သတင်းများ

၂၀၁၄ - ၂၀၁၅ ပညာသင်နှစ် အခြေခံပညာဆရာ၊ ဆရာမများ အရည်အသွေးမြှင့်သင်တန်းဖွင့်ပွဲကျင်းပ

တောင်ကြီး အောက်တိုဘာ - ၅

665

   ရှမ်းပြည်နယ်အစိုးရအဖွဲ့မှကြီးမှူး၍ အခြေခံပညာဆရာ၊ ဆရာမများ အရည်အသွေးမြှင့် သင်တန်းဖွင့်ပွဲကို အောက်တိုဘာ (၅)ရက်၊ နံနက်(၈)နာရီခွဲက၊ အမှတ်(၂)အခြေပညာအထက်တန်းကျောင်း၌ ဖွင့်လှစ်ကြောင်း သိရသည်။ 

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး TKT သင်တန်းတာဝန်ခံ ဦးဝင်းဖေမောင်က အခြေခံပညာဆရာ၊ ဆရာမများ အရည်အသွေးမြှင့် သင်တန်းနှင့်ပတ်သက်၍ အမှာစကားပြောကြားသည်။

   ဆက်လက်၍ TKT သင်တန်းတာဝန်ရှိသူတစ်ဦးက သင်တန်းနှင့်ပတ်သက်၍ ရှင်းလင်းတင်ပြပြီး၊ TKT သင်တန်း တာဝန်ခံ ဦးဖေဝင်းမောင်မှ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ် လူမူရေးဝန်ကြီး ဒေါက်တာမျိုးထွန်းတို့ကို အမှတ်တရလက်ဆောင်များပေးအပ်၍ မှတ်တမ်းတင်ဓါတ်ပုံရိုက်ကူး ကြပြီး၊ ပြည်နယ်ဝန်ကြီးချုပ် သည် အမှတ်(၂)အခြေခံအထက်တန်းကျောင်း RC နှစ်ထပ်ကျောင်းဆောင်သစ်အား လှည့်လည် ကြည့်ရူ့စစ်ဆေးခဲ့ကြောင်း သိရသည်။

အဆိုပါသင်တန်းကို အထက်တန်း၊ အလယ်တန်းပြ ဆရာ၊ ဆရာမဦးရေ (၁၄၀)ဦးတက်ရောက်ပြီး၊ သင်တန်းကာလ မှာ အောက်တိုဘာ(၅)ရက်မှ (၁၂)ရက်ထိ သင်တန်းနည်းပြဆရာ (၄)ဦးနှင့် အင်္ဂလိပ်ဘာသာရပ်များ ကို သင်ကြားပို့ချသွားမည် ဖြစ်ကြောင်းသိရှိရသည်။

666

ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် အမှတ်(၁)အခြေခံပညာ အထက်တန်း ကျောင်း ဒေါ်ခင်သိန်းခန်းမ၌ ကျင်းပသော ကမ္ဘာ့ဆရာများနေ့ အထိမ်းအမှတ်အခမ်းအနားသို့ တက်ရောက်သည်။ အစီအစဉ် အရ အမှတ်(၂)အခြေခံပညာအထက်တန်းကျောင်းမှ ကျောင်းသား မောင်ကျော်စုဟိန်း က ဦးခိုက်လျှက်ပါ မြတ်ဆရာ သီချင်း သီဆို၍ အခမ်းအနားကိုဖွင့်လှစ်ပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်က အဖွင့်အမှာစကား ပြောကြားသည်။

ဆက်လက်၍ ပြည်နယ်ပညာရေးညွှန်ကြားရေးမှူး ဦးချစ်ဆွေက ကမ္ဘာ့ဆရာများနေ့အခမ်းအနားသို့ ပေးပို့လာသော သဝဏ်လွှာကို ဖတ်ကြား၍ အမှတ်(၄) အခြေခံပညာအထက်တန်းကျောင်းမှ ကျောင်းသား၊ ကျောင်းသူလေများက ''ကွန်းခိုနားရာ မြတ်ဆရာ'' သီချင်းဖြင့်ဂုဏ်ပြုသီဆိုကြသည်။

   ၎င်းနောက် ၂၀၁၄ခုနှစ် ကမ္ဘာ့ဆရာများနေ့ အထိမ်းအမှတ် စာစီစာကုံးနှင့် ကဗျာပြိုင်ပွဲ ဆုရရှိသူများအား ဆုချီမြှင့်ရာ အထက်တန်းအဆင့် စာစီစာကုံးပြိုင်ပွဲနှင့် ကဗျာပြိုင်ပွဲတွင် ပထမ၊ ဒုတိယ၊ တတိယဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ချီးမြှင့်၍လည်းကောင်း၊ အလယ်တန်းအဆင့် စာစီစာကုံးပြိုင်ပွဲတွင် ပထမ၊  ပူးတွဲဒုတိယဆုရရှိသူများကို ပြည်နယ်လူမူရေး ဝန်ကြီး ဒေါက်တာမျိုးထွန်းမှ ချီးမြှင့်၍လည်းကောင်း၊ အလယ်တန်းအဆင့် ကဗျာပြိုင်ပွဲတွင် ပထမ၊ ပူးတွဲဒုတိယဆုရရှိသူများကို ပြည်နယ် ပညာရေးညွှန်ကြားရေးမှူး ဦးချစ်ဆွေမှ ချီးမြှင့်ပေးကြသည်။

   ယင်းနောက် အမှတ်(၆)အခြေခံပညာ အထက်တန်းကျောင်းမှ ကျောင်းသား၊ ကျောင်းသူလေးများက မြတ်ဆရာ သီချင်းဖြင့် ဂါဝရပြုသီဆိုပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့က ကန်တော့ခံဆရာကြီး၊ ဆရာမကြီးများအား နေရာအရောက်ကန်တော့ပစ္စည်းများ ပေးအပ်ပူဇော် ကြကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ် ပြည်နယ်အစိုးရအဖွဲ့အတွင်းရေးမှူး၊ ပြည်နယ်/ ခရိုင်၊ မြို့နယ်အဆင့်ဌာနဆိုင်ရာများ၊ လူမူရေးအသင်အဖွဲ့များ၊ ကန်တော့ခံ ဆရာကြီး၊ ဆရာမကြီးများ၊ အခြေခံပညာအထက်တန်းကျောင်းအုပ် ဆရာ၊ ဆရာမကြီးများ၊ ဆရာ၊ ဆရာမများ၊ ကျောင်းသား၊ ကျောင်းသူများ တက်ရောက်ကြကြောင်းသိရှိရသည်။

                                                                                                                                                                    မောင်မောင်သန်း(တောင်ကြီး)

 

ပြည်သူ့အတွက် ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့ ကွင်းဆင်းဆောင်ရွက်

တောင်ကြီး   အောက်တိုဘာ   ၃

   မိဘပြည်သူများ၏ ကျန်းမာရေးစောင့်ရောက်မှုအတွက် အရေးပေါ်လိုအပ်သောသွေးများကို အချိန်နှင့်တပြေးညီ ရရှိနိုင်ရေး၊ ပရဟိတကျောင်းများ၊ ပညာရေးကဏ္ဍများ၊ သာရေး/နာရေး ကိစ္စရပ်များ၊ ဘာသာရေးပွဲများတွင် လိုအပ်သောပံ့ပိုးမှုများကို ရာစုသစ်(NEW CENTURY)အဖွဲ့မှ တတ်နိုင်သလောက် ဖြည့်ဆည်းပေးနိုင်ရေးနှင့် ဝေးလံသီခေါင်သော ကျေးလက်ဒေသများတွင် လိုအပ်သော ကျန်းမားရေး စောင့်ရှောက်မှုများကို ရှမ်းပြည်နယ်အစိုးရအဖွဲ့ အကူအညီဖြင့် တစ်ဖက်တစ်လမ်းမှ ကူညီပံ့ပိုးဆောင်ရွက် ပေးရန် ရည်ရွယ်၍ ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့ လှုပ်ရှား ဆောင်ရွက်မှုများ ဖွဲ့စည်းဆောင်ရွက်ရခြင်းဖြစ်ကြောင်း တာဝန်ရှိသူတစ်ဦးမှ ပြောကြားကြောင်းသိရသည်။

   ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့အစည်းသည် (၂၀၁၃)ခုနှစ် စက်တင်ဘာလမှစတင်ကာ (၂၀၁၄)ခုနှစ်အထိ (၁)နှစ်ပြည့်ခဲ့ပြီး၊ လူမျိုးမရွေး၊ ဘာသာမရွေး၊ ဆင်းရဲချမ်းသာမရွေး၊ လူကြီးမှကလေးအထိ ကျေးရွာများ၊ မြို့နယ်များသို့ သွားရောက်ကွင်းဆင်း၍ မျက်စိ ရောဂါ၊ အရိုးအကြောရောဂါ၊ သွားရောဂါနှင့် အထွေထွေရောဂါတို့ကို အခမဲ့ ကျန်းမာရေးစောင့်ရှောက်မှုများ ပြုလုပ်ဆောင်ရွက်ပေးလျက်ရှိကြောင်း၊ (၂၀၁၃)ခုနှစ်တွင် ဆီဆိုင်မြို့နယ်၊ ပင်းလောင်မြို့နယ်၊ ဘော်ဆိုင်း၊ တောင်ကြီးမြို့နယ်ရှိ နန်းဟူးကျေးရွာ၊ လင်းခေးခရိုင်ရှိ မိုးနဲမြို့နယ်၊ မောက်မယ်မြို့နယ်များတို့တွင် လူနာပေါင်း(၄၁၄၂)ဦး အခမဲ့ကျန်းမာရေးစောင့်ရှောက်မှုများ ဆောင်ရွက်ခဲ့ပြီး၊ (၂၀၁၄)ခုနှစ်၊ စက်တင်ဘာလ တွင် ညောင်ရွှေမြို့နယ် အင်းလေးဒေသ မင်းချောင်းကျေးရွာတွင် မျက်စိရောဂါ (၁၁၇)ဦး၊ သွားရောဂါ (၆၂)ဦး၊ အရိုးအကြော(၈၈)ဦး၊ အထွေထွေရောဂါ(၂၄၆)ဦး၊ တိုင်းရင်းဆေး (၁၄၁)ဦး၊ စုစုပေါင်း (၆၅၄)ဦးတို့ကို ဒေါက်တာဇော်ဝင်းလှိုင် (ပြည်နယ်ကျန်းမာရေး)၊ ဒေါက်တာအောင်မိုးထွန်း (မျက်စိရောဂါ ကုသရေးအဖွဲ့)၊ ဒေါက်တာဦးမောင်ဝင်း (အရိုးအကြော ရောဂါကုသရေးအဖွဲ့)၊ ဒေါက်တာမြင့်မြင့်အေး (သွားရောဂါကုသရေးအဖွဲ့)၊ ဒေါက်တာ မိုးမိုး (အထွေထွေရောဂါကုသရေးအဖွဲ့)၊ (တိုင်းရင်းဆေး) ဆရာမကြီး ဒေါ်ယသော်တို့က ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေး အဖွဲ့နှင့်ပူးပေါင်း၍ အခမဲ့ ကျန်းမာရေးစောင့်ရှောက်မှုများ ဆောင်ရွက်ပေးလျက်ရှိကြောင်း၊ ပရဟိတ ကျောင်းများတွင်လည်း အခမဲ့ ကျန်းမာရေးစောင့်ရှောက်မှုများပြုလုပ်ရာ လူနာ(၃၅၀)ကျော်ခန့် ကုသ ပေးလျက်ရှိကြောင်း သိရသည်။

   ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့သည် ဆင်းရဲမှု လျော့ချရေးခေါင်းစဉ်နှင့်အညီ ကျေးလက်ဒေသ၊ မြို့နယ်နှင့် မြို့ပေါ်ရပ်ကွက်မကျန် အခမဲ့ ကျန်းမာရေး ဆေးကုသစောင့်ရှောက်မှုများ ပြုလုပ်ပေးလျက်ရှိရာ (၂၀၁၃-၂၀၁၄)ခုနှစ် (၁)နှစ်တာအတွင်း ကျန်းမာရေး စောင့်ရှောက်မှုလူနာအပေါင်း(၄၇၉၆)ဦး အခမဲ့ ကုသပေးလျက်ရှိကြောင်း သိရှိရသည်။

                                                                                                                                                                                    မောင်မောင်သန်း(တောင်ကြီး)

 

အ.ထ.က(ခွဲ) တောင်လေးလုံး ကျောင်းဆောင်သစ်လွှဲပြောင်းပေးအပ်ပွဲကျင်းပ

တောင်ကြီး     စက်တင်ဘာ - ၂၇

659

  ရှမ်းပြည်နယ်(တောင်ပိုင်း) တောင်ကြီးမြို့နယ်၊ ရွှေညောင်မြို့ အ.ထ.က(ခွဲ)တောင်လေးလုံးကျောင်းဆောင်သစ် လွှဲပြောင်းပေးအပ်ပွဲကို စက်တင်ဘာ(၂၇)ရက် နံနက်(၈)နာရီခွဲက အခြေခံပညာအထက်တန်းကျောင်းခွဲ တောင်လေးလုံး၌ ကျင်းပကြောင်းသိရသည်။

   အခမ်းအနားတွင် အခြေခံပညာအထက်တန်းကျောင်းခွဲ တောင်လေးလုံးကျောင်း RC နှစ်ထပ်ကျောင်းဆောင်သစ်အား ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီးဒေါက်တာမျိုးထွန်း၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊  ပြည်နယ်ပညာရေး ညွှန်းကြားရေးမှူး ဦးချစ်ဆွေတို့က ဖဲကြိုးဖြတ်ဖွင့်လှစ်ပေးကြပြီး၊ ကျောင်းဆောင်သစ် အား လှည့်လည်ကြည့်ရှု့စစ်ဆေးကြကြောင်းသိရသည်။

  ဆက်လက်၍ အခမ်းအနားဒုတိယပိုင်းတွင် တောင်လေးလုံး အ.ထ.က(ခွဲ)ကျောင်းသား၊ ကျောင်းသူလေးများက မြန်မာ့ကျောင်းသီချင်းဖြင့် သီဆိုဖွင့်လှစ်ပြီး၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက အဖွင့်အမှာစကားပြောကြားရာ အခြေခံပညာကျောင်းအားလုံး ဥပဓိရုပ်ကောင်းမွန်စေရေးအတွက် ကျောင်းဆောင်သစ်များ ဆောက်လုပ်ပေးခြင်း၊ ကျောင်းသား ဝင်ဆံအင်အားအရ ထပ်မံတိုးချဲ့အသစ်ဆောက်လုပ်ပေးခြင်း၊ အန္တရာယ်ရှိကျောင်းဆောင် များ ဖျက်သိမ်းပြီး၊ အသစ်ပြန်လည်တည်ဆောက်ခြင်း၊ သဘာဝဘေးဒဏ်ကြောင့် ပျက်စီသွားသော အဆောက်အဦများကို နိုင်ငံတော်နှင့် NGO အဖွဲ့အစည်းများ၊ ပုဂ္ဂလိက အလှူရှင်များက ပြန်လည်ပြုပြင်တည်ဆောက်ပေးခြင်း၊ ကျောင်းသားအချိုးအရ လိုအပ်နေသော သန့်စင်ခန်းများကို ခွင့်ပြုငွေများခွဲပေးပြီး၊ ဆောက်လုပ်ပေးခြင်း၊ စာသင်ခုံများ ပြုလုပ်ရန် ပရိဘောဂရန်ပုံငွေများခွဲဝေပေးခြင်း၊ စသည့်ရုပ်ပိုင်ဆိုင်ရာများကို ပြုပြင် ဖြည့်ဆည်းတည်ဆောက်ပေးလျှက် ရှိကြောင်း ပြောကြားသွားသည်။

      ထို့နောက်ရှမ်းပြည်နယ် ပြည်နယ်ပညာရေးညွှန်ကြားရေးမှူး ဦးချစ်ဆွေက အမှာစကားပြောကြားပြီး၊ လျှံထူးအောင် ဆောက်လုပ်ရေးကုမ္ပဏီ မန်နေဂျင်းဒါရိုက်တာ ဦးသော်တာမှ ကျောင်းဆောင်သစ်နှင့် ပတ်သက်သော စာရွက်စာတမ်းများကို လွှဲပြောင်းပေးအပ်ရာ တောင်လေးလုံးအ.ထ.က(ခွဲ) ကျောင်းအုပ်ဆရာမကြီး ဒေါ်ခင်မာအေးက လက်ခံရယူသည်။

