သတင်းများ

ဆည်မြောင်းဦးစီးဌာန၊ ၂၀၁၃ခုနှစ် ပထမ(၆)လပတ် လုပ်ငန်းညှိနှိုင်းအစည်းအဝေး

တောင်ကြီး    ဇူလိုင်    ၃၀

 

1

 

   ရှမ်းပြည်နယ်၊ ဆည်မြောင်းဦးစီးဌာန၏ ၂၀၁၃ခုနှစ် ပထမ(၆)လပတ် လုပ်ငန်းညှိနှိုင်းအစည်းအဝေးကို ဇူလိုင်(၃၀)ရက်၊ နံနက်(၉)နာရီခွဲက တောင်ကြီးမြို့၊ ပြည်နယ်ဆည်မြောင်းဦးစီးဌာန အစည်းအဝေးခန်းမ၌ ကျင်းပရာ ပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ ဆည်မြောင်းဦးစီးဌာန ညွှန်ကြားရေးမှူး ဦးဌေးရီ၊ ရှမ်းပြည်နယ် ဒုတိယညွှန်ကြားရေးမှူးများ၊ ခရိုင်/မြို့နယ် တာဝန်ရှိသူများ တက်ရောက်ကြသည်။

 

   ရှေးဦးစွာ ပြည်နယ်စိုက်ပျိုးရေးနှင့် မွေးမြူရေးဝန်ကြီးက အမှာစကားပြောကြားပြီး၊ ဆည်မြောင်းဦးစီးဌာန ညွှန်ကြားရေးမှူးက ရှမ်းပြည်နယ်အတွင်း ဆောင်ရွက်လျှက်ရှိသော ဆည်မြောင်းလုပ်ငန်းများအကြောင်းကို ရှင်းလင်းတင်ပြသည်။

 

   ထို့နောက် တွဲဘက်ပြည်နယ်ဦးစီးဌာနမှူးများ၊ လက်ထောက်ညွှန်ကြားရေးမှူး တောင်ကြီး၊ လက်ထောက်ညွှန်ကြားရေးမှူး(အင်းလေး) ညောင်ရွှေ၊ ခရိုင်/မြို့နယ် တာဝန်ရှိသူများက လုပ်ငန်းဆောင်ရွက်နေမှု အခြေအနေများကို ရှင်းလင်းတင်ပြပြီး၊ ပြန်နယ်ဝန်ကြီးက နိဂုံးချုပ်အမှာစကား ပြောကြားခဲ့ကြောင်း သတင်းရရှိသည်။

 

အင်းလေးကန် စိမ်းလန်းစိုပြည်ရေး အထောက်အကူအပြု၊ ၂၀၁၃-ခုနှစ် မိုးရာသီ စုပေါင်းသစ်ပင်စိုက်ပျိုးပွဲ ကျင်းပ

တောင်ကြီး   ဇူလိုင်  ၃၀

 

5

 

   ရှမ်းပြည်နယ်၊ ကလောမြို့နယ်၊ အောင်ပန်းကြိုးဝိုင်းရှိ မြနန္ဒာရေထွက်(အနီး)၊ အင်းလေးကန် စိမ်းလန်းစိုပြည်ရေး အထောက်အကူအပြု၊ ၂၀၁၃-ခုနှစ်၊ မိုးရာသီ စုပေါင်းသစ်ပင်စိုက်ပျိုးပွဲတော်ကို ဇူလိုင်(၃၀)ရက်၊ နံနက်(၉)နာရီခွဲတွင် ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်သစ်တောနှင့် သတ္တုဝန်ကြီး ဦးစိုင်းအိုက်ပေါင်း၊ ပြည်နယ်လွှတ်တော် ကိုယ်စားလှယ်များဖြစ်ကြသော ဦးသောင်းရွှေနှင့် ဦးမြတ်စိုး၊ တောင်ကြီးခရိုင် သစ်တောဦးစီးမှူး၊ ကလောမြို့နယ် ဌာနဆိုင်ရာ အကြီးအကဲများနှင့် ဒေသခံပြည်သူများ၊ စုစုပေါင်း အင်အား(၉၅၀)ဦးခန့် တက်ရောက်ကြသည်။

 

   ထို့နောက် ပြည်နယ်သစ်တောနှင့် သတ္တုဝန်ကြီးက လမ်းညွှန်အမှာစကား ပြောကြားပြီး၊ ဌာနဆိုင်ရာများနှင့် ဒေသခံပြည်သူများထံသို့ ပျိုးပင် အမျိုးပေါင်း(၁၁)မျိုးကို ပေးအပ်ခဲ့သည်။  ၎င်းသစ်ပင်စိုက်ပျိုးပွဲတွင် သစ်ပင်အရေအတွက် (၆၅၀၀)ပင်အား စုပေါင်းစိုက်ပျိုးခဲ့ကြသည်။

