သတင်းများ

၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့ နှင့် အဌမအကြိမ်မြောက် မြန်မာ့ရိုးရာ ထမနဲထိုးပြိုင်ပွဲ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ

တောင်ကြီး   ဇန်နဝါရီ   ၂၂

 

016

 

   ၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့ အခမ်းအနားနှင့် အဌမအကြိမ်မြောက် မြန်မာ့ရိုးရာ ထမနဲထိုးပြိုင်ပွဲ ကျင်းပနိုင်ရေး လုပ်ငန်းညှိနှိုင်းအစည်းအဝေးကို ဇန်နဝါရီ(၂၂)ရက်၊ ညနေ(၃)ရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ (၆၇)နှစ်မြောက် ရှမ်းပြည်နယ်နေ့အခမ်းအနားကျင်းပရေးဦးစီးကော်မတီ နှင့် အဌမအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပရေးဦးစီးကော်မတီ ဥက္ကဌ ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင့်အမှာစကား ပြောကြားသည်။

 

   ဆက်လက်၍ တက်ရောက်လာကြသည့် လုပ်ငန်းဆပ်ကော်မတီ ဥက္ကဌ၊ အတွင်းရေးမှူးများမှ မိမိတို့ တာဝန်ယူရသည့် လုပ်ငန်းများအလိုက် ဆွေးနွေးတင်ပြကြသည်။

 

   ထို့နောက် လုပ်ငန်းဆပ်ကော်မတီများအလိုက် ဆွေးနွေးတင်ပြကြပြီး၊ ၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့အခမ်းအနားကျင်းပရေးဦးစီးကော်မတီ နှင့် အဌမအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပရေးဦးစီးကော်မတီ ဥက္ကဌ ပြည်နယ်လူမှုရေးဝန်ကြီး ဒေါက်တာမျိုးထွန်းမှ နိဂုံးချုပ် အမှာစကား ပြောကြားကာ အခမ်းအနားကို ရုပ်သိမ်းလိုက်သည်။

 

   အဆိုပါ အခမ်းအနားသို့ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လုပ်ငန်းဆပ်ကော်မတီ အသီးသီးမှ တာဝန်ရှိသူများ တက်ရောက်ကြကြောင်း သိရှိရသည်။

 

ရှမ်းပြည်နယ်အသေးစားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးနှင့် အစုအဖွဲ့များ ဖွဲ့စည်းရေးတွေ့ဆုံဆွေးနွေးပွဲကျင်းပ

တောင်ကြီး   ဇန်နဝါရီ  ၂၀

 

 015

 

   ရှမ်းပြည်နယ်အသေးစားနှင့် အလတ်စားစီးပွားရေးလုပ်ငန်းဖွံ့ဖြိုးတိုးတက်ရေးနှင့် အစုအဖွဲ့များ ဖွဲ့စည်းရေး တွေ့ဆုံပွဲကို ဇန်နဝါရီ (၂၀) ရက်နေ့ နေ့လည် (၁၂) နာရီက တောင်ကြီးမြို့နယ်၊ အေးသာယာ စက်မှုဇုန်အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် “စက်မှုဇုန်အတွင်းမှာရှိတဲ့ စက်မှုလုပ်ငန်းဖွံ့ဖြိုးတိုးတက် ရေးအတွက် စက်မှုလုပ်ငန်းရှင်များ၏ဆောင်ရွက်နေတဲ့အခြေအနေကို သိရှိနိုင်ရန်နှင့် ဖွံ့ဖြိုးတိုးတက်ရေးအတွက် လိုအပ်ချက်များ၊ အခက်အခဲများကို တွေ့ဆုံဆွေးနွေးအဖြေရှာပြီး အကောင်အထည်ဖော်ဆောင်ရွက်ရန် ဖြစ်ကြောင်း၊ နိုင်ငံတော်အနေနဲ့ ဖွံ့ဖြိုးဆဲနိုင်ငံများအတွက် အကျိုးစီးပွားဖြစ်ထွန်းလျက်ရှိသည့် အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးကို အလေးထားအကောင်ထည်ဖော်ဆောင်ရွက်လျက် ရှိပါကြောင်း၊ အသေးစားနှင့်အလတ်စားစီးပွားရေးလုပ်ငန်းများမှာ ယခုစက်မှုဇုန်မှာရှိသည့် စက်မှုကုန်ထုတ် လုပ်ငန်းများအပါအဝင်၊ သတ္တုတူးဖော်ရေးလုပ်ငန်းများ၊ ဆောက်လုပ်ရေးလုပ်ငန်းများ၊ လုပ်အားအခြေပြု ထုတ်လုပ်မှုလုပ်ငန်းများ၊လက်လီလက်ကားရောင်းဝယ်ရေး၊ ဝန်ဆောင်မှုလုပ်ငန်းများ၊ သယ်ယူပို့ဆောင်ရေး လုပ်ငန်းများ၊ စိုက်ပျိုးထုတ်လုပ်မှုလုပ်ငန်းများ အစရှိသည့်စီးပွားရေးလုပ်ငန်းများဖြစ်ပါကြောင်း၊ မြန်မာနိုင်ငံ အတွင်း စီးပွားရေးလုပ်ငန်းများ၏ ၉၅%ကျော်သည် အသေးစားနှင့်အလတ်စားစီးပွားရေးလုပ်ငန်း များ ဖြစ်ပါကြောင်း၊ ရှမ်းပြည်နယ်အတွင်း အသေးစားနှင့် အလတ်စားစီးပွားရေးလုပ်ငန်းများ ၉၅%ကျော် ရှိပါကြောင်း၊ အသေးစားနှင့်အလတ်စား စီးပွားရေးလုပ်ငန်းများ သည် နိုင်ငံတစ်နိုင်ငံ၏ စီးပွားရေးကို စွမ်းရည် မြှင့်တင်ပေးနိုင်သည့်အပြင် ဖွံ့ဖြိုးမှု၏အဓိကမောင်းနှင်အား ဖြစ်ကြောင်း၊ ကျေးလက်ဒေသစီးပွားရေး ဖွံ့ဖြိုးတိုးတက်မှုကို မြှင့်တင်ပေးနိုင်သည့်အလုပ်အကိုင် အခွင့်အလမ်း များကိုပေးစွမ်းနိုင်သည့်အတွက် အသက် သွေးကြောသဖွယ် အရေးပါလျက်ရှိပါကြောင်း၊ ယခုစက်မှုဇုန်အတွင်းရှိ ထုတ်လုပ်မှုလုပ်ငန်းများအပါအဝင် အသေးစားနှင့်အလတ်စားစီးပွားရေးလုပ်ငန်းများ ဖွံ့ဖြိုးတိုးတက်မှုကို အကောင်အထည်ဖော်ဆောင်ရွက်ရမည် ဖြစ်ပါကြောင်း၊ SME လုပ်ငန်းများကို မိမိတို့ဒေသအခြေအနေ၊အချိန်ကာလနှင့် ကိုက်ညီသည့်လုပ်ငန်းများ အပေါ် မူဝါဒချမှတ်ပြီး၊ အကောင်အထည်ဖော်ဆောင်ရွက်နိုင်ရန်အတွက် အသေးစားနှင့်အလတ်စား စီးပွားရေး လုပ်ငန်းဖွံ့ဖြိုးပြီးနိုင်ငံများသို့ သွားရောက်လေ့လာခြင်း၊ ဆွေးနွေးခြင်း၊ မိမိတို့နိုင်ငံသို့ဖိတ်ခေါ်ဆွေးနွေးခြင်း၊ ပညာတော်သင်များစေလွှတ်ခြင်းတို့ဖြင့် တွေ့ရှိချက်များအပေါ် မူဝါဒများချမှတ်ဆောင်ရွက်လျက်ရှိပါကြောင်း၊ အသေးစားနှင့်အလတ်စား စက်မှုလုပ်ငန်းများအပါအဝင် အခြား SME လုပ်ငန်းဖွံ့ဖြိုးတိုးတက်ရေးအတွက် ကောင်စီနယ်မြေ၊ တိုင်းဒေသကြီး/ပြည်နယ်အသီးသီးမှာ ကျယ်ကျယ်ပြန့်ပြန့်အလျင်အမြန်ဆောင်ရွက်နိုင်ရန် အတွက် SME ဥပဒေမူကြမ်းအားရေးဆွဲထားရှိပြီး အတည်ပြုနိုင်ရေးဆောင်ရွက်နေသလို စက်မှုဇုန်များနှင့် ပက်သက်သည့်ဥပဒေကိုလည်း နေရာဒေသ၊ အခြေအနေ၊ အချိန်အခါတို့နှင့် ကိုက်ညီအောင်ရေးဆွဲလျက် ရှိပါကြောင်း၊ SME လုပ်ငန်းများဖွံ့ဖြိုးတိုးတက်ရေးဆောင်ရွက်နိုင်ရန် အခြေခံဖြစ်သည့် SME များ၏ အခြေအနေ စာရင်းဇယား၊ SMEများ အချင်းချင်းအစုအဖွဲ့များဆောင်ရွက်ထားမှု၊ အဲဒီအပေါ်တွင် ပြည်တွင်းတွင်သာမက ပြည်ပဈေးကွက်ကို ယဉ်ပြိုင်ထိုးဖောက်နိုင်စေရေးအတွက် အစုအဖွဲ့များ၏လိုအပ်ချက်များကို အလျင်အမြန် သိရှိတင်ပြဖော်ဆောင်ရမည်ဖြစ်ပါကြောင်း၊ လုပ်ငန်းစုအဖွဲ့ (Cluster) များနှင့်ပက်သက်သည့်အချက်အလက် များ၊ လိုအပ်ချက်များကို အလျင်အမြန်သိရှိမှသာ ဖွံ့ဖြိုးတိုးတက်စေမည့် SME အစုအဖွဲ့များဖော်ထုတ်ခြင်း၊ ဖွံ့ဖြိုးတိုးတက်စေရန်လိုအပ်ချက်များသိရှိပြီး ဒေသအတွင်းကိုက်ညီမည့် SME တွေကို အလျင်အမြန်ဖြည့်ဆည်း ဆောင်ရွက်နိုင်မည်သကဲ့သို့ ကျန်ရှိသည့် SME များကိုလည်း ဖွံ့ဖြိုးတိုးတက်အောင် ဆက်လက်အကောင် အထည် ဖော်ဆောင်ရွက်နိုင်မည်ဖြစ်သောကြောင့် အစုအဖွဲ့များအလျင်အမြန်ဖွဲ့စည်းရေးသည်လည်း အလွန် အရေးကြီးသည့်အချက်ဖြစ်သည်ကိုအလေးထား မှတ်သားဆောင်ရွက်ရမည်ဖြစ်ပါကြောင်းနှင့် ယခုတွေ့ဆုံ ဆွေးနွေးပွဲတွင် စက်မှုဇုန်ဖွံ့ဖြိုးတိုးတက်ရေးအတွက် စက်မှုဇုန်အတွင်းတွင်ရှိသည့် လုပ်ငန်းအကောင်အထည် ဖော်ဆောင်ရွက်နေသည့် အခြေအနေနှင့် အခက်အခဲ များအားအပြုသဘောဆောင်သည့် ဆွေးနွေးမှုများ ဆောင်ရွက်ပေးရန်လိုအပ်သကဲ့သို့ SME ဖွံ့ဖြိုးတိုးတက်ရေး အတွက် Cluster Development အဖွဲ့၏ လုပ်ငန်းများ လျင်မြန်စွာအကောင်အထည်ဖော် ဆောင်ရွက်နိုင်ရေး အတွက်ပူးပေါင်းပါဝင်လုပ်ဆောင်နိုင်ရေး တို့ကို ဆွေးနွေးအကြံပြုပေးကြပါရန် ” တိုက်တွန်းပြောကြားသွားသည်။

