သတင်းများ

ရှမ်းပြည်နယ်အစိုးရအဖွဲ့နှင့် HOLY FLYING TIGER HERITAGE COMPANY LIMITED အဖွဲ့နှင့် တွေ့ဆုံ

တောင်ကြီး   အောက်တိုဘာ   ၁၆

691

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်စီမံကိန်းဦးစီးဌာန ပြည်နယ်မှူးတို့နှင့်အတူ အောက်တိုဘာ(၁၆)ရက် မွန်းလွဲ(၂)နာရီက တောင်ကြီးမြို့၊ ရှမ်းပြည်နယ် အစိုးရရုံး၊ အစည်းအဝေးခန်းမ၌ တွေ့ကြောင်း သိရသည်။

   ပထမဦးစွာ ကိုသန်းထိုက်ဝင်း(BUSINGSS DEVEROPMENT) မန်နေဂျာမှ စင်္ကာပူနိုင်ငံတွင် Surbana ကုမ္ပဏီမှ ဒီဇိုင်းရေးဆွဲလျက်ရှိကြောင်း၊ စင်္ကာပူနိုင်ငံတွင် (Top Ten) ဝင်ပြီး၊ စင်္ကာပူနိုင်ငံရှိ တိုက်(၇၇၆)လုံးကို ဒီဇိုင်းရေးဆွဲပေးလျက်ရှိကြောင်း၊ ဆေးရုံးအဆောက်အဦး များကိုလည်း ဝန်ကြီးဌာနနှင့်ပူးပေါင်းညှိနှိုင်း၍ လုပ်ကိုင်ပေးလျက်ရှိကြောင်း၊ စက်ရုံ၊ အလုပ်ရုံ၊ စက်မှုဇုန်များကိုလည်း ဒီဇိုင်းရေးဆွဲပေးလျက်ရှိကြောင်း၊  သောက်သုံးရေမဟုတ်ပဲ သီးခြားရေများ ကိုလည်း ရေသန့်အဖြစ်အသုံးပြုနိုင်ရန် ဆောင်ရွက်ပေးလျက်ရှိကြောင်း၊ ရန်ကုန် ဒဂုန်ဆိပ်ကမ်း များတွင် အဆောက်အဦများကိုလည်း ဒီဇိုင်းရေးဆွဲပေး၍ ရန်ကုန်မြို့တွင် ငါးပြတိုက် အဟောင်းကို ငါးပြတိုက် (work plan) အသစ်ကိုဆောင်ရွက်ပေးလျက်ရှိကြောင်း ဆွေးနွေး ရှင်းလင်းပြီး၊ တောင်ကြီးမြို့၊ ဗိုလ်ချုပ်အောင်ဆန်းလမ်း၊ ပြည်တော်သာရပ်ကွက် မြေနေရာပေါ်တွင် နိုင်ငံတကာ အဆင့်မီ အထပ်(၂၀)မြင့် အဆောက်အဦအား တည်ဆောက်မည်အစီအစဉ်နှင့် အဆောက်အဦကို တာဝန်ယူတည်ဆောက်မည် စင်္ကာပူနိုင်ငံ အခြေစိုက်ဆောက်လုပ်ရေးကုမ္ပဏီများ ဖြစ်ကြသည့် Subanb International Consultants Pte Ltd နှင့် CNQC, Qingjian International (Myanmar) Group Development Co,Ltd ကုမ္ပဏီများအနေဖြင့် အဆောက်အဦနှင့် ပတ်သက်၍စီမံဆောင်ရွက် ထားမှုများကို ရှင်းလင်းဆွေးနွေးသွားကြောင်း သိရသည်။

   ဆက်လက်၍ ပြည်နယ်ဝန်ကြီးချုပ်မှ ဆွေးနွေးရာတွင် လျှပ်စစ်ဝန်ကြီး ကိစ္စရပ်များနှင့် ကားပါကင်ကိစ္စရပ်များ ပတ်သက်၍ အကြံပြုဆွေးနွေးပြီး၊ အဆောက်အဦနှင့် ပတ်သက်၍ ဘယ်လို ဆောင်ရွက်မည်ကို သိရှိလိုကြောင်း၊ အဆောက်အဦ ပြီးစီးမှု ဘယ်လောက်ကြာနိုင်မလဲ၊ ဖောင်ဒေးရှင်းကိစ္စရပ်များ စသည့်တို့ကို ပြည်နယ်ဝန်ကြီးများမှ အကြံပြုဆွေးနွေးသွားကြကြောင်း သိရှိရသည်။

                                                                                                                                                                  မောင်မောင်သန်း(တောင်ကြီး)

၂၀၁၄ခုနှစ် တောင်ကြီးတန်ဆောင်တိုင်ပွဲတော်ကျင်းပရေးလုပ်ငန်းညှိနှိုင်းအစည်းအဝေးကျင်းပ

တောင်ကြီး အောက်တိုဘာ - ၁၆

689

   ၂၀၁၄ခုနှစ် ရှမ်းပြည်နယ်တောင်ကြီးတန်ဆောင်တိုင်ပွဲတော်ကျင်းပရေး လုပ်ငန်းညှိနှိုင်းအစည်းအဝေး အမှတ်စဉ် (၂/၂၀၁၄) အခမ်းအနားကို အောက်တိုဘာ(၁၆)ရက်နံနက်(၉)နာရီခွဲက တောင်ကြီးမြို့၊ မြို့တော်ခန်းမ၌ ကျင်းပပြုလုပ်ရာ တောင်ကြီးတန်ဆောင်တိုင်ပွဲတော်ကျင်းပရေး ဦးစီးကော်မတီ နာယက ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားသည်။

690

   ထို့နောက် တောင်ကြီးတန်ဆောင်တိုင်ပွဲတော်ကျင်းပရေး ဦးစီးကော်မတီ အတွင်းရေးမှူး၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးမြင့်အောင်မှ ၂၀၁၄ခုနှစ် တောင်ကြီးတန်ဆောင်တိုင်ပွဲတော်ကျင်းပရေး လုပ်ငန်းညှိနှိုင်းအစည်းအဝေး အမှတ်စဉ်(၁/၂၀၁၄) အစည်းအဝေးဆုံးဖြတ်ချက်များကို ရှင်းလင်းတင်ပြပြီး၊ ရှမ်းပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူမှ လုံခြုံရေးဆိုင်ရာ ကိစ္စရပ်များနှင့် ပွဲတော်ကာလအတွင်း ယာဉ်စည်းကမ်း၊ လမ်းစည်းကမ်း၊ စနစ်တကျ ရှိစေရန် ကိစ္စရပ်များကို ဆွေးနွေးပြောကြားသည်။ 

   ဆက်လက်၍ တောင်ကြီးတန်ဆောင်တိုင်ပွဲတော် ကျင်းပရေးကော်မတီများဖြစ်ကြသည့် ဘဏ္ဍာရေးလုပ်ငန်းကောမတီ၊ ဖွင့်ပွဲ၊ ပိတ်ပွဲကျင်းပရေးကော်မတီ၊ မီးပုံးပျံပြိုင်ပွဲ ကျင်းပရေးလုပ်ငန်းကော်မတီ၊ အခမ်းအနားပြင်ဆင်ရေးကော်မတီ၊ ပြန်ကြားရေး၊ မှတ်တမ်းတင်ရေးနှင့် ဖိတ်ကြားရေးလုပ်ငန်းကော်မတီ၊ သယ်ယူပို့ဆောင်ရေးလုပ်ငန်းကော်မတီ၊ မီးပဒေသာ လှည့်လည် ပြိုင်ပွဲကျင်းပရေး လုပ်ငန်းကော်မတီ၊ မသိုးသင်္ကန်းရက်လုပ်ယှဉ်ပြိုင်ဆက်ကပ်ရေး၊ ဆုချီးမြှင့်ရေးနှင့် ဆွမ်း ဆက်ကပ်ရေး လုပ်ငန်းကော်မတီ၊ ဖျောဖြေရေးနှင့် ပြပွဲ ပြိုင်ပွဲကျင်းပရေးလုပ်ငန်းကော်မတီ ကျန်းမားရေးနှင့် သန့်ရှင်းမှု ကြီးကြပ်ရေး လုပ်ငန်းကော်မတီ၊ မြို့လုံးကျွတ်မဟာဗုံကထိန်းပွဲတော် ကျင်းပရေးလုပ်ငန်းကော်မတီ၊ ဆုချီးမြှင့်ပွဲ၊ အခမ်းအနား ပြင်ဆင်ကျင်းပရေးနှင့် ဧည့်ခံကျွေးမွေးရေးလုပ်ငန်းကော်မတီများမှ မိမိတို့ လုပ်ငန်းကဏ္ဍများအလိုက် ဆောင်ရွက်မည့် အခြေအနေများကို အသီးသီးရှင်းလင်းတင်ပြကြရာ၊ လိုအပ်သည်များကို ပေါင်းစပ်ညှိနှိုင်း ဆောင်ရွက်သွားကြရန် ဆွေးနွေး ကြပြီး၊ တောင်ကြီးတန်ဆောင်တိုင်ပွဲတော်ကျင်းပရေး ဦးစီးကော်မတီ နာယက ပြည်နယ်ဝန်ကြီးချုပ် ဦးစဝ်အောင်မြတ်က လိုအပ်သည်များကို ကော်မတီအဖွဲ့အလိုက် ပေါင်းစပ်ညှိနှိုင်းဆောင်ရွက်လုပ်ကိုင်သွားကြရန် လမ်းညွှန်မှာကြားခဲ့ကြာင်း သိရသည်။