 

6

 

   ဆက်လက်ပြီး ပြည်နယ်သစ်တော/သတ္တု ၀န်ကြီးနှင့် ဌာနဆိုင်ရာများ၊ ဒေသခံပြည်သူများအား ကလောမြို့နယ်၊ အောင်ပန်းမြို့၊ အောင်ချမ်းသာစာသင်တိုက်ရှိ ကျောင်းထိုင်ဆရာတော်အား ဝတ္ထုငွေ ကျပ်(၁)သိန်းနှင့် (၁၅၀၀၀၀)ကျပ် တန်ဖိုးရှိ လှူဘွယ်ပစ္စည်းများကို ဆက်ကပ်လှူဒါန်းခဲ့ကြောင်း သတင်းရရှိသည်။

 

ရှမ်းပြည်နယ်အတွင်းရှိ လမ်းလုပ်ငန်းများတွင် အသုံးပြုရန် ကတ္တရာ အိတ်ဖွင့်တင်ဒါ ရွေးချယ်ပွဲ ကျင်းပ

တောင်ကြီး  ဇူလိုင်  ၂၄

 

3

 

   ပြည်သူ့ဆောက်လုပ်ရေးလုပ်ငန်း ရှမ်းပြည်နယ်၏ ၂၀၁၃-၂၀၁၄ ဘဏ္ဍာနှစ်၊ ပြည်နယ်အစိုးရမှ စီမံခန့်ခွဲမည့် လမ်းလုပ်ငန်းများတွင် အသုံးပြုရန်အတွက် လမ်းခင်းကတ္တရာ အိတ်ဖွင့်တင်ဒါ ရွေးချယ်ပွဲကို ဇူလိုင်(၂၄)ရက်၊ နံနက်(၁၀)နာရီက တောင်ကြီးမြို့၊ ပြည်သူ့ဆောက်လုပ်ရေးလုပ်ငန်းရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ဝင်၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း တက်ရောက် အမှာစကား ပြောကြားခဲ့သည်။

 

   ထို့နောက် ပြည်သူ့ဆောက်လုပ်ရေးလုပ်ငန်း၊ ပြည်နယ်အင်ဂျင်နီယာမှူးကြီး ဦးတိုးခိုင်က ကတ္တရာ အိတ်ဖွင့်တင်ဒါ စည်းကမ်းချက်များနှင့် ပတ်သက်၍ ရှင်းလင်းတင်ပြပြီး ကတ္တရာ ဝယ်ယူပေးသွင်းမည့် ကုမ္ပဏီ(၈)ခုမှ တာဝန်ရှိသူများက ကတ္တရာ အိတ်ဖွင့်တင်ဒါများ တင်သွင်းကြသည်။

 

   အဆိုပါ တင်ဒါရွေးချယ်ပွဲသို့ ပြည်နယ်လမ်းပန်းဆက်သွယ်ရေးဝန်ကြီး၊ တင်ဒါစိစစ်ရေးကော်မတီဝင်များ၊ ပြည်သူ့ဆောက်လုပ်ရေးလုပ်ငန်း၊ ပြည်နယ်အင်ဂျင်နီယာမှူးကြီးနှင့် တာဝန်ရှိသူများ၊ တင်ဒါတင်သွင်းသည့် ကတ္တရာ ဝယ်ယူပေးသွင်းမည့် ကုမ္ပဏီ(၈)ခုမှ တာဝန်ရှိသူများ တက်ရောက်ခဲ့ကြသည်။

 

ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ရှမ်းပြည်နယ်(တောင်ပိုင်း)ရှိ ခရိုင်/မြို့နယ်/မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်းအစည်းအဝေး ကျင်းပ

တောင်ကြီး    ဇူလိုင်    ၃၀

 

3

 

4

 

   ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ရှမ်းပြည်နယ်(တောင်ပိုင်း)ရှိ ခရိုင်/မြို့နယ်/မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်းအစည်းအဝေးကို ဇူလိုင်(၃၀)ရက်၊ နံနက်(၈)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အထွေထွေအုပ်ချုပ်ရေးဦးစီးဌာန ပြည်နယ်အုပ်ချုပ်ရေးမှူး(ဒုတိယညွှန်ကြားရေးမှူးချုပ်) ဦးရဲနိုင်အောင် နှင့် ဌာနဆိုင်ရာ အကြီးအကဲများ၊ ရှမ်းပြည်နယ်(တောင်ပိုင်း)အတွင်းရှိ ခရိုင်အုပ်ချုပ်ရေးမှူး၊ ကိုယ်ပိုင်အုပ်ချုပ်ခွင့်ရဒေသများမှ ဒုတိယညွှန်ကြားရေးမှူးများ၊ မြို့နယ်နှင့် မြို့နယ်ခွဲ အုပ်ချုပ်ရေးမှူးများ တက်ရောက်ကြသည်။

