သတင်းများ

အောင်ပန်းမြို့တည် နှစ်(၁ဝဝ)ပြည့်အထိမ်းအမှတ် မြို့တည်ခေါင်းလောင်းဖွင့်ပွဲကျင်းပ

တောင်ကြီး  ဧပြီ  ၁၇

 

01

 

02

 

03

 

04

 

   အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် မြို့တည်ခေါင်းလောင်းဖွင့်ပွဲ အခမ်းအနားကို ဧပြီ(၁၇)ရက် နံနက်(၈)နာရီခွဲက အောင်ပန်းမြို့ မြို့မပြင်သာကျောင်းတိုက်၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဒေသခံပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြသည်။


    ရှေးဦးစွာ ပြည်နယ်ဝန်ကြီးချုပ်နှင့် ဧည့်သည်တော်များသည် အောင်းပန်းမြို့ မြို့မပြင်သာကျောင်းတိုက်ဆရာတော်အား ဖူးမျှော်ကြည်ညိုကြပြီး လှူဘွယ်ဝတ္ထုပစ္စည်းများ ဆက်ကပ်လှူဒါန်းကြသည်။


  ဆက်လက်ပြီး အဆိုပါကျောင်းတိုက်အတွင်းရှိ အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် ခေါင်းလောင်းစင်အား ပြည်နယ်ဝန်ကြီးချုပ်နှင့် အောင်ပန်းနှစ်(၁ဝဝ)ပြည့်ပွဲတော် ဖြစ်မြောက်ရေး ဗဟိုကော်မတီဝင်(၂)ဦးတို့က ဖဲကြိုးဖြတ်ဖွင့်လှစ်ပေးပြီး ခေါင်းလောင်းစင်အတွင်း လှည့်လည်ကြည့်ရှု၍ ခေါင်းလောင်းကို(၃)ချက်တီးခတ်ပူဇော်ခဲ့သည်။ ထို့နောက်ပြည်နယ်ဝန်ကြီးချုပ်နှင့်ဧည့်သည်တော်များသည် အောင်ပန်းမြို့တည်ထောင်ခဲ့သူများ၏ ဆွေမျိုးများနှင့် အတူ အမှတ်တရ မှတ်တမ်းတင်ဓာတ်ပုံရိုက်ကူးခဲ့သည်။

 


ပြည်နယ်ပြန်/ဆက်

၁၃၇၅ ခု၊မြန်မာနှစ်ဆန်း(၁)ရက်နေ့၊ ရှမ်းပြည်နယ်အစိုးရအဖွဲ့မှ တတိယအကြိမ်မြောက် သက်ကြီးပူဇော်ပွဲနှင့် ဇီဝိတဒါန ငါးလွှတ်ပွဲကျင်းပ

တောင်ကြီး   ဧပြီ  ၁၇

 

004

 

005

 

001

 

  ရှမ်းပြည်နယ်အစိုးရအဖွဲ့မှ ကြီးမှူးကျင်းပသည့် တတိယအကြိမ်မြောက် သက်ကြီးပူဇော်ပွဲကို ၁၃၇၅ ခု၊ မြန်မာနှစ်ဆန်း(၁)ရက်၊ ဧပြီ(၁၇)ရက် မွန်းလွှဲ(၃)နာရီက တောင်ကြီးမြို့ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ လူမှုရေးအသင်းအဖွဲ့များနှင့် ကန်တော့ခံအဘိုးအဘွားများ တက်ရောက်ခဲ့ကြသည်။


    ရှေးဦးစွာ အခမ်းအနားကို နမောတဿ သုံးကြိမ်ရွတ်ဆိုဘုရားကန်တော့ဖွင့်လှစ်ပြီး ပြည်နယ်အစိုးရအဖွဲ့၊ အတွင်းရေးမှူး ဦးရဲနိုင်အောင်က သက်ကြီးပူဇော်ပွဲနှင့် ပတ်သက်၍ ရှင်းလင်းပြီး ပြည်နယ်ဝန်ကြီးချုပ်မှ ဦးဆောင်ပြီး ဧည့်ပရိတ်သတ်အပေါင်းမှ ဘိုးဘွားများအား ပူဇော်ကန်တော့၍ အလှူငွေနှင့် ကန်တော့ပစ္စည်းများ ပေးအပ်လှူဒါန်းခဲ့သည်။


