သတင်းများ

မိုင်းဆတ်၌ ၂၀၁၅-၂၀၁၆ ဘဏ္ဍာနှစ်ဒေသန္တရစီမံကိန်းတာဝန်ပေးအပ်ပွဲနှင့် ဒုတိယ(၅)နှစ် ဒေသန္တရစီမံကိန်းအကြိုညှိနှိုင်းအစည်းအဝေး ကျင်းပ

မိုင်းဆတ် မေ ၂၅

1055

   ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၏ ၂၀၁၅-၂၀၁၆ ဘဏ္ဍာနှစ် ဒေသန္တရစီမံကိန်းတာဝန်ပေးအပ်ပွဲ နှင့် ၂၀၁၆-၂၀၁၇ မှ ၂၀၂၀-၂၀၂၁ ဘဏ္ဍာနှစ်၊ ဒုတိယ(၅)နှစ် ဒေသန္တရစီမံကိန်းအကြို ညှိနှိုင်းအစည်းအဝေးကို မေ ၂၅ ရက် နံနက် ၉ နာရီက ခရိုင်အထွေထွေအုပ်ချုပ်ရေးရုံး၊ သီရိရတနာခန်းမ၌ ကျင်းပရာ ပြည်နယ်လွှတ်တော်ကိုယ် စားလှယ်များ၊ ခရိုင်/မြို့နယ်အဆင့်ဌာနဆိုင်ရာများ ၊မိုင်းဆတ်နှင့်မိုင်းတုံမြို့နယ်မှစီမံခန့်ခွဲမှုကော်မတီနှင့်အထောက် အကူပြုကော်မတီဝင်များ၊ ရပ်ကွက်နှင့်ကျေးရွာအုပ်ချုပ်ရေးမှူးများ တက်ရောက်သည်။

   ရှေးဦးစွာ ခရိုင်စီမံခန့်ခွဲမှုကော်မတီဥက္ကဌ၊ ခရိုင်အုပ်ချုပ်ရေးမှူး ဦးနိုးဝေက အဖွင့်အမှာစကားပြောကြားပြီး ခရိုင်စီမံကိန်းဦးစီးမှူး ဦးအောင်ကျော်ဦးက ဒေသန္တရစီမံကိန်းတာဝန်ပေးအပ်ရခြင်းနှင့်ပတ်သက်၍ ရှင်းလင်းတင်ပြ သည်။

   ထို့နောက် ခရိုင်စီမံခန့်ခွဲမှုကော်မတီဥက္ကဌ၊ ခရိုင်အုပ်ချုပ်ရေးမှူး ဦးနိုးဝေက ဒေသန္တရစီမံကိန်းတာဝန်ပေး အပ်ရာ ခရိုင်အဆင့်ဌာနဆိုင်ရာများကိုယ်စား ခရိုင်မြေစာရင်းဦးစီးမှူး ဦးအေးထွန်း၊ မိုင်းဆတ်မြို့နယ် မြို့နယ်စီမံ ခန့်ခွဲမှုကော်မတီဥက္ကဌ မြို့နယ်အုပ်ချုပ်ရေးမှူး ဦးအေးနိုင်နှင့် မိုင်းတုံမြို့နယ် မြို့နယ်စီမံခန့်ခွဲမှုကော်မတီဥက္ကဌ  မြို့ နယ်အုပ်ချုပ်ရေးမှူး ဦးအောင်ဇင်တို့က လက်ခံရယူသည်။

   မိုင်းဆတ်ခရိုင်တွင် ၂၀၁၅-၂၀၁၆ ဘဏ္ဍာနှစ် ပြည်ထောင်စုရန်ပုံငွေ ၁၇၉ဝ ဒဿမ ၉ သန်းနှင့် ပြည်နယ် ရန်ပုံငွေ ၈၃၀၅ ဒဿမ ၉ သန်းဖြင့် ဒေသဖွံ့ဖြိုးရေးလုပ်ငန်းများ ဆောင်ရွက်သွားမည်ဖြစ်ကြောင်း သိရသည်။

   ဆက်လက်ပြီး နံနက် ၁ဝ နာရီတွင် အစည်းအဝေး ဒုတိယပိုင်းကျင်းပရာ ခရိုင်စီမံကိန်းဦးစီးမှူး ဦးအောင် ကျော်ဦးက မိုင်းဆတ်ခရိုင်ဖွံ့ဖြိုးရေးအတွက် ဒေသန္တရစီမံကိန်းရေးဆွဲဆောင်ရွက်ထားရှိမှုနှင့် ၂၀၁၆-၂၀၁၇ မှ ၂၀၂၀-၂၀၂၁ ဘဏ္ဍာနှစ်၊ ဒုတိယ(၅)နှစ် ဒေသန္တရစီမံကိန်း အောင်မြင်စွာရေးဆွဲနိုင်ရေးနှင့် ပတ်သက်၍ ရှင်းလင်း တင်ပြရာ မိုင်းဆတ်မြို့နယ် မဲဆန္ဒနယ်အမှတ်(၂)မှ ပြည်နယ်လွှတ်တော်ကိုယ်စားလှယ် ဦးယောဘ၊ မိုင်းဆတ်မြို့ နယ် အထောက်အကူပြုကော်မတီဥက္ကဌ ဦးစိုင်းချစ်သောင်းနှင့် မိုင်းတုံမြို့နယ်စီမံကိန်းဦးစီးမှူး ဦးစိုင်းသိန်းအောင် တို့က အကြံပြုဆွေးနွေးတင်ပြသည်။