   အဆိုပါ တောင်ကြီးတန်ဆောင်တိုင်ပွဲတော်ကို အောက်တိုဘာ(၃၀)ရက်နေ့မှ နိုဝင်ဘာ(၇)ရက်နေ့အထိ စည်ကား သိုက်မြိုက်စွာ ကျင်းပသွားမည်ဖြစ်ပြီး၊ ညမီးကြီးအလုံး(၉၀)၊ စိန်နားပန်(၃၄)လုံး၊ နေ့လွတ်အရုပ်ခြေနှစ်ချောင်း၊ ခြေလေးချောင်း၊ အုပ်စုအရုပ်များ စုစုပေါင်း(၂၀၀)ကျော်လွတ်တင်သွားမည်ဖြစ်ပြီး  ဆုများကိုယင်ခင်နှစ်ကထကတိုးမြှင့်၍ မီးကြီးပထမဆုကို သိန်း(၆၀)၊ ဒုတိယဆုကို(၄၅)သိန်း၊ တတိယဆုကို(၄၀)သိန်း၊ စတုတ္ထဆုကို(၃၅)သိန်းနှင့် စိန်နားပန်ပထမဆု(၂၅)သိန်း၊ ဒုတိယဆု(၂၀)သိန်း၊ တတိယဆု(၁၈)သိန်း၊ စတုတ္ထဆု(၁၅)သိန်း၊ ပဉ္စမဆု(၁၃)သိန်း၊ နေ့လွတ်အရုပ် ပထမဆု(၅)သိန်း၊ ဒုတိယဆု(၄)သိန်း၊ တတိယဆု(၂)သိန်းနှင့် နှစ်သိမ့်ဆုများအသီးသီးချီးမြှင့်သွားမည် ဖြစ်ပြီး၊ ဓါတ်ပုံပြိုင်ပွဲ၊ Miss တန်ဆောင်တိုင်ပြိုင်ပွဲ၊ မသိုးသင်္ကန်းရက်ပြိုင်ပွဲ၊ ခြင်းလုံးအလှခတ်ပြိုင်ပွဲ၊ မီးပဒေသာလှည့်လည်ပြိုင်ပွဲ၊ မြို့လုံးကျွတ် မဟာဘုံကထိန်ပဒေသာပင်လှည့်လည် ပူဇော်ပွဲများနှင့် ဇာတ်သဘင်၊ အငြိမ့်၊ စတိတ်ရှိုးများဖြင့် စည်ကား သိုက်မြိုက်စွာ ကျင်းပသွားမည်ဖြစ်ကြောင်း သတင်းရရှိပါသည်။

   အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွတ်တော်တရားသူကြီးချုပ်၊ ပြည်နယ်ဝန်ကြီးများ၊ တိုင်းရင်းသားရေးရာဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့အတွင်းရေးမှူးနှင့် ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများ တောင်ကြီးတန်ဆောင်တိုင်ပွဲတော်ကျင်းပရေးကော်မတီဝင်များ၊ တာဝန်ရှိသူများ တက်ရောက်ကြကြောင်းသိရသည်။

                                                                          မောင်မောင်သန်း(တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၁/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၂/၂၀၁၄)နှင့် မြေလွတ်၊ မြေလပ်နှင့် မြေရိုင်းများစီမံခန့်ခွဲရေးလုပ်ငန်းအဖွဲ့ အစည်းအဝေးအမှတ်စဉ် (၁၁/၂၀၁၄)ကျင်းပ

တောင်ကြီး အောက်တိုဘာ - ၁၃

681

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၁/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၂/၂၀၁၄)နှင့် မြေလွတ်၊ မြေလပ်နှင့် မြေရိုင်းများစီမံခန့်ခွဲရေးလုပ်ငန်းအဖွဲ့ အစည်းအဝေးအမှတ်စဉ် (၁၁/၂၀၁၄) အခမ်းအနားကို အောက်တိုဘာ(၁၃)ရက် နံနက်(၈)နာရီခွဲက တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်မြေအသုံးချမှု စီမံခန့်ခွဲရေးကော်မတီ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့၊ ရှမ်းပြည်နယ်မြေလွတ်၊ မြေလပ်နှင့် မြေရိုင်းများစီမံခန့်ခွဲရေးအဖွဲ့ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားသည်။

680

   ဆက်လက်၍ အစည်းအဝေးဆုံးဖြတ်ချက်များ ဖတ်ကြားအတည်ပြုပြီး၊ ပြည်နယ်ဝန်ကြီးချုပ်သည် တောင်ကြီးမြို့၊ မြို့တော်ခန်းမ၌ ကျင်းပသော အပြည်ပြည်ဆိုင်ရာ သဘာဝဘေး လျော့ပါးရေးနေ့ အခမ်းအနားသို့တက်ရောက်၍ အဖွင့် အမှာစကားပြောကြားရာတွင်  သဘာဝဘေးအန္တရာယ် စီမံခန့်ခွဲမှု လုပ်ငန်းကို ဖွံ့ဖြိုးတိုးတက်ရေးလုပ်ငန်းစဉ်များတွင် တစ်သားတည်းပေါင်းစပ်ထည့်တွင် ဆောင်ရွက်ရေးကို ကမ္ဘာ့နိုင်ငံအသီးသီးတွင် ကျယ်ကျယ်ပြန့်ပြန့် ဆောင်ရွက်နေကြသည့် နည်းတူ မြန်မာနိုင်ငံသည်လည်း သဘာဝဘေးလျော့ပါရေး လုပ်ငန်းစီမံချက်ရေးဆွဲပြီး အမျိုးသား သဘာဝဘေး ကာကွယ် စောင့်ရှောက်ရေးဗဟိုကော်မတီ၊ လုပ်ငန်းကော်မတီနှင့် ဆပ်ကော်မတီများ ဖွဲ့စည်းဆောင်ရွက်လျှက်ရှိကြောင်း၊ ပြည်နယ်နှင့် တိုင်းဒေသကြီး အသီးသီးတွင် ဦးစီးကော်မတီ၊ လုပ်ငန်းကော်မတီနှင့် ဆပ်ကော်မတီအသီးသီးဖွဲ့စည်းပြီး၊ ခရိုင်/ မြို့နယ်အဆင့် မှ ရပ်ကွက်/ ကျေးရွာများထိ စနစ်တကျအကောင်အထည်ဖော်ဆောင်ရွက်လျှက်ရှိကြောင်း၊ ၂၀၁၃ခုနှစ် ဇူလိုင်လ(၃၀)ရက်နေ့ တွင် မြန်မာနိုင်ငံသဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေကို အတည်ပြုပြဌာန်း နိုင်ခဲ့ပြီး၊ နည်းဥဒေများလည်း မကြာမီထွက်ရှိလာမည် ဖြစ်သည့်အတွက် သဘာဝဘေးစီမံခန့်ခွဲမှု လုပ်ငန်းစဉ်တွင် ယခင်ထက်ပိုပြီး၊ ထိရောက်အောင်မြင်စွာ တိုးမြှင့်ဆောင်ရွက်နိုင်မည်ဖြစ်ကြောင်း ပြောကြားသွားသည်။

   ဆက်လက်၍ ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ သဝဏ်လွှာအား ဦးမြတ်သူ ဒေသဆိုင်ရာညှိနှိုင်း ရေးမှူး UNDP ရှမ်းပြည်နယ်မှ ဖတ်ကြားပြီး၊ အပြည်ပြည်ဆိုင်ရာ သဘာဝဘေး လျော့ပါးရေးနေ့ အထိမ်းအမှတ် ပန်းချီနှင့် စာစီစာကုံး ပြိုင်ပွဲများတွင် ဆုရရှိသော အခြေခံပညာအဆင့် (ထက်/ လယ်/ မူ)ကျောင်းသား၊ ကျောင်းသူများအား ပြည်နယ်ဝန်ကြီးများနှင့် တာဝန်ရှိသူတို့က ဆုချီမြှင့်ပေးကြကြောင်းသိရသည်။

   ထို့နောက ၂၀၁၄ခုနှစ် အပြည်ပြည်ဆိုင်ရာ သဘာဝဘေးလျော့ပါးရေးနေ့ အထိမ်းအမှတ် အခမ်းအနားအတွက် ရိုက်ကူးထားသော မုန်းတိုင်းဘေးဇာတ်တိုက်လေ့ကျင့်မှု မှတ်တမ်းဗီဒီယိုခွေအား ပြသကြည့်ရှုကြပြီး၊ ခန်းမအတွင်း ခင်းကျင်းပြသထားသော ဆုရကျောင်းသား၊ ကျောင်းသူများ၏ စာစီစာကုံးနှင့် ပန်းချီးလက်ရာများ၊ သဘာဝဘေးလျော့ပါးရေး ဓါတ်ပုံမှတ်တမ်းများကို ကြည့်ရှုအားပေးကြကြောင်းသိရှိရသည်။

                                                                                 မောင်မောင်သန်း(တောင်ကြီး) 

 

အစီရင်ခံစာအပိုင်း(၆)ပါ စိစစ်ဖြေရှင်း တင်ပြရမည့် မြေယာမှုများအား ခရိုင်အုပ်ချုပ်ရေးမှူးများသို့ တာဝန်ပေးအပ်ပွဲကျင်းပ

