သတင်းများ

ရင်းနှီးမြှပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၊ ရှမ်းပြည်နယ်၌ ပြည်နယ်ဦးစီးမှူးရုံးဖွင့်ပွဲ ကျင်းပ

တောင်ကြီး   သြဂုတ်   ၁၈

620

   အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန၊ ရင်းနှီးမြှပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန၊ ရှမ်းပြည်နယ်၊ ပြည်နယ်ဦးစီးမှူးရုံးဖွင့်ပွဲကို သြဂုတ်(၁၈)ရက် နံနက်(၈)နာရီခွဲက တောင်ကြီးမြို့၊ အမှတ်(၁၃၉) ဒုတိယအထပ် စဝ်စံထွန်းလမ်း စျေးပိုင်းရပ်ကွက်၌ ကျင်းပကြောင်း သိရသည်။

   ရှမ်းပြည်နယ်၊ ပြည်နယ်ဦးစီးမှူးရုံးဖွင့်ပွဲကို ရှမ်းပြည်နယ် အစိုးရအဖွဲ့ ပြည်နယ် စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်၊ ရင်းနှီးမြှပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန၊ ညွှန်ကြားရေးမှူးချုပ် ဦးအောင်နိုင်ဦးတို့က ဖဲကြိုးဖြတ်ဖွင့်လှစ်ပေးကြသည်။

   ဆက်လက်၍ ပြည်နယ်ဦးစီးမှူးရုံး ဆိုင်းဘုတ်အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က စက်ခလုတ်နှိပ်ဖွင့်လှစ်ပေးပြီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့က ရုံးခန်းမများကို လှည့်လည်ကြည့်ရှုကြရာ ရုံးဖွင့်လှစ်ဆောင်ရွက်မှု အခြေအနေအား ရင်းနှီးမြှပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦးမှ ရှင်းလင်းတင်ပြကာ ဖွင့်ပွဲအထိမ်းအမှတ် လက်ဆောင်ပစ္စည်းများကို ပြည်နယ်ဝန်ကြီးချုပ်အား ချီးမြှင့်ပေးခဲ့ကြောင်း သိရသည်။

621

   ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် တောင်ကြီးမြို့ အမှတ်(၁၀)အခြေခံပညာ အထက်တန်းကျောင်း၊ ကျောင်းဆောင်သစ်လွဲပြောင်းပေးအပ်ပွဲ အခမ်းအနားသို့ တက်ရောက်ကြသည်။

   ပထမဦးစွာ ကျောင်းဆောင်သစ်အား ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်ပညာရေး ညွှန်ကြားရေးမှူး ဦးချစ်ဆွေ၊ ကျောင်းအကျိုးတော်ဆောင် အတွင်းရေးမှူး ဦးသန့်ဇင်ဦးတို့က ဖဲကြိုးဖြတ်ဖွင့်လှစ်ပေးကြပြီး၊ ကျောင်းဆိုင်းဘုတ်အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က စက်ခလုတ်နှိပ်ဖွင့်လှစ်ပေးလိုက်သည်။

   ဆက်လက်၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် ကျောင်းဆောင်သစ်ခန်းမအတွင်း လှည့်လည်ကြည့်ရှုကြပြီး၊ အခမ်းအနား ဒုတိယပိုင်းတွင် ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားကြောင်းသိရသည်။ ဆက်လက်၍ ဆောက်လုပ်ရေးကုမ္ပဏီမှတာဝန်ရှိသူ တစ်ဦးက ကျောင်းဆောင်သစ်နှင့် သက်ဆိုင်သော စာရွက်စာတမ်းများကို အမှတ်(၁၀) အခြေခံ ပညာအထက်တန်းကျောင်း၊ ကျောင်းအုပ်ဆရာမကြီး ထံလွှဲပြောင်းပေးအပ်ခဲ့ ကြောင်း သိရသည်။

  ၎င်းနောက် ကျောင်းအကျိုးတော်ဆောင် ဥက္ကဌ ဦးမော်တင်က ကျေးဇူးတင်စကား ပြန်လည်ပြောကြားကာ၊ ကျောင်းအုပ်ဆရာမကြီးမှ ကျောင်းဆောင်သစ် လွှဲပြောင်းပေးအပ်ပွဲ အထိမ်းအမှတ်အလံနှင့် အမှတ်တရ လက်ဆောင်များကို ပြည်နယ်ဝန်ကြီးချုပ်၊ ပြည်နယ် ဝန်ကြီးများနှင့် တာဝန်ရှိသူတို့ကို နေရာအရောက်ပေးအပ်ခဲ့ပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                                          မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်၊ အရာထမ်းနှင့် အမှုထမ်း ဝန်ထမ်းအိမ်ယာတည်ဆောက်မည့် မြေနေရာသို့ ကွင်းဆင်းကြည့်ရှုစစ်ဆေး

တောင်ကြီး   သြဂုတ်   ၁၆

618

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်/ခရိုင်/မြို့နယ် အဆင့်ဌာနဆိုင်ရာ တာဝန်ရှိသူများလိုက်ပါလျှက် သြဂုတ်(၁၆)ရက် နံနက်(၉)နာရီခွဲက တောင်ကြီးမြို့ ကျောင်းကြီးစုရပ်ကွက်ရှိ၊ ဝါးပြားသုဿာန်ဟောင်းသို့ ရောက်ရှိလာရာ အရာထမ်းနှင့်အမှုထမ်းဝန်ထမ်းအိမ်ယာ တည်ဆောက်မည့်မြေနေရာများကို ကြည့်ရှုစစ်ဆေးသည်။ ဆက်လက်၍ တောင်ကြီးခရိုင် မြေစာရင်းဦးစီးဌာနနှင့် တောင်ကြီးမြို့နယ် အုပ်ချုပ်ရေးမှူးတို့က အရာထမ်းနှင့် အမှုထမ်းဝန်ထမ်းအိမ်ယာ တည်ဆောက်မည့်မြေနေရာနှင့် ပတ်သက်၍ ရှင်းလင်းရာ၊ ပြည်နယ် ဝန်ကြီးချုပ်မှ လက်ရှိမြေတွင်နေထိုင်ကြသည့်ပြည်သူများကို ပြန်လည်နေရာချပေးရန်နှင့် ဦးစားပေးဆောင်ရွက်ရန်၊ လက်ရှိနေထိုင်သည့် ပြည်သူများအတွက် တိုက်ခန်းများတည်ဆောက်ပြီးစီးပါက ခက်ခဲမှုမရှိအောင် ဦးစားပေးဆောင်ရွက်ပေးရန် လူဦးရေ တိကျစွာ စာရင်းကောက်ယူ၍ ထပ်မံတိုးပွားမှုမရှိအောင် ဂရုစိုက်ရန်၊ ပြည်သူများ နားလည်မှုရရှိအောင် ရှင်းပြရန်နှင့် ဝန်ထမ်းများနေထိုင်မည် ဖြစ်သည့်အတွက် အဆောက်အဦများ ကို ပြည်စုံစွာဆောင်ရွက်ပေးရန် လမ်းညွှန်မှာကြားသွားသည်။

