သတင်းများ

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် CNPC South-East Asia Pipeline Company Limited မှ အထွေထွေမန်နေဂျာ Mr.Jiang Chang Liang နှင့်အဖွဲ့အား လက်ခံတွေ့ဆုံ

တောင်ကြီး  မေ   ၀၃

 

3

 

     ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် CNPC South-East Asia Pipeline Company Limited မှ အထွေထွေမန်နေဂျာ  Mr.Jiang Chang Liang နှင့်အဖွဲ့အား မေလ(၃)ရက် နံနက်(၁၁)နာရီက ရှမ်းပြည်နယ် အစိုးရအဖွဲ့ရုံး၊ ဝန်ကြီးချုပ်ရုံးခန်း၌ လက်ခံတွေ့ဆုံခဲ့သည်။

       

   ထိုသို့တွေ့ဆုံရာတွင် သဘာဝဓာတ်ငွေ့ ပိုက်လိုင်းသွယ်တန်းရေး၊ ဓာတ်ငွေ့ ပိုက်လိုင်းဖြတ်သန်းရာဒေသရှိ ဒေသခံပြည်သူများ ဓာတ်ငွေ့ထုတ်ယူသုံးစွဲရန် လိုအပ်မှုရှိလျှင် ကုမ္ပဏီမှ ဓာတ်ငွေ့ဖြန့်ဝေရောင်းချပေးရေး၊ သီပေါမြို့နယ် ဘော်ကြို တဝိုက် ဆားလုပ်ငန်းဒေသများတွင် စဉ်ဆက်မပျက် စစ်ဆေးရေးကိစ္စ စီစဉ်ဆောင်ရွက်ရန်၊ နစ်နာကြေး လျော်ကြေးငွေများ မျှတမှုရှိစေရန်၊ သဘာဝပတ်ဝန်းကျင်ထိန်းသိမ်းရေး၊ ပညာရေး၊ ကျန်းမာရေး၊ လူမှုရေး၊ စီးပွားရေးနှင့် အကျိုးတူ ပူးပေါင်းဆောင်ရွက်ရေးကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြသည်။

 

   တွေ့ဆုံပွဲသို့ ရှမ်းပြည်နယ်ဝန်ကြီးချုပ်၊ ပြည်နယ်သစ်တောနှင့်သတ္တုဝန်ကြီး၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ CNPC မှ  Mr.Jiang Chang Liang နှင့်အဖွဲ့ဝင်များ တက်ရောက် ခဲ့ကြသည်။

 

ပြည်နယ်ဝန်ကြီး ဦးတူးမောင် တောင်ကြီးမြို့၊ ကုန်ခြောက်သားငါးစျေး အဆင့်မြင့်တည်ဆောက်ရေး တင်ဒါရွေးချယ်ပွဲကျင်းပရန် ညှိနှိုင်းဆွေးနွေးပွဲကျင်းပ

တောင်ကြီး  ဧပြီ  ၃၀

 

meeting

 

   တောင်ကြီးမြို့နယ်စည်ပင်သာယာရေးအဖွဲ့ပိုင် ကုန်ခြောက်သားငါးစျေးအား မြို့တော် အင်္ဂါရပ်နဲ့ အညီ အဆင့်မြင့်တင်တည်ဆောက်ရန်နှင့် တောင်ကြီးမြို့ဂုဏ်ဆောင် အဆောက်အအုံကြီးတစ်ခု ပေါ်ထွန်းလာစေရေးရည်ရွယ်၍ ယင်းကုန်ခြောက်သားငါးစျေးအား အဆင့်မြင့် တည်ဆောက်နိုင်ရန်  အတွက် လုပ်ငန်းလုပ်ကိုင်လိုသူ ကုမ္ပဏီများအား (၈-၁-၂၀၁၃)ရက်နေ့မှစတင်၍ တင်ဒါခေါ်ယူခဲ့ရာ တင်ဒါပိတ်သည့် (၂၈-၂-၂၀၁၃)ရက်နေ့ထိ Creation Myanmar ကုမ္ပဏီ၊ ရှမ်းရိုးမဆောက်လုပ်ရေး ကုမ္ပဏီ၊ Maroon Matrix  ကုမ္ပဏီ၊ သီဟကုမ္ပဏီ၊ တောင်ကြီးဆောက်လုပ်ရေးကုမ္ပဏီ၊ အိမ်တော်ကြီး ဆောက်လုပ်ရေးကုမ္ပဏီ၊ AMT ဆောက်လုပ်ရေးကုမ္ပဏီ စသည့် ကုမ္ပဏီပေါင်း(၇)ခုတို့မှ အဆိုပြု တင်ဒါများတင်သွင်းခဲ့ကြပြီး အာမခံအပ်ငွေ ကျပ်သိန်း(၅၀၀)စီကိုလည်း ပေးသွင်းခဲ့ပြီး ဖြစ်ပါသည်။


