သတင်းများ

ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ လွိုင်လင်မြို့တွင် မျက်စိ/ သွားနှင့်ခံတွင်း/ အထွေထွေရောဂါများ အခမဲ့ကုသမှုအခြေအနေ ကြည့်ရှုအားပေး

တောင်ကြီး ဒီဇင်ဘာ  ၂၀

   ပြည်ထောင်စုသမ္မတမြန်မာနိုင်ငံတော် ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီးဒေါ်ဖြူဖြူညွန့်၊ ပြည်နယ် ဝန်ကြီးများနှင့်အလှူရှင်များလိုက်ပါလျက် ဒီဇင်ဘာ(၂၀)ရက်နံနက်(၉)နာရီက လွိုင်လင်မြို့၊ ပြည်သူ့ဆေးရုံတွင် ဒုတိယသမ္မတဒေါက်တာစိုင်းမောက်ခမ်းမိသားစုနှင့် အလှူရှင်များ စုပေါင်းကျင်းပပြုလုပ်သော မျက်စိ/ သွားနှင့်ခံတွင်း/ အထွေထွေရောဂါများ အခမဲ့ဆေးကုသမှုအခြေအနေများကို ကြည့်ရှုအားပေးကြကြောင်း သိရသည်။

820

   ဆက်လက်၍ ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ရှမ်းပြည်နယ်၊ ပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်နှင့်ဇနီးဒေါ်ဖြူဖြူညွန့်၊ ပြည်နယ်ဝန်ကြီးများနှင့် တာဝန်ရှိသူများတို့သည် ဆေးရုံအတွင်းလှည့်လည်ကြည့်ကြည့်ရှုအားပေးပြီး၊ မျက်စိကုသနေသည့် ဝေဒနာရှင်များကို မျက်မှန်များ တပ်ဆင်ပေးပြီး ထောက်ပံ့ငွေများ ပေးအပ်ခဲ့ကြောင်း သိရသည်။

821

   အဆိုပါ လွိုင်လင်မြို့၊ ပြည်သူ့ဆေးရုံတွင် မျက်စိရောဂါဝေဒနာ(၄၈၇)ဦး၊ သွားနှင့်ခံတွင်း(၉၉)ဦး၊ အထွေထွေရောဂါ(၆၂၅)ဦး စုစုပေါင်း(၁၂၁၁)ဦးရှိပြီး၊ (၁၉.၁၂.၂၀၁၄) ရက်နေ့တွင် မျက်စိဝေဒနာရှင်(၁၈)ဦး (၂၀)ရက်နေ့တွင်(၇)ဦးတို့ကို တောင်ကြီးမြို့သို့ ပို့ရန်စီစဉ်ထားပြီး၊ လဲချားမြို့တွင် မျက်စိဝေဒနာရှင်(၇၅၉)ဦး၊ သွားနှင့်ခံတွင်း(၈၀)ဦး၊ အထွေထွေရောဂါဝေဒနာရှင်(၇၂၅)ဦး စုစုပေါင်း (၁၅၆၄)ဦးရှိသည့်အနက် မျက်စိဝေဒနာရှင် (၂၆)ဦးအား တောင်ကြီးမြို့သို့ပို့ရန်နှင့် အထွေထွေရောဂါဝေဒနာရှင်(၉)ဦးတို့အား နေပြည်တော်သို့ပို့ရန် စီစဉ်ထားပြီးဖြစ်ကြောင်း သိရသည်။

   ထို့နောက် ဒုတိယသမ္မတဒေါက်တာစိုင်းမေက်ခမ်း၏ဇနီးဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့်တာဝန်ရှိသူများတို့သည် လွိုင်လင်မြို့မှ ဆက်လက် ထွက်ခွာလာရာ လဲချားမြို့သို့ရောက်ရှိပြီး၊ အဂင်္လန်နိုင်ငံ အောက်စ်ဖို့စ် ဆရာတော် ပါမောက္ခဒေါက်တာ ဓမ္မသာမိ၏ နှစ်(၅၀)ပြည့် ရွှေရတုမွေးနေ့ အထိမ်းအမှတ် မုခ်ဦးဖွင့်ပွဲသို့ တက်ရောက်ကြောင်း သိရသည်။

822

  ၎င်းနောက် ဒေါက်တာဓမ္မသာမိအရှင်သူမြတ်နှင့် ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဦးစဝ်အောင်မြတ်တို့က ဖဲကြိုးဖြတ်ဖွင့်လှစ်ပေးပြီး၊ မုခ်ဦးဆိုင်းဘုတ်အား ဒုတိယသမ္မတ ဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံမှ စက်ခလုတ်နှိပ်၍ ဖွင့်လှစ်ပေးကြောင်း သိရသည်။

   ယင်းနောက်ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများတို့သည် လဲချားမြို့နယ်မှ ရှမ်းယဉ်ကျေးမှုအကများဖြင့် ဖြေဖျော်တင်ဆက်မှုကို ကြည့်ရှု အားပေးကြပြီး၊ ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံမှ ရှမ်းယဉ်ကျေးမှုအကအဖွဲ့အား ဂုဏ်ပြုဆုများ ပေးအပ်ခဲ့ကြောင်း သိရသည်။

   ဆက်လက်၍ ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ် ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့် တာဝန်ရှိသူတို့သည် အဂင်္လန်နိုင်ငံ အောက်စ်ဖို့စ်် ဆရာတော် ပါမောက္ခဒေါက်တာ ဓမ္မသာမိ၏ နှစ်(၅၀)ပြည့်ရွှေရတုမွေးနေ့ အထိမ်းအမှတ်ဆရာတော်သမိုင်း ပြတိုက်ဖွင့်ပွဲသို့ တက်ရောက်ရာ ဆရာတော်အရှင်သူမြတ်များက ဇယန္တောဂါထာရွတ်ဖတ်ပူဇော်၍ ဆရာတော် သမိုင်းပြတိုက်အား အောက်စ်ဖို့စ်ဆရာတော်ပါမောက္ခ ဒေါက်တာဓမ္မသာမိနှင့် အရှေ့အလယ်ပိုင်းတိုင်း စစ်ဌာနချုပ် တိုင်းမှူးတို့က ဖဲ့ကြိုးဖြတ်ဖွင့်လှစ်ပေးပြီး ပြတိုက်အတွင်းလှည့်လည်ကြည့်ရှု အားပေးကြကြောင်း သိရသည်။