ထို့နောက် ပြည်နယ်လမ်းပန်းဆက်သွယ်ရေးဝန်ကြီးမှ အရာထမ်းနှင့် အမှုထမ်း ဝန်ထမ်း အိမ်ယာများကို (၂၀၁၅-၂၀၁၆)အထိ ဆက်လက်ရာထားပြီး ဆောင်ရွက်သွားမည်ဖြစ်ကြောင်း ဆွေးနွေးပြီး၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် တောင်ကြီးမြို့မှ ထွက်ခွာလာရာ အေးသာယာပြည်သူ့အိမ်ယာစီမံကိန်းသို့ရောက်ရှိလာပြီး၊ အိမ်ယာစီမံကိန်း တည်ဆောက်မည့်မြေနေရာကို ကြည့်ရှု၍ ရှင်းလင်းဆောင်၌ ဦးနန္ဒလှမြင့်မှ အိမ်ယာစီမံကိန်း တည်ဆောက်မည့် အိမ်ယာပုံစံများကို Power Point ဖြင့်ရှင်းလင်းတင်ပြသည်။

619

ပြည်နယ်ဝန်ကြီးချုပ်မှ ပြန်လည်ဆွေးနွေးမှာကြားရာ မြေသားလမ်းများ၊ အမှိုက်ပုံ ကိစ္စရပ်များ၊ အမှိုက်ပုံနှင့် သုဿာန်နီးစပ်မှုများမရှိစေရန် စိုက်ပျိုးမြေနှင့် ယာမြေခွဲခြားရန်၊ ခရိုင်အုပ်ချုပ်ရေးမှူးမှ ဦးစီး၍ စာရင်းများ ကောက်ယူပြီး အမြန်ဆုံး စာရင်းများပြုစုပေးရန်၊ ဘဏ်နှင့်ချိတ်ဆက်ပြီး ကုမ္ပဏီအဖွဲ့များနှင့် ဆွေးနွေးမှုပြုလုပ်ရန်၊ ဝန်ထမ်းများ ပြည်သူများအတွက် တိုက်ခန်းများ ဝယ်ယူမှုတွင် သက်သာမှုရှိစေရန်နှင့် မြန်ဆန်မှုပြီးစီးနိုင်ရန်၊ ဌာနဆိုင်ရာများက လည်း ပူးပေါင်းပါဝင်ဆောင်ရွက်ရန် ဖြည့်ဆည်းပြောကြားသွားသည်။

၎င်းနောက် ပြည်နယ် ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် အေးသာယာ ပြည်သူ့အိမ်ယာ တည်ဆောက်မည့်မြေနေရာများ၊ လမ်းဖောက်လုပ်မည့်နေရာများသို့ လှည့်လည်ကြည့်ရှုကြပြီး၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် အားကစားနှင့် ကာယပညာဦးစီးဌာန၊ အားကစားနှင့် ကာယပညာသိပ္ပံကျောင်းသို့ ရောက်ရှိလာရာ အားကစားရုံသစ်၌ မြို့နယ် လျှပ်စစ်ဌာနမှ တာဝန်ရှိသူတစ်ဦးက အေးသာယာမြို့ရှိ အားကစားနှင့် ကာယပညာသိပ္ပံကျောင်းရှေ့ရှိ မြို့ကွက်သစ်၊ မြေကွက်သစ်နေရာတွင် ဓာတ်အားလိုင်းနှင့် ဓာတ်အားခွဲရုံများ တည်ဆောက်ထားရှိမှုနှင့် ပြီးစီးမှုတို့ကို ရှင်းလင်း၍ လည်းကောင်း၊ ပြည်သူ့ဆောက်လုပ်ရေးလုပ်ငန်းမှ တာဝန်ရှိသူများကလည်း ကျောက်လမ်း၊ တံတားများ ဆောင်ရွက်နေမှုတို့ကို ရှင်းလင်း၍ လည်းကောင်း၊ ကုမ္ပဏီတာဝန်ရှိသူမှ ဆောက်လုပ် ပြီးစီးလျက်ရှိသော အားကစားရုံများ၊ အိပ်ဆောင်များကို ရှင်းလင်းကြရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားပြီး၊ အားကစားနှင့် ကာယပညာသိပ္ပံကျောင်းတက်ရောက်မည့် ကျောင်းသား/ ကျောင်းသူများ၏ အိပ်ဆောင်ခန်းမများ၊ ရေချိုးခန်း၊ သန့်စင်ခန်းတို့ကို လှည့်လည်ကြည့်ရှုစစ်ဆေးကြကြောင်းသိရှိရသည်။

                                                                                                                                                                          မောင်မောင်သန်း(တောင်ကြီး)

 

ရှမ်းပြည်နယ် အာဟာရဖွံ့ဖြိုးရေး လှုပ်ရှားမှု ရက်သတ္တပတ်များ ဖွင့်ပွဲကျင်းပ

တောင်ကြီး   သြဂုတ်   ၁၂

614

   (၂၀၁၄)ခုနှစ် ရှမ်းပြည်နယ် အာဟာရဖွံ့ဖြိုးရေး လှုပ်ရှားမှု ရက်သတ္တပတ်များ ဖွင့်ပွဲ အခမ်းအနားကို သြဂုတ်(၁၂)ရက် နံနက်(၉)နာရီက တောင်ကြီးမြို့ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ လူမှုရေး အသင်းအဖွဲ့များ၊ သူနာပြုသင်တန်းကျောင်းမှ သင်တန်းသူများ၊ ကျန်းမားရေး ဝန်ထမ်းများ၊ ကိုယ်ဝန်ဆောင်မိခင်များ၊ (၅)နှစ်အောက် ကလေးငယ်များ တက်ရောက်ကြသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ ပြည်နယ် ကျန်းမားရေး ဦးစီးဌာနမှူး ဒေါက်တာသန်းထွဋ်ဦးမှ အာဟာရဖွံ့ဖြိုးရေး ရက်သတ္တပတ်များ လှုပ်ရှားမှုနှင့် ပတ်သက်၍ ရှင်းလင်းတင်ပြကာ အခမ်းအနားကို အောင်မြင်စွာရုပ်သိမ်းလိုက်သည်။