    အဆိုပါ ကုမ္ပဏီများအနက်မှ အကောင်းဆုံးဆောင်ရွက်နိုင်မည့် ကုမ္ပဏီအား အများပြည်သူရှေ့မှောက်တွင် စနစ်တကျ ပွင့်လင်းမြင်သာစွာရွေးချယ်နိုင်ရန် တင်ဒါရွေးချယ်ပွဲကို (၃-၅-၂၀၁၃)ရက်နေ့၊ နံနက် (၀၉:၀၀)နာရီအချိန်တွင် တောင်ကြီးမြို့၊ မြို့တော်ခန်းမ၌ ကျင်းပနိုင်ရေးအတွက် အကြိုညှိနှိုင်းအစည်းအဝေးကို (၂၉-၄-၂၀၁၃)ရက်နေ့၊ နံနက် (၁၀:၀၀)နာရီအချိန်တွင် ရှမ်းပြည်နယ် စည်ပင်သာယာရေးအဖွဲ့အစည်းအဝေးခန်းမ၌ ကျင်းပပြုလုပ်ခဲ့ရာ ရှမ်းပြည်နယ်အစိုးရအဖွဲ့၊ ပြည်နယ် စည်ပင်သာယာရေးဝန်ကြီး ဦးတူးမောင်မှ အဖွင့်အမှာစကား ပြောကြားခဲ့ပြီး အစည်းအဝေးသို့ တက်ရောက်ခဲ့သည့် ပြည်နယ်အဆင့်ဌာနဆိုင်ရာများ၊ မြို့မိမြို့ဖများ၊ မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီဝင်များ၊ မြို့နယ်စည်ပင်သာယာရေး ကော်မတီဝင်များ၊ စျေးအကျိုးတော် ဆောင်အဖွဲ့များက တင်ဒါစိစစ်ရွေးချယ်ရေးဆိုင်ရာများကို အကြံပြုဆွေးနွေးတင်ပြခဲ့ကြပါသည်။ အစည်းအဝေးတွင် တင်ဒါစိစစ်ရွေးချယ်ရေးနှင့် ပတ်သက်၍ စိစစ်ရေးအဖွဲ့များ ဖွဲ့စည်းပြီး စိစစ်ရမည့် အချက်များအပေါ် အခြေခံကာ အဆင့်သတ်မှတ်ချက်များပေး၍ ရွေးချယ်စိစစ်သွားရန် ဆုံးဖြတ် ခဲ့ကြပါသည်။


   ထို့နောက် ကုန်ခြောက်သားငါးစျေး အဆင့်မြင့်တင်တည်ဆောက်ရေးအတွက် တင်ဒါရွေးချယ်ပွဲတွင် တင်ဒါလျှောက်ထားသည့် ကုမ္ပဏီများအား အဖွဲ့(၈)ဖွဲ့ဖြင့် စိစစ်ရွေးချယ်သွားမည်ဖြစ်ပြီး၊ ယင်းအဖွဲ့(၈)ဖွဲ့မှာ −