 

   ဆက်လက်၍ ရှမ်းပြည်နယ်စက်မှုကြီးကြပ်ရေးနှင့်စစ်ဆေးရေးဦးစီးဌာန၊ ညွှန်ကြားရေးမှူး ဦးကျော်ဇေယျ မှ အေးသာယာစက်မှုဇုန်၏ အခြေအနေ၊ SME ဖွံ့ဖြိုး တိုးတက်ရေးလုပ်ငန်းများနှင့် SME Cluster များဖွဲ့စည်းရေးအခြေအနေအား ရှင်းလင်းတင်ပြသည်။

 

   ထို့နောက် တက်ရောက်လာကြသည့် စက်မှုဇုန်စီမံခန့်ခွဲရေးကော်မတီ၊ မော်တော်ယဉ်ထုတ်လုပ်ရေး လုပ်ငန်းကော်မတီ၊ လယ်ယာသုံးစက်ကိရိယာထုတ်လုပ်ရေးလုပ်ငန်းကော်မတီ၊ သံပန်းသံတံခါးလုပ်ငန်းအဖွဲ့၊ သစ်စက်လုပ်ငန်းအဖွဲ့၊ ဝပ်ရှော့လုပ်ငန်းအဖွဲ့၊ ရှမ်းပြည်နယ်(တောင်ပိုင်း) ကုန်သည်များနှင့် စက်မှုလုပ်ငန်း ရှင်များအသင်း၊ ဆန်စပါးအသင်းလုပ်ငန်းရှင်များအသင်းတို့မှ အသီးသီး စက်မှုဇုန်လုပ်ငန်းများနှင့် ပက်သက်၍ လိုအပ်ချက်များကို ဆွေးနွေးတင်ပြကြသည်။

 

   ၎င်းနောက် ပြည်နယ်ဥပဒေချုပ် ဦးမောင်မောင်မှ လုပ်ငန်းဆိုင်ရာများနှင့် ပက်သက်သည့် ဥပဒေဆိုင်ရာ တို့ကို ရှင်းလင်းဆွေးနွေးကြသည်။

 

   ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ နိဂုံးချုပ်အမှာစကားပြောကြားရာ SME လုပ်ငန်းများအားလုံး ရပ်တန့်ပြိုလဲမှုမရှိအောင်၊ ဖွံ့ဖြိုးတိုးတက်မှုရှိအောင် ရည်ရွယ်ချက်ထားရှိပြီး၊ ကြုံတွေ့ နေရသော အခက်အခဲများကို ပေါင်းစပ်ညှိနိုင်းရင်ဆိုင်ကျော်လွှားဖြေရှင်းဆောင်ရွက်ကြမှသာ လက်ရှိကာလ အတွက် အကျိုးရှိမှာဖြစ်သလို SME ဖွံ့ဖြိုးတိုးတက်ရေးလုပ်ငန်းစဉ်များ အကောင်အထည်ဖော်အောင်မြင်သည့် အခါ ပိုမိုအကျိုးဖြစ်ထွန်းနိုင်မှာ ဖြစ်သည့်အတွက် စည်းလုံးညီညွတ်စွာဖြင့် အလေးထားကြိုးစားပြီး ဆောင်ရွက် ကြရန် ပြောကြားသွားပြီး အခမ်းအနားကို အောင်မြင်စွာရုပ်သိမ်းလိုက်သည်။

 

   ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် အေးသာယာစက်မှုဇုန်ထွက် ကုန်ပစ္စည်းများ၊ ပြခန်းများအား လှည့်လည်ကြည့်ရှု အားပေးကြကြောင်းသိရှိရသည်။

 

   အဆိုပါ ရှမ်းပြည်နယ်အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးနှင့် အစု အဖွဲ့များ ဖွဲ့စည်းရေးတွေ့ဆုံဆွေးနွေးပွဲ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့အတွင်းရေးမှူး၊ ပအိုဝ်း/ဓနု ကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဋ္ဌ နှင့်အဖွဲ့ဝင်များ၊  ပြည်နယ်/ခရိုင်/မြို့နယ် အဆင့်ဌာနဆိုင်ရာတာဝန်ရှိသူများ၊ စက်မှုလုပ်ငန်းရှင် ကော်မတီဝင်များ နှင့် ဖိတ်ကြားထားသည့်ဧည့်သည်တော်များတက်ရောက်ကြကြောင်းသတင်းရရှိသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့်အဖွဲ့ ကလောမြို့နယ် ဒေသဖွံ့ဖြိုးရေးအတွက် ကော်မတီများ၊ ရပ်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံ

