သတင်းများ

ကလောမြို့နယ်၊ ရပ်ကွက်/ကျေးရွာအုပ်စုဖွံ့ဖြိုးရေးအထောက်အကူပြုကော်မတီအဖွဲ့ဝင်များနှင့် တွေ့ဆုံ၍ ဖွံ့ဖြိုးတိုးတက်ရေးလုပ်ငန်းဆိုင်ရာများ ညှိနှိုင်းဆွေးနွေး

တောင်ကြီး   ဇူလိုင်  ၂၁

 

klw03

 

klw06

 

klw05

 

klw04

 

klw02

 

klw01

 

   သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး ဦးတင်နိုင်သိန်း၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သန်းငွေ၊ အမျိုးသားလွှတ်တော် ကိုယ်စားလှယ် ဦးဉာဏ်လင်း၊ ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာ အကြီးအကဲများ၊ မြို့နယ် စီမံခန့်ခွဲမှုကော်မတီ၊ စည်ပင်သာယာရေးကော်မတီ၊ မြို့နယ် ဖွံ့ဖြိုးတိုးတက်ရေးအထောက်အကူပြုကော်မတီဝင်များ၊ ကုန်သည်အသင်းအဖွဲ့များနှင့် တွေ့ဆုံ၍ မြို့နယ် ဖွံ့ဖြိုးတိုးတက်ရေး၊ သဘာဝပတ်ဝန်းကျင်ထိန်းသိမ်းရေးနှင့် မြေစီမံခန့်ခွဲမှု ကိစ္စရပ်များ၊ ပညာရေး၊ ကျန်းမာရေးဆိုင်ရာ ကိစ္စရပ်များတွင် ပြည်သူလူထုဗဟိုပြု ဖွံဖြိုးတိုးတက်ရေးဆိုင်ရာ လုပ်ထုံးလုပ်နည်း၊ မူဝါဒနှင့်အညီ ပြည်သူလူထု၏ ဆန္ဒများ ညှိနှိုင်းဆွေးနွေးပွဲကို ဇူလိုင်(၂၁)ရက်၊ နေ့လည်(၁၂)နာရီခွဲက ကလောမြို့နယ်ခန်းမ၌ ကျင်းပပြုလုပ်ခဲ့သည်။

 

   ရှေးဦးစွာ ပြည်ထောင်စုဝန်ကြီးက အမှာစကားပြောကြားရာတွင် မြို့နယ် ဖွံဖြိုးတိုးတက်ရေးစီမံကိန်းကို စုပေါင်းတိုင်ပင်ရေးဆွဲပြီး စနစ်တကျဆောင်ရွက်သွားရန် လိုအပ်ကြောင်း၊ ဒေသဖွံ့ဖြိုးတိုးတက်ရေးအတွက် တည်ငြိမ်အေးချမ်းရေးနှင့် တရားဥပဒေစိုးမိုးရေးကို အထူးအရေးပေး ဆောင်ရွက်ရမည်ဖြစ်ကြောင်း ထည့်သွင်း ပြောကြားသွားသည်။

 

   ဆက်လက်ပြီး ပြည်နယ်ဝန်ကြီးချုပ်က အမှာစကားပြောကြားပြီးနောက် ကလောမြို့နယ် အုပ်ချုပ်ရေးမှူး ဦးမိုးခိုင်ထွန်းက ဒေသဆိုင်ရာအချက်အလက်များကို ရှင်းလင်းတင်ပြသည်။

 

   ထို့နောက် မြို့နယ်ပညာရေးမှူးက ပညာရေးဆိုင်ရာကိစ္စရပ်များကိုလည်းကောင်း၊ မြို့နယ်ကျန်းမားရေးဌာနမှ တာဝန်ရှိသူက ကျန်းမာရေးဆိုင်ရာကိစ္စရပ်များကို လည်းကောင်း၊ လွှတ်တော်ကိုယ်စားလှယ်များ၊ မြို့နယ်ဖွံဖြိုးတိုးတက်ရေး အထောက်အကူပြုကော်မတီ၊ အသင်းအဖွဲ့ကော်မတီ အသီးသီးနှင့် ဒေသခံပြည်သူများက အထွေထွေကိစ္စရပ်များကို ဆွေးနွေးတင်ပြကြရာ ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က ပြန်လည်ရှင်းလင်း ဆွေးနွေးခဲ့ကြသည်။

 

   ယင်းနောက် ကလောပြည်သူ့ဆေးရုံ ဆေးပဒေသာပင်နှင့် သက်ကြီးရွယ်အို ကျန်းမာရေးစောင့်ရှောက်မှု ရန်ပုံငွေအတွက် အလှူငွေများကို သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးနှင့် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ညွှန်ကြားရေးမှူးချုပ် ဦးအောင်နိုင်ဦးတို့က ပေးအပ်လှူဒါန်းကြရာ တာဝန်ရှိသူများက လက်ခံရယူခဲ့ကြသည်။