(၁)    ကုမ္ပဏီများ ခိုင်မာမှုနှင့် တင်ပြသည့် အထောက်အထားများ ပြည့်စုံမှုစိစစ်ရေးအဖွဲ့
(၂)    စျေးအကျိုးအတွက် ကုမ္ပဏီမှ ဆောင်ရွက်ပေးမည့် အစီအမံများ စိစစ်ရေးအဖွဲ့
(၃)    ဆောက်လုပ်မည့် အဆောက်အဦ၏Design Structure နှင့် နည်းပညာစိစစ်ရေးအဖွဲ့
(၄)    ဆောက်လုပ်မှုအတွက် လိုအပ်သော အုပ်ချုပ်မှုဆိုင်ရာ ဖြည့်ဆည်းပေးမည့် အစီအမံစိစစ်ရေးအဖွဲ့
(၅)    သဘာ၀ပတ်၀န်းကျင်နှင့် ဘေးအန္တရာယ်စီမံခန့်ခွဲမှု အခြေအနေစိစစ်ရေးအဖွဲ့
(၆)    စျေးဟောင်းဖျက်သိမ်းခြင်းနှင့် ယာယီစျေးတည်ဆောက်ပေးမည့် အစီအမံစိစစ်ရေးအဖွဲ့
(၇)    စျေးသူစျေးသားများ၏ လိုအပ်ချက်ဖြည့်ဆည်းပေးမည့် အစီအမံစိစစ်ရေးအဖွဲ့
(၈)    အခြားစဉ်းစားသင့်သည့် အချက်များ တင်ပြလာမှုအပေါ်စိစစ်ရေးအဖွဲ့ တို့ဖြစ်ပါသည်။

 

တောင်ကြီးမြို့၌ CDMA – 800MHz တန်ဖိုးနည်း မိုဘိုင်းဖုန်းများ မဲစနစ်ဖြင့် ထုတ်ပေး

‌တောင်ကြီး ဧပြီ ၂၃

 

1

 

 

 

2

 

    အခြေခံလူတန်းစားများ၏ လူမှုဘဝဖွံ့ဖြိုးတိုးတက်စေရန်အတွက် ရှမ်းပြည်နယ်အစိုးရအဖွဲ့၏ စီစဉ်ဆောင်ရွက်မှုဖြင့် ကျပ်(၁၅ဝဝ)နှုန်းနှင့် CDMA – 800MHz တန်ဖိုးနည်း မိုဘိုင်းဖုန်းများအား မဲစနစ်ဖြင့် ထုတ်ပေးခြင်းကို ဧပြီ (၂၃)ရက် နံနက်(၉)နာရီက တောင်ကြီးမြို့  မြို့တော်ခန်းမ၌ ပြုလုပ်ခဲ့သည်။


   ရှေးဦးစွာ တောင်ကြီးမြို့နယ် တန်ဖိုးနည်းမိုဘိုင်းဖုန်းဆင်းကတ်များ ရောင်းချရေးလုပ်ငန်းကော်မတီ ဥက္ကဌ ၊ တောင်ကြီးမြို့နယ်အုပ်ချုပ်ရေးမှူး ဦးဇော်မြင့်သိန်းက တန်ဖိုးနည်းဖုန်းများ မဲစနစ်ဖြင့် ချထားပေးခြင်းနှင့် စပ်လျဉ်း၍ ရှင်းလင်းပြောကြားပြီး ဖုန်းလျှောက်ထားသည့် ပြည်သူများကိုယ်စား ဒေသခံတိုင်းရင်းသားကိုယ်စားလှယ်များက ဖုန်းပေါက်မဲများကို မဲနှိုက်ရွေးချယ်ပေးကြသည်။


   ထိုသို့ တန်ဖိုးနည်းမိုဘိုင်းဖုန်းများ မဲစနစ်ဖြင့် ထုတ်ပေးရာတွင် လျှောက်ထားသူ ပြည်သူပေါင်း(၄၇ဝဝ)ဦးရှိသည့်အနက် (၂၅၅ဝ)ဦး မဲပေါက်မည်ဖြစ်ပြီး မဲမပေါက်သူများကိုလည်း နောင်လာမည့်အကြိမ်တွင် ထည့်သွင်းဆောင်ရွက်ပေးသွားမည်ဖြစ်ကြောင်း တန်ဖိုးနည်းမိုဘိုင်းဖုန်းဆင်းကတ်များ ရောင်းချရေးလုပ်ငန်းကော်မတီ တာဝန်ရှိသူ တစ်ဦးမှ ပြောကြားသွားသည်။

 

 

ပြည်နယ်  ပြန်/ဆက်

 

ရှမ်းပြည်နယ်ဝန်ကြီးချုပ် မျက်စိခွဲစိတ်ကုသမှုခံယူမည့် ဝေဒနာရှင်များအားတွေ့ဆုံအားပေး

တောင်ကြီး  ဧပြီ  ၂၉

 

29.04.2013

 

