သတင်းများ

အထက်သံလွင်(မိုင်းတုံ) ရေအားလျှပ်စစ်စီမံကိန်း၊ ရှမ်းပြည်နယ်အစိုးရအဖွဲ့သို့ ရှင်းလင်းခြင်း

တောင်ကြီး   အောက်တိုဘာ  ၃၁

 

001

 

   ရှမ်းပြည်နယ်၊ တောင်ကြီးမြို့၌ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့် အောက်တိုဘာ(၃၁)ရက်၊ မွန်းလွဲ(၁)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ အထက်သံလွင်(မိုင်းတုံ) ရေအားလျှပ်စစ်စီမံကိန်း၊ ရှမ်းပြည်နယ်အစိုးရအဖွဲ့သို့ ရှင်းလင်းခြင်း ကျင်းပသည်။

 

   ပထမဦးစွာ International Group of Enterepreneurs Co.,Ltd. ၊ Group Deputy Managing Director ဦးသန်းဝင်းဆွေမှ တွေ့ဆုံရခြင်း ရည်ရွယ်ချက်များ ရှင်းလင်းတင်ပြ၍ မိတ်ဆက်စကား ပြောကြားသည်။ ဆက်လက်၍ Mr.Lu Guojun (Assistant President of CTGC) မှ စီမံကိန်းနှင့် ပတ်သက်သည့် အကြောင်းအရာများအား ရှင်းလင်းဆွေးနွေး၍ လည်းကောင်း၊ မိုင်းတုံရေအားလျှပ်စစ်စီမံကိန်း  Feasibility Study Report ဆောင်ရွက်ထားခဲ့မှု အခြေအနေများနှင့် စီမံကိန်းဆိုင်ရာ ရွေးချယ်သတ်မှတ်မှုများအား ရှင်းလင်း တင်ပြကြသည်။

 

   ထို့နောက် တက်ရောက်လာသူများမှ မေးခွန်း မေးမြန်းခြင်းနှင့် ပြန်လည် ရှင်းလင်းပြီး၊ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ် အမှာစကား ပြောကြားကြောင်း သိရှိရသည်။

 

တန်ဆောင်တိုင်ပွဲတော်ကျင်းပရေး တတိယအကြိမ် လုပ်ငန်းညှိနှိုင်းအစည်းအဝေးကျင်းပ

တောင်ကြီး   အောက်တိုဘာ   ၃၁

 

1031

 

   ရှမ်းပြည်နယ်၊ တန်ဆောင်တိုင်ပွဲတော်ကျင်းပရေး တတိယအကြိမ် လုပ်ငန်းညှိနှိုင်းအစည်းအဝေးကို အောက်တိုဘာ (၃၁)ရက်မွန်းလွဲ(၁)နာရီက ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ တန်ဆောင်တိုင်ပွဲတော်ကျင်းပရေးကော်မတီ ဥက္ကဌ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်းက အဖွင့်အမှာစကားပြောကြားပြီး၊ အခမ်းအနားတက်ရောက်လာသည့် ပွဲတော်ဖြစ်မြောက်ရေးကော်မတီ အသီးသီးတို့မှ ရငွေ၊ သုံးငွေ၊ ဘဏ္ဍာငွေရသုံးဆိုင်ရာ ကိစ္စရပ်များကို ဆွေးနွေးတင်ပြကြသည်။

 

   အဆိုပါ အခမ်းအနားသို့ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ ပွဲတော်ကျင်းပရေး ဆပ်ကော်မတီ အသီးသီးတို့က တက်ရောက်ကြကြောင်းသိရှိရသည်။

 

ကိုယ်ပိုင်အုပ်ချုပ်ခွင့်ရဒေသ (ပအိုဝ်း၊ ဓနု) နှင့် ညောင်ရွှေမြို့နယ်တို့မှ မြို့နယ်ကော်မတီဝင်များ၊ ရပ်ကွက်/ကျေးရွာ ဖွံ့ဖြိုးတိုးတက်ရေး အထောက်အကူပြုကော်မတီဝင်များနှင့် တွေ့ဆုံ

တောင်ကြီး  အောက်တိုဘာ  ၂၇ 

 1027

 

   ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၌ နိုင်ငံတော်သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးစိုးသိန်းနှင့် ဦးတင်နိုင်သိန်းတို့သည် ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ ဖွံ့ဖြိုးတိုးတက်ရေးလုပ်ငန်းများ တိုးတက်ဆောင်ရွက်နိုင်ရန်ဒေသခံ မြို့နယ်ကော်မတီဝင်များ၊ ရပ်ကွက်/ကျေးရွာ ဖွံ့ဖြိုးတိုးတက်ရေး အထောက်အကူပြုကော်မတီဝင်များနှင့် တွေ့ဆုံပွဲကို အောက်တိုဘာ(၂၄)ရက်၊ နေ့လည်(၁၂)နာရီက ဟိုပုံးမြို့၊ မြို့နယ်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ဗမာတိုင်းရင်းသားရေးရာဝန်ကြီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌနှင့် အဖွဲ့ဝင်များ၊ ပြည်နယ်လွှတ်တော်ကိုယ်စားလှယ်များ၊ ပြည်နယ်/မြို့နယ်အဆင့် ဌာနဆိုင်ရာများ၊ မြို့နယ်/မြို့နယ်ခွဲ အုပ်ချုပ်ရေးမှူးများ၊ မြို့နယ်ကော်မတီဝင်များ၊ ရပ်ကွက်/ကျေးရွာ ဖွံ့ဖြိုးတိုးတက်ရေးအထောက်အကူပြုကော်မတီဝင်များ၊ ရပ်မိရပ်ဖများ၊ ရပ်ကွက်အုပ်ချုပ်ရေးမှူးများ တက်ရောက်ကြသည်။

 