 

   ရှေးဦးစွာ ပြည်နယ်တရားလွှတ်တော် တရားသူကြီးချုပ် က ဆွေးနွေးမှာကြားပြီး၊ ပြည်နယ်အစိုးရအဖွဲ့ ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်တို့က အသီးသီး ဆွေးနွေးမှာကြားသည်။

 

   ထို့နောက် ပြည်နယ်စီမံကိန်းဦးစီးဌာန ပြည်နယ်စီမံကိန်းမှူး၊ ပြည်နယ်ရသုံးမှန်းခြေငွေစာရင်းဦးစီးဌာန ညွှန်ကြားရေးမှူး၊ ပြည်နယ်ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက်ဦးစီးဌာန ပြည်နယ်ဦးစီးမှူးတို့က အသီးသီးဆွေးနွေးမှာကြားကြသည်။

 

   ၎င်းနောက် ခရိုင်အုပ်ချုပ်ရေးမှူးများကလည်းကောင်း၊ ကိုယ်ပိုင်အုပ်ချုပ်ခွင့်ရဒေသ ဒုတိယညွှန်ကြားရေးမှူးများကလည်းကောင်း၊ မြို့နယ်နှင့် မြို့နယ်ခွဲ အုပ်ချုပ်ရေးမှူးများကလည်းကောင်း လုပ်ငန်းဆောင်ရွက်နေမှု အခြေအနေများကို အသီးသီး ရှင်းလင်းတင်ပြကြပြီး ပြည်နယ်အုပ်ချုပ်ရေးမှူးက နိဂုံးချုပ် အမှာစကားပြောကြားခဲ့ကြောင်း သတင်းရရှိသည်။

 

သမဝါယမဦးစီးဌာန၊ ၂၀၁၃-ခုနှစ်၊ ပထမ(၆)လပတ်လုပ်ငန်းညှိနှိုင်း အစည်းအဝေး ကျင်းပ

တောင်ကြီး  ဇူလိုင်  ၂၆

 

1

 

   ရှမ်းပြည်နယ်သမဝါယမဦးစီးဌာန၏ ၂၀၁၃-ခုနှစ်၊ ပထမ(၆)လပတ် လုပ်ငန်းညှိနှိုင်း အစည်းအဝေးကို ဇူလိုင်(၂၆)ရက်၊ နံနက်(၁၀)နာရီက တောင်ကြီးမြို့၊ ပြည်နယ်သမဝါယမဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ဝင်၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့် တက်ရောက် အမှာစကား ပြောကြားခဲ့သည်။

 

  ထို့နောက် ပြည်နယ်သမဝါယမဦးစီးဌာန၊ ဒုတိယညွှန်ကြားရေးမှူး ဒေါ်ယုယုအေးက ပြည်နယ်အတွင်းလုပ်ငန်းဆောင်ရွက်နေမှု အခြေအနေများကို ရှင်းလင်းတင်ပြပြီး၊ ရှမ်းပြည်နယ်(တောင်ပိုင်း/အရှေ့ပိုင်း/မြောက်ပိုင်း)အသင်းစုချုပ် ဥက္ကဌများက ရှင်းလင်းတင်ပြကြသည်။

 

   ၎င်းနောက် တက်ရောက်လာကြသည့် လက်ထောက်ညွှန်ကြားရေးမှူး၊ မြို့နယ် ဦးစီးအရာရှိများ၊ မြို့နယ်အသင်းစုချုပ် ဥက္ကဌများက အသီးသီး ရှင်းလင်းတင်ပြကြပြီး ပြည်နယ်ဝန်ကြီးက နိဂုံးချုပ် အမှာစကား ပြောကြားခဲ့သည်။

 

လားရှိုးမြို့တွင် ပြစ်မှုဆိုင်ရာ ကျင့်ထုံးဥပဒေပုဒ်မ ၁၄၄ ထုတ်ပြန်ထားမှုအား ရုပ်သိမ်းခြင်း

တောင်ကြီး   ဇူလိုင်   ၂၈

 