တောင်ကြီး အောက်တိုဘာ - ၁၆

688

   ရှမ်းပြည်နယ်အစိုးရအဖွဲ့ အစီရင်ခံစာအပိုင်း(၆)ပါ စိစစ်ဖြေရှင်း တင်ပြရမည့် မြေယာမှုများအား ခရိုင်အုပ်ချုပ်ရေးမှူး များသို့ တာဝန်ပေးအပ်ပွဲကို အောက်တိုဘာ(၁၆)ရက် နံနက်(၈)နာရီက တောင်ကြီးမြို့ ရှမ်းပြည်နယ်အစိုးရရုံးအစည်းအဝေး ခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်မြေအသုံးချမှု စီမံခန့်ခွဲရေးကော်မတီဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် ရှမ်းပြည်နယ်၊ ခရိုင်၊ မြို့နယ်၊ ရပ်ကျေး၊ မြေအသုံးချမှုစီမံခန့်ခွဲရေးကော်မတီ အဆင့်ဆင့်နေဖြင့်၊ အစီရင်ခံစာအပိုင်း(၁)(၂)(၃)(၅)တွေကို မေလကုန်အပြီး အမှုပေါင်း (၄၃၇)မှု ဖြေရှင်းနိုင်ခဲ့ကြောင်း၊ ဥပဒေ လုပ်ထုံးလုပ်နည်းများနှင့် အညီ ဖြေရှင်းဆောင်ရွက်ခဲ့ကြပြီး၊ အစီရင်ခံစာအပိုင်း (၁)(၂)(၃)မှ စွန့်လွတ်မြေပေါင်း(၅၇၆၁.၂၄)ဧကမှ လျှောက်ထားလာသည့် (၃၂၇၇.၁၀)ဧက၊ တောင်သူပေါင်း(၁၂၈၈)ဦး ပေးခဲ့ပြီးဖြစ်ကြောင်း၊ အပိုင်း(၅)မှာလည်း ဧက(၃၅၀၈.၃၆)စွန့်လွှတ်ခဲ့ပြီးဧက(၃၀၂၉.၃၆)၊ တောင်သူ(၅၄၉)ဦးအား ပြန်လည်ပေးအပ် စိုက်ပျိုးခဲ့ပြီး၊ တပ်မတော်မှ အစီရင်ခံစာ မပါသီးခြားအပ်နှံခဲ့သည့် ဧက(၃၀၈၆၉.၅၃)ကို (၈၀၄၀.၉၁)ဧက၊ တောင်သူ(၂၀၄၂)ဦးပေးအပ်၍ တောင်သူစုစုပေါင်း(၄၀၆၁)ဦးကို ဧကပေါင်း (၁၄၇၁၅.၃၆)ဧကပေးအပ်နိုင်ခဲ့ပြီး စိုက်ပျိုး နိုင်ကြပြီဖြစ်ကြောင်း၊ ကျန်မြေများကိုလည်း ထပ်မံလျှောက်ထားလာသူနှင့် မြေယာမဲများကို စိုက်ပျိုးရေးအလို့ငှာ လွှဲပြောင်း ပေးအပ်သွားမည်ဖြစ်ပါကြောင်း၊ လွှဲပြောင်းပေးအပ်ပြီးမြေများကိုလည်း အခြားနည်းအသုံးပြုခြင်းများနှင့် လွှဲပြောင်းရောင်းချမှု များမရှိစေရန် တားဆီးအသိပေးရမည်ဖြစ်ကြောင်း၊ ယာယီလုပ်ပိုင်ခွင့် ထုတ်ပေးပြီးတောင်သူများကိုလည်း ခိုင်မာမှုရှိလာပါက ခရိုင်စီစစ်မှတ်တမ်းပုံစံ(၇)များကို ဆက်လက်ထုတ်ပေးသွားမည်ဖြစ်ပါကြောင်း၊ ဗဟိုမြေအသုံးချမှု စီမံခန့်ခွဲရေးကော်မတီမှ ပေးပို့လာသည့် စုံစမ်းရေးကော်မရှင် အစီရင်ခံစာအပိုင်း(၆)ပါ ဝန်ကြီးဌာနအလိုက် ရှင်းလင်းရန်မြေယာအမှုတွဲ(၆၂၇)တွဲကို စိစစ်ဖြေရှင်းဆောင်ရွက်ကြရမည် ဖြစ်ပါကြောင်း၊ ဝန်ကြီးဌာန အလိုက်ဖြေရှင်းပေးရမည့်အမှုတွဲ (၂၆၈)မှုပါသည့် ပြည်နယ်၊ ခရိုင်၊ မြို့နယ်မြေအသုံးချမှုစီမံခန့်ခွဲရေးကော်မတီများက ဖြေရှင်းပေးရန်အမှုပေါင်း(၃၅၉)မှု ပါဝင်သည့်အတွက် ညှိနှိုင်း ပေါင်းစပ် ပူးပေါင်းဖြေရှင်းနိုင်မှသာ မှန်မှန်ကန်ကန် မြန်မြန်ဆန်ဆန်ဖြေရှင်းနိုင်မှာ ဖြစ်ပါကြောင်း၊ ဗဟိုမြေအသုံးချမှုကော်မတီ မှ ဆုံးဖြတ်ချက်များ လုပ်ထုံးလုပ်နည်း ဥပဒေများနှင့် အညီ ဖြေရှင်းပေးရမည့်ကိစ္စများကို တိတိကျကျမှန်ကန်ပြီးပြတ်အောင် ဆောင်ရွက်သွားကြရန်နှင့် နှစ်အလိုက်ဦးစားပေးထားရှိပြီး ထုတ်ပြန်ထားသည့် ဥပဒေ၊ လုပ်ထုံးလုပ်နည်း ညွှန်ကြားချက်များ နှင့် အညီ Case by Case စိစစ်ဖြေရှင်းပြီး တင်ပြပေးရမည်ဖြစ်ကြောင်း၊ ဆောင်ရွက်မှုလုပ်ငန်းမှတ်တမ်းများ စနစ်တကျထား ရှိပြီး၊ ရပ်ကွက်၊ ကျေးရွာမြေအသုံးချမှု စီမံခန့်ခွဲရေးအဖွဲ့ဝင်များ၊ ရပ်မိရပ်များနှင့် ပူးပေါင်းဖြေရှင်းပေးကြရန်လိုကြောင်း၊ တရားမျှတစွာနှင့် လွတ်လွတ်လပ်လပ် ဥပဒေနှင့်အညီ အဆင့်ဆင့်သော မြေအသုံးချမှု စီမံခန့်ခွဲရေးအဖွဲ့များက စိစစ်ဖြေရှင်း ဆောင်ရွက်ပေးကြရန်၊ ရှမ်းပြည်နယ်အတွင်း မြေသိမ်း၊ မြေယာ ပြဿနာများ နည်းပါးအောင် ဝိုင်းဝန်း ထိန်းသိမ်းကြရန် ဥပဒေလုပ်ထုံးလုပ်နည်းများကို အသိပေးကြရန်လိုအပ်ပါကြောင်း ပြောကြားသည်။

   ဆက်လက်၍ စိုက်ပျိုးရေးနှင့် မွေးမြူးရေးဝန်ကြီး ဦးစိုင်းဆာလူမှ အစီရင်ခံစာ အပိုင်း(၁)(၂)(၃)(၅)ပါ မြေယာကိစ္စရပ်များအား စွန့်လွတ်အပ်နှံ လွှဲပြောင်းပြီးစီးမှု အခြေအနေများကို ရှင်းလင်းတင်ပြ၍လည်းကောင်း၊ ပြည်နယ်အစိုးရအဖွဲ့ အတွင်းရေးမှူး ဦးမြင့်အောင်မှ စုံစမ်းရေးကော်မရှင် အစီရင်ခံစာ အပိုင်း(၆)ပါ မြေယာအမှုများအား ခရိုင်အလိုက်၊ ဝန်ကြီးဌာနအလိုက် စိစစ်ဖြေရှင်းပေးရမည့် အခြေအနေများကို ရှင်းလင်းတင်ပြကြောင်းသိရသည်။

   ထို့နောက် ရှမ်းပြည်နယ်မြေယာအသုံးချမှု စီမံခန့်ခွဲရေးကော်မတီဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အစီရင်ခံစာအပိုင်း(၆)ပါ ဖြေရှင်းပေးရမည့် မြေယာအမှုတွဲ(၆၂၇)တွဲအား ခရိုင်မြေအသုံးချမှု စီမံခန့်ခွဲရေးကော်မတီ ဥက္ကဌများသို့  တာဝန်ပေးအပ်ရာ တောင်ကြီး၊ လွိုင်လင်၊ လင်းခေး၊ လားရှိုး၊ မူဆယ်၊ ကျောက်မဲ၊ မိုးမိတ်၊ ဟိုပန်၊ ကျိုင်းတုံ၊ တာချီလိတ်၊ မိုင်းဆတ်ခရိုင် မြေအသုံးချမှု စီမံခန့်ခွဲရေးကော်မတီ ဥက္ကဌများအား အသီးသီးလက်ခံ ရယူကြကြောင်းသိရသည်။

                                                                         မောင်မောင်သန်း(တောင်ကြီး)

 

(၂၀၁၄−၂၀၁၅) ပညာသင်နှစ် ဆရာ/ဆရာမများ အရည်အသွေးမြှင့်သင်တန်းဆင်းပွဲ အခမ်းအနား ကျင်းပ

တောင်ကြီး   အောက်တိုဘာ   ၁၂

682

   ရှမ်းပြည်နယ်(၂၀၁၄−၂၀၁၅)ပညာသင်နှစ် ဆရာ/ဆရာမများ အရည်အသွေးမြှင့် သင်တန်းဆင်းပွဲကို အောက်တိုဘာ(၁၂)ရက် ညနေ(၄)နာရီခွဲက တောင်ကြီးမြို့၊ အမှတ်(၂)အခြေခံပညာအထက်တန်းကျောင်း၌ ကျင်းပကြောင်း သိရသည်။

   အခမ်းအနားတွင် TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြ ဆရာမ Victoria က သင်တန်းအတွေ့အကြုံများရှင်းလင်းပြောကြားပြီး၊ အမရပူရပါတနာ ကုမ္ပဏီလီမိတက် မှ TKT သင်တန်းတာဝန်ခံ ဦးဝင်းဖေမောင်က သင်တန်းဆင်း လက်မှတ်များပေးအပ်ရာ သင်တန်းသား/သင်တန်းသူများ(ကိုယ်စား) တာဝန်ရှိသူတစ်ဦးက လက်ခံရယူကြောင်း သိရသည်။

   ဆက်လက်၍ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က TKT သင်တန်း နည်းပြများအား ဂုဏ်ပြုမှတ်တမ်းလွှားများ ပေးအပ်ပြီး၊ ရှမ်းပြည်နယ် အစိုးရအဖွဲ့မှ လှူဒါန်းသည့်  အလှူငွေ ကျပ်(၅၀)သိန်းနှင့် လက်ဆောင်ပစ္စည်းများကို ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြဆရာ/ဆရာမများက လက်ခံရယူကြသည်။

