သတင်းများ

Silver Dove ကုမ္ပဏီမှ အစေ့ထုတ်ပြောင်း မျိုးစေ့ H-888 အား သမဝါယမအသင်းသားများသို့ မိတ်ဆက်ပွဲပြုလုပ်

တောင်ကြီး မတ် ၅

932

   ရှမ်းပြည်နယ် သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ အနေဖြင့် သမဝါယမဝန်ကြီးဌာနမှ ရည်မှန်းထားသော နည်းပညာ၊ သွင်းအားစုနှင့် သတင်းအချက်အလက် အရင်းအမြစ် (Technology, Material and Information Network) တည်ဆောက်နိုင်ရေး ဦးတည်လျှက် တောင်သူများအား မျိုးကောင်း မျိုးသန့်များ ဖြန့်ဖြူးပေးနိုင်ရေး၊ Silver Doveကုမ္ပဏီမှ “သရဖူအမှတ်တံဆိပ်” H-888 အစေ့ထုတ်ပြောင်း မျိုးစေ့အား သမဝါယမအသင်းများမှတဆင့် အသင်းသားများသို့ ဖြန့်ဖြူးနိုင်ရေး၊ အတွက်မိတ်ဆက်ခြင်း အခမ်းအနားကို ရှမ်းပြည်နယ်သမဝါယမဦးစီးဌာန အစည်းအဝေး ခန်းမတွင် (၅.၃.၂၀၁၅) ရက်နေ့ နံနက်(၁၁:၀၀)နာရီတွင် ပြုလုပ်ခဲ့ရာ ရှမ်းပြည်နယ် သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ ဥက္ကဌ၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်မှ တက်ရောက်ပြီး သမဝါယမအသင်းသူ/အသင်းသား များအား စိုက်ပျိုးစရိတ်ချေးငွေ အရင်းအနှီးများကို သက်သာသော အတိုးနှုန်းများဖြင့် ထုတ်ချေးပေးယုံသာမက တောင်သူများ လိုအပ်သော နည်းပညာ၊ မျိုး၊ ဓါတ်မြေဩဇာ၊ ပိုးသတ်ဆေးနှင့် လယ်ယာသုံး/လုပ်ငန်းသုံး စက်ကိရိယာများစသော Material and Technology Inputsများနှင့် ပံ့ပိုးကူညီနိုင်ရေး ဆက်စပ်ဆောင်ရွက် ပေးနိုင်မှသာ သမဝါယမအသင်းများ ရေရှည်ခိုင်မာပြီး ဖွံ့ဖြိုးတိုးတက်မည်ဖြစ်ကြောင်း လမ်းညွှန်မှာကြား ခဲ့ပါသည်။

933

   ထို့နောက် Silver Dove ကုမ္ပဏီမှ မန်နေဂျင်းဒါရိုက်တာ ဦးကျင့်ထိုင်မှ H-888 အစေ့ ထုတ်ပြောင်း မျိုးစေ့နှင့်ပတ်သက်ပြီး ရှင်းလင်းဆွေးနွေးတင်ပြခဲ့ပါသည်။ ၎င်းနောက် တက်ရောက်လာကြသော သမဝါယမအသင်းသား/အသင်းသူများမှ သိလိုသည်များအား မေးမြန်းခဲ့ရာ ပြန်လည်ဖြေကြားပြီး အခမ်းအနားကို  နေ့လည်(၂)နာရီ အချိန်တွင် ရုတ်သိမ်းခဲ့ပါသည်။ အဆိုပါအခမ်းအနားကို ရှမ်းပြည်နယ် သမဝါယမဦးစီးဌာနမှ ဒုတိယညွှန်ကြားရေးမှူးနှင့်တာဝန်ရှိသူများ၊ ရှမ်းပြည်နယ် တောင်ပိုင်း/ အရှေ့ပိုင်းသမဝါယမ အသင်းစုချုပ်မှ ဥက္ကဌနှင့် အမှုဆောင်အဖွဲ့များ၊ ပြည်နယ်အဆင့် ဌာနဆိုင်ရာများ၊ ရှမ်းပြည်နယ်တောင်ပိုင်းရှိ မြို့နယ်သမဝါယမ ဦးစီးဌာနများမှ ဦးစီးအရာရှိများနှင့် သမဝါယမအသင်း အဆင့်ဆင့်မှ ဥက္ကဌများနှင့် အမှုဆောင်အဖွဲ့ဝင်များ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြောင်း သိရှိရပါသည်။

 

လောက်ကိုင်ဒေသတွင် တာဝန်ထမ်းဆောင်ရင်း ကျဆုံး ဒဏ်ရာရ စစ်သည်များအတွက် ရှမ်းပြည်နယ်သမဝါယမမိသားစုမှ လှူဒါန်းငွေပေးအပ်

မတ်လ  ၅

934

   လောက်ကိုင်ဒေသတွင် တာဝန်ထမ်းဆောင်ရင်း ကျဆုံး၊ ဒဏ်ရာရ စစ်သည်များအတွက် ရှမ်းပြည်နယ်သမဝါယမမိသားစုမှ လှူဒါန်းထောက်ပံ့ငွေ ပေးအပ်ပွဲအခမ်းအနားကို ရှမ်းပြည်နယ် သမဝါယမဦးစီးဌာန အစည်းအဝေးခန်းမတွင်(၅.၃.၂၀၁၅)ရ၏နေ့တွင် ပြုလုပ် ခဲ့ပါသည်။

935

   အဆိုပါအခမ်းအနားသို့ ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေး အဖွဲ့ ဥက္ကဌ၊ စီမံကိန်းနှင့် စီးပွားရေးဝန်ကြီး၊ ဦးအောင်ကျော်ညွန့်တက်ရောက် အမှာစကားပြောကြား ခဲ့ပါသည်။ ဆက်လက်ပြီး လှူဒါန်းငွေများအား ရှမ်းပြည်နယ်သမဝါယမမိသားစု ကိုယ်စား စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်မှ ပေးအပ်လှူဒါန်းရာ အရှေ့ပိုင်းတိုင်း စစ်ဌာနချုပ်မှ ဗိုလ်မှူးကြီး စိုးမိုးအောင်မှ လှူဒါန်းငွေကျပ်(၃၆)သိန်းအား လက်ခံရယူပြီး ကျေးဇူးတင်စကား ပြန်လည်ပြောကြားခဲ့ပါသည်။ အဆိုပါအခမ်းအနားကို ရှမ်းပြည်နယ် သမဝါယမဦးစီးဌာနမှ ဒုတိယညွှန်ကြားရေးမှူးနှင့်တာဝန်ရှိသူများ၊ ရှမ်းပြည်နယ် တောင်ပိုင်း/ အရှေ့ပိုင်းသမဝါယမအသင်းစုချုပ်မှ ဥက္ကဌနှင့် အမှုဆောင်အဖွဲ့များ၊ ပြည်နယ်အဆင့် ဌာနဆိုင်ရာများ၊ ရှမ်းပြည်နယ်တောင်ပိုင်းရှိ မြို့နယ်သမဝါယမဦးစီးဌာနများမှ ဦးစီးအရာရှိ များနှင့် သမဝါယမအသင်း အဆင့်ဆင့်မှ ဥက္ကဌများနှင့် အမှုဆောင်အဖွဲ့ဝင်များ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြောင်း သိရှိရပါသည်။