 

   ၎င်းနောက် သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီးက နိဂုံးချုပ်အမှာစကား ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သတင်းရရှိသည်။

 

(၆၆)နှစ်မြောက် အာဇာနည်နေ့တွင် ရှမ်းပြည်နယ်အစိုးရအဖွဲ့မှ ဆရာတော်ကြီး(၉)ပါးတို့အား ဆွမ်းဆက်ကပ်လှူဒါန်းပွဲကျင်းပ

တောင်ကြီး   ဇူလိုင်   ၁၉

 

66

 

   ဇူလိုင်(၁၉)ရက် (၆၆)နှစ်မြောက်  အာဇာနည်နေ့တွင် ရှမ်းပြည်နယ်အစိုးရအဖွဲ့မှ ဆရာတော်ကြီး(၉)ပါးတို့အား ဆွမ်းဆက်ကပ်လှူဒါန်းပွဲကို ယနေ့ နံနက်(၁၀)နာရီက တောင်ကြီးမြို့၊ အတုရမာလစိန်မြို့လယ်ဓမ္မာရုံ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ လွှတ်တော် ဒုတိယဥက္ကဌ ဦးစိုင်းခမ်းမှတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ် အဆင့် ဌာနဆိုင်ရာတာဝန်ရှိသူများ၊ တိုင်းရင်းသား စာပေ/ယဉ်ကျေးမှုအဖွဲ့များ၊ လူမှုရေးအသင်းအဖွဲ့များနှင့် ဖိတ်ကြားထားသော ဧည့်သည်တော်များ တက်ရောက်ကြသည်။

 

   အခမ်းအနားတွင် နမောတဿ အစရှိသော ဗုဒ္ဓဝန္ဒနာဂါထားတော်ဖြစ် (၃)ကြိမ်ရွက်ဆိုဘုရားကန်တော့၍ အခမ်းအနားကိုဖွင့်လှစ်ပြီး၊ နိုင်ငံတော်သြဝါဒစရိယ၊ အဂ္ဂမဟာပဏ္ဍိတ၊ မဟာကမ္မဌာနာစရိယ၊ တောင်ကြီးမြို့စွန်းလွန်းကူ ကမ္မဌာန်းကျောင်းတိုက် ပဇာန နာယက ဆရာတော် ဘဒ္ဒန္တ အဂ္ဂဓမ္မာ ဘိဝံသ ရှင်မြတ်ထံမှ ငါးပါးသီလခံယူဆောက်တည်ကြသည်။

 

   ဆက်လက်၍ ဆရာတော်၊ သံဃာတော် အရှင်သူမြတ်တို့က ရွက်ပွားသရဇ္စျယ်ချီးမြှင့်အပ်သော ပရိတ်တရားတော်မြတ်ကို နာယူကြပြီး၊ ဆရာတော်၊  သံဃာတော် အရှင်သူမြတ်တို့အား ပြည်နယ်ဝန်ကြီးချုပ်နှင့် တာ၀န်ရှိသူတို့က လှူဖွယ်ဝတ္တုများ ဆက်ကပ်လှူဒါန်းကြသည်။

 

   ထို့နောက် ပြည်နယ်သံဃာ နာယကအဖွဲ့ ဥက္ကဌ၊ အဂ္ဂမဟာ ပဏ္ဍိဥတ္တရာရုံ ပရိယတိ စာသင်တိုက် ပစာန နာယက ဆရာတော် ဘန္ဒန္တပညာသီရိ အရှင်သူမြတ်က ကုသိုလ်အဖို့ဘာကကို အနုမောဒနာ တရားတော်ဟောကြားပြီး ရေစက်သွန်ချ အမျှပေးဝေ၍ အခမ်းအနားကို ဗုဒ္ဓသာသနံ စိရံတိဌတု(၃)ကြိမ် ရွက်ဆိုဆုတောင်း၍ ရုပ်သိမ်းလိုက်သည်။

 

ပြည်နယ်ဝန်ကြီးချုပ်နှင့် တာဝန်ရှိသူတို့သည် ဆရာတော်၊ သံဃာတော်များအား နေ့ဆွမ်းဆက်ကပ်လှူဒါန်းကြကြောင်း သိရှိရသည်။

 

၂၀၁၃ ခုနှစ်၊ ပင်းတယမြို့နယ်၊ ပွေးလှမြို့ မိုးရာသီသစ်ပင်စိုက်ပျိုးပွဲတော် ကျင်းပ

တောင်ကြီး  ဇူလိုင်  ၁၅

 

1

 

