သတင်းများ

ဂရုဏာရိပ်ငြိမ် ကုသိုလ်ဖြစ်ဆေးခန်းကြီးအတွက် စေတနာမေတ္တာဖြင့် လှူဒါန်းကူညီပံ့ပိုးပေးကြသော ကုသိုလ်ရှင်များအတွက် မှတ်တမ်းတင်ဂုဏ်ပြုပွဲ ကျင်းပ

1

 

2

 

3

တောင်ကြီး  မေ ၂၈
အောင်ပန်းမြို့၊ ဂရုဏာရိပ်ငြိမ် ကုသိုလ်ဖြစ်ဆေးခန်းကြီးအတွက် စေတနာမေတ္တာဖြင့် လှူဒါန်းကူညီပံ့ပိုးပေးကြသော ကုသိုလ်ရှင်များအတွက် မှတ်တမ်းတင်ဂုဏ်ပြုပွဲကို မေ(၂၈)ရက်၊ နံနက်(၉)နာရီခွဲက အောင်ပန်းမြို့ အဆိုပါ ဆေးခန်း၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက်အားပေးသည်။
အခမ်းအနားတွင် ဂရုဏာရိပ်ငြိမ်ဆေးခန်းဥက္ကဌ ဦးခင်မောင်ဝင်းက အဖွင့်အမှာစကား ပြောကြားပြီး အောင်ပန်းတိုက်နယ်ဆရာဝန် ဒေါက်တာကောင်းမြတ်က ဂုဏ်ပြုပွဲပြုလုပ်ရခြင်း၏ ရည်ရွယ်ချက်ကို ပြောကြားသည်။
ထို့နောက် အရေးပေါ်လူနာတင်ယာဉ် လှူဒါန်းရခြင်းရည်ရွယ်ချက်ကိုDiamond Star Co.Ltd မှ  တာဝန်ရှိသူတစ်ဦးကလည်းကောင်း၊ Light Track မော်တော်ယာဉ် လှူဒါန်းရခြင်းရည်ရွယ်ချက်ကိုအလှူရှင် ဦးကျော်မြင့်(ခ) ဦးအွစ္စမန်း ကိုယ်စား ဦးဝင်းအောင်မှ လည်းကောင်း ရှင်းလင်းပြောကြားပြီး ဂရုဏာရိပ်ငြိမ်ဆေးခန်းနာယက ရုပ်ရှင်နှင့်ဗီဒီယို သရုပ်ဆောင်ဂရုဏာရိပ်ငြိမ်ဆေးခန်းနာယက က ကျေးဇူးတင်စကား ပြောကြားခဲ့သည်။
ဆက်လက်ပြီး ဂုဏ်ပြုထိုက်သူများကို မှတ်တမ်းတင်ဂုဏ်ပြုလွှာများကို ပေးအပ်ချီးမြှင့်ရာ ပြည်နယ်ဝန်ကြီးချုပ်က အရေးပေါ်လူနာတင်ယာဉ် လှူဒါန်းပေးသော Diamond Star Co.Ltd ကို လည်းကောင်း၊ ဂရုဏာရိပ်ငြိမ်ဆေးခန်းနာယကကိုလူမင်းက Light Track မော်တော်ယာဉ် လှူဒါန်း ပေးသော ကလောမြို့မှ ဦးကျော်မြင့်(ခ) ဦးအွစ္စမန်းကို လည်းကောင်း၊ ဂရုဏာရိပ်ငြိမ်ဆေးခန်းဥက္ကဌ ဦးခင်မောင်ဝင်းက ဆေးခန်းသို့ မေတ္တာဖြင့် အခမဲ့ လာရောက်ကုသပေးပါသော တပ်မတော်စစ်ဆေးရုံ ကုတင်(၇၀၀)မှ အထွေထွေရောဂါ(အထူးကု)ဆရာဝန် ဒေါက်တာ သိန်းထက်သိန်းကို လည်းကောင်း ဂုဏ်ပြုမှတ်တမ်းလွှာများ အသီးသီး ပေးအပ်ခဲ့ကြသည်။
အဆိုပါ အခမ်းအနားသို့ ပြည်နယ်ဝန်ကြီးချုပ်နှင့် အတူ ပြည်နယ်ဝန်ကြီးများ၊ ပြည်နယ် မြို့နယ်အဆင့် ဌာနဆိုင်ရာ တာဝန်ရှိသူများ၊ ဂရုဏာရိပ်ငြိမ်ဆေးခန်းမှ တာဝန်ရှိသူများ၊ စေတနာရှင် အလှူရှင်များနှင့် ဒေသခံတိုင်းရင်းသားပြည်သူများ တက်ရောက်ခဲ့ကြသည်။
ဆက်လက်၍ ပြည်နယ်ဝန်ကြီးချုပ်နှင့် အဖွဲ့သည် တောင်ကြီးမြို့၊ ဗိုလ်ချုပ်အောင်ဆန်းလမ်း၊ မြို့မရပ်၌ ဖွင့်လှစ်ထားသည့်   Honda မော်တော်ဆိုင်ကယ် အရောင်းပြခန်း ဖွင့်ပွဲသို့ တက်ရောက် အားပေးခဲ့ကြောင်း သိရှိရသည်။

ရှမ်းပြည်နယ်အထွေထွေအုပ်ချုပ်ရေးဦးစီးဌာန ၂၀၁၃-၂၀၁၄ ပညာသင်နှစ် ပညာသင်စရိတ်နှင့် စာရေးကိရိယာထောက်ပံ့ပေးအပ်ပွဲ ကျင်းပ

1

တောင်ကြီး  မေ ၂၇
ရှမ်းပြည်နယ်အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်လျက်ရှိသော ဝန်ထမ်းသားသမီးများအား  ၂၀၁၃-၂၀၁၄ ပညာသင်နှစ်အတွက် ပညာသင်စရိတ်နှင့် စာရေးကိရိယာထောက်ပံ့ပေးအပ်ပွဲကို မေ(၂၇)ရက်၊ ညနေ(၄)နာရီခွဲက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
ရှေးဦးစွာ ပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူး၊ ဒုတိယညွှန်ကြားရေးမှူးချုပ် ဦးရဲနိုင်အောင်က အမှာစကားပြောကြားပြီး ပြည်နယ်အုပ်ချုပ်ရေးမှူးနှင့်ဇနီး၊ ဒုတိယပြည်နယ်အုပ်ချုပ်ရေးမှူးနှင့်ဇနီး၊ ဒုတိယညွှန်ကြားရေးမှူးများက တက္ကသိုလ်အဆင့်၊ အထက်တန်းအဆင့်၊ အလယ်တန်းအဆင့်၊ မူလတန်းအဆင့် ကျောင်းသား/ကျောင်းသူများအား ပညာသင် စရိတ်ထောက်ပံ့ငွေများနှင့် စာရေးကိရိယာများကို ထောက်ပံ့ပေးအပ်ခဲ့ကြသည်။
ထိုသို့ ပေးအပ်ရာတွင် တက္ကသိုလ်အဆင့်(၁၀)ဦးအား (၁)ဦးလျှင် ငွေသား ကျပ်နှစ်သောင်း(၂၀၀၀၀)နှင့် ဗလာစာအုပ်(၂)ဒါဇင်၊ အထက်တန်းအဆင့်(၇)ဦးအား (၁)ဦးလျှင် ငွေသား ကျပ်တစ်သောင်း(၁၀၀၀၀)နှင့် ဗလာစာအုပ်(၁)ဒါဇင်၊ အလယ်တန်းအဆင့်(၁၁)ဦးအား (၁)ဦးလျှင် ငွေသား ကျပ်ခုနစ်ထောင်(၇၀၀၀)နှင့် ဗလာစာအုပ်(၁)ဒါဇင်၊ မူလတန်းအဆင့်(၁၃)ဦးအား (၁)ဦးလျှင် ငွေသားကျပ် ငါးထောင်(၅၀၀၀)နှင့် ဗလာစာအုပ်ဒါဇင်ဝက်၊ မူကြိုအဆင့်(၄)ဦးအား (၁)ဦးလျှင် ငွေကျပ်(၅၀၀၀)နှုန်းဖြင့် ကျောင်းသားဦးရေ(၄၅)ဦးအတွက် ပညာသင်စရိတ်နှင့် စာရေးကိရိယာ ထောက်ပံ့မှု စုစုပေါင်းတန်ဖိုး ငွေကျပ် ငါးသိန်းနှစ်သောင်းရှစ်ထောင် (၅၂၈၀၀၀)ရှိကြောင်း သိရှိရသည်။

