သတင်းများ

ရှမ်းပြည်နယ်အစိုးရအဖွဲ့၊ တောင်ကြီးမြို့နယ်အတွင်းရှိ ဒေသဖွံ့ဖြိုးရေးအတွက် ကော်မတီများနှင့် တွေ့ဆုံ

တောင်ကြီး   ဇန်နဝါရီ   ၁၀

 

008

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီများသည် တောင်ကြီးမြို့နယ်အတွင်းရှိ ဒေသဖွံ့ဖြိုးရေးအတွက် မြို့နယ်အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီများ၊ မြို့မိမြို့ဖများ၊ ရပ်ကွက်/ကျေးရွာထောက်အကူပြုကော်မတီများနှင့် တွေ့ဆုံပွဲကို ဇန်နဝါရီ(၁၀)ရက်၊ မွန်းလွဲ(၁)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် "ရှမ်းပြည်နယ်တွင် အဓိကကျသည့် ရပ်ကွက်/ကျေးရွာအထောက်အကူပြုကော်မတီများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ မြို့နယ်အဆင့်ဖွံ့ဖြိုးတိုးတက်ရေး အထောက်အကူပြုကော်မတီ၊ စည်ပင်သာယာရေးကော်မတီနှင့် မြို့နယ်စီမံခန့်ခွဲမှုကော်မတီ၊ ခရိုင်စီမံခန့်ခွဲမှုကော်မတီ၊ ပြည်နယ်အဆင့်ဌာနဆိုင်ရာ အကြီးအမှူးများအားလုံးကို ကော်မတီစနစ်နှင့် နိုင်ငံတော်အုပ်ချုပ်ရေးပိုင်းဆိုင်ရာ ပြောင်းလဲမှုအခြေအနေအရ လုပ်ငန်းများကို ဆောင်ရွက်သည့်အခါ တွေ့ရှိရသည့် အခက်အခဲများနှင့် ဖြေရှင်းရန်ကျန်ရှိသည့် ကိစ္စရပ်များကို ယနေ့တွေ့ဆုံပွဲတွင် သက်ဆိုင်ရာ အထောက်အကူပြုကော်မတီ အသီးသီးမှ တင်ပြဆွေးနွေးချက်များကို အခြားစီမံခန့်ခွဲရေးကော်မတီများကလည်း ပြန်လည်ဖြေရှင်းရန်အတွက် ကိစ္စရပ်များကို ချက်ချင်းဆောင်ရွက်ရန် မှတ်တမ်းတင်ထားရှိပြီး၊ စဉ်ဆက်မပြတ် ဆောင်ရွက်ရမည့် ကိစ္စရပ်များကို သိရှိနိုင်ရန်အတွက် ဆောင်ရွက်ရသော အခမ်းအနားဖြစ်ကြောင်း"ပြောကြားသွားသည်။

 

   ဆက်လက်၍ တောင်ကြီးမြို့နယ်ဖွံ့ဖြိုးရေး အထောက်အကူပြုကော်မတီ၊ အတွင်းရေးမှူး ဦးမောင်မောင်မြင့်၊ ဥက္ကဌ ဦးစိုင်းအောင်ဆာ၊ အဖွဲ့ဝင် ဦးစိုင်းအုန်းခေါင်တို့က ဒေသဖွံ့ဖြိုးရေး ကိစ္စရပ်များကို ဆွေးနွေးတင်ပြ၍ လည်းကောင်း၊ တောင်ကြီးမြို့နယ် စည်ပင်သာယာရေးကော်မတီ ဥက္ကဌ ဦးစွန်ကြိုင်မှ စည်ပင်သာယာရေးကော်မတီ ဖွဲ့စည်းမှုနှင့် စျေး၊ ရေ၊ မီး၊ လမ်း ကိစ္စရပ်များနှင့် ပတ်သက်၍ ရှင်းလင်းဆွေးနွေး၍ လည်းကောင်း၊ တောင်ကြီးမြို့နယ် စည်ပင်သာယာရေးကော်မတီ အတွင်းရေးမှူး ဦးစိုးနိုင်ဦး၊ တောင်ကြီးမြို့နယ်စည်ပင်သာယာရေး အမှုဆောင်အရာရှိမှ စည်ပင်သာယာရေး ဆောင်ရွက်ချက်များကို ရှင်းလင်း၍ လည်းကောင်း၊ တောင်ကြီးမြို့နယ် လုံခြုံရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေးလုပ်ငန်းကော်မတီ အတွင်းရေးမှူး ရဲမှူး ဦးမောင်မောင်ဝင်းတို့မှ အသီးသီး ရှင်းလင်းတင်ပြကြသည်။

 

   ထို့နောက် တောင်ကြီးမြို့နယ် မြေအသုံးချမှုစီမံခန့်ခွဲရေးကော်မတီနှင့် လယ်ယာမြေစီမံခန့်ခွဲမှုအဖွဲ့တို့က လယ်ယာမြေ ကိစ္စရပ်များနှင့် ပတ်သက်၍ ဆွေးနွေးတင်ပြကြပြီး၊ တောင်ကြီးမြို့နယ် ရပ်ကွက်/ကျေးရွာအုပ်စုဖွံ့ဖြိုးတိုးတက်ရေး အထောက်အကူပြုကော်မတီများ၊ မြေအသုံးချမှုစီမံခန့်ခွဲရေးကော်မတီများ၊ လယ်ယာမြေစီမံခန့်ခွဲမှုအဖွဲ့များက ဆွေးနွေးတင်ပြကြသည်။

၎င်းနောက် အခမ်းအနားသို့ တက်ရောက်လာကြသည့် ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ ဒေသဖွံ့ဖြိုးရေး အထောက်အကူပြုကော်မတီများက ရေရရှိရေး၊ လမ်းကောင်းမွန်ရေး၊ ကျန်းမာရေး၊ ပညာရေးစသည့် ကိစ္စရပ်များကို အထွေထွေ ဆွေးနွေး တင်ပြကြသည်။

 

   ယင်းနောက် ကော်မတီ အသီးသီးမှ ဆွေးနွေးတင်ပြချက်များကို ပြည်နယ်အဆင့်ဌာနဆိုင်ရာ တာဝန်ရှိသူများ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများက မိမိတို့နှင့် သက်ဆိုင်သည့် ကဏ္ဍများအလိုက် ပြန်လည်ဖြည့်ဆည်း ရှင်းလင်းပြပြီး၊ တောင်ကြီးမြို့ပေါ် ကတ္တရာလမ်း  (၁၇)လမ်း ဆောင်ရွက်ရန်အတွက် ရှမ်းပြည်နယ်အစိုးရအဖွဲ့မှ ထောက်ပံ့သော (၂၀၄.၃၇)တန် ခန့်မှန်းတန်ဖိုး (၁၅၁၂.၃၃၈)သိန်းအား ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်က ပေးအပ်ရာ တောင်ကြီးမြို့နယ် စည်ပင်သာယာရေးကော်မတီ ဥက္ကဌ ဦးစွန်ကြိုင်မှ လက်ခံရယူသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ကော်မတီ အသီးသီး၏ ဆွေးနွေးတင်ပြချက်အပေါ် လိုအပ်သည်များကို ဖြည့်ဆည်းမှာကြားပြီး နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီများ၊ မြို့နယ်စည်ပင်သာယာရေးကော်မတီများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများနှင့် ကော်မတီများ၊ ဒေသခံမိဘပြည်သူများ တက်ရောက်ကြကြောင်း သိရှိရသည်။

 

"ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ" အစည်းအဝေး အမှတ်စဉ် (၁/၂၀၁၄) နှင့် "ရှမ်းပြည်နယ်လယ်ယာမြေစီမံခန့်ခွဲမှုအဖွဲ့" အစည်းအဝေး အမှတ်စဉ် (၂/၂၀၁၄) ကျင်းပ

တောင်ကြီး   ဇန်နဝါရီ   ၀၉

 

007

 

   ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ် (၁/၂၀၁၄) နှင့် ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၄) အခမ်းအနားကို ဇန်နဝါရီ(၉)ရက်၊ မွန်းလွဲ(၁)နာရီက တောင်ကြီးမြို့၊ ရှမ်းပြည်နယ်အစိုးရရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်က အဖွင့်အမှာစကား ပြောကြားသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှ လုပ်ငန်းဆောင်ရွက်မှု အခြေအနေများ ဆွေးနွေးတင်ပြသည်။

 

   ထို့နောက် ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ် (၁/၂၀၁၄) တင်ပြချက်များနှင့် ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၄) တင်ပြချက်များအား ဆွေးနွေးဆုံးဖြတ်ကြသည်။

 

   ၎င်းနောက် အခမ်းအနား တက်ရောက်လာသူများမှ အထွေထွေ ဆွေးနွေးတင်ပြပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်ဝန်ကြီးချုပ်၊ ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ်လယ်ယာမြေစီမံခန့်ခွဲမှုအဖွဲ့ ဥက္ကဌ ဦးစဝ်အောင်မြတ်၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ အစိုးရအဖွဲ့ အတွင်းရေးမှူး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌ၊ ပြည်နယ်မြေအသုံးချမှုစီမံခန့်ခွဲရေးကော်မတီများ တက်ရောက်ကြကြောင်း သိရှိရသည်။

 

၂၀၁၃-၂၀၁၄ ပညာသင်နှစ်၊ ရှမ်းပြည်နယ် ပညာရေးစုံညီပွဲတော် ဖွင့်ပွဲ ကျင်းပ

တောင်ကြီး   ဇန်နဝါရီ   ၀၃

 

004

 

   ရှမ်းပြည်နယ်၊ ၂၀၁၃-၂၀၁၄ ပညာသင်နှစ်၊ ပညာရေးစုံညီပွဲတော် ဖွင့်ပွဲ အခမ်းအနားကို ဇန်နဝါရီလ(၃)ရက်၊ နံနက်(၉)နာရီခွဲက တောင်ကြီးမြို့၊ အမှတ်(၅) အခြေခံပညာအထက်တန်းကျောင်း၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်ပညာရေး ညွှန်ကြားရေးမှူး ဦးချစ်ဆွေတို့က ဖဲကြိုးဖြတ် ဖွင့်လှစ်ပေးကြသည်။

 

   ထို့နောက် ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများနှင့် တာဝန်ရှိသူများက ကျောင်းသား/ကျောင်းသူများ၏ ဘင်ခရာ၊ ပန်းဖွား၊ ရိုးရာအက၊ ကာယလှုပ်ရှား စွမ်းရည်ပြသနေမှုအား ကြည့်ရှုပြီး ပညာရေးစုံညီပွဲတော် ပြခန်းများအား လှည့်လည်ကြည့်ရှုကာ အမှတ်(၅) အခြေခံပညာအထက်တန်းကျောင်း၊ စိန်မြင့်မိုရ်ခန်းမ၌ ဆက်လက်ကျင်းပရာ ကျောင်းသား/ကျောင်းသူလေးများက "စုံညီပွဲတော်တို့နွှဲပျော်"သီချင်း သီဆို၍ အခမ်းအနား ဖွင့်လှစ်ပြီး ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားသည်။

 

   ဆက်လက်၍ ပြည်နယ်ပညာရေး ညွှန်ကြားရေးမှူး ဦးချစ်ဆွေက ပညာရေး ပြုပြင်ပြောင်းလဲမှု လုပ်ငန်းဆိုင်ရာ ကိစ္စရပ်များ ရှင်းလင်းပြောကြားကာ ၂၀၁၂-၂၀၁၃ ပညာသင်နှစ်၊ ပြည်နယ်/ခရိုင်/မြို့နယ်အဆင့် အထက်တန်းမှ မူလတန်းအထိ လူရည်ချွန်ဆုရ ကျောင်းသား/ကျောင်းသူများနှင့် ဘက်စုံပညာရည်ချွန်ဆု၊ စာစီစာကုံး၊ ကဗျာစသည့် ဆုရရှိသော ကျောင်းသား/ကျောင်းသူများနှင့် ဆုရ ဆရာ/ဆရာမများကို ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့က ဆုများ အသီးသီး ချီးမြှင့်ပေးအပ်ကြသည်။

 

   ယင်းနောက် ပညာရေးစုံညီပွဲတော်အတွက် ရှမ်းပြည်နယ်အစိုးရအဖွဲ့မှ အလှူငွေ ကျပ်သိန်း(၁၀၀)ကို ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ပေးအပ်ရာ ပြည်နယ်ပညာရေး ညွှန်ကြားရေးမှူး ဦးချစ်ဆွေက လက်ခံရယူသည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူးနှင့် ပြည်နယ်/ခရိုင်/မြို့နယ်အဆင့် ဌာနဆိုင်ရာများနှင့် ကျောင်းအုပ်ဆရာမကြီးများ၊ ကျောင်းသား/ကျောင်းသူများ၊ မိဘများ၊ တာဝန်ရှိသူများ တက်ရောက်ကြကြောင်း သတင်းရရှိပါသည်။

 

ပြည်ထောင်စုသမ္မတမြန်မာနိုင်ငံ အိုလံပစ်ကော်မတီ ဒုတိယဥက္ကဌ၊ အားကစားဝန်ကြီးဌာန၊ ဒုတိယဝန်ကြီး ရှမ်းပြည်နယ်အား/ကာသိပ္ပံကျောင်း တည်ဆောက်မည့်နေရာ ကြည့်ရှုစစ်ဆေး

တောင်ကြီး   ဇန်နဝါရီ  ၀၈

 

006

 

   ပြည်ထောင်စုသမ္မတမြန်မာနိုင်ငံ အိုလံပစ်ကော်မတီ ဒုတိယ ဥက္ကဌ၊ အားကစားဝန်ကြီးဌာန၊ ဒုတိယဝန်ကြီး ဦးဇော်ဝင်းသည် ဇန်နဝါရီ(၈)ရက်၊ ညနေ(၃)နာရီက တောင်ကြီးမြို့နယ်၊ အေးသာယာမြို့၊ သစ်ပင်ထောင်ကျေးရွာ အနီးရှိ ရှမ်းပြည်နယ်အားကစားနှင့် ကာယသိပ္ပံကျောင်း  တည်ဆောက်မည့် အဆောက်အဦ မြေနေရာတို့ကို လာရောက် ကြည့်ရှုစစ်ဆေးရာ ရှင်းလင်းဆောင်ခန်းမ၌ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ပြည်နယ်အားကစားနှင့် ကာယပညာဦစီးဌာန၊ ပြည်နယ်မှူးတို့က လိုက်လံ ရှင်းလင်းပြသခဲ့ကြောင်း သိရှိရသည်။

 

ပညာရေးဝန်ကြီးဌာန၊ ပညာရေးမြှင့်တင်မှုလုပ်ငန်းများ ထိရောက်စွာ အကောင်အထည်ဖော်နိုင်ရေးအတွက် ပြည်နယ်အဆင့် လက်တွေ့ကျသော ပညာရေးပြုပြင်ပြောင်းလဲမှု ဆွေးနွေးပွဲ

တောင်ကြီး   ဒီဇင်ဘာ  ၂၉

 

002

 

