သတင်းများ

ပြည်နယ်စီမံကိန်းနှင့် စီးပွားရေးဝန်ကြီး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ ဦးအောင်ကျော်ညွန့် အခြေခံသမဝါယမသင်တန်း(အမှုထမ်း) သင်တန်းဆင်းပွဲသို့ တက်ရောက်

တောင်ကြီး   နိုဝင်ဘာ  ၂၄

 

025

 

   ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ ဦးအောင်ကျော်ညွန့်သည် (၂၃.၁၁.၂၀၁၃)ရက်နေ့ (၁၅၀၀)နာရီအချိန်တွင် ရှမ်းပြည်နယ်သမဝါယမသင်တန်းကျောင်း၊ တောင်ကြီးမြို့ သင်တန်းခန်းမ၌ ကျင်းပပြုလုပ်သည့် အခြေခံသမဝါယမသင်တန်း (အမှုထမ်း) သင်တန်းဆင်းပွဲသို့ တက်ရောက်ခဲ့ပါသည်။

 

   သင်တန်းဆင်းပွဲ၌ ပြည်နယ်ဝန်ကြီးမှ အမှာစကားပြောကြားရာတွင် ယခုဖွင့်လှစ်သော သင်တန်းမှာ ၂၀၁၃ခုနှစ်၊ အောက်တိုဘာလအတွင်း ခန့်အပ်လိုက်သော အငယ်တန်းစာရေးများအား လုပ်ငန်းခွင်အတွင်း အသုံးချနိုင်ရန် သိရှိရန် လိုအပ်သော ဝန်ထမ်းစည်းမျဉ်း၊ စည်းကမ်းများ၊ ရုံးလုပ်ငန်းများ၊ သမဝါယမဖွံ့ဖြိုးရေးလုပ်ငန်းနှင့် ပတ်သက် ၍ လုပ်ဆောင်ရမည့် အချက်များ၊ ဝန်ထမ်းများ၊ အမှုဆောင်များ၊ အသင်းသားများ လိုက်နာဆောင်ရွက်ရမည့် စည်းမျဉ်း၊ စည်းကမ်းများ စသည်ဖြင့် သိသင့် သိထိုက်သော ဘာသာရပ်များကို သင်ကြား ပို့ချခြင်း ဖြစ်ကြောင်း၊ သင်တန်းသားများအနေဖြင့် ယခုပို့ချလိုက်သော ဘာသာရပ်များအား လက်တွေ့လုပ်ငန်းခွင်အတွင်း အသုံးချရင်း ယခုထက်ပိုမို တတ်ကျွမ်း၊ နားလည်အောင် လေ့လာဆည်းပူးရန် လိုကြောင်း၊ သင်တန်းဆိုသည်မှာ မိမိတို့၏ အရည် အသွေးအား ပိုမို မြင့်မား၊ တိုးတက်အောင် မြှင့်တင်ပေးခြင်း ဖြစ်၍ သင်တန်းအား မကြောက်ဘဲ အခွင့်ကြုံလာပါက တက်ရောက်ဆည်းပူးသွားရန် လိုအပ်ကြောင်း၊ နိုင်ငံဖွံ့ဖြိုးရေးအတွက် အခြေခံ အကျဆုံးဖြစ်သည့် ကျေးလက်ဒေသ ဖွံ့ဖြိုးရေးနှင့် ဆင်းရဲမှု လျှော့ချရေး လုပ်ငန်းစဉ်များ ဆောင်ရွက်ရာတွင် သမဝါယမသည် အဓိက အခန်းကဏ္ဍမှ ပါဝင်နေပြီး သမဝါယမလုပ်ငန်းများသည် အလွန်ကျယ်ပြန့်သဖြင့် ဝန်ထမ်းများအနေဖြင့် အမြဲတမ်း ကြိုးစားနေရန် လိုအပ်ကြောင်း၊ မိမိတို့ ရုံးလုပ်ငန်းများအပြင် ပြည်သူကို ဟောပြော၊ စည်းရုံးနိုင်ရန်အတွက် ကြိုးစား၊ ဆောင်ရွက်ရန် လိုအပ်ကြောင်း၊ သင်တန်းမှ အရည်အချင်း သတ်မှတ်ချက်များသည် မိမိတို့ဘဝ တိုးတက်ရေးအတွက် အရေးပါသော အချက်များဖြစ်၍ သင်တန်းတိုင်းတွင် ကြိုးစားကြစေလိုကြောင်း မှာကြားခဲ့ပါသည်။

 

   ၎င်းနောက် ပြညနယ်ဝန်ကြီးမှ ဆုများ ချီးမြှင့်ရာ ပထမဆုအား ပင်းတယမြို့နယ်သမဝါယမဦးစီးဌာနမှ အငယ်တန်းစာရေး ဒေါ်ခင်စုကြည်က လည်းကောင်း၊ ဒုတိယဆုအား ဖယ်ခုံမြို့နယ်သမဝါယမဦးစီးဌာနမှ အငယ်တန်းစာရေး ဒေါ်ဇင်မိုမိုဇော်က လည်းကောင်း၊ တတိယဆုအား ကလောမြို့နယ်သမဝါယမဦးစီးဌာနမှ အငယ်တန်းစာရေး ဒေါ်ညိမ်းညိမ်းအိက လည်းကောင်း အသီးသီး ရရှိခဲ့ကြပါသည်။

အခြေခံသမဝါယမသင်တန်း(အမှုထမ်း)အား သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့မှ ကြီးကြပ်၍ ရှမ်းပြည်နယ်သမဝါယမဦးစီးဌာနမှ ကြီးမှူးပြီး (၄.၁၁.၂၀၁၃)မှ (၂၃.၁၁.၂၀၁၃)ရက်နေ့အထိ ဖွင့်လှစ်ခဲ့ခြင်း ဖြစ်ပါသည်။ သင်တန်းသို့ ရှမ်းပြည်နယ်အတွင်းရှိ မြို့နယ်သမဝါယမဦးစီးဌာနများမှ အငယ်တန်းစာရေးဝန်ထမ်းများ စုစုပေါင်း(၃၉)ဦး တက်ရောက်ခဲ့ကြပါသည်။

 

   အဆိုပါ သင်တန်းဆင်းပွဲသို့ ရှမ်းပြည်နယ် သမဝါယမလုပ်ငန်းများ ဖွံ့ဖြိုးတိုးတက်ရေး အဖွဲ့ဝင်များ၊ ရှမ်းပြည်နယ်သမဝါယမဦးစီးဌာနနှင့် မြို့နယ်သမဝါယမဦးစီးဌာနမှ တာဝန်ရှိသူများ၊ တောင်ကြီးမြို့နယ်ရှိ သမဝါယမ အသင်းအဆင့်ဆင့်မှ တာဝန်ရှိသူများ၊ သင်တန်းပို့ချသည့် ဆရာ/ဆရာမများ တက်ရောက်ခဲ့ကြကြောင်း သတင်းရရှိသည်။