 

ရာစုသစ်သွေးလှူရှင်နှင့် လူမှုစောင့်ရှောက်ရေးအဖွဲ့တို့ ပူးပေါင်း၍ ချို့တဲ့နွမ်းပါးသော သက်ကြီးဘိုးဘွားများအား လစဉ် ထောက်ပံ့လှူဒါန်း

တောင်ကြီး ဖေဖေါ်ဝါရီလ - ၂၈

927

   ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊  ရာစုသစ်သွေးလှူရှင်နှင့် လူမှုစောင့်ရှောက်ရေးအဖွဲ့တို့ ပူးပေါင်း၍ ချို့တဲ့နွမ်းပါးသော သက်ကြီးဘိုးဘွားများအား လစဉ်ထောက်ပံ့လှူဒါန်းခြင်းကို ဖေဖေါ်ဝါရီ (၂၈)ရက် နံနက်(၉)နာရီက တောင်ကြီးမြို့ ပြည်နယ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အစည်းအဝေးခန်းမ၌ ကျင်းပကြောင်းသိရသည်။ 

  အခမ်းအနားကို နမောတဿ(၃)ကြိမ်ရွတ်ဆို ဘုရားကန်တော့ဖွင့်လှစ်၍ အခမ်းအနားကျင်းပရခြင်း ၏ ရည်ရွယ်ချက်နှင့် လုပ်ဆောင်ချက်များကို ရာစုသစ်သွေးလှူရှင်နှင့် လူမှုစောင့်ရှောက်ရေးအဖွဲ့ ဒုတိယဥက္ကဌ ဦးမိုးကျော်သူမှ ရှင်းလင်း တင်ပြပြီး၊ အဘိုးအဘွားများအား ဘိုးဘွားကန်တော့ကျိုးဖြင့် ကန်တော့ကြကြောင်းသိရသည်။

   ဆက်လက်၍ အဘိုးအဘွားများ၏ကိုယ်စား အဘိုးတစ်ဦးမှ ကန်တော့ကျိုးပြန်လည်ချီးမြှင့်ပေးပြီး ရှမ်းပြည်နယ် အစိုးရအဖွဲ့ ပြည်နယ်လူမှုရေးဝန်ကြီးဒေါက်တာမျိုးထွန်းနှင့် ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်တို့မှ အဘိုးအဘွားများအား ကန်တော့ပစ္စည်းများဖြစ်သည့်  ဆန်၊ ခေါက်ဆွဲခြောက်၊ အဝတ်အထည်၊ အားဆေး၊ အနောက်တိုင်းဆေး၊ တိုင်းရင်းဆေး၊ အာဟာရငှက်သိုက်ဗူးများ ပေးအပ်ကန်တော့၍ ချို့တဲ့နွမ်းပါးအဘိုးအဘွား အသက်(၈၀)နှစ်အထက် အဘိုးအဘွား(၂၀)ဦးတက်ရောက်ကန်တော့ခံကာ အခမ်းအနားကို ဗုဒ္ဓသာသနံ စိရံတိဌတု သုံးကြိမ်ရွတ်ဆို၍ ရုပ်သိမ်း လိုက်ပြီး၊ အဆိုပါ အခမ်းအနားသို့ ပြည်နယ်၊ ခရိုင်၊ မြို့နယ်အဆင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် ဖိတ်ကြားထားသည့် ပရဟိတအသင်းများ၊ ကန်တော့ခံ အဘိုး၊ အဘွားများ စုစုပေါင်းအင်အား(၈၀)ဦးခန့် တက်ရောက်ကြ ကြောင်းသိရသည်။

   ထို့နောက် ပြည်နယ်လူမှုရေးဝန်ကြီးနှင့် ပြည်နယ်လျှပ်စစ်နှင့် စက်မှုလက်မှုဝန်ကြီးတို့သည် တောင်ကြီးမြို့ စဝ်စံထွန်းဆေးရုံကြီး၌ နီပေါနိုင်ငံမျက်စိအထူးကုဆရာဝန်များမှ လာရောက်၍ တောင်ကြီးခရိုင်အတွင်းရှိ မြို့နယ်များမှ မျက်စိဝေဒနာရှင် (၁၇၀)ဦးခန့်အား ဒုတိယနေ့တွင် အခမဲ့ခွဲစိတ်ကုသနေမှုကို သွားရောက်လှည့်လည်ကြည့်ရှုအားပေးခဲ့ကြောင်း သိရှိရသည်။

                                                                                     မောင်မောင်သန်း(တောင်ကြီး)

 

ကိုရီးယားနိုင်ငံ Daedong လယ်ယာသုံးစက်ကိရိယာများ အသုံးပြုနိုင်ရေး သင်တန်းပို့ချ

မတ်လ ၁

936

   ရှမ်းပြည်နယ်အတွင်းရှိ သမဝါယမအသင်းသားများ မှာယူထားသော ကိုရီးယားနိုင်ငံ Daedong လယ်ယာသုံးစက်ကိရိယာများ လက်တွေ့အသုံးပြုနိုင်ရေးသင်တန်းကို တောင်ကြီး မြို့နယ် ရွှေညောင် စိုက်ပျိုးရေးသုတေသနခြံတွင် (၁.၃.၂၀၁၅)နှင့် (၂.၃.၂၀၁၅) နေ့တို့တွင် ပြုလုပ်ရာ တောင်ကြီး၊ ကလော၊ ပင်လောင်း၊ ရွာငံ၊ ဆီဆိုင်၊ ရပ်စောက်နှင့် မိုင်းရှူး မြို့နယ်တို့မှ သမဝါယမအသင်းသား (၃၆)ဦး တက်ရောက်ခဲ့ပြီး လက်တွေ့မောင်းနှင်နိုင်ရေးကို စက်မှုလယ်ယာမှ စက်မောင်းကျွမ်းကျင် (၂)ဦး၊ ကိုရီးယားနိုင်ငံသို့ သင်တန်းစေလွှတ်ထားသည့် နည်းပြ(၁)ဦးတို့မှ ပို့ချခဲ့ကြောင်း သိရှိရပါသည်။

   အဆိုပါသင်တန်းဖွင့်ပွဲသို့ ရှမ်းပြည်နယ်အစိုးရအဖွဲ့ စီမံကိန်းနှင့်စီးပွားရေးဝန်ကြီး ဦးအောင်ကျော်ညွန့်တက်ရောက်အမှာစကား ပြောကြားခဲ့ပြီး ရှမ်းပြည်နယ်သမဝါယမဦးစီးဌာန ဒုတိယညွှန်ကြားရေးမှူးနှင့်တကွ တာဝန်ရှိသူများ ဖိတ်ကြားထားသော ပြည်နယ်အဆင့် ဌာနဆိုင်ရာများ တက်ရောက်ခဲ့ကြောင်း သိရှိရပါသည်။