   ယင်းနောက် ခရိုင်စီမံခန့်ခွဲမှုကော်မတီဥက္ကဌ၊ ခရိုင်အုပ်ချုပ်ရေးမှူး ဦးနိုးဝေက ၂၀၁၆-၂၀၁၇ မှ ၂၀၂၀-၂၀၂၁ ဘဏ္ဍာနှစ် ဒုတိယ(၅)နှစ် ဒေသန္တရစီမံကိန်းရေးဆွဲမှုနှင့် ပတ်သက်၍ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရ သည်။

                                                                                                                                                                                       သန်းဇော်(IPRD)

သတင်းဓာတ်ပုံ - (၉)ပုံ

သတင်းရေးသားပေးပို့သူ - ဦးသန်းဇော်ဦး(ဦးစီးအရာရှိ)

 ခရိုင်ပြန်/ဆက်ရုံး၊ မိုင်းဆတ်မြို့။

 

မူဆယ်တွင် ၂၀၁၅-၂၀၁၆ ပညာသင်နှစ် ‌ကျောင်းအပ်နှံ‌ရေး‌နေ့ ကျင့်ပ

မူဆယ် ‌မေ(၂၅) ရက်

1054

   ရှမ်းပြည်နယ်(‌မြောက်ပိုင်း)၊ မူဆယ်ခရိုင်၌ ပညာ‌ရေးဝန်ကြီးဌာန ၂၀၁၅-၂၀၁၆ ခုနှစ်ပညာသင်နှစ်   ‌ကျောင်းအပ်နှံ‌ရေး‌နေ့ ကို အမှတ်(၃) အ‌ခြေခံပညာအထက်တန်း‌ကျောင်း ခန်းမ၌ ကျင်းပပြုလုပ်ခဲ့ပါသည်။

 ‌  ရှေးဦးစွာ ခရိုင်အုပ်ချုပ်‌ရေးမှူးဦး‌ကျော်‌ကျော်ထွန်း က အဖွင့်အမှာစကား‌ပြောကြားပြီး ဖိတ်ကြားထား‌သော ဧည့်သည်‌တော်များ ခရိုင်အမျိုးသမီး‌ရေးရာအဖွဲ့တို့မှလည်း ‌ကျောင်း‌တော်ပတ်ဝန်းကျင် သာယာစို‌ပြေ‌ရေးအတွက် ‌ငွေကျပ်(၁)သိန်း၊ မူဆယ်မြို့မှ ကျောင်းအကျိုး‌တော်‌ဆောင်အဖွဲ့များမှ အထက(၁)၊ (၂)၊ (၃)‌ကျောင်းတို့အတွက်, ‌ကျောင်းသုံး တစ်‌ယောက်ထိုင် ထိုင်ခုံများဝယ်ယူရန်အတွက် တစ်‌ကျောင်းလျှင် ‌ငွေကျပ်(၁၅)သိန်းကို ခရို်င်ပညာ‌ရေးမှူး ဒုတိယညွှန်ကြား‌ရေးမှူး ဦးထွန်းကြည် အား ‌ပေးအပ်ခဲ့သည်။ နိုင်ငံ‌တော်အစိုးရအဖွဲ့မှ အ‌ခြေခံပညာမူလတန်း‌ကျောင်းများအတွက် အခမဲ့ ‌ကျောင်းသုံးပုံနှိပ်စာအုပ်များ၊ ‌ကျောင်းဝတ်စုံများ၊ ဗလာစာအုပ်များ ‌ကျောင်းသား/သူများအား တိုက်ရိုက်‌ပေးခဲ့‌ကြောင်း သိရှိရပါသည်။

                                                                                                                                                                                       ကိုမိုင်း(iprd)

မှ-

မိုင်းဝင်းနိုင်

၀၉-၃၂၁၄၈၅၆၇

 

အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် လုပ်ငန်းညှိနှိုင်းအစည်းအဝေး ကျင်းပ

တောင်ကြီး   မေ   ၂၁

1050

   (၂၀၁၅)ခုနှစ် ဇွန်လ(၂၆)ရက်နေ့တွင် ကျရောက်မည့် အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် ပြိုင်ပွဲအခမ်းအနားနှင့် မူးယစ်ဆေးဝါး မီးရှို့ပွဲ ကျင်းပရေး လုပ်ငန်းညှိနှိုင်းအစည်းအဝေးကို မေ(၂၁)ရက် နံနက်(၉)နာရီက တောင်ကြီးမြို့၊ ရှမ်းပြည်နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပ ကြောင်း သတင်းရရှိသည်။