   ဆက်လက်၍ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် (၅)နှစ်အောက်ကလေးငယ်များအား ဗီတာမင်အေဆေးတိုက်ကျွေး၍ ကိုယ်ဝန်ဆောင်မိခင်များအား သံဓာတ်အားဆေး၊ B1အားဆေး၊ အိုင်အိုဒင်းဆားများ ဖြန့်ဝေနေမှုကို ကြည့်ရှုအားပေးကြပြီး၊ ရှမ်းပြည်နယ် မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့မှ အာဟာရဖွံ့ဖြိုးရေး ရက်သတ္တပတ် တန်ဖိုးနည်း အာဟာပြည့် အစားအစာပြုလုပ်နေမှုတို့ကို လှည့်လည် ကြည့်ရှုအားပေးကြကြောင်း သိရှိရသည်။

                                                                                                                                                                      မောင်မောင်သန်း(တောင်ကြီး)

 

ရှမ်းပြည်နယ်(တောင်ပိုင်း)၊ ကုန်သည်များနှင့် စက်မှုလက်မှုလုပ်ငန်းရှင်များအသင်းနှင့် ထိုင်းနိုင်ငံ မြောက်ပိုင်း(၄)ခရိုင် Chaing Rai, Phrae, Phayao, Nan ဒေသမှ အုပ်ချုပ်ရေးအဖွဲ့များနှင့် စီးပွားရေးလုပ်ငန်းရှင် ကုန်သည်များ ပူးပေါင်းကျင်းပသည့် ကုန်စည်ပြပွဲနှင့်

တောင်ကြီး   သြဂုတ်   ၁၅

617

   ရှမ်းပြည်နယ်(တောင်ပိုင်း) ကုန်သည်များနှင့် စက်မှုလက်မှုလုပ်ငန်းရှင်များ အသင်းနှင့် ညီနောင်အသင်းများနှင့် ထိုင်းနိုင်ငံမြောက်ပိုင်း(၄)ခရိုင် Chaing Rai, Phrae, Phayao, Nan ဒေသမှ အုပ်ချုပ်ရေးအဖွဲ့များနှင့် စီးပွားရေးလုပ်ငန်းရှင် ကုန်သည်များ ပူးပေါင်းကျင်းပသည့် ကုန်စည်ပြပွဲကို သြဂုတ်(၁၅)ရက် နံနက်(၈)နာရီခွဲက တောင်ကြီးမြို့ မြို့တော်ခန်းမ၌ ကျင်းပကြောင်း သိရှိရသည်။

   ကုန်စည်ပြပွဲနှင့် ဆွေးနွေးပွဲကို ရှမ်းပြည်နယ်(တောင်ပိုင်း) ကုန်စည်များနှင့် စက်မှုလက်မှု လုပ်ငန်းရှင်များ အသင်းဥက္ကဌ ဦးအောင်ဆန်းဝင်း၊ ဒုတိယ ဥက္ကဌ ဦးစိုင်းနောင့်၊ အတွင်းရေးမှူး ဦးသန်းမောင်၊ ဖယောင်း(ဝ်)ခရိုင်မှ လေတပ်ဗိုလ်ကြီး SUVICHA၊ ဖရဲ့ခရိုင်မှ ဒုတိယ ဝန်ကြီးချုပ် MR;THANARORN၊ ချိုင်းရိုင်း ခရိုင်မှ စည်ပင်သာယာရေးဌာန MR;CHALAEMPON တို့က အခမ်းအနားကို ဖဲကြိုးဖြတ်ဖွင့်လှစ်ပေးကြသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ် ဘဏ္ဍာရေးဝန်ကြီး ဦးခွန်သိန်းမောင်က အဖွင့်အမှာစကားပြောကြားပြီး၊ ထိုင်းနိုင်ငံမြောက်ပိုင်း(၄)ခရိုင် ကုန်သည် ကိုယ်စားလှယ် အဖွဲ့ ခေါင်းဆောင် ဖယောင်း(ဝ်)ခရိုင်မှ လေတပ်ဗိုလ်ကြီး SUVICHA မှ မိတ်ဆက်နှုတ်ခွန်း ဆက်သ၍လည်းကောင်း၊ ရှမ်းပြည်နယ်(တောင်ပိုင်း) ကုန်သည်များနှင့် စက်မှုလက်မှု လုပ်ငန်းရှင်များ အသင်းဥက္ကဌ ဦးအောင်ဆန်းဝင်းမှ ကြိုဆိုနှုတ်ခွန်းဆက်စကား ပြောကြားကြသည်။

   ထို့နောက် နှစ်နိုင်ငံကိုယ်စားလှယ်များမှ အချင်းချင်းအပြန်အလှန် မိတ်ဆက်ခြင်း၊ နှစ်နိုင်ငံကန်သည်များမှ  အထွေထွေဆွေးနွေးကြပြီး၊ နှစ်နိုင်ငံကုန်သည်များမှ နှစ်ဦးသဘောတူ နားလည်မှု စာချွန်လွှာ လက်မှတ်ရေးထိုးကြကာ အခမ်းအနားကို အောင်မြင်စွာ ရုပ်သိမ်းလိုက် ကြောင်း သိရှိရသည်။

   အဆိုပါ အခမ်းအနားကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများ၊ ပြည်နယ်ဥပဒေချုပ် ရှမ်းပြည်နယ် ပြည်သူ့လွှတ်တော်ကိုယ်စားလှယ်၊ ကုန်သည်များနှင့် စက်မှုလက်မှုလုပ်ငန်းရှင်များ၊ ထိုင်းနိုင်ငံမြောက်ပိုင်း(၄)ခရိုင်မှ တာဝန်ရှိသူများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့မှ ကြီးမှူး၍ ဝါခေါင်လပြည့်နေ့ မြို့လုံးကျွတ် ဆွမ်းဆန်စိမ်းလောင်း လှူပွဲ ကျင်းပ

တောင်ကြီး   သြဂုတ်   ၁၀

613

   ရှမ်းပြည်နယ်အစိုးရအဖွဲ့မှ ကြီးမှူး၍ ဝါခေါင်လပြည့်နေ့ သြဂုတ်(၁၀) ညနေ(၃)နာရီက တောင်ကြီးမြို့၌  မြို့လုံးကျွတ် ဆွမ်းဆန်စိမ်းလောင်းလှူပွဲ ကျင်းပခဲ့ကြောင်းသိရှိရသည်။ နေ့လည် (၁၂)နာရီခွဲက သံဃာတော်အပါး(၁၃၇၆)ပါးသည် တောင်ကြီးမြို့ တောင်ကျောင်းကြီးပရိယတ္တိ စာသင်တိုက်မှ စတင်ကာ အနောက်မြို့ပတ်လမ်းတလျှောက်အတိုင်းကြွချီလာရာ အလှူရှင်များက ဆွမ်းဆန်စိမ်းများ လှူဖွယ်ဝတ္ထုပစ္စည်းများ လောင်းလှူကြပြီး မင်းကျောင်းပရိယတ္တိ စာသင်တိုက် ကျောင်း၌ ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် အေးဝင်း၊ ပြည်နယ် ဝန်ကြီးများ၊ တိုင်းစစ်ဌာနချုပ်မှ ဦးစီးအရာရှိကြီးများ၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ လူမှုရေး အသင်းအဖွဲ့များ၊ ဒေသခံရပ်ကွက်နေ ပြည်သူများ၊ အလှူရှင်များက သံဃာတော်များကို ဆွမ်းဆန်စိမ်း၊ လှူဖွယ်ဝတ္ထု ပစ္စည်းများကို ဆက်ကပ်လောင်းလှူကြသည်။