တောင်ကြီး   ဇန်နဝါရီ   ၁၂

 

010

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီများ၊ ပြည်နယ်အဆင့် ဌာနဆိုင်ရာများ လိုက်ပါလျက် ဇန်နဝါရီ(၁၂)ရက်၊ နံနက်(၉)နာရီခွဲက ကလောမြို့၊ မြို့နယ်ခန်းမ၌ ဒေသဖွံ့ဖြိုးရေးလုပ်ငန်းများအတွက် မြို့နယ်စီမံခန့်ခွဲမှုကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်လယ်ယာမြေစီမံခန့်ခွဲမှုကော်မတီ၊ ရပ်ကွက်/ကျေးရွာဖွံ့ဖြိုးတိုးတက်ရေး အထောက်အကူပြုကော်မတီများ၊ ရပ်ကွက်/ကျေးရွာအုပ်ချုပ်ရေးမှူးများနှင့် တွေ့ဆုံရာ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ မြို့နယ်စီမံခန့်ခွဲမှုကော်မတီ ဥက္ကဌ ဦးမိုးခိုင်ထွန်းမှ ကလောမြို့နယ် ဒေသဆိုင်ရာ အချက်အလက်များ ရှင်းလင်းတင်ပြသည်။

 

   ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီများမှ ဆွေးနွေး တင်ပြကြသည်။

 

   ထို့နောက် တက်ရောက်လာကြသော မြို့နယ်နှင့် ရပ်ကွက်/ကျေးရွာအုပ်စု ကော်မတီဝင်များဖြစ်သည့် ကလောမြို့နယ်၊ အောင်ပန်းမြို့၊ ဟဲဟိုးမြို့၊ ဘော်ဆိုင်းမြို့တို့မှ ကော်မတီဝင်များက ပညာရေး၊ ကျန်းမာရေး၊ သောက်သုံးရေရရှိရေး၊ လမ်းတံတား ကောင်းမွန်ရေး၊ လယ်ယာမြေ ကိစ္စရပ်များကို ဆွေးနွေး တင်ပြကြသည်။

 

   ယင်းနောက် တက်ရောက်လာသော ပြည်နယ်အဆင့်ဌာနဆိုင်ရာများမှ တာဝန်ရှိသူများနှင့် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများမှ ကော်မတီများ၊ ရပ်ကွက်/ကျေးရွာများ၊ မြို့မိမြို့ဖများ တင်ပြဆွေးနွေးချက်ကို သက်ဆိုင်သည့် ကဏ္ဍအလိုက် ပြန်လည်ရှင်းလင်း ဆွေးနွေးကြသည်။

 

   ၎င်းနောက် ကလောမြို့နယ် ရေပိုက်လိုင်းများ၊ လမ်းများတိုးချဲ့ ဆောင်ရွက်ရန်အတွက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသည့် ငွေကျပ်သိန်း (၃၀၀)အား ပြည်နယ်စည်ပင်သာယာရေးဝန်ကြီး ဦစိုင်းလှဝင်းမှ ပေးအပ်ရာ ကလောမြို့နယ် စည်ပင်သာယာရေးကော်မတီ၊ အတွင်းရေးမှူး ဦးကျော်ဇင်မှ လက်ခံရယူ၍ လည်းကောင်း၊ ကလောမြို့နယ် ပညာရေးအတွက် ရှမ်းပြည်နယ်အစိုးရအဖွဲ့မှ လှူဒါန်းသော ကွန်ပျူတာ (၂)စုံအား ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ ကလောမြို့နယ် ပညာရေးမှူးမှ လက်ခံ၍ လည်းကောင်း၊ ကလောမြို့နယ်ရှိ တောင်ရိုးတိုင်းရင်းသား စာပေယဉ်ကျေးမှုအဖွဲ့၊ ပအိုဝ်းတိုင်းရင်းသား စာပေယဉ်ကျေးမှုအဖွဲ့၊ ဓနုတိုင်းရင်းသား စာပေယဉ်ကျေးမှုအဖွဲ့တို့ကို ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ငွေကျပ်(၁၀)သိန်းစီကို ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ပေးအပ်ရာ စာပေယဉ်ကျေးမှုအဖွဲ့များမှ တာဝန်ရှိသူများက အသီးသီး လက်ခံ၍ လည်းကောင်း၊ ကလောမြို့နယ် သိမ်တောင်ဘုရား အတက်လမ်းအတွက် ရှမ်းပြည်နယ်အစိုးရအဖွဲ့မှ ထောက်ပံ့သော ကတ္တရာ (၁၁.၅၇)တန်ကို ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ပေးအပ်ရာ တာဝန်ရှိသူ ဂေါပကတစ်ဦးမှ လက်ခံရယူပြီးနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ ဒေသဖွံ့ဖြိုးတိုးတက်ရေးအတွက် တွေ့ဆုံပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်လွှတ်တော် ကိုယ်စားလှယ်များ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့်ဌာနဆိုင်ရာ တာဝန်ရှိသူများ၊ မြို့နယ်စီမံခန့်ခွဲမှုကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်လယ်ယာမြေစီမံခန့်ခွဲမှုကော်မတီ၊ ရပ်ကွက်/ကျေးရွာအုပ်စုဖွံ့ဖြိုးတိုးတက်ရေး အထောက်အကူပြုကော်မတီများ၊ အုပ်ချုပ်ရေးမှူးများနှင့်  ဒေသခံတိုင်းရင်းသား မိဘပြည်သူများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် လင်းခေးမြို့နယ်၊ မိုင်းပန်မြို့နယ် မြို့မိမြို့ဖ၊ မြို့နယ်ဖွံ့ဖြိုးတိုးတက်ရေး ကော်မတီများနှင့် တွေ့ဆုံ

တောင်ကြီး   ဇန်နဝါရီ  ၁၈

 

013

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ၊ တာဝန်ရှိသူများ လိုက်ပါလျက် ဇန်နဝါရီ(၁၈)ရက်၊ နေ့လည်(၁၂)နာရီက လင်းခေးမြို့၊ နွယ်၀တီခန်းမ၌ လင်းခေးမြို့နယ်၊ မိုင်းပန်မြို့နယ် တို့၏ ဒေသဖွံ့ဖြိုးရေးလုပ်ငန်းများအတွက် မြို့နယ်စီမံခန့်ခွဲမှုကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ မြို့မိမြို့ဖများနှင့် တွေ့ဆုံရာ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကား ပြောကြားပြီး၊ လင်းခေးခရိုင် အထွေထွေအုပ်ချုပ်ရေးဦးစီးဌာန၊ ခရိုင်အုပ်ချုပ်ရေးမှူး ဦးခင်ဝင်းမှ ဒေသဆိုင်ရာလုပ်ငန်း အချက်အလက်များအား ရှင်းလင်းတင်ပြသည်။

 

 

   ဆက်လက်၍ လင်းခေးမြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဦးဝေမောင်မှ ဒေသဖွံ့ဖြိုးရေးဆိုင်ရာ အချက်အလက်များကို ရှင်းလင်း၍ လည်းကောင်း၊ လင်းခေးမြို့နယ် စည်ပင်သာယာရေးကော်မတီ ဦးကျော်သန်းမှ စည်ပင်သာယာရေးဆိုင်ရာ အချက်အလက်များကို ရှင်းလင်း၍ လည်းကောင်း၊ မြို့နယ်အထောက်အကူပြုကော်မတီ ဦးအောင်သန်းမှ ဒေသဖွံ့ဖြိုးရေးအတွက် သောက်သုံးရေရရှိရေး၊ လမ်းကောင်းမွန်ရေး၊ မြို့သာယာလှပရေးတို့ကို တင်ပြ၍ လည်းကောင်း၊ ပြည်နယ်လွှတ်တော်ကိုယ်စားလှယ် ဦးစိုင်းလွင်မှ နမ့်ဖာလုံ ရေလှောင်တမံနှင့် ပက်သက်၍ လည်းကောင်း၊ မြို့နယ်စည်ပင်သာယာရေးကော်မတီ ဦးသန်းကျော်မှ စည်ပင်သာယာရေးကော်မတီ ဖွဲ့စည်းမှုနှင့် လုပ်ငန်းဆောင်ရွက်မှုများကို ရှင်းလင်း တင်ပြကြသည်။

