သတင်းများ

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ ဂျပန်နိုင်ငံ Machinery Company ITOCHU Corporation အဖွဲ့နှင့် တွေ့ဆုံ

တောင်ကြီး   ဒီဇင်ဘာ  ၂၆

 

009

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာ တာဝန်ရှိသူများသည် ဒီဇင်ဘာ(၂၆)ရက်၊ မွန်းလွဲ(၁)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ဂျပန်နိုင်ငံ Mr.Kazuya Hirano (Genernal Manger) ခေါင်းဆောင်ကာ Machinery Company ITOCHU Corporation အဖွဲ့နှင့် တွေ့ဆုံသည်။

 

   ထိုသို့ တွေ့ဆုံမှုတွင် ဂျပန်နိုင်ငံ Mr.Kazuya Hirano (Genernal Manger) မှ ရှမ်းပြည်နယ်အတွင်းရှိ လမ်း၊ တံတားကိစ္စရပ်များကို အဓိက ဆွေးနွေးတင်ပြ ရှင်းလင်းသည်။ ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများက မိမိတို့နှင့် သက်ဆိုင်သည့် ကဏ္ဍအလိုက် ပြန်လည်ရှင်းလင်းကြကြောင်း သိရှိရသည်။

 

တောင်ကြီးမြို့အတွင်း ဗုံးဟုယူဆရသော လက်လုပ်ဗုံးတစ်လုံး တွေ့ရှိ

တောင်ကြီး   ဒီ   ၂၅

 

008

 

   ၂၀၁၃ ဒီ ၂၅၁၂၅၅ အချိန်တွင် တောင်ကြီးမြို့၊ စိန်ပန်းရပ်ကွက်နယ်မြေ(၄)၊ စံပယ်လမ်း၊ အစ္စလမ်မိဘမဲ့ဂေဟာ အနောက်ဘက်ဝင်ပေါက်ဘေး ၂ပေခွဲခန့်ကွာတွင် လက်လုပ်ဗုံးဟု ယူစရသော ဗုံးတစ်လုံးကို စည်ပင်ဝန်ထမ်းသား/သမီးများကတွေ့ရှိပြီး ကျွတ်ကျွတ်အိပ်နှင့် ဂျာနယ်ပတ်၍ ပစ်ထားသော ဗုံးအား တွေ့ရှိသဖြင့် ၎င်းကလေးများက စည်ပင်ဝန်ထမ်းလိုင်း ခေါင်းဆောင် ဦးခင်မောင်စိုးထံ ပြောကြားပြီး ၎င်းမှသွားရောက်ကြည့်ရှုကာ လက်လုပ်ဗုံးဟုယူစရသဖြင့် နယ်မြေခံရဲတပ်ရင်းတပ်ဖွဲ့များ အကြောင်းကြားကာ တာဝန်ရှိသူများနှင့် ရှမ်းပြည်နယ်အစိုးရအဖွဲ့ ပြည်နယ်နယ်စပ်ရေးရာနှင့် လုံခြုံရေး ဝန်ကြီး ဗိုလ်မှူးကြီး အောင်သူ၊ အရှေ့ပိုင်းတိုင်းစစ်ဌာနချုပ် ဒုတိယတိုင်းမှူး၊ စစ်ဦးစီး ဗိုလ်မှူးကြီးများ၊ ရှမ်းပြည်နယ် ရဲတပ်ဖွဲ့များ ရောက်ရှိလာပြီး ၎င်းဗုံးအား အစ္စလမ်မိဘမဲ့ကျောင်းအတွင်း၌ မြေကျင်းတူး၍ (၁၆၄၄)အချိန်တွင် ပျက်စီးပစ်ခဲ့ရာ ၎င်းဗုံးအတွင်းမှ ကားကြီးအင်ဂျင်ဝရိန်းကျိုးများ သံမျိုးစုံ တွေ့ရှိရကြောင်း သတင်းရရှိပါသည်။

 

   အဆိုပါ လက်လုပ်ဗုံးဟု ယူဆရသော ဗုံးမှာ အရှည်(၆)လက်ခွဲ လုံးပတ်(၁)လက်မခွဲခန့်ရှိ နှစ်ပတ်ရစ်ဖြစ်ကြောင်း သိရသည်။

 

ဓနုကိုယ်ပိုင်အုပ်ချုပ်ခွင့်ရဒေသ ၊ ပင်းတယမြို့နယ် ၊ ပွေးလှမြို့ (၆၀)ကြိမ်မြောက် ပရိယတ္တိသာသနာ့ပါလ စာပြန်ပွဲ၌ သံဃာတော်အရှင်သူမြတ်များအား ဆွမ်း၊ ခဲဖွယ်နှင့် နိဗဒ္ဓထာဝရ ငွေပဒေသာပင်များ ဆက်ကပ်လှူဒါန်း

တောင်ကြီး   ဒီဇင်ဘာလ  ၁၇

 

PL03

 

PL05

 

PL06

 

PL07

 

ဓနုကိုယ်ပိုင်အုပ်ချုပ်ခွင့်ရဒေသ ၊ ပင်းတယမြို့နယ် ၊ ပွေးလှမြို့ (၆၀)ကြိမ်မြောက် ပရိယတ္တိသာသနာ့ပါလ စာပြန်ပွဲတော်ကြီး၌ ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် မိသားစု တို့မှ သံဃာတော်အရှင်သူမြတ်များအား ဆွမ်း၊ ခဲဖွယ်နှင့် နိဗဒ္ဓထာဝရ ငွေပဒေသာပင်များ ဆက်ကပ်လှူဒါန်းခြင်းကို ဒီဇင်ဘာလ(၁၇)ရက်နေ့ နံနက်(၁၀)နာရီအချိန်တွင် ပင်းတယမြို့နယ်၊ ပွေးလှမြို့၊ ကျောက်တောကျောင်းတိုက်၌ ကျင်းပရာအခမ်းအနားကို နမောတဿ သုံးကြိမ်းရွတ်ဆို ဘုရားကန်တော့၍ ဖွင့်လှစ်ခဲ့သည်။

 

ဆက်လက်၍ ရှမ်းပြည်နယ်ဝန်ကြီးချုပ် ဦးစဝ်အောင်မြတ်က စာပြန်ပွဲတော်ကြီးအတွက် အလှူငွေများ ဆက်ကပ်လှူဒါန်းရာ စာချဆရာတော် ဦးခေမာဝံသက လက်ခံရယူသည်။

 

ထို့နောက် ဆွမ်းစားဆောင် ဆောက်လုပ်ရန်အတွက် ရှမ်းပြည်နယ်အစိုးရအဖွဲ့မှ အလှူငွေကျပ်(၁၀)သိန်း၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် မိသားစုတို့မှ အလှူငွေကျပ် (၅)သိန်း ၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကို မှ အလှူငွေကျပ်(၃)သိန်း အသီးသီးပေးအပ် လှူဒါန်းရာ တာဝန်ရှိသူအသီးသီးတို့က လက်ခံရယူကြသည်။

 

ထို့ပြင် ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ဧည့် ပရိသတ်တို့က ဆရာတော်သံဃာတော်များထံမှ တရားတော်နာယူခြင်းနှင့် လှူဒါန်းမှုအစုစုတို့အတွက် ရေစက်သွန်းချ အမျှပေးဝေကြပြီး ၊ အခမ်းအနားကို ဗုဒ္ဓသာသနံ စိရံ တိဌတု သုံးကြိမ်ရွတ်ဆို၍ ရုတ်သိမ်းလိုက်သည်။

 

၎င်းနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် သံဃာတော်အရှင်သူမြတ်တို့အား နေ့ဆွမ်း ဆက်ကပ်ကြပြီး ၊ စာအောင်သံဃာများအား အောင်လက်မှတ်များဆက်ကပ်ပေးအပ်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့ ရွာငံမြို့ အခြေခံပညာအထက်တန်းကျောင်း နှစ်ထပ်ကျောင်းဆောင်သစ်ပန္နက်တင် မင်္ဂလာနှင့် ဒေသဖွံ့ဖြိုးရေးအတွက် မြို့မိမြို့ဖများ ဒေသခံပြည်သူများနှင့်တွေ့ဆုံ

တောင်ကြီး   ဒီဇင်ဘာ   ၂၂

 

