သတင်းများ

(၈၈)မျိုးဆက်ကျောင်းသားများ ဟိုပန်မြို့သို့ လာရောက်ဟောပြောမည့်ကိစ္စအား ဒေသခံပြည်သူများ ကန့်ကွက်

တောင်ကြီး   မေ  ၂၃

 

     (၈၈)မျိုးဆက်ကျောင်းသားများ ခေါင်းဆောင် ဦးမင်းကိုနိုင် ဦးဆောင်သော “ ငြိမ်းချမ်းရေးနှင့် ပွင်းလင်းလူ့အဖွဲ့အစည်း ” က ဟိုပန်မြို့သို့ လာရောက်ဟောပြောပွဲပြုလုပ်မည်ကို သိရ၍ ဒေသတည်ငြိမ်အေးချမ်းမှုပျက်ပြားမည်ကို လက်မခံနိုင်သော မန်ကောင်းရပ်ကွက်နေ ဦးဆန်းတင့်(၅၈)နှစ် ဦးဆောင်သော အင်အား(၁၃၀၀)ခန့်နှင့် ပန်လုံမြို့နယ်ခွဲ၊ ရပ်ကွက်(၇)နေ ဦးအိုက်ထပ် (၆၂)နှစ် ဦးဆောင်သော အင်အား(၂၅၀)ခန့်တို့သည် မေ (၇)ရက်နေ့ (၀၉၀၀)အချိန် ဖောင်ဆိပ်တံတားအနီး ဟိုပန်မြို့ဘက်ခြမ်းတွင် ငြိမ်းချမ်းစွာ ကန့်ကွက်ရန် စုရုံးရောက်ရှိခဲ့သည်။

 

     ဟိုပန်မြို့သို့ လာရောက်မည့် (၈၈)မျိုးဆက်ကျောင်းသားများ ခေါင်းဆောင် ဦးမင်းကိုနိုင်နှင့် အဖွဲ့သည် ဟိုပန်မြို့ ပြည်သူလူထုစုရုံးကန့်ကွက်မည်ကို သတင်းရရှိသည့်အတွက် သိန္နီမြို့မှ (၁၁၀၀)အချိန်ခန့်တွင် လားရှိုးမြို့သို့ ပြန်လှည့်ထွက်ခွာသွားကြောင်း သတင်းရရှိသည်။


     ထို့နောက် ဦးမင်းကိုနိုင်နှင့် အဖွဲ့ မလာရောက်တော့သဖြင့် ဖောင်ဆိပ်တံတားတွင် ကန့်ကွက်ရန် စောင့်ဆိုင်းနေသော ဒေသခံပြည်သူများအနက်မှ အင်အား(၃၀၀)ခန့်မှာ (၁၃၀၀)အချိန်တွင် ဟောပြောပွဲ ပြုလုပ်မည့် ကောင်းဟုန်းဘုန်းကြီးကျောင်းသို့ သွားရောက်၍ ဦးမင်းကိုနိုင် ဦးဆောင်သော “ ငြိမ်းချမ်းရေးနှင့် ပွင်းလင်းလူ့အဖွဲ့အစည်း ” လာရောက်ခြင်းကို ကန့်ကွက်ကြောင်း ကျောင်းထိုင်ဆရာတော်ထံ လျှောက်ထားခဲ့ကြသည်။


     ဆက်လက်ပြီး ကန့်ကွက်သည့် ဒေသခံပြည်သူများသည် (၁၄၁၅)အချိန်တွင် မိမိတို့ နေအိမ်များဆီသို့ အေးချမ်းစွာ ပြန်လည် ထွက်ခွာသွားခဲ့ကြောင်း သိရှိရသည်။

 

 

တောင်ကြီးမြို့ ကုန်ခြောက်သားငါးစျေးအဆင့် မြှင့်တင်တည်ဆောက်ရေး တင်ဒါစိစစ်ရေးအဖွဲ့များ၏ ညှိနှိုင်းအစည်းအဝေး ကျင်းပ

တောင်ကြီး   မေ   ၂၃

 

     တောင်ကြီးမြို့ ကုန်ခြောက်သားငါးစျေးအဆင့် မြှင့်တင်တည်ဆောက်ရေး တင်ဒါစိစစ်ရေးအဖွဲ့များ၏ ညှိနှိုင်းအစည်းအဝေးကို မေ(၂၃)ရက် နံနက်(၁၁)နာရီက တောင်ကြီးမြို့၊ ပြည်နယ်စည်ပင်သာယာရေးအဖွဲ့ရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူ၊ ပြည်နယ်လျှက်စစ်နှင့် စက်မှုလက်မှု ဝန်ကြီး ဦးစိုင်းထွန်းရင်၊ ပြည်နယ်စီမံကိန်းနှင့် စီးပွားရေး ဝန်ကြီး ဦးအောင်ကျော်ညွှန့်၊ ပြည်နယ်ဥပဒေချုပ် ဦးမောင်မောင်၊ ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်နှင့် ပြည်နယ်စည်ပင်သာယာရေးအဖွဲ့ တာဝန်ရှိသူများတို့က အသီးသီးအမှာစကား ပြောကြားကြသည်။

 

     ထို့နောက် ပြည်နယ်စည်ပင်သာယာရေးအဖွဲ့ ညွှန်ကြားရေးမှူး ဦးစိုင်းထွန်းထွန်းက တောင်ကြီးမြို့ ကုန်ခြောက်သားငါးစျေး အဆင့်မြှင့်တင်တည်ဆောက်ရေးအတွက် တင်ဒါရွေးချယ်ဆောက်ရွက်မှု အခြေအနေအား ရှင်းလင်းတင်ပြပြီးနောက် မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးနေထက်ရှိန်က ကုမ္ပဏီ(၇)ခု၏ အဆိုတင်ပြမှု အခြေအနေအား ရှင်းလင်းတင်ပြပြီး တင်ဒါရွေးချယ် စိစစ်ရေးအဖွဲ့(၇)ဖွဲ့မှ အသီးသီးရှင်းလင်းတင်ပြကြသည်။


     ၄င်းနောက် အထွေထွေကိစ္စရပ်များကို ဆွေးနွေးတင်ပြကြပြီး စိစစ်ရေးအဖွဲ့(၇)ဖွဲ့၏ စုစည်းရလဒ်ကို အတည်ပြု၍ ပြည်နယ်အစိုးရအဖွဲ့ အတွင်းရေးမှူးက နိဂုံးချုပ်အမှာစကား ပြောကြားခဲ့သည်။

 

ရှမ်းပြည်နယ် သတ္တုလုပ်ငန်းရှင်များအသင်း(ရှမ်း/တောင်)ဖွဲ့စည်းရေး လုပ်ငန်းညှိနှိုင်းအစည်းအဝေးကျင်းပ

တောင်ကြီး    မေ    ၂၂

 

a

 

b

 

c

 

   ရှမ်းပြည်နယ် သတ္တုလုပ်ငန်းရှင်များအသင်း(ရှမ်း/တောင်)ဖွဲ့စည်းရေး လုပ်ငန်းညှိနှိုင်းအစည်းအဝေးကို မေ(၂၂)ရက်၊ နေ့လည်(၁)နာရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်သစ်တောနှင့် သတ္တု ဝန်ကြီး ဦးစိုင်းအိုက်ပေါင်း တက်ရောက် အမှာစကားပြောကြားသည်။


   ဆက်လက်ပြီး ဘူမိဗေဒနှင့် ဓာတ်သတ္တုရှာဖွေရေးဦးစီးဌာနမှ တာဝန်ရှိသူများနှင့် အစည်းအဝေး တက်ရောက်လာသည့် သတ္တုတူးဖော်ရေးလုပ်ငန်းရှင်များမှ အထွေထွေကိစ္စရပ်များကို ဆွေးနွေးညှိနှိုင်း တင်ပြခဲ့ကြသည်။


