ တွေ့ဆုံ ရှင်းလင်းကြသည်။

 

   ရှေးဦးစွာ ညွှန်ကြားရေးမှူးချုပ် ဦးသောင်းဟန်မှ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ စက်ရုံများကို မေ၊ ဇွန်လတွင် လျှပ်စစ်ဓါတ်အားများ လည်ပတ်နိုင်မည် ဖြစ်ကြောင်း၊ ဘေးပတ်ဝန်းကျင်ရှိ လူနေအိမ်များကိုလည်း လျော်ကြေးများ ပေးလျော်ပြီးကြောင်း၊ ဘုန်းကြီးကြောင်း၊ စာသင်ကျောင်း၊ လူနေအိမ်များကိုလည်း ဆောက်လုပ်ပေးပြီးကြောင်း ဆွေးနွေးသွားသည်။

 

   ဆက်လက်၍ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်မှ အိမ်ယာမြေ ပြောင်းရွှေ့ရေးကိစ္စနှင့် ပတ်သက်၍ ပြောင်းရွှေ့ခံရသည့် (၂၂)ရွာကို ဒေသခံများက ဘုန်းကြီးကျောင်းနှင့် အနီးစပ်ဆုံးနေရာတွင် ချပေးရန်၊ ဒေသခံများက ဆရာတော်ကြီးများ၏ ဝေယျာဝေစ္စများကို ပြုလုပ်ပေးနိုင်မည် ဖြစ်ကြောင်း၊ ဒေသခံများကလည်း တစ်နိုင်တစ်ပိုင်လုပ်ငန်းများ လုပ်ကိုင်နိုင်ရန် စီစဉ်ဆောင်ရွက်ပေးရန် ရှင်းလင်း ဆွေးနွေးသွားသည်။

 

   ထို့နောက် ပြည်နယ်ဝန်ကြီးချုပ် ဦးစဝ်အောင်မြတ်က အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ လိုအပ်သည်များကို ပြန်လည်ဖြည့်ဆည်း ပြောကြား ဆွေးနွေးသွားကြောင်း သိရှိရသည်။

 

ရှမ်းပြည်နယ်(တောင်ပိုင်း)ရှိ ခရိုင်၊ မြို့နယ်၊ မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်း အစည်းအဝေး ကျင်းပ

တောင်ကြီး   ဖေဖော်ဝါရီ  ၂၇

 

047

 

   ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ရှမ်းပြည်နယ်(တောင်ပိုင်း)ရှိ ခရိုင်၊ မြို့နယ်၊ မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်း အစည်းအဝေးကို ဖေဖော်ဝါရီ(၂၇)ရက်၊ နံနက်(၈)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကား ပြောကြားသည်။

 

   ဆက်လက်၍ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်မှ တရားရေးဆိုင်ရာ ဥပဒေကိစ္စရပ်များ ဆွေးနွေး၍ လည်းကောင်း၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူမှ လုံခြုံရေးကိစ္စရပ်များနှင့် ပတ်သက်သည်များကို ဆွေးနွေး၍ လည်းကောင်း၊ ပြည်နယ်ဥပဒေချုပ် ဦးမောင်မောင်မှ ဥပဒေဆိုင်ရာကိစ္စရပ်များကို အသီးသီး ဆွေးနွေးမှာကြားကြသည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူးနှင့် တာဝန်ရှိသူများ၊ ပအိုဝ်း/ဓနု ကိုယ်ပိုင်အုပ်ချုပ်ခွင့်ရဒေသမှ ဒုတိယညွှန်ကြားရေးမှူးများ၊ တောင်ကြီး/လွိုင်လင်/လင်းခေးခရိုင် အုပ်ချုပ်ရေးမှူးများ၊ မြို့နယ်၊ မြို့နယ်ခွဲ အုပ်ချုပ်ရေးမှူးများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့နှင့် Taunggyi Highway Bus Terminal & Logistic Warehouse ကုမ္မဏီအဖွဲ့နှင့် တွေ့ဆုံ

တောင်ကြီး   ဖေဖေါ်ဝါရီ  ၁၉

 

042

 

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပအိုဝ်းကိုယ်ပိုင်အုပ်ချုပ်ခွင့်ရသောဦးစီးအဖွဲ့ ဥက္ကဌ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့် ဖေဖေါ်ဝါရီ(၁၉)ရက် မွန်းလွဲ(၁)နာရီက ရှမ်းပြည်နယ်အစိုးရ အစည်းအဝေခန်းမ၌ Taunggyi Highway Bus Terminal & Logistic Warehouse  ကုမ္မဏီအဖွဲ့နှင့်တွေ့ဆုံ နှင့်တွေ့ဆုံဆွေးနွေးသည်။

 

   ပထမဦးစွာ Taunggyi Highway Bus Terminal & Logistic Warehouse  ကုမ္မဏီမှ ဒုတိယမန်နေဂျာဦးလွင်မိုးက Highway လမ်းမကြီးတည်ဆောက်မည့်ပုံစံများကို Projector ဖြင့်ရှင်းလင်းတင်ပြခဲ့သည်။ 

 

   ဆက်လက်၍ အစိုးရအဖွဲ့၊ ပြည်နယ်လမ်းပန်ဆက်သွယ်ရေးဝန်ကြီး ဦးစိုင်းနော်ခမ်းမှ တင်ဒါခေါ်ယူထားသည့် အချက်အလက်များ ရှင်းလင်းခြင်း၊ ပြည်နယ်စည်ပင်သာယာရေး ဝန်ကြီး ဦးစိုင်းလှဝင်းက ရေရရှိရေးအတွက် ဆွေးနွေးပြီး၊ ပြည်နယ်ဥပဒေချုပ်မှ လုပ်ငန်းစာချုပ်နှင့် ပက်သက်၍ ရှင်းလင်းခြင်း၊ ပြည်နယ်ဘဏ္ဏာရေးဝန်ကြီး ဦးခွန်သိန်းမောင်မှ ယာဉ်ရပ်နားမည့် နေရာနှင့် ပက်သက်၍ ဆွေးနွေးခြင်း၊ ပြည်နယ်ဝန်ကြီးချုပ် ဦးစဝ်အောင်မြတ်က လုပ်ငန်းနှင့် ပက်သက်၍ လိုအပ်သည့်လုပ်ငန်းများကို ပြန်လည်ဖြည့်ဆည်းမှာကြားခဲ့သည်။ 

 

   ထို့နောက် ပြည်နယ်အဆင့်ဌာနဆိုင်ရာ တာဝန်ရှိသူများက မိမိတို့နှင့် သက်ဆိုင်သည့် ကဏ္ဍအလိုက် ဆွေးနွေးတင်ပြကြပြီး တွေ့ဆုံပွဲကို အောင်မြင်စွာ ရုပ်သိမ်းလိုက်သည်။