   (၂၉-၁၂-၂၀၁၃)ရက်၊ တနင်္ဂနွေနေ့၊ မွန်းလွဲ(၁)နာရီအချိန်တွင် တောင်ကြီးတက္ကသိုလ်၊ ဘက်စုံခန်းမ၌ ကျင်းပပြုလုပ်သော "ပညာရေးဝန်ကြီးဌာန၊ ပညာရေးမြှင့်တင်မှုလုပ်ငန်းများ ထိရောက်စွာ အကောင်အထည်ဖော်နိုင်ရေးအတွက် ပြည်နယ်အဆင့် လက်တွေ့ကျသော ပညာရေးပြုပြင်ပြောင်းလဲမှု ဆွေးနွေးပွဲ" အခမ်းအနားသို့ ရှမ်းပြည်နယ်တရားလွှတ်တော် တရာသူကြီးချုပ် ဦးကြွယ်ကြွယ်၊ ရှမ်းပြည်နယ်အစိုးရအဖွဲ့ဝင်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ ရှမ်းပြည်နယ်လွှတ်တော် ကိုယ်စားလှယ်များ၊ ဌာနဆိုင်ရာ အကြီးအကဲများ၊ အစိုးရမဟုတ်သော အဖွဲ့အစည်းများမှ ကိုယ်စားလှယ်များ၊ တောင်ကြီးတက္ကသိုလ် ပါမောက္ခချုပ်၊ ကွန်ပျူတာတက္ကသိုလ် ပါမောက္ခချုပ်၊ နည်းပညာတက္ကသိုလ် ပါမောက္ခချုပ်၊ ပညာရေးကောလိပ် ကျောင်းအုပ်ကြီး၊ တက္ကသိုလ်များမှ ဆရာ/ဆရာမများ၊ အခြေခံပညာမှ ဆရာ/ဆရာမများ၊ ကျောင်းသား/သူများနှင့် စိတ်ပါဝင်စားကြသူများ တက်ရောက်ခဲ့ကြသည်။

 

   ဆွေးနွေးပွဲ အခမ်းအနားတွင် တောင်ကြီးတက္ကသိုလ် ပါမောက္ခချုပ် ဒေါက်တာမူမူမြင့်မှ "အဆင့်မြင့်ပညာရေး ရည်မှန်းချက်၊ မူဝါဒလုပ်ငန်းစဉ်များ"ကဏ္ဍကို လည်းကောင်း၊ ကွန်ပျူတာတက္ကသိုလ် ပါမောက္ခချုပ် ဒေါက်တာနန်းဆီခမ်းမှ "အမျိုးသားပညာရေး ဥပဒေနှင့် ဆက်စပ်ဥပဒေများ" ကဏ္ဍကို လည်းကောင်း၊ နည်းပညာတက္ကသိုလ် ပါမောက္ခချုပ် ဒေါက်တာစန်းစန်းရီမှ "တက္ကသိုလ်များ စုစည်းရေး" ဆွေးနွေးခြင်းကဏ္ဍကို လည်းကောင်း၊ ပညာရေးကောလိပ် ကျောင်းအုပ်ကြီး ဒေါ်နန်းဖြူဖောင်းမှ "အခြေခံပညာရေး လုပ်ငန်းဆိုင်ရာ ရည်မှန်းချက်နှင့် မူဝါဒများ" ကဏ္ဍကို လည်းကောင်း မူကြမ်းများကို အသီးသီး ဖတ်ကြားတင်ပြခဲ့ကြပါသည်။

 

   ထို့နောက် ဆွေးနွေးပွဲသို့ တက်ရောက်ခဲ့ကြသော ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ ပြည်နယ်လူမှုဝန်ထမ်းမှ လက်ထောက်ညွှန်ကြားရေးမှူး ဦးတင်အောင်ရီ၊ တောင်ကြီးမြို့နယ် အထွေထွေအုပ်ချုပ်ရေးမှူး ဦးဇော်မြင့်သိန်း၊ ပင်လုံမြို့နယ်ခွဲ အထွေထွေအုပ်ချုပ်ရေးမှူး၊ ဓနုယဉ်ကျေးမှုအသင်းမှ အဖွဲ့ဝင်တစ်ဦး၊ အထက(၄)မှ ကျောင်းဆရာမတစ်ဦး၊ နည်းပညာတက္ကသိုလ်မှ ကျောင်းဆရာမတစ်ဦးတို့မှ ကဏ္ဍအသီးသီးတွင် ပါဝင်ဆွေးနွေးပေးခဲ့ကြပါသည်။

 

   ထိုသို့ ပါဝင်ဆွေးနွေးခဲ့မှုအပေါ် ပြည်နယ်လူမှုရေးဝန်ကြီး ဒေါက်တာမျိုးထွန်း၊ တက္ကသိုလ် ပါမောက္ခချုပ်များ ဖြစ်ကြသော ဒေါက်တာမူမူမြင့်၊ ဒေါက်တာနန်းဆီခမ်း၊ ဒေါက်တာစန်းစန်းရီ၊ ကျောင်းအုပ်ကြီး ဒေါ်နန်းဖြူဖောင်းနှင့် အေးသာယာနည်းပညာတက္ကသိုလ်မှ ဆရာတစ်ဦး၊ ပင်လုံနည်းပညာတက္ကသိုလ်မှ ဆရာတစ်ဦးတို့မှ ကဏ္ဍအသီးသီးအလိုက် ပြန်လည်ရှင်းလင်း ဆွေးနွေးပေးခဲ့ကြပါသည်။

 

   ဆက်လက်၍ ပြည်နယ်လူမှုရေးဝန်ကြီး ဒေါက်တာမျိုးထွန်းမှ ယခု ဆွေးနွေးတင်ပြချက်များ/ အကြံပြုချက်များကို စုစည်းပြီး ပညာရေးမြှင့်တင်မှု အကောင်အထည်ဖော်ရေး လုပ်ငန်းအဖွဲ့သို့ ဆက်လက်ပေးပို့သွားမည် ဖြစ်ကြောင်းနှင့် အခြေခံပညာကဏ္ဍ၌ မကြာမီ ဆောင်ရွက်ပေးမည့် ရှမ်းပြည်နယ်အတွင်း နေ့စားလပေး မူလတန်းဆရာ/ဆရာမများ ခန့်ထားရေးကိစ္စနှင့် စပ်လျဉ်း၍ အသိပေးရှင်းလင်း ပြောကြားပြီး ဆွေးနွေးပွဲ အခမ်းအနားကို ညနေ(၄:၃၀)အချိန်တွင် ရုပ်သိမ်းခဲ့ကြောင်း သတင်းရရှိပါသည်။

 

ရှမ်းပြည်နယ်အစိုးရအဖွဲ့မှ ဒေသဖွံ့ဖြိုးတိုးတက်ရေးအတွက် ထောက်ပံ့ငွေပေးအပ်ခြင်း အခမ်းအနား ကျင်းပ

တောင်ကြီး   ဇန်နဝါရီ   ၀၇

 

005

 

   ရှမ်းပြည်နယ်အစိုးရအဖွဲ့မှ ဒေသဖွံ့ဖြိုးတိုးတက်ရေးအတွက် ထောက်ပံ့ငွေပေးအပ်ခြင်း အခမ်းအနားကို ဇန်နဝါရီ(၇)ရက်၊ နံနက်(၁၀)နာရီခွဲက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ အဖွင့်အမှာစကား ပြောကြားပြီး၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ဒေသဖွံ့ဖြိုးတိုးတက်ရေးအတွက် ထောက်ပံ့ငွေပေးအပ်ခြင်းနှင့် ပတ်သက်၍ ရှင်းလင်းဆွေးနွေး ပြောကြားသည်။