   အခမ်းအနားတွင် နိုင်ငံတော်သမ္မတရုံးဝန်ကြီးဌာန၊ ပြည်ထောင်စုဝန်ကြီးတို့မှ အမှာစကား အသီးသီး ပြောကြားကြပြီး၊ မြို့နယ်/မြို့နယ်ခွဲ အုပ်ချုပ်ရေးမှူး၊ မြို့မိမြို့ဖများနှင့် အထောက်အကူပြုကော်မတီအဖွဲ့များက ဒေသဖွံ့ဖြိုးရေး လိုအပ်ချက်များ တင်ပြဆွေးနွေးကြသည်။

 

   ဆက်လက်၍ ပြည်ထောင်စုဝန်ကြီးနှင့် အဖွဲ့သည် အောက်တိုဘာ(၂၅)ရက်၊ နံနက်(၉)နာရီက ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ ဓနုဒေသဦးစီးရုံး၊ အစည်းအဝေးခန်းမ၌ ဓနုကိုယ်ပိုင်အုပ်ချုပ်ခွင့်ရဒေသ ဖွံ့ဖြိုးတိုးတက်ရေးလုပ်ငန်းများ တိုးတက်ဆောင်ရွက်နိုင်ရန် မြို့နယ်ကော်မတီဝင်များ၊ ရပ်ကွက်/ကျေးရွာအုပ်စု ဖွံ့ဖြိုးတိုးတက်ရေး အထောက်အကူပြုကော်မတီဝင်များနှင့် တွေ့ဆုံသည်။

 

   ထို့နောက် ပြည်ထောင်စုဝန်ကြီးနှင့် အဖွဲ့သည် အောက်တိုဘာ(၂၆)ရက်၊ နနံက်(၉)နာရီ(၁၅)မိနစ်က ညောင်ရွှေမြို့အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ညောင်ရွှေမြို့နယ်အတွင်းရှိ ဒေသဖွံ့ဖြိုးတိုးတက်ရေးလုပ်ငန်းများ တိုးတက်ဆောင်ရွက်နိုင်ရန် မြို့နယ်ကော်မတီဝင်များ၊ ရပ်ကွက်/ကျေးရွာအုပ်စု ဖွံ့ဖြိုးတိုးတက်ရေးအထောက်အကူပြုကော်မတီဝင်များနှင့် တွေ့ဆုံပြီး နိုင်ငံတော်သမ္မတရုံးဝန်ကြီးဌာန(၃)၊ ပြည်ထောင်စုဝန်ကြီး ဦးစိုးသိန်းက အဖွင့်အမှာစကား ပြောကြားရာ အင်းလေးကန် သဘာဝပတ်ဝန်းကျင် စိမ်းလန်းစိုပြေရေးအတွက် ဝိုင်းဝန်းကူညီဆောင်ရွက်ပေးကြရန်၊ ပညာရေးကဏ္ဍ ဖွံ့ဖြိုးတိုးတက်ရေး၊ စီးပွားရေးလုပ်ငန်း ဖွံ့ဖြိုးတိုးတက်ရေးအတွက် အထောက်အကူပြုကော်မတီဝင်များနှင့် ဝိုင်းဝန်းပါဝင် ကူညီဆောင်ရွက်ပေးကြရန်၊ ဒေသဖွံ့ဖြိုးတိုးတက်ရေးအတွက် ဦးစားပေးဆောင်ရွက်ရမည့် လုပ်ငန်းများ ရွေးချယ်ဖလှယ်ပြီး ဖွံ့ဖြိုးရေးအထောက်အကူပြုကော်မတီဝင်များနှင့် ဌာနဆိုင်ရာများက စည်းလုံးညီညွှတ်စွာ ပူးပေါင်းကူညီဆောင်ရွက်ကြရန် ပြောကြားသွားသည်။

 

   ၎င်းနောက် သမ္မတရုံးဝန်ကြီးဌာန(၃)၊ ပြည်ထောင်စုဝန်ကြီး ဦးစိုးသိန်းက နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

တောင်ကြီးတက္ကသိုလ် (၃)ထပ်ဆောင်များ ပန္နိက်တင် မင်္ဂလာကျင်းပ

တောင်ကြီး   အောက်တိုဘာ   ၃၁

 

1030

 

   ရှမ်းပြည်နယ်တောင်ကြီးတက္ကသိုလ် (၃)ထပ်ဆောင်များ ပန္နိက်တင် မင်္ဂလာအခမ်းအနားကို အောက်တိုဘာ (၃၁)ရက်နံနက်(၈)နာရီခွဲက အဆိုပါ ကျောင်းဝင်း၌ ကျင်းပရာ အောင်ချမ်းသာကုမ္ပဏီအဆောက်အဦ ပန္နိက်(၅)နေရာတွင် ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်း၊ တောင်ကြီးတက္ကသိုလ်ပါမောက္ခချုပ် ဒေါက်တာ ဒေါ်မူမူမြင့်၊ ဒုတိယပါမောက္ခချုပ် နှင့် ကုမ္ပဏီမှ တာဝန်ရှိသူများက မင်္ဂလာအချိန်ကျရောက်သောအခါ နမောတဿ(၃)ကြိမ်ဖြင့် မင်္ဂလာအခါပေး၍ ရွှေပန္နက်၊ ငွေပန္နက်များကို တစ်ပြိုင်နက်(၉)ချက် အသီးသီးရိုက်သွင်းပေးကြသည်။

 

   ဆက်လက်၍ ပြည်နယ်ဝန်ကြီးများ၊ တာဝန်ရှိသူများတို့သည် Rising Sun Construction Co;Ltd အဆောက်အဦနေရာသို့ ရောက်ရှိပြီး၊ သတ်မှတ်နေရာတွင် အသီးသီးနေရာယူ၍ မင်္ဂလာအချိန်ကျရောက်သောအခါ နမောတဿ(၃)ကြိမ်ရွက်ဆိုကာ ရွှေပန္နက်၊ ငွေပန္နက်များကို တစ်ပြိုင်နက်(၉)ချက် ရိုက်သွင်းပေးကြပြီး၊ အမွှေးနှံ့သာရည်များ၊ ပက်ဖျန်းကာ ပြည်နယ်ဝန်ကြီးများနှင့် တာဝန်ရှိသူတို့က ရတနာရွှေမိုးငွေမိုးများ၊ ပက်ကြဲပေးကြသည်။ 

