သတင်းများ

ရှမ်းပြည်နယ် စီမံကိန်းဦးစီးဌာန ၂၀၁၃ခုနှစ်၊ ပထမ(၆)လပတ် လုပ်ငန်း ညှိနှိုင်းအစည်းအဝေး ကျင်းပ

တောင်ကြီး   ဇူလိုင်   ၂၇

 

4

 

5

 

   ရှမ်းပြည်နယ် စီမံကိန်းဦးစီးဌာန၏ ၂၀၁၃ခုနှစ်၊ ပထမ(၆)လပတ် လုပ်ငန်းညှိနှိုင်းအစည်းအဝေးကို ဇူလိုင်(၂၇)ရက် နေ့လည်(၁)နာရီခွဲက တောင်ကြီးမြို့၊ ပြည်နယ်စီမံကိန်းဦးစီးဌာန အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွှန့်၊ အစိုးရအဖွဲ့ အတွင်းရေးမှူး ဦးရဲနိုင်အောင်၊ ပြည်နယ်စီမံကိန်းဦးစီးဌာန ညွှန်ကြားရေးမှူး ဦးတင်လှိုင် နှင့် စီမံကိန်းဦးစီးဌာနမှ တာ၀န်ရှိသူများ တက်ရောက်ကြသည်။

 

   ရှေးဦးစွာ ပြည်နယ်ဝန်ကြီးချုပ်က အဖွင့်အမှာစကားပြောကြားပြီး၊ ပြည်နယ်စီမံကိန်းနှင့် စီးပွားရေး ဝန်ကြီးက လုပ်ငန်းပိုင်းဆိုင်ရာများကို ရှင်းလင်းတင်ပြသည်။

 

   ထို့နောက် ပြည်နယ်စီမံကိန်းဦးစီးဌာန ညွှန်ကြားရေးမှူးက ၂၀၁၃ ခုနှစ် ပထမ(၆)လပတ် လုပ်ငန်းဆောင်ရွက်ထားရှိမှု အခြေအနေများကို ရှင်းလင်းတင်ပြပြီး၊ တွဲဖက်ပြည်နယ်၊ ကိုယ်ပိုင်အုပ်ချုပ်ခွင့်ရဒေသတို့မှ တာဝန်ရှိသူများက လုပ်ငန်းဆောင်ရွက်ထားရှိမှု အခြေအနေများကို အသီးသီးရှင်းလင်း တင်ပြကြသည်။

 

   ၎င်းနောက် ပြည်နယ်ဝန်ကြီးချုပ်က နိဂုံးချုပ် အမှာစကားပြောကြားခဲ့သည်။

 

ရှမ်းပြည်နယ်အစိုးရအဖွဲ့၏ ၂၀၁၂-၂၀၁၃ ပညာသင်နှစ်၊ တက္ကသိုလ်ဝင်စာမေးပွဲ ပညာရည်ချွန်ဆု ချီးမြှင့်ပွဲ အခမ်းအနား ကျင်းပ

တောင်ကြီး   ဇူလိုင်  ၂၇

 

1

 

2

 

   ရှမ်းပြည်နယ်အစိုးရအဖွဲ့၏ ၂၀၁၂-၂၀၁၃ ပညာသင်နှစ်၊ တက္ကသိုလ်ဝင်စာမေးပွဲ ပညာရည်ချွန်ဆု ချီးမြှင့်ပွဲ အခမ်းအနားကို ဇူလိုင်(၂၇)ရက် နံနက်(၉)နာရီက တောင်ကြီးမြို့၊ မြို့တောင်ခန်းမ၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်၊ လွှတ်တော် ဒုတိယ ဥက္ကဌ ဦးစိုင်းခမ်းမှတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ရှမ်းပြည်နယ်အစိုးရအဖွဲ့ အတွင်းရေးမှူး၊ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌများ၊ ဌာနဆိုင်ရာ အကြီးအကဲများ၊ ရပ်မိရပ်ဖများ၊ အလှူရှင်များ၊ ဖိတ်ကြားထားသော ဧည့်သည်တော်များနှင့် ဆုရ ကျောင်းသား/သူများ တက်ရောက်ခဲ့ကြသည်။

 

   အခမ်းအနားတွင် အထက(၄)မှ ကျောင်း " မြန်မာ့ကျောင်း " သီချင်းဖြင့် သီဆို ဖျော်ဖြေပြီး အခမ်းအနားစတင်ကျင်းပခဲ့သည်။

 

   ဆက်လက်ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် က အမှာစကားပြောကြားပြီး၊ ဆုရ မြို့နယ်/ကျောင်း နှင့် ကျောင်းသား/သူများကို အသီးသီးဆုချီးမြှင့်ခဲ့သည်။ ၎င်းနောက် (၆)ဘာသာဂုဏ်ထူး ထွက်ရှိအောင် သင်ကြားပို့ချပေးနိုင်သော ကျောင်းအုပ်ကြီးနှင့် ဆရာ/မများအား ဆုချီးမြှင့်ပေးခဲ့သည်။