937

စည်ပင်သာယာရေးလုပ်ငန်းညှိနှိုင်းအစည်းအဝေးနှင့် စွမ်းရည်မြှင့်အလုပ်ရုံဆွေးနွေး

တောင်ကြီး ဖေဖေါ်ဝါရီ - ၂၈

926

   ရှမ်းပြည်နယ်စည်ပင်သာယာရေးကော်မတီ၊ စည်ပင်သာယာရေးလုပ်ငန်းညှိနှိုင်း အစည်းအဝေးနှင့် စွမ်းရည်မြှင့် အလုပ်ရုံဆွေးနွေးပွဲကို ဖေဖေါ်ဝါရီ(၂၈)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က လုပ်ငန်းလမ်းညွှန်း အမှာစကားပြောကြားပြီး၊ ရှမ်းပြည်နယ်စည်ပင်သာယာရေးကော်မတီ အတွင်းရေးမှူး ရှမ်းပြည်နယ် စည်ပင်သာယာရေးဌာန ညွှန်ကြားရေးမှူး ဦးစိုင်းထွန်းထွန်းမှ စည်ပင်သာယာရေးလုပ်ငန်းများ ဆောင်ရွက်မှု အခြေအနေများကို ပါဝါပွိုင့်ဖြင့် ရှင်းလင်း တင်ပြသည်။

   ဆက်လက်၍ အာရှဖောင်ဒေးရှင်းအဖွဲ့၊ Mr.David Evertsen မှ ဆွေးနွေးပွဲဖြစ်ပေါ်လာပုံနှင့် ရည်ရွယ်ချက်များအား ရှင်းလင်းတင်ပြပြီး၊ ရှမ်းပြည်နယ်အစိုးရအဖွဲ့၊ ထောက်ပံ့ငွေကျပ်သန်း(၄၅၀)အား မြို့နယ်၊ မြို့နယ်ခွဲ စည်ပင်သာယာရေး ကော်မတီများသို့ ထောက်ပံ့ငွေလွှဲပြောင်းပေးအပ်ရာ ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ရှမ်းပြည်နယ်(လားရှိုး)ဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများဆောင်ရွက်ရန် ထောက်ပံ့ငွေအား ရှမ်းပြည်နယ်စည်ပင်သာယာရေးကော်မတီ ဒုတိယဥက္ကဌ ဦးစိုင်းဆိုင်ပူး၊ ရှမ်းပြည်နယ်(ကျိုင်းတုံ)ဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများ ဆောင်ရွက်ရန် ရှမ်းပြည်နယ်စည်ပင်သာယာရေးကော်မတီ ဒုတိယဥက္ကဌ ဦးသိန်းထိုက်နှင့် အမှိုက်သိမ်းယာဉ်(၇)စီး ထောက်ပံ့ပေးအပ်ခြင်းနှင့် ရှမ်းပြည်နယ်တောင်ကြီးဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများ ဆောင်ရွက်ရန် ထောက်ပံ့ငွေအား ရှမ်းပြည်နယ်စည်ပင်သာယာရေး ကော်မတီ အတွင်းရေးမှူး ဦးစိုင်းထွန်းထွန်းတို့မှ အသီးသီးလက်ခံရယူကြကြောင်းသိရသည်။

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ လားရှိုးမြို့နယ်အတွက် မြို့ပြလမ်းဆောင်ရွက်ရန် ထောက်ပံ့ငွေပေးအပ်ရန် ရှမ်းပြည်နယ်စည်ပင်သာယာရေး ကော်မတီ ဒုတိယဥက္ကဌ ဦးစိုင်းဆိုင်ပူးမှ လက်ခံ၍လည်းကောင်း၊ တောင်ကြီးမြို့နယ်အတွက် မြို့ပြလမ်း ဆောင်ရွက်ရန် ထောက်ပံ့ငွေအား ရှမ်းပြည်နယ် စည်ပင်သာယာရေး ကော်မတီဝင် ဦးမောင်မောင်မြင့်မှ လက်ခံရယူ ကြပြီး၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ တာဝန်ရှိသူတို့သည် ခန်းမအတွင်း ခင်းကျင်းပြသထားသော ရှမ်းပြည်နယ်စည်ပင်သာယာရေးဌာန လုပ်ငန်းဆောင်ရွက်မှု ဓါတ်ပုံမှတ်တမ်းများအား လှည့်လည်ကြည့်ရှုအားပေး ကြကြောင်းသိရသည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ဗမာတိုင်းရင်းသာရေးရာဝန်ကြီး၊ ပြည်နယ်စာရင်းစစ်ချုပ်၊ ပြည်သူ့လွှတ်တော်ကိုယ်စားလှယ်၊ ပြည်နယ်အဆင့် ဌာနဆိုင်ရာများ၊ ရှမ်းပြည်နယ် စည်ပင်သာယာရေးကောမတီအဖွဲ့ဝင်များ၊ ပြည်နယ်စည်ပင်သာယာရေး ကော်မတီရုံးခွဲ လားရှိုးဒေသနှင့် ကျိုးတုံးဒေသမှ ကော်မတီဝင်များ၊ မြို့နယ်စည်ပင်သာယာရေးကော်မတီများမှ အဖွဲ့ဝင်များ၊ ရှမ်းပြည်နယ် စည်ပင်သာယာရေးဌာန၊ ညွှန်ကြားရေးမှူးဌာနခွဲ လားရှိုး၊ ကျိုင်းတုံဒေသဌာနခွဲ တာဝန်ခံနှင့် မြို့နယ်၊ မြို့နယ်ခွဲစည်ပင်သာယာရေးဌာန အမှုဆောင် အရာရှိများ၊  တာဝန်ခံအင်ဂျင်နီယာဝန်ထမ်း များ၊ ဖိတ်ကြားထားသည့်ဧည့်သည်တော်များ၊ စုစုပေါင်းအင်းအား(၂၇၀)ဦး တက်ရောက်ကြကြောင်းသိရသည်။

မောင်မောင်သန်း(တောင်ကြီး)

 

ပဉ္စမအကြိမ်မြောက် ဓနုဆုံဆည်းရာနေ့ကျင်းပ

ပင်းတယ   မတ်   ၃

930

   ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ ရွှေဥမင်သဘာဝလိုဏ်ဂူဘုရား၊ ဗုဒ္ဓပူဇနိယ တပေါင်းပွဲတော်ကြီးတွင် ကျင်းပပြုလုပ်မည့် "ပဉ္စမအကြိမ်မြောက် ဓနုဆုံဆည်းရနေ့" ကို မတ်(၃)ရက် နံနက်(၉)နာရီက ရွှေဥမင်သဘာဝလိုဏ်ဂူ မုဒ်ဦးရှေ့ကွင်းပြင်၌ ကျင်းပကြောင်း သိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့် အမှာစကားပြောကြားပြီး၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဦးစဝ်အောင်မြတ်ထံမှ ပဉ္စမအကြိမ်မြောက် ဓနုတိုင်းရင်းသားများဆုံဆည်းရာနေ့သို့ ပေးပို့သော သဝဏ်လွှာအား ဓနုကိုယ် ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကိုမှ ဖတ်ကြားသည်။