   ရှမ်းပြည်နယ်အစိုးရအဖွဲ့က ကြီးမှူးကျင်းပသော ၂၀၁၃ ခုနှစ်၊ ဓနုကိုယ်ပိုင်အုပ်ချုပ်ခွင့်ရ ဒေသ၊ ပင်းတယမြို့နယ်၊ ပွေးလှမြို့ မိုးရာသီသစ်ပင်စိုက်ပျိုးပွဲတော်ကို ဇူလိုင်(၁၅)ရက်၊ နံနက်(၈)နာရီက ပွေးလှမြို့၊ ပေါ်တော်မူရှစ်ဆူတောင်ဘုရားကုန်းပေါ်၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဓနုကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌနှင့် အဖွဲ့ဝင်များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများ၊ ဆရာ/ဆရာမများ၊ ကျောင်းသား/ကျောင်းသူများ၊ တိုင်းရင်သားယဉ်ကျေးမှုအဖွဲ့များ နှင့် ဒေသခံပြည်သူများ တက်ရောက်ကြသည်။

 

  အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်သတ္တုနှင့် သစ်တောဝန်ကြီး ဦးစိုင်းအိုက်ပေါင်းက အဖွင့်အမှာစကားပြောကြားပြီး၊ ပြည်နယ်ဝန်ကြီးချုပ် ဦးစဝ်အောင်မြတ်က ပျိုးပင်များကို ဖြန့်ဝေပေးရာ ပြည်နယ်/ခရိုင်/မြို့နယ်အဆင့် ဌာနဆိုင်ရာများ ကိုယ်စား ဓနုကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌ ဦးထူးကိုကိုက လက်ခံရယူပြီး၊ ပင်းတယမြို့နယ် အမျိုးသမီးရေးရာအဖွဲ့၊ ပွေးလှမြို့၊ မြို့မိမြို့ဖများက အသီးသီး လက်ခံရယူကြသည်။

 

   ဆက်လက်၍ ပြည်နယ်သစ်တောနှင့် သတ္တု ဝန်ကြီး ဦးစိုင်းအိုက်ပေါင်းနှင့် ပြည်နယ်သစ်တောဦးစီးဌာန၊ ညွှန်ကြားရေးမှူး ဦးဝင်းဇော်တို့က ပျိုးပင်များကို တာဝန်ရှိသူ အသီးသီးတို့ကို ဖြန့်ဝေပေးခဲ့သည်။

 

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် အဖွဲ့သည် သစ်ပင်များကို စိုက်ပျိုးပေးကြပြီး၊ သစ်ပင်များ စိုက်ပျိုးနေမှုကို လှည့်လည်ကြည့်ရှု အားပေးခဲ့ကြသည်။

 

အင်းလေးဒေသဟိုတယ်ဇုန်နှင့် ပတ်သက်၍ Environmental Impact Assessment နှင့် Social Impact Assessment ကိစ္စရပ်များနှင့် စပ်လျဉ်းသည့် လုပ်ငန်းညှိနှိုင်းအစည်းအဝေး ကျင်းပ

တောင်ကြီး   ဇူလိုင်  ၁၇

 

10

 

   ရှမ်းပြည်နယ် အင်းလေးဒေသဟိုတယ်ဇုန်နှင့် ပတ်သက်၍  Environmental Impact Assessment နှင့် Social Impact Assessment  ကိစ္စရပ်များနှင့် စပ်လျဉ်းသည့် လုပ်ငန်းညှိနှိုင်းအစည်းအဝေးကို ဇူလိုင်(၁၇)ရက်၊ မွန်းလွဲ(၁)နာရီခွဲက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ အင်းတိုင်းရင်းသားရေးရာ ဝန်ကြီး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများနှင့် ဟိုတယ်ဇုန်လုပ်ငန်းရှင်များ တက်ရောက်ကြသည်။

 

   ရှေးဦးစွာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်မှ အင်းလေးဒေသဟိုတယ်ဇုန် လုပ်ငန်းကိစ္စရပ်များနှင့် ပတ်သက်၍ ပရိုဂျက်တာဖြင့် ရှင်းလင်းတင်ပြသည်။

 

   ထို့နောက် ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေးမှူး ဒေါက်တာ ဆန်းဦးမှ  Environmental Impact Assessment နှင့် Social Impact Assessment  ကိစ္စရပ်များနှင့် စပ်လျဉ်း၍ ရှင်းလင်းတင်ပြသည်။

 

   ၎င်းနောက် အင်းလေးဒေသဟိုတယ်ဇုန် လုပ်ငန်းကော်မတီ အသီးသီးမှ ဆွေးနွေးတင်ပြပြီး၊ အခမ်းအနားတက်ရောက်လာကြသူများ အထွေထွေ ဆွေးနွေးတင်ပြကြသည်။

 

   ယင်းနောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဆွေးနွေး တင်ပြချက်များအပေါ် ဖြည့်စွက်မှာကြားပြီး နိဂုံးချုပ်အမှာစကား ပြောကြားကာ အခမ်းအနားကို အောင်မြင်စွာ ရုတ်သိမ်းလိုက်ကြောင်း သတင်းရရှိသည်

 