 

   ထို့နောက် ရှမ်းပြည်နယ် ပညာရေးငွေပဒေသာပင်အတွက် အလှူရှင်များက အလှူငွေများပေးအပ်လှူဒါန်းရာ ရှမ်းပြည်နယ်အစိုးရအဖွဲ့မှ ဝန်ကြီးများ လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။

 

   ၎င်းနောက် ၂၀၁၃ ခုနှစ်၊ တက္ကသိုလ်ဝင်စာမေးပွဲတွင် ဂုဏ်ထူးရရှိသော ကျောင်းသား/သူများ ကိုယ်စား (၆)ဘာသာဂုဏ်ထူးရှင် ကျောင်းသားတစ်ဦး မှ ကျေးဇူးတင်စကားပြောကြားပြီး၊ အထက(၄)မှ ကျောင်းသား/သူများက " ဇာတိမာန် " သီချင်းဖြင့် သီဆိုဖျော်ဖြေ၍ အခမ်းအနားကို ရုပ်သိမ်းလိုက်ကြောင်း သတင်းရရှိသည်။

 

   ရှမ်းပြည်နယ်တွင် ၂၀၁၂-၂၀၁၃ ခုနှစ် တက္ကသိုလ်ဝင်စာမေးပွဲတွင် အောင်ချက်အကောင်းဆုံး မြို့နယ်ဆု ကလောမြို့နယ် ရရှိပြီး၊ ကျောင်းအဆင့် အောင်ချက်အနေဖြင့် အထက(၄)တောင်ကြီး (ပထမဆု)၊ အထက(၆)တောင်ကြီး (ဒုတိယဆု) နှင့် အထက(ခွဲ)မူဆယ် (တတိယဆု) အသီးသီးရရှိကြသည်။ ဂုဏ်ထူးရရှိမှုအနေဖြင့် (၆)ဘာသာ (၂၇)ဦး၊ (၅)ဘာသာ (၅၆)ဦး၊ (၄)ဘာသာ (၉၅)ဦး၊ (၃)ဘာသာ (၁၄၈)ဦး၊ (၂)ဘာသာ (၂၆၁)ဦး၊ (၁)ဘာသာ (၁၀၅၄)ဦး ရရှိခဲ့သည်။

ကလောမြို့နယ်၊ ရပ်ကွက်/ကျေးရွာအုပ်စုဖွံ့ဖြိုးရေးအထောက်အကူပြုကော်မတီအဖွဲ့ဝင်များနှင့် တွေ့ဆုံ၍ ဖွံ့ဖြိုးတိုးတက်ရေးလုပ်ငန်းဆိုင်ရာများ ညှိနှိုင်းဆွေးနွေး

တောင်ကြီး   ဇူလိုင်  ၂၁

 

klw03

 

klw06

 

klw05

 

klw04

 

klw02

 

klw01

 

   သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်း၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သန်းငွေ၊ အမျိုးသားလွှတ်တော် ကိုယ်စားလှယ် ဦးဉာဏ်လင်း၊ ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာ အကြီးအကဲများ၊ မြို့နယ် စီမံခန့်ခွဲမှုကော်မတီ၊ စည်ပင်သာယာရေးကော်မတီ၊ မြို့နယ် ဖွံ့ဖြိုးတိုးတက်ရေးအထောက်အကူပြုကော်မတီဝင်များ၊ ကုန်သည်အသင်းအဖွဲ့များနှင့် တွေ့ဆုံ၍ မြို့နယ် ဖွံ့ဖြိုးတိုးတက်ရေး၊ သဘာဝပတ်ဝန်းကျင်ထိန်းသိမ်းရေးနှင့် မြေစီမံခန့်ခွဲမှု ကိစ္စရပ်များ၊ ပညာရေး၊ ကျန်းမာရေးဆိုင်ရာ ကိစ္စရပ်များတွင် ပြည်သူလူထုဗဟိုပြု ဖွံဖြိုးတိုးတက်ရေးဆိုင်ရာ လုပ်ထုံးလုပ်နည်း၊ မူဝါဒနှင့်အညီ ပြည်သူလူထု၏ ဆန္ဒများ ညှိနှိုင်းဆွေးနွေးပွဲကို ဇူလိုင်(၂၁)ရက်၊ နေ့လည်(၁၂)နာရီခွဲက ကလောမြို့နယ်ခန်းမ၌ ကျင်းပပြုလုပ်ခဲ့သည်။

 