931

   ဆက်လက်၍ ဓနုစာပေယဉ်ကျေးမှုနှင့် ဒေသဖွံ့ဖြိုးရေးအသင်း ကိုယ်စားလှယ်တစ်ဦးမှ လုပ်ငန်းဆောင်ရွက်မှု ဆိုင်ရာကိစ္စရပ်များကို ဆွေးနွေးတင်ပြပြီး၊ အလှူရှင်များမှ အလှူငွေများ ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်မှ ဓနုဆုံဆည်းရာနေ့ ပွဲတော်အတွက် အလှူငွေကျပ် သိန်း(၃၀)ပေးအပ်ရာ  ပွဲတော်ကျင်းပရေးကော်မတီ ဦးချစ်စိန်က လက်ခံရယူ၍လည်းကောင်း၊ ရှမ်းပြည်နယ်အစိုးရအဖွဲ့ ပြည်နယ် စီမံကိန်းနှင့် စီးပွားရေးဝန်ကြီး ဦးအောင်ကျော်ညွှန့်မှ ပင်းတယ၊ ရွာငံ၊ ကလော ဓနုစာပေယဉ်ကျေးမှုအဖွဲ့သို့ အလှူငွေကျပ် (၁၀)သိန်းစီပေးအပ်၍လည်းကောင်း၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ ရပ်စောက်၊ နောင်ချို၊ တောင်ကြီး ဓနုစာပေယဉ်ကျေးမှုအဖွဲ့သို့ အလှူငွေကျပ် (၁၀)သိန်းစီ ပေးအပ်၍လည်းကောင်း၊  ပြည်နယ် လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်မှ ရန်ကုန်၊ ဟဲဟိုး၊ ဘော်ဆိုင်း ဓနုစာပေယဉ်ကျေးမှုအဖွဲ့သို့ အလှူငွေကျပ်(၅)သိန်းစီပေးအပ်၍လည်းကောင်း၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ပင်းတယရှိ ပအိုဝ်း၊ တောင်ရိုး စာပေ ယဉ်ကျေးမှုအဖွဲ့သို့ အလှူငွေကျပ်(၁၀)သိန်းစီပေးအပ်၍လည်းကောင်း၊ ရှမ်းပြည်နယ်(တောင်ပိုင်း) ပြည်ထောင်စု ကြံခိုင်ရေးနှင့် ဖွံ့ဖြိုးရေးပါတီ ပြည်နယ်ပါတီကော်မတီဝင် ဦးနန္ဒာလှမြင့်မှ ဓနုစာပေယဉ်ကျေးမှုဒေသဖွံ့ဖြိုးရေးအသင်းအား အလှူငွေကျပ်(၅)သိန်း၊ ဓနုကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌ ဦးထူးကိုကိုမှ ဓနုဆုံဆည်းရာနေ့ကျင်းပရေးကော်မတီသို့ အလှူငွေကျပ် (၁၀)သိန်း၊ ကိုးကန့်စာပေယဉ်ကျေးမှုအဖွဲ့မှ အလှူငွေကျပ်(၁)သိန်း၊ ရှမ်းစာပေယဉ်ကျေးမှုအဖွဲ့မှ အလှူငွေကျပ်(၁)သိန်း၊ တောင်ရိုးစာပေယဉ်ကျေးမှုအဖွဲ့မှ အလှူငွေကျပ်(၅)သောင်း၊ Future Moon Construation မှ အလှူငွေကျပ်(၅)သိန်း၊ ဓနု သော်တာကုမ္ပဏီမှ အလှူငွေကျပ်(၅)သိန်း၊ အသီးသီးပေးအပ်လှူဒါန်းရာ တာဝန်ရှိသူများက လက်ခံရယူကြကြောင်း သိရသည်။

   ထို့နောက် ဓနုဆုံဆည်းရာနေ့ သီချင်းဖြင့် သီဆိုဖျော်ဖြေ၍ ပဉ္စမအကြိမ်မြောက် ဓနု တိုင်းရင်းသားများ ဆုံဆည်းရာနေ့ အခမ်းအနားအား ရုပ်သိမ်းလိုက်ပြီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် ရွှေဥမင်သဘာဝလိုဏ်ဂူဘုရား ဗုဒ္ဓပူဇနိယတပေါင်းပွဲ၊  မဟာမုနိဓမ္မာရုံတွင်း ဆွမ်းပန်း၊ ရေချမ်း၊ ဆီမီးတို့ကို ဆက်ကပ်လှူဒါန်းပြီး၊ ရွာငယ်ကျောင်း ဆရာတော်ကြီးထံမှ ငါးပါးသီလခံယူဆောင်တည်ကြပြီး၊ လှူဖွယ်ဝတ္ထုပစ္စည်းများ ဆက်ကပ် လှူဒါန်းခဲ့ကြောင်း သိရှိရသည်။

   အဆိုပါ ပဉ္စမအကြိမ်မြောက် ဓနုဆုံဆည်းရာနေ့အခမ်းအနားတွင် ဒေသခံများနှင့် အနယ်နယ် အရပ်ရပ်မှ ဓနုတိုင်းရင်းသား/တိုင်းရင်းသူများသည် မွန်းလွဲ(၂)နာရီက မြို့လုံးကျွတ် ဆွမ်းဆန်စိမ်း လောင်းလှူပွဲကို စည်ကားသိုက်မြိုက်စွာ ကျင်းပကြောင်း သိရသည်။

                                                                                                                                                                                မောင်မောင်သန်း(တောင်ကြီး)

 

ကျောက်တလုံးကြီး ရေလှောင်တမံစီမံကိန်း လုပ်ငန်းဆောင်ရွက်မှုအား ပြည်ထောင်စုဝန်ကြီးနှင့် ရှမ်းပြည်နယ် ဝန်ကြီးချုပ်နှင့် အဖွဲ့ဝင်များ သွားရောက်ကြည့်ရှုစစ်ဆေး

တောင်ကြီး ဖေဖေါ်ဝါရီလ - ၂၅

 925

   ပြည်ထောင်စုသမ္မတမြန်မာနိုင်ငံတော်အစိုးရသည် ကျေးလက်ဒေသဖွံ့ဖြိုးတိုးတက်ရေးနှင့် ဆင်းရဲနွမ်းပါးမှု လျော့ချရေး၊ သောက်သုံးရေဖူလုံရေးနှင့် ဒေသစိမ်းလန်းစိုးပြည်ရေးကို ရှေးရှု၍ အချိန်တိုအတွင်း ပြီးစီနိုင်မည့် အသေးစား၊ အလတ်စား ဆည်မြောင်းစီမံကိန်းများကို အကောင်အထည်ဖော် ဆောင်ရွက်လျက်ရှိရာ ဖေဖေါ်ဝါရီ ၂၅ရက် နံနက်(၉)နာရီက လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီအဖွဲ့၊ ဥက္ကဌ ဦးခွန်စံလွင်၊ ပအိုဝ်းအမျိုးသားအဖွဲ့ချုပ် နာယက ဦးအောင်ခမ်းထီနှင့်  ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူတို့သည် ကျောက်တလုံးကြီး ရေလှောင်တမံစီမံကိန်း ရှင်းလင်းဆောင်သို့ ရောက်ရှိပြီး၊ ရေလှောင်တမံ တည်ဆောက်ခြင်းစီမံကိန်းတာဝန်ခံများမှ ရှင်းလင်းတင်ပြပြီး၊ ပြည်နယ်ဝန်ကြီးချုပ်နှင့် ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌတို့က ဖြည့်စွက်၍ လုပ်ငန်းဆောင်ရွက် ထားရှိမှုအခြေအနေများကို ရှင်းလင်တင်ပြရာ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်မှ လိုအပ်သည်များကို လမ်းညွှန်မှာကြား ခဲ့ကြောင်းသိရသည်။

