သတင်းများ

(၆၁)ကြိမ်မြောက် မြန်မာနိုင်ငံဆရာဝန် ညီလာခံ ဖွင့်ပွဲကျင်းပ

တောင်ကြီး ဇန်နဝါရီ -  ၁၇

861

(၆၁)ကြိမ်မြောက် မြန်မာနိုင်ငံဆရာဝန် ညီလာခံ ဖွင့်ပွဲကို ဇန်နဝါရီ(၁၇) နံနက်(၈)နာရီက တောင်ကြီးမြို့၊ မြို့တော်ခန်းမ၌ ကျင်းပရာ အခမ်းအနားကို ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့် နယ်စပ်ရေးရာဝန်ကြီး၊ ဗိုလ်မှူးကြီးအောင်သူ၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ မြန်မာနိုင်ငံဆရာဝန်ညီလာခံအသင်း ဥက္ကဌ ဦးရဲမြတို့က ဖဲကြိုးဖြတ်ဖွင့်လှစ် ပေးကြကြောင်းသိရသည်။

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ကိုယ်စား၊ ပြည်နယ်လူမှုရေးရာ ဝန်ကြီး ဒေါက်တာမျိုးထွန်းနှင့် မြန်မာနိုင်ငံဆရာဝန်ညီလာခံအသင်း ဥက္ကဌ ဦးရဲမြတို့က အမှာစကားပြောကြားကြပြီးအခမ်းအနားကို အောင်မြင်စွာ ရုပ်သိမ်းလိုက်ကြောင်းသိရသည်။ အဆိုပါ(၆၁)ကြိမ်မြောက် ဆရာဝန်ညီလာခံအခမ်းအနားကို ဇန်နဝါရီ(၁၇)ရက်မှ (၂၁)ရက်နေ့အထိ ကျင်းပ၍ တောင်ကြီးမြို့၊ မြန်မာနိုင်ငံ ဆရာဝန်အသင်းရုံးခန်းမ၌ စာတမ်းဖတ်ပွဲများနှင့် ဆေးပညာနှီးနှော်ဖလှယ်ပွဲများ၊ ဆေးကုမ္ပဏီများမှ ဆေးအရောင်းပြခန်းများ၊ ပြုလုပ်သွားမည် ဖြစ်ကြောင်း၊ သိရှိရသည်။

မောင်မောင်သန်(တောင်ကြီး)

 

ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့၌ ဓနုမြေဘိုးဘွားရိပ်သာ အဆောက်အဦသစ်ဖွင့်လှစ်

တောင်ကြီး ဇန်နဝါရီ - ၂၀

859

   ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့ အော်ယောရပ်ကွက်တွင် လူမှုဝန်ထမ်းကယ်ဆယ်ရေးနှင့် ပြည်လည် နေရာချထားရေးဝန်ကြီးဌာနမှလှူဒါန်းထားသည့် ဓနုမြေဘိုးဘွာရိပ်သာ အဆောက်အဦသစ်ဖွင့်ပွဲကို ဇန်နဝါရီ(၂၀)ရက် နံနက်(၉)နာရီက အဆိုပါ ဘိုးဘွားရပ်သာ၌ ကျင်းပကြောင်း သိရသည်။ 

   ဓနုမြေဘိုးဘွားရိပ်သာအဆောက်အဦသစ်အား ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ၊ ဦးထူးကိုကိုတို့က ဖဲကြိုးဖြတ် ဖွင့်လှစ်ပေးကြသည်။ ဆက်လက်၍ လူမှုဝန်ထမ်းကယ်ဆယ်ရေးနှင့် ပြည်လည်နေရာချထားရေးဝန်ကြီးဌာန၊ ပြည်ထောင်စု ဝန်ကြီး ဒေါက်တာ ဒေါ်မြတ်မြတ်အုန်းခင်မှ ဓနုမြေဘိုးဘွားရိပ်သာဆိုင်းဘုတ်အား၊ စက်ခလုပ်နှိပ်ဖွင့်လှစ်ပေးကာ၊ ပြည်ထောင် စုဝန်ကြီး၊ ပြည်နယ်ဝန်ကြီးချုပ်နှင့် တာဝန်ရှိသူတို့က ကမ္ဗည်းမှတ်တမ်းအား နံသာရည်များဖြင့် ပက်ဖြန်းပေးကြပြီး၊ ဘိုးဘွားရိပ်သာ အဆောက်အဦအတွင်းလှည့်လည်ကြည့်ရှု၍ ဘိုးဘွားများအား ထောက်ပံငွေနှင့် ပစ္စည်းများပေးအပ်ခဲ့ကြောင်း၊ သိရသည်။ 

860

   ထို့နောက် အခမ်းအနားအစီအစဉ်အရ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့က အမှာစကားပြောကြားကြပြီး၊ ဓနုမြေဘိုးဘွားရိပ်သာနှင့် ပတ်သက်၍ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ၊ ဦးထူးကိုကိုမှ ရှင်းလင်းတင်ပြကြောင်းသိရသည်။

   ၎င်းနောက် အလှူငွေများပေးအပ်လှူဒါန်းရာ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင် မိသားစုမှ၊ အလှူငွေကျပ်(၁၀)သိန်းကို လည်းကောင်း၊ ရှမ်းပြည်နယ်အစိုးရ အဖွဲ့မှ အလှူငွေကျပ်သိန်း(၃၀)ကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်တို့မှပေးအပ်ရာ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးထူးကိုကိုမှလက်ခံရယူပြီး၊ အလှူရှင်များမှ လှူဒါန်းသော အလှူငွေများကို ပြည်ထောင်စုဝန်ကြီး ဒေါက်တာမြတ်မြတ်အုန်းခင်၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများနှင့် တာဝန်ရှိ သူတို့က အသီးသီးလက်ခံရယူ၍ အခမ်းအနားကို အောင်မြင်စွာရုပ်သိမ်းလိုက်ကြောင်းသိရှိရသည်။

                                                                                 မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ် (လားရှိုးဒေသ)သို့ ဒေသဖွံ့ဖြိုးရေးနှင့် အခမဲ့ ကျန်းမာရေး ကွင်းဆင်းစောင့်ရှောက်မှု ခရီစဉ်