   ရှေးဦးစွာ ပြည်ထောင်စုဝန်ကြီးက အမှာစကားပြောကြားရာတွင် မြို့နယ် ဖွံဖြိုးတိုးတက်ရေးစီမံကိန်းကို စုပေါင်းတိုင်ပင်ရေးဆွဲပြီး စနစ်တကျဆောင်ရွက်သွားရန် လိုအပ်ကြောင်း၊ ဒေသဖွံ့ဖြိုးတိုးတက်ရေးအတွက် တည်ငြိမ်အေးချမ်းရေးနှင့် တရားဥပဒေစိုးမိုးရေးကို အထူးအရေးပေး ဆောင်ရွက်ရမည်ဖြစ်ကြောင်း ထည့်သွင်း ပြောကြားသွားသည်။

 

   ဆက်လက်ပြီး ပြည်နယ်ဝန်ကြီးချုပ်က အမှာစကားပြောကြားပြီးနောက် ကလောမြို့နယ် အုပ်ချုပ်ရေးမှူး ဦးမိုးခိုင်ထွန်းက ဒေသဆိုင်ရာအချက်အလက်များကို ရှင်းလင်းတင်ပြသည်။

 

   ထို့နောက် မြို့နယ်ပညာရေးမှူးက ပညာရေးဆိုင်ရာကိစ္စရပ်များကိုလည်းကောင်း၊ မြို့နယ်ကျန်းမားရေးဌာနမှ တာဝန်ရှိသူက ကျန်းမာရေးဆိုင်ရာကိစ္စရပ်များကို လည်းကောင်း၊ လွှတ်တော်ကိုယ်စားလှယ်များ၊ မြို့နယ်ဖွံဖြိုးတိုးတက်ရေး အထောက်အကူပြုကော်မတီ၊ အသင်းအဖွဲ့ကော်မတီ အသီးသီးနှင့် ဒေသခံပြည်သူများက အထွေထွေကိစ္စရပ်များကို ဆွေးနွေးတင်ပြကြရာ ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က ပြန်လည်ရှင်းလင်း ဆွေးနွေးခဲ့ကြသည်။

 

   ယင်းနောက် ကလောပြည်သူ့ဆေးရုံ ဆေးပဒေသာပင်နှင့် သက်ကြီးရွယ်အို ကျန်းမာရေးစောင့်ရှောက်မှု ရန်ပုံငွေအတွက် အလှူငွေများကို သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးနှင့် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ညွှန်ကြားရေးမှူးချုပ် ဦးအောင်နိုင်ဦးတို့က ပေးအပ်လှူဒါန်းကြရာ တာဝန်ရှိသူများက လက်ခံရယူခဲ့ကြသည်။

 

   ၎င်းနောက် သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးက နိဂုံးချုပ်အမှာစကား ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သတင်းရရှိသည်။

 

ရှမ်းပြည်နယ်အတွင်းရှိ လမ်းလုပ်ငန်းများတွင် အသုံးပြုရန် ကတ္တရာ အိတ်ဖွင့်တင်ဒါ ရွေးချယ်ပွဲ ကျင်းပ

တောင်ကြီး  ဇူလိုင်  ၂၄

 

3

 

   ပြည်သူ့ဆောက်လုပ်ရေးလုပ်ငန်း ရှမ်းပြည်နယ်၏ ၂၀၁၃-၂၀၁၄ ဘဏ္ဍာနှစ်၊ ပြည်နယ်အစိုးရမှ စီမံခန့်ခွဲမည့် လမ်းလုပ်ငန်းများတွင် အသုံးပြုရန်အတွက် လမ်းခင်းကတ္တရာ အိတ်ဖွင့်တင်ဒါ ရွေးချယ်ပွဲကို ဇူလိုင်(၂၄)ရက်၊ နံနက်(၁၀)နာရီက တောင်ကြီးမြို့၊ ပြည်သူ့ဆောက်လုပ်ရေးလုပ်ငန်းရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ဝင်၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း တက်ရောက် အမှာစကား ပြောကြားခဲ့သည်။

 

   ထို့နောက် ပြည်သူ့ဆောက်လုပ်ရေးလုပ်ငန်း၊ ပြည်နယ်အင်ဂျင်နီယာမှူးကြီး ဦးတိုးခိုင်က ကတ္တရာ အိတ်ဖွင့်တင်ဒါ စည်းကမ်းချက်များနှင့် ပတ်သက်၍ ရှင်းလင်းတင်ပြပြီး ကတ္တရာ ဝယ်ယူပေးသွင်းမည့် ကုမ္ပဏီ(၈)ခုမှ တာဝန်ရှိသူများက ကတ္တရာ အိတ်ဖွင့်တင်ဒါများ တင်သွင်းကြသည်။

 

   အဆိုပါ တင်ဒါရွေးချယ်ပွဲသို့ ပြည်နယ်လမ်းပန်းဆက်သွယ်ရေးဝန်ကြီး၊ တင်ဒါစိစစ်ရေးကော်မတီဝင်များ၊ ပြည်သူ့ဆောက်လုပ်ရေးလုပ်ငန်း၊ ပြည်နယ်အင်ဂျင်နီယာမှူးကြီးနှင့် တာဝန်ရှိသူများ၊ တင်ဒါတင်သွင်းသည့် ကတ္တရာ ဝယ်ယူပေးသွင်းမည့် ကုမ္ပဏီ(၈)ခုမှ တာဝန်ရှိသူများ တက်ရောက်ခဲ့ကြသည်။