   ၎င်းနောက်အလှူငွေနှင့် စာရေးခုံ/ ထိုင်ခုံများ ပေးအပ်လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ စာရေးခုံ(၄၀)ခုံ၊ မိုးမာဃ သကြားစက်မိသားစုမှ (၄)ယောက်တွဲထိုင်ခုံ (၁၀)စုံနှင့် အခမ်းအနားအတွက် အလှူငွေကျပ်(၁)သိန်း၊ လျှံထူးအောင် ဆောက်လုပ်ရေးကုမ္ပဏီမှ (၃)ယောက်တွဲစာသင်ခုံ (၄၀)စုံ၊ စာရေးစာပွဲ(၆၀)စုံ၊ ကောဇောတစ်ခန်းစာနှင့် အခမ်းအနားအတွက် အလှူငွေကျပ်(၅)သိန်း၊ လရိပ်ဝါမိသားစုမှ အခမ်းအနားအတွက် လိုအပ်သော ပန်းပင်နှင့် အလှပန်းအိုးများတို့ကို အသီးသီးပေးအပ်လှူဒါန်ကြရာ အခြေခံပညာအထက်တန်းကျောင်းခွဲ တောင်လေးလုံး ကျောင်းအုပ်ဆရာမကြီး ဒေါ်ခင်မာအေးက လက်ခံရယူကြောင်းသိရသည်။

   ယင်းနောက် ကျောင်းအကျိုးတော်ဆောင်အတွင်းရေးမှူး ဦးဘိုဘိုထွန်းမှ ကျေးဇူးတင်စကားပြန်လည်ပြောကြားပြီး၊ ကျောင်းဆောင်သစ်လွှဲပြောင်းပေးအပ်ပွဲ အထိမ်းအမှတ်လက်ဆောင်များကို ကျောင်းအုပ်ဆရာမကြီးမှ နေရာ အရောက်ပေးအပ် ကာ၊ အခမ်းအနားကို တောင်လေးလုံးအ.ထ.က(ခွဲ)ကျောင်းသား၊ ကျောင်းသူများက ဇာတိမာန်သီချင်းသီဆို၍ ရုပ်သိမ်း လိုက်ကာ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီး၊ ပြည်နယ်/ ခရိုင်၊ မြို့နယ် အဆင့်ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ၊ ဆရာမ များ၊ ကျောင်းသား၊ ကျောင်းသူများ၊ မိဘပြည်သူများ၊ အလှူရှင်များတက်ရောက်ကြကြောင်းသိရသည်။

 

                                                                                                                                                                                                         မောင်မောင်သန်း(တောင်ကြီး)

ကူးစက်မြန် အီဘိုလာဗိုင်းရပ်စ်ရောဂါ ကျန်းမာရေးပညာပေးဟောပြော

တောင်ကြီး   စက်တင်ဘာ   ၃၀

664

   ကူးစက်မြန် အီဘိုလာဗိုင်းရပ်စ်ရောဂါ၊ မားစ်ပြင်းထန်အဆုတ်ရောင်ရောဂါတို့နှင့် ပတ်သက်၍ ကျန်းမာရေးပညာပေးဟောပြောပွဲကို စက်တင်ဘာ(၃၀)ရက် မွန်းလွှဲ(၃)နာရီက ရှမ်းပြည်နယ် (တောင်ပိုင်း) တောင်ကြီးမြို့၊ စဝ်စံထွန်းဆေးရုံကြီး အစည်းအဝေးခန်းမ၌ ကျင်းပကြောင်း သိရသည်။

   ကူးစက်မြန် အီဘိုလာဗိုင်းရပ်စ်ရောဂါစတင်ဖြစ်ပေါ်လာသည့် နိုင်ငံနှင့် ကူးစက်ဖြစ်ပေါ်လာပုံ များ၊ မားစ်ပြင်းထန်အဆုတ်ရောင်ရောဂါနှင့် ပတ်သက်၍ စဝ်စံထွန်းဆေးရုံအုပ်ကြီး ဒေါက်တာ ပေါ်ထွန်းက ရှင်းလင်းပြောကြားသွားကြောင်း သိရသည်။

   အီဘိုလာဗိုင်းရပ်စ်ရောဂါသည် သွေးထွက်လွန်ရောဂါတစ်မျိုးဖြစ်၍ လူနှင့်တိရိစ္ဆာန်များပါ မကျန် ဖြစ်တတ်သည့် ရောဂါတစ်မျိုးဖြစ်ပြီး၊ ကွန်ရိုနိုင်ငံတွင် စတင်တွေ့ရှိကာ တစ်ခြားနိုင်ငံများကို ပြန့်ပွားကူးစက်လာကြောင်း၊ ကူးစက်မြန်အီဘိုလာဗိုင်းရပ်စ်ရောဂါနှင့် မားစ်ပြင်းထန်အဆုတ်ရောင် ရောဂါကြောင့် ယနေ့အချိန်အထိ ကျန်းမာရေးဝန်ထမ်းများ အပါအဝင် လူ(၂၀၀၀)ကျော်ခန့် သေဆုံး၍ လူ(၁၀၀)ကျော်ကူးစက်မှုခံရပါက (၉၀%)ရာခိုင်နှုန်းမှာ သေဆုံးမှုရှိသဖြင့် ကုသရန် ဆေးမရှိသေးသည့်အတွက် လူတိုင်း တစ်ကိုယ်ရေသန့်ရှင်းရေး ရှိရန်လိုကြောင်း၊ တောင်ကြီးမြို့ စဝ်စံထွန်းဆေးရုံကြီး၊ အထူးကုဆရာဝန်ကြီး(ဆေးပညာ) ဒေါက်တာစီစီထွန်းမှ ကူးစက်မြန် အီဘိုလာဗိုင်းရပ်စ်ရောဂါ၊ မားစ်ပြင်းထန်အဆုတ်ရောင်ရောဂါတို့နှင့် ပတ်သက်၍ ကျန်းမာရေး ပညာပေးဟောပြောသွားကြောင်း သိရသည်။

   အဆိုပါ ဟောပြောပွဲသို့ ပြည်နယ်အဆင့် ဌာနဆိုင်ရာများ၊ စဝ်စံထွန်းဆေးရုံအုပ်ကြီးနှင့် အထူးကုဆရာဝန်ကြီးများ၊ အထူးကုဆရာဝန်များ၊ လက်ထောက်ဆရာဝန်များ၊ အလုပ်သင် ဆရာဝန်များ၊ သူနာပြုဆရာမကြီးများနှင့် သူနာပြုဆရာမများ၊ ဆေးရုံဝန်ထမ်းများ၊ လူနာစောင့် များ တက်ရောက်ကြကြောင်း သိရသည်။

                                                                                                                                                                         မောင်မောင်သန်း(တောင်ကြီး)

 

ခရိုင်အဆင့် ဆို၊ က၊ ရေး၊ တီး ပြိုင်ပွဲဖွင့်ပွဲကျင်းပ

တောင်ကြီး စက်တင်ဘာ - ၂၅

658

   ရှမ်းပြည်နယ်တောင်ကြီးမြို့၌ ခရိုင်အဆင့် မြန်မာ့ရိုးရာယဉ်ကျေးမှု (၂၁)ကြိမ်မြောက် ဆို၊ က၊ ရေး၊ တီး ပြိုင်ပွဲ ဖွင့်ပွဲကို စက်တင်ဘာ(၂၅)ရက်က အမှတ်(၄)အခြေခံပညာအထက်တန်းကျောင်း မြသီရိခန်းမ၌ ကျင်းပသည်။ 

   ပြိုင်ပွဲကိုခရိုင်အထွေထွေအုပ်ချုပ်ရေးမှူး ဦးစီးအရာရှိ ဦးရဲရင့်လှိုင်၊ ခရိုင်ပညာရေးမှူး ဦးအုန်းကျော်သန်း၊ တောင်ကြီး တက္ကသိုလ် တွဲဖက်ပါမောက္ခ ဒေါက်တာနုနုခင်တို့က ဖဲကြိုးဖြတ်ဖွင့်လှစ် ပေးကြကြောင်းသိရသည်။