   ထို့နောက် သင်တန်းသား/သင်တန်းသူများ(ကိုယ်စား) သင်တန်းသား ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ အထက်တန်းပြ ဆရာအိုင်းခန့်ကိုနှင့် သင်တန်းသူ ကျေးသီးမြို့နယ်၊ အထက်တန်းပြ ဆရာမ ဒေါ်နန်းသီတာဝင်းမောင်တို့က အင်္ဂလိပ်ဘာသာ/ မြန်မာဘာသာဖြင့် ကျေးဇူးတင်စကား ပြန်လည်ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                        မောင်မောင်သန်း(တောင်ကြီး)

 

၂၀၁၄ - ၂၀၁၅ ခုနှစ် ပထမ(၆)လပတ် ပြည်နယ်အဆင့် ဌာနဆိုင်ရာများနှင့် လုပ်ငန်းညှိနှိုင်း အစည်းအဝေးကျင်းပ

တောင်ကြီး အောက်တိုဘာ - ၁၅

685

   ရှမ်းပြည်နယ်အစိုးရအဖွဲ့ (၂၀၁၄-၂၀၁၅)ခုနှစ် ပထမ(၆)လပတ် ပြည်နယ်အဆင့် ဌာနဆိုင်ရာများနှင့် လုပ်ငန်းညှိနှိုင်း အစည်းအဝေးကို အောက်တိုဘာ(၁၅) နံနက်(၈)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားရာတွင် ရှမ်းပြည်နယ်အစိုးရအဖွဲ့မှ ကြီးမှူးပြီး (၂၀၁၄-၂၀၁၅)ဘဏ္ဍာရေးနှစ် ပထမ(၆)လပတ် အစည်းအဝေးတွင် ရှမ်းပြည်နယ် အစိုးရအနေဖြင့် ဒီမိုကရေစီ နိုင်ငံတော်တည်ဆောက်နိုင်ရေး ကြိုးပမ်းရာတွင် ပြုပြင်ပြောင်လဲမှုများ အရှိန်အဟုန်ဖြင့် ဆောင်ရွက်လျှက်ရှိကြောင်း ယခုအခါ နိုင်ငံတော်အစိုးရသည် ကျန်ရှိနေသောကာလအတွင်း မြန်မာနိုင်ငံ၏ ဒီမိုကရေစီ နိုင်ငံတော်သစ် တည်ထောင်ရေးတွင် ရေရှည်အတွက် ဒီမိုကရေစီအခြေခံအုပ်မြစ် ခိုင်မာအောင်ချမှတ် ဆောက်ရွက်ရေးအပိုင်းနှင့် ပြည်သူတို့၏ လူမှုစီးပွား ဦးစားပေးလိုအပ်ချက်များကို ချက်ချင်း အကောင်အထည်ဖော်ဆောက်ရွက်နိုင်ရေးအတွက် Third Wave အဖြစ် ထိထိရောက်ရောက်အကောင်ထည်ဖော် ဆောင်ရွက်လျှက်ရှိသော လုပ်ငန်းစဉ်များကို ဆွေးနွေးညှိနှိုင်းကြရန် ဖြစ်ပါကြောင်း၊ နိုင်ငံတော်အနေဖြင့် (၂၀၁၄-၂၀၁၅)ဘဏ္ဍာရေးနှစ်အတွင်း ဧပြီလမှ စက်တင်ဘာလအထိ (၆)လတာကာလ အတွင်း လက်ရှိစီမံကိန်းများ အကောင်အထည်ဖော် ဆောင်ရွက်နိုင်မှုနှင့် ဘဏ္ဍာငွေရရှိမှု၊ သုံးစွဲမှုအခြေအနေ ကျန်(၆)လ အတွင်း ထပ်မံရရှိနိုင်မှုနှင့် သုံးစွဲမည့်အခြေအနေတို့ကို ချိန်ဆပြီးဌာန၊ အဖွဲ့အစည်းများက ထပ်မံလိုအပ်သည့် ဘတ်ဂျတ်ငွေများ ကို ခွဲဝေသတ်မှတ်ပေးသွားမည် ဖြစ်ပါကြောင်း၊ နိုင်ငံတော်သမ္မတမှ (၂၀၁၄-၂၀၁၅)ဘဏ္ဍာရေးနှစ်အတွင်း အကောင်အထည် ဖော်ဆောင်ရွက်နိုင်မှု အနေအထားအရ ဘဏ္ဍာငွေရရှိသုံးစွဲမှု လမ်းညွှန်မှာကြားချက်၊ ဆင်းရဲမှုနှုန်းကို ၂၀၁၅ခုနှစ်တွင် (၁၆)ရာ ခိုင်နှုန်း လျော့ချရေး၊ ကျေးလက်ဒေသဖွံ့ဖြိုးရေး လုပ်ငန်းစဉ်များကို အကော်အထည်ဖော် ဆောင်ရွက်ရာ၌ လုပ်ဆောင်ရမည့် လုပ်ငန်းတာဝန်များနှင့် စပ်လျဉ်း၍ လုပ်ငန်းလမ်းညွှန်အဖြစ် ခံယူပြီး တာဝန်ရှိသော အုပ်ချုပ်ရေး အဖွဲ့အစည်းနှင့် ဌာနဆိုင်ရာများ အနေဖြင့် ဦးစားပေး အစီအစဉ်အလိုက် စနစ်တက ပေါင်းစပ်ညှိနှိုင်းဆောင်ရွက်သွားကြရန် တိုက်တွန်း ပြောကြားသွားကြောင်းသိရသည်။

686

   ဆက်လက်၍ ရှမ်းပြည်နယ်အစိုးရအဖွဲ့ အတွင်းရေးမှူးဦးမြင့်အောင်က ရှမ်းပြည်နယ် ဒေသဆိုင်ရာများနှင့် လုပ်ငန်း ကိစ္စရပ်များကို ရှင်းလင်း၍လည်းကောင်း၊ ရှမ်းပြည်နယ်အတွင်းရှိတောင်ကြီးခရိုင်၊ လွိုင်လင်ခရိုင်၊ လင်းခေးခရိုင်၊ လားရှိုးခရိုင်၊ မူဆယ်ခရိုင်၊ ကျောက်မဲခရိုင်၊ မိုးမိတ်ခရိုင်၊ ဟိုပန်ခရိုင်၊ ကျိုင်းတုံခရိုင်၊ တာချီလိတ်ခရိုင်၊ မိုင်းဆတ်ခရိုင်၊ လောက်ကိုင်ခရိုင် တို့မှ ခရိုင်အုပ်ချုပ်ရေးမှူးများမှ မိမိတို့ဒေသအလိုက် လုပ်ငန်းဆိုင်ရာကိစ္စရပ်များနှင့် ပတ်သက်၍ ရှင်းလင်းတင်ပြ၍ လည်းကောင်း၊ ပြည်နယ်အဆင့် ဌာန ဆိုင်ရာ တာဝန်ရှိသူများမှ ၂၀၁၄-၂၀၁၅ခုနှစ် ပထမ(၆)လပတ်လုပ်ငန်းဆိုင်ရာ ကိစ္စရပ်များကို အသီးသီးရှင်းလင်းတင်ပြ ကြကြောင်းသိရသည်။ 

687

ထို့နောက် ပြည်နယ်ဝန်ကြီးများနှင့် ပြည်နယ်ဥပဒေချုပ်တို့မှ သက်ဆိုင်ရာ လုပ်ငန်းကဏ္ဍအလိုက် ပြည်လည်ရှင်းလင်း တင်ပြပြီး၊ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ် အမှာစကားပြောကြားကာ အခမ်းအနားကို ရုပ်သိမ်းလိုက်သည်။

   အဆိုပါ အခမ်းအနားကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တိုင်းရင်းသားရေးရာ ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသ ဦးစီးအဖွဲ့ဥက္ကဌ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်နှင့် ပြည်နယ်အဆင့်ဌာနဆိုင်ရာများ၊ ရှမ်းပြည်နယ်(တောင်ပိုင်း)၊ (မြောက်ပိုင်း) ၊ (ရှေ့ပိုင်း)တို့မှ ခရိုင်အုပ်ချုပ်ရေးမှူးများ တက်ရောက်ကြသည်။

မောင်မောင်သန်း(တောင်ကြီး)

 

(၂၀၁၄−၂၀၁၅) ပညာသင်နှစ် ဆရာ/ဆရာမများ အရည်အသွေးမြှင့်သင်တန်းဆင်းပွဲ အခမ်းအနား ကျင်းပ

တောင်ကြီး   အောက်တိုဘာ   ၁၂

682

   ရှမ်းပြည်နယ်(၂၀၁၄−၂၀၁၅)ပညာသင်နှစ် ဆရာ/ဆရာမများ အရည်အသွေးမြှင့် သင်တန်းဆင်းပွဲကို အောက်တိုဘာ(၁၂)ရက် ညနေ(၄)နာရီခွဲက တောင်ကြီးမြို့၊ အမှတ်(၂)အခြေခံပညာအထက်တန်းကျောင်း၌ ကျင်းပကြောင်း သိရသည်။

   အခမ်းအနားတွင် TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြ ဆရာမ Victoria က သင်တန်းအတွေ့အကြုံများရှင်းလင်းပြောကြားပြီး၊ အမရပူရပါတနာ ကုမ္ပဏီလီမိတက် မှ TKT သင်တန်းတာဝန်ခံ ဦးဝင်းဖေမောင်က သင်တန်းဆင်း လက်မှတ်များပေးအပ်ရာ သင်တန်းသား/သင်တန်းသူများ(ကိုယ်စား) တာဝန်ရှိသူတစ်ဦးက လက်ခံရယူကြောင်း သိရသည်။