တောင်ကြီးမြို့ ကုန်ခြောက်သားငါးစျေးအဆင့် မြှင့်တင်တည်ဆောက်ရေး တင်ဒါစိစစ်ရေးအဖွဲ့များ၏ ညှိနှိုင်းအစည်းအဝေး ကျင်းပ

တောင်ကြီး   မေ   ၂၃

 

     တောင်ကြီးမြို့ ကုန်ခြောက်သားငါးစျေးအဆင့် မြှင့်တင်တည်ဆောက်ရေး တင်ဒါစိစစ်ရေးအဖွဲ့များ၏ ညှိနှိုင်းအစည်းအဝေးကို မေ(၂၃)ရက် နံနက်(၁၁)နာရီက တောင်ကြီးမြို့၊ ပြည်နယ်စည်ပင်သာယာရေးအဖွဲ့ရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူ၊ ပြည်နယ်လျှက်စစ်နှင့် စက်မှုလက်မှု ဝန်ကြီး ဦးစိုင်းထွန်းရင်၊ ပြည်နယ်စီမံကိန်းနှင့် စီးပွားရေး ဝန်ကြီး ဦးအောင်ကျော်ညွှန့်၊ ပြည်နယ်ဥပဒေချုပ် ဦးမောင်မောင်၊ ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်နှင့် ပြည်နယ်စည်ပင်သာယာရေးအဖွဲ့ တာဝန်ရှိသူများတို့က အသီးသီးအမှာစကား ပြောကြားကြသည်။

 

     ထို့နောက် ပြည်နယ်စည်ပင်သာယာရေးအဖွဲ့ ညွှန်ကြားရေးမှူး ဦးစိုင်းထွန်းထွန်းက တောင်ကြီးမြို့ ကုန်ခြောက်သားငါးစျေး အဆင့်မြှင့်တင်တည်ဆောက်ရေးအတွက် တင်ဒါရွေးချယ်ဆောက်ရွက်မှု အခြေအနေအား ရှင်းလင်းတင်ပြပြီးနောက် မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးနေထက်ရှိန်က ကုမ္ပဏီ(၇)ခု၏ အဆိုတင်ပြမှု အခြေအနေအား ရှင်းလင်းတင်ပြပြီး တင်ဒါရွေးချယ် စိစစ်ရေးအဖွဲ့(၇)ဖွဲ့မှ အသီးသီးရှင်းလင်းတင်ပြကြသည်။


     ၄င်းနောက် အထွေထွေကိစ္စရပ်များကို ဆွေးနွေးတင်ပြကြပြီး စိစစ်ရေးအဖွဲ့(၇)ဖွဲ့၏ စုစည်းရလဒ်ကို အတည်ပြု၍ ပြည်နယ်အစိုးရအဖွဲ့ အတွင်းရေးမှူးက နိဂုံးချုပ်အမှာစကား ပြောကြားခဲ့သည်။

 

၂၀၁၃-၂၀၁၄ ပညာသင်နှစ်၊ ရှမ်းပြည်နယ်၊ ပြည်နယ်အဆင့် ကျောင်းအပ်နှံရေးနေ့ အခမ်းအနား ကျင်းပ

2

 

3

 

4

 

5

 

6

 

7

 

8

 

9

 

10

 

a

 

b

 

c

 

d

 

တောင်ကြီး  မေ  ၂၇
၂၀၁၃-၂၀၁၄ပညာသင်နှစ်၊ရှမ်းပြည်နယ်၊ပြည်နယ်အဆင့်ကျောင်းအပ်နှံရေးနေ့အခမ်းအနားကို မေ(၂၇)ရက်၊ နံနက်(၉)နာရီက တောင်ကြီးမြို့၊ အမှတ်(၅) အခြေခံပညာ အထက်တန်းကျောင်းရှေ့မုဒ်ဦး၌ ကျင်းပပြုလုပ်သည်။ ရှေးဦးစွာ ရှမ်းပြည်နယ်အစိုးရ အဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် အမှတ်(၄)အခြေခံပညာ အထက်တန်းကျောင်း ဘင်ခရာတပ်ဖွဲ့၏ အလေးပြုမှုကို ခံယူပြီး ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လူမှုရေး ဝန်ကြီး ဒေါက်တာမျိုးထွန်း၊ ပြည်နယ်ပညာရေး ဒုတိယညွှန်ကြားရေးမှူး ဦးထူးမြင့်တို့က ပြည်နယ်အဆင့် ကျောင်းအပ်နှံရေးနေ့ အခမ်းအနားကို ဖဲကြိုးဖြတ် ဖွင့်လှစ်ပေးသည်။
ထို့နောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် မူလတန်းအဆင့် ကျောင်းသား/ ကျောင်းသူလေးများအား အခမဲ့ ဗလာစာအုပ်နှင့် ပုံနှိပ်စာအုပ်များ ပေးအပ်ခဲ့ပြီး ကျောင်းသား/ကျောင်းသူလေးများ၏ တင်ဆက်ကပြမှုများကို ကြည့်ရှုအားပေးခဲ့သည်။
ဆက်လက်ပြီး အခမ်းအနားဒုတိယပိုင်းကို စိန်မြင့်မိုရ်ခန်းမ၌ ကျင်းပရာ ကျောင်းသား/ ကျောင်းသူလေးများက " ကျောင်းအပ်စို့လေ " သီချင်းဖြင့် သီဆိုဖွင့်လှစ်ပြီး ပြည်နယ်ဝန်ကြီးချုပ်က အမှာစကား ပြောကြားခဲ့သည်။
ထို့နောက် ပြည်နယ်ပညာရေး ဒုတိယညွှန်ကြားရေးမှူးက ကျောင်းအပ်နှံရေးနှင့် ပတ်သက်၍ ရှင်းလင်းတင်ပြပြီး ရှမ်းပြည်နယ်အစိုးရအဖွဲ့မှ လှူဒါန်းသော အလှူငွေကျပ် (၁၀)သိန်းကို ပြည်နယ်လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူမှ လည်းကောင်း၊ ပြည်နယ်အစိုးရအဖွဲ့မှ လှူဒါန်းသည့် စာရေးခုံနှင့် ထိုင်ခုံ (၁၂၀)စုံကို ပြည်နယ်ဘဏ္ဍာရေးနှင့် အခွန် ဝန်ကြီး ဦးခွန်သိန်းမောင်က လည်းကောင်း၊ အခြား အလှူရှင်များမှ အလှူငွေနှင့် ပစ္စည်းများကို လည်းကောင်း အသီးသီး ပေးအပ်လှူဒါန်း ရာ ပညာရေးဌာန တာဝန်ရှိသူများမှ လက်ခံရယူခဲ့ကြသည်။
၎င်းနောက် ကျောင်းသား/ကျောင်းသူလေးများက " ဘက်စုံပညာ " သီချင်းကို သီဆို၍ အခမ်းအနားကို ရုတ်သိမ်းလိုက်သည်။ အဆိုပါ အခမ်းအနားသို့ ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့အတွင်းရေးမှူး၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာ တာဝန်ရှိသူများ၊ ပညာရေးဌာန တာဝန်ရှိသူများ၊ ကျောင်းသား/ကျောင်းသူများနှင့် မိဘ အုပ်ထိန်းသူများ တက်ရောက်ကြသည်။
ဆက်လက်ပြီး ပြည်နယ်ဝန်ကြီးချုပ်နှင့် အဖွဲ့သည် အမှတ်(၆) အခြေခံပညာအထက်တန်း ကျောင်းနှင့် အမှတ်(၃) အခြေခံပညာအလယ်တန်းကျောင်း(အထက-ခွဲ) တို့အား သွားရောက်၍ ကျောင်းအပ်နှံနေမှု အခြေအနေများကို ကြည့်ရှုအားပေးခဲ့ပြီး မူလတန်း အဆင့် ကျောင်းသား/ကျောင်းသူလေးများအား အခမဲ့ ဗလာစာအုပ်နှင့် ပုံနှိပ်စာအုပ်များ ကို ပေးအပ်ခဲ့ကြကြောင်း သတင်းရရှိသည်။