 

ရှမ်းပြည်နယ်အစိုးရအဖွဲ့နှင့် ရှမ်းပြည်နယ်၊ မြန်မာ့ဆက်သွယ်ရေးလုပ်ငန်း လုပ်ငန်းညှိနှိုင်းအစည်းအဝေး ကျင်းပ

တောင်ကြီး ဖေဖော်ဝါရီ  ၂၁

 

045

 

   ရှမ်းပြည်နယ်အစိုးရအဖွဲ့နှင့် ရှမ်းပြည်နယ်၊ မြန်မာ့ဆက်သွယ်ရေးလုပ်ငန်း လုပ်ငန်းညှိနှိုင်းအစည်းအဝေး ကို ဖေဖော်ဝါရီလ (၂၁) ရက် နံနက်(၉)နာရီက တောင်ကြီးမြို့၊ ရှမ်းပြည်နယ် မြန်မာ့ဆက်သွယ်ရေးလုပ်ငန်း ပြည်နယ်အစည်းအဝေးခန်းမ၌ ကျင်းပသည်။ ရှေးဦးစွာ မြန်မာ့ဆက်သွယ်ရေးလုပ်ငန်း ရှမ်းပြည်နယ် (တောင်ပိုင်း၊ အရှေ့ပိုင်း၊ မြောက်ပိုင်း)မှ တက်ရောက်လာသော ဌာနဆိုင်ရာ တာဝန်ရှိသူများမှ ရှမ်းပြည်နယ် အစိုးရအဖွဲ့ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ ဂါရဝပြုနှုတ်ဆက်ကြသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး အောင်သူ မှ အဖွင့်အမှာစကားပြောကြားပေးသည်။ ထို့နောက် မြန်မာ့ဆက်သွယ်ရေးလုပ်ငန်း၊ ရှမ်းပြည်နယ် လက်ထောက် အထွေထွေမန်နေဂျာ ဦးကျော်သက်မှ ရှမ်းပြည်နယ် ဆက်သွယ်ရေးဆိုင်ရာ လုပ်ငန်း ကိစ္စရပ်များကို တင်ပြ၍ လည်းကောင်း၊ ရှမ်းပြည်နယ်(တောင်ပိုင်း) လက်ထောက်အင်ဂျင်နီယာ ဦးမြင့်သောင်းမှ ရှမ်းပြည်နယ် (တောင်ပိုင်း) ဆက်သွယ်ရေးဆိုင်ရာလုပ်ငန်းကိစ္စရပ်များကိုလည်းကောင်း၊ ရှမ်းပြည်နယ် (မြောက်ပိုင်း) တွဲဘက်ပြည်နယ်မန်နေဂျာ ဦးခင်မောင်မြင့်မှ ရှမ်းပြည်နယ်(မြောက်ပိုင်း) ဆက်သွယ်ရေး ဆိုင်ရာလုပ်ငန်း ကိစ္စရပ်များကိုလည်းကောင်း၊ ရှမ်းပြည်နယ်(အရှေ့ပိုင်း)၊ တွဲဘက်ပြည်နယ်မန်နေဂျာ ဦးအောင်ကြည်မြင့်မှ ရှမ်းပြည်နယ်(အရှေ့ပိုင်း) ဆက်သွယ်ရေးဆိုင်ရာ လုပ်ငန်းကိစ္စရပ်များကို လည်းကောင်း အသီးသီး တင်ပြကြသည်။

 

   ထို့နောက် ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူမှ နိဂုံးချုပ်အမှာစကားပြောကြားပြီး လိုအပ်သည်များကို ပေါင်းစပ်ညှိနှိုင်းဆွေးနွေးကာ အစည်းအဝေးကို အောင်မြင်စွာ ရုပ်သိမ်းလိုက်ကြောင်း သိရသည်။

 

   အဆိုပါ အစည်းအဝေးသို့ ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး၊ မြန်မာ့ဆက်သွယ်ရေးလုပ်ငန်း ပြည်နယ်မန်နေဂျာ၊ ရှမ်းပြည်နယ်(မြောက်ပိုင်း၊ အရှေ့ပိုင်း) မှ တွဲဘက်ပြည်နယ် မန်နေဂျာများနှင့် ရှမ်းပြည်နယ်အတွင်းရှိ ပြည်နယ်/ခရိုင်/မြို့နယ်များမှ တာဝန်ခံအင်ဂျင်နီယာများ၊ အရာရှိများ၊ ဌာနတာဝန်ခံများ တက်ရောက်ကြကြောင်း သတင်းရရှိသည်။

 

(၁၆)ကြိမ်မြောက် တောင်ကြီးပညာရေးကောလိပ် ဆရာအတတ်ပညာ ဒီပလိုမာ/လက်မှတ်ပေးအပ်

တောင်ကြီး ဖေဖော်ဝါရီ  ၁၇

 

ရှမ်းပြည်နယ်၊ တောင်ကြီးပညာရေးကောလိပ် (၁၆)ကြိမ်မြောက် ဆရာအတတ်ပညာ ဒီပလိုမာ/လက်မှတ် ပေးအပ်ပွဲကို ဖေဖော်ဝါရီ (၁၇)ရက် နံနက်(၈)နာရီက တောင်ကြီးမြို့၊ ပညာရေးကောလိပ်၊ ပညာရတနာခန်းမ၌ ကျင်းပသည်။

 