 

   ထို့နောက် မိုင်းပန်မြို့နယ်အုပ်ချုပ်ရေးမှူး ဦးဝင်းမြင့်မှ မိုင်းပန်မြို့နယ်၏ ဒေသဆိုင်ရာ အချက်အလက်များ ရှင်းလင်း၍ လည်းကောင်း၊ မိုင်းပန်မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဦးဟန်ဌေးမှ ဒေသဖွံ့ဖြိုးရေးဆိုင်ရာ အချက်အလက်များကို ရှင်းလင်း၍ လည်းကောင်း၊ မြို့နယ်စည်ပင်သာယာရေးကော်မတီ ဦးစိုင်းအောင်ထွန်းမှ စည်ပင်သာယာရေးကော်မတီနှင့် ပတ်သက်သည့် အချက်အလက်များကို ရှင်းလင်း တင်ပြကြသည်။ ထို့နောက် တက်ရောက်လာကြသည့် လင်းခေးမြို့နယ်အထောက်အကူပြု ကော်မတီများမှ အထွေထွေ ဆွေးနွေးတင်ပြကြရာ ဒေသဖွံ့ဖြိုးရေးအတွက် စီမံခန့်ခွဲမှုသင်တန်းများ ဖွင့်လှစ်ပေးရေး၊ လမ်းကောင်းမွန်ရေး၊ ရေရရှိရေး၊ လျှပ်စစ်မီး ရရှိရေး၊ ပညာရေး၊ ကျန်းမာရေးတို့ကို ဆွေးနွေး တင်ပြကြသည်။

 

   ယင်းနောက် မြို့နယ်အထောက်အကူပြုကော်မတီ၊ စည်ပင်သာယာရေးကော်မတီ၊ မြို့မိမြို့ဖများ၏ ဒေသဖွံ့ဖြိုးရေးအတွက် လိုအပ်ချက်များ ဆွေးနွေး တင်ပြမှုကို ပြည်နယ်အဆင့်ဌာနဆိုင်ရာ တာဝန်ရှိသူများနှင့် ပြည်နယ်ဝန်ကြီးများက မိမိတို့နှင့် သက်ဆိုင်သည့် လုပ်ငန်းကဏ္ဍအလိုက် ပြန်လည်ဖြည့်စွက် ရှင်းလင်းကြသည်။

 

 

   ရှမ်းပြည်နယ်အစိုးရအဖွဲ့မှ လင်းခေးမြို့နယ်နှင့် မိုင်းပန်မြို့နယ်များသို့ ဒေသဖွံ့ဖြိုးရေးအတွက် ရံပုံငွေ ပေးအပ်လှူဒါန်းရာ လင်းခေးမြို့နယ် စည်ပင်သာယာရေးကော်မတီအတွက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ငွေကျပ်သိန်း (၂၀၀)၊ လင်းခေးမြို့နယ် လျှပ်စစ်မီးလင်းရေးလုပ်ငန်းများ ဆောင်ရွက်ရန်အတွက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ငွေကျပ်သိန်း (၁၀၀)၊ ဟိုမိန်းမြို့နယ်ခွဲ စည်ပင်သာယာရေးကော်မတီအတွက် ငွေကျပ်သိန်း (၁၀၀)၊ မိုင်းပန်မြို့နယ် စည်ပင်သာယာရေးကော်မတီအတွက် ငွေကျပ်သိန်း (၂၀၀)၊ မိုင်းပန်မြို့နယ် လျှပ်စစ်မီးလင်းရေးအတွက် ငွေကျပ်သိန်း (၂၀၀) အသီးသီးတို့အား ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ပေးအပ်ရာ လင်းခေးမြို့နယ်၊ မိုင်းပန်မြို့နယ် စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်ရေး အထေက်အကူပြုကော်မတီတို့မှ လက်ခံရယူ၍ လည်းကောင်း၊ ဆက်လက်၍ လင်းခေးမြို့နယ်၊ မိုင်းပန်မြို့နယ် ပညာရေးကဏ္ဍအတွက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ကွန်ပျူတာ (၂)စုံစီကို ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ ပေးအပ်ရာ မြို့နယ်ပညာရေးမှူးများမှ အသီးသီး လက်ခံရယူကြသည်။

   

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်မှ ကော်မတီ အသီးသီးနှင့် မြို့မိမြို့ဖများမှ ဒေသဖွံ့ဖြိုးရေးဆိုင်ရာ လိုအပ်ချက်များ တင်ပြဆွေးနွေးမှု အပေါ် ပြန်လည်ဖြည့်စွက် မှာကြား၍ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်ပြီး အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်လွှတ်တော်ကိုယ်စားလှယ်၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လင်းခေး၊ မိုင်းပန် မြို့နယ်စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့မိမြို့ဖများနှင့် ဒေသခံပြည်သူများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ ညောင်ရွှေ၊ ရပ်စောက်မြို့နယ်ရှိ ဒေသဖွံ့ဖြိုးရေးကော်မတီ၊ မြို့မိမြို့ဖများနှင့် တွေ့ဆုံ

တောင်ကြီး   ဇန်နဝါရီ   ၁၁

 

009

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီများ၊ ပြည်နယ်/ခရိုင်အဆင့်ဌာနဆိုင်ရာ အကြီးအကဲများ လိုက်ပါလျက် ဇန်နဝါရီ(၁၁)ရက်၊ နံနက်(၈)နာရီက ညောင်ရွှေမြို့၊ မြို့နယ်အထွေထွေအုပ်ချုပ်ရေးရုံး၊ အစည်းအဝေးခန်းမ၌ ညောင်ရွှေမြို့နယ်ဒေသဖွံ့ဖြိုးရေးအတွက် မြို့နယ်အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီများ၊ မြို့မိမြို့ဖများနှင့် တွေ့ဆုံရာ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ မြို့နယ်စီမံခန့်ခွဲမှုကော်မတီ ဥက္ကဌ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးကျော်ဇောလှမှ ဒေသဆိုင်ရာ အချက်အလက်များ ရှင်းလင်းတင်ပြသည်။

 

   ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌ ဦးတင်အောင်ကျော်၊ မြို့နယ်စည်ပင်သာယာရေးကော်မတီ ဥက္ကဌ ဦးစံရွှေတို့က ဒေသတွင်း လိုအပ်ချက်များကို ဆွေးနွေး တင်ပြကြသည်။

 

   ထို့နောက် အခမ်းအနားသို့ တက်ရောက်လာကြသည့် မြို့မိမြို့ဖများ၊ ရပ်ကွက်/ကျေးရွာ အုပ်ချုပ်ရေးမှူးများက မိမိတို့ဒေသဖွံ့ဖြိုးတိုးတက်ရန်အတွက် ရေ၊ မီး၊ လမ်း၊ ကျန်းမာရေး၊ ပညာရေး ကိစ္စရပ်များကို အထွေထွေ ဆွေးနွေး တင်ပြကြသည်။

 

   ၎င်းနောက် ကော်မတီ အသီးသီး၏ တင်ပြချက်များ၊ မြို့မိမြို့ဖများ၏ လိုအပ်ချက်များကို ပြည်နယ်အဆင့် ဌာနဆိုင်ရာများ၊ ပြည်နယ်ဝန်ကြီးများက မိမိတို့နှင့် သက်ဆိုင်သည့် ကဏ္ဍအလိုက် လိုအပ်သည်များကို ပြန်လည်ဖြည့်စွက် ရှင်းလင်းကြသည်။

 