လားရှိုး    ဇန်နဝါရီ   ၁၀

853

   ရှမ်းပြည်နယ်အစိုးရအဖွဲ့ဝင် လူမှုရေးဝန်ကြီး ဒေါက်တာမျိုးထွန်း၊ တွဲဘက် ပြည်နယ် ကျန်းမာရေး ဦးစီးဌာနမှူး ဒေါက်တာဇော်မင်းထွန်းတို့ဦးဆောက်လျက် ဇန်နဝါရီ(၁၀)ရက်နေ့တွင် သီပေါဆေးရုံအုပ်ကြီး ဒေါက်တာနန်းရူပဟန်နှင့် အထူးကုဆရာဝန်ကြီးများ ပူးပေါင်းပါဝင်သော အဖွဲ့မှ သီပေါမြို့နယ်၊ ဘော်ကြိုကျေးရွာရှိ ကျေးရွာနေ ပြည်သူများအား အခမဲ့ကျန်းမာရေး ကွင်းဆင်း စောင့်ရှောက်မှုများကို ဆောင်ရွက်ခဲ့ကြပြီး၊ အခမဲ့ကွင်းဆင်းကုသရာတွင် ဆေးဝါးများ ဝယ်ယူရန်အတွက် ထောက်ပံ့ငွေကျပ်(၅)သိန်း၊ သီပေါမြို့နယ် အားကစားကဏ္ဍအတွက် ဘောလုံး(၅)လုံးတို့ကို ပေးအပ်လှူဒါန်းခဲ့ပါသည်။ ဘော်ကြိုကျေးရွာ အခမဲ့ကျန်းမာရေး ကွင်းဆင်း စောင့်ရှောက်မှုတွင် လူနာ(၁၄၉)ဦးအား ကုသပေးခဲ့ကြောင်း သတင်းရရှိပါသည်။

   ဆက်လက်၍ နေ့လည်(၁၂)နာရီတွင် ကျောက်မဲဆေးရုံအုပ်ကြီး ခရိုင်ဆရာဝန်ကြီး ဒေါက်တာ အောင်အောင်နှင့် အထူးကုဆရာဝန်ကြီးများအဖွဲ့မှ နောင်ချိုမြို့နယ်ပြည်သူ့ဆေးရုံတွင် နောင်ချို မြို့နယ်အနီးရှိ ကျေးရွာနေ ပြည်သူများအား အခမဲ့ကျန်းမာရေးကွင်းဆင်း စောင့်ရှောက် နေမှုများကို လိုက်လံကြည့်ရှုအားပေးပြီး၊ အခမဲ့ကွင်းဆင်း ကုသရာတွင် ဆေးဝါးများဝယ်ယူရန်အတွက် ထောက်ပံ့ငွေကျပ်(၅)သိန်း၊ နောင်ချို မြို့နယ်အားကစားကဏ္ဍအတွက် ဘောလုံး(၅)လုံးတို့ကို ပေးအပ်လှူဒါန်းခဲ့ပါသည်။ နောင်ချိုမြို့နယ်အခမဲ့ ကျန်းမာရေးကွင်းဆင်းစောင့်ရှောက်မှုတွင် လူနာ(၁၂၅)ဦးအား ကုသပေးခဲ့ကြောင်း သတင်းရရှိပါသည်။

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်းမှ ၂၀၁၅ခုနှစ် ပြည်နယ်အဆင့်အစုလိုက် ဝက်သက်နှင့် ဂျိုက်သိုးရောဂါ ကာကွယ်ဆေးထိုးလုပ်ငန်း ဖွင့်ပွဲ အခမ်းအနားတက်ရောက်ခြင်း

တောင်ကြီး ဇန်နဝါရီ  - ၁၉

858

   ၂၀၁၅ခုနှစ်၊ ဇန်နဝါရီလ (၁၉)ရက်၊ နံနက်(၉)နာရီတွင် တောင်ကြီးမြို့၊ အမှတ်(၁) အခြေခံပညာအထက်တန်းကျောင်း၊ ဒေါ်ခင်သိန်းခန်းမ၌ ၂၀၁၅ခုနှစ်၊ ပြည်နယ်အဆင့် အစုလိုက်ဝက်သက်နှင့် ဂျိုက်သိုးရောဂါကာကွယ်ဆေးထိုးလုပ်ငန်း၊ ဖွင့်ပွဲအခမ်းအနားတစ်ရပ် ကျင်းပပြုလုပ်ခဲ့ရာ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်အဆင့်ဌာနဆိုင်ရာ အကြီးအကဲများ၊ လူမှုရေးအသင်းအဖွဲ့များမှ တာဝန်ရှိပုဂ္ဂိုလ်များ၊ ကုလသမဂ္ဂကလေးများရန်ပုံငွေအဖွဲ့မှ  ကိုယ်စားလှယ်များ တက်ရောက်ခဲ့ပြီး၊ အခမ်းအနားတွင် ပြည်နယ်လူမှုရေးဝန်ကြီးမှ အဖွင့်မိန့်ခွန်းမြွက်ကြားပေးပြီးနောက် ကာကွယ်ဆေးထိုးနှံနေသည့် ကလေးများအား ဆက်လက်ကြည့်ရှု့အားပေးခဲ့ကြောင်းသတင်းရရှိပါသည်။

 

အသက်(၁၀၀)နှစ် နှင့်အထက် အဘိုး/အဘွားများအား နိုင်ငံတော် သမ္မတ၏ ဂုဏ်ပြုမှတ်တမ်းလွှာနှင့် ဂုဏ်ပြုချီးမြှင့်ထောက်ပံ့ငွေ ပေးအပ်

တောင်ကြီး   ဇန်နဝါရီ   ၁၁

849

   ပြည်ထောင်စုသမ္မတ မြန်မာနိုင်ငံတော်၏ ဂုဏ်ပြုခံ အသက်(၁၀၀)နှစ် နှင့်အထက် သက်ကြီး ဝါကြီး အဘိုး/အဘွားများအား နိုင်ငံတော် သမ္မတ၏ ဂုဏ်ပြုမှတ်တမ်းလွှာ နှင့် ဂုဏ်ပြုချီးမြှင့် ထောက်ပံ့ငွေပေးအပ်ခြင်းနှင့် ရှမ်းပြည်နယ်အစိုးရအဖွဲ့၏ ထပ်ဆင့်ဂုဏ်ပြုချီးမြှင့်ထောက်ပံ့ငွေ ပေးအပ်ခြင်းကို ဇန်နဝါရီ(၁၁)ရက် နံနက်(၈)နာရီခွဲက တောင်ကြီးမြို့၊ မြို့တော်ခန်းမ၌ ကျင်းပ ကြောင်း သိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဘိုး/အဘွားများအား ဂုဏ်ပြုနူတ်ခွန်းဆက်စကားပြောကြားပြီး၊ ပြည်နယ်ဝန်ကြီးချုပ်မှ အဘိုး/ အဘွားများအား နိုင်ငံတော် သမ္မတ၏ ဂုဏ်ပြု မှတ်တမ်းလွှာနှင့် ဂုဏ်ပြုချီးမြှင့်ထောက်ပံ့ငွေ ကျပ်(၂)သိန်း၊ ရှမ်းပြည်နယ်အစိုးရအဖွဲ့၏ ထပ်ဆင့်ဂုဏ်ပြုချီးမြှင့် ထောက်ပံ့ငွေ ကျပ်(၁)သိန်းနှင့် ဂုဏ်ပြုမှတ်တမ်းလွှာများကို လွိုင်လင်ခရိုင် နမ့်စန်မြို့နယ်မှ အဘိုး ဦးလုံစန်းတ၊ တောင်ကြီး မြို့နယ်မှ အဘွား ဒေါ်မန်းမာယာ၊ ညောင်ရွှေမြို့နယ်မှ အဘွားဒေါ်ငြိမ်တို့အား ပေးအပ်ပေးပြီး၊ ကိုယ်တိုင်မတက်ရောက်နိုင်သည့် အဘိုး/ အဘွားများ၏ ကိုယ်စားများကိုလည်း ဂုဏ်ပြု မှတ်တမ်းလွှာနှင့် ဂုဏ်ပြုချီးမြှင့်ထောက်ပံ့ငွေများကို ပြည်နယ်ဝန်ကြီးချုပ်မှ ပေးအပ်ခဲ့ကြောင်း သိရသည်။