 

(၆၆)နှစ်မြောက် အာဇာနည်နေ့တွင် ရှမ်းပြည်နယ်အစိုးရအဖွဲ့မှ ဆရာတော်ကြီး(၉)ပါးတို့အား ဆွမ်းဆက်ကပ်လှူဒါန်းပွဲကျင်းပ

တောင်ကြီး   ဇူလိုင်   ၁၉

 

66

 

   ဇူလိုင်(၁၉)ရက် (၆၆)နှစ်မြောက်  အာဇာနည်နေ့တွင် ရှမ်းပြည်နယ်အစိုးရအဖွဲ့မှ ဆရာတော်ကြီး(၉)ပါးတို့အား ဆွမ်းဆက်ကပ်လှူဒါန်းပွဲကို ယနေ့ နံနက်(၁၀)နာရီက တောင်ကြီးမြို့၊ အတုရမာလစိန်မြို့လယ်ဓမ္မာရုံ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ လွှတ်တော် ဒုတိယဥက္ကဌ ဦးစိုင်းခမ်းမှတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ် အဆင့် ဌာနဆိုင်ရာတာဝန်ရှိသူများ၊ တိုင်းရင်းသား စာပေ/ယဉ်ကျေးမှုအဖွဲ့များ၊ လူမှုရေးအသင်းအဖွဲ့များနှင့် ဖိတ်ကြားထားသော ဧည့်သည်တော်များ တက်ရောက်ကြသည်။

 

   အခမ်းအနားတွင် နမောတဿ အစရှိသော ဗုဒ္ဓဝန္ဒနာဂါထားတော်ဖြစ် (၃)ကြိမ်ရွက်ဆိုဘုရားကန်တော့၍ အခမ်းအနားကိုဖွင့်လှစ်ပြီး၊ နိုင်ငံတော်သြဝါဒစရိယ၊ အဂ္ဂမဟာပဏ္ဍိတ၊ မဟာကမ္မဌာနာစရိယ၊ တောင်ကြီးမြို့စွန်းလွန်းကူ ကမ္မဌာန်းကျောင်းတိုက် ပဇာန နာယက ဆရာတော် ဘဒ္ဒန္တ အဂ္ဂဓမ္မာ ဘိဝံသ ရှင်မြတ်ထံမှ ငါးပါးသီလခံယူဆောက်တည်ကြသည်။

 

   ဆက်လက်၍ ဆရာတော်၊ သံဃာတော် အရှင်သူမြတ်တို့က ရွက်ပွားသရဇ္စျယ်ချီးမြှင့်အပ်သော ပရိတ်တရားတော်မြတ်ကို နာယူကြပြီး၊ ဆရာတော်၊  သံဃာတော် အရှင်သူမြတ်တို့အား ပြည်နယ်ဝန်ကြီးချုပ်နှင့် တာ၀န်ရှိသူတို့က လှူဖွယ်ဝတ္တုများ ဆက်ကပ်လှူဒါန်းကြသည်။

 

   ထို့နောက် ပြည်နယ်သံဃာ နာယကအဖွဲ့ ဥက္ကဌ၊ အဂ္ဂမဟာ ပဏ္ဍိဥတ္တရာရုံ ပရိယတိ စာသင်တိုက် ပစာန နာယက ဆရာတော် ဘန္ဒန္တပညာသီရိ အရှင်သူမြတ်က ကုသိုလ်အဖို့ဘာကကို အနုမောဒနာ တရားတော်ဟောကြားပြီး ရေစက်သွန်ချ အမျှပေးဝေ၍ အခမ်းအနားကို ဗုဒ္ဓသာသနံ စိရံတိဌတု(၃)ကြိမ် ရွက်ဆိုဆုတောင်း၍ ရုပ်သိမ်းလိုက်သည်။

 

ပြည်နယ်ဝန်ကြီးချုပ်နှင့် တာဝန်ရှိသူတို့သည် ဆရာတော်၊ သံဃာတော်များအား နေ့ဆွမ်းဆက်ကပ်လှူဒါန်းကြကြောင်း သိရှိရသည်။

 

သမဝါယမဦးစီးဌာန၊ ၂၀၁၃-ခုနှစ်၊ ပထမ(၆)လပတ်လုပ်ငန်းညှိနှိုင်း အစည်းအဝေး ကျင်းပ

တောင်ကြီး  ဇူလိုင်  ၂၆

 

1

 

