သတင်းများ

အင်းလေးဖောင်တော်ဦး ရုပ်ရှင်တော်မြတ်များ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်

တောင်ကြီး  အောက်တိုဘာ  ၂၂

 

1021

 

   အင်းလေးဖောင်တော်ဦး ရုပ်ရှင်တော်မြတ်များ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်သည့် အခမ်းအနားကို အောက်တိုဘာ(၂၂)ရက်၊ နံနက်(၉)နာရီက အဆိုပါ စံကျောင်းတော်၌ ကျင်းပရာ ပထမဦးစွာ ကရဝိတ်ဖောင်တော်ပေါ်မှ ဖော်တော်ဦး ရုပ်ရှင်တော်မြတ်များအား စံကျောင်းတော်ကြီးပေါ်သို့ ပင့်ဆောင်ရာ ပထမကိုယ်စားတော်မြတ်ကို သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စည်ပင်သာယာရေးဝန်ကြီး၊ ပြည်နယ်လမ်းပန်းဆက်သွယ်ရေးဝန်ကြီးတို့က ပင့်ဆောင်၍ လည်းကောင်း၊ ဒုတိယကိုယ်စားတော်မြတ်ကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဘဏ္ဍာရေးနှင့် အခွန်ဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်လွှတ်တော်ကိုယ်စားလှယ်တို့က ပင့်ဆောင်၍ လည်းကောင်း၊ တတိယကိုယ်စားတော်မြတ်ကို ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ အင်းတိုင်းရင်းသားရေးရာဝန်ကြီး၊ ပြည်နယ်လွှတ်တော်ကိုယ်စားလှယ်၊ အင်းသားလူမှုရေးအဖွဲ့မှ တာဝန်ရှိသူများက ပင့်ဆောင်၍ လည်းကောင်း၊ စတုတ္ထကိုယ်စားတော်မြတ်ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူနှင့် ပြည်နယ်အဆင့် ဌာနဆိုင်ရာတို့က အသီးသီး ပင့်ဆောင်ကြသည်။

ဆက်လက်၍ သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်၊ ရှမ်းပြည်နယ်ဝန်ကြီးချုပ် ဦးစဝ်အောင်မြတ် တို့က ဖောင်တော်ဦးရုပ်ပွားတော်မြတ်အား ဆွမ်း၊ ဆီမီး၊ ရေချမ်း၊ ရွှေသင်္ကန်း ဆက်ကပ်လှူဒါန်းပြီး၊ ဧည့်သည်တော်မှတ်တမ်းတွင် လက်မှတ်ရေးထိုးကာ ဂေါပကအဖွဲ့မှ ဓမ္မလက်ဆောင်(၂၁)ဌာန ကြာသင်္ကန်းများ ဝေငှပေးခဲ့သည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် နန်းဟူးဘုန်းတော်ကြီးကျောင်းတွင် ဟဲယာရွာမ ရွှေဘုံသာကျောင်းတိုက် ဆရာတော်ကြီးထံမှ ကိုးပါးသီလ ခံယူဆောက်တည်ကြပြီး၊ ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများတို့က ဆရာတော်များအား လှူဖွယ်ပစ္စည်းများ ဆက်ကပ်လှူဒါန်းကြသည်။

 

   ဆက်လက်၍ ပြည်ထောင်စုဝန်ကြီး ဦးဆန်းဆင့်မှ သာသနာတော်ဆိုင်ရာ ကိစ္စရပ်များ လျှောက်ထားပြီး ဆရာတော်သံဃာတော် အရှင်သူမြတ်တို့က မေတ္တာသုတ်များကို ရွတ်ဖတ်သရဇ္စျာယ်ကြပြီး၊ ဟဲယာရွာမ ရွှေဘုံသာကျောင်း ဆရာတော်ကြီးမှ လှူဒါန်းမှုအစုစုတို့ကို ရေစက်သွန်းချ အမျှပေးဝေကာ အခမ်းအနားကို ဗုဒ္ဓ သာသနံ စိရံ တိဌတု သုံးကြိမ်ရွတ်ဆို၍ ရုပ်သိမ်းလိုက်သည်။

 

   ၎င်းနောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် အင်းသားရိုးရာလှေပြိုင်ပွဲ ယှဉ်ပြိုင်နေမှုကို ကြည့်ရှုအားပေးပြီး၊ ဆုများချီးမြှင့်ပေးရာ အင်းသားရိုးရာဆွမ်းပို့လှေအဖွဲ့ကို အင်းတိုင်းရင်းသားရေးရာဝန်ကြီး၊ ပြည်နယ်စာရင်းစစ်ချုပ်တို့မှ လည်းကောင်း၊ လှေယာဉ်အလှ ဟဲယာရွာမ၊ အင်းပေါခုံအသင်းတို့ကို ပြည်နယ်ဥပဒေချုပ်၊ ပြည်နယ်စည်ပင်သာယာရေးဝန်ကြီးတို့က လည်းကောင်း၊ အမျိုးသား(၄၆)တက် နှစ်သိမ့်ဆုရအသင်းကို ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်သစ်တော်နှင့် သတ္တုဝန်ကြီးတို့မှ လည်းကောင်း၊ အမျိုးသားရာကျော်လှေ နှစ်သိမ့်ဆုရအသင်းကို ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်တရားလွှတ်တော် တရာသူကြီးချုပ်တို့မှ လည်းကောင်း၊ အမျိုးသမီး(၂၆)တက် ပထမ၊ ဒုတိယဆုရအသင်းကို သာသနာရေးဝန်ကြီးဌာန၊ ပြည်ထောင်စုဝန်ကြီး၏ ဇနီးမှ လည်းကောင်း၊ အမျိုးသား(၄၆)တက် ပထမ၊ ဒုတိယဆုရအသင်းကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်မှ လည်းကောင်း၊ အမျိုးသားရာကျော်လှေ ပထမ၊ ဒုတိယဆုရအသင်းကို သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်မှ လည်းကောင်း အသီးသီး ဆုများ ချီးမြှင့်ပေးအပ်ပြီး၊ ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူများသည် ဆုရရှိသော လှေပြိုင်အသင်းများကို လိုက်လံနှုတ်ဆက်ကြပြီး အခမ်းအနားကို နောင်အင်းလေးသီချင်းဖြင့် ရုပ်သိမ်းလိုက်သည်။

 

2022

 

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများသည် ညောင်ရွှေမြို့၊ အင်းလေးဟိုတယ်ဇုန် ရှင်းလင်းဆောင်ခန်းမသို့ ရောက်ရှိပြီး၊ ခန်းမဆောင်တွင် အင်းလေးဟိုတယ်ဇုန် ဆပ်ကော်မတီ အသီးသီးတို့က လမ်းပန်းဆက်သွယ်ရေးနှင့် လျှပ်စစ်မီးလင်းရေး ကိစ္စရပ်များကို ရှင်းလင်းတင်ပြကြရာ ပြည်နယ်ဝန်ကြီးချုပ်မှ လိုအပ်သည်များ မှာကြားပြီး၊ ဟိုတယ်ဇုန် (C) Zone  (B) Zone  (A) Zone တို့ကို မော်တော်ယာဉ်ဖြင့် လှည့်လည်ကြည့်ရှုခဲ့ကြောင်း သိရှိရသည်။

 

ရှမ်းပြည်နယ် လူမှုရေးဝန်ကြီး ဒေါက်တာမျိုးထွန်း၏ (၁၆-၁ဝ-၂ဝ၁၃)မှ (၁၈-၁ဝ-၂ဝ၁၃) ရက်နေ့ထိ ကျိုင်းတုံဒေသသို့ ပညာရေး/ ကျန်းမာရေး ကိစ္စရပ်များ ဆောင်ရွက်ရန် သွားရောက်ခဲ့သည့် ခရီးစဉ်

ရက်စွဲ၊ (၁၆-၁ဝ-၂ဝ၁၃)မှ (၁၈-၁ဝ-၂ဝ၁၃)

 

1023

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းသည် (၁၆-၁ဝ-၂ဝ၁၃)ရက်နေ့တွင် ရုံးစိုက်ရာ တောင်ကြီးမြို့မှ ကျိုင်းတုံဒေသသို့ ခရီးထွက်ခွာခဲ့ပြီး (၁၇-၁ဝ-၂ဝ၁၃)ရက်နေ့ နံနက်(၈းဝဝ)နာရီတွင် ဦးတင်မောင်ဆွေ- ညွန်ကြားရေးမှူး ပြည်နယ်ဒုတိယအထွေထွေအုပ်ချုပ်ရေးဦးစီးဌာန ကျိုင်းတုံ၊ ဦးခွန်စိန်မြင့်- ပြည်နယ်ပညာရေး ဒုတိယညွန်ကြားရေးမှူး(ကျိုင်းတုံ)၊ ဦးခင်ဝင်း- ခရိုင်အုပ်ချုပ်ရေးမှူး ကျိုင်းတုံခရိုင်အထွေထွေအုပ်ချုပ်ရေးဦးစီးဌာန၊ ဦးသန်းထိုက်အောင်- ခရိုင်အင်ဂျင်နီယာမှူး ကျိုင်းတုံ၊ ဦးကျော်လှ- လ/ထ ညွန်ကြားရေးမှူး မြို့နယ်စည်ပင် ကျိုင်းတုံ၊ ဦးထွေးအောင်- မြို့နယ်စည်ပင်အင်ဂျင်နီယာမှူး ကျိုင်းတုံ တို့ပါဝင်သော တင်ဒါစိစစ်ရွေးချယ်ရေး လုပ်ငန်းကော်မတီအဖွဲ့ဝင်များနှင့်အတူ ရှမ်းပြည်နယ်(ကျိုင်းတုံဒေသ)ရှိ အခြေခံပညာကျောင်းဆောင်သစ် (၄၇)ကျောင်း ဆောက်လုပ်ရန်အတွက် ဆောက်လုပ်ရေးကုမ္ပဏီများမှ အဆိုပြုထားသည့် တင်ဒါလျှောက်လွာများကို ဖွင့်ဖောက်စစ်ဆေး၍ စိစစ်ရွေးချယ်ခြင်းလုပ်ငန်းအား ပြည်နယ်ပညာရေး ညွန်ကြားရေးမှူးရုံး(ရုံးခွဲ) ကျိုင်းတုံ၌ ဆောင်ရွက်ခဲ့ကြပါသည်။