850

   နိုင်ငံတော် သမ္မတ၏ ဂုဏ်ပြုမှတ်တမ်းလွှာနှင့် ဂုဏ်ပြုချီးမြှင့်ထောက်ပံ့ငွေပေးအပ် ဂုဏ်ပြုခံ အသက်(၁၀၀)နှစ် နှင့်အထက် အဘိုး/အဘွားများမှာ တောင်ကြီးခရိုင်/ လွိုင်လင်ခရိုင်/ လင်းခေး ခရိုင်တို့မှ စုစုပေါင်း အဘိုး/အဘွား (၁၆)ဦးတို့ဖြစ်ကြောင်း သိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရား လွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ ပြည်နယ် အမျိုးသမီးရေးရာအဖွဲ့များ၊ တောင်ကြီးပညာရေးကောလိပ်မှ ဆရာမများ၊ သူနာပြုသင်တန်း ကျောင်းမှ သင်တန်းသူများ၊ ရပ်ကွက်အုပ်ချုပ်ရေးမှူးများ၊ ဂုဏ်ပြုခံအဘိုး/အဘွားများနှင့် ကိုယ်စားလှယ်များ တက်ရောက်ကြကြောင်း သိရှိရသည်။

851

   ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ညောင်ရွှေမြို့၊ ဟိုတယ်ဇုန် တည်ဆောက်ရေး စီမံကိန်း ရှင်းလင်းဆောင်ခန်းမသို့ သွားရောက်ပြီး၊ ရှင်းလင်းဆောင် ခန်းမတွင် ရှမ်းပြည်နယ်အစိုးရအဖွဲ့ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ အင်းလေးဟိုတယ်ဇုန် စီမံကိန်းလမ်းနှင့် ဟိုတယ်နေရာများ၊ ဟိုတယ်ဇုန်မြေအသုံးချမှုအခြေအနေ၊ ဟိုတယ်ဇုန်မှလမ်းမိုင်အကွာအဝေး၊ ဟိုတယ်ဇုန် လုပ်ငန်းစီမံချက်နှင့် ပြီးစီးမှုတို့ကို ရှင်းလင်း တင်ပြပြီး၊ လျှပ်စစ်ဓါတ်အားဖြန့်ဖြူးခြင်းဆိုင်ရာ လုပ်ငန်းတစ်ခုခြင်းအလိုက်၏ ဆောင်ရွက်ပြီးစီးမှု အခြေအနေများကို ကုမ္ပဏီတာဝန်ရှိသူတစ်ဦးမှ ရှင်းလင်းရာ ပြည်နယ်ဝန်ကြီးချုပ်မှ လိုအပ်သည် များကို ဖြည့်စွက်မှာကြားခဲ့ကြောင်း သိရသည်။

   ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် မော်တော်ယာဉ်ဖြင့် ဟိုတယ်ဇုန်အတွင်း လမ်းများဖောက်လုပ်ပြီးစီးမှုနှင့် လျှပ်စစ်ဓါတ်အား ဖြန့်ဖြူးမည့် လျှပ်စစ်ဓါတ်အားခွဲရုံနှင့် မော်တော်စက်လှေဆိပ် ပြုလုပ်မည့်နေရာတို့ကို လှည့်လည် ကြည့်ရှုစစ်ဆေးပြီး၊ တာဝန်ရှိသူများကရှင်းလင်းတင်ပြကြကြောင်း သိရသည်။

   ၎င်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ရှမ်းပြည်နယ်အစိုးရအဖွဲ့နှင့် မင်းကျန်စစ်ကုမ္ပဏီတို့မှ ဆောက်လုပ်လျက်ရှိသော အေးသာယာ ပြည်သူ့ ဝန်ထမ်းအိမ်ရာ ဆောက်လုပ်ရေးစီမံကိန်း ရှင်းလင်းဆောင်သို့ရောက်ရှိလာပြီး၊ ရှင်းလင်းဆောင်ခန်းမတွင် မင်းကျန်စစ်ကုမ္ပဏီ ဒါရိုက်တာ ဦးနန္ဒာလှမြင့်မှ ပြည်သူ့ဝန်ထမ်းအိမ်ရာ တည်ဆောက်နေမှုကို ပါဝါပွိုင့်ဖြင့်ရှင်းလင်းရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက် မှာကြားပြီး၊ ပြည်နယ် ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ပြည်သူ့ဝန်ထမ်း အိမ်ရာ တည်ဆောက်နေမှုတို့ကို လှည့်လည် ကြည့်ရှုစစ်ဆေးကြကြောင်း သိရှိရသည်။

                                                                                                                                                                       မောင်မောင်သန်း(တောင်ကြီး)

 

ရှမ်းပြည်နယ်လူမှုရေးဝန်ကြီး ဒေါက်တာမျိုးထွန်း၊ တောင်နီအခြေခံပညာအထက်တန်းကျောင်း၊ ကျောင်းအဆင့်တိုးမြှင့်ဖွင့်လှစ်ခြင်းနှင့် ကျောင်းဆောင်သစ်လွှဲပြောင်းပေးအပ်ပွဲ အခမ်းအနားတက်ရောက်ခြင်း၊