   ဆက်လက်၍ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က TKT သင်တန်း နည်းပြများအား ဂုဏ်ပြုမှတ်တမ်းလွှားများ ပေးအပ်ပြီး၊ ရှမ်းပြည်နယ် အစိုးရအဖွဲ့မှ လှူဒါန်းသည့်  အလှူငွေ ကျပ်(၅၀)သိန်းနှင့် လက်ဆောင်ပစ္စည်းများကို ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြဆရာ/ဆရာမများက လက်ခံရယူကြသည်။

   ထို့နောက် သင်တန်းသား/သင်တန်းသူများ(ကိုယ်စား) သင်တန်းသား ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ အထက်တန်းပြ ဆရာအိုင်းခန့်ကိုနှင့် သင်တန်းသူ ကျေးသီးမြို့နယ်၊ အထက်တန်းပြ ဆရာမ ဒေါ်နန်းသီတာဝင်းမောင်တို့က အင်္ဂလိပ်ဘာသာ/ မြန်မာဘာသာဖြင့် ကျေးဇူးတင်စကား ပြန်လည်ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                        မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့နှင့် Muse Development Public Company အဖွဲ့ စီမံကိန်း လုပ်ငန်းဆိုင်ရာများရှင်းလင်း

တောင်ကြီး အောက်တိုဘာ - ၁၄

684

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ဗမာတိုင်းရင်းသားရေးရာ ဝန်ကြီး၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ သက်ဆိုင်ရာပြည်နယ်အဆင့်ဌာနဆိုင်ရာ တာဝန်ရှိသူများ နှင့် အတူအောက်တိုဘာ (၁၄)ရက် မွန်းလွဲ(၂)နာရီက တောင်ကြီးမြို့၊ ရှမ်းပြည်နယအစိုးရရုံး အစည်းအဝေးခန်းမ၌ ကျင်းပရာ Muse Development Public Company အဖွဲ့နှင့် စီမံကိန်းလုပ်ငန်းဆိုင်ရာများ ရှင်းလင်းပြောကြားကြောင်း သိရသည်။

   ပထမဦးစွာ Muse Development Public Companyမှ မန်နေဂျင်းဒါရိုက်တာ ဦးသန်းဝင်းဆွေမှ မူဆယ်ဒေသတွင် လုပ်ငန်းဆောင်ရွက်မည့် အဝေးပြေးယာဉ်ရပ်နားစခန်း ခရီးသွားဧည့်သည်များ နားနေဆောင် ပြည်တွင်၊ ပြည်ပခရီးသွား ဧည့်သည်များ၊ အမှတ်တရပစ္စည်းများ ဝယ်ယူရန် စျေးဆိုင်ခန်းများနှင့် ပတ်သက်၍ စီမံကိန်းလုပ်ငန်းကိစ္စရပ်များကို Projector ဖြင့် ရှင်းလင်းကြောင်း သိရသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်သစ်တော်နှင့် သတ္တုဝန်ကြီး ဦးစိုင်းအိုက်ပေါင်းမှ မြေယာကိစ္စနှင့် ပတ်သက်၍ ဒေသခံလွှတ်တော်ကိုယ်စားလှယ်များ၊ ဒေသခံတိုင်းရင်းသားပြည်သူများနှင့် ပူးပေါင်းဆောင်ရွက်ရန် ဆွေနွေး အကြံပြုပြီး၊ ဗမာတိုင်းရင်းသားရေးရာဝန်ကြီး ဦးနိုင်ဝင်းမှ ရန်ကုန်မြို့တွင် စီမံကိန်းလုပ်ငန်းကုမ္ပဏီများမှ တည်ဆောက်ရေးလုပ်ငန်းများတွင် ပွင့်လင်းမြင်သာမှု မရှိသည့်အတွက် အချို့ကုမ္ပဏီများ လုပ်ငန်းရပ်ဆိုင်းထားရှိပြီး၊ မူဆယ်ဒေသသည်လည်း မူဆယ်ဒေသ စီမံကိန်းကို ပွင့်လင်းမြင်သာစွာလုပ်ကိုင်ဆောင်ရွက်ရန် အကြံပြုဆွေးနွေး၍ လည်းကောင်း၊  ပြည်နယ် လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ မူဆယ်(၁၀၅)မိုင်ဂိတ်များ ယာဉ်ရပ်နားမှု ဆိုင်ရာများနှင့် လမ်းပန်းဆက်သွယ်မှုဆိုင်ရာ ကိစ္စရပ်တို့ကို ဆွေးနွေးအကြံပြု၍လည်းကောင်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ စီမံကိန်းပြုလုပ်မည့် ဒေသများတွင် ဒေသခံပြည်သူများ အဆင်ပြေစေရန်အတွက် ပြည်သူများသွားလာမှုလွယ်ကူအောင် လမ်းများကို ဖောက်လုပ်ဆောင်ရွက်သွား ရန်နှင့် ကုန်တင်ကားကြီးများ ယာဉ်ရပ်နားစခန်းတွင် စနစ်တကျရှိစေရေးတို့ကို အကြံပြုဆွေနွေးပြီး၊ ပြည်နယ်ဥပဒေချုပ် ဦးမောင်မောင်မှ MOU လက်မှတ်ရေးထိုးရခြင်း၏ ဥပဒေဆိုင်ရာ ကိစ္စရပ်များကို အကြံပြုဆွေးနွေးခဲ့ကြောင်း သတင်းရရှိပါသည်။

                                                                         မောင်မောင်သန်း(တောင်ကြီး)

 

(၂၁)ကြိမ်မြောက်မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် တတိယအကြိမ်မြောက် တိုင်းရင်းသားရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲကျင်းပ

တောင်ကြီး အောက်တိုဘာ - ၁၂

677

   ရှမ်းပြည်နယ် (၂၁)ကြိမ်မြောက်မြန်မာ တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် တတိယအကြိမ် မြောက် တိုင်းရင်းသားရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲကို အောက်တိုဘာ(၁၂)ရက် နံနက်(၁၀)နာရီက တောင်ကြီးမြို့၊ မြို့တော်ခန်းမ၌ကျင်းပကြောင်း သိရသည်။

   အခမ်းအနားတွင် ရှမ်းပြည်နယ် (၂၁) ကြိမ်မြောက်မြန်မာတိုင်းရင်းသားတို့၏ ရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ကျင်းပရေးဦးစီးကော်မတီ နာယက ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ ဆုချီးမြှင့်ပွဲကျင်းပရာ အခြေခံပညာအဆင့် (၅ - ၁၀)အဆို ကာလပေါ်အမျိုးသမီး ပထမ၊ ဒုတိယ၊ တတိယဆုရရှိသူများနှင့် အခြေခံပညာအဆင့်(၁၀ - ၁၅)အဆို ကာလပေါ် အမျိုးသားပထမ၊ ဒုတိယ၊ တတိယ၊ ဆုရရှိသူများကို ပြည်နယ်ကျန်းမားရေးဦးစီးမှူးမှ ဆုချီးမြှင့်၍လည်းကောင်း၊ အခြေခံပညာအဆင့် (၁၀-၁၅)အဆို ကာလပေါ် အမျိုးသမီး ပထမ၊ ဒုတိယ၊ တတိယဆုရရှိသူများနှင့် အခြေခံပညာ အဆင့် (၁၀-၁၅)အဆို မဟာဂီတ အမျိုးသား ပထမ၊ ဒုတိယဆုရရှိသူများကို ပြည်နယ်ပညာရေးညွှန်ကြားရေးမှူး မှ လည်းကောင်း၊ အခြေခံပညာ အဆင့်(၅-၁၀)အဆိုမဟာဂီတ အမျိုးသမီး ပထမ၊ ဒုတိယဆုရရှိသူများနှင့် အခြေခံပညာအဆင့် (၁၀-၁၅)အဆို မဟာဂီတ အမျိုးသမီး ပထမ၊ ဒုတိယ၊ တတိယဆုရရှိသူများကို အရှေ့ပိုင်းတိုင်းစစ်ဌာနချုပ် စစ်ဦးစီးဗိုလ်မှူးကြီး မိုးကျော်သူမှ လည်းကောင်း၊ အခြေခံပညာအဆင့် (၁၅-၂၀)အဆို ကာလပေါ် အမျိုးသား ပထမ၊ ဒုတိယ၊ တတိယဆုရရှိသူများနှင့် အခြေခံပညာအဆင့် (၁၅ - ၂၀)အဆို ကာလပေါ် အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်အစိုးရအဖွဲ့ အတွင်းရေးမှူး မှလည်းကောင်း၊ အခြေခံပညာအဆင့်(၁၅-၂၀) မဟာဂီတ အမျိုးသား ပထမ၊ အခြေခံပညာအဆင့် (၁၅-၂၀)အဆိုမဟာဂီတ အမျိုးသမီး ပထမ၊ အဆင့်မြင့်ပညာအဆင့် အဆိုကာလပေါ် အမျိုးသာ ပထမ၊ အဆင့်မြင့်ပညာအဆင့်အဆို ခေတ်ဟောင်းကာလပေါ်အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်တရား လွှတ်တော် တရားသူကြီးမှ လည်းကောင်း၊ အဆင့်မြင့်ပညာအဆင့်အဆို မဟာဂီတအမျိုးသမီး ပထမ၊ အဆို ခေတ်အကြိုက် အမျိုးသား၊ အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်စာရင်းစစ်ချုပ်မှ လည်းကောင်း၊ ဝါသနာရှင်အဆင့် ဒုတိယတန်းအဆို မဟာဂီတ အမျိုးသား၊ အမျိုးသမီး ပထမ၊ ဒုတိယ၊ တတိယဆု ရရှိသူများကို ဗမာတိုင်းရင်းသားရေးရာ ဝန်ကြီးမှ လည်းကောင်း၊ ဝါသနာရှင်အဆင့် ပထမတန်း အဆိုခေတ်ဟောင်း ကာလပေါ် အမျိုးသား ပထမနှင့် ဒုတိယတန်း အဆို ခေတ်ဟောင်းကာလပေါ် အမျိုးသား၊ အမျိုးသမီး ပထမ၊ ဒုတိယ၊ တတိယ ဆုရရှိသူများကို ကချင်တိုင်းရင်းသားရေးရာ ဝန်ကြီးမှ လည်းကောင်း၊  ဝါသနာရှင်အဆို ခေတ်အကြိုက် အမျိုးသား၊ အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်ဥပဒေချုပ်မှ လည်းကောင်း အသီးသီး ဆုများချီးမြှင့် ပေးကြကြောင်းသိရှိရသည်။