007

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်/ ခရိုင် အဆင့်ဌာနဆိုင်ရာများလိုက်ပါလျက် ဒီဇင်ဘာ (၂၂) ရက် နံနက် (၁၀) နာရီက ရွာငံမြို့၊ အခြေခံပညာအထက် တန်းကျောင်း နှစ်ထပ်ကျောင်းဆောင်သစ် ပန္နက်တင်မဂင်္လာ အခမ်းအနားတက်ရောက်၍ ပြည်နယ်ဝန်ကြီးချုပ် နှင့် ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာတာဝန်ရှိသူတို့က မင်္ဂလာအချိန် ကျရောက်သောအခါ ပန္နက်ရိုက်ပေးကြသည်။

 

ဆက်လက်၍ ကျောင်းဆောက်လုပ်ရေးတာဝန်ခံမှ ကျောင်းဆောင်သစ်ဆောက်လုပ်မည့် အစီအစဉ် များအား ရှင်းလင်းပြီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာတာဝန်ရှိသူတို့ သည် ကျောင်းအားကစားကွင်းအား စက်ယန္တရားဖြင့် မြေညှိခြင်းလုပ်ငန်းအား ကြည့်ရှုစစ်ဆေးကြသည်။

 

ထို့နောက် ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာ တာဝန်ရှိသူတို့သည် နံနက် (၁၀) နာရီမိနစ် (၂၀)က ဗထူးခန်းမ၌ ဒေသဖွံ့ဖြိုးရေးလုပ်ငန်းအတွက် ရွာငံမြို့နယ် အတွင်းရှိကော်မတီများ၊ ဌာနဆိုင်ရာများ၊ မြို့မိမြို့ဖများ၊ ဒေသခံပြည်သူလူထုများနှင့် တွေ့ဆုံသည်။

 

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားရာ ရွာငံမြို့နယ်ဒေသဖွံ့ဖြိုးရေးအတွက် ဒေသအချက်အလက်များကောက်ယူရန်နှင့် ဒေသဖွံ့ဖြိုး မှု၊ အေးချမ်းမှု၊ တိုင်းရင်းသားများညီညွတ်စွာ ပူးပေါင်းပါဝင်မှသာ အောင်မြင်မှုရရှိမည်ဖြစ်ကြောင်း၊ ရွာငံမြို့ သည် ဖွံ့ဖြိုးတိုးတက်ရေးအတွက် လိုအပ်ချက်များရှိပါကြောင်း ပြောကြားသွားသည်။

 

၎င်းနောက် ရွာငံမြို့နယ် စီမံခန့်ခွဲရေးကော်မတီဥက္ကဋ္ဌ ဦးဘုန်းထက်နိုင်မြင့်က ဒေသဆိုင်ရာအချက် အလက်နှင့် ဒေသဆိုင်ရာဖွံ့ဖြိုးရေးဆိုင်ရာများ ရှင်းလင်းတင်ပြ၍လည်းကောင်း၊ မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ ဥက္ကဋ္ဌ ဦးသန်းဦးက ဒေသဖွံ့ဖြိုးရေးလိုအပ်ချက်များကို တင်ပြကြသည်။

 

ယင်းနောက် မြို့နယ်စည်ပင်သာယာရေးကော်မတီ ဥက္ကဋ္ဌ ဦးချစ်ငွေက စည်ပင်သာယာရေးနှင့် ဆိုင်ရာ လိုအပ်ချက်များ တင်ပြ၍ တက်ရောက်လာသည့် ရပ်ကွက်နှင့် ကျေးရွာအုပ်စု ဖွံ့ဖြိုးတိုးတက်ရေးအထောက်အကူ ပြုအဖွဲ့နှင့် မြို့မိမြို့ဖများမှ ဒေသလိုအပ်ချက်များကို ဆွေးနွေးတင်ပြကြသည်။

 

ဆက်လက်၍ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ ဦးထူးကိုကိုမှ ကျေးလက်ဒေသဖွံ့ဖြိုးရေး ဆိုင်ရာများကို ရှင်းလင်းတင်ပြ၍လည်းကောင်း၊ ပြည်နယ်အဆင့် ဌာနဆိုင်ရာတာဝန်ရှိသူများနှင့် ပြည်နယ်ဝန်ကြီး များက မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ ဥက္ကဋ္ဌနှင့် မြို့နယ်စည်ပင်သာယာရေးကော်မတီ ဥက္ကဋ္ဌ၊ ရပ်ကွက်နှင့် ကျေးရွာအုပ်စုဖွံ့ဖြိုးတိုးတက်ရေးအထောက်အကူပြုအဖွဲ့နှင့် မြို့မိမြို့ဖများ၏ ဒေသဖွံ့ဖြိုးရေး အတွက် လိုအပ်ချက်များတင်ပြတောင်းဆိုမှုကို မိမိတို့နှင့် သက်ဆိုင်သည့်ကဏ္ဍအလိုက် ပြန်လည်ဖြည့်စွက် ဖြေရှင်းပေးကြသည်။

 

ထို့နောက် ထောက်ပံ့အလှူငွေများပေးအပ်ရာ ပညာရေးအတွက် ရှမ်းပြည်နယ်အစိုးရအဖွဲ့မှ ထောက်ပံ့ လှူဒါန်းငွေကျပ် (၁၀) သိန်း၊ ကွန်ပျူတာ(၂)စုံ၊ ကျန်းမာရေးအတွက် ငွေကျပ်(၁၀)သိန်းတို့က ပြည်နယ်လူမှုရေး ဝန်ကြီးဒေါက်တာမျိုးထွန်းမှ ပေးအပ်ရာ ကျောင်းအုပ်ဆရာမကြီး ဒေါ်နန်းခမ်းဦးနှင့် မြို့နယ်ကျန်းမာရေးဦးစီးဌာန မှူး ဒေါက်တာခင်မိုးလှိုင်တို့က လက်ခံရယူကြသည်။

 

၎င်းနောက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသော ဆိုလာမီးအိမ်(၁၀)လုံးနှင့် ဓနုစာပေယဉ်ကျေးမှုအတွက် ငွေကျပ်သိန်း(၃၀)တို့ကို ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှလည်း ကောင်း၊ ရွာငံမြို့နယ်သာသနာ့ဗိမ္မာန်ဆောက်လုပ်ရန်အတွက လှူဒါန်းငွေကျပ်သိန်း(၅၀)ကို ပြည်နယ်ဘဏ္ဍာရေး ဝန်ကြီး ဦးခွန်သိမ်းမောင်မှလည်းကောင်း၊ ကျေးရွာများရေရရှိရေးနှင့် ရေစုကန်များတည်ဆောက်ရန် ငွေကျပ်သိန်း (၃၀၀)နှင့် မြနန္ဒာရေကန် ကန်ပတ်လမ်းပြုလုပ်ရန်အတွက် ဒီဇယ်ဆီ(၅၀၀)ဂါလံ တို့ကို ပြည်နယ်စည်ပင်သာယာ ရေးဝန်ကြီး ဦးစိုင်းလှဝင်းတို့က ပေးအပ်ရာ မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ၊ စည်ပင်သာ ယာရေးကော်မတီ၊ မြို့မိမြို့ဖများမှ အသီးသီးလက်ခံရယူကြသည်။

 

ယင်းနောက် ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ ဦးထူးကိုကိုမှ သိမ်ကုန်းကျေးရွာအုပ်စု ငွေတောင်ဘုန်းကြီးကျောင်း သွပ်မိုးရန်အတွက် အလှူငွေကျပ်(၂၅)သိန်းပေးအပ်ရာ သိမ်ကုန်းကျေးရွာအုပ်စု ဖွံ့ဖြိုးတိုးတက်ရေးအထောက်အကူပြုကော်မတီ ဥက္ကဋ္ဌ ဦးဌေးလှိုင်မှ လက်ခံရယူသည်။

 

ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ဒေသဖွံ့ဖြိုးရေးအတွက် ကော်မတီအသီးသီးနှင့် မြို့မိမြု့ဖများ တင်ပြတောင်းဆိုချက်များကို ပြန်လည်ဖြည့်စွက်ရှင်းလင်း၍ နိဂုံးချုပ်အမှာ စကားပြောကြားခဲ့ကြောင်း သိရှိရသည်။

 

ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် ရွာငံမြို့နယ်လုံးဆိုင်ရာ သာသနာ့ဗိမ္မာန်တည်ဆောက်မည့်နေရာနှင့် မြနန္နာကန်ပတ်လမ်းဖောက်လုပ်နေမှုကို လှည့်လည်ကြည့်စစ်ဆေးပြီး၊ ပြည်သူ့ဆေးရုံတို့ကို သွားရောက်၍ လူနာများကို ထောက်ပံ့ငွေများပေးအပ်ကာ ဆေးရုံအတွင်းလှည့်လည် ကြည့်ရှုကြသည်။ ပြည်နယ်ဝန်ကြီးချုပ်နှင့် အဖွဲ့သည် ရွာငံမြို့နယ် မြိုင်တိုက်နယ်ဆေးရုံတို့တွင် လူနာများကို ထောက်ပံ့ငွေများပေးအပ်ပြီး ဆေးရုံအတွင်း လှည့်လည်ကြည့်ရှု စစ်ဆေးခဲ့ကြောင်း သတင်းရရှိသည်။

 

ပြည်နယ်လူမှုရေးဝန်ကြီး ဒေါက်တာမျိုးထွန်း နှင့်အဖွဲ့က ဘိုးဘွားရိပ်သာ၌ ကျန်းမာရေးစောင့်ရှောက်ပေးခြင်း

တောင်ကြီး ဒီဇင်ဘာ ၁၄

LMY03

 

LMY02

 

LMY

 

LMY01

 

      ( ၁၄-၁၂-၂၀၁၃ ) ရက်နေ့ နံနက် ( ၉:၀၀ ) နာရီအချိန်တွင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ဒေါ်သင်းသင်းနွယ်(ဥက္ကဌ)နှင့် အမျိုးသမီးရေးရာအဖွဲ့ဝင်များ၊ မြို့မိမြို့ဖ ဦးမောင်မောင်ဆွေ၊ ပြည်နယ်စီမံကိန်း လက်ထောက်ညွှန်ကြားရေးမှူး ဦးတင်လှိုင်၊ ပြည်နယ်ကြံ့ခိုင်ရေးအဖွဲ့ဝင်များနှင့် ရာစုသစ် သွေးလှူရှင်အသင်းတို့ ပူးပေါင်းပါဝင်လျက် တောင်ကြီးမြို့ ညောင်ဖြူစခန်းရပ်ကွက်ရှိ ဘိုးဘွားရိပ်သာသို့ သွားရောက်ကြပြီး အဘိုးအဘွား ( ၂၀ ) ဦးတို့အား အခမဲ့ကျန်းမာရေးစောင့်ရှောက်မှု ပေးခဲ့ကြပါသည်။

ဘိုးဘွားရိပ်သာရှိ အဘိုး ( ၅ ) ဦးနှင့် အဘွား ( ၁၅ ) ဦးတို့အား အာဟာရဖြစ်ဖွယ်ရာ ကြက်ပေါင်းရည်၊ ဟောလစ်၊ ဖျော်ရည်နှင့် ဆေးဝါးများ စုစုပေါင်း ကျပ်နှစ်သိန်းကျော်တန်ဖိုးခန့် လှူဖွယ်ပစ္စည်းများဖြင့် စုပေါင်းကန်တော့ကြပြီး ဘိုးဘွားများမှလည်း ဆုတောင်းမေတ္တာများ ပြန်လည် ပို့သပေးခဲ့ကြပါသည်။

ထို့နောက် ဘိုးဘွားများအား ရာစုသစ်သွေးလှူရှင် အသင်းအဖွဲ့မှ ဆရာဝန်များက ဆေးစစ်မှု များကို တစ်ဦးချင်း စမ်းသပ်စစ်ဆေးပေးခဲ့ကြပြီး ကျန်းမာရေးစောင့်ရှောက်မှု ပေးခဲ့ကြပါသည်။

ဆက်လက်၍ လူမှုရေးဝန်ကြီး ဒေါက်တာမျိုးထွန်းမှ ဘိုး / ဘွားတို့၏ အိပ်ဆောင်များ၊ စားဖိုဆောင်နှင့် ထမင်းစားဆောင်များသို့ သွားရောက်ကြည့်ရှုခဲ့ရာ ဘိုးဘွားရိပ်သာဥက္ကဌ ဦးတင်လှိုင်နှင့် မြို့မိမြို့ဖ ဦးမောင်မောင်ဆွေတို့မှ လိုက်လံရှင်းလင်းပြသခဲ့ကြပြီး၊ ထမင်းချက်ဆောင်နှင့် ထမင်းစားဆောင်ရှိ အမိုးများ ပြန်လည်ပြုပြင်နိုင်ရေးကိုလည်း ဆွေးနွေးခဲ့ကြကြောင်း သတင်းရရှိ ပါသည်။

 

 

 

 

ဒေသဖွံ့ဖြိုးရေးအတွက် ရှမ်းပြည်နယ်အစိုးရအဖွဲ့ ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူ ပြုအဖွဲ့နှင့်တွေ့ဆုံ

တောင်ကြီး   ဒီဇင်ဘာ  ၂၁

 

006

 

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ် အဆင့်ဌာန ဆိုင်ရာမှ တာဝန်ရှိသူများလိုက်ပါလျက် ဒီဇင်ဘာ(၂၁)ရက် နံနက်(၁၀)နာရီခွဲက ဖယ်ခုံမြို့၊ မြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမတွင် ဒေသဖွံ့ဖြိုးတိုးတက်ရေးအထောက်အကူပြုကော်မတီအဖွဲ့များ၊ မြို့နယ်စည်ပင်သာယာရေးကော်မတီအဖွဲ့များ၊ ရပ်ကွက်/ကျေးရွာအုပ်စု အုပ်ချုပ်ရေးမှူး များနှင့် တွေ့ဆုံသည်။

 

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားပြီး ဖယ်ခုံမြို့နယ်အုပ်ချုပ်ရေးမှူးမှ ဒေသဖွံ့ဖြိုးတိုးတက်ရေးဆောင်ရွက်မှု အခြေအနေနှင့် ဒေသဆိုင်ရာအချက်အလက်များ ရှင်းလင်းတင်ပြသည်။

 

   ဆက်လက်၍ မြို့နယ်ဖွံ့ဖြိုးတိုးတက်ရေးအထောက်အကူပြု ဥက္ကဋ္ဌ ဦးမောင်ဌေးမှ ဒေသတွင်းလိုအပ်ချက်များကို ဆွေးနွေး၍လည်းကောင်း၊ မြို့နယ်စည်ပင်သာယာရေးကော်မတီ ဥက္ကဋ္ဌ ဦးထွန်းဟန်တို့က ဆွေးနွေးတင်ပြကြသည်။

 

   ထို့နောက် အထွေထွေဆွေးနွေးကြရာ  ပြည်သူ့လွှတ်တော်ကိုယ်စားလှယ်၊ ကယန်းတိုင်းရင်းသား ရေးရာဝန်ကြီး၊ ပြည်နယ်လွှတ်တော်ကိုယ်စားလှယ်များက မိမိတို့ဒေသဖွံ့ဖြိုးတိုးတက်ရေးအတွက် လိုအပ်ချက်များ၊ ဆောင်ရွက်ချက်များကို ဆွေးနွေးတင်ပြကြသည်။

 

   ယင်းနောက် ကော်မတီများမှ လိုအပ်ချက်တင်ပြမှုတို့ကို ပြည်နယ်အဆင့်ဌာနဆိုင်ရာမှတာဝန်ရှိသူ များ၊ ပြည်နယ်ဝန်ကြီးများတို့က မိမိတို့နှင့် သက်ဆိုင်သည့် ကဏ္ဍအလိုက် ပြန်လည်ဖြည့်စွက်ရှင်းလင်း ကြသည်။

 