ဘွဲ့တံဆိပ်တော်များ ဆက်ကပ်ချီးမြှင့်နိုင်ရေး စိစစ်ရွေးချယ်မှု ပြုလုပ်

တောင်ကြီး  ဇူလိုင်  ၀၅

 

1

 

2

 

   ရှမ်းပြည်နယ် သာသနာတော်ဆိုင်ရာ ဘွဲ့တံဆိပ်တော် စိစစ်ရွေးချယ်ရေးအဖွဲ့၏ ရဟန်းတော်များနှင့် လူပုဂ္ဂိုလ်များအား သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်ချီးမြှင့်နိုင်ရေး စိစစ်ရွေးချယ်ခြင်းကို ဇူလိုင်(၅)ရက်၊ နေ့လည်(၁)နာရီက ရှမ်းပြည်နယ်အစိုးရအဖွဲ့ရုံး၊ ပြည်နယ်လျှပ်စစ်နှင့် စက်မှုလက်မှုဝန်ကြီးရုံးခန်း၌ ပြုလုပ်ရာ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်နှင့် စိစစ်ရွေးချယ်ရေးအဖွဲ့ တာဝန်ရှိသူများ၊ သာသနာရေးဦးစီးဌာနမှ တာဝန်ရှိသူများ တက်ရောက်ခဲ့ကြသည်။

 

   ရှေးဦးစွာ ပြည်နယ်လျှပ်စစ်နှင့် စက်မှုလက်မှုဝန်ကြီးက အမှာစကားပြောကြားပြီး၊ ပြည်နယ်သာသနာရေးဦးစီးဌာန၊ ဒုတိယညွှန်ကြားရေးမှူး ဦးမြင့်နိုင်က ဆုချီးမြှင့်ရန် ရွေးချယ်ထားသည့် ရဟန်းတော်များနှင့် လူပုဂ္ဂိုလ်များစာရင်းကို ဖတ်ကြားတင်ပြသည်။

 

   ၎င်းနောက် တက်ရောက်လာသူများက အသီးသီး ဆွေးနွေးတင်ပြကြပြီး ရဟန်းတော်များနှင့် လူပုဂ္ဂိုလ်စာရင်းအား စိစစ်အတည်ပြုခဲ့ကြသည်။

 

ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းပွဲ ကျင်းပ

တောင်ကြီး   ဇူလိုင်  ၁၇

 

1

 

   ရှမ်းပြည်နယ်အစိုးရအဖွဲ့သို့  ဝဏ္ဏကျော်ထင်  ဦးနော်အောင် (မိသားစု) Aung Chantha Construction & Service Co.,Ltd မှ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းပွဲ ဇူလိုင်(၁၇)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော်  တရားသူကြီးချုပ်၊ ပြည်နယ်ဝန်ကြီးများ၊ အမျိုးသားလွှတ်တော်ကိုယ်စားလှယ် ဦးဉာဏ်လင်း၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများ၊ လူမှုရေးအသင်းအဖွဲ့၊ ရပ်ကွက်အုပ်ချုပ်ရေးမှူးများနှင့် ဖိတ်ကြားထားသော ဧည့်သည်တော်များ တက်ရောက်ကြသည်။

 

   အခမ်းအနားတွင် ရှမ်းပြည်နယ်အစိုးရအဖွဲ့သို့ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ ပေးအပ်လှူဒါန်းရသည့်အကြောင်းအား Aung Chantha Construction & Service Co.,Ltd မှ မန်နေဂျင်းဒါရိုက်တာ ဝဏ္ဏကျော်ထင် ဦးနော်အောင်က ရှင်းလင်းတင်ပြသည်။

 

   ဆက်လက်၍ DooSan အမျိုးအစား Excavator အကြောင်းအား Aung Chantha Construction & Service Co.,Ltd ဒါရိုက်တာ ဦးထွန်းလင်းက ပရိုဂျက်တာဖြင့် ရှင်းလင်း၍ လည်းကောင်း၊ နှလုံးအထောက်အကူပြု နိုးစက်အကြောင်းအား Biotronik Asia Pacific PTE Co.,Ltd မှ MS.Windy တို့က ရှင်းလင်းတင်ပြကြသည်။

 

   ထို့နောက် ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများ၏ စာရွက်စာတမ်းများ ပေးအပ်ခြင်းနှင့် ဂုဏ်ပြုလွှာ ပြန်လည်ပေးအပ်ရာ ဒေသဖွံ့ဖြိုးရေးလုပ်ငန်းအတွက် လှူဒါန်းထားသော DooSan အမျိုးအစား Excavator နှင့် ပတ်သက်သည့် စာရွက်စာတမ်းများအား Aung Chantha Construction & Service Co.,Ltd ဒါရိုက်တာ ဦးထွန်းလင်းက ပေးအပ်ရာ ရှမ်းပြည်နယ်အစိုးရအဖွဲ့ ကိုယ်စား၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူမှ လက်ခံ၍ လည်းကောင်း၊ ကျန်းမာရေးလုပ်ငန်းအတွက် လှူဒါန်းသော နှလုံးအထောက်အကူပြု နိုးစက်အား Biotronik Asia Pacific PTE Co.,Ltd မှ MS.Windy က ပေးအပ်၍ လည်းကောင်း၊ ပညာရေးလုပ်ငန်းအတွက် လှူဒါန်းသော ကွန်ပျူတာများအား Aung Chantha Construction & Service Co.,Ltd မှ မန်နေဂျင်းဒါရိုက်တာ ဝဏ္ဏကျော်ထင် ဦးနော်အောင်က ပေးအပ်ရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်းမှ လက်ခံရယူပြီး ဂုဏ်ပြုမှတ်တမ်းလွှာများအား ပြန်လည်ပေးအပ်ခဲ့သည်။