 

   ဆက်လက်၍ ရှမ်းပြည်နယ်အစိုးရအဖွဲ့မှ တောင်ကြီးခရိုင်စီမံခန့်ခွဲမှုကော်မတီသို့ ဒေသဖွံ့ဖြိုးတိုးတက်ရေးအတွက် ထောက်ပံ့ငွေ ကျပ်သိန်း (၅၃၀)ကို ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ပေးအပ်ရာ တောင်ကြီးခရိုင်အုပ်ချုပ်ရေးမှူး ဦးတင်ဝင်းရွှေမှ လက်ခံရယူ၍ လည်းကောင်း၊ လွိုင်လင်ခရိုင်စီမံခန့်ခွဲမှုကော်မတီသို့ ဒေသဖွံ့ဖြိုးတိုးတက်ရေးအတွက် ထောက်ပံ့ငွေ ကျပ်သိန်း (၁၆၀၀)ကို လွိုင်လင်ခရိုင်အုပ်ချုပ်ရေးမှူး ဦးမိုးဟိန်းမှ လက်ခံရယူ၍ လည်းကောင်း၊ တောင်ကြီးမြို့နယ်စည်ပင်သာယာရေးကော်မတီသို့  ဒေသဖွံ့ဖြိုးတိုးတက်ရေးအတွက် ထောက်ပံ့ငွေ ကျပ်သိန်း (၂၀၀၀)ကို ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ပေးအပ်ရာ တောင်ကြီးမြို့နယ်စည်ပင်သာယာရေးကော်မတီ ဥက္ကဌ ဦးစွန်ကြိုင်မှ လက်ခံရယူပြီးနောက် ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ နိဂုံးချုပ် အမှာစကား ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး၊ ပြည်နယ်ဘဏ္ဍာရေးဝန်ကြီး၊ အစိုးရအဖွဲ့ အတွင်းရေးမှူး၊ ပြည်နယ်စည်ပင်သာယာရေး ညွှန်ကြားရေးမှူး၊ တောင်ကြီး/လွိုင်လင်ခရိုင်တို့မှ စီမံခန့်ခွဲမှုကော်မတီများ၊ မြို့နယ်စည်ပင်သာယာရေးကော်မတီများ တက်ရောက်ကြကြောင်း သိရှိရသည်။

 

ပြည်နယ်လူမှုရေးဝန်ကြီး ဒေါက်တာမျိုးထွန်း၏ ကျန်းမာရေးကဏ္ဍ လှုပ်ရှားဆောင်ရွက်ခဲ့မှုများ

တောင်ကြီး   ဒီဇင်ဘာ   ၂၈

 

001

 

   (၂၈-၁၂-၂၀၁၃)ရက်နေ့၊ နံနက်(၆)နာရီအချိန်တွင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦး၊ စဝ်စံထွန်းဆေးရုံကြီးမှ မျက်စိ၊ သွား အထွေထွေရောဂါကု ဆရာဝန်ကြီးများ၊ မြို့နယ် ဆရာဝန်ကြီးများ၊ တိုင်းရင်းဆေးကု ဆရာများ လိုက်ပါလျက် ပြည်နယ်ပြည်ထောင်စုကြံ့ခိုင်ရေး အဖွဲ့ဝင်များ၊ ရာစုသစ်သွေးလှူရှင် အသင်းဝင်များ ပူးပေါင်းပါဝင်ပြီး တောင်ကြီးခရိုင်၊ ပင်လောင်းမြို့နယ်၊ တီကျစ်ကျေးရွာအုပ်စု၊ မြင်းတွင်းကျေးရွာအုပ်စု၊ ဘန်းပြင်ကျေးရွာအုပ်စု၊ ကြိမ်ခင်းကျေးရွာအုပ်စု၊ လုံးပိုးကျေးရွာအုပ်စု၊ လွယ်မောကျေးရွာအုပ်စု၊ နန်းတလင်းကျေးရွာအုပ်စု၊ ပေါ့ယားကျေးရွာအုပ်စု၊ ပေါ့အင်ကျေးရွာအုပ်စုတို့ရှိ ရွာပေါင်း (၁၀၀)တွင် နေထိုင်ကြသော ဒေသခံကျေးရွာများရှိ ပြည်သူစုစုပေါင်း (၁၄၃၄)ဦးနှင့် အရေးပေါ်ခွဲစိပ်ရမည့် လူနာအမျိုးသမီးတစ်ဦးအား တောင်ကြီးမြို့၊ စဝ်စံထွန်းဆေးရုံတွင် ခွဲစိတ်ကုသနိုင်ရေးတို့အတွက် ကွင်းဆင်းပြီး အခမဲ့ ကျန်းမာရေးစောင့်ရှောက်မှုများ ဆောင်ရွက်ပေးခဲ့ကြပါသည်။

 

   (၂၉-၁၂-၂၀၁၃)ရက်နေ့၊ နံနက်(၉)နာရီအချိန်တွင် မြန်မာနိုင်ငံဆရာဝန်အသင်း (တောင်ကြီး)၌ ကျင်းပပြုလုပ်သော မြန်မာနိုင်ငံတွင် မိခင်နှင့် မွေးကင်းစကလေး မေးခိုင်ရောဂါကင်းဝေးသည့် အခြေအနေကို ဆက်လက်ထိန်းသိမ်းနိုင်ရန် အစုလိုက် အပိုဆောင်း မေးခိုင်ရောဂါ ကာကွယ်ဆေးထိုးနှံခြင်း(၂၀၁၄) ပြည်နယ်အဆင့် အသိပေးဆွေးနွေးပွဲ အခမ်းအနားသို့ တက်ရောက်ပြီး အဖွင့်မိန့်ခွန်း ပြောကြားပေးခဲ့ပါသည်။

 

   မြန်မာနိုင်ငံတွင် မိခင်နှင့် မွေးကင်းစကလေး မေးခိုင်ရောဂါဖြစ်ပွားမှုကို လျော့နည်းကျဆင်းစေရန် (၁၉၉၇)ခုနှစ်မှ စတင်ဆောင်ရွက်ခဲ့ပြီး၊ အရှင်မွေးကလေး (၁၀၀၀)လျှင် တစ်ယောက်အောက် လျော့နည်းအောင် ရည်မှန်းချက်ထား ဆောင်ရွက်ခဲ့ရာ (၂၀၁၀)ခုနှစ်၊ မေလ(၁၈)ရက်နေ့တွင် မြန်မာနိုင်ငံ၌ မိခင်နှင့် မွေးကင်းစကလေး မေးခိုင်ရောဂါသည် ပြည်သူ့ကျန်းမာရေးပြဿနာအဖြစ်မှ ကင်ဝေးကြောင်း ကမ္ဘာသို့ ကြေညာနိုင်ခဲ့ကြောင်းလည်း သိရှိရပါသည်။

 

   ထိုသို့ ကင်းဝေးသည့် အခြေအနေကို ဆက်လက်ထိန်းသိမ်းနိုင်ရန်အတွက် နည်းဗျူဟာ (၄)ရပ် ချမှတ်၍ ဆောင်ရွက်ပေးလျက်ရှိပြီး၊ အသက်(၁၅)နှစ်မှ (၄၅)နှစ်အရွယ် အမျိုးသမီးများအား မေးခိုင်ရောဂါကာကွယ်ဆေး (၃)ကြိမ် အစုလိုက် အပိုဆောင်း ထိုးပေးမည့် အစီအစဉ်ကို (၂၀၁၄)ခုနှစ်၊ ဇန်နဝါရီလ၊ ဖေဖော်ဝါရီလနှင့် သြဂုတ်လတို့တွင် (၃)ကြိမ် ကာကွယ်ဆေးထိုးနှံပေးသွားမည် ဖြစ်ကြောင်းကိုလည်း သတင်းရရှိပါသည်။