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဘဏ္ဍာရေးနှင့်အခွန်ဝန်ကြီး၊ ပြည်နယ်လူမှုရေးဝန်ကြီး၊ ပြည်နယ်စည်ပင်သာယာရေးဝန်ကြီး၊ တောင်ကြီးတက္ကသိုလ်ပါမောက္ခချုပ်၊ ဒုတိယပါမောက္ခချုပ်၊ အောင်ချမ်းသာကုမ္ပဏီ၊ Rising Sun ကုမ္ပဏီ၊ ပြည့်ဝခိုင်မာကုမ္ပဏီတို့မှ တာဝန်ရှိသူများ၊ တိုင်းရင်းသူများ၊ အင်ဂျင်နီယာများ၊ ဖိတ်ကြားထားသည့် ဧည့်သည်တော်များ တက်ရောက် ကြပြီး တောင်ကြီးတက္ကသိုလ် (၃)ထပ် RC စာသင်ဆောင်အကျယ်အဝန်းမှာ အလျား(၁၉၃)ပေ၊ အနံ(၁၃၈)ပေရှိပြီး၊ စီမံကိန်းကာလ(၆)လအတွင်း စာသင်ဆောင်(၃)ဆောင်ကို ဆောက်လုပ်ပြီးစီးမည်ဖြစ်ကြောင်း သိရှိရသည်။

 

အင်းလေးဖောင်တော်ဦး ရုပ်ရှင်တော်မြတ်များ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်

တောင်ကြီး  အောက်တိုဘာ  ၂၂

 

1021

 

   အင်းလေးဖောင်တော်ဦး ရုပ်ရှင်တော်မြတ်များ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်သည့် အခမ်းအနားကို အောက်တိုဘာ(၂၂)ရက်၊ နံနက်(၉)နာရီက အဆိုပါ စံကျောင်းတော်၌ ကျင်းပရာ ပထမဦးစွာ ကရဝိတ်ဖောင်တော်ပေါ်မှ ဖော်တော်ဦး ရုပ်ရှင်တော်မြတ်များအား စံကျောင်းတော်ကြီးပေါ်သို့ ပင့်ဆောင်ရာ ပထမကိုယ်စားတော်မြတ်ကို သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စည်ပင်သာယာရေးဝန်ကြီး၊ ပြည်နယ်လမ်းပန်းဆက်သွယ်ရေးဝန်ကြီးတို့က ပင့်ဆောင်၍ လည်းကောင်း၊ ဒုတိယကိုယ်စားတော်မြတ်ကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဘဏ္ဍာရေးနှင့် အခွန်ဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်လွှတ်တော်ကိုယ်စားလှယ်တို့က ပင့်ဆောင်၍ လည်းကောင်း၊ တတိယကိုယ်စားတော်မြတ်ကို ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ အင်းတိုင်းရင်းသားရေးရာဝန်ကြီး၊ ပြည်နယ်လွှတ်တော်ကိုယ်စားလှယ်၊ အင်းသားလူမှုရေးအဖွဲ့မှ တာဝန်ရှိသူများက ပင့်ဆောင်၍ လည်းကောင်း၊ စတုတ္ထကိုယ်စားတော်မြတ်ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူနှင့် ပြည်နယ်အဆင့် ဌာနဆိုင်ရာတို့က အသီးသီး ပင့်ဆောင်ကြသည်။

ဆက်လက်၍ သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်၊ ရှမ်းပြည်နယ်ဝန်ကြီးချုပ် ဦးစဝ်အောင်မြတ် တို့က ဖောင်တော်ဦးရုပ်ပွားတော်မြတ်အား ဆွမ်း၊ ဆီမီး၊ ရေချမ်း၊ ရွှေသင်္ကန်း ဆက်ကပ်လှူဒါန်းပြီး၊ ဧည့်သည်တော်မှတ်တမ်းတွင် လက်မှတ်ရေးထိုးကာ ဂေါပကအဖွဲ့မှ ဓမ္မလက်ဆောင်(၂၁)ဌာန ကြာသင်္ကန်းများ ဝေငှပေးခဲ့သည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် နန်းဟူးဘုန်းတော်ကြီးကျောင်းတွင် ဟဲယာရွာမ ရွှေဘုံသာကျောင်းတိုက် ဆရာတော်ကြီးထံမှ ကိုးပါးသီလ ခံယူဆောက်တည်ကြပြီး၊ ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများတို့က ဆရာတော်များအား လှူဖွယ်ပစ္စည်းများ ဆက်ကပ်လှူဒါန်းကြသည်။

 

   ဆက်လက်၍ ပြည်ထောင်စုဝန်ကြီး ဦးဆန်းဆင့်မှ သာသနာတော်ဆိုင်ရာ ကိစ္စရပ်များ လျှောက်ထားပြီး ဆရာတော်သံဃာတော် အရှင်သူမြတ်တို့က မေတ္တာသုတ်များကို ရွတ်ဖတ်သရဇ္စျာယ်ကြပြီး၊ ဟဲယာရွာမ ရွှေဘုံသာကျောင်း ဆရာတော်ကြီးမှ လှူဒါန်းမှုအစုစုတို့ကို ရေစက်သွန်းချ အမျှပေးဝေကာ အခမ်းအနားကို ဗုဒ္ဓ သာသနံ စိရံ တိဌတု သုံးကြိမ်ရွတ်ဆို၍ ရုပ်သိမ်းလိုက်သည်။

 