   ရှမ်းပြည်နယ်သမဝါယမဦးစီးဌာန၏ ၂၀၁၃-ခုနှစ်၊ ပထမ(၆)လပတ် လုပ်ငန်းညှိနှိုင်း အစည်းအဝေးကို ဇူလိုင်(၂၆)ရက်၊ နံနက်(၁၀)နာရီက တောင်ကြီးမြို့၊ ပြည်နယ်သမဝါယမဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ဝင်၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့် တက်ရောက် အမှာစကား ပြောကြားခဲ့သည်။

 

  ထို့နောက် ပြည်နယ်သမဝါယမဦးစီးဌာန၊ ဒုတိယညွှန်ကြားရေးမှူး ဒေါ်ယုယုအေးက ပြည်နယ်အတွင်းလုပ်ငန်းဆောင်ရွက်နေမှု အခြေအနေများကို ရှင်းလင်းတင်ပြပြီး၊ ရှမ်းပြည်နယ်(တောင်ပိုင်း/အရှေ့ပိုင်း/မြောက်ပိုင်း)အသင်းစုချုပ် ဥက္ကဌများက ရှင်းလင်းတင်ပြကြသည်။

 

   ၎င်းနောက် တက်ရောက်လာကြသည့် လက်ထောက်ညွှန်ကြားရေးမှူး၊ မြို့နယ် ဦးစီးအရာရှိများ၊ မြို့နယ်အသင်းစုချုပ် ဥက္ကဌများက အသီးသီး ရှင်းလင်းတင်ပြကြပြီး ပြည်နယ်ဝန်ကြီးက နိဂုံးချုပ် အမှာစကား ပြောကြားခဲ့သည်။

 

အင်းလေးဒေသဟိုတယ်ဇုန်နှင့် ပတ်သက်၍ Environmental Impact Assessment နှင့် Social Impact Assessment ကိစ္စရပ်များနှင့် စပ်လျဉ်းသည့် လုပ်ငန်းညှိနှိုင်းအစည်းအဝေး ကျင်းပ

တောင်ကြီး   ဇူလိုင်  ၁၇

 

10

 

   ရှမ်းပြည်နယ် အင်းလေးဒေသဟိုတယ်ဇုန်နှင့် ပတ်သက်၍  Environmental Impact Assessment နှင့် Social Impact Assessment  ကိစ္စရပ်များနှင့် စပ်လျဉ်းသည့် လုပ်ငန်းညှိနှိုင်းအစည်းအဝေးကို ဇူလိုင်(၁၇)ရက်၊ မွန်းလွဲ(၁)နာရီခွဲက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ အင်းတိုင်းရင်းသားရေးရာ ဝန်ကြီး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများနှင့် ဟိုတယ်ဇုန်လုပ်ငန်းရှင်များ တက်ရောက်ကြသည်။

 

   ရှေးဦးစွာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်မှ အင်းလေးဒေသဟိုတယ်ဇုန် လုပ်ငန်းကိစ္စရပ်များနှင့် ပတ်သက်၍ ပရိုဂျက်တာဖြင့် ရှင်းလင်းတင်ပြသည်။

 

   ထို့နောက် ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေးမှူး ဒေါက်တာ ဆန်းဦးမှ  Environmental Impact Assessment နှင့် Social Impact Assessment  ကိစ္စရပ်များနှင့် စပ်လျဉ်း၍ ရှင်းလင်းတင်ပြသည်။

 

   ၎င်းနောက် အင်းလေးဒေသဟိုတယ်ဇုန် လုပ်ငန်းကော်မတီ အသီးသီးမှ ဆွေးနွေးတင်ပြပြီး၊ အခမ်းအနားတက်ရောက်လာကြသူများ အထွေထွေ ဆွေးနွေးတင်ပြကြသည်။

 

   ယင်းနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဆွေးနွေး တင်ပြချက်များအပေါ် ဖြည့်စွက်မှာကြားပြီး နိဂုံးချုပ်အမှာစကား ပြောကြားကာ အခမ်းအနားကို အောင်မြင်စွာ ရုတ်သိမ်းလိုက်ကြောင်း သတင်းရရှိသည်

 

ပဉ္စမအကြိမ် ကလောမြို့နယ် စုပေါင်းဝါဆိုသင်္ကန်း ဆက်ကပ်လှူဒါန်းပွဲ ကျင်းပ

တောင်ကြီး  ဇူလိုင်  ၂၃

 

1

 

2

 

3

 

   ပဉ္စမအကြိမ် ကလောမြို့နယ် စုပေါင်းဝါဆိုသင်္ကန်း ဆက်ကပ်လှူဒါန်းပွဲကို ဇူလိုင်(၂၃)ရက်၊ နံနက်(၉)နာရီက အောင်ပန်းမြို့၊ အောင်ချမ်းသာစာသင်တိုက် ဓမ္မာရုံ၌  ကျင်းပရာ နိုင်ငံတော်ဗဟိုသံဃာ့ဝန်ဆောင်၊ အဂ္ဂမဟာဂန္တဝါစကပဏ္ဍိတ၊ အောင်ချမ်းသာ ကျောင်းတိုက်ဆရာတော် ဘဒ္ဒန္တပညာဝံသ အမှူးပြုသော ဆရာတော်သံဃာတော်များ၊ သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးတင်နိုင်သိန်းနှင့်ဇနီး ဒေါ်အေးအေး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် အမှူးပြုသော ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများ၊ စစ်ဘက်နယ်ဘက်မှ အရာရှိများ၊ စေတနာရှင် အလှူရှင်များနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