တောင်ကြီး ဇန်နဝါရီ  -  ၁၈

857

   ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်သည် ဇန်နဝါရီလ (၁၈)ရက်၊ နံနက်(၉)နာရီတွင် တောင်ကြီးမြို့၊ တောင်နီအခြေခံပညာ အထက်တန်းကျောင်း၊ ကျောင်းအဆင့်တိုးမြှင့် ဖွင့်လှစ်ခြင်းနှင့် ကျောင်းဆောင်သစ် လွှဲပြောင်းပေးအပ်ပွဲအခမ်းအနားသို့ တက်ရောက်ပြီး၊ ပြည်နယ်ပညာရေး ညွှန်ကြားရေးမှူး ဦးချစ်ဆွေ၊ ကျောင်းအကျိုးတော်ဆောင်နှင့်အတူ ကျောင်းအဆင့်တိုးမြှင့် ဖွင့်လှစ်ခြင်း၊ အခမ်းအနားအား ဖဲကြိုးဖြတ် ဖွင့်လှစ်ပေးခဲ့ပါသည်။

   ဆက်လက်၍ ကျောင်းအတွင်းရှိစာသင်ခန်းများ၊ မီဒီယာခန်းများကို လှည့်လည် ကြည့်ရှု့စစ်ဆေး၍ ကျောင်းဆောင်သစ်အား စက်ခလုတ်နှိပ်ဖွင့်လှစ်ပေးခဲ့ပြီး၊ အခမ်းအနား တွင် အဖွင့်အမှာစကားပြောကြားပေးခဲ့ကာ တောင်နီအခြေခံပညာအထက်တန်းကျောင်း အတွက် ကွန်ပျူတာ(၁)စုံနှင့် ငွေကျပ်(၁၀)သိန်းအား ကျောင်းအုပ် ဆရာမကြီးထံပေးအပ် လှူဒါန်းခဲ့ကြောင်းသတင်းရရှိပါသည်။

   ထို့နောက် တောင်နီမြို့ တွဲဘက်အခြေခံပညာမူလတန်းကျောင်းအား သွားရောက် စစ်ဆေးခဲ့ရာ မြို့နယ်အထောက်အကူပြုကော်မတီအဖွဲ့ဝင်များနှင့် ကျောင်းအကျိုးတော် ဆောင်များမှ ရှင်းလင်းတင်ပြမှုများအပေါ် လိုအပ်သည်များကို လမ်းညွှန်မှာကြားခဲ့ကြောင်း သတင်းရရှိပါသည်။

 

လွိုင်ခမ်း အိမ်ရာစီမံကိန်းလုပ်ငန်း အကောင်အထည်ဖော် ဆောင်ရွက်မည့် စီမံကိန်း ရှင်းလင်း

တောင်ကြီး   ဇန်နဝါရီ   ၁၀

852

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့အတွင်းရေးမှူးတို့နှင့်အတူ ဇန်နဝါရီ(၁၀)ရက် နံနက်(၁၀)နာရီခွဲက တောင်ကြီး မြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ လွိုင်ခမ်းအိမ်ရာစီမံကိန်း လုပ်ငန်း အကောင် အထည်ဖော်ဆောင်ရွက်မည့် စီမံကိန်းတာဝန်ရှိသူများနှင့် တွေ့ဆုံရှင်းလင်းကြောင်း သိရ သည်။

   ပထမဦးစွာ လွိုင်ခမ်း အိမ်ရာစီမံကိန်းလုပ်ငန်း အကောင်အထည်ဖော်ဆောင်ရွက်မည့် ဒါရိုက်တာ ဦးရဲမင်းအေးက အိမ်ရာစီမံကိန်းလုပ်ငန်းများကို ကဏ္ဍအလိုက် ပါဝါပွိုင့်ဖြင့် ရှင်းလင်း တင်ပြသည်။

   ဆက်လက်၍ တက်ရောက်လာသည့် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးများမှ မိမိတို့သိရှိလိုသည့်ကဏ္ဍအလိုက် ဆွေးနွေးကြပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာစကားပြောကြားရာ ရှမ်းပြည်နယ်တွင် ဒေသဖွံ့ဖြိုးရေးအတွက် မြို့ပြစီမံကိန်းနှင့်အညီ ဆောင်ရွက်ရခြင်းဖြစ်ကြောင်း၊ လွိုင်ခမ်း အိမ်ရာစီမံကိန်းများကို မိမိဖြစ်ချင် သည့်အတိုင်း တင်ပြ၍ ရှင်းလင်းပေးသည့်အတွက် အစိုးရအဖွဲ့မှ အိမ်ရာပုံစံများကို မြင်တွေ့ရပြီး ဖြစ်ကြောင်း၊ ရေရရှိရေး၊ လျှပ်စစ်မီးရရှိရေးနှင့် လမ်းအသုံးပြုမှု ကိစ္စရပ်များကို သက်ဆိုင်ရာ ဌာနများနှင့် ကုမ္ပဏီများ ပူးပေါင်းလုပ်ကိုင်ရန်၊ အစိုးရအဖွဲ့နှင့် စနစ်တကျ ပူးပေါင်း ဆောင်ရွက် သည့်အတွက် MOU/ MOA  လက်မှတ်ရေးထိုးနိုင်အောင် အစိုးရအဖွဲ့မှ ကူညီဆောင်ရွက် ပေးသွားမည်ဖြစ်ကြောင်း သိရသည်။

   အဆိုပါတွေ့ဆုံရှင်းလင်းပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ လွိုင်ခမ်းအိမ်ရာ စီမံကိန်းလုပ်ငန်း အကောင် အထည် ဖော်ဆောင်ရွက်မည့် ဒါရိုက်တာနှင့် တာဝန်ရှိသူများ တက်ရောက်ကြကြောင်း သိရှိရသည်။

                                                                                                                                                                        မောင်မောင်သန်း(တောင်ကြီး)

 

မိုးပွင့်အထူးစီမံချက် နိုင်ငံသားစိစစ်ရေးကဒ်ပြားများ ပေးအပ်

တောင်ကြီး   ဇန်နဝါရီ   ၁၆

856

   ရှမ်းပြည်နယ်(တောင်ပိုင်း) တောင်ကြီးမြို့နယ်၊ အေးသာယာမြို့သစ်၊ အေးသာယာမြို့လယ် သာသနာ့ဗိမာန်၌ ဇန်နဝါရီ(၁၆)ရက် နံနက်(၁၀)နာရီခွဲက မိုးပွင့်အထူးစီမံချက် နိုင်ငံသားစိစစ်ရေး ကဒ်ပြားများ ပေးအပ်ပွဲကို ကျင်းပကြောင်း သိရသည်။