“အမျိုးသားပညာရည် မြင့်မားရေး၊ ပညာရေးမြှင့်တင်မှုကို နိုင်ငံတစ်ဝန်း ပညာရေးကောလိပ်ကျောင်း (၂၀) တို့တွင် လုပ်ငန်းခွင်အကြို ဆရာအတတ်ပညာ ဒီပလိုမာ(ပထမနှစ်) သင်တန်းများကို (၁၉၉၈-၁၉၉၉) ပညာသင်နှစ် ဒီဇင်ဘာလတွင် အမှတ်စဉ်(၁)မှ စတင်ဖွင့်လှစ်ခဲ့ပြီး၊ (၂၀၁၂-၂၀၁၃) ပညာသင်နှစ်တွင် အမှတ်စဉ် (၁၇)ထိလည်းကောင်း၊ ဒုတိယနှစ်သင်တန်းများကို (၂၀၀၀-၂၀၀၁)ပညာသင်နှစ် ဧပြီလတွင် အမှတ်စဉ်(၁)မှ စတင်ဖွင့်လှစ်၍ (၂၀၁၂-၂၀၁၃)ပညာသင်နှစ်တွင် အမှတ်စဉ်(၁၆)ထိ လေ့ကျင့်ပေးခဲ့ကြောင်း၊ (၂၀၁၂-၂၀၁၃) ပညာသင်နှစ်တွင် တောင်ကြီးပညာရေးကောလိပ်၌ လေ့ကျင့်သင်ယူခဲ့သည့် အမှတ်စဉ်(၁၆/၁၁) ဒုတိယနှစ် အောင်မြင်သူ သင်တန်းသူ(၁၇၂)ဦး၊ အမှတ်စဉ်(၁၇/၁၂) ပထမနှစ်အောင်မြင်သူ သင်တန်းသူ(၃၀၁)ဦးကို သက်ဆိုင်ရာ ဒီပလိုမာ/လက်မှတ်များ ချီးမြှင့်ပေးအပ်မှာ ဖြစ်ကြောင်း၊ အမှတ်စဉ်(၁၆/၁၁) ဒုတိယနှစ် အောင်မြင်သူ (၁၇၂)ဦးမှ သင်တန်းသူ(၂၆)ဦးသည် စစ်ကိုင်းပညာရေးတက္ကသိုလ် (B.ED) တတိယနှစ် သင်တန်းကို တက်ရောက်ခွင့်ရရှိပြီး သင်တန်းသူ (၁၄၆)ဦးကိုလည်း အမှတ်စဉ်(၁၇/၁၂) ပထမနှစ် အောင်မြင်သူ (၃၀၁)ဦးမှ သင်တန်းသူ(၆)ဦးကို သင်တန်းဆင်းလက်မှတ်များ ချီးမြှင့်ပေး၍ (၂၀၁၄)ခုနှစ် မေလတွင် မူလတန်းပြ ဆရာများအဖြစ် တာဝန်ပေးအပ် ခန့်အပ်သွားမည် ဖြစ်ကြောင်း၊ ဆရာမလောင်းများကို လက်တွေ့ကျသော ပညာရေး ပြုပြင်ပြောင်းလဲရေးဆိုင်ရာ လုပ်ငန်းများနှင့် စပ်လျဉ်းပြီး အသိပေး ပြောကြားလိုကြောင်း၊ လူတိုင်းပညာသင်ယူခွင့် ရရှိနိုင်ရေးအတွက် နိုင်ငံတော်မှ အဘက်ဘက်က စီစဉ်ဆောင်ရွက်နေချိန်တွင် ဆရာ/ဆရာမများအနေနှင့် ကလေးများကျောင်းနေပျော်၍ စာတော်အောင် စွမ်းဆောင်ပေးကြရန်၊ ကလေးတစ်ဦးချင်းစီ၏ တစ်ကိုယ်ရည်သန့်ရှင်းရေး၊ ကျန်းမာရေး အသိပညာရရှိရန် Life Skill ဘာသာရပ်တွင် လေ့ကျင့်သင်ကြားပေးရန်၊ အားကစားနှင့် ရသခံစားနိုင်ရန် ပန်းချီနှင့် ဂီတကို သင်ကြားပေး၍ လိမ္မာယဉ်ကျေးနိုင်ရန် ပြည်သူ့နီတိ၊ လောကနီတိ ပညာရပ်များနှင့်  သဘာဝဘေးအန္တာရယ် သိရှိကြိုတင်ကာကွယ်ရေး ပတ်ဝန်းကျင် ထိန်းသိမ်းစောင့်ရှောက်မှု အလေ့အကျင့်များရရှိအောင် သင်ကြားပေးရန် လိုကြောင်း၊ စစ်မှန်သော မျိုးချစ်စိတ်ဓာတ် ပြည်ထောင်စုစိတ်ဓာတ်ကို အခြေခံ၍ မိမိတို့ဒေသ၏ ဖွံ့ဖြိုးတိုးတက်ရေးအတွက် ကိုယ့်ခွန် ကိုယ့်အားဖြင့် ဆောင်ရွတ်တတ်သည့် စိတ်ဓာတ် အမှုအကျင့်များကို လေ့ကျင့်ပျိုးထောင်ပေးကြရန် ” အတွက်  ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ လမ်းညွှန်အမှာစကား ပြောကြားသွားသည်။

 

ဆက်လက်၍ နိုင်ငံတော်သီချင်းတီးမှုတ်၍ အခမ်းအနားကို ဖွင့်လှစ်ပြီး ဆရာအတတ်ပညာ ဒီပလိုမာ/လက်မှတ် အပ်နှင်းပွဲ ကျင်းပရခြင်းနှင့် ပက်သက်၍ တောင်ကြီးပညာရေးကောလိပ်ကျောင်းအုပ်ဆရာမကြီး ဒေါ်နန်းဖြူဖောင်းမှ ရှင်းလင်းပြောကြားကာ ဆရာအတတ်ပညာဒီပလိုမာ သင်တန်းအောင်မြင်ပြီးမြောက်ခဲ့သည့် ဆရာအတတ်ပညာ သင်တန်းသူများအား ဒီပလိုမာ/လက်မှတ်များကို  ချီးမြှင့်အပ်နှင်းခဲ့ကြောင်း သိရှိရသည်။

 

အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူး၊ ပြည်နယ်/ခရိုင်/ မြို့နယ်အဆင့် ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ဒီပလိုမာဘွဲ့ရ သင်တန်းသူများ၊ မိဘပြည်သူများ တက်ရောက်ကြကြောင်း သတင်းရရှိသည်။

 

ပြည်နယ်စည်ပင်သာယာရေးကော်မတီ အကြိုလုပ်ငန်းညှိနှိုင်း

တောင်ကြီး ဖေဖော်ဝါရီ  ၂၁

 

046

 