 

ထို့နောက် ဆက်လက်၍ (၁၃ဝဝ)နာရီအချိန်တွင် ဦးတင်မောင်ဆွေ- ညွန်ကြားရေးမှူး၊ ပြည်နယ်ဒုတိယ အထွေထွေအုပ်ချုပ်ရေးဦးစီးဌာန ကျိုင်းတုံ၊ ဒေါက်တာဝင်းကျော် တွဲဖက်ပြည်နယ်ကျန်းမာရေးဦးစီးဌာနမှူး(ကျိုင်းတုံ)၊ ဦးခင်ဝင်း- ခရိုင်အုပ်ချုပ်ရေးမှူး ကျိုင်းတုံခရိုင်အထွေထွေအုပ်ချုပ်ရေးဦးစီးဌာန၊ ဦးသန်းထိုက်အောင်- ခရိုင်အင်ဂျင်နီယာမှူး ကျိုင်းတုံ၊ ဦးကျော်လှ- လ/ထ ညွန်ကြားရေးမှူး မြို့နယ်စည်ပင် ကျိုင်းတုံ၊ ဦးထွေးအောင်- မြို့နယ်စည်ပင်အင်ဂျင်နီယာမှူး ကျိုင်းတုံ၊ ဒေါက်တာကြည်လွင်- ဆေးရုံအုပ်ကြီး ကျိုင်းတုံဆေးရုံကြီး တို့ပါဝင်သော တင်ဒါစိစစ်ရွေးချယ်ရေးလုပ်ငန်း ကော်မတီ အဖွဲ့ဝင်များနှင့်အတူ ရှမ်းပြည်နယ်(ကျိုင်းတုံဒေသ)ရှိ ဆေးရုံ၊ ကျန်းမာရေးဌာနများနှင့် သူနာပြုသားဖွား သင်တန်းကျောင်းများဆိုင်ရာ တည်ဆောက်ပြုပြင်ခြင်းလုပ်ငန်းများ ဆောင်ရွက်ရန်အတွက် ဆောက်လုပ်ရေး ကုမ္ပဏီများမှ တင်သွင်းထားသည့် တင်ဒါလျှောက်လွာများကို စိစစ်ရွေးချယ်ပြီး အိတ်ဖွင့်တင်ဒါ ဖွင့်ဖောက်စစ်ဆေးခြင်းကို တွဲဖက်ပြည်နယ်ကျန်းမာရေး ဦးစီးဌာနတွင် ဆောင်ရွက်ခဲ့ကြပါသည်။

 

(၁၈-၁ဝ-၂ဝ၁၃)ရက်နေ့ နံနက်(၈းဝဝ)နာရီတွင် ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းသည် ဦးတင်မောင်ဆွေ၊ ဒေါက်တာဝင်းကျော်၊ ဦးခွန်စိန်မြင့်တို့ လိုက်ပါလျက် သိပ္ပံနှင့်နည်းပညာဝန်ကြီးဌာနအောက်ရှိ၊ နည်းပညာတက္ကသိုလ်(ကျိုင်းတုံ)၌ တည်ဆောက်မည့် ဆရာ/ ဆရာမဆောင် (၁၃၂+ ထ ၄၅+ ထ ၁၂+) (၆)ခန်းတွဲ(၁)လုံး (RC) တည်ဆောက်မည့် မြေနေရာအား ကွင်းဆင်းစစ်ဆေးကြည့်ရှုခဲ့ရာ တာဝန်ရှိသူများမှ လိုက်လံရှင်းလင်း ပြသခဲ့ကြပြီး လူမှုရေးဝန်ကြီး ဒေါက်တာမျိုးထွန်းမှ သတင်းစာများတွင် အိတ်ဖွင့်တင်ဒါကြော်ငြာခြင်းကို အမြန်ထည့်သွင်းကြော်ငြာ ဆောင်ရွက်သွားရန် မှာကြားခဲ့ပါသည်။

 

ထို့နောက် ဆက်လက်၍ သူနာပြုနှင့်သားဖွားသင်တန်းကျောင်း (ကျိုင်းတုံ) တည်ဆောက်ပြုပြင်မည့် လုပ်ငန်းများဆောင်ရွက်မည့် အခြေအနေများကို သွားရောက်စစ်ဆေးကြည့်ရှုခဲ့ရာ တွဲဖက်ပြည်နယ်ကျန်းမာရေး ဦးစီးဌာနမှူးနှင့် သူနာပြုကျောင်းအုပ် မခေါင်ထဖီဆာရ်တို့မှ လိုက်လံရှင်းလင်းပြသခဲ့ကြပါသည်။

 

ဆက်လက်၍ လားရှိုးခရိုင် ပညာရေးမှူးရုံးဆောက်လုပ်မည့် မြေနေရာအား သွားရောက်ကြည့်ရှု စစ်ဆေးခဲ့ရာတွင် ဦးခွန်စိန်မြင့်၊ ပြည်နယ်ပညာရေး ဒုတိယညွန်ကြားရေးမှူးနှင့် ခရိုင်ပညာရေးမှူးတို့မှ လိုက်လံရှင်းလင်း ပြသခဲ့ပြီး ညနေ(၀၄ဝဝ)နာရီတွင် ကျိုင်းတုံမြို့မှ ရုံးစိုက်ရာ တောင်ကြီးမြို့သို့ ပြန်လည်ထွက်ခွာခဲ့ကြောင်း သတင်းရရှိပါသည်။

 

တောင်ကြီးမြို့ ကျက်သရေဆောင် စူဠာမုနိလောကချမ်းသာစေတီတော် စကျင်ကျောက်သား ရွှေဗုဒ္ဓခြေတော်ရာပါဒစေတီပလ္လင်တော်အတွင်း ဌာပနာပစ္စည်းများ ထည့်သွင်းတင်လှူပူဇော်ခြင်း ကျင်းပ

တောင်ကြီး  အောက်တိုဘာ  ၁၅

1016

 

   ရှမ်းပြည်နယ်၊ တောင်ကြီးမြို့ ကျက်သရေဆောင် စူဠာမုနိလောကချမ်းသာစေတီတော် စကျင်ကျောက်သား ရွှေဗုဒ္ဓခြေတော်ရာပါဒစေတီပလ္လင်တော်အတွင်း ဌာပနာပစ္စည်းများ ထည့်သွင်းတင်လှူပူဇော်ခြင်း မဟာမင်္ဂလာအခမ်းအနားကို အောက်တိုဘာ(၁၅)ရက်၊ နံနက်(၅)နာရီ(၄၅)မိနစ်က အဆိုပါစေတီတော်၌ ကျင်းပရာ အခမ်းအနားကို နမောတဿ(၃)ကြိမ်ရွတ်ဆို ဘုရားကန်တော့၍ ဖွင့်လှစ်ပြီး ဆရာတော်သံဃာတော်များ၊ ပြည်နယ်ဝန်ကြီးချုပ်နှင့် ဇနီး၊ တာဝန်ရှိသူတို့က ဌာပနာပစ္စည်းများကို ကိုင်ဆောင်ကာ ဘုရားရင်ပြင်တွင် လက်ယာရစ် တပတ်လှည့်လည် ပူဇော်ကြသည်။

 

   ဆက်လက်၍ ရှမ်းပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်လွှတ်တော် ဥက္ကဌနှင့် တာဝန်ရှိသူများ၊ အလှူရှင်များက ပြည်နယ်သံဃာ့နာယကအဖွဲ့ ဥက္ကဌဆရာတော် ဘန္နန္တပညာသီရိ အဂ္ဂမဟာပဏ္ဍိတ မင်းကွန်းကျောင်းဆရာတော်ထံမှ ငါးပါးသီလခံယူဆောက်တည်ကြပြီး ပြည်နယ်ဝန်ကြီးချုပ်နှင့် တာဝန်ရှိသူတို့က ဆရာတော်သံဃာတော် အရှင်သူမြတ်တို့ထံ ဌာပနာပစ္စည်းများကို ဆက်ကပ်လှူဒါန်းကြသည်။

 