   မိုးပွင့်အထူးစီမံချက် ဆောင်ရွက်ရခြင်းနှင့်ပတ်သက်၍ လူဝင်မှုကြီးကြပ်ရေးနှင့် အမျိုးသား မှတ်ပုံတင် ဦးစီးဌာနမှ ခရိုင်ဦးစီးဌာနမှူး၊ ဒုတိယညွှန်ကြားရေးမှူး ဦးမြတ်သွင်မှ ရှင်းလင်းရာ လူဝင်မှုကြီးကြပ်ရေးနှင့် အမျိုးသား မှတ်ပုံတင် ဦးစီးဌာနမှ မြို့နယ်ဦးစီးမှူးများအား ရှေ့ရေး ပုံစံများကို ပေးပြီးဖြစ်၍ ပြည်သူများမှ ပုံစံများကို ဖြည့်ပေးရန်နှင့် ဖြည့်ပေးပြီးပါက စိစစ် စစ်ဆေး ဆောင်ရွက်၍ မိမိတို့ဌာနမှ တစ်ကြိမ်(သို့မဟုတ်) နှစ်ကြိမ် ကွင်းဆင်းဆောင်ရွက်ကာ (၆)လအတွင်း ဆောင်ရွက်ပေးသွားမည်ဖြစ်ကြောင်း၊ ရပ်ကွက်အုပ်ချုပ်ရေးမှူးများမှ ပြည်သူများ နားလည် သိရှိအောင် အသိပညာပေး၍ မှန်ကန်သောစာရင်းပေးပို့ရမည်ဖြစ်ကြောင်း၊ နိုင်ငံသား၏ တန်ဖိုးနှင့် အရည်အချင်းများကို မေ့လျော့နေကြကြောင်း၊ နိုင်ငံသားတစ်ယောက်ဖြစ်ပါက လွှတ်တော် ကိုယ်စားလှယ်အဖြစ် ရွေးချယ်နိုင်ကြောင်း၊ နိုင်ငံသားမဟုတ်လျှင် ကိုယ်တိုင်ရွေးချယ်ခွင့် မရကြောင်းနှင့် အများပြည်သူဆန္ဒအရ မဲများပေးနိုင်ခွင့်မရှိနိုင်ကြောင်း၊ နိုင်ငံသားမဟုတ်ရင် ဆရာဝန်ဆေးကျောင်းတက္ကသိုလ်၊ အင်ဂျင်နီယာ တက္ကသိုလ် တက်ရောက်သင်ယူလေ့လာခွင့် မရှိနိုင် ပါကြောင်း၊ ယခုထုတ်ပေးသည့် နိုင်ငံသားစိစစ်ရေးကဒ်ပြားများကို နိုင်ငံသားတစ်ဦးအနေဖြင့် စည်းကမ်းရှိစွာ တန်ဖိုးထား၍ကိုင်စေလိုကြောင်း၊ နိုင်ငံသားစိစစ်ရေးကဒ်ပြား၏ အနှစ်သာရသည် ဦးစီးဦးဆောင်မည့် တောင်ကြီးမြို့နယ်၊ အေးသာယာမြို့တွင် ကိုယ်စားလှယ်များအား မဲပေးပိုင်ခွင့် ရရှိနိုင်မည်ဖြစ်ကြောင်း၊ ကိုယ့်ရပ်ကိုယ့်ရွာ၏အကျိုးသယ်ပိုးနိုင်မည့် ပြည်သူတို့မဲထည့်ရာတွင် နိုင်ငံသား စိစစ်ရေးကဒ်ပြားသည် အရေးကြီးကြောင်း၊ မိုးပွင့်အထူးစီမံချက် အနေဖြင့် ပြည်သူများ က စာရင်းဇယားများကို မှန်ကန်စွာ ပေးစေလိုကြောင်း၊ နိုင်ငံတော်မှ စေတနာနှင့် မိမိတို့ဌာန၏ ပြည်သူများကို စေတနာထား၍ ကွင်းဆင်းဆောင်ရွက်ပေးရခြင်းဖြစ်ကြောင်း ပြောကြား သွားသည်။

   ဆက်လက်၍ နိုင်ငံသားစိစစ်ရေးကဒ်ပြားများပေးအပ်ရာ လူဝင်မှုကြီးကြပ်ရေးနှင့် မျိုးသား မှတ်ပုံတင် ဦးစီးဌာနမှ ခရိုင်ဦးစီးဌာနမှူး၊ ဒုတိယ ညွှန်ကြားရေးမှူး ဦးမြတ်သွင်၊ မြို့နယ် ဦးစီးမှူး ဦးစီးအရာရှိ ဦးသန့်ဇင်၊ အေးသာယာ ရပ်ကွက်(၈)အုပ်ချုပ်ရေးမှူး ဦးဝင်းဆွေတို့က တက်ရောက် လာသည့် ပြည်သူများကို နိုင်ငံသားစိစစ်ရေးကဒ်ပြားများကို ပေးအပ်ပြီး၊ အေးသာယာရပ်ကွက်(၈)  အုပ်ချုပ်ရေးမှူးနှင့် ပြည်သူများ(ကိုယ်စား)၊ အေးသာယာရပ်ကွက်(၈)မှ ဒေါ်မြမြစန်းက ကျေးဇူးတင် စကားပြန်လည်ပြောကြားကြကြောင်း သိရသည်။

   ယခုလို နိုင်ငံသားစိစစ်ရေးကဒ်ပြားများကို ပြုလုပ်ပေးသည့်အတွက် မိမိ၏ သားသမီး (ကိုယ်စား)လာရောက်ရကြောင်း၊ အခက်အခဲမရှိပဲ အမြန်ဆုံးလွယ်ကူစွာရရှိသည့်အတွက် ကျေးဇူးတင်၍ ပျော်ရွှင်ရပါကြောင်း၊ နိုင်ငံသားစိစစ်ရေးကဒ်ပြားများပြုလုပ်ပေးရာ ရပ်ကွက်ရုံးတွင် စာရွက်စာတမ်းများ၊ ဓါတ်ပုံများ၊ ကုန်ကျစရိတ်များသက်သာကြောင်း၊ တစ်ရက်နဲ့အပြီးဆောင်ရွက် ပေးသည့်အတွက် နိုင်ငံသားစိစစ်ရေးကဒ်ပြားများချက်ချင်းရရှိပြီး ကျေနပ်ဝမ်းသာမိပါကြောင်း၊ လူဝင်မှုကြီးကြပ်ရေးနှင့်အမျိုးသားမှတ်ပုံတင်ဦးစီးဌာန ကိုလည်း ကျေးဇူးတင်ရှိပါကြောင်း၊ အေးသာယာရပ်ကွက်(၈)၊ နယ်မြေ(၅/ခ)နေထိုင်သူ ဒေါ်တင်မိုးသူမှပြောသွားသည်။