လားရှိုးမြို့နယ်၊ နယ်နိမိတ်အတွင်းရှိ အများပြည်သူသိစေရန်မှာ လားရှိုးမြို့ပေါ်ရှိ ရပ်ကွက်(၁၂)ရပ်ကွက် ဧရိယာအတွင်း အများပြည်သူအကျိုးငှာ  လုံခြုံရေး၊ တရားဥပဒေစိုးမိုးရေးနှင့် တည်ငြိမ်အေးချမ်းရေးတို့အတွက် သတ်မှတ်နယ်နိမိတ်အတွင်း လုံခြုံရေးတာဝန်ရှိသူမှအပ စုဝေးခြင်း၊ ဟောပြောခြင်း၊ စီတန်းလမ်းလျှောက်ခြင်း၊ ဆန္ဒပြခြင်း၊ ဆူပူခြင်း၊ လှုံ့ဆော်ခြင်း၊ တိုက်တွန်းခြင်း၊ ရုန်းရင်းဆန်ခတ်ပြုလုပ်ခြင်းများ မပြုလုပ်ရန်၊ ည(၁၀)နာရီမှ နံနက်(၃)နာရီအတွင်း လမ်းမပေါ်မထွက်ရန် ပြစ်မှုဆိုင်ရာ ကျင့်ထုံးဥပဒေပုဒ်မ ၁၄၄ အရ လားရှိုးမြို့နယ် အထွေထွေအုပ်ချဒပ်ရေးဦးစီးဌာနက အမိန့်ထုတ်ပြန်ထားရှိခဲ့သည်။

 

ယခုအခါ လားရှိုးမြို့ပေါ် ရပ်ကွက်(၁၂)ရပ်ကွက်အတွင်း တည်ငြိမ်အေးချမ်းလျှက်ရှိပြီး လုပ်သားပြည်သူများ အေးချမ်းစွာ သွားလာလှုပ်ရှား၍ နေ့အချိန်၊ ညအချိန်များတွင် စျေးရောင်းစျေးဝယ်နှင့် လုပ်ငန်းခွင်အသီးသီး ဆောင်ရွက်နိုင်ပြီး ဖြစ်သကဲ့သို့ ဝါတွင်းကာလ ဘုရားသွား၊ ကျောင်းတက် အာရုဏ်ဆွမ်းလောင်းခြင်းမှအစ အေးချမ်းစွာ ဆောင်ရွက်နိုင်ပြီ ဖြစ်ပါသည်။

 

သို့ဖြစ်ပါ၍ ထုတ်ပြန်ထားသော အမိန့်နှင့် စပ်လျဉ်း၍ လားရှိုးမြို့တွင် တည်ငြိမ်အေးချမ်းလျှက်ရှိနေပြီဖြစ်သောကြောင့် အများပြည်သူအကျိုးငှာ ပြစ်မှုဆိုင်ရာကျင့်ထုံး ဥပဒေပုဒ်မ ၁၄၄ ထုတ်ပြန်ခြင်း အမိန့်အား (၂၇.၇.၂၀၁၃)ရက်နေ့ (၁၈၀၀)အချိန်မှစ၍ ရုပ်သိမ်းလိုက်ကြောင်း သတင်းရရှိသည်။

 

 

ပဉ္စမအကြိမ် ကလောမြို့နယ် စုပေါင်းဝါဆိုသင်္ကန်း ဆက်ကပ်လှူဒါန်းပွဲ ကျင်းပ

တောင်ကြီး  ဇူလိုင်  ၂၃

 

1

 

2

 

3

 

   ပဉ္စမအကြိမ် ကလောမြို့နယ် စုပေါင်းဝါဆိုသင်္ကန်း ဆက်ကပ်လှူဒါန်းပွဲကို ဇူလိုင်(၂၃)ရက်၊ နံနက်(၉)နာရီက အောင်ပန်းမြို့၊ အောင်ချမ်းသာစာသင်တိုက် ဓမ္မာရုံ၌  ကျင်းပရာ နိုင်ငံတော်ဗဟိုသံဃာ့ဝန်ဆောင်၊ အဂ္ဂမဟာဂန္တဝါစကပဏ္ဍိတ၊ အောင်ချမ်းသာ ကျောင်းတိုက်ဆရာတော် ဘဒ္ဒန္တပညာဝံသ အမှူးပြုသော ဆရာတော်သံဃာတော်များ၊ သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးတင်နိုင်သိန်းနှင့်ဇနီး ဒေါ်အေးအေး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် အမှူးပြုသော ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများ၊ စစ်ဘက်နယ်ဘက်မှ အရာရှိများ၊ စေတနာရှင် အလှူရှင်များနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

 

   ရှေးဦးစွာ အခမ်းအနား တက်ရောက်လာသူများက နမောတဿသုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ကြပြီး အောင်ချမ်းသာကျောင်းတိုက် ဆရာတော်ထံမှ ငါးပါးသီလ ခံယူဆောက်တည်ကြသည်။

 

