သတင်းများ

Articles

ပြန်လည်စွန့်လွှတ်အပ်နှံလာသည့် မြေယာများအား မူလတောင်သူများထံသို့ ယာယီလုပ်ပိုင်ခွင့်ပြုလက်မှတ်ပုံစံ(၃)များပေးအပ်

ကလော            စက်တင်ဘာ   -  

212

ရှမ်းပြည်နယ် တောင်ကြီးခရိုင် ကလောမြို့နယ်အတွင်း စက်မှုဝန်ကြီးဌာနမှနိုင်ငံသို့ ပြန်လည်စွန့်လွှတ်အပ်နှံလာသည့် မြေယာများအား မူလတောင်သူများထံသို့ ယာယီလုပ်ပိုင်ခွင့်ပြုလက်မှတ်ပုံစံ(၃)ပေးအပ်ပွဲကို စက်တင်ဘာ(၆)ရက် နံနက်(၁၀) နာရီက ကလောမြို့နယ် မြို့နယ်ခန်းမ၌ကျင်းပသည်။

ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီဥက္ကဋ္ဌ ပြည်နယ် ဝန်ကြီးချုပ် ဒေါက်တာလင်းထွဋ်က စိုက်ပျိုးရေးကိုအခြေခံသောနိုင်ငံတွင် လယ်ယာမြေသည် လယ်သမားများအတွက် အသက် သွေးကြောဖြစ်ပါကြောင်း၊ လယ်သမားများအတွက် အသက်တမျှအရေးကြီးလှသော လယ်ယာမြေများ ပြန်လည်ရရှိရန် အစိုးရ အနေဖြင့် ဦးစားပေးအထူးတာဝန်တစ်ရပ်သတ်မှတ်ပြီး ဆောင်ရွက်နေတာဖြစ်ကြောင်း၊ အကြောင်းအမျိုးမျိုးကြောင့် သိမ်းဆည်း မြေယာများထဲမှ အသုံးမပြုတော့သည့် မြေယာများကို ပြန်လည်စွန့်လွှတ်ရာမှ မူလပိုင်ရှင်များထံ မြန်မြန်ရောက်ပြီး၊ စောစော အကျိုးခံစားနိုင်ရန် စိုက်ပျိုးရာသီအမီ အမြန်လွှဲပြောင်းပေးနိုင်ရန်အတွက် အစိုးရအနေဖြင့် ပွင့်လင်းမြင်သာမှုရှိပြီး ရေရှည်ဖွံ့ဖြိုး မှုဖြစ်စေမည့်မူဝါဒနှင့်လုပ်ငန်းစဉ်ချမှတ်ကာ စနစ်တကျစိစစ်လွှဲပြောင်းပေးနိုင်ရေး ဆောင်ရွက်လျက်ရှိပါကြောင်း၊ ကလော မြို့နယ်အတွင်း စက်မှုဝန်ကြီးဌာန၊ မြန်မာ့ဆေးဝါးလုပ်ငန်းမှ ပြန်လည်စွန့်လွှတ်အပ်နှံသော မြေဧရိယာ(၁၆၉.၁၂)ဧကအနက် လယ်ယာမြေ(၁၅၄.၂၇)ဧကဦးပိုင်(၁၄၃)ခုအား တောင်သူ(၁၂၄)ဦးလက်ဝယ်သို့ ယာယီလုပ်ပိုင်ခွင့်ပြုလက်မှတ်ပုံစံ() လွှဲပြောင်း ပေးအပ်သွားမှာဖြစ်ကြောင်း၊ ရှမ်းပြည်နယ်အတွင်းတွင် ပြန်လည်စွန့်လွှတ်အပ်နှံမြေများကို သက်ဆိုင်ရာတောင်သူများထံသို့ ပြန်လည်ပေးအပ်ပွဲကျင်းပနိုင်ရေးအတွက် ဆောင်ရွက်ပေးခဲ့ကြသော မြေစွန့်လွှတ်သည့် စက်မှုဝန်ကြီးဌာန၊ တောင်သူများ လက်ဝယ်ပြန်လည်ပေးအပ်နိုင်ရေး ကြိုးပမ်းခဲ့ကြသော ဌာနဆိုင်ရာအသီးသီးက တာဝန်ရှိသူများကို ရှမ်းပြည်နယ် လယ်ယာမြေ နှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီကိုယ်စား ကျေးဇူးတင်အသိအမှတ်ပြုပါကြောင်းနှင့် တောင်သူများအနေဖြင့် ရရှိလာသောမြေများကို စိုက်ပျိုးလုပ်ကိုင်ရာတွင် မိမိတို့တစ်ကိုယ်ရေ တစ်မိသားစု ဝမ်းစာဖူလုံရေးမှ တစ်ဆင့် နိုင်ငံစီးပွားတိုးတက်မှုကို အထောက်အကူပြုနိုင်သော ကုန်ထုတ်လယ်ယာမြေများဖြစ်အောင် ကြိုးပမ်းဆောင်ရွက် သွားကြရန်ပြောကြားသွားသည်။