   ၎င်းနောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် အင်းသားရိုးရာလှေပြိုင်ပွဲ ယှဉ်ပြိုင်နေမှုကို ကြည့်ရှုအားပေးပြီး၊ ဆုများချီးမြှင့်ပေးရာ အင်းသားရိုးရာဆွမ်းပို့လှေအဖွဲ့ကို အင်းတိုင်းရင်းသားရေးရာဝန်ကြီး၊ ပြည်နယ်စာရင်းစစ်ချုပ်တို့မှ လည်းကောင်း၊ လှေယာဉ်အလှ ဟဲယာရွာမ၊ အင်းပေါခုံအသင်းတို့ကို ပြည်နယ်ဥပဒေချုပ်၊ ပြည်နယ်စည်ပင်သာယာရေးဝန်ကြီးတို့က လည်းကောင်း၊ အမျိုးသား(၄၆)တက် နှစ်သိမ့်ဆုရအသင်းကို ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်သစ်တော်နှင့် သတ္တုဝန်ကြီးတို့မှ လည်းကောင်း၊ အမျိုးသားရာကျော်လှေ နှစ်သိမ့်ဆုရအသင်းကို ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်တရားလွှတ်တော် တရာသူကြီးချုပ်တို့မှ လည်းကောင်း၊ အမျိုးသမီး(၂၆)တက် ပထမ၊ ဒုတိယဆုရအသင်းကို သာသနာရေးဝန်ကြီးဌာန၊ ပြည်ထောင်စုဝန်ကြီး၏ ဇနီးမှ လည်းကောင်း၊ အမျိုးသား(၄၆)တက် ပထမ၊ ဒုတိယဆုရအသင်းကို ရှမ်းပြည်နယ်ဝန်ကြီးချုပ် ဦးစဝ်အောင်မြတ်မှ လည်းကောင်း၊ အမျိုးသားရာကျော်လှေ ပထမ၊ ဒုတိယဆုရအသင်းကို သာသနာရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဆင့်မှ လည်းကောင်း အသီးသီး ဆုများ ချီးမြှင့်ပေးအပ်ပြီး၊ ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူများသည် ဆုရရှိသော လှေပြိုင်အသင်းများကို လိုက်လံနှုတ်ဆက်ကြပြီး အခမ်းအနားကို နောင်အင်းလေးသီချင်းဖြင့် ရုပ်သိမ်းလိုက်သည်။

 

2022

 

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများသည် ညောင်ရွှေမြို့၊ အင်းလေးဟိုတယ်ဇုန် ရှင်းလင်းဆောင်ခန်းမသို့ ရောက်ရှိပြီး၊ ခန်းမဆောင်တွင် အင်းလေးဟိုတယ်ဇုန် ဆပ်ကော်မတီ အသီးသီးတို့က လမ်းပန်းဆက်သွယ်ရေးနှင့် လျှပ်စစ်မီးလင်းရေး ကိစ္စရပ်များကို ရှင်းလင်းတင်ပြကြရာ ပြည်နယ်ဝန်ကြီးချုပ်မှ လိုအပ်သည်များ မှာကြားပြီး၊ ဟိုတယ်ဇုန် (C) Zone  (B) Zone  (A) Zone တို့ကို မော်တော်ယာဉ်ဖြင့် လှည့်လည်ကြည့်ရှုခဲ့ကြောင်း သိရှိရသည်။

 

ပထမအကြိမ် ရှမ်းပြည်နယ်လွှတ်တော် အထူးအစည်းအဝေး(၁/၂၀၁၃) ခေါ်ယူ ကျင်းပမည်

တောင်ကြီး  အောက်တိုဘာ  ၃၀

 

Hluttaw

 

   ပထမအကြိမ် ရှမ်းပြည်နယ်လွှတ်တော် အထူးအစည်းအဝေး(၁/၂၀၁၃)ကို ရှမ်းပြည်နယ်လွှတ်တော် ခန်းမ၌ (၄.၁၁.၂၀၁၃)ရက်နေ့၊ နံနက်(၁၀)နာရီတွင် ကျင်းပသွားမည် ဖြစ်ပါသည်။ 

 

   ထို့ကြောင့် ပြည်နယ်လွှတ်တော်ကိုယ်စားလှယ်များအား (၂.၁၁.၂၀၁၃)ရက်နေ့ထက်မစော (၃.၁၁.၂၀၁၃)ရက်နေ့ထက် နောက်မကျဘဲ ရှမ်းပြည်နယ်လွှတ်တော်ရုံးသို့ သတင်းပို့ရန်၊ ပြည်နယ်လွှတ်တော်ကိုယ်စားလှယ်များထံ ဖိတ်ကြားစာပေးပို့ ထားကြောင်း သတင်းရရှိသည်။

 

ရှမ်းပြည်နယ် လူမှုရေးဝန်ကြီး ဒေါက်တာမျိုးထွန်း၏ (၁၆-၁ဝ-၂ဝ၁၃)မှ (၁၈-၁ဝ-၂ဝ၁၃) ရက်နေ့ထိ ကျိုင်းတုံဒေသသို့ ပညာရေး/ ကျန်းမာရေး ကိစ္စရပ်များ ဆောင်ရွက်ရန် သွားရောက်ခဲ့သည့် ခရီးစဉ်

ရက်စွဲ၊ (၁၆-၁ဝ-၂ဝ၁၃)မှ (၁၈-၁ဝ-၂ဝ၁၃)

 