   ရှမ်းပြည်နယ်စည်ပင်သာယာရေးကော်မတီအကြိုလုပ်ငန်းညှိနှိုင်းအစည်းအဝေးကို ဖေဖော်ဝါရီ(၂၁) ရက် နံနက်(၉)နာရီက တောင်ကြီးမြို့၊ ပြည်နယ်စည်ပင်သာယာရေးကော်မတီရုံး အစည်းအဝေးခန်းမ၌ ကျင်းပရာ  ရှမ်းပြည်နယ်အစိုးရအဖွဲ့  ပြည်နယ်ဝန်ကြီးချုပ် ဦးစဝ်အောင်မြတ်မှ ရှမ်းပြည်နယ်စည်ပင်သာယာရေးကော်မတီသို့ လုပ်ငန်းအမှာစကားပြောကြားရာတွင် “ ပြည်ထောင်စုအစိုးရအဖွဲ့ရဲ့ လမ်းညွှန်ချက်နဲ့အညီ ရှမ်းပြည်နယ်အစိုးရအဖွဲ့ အနေနဲ့ ရှမ်းပြည်နယ်အတွင်း မြို့၊ရွာများ ဖွံ့ဖြိုးတိုးတက်ဖို့ ကြိုးပမ်းဆောင်ရွက်လျက် ရှိသော အခြေအနေကို ရှင်းလင်းပြောကြားလိုကြောင်း၊ ရှမ်းပြည်နယ် (တောင်ပိုင်း) တောင်ကြီးမြို့တွင် ကျင်းပ ပြုလုပ်သည့် ခရိုင်စီမံခန့်ခွဲမှုကော်မတီ၊ မြို့နယ်စီမံခန့်ခွဲရေးကော်မတီ၊ မြို့နယ်ဖွံ့ဖြိုးတိုးတက်ရေး အထောက် အကူပြုကော်မတီ၊ မြို့နယ်စည်ပင်သာယာရေးကော်မတီများ လုပ်ငန်းညှိနှိုင်းအစည်းအဝေးအခမ်းအနားတွင် ပြည်ထောင်စုအစိုးရအဖွဲ့တို့နှင့် လက်ရှိဆောင်ရွက်နေသည့် မူဝါဒများကို ပြောကြားခဲ့ပြီးဖြစ်ပါကြောင်း၊ ရှမ်းပြည်နယ်အစိုးရအဖွဲ့သည် နိုင်ငံတော်သမ္မတကြီး၏ အစိုးရအုပ်ချုပ်ရေးယန္တရားကို ကောင်းမွန်သော အုပ်ချုပ်မှုစနစ်ဖော်ဆောင်ရေး (Good Governance) ၊ သန့်ရှင်းသောအစိုးရဖြစ်ရေး (Clean Government) တို့အတွက် လမ်းညွှန်မှာကြားခဲ့သည့် လမ်းညွှန်ချက်များနှင့်အညီ စဉ်ဆက်မပြတ်ဆောင်ရွက်လျက် ရှိပါကြောင်း    နိုင်ငံရေးအရပြုပြင်ပြောင်းလဲမှု၊ အမျိုးသားပြန်လည်စည်းလုံးညီညွတ်ရေး ငြိမ်းချမ်းရေးဖော်ဆောင်မှု၊ ကျေးလက်ဒေသဖွံ့ဖြိုးရေး လုပ်ငန်းစဉ်(၈)ရပ်အကောင်အထည်ဖော်ဆောင်မှုလုပ်ငန်းများ၊ ဘဏ္ဍာရေး ကော်မရှင်ကို ဖွဲ့စည်းပုံအခြေခံဥပဒေနှင့်အညီ ကျေးလက်လူမှုစီးပွားဘဝ ဖွံ့ဖြိုးတိုးတက်ရေး ဆောင်ရွက်မှု အပိုင်းများ၊ အုပ်ချုပ်ရေးဆိုင်ရာအဖွဲ့အစည်းများ အနေနဲ့ လုပ်ငန်းများဆောင်ရွက်ရာတွင်ဖြစ်စေ၊ ဥပဒေပြု လုပ်ငန်းများ အကောင်အထည်ဖော် ဆောင်ရွက်ရာတွင်ဖြစ်စေ နိုင်ငံသားများ၏ အကျိုးစီးပွားများအား မထိခိုက်ရန် ကျင့်သုံးနိုင်ရေး ကူညီထိန်းကျောင်းပေးနိုင်ရန်အတွက် ရည်ရွယ်ပြီးဆောင်ရွက်ခြင်း စသည်တို့ဖြင့် အပိုင်းကြီး(၃)ပိုင်းနှင့် မူဝါဒဆိုင်ရာလုပ်ငန်းများဆောင်ရွက်လျက်ရှိပါကြောင်း၊  ရှမ်းပြည်နယစည်ပင်သာယာရေး ဥပဒေသည် ပြည်သူများနှင့်တိုက်ရိုက်ထိတွေ့ပြီး မြို့ပြ/ ကျေးလက် စည်ပင်ဖွံ့ဖြိုးတိုးတက်ရေး၊ အများပြည်သူ အကျိုးအတွက် နေထိုင်မှုလုပ်ကိုင်ဆောင်ရွက်မှုတို့ စနစ်တကျဖြစ်စေရေး၊ အဓိကကြီးကြပ်အုပ်ချုပ်သည့် ဥပဒေ ဖြစ်ပြီး ဒီမိုကရေစီခေတ်ဖြစ်သည့် ယနေ့ကာလတွင် အများပြည်သူအကျိုးအတွက် ပေါ်ပေါက်လာသည့် ဥပဒေ ဖြစ်ပါကြောင်း၊ တာဝန်ရှိသူအားလုံး ရှမ်းပြည်နယ်စည်ပင်သာယာရေးဥပဒေကို စေ့စေ့စပ်စပ်သေသေချာချာ ကျေညက်အောင်လေ့လာပြီး ဥပဒေနှင့်အညီ စည်ပင်သာယာရေးလုပ်ငန်းများကို ယခုနှစ်ထက်ပိုမိုကြိုးပမ်း ဆောင်ရွက်သွားကြရန် မှာကြားလိုကြောင်း၊ ပြည်နယ်စည်ပင်သာယာရေးကော်မတီမှ မူဝါဒပိုင်းဆိုင်ရာကြီးကြပ် သည့် လုပ်ငန်း တာဝန်ယူဆောင်ရွက်သွားကြမည့် ပြည်သူကရွေးချယ်တင်မြောက်ထားသည့် မြို့မိမြို့ဖများ၊ ဝန်ထမ်းများ မဟုတ်သည့်နိုင်ငံသားများအနေဖြင့်လည်း ပြည်နယ်စည်ပင်သာယာရေးကော်မတီတာဝန်များကို တာဝန်ယူဆောင်ရွက်ကြသည့်အခါတွင် စည်ပင်သာယာရေးလုပ်ငန်းများကို အများပြည်သူအကျိုးအတွက် ကျယ်ကျယ်ပြန့်ပြန့် ကြီးကြပ်ဆောင်ရွက်သွားကြရန် စည်ပင်သာယာရေးဥပဒေ၊ လုပ်ထုံးလုပ်နည်း၊ အမိန့်နှင့် ညွှန်ကြားချက်များ၊ စည်းကမ်းများကို ကျေညက်အောင်လေ့လာပြီး သက်ဆိုင်ရာပြည်နယ်စည်ပင်သာယာရေး ဌာနနှင့် ပူးပေါင်းဆောင်ရွက်လျက် စည်ပင်သာယာရေးလုပ်ငန်းများ အဆင်ပြေအောင် ဆောင်ရွက်နိုင်ရေး အထူးအလေးထား ဆောင်ရွက်သွားကြရန်လိုအပ်ပါကြောင်း ” ပြောကြားသွားသည်။