 

   ရှေးဦးစွာ အခမ်းအနား တက်ရောက်လာသူများက နမောတဿသုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ကြပြီး အောင်ချမ်းသာကျောင်းတိုက် ဆရာတော်ထံမှ ငါးပါးသီလ ခံယူဆောက်တည်ကြသည်။

 

   ထို့နောက် ဆရာတော်သံဃာတော် အရှင်သူမြတ်တို့ ရွတ်ပွားသရဇ္ဈာယ်ချီးမြှင့်အပ်သော ပရိတ်တရားတော်မြတ်ကို နာယူပန်ဆင်ကြပြီး ဝါဆိုသင်္ကန်း၊ ဆွမ်းဆန်နှင့် လှူဖွယ်ဝတ္ထု ပစ္စည်းများကို ဆက်ကပ်လှူဒါန်းခဲ့ကြသည်။

 

   ယင်းနောက် လှူဒါန်းမှု အစုစုတို့အတွက် ရေစက်သွန်းချ အမျှပေးဝေကြပြီး ရတနာရွှေမိုးငွေမိုးများ ရွာသွန်းဖြိုးပေးခဲ့ကြသည်။

 

   ၎င်းနောက် ကြွရောက်တော်မူလာကြကုန်သော ဆရာတော်သံဃာတော်များအား နေ့ဆွမ်းဆက်ကပ်လှူဒါန်းခဲ့ကြသည်။

 

ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းပွဲ ကျင်းပ

တောင်ကြီး   ဇူလိုင်  ၁၇

 

1

 

   ရှမ်းပြည်နယ်အစိုးရအဖွဲ့သို့  ဝဏ္ဏကျော်ထင်  ဦးနော်အောင် (မိသားစု) Aung Chantha Construction & Service Co.,Ltd မှ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းပွဲ ဇူလိုင်(၁၇)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော်  တရားသူကြီးချုပ်၊ ပြည်နယ်ဝန်ကြီးများ၊ အမျိုးသားလွှတ်တော်ကိုယ်စားလှယ် ဦးဉာဏ်လင်း၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများ၊ လူမှုရေးအသင်းအဖွဲ့၊ ရပ်ကွက်အုပ်ချုပ်ရေးမှူးများနှင့် ဖိတ်ကြားထားသော ဧည့်သည်တော်များ တက်ရောက်ကြသည်။

 

   အခမ်းအနားတွင် ရှမ်းပြည်နယ်အစိုးရအဖွဲ့သို့ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းရသည့်အကြောင်းအား Aung Chantha Construction & Service Co.,Ltd မှ မန်နေဂျင်းဒါရိုက်တာ ဝဏ္ဏကျော်ထင် ဦးနော်အောင်က ရှင်းလင်းတင်ပြသည်။

 

   ဆက်လက်၍ DooSan အမျိုးအစား Excavator အကြောင်းအား Aung Chantha Construction & Service Co.,Ltd ဒါရိုက်တာ ဦးထွန်းလင်းက ပရိုဂျက်တာဖြင့် ရှင်းလင်း၍ လည်းကောင်း၊ နှလုံးအထောက်အကူပြု နိုးစက်အကြောင်းအား Biotronik Asia Pacific PTE Co.,Ltd မှ MS.Windy တို့က ရှင်းလင်းတင်ပြကြသည်။

 

   ထို့နောက် ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ၏ စာရွက်စာတမ်းများ ပေးအပ်ခြင်းနှင့် ဂုဏ်ပြုလွှာ ပြန်လည်ပေးအပ်ရာ ဒေသဖွံ့ဖြိုးရေးလုပ်ငန်းအတွက် လှူဒါန်းထားသော DooSan အမျိုးအစား Excavator နှင့် ပတ်သက်သည့် စာရွက်စာတမ်းများအား Aung Chantha Construction & Service Co.,Ltd ဒါရိုက်တာ ဦးထွန်းလင်းက ပေးအပ်ရာ ရှမ်းပြည်နယ်အစိုးရအဖွဲ့ ကိုယ်စား၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှ လက်ခံ၍ လည်းကောင်း၊ ကျန်းမာရေးလုပ်ငန်းအတွက် လှူဒါန်းသော နှလုံးအထောက်အကူပြု နိုးစက်အား Biotronik Asia Pacific PTE Co.,Ltd မှ MS.Windy က ပေးအပ်၍ လည်းကောင်း၊ ပညာရေးလုပ်ငန်းအတွက် လှူဒါန်းသော ကွန်ပျူတာများအား Aung Chantha Construction & Service Co.,Ltd မှ မန်နေဂျင်းဒါရိုက်တာ ဝဏ္ဏကျော်ထင် ဦးနော်အောင်က ပေးအပ်ရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်းမှ လက်ခံရယူပြီး ဂုဏ်ပြုမှတ်တမ်းလွှာများအား ပြန်လည်ပေးအပ်ခဲ့သည်။