    ထို့နောက် အဘိုးအဘွားများကိုယ်စား အသက်(၈၈)နှစ်ရှိ ဦးကောင်စစ်(ဗိုလ်မှူးကြီးအငြိမ်းစား)က ဆုတောင်းမေတ္တာ ပို့သပေးသည်။ အဆိုပါ သက်ကြီးပူဇော်ပွဲသို့ တောင်ကြီးမြို့ပေါ်ရှိ အသက်(၅၈)နှစ်အထက် အဘိုးအဘွား(၂ဝ၈)ဦးရှိသည့်အနက် (၉ဝ)ဦးတက်ရောက်ခဲ့ပြီး မတက်ရောက်နိုင်သည့် အဘိုးအဘွားများအား အိမ်အရောက်အလှူငွေနှင့် ကန်တော့ပစ္စည်းများပေးအပ်ခဲ့ကြသည်။

 

002

 

003

 

   ၎င်းနောက် ညနေ(၄)နာရီတွင် ပြည်နယ်ဝန်ကြီးချုပ်နှင့်ဇနီး ၊ တာဝန်ရှိသူတို့သည် တောင်ကြီးမြို့၊ မြကန်သာပန်းခြံအတွင်းရှိ ရေကန်အတွင်းသို့ ဇီဝိတဒါနအဖြစ် ငါးကောင်ရေ(၁၅ဝဝဝဝ)လွှတ်ပေးခဲ့ကြသည်။

၁၃၇၄-ခု တောင်ကြီးမြို့၊ မြန်မာ့ရိုးရာ မဟာသင်္ကြန်ပွဲတော် ပိတ်ပွဲ အခမ်းအနားကျင်းပ

တောင်ကြီး  ဧပြီ  ၁၆

 

05

 

02

 

03

 

04

 

    ၁၃၇၄-ခု တောင်ကြီးမြို့၊ မြန်မာ့ရိုးရာ မဟာသင်္ကြန်ပွဲတော် ပိတ်ပွဲအခမ်းအနားကို ဧပြီ (၁၆)ရက်၊ ညနေ(၅)နာရီက တောင်ကြီးမြို့၊ ဗဟိုမဏ္ဍပ်၌ ကျင်းပပြုလုပ်ခဲ့သည်။ အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ဇနီး ဒေါ်ဖြူဖြူညွန့်၊ အစိုးရအဖွဲ့ တာဝန်ရှိသူများက ဆုရရှိကြသည့် ယိမ်းအက အဖွဲ့များနှင့် ဆုရရှိသူများကို ဆုများအသီးသီးပေးအပ်ချီးမြှင့်ခဲ့ကြသည်။

 

06

 

07

 

01

 

     ဆက်လက်ပြီး ဆုရရှိသည့် ယိမ်းအဖွဲ့များက အဆိုအကများဖြင့် ဖျော်ဖြေတင်ဆက်ခဲ့သည်။


   ထို့နောက် ပြည်နယ်ဝန်ကြီးချုပ်က ၁၃၇၄-ခု တောင်ကြီးမြို့ မြန်မာ့ရိုးရာမဟာသင်္ကြန်ပွဲတော်အား ပိတ်သိမ်းလိုက်ကြောင်းကြေငြာပြီး တေးသံရှင်များက ‘‘မန်းတောင်ရိပ်ခို’’တေးသီချင်းကို စုပေါင်းသီဆို၍ ယိမ်းအကအဖွဲ့များက တူညီကကွက်များဖြင့် ကပြဖျော်ဖြေခဲ့ကြသည်။

နိုင်ငံခြားသံတမန်အဖွဲ့များ ရှမ်းပြည်နယ်(အရှေ့ပိုင်း)၊ အထူးဒေသ(၄)၊ မိုင်းလားမြို့သို့ အလည်အပတ်ရောက်ရှိ

တောင်ကြီး  ဧပြီ  ၁၆

 