 

   ဆက်လက်၍ ပြည်နယ်ဥပဒေချုပ် ဦးမောင်မောင်မှ စည်ပင်သာယာရေးကော်မတီ ဥပဒေရေးရာများကို ရှင်းလင်း၍လည်းကောင်း၊ ပြည်နယ်တရားလွှတ်တော်တရားသူကြီးချုပ်မှ ဦးကြွယ်ကြွယ်မှ တရားရေးကိစ္စရပ် များ နှင့်ပက်သပ်၍ ရှင်းလင်းဆွေးနွေး၍လည်းကောင်း၊ ပြည်နယ်စာရင်းစစ်ချုပ် ဦးသိန်းမြင့်မှ စာရင်းဇယားများ နှင့်ပက်သက်၍လည်းကောင်း၊ ပြည်နယ်ရသုံးမှန်းခြေဦးစီးဌာန ပြည်နယ်ညွှန်ကြားရေးမှူး ဒေါ်နန်းမိုခမ်းမှ ရသုံးမှန်းခြေ ကိစ္စရပ်များနှင့်ပက်သက်၍ အသီးသီးဆွေးနွေး ရှင်းလင်းပြောကြားပြီး အခမ်းအနားကို ရုပ်သိမ်းလိုက်သည်။

 

   အဆိုပါ အခမ်းအနားသို့ ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူးနှင့် ပြည်နယ် စည်ပင်သာယာရေးကော်မတီအတွင်းရေးမှူး၊ ဥက္ကဋ္ဌနှင့်ဒုဥက္ကဋ္ဌများ ၊ အဖွဲ့ဝင်များ၊ ပြည်နယ်စည်ပင်သာယာရေး အဖွဲ့ဝန်ထမ်းများ တက်ရောက်ကြကြောင်း သိရှိရသည်။

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်သောအဖွဲ့မှ အခမဲ့ ကျန်းမာရေး ကွင်းဆင်းစောင့်ရှောက်ပေးခဲ့မှု ခရီးစဉ်

တောင်ကြီး   ဖေဖော်ဝါရီ   ၁၅

 

 041

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦး၊ လင်းခေးခရိုင် အထွေထွေအုပ်ချုပ်ရေးမှူး ဦးခင်ဝင်း၊ လွိုင်လင်ပြည်သူ့ဆေးရုံကြီးမှ ဆေးရုံအုပ်ကြီး ဒေါက်တာအောင်ထွေး၊ အထူးကုဆရာဝန်ကြီးများနှင့် ရာစုသစ် သွေးလှူရှင်များအသင်းတို့မှ ပူးပေါင်းလိုက်ပါလျက် (၁၅-၂-၂၀၁၄)ရက်နေ့ နံနက်(၉:၀၀)နာရီအချိန်တွင် မောက်မယ်မြို့သို့ ရောက်ရှိခဲ့ကြပြီး မောက်မယ်ပြည်သူ့ဆေးရုံကြီးတွင် ဒေသခံပြည်သူများအား အခမဲ့ ကျန်းမာရေး စောင့်ရှောက်မှုလုပ်ငန်းကို ဆောင်ရွက်ပေးခဲ့ကြပါသည်။ အဆိုပါ ကျန်းမာရေးစောင့်ရှောက်မှု အခမ်းအနားသို့ ရပ်ကွက်/ ကျေးရွာများမှ ဒေသခံပြည်သူများ လာရောက်ပြသခဲ့ရာ နွေးထွေးစွာ ကြိုဆိုခဲ့ကြပြီး သက်ဆိုင်ရာ အထူးကုဆရာဝန်များမှ အထွေထွေရောဂါ (၃၁၀)ဦး၊ ခွဲစိတ်လူနာ (၄၆)ဦး၊ အရိုးလူနာ (၁၁၈)ဦး၊ မီးယပ်သားဖွား (၂၅)ဦး၊ ကလေးလူနာ (၃၁)ဦး၊ မျက်စိလူနာ (၁၈၃)ဦး၊ သွားရောဂါ (၂၂)ဦး စုစုပေါင်းလူနာ (၇၃၅)ဦးတို့ကို ဆေးဝါးများပေး၍ အခမဲ့ ကုသပေးခဲ့ကြပါသည်။

 

နံနက်(၁၀:၀၀)နာရီ တွေ့ဆုံပွဲအခမ်းအနားတွင် မောက်မယ်မြို့နယ်ဆေးရုံအတွက် အလှူငွေကျပ် (၁၀)သိန်းနှင့် အခမဲ့ ကျန်းမာရေး ကွင်းဆင်းဆောင်ရွက်မှု လုပ်ငန်းအတွက် ငွေကျပ်(၅)သိန်းတို့ကို လူမှုရေးဝန်ကြီး ဒေါက်တာမျိုးထွန်းမှ ပေးအပ်လှူဒါန်းခဲ့ရာ မောက်မယ်မြို့နယ် ကျန်းမာရေးဦးစီးဌာနမှူးမှ လက်ခံရယူခဲ့ပါသည်။

 

ထို့နောက် ပြည်နယ်လူမှုရေးဝန်ကြီးနှင့် ပြည်နယ်ကျန်းမာရေးဦးစီးဌာနမှူးတို့မှ မိုးနဲမြို့နယ်သို့ ဆက်လက်ထွက်ခွာခဲ့ကြပြီး၊ ခိုလမ်ဆေးရုံအုပ်ကြီး ဒေါက်တာယုဝေနှင့် အထူးကုဆရာဝန်များအဖွဲ့တို့ ပူးပေါင်းလိုက်ပါကြလျက် မိုးနဲအထကကျောင်းတွင် မိုးနဲမြို့နယ် ဆရာဝန်နှင့် ကျန်းမာရေးဝန်ထမ်းအဖွဲ့တို့ဖြင့် ဒေသခံပြည်သူများမှ အထွေထွေရောဂါနှင့် မျက်စိလူနာ (၄၇၃)ဦး၊ ခွဲစိတ်နှင့် အရိုးလူနာ (၅၇)ဦး သားဖွားမီးယပ်လူနာ (၃၂)ဦး ကလေးလူနာ (၉၁)ဦး စုစုပေါင်း လူနာ(၆၅၃)ဦးတို့အား အခမဲ့ ကျန်းမာရေး စောင့်ရှောက်မှုများ ဆောင်ရွက်ပေးခဲ့ကြပါသည်။

 