 

   ၎င်းနောက် ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်မှ ကျေးဇူးတင်စကား ပြန်လည်ပြောကြားကာ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများအား ပြည်နယ်ဝန်ကြီးချုပ်နှင့် တာဝန်ရှိသူများ၊ ဧည့်သည်တော်များက လှည့်လည်ကြည့်ရှု အားပေးကြသည်။

 

   အဆိုပါ ဒေသဖွံဖြိုးရေး အထောက်အကူပြု ပစ္စည်းများမှာ မြေတူးစက် DooSan  Excavator (20)Ton (၁)စီး တန်ဖိုးငွေ ကျပ်သိန်း(၁၅၀၀)၊ ကျန်းမာရေးအတွက် နှလုံးအထောက်အကူပြုစက် (၁၀)လုံး တန်ဖိုးငွေ US $ (40000) ၊ ပညာရေးအတွက် ကွန်ပျူတာ (Asus Mother Board Monitor, Acer, Lenovon) အလုံး(၄၀) တန်ဖိုးငွေ ကျပ်သိန်း(၂၀၀) ဖြစ်ကြောင်း သိရှိရသည်။

 

2

 

3

 

4

 

5

 

6

 

ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲကျင်းပ

တောင်ကြီး  ဇူလိုင်  ၂၂

 

1

 

2

 

3

 

4

 

5

 

6

 

   ရှမ်းပြည်နယ်အစိုးရအဖွဲ့မှ ကြီးမှူးကျင်းပသော ဝါဆိုသင်္ကန်းဆက်ကပ်လှူဒါန်းပွဲကို ဝါဆိုလပြည့်နေ့၊ ဇူလိုင်(၂၂)ရက်၊ နံနက်(၉)နာရီခွဲက တောင်ကြီးမြို့၊ အတုလမာရဇိန် မြို့လယ်ဓမ္မာရုံ၌ ကျင်းပရာ နိုင်ငံတော်သြဝါဒါစရိယ အဂ္ဂမဟာပဏ္ဍိတ မဟာကမ္မဌာနစရိယ စွန်းလွန်းဂူကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသ အမှူးပြုသော ဆရာတော်သံဃာတော်များ၊ သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်းနှင့်ဇနီး ဒေါ်အေးအေး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် အမှူးပြုသော ပြည်နယ်ဝန်ကြီးများနှင့် အစိုးရအဖွဲ့ တာဝန်ရှိသူများ၊ ပြည်နယ်အဆင့်ဌာနဆိုင်ရာ တာဝန်ရှိသူများ ဖိတ်ကြားထားသော ဧည့်သည်တော်များ တက်ရောက်ကြသည်။

 

   ရှေးဦးစွာ အခမ်းအနား တက်ရောက်လာသူများက နမောတဿသုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ပြီး၊ နိုင်ငံတော်သြဝါဒါစရိယ စွန်းလွန်းဂူကျောင်းတိုက် ဆရာတော်ထံမှ ငါးပါးသီလ ခံယူဆောက်တည်ကြပြီး ဆရာတော်သံဃာတော် အရှင်သူမြတ်တို့ ရွတ်ပွားသရဇ္ဈာယ်အပ်သော ပရိတ်တရားတော်မြတ်ကို နာယူပန်ဆင်ကြသည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများ၊ ပြည်နယ်အဆင့်ဌာနဆိုင်ရာများက ဝါဆိုသင်္ကန်းနှင့် လှူဖွယ်ဝတ္ထုပစ္စည်းများကို ဆက်ကပ်လှူဒါန်းခဲ့ကြသည်။

 

   ယင်းနောက် နိုင်ငံတော်သြဝါဒါစရိယ စွန်းလွန်းဂူကျောင်းတိုက် ဆရာတော်က လှူဒါန်းမှု အစုစုတို့အတွက် ရေစက်ညွန်းသွန်းပေးတော်မူပြီး အမျှပေးဝေခဲ့ကြသည်။

 

   ၎င်းနောက် ဗုဒ္ဓသာသနံစိရံတိဌတု ဂါထာတော်ကို သုံးကြိမ်ရွတ်ဆို ဆုတောင်း၍ အခမ်းအနားကို ရုပ်သိမ်းလိုက်ပြီး၊ ပြည်ယထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီးတို့က ရတနာရွှေမိုး၊ငွေမိုးများ ရွာသွန်းပေးခဲ့ကြသည်။