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်(ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ့၊ နာယက)၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့်  တာဝန်ရှိသူများသည် ဧပြီ(၂၉)ရက် နံနက်(၁ဝ)နာရီက တောင်ကြီးမြို့ စဝ်စံထွန်းဆေးရုံ၌ ပြည်နယ်မိခင်နှင့် ကလေးစောင့်ရှောက်ရေးအဖွဲ့ နှင့် ပြည်နယ်ကျန်းမာရေးဦးစီးဌာနတို့ ပူးပေါင်း၍ အခမဲ့ခွဲစိတ်ကုသပေးမည့် မျက်စိဝေဒနာရှင်များအား သွားရောက်တွေ့ဆုံ အားပေးစကားပြောကြားပြီး ထောက်ပံ့ငွေများ ပေးအပ်ခဲ့သည်။


    ထိုသို့ သွားရောက်တွေ့ဆုံအားပေးစကားပြောကြားရာတွင် စဝ်စံထွန်းဆေးရုံအုပ်ကြီးနှင့် ကျန်းမာရေးဌာန တာဝန်ရှိသူများက လိုက်လံရှင်းလင်းတင်ပြကြသည်။ အဆိုပါ မျက်စိအခမဲ့ခွဲစိတ်ကုသမှုခံယူမည့် တောင်ကြီး၊ အေးသာယာ၊ ရွှေညောင်၊ ရပ်စောက်၊ ပင်းတယ၊ ရွာငံ၊ ဆီဆိုင်၊ ဟိုပုန်း၊ ကလောတို့မှ ဝေဒနာရှင်ပေါင်း(၆၂)ဦး ကုသမှုခံယူနေလျက်ရှိကြောင်း သိရှိရသည်။

 

တန်းဖိုးနည်း မိုဘိုင်းဖုန်းဆင်းကတ်များ ရောင်းချရေးဆောင်ရွက်

တောင်ကြီး   ဧပြီ   ၂၀

 

ရှမ်းပြည်နယ်တွင် တန်းဖိုးနည်း မိုဘိုင်းဖုန်းဆင်းကတ်များကို အများပြည်သူများသို့ ရောင်းချနိုင်ရေးအတွက် ဧပြီ (၁၉)ရက်နေ့မှ စတင်ဆောင်ရွက်ပေးလျက်ရှိပါသည်။

 

CDMA 1

 

CDMA 2

 

CDMA 3

 

CDMA 4

 

CDMA 5

CDMA-6

ပြည်နယ်ဝန်ကြီး ဦးတူးမောင်၊ မိုင်းယန်းမြို့နယ် ဒေသခံပြည်သူများနှင့် တွေ့ဆုံ

တောင်ကြီး  ဧပြီ  ၂၆

 

29---1

 

     ရှမ်းပြည်နယ်အစိုးရအဖွဲ့ဝင်၊ ပြည်နယ်စည်ပင်သာယာရေးဝန်ကြီး ဦးတူးမောင်သည် ဧပြီ(၂၆)ရက် နံနက်(၁ဝ)နာရီက ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်၊ မိုင်းယန်းမြို့နယ်အထွေထွေအုပ်ချုပ်ရေးဦးစီးဌာန၊ ရုံးခန်းမ၌ ဌာနဆိုင်ရာများ၊ ရပ်ကွက်/ကျေးရွာအုပ်ချုပ်ရေးမှူးများ၊ ဒေသခံပြည်သူများနှင့် တွေ့ဆုံပြီး ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေးလုပ်ငန်းစဉ်(၈)ရပ်နှင့် ပတ်သက်၍ ရှင်းလင်းလမ်းညွှန်မှာကြားခဲ့သည်။

 

 

29---2

 


   ဆက်လက်၍ ပြည်နယ်ဝန်ကြီးသည် နေ့လည်(၁)နာရီတွင် မိုင်းယန်းမြို့အတွင်းရှိ မြို့တွင်းလမ်းများ ကတ္တရာခင်းခြင်းလုပ်ငန်းဆောင်ရွက်နေမှုအား သွားရောက်ကြည့်ရှုစစ်ဆေးရာ တာဝန်ရှိသူများက လိုက်လံရှင်းလင်းတင်ပြပြီး ပြည်နယ်ဝန်ကြီးမှ လိုအပ်သည်များကို လမ်းညွှန်မှာကြားခဲ့သည်။

 

 

29---3

 