 

၂၀၁၃-၂၀၁၄ခု၊ ဘဏ္ဍာရေးနှစ်အတွက် ရှမ်းပြည်နယ်(တောင်ကြီး/လွိုင်လင်/လင်းခေး ခရိုင်)အတွင်းရှိ စေတနာ့ ဝန်ထမ်းအဖွဲ့အစည်းများအား ထောက်ပံ့ကြေးပေးအပ်ပွဲကျင်းပ

တောင်ကြီး   နိုဝင်ဘာ   ၂၄

 

023

 

   လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လူမှုဝန်ထမ်းဦးစီးဌာန၊ ၂၀၁၃-၂၀၁၄ခု၊ ဘဏ္ဍာရေးနှစ်အတွက် ရှမ်းပြည်နယ်(တောင်ကြီး/လွိုင်လင်/လင်းခေး ခရိုင်)အတွင်းရှိ စေတနာ့ ဝန်ထမ်းအဖွဲ့အစည်းများအား ထောက်ပံ့ကြေးပေးအပ်ပွဲကို နိုဝင်ဘာ(၂၄)ရက် နံနက်(၈)နာရီက တောင်ကြီးမြို့၊ မြို့တော်ခန်းမ၌ ကျင်းပရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဒေါ်မြမြအုန်းခင် က အဖွင့်အမှာစကားပြောကြားသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် က အမှာစကားပြောကြားပြီး၊ လူမှုဝန်ထမ်းဦးစီးဌာန၊ ၂၀၁၃-၂၀၁၄ခု၊ ဘဏ္ဍာရေးနှစ်အတွက် ရှမ်းပြည်နယ်(တောင်ကြီး/လွိုင်လင်/လင်းခေး ခရိုင်)အတွင်းရှိ စေတနာ့ ဝန်ထမ်းအဖွဲ့အစည်းများသို့ ထောက်ပံ့ကြေးငွေများကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးချုပ် ဦးစဝ်အောင်မြတ်တို့က ပေးအပ်ရာ တာဝန်ရှိသူ အသီးသီးတို့မှ လက်ခံရယူကြသည်။

 

   ထို့နောက် ဂေဟာများ ကိုယ်စား ဂေဟာအုပ်ချုပ်ရေးမှူး တစ်ဦးမှ ကျေးဇူးတင်စကားပြန်လည်ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဒေါ်မြမြအုန်းခင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ ပြည်နယ်လွှတ်တော်ကိုယ်စားလှယ်များ၊ ကိုယ်ပိုင်အုပ်ချုပ်ခွင့်ရဒေသ ဥက္ကဌ၊ ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ ဒေသခံပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

 

024

 

   ၎င်းနောက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဒေါ်မြမြအုန်းခင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့သည် တောင်ကြီးမြို့၊ ဆရာဝန်များ ညီလာခံအသင်းရုံး၌ ကျင်းပသော သဘာဝဘေးအန္တရာယ်ကြောင့် ထိခိုက်ဆုံးရှုံးနိုင်ခြေလျော့ပါးရေး ခရိုင်အဆင့်မြင့် အလုပ်ရုံဆွေးနွေးပွဲသို့ တက်ရောက်ကာ ပြည်ထောင်စုဝန်ကြီး ဒေါက်တာ ဒေါ်မြမြအုန်းခင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်တို့က အဖွင့်အမှာစကားပြောကြားကြသည်။

 

   ဆက်လက်၍ Mr.Jaiganesh Murugesan, DRR Specialist မှ အမှာစကားပြောကြားပြီး၊ စုပေါင်းမှတ်တမ်းတင်ဓါတ်ပုံရိုက်ကူးကြကြောင်း သတင်းရရှိသည်။

 

၂၀၁၃ခုနှစ် ရှမ်းပြည်နယ်တောင်ကြီးမြို့၊ တန်ဆောင်တိုင်ပွဲတော် ပိတ်ပွဲကျင်းပ

တောင်ကြီး   နိုဝင်ဘာ   ၁၈

 

019

 

   ၂၀၁၃ခုနှစ် ရှမ်းပြည်နယ် တောင်ကြီးမြို့တန်ဆောင်တိုင်ပွဲတော် ပိတ်ပွဲအခမ်းအနားကို နိုဝင်ဘာ (၁၈)ရက် ညနေ(၅)နာရီက အဝေရာကုန်း သာယာမီးပုံးပျံကွင်း၌ ကျင်းပသည်။ ပထမဦးစွာ ဆုချီးမြှင့်ခြင်း အခမ်းအနားစတင်ရာ ဆုများကို အသီးသီး ချီးမြှင့်ပေးကြသည်။

 

   ထို့နောက် ရှမ်းပြည်နယ်ယဉ်ကျေးမှုအဖွဲ့က ကိန္နရီ၊ ကိန္နရာ အကနှင့် ဓါးသိုင်းအကတို့ဖြင့် ကပြဖျော်ဖြေကြပြီး၊ တောင်ကြီးပညာရေးကော်လိပ်သင်တန်းသူလေးများနှင့် ရှမ်းပြည်နယ်တိုင်းရင်းသား ယဉ်ကျေးမှုအဖွဲ့များက "တန်ဆောင်တိုင်ည"သီချင်းဖြင့် ကပြဖျော်ဖြေကြသည်။

 

   ယင်းနောက် ကျောင်းသား/ကျောင်းသူများက အဝါရောင်၊ အနီရောင်၊ အစိမ်းရောင် မီးများကိုး ငြိမ်းကြပြီး တန်ဆောင်တိုင်ပွဲတော်ကျင်းပရေး ဦးစီးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်လူမှုရေး ဝန်ကြီး ဒေါက်တာမျိုးထွန်းက ၁၃၇၅ခု တောင်ကြီးတန်ဆောင်တိုင်ပွဲတော် ပိတ်သိမ်းကြောင်း ကြော်ငြာပြီးနောက် တန်ဆောင်တိုင်ပွဲတော် အောင်မြင်ပြီးမြောက်ခြင်း၊ အထိမ်းအမှတ်မီးပုံးပျံ၊ မီးရှူး၊ မီးပန်းများဖြင့် ပစ်ဖောက်လွှတ်တင် ပိတ်သိမ်းလိုက်ကြောင်း သိရှိရသည်။

 

   အဆိုပါ အခမ်းအနားသို့ ရှမ်းပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်လွှတ်တော် ဒုတိယဥက္ကဌ၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာ တာဝန်ရှိသူများ၊ ပညာရေးကောလိပ်မှ သင်တန်းသူများနှင့် ရှမ်းပြည်နယ်တိုင်းရင်းသား ယဉ်ကျေးမှုအဖွဲ့များ၊ မီးပုံးပျံနေ့လွှတ်၊ ညလွှတ်ပြိုင်ပွဲဝင် ဆုရရှိသူများ၊ ရပ်ကွက်အုပ်ချုပ်ရေးမှူးများ၊ ဒေသခံတိုင်းရင်းသား ပြည်သူများ တက်ရောက်ကြကြောင်း သတင်းရရှိသည်။