   ထို့နောက် ဆရာတော်သံဃာတော် အရှင်သူမြတ်တို့ ရွတ်ပွားသရဇ္ဈာယ်ချီးမြှင့်အပ်သော ပရိတ်တရားတော်မြတ်ကို နာယူပန်ဆင်ကြပြီး ဝါဆိုသင်္ကန်း၊ ဆွမ်းဆန်နှင့် လှူဖွယ်ဝတ္ထု ပစ္စည်းများကို ဆက်ကပ်လှူဒါန်းခဲ့ကြသည်။

 

   ယင်းနောက် လှူဒါန်းမှု အစုစုတို့အတွက် ရေစက်သွန်းချ အမျှပေးဝေကြပြီး ရတနာရွှေမိုးငွေမိုးများ ရွာသွန်းဖြိုးပေးခဲ့ကြသည်။

 

   ၎င်းနောက် ကြွရောက်တော်မူလာကြကုန်သော ဆရာတော်သံဃာတော်များအား နေ့ဆွမ်းဆက်ကပ်လှူဒါန်းခဲ့ကြသည်။

 

ရှမ်းပြည်နယ် စီမံကိန်းဦးစီးဌာန ၂၀၁၃ခုနှစ်၊ ပထမ(၆)လပတ် လုပ်ငန်း ညှိနှိုင်းအစည်းအဝေး ကျင်းပ

တောင်ကြီး   ဇူလိုင်   ၂၇

 

4

 

5

 

   ရှမ်းပြည်နယ် စီမံကိန်းဦးစီးဌာန၏ ၂၀၁၃ခုနှစ်၊ ပထမ(၆)လပတ် လုပ်ငန်းညှိနှိုင်းအစည်းအဝေးကို ဇူလိုင်(၂၇)ရက် နေ့လည်(၁)နာရီခွဲက တောင်ကြီးမြို့၊ ပြည်နယ်စီမံကိန်းဦးစီးဌာန အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွှန့်၊ အစိုးရအဖွဲ့ အတွင်းရေးမှူး ဦးရဲနိုင်အောင်၊ ပြည်နယ်စီမံကိန်းဦးစီးဌာန ညွှန်ကြားရေးမှူး ဦးတင်လှိုင် နှင့် စီမံကိန်းဦးစီးဌာနမှ တာ၀န်ရှိသူများ တက်ရောက်ကြသည်။

 

   ရှေးဦးစွာ ပြည်နယ်ဝန်ကြီးချုပ်က အဖွင့်အမှာစကားပြောကြားပြီး၊ ပြည်နယ်စီမံကိန်းနှင့် စီးပွားရေး ဝန်ကြီးက လုပ်ငန်းပိုင်းဆိုင်ရာများကို ရှင်းလင်းတင်ပြသည်။

 

   ထို့နောက် ပြည်နယ်စီမံကိန်းဦးစီးဌာန ညွှန်ကြားရေးမှူးက ၂၀၁၃ ခုနှစ် ပထမ(၆)လပတ် လုပ်ငန်းဆောင်ရွက်ထားရှိမှု အခြေအနေများကို ရှင်းလင်းတင်ပြပြီး၊ တွဲဖက်ပြည်နယ်၊ ကိုယ်ပိုင်အုပ်ချုပ်ခွင့်ရဒေသတို့မှ တာဝန်ရှိသူများက လုပ်ငန်းဆောင်ရွက်ထားရှိမှု အခြေအနေများကို အသီးသီးရှင်းလင်း တင်ပြကြသည်။

 

   ၎င်းနောက် ပြည်နယ်ဝန်ကြီးချုပ်က နိဂုံးချုပ် အမှာစကားပြောကြားခဲ့သည်။

 

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲကျင်းပ

တောင်ကြီး  ဇူလိုင်  ၂၂

 

1

 

2

 

3

 

4

 

5

 

6

 

   ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲကို ဝါဆိုလပြည့်နေ့၊ ဇူလိုင်(၂၂)ရက်၊ နံနက်(၉)နာရီခွဲက တောင်ကြီးမြို့၊ အတုလမာရဇိန် မြို့လယ်ဓမ္မာရုံ၌ ကျင်းပရာ နိုင်ငံတော်သြဝါဒါစရိယ အဂ္ဂမဟာပဏ္ဍိတ မဟာကမ္မဌာနစရိယ စွန်းလွန်းဂူကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသ အမှူးပြုသော ဆရာတော်သံဃာတော်များ၊ သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်းနှင့်ဇနီး ဒေါ်အေးအေး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် အမှူးပြုသော ပြည်နယ်ဝန်ကြီးများနှင့် အစိုးရအဖွဲ့ တာဝန်ရှိသူများ၊ ပြည်နယ်အဆင့်ဌာနဆိုင်ရာ တာဝန်ရှိသူများ ဖိတ်ကြားထားသော ဧည့်သည်တော်များ တက်ရောက်ကြသည်။