     ၎င်းနောက် ပြည်နယ်ဝန်ကြီးသည် ဧပြီ(၂၈)ရက် ညနေ(၃)နာရီခွဲတွင် မိုင်းဖြတ်မြို့နယ်အတွင်း Grate Five ကုမ္ပဏီမှ ဆောင်ရွက်လျက်ရှိသည့် ဝမ်ပုံ - နမ့်ယွန်း - နမ့်ပန် လမ်းအရှည်(၆)မိုင် လမ်းခင်းနေမှုအား သွားရောက်ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြပြီး ပြည်နယ်ဝန်ကြီးမှ လမ်းရေရှည်ကြံ့ခိုင်မှုရှိရေး၊ အရည်အသွေးကောင်းမွန်အောင် ဆောင်ရွက်ရေးတို့ကို လမ်းညွှန်မှာကြားခဲ့သည်။

 

အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် ရာပြည့်နာရီစင်ဖွင့်ပွဲကျင်းပ

တောင်ကြီး  ဧပြီ  ၁၇

 

06

 

07

 

   အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် ရာပြည့်နာရီစင်ဖွင့်ပွဲအခမ်းအနားကို ဧပြီ(၁၇)ရက် နံနက်(၉)နာရီက အောင်ပန်းမြို့လည်ရှိ အဆိုပါနာရီစင်ရှေ့၌ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဒေသခံတိုင်းရင်းသားပြည်သူများ၊ ဖိတ်ကြားထားသော ဧည့်သည်တော်များ တက်ရောက်ကြသည်။


  အခမ်းအနားတွင် ပြည်နယ်ဝန်ကြီးချုပ် ဦးစဝ်အောင်မြတ်၊ အောင်ပန်းမြို့ နှစ်(၁ဝဝ)ပြည့်ပွဲတော်ဖြစ်မြောက်ရေး ဗဟိုကော်မတီ ဥက္ကဌ ဦးသိန်းဝင်းနှင့် အာရှစိမ်းလန်းမှုဖွံ့ဖြိုးရေးဘဏ် ဒုတိယဥက္ကဌ ဦးအောင်သိန်းဝင်းတို့က ရာပြည့်နာရီစင်အား ဖဲကြိုးဖြတ်ဖွင့်လှစ်ပေးပြီး ပြည်နယ်ဝန်ကြီးချုပ်က စက်ခလုပ်နှိပ်ဖွင့်လှစ်ပေးသည်။ ထို့နောက် ပြည်နယ်ဝန်ကြီးချုပ်နှင့် ဧည့်သည်တော်များသည် ဒေသခံတိုင်းရင်းသားများနှင့် အတူ အမှတ်တရမှတ်တမ်းတင် ဓာတ်ပုံရိုက်ကူးခဲ့ကြသည်။

 

 

ပြည်နယ်ပြန်/ဆက်

အတိဒုလ္လဘတရ ဥပသမ္ပဒ ပဗ္ဗဇ္ဇသာမဏေရမင်္ဂလာနှင့် ဗုဒ္ဓဘာသာအဆုံးအမခံယူပွဲ နယ်စပ်တောင်တန်းဒေသ သာသနာနုဂ္ဂဟအသင်းဝင်ကတ်များပေးအပ်လှူဒါန်း

တောင်ကြီး  ဧပြီ   ၂၉

 

1

 

2

 

     ရှမ်းပြည်နယ်(မြောက်ပိုင်း) ကွမ်းလုံမြို့ ပြည်သူ့အားကစားကွင်း၌ ကွမ်းလုံ၊ ချင်းရေွှဟော်၊ ဟိုပန်နှင့် သိန်းနီမြို့နယ်တို့မှ သာမဏေ (၁၀၈)ပါး၊ ရဟန်းအပါး (၃၀)တို့၏ အတိဒုလ္လဘတရ ဥပသမ္ပဒ ပဗ္ဗဇ္ဇသာမဏေရမင်္ဂလာနှင့် ဗုဒ္ဓဘာသာအဆုံးအမခံယူပွဲ၊ နယ်စပ်တောင်တန်းဒေသ သာသနာနုဂ္ဂဟ အသင်းဝင်ကတ်များ    ပေးအပ်လှူဒါန်းပွဲ အခမ်းအနားကို ဧပြီ ၉ ရက် နံနက်ပိုင်းက ကျင်းပသည်။