   ဆက်လက်၍ မင်းကျောင်း ပရိယတ္တိစာသင်တိုက် ဓမ္မာရုံတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် အေးဝင်း၊ ပြည်နယ် ဝန်ကြီးများ၊ တိုင်းစစ်ဌာနချုပ်မှ ဦးစီးအရာရှိကြီးများ၊ ပြည်နယ်/ ခရိုင်/ မြို့နယ် အဆင့် ဌာနဆိုင်ရာများ၊ ဧည့်ပရိတ်သတ်များ၊ ဆရာတော်သံဃာတော်များတို့က အခမ်းအနားကို နမောတဿ(၃)ကြိမ် ဘုရားကန်တော့၍ ဖွင့်လှစ်ပြီး၊ နိုင်ငံတော် သြဝါဒါစရိယ (အဂ္ဂမဟာ ပဏ္ဍိတ၊ မဟာကမ္မဌာန စရိယ) စွန်းလွန်းဂူ ကမ္မဌာန်းကျောင်းတိုက်ဆရာတော် ဘဒ္ဒန္တအဂ္ဂဓမ္မာဘိဝံသ ထံမှ ကိုးပါးသီလခံယူဆောက်တည်ကြသည်။

   ထို့နောက် ဆရာတော် သံဃာတော်အရှင်သူမြတ်တို့က မေတ္တာသုတ်ပရိတ်တရားတော်မြတ်ကို ရွတ်ပွားသရဇ္စျာယ်ချီးမြှင့်ပေးကြပြီး၊ ဆရာတော် သံဃာတော် အရှင်သူမြတ်တို့အား ပြည်နယ် ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း တိုင်းမှူး၊  ပြည်နယ်ဝန်ကြီးများနှင့် တာဝန်ရှိသူတို့က လှူဖွယ်ဝတ္ထုပစ္စည်းများ ဆက်ကပ်လှူဒါန်းပေးကြသည်။

   ၎င်းနောက် ပြည်နယ် သံဃာနာယက အဖွဲ့ဥက္ကဌ(အဂ္ဂမဟာပဏ္ဍိတ) ဥတ္တရာရုံ ပရိယတ္တိ စာသင်တိုက် ဆရာတော် ဘဒ္ဒန္တပညာသီရိက ကုသိုလ်အဖို့ဘာဂကို ရေစက်သွန်းချ အမျှပေးဝေတော်မူ ပြီး အခမ်းအနားကို ဗုဒ္ဓသာသနံစိရံတိဌတု(၃)ကြိမ် ရွတ်ဆို၍ ရုပ်သိမ်းလိုက်ကြောင်း သိရသည်။

   ရှမ်းပြည်နယ်အစိုးရအဖွဲ့မှ ကြီးမှူး၍ ဝါခေါင်လပြည့်နေ့ မြို့လုံးကျွတ် ဆွမ်းဆန်စိမ်း လောင်းလှူပွဲတွင် တောင်ကြီးမြို့ပေါ်ရှိ ကျောင်းပေါင်း(၈၉)ကျောင်းနှင့် သံဃာအပါးပေါင်း (၁၃၇၆)ပါး၊ မြို့ပေါ်ရပ်ကွက်များ၊ ဌာနဆိုင်ရာများ ပြည်နယ်/ ခရိုင်/ မြို့နယ်တို့မှ ဆန်အိတ် စုစုပေါင်း(၁၅၉၅)အိတ်နှင့် တန်ဖိုးငွေကျပ်သိန်း(၃၁၇, ၅ဝဝဝဝိ/-) ကျပ်ဖြစ်ကြောင်း သိရှိရသည်။

                                                                                                                                                                           မောင်မောင်သန်း(တောင်ကြီး)

 

တောင်ကြီးတက္ကသိုလ်(၂၂)ကြိမ်မြောက် တက္ကသိုလ်နှစ်ပတ်လည်နေ့ စည်ကားသိုက်မြိုက်စွာ ကျင်းပ

တောင်ကြီး သြဂုတ် - ၁၇

626

   ရှမ်းပြည်နယ်တောင်ကြီးတက္ကသိုလ်(၂၂)ကြိမ်မြောက် တက္ကသိုလ်နှစ်ပတ်လည်နေ့ကို သြဂုတ် ၁၅ရက်နေ့နံနက်(၈)နာရီခွဲက တောင်ကြီးတက္ကသိုလ်ဘက်စုံခန်းမရှေ့၌ ကျင်းပရာ ရှမ်းပြည်နယ် စာရင်းစစ်ချုပ် ဦးသိန်းမြင့်၊ ရှမ်းပြည်နယ်တရားလွှတ်တော်တရားသူကြီး ဦးခင်မောင်ဌေးနှင့် တောင်ကြီးတက္ကသိုလ်ပါမောက္ခချုပ် ဒေါက်တာမူမူမြင့်တို့က ဖဲကြိုးဖြတ်ဖွင့်လှစ်ပေးကြကြောင်း သိရှိရသည်။

   အခမ်းအနားတွင် တိုင်းရင်းသားမောင်မယ်များခြံရံလျက်''စည်းလုံးခြင်းသည်အင်အား'' သီချင်းဖြင့် တက္ကသိုလ်ကျောင်းသား/ ကျောင်းသူလေးများက သီဆိုကပြဖျော်ဖြေကြပြီး၊ တောင်ကြီး တက္ကသိုလ်တွင် ဘက်စုံထူးချွန်ကြသော ဆရာ/ဆရာမဝန်ထမ်းနှင့် ကျောင်းသားတို့ကို လည်းကောင်း၊ တက္ကသိုလ်ဝင်တန်းတွင် ထူးချွန်စွာအောင်မြင်ခဲ့ကြသော တက္ကသိုလ်ဆရာ၊ ဆရာမ၊ ဝန်ထမ်းများ၏ သား/သမီးများကိုလည်းကောင်း ထူးချွန်ဆုများ ချီးမြှင့်ကြကြောင်းသိရသည်။ ဆက်လက်၍'' စိမ်းလန်းစိုပြေတက္ကသိုလ်မြေဘက်စုံပညာညွန့်ဖူးဝေ'' ဟူသော ဦးတည်ချက်ဖြင့် အထူးပြုဘာသာရပ်ပေါင်းစုံပါသော သုတေသနစာတမ်းဖတ်ပွဲကိုလည်း ကျင်းပကြောင်းသိရသည်။