    ထို့နောက် ရှမ်းပြည်နယ်အစိုးရအဖွဲ့၊ ပြည်နယ်သစ်တောနှင့် သတ္တု ဝန်ကြီးက တင်ပြဆွေးနွေးချက် များကို ထပ်မံဖြည့်စွက်၍ နိဂုံးချုပ်အမှာစကားပြောကြားသည်။


    ရှမ်းပြည်နယ် သတ္တုလုပ်ငန်းရှင်များအသင်း(ရှမ်း/တောင်)ကို အဖွဲ့ဝင်(၁၁)ဦးဖြင့် ဖွဲ့စည်းတာဝန်ပေးအပ်လိုက်ကြောင်း သတင်းရရှိသည်။

 

တရားမဝင်ဘုန်းကြီးကျောင်းဖယ်ရှားသည့် သတင်းမှန်အား ရှမ်းပြည်နယ် အစိုးရအဖွဲ့ထုတ်ပြန်

တောင်ကြီး   မေ   ၂၃

 

   ၂၀၁၂ ခုနှစ်၊စက်တင်ဘာလအတွင်းက တောင်ကြီးမြို့တွင် တရားမဝင် ကျူးကျော် ဘုန်းကြီးကျောင်း(၁၃)ကျောင်းအား မြို့နယ်သံဃနာယကအဖွဲ့မှ လိုက်ပါလျက် လုပ်ထုံးလုပ်နည်း နှင့်အညီ ရှင်းလင်းဖယ်ရှားရေး ဆောင်ရွက်ခဲ့ရာ ဘုန်းကြီးကျောင်း(၁၂)ကျောင်းက ယင်းသို့ဆောင် ရွက်မှုကို လိုက်နာခဲ့သော်လည်း တောင်ကြီးမှ ဟိုပုံးသို့အထွက်  ပြည်ထောင်စုလမ်းမ ပေါ်ရှိ သစ်တောရပ်ကွက်မှ အောက်ဖော်ပြပါ သင်္ကန်းဝတ်များ သီတင်းသုံးနေထိုင်သည့် တရားမဝင် ကျောင်းမှာမူဓမ္မစက်၊ အာဏာစက်အား ဆန့်ကျင်လျက်ရှိနေခဲ့သည်-
    (က)    ဦးကဝိစာရ(ခ)ကျော်မွေး၊ (၅၆)နှစ်၊ (၁၁)ဝါ၊(ဘ) ဦးဖိုးကြံ၊တောင်ကြီးမြို့၊
    (ခ)    ဦးဝိဇယ၊ (၄၇)နှစ်၊ (၄)ဝါ၊(ဘ) ဦးအေးမောင်၊ ပျော်ဘွယ်မြို့၊
    (ဂ)    ဦးကေလာသ၊(၅၁)နှစ်၊ ဝါ(မရှိ)၊(ဘ)ဦးကော်၊တောင်ကြီးမြို့၊
    (ဃ)    ဦးကောဝိဒ၊ (၆၄)နှစ်၊(၄)ဝါ၊(ဘ)ဦးစံဝ၊ရပ်စောက်မြို့၊
    (င)    ရှင်ရေဝတ၊ (၃၂)နှစ်၊ဝါ(မရှိ)၊(ဘ) ဦးစိန်လှဝင်း၊တောင်ကြီးမြို့၊
    (စ)    ရှင်ပညာဝံသ၊(၅၆)နှစ်၊ ဝါ(မရှိ)၊(ဘ)မသိ၊တောင်ကြီးမြို့၊
    (ဆ)    ရှင်ဩဘာသ၊(၅၄)နှစ်၊ဝါ(မရှိ)၊(ဘ)ဦးပု၊တောင်ကြီးမြို့၊
    (ဇ)    ရှင်ပဏ္ဍိတ၊(၆၃)နှစ်၊ဝါ(မရှိ)၊(ဘ)ဦးအောင်ထွန်း၊တောင်ကြီးမြို့၊
    (စျ)    ရှင်ဥက္ကဋ္ဌ၊(၁၁)နှစ်၊ဝါ(မရှိ)၊(ဘ)ဦးရန်မောင်၊ တောင်ကြီးမြို့၊
    (ည)    ရှင်သုမန၊(၁၂)နှစ်၊ဝါ(မရှိ)၊(ဘ)ဦးဝင်းတင်၊တောင်ကြီးမြို့၊
    (ဋ)    ရှင်ပညာဝံသ၊(၁၄)နှစ်၊ဝါ(မရှိ)၊(ဘ)မသိ၊တောင်ကြီးမြို့၊
    (ဌ)    ရှင်နန္ဒ၊(၁၁)နှစ်၊ဝါ(မရှိ)၊(ဘ)ဦးကော်၊ တောင်ကြီးမြို့၊
    (ဍ)    ရှင်ဇိဏောရသ၊(၅၆)နှစ်၊(၁၄)ဝါ၊(ဘ)ဦးပေကြီး၊ အမရပူရမြို့။

 

    ယင်းသို့ ဖယ်ရှားခြင်းမပြုပဲ ရှိနေသောကြောင့် ရှမ်းပြည်နယ်သာသနာရေးမှူးရုံးက သက်ဆိုင်ရာ သံဃနာယကအဖွဲ့အစည်းအဆင့်ဆင့်၏ သြဝါဒခံယူလျက် ဆင်လက်သီတင်းသုံး နေထိုင်သည့်နေရာသည် အစိုးရပိုင်မြေဖြစ်ပြီး စီမံကိန်းလုပ်ငန်းများအတွက် လျာထားသည့် မြေနေရာဖြစ်ကြောင်း၊ ရဟန်းဝိနည်းနှင့် အညီသင့်တင့်ရာ အရပ်ကို ရွေးချယ်လျက်ဖယ်ရှားပေးရန် ဖြစ်ကြောင်း၊ တရားမဝင် ဘုန်းကြီးကျောင်းဖြစ်ပါလျက် ခွင့်ပြုချက်မရှိပဲ ခြံစည်းရိုးကာရံခြင်း၊ ကျောင်းဆောက်ခြင်း၊ စေတီတည်ခြင်း၊ ကျောင်းရှေ့ ကားလမ်းပေါ်၌ ခရီးသွားများအား အနှောင့်အယှက်ပြုလျက်ခွက်ဖလားထိုးအလှူခံခြင်းတို့ကို ရှောင်ကြဉ်ရန်ဖြစ်ကြောင်း ၊ သံဃ နာယက အဖွဲ့အစည်းအဆင့်ဆင့်ထံ လျှောက်ထားသြဝါဒ ခံယူပြီးဖြစ်၍ ဖယ်ရှားရေးအား သိရှိလိုက်နာ ဆောင်ရွက်ရန် ဦးကဝိစာရ(ခ)ကျော်မွေးထံသို့ လိပ်မူပြီး တတိယအကြိမ်လျှောက်ထားလွှာ ပေးပို့ခဲ့သည်။


    ယင်းသို့ပေးပို့ခဲ့ရာတွင် ဦးကဝိစာရ(ခ)ကျော်မွေးမှ ၂၀၁၃ ခုနှစ်၊မတ်လ(၁၃)ရက်နေ့စွဲဖြင့် ပြည်နယ်ဝန်ကြီးချုပ်၊ ရှမ်းပြည်နယ်အစိုးရအဖွဲ့သို့ လိပ်မူလျက် တရားမဝင်ကျောင်းဖြစ်သောကြောင့် မြို့နယ်သံဃနာယကအဖွဲ့က လိုက်ပါလျက် ဖယ်ရှားရေးဆောင်ရွက်ခဲ့ခြင်းအပေါ် အကြမ်းဖက် လုပ်ရပ်ဟုလည်းကောင်း၊ မြို့နယ်သံဃနာယကအဖွဲ့သည် သံဃနာယကအဖွဲ့၏လုပ်ငန်းတာဝန် များကို ကျော်လွန်၍ လူဆိုး၊ လူမိုက်၊ သူပုန်၊ ဓားပြ၊ လူရမ်းကားများကဲ့သို့ ဥပဒေမဲ့ လုပ်ကိုင်သည် ဟုလည်းကောင်း၊ မြို့နယ်သံဃနာယကအဖွဲ့သည် နာယကဂုဏ်အင်္ဂါအရည်အချင်းပျက်ယွင်း သော အဖွဲ့အစည်းဖြစ်၍ ပြန်လည်ဖွဲ့စည်းသင့်သည်ဟုလည်းကောင်း သင့်လျော်မှုမရှိသော စကားရပ် များသုံးစွဲလျက် မချေမငံ ရိုင်းပျစွာ တုံ့ပြန်ရေးသားပေးပို့ခဲ့သည်။