 

(၆၆)နှစ်မြောက် လွတ်လပ်ရေးနေ့ အလံတင် အခမ်းအနား နှင့် သဝဏ်လွှာဖတ်ပွဲ အခမ်းအနား ကျင်းပ

တောင်ကြီး   ဇန်နဝါရီ   ၀၄

 

005

 

   ရှမ်းပြည်နယ်၌ (၆၆)နှစ်မြောက် လွတ်လပ်ရေးနေ့ အလံတင် အခမ်းအနားကို ဇန်နဝါရီ(၄)ရက်၊ နံနက်(၄)နာရီ မိနစ်(၂၀)က တောင်ကြီးမြို့၊ အဝေရာမီးပုံပျံကွင်း၌  ကျင်းပရာ ပြည်နယ်အရံတပ်ခွဲမှူး ဒုတိယရဲမှူးကြီးမှ ပြည်ထောင်စုသမ္မတမြန်မာနိုင်ငံတော် အလံအား တိုင်အပြည့်လွှင့်ထူပေးပြီးနောက် တာဝန်ရှိသူများမှ နိုင်ငံတော်အလံအား အလေးပြုကြသည်။ အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများ၊ မြန်မာနိုင်ငံရဲတပ်ဖွဲ့မှ တာဝန်ရှိသူများနှင့် ရပ်/ကျေး အုပ်ချုပ်ရေးမှူးများ၊ ဒေသခံပြည်သူများ တက်ရောက်ကြကြောင်း သိရှိရသည်။

 

   ဆက်လက်၍ သဝဏ်လွှာဖတ်ပွဲ အခမ်းအနားကို ကျင်းပရာ ပထမဦးစွာ စစ်ရေးပြတပ်ခွဲက စစ်ကြောင်းဖြင့် ချီတက်နေရာယူပြီး ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်အား အလေးပြုကြ၍ ပြည်နယ်ဝန်ကြီးချုပ်နှင့် အခမ်းအနား တက်ရောက်လာသူများက ပြည်ထောင်စုသမ္မတမြန်မာနိုင်ငံတော် အလံကို အလေးပြုကြရာ ဂုဏ်ပြုစစ်တီးဝိုင်းအဖွဲ့က နိုင်ငံတော်သီချင်းကို တီးမှုတ်ဂုဏ်ပြုပြီး ကျဆုံးလေပြီးသော ခေါင်းဆောင်ကြီးများနှင့် တပ်မတော်သားများအား အလေးပြုခြင်း သစ္စာအဓိဋ္ဌာန် (၄)ချက်တို့ကို ရွတ်ဆိုကြသည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ အဂ္ဂမဟာသရေစည်သူ၊ အဂ္ဂမဟာသီရိသုဓမ္မ ဦးသိန်းစိန်ထံမှ ပေးပို့သော (၆၆)နှစ်မြောက် လွတ်လပ်ရေးနေ့ သဝဏ်လွှာကို ဖတ်ကြားပြီး အခမ်းအနားကို အောင်မြင်စွာ ရုပ်သိမ်းလိုက်သည်။

 

   (၆၆)နှစ်မြောက် လွတ်လပ်ရေးနေ့ကို ဂုဏ်ပြုသောအားဖြင့် တောင်ကြီးမြို့နယ်၊ စည်ပင်သာယာရေးကော်မတီမှ ဆောင်ရွက်ခဲ့သော တောင်ကြီးမြို့ တိုးချဲ့ရေပေးဝေရေးလုပ်ငန်း (နားယောင်း-ရတနာသီရိ) ဖွင့်ပွဲ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့က တက်ရောက်ကြပြီး၊ နားယောင်းရေစက်ရုံ ဆိုင်းဘုတ်အား ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုတ်နှိပ် ဖွင့်လှစ်ပေး၍ လည်းကောင်း၊ နားယောင်းရေတင်စက်ရုံ Start Motor ခလုတ်အား ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ စက်ခလုတ်နှိပ် ဖွင့်လှစ်ပေး၍ လည်းကောင်း၊ နားယောင်းကျေးရွာရေစက်ရုံ ရေစက် Start Motor ခလုတ်အား တောင်ကြီးမြို့နယ်၊ စည်ပင်သာယာရေးကော်မတီ အတွင်းရေးမှူး၊ မြို့နယ်စည်ပင်သာယာရေးဌာန၊ အမှုဆောင်အရာရှိမှ စက်ခလုတ်နှိပ် ဖွင့်လှစ်ပေးပြီး၊ ပြည်နယ်ဝန်ကြီးချုပ်နှင့် တာဝန်ရှိသူတို့က နားယောင်းရေတွန်းစက်ရုံ ရေပေးရေးလုပ်ငန်းများ လှည့်လည်ကြည့်ရှုကြ၍ အမွှေးနံ့သာရေများ ပက်ဖျန်းပေးကြသည်။

 

   ၎င်းနောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် တောင်ကြီးမြို့၊ ရတနာသီရိရပ်ကွက်၊ အမှတ်(၉) အခြေခံပညာအထက်တန်းကျောင်းဝင်းအတွင်းသို့ ရောက်ရှိနေရာယူပြီး၊ တောင်ကြီးမြို့ တိုးချဲ့ရေပေးရေဝေရေး အခမ်းအနား၌ အဖွင့်အမှာစကား ပြောကြားကာ၊ နားယောင်း ရေပေးရေးလုပ်ငန်း ဆောင်ရွက်မှု အခြေအနေများအား ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ အခမ်းအနား တက်ရောက်လာသော မိဘပြည်သူပရိသတ်များအား ရှမ်းပြည်နယ်စည်ပင်သာယာရေးကော်မတီ၏ လုပ်ငန်းဆောင်ရွက်ထားရှိမှု အခြေအနေများအား ရှင်းလင်းတင်ပြသည်။ ဆက်လက်၍ တောင်ကြီးမြို့ တိုးချဲ့ရေပေးဝေရေးလုပ်ငန်း (နားယောင်း-ရတနာသီရိ) ရေရရှိရေး ဆောင်ရွက်ပေးခဲ့သဖြင့် မိဘပြည်သူများကိုယ်စား တောင်ကြီးမြို့၊ ရေရရှိရေး၊ ရေအရင်းအမြစ်ထိန်းသိမ်းရေးနှင့် စိမ်းလန်းစိုပြေသာယာရေးဖောင်ဒေးရှင်း၊ အတွင်းရေးမှူး ဦးစိုင်းဇော်ဇော်မှ ကျေးဇူးတင်စကား ပြန်လည်ပြောကြားပြီး၊ တောင်ကြီးမြို့တွင်း လမ်းနှင့် တံတားများ အဆင့်မြှင့်တင် မွမ်းမံ ဆောင်ရွက်နိုင်ရန်အတွက် ဒေသဖွံ့ဖြိုးရေးရန်ပုံငွေ ကျပ်သိန်း (၂၀၀၀)အား ရှမ်းပြည်နယ်အစိုးရအဖွဲ့ကိုယ်စား ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ပေးအပ်ရာ ပြည်နယ်စည်ပင်သာယာရေးဝန်ကြီး၊ ပြည်နယ်စည်ပင်သာယာရေးကော်မတီ ဥက္ကဌ ဦးစိုင်းလှဝင်းနှင့် မြို့နယ်စည်ပင်သာယာရေးကော်မတီ ဥက္ကဌ ဦးစွန်ကြိုင်တို့က လက်ခံရယူကြသည်။