   ၎င်းနောက် ရှမ်းပြည်နယ်အစိုးရအဖွဲ့မှလှူဒါန်းသော ကွန်ပျူတာ၊ ပညာရေးအတွက်ထောက်ပံ့ငွေ ကျပ်(၁၀)သိန်း၊ ကျန်းမာရေးအတွက်ငွေကျပ် (၁၀)သိန်းတို့ကို ပြည်နယ်လူမှုရေးဝန်ကြီး ဒေါက်တာမျိုးထွန်း မှ ပေးအပ်လှူဒါန်းရာ မြို့နယ်ပညာရေးမှူး၊ ကျန်းမာရေးမှူးတို့က လက်ခံ၍လည်းကောင်း၊ ကယန်းစာပေ ယဉ်ကျေးမှုအတွက်ငွေကျပ် (၃၀)သိန်း၊ 200 KVA (၁)လုံး ခန့်မှန်းငွေကျပ်သိန်း (၂၀၀)တို့ကို ပြည်နယ် လျှပ်စစ်နှင့်စက်မှုလက်မှုဝန်ကြီး ဦးစိုင်းထွန်းရင်မှပေးအပ်ရာ ကယန်းတိုင်းရင်းသားရေးဝန်ကြီး ဦးလော့ရင်း နှင့် လျှပ်စစ်ဌာနမှ တာဝန်ရှိသူတို့က လက်ခံ၍လည်းကောင်း၊ ရှမ်းပြည်နယ်အစိုးရက ထောက်ပံ့ပေးသော ကတ္တရာတန် (၅၀.၅၄)တန် ခန့်မှန်းတန်ဖိုးသိန်း(၄၀၀)နှင့်အတူ၊ ဖယ်ခုံမြို့နယ်၊ ညောင်ကုန်းရပ်ကွက် ဈေးလမ်းပေါ်ရှိ တံတားမှ အင်းသို့စီးဝင်သောရေနုတ်မြောင်းပြန်လည်တူးဖော်ခြင်းလုပ်ငန်းဆောင်ရွက်ရန် အတွက် ငွေကျပ်(၃၀)သိန်းတို့ကို ပြန်နယ်စည်ပင်သာယာရေးဝန်ကြီးဦးစိုင်းလှဝင်းမှ ပေးအပ်ရာ မြို့နယ် စည်ပင်သာယာရေးကော်မတီ ဥက္ကဋ္ဌ ဦးထွန်းဟန်မှ လက်ခံရယူသည်။

 

   ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဒေသဆိုင်ရာဖွံ့ဖြိုးရေး အတွက်ကော်မတီအဖွဲ့များ၊ ပြည်နယ်လွှတ်တော်ကိုယ်စားလှယ်များမှ တင်ပြချက်များကို ပြန်လည်ဖြည့်စွက်  ဆွေးနွေးပြီး နိဂုံးချုပ်အမှာစကားပြောကြားခဲ့သည်။ ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများသည် ဖယ်ခုံမြို့၊ ပြည်သူ့ဆေးရုံသို့သွားရောက်ပြီး၊ အမျိုးသားလူနာဆောင် နှင့် ကလေးလူနာဆောင် လုပ်ငန်းစတင်အကောင်အထည်ဖော်နေမှုကို လည့်လည်ကြည့်ရှု၍ ထောက်ပံ့ငွေ များနှင့် စားစရာများပေးအပ်ခဲ့သည်။

 

   ၎င်းနောက် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် အောင်ပန်း-ပင် လောင်း-မိုးဗြဲ-လွိုင်ကော်လမ်းပေါ်ရှိ ဘီလူးချောင်းတံတား(မိုးဗြဲ) တည်ဆောက်နေမှုကို ကြည့်ရှုရာ ရှင်းလင်း ဆောင်ခန်းမတွင် ဆောက်လုပ်ရေးအင်ဂျင်နီယာ တာဝန်ရှိသူများက ရှင်းလင်းရာ ပြည်နယ်ဝန်ကြီးချုပ် မှလို အပ်သည်များကို ဖြည့်စွက်ပြီး၊ တံတားဆောက်လုပ်နေမှုကို လည့်လည်ကြည့်ရှု စစ်ဆေးကြသည်။ ဆက်လက်၍ ပြည်နယ်ဝန်ကြီးချုပ်သည် အောင်ပန်း-ပင်လောင်း-မိုးဗြဲ-လွိုင်ကော် (မိုင်၃၂/၀-၆၇/၀=၃၅မိုင်) လမ်းဖောက်လုပ်နေမှုကို ကြည့်ရှုရာ ပြည်နယ်ပြည်သူ့ဆောက်လုပ်ရေးအင်ဂျင်နီယာမှူးကြီး ဦးတိုးခိုင်မှ မြေပုံကားချပ်များဖြင့် ရှင်းလင်းရာ ပြည်နယ်ဝန်ကြီးချုပ်မှ လိုအပ်သည်များကို မှာကြားခဲ့သည်။

 

   ယင်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူတို့ သည် ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့သို့ရောက်ရှိပြီး မြို့နယ်အဆင့်ဌာနဆိုင်ရာများ၊ မြို့နယ်ဖွံ့ဖြိုးရေးအထောက်အကူပြုကော်မတီ၊ စည်ပင်သာယာရေးကော်မတီ၊ ရပ်/ကျေး အုပ်ချုပ်ရေးမှူးများ နှင့် တွေ့ဆုံပြီး ဝန်ထမ်းများစည်းမျဉ်းစည်းကမ်းနှင့် အညီ ဆောင်ရွက်ကြရန်၊ ပေါင်းစပ်ညှိနှိုင်းဆောင်ရွက်ရန်၊ မိမိ၏လုပ်ငန်းကို အောင်မြင်စွာဆောင်ရွက်ရန်၊ ဒေသဖွံ့ဖြိုးရေးတွင်၊ လုပ်ငန်းများတွင် ဝိုင်းဝန်းကူညီဆောင် ရွက်ကြရန် ပြောကြားသွားကြောင်း သတင်းရရှိသည်။

 

ပြည်တွင်းအခွန်ဦးစီးဌာန အခွန်ဆိုင်ရာရှင်းလင်းပွဲ ကျင်းပ

တောင်ကြီး ဒီဇင်ဘာလ  ၁၅

 

RV-04

 

RV-02

 

RV-03

 

RV-01

 

       ရှမ်းပြည်နယ် ပြည်တွင်းအခွန်ဦးစီးဌာန၏ ၂၀၁၃-၂၀၁၄ ဘဏ္ဍာနှစ် အခွန်ဆိုင်ရာ ရှင်းလင်းပွဲအခမ်းအနားကို ဒီဇင်ဘာလ ၁၅ ရက်နေ့ နံနက် (၁၀)နာရီအချိန်တွင် တောင်ကြီးမြို့ တောင်ကြီးမြို့၊ မြို့တော်ခန်းမ၌ ကျင်းပခဲ့ရာ ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားပေးသည်။

ဆက်လက်၍ ပြည်နယ်အခွန်ဦးစီးဌာနမှူး သူရဦးထင်ကျော်မိုးမှ အခွန်ဆိုင်ရာပြဌာန်းချက်များနှင့် စပ်လျဉ်း ၍ ရှင်းလင်းတင်ပြပြီးနောက် အခမ်းအနားတက်ရောက်လာသူများမှ အခွန်ဆိုင်ရာသိရှိလိုသည့်အချက်များကို မေးမြန်း ရာ ပြည်နယ်အခွန်ဦးစီးဌာနမှူး  သူရဦးထင်ကျော်မိုးမှ ပြန်လည်ရှင်းလင်းပြောကြားပြီးနောက် အခမ်းအနားကို အောင်မြင်စွာရုတ်သိမ်းလိုက်ကြောင်း သိရှိရသည်။

အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရား လွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ၊ အစိုးရအဖွဲ့အတွင်းရေးမှူး ၊ ပြည်နယ်/ခရိုင်/ မြို့နယ်အဆင့်ဌာနဆိုင်ရာ တာဝန်ရှိသူများ ၊ ဘဏ်လုပ်ငန်းနှင့် ကုမ္ပဏီလုပ်ငန်းရှင်များ ၊ လူမှုရေးအသင်းအဖွဲ့များ ၊ အခွန်ထမ်းပြည်သူများနှင့် ဖိတ်ကြားထားသည့် ဧည့်သည်များ တက်ရောက်ကြကြောင်း သတင်းရရှိသည်။

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ပင်လုံမြို့ မဟာရဋ္ဌာဘိသာမဂ္ဂီစေတီတော်ဘုရားဖူးမျှော်၍ မိုင်းကိုင်၊ လဲချား မြို့မိမြို့ဖ၊ မြို့နယ်ဖွံ့ဖြိုးတိုးတက်ရေး ကော်မတီများနှင့် တွေ့ဆုံ

တောင်ကြီး   ဒီဇင်ဘာ ၁၉

 

005

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ၊ တာဝန်ရှိသူများ လိုက်ပါလျက် ဒီဇင်ဘာ(၁၉)ရက် နံနက်(၇)နာရီက ပင်လုံမြို့ မဟာရဋ္ဌာ ဘိသာမဂ္ဂီစေတီတော်ဘုရားသို့ ရောက်ရှိပြီး ပန်း၊ရေချမ်း၊ဆွမ်း၊သစ်သီးတို့ကို ဆက်ကပ်လှူဒါန်း၍ အလှူငွေများ ပေးအပ်ကာ ဧည့်သည်တော်မှတ်တမ်းတွင် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက လက်မှတ်ရေးထိုး ကြသည်။ဆက်လက်၍ ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့်ဌာန ဆိုင်ရာတာဝန်ရှိသူတို့သည် ပင်လုံကျောက်တိုင်ဘက်စုံပြုပြင်မွမ်းမံနေမှုကို စည်ပင်သာယာရေးကော်မတီ အတွင်းရေးမှူး ဦးစိုင်းထွန်းထွန်း၊ အင်ဂျင်နီယာမှူးကြီး ဦးစိုးသန်းတို့က ပုံစံကားချပ်များဖြင့်ရှင်းပြရာ ပြည်နယ်ဝန်ကြီးချုပ်မှ လိုအပ်သည်များ ဖြည့်စွက်မှာကြားခဲ့သည်။