   ထို့နောက် အဂင်္လန်နိုင်ငံ အောက်စ်ဖို့စ်ဆရာတော်ပါမောက္ခဒေါက်တာဓမ္မသာမိနှစ်(၅၀)ပြည့် ရွှေရတုမွေးနေ့ အထိမ်းအမှတ် ဂုဏ်ပြုမှတ်တမ်းလွှာပေးအပ်ခြင်းနှင့် ရေစက်ချမဂင်္လာအခမ်းအနားကျင်းပရာ ပထမဦးစွာ အခမ်းအနားကို  နမောတဿ(၃)ကြိမ် ရွတ်ဆိုဘုရားကန်တော့၍ ဖွင့်လှစ်ပြီး၊ ဆရာတော်ကြီးထံမှ ငါးပါးသီလ ခံယူဆောက်တည်ကြကာ ဂုဏ်ပြုမှတ်တမ်းလွှာများပေးအပ်ရာ  အောက်စ်ဖို့စ်ဆရာတော် ပါမောက္ခဒေါက်တာ ဓမ္မသာမိမှ ဒုတိယသမ္မတဒေါက်တာစိုင်းမောက်ခမ်းနှင့်ဇနီး ဒေါ်နန်းရွှေမှုံမိသားစုနှင့် အလှူရှင်များတို့ကို ဂုဏ်ပြုမှတ်တမ်းလွှာများပေးအပ်၍ ဆရာတော်ကြီးထံမှ ဩဝါဒခံယူကာ လှူဒါန်းမှုအစုစုတို့အတွက် ရေစက်သွန်းချအမျှပေးဝေပြီး အခမ်းအနာကို ဗုဒ္ဓသာသနံစိရံတိဌတု(၃)ကြိမ် ရွတ်ဆို ဆုတောင်း၍ အခမ်းအနားကို ရုပ်သိမ်းလိုက်ကြောင်းသိရသည်။

   ၎င်းနောက် ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့် တာဝန်ရှိသူတို့သည် သိမ်အဆောက်အဦအား ဖူးမျှော်ကန်တော့၍ ရေစက်ချ တရားနာပြီး၊ ပြည်ထောင်စုသမ္မတ မြန်မာနိုင်ငံတော် ဒုတိယသမ္မတဒေါက်တာစိုင်းမောက်ခမ်းနှင့် ဇနီးဒေါ်နန်းရွှေမှုံ မိသားစုတို့မှ လှူဒါန်းသော လဲချားမြို့ ပြည်သူ့ဆေးရုံ သံဃာဆောင်အဆောက်အဦသစ် ဖွင့်ပွဲသို့ တက်ရောက်ရာ ဖွင့်ပွဲအခမ်းအနားတွင် ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ပြည်နယ်ဝန်ကြီးချုပ်၏ ဇနီးဒေါ်ဖြူဖြူညွန့်၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် အလှူရှင်များတို့က ဖဲကြိုးဖြတ် ဖွင့်လှစ်ပေးကြကြောင်း သိရသည်။

   ယင်းနောက် သံဃာတော်အရှင်သူမြတ်များ၊ ပြည်နယ်ဝန်ကြီးချုပ်နှင့် တာဝန်ရှိသူတို့က သံဃာဆောင်ကမ္ဗာည်းကျောက်စာတိုင်အား ပရိတ်ရေ၊ အမွှေးနံ့သာရေများ ပက်ဖြန်းပြီး၊ သံဃာဆောင်သစ် အတွင်း လှည့်လည်ကြည့်ရှု၍လည်းကောင်း၊ လဲချားမြို့ပြည်သူ့ဆေးရုံအတွင်း အထူးကုဆရာဝန်များမှ လူနာများအား အခမဲ့ဆေးကုသနေမှုကို လှည့်လည်ကြည့်ရှုအားပေးကြကြောင်း သိရှိရသည်။

 

                                                                                                    မောင်မောင်သန်း(တောင်ကြီး)

 

ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ဒုတိယနေ့ ကျင်းပ

တောင်ကြီး ဒီဇင်ဘာ - ၁၉

 818

   ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး(၁/၂၀၁၄) ဒုတိယနေ့ကို ဒီဇင်ဘာလ (၁၉)ရက် နံနက်(၁၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ ဦးစိုင်းလုံးဆိုင်၊ ပြည်နယ်လွှတ်တော်ဒုတိယ ဥက္ကဌနှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ တက်ရောက်ကြသည်။

819

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူးအဖြစ် ဆောင်ရွက်သည်။

   ပထမဦးစွာ ပြည်နယ်လွှတ်တော်ဥက္ကဌက အစည်းအဝေးတက်ရောက်ခွင့်ရှိသူ လွှတ်တော်ကိုယ်စားလှယ် (၁၃၉)ဦး ရှိသည့်အနက် (၁၁၀)ဦး တက်ရောက်သည့်အတွက် (၇၉.၁၄%) တက်ရောက်သဖြင့် အစည်းအဝေး အထမြောက်ကြောင်းနှင့် အစည်းအဝေး စတင်ကျင်းပကြောင်း ကြေညာပါသည်။

   ဆက်လက်၍ အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ်(၉)ဦးတို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး အစည်းအဝေးပထမနေ့က ခွင့်ပန်ကြားသူ(၂၀)ဦး၊ ယနေ့ခွင့်ပန်ကြားသူ (၉)ဦး၊ စုစုပေါင်း ခွင့်ပန်ကြားသူ(၂၉)ဦးတို့အား ပြည်နယ်လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ထို့နောက် ရှမ်းပြည်နယ်အစိုးရအဖွဲ့မှ ပြန်လည်တင်ပြသော ၂၀၁၅-၂၀၁၆ခု ဘဏ္ဍာရေးနှစ်၊ ရသုံးခန့်မှန်ခြေ ငွေစာရင်း လျာထားချက်နှင့်စပ်လျဉ်း၍ ပြည်နယ်လွှတ်တော် ကိုယ်စားလှယ်(၃)ဦးတို့က ဆွေးနွေးရာ ရှမ်းပြည်နယ်အစိုးရအဖွဲ့ဝင် ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်နှင့် ပြည်နယ် ဘဏ္ဍာရေး ဝန်ကြီး ဦးခွန်သိန်းမောင်တို့က ရှင်းလင်းဆွေးနွေးပါသည်။

   ဆက်လက်၍ ပြည်နယ်လွှတ်တော်ဥက္ကဌက ပထမအကြိမ် ရှမ်းပြည်နယ်လွှတ်တော် အရေးပေါ် အစည်းအဝေး ဆောင်ရွက်ချက်များအပါအဝင် လွှတ်တော်လုပ်ငန်းဆိုင်ရာများနှင့် စပ်လျဉ်း၍ လွှတ်တော်သို့ ရှင်းလင်းတင်ပြပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ဒုတိယနေ့အား နံနက်(၁၁:၁၅)နာရီတွင် အောင်မြင်စွာ ကျင်းပပြီးစီးကြောင်း သိရှိရသည်။

 

                                                                                                                                                                                ပြည်နယ်ပြန်/ ဆက်

 

မြန်မာနိုင်ငံအင်ဂျင်နီယာအသင်း ရှမ်းပြည်နယ်ရုံးခွဲ(တောင်ကြီး)အသင်းအမှုဆောင်သစ်များ ကတိသစ္စာခံယူပွဲနှင့် စာတမ်းဖတ်ပွဲကျင်းပ