   ပြည်နယ်မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ် တာဆီး ကာကွယ်ရေးဥက္ကဌ ရှမ်းပြည်နယ်အစိုးရအဖွဲ့ အတွင်းရေးမှူး ဦးမြင့်အောင်က မူးယစ်ဆေးဝါး တိုက်ဖျက်ရေး (ယင်းမာ) စီမံချက်အားရှင်းလင်း တင်ပြပြီး၊ ပြည်နယ်မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများအန္တရာယ်တာဆီးကာကွယ်ရေး ဒုတိယဥက္ကဌ ရှမ်းပြည်နယ်ရဲတပ်ဖွဲ့ ပြည်နယ်ရဲမှူးကြီး ဝင်းထွန်းမှ  (၂၈) ကြိမ်မြောက် မူးယစ်ဆေးဝါးအလွဲသုံးမှုနှင့် တရားမဝင်ရောင်း ဝယ်မှုတိုက်ဖျက်ရေးနေ့ အထိမ်းအမှတ် ပြိုင်ပွဲအခမ်းအနားနှင့် မူးယစ်ဆေးဝါး မီးရှို့ပွဲ ကျင်းပရေး တို့နှင့် စပ်လျဉ်း၍ ရှင်းလင်းတင်ပြကြကြောင်း သိရသည်။

   ဆက်လက်၍ အစည်းအဝေး တက်ရောက်လာသည့် ပြည်နယ်ဝန်ကြီးများနှင့် (၂၈) ကြိမ် မြောက် မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် ပြိုင်ပွဲအခမ်းအနားနှင့် မူးယစ်ဆေးဝါး မီးရှို့ပွဲကျင်းပရေး သက်ဆိုင်ရာ ဆပ်ကော်မတီအဖွဲ့ အသီးသီးများမှ ဆွေးနွေးတင်ပြကြပြီး၊ ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီး အောင်သူကသက်ဆိုင်ရာ ဆပ်ကော်မတီအဖွဲ့ အသီးသီးများမှ ဆွေးနွေး တင်ပြချက်များအပေါ် (၂၈) ကြိမ်မြောက် မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့ အထိမ်းအမှတ် ပြိုင်ပွဲအခမ်းအနားနှင့် မူးယစ်ဆေးဝါး မီးရှို့ပွဲကို အောင်မြင်စွာ ကျင်းပနိုင်ရန်နှင့် မူးယစ်ဆေးဝါးတိုက်ဖျက်ရေး (ယင်းမာ) စီမံချက်များ အကောင်အထည်ဖော် ဆောင်ရွက်သွားနိုင်ရန် နိဂုံးချုပ်အမှာစကား၌ ထည့်သွင်းဆွေးနွေး ပြောကြားသွားပြီး အခမ်းအနား ကို အောင်မြင်စွာရုပ်သိမ်းလိုက်ကြောင်း သိရှိရသည်။

                                                                                                                                                                                       မောင်မောင်သန်း(တောင်ကြီး)

 

မြန်မာနိုင်ငံစက်ဘီးအဖွဲ့ချုပ်နှင့် မြန်ရွှေပြည်ကုမ္ပဏီတို့ ပူးပေါင်း၍ Road Race နှင့် Mountain Bike ပြိုင်ပွဲ ကျင်းပမည်

တောင်ကြီး   မေ   ၂၅

   အားကစားဝန်ကြီးဌာန၏ လမ်းညွှန်မှုဖြင့် (MSP Tractors Ltd,…) နှင့် မြန်မာနိုင်ငံ စက်ဘီးအဖွဲ့ချုပ်တို့ပူးပေါင်း၍  တံခွန်စိုက် (Freedom Bicycle Road Race နှင့် Mountain Bike) ပြိုင်ပွဲများအား မေလ(၃၀)ရက်နေ့ တောင်ကြီးမြို့တွင် ကျင်းပသွားမည်ဖြစ်ကြောင်း သိရ သည်။ အဆိုပါပြိုင်ပွဲကို မေလ(၃၀)ရက် နံနက်(၆)နာရီခွဲအချိန်တွင် တောင်ကြီးမြို့၊ ဗိုလ်ချုပ်ပန်းခြံ ရှေ့မှ တာလွှတ်၍ ကလောမြို့နယ်၊ ဟဲဟိုးလေယာဉ်ကွင်းလမ်းဆုံအထိ ယှဉ်ပြိုင်တစ်ပတ်လှည့်ပြီး၊ တောင်ကြီးမြို့နယ်၊ အေးသာယာမြို့၊ ထုံးဖိုဂိတ်၌ ပန်းဝင်၍ ဆုရရှိသူများကို ဆုများချီးမြှင့်ပေးသွား မည်ဖြစ်ကြောင်းနှင့်မေလ(၃၁)ရက် နံနက်(၇)နာရီတွင် တောင်ကြီး၊ ဟိုပုံးကားလမ်း(၁၁၉မိုင်၊ ၄ ဖာ လုံ) အနီး ထင်းရှူးတော၌ Jumble Road ပြိုင်ပွဲများကို စည်ကားသိုက်မြိုက်စွာ ကျင်းပသွားမည် ဖြစ်ပြီး ဒေသခံတိုင်းရင်းသားမိဘပြည်သူများ စိတ်ပါဝင်စားစွာကြည့်ရှုအားပေးနိုင်ပါကြောင်း သတင်းရရှိပါသည်။