 

ပြည်နယ်ဝန်ကြီး ဒေါက်တာမျိုးထွန်း၊ ၂ဝ၁၃ ခုနှစ် ၊ ရှမ်းပြည်နယ်(တောင်ပိုင်း)အခြေခံပညာကျောင်းပေါင်းစုံ အားကစားပြိုင်ပွဲ ဖွင့်ပွဲအခမ်းအနား တက်ရောက်

တောင်ကြီး   နိုဝင်ဘာ   ၁၉

 

016

 

၂ဝ၁၃-ခုနှစ် ၊ ရှမ်းပြည်နယ်(တောင်ပိုင်း)အခြေခံပညာကျောင်းပေါင်းစုံ အားကစားပြိုင်ပွဲ ဖွင့်ပွဲအခမ်းအနားကို (၁၉-၁၁-၂ဝ၁၃)ရက် ၊ အင်္ဂါနေ့ ( ၁၄ဝဝ)နာရီအချိန်တွင် တောင်ကြီးမြို့ ကမ္ဘေဇအားကစားကွင်း၌ ကျင်းပပြုလုပ်ခဲ့ရာ ပြည်နယ်လူမှုရေးဝန်ကြီး ဒေါက်တာမျိုးထွန်း တက်ရောက်၍ ပြည်နယ်ပညာရေးညွန်ကြားရေးမှူး ဦးချစ်ဆွေနှင့်အတူ ဖဲကြိုးဖြတ်ဖွင့်လှစ်ပေးခဲ့ပါသည်။ 

 

ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင့်အမှာစကားပြောကြားပေခဲ့ပြီးနောက် အားကစားသမားများမှ အားကစားအဓိဌာန်ရွတ်ဆိုခဲ့ပြီး ပြည်နယ်ဝန်ကြီးများအား ချီတက်အလေးပြုခဲ့ ကြပါသည်။

 

ထို့နောက် ကျောင်းသား/ကျောင်းသူလေးများမှ စုပေါင်းကိုယ်လက်ကြံ့ခိုင်လေ့ကျင့်ခန်း၊ ပုဝါအက သရုပ်ပြနှင့် မြန်မာ့သိုင်းကစားကွက်များတင်ဆက်သရုပ်ပြခဲ့ကြပြီး အထက(၄)တောင်ကြီး ဘင်ခရာ(က)အသင်းမှ သရုပ်ပြဖျော်ဖြေ ခဲ့ပါသည်။

 

မူးယစ်ဆေးဝါးဆိုင်ရာ ဘာသာရပ်များအား လူမှုဝန်ထမ်းဦးစီးဌာန၊ မူးယစ်အထူးတပ်ဖွဲ့ (တောင်ကြီးမြို့ မြန်မာနိုင်ငံရဲတပ်ဖွဲ့)၊ စဝ်စံထွန်းဆေးရုံ (မူးယစ်ဆေးစွဲရောဂါကုသရေးဌာန)၊ စိတ်ပညာဌာန (တောင်ကြီးတက္ကသိုလ်)၊ တောင်ကြီးမြို့နယ်တရာရေး၊ တောင်ကြီးမြို့နယ်ဥပဒေရုံးနှင့်အတူ အသင်း၏ တွဲဘက်အတွင်းရေးမှူးဖြစ်သည့် အမက(၃၈) ချမ်းအေးသာဇံမှ အလယ်တန်းပြဆရာမ ဒေါ်ကေခိုင်စိုးအပါအဝင်  အသင်းတာဝန်ရှိ အမှုဆောင်(၂)ဦးတို့မှ ပို့ချပေးမည်ဖြစ်ပြီး သင်တန်းသား/သူ (၃၅)ဦး တက်ရောက်သွားမည် ဖြစ်ကြောင်းလည်း သတင်းရရှိသည်။

 

၂၀၁၃ ခုနှစ်၊ ရှမ်းပြည်နယ်၊ တောင်ကြီးမြို့ တန်ဆောင်တိုင်ပွဲတော်ဖွင့်ပွဲ ကျင်းပ

တောင်ကြီး   နိုဝင်ဘာ   ၁၀

 

019

 

   ၂၀၁၃ ခုနှစ်၊ ရှမ်းပြည်နယ်၊ တောင်ကြီးမြို့ တန်ဆောင်တိုင်ပွဲတော်ဖွင့်ပွဲကို နိုဝင်ဘာ(၁၀)ရက်၊ ညနေ(၅)နာရီခွဲက တောင်ကြီးမြို့၊ အဝေရာကုန်းသာယာ မီးပုံးပျံကွင်း၌ ကျင်းပရာ ပထဦးစွာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်ဝန်ကြီးများက စူဠာမုနိလောကချမ်းသာဘုရား ရင်ပြင်တော်ပေါ်တွင် စိန်နားပန် မီးပုံးပျံတစ်လုံးကို လွှတ်တင်ပူဇော်ကြသည်။

 

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်ဝန်ကြီးများနှင့် ဇနီးများတို့သည် အဝေရာကုန်းသာယာ မီးပုံးပျံကွင်းသို့ ရောက်ရှိနေရာယူပြီး၊ တန်ဆောင်တိုင်ပွဲတော်ကျင်းပရေးဦးစီးကော်မတီ ဥက္ကဌ၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် မီးပုံးပျံပြိုင်ပွဲ ဖွင့်ပွဲ၊ ပိတ်ပွဲကျင်းပရေးဆပ်ကော်မတီ ဥက္ကဌ၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်တို့က မီးပုံးပျံပွဲတော်ကို ဖဲကြိုးဖြတ် ဖွင့်လှစ်ပေးသည်။

 

   ထို့နောက် ရှမ်းပြည်နယ်ယဉ်ကျေးမှုအဖွဲ့က ကိန္နရီ၊ ကိန္နရာအကနှင့် ဓားသိုင်းအကတို့ဖြင့် ကပြဖျော်ဖြေပြီး၊ တောင်ကြီးပညာရေးကောလိပ်မှ သင်တန်းသူလေးများနှင့် ရှမ်းပြည်နယ် တိုင်းရင်းသားယဉ်ကျေးမှုအဖွဲ့များက "တောင်ကြီးတန်ဆောင်တိုင်ည" သီချင်းဖြင့် ကပြဖျော်ဖြေကြသည်။ ဆက်လက်၍ ကျောင်းသား/သူလေးများက မီးပုံးကလေးများဖြင့် ရှမ်းပြည်နယ်ကိုယ်စားပြု အမှတ်တံဆိပ်၊ ရှမ်းအလံပုံ၊ ရှမ်းအိုးစည်ပုံ၊ ချယ်ရီပန်းပုံတို့ဖြင့် သရုပ်ဖော် ကပြကြသည်။