     အခမ်းအနားတွင် နိုင်ငံတော် သံဃမဟာနာယက ဒုတိယဥက္ကဌ အဂ္ဂမဟာပဏ္ဍိတ ရေဦး ဆရာတော် ဘဒ္ဒန္တဥတ္တမ ဉာဏာဘိဝံသ ထံမှ ဧည့်ပရိတ်သတ်များက ငါးပါးသီလခံယူ ဆောက်တည်ကြသည်။


     ဆက်လက်၍ နိုင်ငံတော်ဗဟိုသံဃဝန်ဆောင် မိုးကုတ်မြို့ ညောင်သုံးပင် ပရိယတ္တိ စာသင်တိုက် ဆရာတော်က ကိုးကန့်အထူးတိုက်ခိုက်ရေးခေါင်းဆောင် ဦးဟော်ရှောက်ချမ်း နှင့် "ဝ"ကိုယ်ပိုင်အုပ်ချုပ်ခွင့်ရတိုင်း ဥက္ကဌ ဦးခွန်ထွန်းလူတို့အား ဗုဒ္ဓရုပ်ပွား ဆင်းတုတော်များကို လည်းကောင်း၊ ပြည်ထောင်စုဝန်ကြီး ဦးဆန်းဆင့်နှင့် ဇနီး ဒေါ်ခင်မလေးတို့က ဗုဒ္ဓ အဆုံးအမခံယူလာသူများကိုယ်စား ကိုးကန့်တိုင်းရင်းသား ဦးလင်ဟုန်ရှမ်ထံ ဗုဒ္ဓဆင်းတုတော်နှင့် အဝတ်အထည်များကို လည်းကောင်း၊ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းက ဗုဒ္ဓအဆုံးအမခံယူလာသူများကိုယ်စား "ဝ"တိုင်းရင်းသား ဦးအိုက်မောင်ထံ ဘုရားပုံတော်ပါ လည်ဆွဲ ရတနာများကို လည်းကောင်း ပေးအပ်လှူဒါန်းကြသည်။


     ထို့နောက် ညွှန်ကြားရေးမှူးချုပ် ဦးခိုင်အောင်က မြန်မာနိုင်ငံလုံးဆိုင်ရာ ထေရဝါဒ ဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသ သာသနာနုဂ္ဂဟ အသင်းဝင်ကတ်များအား ကွမ်းလုံ မြို့နယ် သာသနာနုဂ္ဂဟအသင်း ဥက္ကဌ ဦးကျော်သန်းထွန်းထံသို့ လည်းကောင်း၊ မြန်မာနိုင်ငံလုံးဆိုင်ရာ ထေရဝါဒ ဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသသာသနာနုဂ္ဂဟအသင်း(ဗဟို) ကော်မတီဝင် သီရိသုဓမ္မမဏိ ဇောတဓရ ဦးအောင်သိန်းနှင့် ဇနီး ဒေါ်ခင်လှသိန်းတို့က ပုတီး (၅၆၂၂)ကုံးကို ဗုဒ္ဓအဆုံးအမခံယူလာသူများ (၅၇၇၃-ဦး)ကိုယ်စား ကိုးကန့်တိုင်းရင်းသား ဦးလောင်ဟယ်အား လည်းကောင်း ပေးအပ်လှူဒါန်းကြသည်။

 

အောင်ပန်းမြို့တည် နှစ်(၁ဝဝ)ပြည့်အထိမ်းအမှတ် မြို့တည်ခေါင်းလောင်းဖွင့်ပွဲကျင်းပ

တောင်ကြီး  ဧပြီ  ၁၇

 

01

 

02

 

03

 

04

 

   အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် မြို့တည်ခေါင်းလောင်းဖွင့်ပွဲ အခမ်းအနားကို ဧပြီ(၁၇)ရက် နံနက်(၈)နာရီခွဲက အောင်ပန်းမြို့ မြို့မပြင်သာကျောင်းတိုက်၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ဒေသခံပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြသည်။


    ရှေးဦးစွာ ပြည်နယ်ဝန်ကြီးချုပ်နှင့် ဧည့်သည်တော်များသည် အောင်းပန်းမြို့ မြို့မပြင်သာကျောင်းတိုက်ဆရာတော်အား ဖူးမျှော်ကြည်ညိုကြပြီး လှူဘွယ်ဝတ္ထုပစ္စည်းများ ဆက်ကပ်လှူဒါန်းကြသည်။