 

                                                                                                                                                       မောင်မောင်သန်း(တောင်ကြီး) 

 

ဒုတိယအကြိမ်မြောက် ဘုန်းတော်ကြီးသင်ပညာရေး ညီလာခံကျင်းပ

တောင်ကြီး မေ - ၁၉

1048

   ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့တွင် တစ်နိုင်ငံလုံးရှိ ဘုန်းတော်ကြီးသင် ပညာရေး ကျောင်းများ ဒုတိယအကြိမ်မြောက် ဘုန်းတော်ကြီးသင် ပညာရေးညီလာခံ အခမ်းအနားကို မေ(၁၉)ရက် နံနက်(၈)နာရီက နောင်တောင်းပရဟိတ တပ်ဦးကျောင်း၌ ကျင်းပကြောင်းသိရသည်။

  အခမ်းအနားကို ဆရာတော်သံဃာတော်ကြီးများ၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းအမျိုးသား ခေါင်းဆောင်နှင့်အဖွဲ့ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ ဧည့်ပရိသတ် တို့က နမောတဿ(၃)ကြိမ်ရွတ်ဆို ဖွင့်လှစ်ပြီး၊ နိုင်ငံတော်သံဃမဟာနာယက ဒုတိယဥက္ကဌ၊ ဆရာတော် ဘုန်းတော်ကြီးကျောင်း ပညာသင်ကြားမှု ကြီးကြပ်ရေး (ဗဟို)အဖွဲ့ဥက္ကဌ အဂ္ဂမဟာသဒ္ဓမ္မဇောတိကဓဇ ဘဒ္ဒန္တကုသလမှ ဘုန်းတော်ကြီးသင်ပညာရေး ညီလာခံအဖွင့် သြဝါဒမြွတ်ကြား၍ နိုင်ငံတော် သံဃမဟာနာယကအဖွဲ့ဝင်ဆရာတော် အဂ္ဂမဟာပဏ္ဍိတ ဘဒ္ဒန္တ မုနိန္ဒာဘိဝံသ ဆရာတော်မှ  အဖွင့်သြဝါဒ မြွတ်ကြားကြသည်။

   ဆက်လက်၍ နိုင်ငံတော် သံဃမဟာနာယက အဖွဲ့ဝင်ဆရာတော် အဂ္ဂမဟာဂန္တဝါစကပဏ္ဍိတဘဒ္ဒန္တ သုမနာဘိဝံသ ဆရာတော်မှအဖွင့်သြဝါဒမြွတ်ကြား၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဝမ်းမြောက်ကြောင်း လျှောက်ထားပြီး၊ အလှူငွေများပေးအပ်ရာ ဒုတိယအကြိမ်မြောက် ဘုန်းတော်ကြီးသင်ပညာရေး ညီလာခံအတွက် ရှမ်းပြည်နယ်အစိုးရအဖွဲ့မှ အလှူငွေကျပ် သိန်း(၃၀)ကို  ရှမ်းပြည်နယ်ဝန်ကြီးချုပ် ဦးစဝ်အောင်မြတ်မှ ပေးအပ်ရာ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ ဥက္ကဌဦးခွန်စံလွင်က လက်ခံရယူ၍ နောင်တောင်းပရဟိတတပ်ဦးကျောင်းဆရာတော် ဘဒ္ဒန္တရာဇိန္ဒသိရီမှ ဆရာတော်များအား ကြိုဆိုနှုတ်ခွန်းဆက် လျှောက်ထားပြီး၊ ပအိုဝ်းအမျိုးသားခေါင်းဆောင် ဦးအောင်ခမ်းထီမှ ဝမ်းမြောက်ကြောင်း၊ လျှောက်ထားကြကြောင်းသိရသည်။ 