678

   ဆက်လက်၍ အဆိုပြိုင်ပွဲ ဆုရရှိသူများထဲမှ ဖျော်ဖြေတင်ဆက်ရာ အခြေခံပညာအဆင့် အသက်(၁၀)နှစ်မှ (၁၅)နှစ် အမျိုးသား ကာလပေါ်အဆို ပထမဆုရရှိသူ မောင်ကျော်ဆုဟိန်းမှ ဖျော်ဖြေ တင်ဆက်ပြီး၊ အက၊ အရေး၊ အတီးပြိုင်ပွဲ ဆုရရှိ သူများအား ဆုချီးမြှင့်ရာ အခြေခံပညာအဆင့်(၅- ၁၀)၊ (၁၀-၁၅) အကအမျိုးသား၊ အမျိုးသမီး ပထမ၊ ဒုတိယ၊ တတိယဆု ရရှိသူများကို ပြည်နယ်လူမှုရေးဝန်ကြီးမှ လည်းကောင်း၊ အခြေခံပညာအဆင့် (၁၀- ၁၅) ၊ (၁၅-၂၀) အက အမျိုးသမီး ပထမ၊ ဒုတိယ၊ တတိယနှင့် (၁၅-၂၀)၊ တပင်တိုင်အကအမျိုးသမီးဆုရရှိသူများကို ပြည်နယ်စည်ပင်သာယာရေး ဝန်ကြီးမှ လည်းကောင်း၊ အသီးသီးဆုများချီးမြှင့်ပေးပြီး၊ အကပြိုင်ပွဲဆုရရှိသူများထဲမှ အခြေခံပညာအဆင့် အသက်(၁၀-၁၅) နှစ် အမျိုးသမီးအကပြိုင်ပွဲ ပထမရရှိသူ မစုယွန်းရွှေရည်(ခ) မစကားဝါဝတ်ရည်မှ ကပြဖျော်ဖြေတင်ဆက်ကြောင်းသိရသည်။ 

   ထို့နောက် ကဗျာလွတ်အကပြိုင်ပွဲ ဆုရရှိသူများဆုချီးမြှင့်ရာ အခြေခံပညာအဆင့် ယိမ်းအက ကဗျာလွတ်အမျိုးသမီး၊ ပထမ၊ ဒုတိယ၊ တတိယ၊ အခြေခံပညာအဆင့် (၁၀- ၁၅) ကဗျာလွတ်ယိမ်းအက အမျိုးသား ပထမနှင့် အဆင့်မြင့်ပညာအဆင့် (၁၆-၂၅)ကဗျာလွတ် အမျိုးသမီးယိမ်းအက ပထမ၊ ဂုဏ်ပြုဆုရရှိသူများကို ပြည်နယ်တရား လွတ်တော် တရားသူကြီးချုပ်မှ ဆုချီးမြှင့်ပေးပြီး၊ ကဗျာလွတ်အကပြိုင်ပွဲ ဆုရရှိသူများထဲမှ ဖျော်ဖြေတင်ဆက်ရာ ခြေခံပညာဆင့် (၁၀-၁၅) အမျိုးသမီးကဗျာလွတ် (၁၆)ဦး ယိမ်းအကပြိုင်ပွဲ ပထမရရှိသော ကျောက်မဲခရိုင်ကိုယ်စားပြု ကဗျာလွတ်ယိမ်းအဖွဲ့မှ ကပြ ဖျော်ဖြေသည်။

679

   ၎င်းနောက် ခရိုင်များအားထောက်ပံ့ငွေပေးအပ်ရာ တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်၊ ငွေကျပ်(၅)သိန်းစီ ကျိုင်းတုံး၊ တာချီလိတ်၊ မိုင်းဆတ်ခရိုင်တို့အား ကျပ်ငွေ(၁၀)သိန်းစီ၊ လားရှိုး၊ မူဆယ်၊ ကျောက်မဲ၊ လောက်ကိုင်၊ ဟိုပန်ခရိုင်တို့ အားငွေကျပ်(၇)သိန်းစီတို့ကို ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ ပေးအပ်ခဲ့ကြောင်း သိရသည်။ 

   ယင်းနောက် အရေး၊ အတီး၊ တိုင်းရင်းသားအကပြိုင်ပွဲ ဆုရရှိသူများအား ဆုချီးမြှင့်ရာ အဆင့်မြင့်ပညာအဆင့်အက တပင်တိုင် အမျိုးသမီး ပထမ၊ ဒုတိယ၊ အဆင့်မြင့်ပညာအဆင့်အက အမျိုးသား ပထမနှင့် အမျိုးသမီး ပထမ၊ ဒုတိယဆုရရှိသူ များကို ပြည်နယ်လမ်းပန်းဆက်သွယ်ရေးဝန်ကြီးမှ လည်းကောင်း၊ ဝါသနာရှင်အဆင့် ဒုတိယတန်းအမျိုးသား၊ အမျိုးသမီးအက ပထမ၊ ဒုတိယ၊ တတိယဆုရရှိသူများကို ပြည်နယ်သစ်တော/ သတ္တုဝန်ကြီးမှ လည်းကောင်း၊ ဝါသနာရှင်အဆင့် ဒုတိယတန်းအက တပင်တိုင်အမျိုးသမီး ပထမ၊ ဒုတိယနှင့် ဝါသနာရှင်အဆင့် ဒုတိယတန်း အရေး၊ အမျိုးသား ပထမ၊ ဒုတိယ၊ တတိယဆုရရှိသူများကို ပြည်နယ်စိုက်ပျိုးရေးနှင့်  မွေးမြူရေးဝန်ကြီးမှလည်းကောင်း၊ အခြေခံပညာအဆင့် (၅-၁၀) စန္ဒယားအတီး အမျိုးသား၊ အမျိုးသမီး ပထမနှင့် (၁၀-၁၅) စန္ဒယားအတီး အမျိုးသား၊ အမျိုးသမီး ပထမ၊ ဒုတိယဆုရရှိသူများကို ပြည်နယ်ဘဏ္ဍာရေးဝန်ကြီးမှ လည်းကောင်း၊ အခြေခံပညာအဆင့် (၁၅-၂၀) အမျိုးသား စန္ဒယားအတီး ပထမနှင့် ဝါသနာရှင်အဆင့် ဒုတိယတန်း အမျိုးသား စန္ဒယားအတီး ပထမ၊ ဒုတိယ၊ တတိယ ဂုဏ်ပြုဆု၊ ပညာရှင်အဆင့် အမျိုးသမီး စန္ဒယားအတီး ပထမဆုရရှိသူများကို ပြည်နယ်လုံခြုံရေးနှင့် နယ်စပ်ရေးရာဝန်ကြီးမှ လည်းကောင်း၊ အခြေခံပညာအဆင့် (၁၀-၁၅)နှင့် ဝါသနာရှင်အဆင့် ဒုတိယတန်း အမျိုးသား တယောအတီး ပထမဆုရရှိသူ နှင့် အခြေခံပညာအဆင့် (၁၀-၁၅)အမျိုးသမီး ပတ္တလားအတီ ပထမ၊ ဝါသနာရှင်အဆင့် ဒုတိယတန်း အမျိုးသား ဒုံမင်းအတီး ပထမ၊ ဒုတိယ၊ ဝါသနာရှင့်အဆင့် ဒုတိယတန်း အမျိုးသား မယ်ဒလင်အတီး ပထမဆုရရှိသူများကို ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွှန့်မှ ဆုများ အသီးသီး ချီးမြှင့်ပေးကြသည်။

   ထို့နောက် ဒိုင်အဖွဲ့များအား ဂုဏ်ပြုချီးမြှင့်ငွေနှင့် တတိယအကြိမ် တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ အသင်းအား ဆုချီးမြှင့်ရာ၊ လားဟူ ရိုးရာယဉ်ကျေးမှုအက၊ ကိုးကန့် ယဉ်ကျေးမှုအက၊ ကျိုင်းတုံး လမ်းဝုန်းအက၊ လွိုင်လင်ခရိုင်မှ ရှမ်းဗုံ၊ မောင်းအက၊ ပအိုဝ်း ရိုးရာယဉ်ကျေးမှုအက၊ တအာန်းပလောင် တိုင်းရင်းသားရိုးရာ အကတို့အား ဂုဏ်ပြုဆုကို အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်မှူးချုပ် အေးဝင်းမှလည်းကောင်း၊ တောင်ကြီးခရိုင် ဓနုကိုယ်ပိုင်အုပ်ချုပ်ခွင့်ရဒေသ၊ ပလောင်ကိုယ်ပိုင်အုပ်ချုပ်ခွင့်ရဒေသ၊ လားရှိုးခရိုင်၊ တာချီလိတ်ခရိုင် ယဉ်ကျေးမှုအကအဖွဲ့ အား ဂုဏ်ပြုဆုကို ပြည်နယ်လွတ်တော်ဥက္ကဌ ဦးစိုင်းလုံးဆိုင်မှလည်းကောင်း၊ တတိယဆုရ 'ဝ'ကိုယ်ပိုင်အုပ်ချုပ်ခွင့်ရဒေသ ဒုတိယဆုရ ကျောက်မဲခရိုင်၊ ပထမဆုရလင်းခေးခရိုင်တို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အသီးသီးဆုများ ချီးမြှင့်ပေးကြပြီး၊ ဆုရရှိသူအဖွဲ့များမှ ပြန်လည်ကပြဖျော်ဖြေပြီး၊ ပထဆုရရှိသော လင်းခေးခရိုင်အား ရှမ်းပြည်နယ် အမျိုးသမီးရေးရာအဖွဲ့မှ ဂုဏ်ပြုဆုငွေကျပ်(၅)သိန်းကို ပြည်နယ်ဝန်ကြီးချုပ်၏ဇနီး ရှမ်းပြည်နယ် အမျိုးသမီးရေးရာအဖွဲ့ နာယက ဒေါ်ဖြူဖြူညွှန့်နှင့် ဥက္ကဌဒေါ်စန်းစန်းဝင်းတို့က ချီးမြှင့်ပေးကြကြောင်း သိရှိရသည်။ 