20

 

21

 

22

 

23

 

24

 

    ပြည်ထောင်စုသမ္မတ မြန်မာနိုင်ငံတော် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင် ဦးဆောင်သော နိုင်ငံ(၁၂)နိုင်ငံမှ နိုင်ငံခြားသံတမန်အဖွဲ့ဝင်များနှင့် မိသားစုဝင်များ၊ (UNRC)(UNHCR)(ICRC)မှ တာဝန်ရှိပုဂ္ဂိုလ်များသည် ဧပြီ(၁၆)ရက် နံနက်(၁ဝ)နာရီက ရှမ်းပြည်နယ်(အရှေ့ပိုင်း)အထူးဒေသ(၄)၊ မိုင်းလားမြို့သို့ ရောက်ရှိရာ အထူးသေသ(၄)မှ တာဝန်ရှိသူများ၊ ဒေသခံတိုင်းရင်းသားများက လှိုက်လှဲစွာကြိုဆိုခဲ့ကြသည်။


  ထို့နောက် နိုင်ငံခြားရေးဝန်ကြီးဌာန၊ ပြည်ထောင်စု၀န်ကြီး ဦးဆောင်သော ဧည့်သည်တော်သံတမန်အဖွဲ့များနှင့် အထူးဒေသ(၄)မှ တာဝန်ရှိသူများတို့က မိုင်းလားမြို့ရှိ မြန်မာ-တရုတ်နယ်ခြားမှတ်တိုင်၊ ဘိန်းပပျောက်သည့် အထိမ်းအမှတ်ပြတိုက်နှင့် မိုင်းလားမြို့အတွင်းသို့ လည့်လည်ကြည့်ရှုခဲ့ပြီးနောက် နေ့လည်စာသုံးဆောင်ခဲ့ရာ တိုင်းရင်းသားရိုးရာ အဆို၊ အကများဖြင့် ဧည့်ခံဖျော်ဖြေခဲ့ကြပြီး၊ မိုင်းလားမှ ကျိုင်းတုံသို့ ပြန်လည်ထွက်ခွာခဲ့သည်။

အင်းလေးဒေသဇုန်ဝင်ခွင့် ကောက်ခံခြင်းလုပ်ငန်းလိုင်စင်ခွင့်ပြုခြင်း

တောင်ကြီး  ဧပြီ  ၀၅

    အင်းလေးဒေသဖွံ့ဖြိုး တိုးတက်ရေးအတွက် လုပ်ငန်းစီမံချက်များ ထိရောက် အောင်မြင် စွာအကောင်အထည်ဖော်နိုင်ရန်ရည်ရွယ်၍ အင်းလေးဒေသဇုန်ဝင်ခွင် ကောက်ခံခြင်း လုပ်ငန်းအား လေလံတင်ရောင်းချခြင်းကို ၂၀၁၃ ခုနှစ်၊ဧပြီလ(၅) ရက်နေ့၊ နံနက် (၁၁)နာရီအချိန်တွင် ရှမ်းပြည်နယ်အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ ပြုလုပ်ခဲ့ပါသည်။
    လေလံတင်ရောင်းချပွဲသို့ ရှမ်းပြည်နယ်ဘဏ္ဍာရေးနှင်အခွန်ဝန်ကြီး ဦးခွန်သိန်းမောင်၊ ရှမ်းပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း၊ အင်းတိုင်းရင်းသားလူမျိုးရေးရာဝန်ကြီး ဦးဝင်းမြင့်၊ ပြည်သူ့လွှတ်တော်ကိုယ်စားလှယ် နှင့် ပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများနှင့် လုပ်ငန်း ရှင်(၂၂)ဦးတက်ရောက်ခဲ့ကြပါသည်။
    အဆိုပါ လုပ်ငန်းလိုင်စင်လေလံတင်ရောင်းချရာတွင် ဦးမောင်မောင်ရွှေနှင့်အဖွဲ့၊ ဦးသန်းဝင်းနှင့်အဖွဲ့၊ ဦးအောင်ကျော်နိုင်နှင့်အဖွဲ့ (၃)ဖွဲ့တို့က အပြိုင်ဆွဲဝယ်ခဲ့ရာ လေလံစျေးအမြင့်ဆုံးပေးသည့် ဦးအောင်ကျော်နိုင်နှင့်အဖွဲ့အား ကျပ်(၆၃၀၀)သိန်း ဖြင့် ချထားပေးခဲ့ပါသည်။
    အင်းလေးဇုန်ဝင်ခွင့်မှာ နိုင်ငံခြားသားတစ်ဦးလျှင် အမေရိကန်ဒေါ်လာ(၅)ဒေါ် လာဖြစ်ပါသည်။