1023

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းသည် (၁၆-၁ဝ-၂ဝ၁၃)ရက်နေ့တွင် ရုံးစိုက်ရာ တောင်ကြီးမြို့မှ ကျိုင်းတုံဒေသသို့ ခရီးထွက်ခွာခဲ့ပြီး (၁၇-၁ဝ-၂ဝ၁၃)ရက်နေ့ နံနက်(၈းဝဝ)နာရီတွင် ဦးတင်မောင်ဆွေ- ညွန်ကြားရေးမှူး ပြည်နယ်ဒုတိယအထွေထွေအုပ်ချုပ်ရေးဦးစီးဌာန ကျိုင်းတုံ၊ ဦးခွန်စိန်မြင့်- ပြည်နယ်ပညာရေး ဒုတိယညွန်ကြားရေးမှူး(ကျိုင်းတုံ)၊ ဦးခင်ဝင်း- ခရိုင်အုပ်ချုပ်ရေးမှူး ကျိုင်းတုံခရိုင်အထွေထွေအုပ်ချုပ်ရေးဦးစီးဌာန၊ ဦးသန်းထိုက်အောင်- ခရိုင်အင်ဂျင်နီယာမှူး ကျိုင်းတုံ၊ ဦးကျော်လှ- လ/ထ ညွန်ကြားရေးမှူး မြို့နယ်စည်ပင် ကျိုင်းတုံ၊ ဦးထွေးအောင်- မြို့နယ်စည်ပင်အင်ဂျင်နီယာမှူး ကျိုင်းတုံ တို့ပါဝင်သော တင်ဒါစိစစ်ရွေးချယ်ရေး လုပ်ငန်းကော်မတီအဖွဲ့ဝင်များနှင့်အတူ ရှမ်းပြည်နယ်(ကျိုင်းတုံဒေသ)ရှိ အခြေခံပညာကျောင်းဆောင်သစ် (၄၇)ကျောင်း ဆောက်လုပ်ရန်အတွက် ဆောက်လုပ်ရေးကုမ္ပဏီများမှ အဆိုပြုထားသည့် တင်ဒါလျှောက်လွာများကို ဖွင့်ဖောက်စစ်ဆေး၍ စိစစ်ရွေးချယ်ခြင်းလုပ်ငန်းအား ပြည်နယ်ပညာရေး ညွန်ကြားရေးမှူးရုံး(ရုံးခွဲ) ကျိုင်းတုံ၌ ဆောင်ရွက်ခဲ့ကြပါသည်။

 

ထို့နောက် ဆက်လက်၍ (၁၃ဝဝ)နာရီအချိန်တွင် ဦးတင်မောင်ဆွေ- ညွန်ကြားရေးမှူး၊ ပြည်နယ်ဒုတိယ အထွေထွေအုပ်ချုပ်ရေးဦးစီးဌာန ကျိုင်းတုံ၊ ဒေါက်တာဝင်းကျော် တွဲဖက်ပြည်နယ်ကျန်းမာရေးဦးစီးဌာနမှူး(ကျိုင်းတုံ)၊ ဦးခင်ဝင်း- ခရိုင်အုပ်ချုပ်ရေးမှူး ကျိုင်းတုံခရိုင်အထွေထွေအုပ်ချုပ်ရေးဦးစီးဌာန၊ ဦးသန်းထိုက်အောင်- ခရိုင်အင်ဂျင်နီယာမှူး ကျိုင်းတုံ၊ ဦးကျော်လှ- လ/ထ ညွန်ကြားရေးမှူး မြို့နယ်စည်ပင် ကျိုင်းတုံ၊ ဦးထွေးအောင်- မြို့နယ်စည်ပင်အင်ဂျင်နီယာမှူး ကျိုင်းတုံ၊ ဒေါက်တာကြည်လွင်- ဆေးရုံအုပ်ကြီး ကျိုင်းတုံဆေးရုံကြီး တို့ပါဝင်သော တင်ဒါစိစစ်ရွေးချယ်ရေးလုပ်ငန်း ကော်မတီ အဖွဲ့ဝင်များနှင့်အတူ ရှမ်းပြည်နယ်(ကျိုင်းတုံဒေသ)ရှိ ဆေးရုံ၊ ကျန်းမာရေးဌာနများနှင့် သူနာပြုသားဖွား သင်တန်းကျောင်းများဆိုင်ရာ တည်ဆောက်ပြုပြင်ခြင်းလုပ်ငန်းများ ဆောင်ရွက်ရန်အတွက် ဆောက်လုပ်ရေး ကုမ္ပဏီများမှ တင်သွင်းထားသည့် တင်ဒါလျှောက်လွာများကို စိစစ်ရွေးချယ်ပြီး အိတ်ဖွင့်တင်ဒါ ဖွင့်ဖောက်စစ်ဆေးခြင်းကို တွဲဖက်ပြည်နယ်ကျန်းမာရေး ဦးစီးဌာနတွင် ဆောင်ရွက်ခဲ့ကြပါသည်။

 

(၁၈-၁ဝ-၂ဝ၁၃)ရက်နေ့ နံနက်(၈းဝဝ)နာရီတွင် ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းသည် ဦးတင်မောင်ဆွေ၊ ဒေါက်တာဝင်းကျော်၊ ဦးခွန်စိန်မြင့်တို့ လိုက်ပါလျက် သိပ္ပံနှင့်နည်းပညာဝန်ကြီးဌာနအောက်ရှိ၊ နည်းပညာတက္ကသိုလ်(ကျိုင်းတုံ)၌ တည်ဆောက်မည့် ဆရာ/ ဆရာမဆောင် (၁၃၂+ ထ ၄၅+ ထ ၁၂+) (၆)ခန်းတွဲ(၁)လုံး (RC) တည်ဆောက်မည့် မြေနေရာအား ကွင်းဆင်းစစ်ဆေးကြည့်ရှုခဲ့ရာ တာဝန်ရှိသူများမှ လိုက်လံရှင်းလင်း ပြသခဲ့ကြပြီး လူမှုရေးဝန်ကြီး ဒေါက်တာမျိုးထွန်းမှ သတင်းစာများတွင် အိတ်ဖွင့်တင်ဒါကြော်ငြာခြင်းကို အမြန်ထည့်သွင်းကြော်ငြာ ဆောင်ရွက်သွားရန် မှာကြားခဲ့ပါသည်။

 

ထို့နောက် ဆက်လက်၍ သူနာပြုနှင့်သားဖွားသင်တန်းကျောင်း (ကျိုင်းတုံ) တည်ဆောက်ပြုပြင်မည့် လုပ်ငန်းများဆောင်ရွက်မည့် အခြေအနေများကို သွားရောက်စစ်ဆေးကြည့်ရှုခဲ့ရာ တွဲဖက်ပြည်နယ်ကျန်းမာရေး ဦးစီးဌာနမှူးနှင့် သူနာပြုကျောင်းအုပ် မခေါင်ထဖီဆာရ်တို့မှ လိုက်လံရှင်းလင်းပြသခဲ့ကြပါသည်။