တရားမဝင်ဘုန်းကြီးကျောင်းဖယ်ရှားသည့် သတင်းမှန်အား ရှမ်းပြည်နယ် အစိုးရအဖွဲ့ထုတ်ပြန်

တောင်ကြီး   မေ   ၂၃

 

   ၂၀၁၂ ခုနှစ်၊စက်တင်ဘာလအတွင်းက တောင်ကြီးမြို့တွင် တရားမဝင် ကျူးကျော် ဘုန်းကြီးကျောင်း(၁၃)ကျောင်းအား မြို့နယ်သံဃနာယကအဖွဲ့မှ လိုက်ပါလျက် လုပ်ထုံးလုပ်နည်း နှင့်အညီ ရှင်းလင်းဖယ်ရှားရေး ဆောင်ရွက်ခဲ့ရာ ဘုန်းကြီးကျောင်း(၁၂)ကျောင်းက ယင်းသို့ဆောင် ရွက်မှုကို လိုက်နာခဲ့သော်လည်း တောင်ကြီးမှ ဟိုပုံးသို့အထွက်  ပြည်ထောင်စုလမ်းမ ပေါ်ရှိ သစ်တောရပ်ကွက်မှ အောက်ဖော်ပြပါ သင်္ကန်းဝတ်များ သီတင်းသုံးနေထိုင်သည့် တရားမဝင် ကျောင်းမှာမူဓမ္မစက်၊ အာဏာစက်အား ဆန့်ကျင်လျက်ရှိနေခဲ့သည်-
    (က)    ဦးကဝိစာရ(ခ)ကျော်မွေး၊ (၅၆)နှစ်၊ (၁၁)ဝါ၊(ဘ) ဦးဖိုးကြံ၊တောင်ကြီးမြို့၊
    (ခ)    ဦးဝိဇယ၊ (၄၇)နှစ်၊ (၄)ဝါ၊(ဘ) ဦးအေးမောင်၊ ပျော်ဘွယ်မြို့၊
    (ဂ)    ဦးကေလာသ၊(၅၁)နှစ်၊ ဝါ(မရှိ)၊(ဘ)ဦးကော်၊တောင်ကြီးမြို့၊
    (ဃ)    ဦးကောဝိဒ၊ (၆၄)နှစ်၊(၄)ဝါ၊(ဘ)ဦးစံဝ၊ရပ်စောက်မြို့၊
    (င)    ရှင်ရေဝတ၊ (၃၂)နှစ်၊ဝါ(မရှိ)၊(ဘ) ဦးစိန်လှဝင်း၊တောင်ကြီးမြို့၊
    (စ)    ရှင်ပညာဝံသ၊(၅၆)နှစ်၊ ဝါ(မရှိ)၊(ဘ)မသိ၊တောင်ကြီးမြို့၊
    (ဆ)    ရှင်ဩဘာသ၊(၅၄)နှစ်၊ဝါ(မရှိ)၊(ဘ)ဦးပု၊တောင်ကြီးမြို့၊
    (ဇ)    ရှင်ပဏ္ဍိတ၊(၆၃)နှစ်၊ဝါ(မရှိ)၊(ဘ)ဦးအောင်ထွန်း၊တောင်ကြီးမြို့၊
    (စျ)    ရှင်ဥက္ကဋ္ဌ၊(၁၁)နှစ်၊ဝါ(မရှိ)၊(ဘ)ဦးရန်မောင်၊ တောင်ကြီးမြို့၊
    (ည)    ရှင်သုမန၊(၁၂)နှစ်၊ဝါ(မရှိ)၊(ဘ)ဦးဝင်းတင်၊တောင်ကြီးမြို့၊
    (ဋ)    ရှင်ပညာဝံသ၊(၁၄)နှစ်၊ဝါ(မရှိ)၊(ဘ)မသိ၊တောင်ကြီးမြို့၊
    (ဌ)    ရှင်နန္ဒ၊(၁၁)နှစ်၊ဝါ(မရှိ)၊(ဘ)ဦးကော်၊ တောင်ကြီးမြို့၊
    (ဍ)    ရှင်ဇိဏောရသ၊(၅၆)နှစ်၊(၁၄)ဝါ၊(ဘ)ဦးပေကြီး၊ အမရပူရမြို့။

 

    ယင်းသို့ ဖယ်ရှားခြင်းမပြုပဲ ရှိနေသောကြောင့် ရှမ်းပြည်နယ်သာသနာရေးမှူးရုံးက သက်ဆိုင်ရာ သံဃနာယကအဖွဲ့အစည်းအဆင့်ဆင့်၏ သြဝါဒခံယူလျက် ဆင်လက်သီတင်းသုံး နေထိုင်သည့်နေရာသည် အစိုးရပိုင်မြေဖြစ်ပြီး စီမံကိန်းလုပ်ငန်းများအတွက် လျာထားသည့် မြေနေရာဖြစ်ကြောင်း၊ ရဟန်းဝိနည်းနှင့် အညီသင့်တင့်ရာ အရပ်ကို ရွေးချယ်လျက်ဖယ်ရှားပေးရန် ဖြစ်ကြောင်း၊ တရားမဝင် ဘုန်းကြီးကျောင်းဖြစ်ပါလျက် ခွင့်ပြုချက်မရှိပဲ ခြံစည်းရိုးကာရံခြင်း၊ ကျောင်းဆောက်ခြင်း၊ စေတီတည်ခြင်း၊ ကျောင်းရှေ့ ကားလမ်းပေါ်၌ ခရီးသွားများအား အနှောင့်အယှက်ပြုလျက်ခွက်ဖလားထိုးအလှူခံခြင်းတို့ကို ရှောင်ကြဉ်ရန်ဖြစ်ကြောင်း ၊ သံဃ နာယက အဖွဲ့အစည်းအဆင့်ဆင့်ထံ လျှောက်ထားသြဝါဒ ခံယူပြီးဖြစ်၍ ဖယ်ရှားရေးအား သိရှိလိုက်နာ ဆောင်ရွက်ရန် ဦးကဝိစာရ(ခ)ကျော်မွေးထံသို့ လိပ်မူပြီး တတိယအကြိမ်လျှောက်ထားလွှာ ပေးပို့ခဲ့သည်။


    ယင်းသို့ပေးပို့ခဲ့ရာတွင် ဦးကဝိစာရ(ခ)ကျော်မွေးမှ ၂၀၁၃ ခုနှစ်၊မတ်လ(၁၃)ရက်နေ့စွဲဖြင့် ပြည်နယ်ဝန်ကြီးချုပ်၊ ရှမ်းပြည်နယ်အစိုးရအဖွဲ့သို့ လိပ်မူလျက် တရားမဝင်ကျောင်းဖြစ်သောကြောင့် မြို့နယ်သံဃနာယကအဖွဲ့က လိုက်ပါလျက် ဖယ်ရှားရေးဆောင်ရွက်ခဲ့ခြင်းအပေါ် အကြမ်းဖက် လုပ်ရပ်ဟုလည်းကောင်း၊ မြို့နယ်သံဃနာယကအဖွဲ့သည် သံဃနာယကအဖွဲ့၏လုပ်ငန်းတာဝန် များကို ကျော်လွန်၍ လူဆိုး၊ လူမိုက်၊ သူပုန်၊ ဓားပြ၊ လူရမ်းကားများကဲ့သို့ ဥပဒေမဲ့ လုပ်ကိုင်သည် ဟုလည်းကောင်း၊ မြို့နယ်သံဃနာယကအဖွဲ့သည် နာယကဂုဏ်အင်္ဂါအရည်အချင်းပျက်ယွင်း သော အဖွဲ့အစည်းဖြစ်၍ ပြန်လည်ဖွဲ့စည်းသင့်သည်ဟုလည်းကောင်း သင့်လျော်မှုမရှိသော စကားရပ် များသုံးစွဲလျက် မချေမငံ ရိုင်းပျစွာ တုံ့ပြန်ရေးသားပေးပို့ခဲ့သည်။