နေ့လည်(၁:၀၀)နာရီတွင် မိုးနဲမြို့နယ် တွေ့ဆုံပွဲအခမ်းအနားသို့ တက်ရောက်ပြီး မိုးနဲပြည်သူ့ဆေးရုံအတွက် အလှူငွေကျပ်(၁၀)သိန်း၊ မိုးနဲမြို့ အခမဲ့ ကျန်းမာရေး ကွင်းဆင်းဆောင်ရွက်မှုလုပ်ငန်းအတွက် ငွေကျပ်(၅)သိန်း တို့ကို လူမှုရေးဝန်ကြီး ဒေါက်တာမျိုးထွန်းမှ ပေးအပ်လှူဒါန်းခဲ့ရာ မိုးနဲမြို့နယ် ကျန်းမာရေးဦးစီးဌာနမှူးနှင့် မိုးနဲမြို့နယ်အုပ်ချုပ်ရေးမှူးတို့မှ အသီးသီး လက်ခံရယူပေးခဲ့ကြပါသည်။

 

ဆက်လက်၍ နေ့လည်(၂:၀၀)နာရီတွင် မိုးနဲပြည်သူ့ဆေးရုံ၊ မိုးနဲမြို့နယ် တိုင်းရင်းဆေးကုဌာန၊ မိုးနဲအခြေခံပညာကျောင်းဆောင်သစ်များ ဆောက်လုပ်နေမှုတို့ကို ဝင်ရောက်စစ်ဆေးပြီး ညနေပိုင်းတွင် တောင်ကြီးမြို့သို့ ပြန်လည်ထွက်ခွာလာခဲ့ကြောင်း သတင်းရရှိပါသည်။

 

ကိုရီးယားသမ္မတနိုင်ငံတော်၏ Know-hows လုပ်ငန်းစဉ်နှင့် နှစ်နိုင်ငံအတွေ့အကြုံများ ဖလှယ်၍ ပြည်သူလူထု အသိပညာပေးလှုပ်ရှားမှု မူးယစ်ဆေးဝါးအသိပညာပေး ဟောပြောပွဲကျင်းပ

တောင်ကြီး ဖေဖော်ဝါရီ  ၂၀

 

044

 

   ကိုရီးယားသမ္မတနိုင်ငံတော် Know-hows လုပ်ငန်းစဉ်နှင့် နှစ်နိုင်ငံအတွေ့အကြုံများ ဖလှယ်၍ ပြည်သူလူထု အသိပညာပေးလုပ်ရှားမှု မူးယစ်ဆေးဝါးအသိပညာပေး ဟောပြောပွဲကို ဖေဖော်ဝါရီ (၂၀)ရက် နံနက် (၉)နာရီက တောင်ကြီးမြို့၊ မြို့တော်ခန်းမ၌ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားရာတွင် “ လက်ရှိနိုင်ငံတော်အစိုးရ၏ မြန်မာနိုင်ငံတွင် မူးယစ် ဆေးဝါးပပျောက်ရေး ဆောင်ရွက်မှုများကို ခေတ်အဆက်ဆက်အစိုးရများမှ နည်းလမ်းမျိုးစုံနှင့် ကိုယ်ပိုင် စွမ်းအားအရင်းအမြစ်များအပေါ် အခြေခံလျက်ကြိုးပမ်းဆောင်ရွက်ခဲ့ပါကြောင်း၊ မြန်မာနိုင်ငံတွင် မူးယစ် ဆေးဝါးပပျောက်ရေးအတွက် (၁၉၉၉)ခုနှစ်မှ စတင်၍ (၁၅)နှစ်စီမံကိန်းချမှတ်ကာ မူးယစ်ဆေးဝါး အန္တရာယ်ကာကွယ်တားဆီးရေး လုပ်ငန်းများကို ဘက်ပေါင်းစုံမှ ကြိုးပမ်းဆောင်ရွက်လျက်ရှိပါကြောင်း၊ စီမံကိန်းကြီးအောင်မြင်စေရန်အတွက် မဟာဗျူဟာ(၂)ရပ်၊ နည်းဗျူဟာ(၃)ရပ်၊ နည်းနာနိဿယ (၃)ရပ်ကို ချမှတ်ခဲ့ပါကြောင်း၊ နည်းဗျူဟာ(၃)ရပ်ဖြစ်သော ထုတ်လုပ်မှုပပျောက်ရေး၊ သုံးဆွဲမှုပပျောက်ရေး၊ တားဆီး နှိမ်နှင်းရေးလုပ်ငန်းများကို တာဝန်ရှိတဲ့ အဖွဲ့အစည်းများက ပူးပေါင်းပြီး ထိရောက်စွာဆောင်ရွက်လျက် ရှိပါကြောင်း၊ မူးယစ်ဆေးဝါးအန္တရာယ်ကို သိရှိနားလည်ပြီး မူးယစ်ဆေးဝါးစိုက်ပျိုးထုတ်လုပ်မှု မရှိစေရေး၊ မူးယစ်ဆေးဝါးသုံးစွဲမှုမရှိစေရေးနှင့် မူးယစ်ဆေးဝါး စိုက်ပျိုး၊ထုတ်လုပ်၊သုံးစွဲသူတွေရဲ့ ယုံကြည်ချက်၊ ခံယူချက်၊ စိတ်ဓါတ်များ မြင့်မားတိုးတက်ရေး အတွက် အမျိုးသားတာဝန်ဟု သိရှိနားလည်ခံယူကာ လူတိုင်းပူးပေါင်း ပါဝင်ပြီး ဝိုင်းဝန်းကြိုးပမ်းဆောင်ရွက် နိုင်ရန်အတွက် မြန်မာနိုင်ငံမှာ မူးယစ်ဆေးဝါးပြဿနာနှင့်ပက်သက်ပြီး ဘိန်းစိုက်ပျိုးနေမှုပြသနာကို ရင်ဆိုင်ကြုံတွေ့နေရပါကြောင်း၊ အခြားတစ်ဖက်ကလည်း စိတ်ကြွရူးသွပ်ဆေးပြား ပြဿနာသည် ဒေသအတွင်းကြီးထွားလာသလို မြန်မာနိုင်ငံမှာလည်း အသစ်ထွက်ပေါ်လာသည့် စိတ်ကြွ ရူးသွပ်ဆေးပြား ပြဿနာကို ရင်ဆိုင်ဖြေရှင်းနေရပါကြောင်း၊ မူးယစ်ဆေးဝါးတားဆီးနှိမ်နှင်းရေးကို ရှမ်းပြည်နယ် အစိုးရအနေဖြင့် ပြည်နယ်/ခရိုင်/မြို့နယ် မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးအန္တရာယ် တားဆီးကာကွယ်ရေး အဖွဲ့များဖြင့် ဖွဲ့စည်းတာဝန်ပေးပြီး ဆောင်ရွက်လျက်ရှိပါကြောင်း၊ ရှမ်းပြည်နယ် အစိုးရအနေနဲ့ (၂၀၁၄) ခုနှစ်တွင် မူးယစ်ဆေးဝါးနှင့်ပက်သက်၍ တားဆီးနှိမ်နှင်းရေးလုပ်ငန်းများကို အရှိန်အဟုန်မြှင့်ဆောင်ရွက်နိုင်ရန် တွန်းအားပေးဆောင်ရွက်နေပြီး၊ လိုအပ်သည်များကိုလည်း ကူညီပံ့ပိုး ပေးလျက်ရှိပါကြောင်း၊ ရှမ်းပြည်နယ်အတွင်း နေထိုင်ကြသော ပြည်သူလူထုတစ်ရပ်လုံးအနေဖြင့်လည်း ကျွန်ုပ်တို့နှင့်အတူ မူးယစ်ဆေးဝါးတိုက်ဖျက်ရေးကို ပူးပေါင်းပါဝင်ကြလိမ့်မည်ဟု ယုံကြည်ပါကြောင်း၊ မူးယစ် ဆေးဝါးပပျောက်ရေးကို အမြစ်ပြတ်ဆောင်ရွက်နိုင်ရန် (၂၀၁၉)ခုနှစ်အထိ နောက်ထပ်(၅)နှစ်တိုးမြှင့် သတ်မှတ်၍ စီမံကိန်းချမှတ်ဆောင်ရွက်နေပြီဖြစ်ကြောင်း၊ မြန်မာနိုင်ငံမူးယစ်ဆေးဝါး ပပျောက်ရေးကို ဆောင်ရွက်ရာတွင် နိုင်ငံတကာ၏ ထိရောက်သောပံ့ပိုးကူညီမှု၊ ပြည်သူလူထု၏ တက်ကြွသော ပူးပေါင်း ပါဝင်ဆောင်ရွက်မှုသည် အဓိကအရေးကြီးပါကြောင်း၊ နိုင်ငံတော်အနေဖြင့် မူးယစ်ဆေးဝါးပပျောက်ရေး အတွက် ကုလသမဂ္ဂအဖွဲ့အစည်းများ၊ နိုင်ငံတကာအဖွဲ့အစည်းများနှင့် ဆက်ဆံဆောင်ရွက်လျက်ရှိပါကြောင်း” ပြောကြားသွားသည်။