   မြန်မာ့ရိုးရာယဉ်ကျေးမှု ဆို၊ က၊ ရေး၊ တီး ပြိုင်ပွဲကို အစဉ်အဆက် နှစ်စဉ်နှစ်တိုင်း ကျင်းပ လာသည်မှာ (၂၁)ကြိမ်မြောက် ရှိပြီးဖြစ်ကြောင်း၊ မြန်မာ့ရိုးရာယဉ်ကျေးမှု ဆို၊ က၊ ရေး၊ တီး ပြိုင်ပွဲများကို အစဉ်အဆက်ရည်ရွယ်ချက်များ ဖြင့် အကောင်အထည်ဖော်ဆောင်ရွက်ခဲ့ကြောင်း၊ တစ်မျိုးသားလုံး စိတ်ဓါတ်နှင့် အကျင့်စာရိတ္တမြှင့်မားမှုကို ပိုမိုတိုးတက် ဖြစ်ထွန်းရန်နှင့် အမျိုးဂုဏ်ဇာတိဂုဏ်မြှင့်မားရေး အတွက် ယဉ်ကျေးမှုအမွေအနှစ်များ၊ အမျိုးသားရေးလက္ခဏာများ မပျောက်ပျက်အောင် ထိန်းသိမ်း စောင့်ရှောက်ရန်၊ ပညာရေးကဏ္ဍတွင် ဘက်စုံဖွံ့ဖြိုးထူးချွန်ထက်မြက်သည့် ကျောင်းသား၊ ကျောင်းသူများ ပေါ်ထွန်းလာရေးကို အထောက်အကူပြုသွားမှာဖြစ်ကြောင်း၊ ပညာရေးမှသည် နိုင်ငံတော်တွင် လိုအပ်သည့် ဂီတအနုပညာရှင်များ ပေါ်ထွန်းလာရေးကို ကြိုးပမ်းကြရမှာဖြစ်ကြောင်း၊ ခရိုင်အထွေထွေအုပ်ချုပ်ရေးမှူး ဦးစီးအရာရှိ ဦးရဲရင့်လှိုင်က အဖွင့်အမှာစကား၌ ပြောကြားသွားကြောင်းသိရှိရသည်။

   ထိုနောက်ခရိုင်ပညာရေးမှူး ဦးအုန်းကျော်သန်းမှ အမှာစကားပြောကြားပြီး၊ ဒိုင်ချုပ်မှ အမှတ်ပေး စည်းမျဉ်းစည်းကမ်းများကို ရှင်းလင်းပြောကြား၍ ပြိုင်ပွဲဖွင့်ပွဲသို့ ခရိုင်အထွေထွေအုပ်ချုပ်ရေးမှူး ဦးစီးအရာရှိ၊ ခရိုင်ပညာရေးမှူးနှင့် ကျောင်းအုပ် ဆရာကြီး၊ ဆရာမကြီးများ၊ ဆရာ၊ ဆရာမများ၊ ပြိုင်ပွဲဝင် ကျောင်းသား၊ ကျောင်းသူများ၊ မိဘပြည်သူများ၊ ဖိတ်ကြားထားသည့် ဧည့်သည်တော်များ တက်ရောက် ကြကြောင်းသိရသည်။

မောင်မောင်သန်း(တောင်ကြီး)

အပြည်ပြည်ဆိုင်ရာ သက်ကြီးရွယ်အိုများနေ့ ကျင်းပ

တောင်ကြီး   အောက်တိုဘာ - ၁

663

   ရှမ်းပြည်နယ်၊ တောင်ကြီးမြို့တွင် အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားကို အောက်တိုဘာ(၁)ရက် မွန်းလွှဲ(၁)နာရီက အတုလမာရဇိန် မြို့လယ်ဓမ္မာရုံ၌ ကျင်းပကြောင်း သိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်က အဖွင့်အမှာစကားပြောကြားပြီး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ် ဝန်ကြီးများနှင့် တာဝန်ရှိသူတို့သည် အဘိုး/အဘွားများအား ဂါရဝလက်ဆောင်ပေးအပ်ကြကာ ရှမ်းပြည်နယ် မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့နှင့် အမျိုးသမီးရေးရာအဖွဲ့တို့မှ အဘိုး/အဘွားများအား အာဟာရပစ္စည်းများ လှူဒါန်းပေးအပ်ကြကြောင်း သိရသည်။

   ဆက်လက်၍ အဘိုး/အဘွားများ ကိုယ်စား အဘိုးဦးသိန်းညွှန့်မှ ဆုတောင်းမေတ္တာပို့သ ပေးသည်။ အပြည်ပြည်ဆိုင်ရာ သက်ကြီးရွယ်အိုများနေ့အခမ်းအနားတွင် တောင်ကြီးမြို့ပေါ်(၂၂) ရပ်ကွက်ရှိ အသက်(၈၅)နှစ်အထက် အဘိုး(၈၁)ဦး၊ အဘွား(၁၄၄)ဦး၊ စုစုပေါင်း(၂၂၅)ဦးတို့အနက် အဘိုး(၂၆)ဦး၊ အဘွား(၃၂)ဦး၊ စုစုပေါင်း(၅၈)ဦး တက်ရောက်ပြီး၊ အဘိုး/အဘွားတစ်ဦးလျှင် ငွေကျပ်(၂)သောင်းနှုန်းဖြင့် ပေးအပ်လှူဒါန်းပြီး၊ မတက်ရောက်နိုင်သည့် အဘိုး/အဘွားများကို အိမ်တိုင်ရာရောက် တစ်ဦးလျှင် ငွေကျပ်(၁)သောင်းခွဲနှုန်းဖြင့် လိုက်လံပေးအပ် လှူဒါန်းကာ ဌာနဆိုင်ရာနှင့် ရပ်ကွက်များမှလှူဒါန်းသော အလှူငွေစုစုပေါင်း(၄၃)သိန်း(၈)သောင်းဖြစ်ပြီး အဘိုး/အဘွားများအား ရှမ်းပြည်နယ် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့နှင့် အမျိုးသမီးရေးရာအဖွဲ့တို့မှ ကျန်းမာရေးစောင့်ရှောက်မှုများ ပြုလုပ်ပေးကြကြောင်း သိရှိရသည်။

   အဆိုပါအခမ်းအနားကို ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်/ခရိုင်/မြို့နယ်အဆင့်ဌာနဆိုင်ရာများ၊ ပြည်နယ်မိခင်နှင့်ကလေးစောင့်ရှောက်မှု ကြီးကြပ် ရေးအဖွဲ့နှင့် အမျိုးသမီးရေးရာအဖွဲ့များ၊ လူမှုရေးအသင်းအဖွဲ့များ၊ ရပ်ကွက်အုပ်ချုပ်ရေးမှူးများ တက်ရောက်ကြကြောင်း သိရသည်။

                                                                                                                                                                                  မောင်မောင်သန်း(တောင်ကြီး)

 

ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ဘဏ္ဍာရေးဝန်ကြီးဦးခွန်သိန်းမောင် အခြေခံပညာအလယ်တန်းကျောင်း ဟဲကယ် ကျောင်းဆောင်သစ်ဖွင့်ပွဲ/ လွှဲပြောင်းပေးအပ်ပွဲ အခမ်းအနားတက်ရောက်ခြင်း

တောင်ကြီး စက်တင်ဘာ - ၂၅

657

ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်းနှင့် ပြည်နယ်ဘဏ္ဍာရေး ဝန်ကြီးဦးခွန်သိန်းမောင်တို့သည် နံနက်(၉)နာရီက တောင်ကြီးမြို့နယ်၊ အခြေခံပညာအလယ်တန်းကျောင်း ဟဲကယ်၌ ကျင်းပပြုလုပ်သော ကျောင်းဆောင်သစ်ဖွင့်ပွဲ/ လွှဲပြောင်းပေးအပ်ပွဲ အခမ်းအနားသို့ တက်ရောက် ပြီး၊ ကျောင်းဆောင်သစ် (ပတ္တမြားဆောင်)အား ဖဲကြိုးဖြတ်ဖွင့်လှစ်ပေးခဲ့ပြီး အဖွင့်အမှာစကားပြောကြား ခဲ့ပါသည်။ ထို့နောက်ကျောင်းဆောင်သစ်ရှိ စာသင်ခန်းများအား လှည့်လည်ကြည့်ရှု့ စစ်ဆေးခဲ့ပြီး ကျောင်းဆောင်သစ်အတွက် တစ်ယောက်ထိုင် စာရေးစားပွဲခုံအလုံး(၆၀)အား ရှမ်းပြည်နယ်အစိုးရအဖွဲ့ ကိုယ်စား ကျောင်းအုပ်ဆရာမကြီးထံ ပေးအပ်လှူဒါန်းခဲ့ပါသည်။