 

   ရှေးဦးစွာ အခမ်းအနား တက်ရောက်လာသူများက နမောတဿသုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ပြီး၊ နိုင်ငံတော်သြဝါဒါစရိယ စွန်းလွန်းဂူကျောင်းတိုက် ဆရာတော်ထံမှ ငါးပါးသီလ ခံယူဆောက်တည်ကြပြီး ဆရာတော်သံဃာတော် အရှင်သူမြတ်တို့ ရွတ်ပွားသရဇ္ဈာယ်အပ်သော ပရိတ်တရားတော်မြတ်ကို နာယူပန်ဆင်ကြသည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများ၊ ပြည်နယ်အဆင့်ဌာနဆိုင်ရာများက ဝါဆိုသင်္ကန်းနှင့် လှူဖွယ်ဝတ္ထုပစ္စည်းများကို ဆက်ကပ်လှူဒါန်းခဲ့ကြသည်။

 

   ယင်းနောက် နိုင်ငံတော်သြဝါဒါစရိယ စွန်းလွန်းဂူကျောင်းတိုက် ဆရာတော်က လှူဒါန်းမှု အစုစုတို့အတွက် ရေစက်ညွန်းသွန်းပေးတော်မူပြီး အမျှပေးဝေခဲ့ကြသည်။

 

   ၎င်းနောက် ဗုဒ္ဓသာသနံစိရံတိဌတု ဂါထာတော်ကို သုံးကြိမ်ရွတ်ဆို ဆုတောင်း၍ အခမ်းအနားကို ရုပ်သိမ်းလိုက်ပြီး၊ ပြည်ယထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီးတို့က ရတနာရွှေမိုး၊ငွေမိုးများ ရွာသွန်းပေးခဲ့ကြသည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီး အမှူးပြုသော ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများသည် ဆရာတော်သံဃာတော် အရှင်သူမြတ်တိုံအား နေ့ဆွမ်းဆက်ကပ်လှူဒါန်းခဲ့ကြောင်း သတင်းရရှိသည်။

 

ရှမ်းပြည်နယ်အစိုးရအဖွဲ့၏ ၂၀၁၂-၂၀၁၃ ပညာသင်နှစ်၊ တက္ကသိုလ်ဝင်စာမေးပွဲ ပညာရည်ချွန်ဆု ချီးမြှင့်ပွဲ အခမ်းအနား ကျင်းပ

တောင်ကြီး   ဇူလိုင်  ၂၇

 

1

 

2

 

   ရှမ်းပြည်နယ်အစိုးရအဖွဲ့၏ ၂၀၁၂-၂၀၁၃ ပညာသင်နှစ်၊ တက္ကသိုလ်ဝင်စာမေးပွဲ ပညာရည်ချွန်ဆု ချီးမြှင့်ပွဲ အခမ်းအနားကို ဇူလိုင်(၂၇)ရက် နံနက်(၉)နာရီက တောင်ကြီးမြို့၊ မြို့တောင်ခန်းမ၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ လွှတ်တော် ဒုတိယ ဥက္ကဌ ဦးစိုင်းခမ်းမှတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ရှမ်းပြည်နယ်အစိုးရအဖွဲ့ အတွင်းရေးမှူး၊ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌများ၊ ဌာနဆိုင်ရာ အကြီးအကဲများ၊ ရပ်မိရပ်ဖများ၊ အလှူရှင်များ၊ ဖိတ်ကြားထားသော ဧည့်သည်တော်များနှင့် ဆုရ ကျောင်းသား/သူများ တက်ရောက်ခဲ့ကြသည်။

 

   အခမ်းအနားတွင် အထက(၄)မှ ကျောင်း " မြန်မာ့ကျောင်း " သီချင်းဖြင့် သီဆို ဖျော်ဖြေပြီး အခမ်းအနားစတင်ကျင်းပခဲ့သည်။

 

   ဆက်လက်ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် က အမှာစကားပြောကြားပြီး၊ ဆုရ မြို့နယ်/ကျောင်း နှင့် ကျောင်းသား/သူများကို အသီးသီးဆုချီးမြှင့်ခဲ့သည်။ ၎င်းနောက် (၆)ဘာသာဂုဏ်ထူး ထွက်ရှိအောင် သင်ကြားပို့ချပေးနိုင်သော ကျောင်းအုပ်ကြီးနှင့် ဆရာ/မများအား ဆုချီးမြှင့်ပေးခဲ့သည်။

 