    ဦးကဝိစာရ(ခ)ကျော်မွေး၏ယင်းသို့ရိုင်းပျစွာ တုံ့ပြန်ရေးသားပေးပို့ခဲ့ခြင်းနှင့်စပ်လျဉ်း၍ တောင်ကြီးမြို့နယ် သံဃနာယကအဖွဲ့မှ တောင်ကြီးမြို့၊ သစ်တောရပ်ကွက်တွင် ဦးကဝိစာရ(ခ) ကျော်မွေး ဦးဆောင်၍ တရားမဝင် သီတင်းသုံးနေထိုင်သော ကျူးကျော်ကျောင်းအား ဖယ်ရှားပြီး ဖြစ်သော်လည်း ထပ်မံဝင်ရောက် ကျူးကျော်သည့်အပြင် သာသနာတော်ဂုဏ်သိက္ခာညှိုးမှိန်စေသည့် ကိစ္စရပ်များ ဆက်လက်ကျူးလွန်နေသဖြင့် အောက်ပါတို့အား အမြန်ဆောင်ရွက်ရန် ပြည်နယ်သာ သနာရေးမှူးရုံးနှင့် မြို့နယ်အထွေထွေအုပ်ချုပ်ရေးဦးစီးဌာနသို့ လိပ်မူ၍ နိုင်ငံတော်သံဃမဟာ နာယကအဖွဲ့၊ ပြည်နယ်သံဃနာယကအဖွဲ့၊ ရှမ်းပြည်နယ်အစိုးရအဖွဲ့၊ ညွှန်ကြားရေးမှူးချုပ်၊ သာသနာရေးဦးစီးဌာနနှင့် သာသနာရေးရာနှင့် ဝိနိစ္ဆယဌာန၊ သာသနာရေးဦးစီးဌာနများသို့ မိတ္တူ ဖြင့်ပေးပို့ခဲ့သည်-


   (က)  ကျူးကျော်အဆောက်အဦများအား သက်ဆိုင်ရာ အုပ်ချုပ်ရေးဌာနများက ဖျက်သိမ်းဖယ်ရှားရေးအဖွဲ့ ဖွဲ့စည်း၍ ဦးစီးဦးဆောင်ပြုဆောင်ရွက်သွားရန်နှင့်ကျူးကျော် ပုဂ္ဂိုလ်အား ကျူးကျော်နေရာမှ ထွက်ခွာသွားစေခြင်းဖြင့် တရားဥပဒေကို လေးစား         လိုက်နာစေရေးဆောင်ရွက်သွားရန်၊
    (ခ)    လိုက်နာမှုမရှိပါက သက်ဆိုင်ရာ တရားစွဲ အဖွဲ့အစည်းဌာနများသို့ စွဲဆိုသွားပြီး ဥပဒေနှင့် အညီ ဆောင်ရွက်နိုင်ရေးအတွက် ဆိုင်ရာမြေကို စီမံပိုင်ခွင့်ရှိသောဌာနများ ကတိတိကျကျ အလေးအနက်ထား ဆောင်ရွက်သွားရန်၊
    (ဂ)    ညွှန်ကြားလွှာ လုပ်ထုံးလုပ်နည်းများနှင့် ပြုလုပ်ဆောင်ရွက်နိုင်ရေးအတွက် သာသနာရေးဦးစီးဌာနအနေဖြင့် သက်ဆိုင်ရာဌာနများနှင့် ပေါင်းစပ်၍ သံဃနာယကအဖွဲ့ရုံးသို့ လာရောက်ဆောင်ရွက်ရန်၊
    (ဃ)   ၎င်းအပြင် ထင်းရှူးမြိုင်စသော ကျူးကျော်ကျောင်းများအား အကောင်အထည်ဖော် ဖျက်သိမ်းပြီးဖြစ်ပါသော်လည်း ထပ်မံ ကျူးကျော်ဆောက်လုပ်နေခြင်းအား တားမြစ်သွားရန်နှင့် ဥပဒေနှင့် အညီ အရေးယူဆောင်ရွက်သွားရန်၊
    (င)    နောက်ဆုံးအဆင့်(လုံးဝလိုက်နာမှုမရှိပါက) သာသနာတော် သန့်ရှင်းရေး/သံဃာစည်း         ကမ်းထိန်းသိမ်းရေးအဖွဲ့အား အကြောင်းကြား၍ ဖယ်ရှားစေရန်၊
  (စ)  ထင်းရှူးမြိုင် ကျူးကျော်ကျောင်းနေ ဦးကဝိစာရ(ခ) ကျော်မွေးသည် ကျူးကျော်ကျောင်းမြေနေရာမှ ချက်ခြင်းထွက်ခွာသွားရန်နှင့် ထွက်ခွာခြင်းမပြုပါက သက်ဆိုင်ရာ     အုပ်ချုပ်ရေးရုံးများက စနစ်တကျအဖွဲ့ ဖွဲ့စည်း၍တည်ဆဲဥပဒေ နှင့် အညီ အရေးယူ ဆောင်ရွက်သွားမည်ကို ခံယူရန်၊
   (ဆ)    တောင်ကြီ:မြို့ စိန်ပန်းရပ်ကွက် လောကမာန်အောင်ကျောင်းတိုက် ကျောင်းထိုင်ဆရာတော် ဦးခေမာနန္ဒသည် မိမိ၏ဂုဏ်သိက္ခာကိုလည်းကောင်း၊ သံဃအဖွဲ့အစည်း အခြေခံ စည်းမျဉ်းများနှင့်ညွန်ကြားလွှာများကို သတ်မှတ်ပြဌာန်းသော ဂိုဏ်းပေါင်းစုံ သံဃအဖွဲ့အစည်းတို့နှင့် နိုင်ငံတော်သံဃမဟာနာယကအဖွဲ့၊ ဗဟိုသံဃဝန်ဆောင် ဆရာတော်တို့၏ ဂုဏ်သိက္ခာကိုလည်းကောင်း ထိန်းသိမ်းစောင့်ရှောက်လိုက်နာ သွားရန်နှင့် လိုက်နာခြင်းမရှိပါက သံဃအဖွဲ့အစည်းဆိုင်ရာ ဥပဒေနှင့်အညီ အရေးယူ ဆောင်ရွက်သွားခြင်းကို ခံရမည်ဖြစ်ကြောင်း သိရှိလိုက်နာရန်။ (တောင်ကြီးမြို့၊ စိန်ပန်းရပ်ကွက်၊ လောကမာန်အောင်ကျောင်းတိုက်တွင် သီတင်းသုံးနေထိုင်သည့် ဦးခေမာနန္ဒသည် ဦးကဝိစာရ ၏ ဥပဇ္စျာယ် ဆရာတော်ဖြစ်သည်။)


