သတင်းများ

အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ကျင်းပရေး အကြိုညှိနှိုင်းအစည်းအဝေး ကျင်းပ

တောင်ကြီး  ဇွန်  ၁၈

 

1

 

2

 

3

 

   (၂၆-၆-၂၀၁၃)ရက်နေ့တွင် ကျရောက်မည့် (၂၆)နှစ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အခမ်းအနားကျင်းပရေး၊ ပြခန်းများခင်းကျင်းပြသရေးနှင့် ဖမ်းဆီး/သိမ်းဆည်းရမိ မူးယစ်ဆေးဝါးများနှင့် ဆေးရည်များ မီးရှို့ဖျက်ဆီးပွဲအခမ်းအနား ကျင်းပရေး အကြိုညှိနှိုင်းအစည်းအဝေးကို ဇွန်(၁၈)ရက်၊ နေ့လည်(၁)နာရီက ရှမ်းပြည်နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ အခမ်းအနား ကျင်းပရေးဦးစီးကော်မတီ ဥက္ကဌ ရှမ်းပြည်နယ်အစိုးရအဖွဲ့၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူ တက်ရောက်အမှာစကားပြောကြားသည်။


   ထို့နောက် ပြည်နယ် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ အန္တရာယ် တားဆီးကာကွယ်ရေးအဖွဲ့ ဥက္ကဌ၊ ပြည်နယ်အုပ်ချုပ်ရေးမှူး ဦးရဲနိုင်အောင်က ဆွေးနွေးပြောကြားပြီး ပြည်နယ် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါး များအန္တရာယ် တားဆီးကာကွယ်ရေးအဖွဲ့ ဒု-ဥက္ကဌ၊ ပြည်နယ်ရဲတပ်ဖွဲ့မှူး ရဲမှူးကြီး ဝင်းထွန်းက အခမ်းအနားကျင်းပရေးနှင့် စပ်လျဉ်း၍ ရှင်းလင်းတင်ပြသည်။


   ဆက်လက်ပြီး သက်ဆိုင်ရာ လုပ်ငန်းဆပ်ကော်မတီများက ကဏ္ဍအလိုက် အသီးသီး ရှင်းလင်းတင်ပြကြပြီးနောက် အခမ်းအနားကျင်းပရေး ဦးစီးကော်မတီ ဥက္ကဌက နိဂုံးချုပ် အမှာစကားပြောကြားခဲ့သည်။

ဖယ်ခုံမြို့နယ်၊ အမက(၇) "နဝရတ်"ကျောင်းဆောင်သစ်ဖွင့်ပွဲနှင့် တောင်စလုံး-လတိန် (သဲအိတ်နည်းပညာ)လမ်းသစ်ဖွင့်ပွဲ ကျင်းပ

တောင်ကြီး မေ  ၁၈

 

1

 

2

 

တောင်ကြီးခရိုင်၊ ဖယ်ခုံမြို့နယ်၊ နန်းဟူးရပ်ကွက်ရှိ အမှတ်(၇) အခြေခံပညာမူလတန်း ကျောင်း "နဝရတ်"ကျောင်းဆောင်သစ်ဖွင့်ပွဲကို မေ(၁၈)ရက်၊ နံနက်(၉)နာရီခွဲက အဆိုပါ ကျောင်းဆောင်သစ်ရှေ့၌ ကျင်းပရာ ရှမ်းပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်လျှပ်စစ်နှင့်စက်မှုလက်မှု ဝန်ကြီး၊ ကယန်း(ပဒေါင်)တိုင်းရင်းသားရေးရာ ဝန်ကြီး၊ ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများ၊ လူမှုရေး အသင်းအဖွဲ့များ၊ ဒေသခံတိုင်းရင်းသားပြည်သူများ တက်ရောက်ကြသည်။


ရှေးဦးစွာ ကျောင်းဆောင်သစ်အား ပြည်နယ်လျှပ်စစ်နှင့်စက်မှုလက်မှုဝန်ကြီး ဦးစိုင်းထွန်းရင်၊ ကယန်း(ပဒေါင်)တိုင်းရင်းသားရေးရာဝန်ကြီး ဦးလောရင်နှင့် တာဝန်ရှိသူတစ်ဦးတို့က ကျောင်းဆောင်သစ်အား ဖဲကြိုးဖြတ်ဖွင့်လှစ်ပေးပြီးနောက် ပြည်နယ်လျှပ်စစ်နှင့် စက်မှုလက်မှုဝန်ကြီးက အဖွင့်အမှာစကား ပြောကြားသည်။

 

3

 

 

4

 