   ထို့နောက် စူဠာမုနိစေတီတော် ဂေါပကဥက္ကဌကြီး၊ ဗမာတိုင်းရင်းသားရေးရာဝန်ကြီး ဦးဝင်းနိုင်မှ သာသနာ့အလံတော်နှင့် မသိုးသင်္ကန်းတော်ကို လည်းကောင်း၊ မြို့ဦးဆရာတော်မှ မိတ္ထီလာမြို့၊ ဝမ်းတော်ပြည့်ဓါတ်တော်ကျောင်းတိုက်မှ ဘုရားဓါတ်တော်တို့ကို လည်းကောင်း၊ စွန်းလွန်းကျောင်းဆရာတော်ကြီးမှ မြင်းခြံမြို့၊ ဓါတ်တော်တိုက်မှ ဘုရားဓါတ်တော်တို့ကို လည်းကောင်း၊ မင်းကွန်းကျောင်းဆရာတော်ကြီးမှ ပျော်ဘွယ်မြို့၊ ထူးချင်ဖူးလိုက်ဓါတ်တော်တိုက်မှ ဘုရားဓါတ်တော်များကို လည်းကောင်း၊ ဓမ္မိကာရုံကျောင်းဆရာတော်မှ သစ်ကနက်သား ဗုဒ္ဓရုပ်ပွားတော်ကို လည်းကောင်း၊ မန္တလေးတိုင်းဒေသကြီး၊ ဘုရားကြီးတိုက် ဒေါနခြံဆရာတော် ဘဒ္ဒန္တ ၀ဏ္ဏဿရမှ ဗောဓိရွှေညောင်ပင်ကို လည်းကောင်း၊ ရှမ်းပိဋကတ်ဆရာတော်မှ ငွေဗောဓိညောင်ပင်ကို လည်းကောင်း၊ ရန်ကုန်တိုင်းဒေသကြီး၊ ဗဟန်းမြို့နယ်၊ ညောင်တုန်းပါဠိတက္ကသိုလ်ကျောင်းတိုက်မှ ရတနာဆရာတော် ဘဒ္ဒန္တ နာရဒါဘိဝံသမှ ပရိဘောဂစေတီ ဗောဓိရွှေညောင်ရွက်(၄)ရွက်ကို လည်းကောင်း၊ မင်းကျောင်းဆရာတော်မှ ဓမ္မစေတီပိဋကတ်(၃)ပုံ ရွှေပေလွှာ(၁)ချပ်ကို လည်းကောင်း၊ ဓမ္မသုခကျောင်း ဦးဥတ္တရမှ ပရိဘောဂစေတီ သံဝေဗနိယလေးဌာနအောင်မြေကို လည်းကောင်း၊ စူဠာမုနိဆရာတော်မှ ပါဒစေတီတော် ကြေးခြေတော်ရာကို အသီးသီး ထည့်သွင်းပူဇော်ပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိုင်ငံတော်သံဃာ့မဟာနာယကအဖွဲ့ ဥက္ကဌ ဗန်းမော်ဆရာတော်ကြီး ဘန္နန္တ ကုမရာဘိဝံသ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မဇောတိက လှူဒါန်းသော ဓါတ်တော်၊ စွယ်တော်၊ ဆံတော်နှင့် ပြည်နယ်ဝန်ကြီးချုပ် မိသားစုမှ လှူဒါန်းသော ရွှေဆင်းတုရုပ်ပွားတော်ကို လည်းကောင်း၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်နှင့် တာဝန်ရှိသူများ၊ အလှူရှင်များတို့က ဌာပနာပစ္စည်းများကို အသီးသီး ထည့်သွင်းပူဇော်ကြသည်။

 

   ၎င်းနောက် ပြည်နယ်ဝန်ကြီးချုပ် ဦးစဝ်အောင်မြတ်မှ ကျောက်မျက်ရတနာမျိုးစုံကို ထည့်သွင်းပူဇော်ပြီး၊ ဆရာတော်သံဃာတော်များနှင့် ပရိသတ်အားလုံးက ဗုဒ္ဓခြေတော်ရာ ပါဒစေတီဘုရား ဂုဏ်တော်များကို ရွတ်ဖတ်ပူဇော်ကြသည်။ ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူတို့က ဆရာတော်သံဃာတော် အရှင်သူမြတ်တို့အား လှူဖွယ်ပစွစည်းများ ဆက်ကပ်လှူဒါန်းကြပြီး၊ ရန်ကုန်တိုင်းဒေသကြီး၊ ဗဟန်းမြို့နယ်၊ ညောင်တုန်းပါဠိတက္ကသိုလ်ကျောင်းတိုက်မှ ရတနာဆရာတော် ဘဒ္ဒန္တ နာရဒါဘိဝံသမှ ရေစက်ချ အနုမောဒနာ ချီးမြှင့်တော်မူ၍ အမျှပေးဝေကာ အခမ်းအနားကို ဗုဒ္ဓသာသနံစိရံတိဌတု(၃)ကြိမ်ရွတ်ဆို ဆုတောင်း၍ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်လွှတ်တော်ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ ဗမာတိုင်းရင်းသားရေးရာဝန်ကြီး၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့်ဌာနဆိုင်ရာ တာဝန်ရှိသူများ၊ အလှူရှင်များနှင့် ဖိတ်ကြားထားသော ဧည့်သည်တော်များ တက်ရောက်ကြကြောင်း သိရှိရသည်။

 

(၁၃၇၅)ခု၊ ၂၀၁၃ ခုနှစ် တောင်ကြီးမြို့၊ တန်ဆောင်တိုင်ပွဲတော် ကျင်းပရေး ဒုတိယအကြိမ် လုပ်ငန်းညှိနှိုင်းအစည်းအဝေး ကျင်းပ

တောင်ကြီး   အောက်တိုဘာ    ၂၁

 

1020

 

   ရှမ်းပြည်နယ်တောင်ကြီးမြို့ တန်ဆောင်တိုင်ပွဲတော်ကျင်းပရေး ဒုတိယအကြိမ် လုပ်ငန်းညှိနှိုင်း အစည်းအဝေးကို အောက်တိုဘာလ (၂၁)ရက်နေ့ နံနက်(၀၉၃၀)နာရီက ရှမ်းပြည်နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ဝန်ကြီးများနှင့် တန်ဆောင်တိုင်ပွဲတော်ကျင်းပရေး ဦးစီးကော်မတီ၊ ဆပ်ကော်မတီအဖွဲ့ဝင်များ တက်ရောက်ခဲ့ကြပါသည်။ 

 

   ပထမဦးစွာ ၂၀၁၃ ခုနှစ် တန်ဆောင်တိုင်ပွဲတော်ကျင်းပရေးဦးစီးကော်မတီ ဥက္ကဋ္ဌ၊ ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင့်အမှာစကားပြောကြားသည်။ ထို့နောက် ရှမ်းပြည်နယ်အစိုးရအဖွဲ့ အတွင်းရေးမှူး ဦးသိန်းဦးက ၂၀၁၃ ခုနှစ် တန်ဆောင်တိုင်ပွဲတော်ကျင်းပရေး ပထမအကြိမ် ပြုလုပ်ခဲ့သည့် လုပ်ငန်းညှိနှိုင်းအစည်းအဝေး ဆုံးဖြတ်ချက်များကို ရှင်းလင်းဆွေးနွေးပြီးနောက် တက်ရောက်လာကြသော လုပ်ငန်းကော်မတီ အဖွဲ့ဝင်များက မိမိတို့ ကဏ္ဍအလိုက် လုပ်ငန်း ဆောင်ရွက်ရန် ကိစ္စရပ်များအား အသီးသီး ရှင်းလင်းဆွေးနွေးတင်ပြကြပြီး၊  ပြည်နယ်လူမှုရေးဝန်ကြီး ဒေါက်တာမျိုးထွန်းမှ နိဂုံးချုပ်အမှာစကားပြောကြားခဲ့သည်။

 

   (၁၃၇၅)ခု၊ ၂၀၁၃ ခုနှစ် တောင်ကြီးမြို့၊ တန်ဆောင်တိုင်ပွဲတော်ကို (၁၀-၁၁-၂၀၁၃)ရက် နေ့မှ (၁၈-၁၁-၂၀၁၃) ရက်နေ့အထိ ကျင်းပသွားမည်ဖြစ်ပြီး၊ ပြိုင်ပွဲတွင် ညမီးကြီးပြိုင်ပွဲ၊ စိန်နားပန် ပြိုင်ပွဲ၊ နေ့လွတ်အရုပ်ပြိုင်ပွဲ(ခြေနှစ်ချောင်း၊ ခြေလေးချောင်း)၊ မသိုးသင်္ကန်းယက်ပြိုင်ပွဲ၊ မီးပဒေသာ လှည့်လှည်ပြိုင်ပွဲ၊ Miss တန်ဆောင်တိုင်ပြိုင်ပွဲ၊ အားကစားပြိုင်ပွဲ၊ ဓါတ်ပုံပြိုင်ပွဲ၊ ရပ်ကွက်မီးအလှဆင် ထွန်းညှိမှုပြိုင်ပွဲ၊ ပဒေသာပင်(ကထိန်)လှည့်လည်ပွဲ စသည်တို့ ပါဝင်ပြီး၊ ၂၀၁၃ ခုနှစ် တောင်ကြီးမြို့ တန်ဆောင်တိုင်ပွဲတော်အား စည်ကားသိုက်မြိုက်စွာ ကျင်းပနိုင်ရေးအတွက် လုပ်ငန်းကော်မတီအဖွဲ့ဝင်များ လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ကြောင်း သိရှိရသည်။

 

(၂၀)ကြိမ်မြောက် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲနှင့် ဒုတိယအကြိမ်မြောက် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ ဆုချီးမြှင့်ပွဲ ကျင်းပ

တောင်ကြီး  အောက်တိုဘာ ၁၄

 1015

 

   ရှမ်းပြည်နယ် (၂၀)ကြိမ်မြောက် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲနှင့် ဒုတိယအကြိမ်မြောက် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ ဆုချီးမြှင့်ပွဲကို အောက်တိုဘာ(၁၄)ရက်၊ ညနေ(၆)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးအေးမြင့်ကြူ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်လွှတ်တော်ဥက္ကဌ ဦးစိုင်းလုံးဆိုင်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများနှင့် ဇနီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဗမာတိုင်းရင်းသားရေးရာဝန်ကြီး၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့်ဌာနဆိုင်ရာ တာဝန်ရှိသူများ၊ လူမှုရေးအသင်းအဖွဲ့များ၊ စာပေယဉ်ကျေးမှုအဖွဲ့များ၊ အကဲဖြတ်အမှတ်ပေးဒိုင်များ၊ ပြိုင်ပွဲဝင်အနုပညာရှင်များနှင့် ဖိတ်ကြားထားသည့် ဧည့်သည်တော်များ တက်ရောက်ကြသည်။