တောင်ကြီး ဒီဇင်ဘာ  -  ၁၄

813

  မြန်မာနိုင်ငံအင်ဂျင်နီယာအသင်းရှမ်းပြည်နယ်ရုံးခွဲ(တောင်ကြီး)အသင်း အမှုဆောင်သစ်များ ကတိသစ္စာခံယူပွဲနှင့် အင်ဂျင်နီယာပညာဆိုင်ရာစာတမ်းဖတ်ပွဲကို ဒီဇင်ဘာ(၁၄)ရက်နံနက်(၉)နာရီ က တောင်ကြီးမြို့၊ မြို့တော်ခန်းမ၌ကျင်းပ ကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့် အမှာစကားပြောကြားပြီး၊ အင်ဂျင်နီယာအသင်းမှ မြန်မာနိုင်ငံအင်ဂျင်နီယာအသင်း ရန်ကုန်ရုံးချုပ် ၏ ဗဟိုအလုပ်အမှုဆောင်အဖွဲ့ဝင် Techdigest မဂ္ဂဇင်း ၏အယ်ဒီတာချုပ်ဦးသန်းထွန်းအောင်က နှုတ်ဆက်အမှာစကားပြောကြားကြောင်းသိရသည်။

   ဆက်လက်၍ ပြည်နယ်ဝန်ကြီးချုပ်အား MES Distinguished Honorary Fellow ဘွဲ့တံဆိပါကို မြန်မာနိုင်ငံ အင်ဂျင်နီယာအသင်း ရန်ကုန်ရုံးချုပ်၏ ဗဟိုအလုပ်အမှုဆောင်အဖွဲ့ဝင် Techdigest မဂ္ဂဇင်း၏ အယ်ဒီတာချုပ် ဦးသန်းထွန်းအောင်မှ ဘွဲတံဆိပ်ပေးအပ် ချီးမြှင့်ပေးကြောင်းသိရသည်။

   ထို့နောက် အသင်းအမှုဆောင်သစ်များ ကတိသစ္စာခံယူကြပြီး၊ အလှူရှင်များအား ဂုဏ်ပြု မှတ်တမ်းလွှာများပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများမှ ပေးအပ်ပေးရာ အလှူရှင်များက အသီးသီးလက်ခံရယူကြသည်။

   ၎င်းနောက် မြန်မာနိုင်ငံအင်ဂျင်နီယာ အသင်းရှမ်းပြည်နယ်ရုံးခွဲ(တောင်ကြီး) ဥက္ကဌ ဦးရဲခေါင်ညွန့်မှ ကျေးဇူးတင်စကား ပြောကြားပြီး၊ အခမ်းအနားကို ပထမပိုင်းအောင်မြင်စွာ ရုပ်သိမ်းလိုက်ကြောင်း သိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ် ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်၊ ခရိုင်၊ မြို့နယ်အဆင့်ဌာန ဆိုင်ရာများ မြန်မာနိုင်ငံအင်ဂျင်နီယာအသင်း ရန်ကုန်ရုံးချုပ်မှ ဗဟိုအလုပ်အမှုဆောင်အဖွဲ့ဝင်များ၊ မြန်မာနိုင်ငံ အင်ဂျင်နီယာအသင်း ရှမ်းပြည်နယ်ရုံးခွဲ(တောင်ကြီး)အသင်းအမှုဆောင်သစ် များ၊ အင်ဂျင်နီယာ ပညာဆိုင်ရာ စာတမ်းဖတ်မည့်အဖွဲ့များ၊ ဖိတ်ကြားထားသည့် ဧည့်သည်တော်များတက်ရောက်ကြ ကြောင်း သိရှိရသည်။

မောင်မောင်သန်း(တောင်ကြီး)

 

ပြည်နယ်ပညာရေးညွှန်ကြားရေးမှူး ဖလားအခြေခံကျောင်းပေါင်းစုံ ဘောလုံးပြိုင်ပွဲ ဆုချီးမြှင့်ပွဲ ကျင်းပ

တောင်ကြီး ဒီဇင်ဘာ - ၁၇

817

   ၂၀၁၄- ၂၀၁၅ ပညာသင်နှစ် ပြည်နယ်ပညာရေး ညွှန်ကြားရေးမှူးဖလား အခြေခံကျောင်းပေါင်းစုံ အသက်(၁၉)နှစ်အောက် ဘောလုံးပြိုင်ပွဲ ဆုချီးမြှင့်ပွဲကို ဒီဇင်ဘာ(၁၇)ရက် ညနေ(၃)နာရီက တောင်ကြီးမြို့၊ ပြည်နယ်အားကစားနှင့် ကာယပညာဦးစီးဌာန၊ ပြည်နယ်ဘောလုံးကွင်း၌ ကျင်းပကြောင်းသိရသည်။

   ပထမဦးစွာ နောက်ဆုံးဗိုလ်လုပွဲအဖြစ် တောင်ကြီးမြို့နယ် အခြေခံကျောင်းပေါင်းစုံ အသင်းနှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ် အခြေခံကျောင်းပေါင်းစုံအသင်းတို့ ယှဉ်ပြိုင်ကစားကြရာ မိနစ်(၉၀)အချိန်ပြည့်နှင့် အချိန်ပိုကစားသော်လည်း တစ်ဘက်(၂)ဂိုးစီ သရေကျနေ၍ Panalty ဖြင့်၊ ဆုံးဖြတ်ရာ တောင်ကြီးမြို့နယ် အသင်းက (၆)ဂိုး (၄)ဂိုးဖြင့်၊ အနိုင်ရဗိုလ်စွဲ သွားကြောင်းသိရသည်။

   ဆက်လက်၍ ဆုချီးမြှင့်ပွဲကျင်းပရာ ပြိုင်ပွဲဖြစ်မြောက်ရေးအတွက် အလှူငွေလှူဒါန်းပေးသည့် ကုမ္ပဏီများအား ဂုဏ်ပြုမှတ်တမ်းလွှာများကို တောင်ကြီးခရိုင်အထွေထွေအုပ်ချုပ်ရေးမှူ ဦးကံထွန်းမှ ပေးအပ်၍ လည်းကောင်း၊ နေရာအလိုက်အကောင်းဆုံးကစားသမားဆု၊ ဂိုးသမားဆု၊ နောက်တန်းဆု၊ အလယ်တန်းဆု၊ ရှေ့တန်းဆု၊ ပွဲစဉ်တစ်လျှောက် အကောင်းဆုံးဆုရရှိသူများကို ပြည်နယ်အားကစားနှင့် ကာယပညာဦးစီးဌာန လက်ထောက်ညွှန်ကြားရေးမှူး ဦးတင်မြင့်မှ ဆုတံဆိပ်နှင့် ငွေသားဆုများချီးမြှင့်ပေး ၍ လည်းကောင်း၊ တတိယဆုရရှိသော ညောင်ရွှေမြို့နယ် အခြေခံကျောင်းပေါင်းစုံဘောလုံးအသင်းအား၊ တောင်ကြီး တက္ကသိုလ်ပါမောက္ခချုပ် ဒေါက်တာဒေါ်မူမူမြင့်မှ တစ်ဦးချင်းဆုတံဆိပ်နှင့် ငွေသားကျပ်(၂) သိန်းချီးမြှင့်ပေး၍ လည်းကောင်း၊ ဒုတိယဆုရရှိသော ပအိုဝ်းကိုယ်ပိုင်အုပ်ချုပ်ခွင့်ရဒေသ အခြေခံကျောင်း ပေါင်းစုံ ဘောလုံးအသင်းအား ပြည်နယ်ပညာရေးဒုတိယညွှန်ကြားရေးမှူး၊ ဆရာကြီး ဦးသန်းထွန်းဟန်မှ တစ်ဦးချင်းဆုတံဆိပ်၊ ငွေသားကျပ်(၃)သိန်းနှင့် ဆင့်ပွားဒိုင်းဆုများချီးမြှင့်ပေး၍ လည်းကောင်း၊ ပထမဆုရ ရှိသော တောင်ကြီးမြို့နယ် ခြေခံကျောင်းပေါင်းစုံ ဘောလုံးအသင်းအား၊ ပြည်နယ်ပညာရေး ညွှန်ကြားရေးမှူး၊ ဦးချစ်ဆွေမှ တစ်ဦးချင်းဆုတံဆိပ်၊ ငွေသားဆုကျပ်(၅)သိန်းနှင့် ဒိုင်းဆုများကို ချီးမြှင့်ပေးအပ်ကြောင်းသိရသည်။