    ဦးကဝိစာရ(ခ)ကျော်မွေး၏ယင်းသို့ရိုင်းပျစွာ တုံ့ပြန်ရေးသားပေးပို့ခဲ့ခြင်းနှင့်စပ်လျဉ်း၍ တောင်ကြီးမြို့နယ် သံဃနာယကအဖွဲ့မှ တောင်ကြီးမြို့၊ သစ်တောရပ်ကွက်တွင် ဦးကဝိစာရ(ခ) ကျော်မွေး ဦးဆောင်၍ တရားမဝင် သီတင်းသုံးနေထိုင်သော ကျူးကျော်ကျောင်းအား ဖယ်ရှားပြီး ဖြစ်သော်လည်း ထပ်မံဝင်ရောက် ကျူးကျော်သည့်အပြင် သာသနာတော်ဂုဏ်သိက္ခာညှိုးမှိန်စေသည့် ကိစ္စရပ်များ ဆက်လက်ကျူးလွန်နေသဖြင့် အောက်ပါတို့အား အမြန်ဆောင်ရွက်ရန် ပြည်နယ်သာ သနာရေးမှူးရုံးနှင့် မြို့နယ်အထွေထွေအုပ်ချုပ်ရေးဦးစီးဌာနသို့ လိပ်မူ၍ နိုင်ငံတော်သံဃမဟာ နာယကအဖွဲ့၊ ပြည်နယ်သံဃနာယကအဖွဲ့၊ ရှမ်းပြည်နယ်အစိုးရအဖွဲ့၊ ညွှန်ကြားရေးမှူးချုပ်၊ သာသနာရေးဦးစီးဌာနနှင့် သာသနာရေးရာနှင့် ဝိနိစ္ဆယဌာန၊ သာသနာရေးဦးစီးဌာနများသို့ မိတ္တူ ဖြင့်ပေးပို့ခဲ့သည်-


   (က)  ကျူးကျော်အဆောက်အဦများအား သက်ဆိုင်ရာ အုပ်ချုပ်ရေးဌာနများက ဖျက်သိမ်းဖယ်ရှားရေးအဖွဲ့ ဖွဲ့စည်း၍ ဦးစီးဦးဆောင်ပြုဆောင်ရွက်သွားရန်နှင့်ကျူးကျော် ပုဂ္ဂိုလ်အား ကျူးကျော်နေရာမှ ထွက်ခွာသွားစေခြင်းဖြင့် တရားဥပဒေကို လေးစား         လိုက်နာစေရေးဆောင်ရွက်သွားရန်၊
    (ခ)    လိုက်နာမှုမရှိပါက သက်ဆိုင်ရာ တရားစွဲ အဖွဲ့အစည်းဌာနများသို့ စွဲဆိုသွားပြီး ဥပဒေနှင့် အညီ ဆောင်ရွက်နိုင်ရေးအတွက် ဆိုင်ရာမြေကို စီမံပိုင်ခွင့်ရှိသောဌာနများ ကတိတိကျကျ အလေးအနက်ထား ဆောင်ရွက်သွားရန်၊
    (ဂ)    ညွှန်ကြားလွှာ လုပ်ထုံးလုပ်နည်းများနှင့် ပြုလုပ်ဆောင်ရွက်နိုင်ရေးအတွက် သာသနာရေးဦးစီးဌာနအနေဖြင့် သက်ဆိုင်ရာဌာနများနှင့် ပေါင်းစပ်၍ သံဃနာယကအဖွဲ့ရုံးသို့ လာရောက်ဆောင်ရွက်ရန်၊
    (ဃ)   ၎င်းအပြင် ထင်းရှူးမြိုင်စသော ကျူးကျော်ကျောင်းများအား အကောင်အထည်ဖော် ဖျက်သိမ်းပြီးဖြစ်ပါသော်လည်း ထပ်မံ ကျူးကျော်ဆောက်လုပ်နေခြင်းအား တားမြစ်သွားရန်နှင့် ဥပဒေနှင့် အညီ အရေးယူဆောင်ရွက်သွားရန်၊
    (င)    နောက်ဆုံးအဆင့်(လုံးဝလိုက်နာမှုမရှိပါက) သာသနာတော် သန့်ရှင်းရေး/သံဃာစည်း         ကမ်းထိန်းသိမ်းရေးအဖွဲ့အား အကြောင်းကြား၍ ဖယ်ရှားစေရန်၊
  (စ)  ထင်းရှူးမြိုင် ကျူးကျော်ကျောင်းနေ ဦးကဝိစာရ(ခ) ကျော်မွေးသည် ကျူးကျော်ကျောင်းမြေနေရာမှ ချက်ခြင်းထွက်ခွာသွားရန်နှင့် ထွက်ခွာခြင်းမပြုပါက သက်ဆိုင်ရာ     အုပ်ချုပ်ရေးရုံးများက စနစ်တကျအဖွဲ့ ဖွဲ့စည်း၍တည်ဆဲဥပဒေ နှင့် အညီ အရေးယူ ဆောင်ရွက်သွားမည်ကို ခံယူရန်၊
   (ဆ)    တောင်ကြီ:မြို့ စိန်ပန်းရပ်ကွက် လောကမာန်အောင်ကျောင်းတိုက် ကျောင်းထိုင်ဆရာတော် ဦးခေမာနန္ဒသည် မိမိ၏ဂုဏ်သိက္ခာကိုလည်းကောင်း၊ သံဃအဖွဲ့အစည်း အခြေခံ စည်းမျဉ်းများနှင့်ညွန်ကြားလွှာများကို သတ်မှတ်ပြဌာန်းသော ဂိုဏ်းပေါင်းစုံ သံဃအဖွဲ့အစည်းတို့နှင့် နိုင်ငံတော်သံဃမဟာနာယကအဖွဲ့၊ ဗဟိုသံဃဝန်ဆောင် ဆရာတော်တို့၏ ဂုဏ်သိက္ခာကိုလည်းကောင်း ထိန်းသိမ်းစောင့်ရှောက်လိုက်နာ သွားရန်နှင့် လိုက်နာခြင်းမရှိပါက သံဃအဖွဲ့အစည်းဆိုင်ရာ ဥပဒေနှင့်အညီ အရေးယူ ဆောင်ရွက်သွားခြင်းကို ခံရမည်ဖြစ်ကြောင်း သိရှိလိုက်နာရန်။ (တောင်ကြီးမြို့၊ စိန်ပန်းရပ်ကွက်၊ လောကမာန်အောင်ကျောင်းတိုက်တွင် သီတင်းသုံးနေထိုင်သည့် ဦးခေမာနန္ဒသည် ဦးကဝိစာရ ၏ ဥပဇ္စျာယ် ဆရာတော်ဖြစ်သည်။)