 

   ပထမဦးစွာ ဆုရရှိသူများအား ဆုချီးမြှင့်ရာ အခြေခံပညာအဆင့်(၁၀-၁၅) အဆို(ခေတ်ဟောင်းကာလပေါ်) ပထမ၊ ဒုတိယ၊ တတိယ ဆုရရှိသူများကို ပြည်နယ်တရားလွှတ်တော် တရားသူကြီး ဦးမောင်ဌေးမှ လည်းကောင်း၊ အခြေခံပညာအဆင့်(၁၅-၂၀) အဆို(ခေတ်ဟောင်းကာလပေါ်) ပထမ၊ ဒုတိယ၊ တတိယ ဆုရရှိသူများကို ဗမာတိုင်းရင်းသားရေးရာဝန်ကြီး ဦးနိုင်ဝင်းမှ လည်းကောင်း၊ အဆင့်မြင့်ပညာအဆင့်၊ ဝါသနာရှင်အဆင့် အဆို(ခေတ်ဟောင်းကာလပေါ်) ပထမ၊ ဒုတိယ၊ တတိယ ဆုရရှိသူများကို ပြည်နယ်စာရင်းစစ်ချုပ်မှ လည်းကောင်း၊ ဝါသနာရှင်အဆင့် အဆို(ခေတ်ဟောင်းကာလပေါ်) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို အစိုးရအဖွဲ့ အတွင်းရေးမှူးမှ လည်းကောင်း၊ အခြေခံပညာအဆင့်(၁၀-၁၅) အဆို(မဟာဂီတ) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်ဥပဒေချုပ်မှ လည်းကောင်း၊ အခြေခံပညာအဆင့်(၁၀-၁၅)(၁၅-၂၀) အဆို(မဟာဂီတ) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်လူမှုရေးဝန်ကြီးမှ လည်းကောင်း၊ ဝါသနာရှင်အဆင့်(မဟာဂီတ) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်စည်ပင်သာယာရေးဝန်ကြီးမှ လည်းကောင်း၊ အဆင့်မြင့်ပညာအဆင့် အဆို(ခေတ်အကြိုက်တေး) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်လျှပ်စစ်နှင့် စက်မှုလက်မှုဝန်ကြီးမှ လည်းကောင်း၊ ဝါသနာရှင်အဆင့် အဆို(ခေတ်အကြိုက်တေး) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်စီမံကိန်းနှင့် စီးပွာရေးဝန်ကြီးမှ လည်းကောင်း၊ အခြေခံပညာအဆင့်(၁၀-၁၅) အက ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်စိုက်ပျိုးရေးနှင့် မွေးမြူရေးဝန်ကြီးမှ လည်းကောင်း၊ အခြေခံပညာအဆင့်(၁၅-၂၀) အက ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်ဘဏ္ဍာရေးနှင့် အခွန်ဝန်ကြီးမှ လည်းကောင်း၊ ဝါသနာရှင်အဆင့် အက ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ရှမ်းပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွန့်မှ လည်းကောင်း၊ ဝါသနာရှင်အဆင့်(အရေး) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်တရားလွှတ်တော် တရားသူကြီးချုပ်မှ လည်းကောင်း၊ အခြေခံပညာအဆင့်(၁၀-၁၅) ဝါသနာရှင်အဆင့်နှင့် (စန္ဒရားအတီး)(ဒုံမင်းအတီး) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ အထူးဆု ရရှိသူများကို ပြည်နယ်လွှတ်တော်ဥက္ကဌ ဦးစိုင်းလုံးဆိုင်မှ လည်းကောင်း၊ အခြေခံပညာအဆင့်(၁၅-၂၀) ဝါသနာရှင်အဆင့် (စန္ဒရားအတီး) ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ တတိယဆုရ မူဆယ်ခရိုင်တို့ကို ပြိုင်ပွဲကျင်းပရေးဦးစီးကော်မတီဥက္ကဌ ပြည်နယ်လမ်းပန်းဆက်သွယ်ရေးဝန်ကြီးမှ လည်းကောင်း၊ အခြေခံပညာအဆင့်(၁၀-၁၅) (ပတ္တလားအတီး) အမျိုးသမီးကဗျာလွတ် ယိမ်းအက ပထမ၊ ဒုတိယ၊ တတိယနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ ဒုတိယဆုရ တာချီလိတ်ခရိုင်တို့ကို ပြည်နယ်ဝန်ကြီးချုပ် ဦးစဝ်အောင်မြတ်မှ လည်းကောင်း၊ အခြေခံပညာအဆင့်(၁၀-၁၅) (တယောအတီး) ကဗျာလွတ်ယိမ်းအက၊ ပတ္တာလားအတီး၊ ဒုံမင်းအတီးတို့တွင် ပထမဆု အသီးသီးရရှိသူများနှင့် တိုင်းရင်းသားရိုးရာယဉ်ကျေးမှုအကတွင် ပထမဆုရရှိသည့် ဓနုကိုယ်ပိုင်အုပ်ချုပ်ခွင့်ရဒေသ ကိုယ်စားပြုအဖွဲ့တို့ကို ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးအေးမြင့်ကြူတို့က အသီးသီး ဆုများချီးမြှင့်ပေးကြသည်။

 

   ဆက်လက်၍ အခြေခံပညာအဆင့်(၁၀-၁၅) အဆို၊ အက၊ ကဗျာလွတ်ယိမ်း ပထမဆုရရှိသူများနှင့် တိုင်းရင်းသားရိုးရာယဉ်ကျေးမှုအကပြိုင်ပွဲ ပထမ၊ ဒုတိယ၊ တတိယ ဆုရရှိသူများမှ ပြန်လည် ဖော်ဖြေတင်ဆက်ကြပြီး ဆုပေးပွဲအခမ်းအနားကို အောင်မြင်စွာ ရုပ်သိမ်းလိုက်ကြောင်း သိရသည်။

 

နမ့်ခမ်းမြို့ ဗုံးပေါက်ကွဲမှုကြောင့် အသက်ပေးဆပ်ခဲ့ရသော စည်ပင်ဝန်ထမ်းအား နာရေးကူညီ ထောက်ပံ့

တောင်ကြီး    အောက်တိုဘာ    ၂၁ 

 1019

 

   ရှမ်းပြည်နယ်(မြောက်ပိုင်း)နမ့်ခမ်းမြို့၊ မိုခမ်းရပ်ကွက်၊ ပြည်ထောင်စုလမ်းမ၊ မြို့လယ်မဟာ မုနိဘုရားရှေ့ လမ်းလယ်ပန်းခုံတွင် မသမာသူတစ်စုမှ ပြည်သူများ၏ အကျိုးကိုမကြည့်ဘဲ၊ ပြည်သူများ အထိတ်တလန့်ဖြစ်စေသည့်အပြင် အသက်ကိုပင် ထိခိုက်စေခဲ့သော ဖောက်ခွဲမှုကို ပြုလုပ်ခဲ့ပါသည်။ ဤကဲ့သို့ အကျိုးမဲ့လုပ်ရပ်ကြောင့် နေ့စဉ်မြို့သန့်ရှင်းသာယာလှပရေးအတွက် တာဝန်ကို ကြိုးပမ်း ထမ်းဆောင်လျှက်ရှိသော နမ့်ခမ်းမြို့နယ်စည်ပင်သာယာရေးအဖွဲ့မှ  နေ့စားဝန်ထမ်း (သန့်ရှင်းရေး) ဦးဝင်းကို (ဘ)ဦးကျော်အေး(၂၉)နှစ်သည် (၁၇-၁ဝ-၂ဝ၁၃)ရက်နေ့ ၊ နံနက်(ဝ၇ဝဝ) နာရီချိန်ခန့်တွင် အမှိုက်သိမ်းဆောင်ရွက်စဉ် ကျွတ်ကျွတ်အိတ်အမဲဖြင့် ထုတ်ပိုးထားသော အိတ်မှပေါက်ကွဲမှုဖြစ်ကာ၊ လည်ပင်းထိမှန်ပြီး နေရာတွင် ပွဲချင်းပြီး သေဆုံးခဲ့ရသည်။

 

   အပြစ်မဲ့ ဝန်ထမ်းတစ်ဦး တာဝန်ကိုကျေပွန်စွာ ထမ်းဆောင်နေစဉ် ယခုကဲ့သို့ အသက်ကို ပေးဆပ်ခဲ့ရသည့်အတွက် စာနာထောက်ထားသော စိတ်စေတနာဖြင့် ကျန်ရစ်သူမိသားစုအတွက် ရှမ်းပြည်နယ်အစိုးရအဖွဲ့က နာရေးကူညီထောက်ပံ့ငွေကျပ် (၃)သိန်းနှင့် အတူ ရှမ်းပြည်နယ်စည်ပင်သာယာရေးကော်မတီ၊ ရှမ်းပြည်နယ်ရှိ မြို့နယ်စည်ပင်သာယာရေးကော်မတီများက ငွေကျပ်(၁၃.၇)သိန်း၊ စုစုပေါင်း(၁၆.၇)သိန်းအား ဝိုင်းဝန်းကူညီထောက်ပံ့ပေးခဲ့ကြောင်း သတင်း ရရှိသည်။

 

ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ်လားရှိုးဒေသသို့ သွားရောက်ခဲ့သည့် ခရီးစဉ်

ရက်စွဲ ၊  ၆-၁ဝ-၂ဝ၁၃ မှ ၉-၁ဝ-၂ဝ၁၃

 