   အဆိုပါအခမ်းအနားသို့ ပြည်နယ်ပညာရေးညွှန်ကြားရေးမှူးနှင့် တာဝန်ရှိသူများ၊ ခရိုင်၊ မြို့နယ် အဆင့် ဌာနဆိုင်ရာများ၊ ဆရာ၊ ဆရာမများ၊ ကျောင်းသား၊ ကျောင်းသူများ၊ ပြိုင်ပွဲဝင်အားကစားသမား များ၊ အားကစားဝါသနာရှင်များ တက်ရောက်ကြကြောင်းသိရှိရသည်။

                                                                                မောင်မောင်သန်း(တောင်ကြီး)

 

မြန်မာနိုင်ငံဘောလုံးအဖွဲ့ချုပ်မှ ရှမ်းပြည်နယ်သို့ ဘောလုံးပေးအပ်လှူဒါန်း

တောင်ကြီး ဒီဇင်ဘာ  -  ၁၃

811

   မြန်မာအားကစားရှင်သန်ထက်မြတ်ရေးနှင့် မျိုးဆက်သစ်အားကစားသမားများပေါ်ပေါက် လာရေးအတွက် ရည်ရွယ်၍ မြန်မာနိုင်ငံဘောလုံးအဖွဲ့ချုပ်မှ ရှမ်းပြည်နယ် အားကစားနှင့် ကာယ ပညာဦးစီးဌာနနှင့် အခြေခံပညာကျောင်းများသို့ ဒီဇင်ဘာလ(၁၃)ရက် နေ့လည်(၁၂)နာရီက တောင်ကြီးမြို့၊ ပြည်နယ်အားကစားကင်း၌ ဘောလုံး(၅၀၀)စီပေးအပ်လှူဒါန်းကြောင်းသိရသည်။

   ပထမဦးစွာ မြန်မာနိုင်ငံဘောလုံးအဖွဲ့ချုပ်ဥက္ကဌ ဦးဇော်ဇော်မှ ဘောလုံးလှူဒါန်းရခြင်း အကြောင်းရှင်းလင်းပြောကြားပြီး၊ ဘောလုံးပေးအပ်လှူဒါန်းရာ ရှမ်းပြည်နယ်အားကစားနှင့် ကာယပညာဦးစီးဌာနအတွက် ဘောလုံး(၅၀၀)ကို မြန်မာနိုင်ငံဘောလုံးအဖွဲ့ချုပ် ဥက္ကဌ ဦးဇော်ဇော်မှ ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ လက်ခံ၍လည်းကောင်း၊ အခြေခံပညာကျောင်းများအတွက် ဘောလုံး(၅၀၀)ကို ဆက်လက်ပေးအပ် လှူဒါန်းရာ ရှမ်းပြည်နယ်၊ ပြည်နယ် ပညာရေးညွှန်ကြားရေးမှူး ဦးချစ်ဆွေတို့က လက်ခံရယူ ကြောင်းသိရသည်။

812

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဘဏ္ဍာရေးဝန်ကြီး၊ ဦးခွန်သိန်းမောင်က ကျေးဇူးတင်စကားပြောကြားပြီး၊ အမှတ်တရဓါတ်ပုံရိုက်ကူး၍ အခမ်းအနားသို့ ရှမ်းပြည်နယ်အစိုးရ အဖွဲ့၊ ပြည်နယ်ဘဏ္ဍာရေးဝန်ကြီး၊ ပြည်နယ်အစိုးရအဖွဲ့အတွင်းရေးမှူး၊  မြန်မာနိုင်ငံဘောလုံး အဖွဲ့ချုပ် ဥက္ကဌ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ မြို့နယ်အထောက်အကူပြု ကော်မတီများ၊ ရပ်ကွက်အုပ်ချုပ်ရေးမှူးများ၊ ဖိတ်ကြားထားသည့် ဧည့်သည်တော်များတက်ရောက် ကြကြောင်းသိရသည်။

                                                                        မောင်မောင်သန်း(တောင်ကြီး)

 

ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ပထမနေ့ ကျင်းပ

တောင်ကြီး ဒီဇင်ဘာ - ၁၈

816

   ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး(၁/၂၀၁၄) ပထမနေ့ကို ဒီဇင်ဘာလ (၁၈)ရက် နံနက် (၁၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ ဦးစိုင်းလုံးဆို၊ ပြည်နယ်လွှတ်တော်ဒုတိယဥက္ကဌနှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ တက်ရောက်ကြသည်။

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူးအဖြစ် ဆောင်ရွက်သည်။

   ပထမဦးစွာ ကတိသစ္စာမပြုရသေးသော တပ်မတော်သား ပြည်နယ်လွှတ်တော်ကိုယ်စားလှယ်(၁)ဦးက ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးခြင်းများ ဆောင်ရွက်ပါသည်။