၎င်းနောက် တောင်ကြီးမြို့ တန်ဆောင်တိုင်မီးပုံးပျံလွှတ်တင်ပွဲတော်ကို တန်ဆောင်တိုင်ပွဲတော်ကျင်းပရေးဦးစီးကော်မတီ နာယက၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုတ်နှိပ်၍ မီးရှူးမီးပန်းများ ပစ်လွှတ်ဖွင့်လှစ်ပေးပြီး၊ စိန်နားပန် မီးပုံးပျံအကြီး(၁)လုံး လွှတ်တင်ခြင်းနှင့် မီးပုံးပျံငယ် (၅၀၀)လုံး လွှတ်တင်ကြကြောင်း သိရှိရသည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ဒုတိယဝန်ကြီး ဒေါ်လဲ့လဲ့သိန်း၊ ပြည်နယ်ဝန်ကြီးများနှင့် ဇနီးများ၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာအကြီးအကဲများ၊ ရပ်ကွက်အုပ်ချုပ်ရေးမှူးများ၊ ဧည့်သည်တော်များနှင့် ဒေသခံမိဘပြည်သူများ တက်ရောက်ကြကြောင်း သတင်းရရှိသည်။

 

စေတနာ့ဝန်ထမ်း မူးယစ်ကြီးကြပ်ရေးမှူးသင်တန်း(၁/၂ဝ၁၃)ဖွင့်ပွဲ

တောင်ကြီး   နိုဝင်ဘာ   ၁၈

 

022

 

ရှမ်းပြည်နယ်လူမှုဝန်ထမ်းရုံးမှ ကြီးကြပ်၍ မြန်မာနိုင်ငံ စေတနာဝန်ထမ်း မူးယစ်ကြီးကြပ်ရေးမှူးအသင်း (ဗဟို) မန္တလေးမြို့နှင့် ပူးပေါင်းပြီး == စေတနာဝန်ထမ်းမူးယစ်ကြီးကြပ်ရေးမှူးသင်တန်း(၁/၂ဝ၁၃)++အား တောင်ကြီးမြို့နယ် မိခင်နှင့်ကလေးအသင်းတိုက်၌ (၁၈-၁၁-၂ဝ၁၃)ရက်မှ (၂၂-၁၁-၂ဝ၁၃)ရက်ထိ (၅)ရက်ကြာ သင်တန်းဖွင့်လှစ်မည့် ဖွင့်ပွဲ အခမ်းအနားသို့ ပြည်နယ်လူမှုရေးဝန်ကြီး ဒေါက်တာမျိုးထွန်း တက်ရောက်ပြီး အဖွင့်အမှာစကားပြောကြားပေး ခဲ့ပါသည်။

 

အဆိုပါသင်တန်းသည် မူးယစ်ဆေးဝါးသုံးစွဲနေသူ လူငယ်များအား မူးယစ်ဆေး၏ သံသရာမှ ရနိုင်သမျှ ကယ်ထုတ်နိုင်ရေးအတွက်လည်းကောင်း၊ မူးယစ်ဆေးဝါးကြောင့် လူမှုရေးပြသနာများ ဖြစ်ပေါ်လာခြင်းမှ လျော့ပါးစေရန်၊ မူးယစ်ဆေးစွဲရောဂါကုသမှုခံယူပြီး ပြန်လည်ထူထောင်မှုခံယူပြီးနောက် မူးယစ်ဆေးဝါးအား ပြန်လည်မသုံးစွဲမိစေရန် လူထုနည်းဖြင့် နောက်ဆက်တွဲ ဆက်လက်စောင့်ရှောက်နိုင်ရန် ရည်ရွယ်၍ ဖွင့်လှစ်ခြင်းဖြစ်ကြောင်းနှင့် သင်တန်းဆင်းသင်တန်းသားများဖြင့် == စေတနာ့ဝန်ထမ်းမူးယစ်ကြီးကြပ်ရေးမှူးအသင်း++နှင့် အသင်းခွဲများအား ပြည်နယ်/ တိုင်းဒေသကြီးများတွင် ဖွဲ့စည်းဆောင်ရွက်လျက်ရှိရာ ရှမ်းပြည်နယ်တွင်လည်း အသင်းခွဲတစ်ရပ် ဖွဲ့စည်းဆောင်ရွက်သွားရန်၊ ပြည်နယ်အတွင်းမူးယစ်ဆေးဝါးသုံးစွဲမှု ပပျောက်ရေးကဏအား ဖြည့်စွက်ဆောင်ရွက်သွားရန် ရည်ရွယ်၍ ဆောင်ရွက်ခြင်းဖြစ်ကြောင်းလည်း သိရှိရပါသည်။

 

သင်တန်းတွင် မူးယစ်ဆေးဝါးဆိုင်ရာ ဘာသာရပ်များအား လူမှုဝန်ထမ်းဦးစီးဌာန၊ မူးယစ်အထူးတပ်ဖွဲ့ (တောင်ကြီးမြို့ မြန်မာနိုင်ငံရဲတပ်ဖွဲ့)၊ စဝ်စံထွန်းဆေးရုံ (မူးယစ်ဆေးစွဲရောဂါကုသရေးဌာန)၊ စိတ်ပညာဌာန (တောင်ကြီးတက္ကသိုလ်)၊ တောင်ကြီးမြို့နယ်တရာရေး၊ တောင်ကြီးမြို့နယ်ဥပဒေရုံးနှင့်အတူ အသင်း၏ တွဲဘက်အတွင်းရေးမှူးဖြစ်သည့် အမက(၃၈) ချမ်းအေးသာဇံမှ အလယ်တန်းပြဆရာမ ဒေါ်ကေခိုင်စိုးအပါအဝင်  အသင်းတာဝန်ရှိ အမှုဆောင်(၂)ဦးတို့မှ ပို့ချပေးမည်ဖြစ်ပြီး သင်တန်းသား/သူ (၃၅)ဦး တက်ရောက်သွားမည် ဖြစ်ကြောင်းလည်း သတင်းရရှိပါသည်။

 

ရှမ်းပြည်နယ်ဝန်ကြီးချုပ်၊ ရပ်စောက်မြို့နယ်၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများနှင့် တွေ့ဆုံ

တောင်ကြီး   နိုဝင်ဘာ   ၁၀

 

017

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး တို့သည် ရပ်စောက်မြို့နယ်၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေး ကော်မတီဝင်များ၊ ဌာနဆိုင်ရာများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများနှင့် တွေ့ဆုံမှုကို နိုဝင်ဘာလ(၁၀)ရက်၊ နံနက်(၉)နာရီက ရပ်စောက်မြို့၊ ရတနာခန်းမ၌ ကျင်းပရာ မြို့နယ်စီမံခန့်ခွဲမှုကော်မတီ ဥက္ကဌ ဦးသက်နိုင်ဦးက ဒေသဆိုင်ရာ အချက်အလက်များကို ရှင်းလင်းတင်ပြသည်။