 

ထို့နောက် ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ဝန်ကြီးများသည် တောင်တန်းပြည်မ ပူးပေါင်းရေး ပင်လုံကျောက်တိုင်ကို အလေးပြုပြီး၊ ဧည့်သည်တော်မှတ်တမ်းတွင် လက်မှတ်ရေးထိုးကြသည်။

 

ယင်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် ပင်လုံမြို့မှ ဆက်လက် ထွက်ခွာလာရာ မိုင်းကိုင်မြို့သို့ရောက်ရှိပြီး နံနက်(၁၀)နာရီခွဲတွင် မိုင်းကိုင်မြို့နယ်ခန်းမ၌ ဒေသဖွံ့ဖြိုးတိုးတက် ရေးအတွက် မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ စည်ပင်သာယာရေးကော်မတီ၊ မြို့မိမြို့ဖ၊ ရပ်/ကျေးအုပ်ချုပ်ရေးမှူးများနှင့် တွေ့ဆုံရာပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားသည်။

 

ဆက်လက်၍ မိုင်းကိုင်မြို့နယ် စီမံခန့်ခွဲမှုကော်မတီဥက္ကဋ္ဌဦးညီညီစိုးမှ ဒေသဆိုင်ရာလုပ်ငန်း ဆောင်ရွက်ချက်များအား ရှင်းလင်းတင်ပြသည်။

 

ထို့နောက် အထွေထွေဆွေးနွေးကြရာ မိုင်းကိုင်မြို့နယ် ပြည်သူ့လွှတ်တော်ကိုယ်စားလှယ်များ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ၊ စည်ပင်သာယာရေးကော်မတီ မြို့မိမြို့ဖနှင့် ကျေးသီး မြို့နယ် မြို့မိမြို့ဖများနှင့် မြို့နယ်အထောက်အကူပြုကော်မတီများမှ မိမိတို့ဒေသအတွင်းလိုအပ်ချက်များ ဆွေးနွေးတင်ပြကြသည်။

 

၎င်းနောက် ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာ တာဝန်ရှိသူတို့က မိမိတို့နှင့် သက်ဆိုင်သည့် ကဏ္ဍအလိုက်ပြန်လည်ရှင်းလင်းကြပြီး၊ ရှမ်းပြည်နယ်အစိုးရအဖွဲ့မှ လှူဒါန်းသော ကွန်ပျူတာကို ပြည်နယ်လူမှုရေးဝန်ကြီးဒေါက်တာမျိုးထွန်း၊ ဆိုလာမီးအိမ်ကို ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူ နှင့် အလှူငွေကျပ်သိန်း(၃၀၀)ကို ပြည်နယ်စည်ပင်သာယာရေးဝန်ကြီးဦးစိုင်းလှဝင်း တို့က ပေးအပ်လှူဒါန်းရာ မြို့နယ်ပညာရေးမှူး၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီနှင့် စည်ပင်သာယာရေးကော်မတီတို့က လက်ခံရယူသည်။

 

ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးတို့ကို မြို့မိမြို့ဖများက ဒေသထွက်ရှမ်းရိုးရာ ခက်ဆောင်များ ပြန်လည်ပေးအပ်ကြသည်။၎င်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ကော်မတီများအသီးသီး တင်ပြချက်များကို ပြန်လည်ဖြည့်စွက်ဖြေရှင်း၍ နိဂုံးချုပ်အမှာ စကားပြောကြားကာ မိုင်းကိုင်မြို့ ဒေသထွက်အိမ်တွင်းမှုရိုးရာပစ္စည်းများကို လည့်လည်ကြည့်ရှုအားပေးခဲ့သည်။

ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် မိုင်းကိုင်မြို့မှ ဆက်လက် ထွက်ခွာလာရာ ညနေ(၃)နာရီတွင် လဲချားမြို့သို့ရောက်ရှိပြီး၊ မြို့နယ်အထွေထွေအုပ်ချုပ်ရေးခန်းမ၌ မြို့နယ် ဖွံ့ဖြိုးတိုးတက်ရေး အထောက်အကူပြုကော်မတီ၊စည်ပင်သာယာရေးကော်မတီ၊မြို့မိမြို့ဖ၊ ရပ်/ကျေးအုပ်ချုပ်ရေး မှူးများနှင့် တွေ့ဆုံသည်။

 

အခမ်းအနားတွင် ပြည်နယ်ဝန်ကြီးချုပ်ဦးစဝ်အောင်မြတ်က အဖွင့်အမှာစကားပြောကြားကာ မြို့နယ် စီမံခန့်ခွဲမှု ကော်မတီဥက္ကဋ္ဌဦးပေါင်သာမြတ်မှ ဒေသဆိုင်ရာအချက်အလက်များနှင့် ဒေသတွင်းလိုအပ်ချက်များ ကို ရှင်းလင်းတင်ပြသည်။ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီဥက္ကဋ္ဌ ဦးစိုင်းချစ်ဆွေမှ လဲချားမြို့ဒေသလိုအပ်ချက်များကို တင်ပြ၍လည်းကောင်း၊ ပြည်နယ်လွှတ်တော်ကို်ယ်စားလှယ် ဦးစိုင်းကျော်ဇေယျတို့က ရှင်းလင်းတင်ပြသည်။

ပြည်သူ့လွှတ်တော်ကိုယ်စားလှယ်၊ ပြည်နယ်လွှတ်တော်ကိုယ်စားလှယ်၊ မြို့နယ်ဖွံ့ဖြိုးတိုးတက်ရေး ကော်မတီ၊ စည်ပင်သာယာရေးကော်မတီ၊ မြို့မိမြို့ဖများ၏ ဒေသလိုအပ်ချက်များကို ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူတို့က မိမိတို့၏ လုပ်ငန်းကဏ္ဍအလိုက် ပြန်လည်ဖြည့်စွက် ရှင်းလင်းကြ သည်။

 

၎င်းနောက် ရှမ်းပြည်နယ်အစိုးရအဖွဲ့မှ လှူဒါန်းသော ကွန်ပျူတာကို ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဆိုလာမီးအိမ်ကို ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူ၊ ထောက်ပံ့အလှူ ငွေ ကျပ်သိန်း(၃၀၀)ကို ပြည်နယ်စည်ပင်သာယာရေးဝန်ကြီး ဦးစိုင်းလှဝင်းတို့က ပေးအပ်ရာ မြို့နယ် ပညာရေးမှူး၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဋ္ဌနှင့် စည်ပင်သာယာရေးကော်မတီ ဥက္ကဋ္ဌတို့မှ လက်ခံရယူကြသည်။

 

ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်က ကော်မတီအသီးသီး၏ တင်ပြချက်များကို ဖြည့်စွက်၍ နိဂုံးချုပ်အမှာစကားပြောကြားခဲ့ကြောင်း သိရှိရသည်။

 

ထို့နောက် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် လဲချားမြို့မှ ထွက်ခွာလာရာ ညနေ(၆)နာရီတွင် လွိုင်လင်မြို့သို့ရောက်ရှိပြီး၊ လွိုင်လင်မြို့နယ်အထွေထွေအုပ်ချုပ်ရေးခန်းမ၌ လွိုင်လင် ခရိုင်/မြို့နယ်ဌာနဆိုင်ရာများ၊ လွတ်တော်ကိုယ်စားလှယ်များ၊ကော်မတီအဖွဲ့အစည်းများ၊ မြို့မိမြို့ဖ၊ ရပ်/ကျေးအုပ်ချုပ်ရေး မှူးများနှင့် တွေ့ဆုံသည်။

 

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်က အဖွင့်အမှာစကား ပြောကြားပြီး၊ မြို့နယ်စီမံခန့်ခွဲမှုကော်မတီဥက္ကဋ္ဌ ဦးလွမ်းမိုးဟန်မှ ဒေသဆိုင်ရာအချက်အလက်နှင့် လုပ်ငန်းဆောင်ရွက်မှု အခြေအနေများကို ရှင်းလင်းတင်ပြသည်။ ဆက်လက်၍ လွိုင်လင်မြို့နယ် ပြည်သူ့ လွှတ်တော်ကိုယ်စားလှယ် ဦးစိုးလွင်တို့မှ မိမိဒေသကိုယ်စားလှယ်များကို ဆွေးနွေးတင်ပြကြသည်။