ဆက်လက်၍ နံနက်(၁၀)နာရီ (၄၅)မိနစ်တွင် ဟဲကယ်ကျေးရွာဘုန်းတော်ကြီးကျောင်းသို့ သွားရောက်ကာ ကျောင်းထိုင်ဆရာတော်အား ဖူးမျှော်ကြည်ညိုပြီး နဝကမ္မအလှူငွေကျပ်(၁)သိန်းအား ကျောင်းထိုင်ဆရာတော်ထံ လှူဒါန်းခဲ့ကြောင်း သတင်းရရှိပါသည်။

မြန်မာနိုင်ငံရဲတပ်ဖွဲ့ ရွှေရတုနှစ်ပတ်လည်နေ့ကျင်းပ

တောင်ကြီး အောက်တိုဘာ - ၁

662

   ရှမ်းပြည်နယ်တောင်ကြီးမြို့တွင် မြန်နိုင်ငံရဲတပ်ဖွဲ့ ရွှေရတုနှစ်ပတ်လည်နေ့ကို အောက်တိုဘာ (၁)ရက်၊ နံနက်(၉)နာရီ က မြို့တော်ခန်းမ၌ ကျင်းပကြောင်းသိရသည်။ 

   ရှမ်းပြည်နယ်အတွင်း မှီတင်းနေထိုင်ကြသည့် နိုင်ငံသား၊ တိုင်းရင်းသားလူမျိုးပေါင်းစုံ၏ အခွင့်အရေးနှင့် ရပိုင်ခွင့်များကို ပြည့်ပြည့်ဝဝ ခံစားခွင့်ရရှိနိုင်ရန် အကောင်အထည်ဖော် ဆောင်ရွက်ပေးနေချိန်တွင် တရားဥပဒေ စိုးမိုးရေးသည် အဓိကကျသည့် အခန်းကဏ္ဍတွင် ပါဝင်နေသည့်အတွက် တပ်ဖွဲ့ဝင်အားလုံးသည် တည်ဆဲဥပဒေ၊ စည်းမျဉ်းစည်းကမ်း၊ လုပ်ထုံး လုပ်နည်းများနှင့်အညီ လိုက်နာအကောင်အထည်ဖော် ဆောင်ရွက် သွားကြရန်နှင့် ရပ်ရွာအေးချမ်းသာယာရေး၊ တရားဥပဒေ စိုးမိုးရေးအတွက် ပြည်သူလူထုနှင့် အစဉ်ပူပေါင်း ဆောင်ရွက်ကြရန်၊ မြန်မာနိုင်ငံရဲတပ်ဖွဲ့၏ အဓိကရည်မှန်းချက်(၄)ရပ်တွင် ပါဝင်သည့် မူးယစ်ဆေးဝါး အန္တရာယ်တားဆီး ကာကွယ်ရေးနှင့် ပတ်သက်ပြီး၊ နည်းဗျူဟာ(၃)ရပ်ဖြစ်သည့် ထုတ်လုပ်မှု ပပျောက်ရေး၊ သုံးစွဲမှု ပပျောက်ရေးနှင့် တာဆီးနှိမ်းနင်းရေးလုပ်ငန်းများကို တိုးမြှင့်ဆောင်ရွက်သွားကြရန် မှာကြားလိုကြောင်း၊ မူးယစ်ဆေးဝါး တာဆီးနှိမ်းနင်းရေးဆောင်ရွက်သည့်နေရာတွင် မူးယစ်ဆေးဝါး ဖမ်းဆီးရမိ သည့် ဖြစ်စဉ်များကို သုံးသပ်ပြီး၊ ယခုထက်ပိုမိုဖမ်းဆီးရမိအောင် ဆောင်ရွက်သွားရန်ပြောကြားလိုကြောင်း၊ မူခင်းဖြစ်ပွားမှုနှင့် ပတ်သက်ပြီး၊ ဖြစ်ပွားခဲ့သည့် မူခင်းဖြစ်စဉ်တစ်ခုချင်းကို စိစစ်သုံးသပ်၍ မူခင်းလျော့နည်း ကျဆင်းအောင် ဆောင်ရွက်သွားကြရန်နှင့် ပြစ်မှုကျူးလွန်သူများ ကိုလည်း တရားဥပဒေနှင့် အညီ ထိုက်သင့်သည့် ပြစ်ဒဏ်ရရှိရေးအတွက် ဆက်စပ်ဌာနများနှင့် ပူးပေါင်းဆောင်ရွက်သွားကြရန် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား၌ ပြောကြားသွားကြောင်းသိရသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်မှ ချီးမြှင့်သောဂုဏ်ပြု မှတ်တမ်းလွှာ များကို ချီးမြှင့်ရာ ရှမ်းပြည်နယ်ရဲတပ်ဖွဲ့၊ ပြည်နယ်ရဲအကူတပ်ဖွဲ့ခွဲမှူး ဒုရဲမှူးကြီးစန်းလွင်၊ ရှမ်းပြည်နယ်ရဲတပ်ဖွဲ့ တောင်ကြီးခရိုင်ရဲတပ်ဖွဲ့မှူး ဒုရဲမှူးကြီးမြင့်ထူး၊ လွိုင်လင်ခရိုင်ရဲတပ်ဖွဲ့မှူး ဒုရဲမှူးကြီး အောင်ဆန်းမြင့်၊ လင်းခေးခရိုင် ရဲတပ်ဖွဲ့မှူး ဒုရဲမှူးကြီးလှစိန်တို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ မှတ်တမ်းတင် ဂုဏ်ပြုလွှာများ ချီးမြှင့်ပေးကြောင်းသိရသည်။

   ထိုနောက် ရှမ်းပြည်နယ်ရဲတပ်ဖွဲ့အတွင်း မူခင်းဖော်ထုတ်မှုအတွက် အမှုထမ်းကောင်းရရှိသည့် တပ်ဖွဲ့ဝင် (၃)ဦးအား လက်မှတ်နှင့် ဆုငွေများကို အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်မှူးချုပ်အေးဝင်းမှ ချီးမြှင့်ပေး၍ လည်းကောင်း၊ မြန်မာနိုင်ငံရဲတပ်ဖွဲ့ ရဲအရာရှိကျောင်း၌ ဖွင့်လှစ်သော အရာထမ်းအခြေခံ သင်တန်း၊ သင်တန်း ထူးချွန်ဆုနှင့် မူခင်းဖော်ထုတ်မှု အတွက် အမှုထမ်းကောင်းရရှိသည့် တပ်ဖွဲ့ဝင်(၃)ဦးအား ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူမှ ချီးမြှင့်ပေး၍လည်းကောင်း၊ ရှမ်းပြည်နယ်ရဲတပ်ဖွဲ့အတွင်း မူခင်းဖော်ထုတ်မှုအတွက် အမှုထမ်းကောင်းရရှိသည့် တပ်ဖွဲ့ဝင် (၃)ဦးအား၊ ရှမ်းပြည်နယ်ရဲတပ်ဖွဲ့မှူး ရဲမှူးကြီး ဝင်ထွန်းမှ လက်မှတ်နှင့် ဆုငွေများချီမြှင့်ပေးကြသည်။