   သို့ဖြစ်၍ ရှမ်းပြည်နယ်အစိုးရအဖွဲ့သည် သံဃနာယကအဖွဲ့အစည်း အဆင့်ဆင့်က နည်းလမ်း တကျ ဓမ္မစက်နှင့် ဆောင်ရွက်ရန် မဖြစ်နိုင်တော့၍ အာဏာစက်ဖြင့် ဖြေရှင်းဆောင်ရွက်ရန် ဩဝါဒ မိန့်ကြားချက်အရ ဦးကဝိစာရ(ခ)ကျော်မွေး သီတင်းသုံးသည့် ကျူးကျော်ကျောင်း အဆောက်အဦအား လုပ်ထုံးလုပ်နည်းနှင့်အညီ ဆောင်ရွက်သွားရန် မလွဲမရှောင်သာ ဖွဲ့စည်းတာဝန် ပေးအပ်ခဲ့ရသည်။ အဆိုပါကျူးကျော်ကျောင်းနှင့် အဆောက်အဦဖယ်ရှားရေးအဖွဲ့သည် ၂၀၁၃ ခုနှစ်၊ မေလ(၁၈)ရက်နေ့တွင် ဦးကဝိစာရ(ခ)ကျော်မွေးနှင့် သင်္ကန်းဝတ်များရှိရာ တရားမဝင်ကျောင်းသို့ မြို့နယ်သံဃနာယက စည်းကမ်းထိန်းအဖွဲ့နှင့် အတူသွားရောက်၍ ဓမ္မစက် အားလိုက်နာခြင်းမရှိသောကြောင့် အာဏာစက်ဖြင့်ဆောင်ရွက်ရမည့် အခြေအနေများ ဖြစ်ပေါ်နေ ကြောင်း၊ အာဏာစက်ဖြင့် ဆောင်ရွက်ခြင်းအား မလွဲမရှောင်သာမှသာ ပြုလုပ်လိုပါကြောင်း ဩဝါဒ ပေးပြီး စဉ်းစားချိန်ပေးလျက်ပြန်လည်ထွက်ခွာခဲ့သည်။


    သို့ရာတွင် မည်သို့ပင်နည်းမျိုးစုံဖြင့် နားချ၊ စည်းရုံး၊ စီမံဆောင်ရွက်ခဲ့သော်လည်း လိုက်နာမှု မရှိပဲ ဆန့်ကျင်မြဲ ဆန့်ကျင်နေသောကြောင့်သာ အထက်ပါအတိုင်း ၂၀၁၃ ခုနှစ်၊ မေလ(၂၁)ရက်၊ ၁၁၂၅ နာရီအချိန်တွင် တရားမဝင်ကျူးကျော်ကျောင်းဖယ်ရှားရေးအဖွဲ့အနေဖြင့် မြို့နယ်သံဃနာယ ကစည်းကမ်းထိန်းအဖွဲ့နှင့် အတူ လုပ်ထုံးလုပ်နည်းများနှင့်အညီ ဖယ်ရှားရေး ဆောင်ရွက်ခဲ့ရခြင်း ဖြစ်သည်။


    ယခုအခါ သံဃအဖွဲ့အစည်း အဆင့်ဆင့်၏ ဩဝါဒအားလိုက်နာရန် အဓိကပျက်ကွက်သူ ဦးကဝိစာရ(ခ)ကျော်မွေးအား သာသနာအရေခြုံကာ မိသားစုအား ကျွေးမွေးထောက်ပံ့နေသည့် ဒုဿီလပုဂ္ဂိုလ်ဖြစ်ခြင်း၊ ဝိနည်းဓမ္မကံဆိုင်ရာ လုပ်ထုံးလုပ်နည်းများကိုလိုက်နာရန် ပျက်ကွက်ခြင်း၊ ပရိယတ်၊ပဋိပတ်တွင်လည်း လွန်စွာအားနည်းခြင်း၊ သက်ဆိုင်ရာ သံဃနာယကအဖွဲ့အစည်းများကို လည်း လူဆိုး၊ လူမိုက်၊ သူပုန်၊ ဓားပြ၊ လူရမ်းကားများဟု ပုတ်ခတ်စော်ကားခြင်း၊ သံဃအဖွဲ့အစည်း ပြိုကွဲအောင် သွေးထိုးလှုံ့ဆော်ရေးသားခြင်း၊ အစိုးရမြေအား တရားမဝင် ကျူးကျော် ဝင်ရောက်နေထိုင်ခြင်း စသည်တို့ကြောင့် တောင်ကြီးမြို့၊ အမှတ်(၁) ရဲတပ်ဖွဲ့စခန်းတွင် ဥပဒေအရ ရေးယူဆောင်ရွက်လျက်ရှိကြောင်းသိရသည်။

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ပင်းတယမြို့နယ်၊ တမဲကျေးရွာ ရိုးရာတာတက်ပွဲ တက်ရောက်ချီးမြှင့်

1

2

3

တောင်ကြီး  မေ  ၂၅
ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် ပြည်နယ်အစိုးရ အဖွဲ့ဝင် ဝန်ကြီးများ၊ ပြည်နယ်အဆင့် ဌာနဆိုင်ရာတာဝန်ရှိသူများ လိုက်ပါလျှက် မေ(၂၅)ရက်၊ နံနက်(၉)နာရီက ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ တမဲ ကျေးရွာ ရိုးရာတာတက်ပွဲသို့ တက်ရောက်ချီးမြှင့်သည်။
ရှေးဦးစွာ ပြည်နယ်ဝန်ကြီးချုပ်သည် တမဲ မြစေတီဘုရားကြီးအား ဆွမ်း၊ ပန်း၊ ရေချမ်း၊ ဆီမီးကပ်လှူပူဇော်ပြီးဘုရားရင်ပြင်တော်အတွင်းလှည့်လည်ကြည့်ရှုသည်။ဆက်လက်ပြီး တမဲကျောင်းတိုက်အတွင်း၌ ဆရာတော်သံဃာတော်အရှင်သူမြတ်တို့အား လှူဖွယ် ဝတ္တုပစ္စည်းများနှင့် အလှူငွေကျပ်(၅)သိန်းတို့ကို ဆက်ကပ်လှူဒါန်းပြီး ပရိတ် တရားတော်မြတ်ကို နာယူပန်ဆင်ကြသည်။
ထို့နောက် လှူဒါန်းမှုအစုစုတို့အတွက် တမဲကျောင်းတိုက်ဆရာတော် အရှင်ဥတ္တရဓဇ က ရေစက် ပေးတော်မူပြီး အမျှပေးဝေခဲ့ကြသည်။ ၎င်းနောက် ပြည်နယ်ဝန်ကြီးချုပ်နှင့် အဖွဲ့ သည် ဆရာတော်သံဃာတော်အရှင်သူမြတ်တို့အား နေ့ဆွမ်းဆက်ကပ် လှူဒါန်းခဲ့သည်။
ဆက်လက်ပြီး ပြည်နယ်ဝန်ကြီးချုပ်နှင့် အဖွဲ့သည် နေ့လည်(၁၂)နာရီတွင် ကလောမြို့နယ်၊ မြင်းမထိသဘာဝလိုဏ်ဂူဘုရားသို့ သွားရောက်၍ ဂူအတွင်းရှိ ဥဏ္ဏလုံ စေတီတော်မြတ်အား ပန်း၊ ရေချမ်း၊ ဆီမီး ကပ်လှူပူဇော်ကြပြီး ဂူအတွင်း ဖူးမျှော် လေ့လာခဲ့ကြရာ ဂေါပကအဖွဲ့ တာဝန်ရှိသူတစ်ဦးမှ လိုက်လံရှင်းလင်းပြသခဲ့သည်။
ယင်းနောက် ပြည်နယ်ဝန်ကြီးချုပ်နှင့် အဖွဲ့သည် မြင်းမထိသဘာဝလိုဏ်ဂူဘုရားအတွက် အလှူငွေများ ဆက်ကပ်လှူဒါန်းရာ ဂေါပကအဖွဲ့ တာဝန်ရှိသူတစ်ဦးမှ လက်ခံရယူ ခဲ့သည်။

ဆရာအတတ်သင်(၃)နှစ်သင်တန်း၊ အမှတ်စဉ်(၄၅) သင်တန်းသားများအပြီးသတ်ရွေးချယ်ရန် ၂၀၁၃-၂၀၁၄ ပညာသင်နှစ်၊ ကျောင်းသား/ကျောင်းသူများ အခမဲ့ လေ့ကျင့်ခန်းစာအုပ်များ ဖြန့်ဝေပေးရန်

တောင်ကြီး   မေ   ၂၃

 

a

 