 

   ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် ခန်းမအတွင်း ပြသထားသော မူးယစ်ဆေးဝါးတားဆီးနှိမ်နှင်းရေးနှင့် ပက်သက်သည့် ပညာပေးပြခန်းများအား လှည့်လည် ကြည့်ရှုအားပေးကြသည်။

 

   ထို့နောက် အခမ်းအနားအစီအစဉ်အရ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့၊ မူးယစ်ဆေးဝါး တားဆီးရေးနှိမ်နှင်းရေးဌာနမှူး ရဲမှူးကြီးမြင့်ဦးမှ မူးယစ်ဆေးဝါးအသိပညာပေးဟောပြောပွဲကျင်းပရသည့် အကြောင်းအရင်းအား ဟောပြော၍လည်းကောင်း၊ ကျန်းမာရေးဦးစီးဌာန၊ တောင်ကြီးမြို့စဝ်စံထွန်းဆေးရုံ စိတ်အထူးကုဆရာဝန် ဒေါ်ဝါဝါဝင်းမှ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့၊ မူးယစ်တပ်ဖွဲ့စု(၂၅)၊ တပ်ဖွဲ့စုမှူး၊ ရဲမှူးစောလေးဝါးမှ ပညာပေးဟောပြောကြသည်။

 

   ယင်းနောက် ဟောပြောပွဲနှင့်ပက်သက်သည့် မေးခွန်း(၁၅)ခုကို အခမ်းအနားတက်ရောက်လာသည့် သူများအား မေးမြန်းဖြေကြားစေပြီး၊ ဆုရရှိသူများကို ဆုမဲပေါင်း(၅၆)ဆုကို တာဝန်ရှိသူအကြီးအကဲများက ဆုများပေးအပ်ချီးမြှင့်ပေးကြကြောင်း သိရှိရသည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ၊ ဗမာတိုင်းရင်းသားရေးရာဝန်ကြီး၊ ကိုရီးယားနိုင်ငံ Knows-hows မှ Ji-Ho, Cho နှင့်အဖွဲ့များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ တောင်ကြီးတက္ကသိုလ်မှ တာဝန်ရှိသူများ၊ ကျောင်းသား/ကျောင်းသူများ၊ ရပ်ကွက်အုပ်ချုပ်ရေးမှူးများ၊ ပြည်သူလူထုများ၊ ဖိတ်ကြားထားသည့် ဧည့်သည် တော်များ တက်ရောက်ကြကြောင်း သတင်းရရှိသည်။

 

မြန်မာသက္ကရာဇ် ၁၃၇၅ခုနှစ်၊ ၂၀၁၄ခုနှစ် ၊တောင်ကြီးမြို့ အဋ္ဌမကြိမ်မြောက် မြန့်မာရိုးရာ ထမနဲထိုးပြိုင်ပွဲ နှင့် ဆုချီးမြှင့်ပွဲ ကျင်းပ

တောင်ကြီး ဖေဖော်ဝါရီ ၁၃

 

039

 

040

 

မြောက်လေသွေး၍ ချမ်းအေးလှသော တပို့တွဲလတွင် အအေးဓါတ်လွန်ကဲ၍ အဆီခြောက်ခမ်းချိန် ဖြစ်သဖြင့် ဆီနိုင်သော ထမနဲကိုစားသုံးခြင်းဖြင့် အသားအရေစိုပြေလာပြီး အပူဓါတ်ရရှိကာ ကျန်းမာရေး ညီညွတ် ကောင်းမွန် စေရန်အတွက်လည်းကောင်း၊ မြတ်စွာဘုရားရှင်နှင့်တပည့်သား သံဃာတော်များအား ယာဂု၊ ထမနဲ ဆွမ်းဖြင့် ဆက်ကပ်လှူဒါန်း၍ ကောင်းမှုကုသိုလ်များ ပြုလုပ်ကြရန်အတွက်လည်းကောင်း၊ မြန်မာ့ရိုးရာ ယဉ်ကျေးမှု အစဉ်အလာကို ထိန်းသိမ်းမြတ်နိုးတက်စေရန်အတွက်လည်းကောင်း၊ ထမနဲထိုး ပြိုင်ပွဲများ ကျင်းပခြင်းဖြင့် စည်းလုံး ညီညွတ်မှု၏ အင်အားစည်းလုံးမှု၏ အကျိုးသက်ရောက်မှုများကို သိရှိစေရန် အတွက်လည်းကောင်း ရည်ရွယ်၍ ရှမ်းပြည်နယ်အစိုးရအဖွဲ့က ကြီးမှူးကျင်းပသော အဋ္ဌမကြိမ်မြောက်  တောင်ကြီးမြို့၏ ၂၀၁၄ခုနှစ် မြန်မာ့ ရိုးရာထမနဲထိုးပြိုင်ပွဲကို ဖေဖော်ဝါရီလ (၁၃)ရက် မွန်းလွဲ(၃)နာရီက အဝေယာကုန်းသာယာမီးပုံးပျံကွင်း၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လျှပ်စစ်နှင့်စက်လက်မှုလက်မှုဝန်ကြီး ဦးစိုင်းထွန်းရင်၊ ပြည်နယ်လူမှုရေးဝန်ကြီး ဒေါက်တာမျိုးထွန်းတို့မှ ဖွင့်ပွဲအခမ်းအနားကို ဖဲကြိုးဖြတ်ဖွင့်လှစ်ပေးသည်။