  ဆက်လက်ပြီး အဆိုပါကျောင်းတိုက်အတွင်းရှိ အောင်ပန်းမြို့တည် နှစ်(၁ဝဝ)ပြည့် အထိမ်းအမှတ် ခေါင်းလောင်းစင်အား ပြည်နယ်ဝန်ကြီးချုပ်နှင့် အောင်ပန်းနှစ်(၁ဝဝ)ပြည့်ပွဲတော် ဖြစ်မြောက်ရေး ဗဟိုကော်မတီဝင်(၂)ဦးတို့က ဖဲကြိုးဖြတ်ဖွင့်လှစ်ပေးပြီး ခေါင်းလောင်းစင်အတွင်း လှည့်လည်ကြည့်ရှု၍ ခေါင်းလောင်းကို(၃)ချက်တီးခတ်ပူဇော်ခဲ့သည်။ ထို့နောက်ပြည်နယ်ဝန်ကြီးချုပ်နှင့်ဧည့်သည်တော်များသည် အောင်ပန်းမြို့တည်ထောင်ခဲ့သူများ၏ ဆွေမျိုးများနှင့် အတူ အမှတ်တရ မှတ်တမ်းတင်ဓာတ်ပုံရိုက်ကူးခဲ့သည်။

 


ပြည်နယ်ပြန်/ဆက်

ရှမ်းပြည်နယ် တောင်ကြီးမြို့၌ ကျပ်(၁၅ဝဝ)တန်ဖုန်းများ စတင်ထုတ်ပေး

တောင်ကြီး   ဧပြီ   ၂၄

 

CDMA

 

  ရှမ်းပြည်နယ်၊ တောင်ကြီးမြို့၌ ကျပ်(၁၅ဝဝ)တန်ဖုန်းကတ်များကို မဲပေါက်သူများကို ဧပြီ(၂၄)ရက် နံနက်(၉)နာရီမှစတင်၍ တောင်ကြီးမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံး၌ ထုတ်ပေးလျှက်ရှိရာ လာရောက်ထုတ်ယူသူများနှင့် စည်ကားလျှက်ရှိသည်။


   ထိုသို့ ထုတ်ယူရာတွင် မှတ်ပုံတင်နှင့် ရောင်စုံဓာတ်ပုံ(၂)ပုံနှင့် အတူ လူကိုယ်တိုင်ဖြစ်စေ၊ ကိုယ်စားလွှတ်၍ဖြစ်စေ လာရောက်ထုတ်ယူနိုင်ကြောင်းနှင့် မဲပေါက်သူများ၏ စာရင်းများကိုလည်း မြို့နယ်အုပ်ချုပ်ရေးမှူးရုံး မြောက်ဘက်ရှိ မြို့တော်ခန်းမတွင် ကြော်ငြာသင်ပုန်းထောင်၍ မိမိပေါက်မဲနံပါတ်များကို ကြည့်ရှုစုံစမ်းနိုင်သည်။

၁၃၇၅ ခု၊မြန်မာနှစ်ဆန်း(၁)ရက်နေ့၊ ရှမ်းပြည်နယ်အစိုးရအဖွဲ့မှ တတိယအကြိမ်မြောက် သက်ကြီးပူဇော်ပွဲနှင့် ဇီဝိတဒါန ငါးလွှတ်ပွဲကျင်းပ

တောင်ကြီး   ဧပြီ  ၁၇

 

004

 

005

 

001

 

  ရှမ်းပြည်နယ်အစိုးရအဖွဲ့မှ ကြီးမှူးကျင်းပသည့် တတိယအကြိမ်မြောက် သက်ကြီးပူဇော်ပွဲကို ၁၃၇၅ ခု၊ မြန်မာနှစ်ဆန်း(၁)ရက်၊ ဧပြီ(၁၇)ရက် မွန်းလွှဲ(၃)နာရီက တောင်ကြီးမြို့ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွန့်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ လူမှုရေးအသင်းအဖွဲ့များနှင့် ကန်တော့ခံအဘိုးအဘွားများ တက်ရောက်ခဲ့ကြသည်။