   ထို့နောက် မန္တလေးတိုင်းဒေသကြီး ဘုန်းတော်ကြီးသင်ပညာရေး ကြီးကြပ်ရေးအဖွဲ့၊ အကျိုးတော်ဆောင် ဆရာတော် အဂ္ဂမဟာသဒ္ဒမ္မဇောတိကဓဇ ဘဒ္ဒန္တနာယကမှ ပညာရေးအကြောင်း ဆွေးနွေး၍ ဘုန်းတော်ကြီးသင်ပညာရေးကျောင်း ညီလာခံ မော်ကွန်း ကျောက်စာတိုင်နှင့် ပတ်သက်၍ ပါရမီစွမ်းအင် ဦးအောင်မျိုးရှိန်က ရှင်းလင်းပြောကြားပြီး၊ ဆရာတော်၊ သံဃာတော်ကြီးများ၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းအမျိုးသားခေါင်းဆောင်နှင့် တာဝန်ရှိတို့က ကျောက်စာတိုင်အား အမွေးနံသာရေများပက်ဖျန်းပေးကြပြီး၊ မှတ်တမ်းတင်ဓါတ်ပုံရိုက်ကူးကြကြောင်း သိရှိရသည်။

   အဆိုပါ ဘုန်းတော်ကြီးသင်ပညာရေးညီလာခံအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းအမျိုးသားခေါင်းဆောင်နှင့် အဖွဲ့များ၊ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် တာဝန်ရှိသူများ မြို့နယ်အဆင့်ဌာနဆိုင်ရာများ၊ တစ်နိုင်ငံလုံးရှိ ဘုန်းတော်ကြီးသင် ပညာရေးကျောင်းများမှ ဖိတ်ကြားထားသည့် သံဃာပေါင်း(၁၆၀၀)အနက်၊ သံဃာပေါင်း(၁၁၀၀) တက်ရောက်၍ သီလရှင်အပါး(၁၀၀)၊ ဘုန်းတော်ကြီးသင် ဆရာ၊ ဆရာမ(၄၅၀)ဦး၊ လူမှုရေးအသင်းအဖွဲ့ (၁၅)ဖွဲ့အင်အား(၅၀)ဦး၊ ဒေသခံပြည်သူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်းသိရှိရသည်။

                                                                                                                                                                                                    မောင်မောင်သန်း(တောင်ကြီး)

 

တောင်ကြီးမြို့၌ သံဂဟေဆော်ရာမှမီးလောင်မှုတစ်ခုဖြစ်ပွား

တောင်ကြီး   မေ   ၂၄

 1052

   တောင်ကြီးမြို့ ရေအေးကွင်းရပ်ကွက်၌ မေ(၂၄)ရက် မွန်းလွှဲ(၁)နာရီ မိနစ်(၅၀)အချိန်က မီးလောင်မှုတစ်ခု ဖြစ်ပွားကြောင်း သိရသည်။ ဖြစ်စဉ်တွင် ရေအေးကွင်းရပ်ကွက် နယ်မြေ(၁၅) ရေထွက်ဦးလမ်း အမှတ်(၄၀)ရှိ ပိုင်ရှင် ဦးနေဝင်းကျော် ကန်ရှေ့ရပ်ကွက်၊ တောင်ကြီးမြို့နေသူပိုင် ဆောက်လုပ်ဆဲ သံကူကွန်ကရစ်အဆောက်အဦ၏ အလျှား(၂၀)ပေ၊ အနံ(၁၅)ပေ၊ အမြင့်(၁၂)ပေရှိ အခန်း၏အမိုးသွပ်ပြားနှင့် သံထုတ်တန်းအား သံဂဟေဆက်သည့်အလုပ်သမားမျိုးမင်းလတ်မှ သံဂဟေဆော်နေစဉ် သံဂဟေမီးပွားများ အခန်းအောက်သို့ကျပြီး၊ အခန်းအတွင်း၌ထားသည့် သားရေဆိုဖာထိုင်ခုံသို့ကျပြီး မီးလောင်မှုဖြစ်ပွားကြောင်း၊ မီးလောင်ရာသို့ မြို့နယ်မီးသတ်ဦးစီးဌာန နှင့် ပြည်သူ့ရဲတပ်ဖွဲ့ဝင်များ၊ ပြည်သူလူထုများ ဝိုင်းဝန်းငြိမ်းသတ်ခဲ့ရာ မွန်းလွှဲ(၂)နာရီက မီးငြိမ်း သွားခဲ့ပြီး၊ မီးလောင်ဆုံးရှုံးမှုတန်ဖိုးမှာ (၈)သောင်းကျပ်ခန့်ဆုံးရှုံး၍ လူထိ ခိုက်ဒဏ်ရာရရှိမှု မရှိ ကြောင်း၊ သံဂဟေစက်ပစ္စည်းများအား ပေါ့ဆစွာအသုံးပြု၍ မီးလောင်ကျွမ်းမှုဖြစ်ပွားစေသော ဂဟေစက်အလုပ်သမား မျိုးမင်းလတ်(၂၆)နှစ်၊(ဘ)ဦးကျော်ငွေ၊ အမှတ်(၁၀၇)၊ အကွက်ကြီး(၉)၊ နယ်မြေ(၇)၊ အေးသာယာမြို့ နေသူအား ဥပဒေအရအရေးယူပေးရန် ရဲအုပ်ထွန်းထွန်းဦးမှ တရားလို ပြုလုပ်တိုင်တန်း၍ တောင်ကြီး နယ်မြေရဲစခန်း (ပ)၅၈/၂၀၁၅၊ ပြစ်မှု ပုဒ်မ -၂၈၅ အရ အမှုဖွင့်အရေး ယူဆောင်ရွက်ထားကြောင်း သိရှိရသည်။