   ဒုတိယနေ့တွင် တောင်ကြီးတက္ကသိုလ်ဘက်စုံခန်းမ၌ ကာယကြံ့ခိုင်မှုအားကစား ပြိင်ပွဲအဖြစ် အမျိုးသားကာယဗလမောင်ပြိုင်ပွဲနှင့် အမျိုးသမီးကာယအလှမယ်ပြိုင်ပွဲများ ကျင်းပ၍ တတိယနေ့ တွင် တောင်ကြီးတက္ကသိုလ်ဘာသာရပ်ဌာနများ၊ ရုံးဌာနများ၊ တိုင်းရင်းသားစာပေနှင့်ယဉ်ကျေးမှု အဖွဲ့များ ဖွင့်လှစ်ရောင်းချသော စျေးရောင်းပွဲတော်ကိုလည်း တောင်ကြီးတက္ကသိုလ် ပါမောက္ခချုပ်မှ ဖဲကြိုးဖြတ်ဖွင့်လှစ်ပေးပြီး၊ စျေးဆိုင်များသို့ လှည့်လည်ကြည့်ရှု အားပေးကြကြောင်း သိရသည်။

   ထို့နောက် တောင်ကြီးတက္ကသိုလ်ကျောင်းသူလေးများ၏ ''ရိုးရာဝတ်စားဆင်ယင်မှုပြိုင်ပွဲ'' ကိုဆက်လက်ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့်စက်မှုလက်မှုဝန်ကြီးနှင့် ဇနီး၊ ပြည်နယ်စည်ပင်သာယာရေးဝန်ကြီးနှင့်ဇနီး၊ ရှမ်းပြည်နယ်အမျိုးသမီးရေးရာ ဥက္ကဋ္ဌနှင့် အဖွဲ့ဝင်များ၊ အခြေခံပညာအထက်တန်းကျောင်းများမှ ဆရာ/ဆရာမများနှင့် ကျောင်းသား/ ကျောင်းသူများ တက်ရောက်အားပေးကြကြောင်း သိရှိရသည်။

   အဆိုပါတောင်ကြီး တက္ကသိုလ်(၂၂)ကြိမ်မြောက် တက္ကသိုလ်နှစ်ပတ်လည်နေ့အထိမ်းအမှတ် ပွဲများ ကို(၁၅-၈-၂၀၁၄)ထိ (၃)ရက်တိုင် စည်ကားသိုက်မြိုက်စွာ ကျင်းပကြောင်း သိရှိရသည်။

                                                                                                                                                              မောင်မောင်သန်း(တောင်ကြီး)

 

ရှမ်းပြည်နယ်အထွေထွေအုပ်ချုပ်ရေးဦးစီးဌာနရုံး၌ အန္တရာယ်ကင်း ပရိတ်တရားတော် နာယူ၍ ဆရာတော်ကြီး(၉)ပါးအား နေ့ဆွမ်း ဆက်ကပ်

တောင်ကြီး   သြဂုတ်   ၈

612

   ရှမ်းပြည်နယ် အထွေထွေအုပ်ချုပ်ရေးဦးစီးဌာန၊ အန္တရာယ်ကင်း ပရိတ်တရားတော် နာယူ၍ ဆရာတော်ကြီး(၉)ပါးအား နေ့ဆွမ်း ဆက်ကပ် လှူဒါန်းပွဲကို သြဂုတ်(၈)ရက် နံနက်(၁၀)နာရီက တောင်ကြီးမြို့၊ ရှမ်းပြည်နယ် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမ၌ ကျင်းပရာ ရှမ်းပြည်နယ် အထွေထွေအုပ်ချုပ်ရေး ဦးစီးဌာန ပြည်နယ် ညွှန်ကြားရေးမှူး၊ ဒုတိယ ညွှန်ကြားရေးမှူး၊ လက်ထောက်ညွှန်ကြားရေးမှူးနှင့် တာဝန်ရှိသူများ၊ ပြည်နယ်အဆင့် ဌာနဆိုင်ရာများ၊ ပြည်နယ်/ ခရိုင်/ မြို့နယ် အထွေထွေ အုပ်ချုပ်ရေးဦးစီးဌာနမှ ဝန်ထမ်းများ၊ ဆရာတော် သံဃာတော်များ တက်ရောက်ကြသည်။

   ပထမဦးစွာ အခမ်းအနားကို နမောတဿ(၃)ကြိမ် ရွတ်ဆို ဘုရားကန်တော့၍ ဖွင့်လှစ်ပြီး နိုင်ငံတော် သြဝါဒါ စရိယ(အဂ္ဂမဟာပဏ္ဍိတ၊ မဟာကမ္မဌာနာ စရိယ) စွန်းလွန်းဂူ ကမ္မဌာန်း ကျောင်းတိုက် ဆရာတော် ဘဒ္ဒန္တအဂ္ဂဓမ္မာဘိဝံသ ထံမှ ငါးပါးသီလခံယူ ဆောက်တည်ကြသည်။

   ဆက်လက်၍ ဆရာတော် သံဃာတော် အရှင်သူမြတ်တို့က မေတ္တာသုတ် ပရိတ်တရားတော်မြတ်ကို ရွတ်ပွားသရဇ္စျာယ် ချီးမြင့်ပေးကြပြီး၊ ဆရာတော် သံဃာတော် အရှင်သူမြတ်တို့အား အထွေထွေအုပ်ချုပ်ရေး ဦးစီးဌာနမှ ပြည်နယ် ညွှန်ကြားရေးမှူး၊ ဒုတိယညွှန်ကြားရေးမှူး၊ လက်ထောက်ညွှန်ကြားရေးမှူးနှင့် တာဝန်ရှိသူများ၊ ပြည်နယ်အဆင့် ဌာနဆိုင်ရာများ နှင့် တာဝန်ရှိသူတို့က  လှူဖွယ်ဝတ္ထုပစ္စည်းများ ဆက်ကပ်လှူဒါန်း ပေးကြသည်။  

   ထို့နောက် ပြည်နယ် သံဃာနာယက ဥက္ကဌ(အဂ္ဂမဟာပဏ္ဍိတ) ဥတ္တရာရုံ ပရိယတ္တိ စာသင်တိုက် ဆရာတော် ဘဒ္ဒန္တပညာသီရိက ကုသိုလ်အဖို့ဘာဂကို ရေစက်သွန်းချ အမျှပေးဝေးကာ အခမ်းအနားကို ဗုဒ္ဓသာသနံစိရံတိဌတု(၃)ကြိမ် ရွတ်ဆိုပြီး၊ အထွေထွေအုပ်ချုပ်ရေး ဦးစီးဌာနမှ ပြည်နယ် ညွှန်ကြားရေးမှူး၊ ဒုတိယ ညွှန်ကြားရေးမှူး၊ လက်ထောက်ညွှန်ကြားရေးမှူးတို့က ဆရာတော် သံဃာတော်များအား နေ့ဆွမ်း ဆက်ကပ် လှူဒါန်း ပေးကြကြောင်း သိရှိရသည်။