   ရှမ်းပြည်နယ်အစိုးရအဖွဲ့၊ လူမှုရေးဝန်ကြီး ဒေါက်တာမျိုးထွန်း၊ ရှမ်းပြည်နယ်ပညာရေး ညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးထူးမြင့်နှင့် အတူ (၁၄-၅-၂၀၁၃)ရက်နေ့တွင် တာချီလိတ်မြို့၌ လည်းကောင်း၊ (၁၅-၅-၂၀၁၃)ရက်နေ့တွင် လားရှိုးမြို့၌ လည်းကောင်း၊          (၁၇-၅-၂၀၁၃)ရက်နေ့တွင် တောင်ကြီးမြို့၌ လည်းကောင်း၊ ပြည်ထောင်စုတိုင်းရင်းသားလူမျိုးများ ဖွံ့ဖြိုးရေးတက္ကသိုလ် မူလတန်းဆရာအတတ်သင်(၃)နှစ်သင်တန်း၊ အမှတ်စဉ်(၄၅) သင်တန်းသား များ အပြီးသတ်ရွေးချယ်ခြင်းနှင့် ၂၀၁၃-၂၀၁၄ ပညာသင်နှစ်၊ မူလတန်းအဆင့် ကျောင်းသား/ကျောင်းသူများ အားလုံးအတွက် လေ့ကျင့်ခန်းစာအုပ်များ အခမဲ့ ထောက်ပံ့ပေးရန်နှင့် ထောက်ပံ့ပေးမည့်စာအုပ်များအား မြို့နယ်၊ ကျောင်း၊ ကျောင်းသား/ကျောင်းသူများ လက်ဝယ်သို့ ပေးပို့သွားရန် သက်ဆိုင်ရာ ပြည်နယ်ပညာရေးမှူးများ၊ မြို့နယ်ပညာရေးမှူးများနှင့် ညှိနှိုင်းကာ သယ်ယူဖြန့်ဖြူးရေး ကုန်ကျစရိတ်များအား ထုတ်ပေးခဲ့ပါသည်။


   လေ့ကျင့်ခန်းစာအုပ်များအား ကျောင်းသား/ကျောင်းသူများ လက်ဝယ်အရောက် ဖြန့်ဝေပေးသွားရန်အတွက် မြို့နယ်ပညာရေးမှူးများမှ လွှတ်တော်ကိုယ်စားလှယ်များ၊ ဌာနဆိုင်ရာများ၊ ကျောင်းအကျိုးတော်ဆောင်များနှင့် ရပ်မိရပ်ဖများတို့အား ဖိတ်ကြားပြီး ပူးပေါင်းဆောင်ရွက်သွားကြရန် မှာကြားခဲ့ကြောင်း သတင်းရရှိသည်။

ဘာသာပေါင်းစုံ စည်းလုံးညီညွှတ်ရေးနှင့် အဓိကရုဏ်းကာကွယ်ရေး အလုပ်ရုံဆွေးနွေးပွဲတွင် ရတနာမြေ လူမှုဖွံ့ဖြိုးရေးအသင်း(ရန်ကုန်)နှင့် Norwegian People's Aid တို့ဆောင်ရွက် ချက် အားရှမ်းပြည်နယ်အစိုးရအဖွဲ့က ကန့်ကွက်

တောင်ကြီး မေ ၂၄

 

     ရတနာမြေ လူမှုဖွံ့ဖြိုးရေးအသင်း(ရန်ကုန်)နှင့် Norwegian People's Aid တို့ပူးပေါင်း ဆောင်ရွက်သော ဘာသာပေါင်းစုံ စည်းလုံးညီညွှတ်ရေးနှင့် အဓိကရုဏ်းကာကွယ်ရေး အလုပ်ရုံ ဆွေးနွေးပွဲကို ၂၀၁၃ ခုနှစ်၊ ဧပြီလမှ ဇူလိုင်လအထိ ဆောင်ရွက်သွားရန် အစီအစဉ်ရှိပြီး ရှမ်းပြည်နယ်တွင် တောင်ကြီး၊ ကလော၊ အောင်ပန်းနှင့် လာရှိုးမြို့များ၌ အကောင်အထည်ဖော် ဆောင်ရွက်သွားမည်ဖြစ်ကြောင်း၊ အလုပ်ရုံဆွေးနွေးပွဲကြာမြင့်ချိန်မှာ မြို့နယ်တစ်ခုစီတွင်(၂)ရက် ဖြစ်ပြီး နံနက်(၀၉၀၀)နာရီမှ ညနေ(၁၆၃၀)နာရီအချိန်ထိ ဖြစ်ကြောင်း၊ တက်ရောက်မည့် လူဦးရေ မှာ ဘာသာ(၄)ခုမှ ဘာသာရေးခေါင်းဆောင်(၂)ဦးစီဖြင့် (၈)ဦး၊ အုပ်ချုပ်ရေးတာဝန်ရှိပုဂ္ဂိုလ်နှင့် လုံခြုံရေးအရာရှိ(၅)ဦး၊ အခြားစိတ်ပါဝင်စားသော ရပ်မိရပ်ဖများပါဝင်လျက် စုစုပေါင်း(၂၀)ဦးခန့် ဖြင့် ဆောင်ရွက်သွားမည်ဖြစ်ကြောင်း၊ အလုပ်ရုံဆွေးနွေးပွဲ၏ အဓိကရည်ရွယ်ချက်မှာ လက်ရှိဖြစ် ပေါ်နေသော ဘာသာတရားနှင့် စပ်လျဉ်း၍ တစ်ဦးနှင့် တစ်ဦးထားရှိသော သံသယများ၊ အမြင် မကြည်လင်မှုများကို လျော့နည်းပပျောက်စေရန်နှင့် ဘာသာကွဲများအကြားရင်းနှီးခင်မင်စွာ အတူ ယှဉ်တွဲနေထိုင်ရန် ရည်ရွယ်ကြောင်းဖော်ပြပါရှိလျက် ရှမ်းပြည်နယ်အစိုးရအဖွဲ့သို့ လျှောက်ထား တင်ပြခဲ့သောကြောင့် စံနစ်တကျဆောင်ရွက်သွားရန် ပြန်ကြားခဲ့သည်။


    သို့ရာတွင် ၂၀၁၃ ခုနှစ်၊ မေလ(၈)ရက်နေ့၊ (၀၉၅၀)နာရီအချိန် တောင်ကြီးမြို့၊ မြို့မရပ်ကွက်၊ သီတာအေးခန်းမတွင် အလုပ်ရုံဆွေးနွေးပွဲအား ဒုတိယနေ့အဖြစ် ကျင်းပပြုလုပ်ပြီးနောက် မူလက တင်ပြချက်တွင် ပါဝင်ခြင်းမရှိပဲ ရှမ်းပြည်နယ်ဘာသာပေါင်းစုံ ကူညီစောင့်ရှောက်ရေးအဖွဲ့အား အောက်ပါအတိုင်း ဖွဲ့စည်းခဲ့ကြောင်းသိရှိရသည်-