                                                                                                                                              မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့နှင့် Mr.Keith W.Rabin အဖွဲ့နှင့် တွေ့ဆုံ

တောင်ကြီး အောက်တိုဘာ - ၁၃

683

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဘဏ္ဍာရေးဝန်ကြီး၊ ပြည်နယ်စိုက်ပျိုးရေး နှင့် မွေးမြူရေးဝန်ကြီး၊ ဗမာတိုင်းရင်းသား ရေးရာဝန်ကြီး၊ ရှမ်းပြည်နယ်အစိုးရအဖွဲ့ အတွင်းရေးမှူး၊ သက်ဆိုင်ရာပြည်နယ် အဆင့်ဌာနဆိုင်ရာများနှင့် အတူ အောက်တိုဘာ(၁၃)ရက် နေ့လည်(၁၂) နာရီက တောင်ကြီးမြို့၊ ပြည်နယ်ဝန်ကြီးချုပ်ရုံးခန်းမ၌ Mr.Keith W.Rabin အဖွဲ့နှင့်တွေ့ဆုံခဲ့ ကြောင်းသိရသည်။

   ပထမဦးစွာ Mr.Keith W.Rabinမှ ကျေးလက်ဒေသ မီးလင်းရေးနှင့် စွမ်းအင်ဆိုင်ရာ သုတေသနများကို ရှမ်းပြည်နယ် အတွင်း ဆောင်ရွက်လိုကြောင်း၊ ကျေးလက်ဒေသမီးလင်းရေးနှင့် စွမ်းအင် ဆိုင်ရာသုတေသနများကို လွန်ခဲ့သော (၂)နှစ်မှ စတင် ဆောင်ရွက်ရသော အဖွဲ့အစည်းဖြစ်ပါကြောင်း၊ KWR International သည် လွန်ခဲ့သော(၂)နှစ်အတွင်း ပုသိမ်၊ ချောင်းသာ၊ ကျောက်ဖြူ၊ ဂွမြို့နှင့် မြန်မာ- ထိုင်း စွမ်းအင်ဆိုင်ရာ သူတေသနများအတွက် ကျိုင်းတုံး၊ တာချီလိတ်၊ ထားဝယ် ဒေသများကို ကျေးလက်ဒေသ မီးလင်းရေးနှင့် စွမ်းအင်ဆိုင်ရာ သူတေသနများ ဆောင်ရွက်ခဲ့ပါကြောင်း ပြည်ထောင်စု မြန်မာနိုင်ငံတော်အစိုးရ၏ ဝန်ကြီးဌာန အသီးသီးမှ တာဝန်ရှိအရာထမ်းများကို မြန်မာ့နိုင်ငံ၏ စွမ်းအင်ဆိုင်ရာမူဝါဒရေးဆွဲရေး ဆိုင်ရာ သင်တန်းများကိုလည်း စီမန်ပံ့ပိုးပေးလျှက်ရှိပါကြောင်း၊ အခြားသောအဖွဲ့အစည်းများဖြင့် ပူးပေါင်းကာ စွမ်းအင်ဆိုင်ရာ အလုပ်ရုံဆွေးနွေးများ ဦးစီးကျင်းပခြင်းဖြင့် ကျေးလက်ဒေသမီးလင်းရေး သူတေသနလုပ်ငန်းများ ဆောင်ရွက်လျှက် ရှိပါကြောင်း၊ ဆွေးနွေးသွားကြောင်းသိရသည်။

   ဆက်လက်၍ ဝန်ကြီးချုပ် ဦးစဝ်အောင်မြတ်က ရှမ်းပြည်နယ်တွင် ကျေးလက်ဒေသမီးလင်းရေးနှင့် ပတ်သက်၍ လာရောက်တွေ့ဆုံမှုကို ရှမ်းပြည်နယ်အစိုးရအဖွဲ့မှ  Mr.Keith W.Rabinနှင့် အဖွဲ့ကို ကြိုဆိုပါကြောင်း ကျေးလက်ဒေသမီးလင်းရေးအတွက် ဆိုလာစနစ်ဖြင့် ဆောင်ရွက်လျှက်ရှိပါကြောင်း၊ လျှပ်စစ်ဓါတ်အားနှင့် ပတ်သက်၍ ရေအားလျှပ်စစ်စီမံကိန်းဖြစ်သည့် အထက်ကျိုင်းတောင်းရေအားလျှပ်စစ်စီမံကိန်းများ၊ အထက်ရဲရွာရှိ ရေအားလျှပ်စစ်စီမံကိန်းများ၊ အထက်သံလွင်ကွမ်လုံရှိ ဟိုက်ဒရိုပါဝါထုတ်လုပ်မှုများ၊ ရွှေလီ(၁),ရွှေလီ(၂)ဓါတ်အား လျှပ်စစ်ထုတ်လုပ်မှုများ၊ ရှမ်းပြည်နယ်အရှေ့ပိုင်းရှိ ရေအားလျှပ်စစ်ထုပ်လုပ်မှုများကို ပြည်နယ်ဝန်ကြီးချုပ်မှ Projectorဖြင့် ရှင်းလင်းဆွေးနွေးပြီး၊ ရှမ်းပြည်နယ်တွင် သဘာဝမြစ်၊ ချောင်းများပေါများသောကြောင့်၊ သဘာဝက ပေးသည့်ရေအရင်းအမြစ်ရှိကြောင်း၊ ရှမ်းပြည်နယ်သည် တိုင်းဒေသကြီးတွင် အကျယ်ပြန့်ဆုံး ပြည်နယ်ဖြစ်ပြီး၊ တိုင်းရင်းသားလူမျိုးနွယ်စု (၃၀)ကျော်ရှိကြောင်း သဘာဝခရီးသွားလုပ်ငန်း၊ ရှေးဟောင်းစေတီ ဘုရားပုထိုးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့တွင် ထမ်းဆန်းဂူများ၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နယ်တွင် ရွှေဥမင်သဘာဝလှိုင်ဂူဘုရား ရွှေညောင်မြို့နယ် အင်းလေးဒေသတွင် တန်းခိုးကြီးဖောင်း တော်ဦး ဘုရားများ၊ သဘာဝစိုက်ခင်းများလေ့လာနိုင်ကြောင်း ဆွေနွေးပြောကြားကြောင်း သတင်းရရှိပါသည်။

                                                                            မောင်မောင်သန်း(တောင်ကြီး)

 

အင်းလေးဖောင်တော်ဦးမြတ်စွာဘုရားများ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်

တောင်ကြီး အောက်တိုဘာ - ၁၁

673

   အင်းလေးဖောင်တော်ဦးမြတ်စွာဘုရားများသည် အင်းလေးဒေသ(၂၁)ဌာနသို့ ကြွချီအပူဇော်ခံပြီး၊ မူလကိန်းဝပ် စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်သည့် အခမ်းအနားကို အောက်တိုဘာ(၁၁)ရက် နံနက်(၉) နာရီက အဆိုပါစံကျောင်းတော်၌ ကျင်းပရာ ပထမဦးစွာ ကရဝိတ် ဖောင်တော်ပေါ်မှ ဖောင်တော်ဦးမြတ်စွာဘုရားများအား စံကျောင်းတော်ကြီးပေါ်သို့ ပင့်ဆောင်ရာ ပထမ ကိုယ်စားတော်မြတ်ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် ဘဏ္ဍာရေးဝန်ကြီး၊ ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်စည်ပင်သာယာရေးဝန်ကြီး တို့က ပင့်ဆောင်၍လည်းကောင်း၊ ဒုတိယကိုယ်စားတော်မြတ်ကို ပြည်နယ်တရားလွှတ်တော် တရားသူကြီးချုပ်၊ ပြည်နယ် စီမံကိန်းနှင့် စီးပွားရေးဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်အစိုးရ အဖွဲ့ အတွင်းရေးမှူးတို့က ပင့်ဆောင်၍လည်းကောင်း၊ တတိယကိုယ်စားတော်မြတ်ကိုယ် ပြည်နယ် လုံခြုံရေးနှင့် နယ်စပ်ရေးရာဝန်ကြီး၊ ပြည်နယ်ရဲတပ်ဖွဲ့ မှူး ရဲမှူးကြီး၊ ပြည်နယ်အဆင့်ဌာနဆိုင်ရာ တာဝန်ရှိသူတို့က ပင့်ဆောင်၍လည်းကောင်း၊ စတုတ္ထကိုယ်စားတော်မြတ်ကို ပြည်နယ်ဥပဒေချုပ်၊ ပြည်နယ် လွှတ်တော်ကိုယ်စားလှယ်များ၊ မြို့နယ်အုပ်ချုပ်ရေးမှူးတို့က အသီးသီးပင့်ဆောင်ကြကြောင်း သိရသည်။

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်တို့က ဖောင်တော်ဦး မြတ်စွာဘုရားများအား၊ ဆွမ်း၊ ဆီမီး၊ ရေချမ်း၊ ရွှေသင်္ကန်း ဆက်ကပ်လှူဒါန်းပြီး၊ ဂေါပကအဖွဲ့မှ ဓမ္မလက်ဆောင် (၂၁)ဌာနကြာသင်္ကန်းများ ဝေငှာပေး၍ ဧည့်သည်တော်မှတ်တမ်းတွင် လက်မှတ်ရေးထိုးကြောင်းသိရသည်။