1014

ပြည်နယ်လူမှုရေးဝန်ကြီး ဒေါက်တာမျိုးထွန်းသည် ရှမ်းပြည်နယ် လားရှိုးဒေသသို့ ပညာရေးနှင့် ကျန်းမာရေး ကိစ္စများ ဆောင်ရွက်ရန် (၆-၁ဝ-၂ဝ၁၃)ရက်နေ့တွင် ရုံးစိုက်ရာ တောင်ကြီးမြို့မှ ခရီးထွက်ခွာခဲ့ပါသည်။

 

(၇-၁ဝ-၂ဝ၁၃) ရက်နေ့ နံနက်(၉)နာရီတွင် တွဲဘက်ပြည်နယ်ပညာရေး ညွန်ကြားရေးမှူးရုံး၌ ပြည်နယ်လူမှုရေးဝန်ကြီး ဒေါက်တာမျိုးထွန်းမှဦးဆောင်၍ ညွန်ကြားရေးမှူး ဦးစိန်အုပ် ပြည်နယ်ဒုတိယအထွေထွေအုပ်ချုပ်ရေးဦးစီးဌာန၊ ဒုတိယညွန်ကြားရေးမှူး ဦးမြင့်ကြည် ရှမ်းပြည်နယ်ပညာရေးမှူးရုံး(ရုံးခွဲ)၊ ဒုတိယညွန်ကြားရေးမှူး ဦးဇော်ဝင်း တွဲဖက်ပြည်နယ်စည်ပင်သာယာရေးအဖွဲ့၊ ဦးဝင်းမောင်နှင့် ဦးစန်းဝင်းမြင့်- လ/ထ ညွန်ကြားရေးမှူးများ၊ ရှမ်းပြည်နယ်ပညာရေးမှူးရုံး(ရုံးခွဲ)၊ လ/ထ ညွန်ကြားရေးမှူး ဦးအောင်ကိုကို ပြည်နယ်ဒုတိယအထွေထွေအုပ်ချုပ်ရေးဦးစီးဌာန၊ အင်ဂျင်နီယာမှူး ဦးထွန်းမြင့် တွဲဖက်ပြည်နယ်စည်ပင်သာယာရေးအဖွဲ့များ ပါဝင်သော တင်ဒါစိစစ်ရွေးချယ်ရေးအဖွဲ့သည် အခြေခံပညာကျောင်း(၉၁)ကျောင်း အတွက် ဆောက်လုပ်ရေးကုမ္ပဏီများမှ တင်သွင်းထားသည့် တင်ဒါလျှောက်လွာများကို စိစစ်ရွေးချယ်ပြီး အိတ်ဖွင့်တင်ဒါ ဖွင့်ဖောက်စစ်ဆေးခြင်းလုပ်ငန်းကို ဆောင်ရွက်ခဲ့ကြပါသည်။

 

(၈-၁ဝ-၂ဝ၁၃)ရက်နေ့ နံနက်(၀၈၃ဝ)နာရီတွင် တွဲဘက်ပြည်နယ်ကျန်းမာရေးဦးစီးဌာနရုံး၌ ပြည်နယ်လူမှုရေးဝန်ကြီး ဒေါက်တာ မျိုးထွန်း ၊ လက်ထောက်ညွန်ကြားရေးမှူး ဦးအောင်ကိုကို  ပြည်နယ်ဒုတိယအထွေထွေအုပ်ချုပ်ရေးဦးစီးဌာန၊ ဒေါက်တာ ဇော်မင်းထွန်း တွဲဖက်ပြည်နယ်ကျန်းမာရေးဦးစီးဌာနမှူး၊ အင်ဂျင်နီယာမှူး ဦးထွန်းမြင့် ပြည်နယ်စည်ပင်သာယာရေးအဖွဲ့၊ ခရိုင်အင်ဂျင်နီယာမှူး ဦးကျော်စိန်ထွေး လားရှိုးပြည်သူ့ဆောက်လုပ်ရေးလုပ်ငန်း၊ ဆေးရုံအုပ်ကြီး ဒေါက်တာဒီပါတ် လားရှိုးပြည်သူ့ဆေးရုံကြီးတို့ ပါဝင်သော တင်ဒါစိစစ်ရွေးချယ်ရေး ကော်မတီအဖွဲ့မှ လားရှိုးဒေသရှိ ဆေးရုံနှင့် ကျန်းမာရေးဌာန/ ဌာနခွဲ အဆောက်အဦများ ဆောက်လုပ်ရန် ဆောက်လုပ်ရေးကုမ္ပဏီများမှ တင်သွင်းထားသည့် တင်ဒါလျှောက်လွာများကို စိစစ်ရွေးချယ်ပြီး အိတ်ဖွင့်တင်ဒါ ဖွင့်ဖောက်စစ်ဆေးခြင်းကို ဆောင်ရွက်ခဲ့ကြပါသည်။

 

ဆက်လက်၍ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဒေါက်တာဇော်မင်းထွန်း- တွဲဘက်ပြည်နယ် ကျန်းမာရေးဦးစီးဌာနမှူး၊ ဦးထွန်းမြင့်- ပြည်နယ်စည်ပင်အင်ဂျင်နီယာမှူး၊ ဦးအောင်ကိုကို- လက်ထောက် ညွန်ကြားရေးမှူး၊ ပြည်သူ့ဆောက်လုပ်ရေးလုပ်ငန်း၊ ဒေါက်တာဒီပါတ်- ဆေးရုံအုပ်ကြီး၊ လားရှိုးပြည်သူ့ဆေးရုံကြီး၊ ဒေါ်နန်းအွမ်ခမ်း- ကျောင်းအုပ်ကြီး၊ သူနာပြု/ သားဖွားသင်တန်းကျောင်းတို့ ပါဝင်သော တင်ဒါစိစစ်ရွေးချယ်ရေး ကော်မတီအဖွဲ့မှ လားရှိုးမြို့၊ သူနာပြုနှင့် သားဖွားသင်တန်းကျောင်းများ၌ တည်ဆောက်ရေး/ ပြုပြင်ရေးလုပ်ငန်းများ ဆောင်ရွက်ရန်အတွက် ဆောက်လုပ်ရေးကုမ္ပဏီများမှ တင်သွင်းထားသည့် တင်ဒါလျှောက်လွာများကို စိစစ်ရွေးချယ်ပြီး အိတ်ဖွင့်တင်ဒါ ဖွင့်ဖောက်စစ်ဆေးခြင်းကို ဆက်လက်ဆောင်ရွက်ခဲ့ပါသည်။

 

ထို့နောက် ပြည်နယ်လူမှုရေးဝန်ကြီး၊ ဒေါက်တာမျိုးထွန်း၊ ဒေါက်တာဇော်မင်းထွန်း- တွဲဘက်ပြည်နယ် ကျန်းမာရေး ဦးစီးဌာနမှူး၊ ဒေါက်တာအေးအေးမူ- အထူးကုဆရာဝန်ကြီး(ဆေးပညာ)၊ ဒေါက်တာစိုင်းကျော်မင်း- အထူးကုဆရာဝန်ကြီး(ခွဲစိတ်)၊ ဒေါက်တာထွန်းသန်းဦး- မြို့နယ်ကျန်းမာရေးအရာရှိ၊ ဒေါ်ဘေဘီဝင်းရွေ- ဆေးဝါးကျွမ်းကျင်တို့ ပါဝင်သော ဆေးဝါးများ ဝယ်ယူရေး ကြီးကြပ်မှုကော်မတီအဖွဲ့သည် ဆေးဝါးကုမ္ပဏီများမှ မြို့နယ်၊ ခရိုင်ဆေးရုံများသို့ ဆေးဝါးတင်သွင်းခွင့် လျှောက်ထားကြသည့် တင်ဒါလျှောက်လွာများကို စိစစ်၍ အိတ်ဖွင့်တင်ဒါများ ဖွင့်ဖောက်စစ်ဆေးခြင်းကို ဆောင်ရွက်ခဲ့ကြပါသည်။

 

(၉-၁ဝ-၂ဝ၁၃)ရက်နေ့ နံနက်(၀၈၀၀)နာရီတွင် ပြည်နယ်လူမှုရေးဝန်ကြီး- ဒေါက်တာမျိုးထွန်း၊ ဦးစိုင်းကြူ- လားရှိုးမဲဆန္ဒနယ်အမှတ်(၂) ပြည်နယ်လွတ်တော်ကိုယ်စားလှယ်နှင့်အတူ ညွန်ကြားရေးမှူး ဦးစိန်အုပ် ပြည်နယ် ဒုတိယအထွေထွေ အုပ်ချုပ်ရေးဦးစီးဌာန(လားရှိုး)၊ ဦးမောင်မောင်လွင်- လက်ထောက်ညွန်ကြားရေးမှူး၊ မြို့နယ် အထွေထွေ အုပ်ချုပ်ရေးဦးစီးဌာန၊ ဒေါက်တာဇော်မင်းထွန်း- တွဲဘက်ပြည်နယ်ကျန်းမာရေးဦးစီးဌာမှူး(လားရှိုး)တို့ လိုက်ပါလျက် နောင်မွန်ကျေးရွာရှိ နောင်မွန်ကျေးလက်ကျန်းမာရေးဦးစီးဌာနသို့ သွားရောက်၍ နောင်မွန် တိုက်နယ်ဆေးရုံ ဆောက်လုပ်ရန်အတွက် မြေနေရာသို့ သွားရောက်ကြည့်ရှု ကွင်းဆင်းစစ်ဆေးခဲ့ကြပါသည်။ ဒေါက်တာဦးထွန်းသန်းဦး ခရိုင်/မြို့နယ်ဆရာဝန်ကြီး၊ ဦးမြထွန်း- လက်ထောက်ဦးစီးမှူး၊ မြို့နယ်မြေစာရင်းဦးစီးဌာန၊ ဦးဆန်စိုင်း- နောင်မွန်ကျေးရွာ အုပ်ချုပ်ရေးမှူးများနှင့် တာဝန်ရှိသူတို့မှ နောင်မွန်ကျေးလက်ကျန်းမာရေးဌာန အဆောက်အဦနှင့် မြေဧရိယာ အကျယ်အဝန်းတို့ကို ပြန်လည်တိုင်းတာ၍  အသီးသီးရှင်းလင်းတင်ပြ ဆွေးနွေးခဲ့ကြပါသည်။ ထို့နောက် လားရှိုးလမ်းမကြီးဘေးရှိ ယခင်နောင်မွန် သုသာန်ဟောင်းနေရာ(၁)ဧကခန့်အား ရှင်းလင်း၍ မြေဧရိယာ တိုင်းတာပေးရန် ၊ တိုင်းရင်းသားဘာသာပေါင်းစုံ စုပေါင်းသုသာန်နေရာသို့ ပြောင်းရွေ့ပေးရန်နှင့် အဆိုပါနေရာအား နောင်မွန်တိုက်နယ်ဆေးရုံ အဖြစ် ဖွင့်လှစ်နိုင်ရေးကို ဝိုင်းဝန်းကြိုးပမ်းဆောင်ရွက်ပေးကြရန် ဒေါက်တာမျိုးထွန်းနှင့် ဦးစိန်အုပ်တို့မှ  မှာကြားခဲ့ကြပါသည်။