   ဆက်လက်၍ ပြည်ထောင်စုဝန်ကြီးနှင့် အဖွဲ့ဝင်တို့သည် ရှင်းလင်းဆောင်ခန်းမရှုရပ်မှ ရေလောင်တမံတည်ဆောက် နေမှုများအား လှည့်လည်ကြည့်ရှုပြီး ဒေသခံတိုင်းရင်းသားပြည်သူများအား ရင်းရင်းနှီးနှီး လိုက်လံနှုတ်ဆက် ခဲ့ကြောင်း သိရသည်။ အဆိုပါ ကျောက်တလုံးရေလှောင်တမံသည် ပူးလာချောင်းနှင့် ပလောင်ခယ်ချောင်းပေါ်မှာ တည်ရှိပြီး တမံအမျိုးစားမှာ မြေသာတမံဖြစ်၍၊ အလျား(၁၄၇၃)ပေ၊ တမံအမြင့်(၄၀)ပေ၊ ကန်ရေပြည့်လှောင်နိုင်မှုပမာဏ (၂၈၆.၅)ဧက ပေနှင့် ရေဂါလန် (၇၈)သန်း သိုလှောင်နိုင်မည်ဖြစ်ကြောင်းသတင်းရရှိပါသည်။

                                                                                                                                                                               မောင်မောင်သန်း(တောင်ကြီး)

 

ရွှေဘုန်းပွင့်ဘုရား ဧကဒဿမအကြိမ် ဗုဒ္ဓပူဇနိယပွဲ ဆီမီးတစ်ထောင်၊ ပန်းတစ်ထောင်နေ့စဉ် ပူဇော်ခြင်းနှင့် အသံမစဲပဌာန်း ရွတ်ဖတ်ပူဇော်

တောင်ကြီး မတ် - ၂

929

   ရှမ်းပြည်နယ်အစိုးရအဖွဲ့မှ ကြီးမှူးကျင်းပသော တောင်ကြီးမြို့ ကျက်သရေဆောင် ရွှေဘုန်းပွင့်ဘုရားစေတီတော် ရင်ပြင်တော်ပေါ်တွင် ဧကဒဿမအကြိမ် ဗုဒ္ဓပူဇနိယပွဲ ဆီမီးတစ်ထောင်၊ ပန်းတစ်ထောင် နေ့စဉ်ပူဇော်ခြင်းနှင့် အသံမစဲပဌာန်း ရွတ်ဖတ်ပူဇော်ပွဲကို မတ်လ ၂ရက် နံနက်(၉)နာရီခွဲက အဆိုပါဘုရား၌ ကျင်းပကြောင်းသိရသည်။

   အခမ်းအနားကို ဆရာတော်၊ သံဃာတော်များ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် အမှူးပြုသော ပြည်နယ်ဝန်ကြီးများ၊ တာဝန်ရှိသူတို့နှင့် ဧည့်ပရိတ်သတ်များက နမောတဿ သုံးကြိမ်ဘုရားကန်တော့၍ ဖွင့်လှစ်ပြီး တောင်ကြီးမြို့ ရွှေဘုန်းပွင့် ဂေါပကအဖွဲ့မှ ဦးသိန်းစိုးက နတ်ဗြဟ္မာများအား ပင့်ဖိတ်သည်။

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် အမှူးပြုသော ပြည်နယ်ဝန်ကြီးများ၊ ဌာနဆိုင်ရာ အကြီးအကဲများ၊ ဧည့်သည်တော်များ၊ ပရိသတ်များတို့က တောင်ကြီးမြို့ ဘုရားကြီးအနောက်ကျောင်းဆရာတော် နိုင်ငံတော် ဗဟိုသံဃာဝန်ဆောင်ဂန္တဝါစကပဏ္ဍိတထံ ကိုးပါးသီလ ခံယူဆောက်တည်၍ ဆရာတော်၊ သံဃာတော်များ ရွတ်ပွားချီးမြှင့်အပ်သော ပရိတ်တရားတော်ကို နားကြားကြကြောင်းသိရသည်။

   ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ဆရာတော်၊ သံဃာတော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်ကြပြီး ဆရာတော်ကြီးထံမှ အနုမောဒနာတရားတော်နှင့် ရေစက်သွန်းချ တရားနာကြား၍ အမျှပေးဝေကြကြောင်းသိရသည်။

   ၎င်နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ရွှေဘုန်းပွင့် စေတီရင်ပြင်တော်ပေါ်တွင် ဆွမ်း၊ ဆီမီး၊ ပန်း၊ ရေချမ်းများတို့ကို ဆက်ကပ်လှူဒါန်းပူဇော်ကြပြီး၊ ဆရာတော်၊ သံဃာတော်(၁၇)ပါးအား နေ့ဆွမ်းဆက်ကပ် ကြကြောင်းသိရသည်။

   အဆိုပါ တောင်ကြီးမြို့ ကျက်သရေဆောင် ရွှေဘုန်းပွင့်စေတီရင်ပြင်တော်ပေါ်တွင် နေ့စဉ်ဆီမီးတစ်ထောင်၊ ပန်းတစ်ထောင် ပူဇော်ခြင်းနှင့် အသံမစဲ ပဌာန်းရွတ်ဖတ်ပူဇော်ပွဲများကို ဆရာတော်၊ သံဃာတော်များဖြင့် မတ်လ (၂)ရက်မှ (၇)ရက်နေ့အထိ ကျင်းပသွာမည်ဖြစ်ကြောင်း သိရှိရသည်။

                                                                     မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်နှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR Mr. Kazuhiro Kaneko တွေ့ဆုံ

တောင်ကြီး ဖေဖေါ်ဝါရီ - ၂၄

923

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်လူမှုရေးဝန်ကြီး၊ ပြည်နယ်အစိုးရအဖွဲ့ ညွှန်ကြားရေးမှူးတို့နှင့် အတူ ဖေဖေါ်ဝါရီလ(၂၄)ရက်၊ မွန်းလွှဲ(၁)နာရီခွဲက တောင်ကြီးမြို့၊ ပြည်နယ်ဝန်ကြီးချုပ် ဧည့်ခန်းမ၌ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မြစ်ကြီးနားရုံးမှ ကချင်ပြည်နယ်နှင့် ရှမ်းပြည်နယ် မြောက်ပိုင်းဆိုင်ရာ တာဝန်ခံဖြစ်သူ Mr.Kazuhiro Kanekoနှင့် တွေ့ဆုံဆွေးနွေးကြောင်းသိရသည်။ 

ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က လောက်ကိုင်ဒေသတွင် စစ်ဘေးရှောင်ဒုက္ခသည်များရှိနေကြောင်း၊ စစ်ဘေးရှောင်ဒုက္ခသည်များအတွက် နယ်မြေဒေသပြန်လည်ထူထောင်ရန်နှင့် ကျန်းမားရေးအတွက် စောင့်ရှောက်မှုများကို ပြန်လည်ပြုလုပ်ရန် အတွက် အဆွေးတော်ဘက်မှ အကူအညီပေးရန်ဆွေးနွေးသွားပြီး၊ Mr.Kazuhiro Kanekoမှ ပြန်လည် ဆွေးနွေးရာတွင် ပြည်နယ်ဝန်ကြီးချုပ်မှ ဆွေးနွေးချက်များ ကောင်မွန်၍ မိမိဘက်မှ UNHCRကို ဆက်လက် တင်ပြသွားမည်ဖြစ်ကြောင်း၊ အလုပ်ရုံးဆွေးနွေးပွဲလုပ်ဆောင်မှုနှင့် ပတ်သက်၍ ဆွေးနွေးရာ ပြည်နယ်ဝန်ကြီးချုပ်မှ သက်ဆိုင်ရာဌာများသို့ အကြောင်းကြား၍ ကူညီဆောင်ရွက်ပေးမည်ဖြစ်ကြောင်း၊ အဆွေတော်တို့ ရှမ်းပြည်နယ်သို့ရောက်ရှိနေစဉ် ရှမ်းပြည်နယ်၏ သဘာဝပတ်ဝန်းကျင်းအလှနှင့် အင်းလေးကန်သို့ သွားရောက်လည်ပတ်စေလိုကြောင်း ဆွေးနွေးသွားပြီး Mr.Kazuhiro Kanekoမှ ပြည်နယ်ဝန်ကြီးချုပ်အား အမှတ်တရလက်ဆောင်ပစ္စည်းပေးအပ်ခဲ့ကြောင်းသိရသည်။

                                                                             မောင်မောင်သန်း(တောင်ကြီး)

 

တောင်ကြီးမြို့နယ်၊ ရွှေညောင်ဌာန၌ စက်သုံးဆီအရောင်းဆိုင်များ (ရှမ်း/တောင်)မီးဘေးအန္တရာယ်ကြိုတင်ကာကွယ်ရေးပညာပေးဟောပြောပွဲနှင့်သရုပ်ပြပွဲကျင်းပ

တောင်ကြီး    မတ်လ     ၁

928

   ရှမ်းပြည်နယ်(တောင်ပိုင်း)၊ တောင်ကြီးမြို့၊ မြန်မာ့ရေနံထွက်ပစ္စည်းရောင်းဝယ်ရေးလုပ်ငန်း၊ ရွှေညောင်မြို့တွင် ရှမ်းပြည်နယ်အစိုးရအဖွဲ့မှ ရှမ်းပြည်နယ်ရေနံထွက်ပစ္စည်းများ တင်သွင်းသိုလှောင်သယ်ယူဖြန့်ဖြူးရောင်းချခြင်းလုပ်ငန်းများ၊ ထိန်းသိမ်းကြီးကြပ်ရေးဆပ်ကော်မတီမှကြီးမှူးကျင်းပသော တောင်ကြီးမြို့နယ်၊ ရွှေညောင်တွင် စက်သုံးဆီအရောင်းဆိုင်များ (ရှမ်း/တောင်)မီးဘေးအန္တရာယ်ကြိုတင် ကာကွယ်ရေးပညာပေးဟောပြောပို့ချပွဲနှင့် သရုပ်ပြပွဲကို မတ်လ(၁)ရက်နေ့ နံနက်(၉) နာရီက ရွှေညောင်ဌာန ခွဲ(က)အဆင့် ရွှေနံ့သာ အစည်းအဝေးခန်းမ၊ ရွှေညောင်-ရပ်စောက်လမ်း၊ သုခချမ်းသာ(၁)တွင် ကျင်းပရာ ရှမ်းပြည်နယ်အစိုးရအဖွဲ့ဝင် ရှမ်းပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွှန့် တက်ရောက်ကြည့်ရှုအားပေးခဲ့သည်။

   မီးဘေးအန္တရာယ်ကြိုတင်ကာကွယ်ရေး ပညာပေးဟောပြောပို့ချပွဲနှင့် သရုပ်ပြပွဲအစီအစဉ်အရ ရှမ်းပြည်နယ်၊ ရေနံထွက် ပစ္စည်းများတင်သွင်းသိုလှောင်သယ်ယူဖြန့်ဖြူးခြင်းလုပ်ငန်းများ၊ ထိန်းသိမ်းကြီးကြပ်ရေးဆပ်ကော်မတီဥက္ကဋ္ဌ၊ ရှမ်းပြည်နယ်အစိုးရ အဖွဲ့ဝင်၊ စီမံကိန်းနှင့်စီးပွားရေးဝန်ကြီး ဦးအောင်ကျော်ညွှန့်က အဖွင့်အမှာစကားပြောကြားပေးခဲ့သည်။ ရွှေညောင်ဌာနခွဲ(က)အဆင့် စွမ်းအင်ဝန်ကြီးဌာန၊ မြန်မာ့ရေနံထွက်ပစ္စည်းရောင်းဝယ်ရေးလုပ်ငန်း၊ ဌာနခွဲမန်နေဂျာ ဦးစိုးတင့်က (ပက်ထရိုလီယမ် ပရောဒက်(စ်) ဟန်းလင်း ပရောစက်စ်) PertoLeum Products Hand Ling  Process နှင့်ပတ်သက်၍ အသိပညာပေးခြင်း၊ ပြည်နယ်မီးသတ် တပ်ဖွဲ့မှူးရုံး ၊ လက်ထောက်ညွှန်ကြားရေးမှူး ဦးအောင်သူက သယ်ယူပို့ဆောင်ရေးလုပ်ငန်း၊ ဖြန့်ဖြူးရောင်းချရေးလုပ်ငန်းနှင့် မီးဘေးကြိုတင်ကာကွယ်ရေး အထွေထွေလိုက်နာဆောင်ရွက်ရမည့် အချက်များကို အသေးစိတ်ရှင်းလင်းဟောပြောပေးခဲ့သည်။