 

ဆက်လက်၍ လားရှိုးခရိုင် ပညာရေးမှူးရုံးဆောက်လုပ်မည့် မြေနေရာအား သွားရောက်ကြည့်ရှု စစ်ဆေးခဲ့ရာတွင် ဦးခွန်စိန်မြင့်၊ ပြည်နယ်ပညာရေး ဒုတိယညွန်ကြားရေးမှူးနှင့် ခရိုင်ပညာရေးမှူးတို့မှ လိုက်လံရှင်းလင်း ပြသခဲ့ပြီး ညနေ(၀၄ဝဝ)နာရီတွင် ကျိုင်းတုံမြို့မှ ရုံးစိုက်ရာ တောင်ကြီးမြို့သို့ ပြန်လည်ထွက်ခွာခဲ့ကြောင်း သတင်းရရှိပါသည်။

 

ရှမ်းပြည်နယ် လူမှုရေးဝန်ကြီး ဒေါက်တာမျိုးထွန်း၏ (၂၆-၁ဝ-၂ဝ၁၃)ရက်နေ့ ဆီဆိုင်မြို့နယ် ပညာရေး/ ကျန်းမာရေး ကိစ္စရပ်များ ဆောင်ရွက်ရန် သွားရောက်ခဲ့သည့် ခရီးစဉ်

တောင်ကြီး   စက်တင်ဘာ   ၂၆ 

1028

10300

 

   ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းသည် (၂၆-၁ဝ-၂ဝ၁၃)ရက် စနေနေ့ နံနက်(၀၇ဝဝ)နာရီတွင် ရှမ်းပြည်နယ် ကျန်းမာရေးဦးစီးဌာနမှ ဒေါက်တာစိုင်းဝင်းဇော်လှိုင် (ဒု-ပြည်နယ်မှူး) လိုက်ပါလျက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ်သို့ ပညာရေး/ ကျန်းမာရေး ကိစ္စရပ်များ ဆောင်ရွက်ရန် ခရီးထွက်ခွာခဲ့ပါသည်။

 

   နံနက်(၀၉ဝဝ)နာရီတွင် ဆီဆိုင်မြို့နယ်ရှိ မြို့နယ်ကျန်းမာရေးဦးစီးဌာနမှူးနှင့် ဝန်ထမ်းများအား တွေ့ဆုံပြီး လိုအပ်သည်များမှာကြား၍ ဆေးရုံဝန်ထမ်းအိမ်ယာများအား သွားရောက်ကြည့်ရှု စစ်ဆေးခဲ့ပါသည်။

 

   ထို့နောက် ဆီဆိုင်မြို့နယ် အထက်တန်းကျောင်းသို့ ဝင်ရောက်ကြည့်ရှုခဲ့ပြီး ကျောင်းအုပ်ကြီးနှင့် ဆရာ/ ဆရာမများအား တွေ့ဆုံဆွေးနွေးခဲ့ကြပါသည်။

 

1029

 

   ထို့နောက် ရာစုသစ်သွေးလှူရှင်နှင့် လူမှုစောင့်ရှောက်ရေးအဖွဲ့မှ ဆီဆိုင်မြို့နယ် မြို့နယ်ခန်းမတွင် ဒေသခံ တိုင်းရင်းသားများအား အခမဲ့ ကျန်းမာရေး စောင့်ရှောက်မှု ကွင်းဆင်းကုသနေမှုကို သွားရောက်ကြည့်ရှု အားပေးခဲ့ပါသည်။

 

   အခမဲ့ ကျန်းမာရေးစောင့်ရှောက် ကွင်းဆင်းကုသမှု အစီအစဉ်တွင် စဝ်စံထွန်းဆေးရုံကြီး(တောင်ကြီး)မှ မျက်စိအထူးကုဆရာဝန်နှင့်အဖွဲ့၊ ဒေသန္တရ ကျန်းမာရေးဌာန (တောင်ကြီး)မှ သွားဆရာဝန်နှင့်အဖွဲ့၊ တိုင်းရင်းဆေး ဆရာများအဖွဲ့နှင့် အထွေထွေရောဂါကုဆရာဝန်များ အဖွဲ့တို့မှ ဒေသခံပြည်သူလူထု စုစုပေါင်း လူနာ ၆ဝဝကျော် တို့အား အခမဲ့ကုသ၍ ကျန်းမာရေးစောင့်ရှောက်မှုများ ဆောင်ရွက်ပေးခဲ့ကြပါသည်။

 

   ဆက်လက်၍ ဆိုက်ခေါင်ကျေးလက်ကျန်းမာရေးဌာနသို့ ဝင်ရောက်ကြည့်ရှုပြီး ကျန်းမာရေးဌာန ဝန်ထမ်းများအား တွေ့ဆုံမှာကြားခဲ့ပါသည်။

 

   ဆိုက်ခေါင်ကျေးလက်ကျန်းမာရေးဌာနမှ ဆက်လက်ထွက်ခွာလာရာ ဘန်းယဉ်တိုက်နယ်ဆေးရုံသို့ ဝင်ရောက်ကြည့်ရှုပြီး ကျန်းမာရေးဌာန ဝန်ထမ်းများနှင့် တွေ့ဆုံဆွေးနွေး မှာကြားခဲ့ပါသည်။

 

   ထို့နောက် ဆီဆိုင်မြို့နယ်မှ ပြန်လည်ထွက်ခွာလာရာ ရုံးစိုက်ရာ တောင်ကြီးမြို့သို့ ညနေ(၁၆၃ဝ)အချိန်တွင် ပြန်လည်ရောက်ရှိကြောင်း သတင်းရရှိခဲ့ပါသည်။

 

(၁၃၇၅)ခု၊ ၂၀၁၃ ခုနှစ် တောင်ကြီးမြို့၊ တန်ဆောင်တိုင်ပွဲတော် ကျင်းပရေး ဒုတိယအကြိမ် လုပ်ငန်းညှိနှိုင်းအစည်းအဝေး ကျင်းပ