   ၎င်းနောက် ပြည်နယ်ဝန်ကြီးချုပ်၊ တိုင်းမှူး၊ ပြည်နယ်လွှတ်တော်ဥက္ကဌ၊ ပြည်နယ်ဝန်ကြီးများနှင့် တာဝန်ရှိသူတို့သည် ခန်းမအတွင်း ခင်းကျင်းပြသထားသော ၂၀၁၃-၂၀၁၄ခုနှစ်အတွင်း ရှမ်းပြည်နယ်ရဲတပ်ဖွဲ့၏ လုပ်ငန်းဆောင်ရွက်ချက် မှတ်တမ်းများကို လှည့်လည်ကြည့်ရူ့အားပေးကြကြောင်းသိရှိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဌနှင့် ဒုဥက္ကဌ၊ အရှေ့ပိုင်းတိုင်းစစ်ဌာနချုပ်တိုင်းမှူး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ် ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့အတွင်းရေးမှူး၊ ပြည်နယ်/ ခရိုင်၊ မြို့နယ်အဆင့် ဌာနဆိုင်ရာများ၊ ရှမ်းပြည်နယ် ရဲတပ်ဖွဲ့မှူးနှင့် ရဲအရာရှိများ တပ်ဖွဲ့ဝင်နှင့် မိသားစုများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရသည်။                                                                                                 

                                                                                                                                                     မောင်မောင်သန်း(တောင်ကြီး)

 

ဖေါင်တော်ဦးမြတ်စွာဘုရားကိုယ်စားတော်များ ထာဝရစံရာ ရတနာစံကျောင်းတော်မှ အင်းလေးဒေသပတ်ဝန်ကျင် (၂၁)ဌာနသို့ ဒေသစာရီကြွချီအပူဇော်ခံ

တောင်ကြီး   စက်တင်ဘာ   ၂၄

655 2

   အင်းလေးဒေသ နမ့်ဟူးရွာ ဖေါင်တော်ဦးမြတ်စွာဘုရား ကိုယ်စားတော်များ ထာဝရကိန်းဝပ် တော်မူရာ ရတနာစံကျောင်းတော်ကြီးမှ ညောင်ရွှေမြို့နှင့်တကွ အင်းလေးဒေသပတ်ဝန်းကျင် (၂၁)ဌာနသို့ စက်တင်ဘာ(၂၄)ရက် နံနက်(၆)နာရီက ဒေသစာရီကြွချီ အပူဇော်ခံကြောင်း သိရသည်။

   ပထမဦးစွာ ဒကာ/ဒကာမများက ရတနာမြတ်သုံးပါးအား ကန်တော့ကြ၍ ဖေါင်တော်ဦး မြတ်စွာဘုရားဂေါပကအဖွဲ့ သြဝါဒစရိယ နိုင်ငံတော်သြဝါဒါစရိယဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ဟဲယာရွာမ ရွှေဘုံသာ ပရိယတ္တိစာသင်တိုက် ပဓာန နာယက ဆရာတော်ဘုရားကြီးထံ ငါးပါးသီလခံယူဆောက်တည်ကြပြီး၊ ဆရာတော်/ သံဃာတော် အရှင် သူမြတ်တို့က မင်္ဂလာသုတ်၊ မေတ္တာသုတ်၊ ပရိတ်တရား ဒေသနာတော်များကို ရွတ်ပွားချီးမြှင့် ပေးကြသည်။

   ဆက်လက်၍ ညောင်ရွှေမြို့နယ် မြို့နယ်အုပ်ချုပ်ရေးမှူး ဦးကျော်ဇောလှက ဖေါင်တော်ဦး မြတ်စွာဘုရားကိုယ်စားတော်များ ရွှေအင်းတိန်ဌာန အစရှိသော (၂၁)ဌာနသို့ ဒေသစာရီကြွချီ၍ အပူဇော်ခံတော်မူမည့်အကြောင်း ပင့်ပန်လျှောက်ထားသည်။

656

   ထို့နောက် ဖေါင်တော်ဦးမြတ်စွာဘုရားကိုယ်စားတော်များကို  ထာဝရသီတင်းသုံးရာ ရတနာစံကျောင်း ပလ္လင်မှ ရွှေဝေါယာဉ်ဖြင့် ခေတ္တာယာယီ သီတင်းသုံးတော်မူရာ ရတနာစံကျောင်း တော်သို့ တာဝန်ရှိ ပုဂ္ဂိုလ်များက ပင့်ဆောင်ကြရာ ပထမရုပ်ပွားတော်ကို ရှမ်းပြည်နယ်ရဲတပ်ဖွဲ့မှူး ရဲမှူးကြီးဝင်းထွန်း၊ ဒုတိယရုပ်ပွားတော်ကို တောင်ကြီးခရိုင်အုပ်ချုပ်ရေးမှူး ဦးကံထွန်း၊ တတိယရုပ်ပွားတော်ကို ရှမ်းပြည်နယ်လွှတ်တော်ကိုယ် စားလှယ် ဒေါက်တာထွန်းအောင်၊ စတုတ္ထရုပ်ပွားတော်ကို ရှမ်းပြည်နယ်လွှတ်တော်ကိုယ်စားလှယ် ဦးအောင်ကြည်ဝင်းတို့က အသီးသီး ပင့်ဆောင်ကြပြီး၊ အခါတော်နံနက်(၇)နာရီအချိန်ကျရောက်သည့်အခါ ဖေါင်တော်ဦးမြတ်စွာဘုရား ကိုယ်စားတော်များကို ရွှေကရဝိတ် ဖေါင်တော်ယာဉ်သို့ ပင့်တင်၍ ဆွဲလှေများဖြင့် အင်းတိန်ဌာနသို့ ဆက်လက်ပင့်ဆောင်ပြီး(၁)ညတာ ကိန်းဝပ်စံပယ်တော်မူကြောင်း သိရှိရသည်။ 

   ဖေါင်တော်ဦးမြတ်စွာဘုရားကိုယ်စားတော်များသည် အင်းတိန်ဌာနမှ ဟဲယာရွာမ၊ ငါးဖယ်ချောင်း၊ ကြေးစားကုန်၊ ပွဲစားကုန်း၊ လင်းကင်း၊ ညောင်ရွှေ၊ နန်းသဲ၊ မိုင်းသောက်၊ သလဲဦး၊ ကေလာ၊ ဇရပ်ကြီး၊ အလိုတော်ပေါက်၊ နန်းပန်၊ မန်ကျည်းဆိပ်၊ ကျိန်းခမ်း၊ မိုင်းပျိုး၊ နောင်တော၊ အင်းပေါခုံ၊ ရေသာကျောင်းတို့ကို  ဒေသစာရီကြွချီအပူဇော်ခံပြီး၊ မူလကိန်းဝပ်စံပယ်တော်မူရာ ရတနာစံကျောင်းတော်သို့ ပြန်လည်ကြွချီမည်ဖြစ်ကြောင်း သိရသည်။

                                                                                                                                                                           ရွှေအင်းသား(တောင်ကြီး)

 

အင်းလေးဖောင်တော်ဦးမြတ်စွာဘုရား ညောင်ရွှေမြို့ အဌဒိသာဓမ္မဝိဟာရ ကျောင်းတော်ကြီးသို့ ကြွချီအပူဇော်ခံ

တောင်ကြီး စက်တင်ဘာ - ၃၀

   အင်းလေးဖောင်တော်ဦးမြတ်စွာဘုရား ညောင်ရွှေမြို့ အဌဒိသာဓမ္မဝိဟာရ ကျောင်းတော်ကြီး သို့ စက်တင်ဘာ(၃၀)ရက် နံနက်(၉)နာရီက ကြွချီအပူဇော်ခံကြောင်း သိရသည်။ 

660

   အင်းလေးဖောင်တော်ဦးမြတ်စွာဘုရားသည် ဖောင်တော်ဆိပ် ပြဿဒ်ဆောင်သို့ ကြွချီလာရာ ကရဝိတ်ဖောင်တော်ပေါ်မှ ဘော်ယာဉ်ပေါ်သို့ ပင့်ဆောင်ရာ ပထမကိုယ်ပွားတော်မြတ်ကို ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ် ဘဏ္ဍာရေးဝန်ကြီး၊ ပြည်နယ်လူမှုရေးဝန်ကြီး၊ ပြည်နယ်ဥပဒေချုပ် တို့က ပင့်ဆောင်၍ လည်းကောင်း၊ ဒုတိယကိုယ်ပွားတော်မြတ်ကို အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် အေးဝင်း၊ ပြည်နယ်စီမံကိန်းနှင့်စီးပွားရေးဝန်ကြီး၊ ပြည်နယ်လျှပ်စစ်နှင့် စက်မှုလက်မှုဝန်ကြီး၊ ပြည်နယ်စည်ပင်သာယာရေးဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီးတို့က ပင့်ဆောင်၍လည်းကောင်း၊ တတိယ ကိုယ်ပွားတော်မြတ်ကို ပြည်နယ်လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးအောင်သူနှင့် ပြည်နယ်အဆင့်တာဝန်ရှိသူများ၊ စတုတ္ထကိုယ်စားတော်မြတ်ကို ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ ဦးခွန်စံလွင်၊ ဗမာတိုင်းရင်းသားရေးရာ ဝန်ကြီးနှင့် တာဝန်ရှိသူတို့က အသီးသီးပင့်ဆောင်ကြသည်။