 

   ထို့နောက် ပြည်ထောင်စုဝန်ကြီးနှင့် ဇနီး၊ ပြည်နယ်ဝန်ကြီးချုပ်နှင့် ဇနီး အမှူးပြုသော ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများသည် ဆရာတော်သံဃာတော် အရှင်သူမြတ်တိုံအား နေ့ဆွမ်းဆက်ကပ်လှူဒါန်းခဲ့ကြောင်း သတင်းရရှိသည်။

 

ဒေသဖွံ့ဖြိုးရေးဆိုင်ရာ လုပ်ငန်းညှိနှိုင်း အစည်းအဝေးကျင်းပ

တောင်ကြီး   ဇူလိုင်  ၁၅

 

3

 

   ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ ဒေသဖွံ့ဖြိုးရေးဆိုင်ရာ လုပ်ငန်းညှိနှိုင်း အစည်းအဝေးကို ဇူလိုင်(၁၅)ရက်၊ နံနက်(၁၁)နာရီက ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီး ဥက္ကဌနှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာ တာဝန်ရှိသူများ တက်ရောက်ကြသည်။

 

   အခမ်းအနားတွင် ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကိုမှ ဒေသဖွံ့ဖြိုးရေးလုပ်ငန်းနှင့် ပတ်သက်၍ ဆွေးနွေးတင်ပြပြီး၊ ပင်းတယမြို့နယ်နှင့် ရွာငံမြို့နယ်၊ မြို့နယ်စီမံခန့်ခွဲမှုကော်မတီ ဥက္ကဌများမှ လုပ်ငန်းဆောင်ရွက်နှင့် ပတ်သက်၍ ဆွေးနွေးတင်ပြကြသည်။

 

  ထို့နောက် အစည်းအဝေးတွင် တက်ရောက်လာကြသူများမှ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စီမံကိန်းနှင့် စီးပွားရေးဝန်ကြီးတို့က ဖြည့်စွက်ဆွေးနွေးကြပြီး၊ ပြည်နယ်ဝန်ကြီးချုပ် ဦးစဝ်အောင်မြတ်မှ ဆွေးနွေးတင်ပြချက်များအပေါ် ရှင်းလင်းပြောကြား၍ နိဂုံးချုပ်အမှာစကား ပြောကြားခဲ့သည်။

 

More Articles...

  1. ဒုတိယအကြိမ်မြောက် မြို့နယ်လုံးကျွတ် စုပေါင်းဝါဆိုသင်္ကန်းဆက်ကပ်လှူဒါန်းပွဲ
  2. ၂၀၁၃ ခုနှစ်၊ ပင်းတယမြို့နယ်၊ ပွေးလှမြို့ မိုးရာသီသစ်ပင်စိုက်ပျိုးပွဲတော် ကျင်းပ
  3. ဘွဲ့တံဆိပ်တော်များ ဆက်ကပ်ချီးမြှင့်နိုင်ရေး စိစစ်ရွေးချယ်မှု ပြုလုပ်
  4. တောင်ကြီးတက္ကသိုလ်၊ (၃)ထပ်စာသင်ဆောင် (၃)လုံး တင်ဒါခေါ်ယူ ဆောက်လုပ်နိုင်ရေး ညှိနှိုင်းအစည်းအဝေး ကျင်းပ
  5. ရှမ်းပြည်နယ်အစိုးရအဖွဲ့နှင့် လုပ်ငန်းသဘောတူ စာချုပ်လက်မှတ်ရေးထိုးပွဲ ကျင်းပ
  6. ၂၀၁၃ ခုနှစ်၊ မြန်မာအမျိုးသမီးများနေ့ ကျင်းပ
  7. မြန်မာအမျိုးသမီးများနေ့ အထိမ်းအမှတ် သစ်ပင်စိုက်ပျိုးပွဲတော် ကျင်းပ
  8. အခွန်ဝေစု လွှဲပြောင်းပေးအပ်ပွဲကျင်းပ
  9. (၂၆)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့၊ ဖမ်းဆီးရမိ မူးယစ်ဆေးဝါးနှင့် ဓာတုဆေးရည်များ မီးရှို့ဖျက်ဆီးပွဲ ကျင်းပ
  10. ပြည်နယ်ဝန်ကြီး ဒေါက်တာ မျိုးထွန်း၊ အာဆီယံသွေးလွန်တုပ်ကွေးနေ့ အခမ်းအနားတက်ရောက်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

taung-yoeရှမ်းပြည်နယ်(တောင်ပိုင်း) တောင်ကြီး၊ ကလော(ဟဲဟိုး)၊ ရပ်စောက်နှင့် ညောင်ရွှေမြို့နယ်တို့တွင် အများဆုံး နေထိုင်ကြသည်။

We have 217 guests and no members online

Latest Updates