 

   ၎င်းနောက် ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးနှင့် အခွန်ဝန်ကြီး ဦးခွန်သိန်းမောင်မှ ကျေးဇူးတင်စကား ပြန်လည်ပြောကြားကာ ဒေသဖွံ့ဖြိုးရေး၊ ကျန်းမာရေးနှင့် ပညာရေးအတွက် အထောက်အကူပြု ပစ္စည်းများအား ပြည်နယ်ဝန်ကြီးချုပ်နှင့် တာဝန်ရှိသူများ၊ ဧည့်သည်တော်များက လှည့်လည်ကြည့်ရှု အားပေးကြသည်။

 

   အဆိုပါ ဒေသဖွံဖြိုးရေး အထောက်အကူပြု ပစ္စည်းများမှာ မြေတူးစက် DooSan  Excavator (20)Ton (၁)စီး တန်ဖိုးငွေ ကျပ်သိန်း(၁၅၀၀)၊ ကျန်းမာရေးအတွက် နှလုံးအထောက်အကူပြုစက် (၁၀)လုံး တန်ဖိုးငွေ US $ (40000) ၊ ပညာရေးအတွက် ကွန်ပျူတာ (Asus Mother Board Monitor, Acer, Lenovon) အလုံး(၄၀) တန်ဖိုးငွေ ကျပ်သိန်း(၂၀၀) ဖြစ်ကြောင်း သိရှိရသည်။

 

2

 

3

 

4

 

5

 

6

 

တောင်ကြီးတက္ကသိုလ်၊ (၃)ထပ်စာသင်ဆောင် (၃)လုံး တင်ဒါခေါ်ယူ ဆောက်လုပ်နိုင်ရေး ညှိနှိုင်းအစည်းအဝေး ကျင်းပ

တောင်ကြီး   ဇူလိုင်  ၀၅

 

4

 

   ၂၀၁၃-၂၀၁၄ ဘဏ္ဍာရေးနှစ်၊ ငွေလုံးငွေရင်းခွင့်ပြုရန်ပုံငွေဖြင့် တည်ဆောက်မည့် တောင်ကြီးတက္ကသိုလ်၊ (၃)ထပ်စာသင်ဆောင် (၃)လုံး တင်ဒါခေါ်ယူ ဆောက်လုပ်နိုင်ရေး လုပ်ငန်းညှိနှိုင်းအစည်းအဝေးကို ဇူလိုင်(၅)ရက်၊ နေ့လည်(၁)နာရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်း၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်စည်ပင်သာယာရေးအဖွဲ့နှင့် ပြည်နယ်ဆောက်လုပ်ရေးလုပ်ငန်းတို့မှ တာဝန်ရှိသူများ၊ တောင်ကြီးတက္ကသိုလ် ပါမောက္ခချုပ်နှင့် တာဝန်ရှိသူများ၊ ဖိတ်ကြားထားသူများ တက်ရောက်ကြသည်။

 

   ရှေးဦးစွာ ပြည်နယ်လူမှုရေးဝန်ကြီးက အမှာစကားပြောကြားပြီး အစည်းအဝေး တက်ရောက်လာသူများက ညှိနှိုင်းဆွေးနွေး တင်ပြကြသည်။

 

   ၎င်းနောက် ဦးစီးကော်မတီ၊ တင်ဒါခေါ်ယူရေး ဆပ်ကော်မတီ၊ တင်ဒါစီစစ်ရွေးချယ်ရေး ဆပ်ကော်မတီ၊ ကြမ်းခင်းစျေးသတ်မှတ်ရေး ဆပ်ကော်မတီ၊ အရည်အသွေးစစ်ဆေးရေး ဆပ်ကော်မတီများ ဖွဲ့စည်းပြီး လုပ်ငန်းတာဝန်များကို ခွဲဝေသတ်မှတ်ခဲ့ကြသည်။

 

ဒေသဖွံ့ဖြိုးရေးဆိုင်ရာ လုပ်ငန်းညှိနှိုင်း အစည်းအဝေးကျင်းပ

တောင်ကြီး   ဇူလိုင်  ၁၅

 

3

 

   ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ ဒေသဖွံ့ဖြိုးရေးဆိုင်ရာ လုပ်ငန်းညှိနှိုင်း အစည်းအဝေးကို ဇူလိုင်(၁၅)ရက်၊ နံနက်(၁၁)နာရီက ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီး ဥက္ကဌနှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာ တာဝန်ရှိသူများ တက်ရောက်ကြသည်။

 

   အခမ်းအနားတွင် ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကိုမှ ဒေသဖွံ့ဖြိုးရေးလုပ်ငန်းနှင့် ပတ်သက်၍ ဆွေးနွေးတင်ပြပြီး၊ ပင်းတယမြို့နယ်နှင့် ရွာငံမြို့နယ်၊ မြို့နယ်စီမံခန့်ခွဲမှုကော်မတီ ဥက္ကဌများမှ လုပ်ငန်းဆောင်ရွက်နှင့် ပတ်သက်၍ ဆွေးနွေးတင်ပြကြသည်။

 

  ထို့နောက် အစည်းအဝေးတွင် တက်ရောက်လာကြသူများမှ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်စီမံကိန်းနှင့် စီးပွားရေးဝန်ကြီးတို့က ဖြည့်စွက်ဆွေးနွေးကြပြီး၊ ပြည်နယ်ဝန်ကြီးချုပ် ဦးစဝ်အောင်မြတ်မှ ဆွေးနွေးတင်ပြချက်များအပေါ် ရှင်းလင်းပြောကြား၍ နိဂုံးချုပ်အမှာစကား ပြောကြားခဲ့သည်။

 

ရှမ်းပြည်နယ်အစိုးရအဖွဲ့နှင့် လုပ်ငန်းသဘောတူ စာချုပ်လက်မှတ်ရေးထိုးပွဲ ကျင်းပ

တောင်ကြီး  ဇူလိုင်  ၀၄

 

4

 

5

 

   ရှမ်းပြည်နယ်အစိုးရအဖွဲ့နှင့် မူဆယ်မြို့၊ ခေတ်မီမြို့ပတ်ကမ်းနားလမ်းနှင့် ဗဟိုစီးပွားရေး အချက်အလက်နေရာ(မူဆယ်) စီမံကိန်း တည်ဆောက်ခြင်းလုပ်ငန်း၊ လောက်ကိုင်မြို့နှင့် ချင်းရွှေဟော်မြို့နယ်ခွဲ လျှပ်စစ်ဓာတ်အားဖြန့်ဖြူးရေးလုပ်ငန်း၊ လားရှိုးမြို့၊ ပုဂ္ဂလိက အမှိုက်သိမ်းဆည်းရေးလုပ်ငန်း၊ လားရှိုးမြို့၊ ရေပေးဝေရေးအပိုင်း(၁) ဆောင်ရွက်ခြင်း လုပ်ငန်း၊ တာချီလိတ်မြို့၊ ဝမ်းကောင်းမြို့မစျေး အဆင့်မြင့်တင်တည်ဆောက်ရေး လုပ်ငန်း၊ တာချီလိတ်မြို့၊ ပါဆတ်မြို့ခေတ်မီကားကွင်း တည်ဆောက်ခြင်းလုပ်ငန်းနှင့် နမ့်စန်(တောင်)မြို့ ဆိုင်ခန်း(၂၀) တည်ဆောက်ခြင်းလုပ်ငန်း  သဘောတူစာချုပ် လက်မှတ်ရေးထိုးပွဲ အခမ်းအနားကို ဇူလိုင်(၄)ရက်၊ နေ့လည်(၁)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာများ၊ ခရိုင်အုပ်ချုပ်ရေးမှူးများ၊ ခရိုင်စည်ပင်သာယာရေး တာဝန်ရှိသူများနှင့် လုပ်ငန်းလက်ခံသည့် ကုမ္ပဏီများမှ တာဝန်ရှိသူများ တက်ရောက်ကြသည်။

 

   ရှေးဦးစွာ ပြည်နယ်ဝန်ကြီးချုပ်က အဖွင့်အမှာစကားပြောကြားပြီး၊ နယူးစတားလိတ် ကုမ္ပဏီလီမိတက် မန်နေးဂျင်းဒါရိုက်တာ ဦးကျော်ကျော်ဝင်းက မူဆယ်မြို့၊ ခေတ်မီမြို့ပတ်ကမ်းနားလမ်းနှင့် ဗဟိုစီးပွားရေးအချက်အလက်နေရာ(မူဆယ်) စီမံကိန်း တည်ဆောက်ခြင်းလုပ်ငန်းဆိုင်ရာများကို ရှင်းလင်းတင်ပြသည်။

 