 

   ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌ ဦးသန်းလွင်က ရပ်စောက်မြို့နယ်၏ ဖွံ့ဖြိုးတိုးတက်မှုနှင့် လိုအပ်ချက်များကို ရှင်းလင်း၍ လည်းကောင်း၊ မြို့နယ်စည်ပင်သာယာရေးကော်မတီ ဥက္ကဌ ဦးချိုဝင်းက စည်ပင်သာယာရေး၏ ဆောင်ရွက်ချက်များကို ရှင်းလင်းတင်ပြသည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများ၏ တင်ပြချက်များအပေါ် လုပ်ငန်းလိုအပ်ချက်များ၊ ဒေသဖွံ့ဖြိုးမှုဆိုင်ရာများကို ပြန်လည်ဖြေရှင်း လမ်းညွှန်မှာကြားခဲ့သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်စိုက်ပျိုးရေးနှင့် စီးပွားရေးဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ မြို့နယ်စီမံခန့်ခွဲမှုကော်မတီ ဥက္ကဌ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌ၊ မြို့နယ်အဆင့်ဌာနဆိုင်ရာများ၊ ရပ်ကွက်/ကျေးရွာ အုပ်ချုပ်ရေးမှူးများ တက်ရောက်ကြကြောင်း သိရှိရသည်။

 

ရပ်စောက်မြို့နယ်၊ ကောင်းဘို့ကျေးရွာအုပ်စု၊ အလည်ချောင်ကျေးရွာအုပ်စု ကိုယ့်အားကိုယ်ကိုး လျှပ်စစ်မီး ဖွင့်ပွဲကျင်းပ

တောင်ကြီး   နိုဝင်ဘာ  ၂၀

 

021

 

   ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ ကောင်းဘို့ကျေးရွာအုပ်စု၊ အလည်ချောင်ကျေးရွာအုပ်စု ကိုယ့်အားကိုယ်ကိုး လျှပ်စစ်မီး ဖွင့်ပွဲကို နိုဝင်ဘာ(၂၀)ရက်၊ နံနက်(၉)နာရီ(၁၅)မိနစ်က အဆိုပါ ကျေးရွာမုခ်ဦးရှေ့၌ ကျင်းပသည်။

 

   ပထမဦးစွာ ကိုယ့်အားကိုယ်ကိုး လျှပ်စစ်မီး ဖွင့်ပွဲကို ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ ပြည်သူ့လွှတ်တော်ကိုယ်စားလှယ် ဦးခင်မောင်မြင့်၊ ပြည်နယ်လျှပ်စစ်အင်ဂျင်နီယာ ဦးသိန်းဌေး၊ မာဃမြင့်ကုမ္ပဏီ မန်နေဂျင်းဒါရိုက်တာ ဦးအုန်းမြင့်၊ ကောင်းဘို့ကျေးရွာအုပ်စု၊ အလည်ချောင်ကျေးရွာအုပ်စု မီးလင်းရေးကော်မတီဥက္ကဌ ဦးအောင်သန်းပိုတို့က ဖဲကြိုးဖြတ် ဖွင့်လှစ်ပေးကြသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့က မုခ်ဦးရှေ့၌ မှတ်တမ်းတင်ဓါတ်ပုံ ရိုက်ကူးကြပြီး၊ ရပ်စောက်မြို့နယ်၊ ကောင်းဘို့ကျေးရွာအုပ်စု၊ အလည်ချောင်ကျေးရွာအုပ်စု ကိုယ့်အားကိုယ်ကိုး လျှပ်စစ်မီး ဖွင့်ပွဲဆိုင်းဘုတ်ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က စက်ခလုတ်နှိပ်ဖွင့်လှစ်ပေး၍ ပြည်နယ်ဝန်ကြီးချုပ်နှင့် တာဝန်ရှိသူတို့က ဆိုင်းဘုတ်အား အမွှေးနံ့သာ ပက်ဖျန်းပေးကြသည်။

 

   ထို့နောက် အခမ်းအနား ဒုတိယပိုင်း ဆက်လက်ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်က လျှပ်စစ်မီးလင်းရေး ကိစ္စရပ်များနှင့် ပတ်သက်၍ ရှင်းလင်းပြောကြားသည်။ ဆက်လက်၍ ပြည်နယ်လျှပ်စစ်အင်ဂျင်နီယာ ဦးသိန်းဌေးက လျှပ်စစ်မီးနှင့် ပတ်သက်၍ ရှင်းလင်းသည်။

 

   ၎င်းနောက် ကျေးရွာအုပ်စု အုပ်ချုပ်ရေးမှူး ဦးသန့်ဇင်ထွန်းက ဒေသဆိုင်ရာ အချက်အလက်များနှင့် ကျေးရွာမီးလင်းရေး ဆောင်ရွက်ထားရှိမှု အခြေအနေအား တင်ပြပြီး၊ ကျေးရွာအုပ်စုမီးလင်းရေးကော်မတီဥက္ကဌ ဦးအောင်သန်းပိုမှ ကျေးဇူးတင်စကား ပြန်လည်ပြောကြားကာ ဖွင့်ပွဲအထိမ်းအမှတ်အလံအား ဦးအောင်သန်းပိုက ပြည်နယ်ဝန်ကြီးချုပ်နှင့် တာဝန်ရှိသူတို့ကို နေရာအရောက် ပေးအပ်ခဲ့ပြီး၊ အခမ်းအနားကို အောင်မြင်စွာ ရုတ်သိမ်းလိုက်သည်။

 

   ယင်းနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် သုခကာရီဒေါ်ခင်ရီ ကျောင်းဆောင်၌ ဆရာတော် ဦးဝိလာသအား လှူဖွယ်ပစ္စည်းများဖြင့် ကန်တော့ကြပြီး၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ မိုင်းအင်ကျေးရွာအုပ်စုသို့ ဆက်လက်ထွက်ခွာလာရာ မိုင်းအင်ဘုန်းတော်ကြီးကျောင်းတွင် ကျင်းပပြုလုပ်သော (၃)အုပ်စုလျှပ်စစ်မီးလင်းရေးကိစ္စ ညှိနှိုင်းအစည်းအဝေးပြုလုပ်ရာ အခမ်းအနားတွင် (၁၂)ရွာမီးလင်းရေးကော်မတီဥက္ကဌ ဦးတင်ရွှေမှ လျှပ်စစ်မီးလင်းရေး ဆောင်ရွက်ထားရှိမှုတို့ ဆွေးနွေးတင်ပြသည်။

 