                                                                                                                                                                                မောင်မောင်သန်း(တောင်ကြီး)

 

ပြည်သူများ လုပ်ငန်းခွင်မပျက်ဘဲ စာ‌ပေဖတ်ရှု့နိုင်ရန် ‌ရွေ့လျှားစာကြည့်တိုက် ပြုလုပ်‌ပေး

မူဆယ် ‌မေ(၁၉) ရက်

 1049

   ရှမ်းပြည်နယ်(‌မြောက်ပိုင်း)၊ မူဆယ်ခရိုင် ပြန်ကြား‌ရေးနှင့်ပြည်သူ့ဆက်ဆံ‌ရေးဦးစီးဌာန၊ ပြန်/ဆက်ခရိုင်ရုံးမှ   စာကြည့်တိုက်သို့ စာအုပ်စာ‌ပေလာ‌ရောက်မဖတ်ရှု့နိုင်သည့် ပြည်သူများအ‌နေဖြင့် လုပ်ငန်းခွင်မပျက်ဘဲ စာ‌ပေဖတ်ရှု့ လေ့လာနိုင်ရန် မြို့‌ပေါ်ရှိ လူစည်ကားရာ‌နေရာများတွင် နံရံကပ်စာ‌ပေ‌ရေချမ်းစင်များ ဖြန့်‌ဝေထားရှိ‌ပေးလျှက်ရှိပြီး ရုံးချုပ်မှ ‌ပေးပို့လာ‌သော စာစဉ်အသစ်များကို ပုံမှန်ဖြည့်တင်း‌ပေးလျက်ရှိပါသည်။ ထို့ပြင် (PDLS Public Digital Library Service)ကိုလည်း‌ကောင်း၊ စာကြည့်တိုက်တွင်လည်း အများပြည်သူ စိတ်အပန်း‌ဖြေ‌စေရန်၊ မိမိချစ်ခင်သူများနှင့် ဆက်သွယ်နိုင်ရန်နှင့် နိုင်ငံတကာသတင်းနှင့် မြန်မာ့သတင်းများတို့ကို ဖတ်ရှု့‌လေ့လာနိုင်ရန်အတွက် (Adsl Wifi Free) ကိုလည်း  တပ်ဆင်ထားပါသည်။ 

   မူဆယ်ခရိုင်ရုံးအ‌နေဖြင့် တနင်္လာနေ့နှင့် ‌သောကြာ‌နေ့တို့တွင် ပြည်သူများကို လုပ်ငန်းခွင်တွင် အလုပ်မပျက်ဘဲ စာအုပ်စာ‌ပေများ‌လေ့လာနိုင်‌စေရန် ရည်ရွယ်ပြီး ရုံး(သို့) အိမ်တိုင်ရာအ‌ရောက် Mobile library အဖြင့် ပြည်သူများကို အခမဲ့လိုက်လံ ဌားရမ်း‌ပေးလျက်ရှိ‌ကြောင်း သိရှိရပါသည်။

                                                                                                                                                                                                       ကိုမိုင်း(iprd)

မှ---

မိုင်းဝင်းနိုင်

၀၉-၃၂၁၄၈၅၆၇

 

မိုင်းဆတ်၌ နယ်စပ်ဒေသဖွံ့ဖြိုးရေးဘိန်းအစားထိုးသီးနှံ ထောက်ပံ့ပေးအပ်

မိုင်းဆတ် မေ ၂၁

1051

   ရှမ်းပြည်နယ်(အရှေ့ပိုင်း)၊ မိုင်းဆတ်မြို့နယ်စိုက်ပျိုးရေးဦးစီးဌာနမှ ကြီးမှူး၍ နယ်စပ်ဒေသဖွံ့ဖြိုးရေး ဘိန်း အစားထိုးသီးနှံထောက်ပံ့ပေးအပ်ပွဲအခမ်းအနားကို မေ ၂၁ ရက် နံနက် ၈ နာရီခွဲက မယ်နင်ကျေးရွာဘုန်းတော်ကြီး ကျောင်းဝင်းအတွင်း၌ ကျင်းပရာ ခရိုင်နှင့်မြို့နယ် ဌာနဆိုင်ရာများ၊ ရပ်ကွက်/ကျေးရွာအုပ်ချုပ်ရေးမှူးများနှင့် ရွာသူ၊ ရွာသားများတက်ရောက်သည်။ 