   ယင်းနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ ဒေသဖွံ့ဖြိုးရေးအတွက် ကော်မတီများ၊ မြို့မိမြို့ဖများ၊ ရပ်ကွက်/ကျေးရွာ အုပ်ချုပ်ရေးမှူး၏ တင်ပြတောင်းဆိုချက်များအပေါ် လိုအပ်သည်များကို လမ်းညွှန်မှာကြားပြီး နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် ညောင်ရွှေမြို့မှ ထွက်ခွာလာရာ မွန်းလွှဲ(၂)နာရီတွင် ရပ်စောက်မြို့၊ ရတနာသီရိခန်းမ၌ ဒေသဖွံ့ဖြိုးရေးအတွက် မြို့နယ်စီမံခန့်ခွဲမှုကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ ရပ်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံပြီး အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ မြို့နယ်စီမံခန့်ခွဲမှုကော်မတီ ဥက္ကဌ ဦးသက်နိုင်ဦးက ဒေသဆိုင်ရာ အချက်အလက်များကို ရှင်းလင်းတင်ပြသည်။

 

   ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဌ ဦးသန်းလွင်၊ မြို့နယ်စည်ပင်သာယာရေးကော်မတီ ဥက္ကဌ ဦးချိုဝင်းတို့က မိမိကျေးရွာဒေသ လိုအပ်ချက်များကို ရှင်းလင်းတင်ပြကြရာ ပြည်နယ်အဆင့် ဌာနဆိုင်ရာများမှ တာဝန်ရှိသူများ၊ ပြည်နယ်ဝန်ကြီးများက ကဏ္ဍအလိုက် ပြန်လည်ရှင်းလင်း ပြောကြားသည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီချုပ် ဦးစဝ်အောင်မြတ်က ကော်မတီများ၏ တောင်းဆိုချက်များကို ဖြည့်ဆည်းမှာကြားပြီး နိဂုံးချုပ် အမှာစကား ပြောကြားကာ အခမ်းအနားကို အေင်မြင်စွာ ရုပ်သိမ်းလိုက်သည်။

 

   ၎င်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာ တာဝန်ရှိသူတို့သည် ရပ်စောက်မြို့ရှိ အင်းခေါင်းကန် ရေဆိုးထုတ်မြောင်းနှင့် နုန်းတားတမံ ပြုလုပ်မည့် နေရာများကို လှည့်လည်ကြည့်ရှုရာ လိုအပ်သည်များကို ပြည်နယ်ဝန်ကြီးချုပ်မှ လမ်းညွှန်မှာကြားခဲ့သည်။

 

   အဆိုပါ ဒေသဖွံ့ဖြိုးတိုးတက်ရေးအတွက် ကော်မတီဝင်များ၊ မြို့မိမြို့ဖများနှင့် တွေ့ဆုံပွဲကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ မြို့နယ်စီမံခန့်ခွဲမှုကော်မတီ ဥက္ကဌ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီ၊ မြို့မိမြို့ဖများနှင့်  ဒေသခံမိဘပြည်သူများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် မိုးနဲ၊ မောက်မယ်မြို့နယ် မြို့မိမြို့ဖ၊ မြို့နယ်ဖွံ့ဖြိုးတိုးတက်ရေးကော်မတီများနှင့် တွေ့ဆုံ

တောင်ကြီး   ဇန်နဝါရီ  ၁၉

 

014

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ၊ တာဝန်ရှိသူများ လိုက်ပါလျက် ဇန်နဝါရီ(၁၉)ရက် နံနက်(၉)နာရီခွဲက မိုးနဲမြို့နယ် ကမ္ဘောဇခန်းမ၌ မိုးနဲမြို့နယ်၊ မောက်မယ်မြို့နယ်တို့၏ ဒေသဖွံ့ဖြိုးရေးလုပ်ငန်းများအတွက် မြို့နယ်စီမံခန့်ခွဲမှုကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့နယ်စည်ပင်သာယာရေးကော်မတီ၊ မြို့မိမြို့ဖများနှင့် တွေ့ဆုံရာ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကား ပြောကြားပြီး၊ မိုးနဲမြို့နယ်စီမံခန့်ခွဲမှုကော်မတီ ဦးမြတ်ကျော် မှ ဒေသဆိုင်ရာလုပ်ငန်း အချက်အလက်များအား ရှင်းလင်း တင်ပြသည်။

 

   ဆက်လက်၍ မိုးနဲမြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဋ္ဌ ဦးစိုင်းမျိုးသန့်မှ  ဒေသဖွံ့ဖြိုးရေးဆိုင်ရာ အချက်အလက်များကို ရှင်းလင်း၍ လည်းကောင်း၊ မိုးနဲမြို့နယ် စည်ပင်သာယာရေးကော်မတီ ဦးသိန်းဝေမှ စည်ပင်သာယာရေးဆိုင်ရာ အချက်အလက်များကို ရှင်းလင်း၍ လည်းကောင်း၊ မောက်မယ်မြို့နယ်စီမံခန့်ခွဲမှုကော်မတီ ဦးတင်မောင်စိုး၊ မောက်မယ်မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဋ္ဌ ဦးလှမျိုးမှ ဒေသဖွံ့ဖြိုးရေးအတွက် သောက်သုံးရေရရှိရေး၊ လမ်းကောင်းမွန်ရေး၊ မြို့သာယာလှပရေးတို့ကို တင်ပြ၍ လည်းကောင်း၊ မောက်မယ်မြို့နယ် စည်ပင်သာယာရေးကော်မတီ ဥက္ကဋ္ဌ ဒေါ်နန်းညှိမြမှ စည်ပင်သာယာရေးကော်မတီ ဖွဲ့စည်းမှုနှင့် လုပ်ငန်းဆောင်ရွက်မှုများကို တင်ပြ၍ လည်းကောင်း၊ ပြည်နယ်လွှတ်တော်ကိုယ်စားလှယ် ဦးစိုင်းမောင်ကြီးမှ ဒေသဖွံ့ဖြိုးရေးလုပ်ငန်းများနှင့် ပက်သက်၍ ရှင်းလင်း တင်ပြကြသည်။

ထို့နောက် တက်ရောက်လာကြသည့် မိုးနဲ၊ မောက်မယ် မြို့နယ်အထောက်အကူပြုကော်မတီများမှ အထွေထွေ ဆွေးနွေးတင်ပြကြရာ ဒေသဖွံ့ဖြိုးရေးအတွက် လမ်းကောင်းမွန်ရေး၊ ရေရရှိရေး၊ လျှပ်စစ်မီးရရှိရေး၊ ပညာရေး၊ ကျန်းမာရေးတို့ကို ဆွေးနွေးတင်ပြကြသည်။

 

   ယင်းနောက် မြို့နယ်အထောက်အကူပြုကော်မတီ၊ စည်ပင်သာယာရေးကော်မတီ၊ မြို့မိမြို့ဖများ၏ ဒေသဖွံ့ဖြိုးရေးအတွက် လိုအပ်ချက်များ ဆွေးနွေးတင်ပြမှုကို ပြည်နယ်အဆင့်ဌာနဆိုင်ရာ တာဝန်ရှိသူများနှင့် ပြည်နယ်ဝန်ကြီးများက မိမိတို့နှင့် သက်ဆိုင်သည့် လုပ်ငန်းကဏ္ဍအလိုက် ပြန်လည်ဖြည့်စွက် ရှင်းလင်းကြသည်။

 

   ရှမ်းပြည်နယ်အစိုးရအဖွဲ့မှ မိုးနဲမြို့နယ်နှင့် မောက်မယ်မြို့နယ်များသို့ ဒေသဖွံ့ဖြိုးရေးအတွက် ရံပုံငွေ ပေးအပ်လှူဒါန်းရာ မိုးနဲ၊ မောက်မယ် စည်ပင်သာယာရေးလုပ်ငန်းများ ဆောင်ရွက်ရန်အတွက် မြို့နယ်စည်ပင်သာယာရေးကော်မတီသို့ ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ငွေကျပ်သိန်း (၄၀၀)စီကို လည်းကောင်း၊ ကျိုင်းတောင်းမြို့နယ်ခွဲ  စည်ပင်သာယာရေးလုပ်ငန်းများဆောင်ရွက်ရန်အတွက် ကျိုင်းတောင်းမြို့နယ်ခွဲစည်ပင်သာယာရေးကော်မတီသို့ငွေကျပ်သိန်း(၁၀၀) အသီးသီးတို့ကို ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ပေးအပ်ရာ သက်ဆိုင်ရာကော်မတီများမှ လက်ခံရယူကြပြီး၊ မိုးနဲ၊ မောက်မယ် မြို့နယ်ပညာရေးကဏ္ဍအတွက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ကွန်ပျူတာ (၂)စုံစီကို ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်မှ ပေးအပ်လှူဒါန်းရာ မြို့နယ်လက်ထောက်ပညာရေးမှူး တို့က အသီးသီး လက်ခံရယူကြသည်။