5


ဆက်လက်ပြီး ကျောင်းအုပ်ဆရာမကြီးက ကျောင်းဆောင်သစ်နှင့် ပတ်သက်၍ ရှင်းလင်း တင်ပြပြီး တာဝန်ရှိသူတစ်ဦးက ပြည်နယ်လွှတ်တော် ဥက္ကဌနှင့် ဧည့်သည်တော်များထံသို့ အထမ်းအမှတ်အလံများကို နေရာအရောက် ပေးအပ်ခဲ့သည်။

 

7


၎င်းနောက် ပြည်နယ်လွှတ်တော် ဥက္ကဌနှင့် အဖွဲ့သည် ဖယ်ခုံမြို့နယ်၊ ခေါင်းအိကျေးရွာ အုပ်စု၊ လတိန်ကျေးရွာနှင့် ပင်လောင်းမြို့နယ်၊ တောင်စလုံးကျေးရွာသို့ ဆက်သွယ် ဖောက်လုပ်ထား(သဲအိတ်နည်းပညာ)ကျေးရွာချင်းဆက် လမ်းဖွင့်ပွဲ အခမ်းအနားသို့ တက်ရောက်ခဲ့သည်။

 

8

  

9


အခမ်းအနားတွင် ပြည်နယ်လွှတ်တော် ဥက္ကဌက အမှာစကားပြောကြားပြီး ပြည်နယ် လျှပ်စစ်နှင့်စက်မှုလက်မှုဝန်ကြီးက အမှာစကားပြောကြားသည်။

 

10

 

11


ယင်းနောက် ပြည်နယ်လွှတ်တော်ကိုယ်စားလှယ် ဒေါ်အေးချိုစိန်က ကျေးဇူးတင်စကား ပြောကြားပြီး လမ်းကော်မတီ တာဝန်ရှိသူတစ်ဦးက ဧည့်သည်တော်များထံသို့ နေရာအရောက် အထိမ်းအမှတ်အလံများ ပေးအပ်ခဲ့သည်။ ထို့နောက် ပြည်နယ်လွှတ်တော် ဥက္ကဌနှင့် အဖွဲ့သည် လမ်းသစ်အား ကြည့်ရှုစစ်ဆေးခဲ့သည်။

တောင်ကြီးတက္ကသိုလ်၊ စာကြည့်တိုက်နှင့် သုံးထပ်စာသင်ဆောင်သစ်များ ဆောက်လုပ်ပြီးစီးမှု အခြေအနေများ ကြည့်ရှုစစ်ဆေး

တောင်ကြီး  ဇွန်  ၀၄

TU-01

 

TU-02

 

TU-03

 

TU-04

 

TU-05

 

TU-06

 

TU-07

 

        ရှမ်းပြည်နယ်အစိုးရအဖွဲ့၊ ဝန်ကြီးချုပ် ဦးစဝ်အောင်မြတ်သည် ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းနှင့် တာဝန်ရှိသူများလိုက်ပါလျက် ဇွန်(၄)ရက်၊ နံနက်(၁၀)နာရီက တောင်ကြီးတက္ကသိုလ် စာကြည့်တိုက်နှင့် သုံးထပ်စာသင်ဆောင်သစ်များ ဆောက်လုပ်ပြီးစီးမှုအခြေအနေများကို လိုက်လံ ကြည့်ရှုစစ်ဆေးရာ တောင်ကြီးတက္ကသိုလ် ပါမောက္ခချုပ် ဒေါက်တာ ဒေါ်မူမူမြင့်နှင့် တာဝန်ရှိသူများမှ လိုက်လံရှင်းလင်း တင်ပြခဲ့ကြသည်။

 

TU-08

 

      ထို့နောက် ပြည်နယ်ဝန်ကြီးချုပ်သည် တောင်ကြီးချုပ်တက္ကသိုလ်၊ ဘက်စုံခန်းမ တွင် ပါမောက္ခချုပ်နှင့် ပါမောက္ခ ဌာနမှူးများ၊ တက္ကသိုလ်တာဝန်ရှိသူများနှင့် တွေ့ဆုံ၍ လမ်းညွှန် အမှာစကား ပြောကြားခဲ့သည်။ ထို့နောက် ပါမောက္ခချုပ် ဒေါက်တာ ဒေါ်မူမူမြင့်က တောင်ကြီး တက္ကသိုလ်နှင့် ပတ်သက်၍ ရှင်းလင်းတင်ပြခဲ့သည်။

၂၀၁၃ ခုနှစ်၊ မိုးရာသီသစ်ပင်စိုက်ပျိုးပွဲတော် ကျင်းပ

တောင်ကြီး  ဇွန်  ၀၈

 

1

 

2

 

3

 

4

 

5

 

6

 

7

 