   အခမ်းအနားတွင် ခရိုင်စီမံခန့်ခွဲမှုကော်မတီဥက္ကဌ၊ ခရိုင်အုပ်ချုပ်ရေးမှူးဦးနိုးဝေက အဖွင့်အမှာစကားပြော ကြားပြီး ခရိုင်စိုက်ပျိုးရေးဦးစီးမှူး ဦးဝင်းထိန်က ဘိန်းအစားထိုးသီးနှံထောက်ပံ့ပေးအပ်သည့် ရည်ရွယ်ချက်၊ ဆက်လက်ထောက်ပံ့ပေးအပ်မည့်အခြေအနေနှင့် ဘိန်းအစားထိုးသီးနှံစိုက်ပျိုးရေးသင်တန်းဖွင့်လှစ်ပေးမည့် အခြေ အနေတို့ကို ရှင်းလင်းပြောကြားသည်။

   ထို့နောက် ခရိုင်အုပ်ချုပ်ရေးမှူး ဦးနိုးဝေ၊ ရှမ်းပြည်နယ်(အရှေ့ပိုင်း) ပြည်နယ်စိုက်ပျိုးရေးဦးစီးမှူး ဦးဇော်မြင့်၊ မြို့နယ်အုပ်ချုပ်ရေးမှူး ဦးအေးနိုင်၊ ခရိုင်စိုက်ပျိုးရေးဦးစီးမှူး ဦးဝင်းထိန်နှင့် မြို့နယ်စိုက်ပျိုးရေးဦးစီးမှူး ဦးနိုင်လင်း တို့က မယ်နင်၊ ဆိုက်ခေါင်၊ ကျဒယ်၊ ဝိန်းနေနှင့် မယ်ဆတ်ကျေးရွာအုပ်စုများသို့ ဓာတ်မြေဩဇာ ကီလို၅၀အိတ် (၁၀) အိတ်၊ လ္ဘက်ပျိုးပင် ၅ ဧကအတွက် (၉၀၀၀)ပင်၊ ကော်ဖီပျိုးပင် ၂ ဧကအတွက် (၂၄၂၀)ပင်၊ ပုလဲသွယ် စပ်မျိုးစပါး ဧက ၃ဝ အတွက်(၂၄၀)ကီလိုတို့ကို ထောက်ပံ့ပေးအပ်ခဲ့ကြောင်းသိရသည်။

                                                                                                                                                                                          သန်းဇော်(iprd)

 

သတင်းဓာတ်ပုံ - (   ၁၃   )ပုံ

သတင်းရေးသားသူ - ဦးသန်းဇော်ဦး( ဦးစီးအရာရှိ)

     ခရိုင်ပြန်/ဆက်၊ မိုင်းဆတ်မြို့။

 

အမှုထမ်းများ အခြေခံသမဝါယမသင်တန်း အမှတ်စဉ်(၁/၂၀၁၅) သင်တန်းဆင်းပွဲကျင်းပ

တောင်ကြီး မေ ၁၇

1047

   အမှုထမ်းများ အခြေခံသမဝါယမသင်တန်း အမှတ်စဉ်(၁/၂၀၁၅) သင်တန်းဆင်းပွဲ အခမ်းအနားကို ၂၀၁၅ခုနှစ်၊ မေလ (၁၇)ရက်နေ့၊ နေ့လည်(၁၅:၀၀)နာရီအချိန်တွင် တောင်ကြီးမြို့၊ ရှမ်းပြည်နယ်သမဝါယမသင်တန်းကျောင်း(တောင်ကြီး)တွင် ကျင်းပပြုလုပ်ခဲ့ရာ ရှမ်းပြည်နယ် အစိုးရအဖွဲ့ ပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွန့်မှ တက်ရောက် အမှာစကားပြောကြားခဲ့ပြီး ထူးချွန်ဆုရရှိသူများအား ဆုများချီးမြှင့်ပေးအပ်ခဲ့ပါသည်။ ဆက်လက်ပြီး သင်တန်းဆင်း အောင်လက်မှတ်များကို ရှမ်းပြည်နယ်သမဝါယမဦးစီးဌာန၊ ဒုတိယညွှန်ကြားရေးမှူး ဒေါ်ယုယုအေးမှ ပေးအပ် ချီးမြှင့်ခဲ့ပြီး သင်တန်းသား(၁)ဦးမှ ကျေးဇူးတင်စကားပြန်လည် ပြောကြားခဲ့ပြီး အခမ်းအနားကို (၁၅:၄၅)ချိန်တွင် အောင်မြင်စွာ ရုတ်သိမ်းခဲ့ပါသည်။