   ဆက်လက်၍ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကိုမှ လျှပ်စစ်မီးလင်းရေးဆောင်ရွက်ထားရှိမှုများကို ဖြည့်စွက်ဆွေးနွေး၍ လည်းကောင်း၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်မှ လျှပ်စစ်မီးလင်းရေး ကိစ္စရပ်များနှင့် ပတ်သက်၍ ဖြည့်စွက်ပြောကြားသည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ ပင်းတယမြို့နယ်၊ မိုင်းအင်ကျေးရွာ လျှပ်စစ်မီးလင်းရေးကိစ္စရပ်များနှင့် ပတ်သက်၍ လိုအပ်သည်များကို လမ်းညွှန်အမှာစကား ပြောကြားကာ အခမ်းအနားကို အောင်မြင်စွာ ရုတ်သိမ်းလိုက်သည်။

 

   ၎င်းနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် မိုင်းအင်ကျေးရွာမှ ထွက်ခွာလာရာ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့သို့ ရောက်ရှိလာပြီး၊ ဓနုသော်တာအုပ်စုကုမ္ပဏီမှ တာဝန်ယူ တည်ဆောက်လျက်ရှိသော နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်းကျောင်း(ပင်းတယ) တည်ဆောက်ရေး စီမံကိန်းသို့ သွားရောက်ကြည့်ရှုစစ်ဆေးရာ ကျေးလက်ဒေသဖွံ့ဖြိုးရေး ဦးစီးအရာရှိ ဦးနိုင်ဝင်းအောင်မှ အဆောက်အဦနှင့် ပတ်သက်၍ ရှင်းလင်းတင်ပြရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့သည်။

 

   ယင်းနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် မြို့ရွာနှင့်အိုးအိမ်ဖွံ့ဖြိုးရေးဦးစီးဌာန ဝန်ထမ်းအိမ်ယာများ ဆောက်လုပ်နေမှုကို လှည့်လည်ကြည့်ရှုစစ်ဆေးရာ တောင်ကြီးခရိုင်အင်ဂျင်နီယာမှူး ဦးကျော်သီဟမှ ဝန်ထမ်းအိမ်ယာခြောက်ခန်းတွဲ နှစ်ထပ်၊ လေးခန်းတွဲ နှစ်ထပ်၊ နှစ်ခန်းတွဲ နှစ်ထပ် ဆောက်လုပ်မည့် အခြေအနေများကို ရှင်းလင်းတင်ပြပြီး၊ ပြည်နယ်ဝန်ကြီးချုပ်နှင့် တာဝန်ရှိသူတို့က အဆောက်အဦဆောက်လုပ်နေမှုကို လှည့်လည်ကြည့်ရှုကြသည်။

 

   ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူတို့သည် ပင်းတယမြို့နယ်၊ ပြည်သူ့ဆေးရုံသို့ ရောက်ရှိပြီး၊ မြို့နယ်ကျန်းမာရေးဦးစီးဌာနမှူး ဒေါက်တာသန်းမင်းထွဋ်မှ နှလုံးစမ်းသပ်စက်၊ ကလေးသူငယ်များ သွေးကြောရှာစက်အကြောင်းတို့ကို ရှင်းလင်းပြီး၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့က ဆေးရုံအတွင်း  လှည့်လည်ကြည့်ရှုကာ လူနာများကို ထောက်ပံ့ငွေများ ပေးအပ်၍ ဓါတ်မှန်ဆောင်သို့ ကြည့်ရှုကြကြောင်း သိရှိရသည်။

 

   ရပ်စောက်မြို့နယ်၊ ကောင်းဘို့ကျေးရွာအုပ်စု၊ အလည်ချောင်ကျေးရွာအုပ်စု ကိုယ့်အားကိုယ်ကိုး လျှပ်စစ်မီးဖွင့်ပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် အဖွဲ့ဝင်များ၊ ပြည်သူ့လွှတ်တော်ကိုယ်စားလှယ်၊ ဒေသခံမိဘပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သတင်းရရှိသည်။

 

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဟိုပုံးမြို့နယ် ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် ဆုချီးမြှင့်ပွဲ ကျင်းပ

တောင်ကြီး   နိုဝင်ဘာ   ၀၈

 

016

 

   ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဟိုပုံးမြို့နယ် ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် ဆုချီးမြှင့်ခြင်း အခမ်းအနားကို နိုဝင်ဘာ(၈)ရက်၊ နံနက်(၉)နာရီက ဟိုပုံးမြို့နယ်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း တက်ရောက်၍ အဖွင့်အမှာစကား ပြောကြားပြီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်က အမှာစကား ပြောကြားသည်။

 

   ဆက်လက်၍ ရှမ်းပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပြည်နယ်ဦးစီးမှူး၊ မြန်မာနိုင်ငံစာကြည့်တိုက်များဖောင်ဒေးရှင်း ကော်မတီဝင် ဦးစိုင်းဆမ်တစ်က ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးနှင့် ပတ်သက်၍ ရှင်းလင်း ပြောကြားသည်။

 

   ထို့နောက် စာဖတ်ရှိန်မြှင့်တင်ရေးပြိုင်ပွဲများတွင် ဆုရရှိသူများအား ဆုချီးမြှင့်ရာ မူလတန်းအဆင့် ကဗျာရွတ်ဆိုပြိုင်ပွဲ တတိယတန်းတွင် ပထမ၊ ဒုတိယ ဆုရရှိသူများကို မြို့နယ်ပညာရေးမှူး ဒေါ်နန်းအေးစိန်မှ လည်းကောင်း၊ တတိယဆုနှင့် အထူးဆုကို ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်နန်းဦးခမ်းမှ လည်းကောင်း၊ မူလတန်းအဆင့် ကဗျာရွတ်ပြိုင်ပွဲ စတုတ္ထတန်းတွင် ပထမ၊ ဒုတိယ၊ တတိယနှင့် အထူးဆု ကလည်းကောင်း၊ တတိယဆုနှင့် အထူးဆုကို ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်နန်းဦးခမ်းမှ လည်းကောင်း၊ မူလတန်းအဆင့် ကဗျာရွတ်ပြိုင်ပွဲ စတုတ္ထတန်းတွင် ပထမ၊ ဒုတိယ၊ တတိယနှင့် အထူးဆု ရရှိသူများကို ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်စိုးစိုးထွန်းမှ လည်းကောင်း၊ အလယ်တန်းအဆင့် စာစီစာကုံးပြိုင်ပွဲ ပထမ၊ ဒုတိယ၊ တတိယနှင့် အထူးဆု ရရှိသူများကို မြို့နယ်အုပ်ချုပ်ရေးမှူး ဦးမောင်မောင်မှ လည်းကောင်း၊ အထက်တန်းအဆင့် စာစီစာကုံးပြိုင်ပွဲ ပထမ၊ ဒုတိယ၊ တတိယနှင့် အထူးဆု ရရှိသူများကို ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပြည်နယ်ဦးစီးမှူး၊ မြန်မာနိုင်ငံစာကြည့်တိုက်များဖောင်ဒေးရှင်း ကော်မတီဝင် ဦးစိုင်းဆမ်တစ်မှ လည်းကောင်း၊ အလယ်တန်းအဆင့် ကျပန်းစကားပြောပြိုင်ပွဲ ပထမ၊ ဒုတိယ၊ တတိယနှင့် အထူးဆု ရရှိသူများကို ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီအဖွဲ့ အတွင်းရေးမှူး ဦးနိုးဝေမှ လည်းကောင်း၊ အထက်တန်းအဆင့် ပထမ၊ ဒုတိယ၊ တတိယနှင့် အထူးဆု ရရှိသူများကို ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်မှ လည်းကောင်း၊ အထက်တန်းအဆင့် စာပေလေ့လာဖတ်ရှုမှုပြိုင်ပွဲတွင် ပထမ၊ ဒုတိယ၊ တတိယနှင့် အထူးဆု ရရှိသူများကို ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းတို့က ဆုများကို အသီးသီး ချီးမြှင့်ပေးကြသည်။