   သို့ဖြစ်၍ ရှမ်းပြည်နယ်အစိုးရအဖွဲ့သည် သံဃနာယကအဖွဲ့အစည်း အဆင့်ဆင့်က နည်းလမ်း တကျ ဓမ္မစက်နှင့် ဆောင်ရွက်ရန် မဖြစ်နိုင်တော့၍ အာဏာစက်ဖြင့် ဖြေရှင်းဆောင်ရွက်ရန် ဩဝါဒ မိန့်ကြားချက်အရ ဦးကဝိစာရ(ခ)ကျော်မွေး သီတင်းသုံးသည့် ကျူးကျော်ကျောင်း အဆောက်အဦအား လုပ်ထုံးလုပ်နည်းနှင့်အညီ ဆောင်ရွက်သွားရန် မလွဲမရှောင်သာ ဖွဲ့စည်းတာဝန် ပေးအပ်ခဲ့ရသည်။ အဆိုပါကျူးကျော်ကျောင်းနှင့် အဆောက်အဦဖယ်ရှားရေးအဖွဲ့သည် ၂၀၁၃ ခုနှစ်၊ မေလ(၁၈)ရက်နေ့တွင် ဦးကဝိစာရ(ခ)ကျော်မွေးနှင့် သင်္ကန်းဝတ်များရှိရာ တရားမဝင်ကျောင်းသို့ မြို့နယ်သံဃနာယက စည်းကမ်းထိန်းအဖွဲ့နှင့် အတူသွားရောက်၍ ဓမ္မစက် အားလိုက်နာခြင်းမရှိသောကြောင့် အာဏာစက်ဖြင့်ဆောင်ရွက်ရမည့် အခြေအနေများ ဖြစ်ပေါ်နေ ကြောင်း၊ အာဏာစက်ဖြင့် ဆောင်ရွက်ခြင်းအား မလွဲမရှောင်သာမှသာ ပြုလုပ်လိုပါကြောင်း ဩဝါဒ ပေးပြီး စဉ်းစားချိန်ပေးလျက်ပြန်လည်ထွက်ခွာခဲ့သည်။


    သို့ရာတွင် မည်သို့ပင်နည်းမျိုးစုံဖြင့် နားချ၊ စည်းရုံး၊ စီမံဆောင်ရွက်ခဲ့သော်လည်း လိုက်နာမှု မရှိပဲ ဆန့်ကျင်မြဲ ဆန့်ကျင်နေသောကြောင့်သာ အထက်ပါအတိုင်း ၂၀၁၃ ခုနှစ်၊ မေလ(၂၁)ရက်၊ ၁၁၂၅ နာရီအချိန်တွင် တရားမဝင်ကျူးကျော်ကျောင်းဖယ်ရှားရေးအဖွဲ့အနေဖြင့် မြို့နယ်သံဃနာယ ကစည်းကမ်းထိန်းအဖွဲ့နှင့် အတူ လုပ်ထုံးလုပ်နည်းများနှင့်အညီ ဖယ်ရှားရေး ဆောင်ရွက်ခဲ့ရခြင်း ဖြစ်သည်။


    ယခုအခါ သံဃအဖွဲ့အစည်း အဆင့်ဆင့်၏ ဩဝါဒအားလိုက်နာရန် အဓိကပျက်ကွက်သူ ဦးကဝိစာရ(ခ)ကျော်မွေးအား သာသနာအရေခြုံကာ မိသားစုအား ကျွေးမွေးထောက်ပံ့နေသည့် ဒုဿီလပုဂ္ဂိုလ်ဖြစ်ခြင်း၊ ဝိနည်းဓမ္မကံဆိုင်ရာ လုပ်ထုံးလုပ်နည်းများကိုလိုက်နာရန် ပျက်ကွက်ခြင်း၊ ပရိယတ်၊ပဋိပတ်တွင်လည်း လွန်စွာအားနည်းခြင်း၊ သက်ဆိုင်ရာ သံဃနာယကအဖွဲ့အစည်းများကို လည်း လူဆိုး၊ လူမိုက်၊ သူပုန်၊ ဓားပြ၊ လူရမ်းကားများဟု ပုတ်ခတ်စော်ကားခြင်း၊ သံဃအဖွဲ့အစည်း ပြိုကွဲအောင် သွေးထိုးလှုံ့ဆော်ရေးသားခြင်း၊ အစိုးရမြေအား တရားမဝင် ကျူးကျော် ဝင်ရောက်နေထိုင်ခြင်း စသည်တို့ကြောင့် တောင်ကြီးမြို့၊ အမှတ်(၁) ရဲတပ်ဖွဲ့စခန်းတွင် ဥပဒေအရ ရေးယူဆောင်ရွက်လျက်ရှိကြောင်းသိရသည်။

" First Weekly News Journal ၏ ဖော်ပြချက် ရှမ်းပြည်နယ်အစိုးရအဖွဲ့ အလေးအနက်ကန့်ကွက် "

မေ  ၂၁

 

3

 

2

 

   (၁၇.၅.၂၀၁၃)ရက်နေ့ထုတ် First Weekly News Journal က "ရှမ်းပြည်နယ်အစိုးရအဖွဲ့ကို ပြည်ထောင်စုအစိုးရအဖွဲ့မှ တိုက်ရိုက်လမ်းညွှန်နေပြီး ပြည်နယ်လွှတ်တော်အနေဖြင့် ပြည်နယ်အစိုးရအဖွဲ့ကို ထိန်းကျောင်းတည့်မတ်နိုင်သည့် အခြေအနေလုံးဝမရှိဟု ပြည်ထောင်စုရေးရာ၊ တိုင်းရင်းသားရေးရာ အလုပ်ရုံဆွေးနွေးပွဲတွင် တက်ရောက်လာသူများက သုံးသပ်ခဲ့ကြ "ခေါင်းစဉ်ဖြင့် ဖော်ပြခဲ့သည်။


   အဆိုပါသတင်းတွင် တောင်ကြီးမြို့၊ Classic ခန်းမမှာ နှစ်ရက်ကြာကျင်းပတဲ့ ပြည်ထောင်စုတိုင်းရင်းသား ရေးရာအလုပ်ရုံဆွေးနွေးပွဲ၌ ပြည်နယ်လွှတ်တော်ကိုယ်စားလှယ်များက မည်သည့်လုပ်ပိုင်ခွင့်မှမရှိပဲ ပြည်နယ် လွှတ်တော် ဥက္ကဋ္ဌကလည်း ပြည်နယ်ဝန်ကြီးချုပ်နဲ့ အမြဲတမ်းညှိနှိုင်းဆောင်ရွက်နေရတဲ့အတွက် ပြည်နယ် ဝန်ကြီးချုပ်ရဲ့ သြဇာမကင်းသကဲ့သို့ ယူဆစရာဖြစ်ကြောင်းဟုလည်းကောင်း၊ ပြည်နယ်အစိုးရအဖွဲ့ကို ပြည်ထောင်စုအစိုးရအဖွဲ့မှ တိုက်ရိုက်လမ်းညွှန်နေပြီး ပြည်နယ်လွှတ်တော်အနေဖြင့် ပြည်နယ်အစိုးရအဖွဲ့ကို ထိန်းကျောင်းတည့်မတ်နိုင်တဲ့ အခြေအနေလုံးဝမရှိဖြစ်နေကြောင်းဟုလည်းကောင်း၊ အင်းလေးဟိုတယ်ဇုံစီမံကိန်း တည်ဆောက်ရာတွင် ပြည်ထောင်စု အစိုးရအဖွဲ့၏ညွှန်ကြားချက်ဖြင့် ပြည်နယ်ဝန်ကြီးချုပ်က ရှမ်းပြည်နယ်အတွင်းရှိ  ပြည်သူများကိုလုံးဝ တာဝန်ခံခြင်းမရှိပဲ ဆောင်ရွက်ခဲ့ခြင်းဖြစ်ကြောင်းဟုလည်းကောင်း အခြေအမြစ်မရှိ ရေးသားဖော်ပြခဲ့သည်။

 