   အဆိုပါသင်တန်းဆင်းပွဲသို့ရှမ်းပြည်နယ်သမဝါယမဦးစီးဌာနမှ ဒုတိယညွှန်ကြားရေးမှူး၊ လက်ထောက်ညွှန်ကြားရေးမှူးနှင့် တာဝန်ရှိသူများ၊ ရှမ်းပြည်နယ်အသေးစားစက်မှုလက်မှု လုပ်ငန်းဦးစီးဌာနမှ ဒုတိယညွှန်ကြားရေးမှူး၊ ရှမ်းပြည်နယ်တောင်ပိုင်း/အရှေ့ပိုင်း သမဝါယမအသင်းစုချုပ်မှ ဥက္ကဌနှင့် အမှုဆောင်များ၊ ပြည်နယ်သမဝါယမသင်တန်းကျောင်းမှ ကျောင်းအုပ်နှင့် ဆရာ/ဆရာမများ၊ တောင်ကြီးမြို့နယ် သမဝါယမဦးစီးဌာနမှ ဦးစီးအရာရှိနှင့် ဝန်ထမ်းများနှင့် သင်တန်းသားများ တက်ရောက်ခဲ့ပါသည်။

   အဆိုပါသင်တန်းကို (၄.၅.၂၀၁၅)ရက်နေ့မှ (၁၇.၅.၂၀၁၅) နေ့အထိ နှစ်ပတ်ကြာ ဖွင့်လှစ်ပို့ချခဲ့ရာ သမဝါယမဦးစီးဌာနမှ သင်တန်းသား (၄၀)ဦး တက်ရောက်ခဲ့ကြပြီး သင်တန်းတွင် စဉ်းစားတွေးခေါ်ပြောင်းလဲခြင်း၊ သမဝါယမ၊ ရုံးလုပ်ငန်းများ ဆောင်ရွက်မှု၊ ဝန်ထမ်းစည်းမျဉ်း၊ ဘဏ္ဍာရေးစည်းမျဉ်း၊ အခြေခံစာရင်းရေးနှင့် စာရင်းကိုင် ပညာဘာသာရပ်များနှင့် အသေးစားအရင်းအနှီးချေးငွေ(Micro Capital Loan)ဖြင့် သမဝါယမအသင်းများ အဆင့်မြှင့် တင်ခြင်းနှင့် လယ်ယာသုံး/လုပ်ငန်းသုံး စက်ကိရိယာ များအား ကာလရှည်အရစ်ကျငွေချေ စနစ်(Hire Purchase)ဖြင့် ဆောင်ရွက်လုပ်ကိုင်မှု များကို သင်ကြားပို့ချ ခဲ့ကြောင်း သိရှိရပါသည်။

 

More Articles...

  1. နှုတ်ခမ်းကွဲ အာခေါင်ကွဲ လူနာများအားလွိုင်လင်၌ အခမဲ့ခွဲစိတ်ကုသ
  2. (၂၀၁၅-၂၀၁၆)ဘဏ္ဍာနှစ်၊ ဒေသန္တရစီမံကိန်းရည်မှန်းချက်များ တာဝန်ပေးအပ်
  3. ၂၀၁၅ - ၂၀၁၆ ဘဏ္ဍာနှစ် အခွန်အကောက်ဆိုင်ရာ ဥပဒေများ ပြုပြင်ပြောင်းလဲမှုနှင့် အခွန်ဆိုင်ရာ လုပ်ငန်းရပ်များရှင်းလင်း
  4. အခြေခံစာတတ်မြောက်ရေးလှုပ်ရှားမှုဂုဏ်ပြုပွဲ ညောင်ရွှေမြို့နယ်တွင် ကျင်းပ
  5. ဒုတိယဦးစီးမှူးဝန်ထမ်းများ အရည်အသွေးမြှင့်တင်ရေး မွမ်းမံသင်တန်း အမှတ်စဉ်(၂) သင်တန်းဆင်းပွဲကျင်းပ
  6. မူဆယ်၌ မြေယာစီမံခန့်ခွဲမှုဆိုင်ရာ ရှင်းလင်း
  7. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများ မိုင်းတုံဒေသဖွံ့ဖြိုးရေး တွေ့ဆုံဆွေးနွေး
  8. (၂၀၁၅)ခုနှစ် ကမ္ဘာ့ကြက်ခြေနီနေ့ တောင်ကြီးမြို့၌ ကျင်းပ
  9. အလုပ်ဌာန/ လုပ်ငန်းအရောက် ကွင်းဆင်း၍ ရွေ့လျားဆေးကုသယာဉ်ဖြင့် ဆေးကုသ
  10. လူမှုအသိုက်အဝန်းနှင့် လူနေမှုအဆင့်(E)ရှိသော အိမ်ထောင်စုများသို့ DVB-T-2 Set Top Box နှင့် စာအုပ်စာစောင်များ အခမဲ့ ပေးအပ်လှူဒါန်း

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

kayanရှမ်းပြည်နယ်(တောင်ပိုင်း) ဖယ်ခုံမြို့နယ်တွင် အများဆုံး နေထိုင်ကြပါသည်။

We have 53 guests and no members online