   ဆက်လက်၍ အင်းလေးဖောင်တော်ဦးမြတ်စွာဘုရားများ ဘော်ယာဉ်ဖြင့်ကြွချီရာ ဒေသခံ ပြည်သူများ၊ ဘုရားဖူးလာဧည့်ပရိတ်သတ်များက ဘော်ယာဉ်ကြိုးဆွဲ၍ ညောင်ရွှေမြို့တွင်းသို့ တစ်ပတ်လှည့်လည်အပူဇော်ခံကြောင်း သိရသည်။

   ထို့နောက် ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့သည် ဖောင်တော်ပြန်ဧည့်ရိပ်သာသို့ ပြန်လည်ထွက်ခွာလာပြီး၊ အင်းသားရိုးရာလှေပြိုင်ပွဲ အမျိုးသား(၄၆) တက် အကြိုဗိုလ်လုပထမပွဲစဉ်အဖြစ် ကေလာကျေးရွာအသင်းနှင့် ဇရပ်ကြီးကျေးရွာအသင်း၊ အမျိုးသား(၄၆)တက် အကြိုဗိုလ်လု ဒုတိယပွဲစဉ်အဖြစ် ဝမ်းဘဲအင်းကျေးရွာအသင်းနှင့် ရေသာကုန်းကျေးရွာအသင်း၊ အမျိုးသားရာကျော်လှေ အကြိုဗိုလ်လုပွဲ ပထမပွဲစဉ်အဖြစ် ကေလာ အုန်းပင်ကျေးရွာအသင်းနှင့် အိုင်ထောင့်ကြီးကျေးရွာအသင်း၊ ဒုတိယပွဲစဉ်အဖြစ် ရှေ့ဝကြီးကျေးရွာ အသင်းနှင့် မင်းချောင်းရှေ့ရွာအသင်း၊ အမျိုးသမီး(၂၆)တက် ဗိုလ်လုပွဲစဉ်တွင် အိုင်ထောင့်ကြီး ကျေးရွာအသင်းနှင့် မိုင်းသောက်ကျေးရွာအသင်း၊ တစ်ဦးချင်းလှေလှော်ပြိုင်ပွဲတွင် ပထမ/ဒုတိယ ပွဲစဉ်အဖြစ် ရွာသာကျေးရွာနှင့် အိုင်ထောင့်ကြီးကျေးရွာ အသင်းတို့ယှဉ်ပြိုင်နေမှုကို ကြည့်ရှု အားပေးကြသည်။

661

   ၎င်းနောက် ဆုချီးမြှင့်ပွဲ ကျင်းပရာ အင်းသားရိုးရာ ဆွမ်းပို့လှေအဖွဲ့၊ လှေယာဉ်အဖွဲ့၊ ယဉ်ကျေးမှုအကအဖွဲ့တို့ကို ပြည်နယ်ဝန်ကြီးများနှင့် တာဝန်ရှိသူတို့က ဆုချီးမြှင့်၍လည်းကောင်း၊ အမျိုးသား (၄၆)တက်၊ ရာကျော်လှေ၊ တစ်ဦးချင်းလှေလှော်ပြိုင်ပွဲတွင် နှစ်သိမ့်ဆုရရှိသူများကို ပြည်နယ်ဘဏ္ဍာရေးဝန်ကြီးနှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌတို့မှ ဆုချီးမြှင့်၍လည်းကောင်း၊ တစ်ဦးချင်းလှေလှော်ပြိုင်ပွဲတွင် ပထမ/ ဒုတိယဆုရရှိသူများကို ဗမာတိုင်းရင်းသားရေးရာဝန်ကြီးနှင့် ပြည်နယ်ဥပဒေချုပ်တို့မှ ဆုချီးမြှင့်၍လည်းကောင်း၊ အမျိုးသမီး(၂၆)တက်လှေလှော်ပြိုင်ပွဲတွင် ဒုတိယ/ပထမ ဆုရရှိသူများကို အရှေ့ပိုင်းတိုင်း စစ်ဌာနချုပ် တိုင်းမှူး၏ဇနီး ဒေါ်အေးအေးဝင်းမှ ဆုချီးမြှင့်၍လည်းကောင်း၊ အမျိုးသား(၄၆)တက် လှေလှော်ပြိုင်ပွဲတွင် ဒုတိယ/ပထမ ဆုရရှိသောအသင်းကို ပြည်နယ်တရားလွှတ်တော် တရားသူကြီးချုပ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီးတို့မှ ဆုချီးမြှင့်၍လည်းကောင်း၊ အမျိုးသားရာကျော်လှေလှော်ပြိုင်ပွဲတွင် ဒုတိယဆုရရှိသောအသင်းကို အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ်အေးဝင်းမှ ဆုချီးမြှင့်၍လည်းကောင်း၊ အမျိုးသားရာကျော် လှေလှော် ပြိုင်ပွဲတွင် ပထမဆုရရှိသောအသင်းကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဆုများအသီးသီး ချီးမြှင့်ပေးကြသည်။

   ယင်းနောက် ပြည်နယ်ဝန်ကြီးချုပ်၊  တိုင်းမှူးနှင့်ဇနီး၊ ပြည်နယ်ဝန်ကြီးများ၊ တာဝန်ရှိသူ တို့သည် ဖောင်တော်ပြန်ဧည့်ရိပ်သာမှ အဌဒိသာဓမ္မဝိဟာရကျောင်းတော်ကြီးသို့ ရောက်ရှိပြီး ဆွမ်း၊ ဆီမီး၊ ပန်း၊ ရေချမ်းများ ဆက်ကပ်ပူဇော်ကြကာ စံကျောင်းတော်ကြီးတွင် ဆရာတော် သံဃာတော်များမှ ဖောင်တော်ဦးမြတ်စွာဘုရားများအား ဆွမ်း၊ ဆီမီး၊ ပန်း၊ ရေချမ်း နှင့် ရွှေသင်္ကန်း ဆက်ကပ်ပူဇော်ကြသည်။

   ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့သည် ဖောင်တော်ဦး မြတ်စွာဘုရားများအား ရွှေသင်္ကန်းဆက်ကပ်ပူဇော်ကြပြီး၊ ဆရာတော်သံဃာတော်များကို ပူဇော် ကန်တော့၍ အလှူရှင် ဦးသန်းအောင် ဇနီးဒေါ်ခင်ယုဝေတို့မှ အလှူငွေကျပ်(၃၅)သိန်း ပေးအပ် လှူဒါန်းရာ ပြည်နယ်ဝန်ကြီးချုပ် ဦးစဝ်အောင်မြတ်မှ လက်ခံပေးပြီး ဂုဏ်ပြုမှတ်တမ်းလွှာများ ပေးအပ်၍ ဆရာတော်သံဃာတော်များအား လှူဖွယ်ဝတ္ထုပစ္စည်းများဆက်ကပ်လှူဒါန်းကာ အခမ်းအနားကို ဗုဒ္ဓသာသနံ စိရံတိဌတု (၃) ကြိမ်ရွတ်ဆို ဆုတောင်း၍ ရုပ်သိမ်းလိုက်ကြောင်း သိရသည်။

                                                                                                                                                       မောင်မောင်သန်း(တောင်ကြီး)

 

ပြည်ထောင်စု ဘတ်ဂျက်နှင့် ပြည်နယ်ဘတ်ဂျက်တို့မှ အားကစားကွင်းများ ပြန်လည်ပြု ပြင်ဆောက်လုပ်ပေးမည်