   ထို့နောက် ရှမ်းပြည်နယ် ပညာရေးငွေပဒေသာပင်အတွက် အလှူရှင်များက အလှူငွေများပေးအပ်လှူဒါန်းရာ ရှမ်းပြည်နယ်အစိုးရအဖွဲ့မှ ဝန်ကြီးများ လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။

 

   ၎င်းနောက် ၂၀၁၃ ခုနှစ်၊ တက္ကသိုလ်ဝင်စာမေးပွဲတွင် ဂုဏ်ထူးရရှိသော ကျောင်းသား/သူများ ကိုယ်စား (၆)ဘာသာဂုဏ်ထူးရှင် ကျောင်းသားတစ်ဦး မှ ကျေးဇူးတင်စကားပြောကြားပြီး၊ အထက(၄)မှ ကျောင်းသား/သူများက " ဇာတိမာန် " သီချင်းဖြင့် သီဆိုဖျော်ဖြေ၍ အခမ်းအနားကို ရုပ်သိမ်းလိုက်ကြောင်း သတင်းရရှိသည်။

 

   ရှမ်းပြည်နယ်တွင် ၂၀၁၂-၂၀၁၃ ခုနှစ် တက္ကသိုလ်ဝင်စာမေးပွဲတွင် အောင်ချက်အကောင်းဆုံး မြို့နယ်ဆု ကလောမြို့နယ် ရရှိပြီး၊ ကျောင်းအဆင့် အောင်ချက်အနေဖြင့် အထက(၄)တောင်ကြီး (ပထမဆု)၊ အထက(၆)တောင်ကြီး (ဒုတိယဆု) နှင့် အထက(ခွဲ)မူဆယ် (တတိယဆု) အသီးသီးရရှိကြသည်။ ဂုဏ်ထူးရရှိမှုအနေဖြင့် (၆)ဘာသာ (၂၇)ဦး၊ (၅)ဘာသာ (၅၆)ဦး၊ (၄)ဘာသာ (၉၅)ဦး၊ (၃)ဘာသာ (၁၄၈)ဦး၊ (၂)ဘာသာ (၂၆၁)ဦး၊ (၁)ဘာသာ (၁၀၅၄)ဦး ရရှိခဲ့သည်။

ကလောမြို့နယ်၊ ရပ်ကွက်/ကျေးရွာအုပ်စုဖွံ့ဖြိုးရေးအထောက်အကူပြုကော်မတီအဖွဲ့ဝင်များနှင့် တွေ့ဆုံ၍ ဖွံ့ဖြိုးတိုးတက်ရေးလုပ်ငန်းဆိုင်ရာများ ညှိနှိုင်းဆွေးနွေး

တောင်ကြီး   ဇူလိုင်  ၂၁

 

klw03

 

klw06

 

klw05

 

klw04

 

klw02

 

klw01

 

   သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်း၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သန်းငွေ၊ အမျိုးသားလွှတ်တော် ကိုယ်စားလှယ် ဦးဉာဏ်လင်း၊ ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာ အကြီးအကဲများ၊ မြို့နယ် စီမံခန့်ခွဲမှုကော်မတီ၊ စည်ပင်သာယာရေးကော်မတီ၊ မြို့နယ် ဖွံ့ဖြိုးတိုးတက်ရေးအထောက်အကူပြုကော်မတီဝင်များ၊ ကုန်သည်အသင်းအဖွဲ့များနှင့် တွေ့ဆုံ၍ မြို့နယ် ဖွံ့ဖြိုးတိုးတက်ရေး၊ သဘာဝပတ်ဝန်းကျင်ထိန်းသိမ်းရေးနှင့် မြေစီမံခန့်ခွဲမှု ကိစ္စရပ်များ၊ ပညာရေး၊ ကျန်းမာရေးဆိုင်ရာ ကိစ္စရပ်များတွင် ပြည်သူလူထုဗဟိုပြု ဖွံဖြိုးတိုးတက်ရေးဆိုင်ရာ လုပ်ထုံးလုပ်နည်း၊ မူဝါဒနှင့်အညီ ပြည်သူလူထု၏ ဆန္ဒများ ညှိနှိုင်းဆွေးနွေးပွဲကို ဇူလိုင်(၂၁)ရက်၊ နေ့လည်(၁၂)နာရီခွဲက ကလောမြို့နယ်ခန်းမ၌ ကျင်းပပြုလုပ်ခဲ့သည်။

 

   ရှေးဦးစွာ ပြည်ထောင်စုဝန်ကြီးက အမှာစကားပြောကြားရာတွင် မြို့နယ် ဖွံဖြိုးတိုးတက်ရေးစီမံကိန်းကို စုပေါင်းတိုင်ပင်ရေးဆွဲပြီး စနစ်တကျဆောင်ရွက်သွားရန် လိုအပ်ကြောင်း၊ ဒေသဖွံ့ဖြိုးတိုးတက်ရေးအတွက် တည်ငြိမ်အေးချမ်းရေးနှင့် တရားဥပဒေစိုးမိုးရေးကို အထူးအရေးပေး ဆောင်ရွက်ရမည်ဖြစ်ကြောင်း ထည့်သွင်း ပြောကြားသွားသည်။