   ဆက်လက်၍ ပြည်နယ်လွှတ်တော်ဥက္ကဌက အစည်းအဝေးတက်ရောက်ခွင့်ရှိသူ လွှတ်တော်ကိုယ်စားလှယ် (၁၃၉)ဦး ရှိသည့်အနက်(၁၁၉)ဦး တက်ရောက်သည့်အတွက် (၈၅.၆၁%) တက်ရောက်သဖြင့် အစည်းအဝေး အထမြောက်ကြောင်းနှင့် အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ်(၂၀)ဦးတို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး ပြည်နယ်လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ဆက်လက်၍ ရှမ်းပြည်နယ်ဝန်ကြီးချုပ်က ပြည်နယ်လွှတ်တော်သို့ ရှင်းလင်းပြောကြားရာ ပြည်နယ်လွှတ်တော် ဥက္ကဌက ပြည်နယ်ဝန်ကြီးချုပ်၏ ရှင်းလင်းပြောကြားချက်အား လွှတ်တော်မှ မှတ်တမ်း တင်ကြောင်း ကြေညာပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် (၁၁)ကြိမ်မြောက် ပုံမှန်အစည်းအဝေး စတုတ္ထနေ့ (၄-၁၂-၂၀၁၄)တွင် အတည်ပြုပြီးဖြစ်သည့် ရှမ်းပြည်နယ်အစိုးရအဖွဲ့မှ တင်သွင်းသော ၂၀၁၅-၂၀၁၆ခု ဘဏ္ဍာရေးနှစ်၊ ရသုံးခန့်မှန်းခြေငွေစာရင်းလျာထားချက်အား ပြည်နယ်ဘဏ္ဍာရေးဝန်ကြီး ဦးခွန်သိန်းမောင်က လွှတ်တော်သို့ ပြန်လည်တင်ပြပါသည်။ ယင်းကိစ္စနှင့် စပ်လျဉ်း၍ ဆွေးနွေးလိုသော ပြည်နယ်လွှတ်တော် ကိုယ်စားလှယ်များ ရှိပါက အမည်စာရင်းတင်သွင်းနိုင်ကြောင်း ကြေညာပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ပထမနေ့အား နံနက်(၁၁:၂၀)နာရီတွင် ရုပ်သိမ်းလိုက်ကြောင်း သိရှိရသည်။

                                                                                       ပြည်နယ်ပြန်/ ဆက်

 

ဒီဇင်ဘာ အားကစားလ လူထုစုပေါင်း လမ်းလျှောက်ပွဲ(ဒုတိယ)ပတ်တောင်ကြီးမြို့၌ လူထုအားလုံး ပါဝင်ဆင်နွဲ

တောင်ကြီး   ဒီဇင်ဘာ   ၁၃

808

   ပြည်သူလူထုကို အားကစားလုပ်ငန်းများ စိတ်ဝင်စား၍ တစ်မျိုးသားလုံး ကျန်းမာသန်စွမ်း ပြီး၊ ကိုယ်လက်ကြံခိုင်ရေးအတွက် လူထုလှုပ်ရှားမှု အကောင်အထည် ဖော်ဆောင်ရွက်လျက်ရှိရာ ဒီဇင်ဘာ(၁၃)ရက် နံနက်(၅)နာရီခွဲက တောင်ကြီးမြို့၌ လူထုစုပေါင်းလမ်းလျှောက်ပွဲ(ဒုတိယ)ပတ် ကို မြို့မစျေးကြီးရှေ့စုရပ်မှစတင်ထွက်ရှိကြောင်း သိရသည်။

809

   လမ်းလျှောက်ပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က သေနတ်ပစ်ဖောက်ကာ တာလွှတ်ပေးပြီး၊ မြို့မစျေးကြီးရှေ့မှ ဗိုလ်ချုပ်အောင်ဆန်းလမ်းအတိုင်း လမ်းလျှောက်၍ ရှမ်းပြည်နယ်လွှတ်တော်ရုံးမြောက်ဘက်လမ်းမှ ရုံးကြီးလမ်းအတိုင်း ဆက်လက်၍ လမ်းလျှောက်ဆင်နွဲပြီး၊ ပြည်နယ်အားကစားနှင့် ကာယပညာဦးစီးဌာန၊ ပြည်နယ်ဘောလုံးကွင်း တွင် ကိုယ်ကာယနည်းပြ နန်းမိုမိုမောင်၊ ခရိုင်ဦးစီးအရာရှိ အားကစားနှင့် ကာယပညာဦးစီးဌာနနှင့် ပညာရေးကောလိပ်မှ ဆရာမ ဒေါ်ကြည်ကြည်စိန်တို့က ကိုယ်လက်ကြံခိုင်ရေး လေ့ကျင့်ခန်း အတွဲ(၁)၊ အတွဲ(၂)တို့ကို ဦးဆောင်၍ စုပေါင်းပြုလုပ်ကြကြောင်း သိရသည်။

   လမ်းလျှောက်ပွဲဆင်နွဲရာတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် ဝန်ကြီးများ၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ သူနာပြုသင်တန်းကျောင်းမှ ဆရာမနှင့် သင်တန်းသူများ၊ တောင်ကြီးပညာရေးကောလိပ်မှ အုပ်ချုပ်သူ ဆရာမများနှင့် သင်တန်းသူများ၊ လူမှုရေးအသင်း အဖွဲ့များ၊ ရပ်ကွက်အုပ်ချုပ်ရေးမှူးများ၊ ဆရာ/ဆရာမနှင့်ကျောင်းသား/ကျောင်းသူများ၊ ဒေသခံ မိဘပြည်သူများ၊ အင်အား(၈၅၆၅)ဦးခန့် စုပေါင်းလမ်းလျှောက်ဆင်နွဲကြကြောင်း သိရှိရသည်။

                                                                                                                                                         မောင်မောင်သန်း(တောင်ကြီး)

810

ရှေးဦးအရွယ် ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ နည်းဥပဒေ(မူကြမ်း)အား ရှင်းလင်းဆွေးနွေး

တောင်ကြီး ဒီဇင်ဘာ - ၁၆

815

   ရှေးဦးအရွယ် ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ နည်းဥပဒေ(မူကြမ်း) အား ရှင်းလင်းဆွေးနွေးပွဲကို ဒီဇင်ဘာ(၁၆)ရက် နံနက်(၁၁)နာရီက တောင်ကြီးမြို့၊ မြန်မာနိုင်ငံ ဆရာဝန်များအသင်းရုံး၌ ကျင်းပကြောင်းသိရသည်။

   အခမ်းအနားတွင် လူမှုဝန်ထမ်းဦးစီးဌာန ညွှန်ကြားရေးမှူး ဦးအောင်ကျော်မိုးက အဖွင့်အမှာ စကားပြောကြားရာတွင် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန သည် ရှေးဦးအရွယ် ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာဥပဒေ ပုဒ်မ၄၀၊ ပုဒ်မခွဲ(က)အရ အပ်နှင်းထားသော လုပ်ပိုင်ခွင့်ကို ကျင့်သုံး၍ ပြည်ထောင်စုအစိုးရအဖွဲ့၏ သဘောတူညီချက်ဖြင့် ဤနည်းဥပဒေများကို ထုတ်ပြန်လိုက်ကြောင်း၊ ပြောကြားသွားကြောင်း သိရသည်။