   ထိုနောက် လက်တွေ့သရုပ်ပြသခြင်း၊ မီးဘေးအန္တရာယ်ကြိုတင်ကာကွယ်တားဆီးနိုင်ရေးအတွက် သရုပ်ပြသရာတွင် နယ်မြေမီးသတ်စခန်း၊ ဒုတိယဦးစီးမှူး ဦးမြင့်သန်းကဦးဆောင်၍ သန္ဓေ(၈)ဦး၊ အရန်မီးသတ်တပ်ဖွဲ့(၁၅)ဦးနှင့် မီးသတ်ယာဉ်(၂)စီး၊ ရေသယ်ယာဉ်(၂)စီးတို့က လက်တွေ့ မီးငြိမ်းသတ်ပုံများကို လက်တွေ့ပြသလေ့ကျင့်ပေးခဲ့ကြသည်။ စက်သုံးဆီအရောင်းဆိုင်များမှ ကိုယ်စားလှယ်များကလည်း စိတ်ပါဝင်စားစွာကြည့်ရှုပြီး၊ မိမိတို့ စက်သုံးဆီအရောင်းဆိုင်များတွင် ကြိုတင်ကာကွယ်တားဆီး နိုင်ရေးအတွက် လေ့ကျင့်ဆောင်ရွက်သွားကြမည်ဖြစ်ကြောင်း သိရှိရသည်။

   အခမ်းအနားသို့ ရှမ်းပြည်နယ်အစိုးရအဖွဲ့ဝင်၊ ပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွှန့်၊ ရွှေညောင် ဌာနခွဲ(က)အဆင့် စွမ်းအင်ဝန်ကြီးဌာန၊ မြန်မာ့ရေနံထွက်ပစ္စည်းရောင်းဝယ်ရေးလုပ်ငန်း၊ ဌာနခွဲမန်နေဂျာ ဦးစိုးတင့်၊ မြန်မာ့ ရေနံထွက်ပစ္စည်းရောင်းဝယ်ရေးလုပ်ငန်း၊ ဌာနခွဲမှ တာဝန်ရှိဝန်ထမ်းများနှင့် စက်သုံးဆီအရောင်းဆိုင်ကိုယ်စားလှယ်များ၊ အခြား စိတ်ပါဝင်စားသူများနှင့် ဖိတ်ကြားထားသူများ စုစုပေါင်း(၁၈၃)ဦး တက်ရောက်ခဲ့ကြကြောင်း သတင်းရရှိသည်။

                                                                                                                                      စိုင်းသန်းကျော်(တောင်ကြီး)

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၂/၂၀၁၅)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၂/၂၀၁၅)ကျင်းပ

တောင်ကြီး  ဖေဖေါ်ဝါရီ   ၂၄

922

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၂/၂၀၁၅)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၂/၂၀၁၅)နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၂/၂၀၁၅) အခမ်းအနားကို  ဖေဖေါ်ဝါရီလ(၂၄)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး အစည်း အဝေးခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် စုံစမ်းစစ်ဆေးရေးကော်မရှင်မှ တင်ပြထားသည့် အစီရင်ခံစာ အပိုင်း(၁)မှ (၇)အထိ မြေယာမှုများ စိစစ်ဖြေရှင်းပြီးမှုများကို တင်ပြပေးရန်နှင့် စွန့်လွှတ်အပ်နှံ မြေများကို ပြန်လည်ပေးအပ်သည့်အခြေအနေ၊ ဆက်လက်လွှဲပြောင်းပေးမည့် အခြေအနေများကို တင်ပြပေးကြရာ လိုအပ်မှာဖြစ်ကြောင်း၊ လယ်ယာမြေစီမံခန့်ခွဲမှုကိစ္စများကို မြေလွတ်၊မြေရိုင်း စီမံခန့်ခွဲမှုကိစ္စများကိုလည်း ညှိနှိုင်းဆွေးနွေးရမှာဖြစ်ကြောင်း၊ အစီအရင်ခံစာအပိုင်း(၆)(၇)များကို ဇန်နဝါရီလကုန် ဖြေရှင်းပြီးပြတ်ရန် မှာကြားထားပြီးဖြစ်ကြောင်း၊ ခရိုင်/ မြို့နယ် မြေအသုံးချမှု ကော်မတီအနေဖြင့် အစိုးရအဖွဲ့က ဖြေရှင်းပေးမှုများကို ပြီးပြတ်အောင်ဖြေရှင်းပေးနိုင်သော်လည်း ဝန်ကြီးဌာနက ဖြေရှင်းရမည့်ကိစ္စများကို ပြည်ထောင်စုဝန်ကြီး၊ ဒုတိယဝန်ကြီး သဘောထားရရှိမှသာ ဖြေရှင်းပြီးပြတ်နိုင်မှာဖြစ်သည့်အတွက် ဝန်ကြီးဌာန၏ သဘောထားရရှိအောင် မြေအသုံးချမှု စီမံခန့်ခွဲရေး (ဗဟို)ကော်မတီကို ဆက်လက်တင်ပြရမှာဖြစ်ကြောင်း၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနများတွင် မြေယာမှုခင်းများ များပြားသည့်အတွက် ဝန်ကြီးဌာနသဘောထားရရှိရန် တောင်းခံသွားရမှာ ဖြစ်ကြောင်း၊ အစီအရင်ခံစာပါ မြေယာမှုများတွင် အကြောင်းအရင်းခိုင်မာ၍ မစွန့်လွှတ်သည့် မြေများကို ဝန်ကြီးဌာန(သို့မဟုတ်) ကုမ္ပဏီမှ ဖြေရှင်းပေးရမည့်ကိစ္စများကို ပြန်စိစစ်ပြီး၊ သိမ်းဆည်းခံရသည့် တောင်သူများ ခိုင်လုံသည့်အထောက်အထား၊ အရည်အချင်းရှိသည့် သက်သေ ရှိ/ မရှိ၊ အမှန်သိမ်းယူစဉ်က လျော်ကြေးပေးပြီး ဖြစ်/ မဖြစ်၊ အစားထိုးမြေပေးအပ်မှု ရှိ/ မရှိ၊ ဥပဒေနှင့်အညီ သိမ်းယူခဲ့ခြင်း ဟုတ်/မဟုတ်၊ မြေယာအသုံးပြုပြီး ဖြစ်/ မဖြစ်၊ မြေကျန်ရှိမှု ရှိ/ မရှိ၊ ယင်းမြေ၏ မြေရာဇဝင်များကို ပြန်စိစစ်ပြီး ဝန်ကြီးဌာနနှင့် ဆိုင်သည့်ကိစ္စများကို အပြီးအပြတ်ဆောင်ရွက်ပေးနိုင်အောင် သဘောထားရရှိရေး၊ မြေအသုံးချမှုစီမံခန့်ခွဲရေး(ဗဟို) ကော်မတီကို တင်ပြထားရန် လိုအပ်မှာဖြစ်ကြောင်း၊ ကုမ္ပဏီအဖွဲ့အစည်းများကလည်း စိစစ်ပြီး၊ သက်ဆိုင်ရာ မြေလွတ်၊ မြေရိုင်း (ဗဟို)အဖွဲ့က ရရှိထားပြီး၊ စိစစ်တင်ပြပေးရန်နှင့် လျော်ကြေးပေးရမည့်ကိစ္စများကိုလည်း ကွင်းဆင်းစိစစ်ရေးအဖွဲ့နှင့် စိစစ်ပြီး ဆုံးဖြတ်တင်ပြ ထားရမှာဖြစ်ကြောင်း၊ လျော်ကြေးငွေပေးအပ်ပြီး ကိစ္စများကိုလည်း စနစ်တကျမှတ်တမ်းထားရှိ၍ ခရိုင်များကလည်း ဖြေရှင်းတင်ပြမှုများကို အကြောင်းအရင်းခိုင်မာစွာဖြင့် တင်ပြရန် ထပ်မံမှာကြား လိုကြောင်း၊ ရှမ်းပြည်နယ် မြေယာမှုခင်းပြဿနာပေါင်း (၁၃၂၃)မှုကိုလည်း ယခုလကုန်တွင် အပြီးပို့နိုင်အောင် ဝိုင်းဝန်းကူညီဆောင်ရွက်ပေးကြရန်၊ သက်ဆိုင်ရာဝန်ကြီးဌာနများ သဘောထားရရှိရန် ပြည်နယ်အဆင့်ဌာနဆိုင်ရာများကလည်း ဝိုင်းဝန်ကူညီပေးကြရန် လိုအပ်မှာဖြစ်ကြောင်း၊ သီးခြားတိုင်စာများကိုလည်း အလေးထားဖြေရှင်းပေးကြရန်နှင့် မြေအသုံးချမှုစီမံခန့်ခွဲရေး ကော်မတီကို စွန့်လွှတ်မြေများ ပြန်လည်ပေးအပ်မှု တစ်လလျှင် နှစ်ကြိမ် စာရင်းပြုစုတင်ပြပေးကြရန်၊ မစွန့်လွှတ်သည့်မြေများကိုလည်း ဝန်ကြီးဌာနနှင့် ကုမ္ပဏီအဖွဲ့အစည်းများက ဆောင်ရွက်ပေးမည့်သဘောထားများကို ခရိုင်/ မြို့နယ်များက စိစစ်ညှိနှိုင်း ဆုံးဖြတ်တင်ပြလာသည့်များထဲက ခိုင်မာသည့်ကိစ္စများကို မြေအသုံးချမှုစီမံခန့်ခွဲရေး (ဗဟို)ကော်မတီကို ဆက်လက်တင်ပြ ဆောင်ရွက်သွားကြရန်၊ မြေအသုံးချမှု စီမံခန့်ခွဲရေး ကော်မတီ အနေဖြင့် ဥပဒေလုပ်ထုံးလုပ်နည်း ညွှန်ကြားချက်များနှင့်အညီ ဝိုင်းဝန်ပူးပေါင်းအကြံပြုဆောင်ရွက် ပေးကြရန် မှာကြားလိုကြောင်း ပြောကြားသွားသည်။