   မိုးပွင့်အထူးစီမံချက်၏ နိုင်ငံသားစိစစ်ရေးကဒ်ပြားများပေးအပ် ဆောင်ရွက်ရာတွင် တောင်ကြီးမြို့နယ်၊ အေးသာယာ ရပ်ကွက်(၈)တွင်၊အိမ်ခြေ(၁၂၇၄)၊ အိမ်ထောင်စု(၁၃၁၀)၊ လူဦးရေ (၆၄၄၂)ဦးရှိရာ၊ အသက်(၁၈)နှစ်ပြည့်ပြီးသူ(၁၈၁)ဦး၊ အသက်(၁၀)နှစ်ပြည့်ပြီးသူ(၂၂၀)ဦး၊ နိုင်ငံ သားစိစစ်ရေးကဒ်ပြားပျောက်ဆုံး/ ပျက်စီးသူ (၅၅)ဦး၊ စုစုပေါင်း(၄၅၆)ဦးတို့ကို နိုင်ငံသား စိစစ်ရေးကဒ်ပြားများပေးအပ်ခဲ့ပြီး၊ အဆိုပါအခမ်းအနားသို့ လူဝင်မှုကြီးကြပ်ရေးနှင့် အမျိုးသား မှတ်ပုံတင်ဦးစီးဌာန ခရိုင်ဦးစီးဌာနမှူး၊ ဒုတိယညွှန်ကြားရေးမှူး၊မြို့နယ်ဦးစီးမှူး၊ ဦးစီးအရာရှိနှင့် တာဝန်ရှိသူများ၊ အေးသာယာရပ်ကွက်(၈) အုပ်ချုပ်ရေးမှူးနှင့်အဖွဲ့ဝင်များ၊ ဒေသခံ မိဘပြည်သူ များ၊ စုစုပေါင်းအင်အား(၂၅၀)ဦးခန့် တက်ရောက်ကြောင်းသိရှိရသည်။

                                                                                                                                                                           မောင်မောင်သန်း(တောင်ကြီး)

 

အနည်းဆုံးအခကြေးငွေစာရင်းကောက်ယူရေးသင်တန်းဖွင့်

တောင်ကြီး ဇန်နဝါရီ - ၉

847

   အလုပ်သမား၊ အလုပ်အကိုင်နှင့် လူမှုဖူလုံးရေးဝန်ကြီးဌာန၊ အလုပ်သမားညွှန်ကြားရေးဦးစီးဌာနမှ အနည်းဆုံး အခကြေးငွေ သတ်မှတ်နိုင်ရေးအတွက် အိမ်ထောင်စုများ၏ နေထိုင်စားသုံးစရိတ်များ အခြေအနေ စစ်တမ်းကောက်ယူရေး သင်တန်းကို ဇန်နဝါရီ(၉)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။ 

   အနည်းဆုံးအခကြေးငွေ သတ်မှတ်ရေးဆိုင်ရာ၊ ရှမ်းပြည်နယ်အမျိုးသားကော်မတီ ဥက္ကဌ၊ ဗမာတိုင်းရင်းသားရေးရာ ဝန်ကြီးဦးနိုင်ဝင်းက အဖွင့်အမှာစကားပြောကြားသည်။ ဆက်လက်၍ အနည်းဆုံးအခကြေးငွေစာရင်းကောက်ယူရေး သင်တန်ပို့ချမည့် အဖွဲ့ခေါင်းဆောင် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီအတွင်းရေးမှူး၊ အလုပ်သမားညွှန်ကြားရေးဦးစီးဌာန၊ ညွှန်ကြားရေးမှူးချုပ် ဦးမျိုးအောင်မှ အနည်းဆုံးအခကြေးငွေအကောင်အထည်ဖော်မှု လုပ်ငန်းစဉ်များအား ပါဝါပွိုင့်ဖြင့် ရှင်းလင်းတင်ပြကြောင်းသိရသည်။

   ထို့နောက် အိမ်ထောင်စုများ၏ နေထိုင်စားသောက်မှုစရိတ် စစ်တမ်းကောက်ယူရေးမေးခွန်းလွှာများ နှင့် ပတ်သက်၍ ဦးထွန်းထွန်းဦး(သင်တန်းနည်းပြ)မှ ရှင်းလင်းပြီး၊ တက်ရောက်လာသည့် သင်တန်းသား၊ သင်တန်းသူများမှ သိရှိလိုသည် များကို မေးမြန်ကြကြောင်းသိရသည်။

   ၎င်းနောက် စာရင်းကောက်မေးခွန်းလွှာများနှင့် ပတ်သက်၍ လက်တွေ့လုပ်ဆောင်ကြပြီး၊ အနည်းဆုံးအခကြေးငွေ စာရင်းကောက်ယူရေး သင်တန်ပို့ချမည့် အဖွဲ့ခေါင်းဆောင် အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီ အတွင်းရေးမှူး၊ အလုပ်သမားညွှန်ကြားရေး ဦးစီးဌာန၊ ညွှန်ကြားရေးမှူးချုပ် ဦးမျိုးအောင်မှ နိဂုံးချုပ်စကားပြောကြား ကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်/ ကယားပြည်နယ်ရှိမြို့နယ်များမှ သင်တန်းသား၊ သင်တန်းသူ (၉၂)ဦး တက်ရောက်၍ သင်တန်းကို ဇန်နဝါရီ(၉)ရက်မှ (၁၀)ရက်အထိ နံနက်(၉)နာရီမှ ညနေ(၅)နာရီ အထိ သင်ကြားပို့ချသွားမည် ဖြစ်ကြောင်းသိရှိရသည်။

                                                                                   မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းမှ ရပ်စောက်မြို့နယ် ကြာအင်းကျေးရွာမှ နှုတ်ခမ်းကွဲ၊ အာခေါင်ကွဲ လူနာများအား ထောက်ပံ့ငွေပေးအပ်ခြင်း