674

   ထို့နောက် ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် နန်းဟူး ဘုန်းတော်ကြီးကျောင်းတွင် ဟဲယာရွာမရွှေဘုံသာကျောင်းတိုက် ဆရာတော်ကြီးထံမှ ငါးပါးသီလခံယူ ဆောက်တည်ကြပြီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများတို့က ဆရာတော်များအား လှူဖွယ်ပစ္စည်းများ ဆက်ကပ်လှူဒါန်းကြသည်။

675

   ၎င်းနောက် ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် အင်းသား ရိုးရာလေးပြိုင်ပွဲ ယှဉ်ပြိုင်နေမှုကိုကြည့်ရှုအားပေးကြပြီး၊ ဆုများချီးမြှင့်ပေးရာ အင်းသားရိုးရာ ဆွမ်းပို့လှေ အဖွဲ့ကို  ပြည်နယ်ဥပဒေချုပ်၏ဇနီးနှင့် ပြည်နယ်စည်ပင်သာယာရေးဝန်ကြီး၏ဇနီးတို့မှ ဆုချီးမြှင့်၍ လည်းကောင်း၊ လှေယာဉ်အလှအဖွဲ့ ဟဲယာရွာမနှင့် အင်းပေါခုံ အသင်းတို့ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး၏ဇနီးနှင့် ပြည်နယ်စီမံကိန်းနှင့် စီးပွားရေးဝန်ကြီး၏ဇနီးတို့မှ ဆုချီးမြှင့်၍ လည်းကောင်း၊ အမျိုးသား(၄၆)တက်နှစ်သိမ့်ဆုရအသင်းကို ပြည်နယ်လူမှုရေးဝန်ကြီး၊ ပြည်နယ် စည်ပင်သာယာ ရေးဝန်ကြီးတို့မှ ဆုချီးမြှင့်၍လည်းကောင်း၊ တစ်ဦးချင်းလှေလှော်ပြိုင်ပွဲ နှစ်သိမ့်ဆုရရှိ သူများကို ပြည်နယ်လမ်းပန်ဆက်သွယ် ရေးဝန်ကြီး၊ တစ်ဦးချင်လှေလှော်ပြိုင်ပွဲ ပထမ၊ ဒုတိယဆုရရှိ သူများကို ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ် စိုက်ပျိုးရေးနှင့် မွေးမြူရေးဝန်ကြီးတို့မှ ဆုများအသီးသီးချီးမြှင့်ပေး၍လည်းကောင်း၊ အမျိုးသမီး(၂၆)တက်ဒုတိယဆုရအသင်းကို ပြည်နယ် တရားလွှတ်တော်တရားသူကြီးချုပ်၏ဇနီးနှင့် ပထမဆုရအသင်းကို ပြည်နယ်ဝန်ကြီးချုပ်၏ဇနီး ဒေါ်ဖြူဖြူညွှန့် တို့မှ ဆုချီးမြှင့်၍လည်းကောင်း၊ အမျိုးသား(၄၆)တက် ဒုတိယဆုရအသင်းကို ပြည်နယ်ဘဏ္ဍာရေးဝန်ကြီးနှင့် ပထမဆုရ အသင်းကို ပြည်နယ်လုံခြုံရေးနှင့် နယ်စပ်ရေးရာဝန်ကြီးတို့မှ ဆုချီးမြှင့်၍လည်းကောင်း၊ အမျိုးသားရာကျော်လှေပြိုင်ပွဲ ဒုတိယဆုရအသင်းကို ပြည်နယ် တရားလွှတ်တော်တရားသူကြီးချုပ် ဦးကြွယ်ကြွယ်နှင့် ပထမဆုရအသင်းကို ပြည်နယ်ဝန်ကြီး ချုပ် ဦးစဝ်အောင်မြတ်တို့မှ အသီးသီးဆုများပေးအပ်ချီးမြှင့်ပေးအပ်ပြီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် ဆုရရှိသော လှေပြိုင်အသင်းများကို လိုက်လံနှုတ်ဆက်ကြကာ အခမ်းအနားကို နောင်အင်းလေး သီချင်းဖြင့် ရုပ်သိမ်းလိုက်ကြောင်းသိရသည်။

676

   ယင်းနောက် ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ဝန်ကြီးများ၊ တာဝန်ရှိသူတို့သည် ညောင်ရွှေမြို့ အင်းလယ်ဖိုတဲသို့ ရောက်ရှိပြီး ပြည်နယ်ဆည်မြောင်းဦးစီးဌာန၊ ပြည်နယ်သစ်တောဦးစီးဌာန၊ ပြည်နယ်စိုက်ပျိုးရေးဦးစီးဌာန၊ တာဝန်ရှိသူများနှင့် တွေ့ဆုံကာ ဆည်မြောင်းဦးစီးဌာန၊ ပြည်နယ် ဦးစီးမှူးက အင်းလေးကန်သာယာလှပစိမ်းလန်းစိုပြည်ရေး နှင့် ရေရှည်တည်တံခိုင်မြဲရေး လုပ်ငန်းဆိုင်ရာ ကိစ္စရပ်များနှင့် ပတ်သက်၍လည်းကောင်း၊ ပြည်နယ်သစ်တော်ဦးစီးဌာန၊ လက်ထောက် ညွှန်ကြားရေးမှူး ဦးသိန်းမောင်က အင်းလေးကန်ရေရှည်တည်တံရေး ထိခိုက်စေသော အကြောင်းအရာများနှင့် ပတ်သက်၍ လည်းကောင်း၊ ညောင်ရွှေမြို့နယ်စိုက်ပျိုးရေးဦးစီးမှူး ဦးဇော်ဝင်းထွန်းက အရည်အသွေးနှင့် အထွက်နှုန်း ကောင်းမွန်သည့် မျိုးကောင်း၊ မျိုးသန့်၊ မျိုးစေ့များ ထုတ်လုပ်မှုနှင့် ပုလဲသွယ်စပ်မျိုးစပါး နှစ်အလိုက် တိုးမြှင့်စိုက်ပျိုးနိုင်မှုများနှင့် သိပ္ပံနည်းကျ စိုက်နည်းစနစ်များ သူတေသနပြုလုပ်ခြင်းနှင့် ဖွံ့ဖြိုးတိုးတက်ရေး လုပ်ငန်းများနှင့် ပတ်သက်၍ ရှင်းလင်းတင်ပြရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက် မှာကြားပြီး၊ ပေါင်းစပ်ညှိနှိုင်းလုပ်ကိုင်ဆောင်ရွက် သွားကြရန် လမ်းညွှန်မှာကြားခဲ့ကြောင်းသိရသည်။

မောင်မောင်သန်း(တောင်ကြီး)

More Articles...

  1. ရှမ်းပြည်နယ်အစိုးရအဖွဲ့ဝင် လူမှုရေးဝန်ကြီးဒေါက်တာမျိုးထွန်း၊ လျှပ်စစ်နှင့်စက်မှု၀န်ကြီး ဦးစိုင်းထွန်းရင်နှင့်စည်ပင်သာယာရေးဝန်ကြီး ဦးစိုင်းလှဝင်းတို့မှ တောင်ကြီးမြို့၊ ဇီဝိတဒါနသံဃာဆေးရုံသို့ သွားရောက်စစ်ဆေးကြည့်ရှု့ခြင်း
  2. (၂၁)ကြိမ်မြောက် အဆို၊ အက၊ အရေး၊ အတီးပြိုင်ပွဲနှင့် တတိယအကြိမ်မြောက် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲဖွင့်ပွဲကျင်းပ
  3. ရှမ်းပြည်နယ် ဒေသန္တရ ဖွံ့ဖြိုးတိုးတက်ရေး သဘောတူစာချုပ်များ လက်မှတ်ရေးထိုးပွဲ ကျင်းပ
  4. အင်းလေးကန်ထိန်းသိမ်းရေး(၅)နှစ်စီမံကိန်း (၂၀၁၅-၂၀၁၆ ခုနှစ်မှ ၂၀၁၉-၂၀၂၀ ခုနှစ်ထိ) စီမံချက်မှုကြမ်းအပေါ် အကျိုးဆက်စပ်ပတ်သက်သူများပါဝင်သည့် အလုပ်ရုံဆွေးနွေးပွဲ ကျင်းပ
  5. ရှမ်းပြည်နယ်၊ တောင်ကြီးမြို့၌ ပေါက်ကွဲမှု(၃)နေရာဖြစ်ပွား
  6. ၂၀၁၄ - ၂၀၁၅ ပညာသင်နှစ် အခြေခံပညာဆရာ၊ ဆရာမများ အရည်အသွေးမြှင့်သင်တန်းဖွင့်ပွဲကျင်းပ
  7. ပြည်သူ့အတွက် ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့ ကွင်းဆင်းဆောင်ရွက်
  8. ကူးစက်မြန် အီဘိုလာဗိုင်းရပ်စ်ရောဂါ ကျန်းမာရေးပညာပေးဟောပြော
  9. အပြည်ပြည်ဆိုင်ရာ သက်ကြီးရွယ်အိုများနေ့ ကျင်းပ
  10. မြန်မာနိုင်ငံရဲတပ်ဖွဲ့ ရွှေရတုနှစ်ပတ်လည်နေ့ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ရှမ်းပြည်နယ်(အရှေ့ပိုင်း)တွင် နေထိုင်ကြပါသည်။ ကျိုင်းတုံ၊ မိုင်းပြင်း၊ မိုင်းဖြတ်၊ မိုင်းယောင်း၊ မိုင်းဆတ်၊ တာချီလိတ်မြို့နယ်များတွင် အများဆုံး နေထိုင်ကြသည်။

 

We have 79 guests and no members online