   ဆက်လက်၍ လူမှုဝန်ထမ်းဦးစီးဌာနညွှန်ကြားရေးမှူး ဦးအောင်ကျော်မိုးမှ Early Childhood Care And Development (ECCD) နည်းဥပဒေ(မူကြမ်း)အား ရှင်းလင်းရာ - ရှေးဦးအရွယ် ကလေးသူငယ် ပြုစုပျိုးထောင်ရေးနှင့်ဖွံ့ဖြိုးရေး  ဆိုင်ရာ နည်း ဥပဒေများ၊ ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ လူမှုဝန်ထမ်းဦးစီး ဌာန၏ လုပ်ငန်းတာဝန်များ၊ နေ့ကလေးထိန်းဌာန တည်ထောင်ဖွင့်လှစ်ခြင်း၊ မူလတန်းကြိုကျောင်း တည်ထောင်ဖွင့်လှစ်ခြင်း၊ ရပ်ရွာအခြေပြုလုပ်ငန်းများနှင့် အိမ်အခြပြုလုပ်ငန်းများ၊ စီမံခန့်ခွဲရေး နည်းလမ်းအရ အရေးယူခြင်း၊ အယူခံခြင်း၊ ရန်ပုံငွေထူထောင်ခြင်း၊ ထိန်းသိမ်းခြင်းနှင့် သုံးစွဲခြင်း၊ အထွေထွေ စသည့် ခေါင်းစဉ်များဖြင့် အကျယ်တစ်ဝင့် ရှင်းလင်းသွားပြီး၊ အခမ်းအနားတက်ရောက် လာသူများမှ သိရှိလိုသည်များကို အထွေထွေဆွေးနွေးကြကြောင်းသိရသည်။

   အဆိုပါ အခမ်းအနားသို့ လူမှုဝန်ထမ်းဦးစီးဌာနညွှန်ကြားရေးမှူးနှင့် တာဝန်ရှိသူများ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ အစိုးရမူကြိုကျောင်း၊ ကိုယ်အားကိုယ်ကိုး မူကြိုကျောင်း၊ ပုဂ္ဂလိကမူကြိုကျောင်းတို့မှ တာဝန်ရှိသူများ မသန်စွမ်းဂေဟာ မူကြိုကျောင်းများမှ တာဝန်ရှိသူများ၊ သင်တန်းသား၊ သင်တန်းသူများ တက်ရာက်ကြကြောင်းသိရှိရသည်။

                                                                                                                                                            မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းမှ တောင်ကြီးမြို့နယ်၊သိမ်ကုန်းကျေးရွာအခြေခံပညာအလယ်တန်းကျောင်း(ခွဲ)တွင် ကျောင်းများအတွက်စာရေးစာပွဲ၊ထိုင်ခုံလှူဒါန်းခြင်းနှင့် အခမဲ့ကျန်းမာရေးကွင်းဆင်း စောင့်ရှောက်ပေးခြင်း

တောင်ကြီး ဒီဇင်ဘာ - ၆

806

   ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းသည် ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦးတို့ လိုက်ပါလျက် ဒီဇင်ဘာလ(၆)ရက် စနေနေ့၊ နံနက်  (၉)နာရီအချိန်တွင်တောင်ကြီးမြို့နယ်၊ မိုင်းသော်(အနောက်)ကျေးရွာအုပ်စု၊ သိမ်ကုန်းကျေးရွာသို့ရောက်ရှိပြီး သိမ်ကုန်းကျေးရွာ    အခြေခံပညာအလယ်တန်းကျောင်း(ခွဲ)တွင် သိမ်ကုန်း အခြေခံပညာအလယ်တန်းကျောင်း(ခွဲ)အတွက် တစ်ယောက်ထိုင် စာရေးစာပွဲ၊ထိုင်ခုံ (၃၀)စုံ၊ ပန့်ပုန်းအခြေခံပညာမူလတန်းကျောင်းအတွက် တစ်ယောက်ထိုင် စာရေးစာပွဲ၊ထိုင်ခုံ (၁၀)စုံ၊ နှင့်တစ်တီတူးအခြေခံပညာမူလတန်းကျောင်းအတွက် တစ်ယောက်ထိုင် စာရေးစာပွဲ၊ ထိုင်ခုံ(၁၀)စုံ အားပေးအပ်လှူဒါန်းပေးခဲ့ပါသည်။ 

   ဆက်လက်၍ ပြည်နယ်လူမှုရေးဝန်ကြီးဒေါက်တာမျိုးထွန်း၊ ပြည်နယ်ကျန်းမာရေးဦးစီးဌာနမှူး ဒေါက်တာသန်းထွဋ်ဦး၊ အထူးကုဆရာဝန်ကြီးများ၊ရှမ်းပြည်နယ်တိုင်းရင်းဆေးကုဌှာန၊ ရာစုသစ်သွေးလှူရှင်အသင်းတို့မှ သိမ်ကုန်းကျေးရွာတွင်နေထိုင်ကြသော ဒေသခံ တိုင်းရင်းသားပြည်သူများကို အခမဲ့ကျန်းမာရေး ကွင်းဆင်း စောင့်ရှောက်မှု လုပ်ငန်းများဆောင်ရွက်ပေးခဲ့ကြောင်းသတင်းရရှိပါသည်။

 

အခြေခံမဲဆန္ဒရှင် စာရင်းအား ကွန်ပျူတာအချက်အလက် ထည့်သွင်းခြင်းဆိုင်ရာ သင်တန်းဖွင့်

တောင်ကြီး   ဒီဇင်ဘာ   ၁၅

814

   (၂၀၁၅)ခုနှစ်ပါတီစုံ ဒီမိုကရေစီ အထွေထွေရွေးကောက်ပွဲအတွက် ပြည်ထောင်စုရွေးကောက်ပွဲ ကော်မရှင်နှင့် International Foundation for Electoral Systems MYANMAR တို့ ပူးပေါင်းကာ တစ်နိုင်ငံလုံးတွင် အခြေခံမဲဆန္ဒရှင် စာရင်းများ ပြုစုလျက်ရှိရာ၊ ရှမ်းပြည်နယ် ရွေးကောက်ပွဲ ကော်မရှင်အဖွဲ့ခွဲ အခြေခံမဲဆန္ဒရှင် စာရင်းအား ကွန်ပျူတာအချက်အလက် ထည့်သွင်းခြင်းဆိုင်ရာ သင်တန်းဖွင့်ပွဲကို ဒီဇင်ဘာ(၁၅)ရက် နံနက်(၉)နာရီခွဲက တောင်ကြီးမြို့၊ မြို့တော်ခန်းမ၌ ကျင်းပကြောင်း သိရသည်။