    ရှေးဦးစွာ အခမ်းအနားကို နမောတဿ သုံးကြိမ်ရွတ်ဆိုဘုရားကန်တော့ဖွင့်လှစ်ပြီး ပြည်နယ်အစိုးရအဖွဲ့၊ အတွင်းရေးမှူး ဦးရဲနိုင်အောင်က သက်ကြီးပူဇော်ပွဲနှင့် ပတ်သက်၍ ရှင်းလင်းပြီး ပြည်နယ်ဝန်ကြီးချုပ်မှ ဦးဆောင်ပြီး ဧည့်ပရိတ်သတ်အပေါင်းမှ ဘိုးဘွားများအား ပူဇော်ကန်တော့၍ အလှူငွေနှင့် ကန်တော့ပစ္စည်းများ ပေးအပ်လှူဒါန်းခဲ့သည်။


    ထို့နောက် အဘိုးအဘွားများကိုယ်စား အသက်(၈၈)နှစ်ရှိ ဦးကောင်စစ်(ဗိုလ်မှူးကြီးအငြိမ်းစား)က ဆုတောင်းမေတ္တာ ပို့သပေးသည်။ အဆိုပါ သက်ကြီးပူဇော်ပွဲသို့ တောင်ကြီးမြို့ပေါ်ရှိ အသက်(၅၈)နှစ်အထက် အဘိုးအဘွား(၂ဝ၈)ဦးရှိသည့်အနက် (၉ဝ)ဦးတက်ရောက်ခဲ့ပြီး မတက်ရောက်နိုင်သည့် အဘိုးအဘွားများအား အိမ်အရောက်အလှူငွေနှင့် ကန်တော့ပစ္စည်းများပေးအပ်ခဲ့ကြသည်။

 

002

 

003

 

   ၎င်းနောက် ညနေ(၄)နာရီတွင် ပြည်နယ်ဝန်ကြီးချုပ်နှင့်ဇနီး ၊ တာဝန်ရှိသူတို့သည် တောင်ကြီးမြို့၊ မြကန်သာပန်းခြံအတွင်းရှိ ရေကန်အတွင်းသို့ ဇီဝိတဒါနအဖြစ် ငါးကောင်ရေ(၁၅ဝဝဝဝ)လွှတ်ပေးခဲ့ကြသည်။

More Articles...

  1. နိုင်ငံခြားသံတမန်အဖွဲ့များ ရှမ်းပြည်နယ်(အရှေ့ပိုင်း)၊ အထူးဒေသ(၄)၊ မိုင်းလားမြို့သို့ အလည်အပတ်ရောက်ရှိ
  2. နိုင်ငံခြားသံတမန်အဖွဲ့များ ကျိုင်းတုံမြို့သို့ အလည်အပတ်ရောက်ရှိ
  3. တောင်ကြီးမြို့တွင် အလည်အပတ်ရောက်ရှိနေသော နိုင်ငံခြားသံတမန်အဖွဲ့ဝင်များ ပင်းတယမြို့ ရွှေဥမှင်သဘာဝလိုဏ်ဂူဘုရားသို့ ရောက်ရှိလေ့လာ
  4. နိုင်ငံခြားသံတမန်အဖွဲ့ဝင်များ ရှမ်းပြည်နယ် တောင်ကြီးမြို့သို့ အလည်အပတ်ရောက်ရှိ
  5. ၁၃၇၄-ခု တောင်ကြီးမြို့၊ မြန်မာ့ရိုးရာ မဟာသင်္ကြန်ပွဲတော် ပိတ်ပွဲ အခမ်းအနားကျင်းပ
  6. အင်းလေးဒေသဇုန်ဝင်ခွင့် ကောက်ခံခြင်းလုပ်ငန်းလိုင်စင်ခွင့်ပြုခြင်း
  7. ပြည်နယ်ဝန်ကြီးချုပ် နှင့် ဇနီး မိသားစု ရဟန်းခံ၊ ရှင်ပြုအလှူတော်မင်္ဂလာ
  8. အင်းလေးဒေသဟိုတယ်ဇုန် မြေနေရာချထားခြင်း
  9. ၁၃၇၄ခု တောင်ကြီးမဟာသင်္ကြန် ဖွင့်ပွဲကျင်းပ
  10. ပြည်နယ်ဝန်ကြီး ဦးတူးမောင် အား မြို့ရေထွက်၊ ရေကန်များ ကွင်းဆင်းစစ်ဆေး

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

yin-nackရှမ်းပြည်နယ်(တောင်ပိုင်း) နမ့်စန်၊ မိုးနဲနှင့် ကျေးသီးမြို့နယ်များတွင် အများဆုံး နေထိုင်ကြသည်။

We have 283 guests and no members online