                                                                                                                                                                       မောင်မောင်သန်း(တောင်ကြီး)

 

ပြည်နယ်ဝန်ကြီးချုပ် အထက်ပေါင်းလောင်းရေအားလျှပ်စစ်စီမံကိန်း ရေဝပ်ဧရိယာ သို့ လှည့်လည်ကြည့်ရှုစစ်ဆေး

တောင်ကြီး      သြဂုတ်(၁၃)

616

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်အစိုးရအဖွဲ့ဝင်ဝန်ကြီးများ၊ ပအိုဝ်း ကိုယ်ပိုင်အုပ်ချုပ်ခွင့်ရဒေသတိုင်းဦးစီးအဖွဲ့ ဥက္ကဌနှင့် အဖွဲ့ဝင်များ၊ ပြည်နယ်အဆင့်ဌာနဆိုင်ရာများနှင့် တာဝန်ရှိသူများ လိုက်ပါလျှက် သြဂုတ်(၁၃)ရက်နေ့ (၁၂၀၀)အချိန်တွင် ရှမ်းပြည်နယ်၊ ပင်လောင်းမြို့နယ်ရှိ လျှပ်စစ်စွမ်းအားဝန်ကြီးဌာန၊ ရေအားလျှပ်စစ်အကောင်အထည်ဖော်ရေးဦးစီးဌာန၊ အထက်ပေါင်းလောင်းရေအား လျှပ်စစ်စီမံကိန်း ရှင်းလင်းဆောင်သို့ရောက်ရှိလာရာ  လျှပ်စစ်အကောင်အထည်ဖော်ရေးဦးစီးဌာန အမှတ်(၁) တည်ဆောက်ရေး၊ ညွှန်ကြားရေးမှူး ဦးအောင်ဇော်မင်းက ပေါင်းလောင်းရေအားလျှပ်စစ်ထုတ်လုပ်မည့် စီမံကိန်းဧရိယာ အတွင်းကျရောက်သော ကျေးရွာ(၂၃)ရွာနှင့်ပြောင်းရွှေ့လာသော ကျေးရွာများအတွက်  မြေနေရာချထားမှုနှင့် စိုက်ပျိုး မြေနေရာရရှိရေးကိစ္စရပ်များ၊ ပြောင်းရွှေ့လာသောရွာများအတွက် ပညာရေးအတွက်စာသင်ကျောင်းများဆောက်လုပ် ထားမှုအခြေအနေ၊ ကျန်းမာရေးအတွက် ဆေးပေးခန်းများဆောက်လုပ်ထားမှုအခြေအနေ၊ လျှပ်စစ်မီးသွယ်တန်း ထားမှုအခြေအနေ၊ လမ်းများဖောက်လုပ်ထားမှုအခြေအနေ၊ ပြောင်းရွှေ့ရောက်ရှိလာသော ကျေးရွာများအတွက် ထောက်ပံ့ကြေးငွေပေးအပ်ထားမှုအခြေအနေနှင့် စီမံကိန်းလုပ်ငန်းတစ်ခုလုံး၏ဆောင်ရွက်ပြီးစီးမှုအခြေအနေများကို အသေးစိတ်ရှင်းလင်းတင်ပြပါသည်။

   ဆက်လက်၍ ပြည်နယ်ဝန်ကြီးချုပ်မှ စုစည်းထားသောကျေးရွာများကို မြို့အဆင့်သို့တိုးမြှင့်ပြီး အုပ်ချုပ်ရေးနှင့် လုံခြုံရေးကိစ္စရပ်များအတွက် မြေနေရာချထားမှုနှင့် မြို့မြေအဖြစ်သတ်မှတ်ရေးတို့ကိုဆွေးနွေးပါသည်။ ပြည်နယ်ဝန်ကြီးချုပ်နှင့်အတူ လိုက်ပါလာသော ပြည်နယ်စိုက်ပျိုးရေးနှင့်မွေးမြူရေးဝန်ကြီး၊ ပြည်နယ်စည်ပင်သာယာ ရေးဝန်ကြီး၊ ပအိုဝ်းကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် ပြည်နယ်အဆင့်ဌာနဆိုင်ရာများမှ ပံ့ပိုးဖြည့်ဆည်းပေးရမည့် ကိစ္စရပ်များကို ဆွေးနွေးတင်ပြခဲ့ကြပါသည်။ ပြည်နယ်ဝန်ကြီးချုပ် ဦးစဝ်အောင်မြတ်မှ စုစည်းထားသော ကျေးရွာများအတွက် ဆောင်ရွက်ရမည့်ကိစ္စရပ်များနှင့်ပံ့ပိုးဖြည့်ဆည်းပေးရမည့်ကိစ္စရပ်များကို လမ်းညွှန်မှာကြားပြီး (၁၃:၃၀)အချိန်တွင် ရှင်းလင်းဆောင်မှ တောင်ကြီးမြို့သို့ ပြန်လည်ထွက်ခွာသွားခဲ့ကြောင်း သိရှိရသည်။

(၂၀၁၄-၂၀၁၅)ခု ဘဏ္ဍာရေးနှစ် ငွေလုံးငွေရင်းလုပ်ငန်းများ တင်ဒါဖွင့်ပွဲ ကျင်းပ

တောင်ကြီး   သြဂုတ်   ၇

609

   ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန (၂၀၁၄-၂၀၁၅)ခုဘဏ္ဍာရေးနှစ် ငွေလုံးငွေရင်းလုပ်ငန်းများ တင်ဒါဖွင့်ပွဲကို သြဂုတ်(၇)ရက် နံနက်(၉)နာရီခွဲက တောင်ကြီးမြို့ မြို့တော်ခန်းမ၌ ကျင်းပကြောင်း သိရသည်။ 

   ကျေးလက်ဒေသဖွံ့ဖြိုးတိုးတက်ရေး၊ ရေ/ မီး/ လမ်း/ တံတား ရရှိရေးနှင့် ကောင်းမွန်စေရေး တို့အတွက် တိုင်းရင်းသားလူမျိုးများ ဖွံ့ဖြိုးတိုးတက်ရေးနှင့်လူနေမှုဘဝ မြှင့်မားရေးအတွက် ကုမ္ပဏီများအနေဖြင့် ပူးပေါင်းပါဝင်ဆောင်ရွက်ပေးကြရန် အခမ်းအနားတွင် ရှမ်းပြည်နယ် အစိုးရအဖွဲ့ ပြည်နယ် စိုက်ပျိုးရေးနှင့်မွေးမြူရေး ဝန်ကြီး ဦးစိုင်းဆာလူက အဖွင့်အမှာစကား၌ ပြောကြားသွားသည်။ 