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် ၂၀၁၃ ခုနှစ်၊ မိုးရာသီသစ်ပင်စိုက်ပျိုးပွဲတော်ကို ဇွန်(၈)ရက်၊ နံနက်(၈)နာရီက တောင်ကြီး(မြောက်)ကြိုးဝိုင်း၊ ကိုးနဝင်းစေတီတော်အနီး၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊ ဖိတ်ကြားထားသော ဧည့်သည်တော်များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များ၊ သူနာပြုနှင့် သားဖွားသင်တန်းသူများ၊ သစ်ပင်ချစ်သူများအဖွဲ့နှင့် တောင်ကြီးမြို့ပေါ် ရပ်ကွက်များမှ ပြည်သူလူထုများ တက်ရောက်ကြသည်။


ရှေးဦးစွာ ပြည်နယ်ဝန်ကြီးချုပ်က အမှာစကားပြောကြားပြီးနောက် ပျိုးပင်များ ဖြန့်ဝေပေးအပ်ရာ ပြည်နယ်ဝန်ကြီးချုပ်၊ ပြည်နယ်သစ်တောနှင့် သတ္တု ဝန်ကြီး၊ ပြည်နယ်သစ်တောနှင့်သတ္တု ဝန်ကြီး၏ ဇနီးတို့က ပျိုးပင်များ ဖြန့်ဝေပေးအပ်ခဲ့ကြသည်။


ထို့နောက် ပြည်နယ်ဝန်ကြီးချုပ်နှင့် တာဝန်ရှိသူများက သစ်ပင်များ အသီးသီး စိုက်ပျိုးပေးခဲ့ကြပြီး အခမ်းအနားတက်ရောက်လာသူများ၏ စုပေါင်းသစ်ပင်စိုက်ပျိုးနေမှုကို ကြည့်ရှုအားပေးခဲ့ကြသည်။ အဆိုပါ သစ်ပင်စိုက်ပျိုးပွဲတော်တွင် ခါတော်မှီ(၅၀၀)ပင်၊ ရေသင်းဝင်(၈၀၀)ပင်၊ ထင်းရှူး(၂၀၀)ပင်၊ အော်ရီရှား(၃၀၀)ပင် စုစုပေါင်း ပျိုးပင်(၁၈၀၀)ပင် စိုက်ပျိုးခဲ့ကြောင်း သိရှိရသည်။

ပုဂ္ဂလိကကဏ္ဍ ပြောင်းလဲဖွံ့ဖြိုးတိုးတက်ရေးအတွက် ပြည်နယ်အဆင့် ဆောင်ရွက်မည့်အစီအမံများချမှတ်ရေး ညှိနှိုင်းဆွေးနွေးပွဲ ကျင်းပ

တောင်ကြီး  ဇွန်  ၀၃

Work-04

 

     ရှမ်းပြည်နယ်အစိုးရအဖွဲ့အနေဖြင့် စတုတ္ထအဆင့်ပြုပြင်ပြောင်းလဲရေးလုပ်ငန်းစဉ်ဖြစ်သည့် ပုဂ္ဂလိကကဏ္ဍ ပြောင်းလဲဖွံ့ဖြိုးတိုးတက်ရေးအတွက် Working Group ဖွဲ့စည်း၍ Working Level Meeting ဆွေးနွေးချက်ရလာဒ်များအပေါ် ပြည်နယ်အဆင့် ဆောင်ရွက်မည့် အစီအမံများချမှတ်ရေး ညှိနှိုင်းဆွေးနွေးပွဲကို ဇွန်(၃)ရက်၊ နေ့လည်(၂)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက် အမှာစကား ပြောကြားသည်။

Work-02

 

Work-03

 

     ထို့နောက် ပြည်နယ်အစိုးရအဖွဲ့၊ အတွင်းရေးမှူး ဦးရဲနိုင်အောင်က လုပ်ငန်းစဉ်နှင့် စပ်လျဉ်း၍ ရှင်းလင်းတင်ပြပြီး တက်ရောက်လာသူများများမှ သက်ဆိုင်ရာ လုပ်ငန်းကဏ္ဍများအလိုက် အသီးသီး ရှင်းလင်းတင်ပြခဲ့ကြသည်။

 

Work-01

 

   အဆိုပါ ဆွေးနွေးပွဲသို့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌနှင့် အတွင်းရေးမှူးများ၊ တိုင်းရင်းသားရေးရာဝန်ကြီးများ၊ အစိုးရ အဖွဲ့တာဝန်ရှိသူများ၊ ပြည်နယ်/ခရိုင်အဆင့် ဌာနဆိုင်ရာ တာဝန်ရှိသူများ တက်ရောက်ခဲ့ ကြသည်။ 

ရှမ်းပြည်နယ်ဝန်ကြီးချုပ် ရပ်စောက်မြို့နယ်အတွင်း လှည့်လည်ကြည့်ရှု

တောင်ကြီး  ဇွန်  ၀၆

 