 

   ၎င်းနောက် လင်းခေးခရိုင်အတွင်းရှိ လင်းခေးမြို့နယ်၊ မိုးနဲမြို့နယ်၊ မိုင်းပန်မြို့နယ် ရှမ်းစာပေနှင့်ယဉ်ကျေးမှုအဖွဲ့ ၊ မောက်မယ်မြို့နယ် ရှမ်းစာပေယဉ်ကျေးမှုအဖွဲ့နှင့် ပအိုဝ်းစာပေယဉ်ကျေးမှုအဖွဲ့ တို့ကို ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းငွေကျပ် တစ်ဖွဲ့လျှင် (၁၀)သိန်းစီဖြင့် ငွေကျပ်သိန်း(၅၀)အား ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှပေးအပ်ရာ စာပေယဉ်ကျေးမှုအဖွဲ့များမှ တာဝန်ရှိသူတို့က အသီးသီး လက်ခံရယူကြသည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်မှ ကော်မတီ အသီးသီးနှင့် မြို့မိမြို့ဖများမှ ဒေသဖွံ့ဖြိုးရေးဆိုင်ရာ လိုအပ်ချက်များ တင်ပြဆွေးနွေးမှုအပေါ် ပြန်လည်ဖြည့်စွက်မှာကြား၍ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။ ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် မိုးနဲမြို့နယ် ပြည်သူ့ဆေးရုံအား ကြည့်ရှုစစ်ဆေးပြီး လှူနာများကို ပြည်နယ်ဝန်ကြီးချုပ် နှင့် ပြည်နယ်ဝန်ကြီးများက ထောက်ပံ့ငွေများ ပေးအပ်ခဲ့ကြပြီး၊ မိုးနဲမြို့နယ်မီးသတ်ဦးစီးဌာနရုံးနှင့် ဝန်ထမ်းအိမ်ယာ အဆောက်အဦ ဆောက်လုပ်နေမှုအား လည့်လည်ကြည့်ရှု စစ်ဆေးကာ လိုအပ်သည်များကို မှာကြားခဲ့ကြောင်း သိရှိရသည်။

 

    အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်လွှတ်တော်ကိုယ်စားလှယ်၊ ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ မိုးနဲ၊ မောက်မယ်မြို့နယ် စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ မြို့မိမြို့ဖများနှင့် ဒေသခံပြည်သူများ တက်ရောက်ကြကြောင်း သတင်းရရှိသည်။

 

ရှမ်းပြည်နယ်အစိုးရအဖွဲ့၊ တောင်ကြီးမြို့နယ်အတွင်းရှိ ဒေသဖွံ့ဖြိုးရေးအတွက် ကော်မတီများနှင့် တွေ့ဆုံ

တောင်ကြီး   ဇန်နဝါရီ   ၁၀

 

008

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီများသည် တောင်ကြီးမြို့နယ်အတွင်းရှိ ဒေသဖွံ့ဖြိုးရေးအတွက် မြို့နယ်အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီများ၊ မြို့မိမြို့ဖများ၊ ရပ်ကွက်/ကျေးရွာထောက်အကူပြုကော်မတီများနှင့် တွေ့ဆုံပွဲကို ဇန်နဝါရီ(၁၀)ရက်၊ မွန်းလွဲ(၁)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် "ရှမ်းပြည်နယ်တွင် အဓိကကျသည့် ရပ်ကွက်/ကျေးရွာအထောက်အကူပြုကော်မတီများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ မြို့နယ်အဆင့်ဖွံ့ဖြိုးတိုးတက်ရေး အထောက်အကူပြုကော်မတီ၊ စည်ပင်သာယာရေးကော်မတီနှင့် မြို့နယ်စီမံခန့်ခွဲမှုကော်မတီ၊ ခရိုင်စီမံခန့်ခွဲမှုကော်မတီ၊ ပြည်နယ်အဆင့်ဌာနဆိုင်ရာ အကြီးအမှူးများအားလုံးကို ကော်မတီစနစ်နှင့် နိုင်ငံတော်အုပ်ချုပ်ရေးပိုင်းဆိုင်ရာ ပြောင်းလဲမှုအခြေအနေအရ လုပ်ငန်းများကို ဆောင်ရွက်သည့်အခါ တွေ့ရှိရသည့် အခက်အခဲများနှင့် ဖြေရှင်းရန်ကျန်ရှိသည့် ကိစ္စရပ်များကို ယနေ့တွေ့ဆုံပွဲတွင် သက်ဆိုင်ရာ အထောက်အကူပြုကော်မတီ အသီးသီးမှ တင်ပြဆွေးနွေးချက်များကို အခြားစီမံခန့်ခွဲရေးကော်မတီများကလည်း ပြန်လည်ဖြေရှင်းရန်အတွက် ကိစ္စရပ်များကို ချက်ချင်းဆောင်ရွက်ရန် မှတ်တမ်းတင်ထားရှိပြီး၊ စဉ်ဆက်မပြတ် ဆောင်ရွက်ရမည့် ကိစ္စရပ်များကို သိရှိနိုင်ရန်အတွက် ဆောင်ရွက်ရသော အခမ်းအနားဖြစ်ကြောင်း"ပြောကြားသွားသည်။

 

   ဆက်လက်၍ တောင်ကြီးမြို့နယ်ဖွံ့ဖြိုးရေး အထောက်အကူပြုကော်မတီ၊ အတွင်းရေးမှူး ဦးမောင်မောင်မြင့်၊ ဥက္ကဌ ဦးစိုင်းအောင်ဆာ၊ အဖွဲ့ဝင် ဦးစိုင်းအုန်းခေါင်တို့က ဒေသဖွံ့ဖြိုးရေး ကိစ္စရပ်များကို ဆွေးနွေးတင်ပြ၍ လည်းကောင်း၊ တောင်ကြီးမြို့နယ် စည်ပင်သာယာရေးကော်မတီ ဥက္ကဌ ဦးစွန်ကြိုင်မှ စည်ပင်သာယာရေးကော်မတီ ဖွဲ့စည်းမှုနှင့် စျေး၊ ရေ၊ မီး၊ လမ်း ကိစ္စရပ်များနှင့် ပတ်သက်၍ ရှင်းလင်းဆွေးနွေး၍ လည်းကောင်း၊ တောင်ကြီးမြို့နယ် စည်ပင်သာယာရေးကော်မတီ အတွင်းရေးမှူး ဦးစိုးနိုင်ဦး၊ တောင်ကြီးမြို့နယ်စည်ပင်သာယာရေး အမှုဆောင်အရာရှိမှ စည်ပင်သာယာရေး ဆောင်ရွက်ချက်များကို ရှင်းလင်း၍ လည်းကောင်း၊ တောင်ကြီးမြို့နယ် လုံခြုံရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းကော်မတီ အတွင်းရေးမှူး ရဲမှူး ဦးမောင်မောင်ဝင်းတို့မှ အသီးသီး ရှင်းလင်းတင်ပြကြသည်။

 

   ထို့နောက် တောင်ကြီးမြို့နယ် မြေအသုံးချမှုစီမံခန့်ခွဲရေးကော်မတီနှင့် လယ်ယာမြေစီမံခန့်ခွဲမှုအဖွဲ့တို့က လယ်ယာမြေ ကိစ္စရပ်များနှင့် ပတ်သက်၍ ဆွေးနွေးတင်ပြကြပြီး၊ တောင်ကြီးမြို့နယ် ရပ်ကွက်/ကျေးရွာအုပ်စုဖွံ့ဖြိုးတိုးတက်ရေး အထောက်အကူပြုကော်မတီများ၊ မြေအသုံးချမှုစီမံခန့်ခွဲရေးကော်မတီများ၊ လယ်ယာမြေစီမံခန့်ခွဲမှုအဖွဲ့များက ဆွေးနွေးတင်ပြကြသည်။