တောင်ကြီး   စက်တင်ဘာ   ၂၃

မြန်မာ့အားကစားကမ္ဘာကိုလွှမ်းစေရမည် ဆိုသည့်ဆောင်ပုဒ်နှင့်အညီ တိုင်းဒေသကြီးနှင့် ပြည်နယ်များတွင် မျိုးဆက်သစ်အားကစားသမားများ ပေါ်ထွန်းလာစေရေးအတွက် ရည်ရွယ်၍ ရှမ်းပြည်နယ်တွင် အားကစားကွင်းများ ပြန်လည်ပြုပြင်ဆောက်လုပ်နိုင်ရန် (၂၀၁၄-၂၀၁၅)ခု ဘဏ္ဍာရေးနှစ်အတွင်း ပြည်နယ်/ ခရိုင်/ မြို့နယ်များ၌ ပြည်ထောင်စု ဘတ်ဂျက်မှ လုပ်ငန်း(၈)ခုနှင့် ပြည်နယ်ဘတ်ဂျက်မှ လုပ်ငန်း(၈)ခု ခွင့်ပြုမိန့်ဖြင့် တည်ဆောက်ရေးလုပ်ငန်းများ ဆောင်ရွက်ရန် အတွက် စက်တင်ဘာ(၂၃)ရက် နံနက်(၉)နာရီက ရှမ်းပြည်နယ် အားကစားနှင့် ကာယပညာ ဦးစီးဌာနတွင် တင်ဒါစိစစ်ရွေးချယ်ရေးလုပ်ငန်းကော်မတီနှင့် ကြမ်းခင်းစျေး တွက်ချက်ရေး လုပ်ငန်းကော်မတီအဖွဲ့ဝင်များမှ တင်ဒါလျှောက်လွှာများကို မြို့နယ် တစ်ခုချင်းစီ၏ လုပ်ငန်းစဉ် တစ်ခုချင်းအလိုက် ဖွင့်ဖောက် စစ်ဆေးရွေးချယ်ပေးခဲ့ကြကြောင်း သိရသည်။

ထို့သို့ တင်ဒါစိစစ်ရွေးချယ်ရေးအဖွဲ့ဝင်များမှ ပြည်ထောင်စု ဘတ်ဂျက်ခွင့်ပြုငွေအပေါ် မြို့နယ်(၈)မြို့နယ်ရှိ လုပ်ငန်းစဉ်(၈)ခုအတွက် တည်ဆောက်ရေး ကုမ္ပဏီ(၈)ခုလည်းကောင်း၊ ပြည်နယ်ဘတ်ဂျက်ဖြစ် ခွင့်ပြုငွေအပေါ် မြို့နယ်(၈)မြို့နယ်ရှိ လုပ်ငန်းစဉ်(၁၉)ခုအတွက် တည်ဆောက်ရေးကုမ္ပဏီ(၈)ခုကိုလည်းကောင်း၊ အသီးသီးအဆင့်သက်မှတ်ချက် အမှတ်စဉ်များဖြင့် စာရင်းဇယားများ ပြုစုလျက် လက်မှတ်ရေးထိုးဆောင်ရွက်ခဲ့ကြကြောင်း သိရသည်။

ဆက်လက်၍ ပြည်ထောင်စုဘတ်ဂျက်မှ လုပ်ငန်း(၈)ခုဖြစ်သည့် နမ့်စန်မြို့နယ် အားကစားကွင်း အထူးတန်းပွဲကြည့်စင်၊ ပရိတ်သတ်ပွဲကြည့်စင် ဆောက်လုပ်ခြင်း၊ လွိုင်လင်ခရိုင် အားကစားကွင်း Innerfencing ကာရံခြင်း၊ ညောင်ရွှေမြို့နယ် အားကစားရုံတည်ဆောက်ခြင်း၊ မိုင်းပျဉ်းမြို့နယ်အားကစားကွင်း အဆင့်မြင့်မွမ်းမံခြင်း၊ မိုင်းပန်မြို့နယ် ဘောလုံးအားကစားကွင်း ပြန်လည်ဖော်ထုတ်ခြင်း၊ မိုင်းယန်းမြို့နယ် အားကစားရုံ အကြီးစားပြုပြင်ခြင်း၊ ကွမ်းလုံမြို့နယ် အားကစားရုံ တစ်ရုံတည်ဆောက်ခြင်း၊ တောင်ကြီးမြို့ ပြည်နယ်အားကစားကွင်း ပွဲကြည့်စင် တည်ဆောက်ခြင်းနှင့် ပြည်နယ်ဘတ်ဂျက်မှ လုပ်ငန်း(၈)ခုဖြစ်သည့် ရွှေညောင်အားကစားကွင်း ပြုပြင်ခြင်း၊ ပြည်နယ်ရုံး/ ခရိုင် လက်ထောက်ညွှန်ကြားရေးမှူး နေအိမ်တည်ဆောက်ခြင်း၊ ကျောက်မဲခရိုင် လက်ထောက်ညွှန်ကြားရေးမှူး နေအိမ်တည်ဆောက်ခြင်း၊ ကလောမြို့နယ် ဦးစီးအရာရှိ ရုံး/အိမ် တည်ဆောက်ခြင်း၊ ရပ်စောက်မြို့နယ် ဦးစီးအရာရှိ ရုံး/အိမ် တည်ဆောက်ခြင်း၊ ပွေးလှအားကစားကွင်း ပြုပြင်ခြင်း၊ အမှတ်(၄)နှင့် အမှတ်(၁၀) အခြေခံပညာအထက်တန်းကျောင်း အားကစားကွင်း ဖောက်လုပ်ခြင်း၊ ဆိုက်ခေါင်အားကစားကွင်း တည်ဆောက်ခြင်းတို့ကို ဆောင်ရွက် ပေးသွားမည်ဖြစ်ကြောင်း သိရှိရသည်။

                                                                                                                                                                       မောင်မောင်သန်း(တောင်ကြီး)

More Articles...

  1. မျိုးဆက်ပွားကျန်းမာရေးဆိုင်ရာ အပြုအမှုပြောင်းလဲလာစေရန် ဆက်သွယ်ပြောဆိုခြင်း အရည်အသွေးမြှင့်မားရေးသင်တန်းဖွင့်
  2. လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ်(တောင်ပိုင်း)ရှိ ခရိုင်(၃)ခရိုင်အား စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေများ ပေးအပ်ပွဲနှင့် လူမှုစောင့်ရှောက်ရေး စေတနာ့ဝန်ထမ်းလူငယ်များနှင့် သဘာဝဘေးလျော့ပါးရေး စေတနာ့ ဝန်ထမ်းလူ
  3. ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၀/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၁/၂၀၁၄)ကျင်းပ
  4. ပြည်နယ်လူမှုရေးဝန်ကြီး ရပ်စောက်/ဗထူး မြို့နယ် အခြေခံပညာအထက်တန်းကျောင်းနှင့် ရပ်စောက် ပြည်သူ့ဆေးရုံတို့ သွားရောက်ကြည့်ရှုစစ်ဆေး
  5. ရပ်စောက်မြို့နယ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ တောင်သူလယ်သမား၊ အလုပ်သမား၊ လူငယ်ဖိုရမ် (၂၀၁၄)ခုနှစ် ပိတ်ပွဲအခမ်းအနား ကျင်းပ
  6. ECE ကိုယ်ပိုင်မူလတန်းကျောင်းသစ် ဖွင့်ပွဲ ရပ်စောက်မြို့၌ ကျင်းပ
  7. မြန်မာနိုင်ငံလူကုန်ကူးမှုတိုက်ဖျက်ရေးနှင့် အထိမ်းအမှတ်ကျင်းပ
  8. လားရှိုးတွင်မီးငြိမ်းသတ်ယာဉ် လွှဲပြောင်းပေးအပ်
  9. မိုင်းဆတ်ကျောင်းများ၌ စာဖတ်စွမ်းရည်ပြိုင်ပွဲ ကျင်းပ
  10. ရှမ်းပြည်နယ်အစိုးရအဖွဲ့နှင့် တက်ဟုန်းပြည်နယ်ခွဲကွန်မြူနစ်ပါတီ ဥက္ကဌ Mr. Wang Jun Qiang အဖွဲ့နှင့်တွေ့ဆုံ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

taung-yoeရှမ်းပြည်နယ်(တောင်ပိုင်း) တောင်ကြီး၊ ကလော(ဟဲဟိုး)၊ ရပ်စောက်နှင့် ညောင်ရွှေမြို့နယ်တို့တွင် အများဆုံး နေထိုင်ကြသည်။

We have 50 guests and no members online