    (က)    ဆရာတော်ဦးခေမာနန္ဒ       လောကမာန်အောင်ကျောင်းထိုင်        နာယက
                                                    ဆရာတော်
    (ခ)    ဦးဂိုဘာ                            ဟိန္ဒူဘာသာရေးအဖွဲ့                       အဖွဲ့ဝင်
    (ဂ)    ဟာဂျီညွန့်ဖေ                     အစ္စလာမ်ဘာသာရေးအဖွဲ့                 အဖွဲ့ဝင်
    (ဃ)   စောခရီထူး                       ခရစ်ယာန်ဘာသာရေးအဖွဲ့               အဖွဲ့ဝင်
    (င)    ဆရာတော်ဦးခေမာနန္ဒ        လောကမာန်အောင်ကျောင်းထိုင်        ဥက္ကဋ္ဌ
    (စ)    ဦးယောန                          ခရစ်ယာန်ဘာသာရေးအဖွဲ့               ဒုဥက္ကဋ္ဌ
    (ဆ)   ဦးအောင်မြင့်                     ဟိန္ဒူဘာသာရေးအဖွဲ့                       ဒုဥက္ကဋ္ဌ
    (ဇ)    ဟာဖစ်ဒူလာ                     အစ္စလာမ်ဘာသာရေးအဖွဲ့                  ဒုဥက္ကဋ္ဌ
    (စျ)    ဦးစိုးငယ်                         အစ္စလာမ်ဘာသာရေးအဖွဲ့           အတွင်းရေးမှူး
    (ည)    ဦးကျော်ဦး                      ဗုဒ္ဓဘာသာဝင်                           အတွင်းရေးမှူး
    (ဋ)    ဒေါက်တာဂျော်နီအောင်       ခရစ်ယာန်ဘာသာဝင်                 အတွင်းရေးမှူး
    (ဌ)    ဦးခင်မောင်ဦး                   အစ္စလာမ်ဘာသာဝင်                      စာရင်းစစ်
    (ဍ)    ဦးစိုင်းမျိုးလှ                     ဗုဒ္ဓဘာသာဝင်                             ပြန်ကြားရေး
    (ဎ)    ဦးမောရစ်                         အစ္စလာမ်ဘာသာဝင်                   ဘဏ္ဍာရေးမှူး
    (ဏ)    ဦးသန်းအေး                   ခရစ်ယာန်ဘာသာဝင်                     အဖွဲ့ဝင်
    (တ)    ဒေါ်ခင်မျိုးနွယ်စီ              ခရစ်ယာန်ဘာသာဝင်                     အဖွဲ့ဝင်
    (ထ)    ဦးသိန်းဝင်း                     ခရစ်ယာန်ဘာသာဝင်                     အဖွဲ့ဝင်
    (ဒ)    ဦးသန်းထွန်း                     ခရစ်ယာန်ဘာသာဝင်                     အဖွဲ့ဝင်
    (ဓ)    ဦးဝင်းထိန်                        ခရစ်ယာန်ဘာသာဝင်                     အဖွဲ့ဝင်
    (န)    ဦးဆူရောရှိ                        ဟိန္ဒူဘာသာဝင်                            အဖွဲ့ဝင်

 

   ယင်းသို့ကြိုတင်၍ တင်ပြခြင်းမရှိပဲ ရတနာမြေ လူမှုဖွံ့ဖြိုးရေးအသင်း(ရန်ကုန်)နှင့် Norwegian People's Aid တို့ပူးပေါင်းဆောင်ရွက်သော ဘာသာပေါင်းစုံ စည်းလုံးညီညွှတ်ရေးနှင့် အဓိကရုဏ်းကာကွယ်ရေး အလုပ်ရုံဆွေးနွေးပွဲက ရှမ်းပြည်နယ် ဘာသာပေါင်းစုံ ကူညီစောင့်ရှောက် ရေးအဖွဲ့ကို   တရားမဝင်ဖွဲ့စည်းခြင်းအား အသိအမှတ်မပြုကြောင်းနှင့် ကန့်ကွက်ကြောင်းသိရှိရ သည်။

ရှမ်းပြည်နယ်မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီအစည်းအဝေး(၃/၂၀၁၃)ကျင်းပ

တောင်ကြီး   မေ   ၂၃

 

1

 

4

 

   ရှမ်းပြည်နယ် မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီ အစည်းအဝေး အမှတ်စဉ်(၃/၂၀၁၃)ကို မေ(၂၃)ရက် နံနက်(၁၀)နာရီက ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်မြို့ပြစနစ်စီမံကိန်းဖွံ့ဖြိုးတိုးတက်ရေးကော်မတီ နာယက ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက်အမှာစကားပြောကြားသည်။

 

3

 

2

 

 ထို့နောက် ရှမ်းပြည်နယ်အစိုးရအဖွဲ့၊ အတွင်းရေးမှူး ဦးရဲနိုင်အောင်က ပြည်နယ်မြို့ပြစနစ်စီမံကိန်း ဖွံ့ဖြိုးတိုးတက်ရေးကော်မတီလုပ်ငန်းများနှင့် စပ်လျဉ်း၍ ဆွေးနွေးတင်ပြပြီး၊ ပြည်နယ်စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူက ဖြည့်စွက်ဆွေးနွေးတင်ပြသည်။


 ၎င်းနောက် ပြည်နယ်ဝန်ကြီးချုပ်က နိဂုံးချုပ်အမှာစကားပြောကြားခဲ့သည်။ အဆိုပါ အစည်းအဝေးသို့ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့တာဝန်ရှိသူများနှင့် ပြည်နယ်အဆင့်ဌာနဆိုင်ရာ တာဝန်ရှိသူများ တက်ရောက်ခဲ့ကြသည်။

 

 

(၈၈)မျိုးဆက်ကျောင်းသားများ ဟိုပန်မြို့သို့ လာရောက်ဟောပြောမည့်ကိစ္စအား ဒေသခံပြည်သူများ ကန့်ကွက်

တောင်ကြီး   မေ  ၂၃

 

     (၈၈)မျိုးဆက်ကျောင်းသားများ ခေါင်းဆောင် ဦးမင်းကိုနိုင် ဦးဆောင်သော “ ငြိမ်းချမ်းရေးနှင့် ပွင်းလင်းလူ့အဖွဲ့အစည်း ” က ဟိုပန်မြို့သို့ လာရောက်ဟောပြောပွဲပြုလုပ်မည်ကို သိရ၍ ဒေသတည်ငြိမ်အေးချမ်းမှုပျက်ပြားမည်ကို လက်မခံနိုင်သော မန်ကောင်းရပ်ကွက်နေ ဦးဆန်းတင့်(၅၈)နှစ် ဦးဆောင်သော အင်အား(၁၃၀၀)ခန့်နှင့် ပန်လုံမြို့နယ်ခွဲ၊ ရပ်ကွက်(၇)နေ ဦးအိုက်ထပ် (၆၂)နှစ် ဦးဆောင်သော အင်အား(၂၅၀)ခန့်တို့သည် မေ (၇)ရက်နေ့ (၀၉၀၀)အချိန် ဖောင်ဆိပ်တံတားအနီး ဟိုပန်မြို့ဘက်ခြမ်းတွင် ငြိမ်းချမ်းစွာ ကန့်ကွက်ရန် စုရုံးရောက်ရှိခဲ့သည်။

 

     ဟိုပန်မြို့သို့ လာရောက်မည့် (၈၈)မျိုးဆက်ကျောင်းသားများ ခေါင်းဆောင် ဦးမင်းကိုနိုင်နှင့် အဖွဲ့သည် ဟိုပန်မြို့ ပြည်သူလူထုစုရုံးကန့်ကွက်မည်ကို သတင်းရရှိသည့်အတွက် သိန္နီမြို့မှ (၁၁၀၀)အချိန်ခန့်တွင် လားရှိုးမြို့သို့ ပြန်လှည့်ထွက်ခွာသွားကြောင်း သတင်းရရှိသည်။


     ထို့နောက် ဦးမင်းကိုနိုင်နှင့် အဖွဲ့ မလာရောက်တော့သဖြင့် ဖောင်ဆိပ်တံတားတွင် ကန့်ကွက်ရန် စောင့်ဆိုင်းနေသော ဒေသခံပြည်သူများအနက်မှ အင်အား(၃၀၀)ခန့်မှာ (၁၃၀၀)အချိန်တွင် ဟောပြောပွဲ ပြုလုပ်မည့် ကောင်းဟုန်းဘုန်းကြီးကျောင်းသို့ သွားရောက်၍ ဦးမင်းကိုနိုင် ဦးဆောင်သော “ ငြိမ်းချမ်းရေးနှင့် ပွင်းလင်းလူ့အဖွဲ့အစည်း ” လာရောက်ခြင်းကို ကန့်ကွက်ကြောင်း ကျောင်းထိုင်ဆရာတော်ထံ လျှောက်ထားခဲ့ကြသည်။


     ဆက်လက်ပြီး ကန့်ကွက်သည့် ဒေသခံပြည်သူများသည် (၁၄၁၅)အချိန်တွင် မိမိတို့ နေအိမ်များဆီသို့ အေးချမ်းစွာ ပြန်လည် ထွက်ခွာသွားခဲ့ကြောင်း သိရှိရသည်။

 

 