၎င်းနောက် အခမ်းအနားသို့ တက်ရောက်လာကြသည့် ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ ဒေသဖွံ့ဖြိုးရေး အထောက်အကူပြုကော်မတီများက ရေရရှိရေး၊ လမ်းကောင်းမွန်ရေး၊ ကျန်းမာရေး၊ ပညာရေးစသည့် ကိစ္စရပ်များကို အထွေထွေ ဆွေးနွေး တင်ပြကြသည်။

 

   ယင်းနောက် ကော်မတီ အသီးသီးမှ ဆွေးနွေးတင်ပြချက်များကို ပြည်နယ်အဆင့်ဌာနဆိုင်ရာ တာဝန်ရှိသူများ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများက မိမိတို့နှင့် သက်ဆိုင်သည့် ကဏ္ဍများအလိုက် ပြန်လည်ဖြည့်ဆည်း ရှင်းလင်းပြပြီး၊ တောင်ကြီးမြို့ပေါ် ကတ္တရာလမ်း  (၁၇)လမ်း ဆောင်ရွက်ရန်အတွက် ရှမ်းပြည်နယ်အစိုးရအဖွဲ့မှ ထောက်ပံ့သော (၂၀၄.၃၇)တန် ခန့်မှန်းတန်ဖိုး (၁၅၁၂.၃၃၈)သိန်းအား ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်က ပေးအပ်ရာ တောင်ကြီးမြို့နယ် စည်ပင်သာယာရေးကော်မတီ ဥက္ကဌ ဦးစွန်ကြိုင်မှ လက်ခံရယူသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ကော်မတီ အသီးသီး၏ ဆွေးနွေးတင်ပြချက်အပေါ် လိုအပ်သည်များကို ဖြည့်ဆည်းမှာကြားပြီး နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများနှင့် ကော်မတီများ၊ ဒေသခံမိဘပြည်သူများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့၊ စီမံကိန်းနှင့်စီးပွားရေးဝန်ကြီး၊ ကျေးလက်ဒေသဖွံ့ဖြိုးရေးနှင့်ဆင်းရဲမှု လျှော့ချရေး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့၏ လုပ်ငန်းညှိနှိုင်းအစည်းအဝေး (၁/၂၀၁၄) သို့ တက်ရောက်အမှာစကားပြောကြားခြင်း

တောင်ကြီး   ဇန်နဝါရီ   ၁၆

 

012

 

 ရှမ်းပြည်နယ်အစိုးရအဖွဲ့၊ စီးမံကိန်းနှင့်စီးပွားရေးဝန်ကြီး၊ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး၊သမဝါယမလုပ်ငန်းများဖွံ့ဖြိုးတိုးတက်ရေးအဖွဲ့ဥက္ကဌ ဦးအောင်ကျော်ညွန့် သည် ၂၀၁၄ခုနှစ် ဇန်နဝါရီလ (၁၆)ရက်နေ့ နံနက်(၁၀:၀၀)နာရီအချိန်တွင် ရှမ်းပြည်နယ်သမဝါယမ ဦးစီးဌာနတွင် ပြုလုပ်သည့် သမဝါယမလုပ်ငန်းများ  ဖွံ့ဖြိုးတိုးတက်ရေးအဖွဲ့၏ လုပ်ငန်းညှိနှိုင်း အစည်းအဝေး(၁/၂၀၁၄)သို့ တက်ရောက်အမှာစကား ပြောကြားခဲ့ပါသည်။ အစည်းအဝေးတွင် ပို့ကုန် မြှင့်တင်ရေးနှင့် စက်မှုလက်မှု ကဏ္ဍ များတွင် သမဝါယမလုပ်ငန်းများမှ ပါဝင်ဆောင်ရွက်ရေး၊ ဝန်ကြီးချုပ်၏ လမ်းညွှန်မှာကြားချက်များ၊ အသေးစားနှင့် အလတ်စား ကုန်ထုတ်လုပ်ငန်း(SME)များ ဖွံ့ဖြိုးတိုးတက်ရေးနှင့် မကြာမီရရှိမည့် တရုတ်နိုင်ငံ EXIM Bank မှ ရရှိသော ချေးငွေများမှာ နိုင်ငံတော်အဆင့် ချေးငွေဖြစ်သည့်အတွက် အလေးအနက်ထား ဆောင်ရွက်သွားရေးတို့ကို မှာကြား ခဲ့ပါသည်။

 

   အဆိုပါအစည်းအဝေးသို့ ရှမ်းပြည်နယ်ကျေးလက်ဒေသဖွံ့ဖြိုးရေးနှင့် ဆင်းရဲမှုလျှော့ချရေး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ဝင်များ တက်ရောက်ကြပြီး ရှမ်းပြည်နယ်အတွင်းရှိ သမဝါယမလုပ်ငန်းများအခြေအနေ၊ အသင်းသူ/အသင်းသားများ၏ ချေးငွေပေးအပ်မှု၊ ပြန်လည် ကောက်ခံရရှိမှုနှင့် ရှေ့လုပ်ငန်းစဉ်များကို တင်ပြဆွေးနွေးကြပါသည်။

 

"ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ" အစည်းအဝေး အမှတ်စဉ် (၁/၂၀၁၄) နှင့် "ရှမ်းပြည်နယ်လယ်ယာမြေစီမံခန့်ခွဲမှုအဖွဲ့" အစည်းအဝေး အမှတ်စဉ် (၂/၂၀၁၄) ကျင်းပ

တောင်ကြီး   ဇန်နဝါရီ   ၀၉

 

007

 

   ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ် (၁/၂၀၁၄) နှင့် ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၄) အခမ်းအနားကို ဇန်နဝါရီ(၉)ရက်၊ မွန်းလွဲ(၁)နာရီက တောင်ကြီးမြို့၊ ရှမ်းပြည်နယ်အစိုးရရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်က အဖွင့်အမှာစကား ပြောကြားသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှ လုပ်ငန်းဆောင်ရွက်မှု အခြေအနေများ ဆွေးနွေးတင်ပြသည်။

 

   ထို့နောက် ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ် (၁/၂၀၁၄) တင်ပြချက်များနှင့် ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၄) တင်ပြချက်များအား ဆွေးနွေးဆုံးဖြတ်ကြသည်။

 

   ၎င်းနောက် အခမ်းအနား တက်ရောက်လာသူများမှ အထွေထွေ ဆွေးနွေးတင်ပြပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ အစိုးရအဖွဲ့ အတွင်းရေးမှူး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌ၊ ပြည်နယ်မြေအသုံးချမှုစီမံခန့်ခွဲရေးကော်မတီများ တက်ရောက်ကြကြောင်း သိရှိရသည်။

 

အမှတ်(၁၀) အခြေခံပညာ အထက်တန်းကျောင်း၊ ကျောင်းအဆင့်တိုးမြှင့်ပွဲ ကျင်းပ

တောင်ကြီး ဇန်နဝါရီ  ၁၄

 

011

 

   ရှမ်းပြည်နယ်(တောင်ပိုင်း) တောင်ကြီးမြို့တွင် အမှတ်(၁၀) အခြေခံပညာအထက်တန်းကျောင်း၊ ကျောင်း အဆင့်တိုးမြှင့်ပွဲကို ဇန်နဝါရီ ၁၄ ရက်နံနက် (၉)နာရီက အဆိုပါအထက်တန်းကျောင်း၌ ကျင်းပရာ အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ပညာရေးညွှန်ကြားရေးမှူး ဦးချစ်ဆွေ၊ ကျောင်းအကျိုးတော်ဆောင်ဥက္ကဋ္ဌ ဦးသိန်းအောင်တို့က ကျောင်းမုဒ်ဦးရှေ့၌ ဖဲကြိုး ဖြတ်ဖွင့်လှစ်ပေးပြီး၊ ပြည်နယ် ဝန်ကြီးချုပ် ဦးစဝ်အောင်မြတ်က ကျောင်းဆိုင်းဘုတ်အား စက်ခလုတ်နှိပ်ဖွင့်လှစ် ပေးသည်။