 

ထို့နောက် ဆက်လက်၍ နံနက်(၀၉၁၅)နာရီတွင် လားရှိုးမြို့ပြည်သူ့ဆေးရုံကြီးသို့ ရောက်ရှိကြပြီး ဒေါက်တာဒီပါတ်- ဆေးရုံအုပ်ကြီးမှ မူးယစ်ဆေးစွဲကုသဆောင်နံဘေး အဖီတိုးချဲ့ဆောင်ရွက်မည့်အစီအစဉ်၊ ဆေးဂိုဒေါင်အား ပြန်လည်ပြုပြင်မည့် အစီအစဉ်၊ ကလေးဆေးရုံအနီး ရေမြောင်းတူးဖော်ဆောင်ရွက်သွားမည့် အစီအစဉ်၊ မီးစက်အရှေ့၌ လျှောက်လမ်းပြုပြင်မည့် အစီအစဉ်တို့ကို ရှင်းလင်းတင်ပြရာ လူမှုရေးဝန်ကြီး ဒေါက်တာ မျိုးထွန်းနှင့် ညွန်ကြားရေးမှူး ဦးစိန်အုပ်၊ ပြည်နယ်ဒုတိယအထွေထွေ အုပ်ချုပ်ရေးဦးစီးဌာနတို့မှ ဆေးဂိုဒေါင်အား အလင်းရောင်ရရှိရေးနှင့် သံပန်းတခါးတပ်ဆင်ထားရန် ခွဲဝေချထားငွေမှ ပိုငွေကျပ်(၃)သိန်းအား  ဆေးဂိုဒေါင်အနီးရှိ ဓါတ်မီးတိုင်(၂)တိုင်ကို ပြောင်ရွေ့ပေးရန်တို့ကို မှာကြားခဲ့ကြပါသည်။

 

ထို့နောက် ဆက်လက်၍ ကဝိမွန်ကုမ္ပဏီမှ ဆောက်လုပ််လျက်ရှိသော လားရှိုးသူနာပြု/ သားဖွားဆောင် (၉၆+ ထ ၃ဝ+) × (၂ဝ+ ထ ၁၇+) သုံးထပ်ဆောင် သံကူကွန်ကရစ် အဆောက်အဦ ဆောက်လုပ်နေမှုကို လားရှိုးသူနာပြု/ သားဖွား ကျောင်းအုပ်ကြီး ဒေါ်နန်းအွမ်ခမ်းနှင့် တာဝန်ရှိသူတို့မှ လိုက်လံရှင်းလင်းပြသကြပါသည်။ ဆောက်လုပ်လျက်ရှိသော သုံးထပ်ဆောင်၏ ဝရန်တာများမှာ (၂+ ၉+)သာရှိ၍ အလွန်ကျဉ်မြောင်းနေကြောင်းကို  စစ်ဆေးတွေ့ရှိခဲ့ကြ၍ ကျန်းမာရေးဝန်ကြီးဌာန (ဆေးသိပ္ပံပညာဦးစီးဌာန)သို့ တင်ပြသွားရန် မှာကြားခဲ့ပါသည်။

 

နံနက်(၁ဝ၄ဝ)နာရီတွင် အမှတ်(၉) အခြေခံပညာအလယ်တန်းကျောင်းသို့ ရောက်ရှိပြီး ကျောင်းအုပ်ကြီး ဦးလွင်ထွန်းမှ ဆောက်လုပ်လျက်ရှိသော (၁၈ဝ+ ထ ၃ဝ+)အုတ်ညှပ်တစ်ထပ် ကျောင်းဆောင် အပြီးသတ်နိုင်ရေးအတွက် တင်ပြသဖြင့် လူမှုရေးဝန်ကြီး ဒေါက်တာမျိုးထွန်းမှ ကျောင်းအုပ်ကြီးနှင့် ကျောင်းအကျိုးတော်ဆောင်အဖွဲ့အား ဆက်လက်ဆောင်ရွက်ရမည့် ကိစ္စရပ်များကို မှာကြားခဲ့ပါသည်။

ဆက်လက်၍ အခြေခံပညာအမှတ်(၃) အထက်တန်းကျောင်းခွဲအား ဝင်ရောက်ကြည့်ရှုစစ်ဆေးရာတွင် ကျောင်းအုပ်ကြီး ဒေါ်နန်းမြင့်မြင့်ဦးမှ ကျောင်းအကျိုးတော်ဆောင်များဖြင့် ဆောက်လုပ်လျက်ရှိသောကျောင်းဆောင် အပြီးသတ်နိုင်ရေးအတွက် တင်ပြရာတွင် လူမှုရေးဝန်ကြီး ဒေါက်တာမျိုးထွန်းမှ လိုအပ်သည်များကို ရှင်းလင်းမှာကြား ခဲ့ပါသည်။

 

နံနက်(၁၁၁ဝ)နာရီတွင် အမှတ်(၁၇)အခြေခံပညာ မူလတန်းကျောင်းသို့ ရောက်ရှိကြပြီး ကျောင်းအုပ်ကြီးမှ ကျောင်းဝင်းအတွင်း ရေတိုက်စားလျက်ရှိသည့် နေရာနှင့် ကျောင်းခြံစည်းရိုးဝင်းအား လိုက်လံပြသကြပါသည်။ လူမှုရေးဝန်ကြီး ဒေါက်တာမျိုးထွန်းမှ ကျောင်းအုပ်ကြီး ဦးရဲနိုင်နှင့် ကျောင်းအကျိုးတော်ဆောင်များအား ဓါတ်ပုံမှတ်တမ်းများဖြင့် မြို့နယ်ပညာရေးမှူးမှတဆင့် ပြည်နယ်ပညာရေး ညွန်ကြားရေးမှူးထံ ဆက်လက်တင်ပြ ဆောင်ရွက်သွားရန် မှာကြားခဲ့ပါသည်။

 

ထို့နောက် ဆက်လက်၍ထွက်ခွာလာရာ နံနက်(၁၁၅ဝ)အချိန်တွင် လားရှိုး နည်းပညာ တက္ကသိုလ်သို့ ရောက်ရှိခဲ့ကြပါသည်။ လားရှိုးနည်းပညာတက္ကသိုလ် ကျောင်းအုပ်ကြီး ဒေါက်တာသန်းထိုက်မှ ကျောင်းဝင်းအတွင်း အသစ်ဆောက်လုပ်မည့် အလုပ်ရုံ(လက်တွေ့ဆင်းရန်) ဆောက်လုပ်မည့် မြေနေရာနှင့် ကျောင်းဝင်းမြေနေရာတို့ကို လိုက်လံရှင်းလင်းပြသခဲ့ပါသည်။ လူမှုရေးဝန်ကြီး ဒေါက်တာမျိုးထွန်းနှင့် ဦးစိန်အုပ်တို့မှ စည်းမျဉ်းစည်းကမ်းနှင့်အညီ တင်ဒါခေါ်ယူဆောင်ရွက်သွားရန်နှင့် ဆောက်လုပ်ရေးလုပ်ငန်းကော်မတီများ အသီးသီး ဖွဲ့စည်းရမည့် အခြေအနေများကို ရှင်းလင်းမှာကြားခဲ့ပါသည်။

 

ထို့နောက် လားရှိုးပညာရေးကောလိပ်သို့ ထွက်ခွာရာ နေ့လည်(၁၃၃ဝ)အချိန်တွင် ရောက်ရှိခဲ့ကြပြီး ခေတ္တကျောင်းအုပ်ကြီး ဦးစိုးသန်းမှ ကျောင်းမြေဧရိယာ အကျယ်အဝန်း ပုံစံ(၁ဝ၅)ရရှိရေးနှင့် ဆောက်လုပ်လျက်ရှိသော ကုမ္ပဏီများ၏ အခြေအနေများကို မြေပုံကားချပ်နှင့်တကွ ရှင်းလင်းတင်ပြခဲ့ပါသည်။ ထို့နောက် လုပ်ငန်းခွင်အတွင်းသို့ လိုက်လံပြသရာ လူမှုရေးဝန်ကြီး ဒေါက်တာမျိုးထွန်း၊ ဦးစိုင်းကြူ ပြည်နယ်လွတ်တော်ကိုယ်စားလှယ်နှင့် ညွန်ကြားရေးမှူး ဦးစိန်အုပ် ပြည်နယ်ဒုတိယအထွေထွေအုပ်ချုပ်ရေးဦးစီးဌာနတို့မှ လိုအပ်သည်များကို ရှင်းလင်းမှာကြားပြီး နေ့လည်(၁၄၃ဝ)အချိန်တွင် ပြန်လည်ထွက်ခွာခဲ့ကြပါသည်။