   ပြည်ထောင်စု ရွေးကောက်ပွဲကော်မရှင်နှင့်  International Foundation for Electoral Systems MYANMAR တို့ပူးပေါင်း ကျင်းပပြုလုပ်သော အခြေခံမဲဆန္ဒရှင် စာရင်းပြုစုခြင်း (ဒုတိယအဆင့်) စတင်နိုင်ရန်အတွက် အခြေခံမဲဆန္ဒရှင် စာရင်းအား ကွန်ပျူတာအတွင်း အချက် အလက်များထည့်သွင်းနိုင်ရန် သင်တန်းဖွင့်လှစ်ရခြင်းဖြစ်ပြီး၊ (၂၀၁၅)ခုနှစ်တွင် ပါတီစုံ ဒီမိုကရေစီ အထွေထွေရွေးကောက်ပွဲကြီးသည် မဖြစ်မနေကျင်းပရမည် ဖြစ်ကြောင်း၊ လွတ်လပ်၍ တရားမျှတ ပြီး၊ အားလုံးပါဝင်ကာ ပွင့်လင်းမြင်သာမှုရှိသည့် ရွေးကောက်ပွဲတစ်ခုကို အများယုံကြည် လက်ခံနိုင် အောင် ကျင်းပရာတွင် ပြည့်စုံမှန်ကန်သည့် မဲဆန္ဒရှင်စာရင်းများ အခြေခံအကျဆုံး ဖြစ်ကြောင်း၊ မဲဆန္ဒရှင် စာရင်းတစ်ခုတွင် ပါဝင်သင့်သည့် လူများမပါဝင်၍၊ မပါဝင်သင့်သည့်လူများ ပါဝင်နေ ခြင်းသည် ရွေးကောက်ပွဲကော်မရှင်အဖွဲ့ခွဲအဆင့်ဆင့်အတွက် အားနည်းချက်တစ်ခုအဖြစ် ထောက်ပြ ခြင်း၊ ကန့်ကွက်ခြင်းနှင့် မီဒီယာများက မဟုတ်မမှန်ရေးသားခြင်းစသည့် မလိုလားအပ်သော ပြဿနာများဖြစ်လာနိုင်ပါကြောင်း၊ အခြေခံမဲဆန္ဒရှင်စာရင်းပြုစုခြင်း လုပ်ငန်းစဉ်အဆင့်ဆင့်သည် ရွေးကောက်ပွဲကော်မရှင်အဖွဲ့ခွဲ အဆင့်ဆင့်၏ အရေးကြီးဆုံး လုပ်ငန်းတစ်ခု သိရှိထားရန်လိုအပ် ကြောင်း၊ အခြေခံမဲဆန္ဒရှင်စာရင်းသည် ရှမ်းပြည်နယ် တောင်ပိုင်းအတွင်းရှိ တောင်ကြီးခရိုင်၊ ပအိုဝ်း/ ဓနု ကိုယ်ပိုင်အုပ်ချုပ်ခွင့်ရဒေသနှင့် ၎င်းတို့ လက်အောက်ရှိ မြို့နယ်(၁၀)မြို့နယ်ကို (ဒုတိယ အဆင့်)အနေဖြင့် သတ်မှတ်ပြီး၊ ရှမ်းပြည်နယ်အတွင်း ကျန်ရှိသည့်ခရိုင်၊ ကိုယ်ပိုင်အုပ်ချုပ်ခွင့်ရ တိုင်းနှင့် ဒေသများကို(တတိယအဆင့်)၊ (စတုတ္ထအဆင့်)များအဖြင့် ဆက်လက်လုပ်ဆောင်သွားမှာ ဖြစ်ကြောင်း၊ ရှမ်းပြည်နယ် ရွေးကောက်ပွဲကော်မရှင်အဖွဲ့ခွဲ ဥက္ကဌ ဦးပွင့်က အဖွင့်အမှာစကား၌ ပြောကြားသွားကြောင်း သိရသည်။

   ဆက်လက်၍ တစ်နိုင်ငံလုံးအဆင့် မဲဆန္ဒရှင် စာရင်းကို ကွန်ပျူတာစနစ်ဖြင့် ပြုစုခြင်းနှင့် ပတ်သက်၍ ရွေးကောက်ပွဲကော်မရှင်နှင့်  International Foundation for Electoral Systems အဖွဲ့မှ နန်းထားထားချိုက ရှင်းလင်းပြောကြားပြီး၊ အခြေခံမဲဆန္ဒရှင် စာရင်းအား ကွန်ပျူတာစနစ် အသုံးပြု၍ အချက်အလက်ထည့်သွင်းခြင်းဆိုင်ရာ ရက်တိုသင်တန်းဖွင့်ပွဲကို အောင်မြင်စွာ ရုပ်သိမ်းလိုက်ကြောင်း သိရသည်။

   အဆိုပါအခမ်းအနားသို့ ရှမ်းပြည်နယ် ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် အဖွဲ့ဝင်များ၊ တောင်ကြီး ခရိုင်/ မြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် အဖွဲ့ဝင်များ၊ ပအိုဝ်း/ ဓနု ကိုယ်ပိုင်အုပ်ချုပ်ခွင့်ရဒေသမှ ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် အတွင်းရေးမှူးများ၊ သင်တန်းသား/ သင်တန်းသူ (၄၆)ဦးနှင့် နည်းပြ ဆရာ/ဆရာမများ တက်ရောက်ပြီး၊ သင်တန်းကို ကွန်ပျူတာ(၄၆)လုံးဖြင့် International Foundation for Electoral Systems အဖွဲ့မှ ကူညီပြီး သင်ကြားပို့ချ၍ သင်တန်းကို ဒီဇင်ဘာ(၁၅)ရက်မှ (၁၆)ရက်နေ့အထိ နေ့စဉ် နံနက်(၉)နာရီမှ ညနေ(၄)နာရီအထိ မြို့တော်ခန်းမ၌ သင်ကြားပို့ချသွားမည်ဖြစ်ကြောင်း သိရှိရသည်။

                                                                                                                                                                          မောင်မောင်သန်း(တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၃/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၄/၂၀၁၄)ကျင်းပ