  ယင်းသို့ ရေးသားဖော်ပြချက်များသည် ရှမ်းပြည်နယ်အစိုးရအဖွဲ့နှင့် ပြည်နယ်လွှတ်တော်ကိုယ်စားလှယ်များ အကြားတွင်လည်းကောင်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ပြည်နယ်လွှတ်တော်ဥက္ကဋ္ဌ တို့အကြားတွင်လည်းကောင်း၊ ပြည်ထောင်စုအစိုးရအဖွဲ့နှင့် ပြည်နယ်အစိုးရအဖွဲ့တို့ကြားတွင်လည်းကောင်း၊ နားလည်မှုလွဲမှားအောင်၊ စာဖတ်ပရိတ်သတ်များ အထင်အမြင်လွဲမှားအောင် ထိုးနှက်လုပ်ကြံဖန်တီးရေးသားခြင်း သာ ဖြစ်သည်။ အမှန်တကယ်မှာ ရှမ်းပြည်နယ်အစိုးရအဖွဲ့နှင့် ပြည်နယ်လွှတ်တော်တို့အနေဖြင့် ဖွဲ့စည်းပုံအခြေခံ ဥပဒေ(၂၀၀၈ခုနှစ်)ပါ ပြဌာန်းချက်များနှင့်အညီ အပြန်အလှန်ထိန်းကျောင်းမှု(Check and Balance)ဖြင့် လုပ်ငန်းများ အကောင်အထည်ဖော် ဆောင်ရွက်လျက်ရှိကြသည်။


   သို့ဖြစ်၍ သတင်းသမားများ၏ လိုက်နာရမည့် ကျင့်ဝတ်(Code of Ethics)အား ချိုးဖောက်လျက် ယင်းသို့ လွှဲမှားစွာ ရေးသားဖော်ပြချက်များအပေါ် First Weekly News Journal အား သတိပေးကြောင်းနှင့် နောင်တွင် ဥပဒေအရ အရေးယူဆောင်ရွက်သွားမည်ဖြစ်ကြောင်း သိရှိရသည်။

 

4

 

5

 

6

 

1

 

ဆရာအတတ်သင်(၃)နှစ်သင်တန်း၊ အမှတ်စဉ်(၄၅) သင်တန်းသားများအပြီးသတ်ရွေးချယ်ရန် ၂၀၁၃-၂၀၁၄ ပညာသင်နှစ်၊ ကျောင်းသား/ကျောင်းသူများ အခမဲ့ လေ့ကျင့်ခန်းစာအုပ်များ ဖြန့်ဝေပေးရန်

တောင်ကြီး   မေ   ၂၃

 

a

 

   ရှမ်းပြည်နယ်အစိုးရအဖွဲ့၊ လူမှုရေးဝန်ကြီး ဒေါက်တာမျိုးထွန်း၊ ရှမ်းပြည်နယ်ပညာရေး ညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးထူးမြင့်နှင့် အတူ (၁၄-၅-၂၀၁၃)ရက်နေ့တွင် တာချီလိတ်မြို့၌ လည်းကောင်း၊ (၁၅-၅-၂၀၁၃)ရက်နေ့တွင် လားရှိုးမြို့၌ လည်းကောင်း၊          (၁၇-၅-၂၀၁၃)ရက်နေ့တွင် တောင်ကြီးမြို့၌ လည်းကောင်း၊ ပြည်ထောင်စုတိုင်းရင်းသားလူမျိုးများ ဖွံ့ဖြိုးရေးတက္ကသိုလ် မူလတန်းဆရာအတတ်သင်(၃)နှစ်သင်တန်း၊ အမှတ်စဉ်(၄၅) သင်တန်းသား များ အပြီးသတ်ရွေးချယ်ခြင်းနှင့် ၂၀၁၃-၂၀၁၄ ပညာသင်နှစ်၊ မူလတန်းအဆင့် ကျောင်းသား/ကျောင်းသူများ အားလုံးအတွက် လေ့ကျင့်ခန်းစာအုပ်များ အခမဲ့ ထောက်ပံ့ပေးရန်နှင့် ထောက်ပံ့ပေးမည့်စာအုပ်များအား မြို့နယ်၊ ကျောင်း၊ ကျောင်းသား/ကျောင်းသူများ လက်ဝယ်သို့ ပေးပို့သွားရန် သက်ဆိုင်ရာ ပြည်နယ်ပညာရေးမှူးများ၊ မြို့နယ်ပညာရေးမှူးများနှင့် ညှိနှိုင်းကာ သယ်ယူဖြန့်ဖြူးရေး ကုန်ကျစရိတ်များအား ထုတ်ပေးခဲ့ပါသည်။


   လေ့ကျင့်ခန်းစာအုပ်များအား ကျောင်းသား/ကျောင်းသူများ လက်ဝယ်အရောက် ဖြန့်ဝေပေးသွားရန်အတွက် မြို့နယ်ပညာရေးမှူးများမှ လွှတ်တော်ကိုယ်စားလှယ်များ၊ ဌာနဆိုင်ရာများ၊ ကျောင်းအကျိုးတော်ဆောင်များနှင့် ရပ်မိရပ်ဖများတို့အား ဖိတ်ကြားပြီး ပူးပေါင်းဆောင်ရွက်သွားကြရန် မှာကြားခဲ့ကြောင်း သတင်းရရှိသည်။

ရေနံထွက်ပစ္စည်းများ တင်သွင်း သိုလှောင် သယ်ယူဖြန့်ဖြူးရောင်းချရေးလုပ်ငန်းများ ထိန်းသိမ်းကြီးကြပ်ရေး လုပ်ငန်းညှိနှိုင်းအစည်းအဝေး

တောင်ကြီး   မေ   ၂၁

 

1

 

2

 

     ရေနံထွက်ပစ္စည်းများ တင်သွင်း သိုလှောင် သယ်ယူဖြန့်ဖြူးရောင်းချရေးလုပ်ငန်းများ ထိန်းသိမ်းကြီးကြပ်ရေး လုပ်ငန်းညှိနှိုင်းအစည်းအဝေးကို တောင်ကြီးမြို့  ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ မေ (၂၁) ရက် မွန်းလွှဲ (၁) နာရီတွင် ကျင်းပသည်။


    အစီအစဉ်အရ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီးဦးအောင်ကျော်ညွှန့်က အဖွင့်အမှာစကား ပြောကြားပြီးနောက် မြန်မာရေနံထွက်ပစ္စည်းရောင်းဝယ်ရေးလုပ်ငန်း၊ သိုလှောင်ဖြန့်ဖြူးရေးဌာနခွဲ(က)အဆင့် ဌာနခွဲ မန်နေဂျာ ဦးစိုးတင့် ကဆွေးနွေးပြီး တက်ရောက်လာသော လုပ်ငန်းရှင်များက ဆွေးနွေးတင်ပြခဲ့ကြပါသည်။


      ထို့နောက် ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွှန့်က တင်ပြဆွေးနွေးချက်များကို ထပ်မံဖြည့်စွက်၍ နိဂုံးချုပ်အမှာစကားပြောကြားခဲ့သည်။


    နိုင်ငံတော်မှ ကျင့်သုံးလျက်ရှိသော စျေးကွက်စီးပွားရေးစနစ်နှင့် အညီ ပြောင်းလဲကျင့်သုံးလာသည့် ပုဂ္ဂလိကကဏ္ဍမှ ရေနံထွက်ပစ္စည်းများ ပြည်တွင်းသို့ တင်သွင်းခြင်း၊ သိုလှောင်ခြင်း၊ သယ်ယူခြင်း၊ ဖြန့်ဖြူးရောင်းချခြင်း လုပ်ငန်းများနှင့် ပတ်သတ်၍ အထောက်အကူဖြစ်စေရန် စက်သုံးဆီတင်သွင်းရောင်းချ ဖြန့်ဖြူးရေးအသင်း(ရှမ်း/တောင်)အား ပုဂ္ဂလိကလုပ်ငန်းရှင်များ(၉)ဦးဖြင့် ဖွဲ့စည်းတာ၀န်ပေးအပ်လိုက်သည်။