   ဆက်လက်၍ ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ပြည်နယ် ဦးစီးမှူး ညွှန်ကြားရေးမှူး ဦးမောင်မောင်ဝင်းမှ (၂၀၁၄-၂၀၁၅)ခု ဘဏ္ဍာရေးနှစ် ငွေလုံးငွေရင်း လုပ်ငန်းများ တင်ဒါဖွင့်ပွဲကိစ္စရပ်များနှင့်ပက်သတ်သည်များကို ရှင်းလင်းပြီး၊ တင်ဒါတင်သွင်းသော ကုမ္ပဏီများ၏ တင်သွင်းငွေ ပမာဏများအား ဖွင့်ဖောက်စိစစ် မှတ်တမ်းတင်၍ ပြည်နယ် စိုက်ပျိုးရေးနှင့် မွေးမြူရေး ဝန်ကြီး ဦးစိုင်းဆာလူက နိဂုံးချုပ်အမှာစကားပြောကြားက အခမ်းအနားကို ရုပ်သိမ်းလိုက်ကြောင်း သိရှိရသည်။

   ထို့နောက် တင်ဒါဖွင့်ပွဲသို့ ရှမ်းပြည်နယ်အစိုးရအဖွဲ့ ပြည်နယ် စိုက်ပျိုးရေးနှင့် မွေးမြူရေး ဝန်ကြီး၊ တင်ဒါရွေးချယ် ကော်မတီများ၊ ကုမ္ပဏီလုပ်ငန်းရှင်များ တက်ရောက်ကြပြီး၊ တင်ဒါ ဖွင့်ပွဲတွင် ရေ/ မီး/ လမ်း/ တံတား လုပ်ငန်းကိစ္စရပ်များ အဓိကရွေးချယ်သွားမည်ဖြစ်ကြောင်း သိရသည်။

                                                                                                                                                                       မောင်မောင်သန်း(တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၉/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၀/၂၀၁၄)ကျင်းပ

တောင်ကြီး   သြဂုတ်   ၁၂

615

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၉/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၀/၂၀၁၄) နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၉/၂၀၁၄) အခမ်းအနားကို သြဂုတ်(၁၂)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့၊ အစည်းအဝေး ခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားသည်။

   ဆက်လက်၍ အစည်းအဝေး ဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေးကော်မတီ အစည်းအဝေး အမှတ်စဉ် (၉/၂၀၁၄)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၁၀/၂၀၁၄) တင်ပြချက်များ မြေလွတ်၊ မြေလပ် နှင့် မြေရိုင်း များစီမံခန့်ခွဲရေးလုပ်ငန်း အဖွဲ့အစည်းအဝေး အမှတ်စဉ် (၉/၂၀၁၄) တင်ပြချက်များအား ဆွေးနွေး ဆုံးဖြတ်ကြသည်။

   ထို့နောက် အခမ်းအနားသို့ တက်ရောက်လာသော၊ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ များမှ တာဝန်ရှိသူများ၊ တိုင်းစစ်ဌာနချုပ်မှ ဦးစီးအရာရှိကြီးများ၊ ရှမ်းပြည်နယ်အစိုးအရအဖွဲ့ ပြည်နယ် စိုက်ပျိုးရေး နှင့် မွေးမြူရေး ဝန်ကြီး နှင့် ပြည်နယ်အဆင့်ဌာနဆိုင်ရာ တာဝန်ရှိသူတို့က အထွေထွေ ဆွေးနွေးတင်ပြကြ သည်။

   ယင်းနောက် ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေး ဝန်ကြီး၊ ပြည်နယ်ဥပဒေချုပ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ မှ တာဝန်ရှိသူများ၊ ပြည်နယ်အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိ ကြီးများ၊ ပြည်နယ် အဆင့်ဌာနဆိုင်ရာ တာဝန်ရှိသူများ တက်ရောက်ကြကြောင်း သတင်းရရှိသည်။

                                                                                                     မောင်မောင်သန်း(တောင်ကြီး)

 

(၂၀၁၃-၂၀၁၄)ပညာသင်နှစ် ထူးချွန်စွာအောင်မြင်ခဲ့သော ကျောင်းသား/သူများအား ဂုဏ်ပြု ချီးမြှင့်ခြင်းနှင့် သဘာဝဘေးရေကြီးနစ်မြှပ်ခြင်းအတွက် အလှူငွေများ ထောက်ပံ့ပေးအပ်

ကွမ်းလုံ   သြဂုတ်   ၅

611

   ရှမ်းပြည်နယ်(လားရှိုးဒေသ) ကွမ်းလုံမြို့နယ်ရှိ (၂၀၁၃-၂၀၁၄)ပညာသင်နှစ် တက္ကသိုလ်ဝင် စာပေးပွဲတွင် ထူးချွန်စွာအောင်မြင်ခဲ့သော ကျောင်းသား/ ကျောင်းသူများအား ဂုဏ်ပြုချီးမြှင့်ခြင်း အခမ်းအနားကို သြဂုတ်(၅)ရက် နံနက်(၉)နာရီက ကွမ်းလုံမြို့ သံလွင်ဦးခန်းမ၌ ကျင်းပသည်။

   ရှမ်းပြည်နယ်(လားရှိုးဒေသ) ကွမ်းလုံမြို့နယ်ရှိ (၂၀၁၃-၂၀၁၄)ပညာသင်နှစ်၊ တက္ကသိုလ်ဝင် စာမေးပွဲတွင် ထူးချွန်စွာအောင်မြင်ခဲ့သော (၂)ဘာသာ ဂုဏ်ထူးရှင်(၂)ဦးအား ဆုငွေကျပ် (၂)သိန်းစီ၊ (၁)ဘာသာ ဂုဏ်ထူးရှင်(၂)ဦးအား ဆုငွေကျပ်(၁)သိန်းစီနှင့် တက္ကသိုလ်ဝင် စာမေးပွဲအောင်မြင်ခဲ့ကြ သော ကျောင်းသား/ကျောင်းသူ(၂၁)ဦးအား ငွေကျပ်(၅)သောင်းစီ၊ မြို့နယ်အဆင့် သင်္ချာစာ စွမ်းရည်ပြိုင်ပွဲ၊ အင်္ဂလိပ်စာ စွမ်းရည်ပြိုင်ပွဲတို့တွင် ဆုရရှိသူများနှင့် ပြည်နယ်အဆင့် အင်္ဂလိပ်စာ စွမ်းရည်ပြိုင်ပွဲတွင် ဆုရရှိသူများအား ရှမ်းပြည်နယ် အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းက ဂုဏ်ပြုဆုများ ချီးမြှင့်ပေးခဲ့သည်။ ဆက်လက်၍ ပြည်နယ်လူမှုရေး ဝန်ကြီးသည် ကွမ်းလုံမြို့နယ် ပြည်သူ့ဆေးရုံတွင် ဖွင့်လှစ်သော အရံသားဖွားသင်တန်း (၁/၂၀၁၄) ဖွင့်ပွဲအခမ်းအနားသို့ တက်ရောက်၍ အဖွင့်အမှာစကား ပြောကြားပေးခဲ့ကြောင်း သိရှိရသည်။