   ဆက်လက်ပြီး လောက်ကိုင်ခရိုင်အုပ်ချုပ်ရေးမှူး ဦးအောင်ချိုဦးက ကိုးကန့်ဆွေ ကုမ္ပဏီလီမိတက်၏ လောက်ကိုင်မြို့နှင့် ချင်းရွှေဟော်မြို့နယ်ခွဲတို့တွင် လျှပ်စစ်ဓာတ်အား ဖြန့်ဖြူးရေးလုပ်ငန်းဆိုင်ရာများကို ရှင်းလင်းတင်ပြပြီး၊ ရှမ်းပြည်နယ် စည်ပင်သာယာရေးအဖွဲ့ ညွှန်ကြားရေးမှူး ဦးစိုင်းထွန်းထွန်းက လားရှိုးမြို့၊ မြို့ဂုဏ်ဆောင်(လားရှိုး) ဝန်ဆောင်မှုကုမ္ပဏီလီမိတက်၊ တာချီလိတ်မြို့၊ မင်းခေတ်သစ် သတ္တုတူးဖော်ရေးကုမ္ပဏီလီမိတက်နှင့် နမ့်စန်မြို့၊ အောင်လင်းထွန်း ကုမ္ပဏီလီမိတက်တို့၏ (PPP) စနစ်ဖြင့် ဆောင်ရွက်မည့်လုပ်ငန်းဆိုင်ရာ အချက်အလက်များကို ရှင်းလင်းတင်ပြသည်။

 

   ထို့နောက် ကုမ္ပဏီအလိုက် လုပ်ငန်းလက်ခံသဘောတူစာချုပ်များ၌ လက်မှတ်ရေးထိုးကြပြီး ကုမ္ပဏီတာဝန်ရှိသူများက လုပ်ငန်းဝန်ခံကတိနှင့် ကျေးဇူးတင်စကားများ ပြန်လည်ပြောကြားကြသည်။

 

2

 

1

 

3

 

   ၎င်းနောက် လုပ်ငန်းသဘောတူစာချုပ်များအား ရှမ်းပြည်နယ်အစိုးရအဖွဲ့ကိုယ်စား ခေတ္တ ပြည်နယ်စည်ပင်သာယာရေးဝန်ကြီး၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူက အတည်ပြုလက်မှတ်ရေးထိုးပေးပြီး မှတ်တမ်းတင်ဓာတ်ပုံများ ရိုက်ကူးခဲ့ကြသည်။

 

6

 

ဒုတိယအကြိမ်မြောက် မြို့နယ်လုံးကျွတ် စုပေါင်းဝါဆိုသင်္ကန်းဆက်ကပ်လှူဒါန်းပွဲ

တောင်ကြီး  ဇူလိုင်  ၁၅

 

2

 

   ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ ဒုတိယအကြိမ်မြောက် မြို့နယ်လုံးကျွတ် စုပေါင်းဝါဆိုသင်္ကန်း ဆက်ကပ်လှူဒါန်းပွဲကို ဇူလိုင်(၁၅)ရက်၊ နံနက်(၉)နာရီခွဲက ပင်းတယမြို့၊ ကျက်သရေဆောင် မြို့လယ်ဓမ္မာရုံ၌ ကျင်းပခဲ့ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဓနုကိုယ်ပိုင်အုပ်ချုပ်ခွင့်ရဒေသဦးစီး ဥက္ကဌနှင့် အဖွဲ့များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လူမှုရေးအဖွဲ့များနှင့် ဒေသခံတိုင်းရင်းသားများ တက်ရောက်ကြည်ညိုကြသည်။

 

   ရှေးဦးစွာ ပြည်နယ်ဝန်ကြီးချုပ် ဦးဆောင်သော ဧည့်ပရိတ်သတ်များသည် နမောတဿ(၃)ကြိမ် ရွတ်ဆိုဘုရားကန်တော့၍ အခမ်းအနားကို ဖွင့်လှစ်ကြပြီး  ဆရာတော်ထံမှ ငါးပါးသီလခံယူ ဆောက်တည်ကြပြီး၊ ဆရာတော်သံဃာတော် အရှင်သူမြတ်တို့  ရွတ်ပွားသရဇ္ဈာယ်အပ်သော ပရိတ်တရားတော်မြတ်ကို နာယူပန်ဆင်၍ ဆရာတော်၊ သံဃာတော်များအား ဝါဆိုသင်္ကန်းများ ဆက်ကပ်ပြီး လှူဒါန်းမှု အစုစုတို့အတွက် ရေစက်သွန်းချ အမျှပေးဝေကြသည်။ ထို့နောက် ဆရာတော်သံဃာတော်များအား နေ့ဆွမ်းဆက်ကပ် လှူဒါန်းခဲ့ကြသည်။

 

၂၀၁၃ ခုနှစ်၊ မြန်မာအမျိုးသမီးများနေ့ ကျင်းပ

တောင်ကြီး  ဇူလိုင်  ၀၃

 

1

 