 

   ယင်းနောက် တောင်ကြီးမြို့ တိုးချဲ့ရေပေးဝေရေးလုပ်ငန်း (နားယောင်း-ရတနာသီရိ) ရေပေးရေးဖွင့်ပွဲ အထိမ်းအမှတ် အမှတ်တရ လက်ဆောင်များအား ရှမ်းပြည်နယ်စည်ပင်သာယာရေးကော်မတီ၊ အတွင်းရေးမှူး ဦးစိုင်းထွန်းထွန်း(ညွှန်ကြားရေးမှူး)မှ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်လွှတ်တော်ဥက္ကဌ ဦးစိုင်းလုံးဆိုင်တို့အား နေရာအရောက် ပေးအပ်၍ လည်းကောင်း၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းအား လည်းကောင်း၊ ပြည်သူ့လွှတ်တော်/အမျိုးသားလွှတ်တော် ကိုယ်စားလှယ်များ ကိုယ်စား ပြည်နယ်ဘဏ္ဍာရေးဝန်ကြီး ဦးခွန်သိန်းမောင်တို့က အသီးသီး လက်ခံရယူကြပြီး၊ တောင်ကြီးမြို့ တိုးချဲ့ရေပေးဝေရေးလုပ်ငန်း (နားယောင်း-ရတနာသီရိ) ရေပေးရေး ဆောင်ရွက်ထားရှိမှု မှတ်တမ်းဓါတ်ပုံများ၊ ပြခန်းများနှင့် ဂါလံ (၁)သိန်းဆံ့ ရေစုကန်တို့အား လှည့်လည်ကြည့်ရှုခဲ့ကြကြောင်း သိရှိရသည်။

 

   အဆိုပါ (၆၆)နှစ်မြောက် လွတ်လပ်ရေးနေ့ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်လွှတ်တော် ဒုတိယဥက္ကဌ၊  ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ အရှေ့ပိုင်းတိုင်းစစ်ဌာနချုပ်မှ စစ်ဦးစီးအရာရှိကြီးများ၊ ပြည်နယ်လွှတ်တော် ကိုယ်စားလှယ်များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ တိုင်းရင်းသားငြိမ်းချမ်းရေး အဖွဲ့အစည်းများ၊ စစ်ရေးပြတပ်ဖွဲ့နှင့် ဂုဏ်ပြုစစ်တီးဝိုင်း၊ မြန်မာနိုင်ငံရဲတပ်ဖွဲ့ဝင်များ၊ ရပ်/ကျေး အုပ်ချုပ်ရေးမှူးများ၊ ဆရာ/ဆရာမများ၊ လူမှုရေးအသင်းအဖွဲ့များ၊ ဒေသခံတိုင်းရင်းသား မိဘပြည်သူများ တက်ရောက်ကြကြောင်း သတင်းရရှိသည်။

 

ပထမအကြိမ်၊ ရှမ်းပြည်နယ်လွတ်တော် အဋမ ပုံမှန်အစည်းအဝေး (ဒုတိယနေ့) ကျင်းပ

တောင်ကြီး   ဒီဇင်ဘာ   ၃၁

 

012

 

   ပထမအကြိမ် ရှမ်းပြည်နယ်လွတ်တော် အဋမ ပုံမှန်အစည်းအဝေး(ဒုတိယနေ့)ကို ဒီဇင်ဘာလ (၃၁)ရက် နံနက်(၁ဝ)နာရီအချိန်တွင် ရှမ်းပြည်နယ်လွတ်တော် အစည်းအဝေးခန်းမ၌ ကျင်းပရာ ရှမ်းပြည်နယ်လွတ်တော် ကိုယ်စားလှယ် (၁၄ဝ)ဦး ရှိသည့်အနက် ခွင့်ပန်ကြားသူ (၁၇)ဦးရှိပြီး အစည်းအဝေးသို့ (၁၂၃)ဦး တက်ရောက်ကြပါသည်။

 

   ပထမဦးစွာ ရှမ်းပြည်နယ်ဝန်ကြီးချုပ် ဦးစဝ်အောင်မြတ်က ပြည်နယ်လွတ်တော်သို့ မိန့်ခွန်းပြောကြားပြီး၊ ပြည်နယ်လွတ်တော်ကိုယ်စားလှယ်များက မေးမြန်းသည့် မေးခွန်း(၉)ခုအား သက်ဆိုင်ရာ ပြည်နယ်အဆင့်အဖွဲ့အစည်းဝင်များက ပြန်လည်ဖြေကြားကြပါသည်။

 

   ဆက်လက်၍ အစည်းအဝေး(ပထမနေ့)တွင် တင်သွင်းခဲ့သော " ရှမ်းပြည်နယ် ဘဏာရန်ပုံငွေတွင် ပါဝင်သော ဌာန၊ အဖွဲ့အစည်းများ၏ ၂ဝ၁၄-၂ဝ၁၅ ခု ဘဏာရေးနှစ် ပြင်ဆင်ရေးဆွဲပြီးသော မူလခန့်မှန်းခြေငွေစာရင်းနှင့် ၂ဝ၁၃-၂ဝ၁၄ ခု ဘဏာရေးနှစ် ရှမ်းပြည်နယ်၏ နောက်ထပ်ဘဏာငွေ ခွဲဝေသုံးစွဲရေး ဥပဒေ(မူကြမ်း)"တို့နှင့် စပ်လျဉ်း၍ ရှမ်းပြည်နယ်အစိုးရအဖွဲ့ ဘဏ္ဍာရေးရေးဝန်ကြီး ဦးခွန်သိန်းမောင်မှ ရှင်းလင်းဆွေးနွေးပြီး လွှတ်တော်၏ အဆုံးအဖြတ်ရယူရာ လွှတ်တော်မှ သဘောတူညီသည့်အတွက် လွှတ်တော်မှ အတည်ပြုကြောင်းကြေညာပါသည်။

 

   ထို့နောက် ဥပဒေပြုရေးဆိုင်ရာကော်မတီ၏ လုပ်ငန်းဆောင်ရွက်မှု အစီရင်ခံစာအား ကွန်ဟိန်းမြို့နယ် မဲန္ဒနယ်အမှတ်(၂)မှ ပြည်နယ်လွှတ်တော်ကိုယ်စားလှယ် ဦးစိုင်းနု(ဥပဒေပြုရေးကော်မတီ ဥက္ကဌ)က လွှတ်တော်သို့ တင်သွင်းခြင်း၊ ယမန်နေ့က ပြည်နယ်လွှတ်တော်သို့ တင်သွင်းခဲ့သော အဆို(၄)ရပ်အား လွှတ်တော်ကိုယ်စားလှယ်များက ဆွေးနွေးခြင်း၊ ပြည်နယ်အစိုးရအဖွဲ့ဝင် ဝန်ကြီးများက ရှင်းလင်းဆွေးနွေးခြင်းနှင့် လွှတ်တော်၏ အဆုံးအဖြတ်ကို ရယူခြင်းတို့ကို ဆောင်ရွက်ရာ အဆို(၃)ရပ်အား မှတ်တမ်းတင်ကြောင်းနှင့် အဆို(၁)ရပ်အား အတည်ပြုကြောင်း ကြေညာပါသည်။

 