1

 

2

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် ပြည်နယ်ဝန်ကြီး များ၊ တာဝန်ရှိသူများ လိုက်ပါလျက် ဇွန်(၆)ရက်၊ ညနေ(၄)နာရီတွင် ရပ်စောက်မြို့နယ်၊ ကောင်းဘို့ကျေးရွာသို့ ရောက်ရှိပြီး ဒေသခံများနှင့်တွေ့ဆုံ၍ ကျေးလက်ဒေသဖွံ့ဖြိုးရေး၊ ဆင်းရဲမှုလျော့ချရေးလုပ်ငန်းကိစ္စရပ်များကို ဆွေးနွေး ညှိနှိုင်းခဲ့ကြသည်။


ထို့နောက် ပြည်နယ်ဝန်ကြီးချုပ်နှင့် အဖွဲ့သည် ရပ်စောက်မြို့အတွင်း မော်တော်ယာဉ်များ နှင့် လှည့်လည်ကြည့်ရှု၍ ရပ်စောက်-ညောင်ရွှေ လမ်းပိုင်းပေါ်ရှိ စိုးလွင်အောင် ဆောက်လုပ်ရေးကုမ္ပဏီ လုပ်ငန်းရှင်းလင်းဆောင်သို့ ရောက်ရှိလာရာ ကုမ္ပဏီတာဝန်ရှိသူ နှင့် ပြည်သူ့ဆောက်လုပ်ရေးလုပ်ငန်းတာဝန်ရှိသူများက လုပ်ငန်းဆောင်ရွက်ပြီးစီးမှု အခြေအနေများကို ရှင်းလင်း တင်ပြခဲ့ကြသည်။

 

ဟိုပုံးမြို့နယ်ဆေးရုံသို့ ဆေးငွေပဒေသာပင်၊ အရေးပေါ်လူနာတင်ယာဉ်နှင့် ဆေးရုံသုံးပစ္စည်းများ ပေးအပ်လှူဒါန်းပွဲအခမ်းအနားကျင်းပ

တောင်ကြီး ဇွန် ၀၂

HP05

 

HP04

 

HP03

 

HP02

 

HP01

 

 

   ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့ပြည်သူ့ဆေးရုံ၌  ဆေးငွေပဒေသာပင်၊ အရေး ပေါ်လူနာတင်ယာဉ်နှင့် ဆေးရုံသုံးပစ္စည်းများ ပေးအပ်လှူဒါန်းခြင်းအခမ်းအနားကို ၂-၆-၂၀၁၃ ရက်နေ့ နံနက်(၉)နာရီအချိန်တွင်ကျင်းပပြုလုပ်ခဲ့ရာ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင် ရာများနှင့် ရပ်မိရပ်ဖများတက်ရောက်ခဲ့ကြသည်။
    အခမ်းအနားတွင် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးစံလွင်မှ ဂုဏ်ပြု အမှာစကားပြောကြားပြီး အလှူရှင် ဦးဝေစိုး(ဖြူဇင်ဆောက်လုပ်ရေးကုမ္ပဏီ)မှ လှူဒါန်းရခြင်း အကြောင်းကိုရှင်းလင်းပြောကြားခဲ့ပါသည်။ ဆက်လက်ပြီး  အလှူရှင်များက ဆေးပဒေသာပင်၊ အရေးပေါ်လူနာတင် ယာဉ်နှင့် ဆေးရုံသုံးပစ္စည်းများကိုလှူဒါန်းပေးအပ်ကြရာ တာဝန်ရှိသူများက လက်ခံရရယူပြီး ပြည်နယ်ဝန်ကြီးချုပ်က ဂုဏ်ပြုမှတ်တမ်းလွှာများကိုပြန်လည်ပေးအပ်ခဲ့ကာ မြို့နယ်ကျန်း မာရေးဦးစီးဌာနမှူး ဒေါက်တာတင်ဇော်ဝင်းက ကျေးဇူးတင်စကား ပြန်လည် ပြောကြားခဲ့ကြောင်းသိရှိရပါသည်။

ရှမ်းပြည်နယ်ဝန်ကြီးချုပ် ပင်းတယမြို့နယ်အတွင်း လှည့်လည်ကြည့်ရှု

တောင်ကြီး  ဇွန်  ၀၆

 

4

 

5

 

6

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် ပြည်နယ်ဝန်ကြီး များလိုက်ပါလျှက် ဇွန်(၆)ရက်၊ နံနက်(၉)နာရီခွဲက ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ ကျုံးကျေးရွာရှိ စေတော်ဝင်ဆုတောင်းပြည့်ဘုရား ရွှေထီးတော်တင်လှူ ပူဇော်ပွဲသို့ တက်ရောက်၍ ဆရာတော်သံဃာတော်များအား ဖူးမျှော်ကန်တော့ပြီး ရွှေထီးတော်ဘုံအဆင့်ဆင့်ကို တင်လှူပူဇော်ခဲ့ကြသည်။