ဆက်လက်၍ ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ ဒုတိယဥက္ကဋ္ဌ ပြည်နယ်စိုက်ပျိုးရေး မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က ရှမ်းပြည်နယ်အတွင်း မြေယာကိစ္စ တိုင်ကြားစာများအပေါ် ဖြေရှင်းဆောင်ရွက်မှုအခြေအနေနှင့် စွန့်လွှတ်မြေများကိုမူ တောင်သူများထံသို့ ပြန်လည်လွှဲပြောင်း ပေးအပ်မှုအခြေအနေအား ရှင်းလင်းတင်ပြပြီး၊ ပုံစံ(၃)များပေးအပ်ရာ ဟဲဟိုးမြို့ ပုန်းအင်းကျေးရွာတောင်သူများနှင့် ဟဲဟိုးမြို့ ဝါးရုံပင်ကျေးရွာတောင်သူများ၊ ဘော်နင်းကျေးရွာအုပ်စု မြက်ဆက်တောင်ကျေးရွာတောင်သူများနှင့် ညောင်ခါးရှည်ကျေးရွာ၊ ဆူးပန်းအင်းကျေးရွာတောင်သူများအား ပြည်နယ်ဝန်ကြီးချုပ်ဒေါက်တာလင်းထွဋ်၊ ပြည်နယ်ဝန်ကြီးများနှင့် ပြည်သူ့ လွှတ်တော်၊ ပြည်နယ်လွှတ်တော်ကိုယ်စားလှယ်များ၊ အစိုးရအဖွဲ့အတွင်းရေးမှူးတို့မှ အသီးသီးပေးအပ်ကြကာ ယာယီ လုပ်ပိုင်ခွင့်ပြုလက်မှတ်ပုံစံ(၃)များ လက်ခံရရှိသည့်တောင်သူများကိုယ်စား တောင်သူတစ်ဦးမှကျေးဇူး တင်စကား ပြန်လည် ပြောကြားကြောင်းသိရသည်။

ထို့နောက် ပြည်နယ်ဝန်ကြီးချုပ်နှင့်ပြည်နယ်ဝန်ကြီးများ၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ တာဝန်ရှိသူ များသည် ပင်းတယမြို့နယ် ကျုံးကျေးရွာဘုန်းတော်ကြီးကျောင်း၌ ရွေ့လျားဝန်ဆောင်မှုဆောင်ရွက်နေသော ဌာနများအား လှည့်လည်ကြည့်ရှုအားပေးပြီး၊ ဝန်ဆောင်မှုအတွင်း ဆောင်ရွက်ပြီးစီးသော နိုင်ငံသားမှတ်ပုံတင်စိစစ်ရေးကဒ် လယ်ယာမြေပုံစံ (၇)မွေးစာရင်း၊ ယာဉ်မောင်းလိုင်စင်ကဒ်သစ်ပင်များတို့ကို ဒေသခံပြည်သူ့များအား ပြည်နယ်ဝန်ကြီးချုပ်၊ ပြည်နယ်ဝန်ကြီးများ နှင့် တာဝန်ရှိသူတို့မှ အသီးသီးပေးအပ်ခဲ့ကြောင်းသိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

ပြန်လည်စွန့်လွှတ်အပ်နှံလာသည့် မြေယာများအား မူလတောင်သူများထံသို့ ယာယီလုပ်ပိုင်ခွင့်ပြုလက်မှတ်ပုံစံ(၃)များပေးအပ်