နိုင်ငံခြားသံတမန်အဖွဲ့များ ကျိုင်းတုံမြို့သို့ အလည်အပတ်ရောက်ရှိ

တောင်ကြီး  ဧပြီ  ၁၅

 

12

 

13

 

14

 

15

 

16

 

     ပြည်ထောင်စုသမ္မတမြန်မာနိုင်ငံတော်၊ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးဝဏ္ဏမောင်လွင် ဦးဆောင်သော နိုင်ငံ(၁၂)နိုင်ငံမှ နိုင်ငံခြားသံတမန်အဖွဲ့ဝင်များနှင့် မိသားစုဝင်များ၊ (UNRC)(UNHCR)(ICRC)မှ တာဝန်ရှိပုဂ္ဂိုလ်များသည် ဧပြီ(၁၅)ရက် နံနက်(၀၉၅၀)နာရီတွင် ကျိုင်းတုံလေဆိပ်သို့ ရောက်ရှိခဲ့ရာ ရှမ်းပြည်နယ်အစိုးရ၊ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူနှင့် ဌာနဆိုင်ရာ တာဝန်ရှိသူများ၊ ဒေသခံတိုင်းရင်းသားများက လှိုက်လှဲစွာကြိုဆိုခဲ့ကြသည်။


  နိုင်ငံခြားရေးဝန်ကြီးဌာန၊ ပြည်ထောင်စု၀န်ကြီး ဦးဆောင်သော ဧည့်သည်တော် သံတမန်အဖွဲ့များသည် ကျိုင်းတုံမြို့မဈေး၊ သစ်တစ်ပင်တောင်နှင့် အာခါတိုင်းရင်းသားရိုးရာ ရက်ကန်းလုပ်ငန်းနှင့် ရေပူစမ်းတို့အား သွားရောက်လေ့လာကြည့်ရှုခဲ့သည်။

 

17

 

18

 

19

 

    ထို့နောက် ည(၇)နာရီတွင် ကျိုင်းတုံဟိုတယ်သစ်ခန်းမ၌ ညစာစားပွဲဖြင့် တည်ခင်း ဧည့်သည်တော် သံတမန်အဖွဲ့များ၊ တြိဂံဒေသတိုင်းစစ်ဌာနချုပ် တိုင်းမှူးနှင့် ဌာနဆိုင်ရာ တာ၀န်ရှိသူများတို့ တက်ရောက်ခဲ့ပြီး ဒေသခံတိုင်းရင်းသား ရိုးရာယဉ်ကျေးမှု အကအဖွဲ့များက ရိုးရာအကများဖြင့် ဧည့်ခံဖျော်ဖြေခဲ့ကြသည်။ ညစာစားပွဲအပြီးတွင် တြိဂံဒေသတိုင်းစစ်ဌာနချုပ် တိုင်းမှူးမှ နိုင်ငံခြားရေးဝန်ကြီးနှင့် သံတမန်အဖွဲ့ဝင်များအား အမှတ်တရလက်ဆောင်ပစ္စည်းများ ပေးအပ်ခဲ့သည်။

ပြည်နယ်ဝန်ကြီးချုပ် နှင့် ဇနီး မိသားစု ရဟန်းခံ၊ ရှင်ပြုအလှူတော်မင်္ဂလာ

တောင်ကြီး  ဧပြီ  ၁၄

 

1

 

2

 

3

 

    ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့် မိသားစု ရဟန်းခံ၊ ရှင်ပြုအလှူတော်မင်္ဂလာကို ဧပြီ လ (၁၄)ရက် နံနက်(၉)နာရီက ပင်းတယမြို့နယ်၊ ပွေးလှမြို့၊ ကျောက်တောကျောင်းတိုက် ဓမ္မာရုံ၌ ကျင်းပပြုလုပ်ခဲ့သည်။


  ရှေးဦးစွာ ပြည်နယ်ဝန်ကြီးချုပ်နှင့် ဇနီး မိသားစု၊ ဧည့်ပရိတ်သတ်များက နမောတဿ(၃)ကြိမ်ရွက်ဆို ဘုရားကန်တော့၍ အခမ်းအနားဖွင့်လှစ်ပြီး၊ ရှင်သာမဏေလောင်း(၅၇)ပါးတို့အား သာသနာ့ဘောင်သို့ သွတ်သွင်းချီးမြှင့်ကြသည်။ ဆက်လက်၍ ရဟန်းလောင်း(၅၁)ပါး တို့အား သာသနာ့ဘောင်သို့ သွတ်သွင်းချီးမြှင့်ကြပြီး၊ လှူဖွယ်ဝတ္ထုပစ္စည်းများ ဆက်ကပ် လှူန်းဒါန်းခဲ့သည်။

 

4

 

5

 

6

 

7

 

   ထို့နောက် ပြည်နယ်ဝန်ကြီးချုပ် မိသားစုနှင့် ဧည့်သည်တော်များက ဆရာတော်သံဃာတော်များအား နေ့ဆွမ်းဆက်ကပ်လှူဒါန်းပြီး၊ ဆရာတော်သံဃာတော်တို့ ချီးမြှင့်တော်မူသော ပရိတ်တရားတော်မြတ်ကို အတူတကွနာယူပန်ဆင်၍ ရေစက်သွန်းချ အမျှပေးဝေခဲ့သည်။


   ၎င်းနောက် ပြည်နယ်ဝန်ကြီးချုပ်နှင့် ဇနီးတို့သည် ဓမ္မပူဇာနှင့် အလှူတော်ငွေ ကျပ်သိန်း(၃ဝ)၊ သင်္ကန်းနှင့် လှူဖွယ်ဝတ္ထုပစ္စည်းများကို ဆက်ကပ်လှူဒါန်းကြပြီး ရတနာရွှေမိုးငွေမိုးများ ရွာသွန်းဖြိုးပေးခဲ့ကြသည်။

 

 

တောင်ကြီးမြို့တွင် အလည်အပတ်ရောက်ရှိနေသော နိုင်ငံခြားသံတမန်အဖွဲ့ဝင်များ ပင်းတယမြို့ ရွှေဥမှင်သဘာဝလိုဏ်ဂူဘုရားသို့ ရောက်ရှိလေ့လာ

တောင်ကြီး  ဧပြီ  ၁၈

 

7

 

8

 

9

 

10

 

6

 

   တောင်ကြီးမြို့တွင် အလည်အပတ်ခရီးရောက်ရှိနေသော နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးဝဏ္ဏမောင်လွင် ဦးဆောင်သည့် မြန်မာနိုင်ငံဆိုင်ရာသံတမန်များ၊ ကုလသမဂ္ဂနှင့် နိုင်ငံတကာအဖွဲ့အစည်းများမှ ကိုယ်စားလှယ်များ၊ ၎င်းတို့၏ မိသားစုဝင်များသည် ဧပြီ(၁၈)ရက် နံနက်(၇)နာရီခွဲက ခေတ္တတည်းခိုသည့် အေးသာယာဂေါက်ကွင်းဟိုတယ်မှ ထွက်ခွာပြီး ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၏ အထင်ကရဖြစ်သော ရွှေဥမှင်သဘာဝလိုဏ်ဂူဘုရားသို့ ရောက်ရှိလာရာ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးထူးကိုကိုနှင့် တာဝန်ရှိသူများက ကြိုဆိုခဲ့ကြသည်။