   ရှမ်းပြည်နယ်အစိုးရအဖွဲ့မှ အင်းလေးဒေသဟိုတယ်ဇုန်လုပ်ငန်းတိုးတက်မှု ရှင်းလင်းချက် အစီရင်ခံစာအား ရှမ်းပြည်နယ်အစိုးရအဖွဲ့ဝင် လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းကလည်းကောင်း၊ ရှမ်းပြည်နယ်စည်ပင်သာယာရေးကော်မတီ၏ တောင်ကြီးမြို့၊ ကုန်ခြောက်သား/ငါးစျေး အဆင့်မြှင့်တင် တည်ဆောက်ခြင်းလုပ်ငန်းဆောင်ရွက်မှု အခြေအနေအား ရှမ်းပြည်နယ်အစိုးရအဖွဲ့ဝင် စည်ဝန်ကြီး ဦးစိုင်းနော်ခမ်းကလည်းကောင်း၊ ရှမ်းပြည်နယ်စည်ပင်သာယာရေးကော်မတီ၏ တောင်ကြီးမြို့၊ ကုန်ခြောက်သား/ငါးစျေး အဆင့်မြှင့်တင် တည်ဆောက်ခြင်းလုပ်ငန်းဆောင်ရွက်မှု အခြေအနေအား ရှမ်းပြည်နယ်အစိုးရအဖွဲ့ဝင် စည်ပင်သာယာရေးဝန်ကြီး ဦးစိုင်းလှဝင်းကလည်းကောင်း လွှတ်တော်သို့ ရှင်းလင်းတင်ပြကြပါသည်။

 

   ဆက်လက်၍ တိုင်းရင်းသားလူမျိုးများအရေးဆိုင်ရာကော်မတီ ဥက္ကဌ အဖြစ် လွိုင်လင်မြို့နယ် မဲဆန္ဒနယ်အမှတ်(၁)မှ ပြည်နယ်လွှတ်တော်ကိုယ်စားလှယ် ဦးခွန်ဒီဂေါလ်အား ရွေးချယ်ကြောင်း လွှတ်တော်သို့ တင်ပြပြီး လွှတ်တော်၏ အဆုံးအဖြတ်ရယူရာ လွှတ်တော်မှ သဘောတူသည့်အတွက် အတည်ပြုကြောင်း ကြေညာပါသည်။

 

   ထို့နောက် ပထမအကြိမ် ရှမ်းပြည်နယ်လွတ်တော် အဋမ ပုံမှန် အစည်းအဝေး(ဒုတိယနေ့) အစီအစဉ်ကို ညနေ (၁၅၁ဝ)နာရီတွင် အောင်မြင်စွာ ကျင်းပပြီးစီးကြောင်း သိရှိရသည်။

 

ရှမ်းပြည်နယ် ဒေသန္တရဖွံ့ဖြိုးတိုးတက်ရေး စီမံကိန်းကော်မတီနှင့် ကုမ္ပဏီလီမိတက်များတို့နှင့် နားလည်မှုစာချွန်လွှာ စာချုပ်ချုပ်ဆိုပွဲ အခမ်းအနား

တောင်ကြီး   ဇန်နဝါရီ   ၀၃

 

003

 

   ရှမ်းပြည်နယ် ဒေသန္တရဖွံ့ဖြိုးတိုးတက်ရေး စီမံကိန်းကော်မတီနှင့် မောရှမ်းဖွံ့ဖြိုးတိုးတက်ရေး အများနှင့်သက်ဆိုင်သော ကုမ္ပဏီလီမိတက်၊ အလင်းရောင်ကြယ်သစ် ဆောက်လုပ်ရေး ကုမ္ပဏီလီမိတက်၊ မူဆယ်ဖွံ့ဖြိုးတိုးတက်ရေး အများနှင့်သက်ဆိုင်သော ကုမ္ပဏီလီမိတက်တို့နှင့် နားလည်မှုစာချွန်လွှာ စာချုပ်ချုပ်ဆိုပွဲ အခမ်းအနားကို ဇန်နဝါရီ(၃)ရက်၊ နေ့လည်(၁၂)နာရီက တောင်ကြီးမြို့၊ ရှမ်းပြည်နယ်အစိုးရရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ နားလည်မှု စာချွန်လွှာများနှင့် ပတ်သက်၍ ပြည်နယ်ဥပဒေချုပ် ဦးမောင်မောင်မှ ရှင်းလင်းတင်ပြသည်။

 

   ဆက်လက်၍ ကုမ္ပဏီလီမိတက်များနှင့် လက်မှတ်ရေးထိုး စာချုပ်ချုပ်ဆိုရာ ပြည်နယ်အစိုးရအဖွဲ့၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူးတို့ဘက်မှ လက်မှတ်ရေးထိုးပြီး၊ မောရှမ်းဖွံ့ဖြိုးတိုးတက်ရေး အများနှင့်သက်ဆိုင်သော ကုမ္ပဏီလီမိတက်၊ အလင်းရောင်ကြယ်သစ် ဆောက်လုပ်ရေးကုမ္ပဏီလီမိတက်၊ မူဆယ်ဖွံ့ဖြိုးတိုးတက်ရေး အများနှင့် သက်ဆိုင်သော ကုမ္ပဏီလီမိတက်တို့မှ တာဝန်ရှိသူများက လက်မှတ်ရေးထိုးကြသည်။

 

   ထို့နောက် ကုမ္ပဏီလီမိတက်များမှ လုပ်ငန်းဆိုင်ရာ ရှင်းလင်း၍ ကျေးဇူးတင်စကား ပြန်လည်ပြောကြားပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ စာချုပ်ချုပ်ဆိုသည့် ကုမ္ပဏီလီမိတက်များမှ တာဝန်ရှိသူများ တက်ရောက်ကြကြောင်း သိရှိရသည်။

 

ကမ္ဘောဇတံခွန်စိုက်ဖလားဂေါက်သီးရိုက်ပြိုင်ပွဲ ဆုချီးမြှင့်

တောင်ကြီး   ဒီဇင်ဘာ  ၃၀

 

013

 

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ၂၀၁၃ ခုနှစ်ကမ္ဘောဇတံခွန်စိုက် ဂေါက်သီးရိုက် ပြိုင်ပွဲ ဆုချီးမြင့်ပွဲကို ဒီဇင်ဘာ(၃၀)ရက်ည (၆)နာရီက တောင်ကြီးမြို့ အေးသာယာဂေါက်ကလပ်၌ ကျင်းပ ရာ ပထမဦးစွာ ဂါရဝလက်ဆောင်များနေရာအရောက်ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ် လုံခြုံရေး နှင့်နယ်စပ်ရေးရာဝန်ကြီး ဗိုလ်မှူးကြီးအောင်သူမှ ကမ္ဘောဇ တံခွန်စိုက်ဖလားဂေါက်သီးရိုက်ပြိုင်ပွဲ ကျင်းပရေးဦးစီးကော်မတီနာယက အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်စိုးထွဋ် နှင့် ကမ္ဘောဇဘဏ် လီမိတက်ဥက္ကဋ္ဌ ဦးအောင်ကိုဝင်းတို့ကို ပေးအပ်ခဲ့သည်။

 