 

8

 

9

 

10

 

ထို့နောက် ပြည်နယ်ဝန်ကြီးချုပ်နှင့် အဖွဲ့သည် ကျုံးကုန်စည်ဒိုင် တည်ဆောက်ပြီးစီးမှု အခြေအနေကို သွားရောက်ကြည့်ရှုစစ်ဆေးရာ တာဝန်ရှိသူများက လိုက်လံရှင်းလင်း တင်ပြခဲ့ကြသည်။ ဆက်လက်ပြီး ပြည်နယ်ဝန်ကြီးချုပ်နှင့် အဖွဲ့သည် ပင်းတယ မြို့နယ်လုံးဆိုင်ရာ(၆၁/၅၉)ကြိမ်မြောက် စာပြန်ပွဲတော်သို့ တက်ရောက်၍ နာယက ဆရာတော်များအား ဖူးမျှော်ကြည်ညိုခဲ့ကြသည်။

 

12

 

13

 

14

 

15

 

၎င်းနောက် ပြည်နယ်ဝန်ကြီးချုပ်သည် နေ့လည်(၁)နာရီတွင် ပင်းတယမြို့၊ ဓနုကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ရုံး၌ ကျင်းပသော ကျေးလက်ဒေသဖွံ့ဖြိုးရေးနှင့် ဆင်းရဲမှုလျော့ချရေးလုပ်ငန်း ညှိနှိုင်းအစည်းအဝေးသို့ တက်ရောက်ခဲ့သည်။


အစည်းအဝေးတွင် ဓနုကိုယ်ပိုင်အုပ်ချုပ်ခွင့်ရဒေသ ဥက္ကဌ ဦးထူးကိုကိုက လုပ်ငန်းဆောင်ရွက်မှု အခြေအနေများကို ရှင်းလင်းတင်ပြပြီး ပင်းတယမြို့နယ်နှင့် ရွာငံမြို့နယ်များမှ ဆင်းရဲမှုလျော့ချရေးလုပ်ငန်းကော်မတီများ၏ တာဝန်ရှိသူများက အသီးသီး ရှင်းလင်း တင်ပြသည်။


ထို့နောက် ပြည်နယ်ဝန်ကြီးချုပ်က တင်ပြချက်များအပေါ် ပြန်လည်ရှင်းလင်း ဆွေးနွေးပြီး နိဂုံးချုပ် အမှာစကား ပြောကြားခဲ့သည်။ ထို့နောက် ပြည်နယ်ဘဏ္ဍာရေးနှင့်အခွန်ဝန်ကြီး ဦးခွန်သိန်းမောင်က ကျေးရွာမီးလင်းရေးလုပ်ငန်း ဆောင်ရွက်ရန်အတွက် ချေးငွေ သိန်း(၂၀၀)ကျပ်ကို ပေးအပ်ရာ ဓနုကိုယ်ပိုင်အုပ်ချုပ်ခွင့်ရဒေသ ဥက္ကဌမှ လက်ခံရယူသည်။

 

18

 

19

 

17
ဆက်လက်ပြီး ပြည်နယ်ဝန်ကြီးချုပ်နှင့် အဖွဲ့သည် ပင်းတယမြို့၊ ရွှေဥမှင်သဘာဝလိုဏ်ဂူဘုရား သို့ ရောက်ရှိပြီး အသစ်တည်ဆောက်တပ်ဆင်မည့် ဓါတ်လှေကား နေရာအား ကြည့်ရှု၍ ဘုရားအတွင်း လှည့်လည် ဖူးမျှော်ကြည်ညိုခဲ့ကြသည်။

 

ဂရုဏာရိပ်ငြိမ် ကုသိုလ်ဖြစ်ဆေးခန်းကြီးအတွက် စေတနာမေတ္တာဖြင့် လှူဒါန်းကူညီပံ့ပိုးပေးကြသော ကုသိုလ်ရှင်များအတွက် မှတ်တမ်းတင်ဂုဏ်ပြုပွဲ ကျင်းပ

1

 

2

 