  ဧည့်သည်တော် သံတမန်အဖွဲ့ဝင်များသည် ရွှေဥမှင်လိုဏ်ဂူဘုရားအတွင်း လှည့်လည်ကြည့်ရှုလေ့လာကြပြီးနောက် ပင်းတယမြို့အတွင်းရှိ ရိုးရာထီးလုပ်ငန်းနှင့် ရှမ်းစက္ကူလုပ်ငန်းအား သွားရောက်ကြည့်ရှုလေ့လာခဲ့ကြသည်။


   ထို့နောက် ဧည့်သည်တော် သံတမန်အဖွဲ့သည် ပင်းတယမြို့ရှိ CONQUEROR HOTEL ၌ ခေတ္တရပ်နားပြီး နေ့လည်စာသုံးဆောင်ခဲ့ကြသည်။ ထိုမှတဆင့် ဧည့်သည်တော်သံတမန်အဖွဲ့သည် ပင်းတယမြို့မှ ဆက်လက်ထွက်ခွာလာရာ ဟဲဟိုးလေဆိပ်သို့ ရောက်ရှိပြီး ညနေ(၃)နာရီခွဲတွင် ဟဲဟိုးလေဆိပ်မှ မြန်မာ့လေကြောင်းလေယာဉ်ဖြင့် ပြန်လည်ထွက်ခွာသွားကြသည်။

အင်းလေးဒေသဟိုတယ်ဇုန် မြေနေရာချထားခြင်း

တောင်ကြီး  ဧပြီ  ၁၄

    အင်းလေးဒေသဟိုတယ်ဇုန် မြေနေရာချထားခြင်းအတွက် လျှောက်ထားသူများအား (၁၁.၄.၂ဝ၁၃)ရက်နေ့တွင် တောင်ကြီးမြို့၊ မြို့တော်ခန်းမ၌ မဲနှိုက်ဆောက်ရွက်ခဲ့ရာ မဲနှိုက်မည့် ပုဂ္ဂိုလ်များ၏ ဆန္ဒအရ ဧရိယာဧကများကို ပြင်ဆင်၍ မဲနှိုက်ရန် အမည်စာရင်းတင်သွင်းခဲ့ပါသည်။
    ဟိုတယ်ဇုန်မြေနေရာချထားရေးကော်မတီ အနေဖြင့် ခွဲဝေပေးနိုင်သော မြေကွက်ဧရိယာမှာ (A)ဇုန် (၁)ဧကကွက် (၈)ကွက်၊ (A)ဇုန် (၃)ဧကကွက် (၃၁)ကွက်၊ (B)ဇုန် (၄)ဧက အထက်အကွက် (၂၂)ကွက်၊ (C)ဇုန် (၄)ဧက အထက်အကွက် (၂၆)ကွက် ဖြစ်ပါသည်။
    အထက်ပါ ဟိုတယ်ဇုန်မြေနေရာ လျှောက်ထားမှုအတွက် မဲနှိုက်ကြရာတွင် မဲပေါက်သူများစာရင်း၊ ငွေပေးသွင်းပြီးသူများစာရင်းနှင့် အကွက်အမှတ်များအား အောက်ဖော်ပြပါအတိုင်းဖြစ်ပါသည် -

 

1

 

2

 

3

 

4

 

5

 

6

 

7

 

8

နိုင်ငံခြားသံတမန်အဖွဲ့ဝင်များ ရှမ်းပြည်နယ် တောင်ကြီးမြို့သို့ အလည်အပတ်ရောက်ရှိ

‌တောင်ကြီး ဧပြီ ၁၇

 

1

 

 

2

 

11

 

  ပြည်ထောင်စုသမ္မတမြန်မာနိုင်ငံတော် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်ဦးဆောင်သော နိုင်ငံ(၁၂)နိုင်ငံမှ နိုင်ငံခြားသံတမန် အဖွဲ့ဝင်များနှင့် မိသားစုများ (UNRC)(UNHCER)(ICRC)မှ တာဝန်ရှိပုဂ္ဂိုလ်များသည် ဧပြီ(၁၇)ရက် နေ့လည်(၁၂)နာရီက မြန်မာ့လေကြောင်းလေယာဉ်ဖြင့် ဟဲဟိုးလေဆိပ်သို့ ရောက်ရှိလာရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ တာဝန်ရှိသူများ၊ ဒေသခံတိုင်းရင်းသား ရိုးရာယဉ်ကျေးမှုအဖွဲ့များက ပန်းစည်းဆက်၍လည်းကောင်း၊ ရိုးရာ အဆို၊ အတီး၊ အကများဖြင့်လည်းကောင်း လှိုက်လှဲပျူငှာစွာ ကြိုဆိုခဲ့သည်။