ဆက်လက်၍ ဧည့်သည်တော်များကို ဆုချီးမြှင့်ရာ ပထမ၊ဒုတိယ၊တတိယ၊စတုတ္ထ၊ပဉ်စမ ဆုရရှိသော ဧည့်သည်တော်ဂေါက်ရိုက်အဖွဲ့နှင့် အဝေးဆုံးရိုက်ချက်၊အနီးဆုံးရိုက်ချက်၊Par အများဆုံးဆု၊ဘာဒီအများဆုံး တို့ကို ဒေါက်တာမျိုးထွန်းမှလည်းကောင်း၊ အမျိုးသမီးတစ်ဦးချင်းဆုများကို ပြည်နယ်လမ်းပန်း ဆက်သွယ်ရေး ဝန်ကြီးဦးစိုင်းနော်ခမ်းမှလည်းကောင်း၊ တစ်ဦးချင်းအကျောမဲ့ဆုများကို ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးခွန်စံလွင်မှလည်းကောင်း၊ တစ်ဦးချင်းအကျောပေးဆု များကို ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှလည်းကောင်း၊ အသင်းလိုက်အကျောပေး ဒုတိယဆုရ အေးသာယာအသင်းနှင့် တတိယဆုရရှိသော မိုင်းဆတ်(ခ) အသင်းများကို ပြည်နယ်လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီးအောင်သူမှလည်းကောင်း၊ အသင်းလိုက်အကောင်းဆုံးပထမဆုရရှိ သော အသင်းအားဒိုင်းဆုနှင့်တကွ ကမ္ဘောဇဘဏ်လီမိတက်ဥက္ကဋ္ဌ ဦးအောင်ကိုဝင်းတို့က အသီးသီးဆုများ ချီးမြှင့်ပေးကြသည်။

 

ထို့နောက် အသင်းလိုက် အကျောမဲ့ဒုတိယ တောင်ကြီး(ဂ)အသင်းနှင့်တတိယဆုရရှိသော တာချီလိတ်အသင်းများကို ပြည်နယ်တရားလွှတ်တော်တရားသူကြီးချုပ် ဦးကြွယ်ကြွယ်မှလည်းကောင်း၊ အသင်းလိုက်အကျောမဲ့ ပထမဆုရရှိသော တောင်ကြီး(က)အသင်းအား တံခွန်စိုက်ဖလားနှင့်တကွ ကမ္ဘောဇတံခွန်စိုက်ဖလားဂေါက်သီးရိုက်ပြိုင်ပွဲဦးစီးကော်မတီနာယက အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်စိုးထွဋ်က အသီးသီးဆုများချီးမြှင့်ပေးကြသည်။

 

၎င်းနောက် Hole In One ရိုက်ချက်ဖြင့်ဝင်ရောက်ခြင်း မရှိသောဂေါက်သမားများကို အသင်းလိုက် ကံစမ်းမဲဂေါက်ဆက်(၁)စုံကို မဲဖောက်ပေးရာ သီပေါဂေါက်အသင်းမှ ကံထူးစွာမဲပေါက်ပြီး ဖျော်ဖြေရေးအဖွဲ့ ကို ကမ္ဘောဇဘဏ်လီမိတက်ဥက္ကဋ္ဌ ဦးအောင်ကိုဝင်း ကိုယ်စား အလှူငွေကျပ်(၂၅)သိန်းကို တာဝန်ရှိသူမှ ပေးအပ်ရာ ဖျော်ဖြေရေးအဖွဲ့တာဝန်ရှိသူမှလက်ခံရယူခဲ့ကြောင်းသိရသည်။

 

အဆိုပါ အစိုးရအဖွဲ့မှကြီးမှူးကျင်းပသော ၂၀၁၃ခုနှစ် ကမ္ဘောဇတံခွန်စိုက်ဒိုင်း ဂေါက်သီးရိုက်ပြိုင်ပွဲ ဆုပေးပွဲသို့ ကမ္ဘောဇတံခွန်စိုက်ဂေါက်သီးရိုက်ပြိုင်ပွဲ ဦးစီးကော်မတီနာယက အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်ချုပ်စိုးထွဋ်၊ ကမ္ဘောဇဘဏ်လီမိတက်ဥက္ကဋ္ဌ ဦးအောင်ကိုဝင်း၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီး ဥက္ကဋ္ဌနှင့်တာဝန်ရှိသူများ၊ ပြည်နယ်အဆင့်ဌာနဆိုင်ရာများ၊ ပြိုင်ပွဲဝင်ဂေါက်သီးရိုက်အသင်း(၄၂)သင်းမှ အသင်းဝင်များ နှင့် ဖိတ်ကြား ထားသည့်ဧည့်သည်တော်များတက်ရောက်ကြကြောင်းသတင်းရရှိသည်။

 

More Articles...

  1. (၅၆) ကြိမ်မြောက် ကမ္ဘောဇတံခွန်စိုက်ဖလား ဂေါက်သီးရိုက်ပြိုင်ပွဲ ဖွင့်ပွဲကျင်းပ
  2. ပထမအကြိမ် ရှမ်းပြည်နယ်လွတ်တော် အဋမ ပုံမှန်အစည်းအဝေး(ပထမနေ့) ကျင်းပ
  3. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ ဂျပန်နိုင်ငံ Machinery Company ITOCHU Corporation အဖွဲ့နှင့် တွေ့ဆုံ
  4. တောင်ကြီးမြို့အတွင်း ဗုံးဟုယူဆရသော လက်လုပ်ဗုံးတစ်လုံး တွေ့ရှိ
  5. ရှမ်းပြည်နယ်အစိုးရအဖွဲ့ ရွာငံမြို့ အခြေခံပညာအထက်တန်းကျောင်း နှစ်ထပ်ကျောင်းဆောင်သစ်ပန္နက်တင် မင်္ဂလာနှင့် ဒေသဖွံ့ဖြိုးရေးအတွက် မြို့မိမြို့ဖများ ဒေသခံပြည်သူများနှင့်တွေ့ဆုံ
  6. ဒေသဖွံ့ဖြိုးရေးအတွက် ရှမ်းပြည်နယ်အစိုးရအဖွဲ့ ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူ ပြုအဖွဲ့နှင့်တွေ့ဆုံ
  7. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ပင်လုံမြို့ မဟာရဋ္ဌာဘိသာမဂ္ဂီစေတီတော်ဘုရားဖူးမျှော်၍ မိုင်းကိုင်၊ လဲချား မြို့မိမြို့ဖ၊ မြို့နယ်ဖွံ့ဖြိုးတိုးတက်ရေး ကော်မတီများနှင့် တွေ့ဆုံ
  8. ရှမ်းပြည်နယ်အစိုးရအဖွဲ့၊ ဒေသဖွံ့ဖြိုးရေးလုပ်ငန်းများ ဖွံ့ဖြိုးတိုးတက်ရေးအတွက် ကွန်ဟိန်း၊ နမ့်စန်ရှိ မြို့မိမြို့ဖများ၊ မြို့နယ်ဖွံ့ဖြိုးရေးအထောက်အကူပြုကော်မတီဝင်များနှင့်တွေ့ဆုံ
  9. ဓနုကိုယ်ပိုင်အုပ်ချုပ်ခွင့်ရဒေသ ၊ ပင်းတယမြို့နယ် ၊ ပွေးလှမြို့ (၆၀)ကြိမ်မြောက် ပရိယတ္တိသာသနာ့ပါလ စာပြန်ပွဲ၌ သံဃာတော်အရှင်သူမြတ်များအား ဆွမ်း၊ ခဲဖွယ်နှင့် နိဗဒ္ဓထာဝရ ငွေပဒေသာပင်များ ဆက်ကပ်လှူဒါန်း
  10. ပြည်နယ်လူမှုရေးဝန်ကြီး ဒေါက်တာမျိုးထွန်း နှင့်အဖွဲ့က ဘိုးဘွားရိပ်သာ၌ ကျန်းမာရေးစောင့်ရှောက်ပေးခြင်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

danauရှမ်းပြည်နယ်(တောင်ပိုင်း) ပင်းတယ၊ အောင်ပန်း၊ ရွာငံ၊ ကလောမြို့နယ်များနှင့် ရှမ်းပြည်နယ် မြောက်ပိုင်း နောင်ချိုမြို့နယ်များတွင် အများဆုံး နေထိုင်ကြသည်။

We have 66 guests and no members online

Latest Updates