တောင်ကြီး   အောက်တိုဘာ    ၂၁

 

1020

 

   ရှမ်းပြည်နယ်တောင်ကြီးမြို့ တန်ဆောင်တိုင်ပွဲတော်ကျင်းပရေး ဒုတိယအကြိမ် လုပ်ငန်းညှိနှိုင်း အစည်းအဝေးကို အောက်တိုဘာလ (၂၁)ရက်နေ့ နံနက်(၀၉၃၀)နာရီက ရှမ်းပြည်နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ဝန်ကြီးများနှင့် တန်ဆောင်တိုင်ပွဲတော်ကျင်းပရေး ဦးစီးကော်မတီ၊ ဆပ်ကော်မတီအဖွဲ့ဝင်များ တက်ရောက်ခဲ့ကြပါသည်။ 

 

   ပထမဦးစွာ ၂၀၁၃ ခုနှစ် တန်ဆောင်တိုင်ပွဲတော်ကျင်းပရေးဦးစီးကော်မတီ ဥက္ကဋ္ဌ၊ ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင့်အမှာစကားပြောကြားသည်။ ထို့နောက် ရှမ်းပြည်နယ်အစိုးရအဖွဲ့ အတွင်းရေးမှူး ဦးသိန်းဦးက ၂၀၁၃ ခုနှစ် တန်ဆောင်တိုင်ပွဲတော်ကျင်းပရေး ပထမအကြိမ် ပြုလုပ်ခဲ့သည့် လုပ်ငန်းညှိနှိုင်းအစည်းအဝေး ဆုံးဖြတ်ချက်များကို ရှင်းလင်းဆွေးနွေးပြီးနောက် တက်ရောက်လာကြသော လုပ်ငန်းကော်မတီ အဖွဲ့ဝင်များက မိမိတို့ ကဏ္ဍအလိုက် လုပ်ငန်း ဆောင်ရွက်ရန် ကိစ္စရပ်များအား အသီးသီး ရှင်းလင်းဆွေးနွေးတင်ပြကြပြီး၊  ပြည်နယ်လူမှုရေးဝန်ကြီး ဒေါက်တာမျိုးထွန်းမှ နိဂုံးချုပ်အမှာစကားပြောကြားခဲ့သည်။

 

   (၁၃၇၅)ခု၊ ၂၀၁၃ ခုနှစ် တောင်ကြီးမြို့၊ တန်ဆောင်တိုင်ပွဲတော်ကို (၁၀-၁၁-၂၀၁၃)ရက် နေ့မှ (၁၈-၁၁-၂၀၁၃) ရက်နေ့အထိ ကျင်းပသွားမည်ဖြစ်ပြီး၊ ပြိုင်ပွဲတွင် ညမီးကြီးပြိုင်ပွဲ၊ စိန်နားပန် ပြိုင်ပွဲ၊ နေ့လွတ်အရုပ်ပြိုင်ပွဲ(ခြေနှစ်ချောင်း၊ ခြေလေးချောင်း)၊ မသိုးသင်္ကန်းယက်ပြိုင်ပွဲ၊ မီးပဒေသာ လှည့်လှည်ပြိုင်ပွဲ၊ Miss တန်ဆောင်တိုင်ပြိုင်ပွဲ၊ အားကစားပြိုင်ပွဲ၊ ဓါတ်ပုံပြိုင်ပွဲ၊ ရပ်ကွက်မီးအလှဆင် ထွန်းညှိမှုပြိုင်ပွဲ၊ ပဒေသာပင်(ကထိန်)လှည့်လည်ပွဲ စသည်တို့ ပါဝင်ပြီး၊ ၂၀၁၃ ခုနှစ် တောင်ကြီးမြို့ တန်ဆောင်တိုင်ပွဲတော်အား စည်ကားသိုက်မြိုက်စွာ ကျင်းပနိုင်ရေးအတွက် လုပ်ငန်းကော်မတီအဖွဲ့ဝင်များ လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ကြောင်း သိရှိရသည်။

 

ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ် (စစ်ကိုင်း) တက်ရောက်မည့် ကျောင်းသား/ကျောင်းသူများ ရှမ်းပြည်နယ်ဝန်ကြီးချုပ်ထံ သြဝါဒခံယူ

တောင်ကြီး   အောက်တိုဘာ  ၂၈

 

1026

 

   ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ် (စစ်ကိုင်း) တက်ရောက်မည့် ကျောင်းသား/ကျောင်းသူများသည် အောက်တိုဘာ(၂၈)ရက်၊ နံနက်(၈)နာရီက တောင်ကြီးမြို့၊ အမှတ်(၁) အခြေခံပညာအထက်တန်းကျောင်း၊ ဒေါ်ခင်သိန်း ကျောင်းဆောင်ခန်းမ၌  ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်ထံ သြဝါဒခံယူသည်။

 

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က သြဝါဒစကား မြွက်ကြားပြီး၊ ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ် (စစ်ကိုင်း) တက်ရောက်မည့် ကျောင်းသား/ကျောင်းသူများက တစ်ဦးချင်း မိတ်ဆက်ဂါရဝပြုကြသည်။

 

   ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ် (စစ်ကိုင်း) သို့ ရှမ်းပြည်နယ် (တောင်ပိုင်း/အရှေ့ပိုင်း)နှင့် ကိုယ်ပိုင်အုပ်ချုပ်ခွင့်ရဒေသ(ပအိုဝ်း၊ ဓနု)တို့မှ ကျောင်းသား/ကျောင်းသူများဖြစ်ပြီး၊ မူလတန်းအဆင့် (၃)နှစ်၊ အမှတ်စဉ်(၄၅)နှင့် B.Ed ဘွဲ့အဆင့် (၅)နှစ်၊ အမှတ်စဉ်(၂) ဖြစ်ကြောင်း သိရှိရသည်။

 

   သြဝါဒခံယူပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ကျောင်းသား/ကျောင်းသူများ၊ ပညာရေးဌာနမှ တာဝန်ရှိသူများ တက်ရောက်ကြသည်။