တောင်ကြီး   ဇန်နဝါရီ   ၁၆

854

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်မှုဖြင့် ပြည်နယ် ကျန်းမာရေးဦးစီးဌာနမှူး၊ စဝ်စံထွန်းဆေးရုံအုပ်ကြီးနှင့် အထူးကုဆရာဝန်ကြီးများ ပါဝင်သောအဖွဲ့သည် ဇန်နဝါရီလ (၁၆)ရက်နေ့တွင် ရပ်စောက်မြို့နယ်ကြာအင်းကျေးရွာသို့ အခမဲ့ ကျန်းမာရေးကွင်းဆင်း စောင့်ရှောက်မှုလုပ်ငန်းများဆောင်ရွက်ခဲ့ရာတွင် ကြာအင်းကျေးရွာ၌ နှုတ်ခမ်းကွဲ၊ အာခေါင်ကွဲလူနာ(၁)ဦး၊ အရိုးလူနာ(၂)ဦး၊ လည်ပင်းကြီးလူနာ(၁)ဦးတွေ့ရှိသဖြင့် တောင်ကြီးမြို့၊ စဝ်စံထွန်းဆေးရုံတွင် တက်ရောက်ပြီး အခမဲ့ခွဲစိတ်ကုသမှုခံယူရန်မှာကြားခဲ့ရာ လူနာများမှ ဇန်နဝါရီလ (၁၅)ရက်နေ့တွင် တောင်ကြီးမြို့၊ စဝ်စံထွန်းဆေးရုံကြီးသို့ တက်ရောက် ခွဲစိတ်ကုသမှုခံယူခဲ့သဖြင့် အဆိုပါလူနာများအား ရှမ်းပြည်နယ်အစိုးရအဖွဲ့ဝင် လူမှုရေးဝန်ကြီးမှာ ဇန်နဝါရီလ (၁၆)ရက်နေ့တွင် စဝ်စံထွန်းဆေးရုံကြီးသို့သွားရောက်ကြည့်ရှု အားပေးခဲ့ပြီး၊ ခွဲစိတ် ကုသမှုခံယူခဲ့သော အရိုးလူနာ(၂)ဦးအား တစ်ဦးလျှင် ငွေကျပ်(၅)သောင်းနှုန်းဖြင့် လူနာနှစ်ဦး အတွက် စုစုပေါင်း ငွေကျပ်(၁)သိန်းတိတိကို ပေးအပ်လှူဒါန်းခဲ့ပါကြောင်း သတင်းရရှိပါသည်။

855

ပြည်သူ့လွှတ်တော်ကိုယ်စားလှယ်၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ နှင့် ဌာနဆိုင်ရာများ၊ ရပ်ကွက်/ ကျေးရွာရပ်မိရပ်ဖများ နှင့် တွေ့ဆုံပွဲ ပြုလုပ်

ဟိုပုံး   ဇန်နဝါရီ   ၇

846

   ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ် ပြည်သူ့ လွှတ်တော်ကိုယ်စားလှယ်၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် ဌာနဆိုင်ရာများ၊ ရပ်ကွက်/ ကျေးရွာရပ်မိရပ်ဖများနှင့် တွေ့ဆုံပွဲ အခမ်းအနားကို ဇန်နဝါရီ(၇)ရက် မွန်းလွဲ(၁)နာရီက ဟိုပုံးမြို့နယ် ခန်းမ၌ ပြုလုပ်ကြောင်း သိရသည်။

   အခမ်းအနားတွင် ဟိုပုံးမြို့နယ် ပြည်သူ့လွှတ်တော်ကိုယ်စားလှယ် ဦးခွန်သိန်းဖေက အဖွင့် အမှာစကားပြောကြားပြီး၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်က အစိုးရသစ်လက်ထက်(၄)နှစ်တာ ကာလအတွင်း တာဝန်ထမ်းဆောင်ရာတွင် ပွင့်လင်းလာမည့် လူ့အဖွဲ့အစည်း တည်ဆောက်ရာတွင် ပြည်သူအတွက် ခိုင်မြဲရန်လိုအပ်ပါကြောင်း၊ မိမိဘက်မှ ဉာဏ်စွမ်းရှိသ၍ မိဘပြည်သူအတွက် ဆောင်ရွက်ရမှာဖြစ်ပါကြောင်း၊ အုပ်ချုပ်ရေးအရ ပြောင်းလဲ လာသော ဒီမိုကရေစီကာလတွင် တတ်စွမ်းသမျှ ဒေသ လိုအပ်ချက်ကို ဒေသဦးစီး ကော်မတီ၊ မြို့နယ်အထောက်အကူပြုကော်မတီနှင့် မြို့မိ/ မြို့ဖတို့ ပူးပေါင်း၍ ဆောင်ရွက်နေပါကြောင်း၊ ဒေသ အလိုက် လိုအပ်ချက်ကို ဒေသဦးစီးအဖွဲ့မှ အစည်းအဝေးဖြင့် ဆောင်ရွက်နေပါကြောင်း၊ (၄)နှစ်တာ ကာလအတွင်း ရှမ်းပြည်နယ်လွှတ်တော်အစည်းအဝေး (၁၁)ကြိမ်၊ အရေးပေါ်(၁)ကြိမ်၊ အထူး အစည်းအဝေး(၁)ကြိမ်၊ စုစုပေါင်း(၁၃)ကြိမ်ဆောင်ရွက်ခဲ့ပါကြောင်း၊ နိုင်ငံရေးပိတ်ဆို့မှု အရေးကြုံ နေရသော်လည်း၊ စီးပွားရေးဆိုင်ရာ ကဏ္ဍမှာ ပြုပြင်ပြောင်းလဲမှုများ၊ အလုပ်အကိုင်အခွင့်အလမ်း လုပ်ငန်းရင်းနှီးမြှုပ်နှံမှုအပေါ် သတင်းအချက်အလက်များ လျှင်မြန်စွာ စီးဆင်းလာ၍ ဖွံ့ဖြိုး တိုးတက်မှု မြန်ဆန်နေပါကြောင်း၊ မိမိတို့ ဒေသဖွံ့ဖြိုးတိုးတက်ရေးအတွက် ဒေသခံပြည်သူ လူထုများကလည်း ဝိုင်းဝန်းပူးပေါင်းပါဝင်ကြစေလိုကြောင်း ပြောကြားသွားသည်။