တောင်ကြီး၊ တောင်စိမ်းလန်းစိုပြေရေးအတွက် ကွက်ဖြည့်စိုက်ခင်းထူထောင်ရေးနှင့် မြို့သောက်သုံးရေ ဖူလုံစေရေး၊ သဘာဝရေ အရင်းအမြစ်များ ရရှိရေး ပြည်နယ်ဝန်ကြီးချုပ် ကွင်းဆင်းစစ်ဆေး

တောင်ကြီး   မေ   ၂၂

 

1

 

    တောင်ကြီး၊ တောင်စိမ်းလန်းစိုပြေရေးအတွက် ကွက်ဖြည့်စိုက်ခင်းထူထောင်ရေးနှင့် မြို့သောက်သုံးရေ ဖူလုံစေရေး၊ သဘာဝရေ အရင်းအမြစ်များ ရရှိရေးအတွက် မေ(၂၂)ရက် နံနက်(၉)နာရီခွဲက ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ်အထွေထွေအုပ်ချုပ်ရေးဦးစီးဌာန ဒုတိယပြည်နယ်အုပ်ချုပ်ရေးမှူး(ညွှန်ကြားရေးမှူး) ဦးမြတ်ကျော်ကျော်၊ ပြည်နယ်စည်ပင်သာယာရေးဦးစီးဌာန ညွှန်ကြားရေးမှူး ဦးစိုင်းထွန်းထွန်းနှင့် ဌာနဆိုင်ရာ တာဝန်ရှိသူများအဖွဲ့သည် တောင်ကြီးမြို့၊ ဆုတောင်းပြည့်စေတီ ကိုးနဝင်းကျောင်းတိုက် ဘုရားကုန်းပေါ်နေရာတွင် သွားရောက်ကြည့်ရှုစစ်ဆေးရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့သည်။

 

2

 

   ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူများတို့သည် တောင်ကြီးမြို့၊ ရွှေဘုန်းပွင့်စေတီဘုရားသို့ ရောက်ရှိလာရာ ဘုရားတွင် ပန်း၊ ရေချမ်း၊ ဆီမီးကပ်လှူပြီး ဘုရားရင်ပြင်ပေါ်ရှိ တောင်ကြီးမြို့ပေါ် ရှုခင်းကြည့်နေရာတွင် တောင်ကြီး၊ တောင်စိမ်းလန်းစိုပြေရေးအတွက် တောင်ခရိုင်သစ်တောဦးစီးဌာနမှ လက်ထောက်ညွှန်ကြားရေးမှူး ဦးမောင်မောင်စိုးက မြေပုံကားချပ်ဖြင့် ရှင်းလင်းတင်ပြခဲ့ရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့ပါသည်။

 

3

 

4

 

   ထို့နောက် ပြည်နယ်ဝန်ကြီးချုပ်နှင့် တာဝန်ရှိသူများတို့သည် တောင်ကြီးမြို့၊ ဘုရားဖြူရပ်ကွက်၊ ထီသိမ်ရေကန်သို့ သွားရောက်ပြီး ရေကန်အတွင်း ရေများ သိုလှောင်ထားရှိမှုနှင့် ရေပေးဝေမှု၊ မိုးရာသီ သစ်ပင်စိုက်ပျိုးမည့်နေရာများကို လိုက်လံကြည့်ရှု၍ လည်းကောင်း၊ တောင်ကြီးမြို့ ရေအေးကွင်းရပ်ကွက်ရှိ ရေထွက်ဦးရေကန်၌ ရေသိုလှောင်ထားရှိမှုနှင့် ရေထွက်များကို ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြခဲ့ရာ ပြည်နယ်ဝန်ကြီးချုပ်မှ လိုအပ်သည်များမှာကြားခဲ့ပါသည်။

 

5

 

6

 

7

 

   ၎င်းနောက်  ပြည်နယ်ဝန်ကြီးချုပ်နှင့် တာဝန်ရှိသူများတို့သည် ကျောင်းကြီးစုရပ်ကွက်ရှိ ဂနိုင်ရေကန်နှင့် ရေစုကန် ပြန်လည်ပြုပြင်နေမှုကို သွားရောက်ကြည့်ရှုစစ်ဆေးရာ ပြည်နယ်စည်ပင်သာယာရေးဦးစီးဌာန၊ ညွှန်ကြားရေးမှူး ဦးစိုင်းထွန်းထွန်းမှ မြေပုံကားချပ်ဖြင့် ရှင်းလင်းတင်ပြသည်။ ဆက်လက်၍ ပြည်နယ်ဝန်ကြီးချုပ်နှင့် အဖွဲ့သည် တောင်ကြီးမြို့၊ တိုင်းရင်းသားသုသာန် မီးသဂြိုဟ်စက်သို့ သွားရောက်ကြည့်ရှု စစ်ဆေးရာ ကားအသွားအလာများ ပြားသဖြင့် ကားလမ်းများ ကျဉ်းမြောင်းသဖြင့် ကားလမ်းများတိုးချဲ့ရန်နှင့် သတ်မှတ် စည်ပင်မြေ မကျူးကျော်စေရေးတို့ကို ဂရုတစိုက် လုပ်ဆောင်သွားရန် မှာကြားခဲ့ကြောင်းသိရှိရသည်။

 

8

More Articles...

  1. ရှမ်းပြည်နယ် သတ္တုလုပ်ငန်းရှင်များအသင်း(ရှမ်း/တောင်)ဖွဲ့စည်းရေး လုပ်ငန်းညှိနှိုင်းအစည်းအဝေးကျင်းပ
  2. " First Weekly News Journal ၏ ဖော်ပြချက် ရှမ်းပြည်နယ်အစိုးရအဖွဲ့ အလေးအနက်ကန့်ကွက် "
  3. ရေနံထွက်ပစ္စည်းများ တင်သွင်း သိုလှောင် သယ်ယူဖြန့်ဖြူးရောင်းချရေးလုပ်ငန်းများ ထိန်းသိမ်းကြီးကြပ်ရေး လုပ်ငန်းညှိနှိုင်းအစည်းအဝေး
  4. စတုတ္ထအဆင့် ပြုပြင်ပြောင်းလဲရေး လုပ်ငန်းစဉ်ဖြစ်သည့် ပုဂ္ဂလိက ကဏ္ဍပြောင်းလဲ ဖွံ့ဖြိုးတိုးတက်ရေးအတွက် ဆောင်ရွက်ရမည့် လုပ်ငန်းအခြေအနေများအား ရှင်းလင်းခြင်း အစည်းအဝေးကျင်းပ
  5. ရှမ်းပြည်နယ်၏ ၂၀၁၃−၂၀၁၄ဘဏ္ဍနှစ်၊ ဒေသန္တရစီမံကိန်း ရည်မှန်းချက် တာဝန်ပေးအပ်ပွဲ အခမ်းအနား
  6. ဒုတိယအကြိမ် CDMA 800MHz မိုဘိုင်းဖုန်းများ ရောင်းချမည့် စာရင်း
  7. ဟဲဟိုး - မိုင်းဆတ် ခရီးစဉ်အတိုင်း ပျံသန်းလာသော မြန်မာ့လေကြောင်း ဆင်းသက်စဉ် ဘရိတ်ပိုင်းဆိုင်ရာ ချို့ယွင်းမှုဖြစ်ပွား
  8. ပြည်နယ်ဝန်ကြီး ဦးအောင်ကျော်ညွှန့်၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ညှိနှိုင်းအစည်းအဝေးကျင်းပ
  9. ပြည်နယ်မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့ နာယက ဒေါ်ဖြူဖြူညွန့် ခြေလေးချောင်းနှင့် ထူးဆန်းစွာ မွေးဖွားလာသည့် ကလေးငယ်အား သွားရောက်ကြည့်ရှုအားပေး
  10. အင်းလေးကန်ပတ်ဝန်းကျင်ရှိ ဟိုတယ်များနှင့် စပ်လျဉ်းသည့် တွေ့ဆုံပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-nay

ရှမ်းပြည်နယ်(မြောက်ပိုင်း) မူဆယ်၊ နမ့်ခမ်းနှင့် ကွမ်းလုံမြို့နယ်များတွင် အများဆုံး နေထိုင်ကြပါသည်။

We have 62 guests and no members online