 

နမ့်ခမ်းမြို့ ဗုံးပေါက်ကွဲမှုကြောင့် အသက်ပေးဆပ်ခဲ့ရသော စည်ပင်ဝန်ထမ်းအား နာရေးကူညီ ထောက်ပံ့

တောင်ကြီး    အောက်တိုဘာ    ၂၁ 

 1019

 

   ရှမ်းပြည်နယ်(မြောက်ပိုင်း)နမ့်ခမ်းမြို့၊ မိုခမ်းရပ်ကွက်၊ ပြည်ထောင်စုလမ်းမ၊ မြို့လယ်မဟာ မုနိဘုရားရှေ့ လမ်းလယ်ပန်းခုံတွင် မသမာသူတစ်စုမှ ပြည်သူများ၏ အကျိုးကိုမကြည့်ဘဲ၊ ပြည်သူများ အထိတ်တလန့်ဖြစ်စေသည့်အပြင် အသက်ကိုပင် ထိခိုက်စေခဲ့သော ဖောက်ခွဲမှုကို ပြုလုပ်ခဲ့ပါသည်။ ဤကဲ့သို့ အကျိုးမဲ့လုပ်ရပ်ကြောင့် နေ့စဉ်မြို့သန့်ရှင်းသာယာလှပရေးအတွက် တာဝန်ကို ကြိုးပမ်း ထမ်းဆောင်လျှက်ရှိသော နမ့်ခမ်းမြို့နယ်စည်ပင်သာယာရေးအဖွဲ့မှ  နေ့စားဝန်ထမ်း (သန့်ရှင်းရေး) ဦးဝင်းကို (ဘ)ဦးကျော်အေး(၂၉)နှစ်သည် (၁၇-၁ဝ-၂ဝ၁၃)ရက်နေ့ ၊ နံနက်(ဝ၇ဝဝ) နာရီချိန်ခန့်တွင် အမှိုက်သိမ်းဆောင်ရွက်စဉ် ကျွတ်ကျွတ်အိတ်အမဲဖြင့် ထုတ်ပိုးထားသော အိတ်မှပေါက်ကွဲမှုဖြစ်ကာ၊ လည်ပင်းထိမှန်ပြီး နေရာတွင် ပွဲချင်းပြီး သေဆုံးခဲ့ရသည်။

 

   အပြစ်မဲ့ ဝန်ထမ်းတစ်ဦး တာဝန်ကိုကျေပွန်စွာ ထမ်းဆောင်နေစဉ် ယခုကဲ့သို့ အသက်ကို ပေးဆပ်ခဲ့ရသည့်အတွက် စာနာထောက်ထားသော စိတ်စေတနာဖြင့် ကျန်ရစ်သူမိသားစုအတွက် ရှမ်းပြည်နယ်အစိုးရအဖွဲ့က နာရေးကူညီထောက်ပံ့ငွေကျပ် (၃)သိန်းနှင့် အတူ ရှမ်းပြည်နယ်စည်ပင်သာယာရေးကော်မတီ၊ ရှမ်းပြည်နယ်ရှိ မြို့နယ်စည်ပင်သာယာရေးကော်မတီများက ငွေကျပ်(၁၃.၇)သိန်း၊ စုစုပေါင်း(၁၆.၇)သိန်းအား ဝိုင်းဝန်းကူညီထောက်ပံ့ပေးခဲ့ကြောင်း သတင်း ရရှိသည်။

 

More Articles...

  1. ၂၀၁၄-၂၀၁၅ ဘဏ္ဍာရေးနှစ်၊ မူလရသုံးခန့်မှန်းခြေငွေစာရင်းဆိုင်ရာ ညှိနှိုင်းအစည်းအဝေး ကျင်းပ
  2. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် UNDP မှ တာဝန်ရှိသူများ တွေ့ဆုံ
  3. တောင်ကြီးမြို့ ကျက်သရေဆောင် စူဠာမုနိလောကချမ်းသာစေတီတော် စကျင်ကျောက်သား ရွှေဗုဒ္ဓခြေတော်ရာပါဒစေတီပလ္လင်တော်အတွင်း ဌာပနာပစ္စည်းများ ထည့်သွင်းတင်လှူပူဇော်ခြင်း ကျင်းပ
  4. (၂၀)ကြိမ်မြောက် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲနှင့် ဒုတိယအကြိမ်မြောက် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ ဆုချီးမြှင့်ပွဲ ကျင်းပ
  5. ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ်လားရှိုးဒေသသို့ သွားရောက်ခဲ့သည့် ခရီးစဉ်
  6. အပြည်ပြည်ဆိုင်ရာ သဘာဝဘေးလျော့ပါးရေးနေ့ကျင်းပ
  7. အင်းလေးဖော်တော်ဦး ရုပ်ရှင်တော်မြတ်များ ညောင်ရွှေမြို့၊ အဌဒိဿဓမ္မဝိဟာရ ကျောင်းတော်ကြီးသို့ ကြွချီအပူဇော်ခံ
  8. ရှမ်းပြည်နယ် (၂၀)ကြိမ်မြောက် မြန်မာ့တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် ဒုတိယအကြိမ် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲကျင်းပ
  9. ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ အစည်းအဝေး အမှတ်စဉ်(၁/၂၀၁၃) ကျင်းပ
  10. ပြည်နယ်ဝန်ကြီး ဦးအောင်ကျော်ညွန့်၊ သမဝါယမ စာရင်းရေး၊ စာရင်းကိုင်၊ စာရင်းစစ်သင်တန်း သင်တန်းဆင်းပွဲသို့ တက်ရောက်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

waaရှမ်းပြည်နယ်(မြောက်ပိုင်း) ဟိုပန်၊ မိုင်းမော၊ ပန်ဝိုင်၊ ပန်ဆန်းနှင့် မက်မန်းမြို့နယ်များတွင် အများဆုံး နေထိုင်ကြသည်။

We have 66 guests and no members online

Latest Updates