   ဆက်လက်၍ အစည်းအဝေးဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေး ကော်မတီ အစည်းအဝေး အမှတ်စဉ် (၂/၂၀၁၅)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၅)တင်ပြချက်များ မြေလွတ်၊ မြေလပ် နှင့် မြေရိုင်း များ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ် (၂/၂၀၁၅)တင်ပြချက်များအား ဆွေးနွေး ဆုံးဖြတ်ကြပြီး၊ တက်ရောက်လာကြသည်များမှ အထွေထွေဆွေးနွေးတင်ပြ ကြကြောင်းသိရသည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်သစ်တောနှင့် သတ္တုဝန်ကြီး၊ ပအိုဝ်း/ ဓနုကိုယ်ပိုင်ခွင့်ရ ဒေသဦးစီးအဖွဲ့ဝင်များ ရှမ်းပြည်နယ်အစိုးရအဖွဲ့ ညွှန်ကြားရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိကြီးများ၊ သက်ဆိုင်ရာပြည်နယ်အဆင့်ဌာနဆိုင်ရာ တာဝန်ရှိသူများနှင့် မြေစာရင်းဦးစီး ဌာနမှ တာဝန်ရှိသူများ တက်ရောက်ကြကြောင်း သိရှိရသည်။                    

                                                                                   မောင်မောင်သန်း(တောင်ကြီး)

 

More Articles...

  1. ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ လုပ်ငန်းညှိနှိုင်းအစည်းအဝေး ကျင်းပခြင်း
  2. ပြန်ကြားရေးဝန်ကြီးဌာန၊ဒုတိယဝန်ကြီး၊မြန်မာ့အသံနှင့်ရုပ်မြင်သံကြားဦးစီးဌာန၊ဝန်ထမ်းများအား ထောက်ပံ့ငွေများပေးအပ်လှူဒါန်း
  3. ရှမ်းပြည်နယ်အစိုးရအဖွဲ့မှလောက်ကိုင်ဒေသမှတိမ်းရှောင်လာသော ကျန်းမာရေးဝန်ထမ်းများအား ထောက်ပံ့ငွေများပေးအပ်
  4. ရှမ်းပြည်နယ်အစိုးရအဖွဲ့မှ ကြီးမှူး၍ ကိုးကန့်ကိုယ်ပိုင်အုပ်ချုပ်ခွင့်ရ လောက်ကိုင်ဒေသတိုင် နိုင်ငံတော်အတွက် အသက်ပေးလှူခဲ့သော တပ်မတော်သားများ နိုင်ငံ့ဝန်ထမ်းများ အပြစ်မဲ့ဒေသခံပြည်သူများအတွက် ကောင်းမှု ကုသိုလ် ပြုလုပ်လှူဒါန်းအမျှဝေခြင်း ကျင်းပ
  5. တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော် ကျင်းပ
  6. ရှမ်းပြည်နယ်ဒေသန္တရ ဖွံ့ဖြိုးတိုးတက်ရေး သဘောတူစာချုပ်များ လက်မှတ်ရေးထိုး
  7. အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အေးဝင်းနှင့် ဇနီး ဒေါ်ဌေးဌေးဝင်းတို့သည် နိုင်ငံတော်ကာကွယ်ရေး တာဝန်များကို သက်စွန့်ကြိုးပမ်းထမ်းရွက်နေသော တပ်မတော်သားများအား ဂုဏ်ပြုသောအားဖြင့် အလှူငွေများပေးအပ်လှူဒါန်းပွဲအခမ်းအနားတက်ရောက်ခြင်းသတင်း
  8. ကလောမြို့နယ်၊ ဟဲဟိုးတိုက်နယ်ဆေးရုံးသို့ အခမဲ့ကျန်းမာရေးကွင်းဆင်းစောင့်ရှောက်
  9. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဗုဒ္ဓတက္ကသိုလ် အဆောက်အဦ တည်ဆောင်မည့် မြေနေရာအား သွားရောက်ကြည့်ရှုစစ်ဆေး
  10. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ ရှမ်းပြည်နယ်ပြန်လည်ထူထောင်ရေးကောင်စီ (RCSS) ဥက္ကဌ ဦးရွက်ဆစ်နှင့်အဖွဲ့အား ဂုဏ်ပြုညစာစားပွဲ တည်ခင်းဧည့်ခံ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

padaung ရှမ်းပြည်နယ်(တောင်ပိုင်း) မိုင်းရှူး၊ ပင်လောင်းနှင့် ဖယ်ခုံမြို့နယ်များတွင် အများဆုံး နေထိုင်ကြသည်။

We have 52 guests and no members online

Latest Updates