   အခမ်းအနားကို ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး ၊ ဒုတိယပြည်နယ်ရဲတပ်ဖွဲ့မှူး၊ ပြည်နယ်စည်ပင်သာယာရေးအဖွဲ့ ညွှန်ကြားရေးမှူး၊ ကုန်သွယ်မှုမြှင့်တင်ရေးဦးစီးဌာန ပြည်နယ်ဦးစီးဌာနမှူး၊ ရှမ်းပြည်နယ်အစိုးရအဖွဲ့ရုံး ဒုတိယညွှန်ကြားရေးမှူး၊ ပြည်နယ်မီးသတ်ဦးစီးဌာန လက်ထောက်ညွှန်ကြားရေးမှူး၊ မြန်မာ့ရေနံထွက်ပစ္စည်းရောင်းဝယ်ရေးလုပ်ငန်း ဌာနခွဲမန်နေဂျာ၊ သိုလှောင်ဖြန့်ဖြူးရေးဌာနခွဲ(က)အဆင့် ရွှေညောင်မြို့နှင့် စက်သုံးဆီဖြန့်ဖြူးရောင်းချရေးလုပ်ငန်းရှင်များ တက်ရောက်သည်။

 

ရှမ်းပြည်နယ်မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီအစည်းအဝေး(၃/၂၀၁၃)ကျင်းပ

တောင်ကြီး   မေ   ၂၃

 

1

 

4

 

   ရှမ်းပြည်နယ် မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီ အစည်းအဝေး အမှတ်စဉ်(၃/၂၀၁၃)ကို မေ(၂၃)ရက် နံနက်(၁၀)နာရီက ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်မြို့ပြစနစ်စီမံကိန်းဖွံ့ဖြိုးတိုးတက်ရေးကော်မတီ နာယက ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက်အမှာစကားပြောကြားသည်။

 

3

 

2

 

 ထို့နောက် ရှမ်းပြည်နယ်အစိုးရအဖွဲ့၊ အတွင်းရေးမှူး ဦးရဲနိုင်အောင်က ပြည်နယ်မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီလုပ်ငန်းများနှင့် စပ်လျဉ်း၍ ဆွေးနွေးတင်ပြပြီး၊ ပြည်နယ်စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူက ဖြည့်စွက်ဆွေးနွေးတင်ပြသည်။


 ၎င်းနောက် ပြည်နယ်ဝန်ကြီးချုပ်က နိဂုံးချုပ်အမှာစကားပြောကြားခဲ့သည်။ အဆိုပါ အစည်းအဝေးသို့ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့တာဝန်ရှိသူများနှင့် ပြည်နယ်အဆင့်ဌာနဆိုင်ရာ တာဝန်ရှိသူများ တက်ရောက်ခဲ့ကြသည်။

 

 

စတုတ္ထအဆင့် ပြုပြင်ပြောင်းလဲရေး လုပ်ငန်းစဉ်ဖြစ်သည့် ပုဂ္ဂလိက ကဏ္ဍပြောင်းလဲ ဖွံ့ဖြိုးတိုးတက်ရေးအတွက် ဆောင်ရွက်ရမည့် လုပ်ငန်းအခြေအနေများအား ရှင်းလင်းခြင်း အစည်းအဝေးကျင်းပ

တောင်ကြီး   မေ   ၁၇

 

7

 

    ၂၀၁၃ ခုနှစ်၊ ဧပြီလ(၃၀)ရက်တွင် နိုင်ငံတော်သမ္မတ၏ နိုင်ငံ့စွမ်းဆောင်ရည်ဆု ချီးမြှင့်ပွဲအခမ်းအနား၌ “ ပုဂ္ဂလိက ကဏ္ဍဖွံ့ဖြိုးတိုးတက်ရေး ဆောင်ရွက်ရာမှာ လုပ်ငန်း ကဏ္ဍအသီးသီး ဖွံ့ဖြိုးတိုးတက်ရေး တာဝန်ယူထားသော ဝန်ကြီးဌာနအသီးသီးနဲ့ ဒေသဖွံ့ဖြိုး ရေးတာဝန်ယူထားသော တိုင်းဒေသကြီး/ပြည်နယ်အစိုးရအသီးသီးက စီမံပံ့ပိုးရမယ့် လုပ်ငန်းများရှိသလို၊ အစိုးရဌာနများနှင့် ပုဂ္ဂလိကပူးပေါင်းဆောင်ရွက်ရမယ့် လုပ်ငန်းများစွာ ပါဝင်တဲ့အတွက် အစိုးရဌာနများက ကမကထပြုပြီး ပုဂ္ဂလိကကဏ္ဍ ပြောင်းလဲတိုးတက် ဖွံ့ဖြိုးရေးဆိုင်ရာ အစိုးရ၊ ပုဂ္ဂလိကညှိနှိုင်းဆွေးနွေးမှုများကို အမြန်ဆောင်ရွက်ကြရန်နဲ့ အားပေးမြှင့်တင်ဆောင်ရွက်မယ့် အစီအမံများ ရေးဆွဲအကောင်အထည်ဖော် ဆောင်ရွက် သွားကြရန်” နိုင်ငံတော်သမ္မတက တိုက်တွန်းမိန့်ကြားခဲ့ပြီးဖြစ်ပါသည်။


    ရှမ်းပြည်နယ်အစိုးရအဖွဲ့အနေဖြင့် ပုဂ္ဂလိကကဏ္ဍ ပြောင်းလဲဖွံ့ဖြိုးတိုးတက်ရေးအတွက် ဆောင်ရွက်ရမည့် လုပ်ငန်းအခြေအနေများနှင့် ပတ်သက်၍ ရှင်းလင်းဆွေးနွေးပွဲ တစ်ရပ်ကို ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ကျင်းပရာ ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်က ဦးဆောင်ဆွေးနွေးပြီး၊ ပြည်နယ် စီမံကိန်းရေးဆွဲရေးဦးစီးဌာန ပြည်နယ်ဦးစီးမှူး ဦးတင်လှိုင်က အသေးစိတ်ရှင်းလင်း ဆွေးနွေးသည်။


    ဆွေးနွေးပွဲသို့ ရှမ်းပြည်နယ်ရှိ ကိုယ်ပိုင်အုပ်ချုပ်ခွင့်ရ တိုင်း/ဒေသဦးစီးအဖွဲ့ အတွင်းရေးမှူးများ၊ ခရိုင်အထွေထွေအုပ်ချုပ်ရေးဦးစီးဌာန ခရိုင်အုပ်ချုပ်ရေးမှူးများ၊ တောင်ကြီးခရိုင်အတွင်းရှိ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးများနှင့် အတူ သက်ဆိုင်ရာ စီမံကိန်းဦးစီးမှူးများလည်း တက်ရောက်ကြသည်။


    ဆွေးနွေးပွဲမှာ အောက်ပါအချက်များကို လမ်းညွှန်ခဲ့ပါသည်-


    (က)    ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက်  လုပ်ငန်းကဏ္ဍ နယ်ပယ်အလိုက် အသင်းအဖွဲ့များ ပိုမိုအားကောင်းခိုင်မာအောင် ဖွဲ့စည်းဆောင်ရွက်သွားရန်၊


    ( ခ)    အသင်းအဖွဲ့၊ အစုအဖွဲ့ မရှိသေးသော  လုပ်ငန်းကဏ္ဍများ၊  ဒေသများ၌   အသင်းအဖွဲ့(သို့မဟုတ်) အစုအဖွဲ့များ၊ သမဝါယမကုန်ထုတ်လုပ်ငန်းများ တိုးချဲ့ဖွဲ့စည်း အားပေးမြှင့်တင်သွားရန်၊


   ( ဂ)    ပုဂ္ဂလိကဏ္ဍရှိ အသင်းအဖွဲ့များအတွင်း လုပ်ငန်းအလိုက် လုပ်ငန်းအဖွဲ့ (Working  Group)များ ဖွဲ့စည်းပေးပြီး ပြည်ထောင်စုဝန်ကြီးဌာနများ၊ တိုင်းဒေသကြီး/ပြည်နယ် အစိုးရများကလည်း လုပ်ငန်းကဏ္ဍအလိုက်၊ ဒေသအလိုက် လုပ်ငန်းအဖွဲ့ (Working  Group)များ ဖွဲ့စည်းသွားရန်၊