 

ထို့နောက် ညနေ(၁၆၄၅)အချိန်တွင် လားရှိုးမြို့မှ လေယာဉ်ဖြင့် ပြန်လည်ထွက်ခွာခဲ့ရာ ညနေ (၁၈၁၅)အချိန်တွင် ရုံးစိုက်ရာ တောင်ကြီးမြို့သို့ ပြန်လည်ရောက်ရှိခဲ့ပါကြောင်း သတင်းရရှိပါသည်။

 

၂၀၁၄-၂၀၁၅ ဘဏ္ဍာရေးနှစ်၊ မူလရသုံးခန့်မှန်းခြေငွေစာရင်းဆိုင်ရာ ညှိနှိုင်းအစည်းအဝေး ကျင်းပ

တောင်ကြီး   အောက်တိုဘာ  ၁၇

 1018

 

   ရှမ်းပြည်နယ် ၂၀၁၄-၂၀၁၅ ဘဏ္ဍာရေးနှစ်၊ မူလရသုံးခန့်မှန်းခြေငွေစာရင်းဆိုင်ရာ ညှိနှိုင်းအစည်းအဝေးကို အောက်တိုဘာ(၁၇)ရက်၊ နံနက်(၈)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ အဖွင့်အမှာစကား ပြောကြားပြီးနောက် ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်မှ ၂၀၁၄-၂၀၁၅ ဘဏ္ဍာရေးနှစ်၊ မူလရသုံးခန့်မှန်းခြေငွေစာရင်းဆိုင်ရာ ကိစ္စရပ်များနှင့် ပတ်သက်၍ ပြောကြားသည်။

 

   ဆက်လက်၍ ရှမ်းပြည်နယ်ရသုံးမှန်းခြေငွေစာရင်းဦးစီးဌာနမှ ညွှန်ကြားရေးမှူး ဒေါ်နန်းမိုခမ်းမှ ရှမ်းပြည်နယ်ဘဏ္ဍာရန်ပုံငွေတွင် ပါဝင်သောအဖွဲ့အစည်းများ၏ ၂၀၁၄-၂၀၁၅ ဘဏ္ဍာရေးနှစ်၊ ရသုံးမှန်းခြေငွေစာရင်း(ယာယီ)နှင့် ပတ်သက်၍ ဆွေးနွေးတင်ပြသည်။

 

   ထို့နောက် အထွေထွေ ဆွေးနွေးကြရာ ပြည်နယ်တရားလွှတ်တော် တရားသူကြီးချုပ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး၊ ပြည်နယ်ဘဏ္ဍာရေးနှင့် အခွန်ဝန်ကြီး၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီး၊ ပြည်နယ်သစ်တောနှင့် သတ္တုဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စည်ပင်သာယာရေးဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူးတို့မှ ဆွေးနွေး တင်ပြကြပြီး ပြည်နယ်အဆင့် ဌာနဆိုင်ရာများမှ ၂၀၁၄-၂၀၁၅ ဘဏ္ဍာရေးနှစ်၊ ရသုံးမှန်းခြေငွေစာရင်း(ယာယီ)နှင့် ပတ်သက်၍ အသီးသီး ဆွေးနွေးကြသည်။

 

   ၎င်းနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။ 

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူးနှင့် ပြည်နယ်အဆင့်ဌာနဆိုင်ရာ တာဝန်ရှိသူများ တက်ရောက်ကြကြောင်း သိရှိရသည်။

အပြည်ပြည်ဆိုင်ရာ သဘာဝဘေးလျော့ပါးရေးနေ့ကျင်းပ

တောင်ကြီး   အောက်တိုလာ  ၁၁

 

1013

 

၂ဝ၁၃ ခုနှစ်၊ အပြည်ပြည်ဆိုင်ရာ သဘာဝဘေးလျော့ပါးရေးနေ့အခမ်းအနားကို အောက်တိုဘာ(၁၁)ရက် မွန်းလွဲ(၃)နာရီက တောင်ကြီးမြို့၊ မြို့တော်ခန်းမ၌ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက်၍ အဖွင့်အမှာစကားပြောကြားသည်။

 

ဆက်လက်၍ ကုလသမဂ္ဂအထွေထွေအတွင်းရေးမှူးချုပ်၏ သဝဏ်လွာကို ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းက ဖတ်ကြားသည်။

 

ထို့နောက်အပြည်ပြည်ဆိုင်ရာသဘာဝဘေးလျော့ပါးရေးနေ့အထိမ်းအမှတ်ပန်းချီနှင့် စာစီစာကုံးပြိုင်ပွဲတွင် ဆုရရှိသူများအား ချီးမြှင့်ရာ ပထမ၊ ဒုတိယ၊ တတိယဆုရရှိသူများကို ပြည်နယ်ဝန်ကြီးချုပ် ဦးစဝ်အောင်မြတ် ပြည်နယ်တရားလွတ်တော် တရားသူကြီးချုပ်၊ ပြည်နယ်လူမှုရေးဝန်ကြီး၊ လူမှုကယ်ဆယ်ရေးနှင့်ပြန်လည်နေရာ ချထားရေးဦးစီးဌာနမှ ဦးစီးမှူးတို့က အသီးသီးဆုများချီးမြှင့်ပေးကြသည်။

 

အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရား လွတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ ပြည်နယ်/ခရိုင်၊ မြို့နယ်အဆင့်ဌာန ဆိုင်ရာ တာဝန်ရှိသူများ၊ ပြည်နယ်သဘာဝဘေးကာကွယ်စောင့်ရှောက်ရေးဦးစီးကော်မတီဝင်များနှင့် ဆပ်ကော်မတီ ဝင်များ၊ လူမှုရေးအသင်းအဖွဲ့များ၊ ဆုရကျောင်းသား/ကျောင်းသူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်းသိရှိရသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် UNDP မှ တာဝန်ရှိသူများ တွေ့ဆုံ

တောင်ကြီး   အောက်တိုဘာ  ၁၅

 

1017

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ ပြည်နယ်ဥပဒေချုပ် ဦးမောင်မောင်၊ အစိုးရအဖွဲ့ အတွင်းရေးမှူး ဦးသိန်းဦးတို့နှင့် အောက်တိုဘာ(၁၅)ရက်၊ မွန်းလွဲ(၂)နာရီက တောင်ကြီးမြို့၊ ရှမ်းပြည်နယ်ဝန်ကြီးချုပ်ရုံး၊ ဧည့်ခန်းမ၌ UNDP ၏ အကြံပေးပုဂ္ဂိုလ်များ ဖြစ်ကြသည့် Mr. John Tyynela ၊ Ms. Elaine Chan ၊ Ms. Swati Mehta နှင့် Ms. Mascha Mattews တို့မှ လာရောက်တွေ့ဆုံသည်။ 

 

   တွေ့ဆုံမှုတွင် UNDP အဖွဲ့မှ ဆွေးနွေးရာ တိုင်းရင်းသားနေထိုင်မှု ဓလေ့ရိုးရာနှင့် တရားဥပဒေစိုးမိုးရေး၊ တရားစီရင်ရေးဆိုင်ရာ ကိစ္စရပ်တို့ကို လေ့လာရန် လာရောက်ခြင်း ဖြစ်ကြောင်း ပြောကြားသွားသည်။ ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ ပြန်လည်ဆွေးနွေးရာ ရှမ်းပြည်နယ်၏ ရေမြေသဘာဝ၊ တိုင်းရင်းသားများနေထိုင်မှုနှင့် ရိုးရာဓလေ့ထုံးစံများ လိုက်လျောညီထွေစွာ နေထိုင်ကြကြောင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသနှင့် ရှမ်းပြည်နယ်(မြောက်ပိုင်း)၊ လားရှိုးဒေသသို့ သွားရောက်လေ့လာမည်ဆိုပါက သက်ဆိုင်ရာ ဌာနများကို ဆက်သွယ်အကြောင်းကြားပေးမည် ဖြစ်ကြောင်း ပြောကြားသည်။

 

အင်းလေးဖော်တော်ဦး ရုပ်ရှင်တော်မြတ်များ ညောင်ရွှေမြို့၊ အဌဒိဿဓမ္မဝိဟာရ ကျောင်းတော်ကြီးသို့ ကြွချီအပူဇော်ခံ

တောင်ကြီး   အောက်တိုဘာ  ၁၁

 

1012

 

   အင်းလေးဖော်တော်ဦး ရုပ်ရှင်တော်မြတ်များ ညောင်ရွှေမြို့၊ အဌဒိဿဓမ္မဝိဟာရ ကျောင်းတော်ကြီးသို့ ကြွချီအပူဇော်ခံခြင်း အခမ်းအနားကို အောက်တိုဘာ(၁၁)ရက်၊ နံနက်(၉)နာရီက ဖောင်တော်ပြန်ဧည့်ရိပ်သာတွင် ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အင်းတိုင်းရင်းသားရေးရာဝန်ကြီး၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့်ဌာနဆိုင်ရာ အကြီးအကဲများ၊ တိုင်းရင်းသားယဉ်ကျေးမှုအကအဖွဲ့များ၊ ဒေသခံပြည်သူများနှင့် ဘုရားဖူးလာ ဧည့်သည်တော်များ တက်ရောက်ကြသည်။

 