 

   ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည်  အမှတ်(၁၀) အခြေခံပညာ အထက်တန်းကျောင်းဆိုင်းဘုတ်အား အမွှေးနံ့သာဖြင့် ပက်ဖြန်းပေးကြပြီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီး များနှင့် တာဝန်ရှိသူတို့သည် ရိုးရာအကပဒေသာများနှင့် ကျောင်းဝင်းအတွင်းခင်းကျင်းပြသထားသော သင်ကြားမှု သင်ယူမှုအထောက်အကူပြု စာသင်ခန်းများလည့်လည်ကြည့်ရှု အားပေးကြသည်။

 

   ထို့နောက်အစီအစဉ်အရ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားပြီး၊ ပြည်နယ်ပညာရေးညွှန်ကြားရေးမှူး ဦးချစ်ဆွေမှရှမ်းပြည်နယ်ပညာရေးအခြေအနေများ တင်ပြ ရှင်းလင်းခြင်း၊ အမှတ်(၁၀) အခြေခံပညာအထက်တန်းကျောင်းအုပ်ဆရာမကြီး ဒေါ်ပြုံးရီမှ ကျောင်းသမိုင်းအကျဉ်းကို ဖတ်ကြားခြင်း၊ ကျောင်းအကျိုးတော်ဆောင်ဥက္ကဋ္ဌ ဦးသိန်းအောင်မှ ကျေးဇူးတင် စကားပြန်လည်ပြောကြားသည်။

 

   ၎င်းနောက် ထောက်ပံ့အလှူငွေများပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့် တို့မှငွေကျပ်(၁၀)သိန်းပေးအပ်၍ လည်းကောင်း၊ ရှမ်းပြည်နယ် အစိုးရအဖွဲ့မှ ကွန်ပျူတာ (၂)လုံးနှင့် ငွေကျပ်(၁၀)သိန်းကို ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ လည်းကောင်း ပေးအပ် လှူဒါန်းပေးရာ ကျောင်းအုပ်ဆရာမကြီး မှလက်ခံရယူသည်။

 

   ယင်းနောက် ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ပညာရေးညွှန်ကြားရေးမှူးဦးချစ်ဆွေ၊ ကျောင်းအုပ်ဆရာမကြီးဒေါ်ပြုံးရီတို့က အမှတ်(၁၀)အခြေခံပညာအထက်တန်းကျောင်းအတွက် လှူဒါန်းပေး ကြသော အလှူရှင်များကို ဂုဏ်ပြုမှတ်တမ်းလွှာများ ပြန်လည်ပေးအပ်ကြကြောင်းသိရှိရသည်။

 

   အဆိုပါ အမှတ်(၁၀)အခြေခံပညာအထက်တန်းကျောင်း၊ ကျောင်းအဆင့်တိုးမြှင့်ပွဲသို့ ရှမ်းပြည်နယ် အစိုးရ အဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ အစိုးရအဖွဲ့အတွင်းရေးမှူး၊ ပြည်နယ်/ခရိုင်/ မြို့နယ်အဆင့်ဌာနဆိုင်ရာများ၊ ကျောင်းအကျိုးတော်ဆောင်များ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသား/ကျောင်းသူများ၊ အလှူရှင်များ၊ မိဘပြည်သူများနှင့် ဖိတ်ကြားထားသည့် ဧည့်သည်တော်များတက် ရောက်ကြကြောင်း သတင်းရရှိသည်။

 

ပြည်ထောင်စုသမ္မတမြန်မာနိုင်ငံ အိုလံပစ်ကော်မတီ ဒုတိယဥက္ကဌ၊ အားကစားဝန်ကြီးဌာန၊ ဒုတိယဝန်ကြီး ရှမ်းပြည်နယ်အား/ကာသိပ္ပံကျောင်း တည်ဆောက်မည့်နေရာ ကြည့်ရှုစစ်ဆေး

တောင်ကြီး   ဇန်နဝါရီ  ၀၈

 

006

 

   ပြည်ထောင်စုသမ္မတမြန်မာနိုင်ငံ အိုလံပစ်ကော်မတီ ဒုတိယ ဥက္ကဌ၊ အားကစားဝန်ကြီးဌာန၊ ဒုတိယဝန်ကြီး ဦးဇော်ဝင်းသည် ဇန်နဝါရီ(၈)ရက်၊ ညနေ(၃)နာရီက တောင်ကြီးမြို့နယ်၊ အေးသာယာမြို့၊ သစ်ပင်ထောင်ကျေးရွာ အနီးရှိ ရှမ်းပြည်နယ်အားကစားနှင့် ကာယသိပ္ပံကျောင်း  တည်ဆောက်မည့် အဆောက်အဦ မြေနေရာတို့ကို လာရောက် ကြည့်ရှုစစ်ဆေးရာ ရှင်းလင်းဆောင်ခန်းမ၌ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ပြည်နယ်အားကစားနှင့် ကာယပညာဦစီးဌာန၊ ပြည်နယ်မှူးတို့က လိုက်လံ ရှင်းလင်းပြသခဲ့ကြောင်း သိရှိရသည်။

 

More Articles...

  1. ရှမ်းပြည်နယ်အစိုးရအဖွဲ့မှ ဒေသဖွံ့ဖြိုးတိုးတက်ရေးအတွက် ထောက်ပံ့ငွေပေးအပ်ခြင်း အခမ်းအနား ကျင်းပ
  2. (၆၆)နှစ်မြောက် လွတ်လပ်ရေးနေ့ အလံတင် အခမ်းအနား နှင့် သဝဏ်လွှာဖတ်ပွဲ အခမ်းအနား ကျင်းပ
  3. ရှမ်းပြည်နယ် ဒေသန္တရဖွံ့ဖြိုးတိုးတက်ရေး စီမံကိန်းကော်မတီနှင့် ကုမ္ပဏီလီမိတက်များတို့နှင့် နားလည်မှုစာချွန်လွှာ စာချုပ်ချုပ်ဆိုပွဲ အခမ်းအနား
  4. ၂၀၁၃-၂၀၁၄ ပညာသင်နှစ်၊ ရှမ်းပြည်နယ် ပညာရေးစုံညီပွဲတော် ဖွင့်ပွဲ ကျင်းပ
  5. ပညာရေးဝန်ကြီးဌာန၊ ပညာရေးမြှင့်တင်မှုလုပ်ငန်းများ ထိရောက်စွာ အကောင်အထည်ဖော်နိုင်ရေးအတွက် ပြည်နယ်အဆင့် လက်တွေ့ကျသော ပညာရေးပြုပြင်ပြောင်းလဲမှု ဆွေးနွေးပွဲ
  6. ပြည်နယ်လူမှုရေးဝန်ကြီး ဒေါက်တာမျိုးထွန်း၏ ကျန်းမာရေးကဏ္ဍ လှုပ်ရှားဆောင်ရွက်ခဲ့မှုများ
  7. ပထမအကြိမ်၊ ရှမ်းပြည်နယ်လွတ်တော် အဋမ ပုံမှန်အစည်းအဝေး (ဒုတိယနေ့) ကျင်းပ
  8. ကမ္ဘောဇတံခွန်စိုက်ဖလားဂေါက်သီးရိုက်ပြိုင်ပွဲ ဆုချီးမြှင့်
  9. (၅၆) ကြိမ်မြောက် ကမ္ဘောဇတံခွန်စိုက်ဖလား ဂေါက်သီးရိုက်ပြိုင်ပွဲ ဖွင့်ပွဲကျင်းပ
  10. ပထမအကြိမ် ရှမ်းပြည်နယ်လွတ်တော် အဋမ ပုံမှန်အစည်းအဝေး(ပထမနေ့) ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

koe-kantရှမ်းပြည်နယ်(မြောက်ပိုင်း) ကွမ်းလုံ၊ ကုန်းကြမ်း၊ လောက်ကိုင်နှင့် ဟိုပန်မြို့နယ်များတွင် အများဆုံး နေထိုင်ကြသည်။

We have 134 guests and no members online

Latest Updates