 

   ယင်းနောက် ကျပန်းစကားပြောနှင့် ကဗျာရွတ်ဆိုပြိုင်ပွဲတွင် ဆုရရှိသူများမှ ပြန်လည်တင်ဆက်ပြီး အခမ်းအနားကို အောင်မြင်စွာ ရုပ်သိမ်းလိုက်သည်။ အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်နှင့် အဖွဲ့ဝင်များ၊ ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပြည်နယ်ဦးစီးမှူး၊ မြန်မာနိုင်ငံစာကြည့်တိုက်များ ဖောင်ဒေးရှင်းကော်မတီဝင် ဦးစိုင်းဆမ်တစ်၊ ခရိုင်ဦးစီးမှူး၊ မြို့နယ်ဦးစီးမှူးများ၊ မြို့နယ်အဆင့်ဌာနဆိုင်ရာများ၊ ဆရာ/ဆရာမများ၊ ကျောင်းသား/သူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

 

နယ်စပ်ရေးရာဝန်ကြီးဌာန၊ ဒုတိယဝန်ကြီး ဦးဆောင်သောအဖွဲ့ဝင်များနှင့် ရှမ်းပြည်နယ်အတွင်းရှိ ဌာနဆိုင်ရာများ၊ မြို့မိမြို့ဖများ၊ မြို့နယ်အထောက်အကူပြုအဖွဲ့ဝင်များ၊ တိုင်းရင်းသားကိုယ်စားလှယ်များ၊ စာပေနှင့် ယဉ်ကျေးမှု အဖွဲ့ဝင်များ၊ လူထုကိုယ်စားလှယ်များနှင့် တွေ့ဆုံဆ

တောင်ကြီး   နိုဝင်ဘာ   ၁၉

 

020

 

   ပြည်ထောင်စုသမ္မတမြန်မာနိုင်ငံတော် အစိုးရအဖွဲ့ တိုင်းရင်းသားရေးရာဆပ်ကော်မတီ ဥက္ကဌ၊ နယ်စပ်ရေးရာ ဝန်ကြီးဌာန ဒုတိယဝန်ကြီး ဦးဆောင်သော အဖွဲ့ဝင်များနှင့် ရှမ်းပြည်နယ်အတွင်းရှိ ဌာနဆိုင်ရာများ၊ မြို့မိမြို့ဖများ၊ မြို့နယ်အထောက်အကူပြုအဖွဲ့ဝင်များ၊ တိုင်းရင်းသား ကိုယ်စားလှယ်များ၊ စာပေနှင့် ယဉ်ကျေးမှု အဖွဲ့ဝင်များ၊ လူထုကိုယ်စားလှယ်များနှင့် တွေ့ဆုံဆွေးနွေးပွဲကို နိုဝင်ဘာ (၁၉)ရက် မွန်းလွဲ(၁)နာရီက တောင်ကြီးမြို့၊ မြို့တော်ခန်းမ၌ ကျင်းပရာ တိုင်းရင်းသားရေးရာ ဆပ်ကော်မတီ ဥက္ကဌ၊ နယ်စပ်ရေးရာ ဝန်ကြီးဌာန ဒုတိယဝန်ကြီး ဗိုလ်ချုပ်မောင်မောင်အုန်းမှ အဖွင့်အမှာစကားပြောကြားသည်။

 

   ဆက်လက်၍ ဗမာတိုင်းရင်းသားရေးရာဝန်ကြီး ဦးနိုင်ဝင်း၊ အင်းတိုင်းရင်းသားရေးရာ ဝန်ကြီး ဦးဝင်းမြင့်၊ ကယန်း(ပဒေါင်)တိုင်းရင်းသားရေးရာ ဝန်ကြီး ဦးလောရင်း တို့က ဆွေးနွေးတင်ပြကြသည်။ ထို့နောက် တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ မြို့နယ်ဖွံ့ဖြိုးရေးအထောက်အကူပြကော်မတီများတို့က အသီးသီးဆွေးနွေး တင်ပြကြသည်။

 

   ၎င်းနောက် တိုင်းရင်းသား ငြိမ်းချမ်းရေးအဖွဲ့ အစည်းများမှ ဆွေးနွေးတင်ပြကြပြီး၊ တိုင်းရင်းသားရေးရာဆပ်ကော်မတီ ဥက္ကဌ၊ နယ်စပ်ရေးရာ ဝန်ကြီးဌာန ဒုတိယဝန်ကြီး ဗိုလ်ချုပ်မောင်မောင်အုန်းနှင့် အဖွဲ့ဝင်များ၊ ရှမ်းပြည်နယ်အစိုးရအဖွဲ့၊ ပြည်နယ်လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူ၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်း၊ ပြည်နယ်အဆင့် ဌာနဆိုင်ရာများ၊ မြို့မိမြို့ဖများ၊ မြို့နယ်အထောက်အကူပြု အဖွဲ့ဝင်များ၊ တိုင်းရင်းသားကိုယ်စားလှယ်များ၊ စာပေနှင့် ယဉ်ကျေးမှု အဖွဲ့ဝင်များ၊ လူထုကိုယ်စားလှယ်များ တက်ရောက်ကြကြောင်း သတင်းရရှိသည်။

 

စိုက်ပျိုးရေးသမဝါယမအသင်းများသို့ ဆောင်းသီးနှံစိုက်ပျိုးစရိတ် ပံ့ပိုးချေးငွေများ ပေးအပ်ပွဲ အခမ်းအနား ကျင်းပ

တောင်ကြီး    နိုဝင်ဘာ   ၀၇

 

015

 