 

  ထို့နောက် နိုင်ငံခြားရေးဝန်ကြီး ဦးဆောင်သော သံတမန်အဖွဲ့ဝင်များသည် ခေတ္တတည်းခိုမည့် အေးသာယာဂေါက်ကွင်း ဟိုတယ်တွင် နေ့လည်စာသုံးဆောင်ပြီးနောက် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုန်းမြို့နယ်၏ အထင်ကရဖြစ်သော ထန်စန်းသဘာဝလိုဏ်ဂူသို့ သွားရောက်လေ့လာ လည်ပတ်ခဲ့ကြသည်။

 

3

 

4

 

5

 

   ၎င်းနောက် ည(၇)နာရီတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ ဧည့်သည်တော် သံတမန်အဖွဲ့များအား အေးသာယာဂေါက်ကွင်းဟိုတယ်ခန်းမ၌ ဂုဏ်ပြုညစာဖြင့် တည်ခင်းဧည့်ခံရာ ဒေသခံ တိုင်းရင်းသား ရိုးရာယဉ်ကျေးမှု အကအဖွဲ့များက ရိုးရာအဆို၊ အတီး၊ အကများဖြင့် ဧည့်ခံဖျော်ဖြေခဲ့ကြသည်။ ညစာစားပွဲအပြီးတွင် နိုင်ငံခြားရေးဝန်ကြီးက ယဉ်ကျေးမှုအကအဖွဲ့များကို ဂုဏ်ပြုပန်းခြင်းနှင့် ဂုဏ်ပြုဆုငွေပေးအပ်ခဲ့ပြီး အမှတ်တရ မှတ်တမ်းတင်ဓာတ်ပုံရိုက်ကူးခဲ့သည်။ ထို့နောက် ပြည်နယ်ဝန်ကြီးချုပ်မှ နိုင်ငံခြားရေးဝန်ကြီးနှင့် သံတမန်အဖွဲ့ဝင်များအား အမှတ်တရလက်ဆောင်ပစ္စည်းများ ပေးအပ်ခဲ့သည်။

 

၁၃၇၄ခု တောင်ကြီးမဟာသင်္ကြန် ဖွင့်ပွဲကျင်းပ

တောင်ကြီး  ဧပြီ  ၁၃

 

01

 

02

 

03

 

04

 

08

 

07

 

05

 

06

 

09

 

   ၁၃၇၄ ခု တောင်ကြီးမြို့ မဟာသင်္ကြန်ပွဲတော်ဖွင့်ပွဲအခမ်းအနားကို ဧပြီ(၁၃)ရက် ညနေ(၄)နာရီက တောင်ကြီးမြို့ မဟာသင်္ကြန်ပွဲတော် ဗဟိုမဏ္ဍပ်၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာ တာဝန်ရှိသူများ၊ ဖိတ်ကြားထားသော ဧည့်သည်တော်များ၊ တေးသံရှင်များ၊ ယိမ်းအကအဖွဲ့များနှင့် တိုင်းရင်းသားပြည်သူများ တက်ရောက်ခဲ့သည်။


  ရှေးဦးစွာ ပြည်နယ်ဝန်ကြီးချုပ်က ကြိုဆိုနှုတ်ခွန်းဆက်စကားပြောကြားပြီး၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စည်ပင်သာယာရေးဝန်ကြီး ဦးတူးမောင်နှင့် ပြည်နယ်လူမှုရေးဝန်ကြီး ဒေါက်တာမျိုးထွန်းတို့က ဗဟိုမဏ္ဍပ်ကို ဖဲကြိုးဖြတ်ဖွင့်လှစ်ပေးကြသည်။