  (ဃ)    ဝန်ကြီးဌာနအဆင့်၊ ဒေသအဆင့် အလုပ်ရုံဆွေးနွေးပွဲကြီးများ ညှိနှိုင်းအစည်းအဝေးကြီးများ ပြုလုပ်ခဲ့ကြသော်လည်း ဆွေးနွေးညှိနှိုင်းမှုရလာဒ်နှင့် လက်တွေ့ အကောင်အထည်ဖော်မှု၊ စဉ်ဆက်မပြတ်ထိတွေ့ဆောင်ရွက်မှု အားနည်းသည့်အတွက် အဆိုပါ ဆွေးနွေးပွဲများ၊ ညှိနှိုင်းအစည်းအဝေးများကို လိုအပ်သလောက် ကျင်းပ၍ လက်တွေ့ညှိနှိုင်းလုပ်ကိုင် အကောင်အထည်ဖော်မည့် အဆင့် ညှိနှိုင်းအစည်းအဝေး (Working  Level  Meeting)များကို ပိုမိုအလေးထား၍ ပုံမှန် ထိထိရောက်ရောက် ညှိနှိုင်းဆောင်ရွက်ပြီး လက်တွေ့ အောင်မြင်တိုးတက်မှုရှိအောင် ဆောင်ရွက်သွားရန်၊


   ( င)    စိုက်ပျိုးမွေးမြူထုတ်လုပ်မှု ကုန်ကြမ်းမှ ကုန်ချောအထိ  ထုတ်လုပ်နိုင်မှုမှ စျေးကွက်အထိ ထုတ်လုပ်မှုကွင်းဆက် (Supply  Chain)တစ်လျှောက်လုံးတွင် အစိုးရ၊ ပုဂ္ဂလိကလုပ်ငန်းအဖွဲ့များ၊ (Working Group)များပူးပေါင်းကွင်းဆင်း၍ အားနည်းချက်၊ အားသာချက်များကို လေ့လာသုံးသပ်ပြီး တိုးတက်အောင် အားပေး မြှင့်တင်နိုင်မည့် နည်းလမ်းများ ရှာဖွေစီမံ အကောင်အထည်ဖော်သွားရန်၊


   ( စ)    မြို့နယ်၊ ဒေသအလိုက် လက်ကားစျေးကွက်နှင့် ကုန်စည်ဒိုင် စျေးကွက် ဖွံ့ဖြိုးရေး အဆင့်မှ နိုင်ငံတကာစျေးကွက်သို့  လုပ်ငန်းကဏ္ဍ နယ်ပယ်အလိုက် ယှဉ်ပြိုင်ဝင်ရောက်နိုင်စွမ်းရှိရေး အစိုးရ၊ ပုဂ္ဂလိက ပူးပေါင်းလုပ်ငန်းအဖွဲ့များ (Working Group)များ ဖွဲ့စည်းညှိနှိုင်းစီမံ အားပေးမြှင့်တင် ဆောင်ရွက်သွားရန်၊


    (ဆ)    အသေးစား၊ အလတ်စား စီးပွားရေးလုပ်ငန်းများ လည်ပတ်နိုင်ရန် လျှပ်စစ်ဓါတ်အား လိုအပ်ချက်အား ပြည်တွင်း၊ ပြည်ပ ရင်းနှီးမြှုပ်နှံမှုများဖြင့် ဒေသအလိုက်၊ ဇုန်အလိုက် လျှပ်စစ်ရရှိရေး အားပေးမြှင့်တင် ဆောင်ရွက်သွားရန်၊


    ( ဇ)    ငွေကြေးလိုအပ်ချက်အတွက် ငွေကြေးဝန်ဆောင်မှုလုပ်ငန်းများအား အစိုးရ၊ ပုဂ္ဂလိက ပူးပေါင်းလုပ်ငန်းအဖွဲ့များဖြင့် ညှိနှိုင်းပြီး အသေးစားငွေချေးလုပ်ငန်းများ အားပေးမြှင့်တင်သွားရန်၊


    ( စျ)    လမ်းပန်းဆက်သွယ်ရေး၊ ပို့ဆောင်ရေး၊ ဆက်သွယ်ရေး အခြေခံ အဆောက်အအုံ ဝန်ဆောင်မှုလုပ်ငန်း ဖွံ့ဖြိုးတိုးတက်ရေးတို့အတွက် အစိုးရ၊ ပုဂ္ဂလိက ပူးပေါင်း လုပ်ငန်းအဖွဲ့များနှင့် ညှိနှိုင်းပြီး အစီအမံ ရေးဆွဲအားပေးမြှင့်တင် ဆောင်ရွက်သွားရန်၊


    ၎င်းနောက် ပုဂ္ဂလိက ကဏ္ဍပြောင်းလဲဖွံ့ဖြိုးတိုးတက်ရေးအတွက် မြို့နယ်အဆင့် ဖွဲ့စည်းထားသော စီမံကိန်းကော်မတီ၊ အထောက်အကူပြုကော်မတီ၊ စည်ပင်သာယာရေးကော်မတီ၊ စီမံခန့်ခွဲမှုကော်မတီနှင့် လူမှုစီးပွား အသင်းအဖွဲ့များနှင့် မြို့နယ်အလိုက် အစည်းအဝေး ကျင်းပ ပြီး ဆောင်ရွက်လိုသည့် (Supply Chain) များကို လွတ်လပ်ပွင့်လင်းစွာ အမြန်ဆွေးနွေးရန်၊ ဆွေးနွေးဆုံးဖြတ်ချက်များအား ပြည်နယ်အစိုးရအဖွဲ့သို့ အမြန်ဆုံး ပြန်လည်တင်ပြသွားရန် ညွှန်ကြားထားရှိကြောင်း သတင်းရရှိသည်။

 

တောင်ကြီး၊ တောင်စိမ်းလန်းစိုပြေရေးအတွက် ကွက်ဖြည့်စိုက်ခင်းထူထောင်ရေးနှင့် မြို့သောက်သုံးရေ ဖူလုံစေရေး၊ သဘာဝရေ အရင်းအမြစ်များ ရရှိရေး ပြည်နယ်ဝန်ကြီးချုပ် ကွင်းဆင်းစစ်ဆေး

တောင်ကြီး   မေ   ၂၂

 

1

 

    တောင်ကြီး၊ တောင်စိမ်းလန်းစိုပြေရေးအတွက် ကွက်ဖြည့်စိုက်ခင်းထူထောင်ရေးနှင့် မြို့သောက်သုံးရေ ဖူလုံစေရေး၊ သဘာဝရေ အရင်းအမြစ်များ ရရှိရေးအတွက် မေ(၂၂)ရက် နံနက်(၉)နာရီခွဲက ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ်အထွေထွေအုပ်ချုပ်ရေးဦးစီးဌာန ဒုတိယပြည်နယ်အုပ်ချုပ်ရေးမှူး(ညွှန်ကြားရေးမှူး) ဦးမြတ်ကျော်ကျော်၊ ပြည်နယ်စည်ပင်သာယာရေးဦးစီးဌာန ညွှန်ကြားရေးမှူး ဦးစိုင်းထွန်းထွန်းနှင့် ဌာနဆိုင်ရာ တာဝန်ရှိသူများအဖွဲ့သည် တောင်ကြီးမြို့၊ ဆုတောင်းပြည့်စေတီ ကိုးနဝင်းကျောင်းတိုက် ဘုရားကုန်းပေါ်နေရာတွင် သွားရောက်ကြည့်ရှုစစ်ဆေးရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့သည်။

 

2

 

   ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူများတို့သည် တောင်ကြီးမြို့၊ ရွှေဘုန်းပွင့်စေတီဘုရားသို့ ရောက်ရှိလာရာ ဘုရားတွင် ပန်း၊ ရေချမ်း၊ ဆီမီးကပ်လှူပြီး ဘုရားရင်ပြင်ပေါ်ရှိ တောင်ကြီးမြို့ပေါ် ရှုခင်းကြည့်နေရာတွင် တောင်ကြီး၊ တောင်စိမ်းလန်းစိုပြေရေးအတွက် တောင်ခရိုင်သစ်တောဦးစီးဌာနမှ လက်ထောက်ညွှန်ကြားရေးမှူး ဦးမောင်မောင်စိုးက မြေပုံကားချပ်ဖြင့် ရှင်းလင်းတင်ပြခဲ့ရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့ပါသည်။

 

3

 

4

 

   ထို့နောက် ပြည်နယ်ဝန်ကြီးချုပ်နှင့် တာဝန်ရှိသူများတို့သည် တောင်ကြီးမြို့၊ ဘုရားဖြူရပ်ကွက်၊ ထီသိမ်ရေကန်သို့ သွားရောက်ပြီး ရေကန်အတွင်း ရေများ သိုလှောင်ထားရှိမှုနှင့် ရေပေးဝေမှု၊ မိုးရာသီ သစ်ပင်စိုက်ပျိုးမည့်နေရာများကို လိုက်လံကြည့်ရှု၍ လည်းကောင်း၊ တောင်ကြီးမြို့ ရေအေးကွင်းရပ်ကွက်ရှိ ရေထွက်ဦးရေကန်၌ ရေသိုလှောင်ထားရှိမှုနှင့် ရေထွက်များကို ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြခဲ့ရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့ပါသည်။

 

5

 

6

 

7

 

   ၎င်းနောက်  ပြည်နယ်ဝန်ကြီးချုပ်နှင့် တာဝန်ရှိသူများတို့သည် ကျောင်းကြီးစုရပ်ကွက်ရှိ ဂနိုင်ရေကန်နှင့် ရေစုကန် ပြန်လည်ပြုပြင်နေမှုကို သွားရောက်ကြည့်ရှုစစ်ဆေးရာ ပြည်နယ်စည်ပင်သာယာရေးဦးစီးဌာန၊ ညွှန်ကြားရေးမှူး ဦးစိုင်းထွန်းထွန်းမှ မြေပုံကားချပ်ဖြင့် ရှင်းလင်းတင်ပြသည်။ ဆက်လက်၍ ပြည်နယ်ဝန်ကြီးချုပ်နှင့် အဖွဲ့သည် တောင်ကြီးမြို့၊ တိုင်းရင်းသားသုသာန် မီးသဂြိုဟ်စက်သို့ သွားရောက်ကြည့်ရှု စစ်ဆေးရာ ကားအသွားအလာများ ပြားသဖြင့် ကားလမ်းများ ကျဉ်းမြောင်းသဖြင့် ကားလမ်းများတိုးချဲ့ရန်နှင့် သတ်မှတ် စည်ပင်မြေ မကျူးကျော်စေရေးတို့ကို ဂရုတစိုက် လုပ်ဆောင်သွားရန် မှာကြားခဲ့ကြောင်းသိရှိရသည်။

 

8

ရှမ်းပြည်နယ်၏ ၂၀၁၃−၂၀၁၄ဘဏ္ဍနှစ်၊ ဒေသန္တရစီမံကိန်း ရည်မှန်းချက် တာဝန်ပေးအပ်ပွဲ အခမ်းအနား

တောင်ကြီး   မေ   ၁၇

 

 

2

 

3

 

4

 

1

 

   ရှမ်းပြည်နယ်၏ ၂၀၁၃−၂၀၁၄ဘဏ္ဍနှစ်၊ ဒေသန္တရစီမံကိန်း ရည်မှန်းချက် တာဝန်ပေးအပ်ပွဲ အခမ်းအနားကို မေ (၁၇)ရက် နံနက်(၀၉)နာရီက တောင်ကြီးမြို့တော်ခန်းမ၌ ကျင်းပခဲ့ရာ ရှမ်းပြည်နယ်အစိုးရအဖွဲ့ ၀န်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီးနောက် ရှမ်းပြည်နယ်စီမံကိန်းဦးစီးမှူး ဦးတင်လှိုင်က ၂၀၁၃−၂၀၁၄ဘဏ္ဍနှစ်၊ ဒေသန္တရစီမံကိန်း ရည်မှန်းချက်အပေါ် အကောင်အထည်ဖော်မှု၊ ၂၀၁၃−၂၀၁၄ဘဏ္ဍနှစ်၊ ဒေသန္တရစီမံကိန်း ရည်မှန်းချက်များနှင့် စပ်လျဉ်း၍ ရှင်းလင်းတင်ပြသည်။

 

   အခမ်းအနားသို့ ရှမ်းပြည်နယ်အစိုးရအဖွဲ့ ၀န်ကြီးချုပ် ဦးစဝ်အောင်မြတ်၊ ရှမ်းပြည်နယ်အစိုးရအဖွဲ့ အဖွဲ့၀င်များ၊ ကိုယ်ပိုင်အုပ်ချုပ်ခွင့်ရ တိုင်း/ဒေသများ အတွင်းရေးမှူးများ၊ ခရိုင်/မြို့နယ်အထွေထွေအုပ်ချုပ်ရေးဦးစီးဌာန  အုပ်ချုပ်ရေးမှူးများ၊ တောင်ကြီးခရိုင်ရှိ လွှတ်တော်ကိုယ်စားလှယ်များ၊ ပြည်နယ်အဆင့်  ဌာနဆိုင်ရာများ၊ ရပ်မိရပ်ဖများနှင့် ဖိတ်ကြားထားသော ဧည့်သည်တော်များ တက်ရောက်သည်။

 

More Articles...

  1. ဒုတိယအကြိမ် CDMA 800MHz မိုဘိုင်းဖုန်းများ ရောင်းချမည့် စာရင်း
  2. ဟဲဟိုး - မိုင်းဆတ် ခရီးစဉ်အတိုင်း ပျံသန်းလာသော မြန်မာ့လေကြောင်း ဆင်းသက်စဉ် ဘရိတ်ပိုင်းဆိုင်ရာ ချို့ယွင်းမှုဖြစ်ပွား
  3. ပြည်နယ်ဝန်ကြီး ဦးအောင်ကျော်ညွှန့်၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ညှိနှိုင်းအစည်းအဝေးကျင်းပ
  4. ပြည်နယ်မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့ နာယက ဒေါ်ဖြူဖြူညွန့် ခြေလေးချောင်းနှင့် ထူးဆန်းစွာ မွေးဖွားလာသည့် ကလေးငယ်အား သွားရောက်ကြည့်ရှုအားပေး
  5. အင်းလေးကန်ပတ်ဝန်းကျင်ရှိ ဟိုတယ်များနှင့် စပ်လျဉ်းသည့် တွေ့ဆုံပွဲကျင်းပ
  6. ရှမ်းပြည်နယ်အစိုးရအဖွဲ့ အတွင်းရေးမှူး ဒေသဖွံ့ဖြိုးရေး ကွင်းဆင်းဆောင်ရွက်
  7. ကလောမြို့ မိုးသည်းထန်စွာရွာသွန်းပြီး လေပြင်းတိုက်ခတ်မှု ဖြစ်ပွား
  8. လားရှိုးမြို့မဈေး တစ်ဝိုက်လမ်းပိတ်ဆို့မှု ရှင်းလင်းဆောင်ရွက်
  9. လားရှိုးမြို့တွင် သောက်သုံးရေ ပြတ်လပ်မှု မရှိစေရေး ရေပေးဝေလျက်ရှိ
  10. တောင်ကြီးမြို့၊ ကုန်ခြောက်သားငါးစျေး အဆင့်မြင့်စျေးသစ်တည်ဆောက်ရေး တင်ဒါရွေးချယ်ပွဲ ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 69 guests and no members online