   ရှမ်းပြည်နယ် ၂၀၁၃ ခုနှစ်၊ မြန်မာအမျိုးသမီးများနေ့ အခမ်းအနားကို ဇူလိုင်(၃)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ အစိုးရအဖွဲ့ အတွင်းရေးမှူး ဦးရဲနိုင်အောင်၊ ပြည်နယ်အဆင့် ဌာနဆိုင်ရာများ၊ ပြည်နယ်အမျိုးသမီးရေးရာအဖွဲ့ ဥက္ကဌ ဒေါ်ကြည်ကြည်ဝေနှင့် အဖွဲ့ဝင်များ၊ လူမှုရေးအသင်းအဖွဲ့များ၊ စေတနာရှင် အလှူရှင်များ၊ ဆုရရှိသူများနှင့် ဆုရကျောင်းသား/ကျောင်းသူများ၊ ဖိတ်ကြားထားသော ဧည့်သည်တော်များ တက်ရောက်ကြသည်။


   ရှေးဦးစွာ တောင်ကြီး၊ ပညာရေးကောလိပ်မှ သင်တန်းသူလေးများက " မြန်မာအမျိုးသမီးစွမ်းပကား " သီချင်းကို သီဆို၍ အခမ်းအနားကို ဖွင့်လှစ်ပြီး၊ ပြည်နယ်အမျိုးသမီးရေးရာအဖွဲ့ ဥက္ကဌက အမှာစကား ပြောကြားသည်။

 

2

 

4

 

3

 

   ထို့နောက် ပြည်နယ်လူမှုရေးဝန်ကြီး၊ ပြည်နယ်အမျိုးသမီးရေးရာအဖွဲ့ ဥက္ကဌနှင့် တာဝန်ရှိသူများက ဆုရရှိသူများနှင့် တက္ကသိုလ်ဝင်တန်း ထူးချွန်စွာအောင်မြင်ခဲ့ကြသည့် ကျောင်းသား/ကျောင်းသူများအား ဂုဏ်ပြုဆုများ အသီးသီး ပေးအပ်ချီးမြှင့်ခဲ့ကြသည်။


   ယင်းနောက် စေတနာရှင် အလှူရှင်များက အလှူငွေများ ပေးအပ်လှူဒါန်းရာ ပြည်နယ်အမျိုးသမီးရေးရာအဖွဲ့ ဥက္ကဌနှင့် တာဝန်ရှိသူများက အသီးသီး လက်ခံရယူခဲ့ကြပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။


   ၎င်းနောက် တောင်ကြီး၊ ပညာရေးကောလိပ်မှ သင်တန်းသူလေးများက " အင်အားသစ်များနှင့် အတူ " သီချင်းကို သီဆို၍ အခမ်းအနားကို ရုပ်သိမ်းခဲ့သည်။

More Articles...

  1. မြန်မာအမျိုးသမီးများနေ့ အထိမ်းအမှတ် သစ်ပင်စိုက်ပျိုးပွဲတော် ကျင်းပ
  2. အခွန်ဝေစု လွှဲပြောင်းပေးအပ်ပွဲကျင်းပ
  3. (၂၆)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့၊ ဖမ်းဆီးရမိ မူးယစ်ဆေးဝါးနှင့် ဓာတုဆေးရည်များ မီးရှို့ဖျက်ဆီးပွဲ ကျင်းပ
  4. ပြည်နယ်ဝန်ကြီး ဒေါက်တာ မျိုးထွန်း၊ အာဆီယံသွေးလွန်တုပ်ကွေးနေ့ အခမ်းအနားတက်ရောက်
  5. ရှမ်းပြည်နယ်အစိုးရအဖွဲ့နှင့် ( RCSS/SSA ) ဥက္ကဌ ဦးယွက်စစ်အဖွဲ့ တွေ့ဆုံ
  6. ပြည်နယ်၀န်ကြီး ဦးအောင်ကျော်ညွှန့် သမဝါယမအသင်းများ ဖွံ့ဖြိုးတိုးတက်ရေး ပညာပေး ရက်တိုသင်တန်းနှင့် လုပ်ငန်းညှိနှိုင်းအစည်းအဝေးသို့ တက်ရောက်
  7. ကလေးသူငယ်အား လူမဆန်စွာညှင်းပန်းနှိပ်စက်သူကို ဥပဒေနှင့် အညီ အရေးယူ
  8. ရှမ်းပြည်နယ်အစိုးရအဖွဲ့နှင့် Prime Energy Partners Co.Ltd အဖွဲ့ တွေ့ဆုံ
  9. ရှမ်းပြည်နယ်အစိုးရအဖွဲ့နှင့် ICRC အပြည်ပြည်ဆိုင်ရာကြက်ခြေနီကော်မတီအဖွဲ့ တွေ့ဆုံ
  10. အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ကျင်းပရေး အကြိုညှိနှိုင်းအစည်းအဝေး ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

yin-nackရှမ်းပြည်နယ်(တောင်ပိုင်း) နမ့်စန်၊ မိုးနဲနှင့် ကျေးသီးမြို့နယ်များတွင် အများဆုံး နေထိုင်ကြသည်။

We have 108 guests and no members online