တောင်ကြီး  ဒီဇင်ဘာ  - ၈

805

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၃/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၄/၂၀၁၄) နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၁၃/၂၀၁၄) အခမ်းအနားကို ဒီဇင်ဘာ(၈)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် မြေအသုံးချမှုနှင့် ပတ်သက်သည့် မြေယာပြဿနာဖြေရှင်းမှု ပြန်လည်အပ်နှံမှုများကို ဆွေးနွေးဆုံးဖြတ်ကြပြီး၊ မြေအသုံးချမှုများကို စနစ်တကျ ဥပဒေလုပ်ထုံးလုပ်နည်းနှင့် အညီ ဆွေးနွေးဆုံးဖြတ်ပေးကြရန်လိုကြောင်း၊ နိုင်ငံတော်အနေဖြင့် အမျိုးသားမြေအသုံးချမူဝါဒရေးဆွဲရေး ဆောင်ရွက် နေသလို အမျိုးသားမြေအရင်းအမြစ်ကော်မတီ ဖွဲ့စည်းပြီး အမျိုးသားအဆင့် မြို့ပြဖွံ့ဖြိုးရေး၊ မူဝါဒနှင့် မြို့ပြဖွံ့ဖြိုးရေးအစီအစဉ်များ ရေးဆွဲရန် ဝိုင်းဝန် ကြိုးပမ်းနေကြကြောင်း၊ မြေယာဆိုင်ရာအသုံးပြုခွင့် တောင်းခံသည့် ကိစ္စများကို မြေရာဇာဝင်များ ခိုင်ခိုင်မာမာ သေသေချာချာစစ်ဆေးပေးရန်၊ ဥပဒေနှင့်အညီ ခွင့်ပြုရန် မှတ်တမ်းမှတ်ရာများ ခိုင်ခိုင်မာမာရှိအောင် ဆောင်ရွက်ထားရမည်ဖြစ်ကြောင်း၊ နှစ်အလိုက်ခွင့်ပြုခဲ့သည့် မြေအသုံးပြုမှုဆိုင်ရာမှတ်တမ်းများ ပြုစုထားပြီး၊ မြေပုံ/ ဓါတ်ပုံများဖြင့် သေသေချာချာလုပ်ထားရမည်ဖြစ်ကြောင်း၊ လူမှုစီးပွားဘဝ ဖွံ့ဖြိုးတိုးတက်ပြီး လူနေမှုဘဝမြှင့်တင်ရန် စိမ်းလန်းမြို့ပြများ ဖြစ်တည်နိုင်ရန် မြေအသုံးချမှု စီမံခန့်ခွဲမှုများကို စနစ်တကျ တည်တံ့ခိုင်မာအောင် ရှမ်းပြည်နယ်အတွင်း ဝိုင်းဝန်းပူးပေါင်းဆောင်ရွက်ပေးရန်နှင့် များပြားလှသည့် မြေယာပြဿနာများကိုလည်း နည်းပါးသွားအောင် ဌာနဆိုင်ရာများက အစီအမံချမှတ်ပြီး၊ ဆောင်ရွက်နိုင်အောင် တင်ပြပေးကြရန်၊ ဝိုင်းဝန်းဆွေးနွေးအကြံပြုပေးကြရန်၊ ဝိုင်းဝန်းထိန်းသိမ်း ဆောင်ရွက်ပေးကြရန်၊ ပြောကြားသွားကြောင်း သိရသည်။

   ဆက်လက်၍ အစည်းအဝေး ဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေးကော်မတီ အစည်းအဝေး အမှတ်စဉ် (၁၃/၂၀၁၄)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၁၄/၂၀၁၄) တင်ပြချက်များ မြေလွတ်၊ မြေလပ် နှင့် မြေရိုင်းများ စီမံခန့်ခွဲရေးလုပ်ငန်း အဖွဲ့ အစည်းအဝေး အမှတ်စဉ် (၁၃/၂၀၁၄) တင်ပြချက်များအား ဆွေးနွေးဆုံးဖြတ်ကြသည်။

   ထို့နောက် အခမ်းအနားသို့ တက်ရောက်လာသော ရှမ်းပြည်နယ်အစိုးရအဖွဲ့ ပြည်နယ် စိုက်ပျိုးရေး နှင့် မွေးမြူရေးဝန်ကြီး ဦးစိုင်းဆာလူမှ ဆွေးနွေးတင်ပြရာ အစီရင်ခံစာ အပိုင်း(၆) ဖြေရှင်းမှုတွင် မြေယာအမှုပေါင်း (၆၂၇)မှု၊ ဖြေရှင်းပြီးအမှု (၂၃၃)မှု၊ ဖြေရှင်းရန်ကျန် (၃၉၄)မှု၊ အစီရင်ခံစာအပိုင်း(၇)၊ မြေယာမှုများတွင် အကြောင်းအရာတူ တိုင်စာ(၂၉)မှု၊ ဖြေရှင်းရန်ကျန် တိုင်စာ(၂၃၀)မှုတို့ကို ဆွေးနွေးတင်ပြပြီး၊  ပြည်နယ် အဆင့်ဌာနဆိုင်ရာ တာဝန်ရှိသူတို့က အထွေထွေဆွေးနွေးတင်ပြကြကြောင်း သိရသည်။

   ယင်းနောက် ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာစကားပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေးဝန်ကြီး၊ ပအိုဝ်း/ဓနု ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့မှ တာဝန်ရှိသူများ၊ တိုင်းစစ်ဌာနချုပ် အသီးသီးမှ ဦးစီးအရာရှိကြီးများ၊ သက်ဆိုင်ရာပြည်နယ်အဆင့်ဌာနဆိုင်ရာ တာဝန်ရှိသူများ တက်ရောက်ကြ ကြောင်း သိရှိရသည်။

                                                                                          မောင်မောင်သန်း(တောင်ကြီး)

 

More Articles...

  1. ROYAL KALAW HILLS RESORT ဖွင့်ပွဲကျင်းပ
  2. LUCKY MYANMAR ကုမ္ပဏီမှ တောင်ကြီးမြို့နယ်အတွင်း ဆောက်လုပ်ခဲ့သည့် ကျောင်းဆောင်သစ် လွှဲပြောင်းပေးအပ်
  3. ပထမအကြိမ်၊ ရှမ်းပြည်နယ်လွှတ်တော် (၁၁)ကြိမ်မြောက်၊ ပုံမှန်အစည်းအဝေး(စတုတ္ထနေ့) ကျင်းပ
  4. ၂၀၁၄ ခုနှစ် ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့ အထိမ်းအမှတ် ကျင်းပ
  5. ပထမအကြိမ်၊ ရှမ်းပြည်နယ်လွှတ်တော် (၁၁)ကြိမ်မြောက်၊ ပုံမှန်အစည်းအဝေး (တတိယနေ့) ဆက်လက်ကျင်းပ
  6. ပထမအကြိမ်၊ ရှမ်းပြည်နယ်လွှတ်တော် (၁၁)ကြိမ်မြောက် ပုံမှန်အစည်းအဝေး(ဒုတိယနေ့)ကျင်းပ
  7. ပထမအကြိမ်၊ ရှမ်းပြည်နယ်လွှတ်တော် (၁၁)ကြိမ်မြောက် ပုံမှန်အစည်းအဝေး (ပထမနေ့)ကျင်းပ
  8. ရှမ်းပြည်နယ် ဗုဒ္ဓတက္ကသိုလ်ပန္နက်တင်မင်္ဂလာကျင်းပ
  9. တိုင်းဒေသကြီး/ ပြည်နယ် တရားလွှတ်တော်များ၏ တရားရုံးများနှင့် မီဒီယာဆက်ဆံရေးကိစ္စ ညှိနှိုင်းဆွေးနွေးပွဲမှ လမ်းညွှန်ချက်များအပေါ် ထပ်ဆင့်ရှင်းလင်း
  10. ဇေတဝန် ဗုဒ္ဓသာသနာ့ ဗိမာန်တော်(၃)ထပ်ဆောင် ဖွင့်ပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

myaung-ziရှမ်းပြည်နယ်(အရှေ့ပိုင်း) မိုင်းခတ်နှင့် ရှမ်းပြည်နယ်(တောင်ပိုင်း) နမ့်စန်(ခိုလမ်)မြို့နယ်များတွင် အများဆုံး နေထိုင်ကြပါသည်။

We have 53 guests and no members online

Latest Updates