 

ထို့နောက် ပြိုင်ပွဲဝင်အသင်းများနှင့်ဖိတ်ကြားထားသော ဧည့်သည်တော်များအား ပြည်နယ်ဝန်ကြီးချုပ် ဦးစဝ်အောင်မြတ်က နှုတ်ခွန်းဆက်အမှာစကားပြောကြားပြီး၊ ပြိုင်ပွဲကို စတင်ယှဉ်ပြိုင် စေသည်။

 

ဆက်လက်၍ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများ၊ ဧည့်သည်တော်များက ပြိုင်ပွဲဝင် အသင်းသား/သူများမှ ပျော်ရွင်စွာ စည်းလုံးမှုရှိစွာ ထမနဲထိုးနေမှုအား လှည့်လည်ကြည့်ရှု အားပေးခဲ့ကြသည်။

 

ပြိုင်ပွဲယှဉ်ပြိုင်နေစဉ်နှင့်အကဲဖြတ်အမှတ်ပေးနေစဉ်အတွင်း ပြန်ကြားရေးဌာနမှ ထမနဲနှင့်ပက်သက် သည့် သိကောင်းစရာများကို ရှင်းလင်းဖတ်ကြားခြင်း ယဉ်ကျေးမှုအဖွဲ့များမှ ကိန္နရီ/ကိန္နရာအကများဖြင့် လည်းကောင်း၊ တိုင်းရင်းသားရိုးရာအကများဖြင့်လည်းကောင်း၊ ဧည့်ခံကပြဖျော်ဖြေခဲ့ကြသည်။

 

ထို့နောက် ဆုချီးမြှင့်ပွဲအခမ်းအနားအား ဆက်လက်ကျင်းပရာ ပထမဦးစွာ တိုင်းရင်းသားရိုးရာ ယဉ်ကျေးမှု အကအဖွဲ့များကို ပြည်နယ်စည်ပင်သာယာရေးဝန်ကြီးမှ ဂုဏ်ပြုဆုများပေးအပ်၍လည်းကောင်း၊ ဆုရရှိသည့်အသင်း(၂၀)အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် တာဝန်ရှိသူများမှ ဆုများအသီးသီးပေးအပ်ချီးမြှင့်ခဲ့ကြပြီး ကျန်(၄၁) သင်းအား ပြိုင်ပွဲဝင်ဆုများချီးမြှင့်ကြကာ ထမနဲထိုးပြိုင်ပွဲသို့ တက်ရောက်လာသည့် ဧည့်သည်တော် များအား ထမနဲများဖြင့် ဧည့်ခံ၍၊ ဒေသခံပြည်သူများအား ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူများက ထမနဲထုပ်များ ဝေငှပေးသည်။

 

ပြိုင်ပွဲတွင် ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ လူမှုရေးအသင်းအဖွဲ့များ (တောင်ကြီး၊ အေးသာယာ၊ ရွှေညောင်) တို့မှ ရပ်ကွက်ပြည်သူများပါဝင်ဆင်နွဲကြပြီး ပြိုင်ပွဲဝင်အသင်းပေါင်း (၆၁)သင်းမှ အိုးစည်ဗုံမောင်းအကများဖြင့် တပျော်တပါးပါဝင် ယှဉ်ပြိုင်ခဲ့ကြကြောင်း သတင်းရရှိသည်။

 

More Articles...

  1. ပြည်မ-တောင်တန်း ပူးပေါင်းရေး ပင်လုံကျောက်တိုင် ပန်းခြံအဆင့်မြှင့်တင်ခြင်းဖွင့်ပွဲ ကျင်းပ
  2. (၆၇) နှစ်မြောက် ပြည်ထောင်စုနေ့ အခမ်းအနားကျင်းပ
  3. ပညာရေးကဏ္ဍမြင့်မားရေးအတွက် မြို့နယ်ပညာရေးမှူးများနှင့် မြို့နယ်ဖွံ့ဖြိုးရေးအထောက်အကူပြု ကော်မတီများသို့ ပေါင်းစပ်ညှိနှိုင်း တာဝန်ပေးအပ်ခြင်း ကျင်းပ
  4. ပညာရေးကဏ္ဍမြင့်မားရေးအတွက် တွေ့ဆုံညှိနှိုင်းပွဲ ကျင်းပ
  5. ( ၆၇ ) နှစ်မြောက် ရှမ်းပြည်နယ်နေ့ တောင်ကြီးမြို့၌ ကျင်းပ
  6. ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်း တောင်ကြီးမြို့ ခရီးစဉ်
  7. ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ်လားရှိုးဒေသသို့ ပညာရေးကဏနှင့် အခမဲ့ကျန်းမာရေးကွင်းဆင်းဆောင်ရွက်ပေးမှုအတွက် သွားရောက်ခဲ့သည့် ခရီးစဉ်
  8. ရှမ်းပြည်နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၂၀၁၃ ခုနှစ် ဒုတိယ(၆)လပတ် လုပ်ငန်းညှိနှိုင်း အစည်းအဝေးကျင်းပ
  9. ရှမ်းပြည်နယ်ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးအခမ်းအနားကျင်းပရေး ညှိနိုင်းအစည်းအဝေး
  10. ရှမ်းပြည်နယ်ကျန်းမာရေးဦးစီးဌာနနှင့် ရှမ်းပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့တို့ ပူးပေါင်းဖွင့်လှစ်သော အရန်သားဖွားသင်တန်းဆင်းပွဲ ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-mawရှမ်းပြည်နယ်(မြောက်ပိုင်း) သိန္နီ၊ သီပေါ၊ ကျောက်မဲ နှင့် နမ့်ခမ်း မြို့နယ်များတွင် နေထိုင်ကြပါသည်။

We have 69 guests and no members online

Latest Updates