ပင်းတယ          စက်တင်ဘာ   -  

213

ရှမ်းပြည်နယ် ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နယ်အတွင်း စက်မှုဝန်ကြီးဌာနမှနိုင်ငံသို့ ပြန်လည်စွန့်လွှတ် အပ်နှံလာသည့် မြေယာများအား မူလတောင်သူများထံသို့ ယာယီလုပ်ပိုင်ခွင့်ပြုလက်မှတ်ပုံစံ(၃)ပေးအပ်ပွဲကို စက်တင်ဘာ(၆) ရက်မွန်းလွဲ(၁)နာရီက ပင်းတယမြို့နယ် ဒေသဦးစီးခန်းမ၌ကျင်းပသည်။

ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီဥက္ကဋ္ဌ ပြည်နယ် ဝန်ကြီးချုပ် ဒေါက်တာလင်းထွဋ်က မိမိတို့အစိုးရတာဝန်ယူစဉ်ကာလအတွင်း လယ်ယာမြေနှင့်အခြားမြေများ သိမ်းဆည်းခြင်း ခံရမှုများ ပြန်လည်စိစစ်ရေးဗဟိုကော်မတီဖွဲ့စည်းပြီးနောက် ရှမ်းပြည်နယ်အတွင်း စွန့်လွှတ်အပ်နှံမြေဧရိယာ (၃၁၃၅၆.၇၉၈) ဧကရှိခဲ့ပြီး၊ အဆိုပါဧရိယာတွင် သက်ဆိုင်ရာပြည်နယ်၊ ခရိုင်၊ မြို့နယ်၊ ရပ်ကွက်/ကျေးရွာအုပ်စု၊ လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီအဆင့်ဆင့်၏ စိစစ်ချက်အရ တောင်သူများထံ ယာယီလုပ်ပိုင်ခွင့်ပြု လက်မှတ်ပုံစံ()ပေးအပ်နိုင်သော မြေဧရိယာ(၁၀၆၉၀.၂၂၇)ဧကအနက် မြေဧရိယာ(၉၈၂၆.၃၈၇)ဧကကို တောင်သူများထံ ပြန်လည်လွှဲပြောင်းပေးအပ်နိုင်ခဲ့ပြီး၊ ရှမ်းပြည်နယ်တွင်မြေဧရိယာ(၆၄၉.၁၂)ဧကကို တောင်သူများထံ လွှဲပြောင်းပေးအပ်သွားမှာ ဖြစ်၍မြေဧရိယာ(၈၆၃.၈၄၀)ဧကကိုလည်း တောင်သူများထံသို့ ထပ်မံလွှဲပြောင်းပေးအပ်နိုင်ရေးကော်မတီအဆင့်ဆင့်မှ စိစစ် ဆောင်ရွက်လျက်ရှိပါကြောင်း၊ တောင်ကြီးခရိုင် ပင်းတယမြို့နယ်အတွင်း စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာန ကအသုံးပြုရန်လိုအပ်မှုမရှိသဖြင့် ပြန်လည်စွန့်လွှတ်ခဲ့သည့် မြေဧရိယာ(၄၈၀)ဧကအနက်မှ မြေယာအငြင်းပွားမှုကင်းရှင်းသော တောင်သူ(၂၇)ဦးအား ဧရိယာ(၁၂၃)ဧကကို တောင်သူများလက်ဝယ်သို့ ယာယီလုပ်ပိုင်ခွင့်ပြုလက်မှတ်ပုံစံ()ဖြင့် လွှဲပြောင်း ပေးအပ်သွားမှာဖြစ်ပြီး၊ ကျန်မြေဧရိယာ(၃၅၇)ဧကကိုလည်း မြေပြင်တွင် စိုက်ပျိုးလုပ်ကိုင်နေသောတောင်သူများနှင့် မြေမဲ့ယာမဲ့ တောင်သူများကိုလုပ်ပိုင်ခွင့်၊ အသုံးပြုခွင့် ချထားပေးနိုင်ရေးအတွက် ရှမ်းပြည်နယ်အစိုးရအဖွဲ့မှ စီမံခန့်ခွဲပိုင်ခွင့်ရှိသောမြေ အဖြစ် လွှဲပြောင်းပေးအပ်သွားမှာဖြစ်ကြောင်း ပြောကြားသွားသည်။