3

တောင်ကြီး  မေ ၂၈
အောင်ပန်းမြို့၊ ဂရုဏာရိပ်ငြိမ် ကုသိုလ်ဖြစ်ဆေးခန်းကြီးအတွက် စေတနာမေတ္တာဖြင့် လှူဒါန်းကူညီပံ့ပိုးပေးကြသော ကုသိုလ်ရှင်များအတွက် မှတ်တမ်းတင်ဂုဏ်ပြုပွဲကို မေ(၂၈)ရက်၊ နံနက်(၉)နာရီခွဲက အောင်ပန်းမြို့ အဆိုပါ ဆေးခန်း၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက်အားပေးသည်။
အခမ်းအနားတွင် ဂရုဏာရိပ်ငြိမ်ဆေးခန်းဥက္ကဌ ဦးခင်မောင်ဝင်းက အဖွင့်အမှာစကား ပြောကြားပြီး အောင်ပန်းတိုက်နယ်ဆရာဝန် ဒေါက်တာကောင်းမြတ်က ဂုဏ်ပြုပွဲပြုလုပ်ရခြင်း၏ ရည်ရွယ်ချက်ကို ပြောကြားသည်။
ထို့နောက် အရေးပေါ်လူနာတင်ယာဉ် လှူဒါန်းရခြင်းရည်ရွယ်ချက်ကိုDiamond Star Co.Ltd မှ  တာဝန်ရှိသူတစ်ဦးကလည်းကောင်း၊ Light Track မော်တော်ယာဉ် လှူဒါန်းရခြင်းရည်ရွယ်ချက်ကိုအလှူရှင် ဦးကျော်မြင့်(ခ) ဦးအွစ္စမန်း ကိုယ်စား ဦးဝင်းအောင်မှ လည်းကောင်း ရှင်းလင်းပြောကြားပြီး ဂရုဏာရိပ်ငြိမ်ဆေးခန်းနာယက ရုပ်ရှင်နှင့်ဗီဒီယို သရုပ်ဆောင်ဂရုဏာရိပ်ငြိမ်ဆေးခန်းနာယက က ကျေးဇူးတင်စကား ပြောကြားခဲ့သည်။
ဆက်လက်ပြီး ဂုဏ်ပြုထိုက်သူများကို မှတ်တမ်းတင်ဂုဏ်ပြုလွှာများကို ပေးအပ်ချီးမြှင့်ရာ ပြည်နယ်ဝန်ကြီးချုပ်က အရေးပေါ်လူနာတင်ယာဉ် လှူဒါန်းပေးသော Diamond Star Co.Ltd ကို လည်းကောင်း၊ ဂရုဏာရိပ်ငြိမ်ဆေးခန်းနာယကကိုလူမင်းက Light Track မော်တော်ယာဉ် လှူဒါန်း ပေးသော ကလောမြို့မှ ဦးကျော်မြင့်(ခ) ဦးအွစ္စမန်းကို လည်းကောင်း၊ ဂရုဏာရိပ်ငြိမ်ဆေးခန်းဥက္ကဌ ဦးခင်မောင်ဝင်းက ဆေးခန်းသို့ မေတ္တာဖြင့် အခမဲ့ လာရောက်ကုသပေးပါသော တပ်မတော်စစ်ဆေးရုံ ကုတင်(၇၀၀)မှ အထွေထွေရောဂါ(အထူးကု)ဆရာဝန် ဒေါက်တာ သိန်းထက်သိန်းကို လည်းကောင်း ဂုဏ်ပြုမှတ်တမ်းလွှာများ အသီးသီး ပေးအပ်ခဲ့ကြသည်။
အဆိုပါ အခမ်းအနားသို့ ပြည်နယ်ဝန်ကြီးချုပ်နှင့် အတူ ပြည်နယ်ဝန်ကြီးများ၊ ပြည်နယ် မြို့နယ်အဆင့် ဌာနဆိုင်ရာ တာဝန်ရှိသူများ၊ ဂရုဏာရိပ်ငြိမ်ဆေးခန်းမှ တာဝန်ရှိသူများ၊ စေတနာရှင် အလှူရှင်များနှင့် ဒေသခံတိုင်းရင်းသားပြည်သူများ တက်ရောက်ခဲ့ကြသည်။
ဆက်လက်၍ ပြည်နယ်ဝန်ကြီးချုပ်နှင့် အဖွဲ့သည် တောင်ကြီးမြို့၊ ဗိုလ်ချုပ်အောင်ဆန်းလမ်း၊ မြို့မရပ်၌ ဖွင့်လှစ်ထားသည့်   Honda မော်တော်ဆိုင်ကယ် အရောင်းပြခန်း ဖွင့်ပွဲသို့ တက်ရောက် အားပေးခဲ့ကြောင်း သိရှိရသည်။

မြန်မာနိုင်ငံ REDD+ လမ်းပြမြေပုံရေးဆွဲရေးဆိုင်ရာ ဒေသအဆင့်ညှိနှိုင်းမှု အလုပ်ရုံဆွေးနွေးပွဲ ကျင်းပ

တောင်ကြီး  ဇွန်  ၀၅

REDD-05

 

REDD-04

 

REDD-03

 