 

   ဆက်လက်ပြီး ပြည်နယ်ဝန်ကြီးချုပ်က အမှာစကားပြောကြားပြီးနောက် ကလောမြို့နယ် အုပ်ချုပ်ရေးမှူး ဦးမိုးခိုင်ထွန်းက ဒေသဆိုင်ရာအချက်အလက်များကို ရှင်းလင်းတင်ပြသည်။

 

   ထို့နောက် မြို့နယ်ပညာရေးမှူးက ပညာရေးဆိုင်ရာကိစ္စရပ်များကိုလည်းကောင်း၊ မြို့နယ်ကျန်းမားရေးဌာနမှ တာဝန်ရှိသူက ကျန်းမာရေးဆိုင်ရာကိစ္စရပ်များကို လည်းကောင်း၊ လွှတ်တော်ကိုယ်စားလှယ်များ၊ မြို့နယ်ဖွံဖြိုးတိုးတက်ရေး အထောက်အကူပြုကော်မတီ၊ အသင်းအဖွဲ့ကော်မတီ အသီးသီးနှင့် ဒေသခံပြည်သူများက အထွေထွေကိစ္စရပ်များကို ဆွေးနွေးတင်ပြကြရာ ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က ပြန်လည်ရှင်းလင်း ဆွေးနွေးခဲ့ကြသည်။

 

   ယင်းနောက် ကလောပြည်သူ့ဆေးရုံ ဆေးပဒေသာပင်နှင့် သက်ကြီးရွယ်အို ကျန်းမာရေးစောင့်ရှောက်မှု ရန်ပုံငွေအတွက် အလှူငွေများကို သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးနှင့် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ညွှန်ကြားရေးမှူးချုပ် ဦးအောင်နိုင်ဦးတို့က ပေးအပ်လှူဒါန်းကြရာ တာဝန်ရှိသူများက လက်ခံရယူခဲ့ကြသည်။

 

   ၎င်းနောက် သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးက နိဂုံးချုပ်အမှာစကား ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သတင်းရရှိသည်။

 

More Articles...

  1. (၆၆)နှစ်မြောက် အာဇာနည်နေ့တွင် ရှမ်းပြည်နယ်အစိုးရအဖွဲ့မှ ဆရာတော်ကြီး(၉)ပါးတို့အား ဆွမ်းဆက်ကပ်လှူဒါန်းပွဲကျင်းပ
  2. အင်းလေးဒေသဟိုတယ်ဇုန်နှင့် ပတ်သက်၍ Environmental Impact Assessment နှင့် Social Impact Assessment ကိစ္စရပ်များနှင့် စပ်လျဉ်းသည့် လုပ်ငန်းညှိနှိုင်းအစည်းအဝေး ကျင်းပ
  3. ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းပွဲ ကျင်းပ
  4. ဒေသဖွံ့ဖြိုးရေးဆိုင်ရာ လုပ်ငန်းညှိနှိုင်း အစည်းအဝေးကျင်းပ
  5. ဒုတိယအကြိမ်မြောက် မြို့နယ်လုံးကျွတ် စုပေါင်းဝါဆိုသင်္ကန်းဆက်ကပ်လှူဒါန်းပွဲ
  6. ၂၀၁၃ ခုနှစ်၊ ပင်းတယမြို့နယ်၊ ပွေးလှမြို့ မိုးရာသီသစ်ပင်စိုက်ပျိုးပွဲတော် ကျင်းပ
  7. ဘွဲ့တံဆိပ်တော်များ ဆက်ကပ်ချီးမြှင့်နိုင်ရေး စိစစ်ရွေးချယ်မှု ပြုလုပ်
  8. တောင်ကြီးတက္ကသိုလ်၊ (၃)ထပ်စာသင်ဆောင် (၃)လုံး တင်ဒါခေါ်ယူ ဆောက်လုပ်နိုင်ရေး ညှိနှိုင်းအစည်းအဝေး ကျင်းပ
  9. ရှမ်းပြည်နယ်အစိုးရအဖွဲ့နှင့် လုပ်ငန်းသဘောတူ စာချုပ်လက်မှတ်ရေးထိုးပွဲ ကျင်းပ
  10. ၂၀၁၃ ခုနှစ်၊ မြန်မာအမျိုးသမီးများနေ့ ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 88 guests and no members online