ဆက်လက်၍ ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ ဒုတိယဥက္ကဋ္ဌ ပြည်နယ်စိုက်ပျိုးရေး မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်က ရှမ်းပြည်နယ်အတွင်း မြေယာကိစ္စ တိုင်ကြားစာများအပေါ် ဖြေရှင်းဆောင်ရွက်မှုအခြေအနေနှင့် စွန့်လွှတ်မြေများကိုမူ တောင်သူများထံသို့ ပြန်လည်လွှဲပြောင်း ပေးအပ်မှုအခြေအနေအား ရှင်းလင်းတင်ပြပြီး၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးအာကာလင်းမှ ဒေသအတွင်း ဆောင်ရွက်ထားရှိမှုအခြေအနေအားရှင်းလင်းတင်ပြ၍ ယာယီလုပ်ပိုင်ခွင့်ပြုလက်မှတ်ပုံစံ(၃)များပေးအပ်ရာ ပေါစံသီးကျေးရွာ နေတောင်သူအား ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီဥက္ကဋ္ဌ ပြည်နယ်ဝန်ကြီးချုပ် ဒေါက်တာလင်းထွဋ်မှ ပေးအပ်၍လည်းကောင်း၊ ပေါစံသီးကျေးရွာ၊ ပဲရင်းတောင်ကျေးရွာ တောင်သူများ အားပြည်နယ်ဝန်ကြီးများ၊ ဒေသဦးစီးဥက္ကဋ္ဌနှင့် ပြည်သူ့လွှတ်တော်၊ အမျိုးသားလွှတ်တော်၊ ပြည်နယ်လွှတ်တော်ကိုယ်စားလှယ် အသီးသီးတို့မှပေးအပ်ခဲ့ကြပြီး၊ ယာယီလုပ်ပိုင်ခွင့်ပြုလက်မှတ်ပုံစံ(၃)များ လက်ခံရရှိသည့် တောင်သူများကိုယ်စား တောင်သူ ဦးစံကင်းမှ ကျေးဇူးတင်စကားပြန်လည်ပြောကြားကြောင်း သိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

တောင်ကြီးကွန်ပျူတာတက္ကသိုလ်၌ ထုတ်ကုန်ပြပွဲ (Product Show 2019) ကျင်းပ

တောင်ကြီး       စက်တင်ဘာ - ၆

211

            ရှမ်းပြည်နယ်(တောင်ပိုင်း)၊ တောင်ကြီးမြို့၊ နောင်လေကျေးရွာအုပ်စု၊ မဲသောင်းကျေးရွာ၊ တောင်ကြီး- ဟိုပုံးသွားလမ်းရှိ တောင်ကြီးကွန်ပျူတာတက္ကသိုလ်မှ ကြီးမှူး၍ တတိယအကြိမ်မြောက် ထုတ်ကုန်ပြပွဲ (Product Show 2019) ကျင်းပခဲ့ကြောင်း သိရသည်။

            အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာ မျိုးထွန်းမှ ပြည်ထောင်စုမြန်မာနိုင်ငံတော်ကို အေးချမ်းသာယာပြီး ခေတ်မီဖွံ့ဖြိုးတိုးတက် သည့် ဒီမိုကရေစီနိုင်ငံတစ်နိုင်ငံ ဖြစ်လာစေရေးအတွက် နိုင်ငံတော်က ချမှတ်ထားသည့် နိုင်ငံရေး၊ စီးပွားရေးနှင့် လူမှုရေးဦးတည်ချက်များကို အကောင်အထည်ဖော်သည့် နေရာများ IT နည်းပညာသည် အလွန်အရေးပါသည့် အခန်းကဏ္ဍမှာ ပါဝင်နေပါ ကြောင်း၊  ယနေ့ကမ္ဘာသည် Globalization ခေတ်ကို ရောက်နေပြီဖြစ်သည်နှင့်အညီ ကမ္ဘာတစ်ဝှမ်းလုံးတွင် IT နည်းပညာ၏ တိုးတက်ပြောင်းလဲမှုသည် နိုင်ငံတိုင်း၏ စီးပွားရေး၊ လူမှုရေးတိုးတက်မှုအတွက် များစွာအထောက်အကူပေးလျက်ရှိပါကြောင်း၊ နည်းပညာ၊ အတတ်ပညာ တက်မြောက်ထားသည့် လူငယ်လူရွယ် များစွာရှိသည့် နိုင်ငံဖြစ်မှသာ နိုင်ငံတော်၏ နိုင်ငံရေး၊ စီးပွားရေးဖွံ့ဖြိုးတိုးတက်မှု အရှိန်အဟုန်ကို မြှင့်တင်ဆောင်ရွက်နိုင်မည် ဖြစ်ပါကြောင်း၊ တောင်ကြီးကွန်ပျူတာတက္ကသိုလ်မှ ကျောင်းသား/ကျောင်းသူများ၏ တီထွင်ဖန်တီးနိုင်မှုများကြောင့် နိုင်ငံတကာပြိုင်ပွဲမှာ ပထမဆုကို ရရှိခဲ့ကြောင်း ကြားသိရသည့်အတွက် ပြည်နယ်၏ ဂုဏ်ကို မြှင့်တင်ပေးနိုင်သော တက္ကသိုလ်တစ်ခုအဖြစ် ဝမ်းမြောက်ဂုဏ်ယူပါကြောင်း အဖွင့်အမှာစကား၌ ပြောကြား သွားသည်။ ထို့နောက် တောင်ကြီးကွန်ပျူတာတက္ကသိုလ်မှ ပါမောက္ခ ဒေါက်တာ သင်းသုနိုင်က တတိယအကြိမ် မြောက် ထုတ်ကုန်ပြပွဲ ဖြစ်မြောက်ရေးအတွက် ဝိုင်းဝန်းကူညီဆောင်ရွက်ပေးသော ကွန်ပျူတာပညာရှင်များအား အမှတ်တရလက်ဆောင်ပစ္စည်းများ ပေးအပ်ကာ စုပေါင်းမှတ်တမ်းတင်ဓာတ်ပုံရိုက်ကူးခဲ့သည်။