   ထို့နောက် တေးသံရှင်များက တေးသံသာများဖြင့် သီဆိုတင်ဆက်ကြပြီး၊ ယိမ်းအကအဖွဲ့များက ညီညာစွာကပြဧည့်ခံဖျော်ဖြေခဲ့ကြ၍ ပြည်နယ်ဝန်ကြီးချုပ်နှင့် ဇနီးတို့မှ ဧည့်သည်တော်များနှင့် ယိမ်းအကအဖွဲ့များအား အတာရေပက်ဖျန်းပေးကြသည်။


   ဆက်လက်ပြီး ပြည်နယ်ဝန်ကြီးချုပ်က ဗဟိုမဏ္ဍပ်အား ဂုဏ်ပြုဆုငွေ ကျပ်(၅)သိန်းကို ပေးအပ်ချီးမြှင့်ရာ တာဝန်ရှိသူ တစ်ဦးမှ လက်ခံရယူခဲ့သည်။

 

  ၎င်းနောက် ပြည်နယ်ဝန်ကြီးချုပ်နှင့် ဧည့်သည်တော်များသည် ရွှေနေကြာမဏ္ဍပ်၊ ရိုးရာသင်္ကြန်ပွဲတော်မဏ္ဍပ်၊ တိုင်းရင်းသားငြိမ်းချမ်းရေးမဏ္ဍပ်၊ ချယ်ရီသင်္ကြန်မဏ္ဍပ်၊ အိပ်မက် သင်္ကြန်မဏ္ဍပ်တို့အား လိုက်လံကြည့်ရှုအားပေးခဲ့ပြီး မဏ္ဍပ်အသီးသီးတွင် ဂုဏ်ပြုဆုငွေများပေးအပ်ခဲ့ကြသည်။

More Articles...

  1. ပြည်နယ်ဝန်ကြီး ဦးတူးမောင် အား မြို့ရေထွက်၊ ရေကန်များ ကွင်းဆင်းစစ်ဆေး
  2. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် အင်းလေးဒေသ ဟိုတယ်ဇုန်မြေနေရာချထားခြင်း အခမ်းအနားတက်ရောက်
  3. ပထမအကြိမ် ရှမ်းပြည်နယ်လွှတ်တော် ဆဌမပုံမှန်အစည်းအဝေး(တတိယနေ့) ဆက်လက်ကျင်းပ
  4. ပထမအကြိမ် ရှမ်းပြည်နယ်လွှတ်တော် ၊ ဆဌမပုံမှန်အစည်းအဝေး(ဒုတိယနေ့)ကျင်းပ
  5. ပထမအကြိမ်ရှမ်းပြည်နယ်လွှတ်တော်၊ ဆဋ္ဌမပုံမှန်အစည်းအဝေး(ပထမနေ့)ကျင်းပ
  6. ၂ဝ၁၃ ခုနှစ် အင်းလေးဘက်စုံထူးချွန် အပန်းဖြေစခန်းဖွင့်ပွဲကျင်းပ
  7. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် သုံးထပ်ဓမ္မာရုံတော်သစ် ရေစက်ချအလှူတော် မင်္ဂလာအခမ်းအနားတက်ရောက်
  8. ပိုးသတ်ဆေး ဥပဒေနှင့် မြေဩဇာ ဥပဒေ လုပ်ထုံးလုပ်နည်းဆိုင်ရာ လိုက်နာဆောင်ရွက်ရမည့် လုပ်ငန်းစဉ်များ ရှင်းလင်းဆွေးနွေးပွဲကျင်းပ
  9. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ဓနုဆုံဆည်းရာနေ့ အခမ်းအနားတက်ရောက်
  10. ၂ဝ၁၃ ခုနှစ်၊ ကမ္ဘာ့တီဘီရောဂါ တိုက်ဖျက်ရေးနေ့ အခမ်းအနားကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-liရှမ်းပြည်နယ်(အရှေ့ပိုင်း) ကျိုင်းတုံ၊  မိုင်းယောင်းနှင့် မိုင်းလားမြို့နယ်များတွင် အများဆုံး နေထိုင်ကြသည်။

We have 70 guests and no members online