REDD-02

 

REDD-01

 

    မြန်မာနိုင်ငံ REDD+ လမ်းပြမြေပုံရေးဆွဲရေးဆိုင်ရာ ဒေသအဆင့်ညှိနှိုင်းမှု အလုပ်ရုံ ဆွေးနွေးပွဲကို ဇွန်(၅)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊  ပြည်နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များ၊ စာပေ ယဉ်ကျေးမှုအဖွဲ့များ၊ ဖိတ်ကြားထားသော ဧည့်သည်တော်များ တက်ရောက်ကြသည်။
    ရှေးဦးစွာ ပြည်နယ်ဝန်ကြီးချုပ်က အဖွင့်အမှာစကား ပြောကြားပြီး သစ်တောဦးစီးဌာန၊ ဒုတိယ ညွှန်ကြားရေးမှူး ဒေါက်တာသောင်းနိုင်ဦးက REDD+ ၏ အဓိပ္ပါယ်နှင့် သဘောသဘာဝ၊ လုပ်ငန်းစဉ်များနှင့် လမ်းပြမြေပုံဖွဲ့စည်းပုံ၊ အလုပ်ရုံဆွေးနွေးပွဲကျင်းပရခြင်း ရည်ရွယ်ချက်များ ကို ရှင်းလင်းတင်ပြသည်။
    ထို့နောက် ပြည်နယ်ဝန်ကြီးချုပ်နှင့် အစိုးရအဖွဲ့ တာဝန်ရှိသူများသည် သင်တန်းသား Partripant များနှင့် အမှတ်တရ မှတ်တမ်းတင်ဓါတ်ပုံ ရိုက်ကူးခဲ့သည်။

ရှမ်းပြည်နယ်အထွေထွေအုပ်ချုပ်ရေးဦးစီးဌာန ၂၀၁၃-၂၀၁၄ ပညာသင်နှစ် ပညာသင်စရိတ်နှင့် စာရေးကိရိယာထောက်ပံ့ပေးအပ်ပွဲ ကျင်းပ

1

တောင်ကြီး  မေ ၂၇
ရှမ်းပြည်နယ်အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်လျက်ရှိသော ဝန်ထမ်းသားသမီးများအား  ၂၀၁၃-၂၀၁၄ ပညာသင်နှစ်အတွက် ပညာသင်စရိတ်နှင့် စာရေးကိရိယာထောက်ပံ့ပေးအပ်ပွဲကို မေ(၂၇)ရက်၊ ညနေ(၄)နာရီခွဲက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
ရှေးဦးစွာ ပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူး၊ ဒုတိယညွှန်ကြားရေးမှူးချုပ် ဦးရဲနိုင်အောင်က အမှာစကားပြောကြားပြီး ပြည်နယ်အုပ်ချုပ်ရေးမှူးနှင့်ဇနီး၊ ဒုတိယပြည်နယ်အုပ်ချုပ်ရေးမှူးနှင့်ဇနီး၊ ဒုတိယညွှန်ကြားရေးမှူးများက တက္ကသိုလ်အဆင့်၊ အထက်တန်းအဆင့်၊ အလယ်တန်းအဆင့်၊ မူလတန်းအဆင့် ကျောင်းသား/ကျောင်းသူများအား ပညာသင် စရိတ်ထောက်ပံ့ငွေများနှင့် စာရေးကိရိယာများကို ထောက်ပံ့ပေးအပ်ခဲ့ကြသည်။
ထိုသို့ ပေးအပ်ရာတွင် တက္ကသိုလ်အဆင့်(၁၀)ဦးအား (၁)ဦးလျှင် ငွေသား ကျပ်နှစ်သောင်း(၂၀၀၀၀)နှင့် ဗလာစာအုပ်(၂)ဒါဇင်၊ အထက်တန်းအဆင့်(၇)ဦးအား (၁)ဦးလျှင် ငွေသား ကျပ်တစ်သောင်း(၁၀၀၀၀)နှင့် ဗလာစာအုပ်(၁)ဒါဇင်၊ အလယ်တန်းအဆင့်(၁၁)ဦးအား (၁)ဦးလျှင် ငွေသား ကျပ်ခုနစ်ထောင်(၇၀၀၀)နှင့် ဗလာစာအုပ်(၁)ဒါဇင်၊ မူလတန်းအဆင့်(၁၃)ဦးအား (၁)ဦးလျှင် ငွေသားကျပ် ငါးထောင်(၅၀၀၀)နှင့် ဗလာစာအုပ်ဒါဇင်ဝက်၊ မူကြိုအဆင့်(၄)ဦးအား (၁)ဦးလျှင် ငွေကျပ်(၅၀၀၀)နှုန်းဖြင့် ကျောင်းသားဦးရေ(၄၅)ဦးအတွက် ပညာသင်စရိတ်နှင့် စာရေးကိရိယာ ထောက်ပံ့မှု စုစုပေါင်းတန်ဖိုး ငွေကျပ် ငါးသိန်းနှစ်သောင်းရှစ်ထောင် (၅၂၈၀၀၀)ရှိကြောင်း သိရှိရသည်။

More Articles...