 

ထို့နောက် လွိုင်လင်မြို့နယ်ဖွံ့ဖြိုးရေးအထောက်အကူပြုကော်မတီအတွင်းရေးမှူး ဦးထွန်းရွှေမှ ဒေသဖွံ့ဖြိုးရေးလုပ်ငန်းကို လိုအပ်ချက်များ၊ မြို့နယ်စည်ပင်သာယာရေးကော်မတီဥက္ကဋ္ဌ ဦးသောင်းတို့က ဖွံ့ဖြိုး ရေးလုပ်ငန်းများ လိုအပ်ချက်များကို တင်ပြဆွေးနွေးကြသည်။

 

ယင်းနောက် ပြည်သူ့လွှတ်တော်ကိုယ်စားလှယ်များ၊ ပြည်နယ်လွှတ်တော်ကိုယ်စားလှယ်များ၊ ကော်မတီအသီးသီးမှ ဒေသလိုအပ်ချက်များကို ပြည်နယ်အဆင့်ဌာနဆိုင်ရာ တာဝန်ရှိသူများနှင့် ပြည်နယ် ဝန်ကြီးများတို့က ပြန်လည်ဖြည့်စွက်ဆွေးနွေးသည်။

 

၎င်းနောက် ရှမ်းပြည်နယ်အစိုးရအဖွဲ့မှ လှူဒါန်းသော ကွန်ပျူတာကို ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဆိုလာမီးအိမ်ကို ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူ၊ ကတ္တရာ (၆၇.၃၉၆)တန်တို့ကို ပြည်နယ်စည်ပင်သာယာရေးဝန်ကြီး ဦးစိုင်းလှဝင်းတို့က ပေးအပ်လှူဒါန်းရာ မြို့နယ် ပညာရေးမှူး၊ မြို့မိမြို့ဖ၊ စည်ပင်သာယာရေးကော်မတီတို့မှ အသီးသီးလက်ခံရယူသည်။

 

ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဒေသဖွံ့ဖြိုးရေးအတွက် လွှတ်တော်ကိုယ်စားလှယ်များ၊ ကော်မတီအသီးသီးမှ လိုအပ်ချက်များ တင်ပြဆွေးနွေးမှုအပေါ် ပြန်လည်သုံးသပ် ဖြည့်စွက်၍ နိဂုံးချုပ်အမှာစကားပြောကြားခဲ့ကြောင်း သိရှိရသည်။

 

အဆိုပါဒေသဖွံ့ဖြိုးရေးအတွက် တွေ့ဆုံပွဲကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်/ခရိုင်/မြို့နယ် အဆင့်ဌာနဆိုင်ရာများ၊ မြို့နယ်ဖွံ့ဖြိုးတိုးတက် ရေးကော်မတီ၊ စည်ပင်သာယာရေးကော်မတီ၊ မြို့မိမြို့ဖများ၊ ရပ်/ကျေးအုပ်ချုပ်ရေးမှူးများ တက်ရောက်ကြ ကြောင်းသတင်းရရှိသည်။

 

ဖြူဇင်ကုမ္ပဏီမှ 2013 Model TOYOTA အမျိုးအစား လူနာတင်ယာဉ်(၃)စီးနှင့် အောင်ချမ်းသာကုမ္ပဏီမှ DLX-200 Hydraulic Drilling Rig ရေတွင်းတူးစက်(၂)စုံကို ရှမ်းပြည်နယ်အစိုးရအဖွဲ့သို့ လှူဒါန်း

တောင်ကြီး ဒီဇင်ဘာလ  ၁၅

 

Pusin-11

 

Pusin-06

 

Pusin-10

 

Pusin-04

 

Pusin-05

 

Pusin-03

 

Pusin-01

 

Pusin-09

 

 

Pusin-08

 

     ရှမ်းပြည်နယ်အစိုးရအဖွဲ့သို့ ဖြူဇင်ကုမ္ပဏီမှ 2013 Model  TOYOTA  အမျိုးအစား လူနာတင်ယာဉ် (၃)စီးနှင့် အောင်ချမ်းသာကုမ္ပဏီမှ DLX-200  Hydraulic  Drilling  Rig   ရေတွင်းတူးစက်(၂)စုံလှူဒါန်းပွဲ အခမ်းအနားကို ဒီဇင်ဘာလ (၁၅)ရက်နေ့ နံနက်(၉)နာရီအချိန်တွင် တောင်ကြီးမြို့၊ မြို့တော်ခန်းမ၌ ကျင်းပခဲ့ရာ ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကားပြောကြားသည်။

ဆက်လက်၍ လူနာတင်ယာဉ်(၃)စီး လှူဒါန်းရခြင်းနှင့်ပတ်သက်၍ ဖြူဇင်ကုမ္ပဏီမှ မန်နေးဂျင်းဒါရိုက်တာ ဦးဝေစိုးမှ ရှင်းလင်း၍လည်းကောင်း ၊ ရေတွင်းတူးစက်(၂)စုံနှင့်ပတ်သက်၍ အောင်ချမ်းသာကုမ္ပဏီမှ ဒါရိုက်တာ အဖွဲ့ဝင် ဦးခိုင်မင်းတို့က ရှင်းလင်းတင်ပြကြသည်။

ထို့နောက် လူနာတင်ယာဉ်(၃)စီး ပေးအပ်လှူဒါန်းရာ ညောင်ရွှေမြို့နယ် ၊ ပြည်သူ့ဆေးရုံသို့ လှူဒါန်းသည့် လူနာတင်ယာဉ်(၁)စီးအား ဖြူဇင်ကုမ္ပဏီမှ တာဝန်ရှိသူတစ်ဦးမှ ပေးအပ်ရာ ရှမ်းပြည်နယ်အစိုးအရအဖွဲ့ဝင် ပြည်နယ် လျှပ်စစ်နှင့်စက်မှုလက်မှုဝန်ကြီး ဦးစိုင်းထွန်းရင်မှ လက်ခံ၍လည်းကောင်း၊ ပင်းတယမြို့နယ် ၊ ပြည်သူ့ဆေးရုံသို့ လှူဒါန်းသည့် လူနာတင်ယာဉ်(၁)စီးအား ဖြူဇင်ကုမ္ပဏီမှ  ဦးတင်ထွဋ်မှ ပေးအပ်ရာ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ ဦးထူးကိုကို မှလက်ခံ၍လည်းကောင်း၊ တောင်ကြီးမြို့၊ အမျိုးသမီးနှင့်ကလေးဆေးရုံအတွက် လူနာ တင်ယာဉ်(၁)စီးအား ဖြူဇင်ကုမ္ပဏီမှ မန်နေးဂျင်းဒါရိုက်တာ ဦးဝေစိုးမှ ပေးအပ်ရာ ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူပြီး ဂုဏ်ပြုမှတ်တမ်းလွှာအား ပြန်လည်ပေးအပ်ခဲ့သည်။

၎င်းနောက် ရေတွင်းတူးစက်(၂)စုံကို အောင်ချမ်းသာကုမ္ပဏီမှ ဒါရိုက်တာအဖွဲ့ဝင် ဦးခိုင်မင်းမှ ပေးအပ်ရာ ရှမ်းပြည်နယ်အစိုးရအဖွဲ့ဝင် ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ လက်ခံရယူပြီးနောက် ဂုဏ်ပြု မှတ်တမ်းလွှာအား ပြန်လည်ပေးအပ်ခဲ့သည်။

ယင်းနောက် လူနာတင်ယာဉ်လှူဒါန်းသော ဖြူဇင်ကုမ္ပဏီအား ရှမ်းပြည်နယ်ကျန်းမာရေးဦးစီးဌာနမှူး ဦးသန်းထွဋ်ဦးမှလည်းကောင်း ၊ ရေတွင်းတူးစက်(၂)စုံ လှူဒါန်းသော အောင်ချမ်းသာကုမ္ပဏီအား ပြည်နယ်စည်ပင် သာယာရေးဌာန၊ ညွှန်ကြားရေးမှူး ဦးစိုင်းထွန်းထွန်း မှလည်းကောင်း အသီးသီးကျေးဇူးတင်စကားပြောကြား ပြီးနောက် ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့သည် လူနာတင်ယာဉ် (၃)စီးနှင့် ရေတွင်းတူးစက်(၂)စုံအား လှည့်လည်ကြည့်ရှုစစ်ဆေးကြသည်။

အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရား လွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ၊ ပြည်သူ့လွှတ်တော်/အမျိုးသားလွှတ်တော် ကိုယ်စားလှယ်များ ၊ အစိုးရအဖွဲ့အတွင်းရေးမှူး ၊ ပြည်နယ်/ခရိုင်/ မြို့နယ်အဆင့်ဌာနဆိုင်ရာ တာဝန်ရှိသူများ ၊ သူနာပြုသင်တန်းကျောင်းမှ သူနာပြုဆရာမများ၊ ကုမ္ပဏီအလှူရှင်များ၊ ရပ်ကွက်အုပ်ချုပ်ရေးမှူးများ ၊ ဖိတ်ကြားထားသည့်ဧည့်သည်များ တက်ရောက်ကြကြောင်း သတင်းရရှိသည်။

 

 

ရှမ်းပြည်နယ်အစိုးရအဖွဲ့၊ ဒေသဖွံ့ဖြိုးရေးလုပ်ငန်းများ ဖွံ့ဖြိုးတိုးတက်ရေးအတွက် ကွန်ဟိန်း၊ နမ့်စန်ရှိ မြို့မိမြို့ဖများ၊ မြို့နယ်ဖွံ့ဖြိုးရေးအထောက်အကူပြုကော်မတီဝင်များနှင့်တွေ့ဆုံ

တောင်ကြီး   ဒီဇင်ဘာ   ၁၈

 

004

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများ လိုက်ပါလျက် ဒီဇင်ဘာ (၁၈) ရက် မွန်းလွဲ(၁)နာရီက ကွန်ဟိန်းမြို့၊ နမ့်ပန် ခန်းမ၌ ဒေသဖွံ့ဖြိုးရေးလုပ်ငန်းများ တိုးတက်ရေးအတွက် မြို့မိမြိုဖများ၊ ရပ်ကွက်ကျေးရွာ အုပ်ချုပ်ရေးမှူး များ မြို့နယ်အထောက်အကူပြုကော်မတီများနှင့်တွေ့ဆုံသည်။

 

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့် အမှာစကားပြောကြားပြီး၊ မြို့နယ်စီမံခန့်ခွဲမှု ကော်မတီဥက္ကဋ္ဌ ဦးထင်ကျော်မှ  ဒေသဆိုင်ရာ အချက်အလက် များနှင့် ဒေသတွင်းလိုအပ်ချက်များ တင်ပြရှင်းလင်းသည်။

 

ဆက်လက်၍ မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီဥက္ကဋ္ဌ ဦးစိုင်းပန်းစိန် နှင့် မြို့နယ်စည်ပင်သာယာရေးကော်မတီဥက္ကဋ္ဌ ဦးနေအောင်တို့က ဒေသတွင်းလိုအပ်ချက်များကိုတင်ပြသည်။

 

ထို့နောက်အထွေထွေဆွေးနွေးကြရာ ပြည်သူ့လွတ်တော်ကိုယ်စားလှယ်များ၊မြို့မိမြို့ဖတို့က ကွန်ဟိန်းမြို့နယ်၏ ပညာရေး၊ ကျန်းမာရေး၊ လျှပ်စစ်မီးလင်းရေး၊ လမ်းကောင်းမွန်ရေး၊ သောက်သုံးရေသန့် ရေရရှိရေးတို့ကိုဆွေးနွေးတင်ပြကြသည်။၎င်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများနှင့် ပြည်နယ်အဆင့်ဌာနဆိုင်ရာတာဝန်ရှိသူတို့က မိမိတို့နှင့်သက်ဆိုင်သည့်ကဏ္ဍအလိုက် ပြန်လည်ရှင်းလင်း ဖြေကြားသည်။

 

ယင်းနောက် ရှမ်းပြည်နယ်အဖွဲ့မှ လှူဒါန်းသောကွန်ပျူတာကို ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ဆိုလာမီးအိမ်များကို ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူတို့က ပေးအပ်လှူဒါန်းရာ မြို့နယ်အထောက်အကူပြု ကော်မတီများမှ တာဝန်ရှိသူတို့က အသီးသီးလက်ခံ ရယူသည်။

 

ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က မြို့မိမြို့ဖများနှင့် အထောက်အကူပြုကော်မတီများ၊ စည်ပင်သာယာရေးကော်မတီတို့မှ တင်ပြချက်များကို လိုအပ်သည် များကို ဖြည့်စွက်၍ နိဂုံးချုပ်အမှာစကားပြောကြားခဲ့သည်။

 

ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာတာဝန်ရှိသူတို့သည် ကွန်ဟိန်းမြို့မှ ထွက်ခွာလာရာ ညနေ(၄)နာရီ(၄၅)မိနစ်က နမ့်စန် (တောင်) မြို့သို့ရောက်ရှိပြီး နမ့်စန်မြို့နယ်ခန်းမ၌ ဒေသဖွံ့ဖြိုးရေးအတွက် မြို့မိမြို့ဖများ၊ ရပ်ကွက်/ ကျေးရွာအုပ်ချုပ်ရေးမှူးများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများနှင့်တွေ့ဆုံသည်။

 

ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်မှ အဖွင့်အမှာစကား ပြောကြားပြီး၊ မြို့နယ်စီမံခန့်ခွဲမှု ကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးမင်းသူရမှ မြို့နယ်ဒေသဆိုင်ရာ အချက်အလက်များကို ရှင်းလင်းတင်ပြကြသည်။ဆက်လက်၍ မြို့နယ်ဖွံ့ဖြိုးတိုးတက်ရေးအထောက်အကူပြု ကော်မတီဥက္ကဋ္ဌမှ လုပ်ငန်းဆောင်ရွက်မှုအခြေအနေများကို ရှင်းလင်းကြသည်။

 

ထို့နောက် အထွေထွေဆွေးနွေးရာ ပြည်သူ့လွတ်တော်ကိုယ်စားလှယ်၊ မြို့မိမြို့ဖများ၊ စည်ပင် သာယာရေးကော်မတီ တို့မှ လိုအပ်သည်များကို တင်ပြဆွေးနွေးကြရာ ပြည်နယ်ဝန်ကြီးများနှင့် ပြည်နယ် အဆင့်ဌာနဆိုင်ရာ တာဝန်ရှိသူတို့က လုပ်ငန်းကဏ္ဍအလိုက် ပြန်လည်ဖြည့်စွက်ရှင်းလင်း ကြသည်။

 

၎င်းနောက် ရှမ်းပြည်နယ်အစိုးရအဖွဲ့မှ လှူဒါန်းသော ကွန်ပျူတာကို ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဆိုလာမီးအိမ်ကို ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူ နှင့် ထောက်ပံ့ အလှူငွေ ကျပ်သိန်း(၃၀၀)ကို စည်ပင်သာယာရေးဝန်ကြီး ဦးစိုင်းလှဝင်းတို့က ပေးအပ်လှူဒါန်းရာ မြို့နယ်ပညာရေးမှူး ဦးအောင်စိုး၊ မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီဥက္ကဋ္ဌ ဦးခင်မောင်ဆန်း နှင့် စည်ပင်သာယာရေးကော်မတီဥက္ကဋ္ဌ တို့က အသီးသီးလက်ခံရယူသည်။

 

ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ကော်မတီ အသီးသီးမှ လိုအပ်ချက်တင်ပြမှုတို့ကို ဖြည့်စွက်၍ နိဂုံးချုပ်အမှာစကားပြောကြားခဲ့ကြောင်း သိရှိရသည်။

 

အဆိုပါဒေသဖွံ့ဖြိုးတိုးတက်ရေးအတွက် တွေ့ဆုံပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူများ၊ ခရိုင်/မြို့နယ်အဆင့် ဌာနဆိုင်ရာများ၊ ပြည်သူ့လွှတ်တော်ကိုယ်စားလှယ်၊ ပြည်နယ်ကိုယ်စားလှယ်၊ မြို့မိမြို့ဖများ၊ မြို့နယ်ဖွံ့ဖြိုး တိုးတက်ရေးအထောက်အကူပြု ကော်မတီများ၊ စည်ပင်သာယာရေးကော်မတီများ၊ ရပ်ကွက်/ကျေးရွာ အုပ်ချုပ်ရေးမှူးများ တက်ရောက်ကြကြောင်းသတင်းရရှိသည်။