   ဆက်လက်၍ မြို့နယ်အုပ်ချုပ်ရေးမှူး ဦးမောင်မောင်က မြို့နယ်အတွင်းဒေသဖွံ့ဖြိုးရေး လုပ်ငန်းဆောင်ရွက်ချက်များကို အသေးစိတ် ပါဝါပွိုင့်ဖြင့် ရှင်းလင်းတင်ပြ၍လည်းကောင်း၊ လူဝင်မှုကြီးကြပ်ရေးနှင့် အမျိုးသားမှတ်ပုံတင် ဦးစီးဌာန မြို့နယ်ဦးစီးဌာနမှူး ဦးစီးအရာရှိ ဦးစိုင်းသန်းလှိုင်က မိုးပွင့်အဆင့်(၁)မှ(၇)အထိ လုပ်ငန်းဆောင်ရွက်ချက်များကိုလည်းကောင်း၊ စည်ပင်သာယာရေးဌာန အမှုဆောင်အရာရှိ ဦးစိုင်းအောင်လင်းက လမ်းဖောက်လုပ်မှုအခြေအနေ၊ ကတ္တရာခင်းခြင်း လုပ်ငန်း၊ ရေရရှိရေးလုပ်ငန်းများကိုလည်းကောင်း၊ ကျေးလက်ဒေသ ဖွံ့ဖြိုး တိုးတက်ရေး ဦးစီးဌာန ဦးစီးအရာရှိ ဦးစိုးလွင်မြင့်က ကျေးလက် လမ်း/တံတား ဆောင်ရွက်နိုင်မှု အခြေအနေကိုလည်းကောင်း၊ လျှပ်စစ်ဓါတ်အား ဖြန့်ဖြူးရေးလုပ်ငန်းမှ မြို့နယ်လျှပ်စစ် အင်ဂျင်နီယာ ဦးခင်အောင်ဇော်က လျှပ်စစ်မီးရရှိရေးအတွက် ဆောင်ရွက်နိုင်မှု အခြေအနေကို လည်းကောင်း၊ မြို့နယ်ကျန်းမာရေး ဦးစီးဌာနမှ ဒေါက်တာမောင်မောင်သိန်းက ကျန်းမာရေး ဝန်ထမ်းအိမ်ရာ တည်ဆောက်မှုကဏ္ဍကိုလည်းကောင်း၊ မြို့နယ်ပညာရေးမှူး ဒေါ်နန်းအေးစိန်က ပညာရေးဝန်ထမ်း ဆရာ/ဆရာမ ခန့်အပ်မှုနှင့် ကျောင်းတည်ဆောက်ရရှိမှု အခြေအနေကို လည်းကောင်း၊ မြို့နယ်ပြည်သူ့ဆောက်လုပ်ရေး လုပ်ငန်းအင်ဂျင်နီယာ ဦးအေးကျော်က လမ်းတံတားဆောက်လုပ်မှုအခြေအနေများကို ပါဝါပွိုင့်ဖြင့် အသီးသီးရှင်းလင်းတင်ပြကြသည်။

   ထို့နောက် တွေ့ဆုံပွဲအခမ်းအနားသို့ တက်ရောက်လာကြသည့် ဒေသခံရပ်မိ/ရပ်ဖများက လျှပ်စစ် ထရန်စဖော်မာကိစ္စ၊ မူလတန်းကျောင်း ဆောက်လုပ်ပေးရေးကိစ္စနှင့်ပတ်သက်၍ ဆွေးနွေး တင်ပြရာ တာဝန်ရှိသူများက တင်ပြချက်အပေါ် ပြန်လည်ဖြည့်ဆည်းပြောကြားပြီး၊ ဒေသ ဦးစီးအဖွဲ့ ဥက္ကဌ ဦးခွန်စံလွင်မှ နိဂုံးချုပ်စကားပြောကြားကာ အခမ်းအနားကို အောင်မြင်စွာ ရုပ်သိမ်းလိုက် ကြောင်း သိရသည်။

   တွေ့ဆုံပွဲသို့ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဝင်များ၊ မြို့နယ်အဆင့် ဌာန ဆိုင်ရာများ၊ မြို့နယ်အထောက်အကူပြုကော်မတီများ၊ ရပ်ကွက်/ကျေးရွာရှိ အုပ်ချုပ်ရေးမှူးနှင့် ရပ်မိ/ရပ်ဖများ၊ စုစုပေါင်းအင်အား(၇၆၅)ဦး တက်ရောက်ကြကြောင်း သိရှိရသည်။

                                                                                                                                                                            နန်းဦးခမ်း(ဟိုပုံး)

 

More Articles...

  1. အစုလိုက် ဝက်သက်နှင့် ဂျိုက်သိုးရောဂါ ကာကွယ်ဆေး ထိုးနှံခြင်းလုပ်ငန်း အသိပေးရှင်းလင်းပွဲကျင်းပ
  2. (၆၇)နှစ်မြောက် လွတ်လပ်ရေးနေ့ အလံတင်အခမ်းအနားနှင့် သဝဏ်လွှာဖတ်ကြားပွဲကျင်းပ
  3. ရှမ်းပြည်နယ်ပညာရေး စုံညီပွဲတော်ဖွင့်ပွဲ ကျင်းပ
  4. ရှမ်းပြည်နယ်ဝန်ကြီးချုပ်၊ Taunggyi Shopping Center တည်ဆောက်ရေး လုပ်ငန်းခွင်သို့ ကွင်းဆင်းကြည့်ရှု စစ်ဆေး
  5. တောင်ကြီးခရိုင်၊ ညောင်ရွှေမြို့တွင် ပြည်သူများဆန္ဒထုတ်ဖော်
  6. တောင်ကြီးမြို့၌ စာကြည့်တိုက်ဝန်ဆောင်မှုလုပ်ငန်းများ မြှင့်တင်ရေးအလုပ်ရုံဆွေးနွေးပွဲကျင်းပ
  7. ကိုယ်ပိုင်အုပ်ချုပ်ခွင့်ရတိုင်း/ ဒေသရှိ 'ဝ'၊ ကိုးကန့်နှင့် ကျောက်မဲခရိုင်၊ နောင်ချိုမြို့တွင် ဆန္ဒထုတ်ဖော်
  8. တောင်ကြီးမြို့၊ အေးသာယာပြည်သူ့ဝန်ထမ်းအိမ်ရာ တည်ဆောက်ရေး စီမံကိန်း(MOA)၊ ခေတ်မီအဆင့်မြင့် ယာဉ်ရပ်နားစခန်း တည်ဆောက်ခြင်းလုပ်ငန်း(MOA)နှင့် မူဆယ်မြို့ ခေတ်မီမြို့ ပတ်ကမ်းနားလမ်း စီမံကိန်း စာချုပ်ပြင်ဆင် ဖြည့်စွက်ခြင်း၊ လက်မှတ်ရေးထိုး
  9. ကိုယ်ပိုင်အုပ်ချုပ်ခွင့်ရဒေသရှိ ဓနု၊ ပလောင်နှင့် ရှမ်းတိုင်းရင်းသားများ၏ ဆန္ဒထုတ်ဖော်
  10. ပအိုဝ်းအမျိုးသားများ၏ ဆန္ဒထုတ်ဖော်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

myaung-ziရှမ်းပြည်နယ်(အရှေ့ပိုင်း) မိုင်းခတ်နှင့် ရှမ်းပြည်နယ်(တောင်ပိုင်း) နမ့်စန်(ခိုလမ်)မြို့နယ်များတွင် အများဆုံး နေထိုင်ကြပါသည်။

We have 53 guests and no members online