  1. ၂၀၁၃-၂၀၁၄ ပညာသင်နှစ်၊ ရှမ်းပြည်နယ်၊ ပြည်နယ်အဆင့် ကျောင်းအပ်နှံရေးနေ့ အခမ်းအနား ကျင်းပ
  2. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ပင်းတယမြို့နယ်၊ တမဲကျေးရွာ ရိုးရာတာတက်ပွဲ တက်ရောက်ချီးမြှင့်
  3. ဘာသာပေါင်းစုံ စည်းလုံးညီညွှတ်ရေးနှင့် အဓိကရုဏ်းကာကွယ်ရေး အလုပ်ရုံဆွေးနွေးပွဲတွင် ရတနာမြေ လူမှုဖွံ့ဖြိုးရေးအသင်း(ရန်ကုန်)နှင့် Norwegian People's Aid တို့ဆောင်ရွက် ချက် အားရှမ်းပြည်နယ်အစိုးရအဖွဲ့က ကန့်ကွက်
  4. (၈၈)မျိုးဆက်ကျောင်းသားများ ဟိုပန်မြို့သို့ လာရောက်ဟောပြောမည့်ကိစ္စအား ဒေသခံပြည်သူများ ကန့်ကွက်
  5. တောင်ကြီးမြို့ ကုန်ခြောက်သားငါးစျေးအဆင့် မြှင့်တင်တည်ဆောက်ရေး တင်ဒါစိစစ်ရေးအဖွဲ့များ၏ ညှိနှိုင်းအစည်းအဝေး ကျင်းပ
  6. တရားမဝင်ဘုန်းကြီးကျောင်းဖယ်ရှားသည့် သတင်းမှန်အား ရှမ်းပြည်နယ် အစိုးရအဖွဲ့ထုတ်ပြန်
  7. ဆရာအတတ်သင်(၃)နှစ်သင်တန်း၊ အမှတ်စဉ်(၄၅) သင်တန်းသားများအပြီးသတ်ရွေးချယ်ရန် ၂၀၁၃-၂၀၁၄ ပညာသင်နှစ်၊ ကျောင်းသား/ကျောင်းသူများ အခမဲ့ လေ့ကျင့်ခန်းစာအုပ်များ ဖြန့်ဝေပေးရန်
  8. ရှမ်းပြည်နယ်မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီအစည်းအဝေး(၃/၂၀၁၃)ကျင်းပ
  9. တောင်ကြီး၊ တောင်စိမ်းလန်းစိုပြေရေးအတွက် ကွက်ဖြည့်စိုက်ခင်းထူထောင်ရေးနှင့် မြို့သောက်သုံးရေ ဖူလုံစေရေး၊ သဘာဝရေ အရင်းအမြစ်များ ရရှိရေး ပြည်နယ်ဝန်ကြီးချုပ် ကွင်းဆင်းစစ်ဆေး
  10. ရှမ်းပြည်နယ် သတ္တုလုပ်ငန်းရှင်များအသင်း(ရှမ်း/တောင်)ဖွဲ့စည်းရေး လုပ်ငန်းညှိနှိုင်းအစည်းအဝေးကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ပင်လောင်းမြို့နယ်၊ ဟိုပုံးမြို့နယ်(စကားဒေသ)၊ ဆီဆိုင်မြို့နယ်(နမ့်ခုတ်၊ ဘန်းယဉ်)၊  လွိုင်လင်မြို့နယ် (မိုင်းပွန်၊ ပင်လုံ)၊ မိုင်းရှူး၊ မိုင်းနောင်၊ မိုင်းပန်၊ လင်းခေး၊ လဲချား၊ မိုးနဲ၊ ကျေးသီး၊ လားရှိုး၊ ပန်ယန်း၊ ကွမ်းလုံ၊ ဟိုပန်၊ နမ့်ခမ်း၊ မူဆယ်၊ သီပေါ၊ ကျောက်မဲ၊ သိန္နီ၊ မိုင်းရယ်၊ တန့်ယန်း၊ မိုးမိတ်၊ မဘိမ်း၊ နောင်ချို၊ ကွန်ဟိန်း၊ မိုင်းတုံ၊ မိုင်းဆတ်နှင့် မိုင်းပြင်းမြို့နယ်များတွင် အများဆုံး နေထိုင်ကြသည်။

 

We have 55 guests and no members online