 

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ကြီးမှူးဆောက်လုပ်သော ဇီဝိတဒါနသံဃာဆောင် လွဲပြောင်းပေးအပ်ပွဲ ကျင်းပ

တောင်ကြီး   ဒီဇင်ဘာ   ၁၃

 

003

 

   ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ကြီးမှူးဆောက်လုပ်သော ဇီဝိတဒါနသံဃာဆောင် လွဲပြောင်းပေးအပ်ပွဲနှင့် ဖွင့်ပွဲကို ဒီဇင်ဘာ(၁၃)ရက်၊ နံနက်(၈)နာရီက ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ ပြည်သူ့ဆေးရုံခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ဦးစဝ်အောင်မြတ်က အဖွင့်အမှာစကား ပြောကြားရာ သံဃာဆေးရုံကုသဆောင်သည် သံဃာတော်များ ဆေးဝါးကုသခံရာတွင် ယခင်က အမျိုးသားအဆောင်တွင် ကုသရပြီး၊ ယခုဆိုရင် သံဃာတော်များအတွက် သီးသန့်အဆောင်တစ်ခု ဖြစ်လာအောင် ဝိုင်းဝန်းဆောင်ရွက်ပေးကြလို့ ဟိုပုံးမြို့ရှိ ပြည်သူ့ဆေးရုံသည် တဖြည်းဖြည်းနဲ့ ဆေးရုံရဲ့ အင်္ဂါရပ်နဲ့ ညီလာပြီဖြစ်ကြောင်း ပြောကြားသွားသည်။

 

   ဆက်လက်၍ ဟိုပုံးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အတွင်းရေးမှူး ဦးမျိုးဝင်းလောက သံဃာဆောင် ဖြစ်ပေါ်လာပုံ အကျဉ်းနှင့် ကျေးဇူးတင်စကား ပြောကြားသည်။

 

   ထို့နောက် သံဃာတော်များအတွက် ဆေးပဒေသာပင်များကို ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်တို့က ပေးအပ်လှူဒါန်းရာ မြို့နယ်ကျန်းမာရေးဦးစီးဌာနမှူး ဒေါက်တာတင်ဇော်ဝင်း လက်ခံရယူသည်။

 

   ၎င်းနောက် သံဃာဆောင် အလှူရှင်များအား ဂုဏ်ပြုမှတ်တမ်းလွှာများကို ဟိုပုံးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အတွင်းရေးမှူး ဦးမျိုးဝင်းလောက ပေးအပ်ရာ အလှူရှင်များက အသီးသီး လက်ခံရယူကြပြီး၊ သံဃာဆောင်နှင့် ပတ်သက်သည့် စာရွက်စာတမ်းများ လွဲပြောင်းပေးအပ်ရာ ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦးက လက်ခံရယူသည်။

 

   ယင်းနောက် မြို့နယ်ကျန်းမာရေးဦးစီးဌာနမှူး ဒေါက်တာတင်ဇော်ဝင်းက ကျေးဇူးတင်စကား ပြန်လည်ပြောကြားသည်။ ဆက်လက်၍ သံဃာဆောင်အား ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ဦးစဝ်အောင်မြတ်က ဖဲကြိုးဖြတ် ဖွင့်လှစ်ပေးပြီး၊ ဟိုပုံးမြို့နယ် ပြည်သူ့ဆေးရုံတွင် တက်ရောက်ဆေးကုသနေသော လူနာများကို လှည့်လည်ကြည့်ရှုအားပေးပြီး ထောက်ပံ့ငွေများ ပေးအပ်ခဲ့သည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ အသစ်ဆောက်လုပ်နေသည့် အဆောက်အဦများကို ရှင်းလင်းဆောင်ခန်းမ၌ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်မှ ရှင်းလင်းရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်ဆည်းမှာကြားခဲ့သည်။ ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူတို့သည် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ် ကွင်းအမှတ်(၁၂)၊ လေးအိမ်ကုန်းရွာမကွင်း၊ စက်မှုလယ်ယာစနစ်တကျ လယ်ဧက(၅၀) ဖော်ထုတ်ရန်လျာထားသည့် ဦးပိုင်အလိုက် တောင်သူတစ်ဦးချင်း ပိုင်ဆိုင်မှုပြ လယ်ကွက်များ ဖော်ထုတ်နေမှုကို သွားရောက်ကြည့်ရှုစစ်ဆေးရာ တာဝန်ရှိသူများက မြေပုံကားချပ်ဖြင့် ရှင်းလင်းကြကြောင်း သိရှိရသည်။

 

   အဆိုပါ သံဃာဆောင်လွဲပြောင်းပေးအပ်ပွဲနှင့် ဖွင့်ပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ဦးစဝ်အောင်မြတ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် အဖွဲ့ဝင်များ၊ မြို့နယ်အဆင့် ဌာနဆိုင်ရာများ၊ မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အတွင်းရေးမှူးနှင့် အဖွဲ့ဝင်များ၊ အလှူရှင်များ၊ ဒေသခံမိဘပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သတင်းရရှိသည်။

 

More Articles...

  1. ရှမ်းပြည်နယ်၌ ဒီဇင်ဘာ ပထမပတ် လူထုလမ်းလျှောက်ပွဲ ကျင်းပ
  2. ၂၀၁၃ခုနှစ် ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့ အထိမ်းအမှတ်ကျင်းပ
  3. အပြည်ပြည်ဆိုင်ရာ မသန်စွမ်းသူများနေ့ အထိမ်းအမှတ် ကျင်းပ
  4. ပြည်နယ်ဝန်ကြီး ဒေါက်တာမျိုးထွန်း၏ (၂၃-၁၁-၂၀၁၃)ရက်နေ့မှ (၃၀-၁၁-၂၀၁၃)ရက်နေ့ထိ ပညာရေးနှင့် ကျန်းမာရေးကဏ္ဍများ ဆောင်ရွက်ရန်အတွက် လားရှိုးဒေသနှင့် ကျိုင်းတုံဒေသများသို့ သွားရောက်ခဲ့သည့် ခရီးစဉ်
  5. ပြည်လုံးကျွတ်သန်းခေါင်စာရင်း ကောက်ယူမည့် လုပ်ငန်းညှိနှိုင်း ဆွေးနွေးပွဲကျင်းပ
  6. ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၄/၂၀၁၃) ကျင်းပ
  7. ရှမ်းပြည်နယ်၊ မူဆယ်ခရိုင်၊ မူဆယ်ဒေသ စီးပွားရေးဖွံ့ဖြိုးတိုးတက်မှုဇုန် အကောင်အထည်ဖော်ရေး နားလည်မှုစာချွန်လွှာ စာချုပ်ချုပ်ဆိုပွဲ ကျင်းပ
  8. ပြည်နယ်စီမံကိန်းနှင့် စီးပွားရေးဝန်ကြီး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ ဦးအောင်ကျော်ညွန့် အခြေခံသမဝါယမသင်တန်း(အမှုထမ်း) သင်တန်းဆင်းပွဲသို့ တက်ရောက်
  9. ၂၀၁၃-၂၀၁၄ခု၊ ဘဏ္ဍာရေးနှစ်အတွက် ရှမ်းပြည်နယ်(တောင်ကြီး/လွိုင်လင်/လင်းခေး ခရိုင်)အတွင်းရှိ စေတနာ့ ဝန်ထမ်းအဖွဲ့အစည်းများအား ထောက်ပံ့ကြေးပေးအပ်ပွဲကျင်းပ
  10. ပြည်နယ်ဝန်ကြီး ဒေါက်တာမျိုးထွန်း၊ ၂ဝ၁၃ ခုနှစ် ၊ ရှမ်းပြည်နယ်(တောင်ပိုင်း)အခြေခံပညာကျောင်းပေါင်းစုံ အားကစားပြိုင်ပွဲ ဖွင့်ပွဲအခမ်းအနား တက်ရောက်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

palaungရှမ်းပြည်နယ်(မြောက်ပိုင်း) နမ့်ဆန်၊ မန်တုံ၊ နမ့်ခမ်း၊ ကွမ်းလုံ၊ ကျောက်မဲ၊ သီပေါ၊ ကွတ်ခိုင်၊ သိန္နီ၊ မိုင်းရယ်မြို့နယ်များနှင့် ရှမ်းပြည်နယ်တောင်ပိုင်း မိုင်းကိုင်၊ နမ့်စန်၊ လဲချားမြို့နယ်များတွင် နေထိုင်ကြ သည်။

We have 84 guests and no members online

Latest Updates