ရှမ်းပြည်နယ်တောင်ပိုင်း၊ ရပ်စောက်မြို့နယ်ရှိ စိုက်ပျိုးရေးသမဝါယမအသင်းများသို့ ဆောင်းသီးနှံ စိုက်ပျိုးစရိတ် ပံ့ပိုးချေးငွေများပေးအပ်ပွဲ အခမ်းအနားကို နိုဝင်ဘာ(၇)ရက်နေ့ နံနက်(၁၀)နာရီ အချိန်တွင် ရပ်စောက်မြို့နယ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံး၊ အစည်းအဝေးခန်းမ၌ ကျင်းပ ပြုလုပ်ခဲ့ပါသည်။ အခမ်းအနားသို့ ရှမ်းပြည်နယ်အစိုးရအဖွဲ့၊ စီမံကိန်းနှင့်စီးပွားရေးဝန်ကြီး၊ ရှမ်းပြည်နယ် သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ ဦးအောင်ကျော်ညွန့်၊ ရှမ်းပြည်နယ်သမဝါယမဦးစီးဌာန ဒုတိယညွှန်ကြားရေးမှူး ဒေါ်ယုယုအေး၊ ရှမ်းပြည်နယ်တောင်ပိုင်း/အရှေ့ပိုင်းသမဝါယမအသင်းစုချုပ် ဥက္ကဌ ဦးကျော်မြခိုင်၊ ရပ်စောက်မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးသက်နိုင်ဦး၊ ရပ်ကွက်/ကျေးရွာ အုပ်ချုပ်ရေးမှူးများ၊ ရပ်မိရပ်ဖများ၊ မြို့နယ်သမဝါယမအသင်းစုနှင့် အခြေခံသမဝါယမအသင်းများမှ အမှုဆောင်များ၊ အသင်းသား/အသင်းသူ တောင်သူလယ်သမားများ တက်ရောက်ခဲ့ကြပါသည်။

 

အခမ်းအနားတွင် ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ၊ စီမံကိန်းနှင့် စီးပွားရေးဝန်ကြီးမှ အသင်းသူ/အသင်းသားများအနေဖြင့် ရရှိသည့် ပံ့ပိုးချေးငွေများအား မိမိတို့ လုပ်ငန်းတွင် အမှန်တကယ်အကျိုးရှိစွာ အသုံးပြုရေး၊ သတ်မှတ်ချိန်အတိုင်း ပြန်လည်ပေးဆပ်နိုင်ရန်အတွက် ကြိုးပမ်းဆောင်ရွက်ရေး၊ လုပ်ငန်းများဆောင်ရွက်ရာတွင် သမဝါယမစိတ်ဓါတ်ပြည့်ဝစွာဖြင့် အတွေးအခေါ် (Mind Set)များ ပြုပြင်ပြောင်းလဲဆောင်ရွက်ရန် မှာကြားခဲ့ပါသည်။

 

၎င်းနောက် စိုက်ပျိုးစရိတ်ချေးငွေများအား အသင်းသားကိုယ်စားလှယ်များထံသို့ စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်၊ ရှမ်းပြည်နယ်သမဝါယမဦးစီးဌာန ဒုတိယညွှန်ကြားရေးမှူး ဒေါ်ယုယုအေး၊ ရှမ်းပြည်နယ်တောင်ပိုင်း/အရှေ့ပိုင်း သမဝါယမအသင်းစုချုပ် ဥက္ကဌ ဦးကျော်မြခိုင် တို့မှ ပေးအပ်ခဲ့ကြပါသည်။ ရပ်စောက်မြို့နယ်၊ ကျေးရွာအုပ်စု(၄)အုပ်စုရှိ ကျေးရွာ(၁၈)ရွာမှ စိုက်ပျိုးရေး သမဝါယမအသင်း (၁၈)သင်းသို့ စုစုပေါင်း ပံ့ပိုးချေးငွေ (၁၂၀၃.၇၅)ထုတ်ချေးပေးခဲ့ပြီး ရပ်စောက် မြို့နယ်ရှိ အခြေခံသမဝါယမအသင်းများသို့ ပံ့ပိုးခြေးငွေ ကျပ် သိန်းပေါင်း (၂၀၀၀)ကျော် ထုတ်ချေးပေး ထားကြောင်း သတင်းရရှိပါသည်။

 

More Articles...

  1. ခမ်းရွှေဝါထွန်းကုမ္ပဏီမှ Solar System - LED မီးလင်းရေးစနစ်သုံးပစ္စည်း (၂၀)စုံ လှူဒါန်း
  2. ရှမ်းပြည်နယ်၊ တောင်ကြီးပညာရေးကောလိပ် နဝမအကြိမ် ဆရာအတတ်ပညာကျွမ်းကျင်မှု ဒီပလိုမာအပ်နှင်းပွဲ ကျင်းပ
  3. ပထမအကြိမ်၊ ရှမ်းပြည်နယ်လွှတ်တော် အထူးအစည်းအဝေး (၁/၂၀၁၃) ဒုတိယနေ့ ကျင်းပ
  4. ပထမအကြိမ်၊ ရှမ်းပြည်နယ်လွှတ်တော် အထူးအစည်းအဝေး (၁/၂၀၁၃) ပထမနေ့ ကျင်းပ
  5. ရှမ်းပြည်နယ် လူမှုရေးဝန်ကြီး ဒေါက်တာမျိုးထွန်း၏ လွိုင်လင်/ ပင်လုံ/ လဲချား မြို့နယ်များသို့ ပညာရေး/ ကျန်းမာရေး ကိစ္စများ သွားရောက်ဆောင်ရွက်ခဲ့သည့် ခရီးစဉ်
  6. ရှမ်းပြည်နယ် မြေစာရင်းဦးစီးဌာန အတွင်းရှိ ပြည်နယ်/ခရိုင် နှင့်ရှမ်းပြည်နယ်(တောင်ပိုင်း) အတွင်းမှ မြို့နယ်၊ မြို့နယ်ခွဲ မြေစာရင်းဦးစီးဌာနမှူးများနှင့် တွေ့ဆုံပွဲကျင်းပ
  7. ရှမ်းပြည်နယ်စည်ပင်သာယာရေးကော်မတီ ရှမ်းပြည်နယ်တောင်ပိုင်း၊ မြို့နယ်စည်ပင် သာယာရေးကော်မတီများ လုပ်ငန်းညှိနိုင်းအစည်းအဝေးကျင်းပ
  8. ပန္နရသမအကြိမ်မြောက် ကမ္ဗောဇသာမဏေကျော် စာမေးပွဲ စာအောင်ဘွဲ့နှင်းသဘင်
  9. ရှမ်းပြည်နယ်အစိုးရအဖွဲ့နှင့် CTI Engineering Co.,Ltd.(Janpan)မှ အထူးကိုယ်စားလှယ်များတို့ တွေ့ဆုံ
  10. အထက်သံလွင်(မိုင်းတုံ) ရေအားလျှပ်စစ်စီမံကိန်း၊ ရှမ်းပြည်နယ်အစိုးရအဖွဲ့သို့ ရှင်းလင်းခြင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

waaရှမ်းပြည်နယ်(မြောက်ပိုင်း) ဟိုပန်၊ မိုင်းမော၊ ပန်ဝိုင်၊ ပန်ဆန်းနှင့် မက်မန်းမြို့နယ်များတွင် အများဆုံး နေထိုင်ကြသည်။

We have 62 guests and no members online