            ဆက်လက်၍ ပြည်နယ်လူမှုရေးဝန်ကြီး ဒေါက်တာ မျိုးထွန်းနှင့် တက်ရောက်လာကြသူများက ကုန်ထုတ်ပြပွဲ တွင် ကွန်ပျူတာတက္ကသိုလ် (တောင်ကြီး)မှ ကျောင်းသား/ကျောင်းသူများမှ တီထွင်ထားသော ထုတ်ကုန်ပစ္စည်း ၃၇ မျိုး ပြထားမှုများကို လိုက်လံကြည့်ရှုအားပေးကာ Dynamicweb APAC မှ ဒါရိုက်တာ Mr. Puspak Patro က မြန်မာနိုင်ငံ၏ အီလက်ထရောနစ် စီးပွားရေးအကြောင်း၏ အနာဂတ်လမ်းကြောင်းများကို ဆွေးနွေးပြောကြားပြီး Founder of Ahtar Oo Co.Ltd မှ တည်ထောင်သူ ဦးအောင်အောင်က ကွန်ပျူတာလုပ်ငန်း အတွေ့အကြုံများကို ဆွေးနွေးဖလှယ်ပေးပြီး တက်ရောက်လာကြသူများက ကွန်ပျူတာနှင့်ပတ်သက်သည့် အကြောင်းအရာများ၊ IT, ICT နည်းပညာများအကြောင်းများကို ဟောပြောဆွေးနွေးခဲ့ကြကြောင်း သိရသည်။

အစရ(ရှမ်း)

တောင်ကြီးကွန်ပျူတာတက္ကသိုလ်၌ ထုတ်ကုန်ပြပွဲ (Product Show 2019) ကျင်းပ

တောင်ကြီး       စက်တင်ဘာ - ၆

211

            ရှမ်းပြည်နယ်(တောင်ပိုင်း)၊ တောင်ကြီးမြို့၊ နောင်လေကျေးရွာအုပ်စု၊ မဲသောင်းကျေးရွာ၊ တောင်ကြီး- ဟိုပုံးသွားလမ်းရှိ တောင်ကြီးကွန်ပျူတာတက္ကသိုလ်မှ ကြီးမှူး၍ တတိယအကြိမ်မြောက် ထုတ်ကုန်ပြပွဲ (Product Show 2019) ကျင်းပခဲ့ကြောင်း သိရသည်။

            အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာ မျိုးထွန်းမှ ပြည်ထောင်စုမြန်မာနိုင်ငံတော်ကို အေးချမ်းသာယာပြီး ခေတ်မီဖွံ့ဖြိုးတိုးတက် သည့် ဒီမိုကရေစီနိုင်ငံတစ်နိုင်ငံ ဖြစ်လာစေရေးအတွက် နိုင်ငံတော်က ချမှတ်ထားသည့် နိုင်ငံရေး၊ စီးပွားရေးနှင့် လူမှုရေးဦးတည်ချက်များကို အကောင်အထည်ဖော်သည့် နေရာများ IT နည်းပညာသည် အလွန်အရေးပါသည့် အခန်းကဏ္ဍမှာ ပါဝင်နေပါ ကြောင်း၊  ယနေ့ကမ္ဘာသည် Globalization ခေတ်ကို ရောက်နေပြီဖြစ်သည်နှင့်အညီ ကမ္ဘာတစ်ဝှမ်းလုံးတွင် IT နည်းပညာ၏ တိုးတက်ပြောင်းလဲမှုသည် နိုင်ငံတိုင်း၏ စီးပွားရေး၊ လူမှုရေးတိုးတက်မှုအတွက် များစွာအထောက်အကူပေးလျက်ရှိပါကြောင်း၊ နည်းပညာ၊ အတတ်ပညာ တက်မြောက်ထားသည့် လူငယ်လူရွယ် များစွာရှိသည့် နိုင်ငံဖြစ်မှသာ နိုင်ငံတော်၏ နိုင်ငံရေး၊ စီးပွားရေးဖွံ့ဖြိုးတိုးတက်မှု အရှိန်အဟုန်ကို မြှင့်တင်ဆောင်ရွက်နိုင်မည် ဖြစ်ပါကြောင်း၊ တောင်ကြီးကွန်ပျူတာတက္ကသိုလ်မှ ကျောင်းသား/ကျောင်းသူများ၏ တီထွင်ဖန်တီးနိုင်မှုများကြောင့် နိုင်ငံတကာပြိုင်ပွဲမှာ ပထမဆုကို ရရှိခဲ့ကြောင်း ကြားသိရသည့်အတွက် ပြည်နယ်၏ ဂုဏ်ကို မြှင့်တင်ပေးနိုင်သော တက္ကသိုလ်တစ်ခုအဖြစ် ဝမ်းမြောက်ဂုဏ်ယူပါကြောင်း အဖွင့်အမှာစကား၌ ပြောကြား သွားသည်။ ထို့နောက် တောင်ကြီးကွန်ပျူတာတက္ကသိုလ်မှ ပါမောက္ခ ဒေါက်တာ သင်းသုနိုင်က တတိယအကြိမ် မြောက် ထုတ်ကုန်ပြပွဲ ဖြစ်မြောက်ရေးအတွက် ဝိုင်းဝန်းကူညီဆောင်ရွက်ပေးသော ကွန်ပျူတာပညာရှင်များအား အမှတ်တရလက်ဆောင်ပစ္စည်းများ ပေးအပ်ကာ စုပေါင်းမှတ်တမ်းတင်ဓာတ်ပုံရိုက်ကူးခဲ့သည်။

            ဆက်လက်၍ ပြည်နယ်လူမှုရေးဝန်ကြီး ဒေါက်တာ မျိုးထွန်းနှင့် တက်ရောက်လာကြသူများက ကုန်ထုတ်ပြပွဲ တွင် ကွန်ပျူတာတက္ကသိုလ် (တောင်ကြီး)မှ ကျောင်းသား/ကျောင်းသူများမှ တီထွင်ထားသော ထုတ်ကုန်ပစ္စည်း ၃၇ မျိုး ပြထားမှုများကို လိုက်လံကြည့်ရှုအားပေးကာ Dynamicweb APAC မှ ဒါရိုက်တာ Mr. Puspak Patro က မြန်မာနိုင်ငံ၏ အီလက်ထရောနစ် စီးပွားရေးအကြောင်း၏ အနာဂတ်လမ်းကြောင်းများကို ဆွေးနွေးပြောကြားပြီး Founder of Ahtar Oo Co.Ltd မှ တည်ထောင်သူ ဦးအောင်အောင်က ကွန်ပျူတာလုပ်ငန်း အတွေ့အကြုံများကို ဆွေးနွေးဖလှယ်ပေးပြီး တက်ရောက်လာကြသူများက ကွန်ပျူတာနှင့်ပတ်သက်သည့် အကြောင်းအရာများ၊ IT, ICT နည်းပညာများအကြောင်းများကို ဟောပြောဆွေးနွေးခဲ့ကြကြောင်း သိရသည်။

အစရ(ရှမ်း)

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-nay

ရှမ်းပြည်နယ်(မြောက်ပိုင်း) မူဆယ်၊ နမ့်ခမ်းနှင့် ကွမ်းလုံမြို့နယ်များတွင် အများဆုံး နေထိုင်ကြပါသည်။

We have 83 guests and no members online

Latest Updates