   အင်းလေးဖော်တော်ဦး ရုပ်ရှင်တော်မြတ်များသည် ဖော်တော်ဆိပ်ပြဿဒ်ဆောင်သို့ ကြွချီလာရာ ကရဝိတ်ဖော်တော်ပေါ်မှ ဘော်ယာဉ်ပေါ်သို့ ပင့်ဆောင်ရာ ပထမကိုယ်စားတော်မြတ်ကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဘဏ္ဍာရေးနှင့် အခွန်ဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စီမံကိန်းနှင့် စီးပွားရေးဝန်ကြီး၊ အင်းတိုင်းရင်းသားရေးရာဝန်ကြီးတို့က ပင့်ဆောင်၍ လည်းကောင်း၊ ဒုတိယကိုယ်စားတော်မြတ်ကို ပြည်နယ်တရားလွှတ်တော် တရားသူကြီးချုပ်၊ ပြည်နယ်စည်ပင်သာယာရေးဝန်ကြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်တို့က ပင့်ဆောင်၍ လည်းကောင်း၊ တတိယကိုယ်စားတော်မြတ်ကို ပြည်နယ်သစ်တောနှင့် သတ္တုဝန်ကြီး၊ ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်အဆင့် တာဝန်ရှိသူများက ပင့်ဆောင်၍ လည်းကောင်း၊ စတုတ္ထကိုယ်စားတော်မြတ်ကို ပြည်နယ်/ခရိုင်အဆင့်ဌာနဆိုင်ရာ တာဝန်ရှိသူများက အသီးသီး ပင့်ဆောင်ကြသည်။

 

   ထို့နောက် အင်းလေးဖော်တော်ဦး ရုပ်ရှင်တော်မြတ်များ ဘော်ယာဉ်ဖြင့် ကြချီရာ ဒေသခံပြည်သူများ၊ ဘုရားဖူးလာဧည့်ပရိတ်သတ်များက ဘော်ယာဉ်ကြိုးဆွဲ၍ ညောင်ရွှေမြို့တွင်းသို့ တစ်ပတ်လှည့်လည် အပူဇော်ခံသည်။ ဆက်လက်၍ ပြည်နယ်ဝန်ကြီးချုပ်နှင့် ဇနီး၊ တာဝန်ရှိသူတို့သည် ဖောင်တော်ပြန်ဧည့်ရိပ်သာသို့ ပြန်လည်ထွက်ခွာလာပြီး၊ အင်းသားရိုးရာလှေပြိုင်ပွဲ အမျိုးသား(၄၆)တက် အကြိုဗိုလ်လုပွဲ ပထမပွဲစဉ်အဖြစ် ရေသာကုန်းကျေးရွာအသင်းနှင့် အိုင်ထောင့်ကြီးကျေးရွာအသင်း၊ ဒုတိယပွဲစဉ်အဖြစ် ဝမ်းဘဲအင်းကျေးရွာအသင်းနှင့် ကေလာကျေးရွာ အသင်း၊ အမျိုးသားရာကျော်လှေ အကြိုဗိုလ်လုပွဲ ပထမပွဲစဉ်အဖြစ် အိုင်ထောင့်ကြီးကျေးရွာအသင်းနှင့် ရွှေပြည်သာတက်ကျေးရွာအသင်း၊ ဒုတိယပွဲစဉ်အဖြစ် လယ်သစ်(အ)ကျေးရွာနှင့် မင်းချောင်း(ရှေ့)ကျေးရွာအသင်း၊ အမျိုးသမီး(၂၆)တက် ဗိုလ်လုပွဲစဉ်အဖြစ် အိုင်ထောင့်ကြီးကျေးရွာအသင်းနှင့် မိုင်းသောက်ကျေးရွာအသင်းတို့ ယှဉ်ပြိုင်နေမှုကို ကြည့်ရှုအားပေးကြသည်။

 

   ၎င်းနောက် ဆုချီးမြှင့်ပွဲ ကျင်းပရာ အင်းသားရိုးရာဆွမ်းပို့လှေအဖွဲ့(၁) (၂) (၃)တို့အား ပြည်နယ်စာရင်းစစ်ချုပ်၊ ပြည်နယ်တရားလတ်တော် တရားသူကြီးချုပ်၊ ပြည်နယ်ဥပဒေချုပ်တို့က ဆုချီးမြှင့်၍ လည်းကောင်း၊ ယဉ်ကျေးမှုအဖွဲ့အား ပြည်နယ်စည်ပင်သာယာရေးဝန်ကြီးနှင့် လှေယာဉ်အဖွဲ့အား စစ်ဦးစီး ဗိုလ်မှူးကြီး မိုးကျော်သူ တို့က ချီးမြှင့်၍ လည်းကောင်း၊ အမျိုးသား(၄၆)တက် နှစ်သိမ့်ဆုရအသင်းအား ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီးတို့မှ လည်းကောင်း၊ အမျိုးသားရာကျော်လှေပြိုင်ပွဲ နှစ်သိမ့်ဆုရအသင်းကို ပြည်နယ်စိုက်ပျိုးရေးနှင့် မွေးမြူရေးဝန်ကြီး၊  ပြည်နယ်သစ်တောနှင့် သတ္တုဝန်ကြီးတို့မှ လည်းကောင်း၊  အမျိုးသမီး(၂၆)တက်လှေပြိုင်ပွဲ ပထမဆုနှင့် ဒုတိယဆုရအသင်းတို့ကို ရှမ်းပြည်နယ်ဝန်ကြီးချုပ် ဇနီး ဒေါ်ဖြူဖြူညွန့်မှ ဆုချီးမြှင့်၍ လည်းကောင်း၊ အမျိုးသား(၄၆)တက်လှေပြိုင်ပွဲ ပထမဆုရ အိုင်ထောင့်ကြီးအသင်းနှင့် ဒုတိယဆုရ ဝမ်းဘဲအင်းအသင်းတို့ကို ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်ဘဏ္ဍာရေးနှင့် အခွန်ဝန်ကြီးတို့မှ လည်းကောင်း၊ အမျိုးသားရာကျော်လှေပြိုင်ပွဲ ပထမဆုရ လယ်သစ်အောက်အသင်းနှင့် ဒုတိယဆုရ အိုင်ထောင့်ကြီးအသင်းတို့ကို ရှမ်းပြည်နယ်ဝန်ကြီးချုပ် ဦးစဝ်အောင်မြတ် တို့က ဆုများ အသီးသီး ချီးမြှင့်ပေးကြသည်။

 

   ယင်းနောက် ပြည်နယ်ဝန်ကြီးချုပ်နှင့် ဇနီး၊ တာဝန်ရှိသူတို့သည် ဖော်တော်ပြန်ဧည့်ရိပ်သာမှ အဌဒိဿဓမ္မဝိဟာရ ကျောင်းတော်ကြီးသို့ ရောက်ရှိပြီး ဆွမ်း၊ ဆီမီး၊ ပန်း၊ ရေချမ်းများ ဆက်ကပ်ပူဇော်ကြပြီး၊ စံကျောင်းတော်ကြီးတွင် ဆရာတော်၊ သံဃာတော်များမှ ဖောင်တော်ဦး ရုပ်ရှင်တော်မြတ်များအား ဆွမ်း၊ ဆီမီး၊ ပန်း၊ ရေချမ်းနှင့် ရွှေသင်္ကန်းများ ဆက်ကပ်ပူဇော်ကြသည်။

 

   ပြည်နယ်ဝန်ကြီးချုပ်နှင့် ဇနီး၊ တာဝန်ရှိသူတို့သည် ဖောင်တော်ဦး ရုပ်ရှင်တော်မြတ်များအား ရွှေသင်္ကန်း ဆက်ကပ်ပူဇော်ကြပြီးနောက် ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ တာဝန်ရှိသူတို့သည် ဆရာတော်၊ သံဃာတော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်းကြကြောင်း သတင်းရရှိသည်။

 

More Articles...

  1. ရှမ်းပြည်နယ် (၂၀)ကြိမ်မြောက် မြန်မာ့တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် ဒုတိယအကြိမ် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲကျင်းပ
  2. ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ အစည်းအဝေး အမှတ်စဉ်(၁/၂၀၁၃) ကျင်းပ
  3. ပြည်နယ်ဝန်ကြီး ဦးအောင်ကျော်ညွန့်၊ သမဝါယမ စာရင်းရေး၊ စာရင်းကိုင်၊ စာရင်းစစ်သင်တန်း သင်တန်းဆင်းပွဲသို့ တက်ရောက်
  4. ပြည်နယ်ဝန်ကြီး ဦးစိုင်းလှဝင်း တောင်ကြီးမြို့ပေါ်ရှိ ရေထွက်/ရေကန်များ၏ ရေစုဆောင်းထားရှိမှု အခြေအနေ ကွင်းဆင်းကြည့်ရှုစစ်ဆေး
  5. Taunggyi Lifestyle & Ladies Products Expo 2013 ကုန်စည်ပြပွဲ ဖွင့်ပွဲကျင်းပ
  6. ရှမ်းပြည်နယ်အစိုးရအဖွဲ့နှင့် AMATA ကုမ္ပဏီအဖွဲ့ တွေ့ဆုံ
  7. သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့၏ (၅/၂၀၁၃)ကြိမ်မြောက် လုပ်ငန်းညှိနှိုင်းအစည်းအဝေးပြုလုပ်ခြင်း
  8. အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနား ကျင်းပ
  9. မြန်မာနိုင်ငံရဲတပ်ဖွဲ့ (၄၉)နှစ်မြောက်၊ နှစ်ပတ်လည်နေ့ ကျင်းပ
  10. တောင်ကြီးတက္ကသိုလ် (၃)ထပ်စာသင်ဆောင်(၃)လုံး ထပ်မံတည်ဆောက်ရန်အတွက် ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် တင်ဒါရွေးချယ်အောင်မြင်ခဲ့သော ကုမ္ပဏီများ တွေ့ဆုံမိတ်ဆက်ခြင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 122 guests and no members online