   ထို့နောက် မွန်းလွဲ(၁)နာရီက ကွမ်းလုံမြို့၊ သံလွင်ဦးခန်းမ၌ ကွမ်းလုံမြို့နယ်နှင့် ဟိုပန်မြို့နယ် အတွင်း  သံလွင်မြစ်ရေနှင့် ချောင်းရေများလျှံတက်ခြင်း၊ တောင်ကျရေများ စီးဆင်းခြင်းတို့ကြောင့် ကွမ်းလုံမြို့နယ်အတွင်း မိုးသီးနှံများပျက်စီးခြင်း၊ အဆောက်အဦများ ပြိုကျပျက်စီးဆုံးရှုံးခြင်း တို့အတွက် မိုးသီးနှံ ရေကြီးနစ်မြှပ်ပျက်စီးသည့် (၃၁၄)ဧကအတွက် (၁)ဧက ငွေကျပ်(၁)သောင်း နှုန်းဖြင့် ငွေကျပ်(၃၁.၄)သိန်း၊ မြေပြိုခြင်းကြောင့် ထိုက်သင့်သော ဆုံးရှုံးမှုခံစားရသည့် အိမ်ထောင်စု(၆)စုအတွက် တစ်အိမ်ထောင်လျှင် ငွေကျပ်(၃)သောင်းနှုန်းဖြင့် ငွေကျပ်(၁.၈)သိန်း၊ စုစုပေါင်းငွေကျပ်(၃၃.၂)သိန်း၊ ဟိုပန်မြို့နယ်ရှိ မိုးသီးနှံရေကြီးနစ်မြှပ်ပျက်စီးသည့် (၄၂၂)ဧက အတွက် (၁)ဧကလျှင် ငွေကျပ်(၁)သောင်းနှုန်းဖြင့် ငွေကျပ်(၄၂.၂)သိန်းနှင့် ဟိုပန်မြို့နယ် ရေဘေးသင့်အိမ်ထောင်စု (၁၀၂)အိမ်ထောင်စုအတွက် (၁)အိမ်ထောင်လျှင် ငွေကျပ်(၃)သောင်းနှုန်း ဖြင့် ငွေကျပ်(၃၀.၆)သိန်း၊ ရေဘေးသင့်အိမ်ထောင်စုများအသုံးပြုရန် ဆန်၊ ဆီ၊ ဆား၊ ပဲ စသည့် စားသောက်ကုန်များ တန်ဖိုးငွေကျပ်(၁၄.၇၁)သိန်းကို ရှမ်းပြည်နယ်အစိုးရအဖွဲ့ ကိုယ်စား ပြည်နယ် လူမှုရေးဝန်ကြီး ဒေါက်တာမျိုးထွန်းမှ ထောက်ပံ့ပေးအပ်ခဲ့ပြီး၊ ကွမ်းလုံမြို့နယ်နှင့် ဟိုပန်မြို့နယ် (၂)မြို့နယ်အတွက် ရှမ်းပြည်နယ်အစိုးရအဖွဲ့မှ စုစုပေါင်းထောက်ပံ့ငွေမှာ (၁၂၀.၇၁)သိန်း ဖြစ်ကြောင်းသိရှိရသည်။

                                                                                                                                                                     မောင်မောင်သန်း(တောင်ကြီး)

 

More Articles...

  1. တောင်သူလယ်သမား၊ အလုပ်သမား၊ လူငယ်ဖိုရမ် (၂၀၁၄)ခုနှစ် အောင်မြင်ပြီးမြောက်ခြင်း ကျင်းပ
  2. ရှမ်းပြည်နယ် တောင်ပိုင်း ပြည်ထောင်စု ကြံခိုင်ရေးနှင့် ဖွံ့ဖြိုးရေးပါတီမှ တောင်သူလယ်သမား၊ အလုပ်သမား၊ လူငယ်ဖိုရမ် (၂၀၁၄) ဖွင့်ပွဲကျင်းပ
  3. ရှမ်းပြည်နယ်အစိုးရအဖွဲ့ရုံး၌ အန္တရာယ်ကင်း ပရိတ်တရားတော် နာယူ၍ ဆရာတော်ကြီး(၉)ပါးအား နေ့ဆွမ်း ဆက်ကပ်
  4. စိုက်ပျိုးရေး ဦးစီးဌာန၊ စက်မှုသီးနှံ ဖွံ့ဖြိုးရေး ဦးစီးဌာနနှင့် မြန်မာ့လယ်ယာ ဖွံ့ဖြိုးရေးဘဏ်တို့၏ (၂၀၁၄-၂၀၁၅) ခုနှစ် ပထမ(၆)လပတ် လုပ်ငန်းညှိုနှိုင်းအစည်းအဝေးကျင်းပ
  5. အင်းလေးဒေသ ဟိုတယ်ဇုန် ဖွံ့ဖြိုးတိုးတက်ရေး ဦးစီးကော်မတီမှ ယာယီမြေပေးမိန့်နှင့် အသိအမှတ်ပြုလွှာပေးအပ်
  6. အာဟာရ ဖွံ့ဖြိုးရေး နှင့်"မိခင်နို့တိုက်ကျွေးရေး ရက်သတ္တပတ်" ကျန်းမားရေး အသိပညာပေး ဟောပြောပွဲ ကျင်းပ
  7. နိုင်ငံတော်၏ ပြုပြင်ပြောင်းလဲမှု လုပ်ငန်းစဉ် တတိယအဆင့် အရှိန်မြင့်တင်မှု ဆွေးနွေးပွဲ ကျင်းပ
  8. ရေစီးရေလာကောင်းမွန်ရေးအတွက် မင်္ဂလာလမ်း ရေမြောင်း ကျောက်ရိုးစီး
  9. ဒေသန္တရ အုပ်ချုပ်ရေးလေ့လာမှုလုပ်ငန်း အလုပ်ရုံ ဆွေးနွေးပွဲ ကျင်းပ
  10. ရှမ်းပြည်နယ် စည်ပင်သာယာရေးကော်မတီ လုပ်ငန်းညှိနှိုင်းအစည်းအဝေး အမှတ်စဉ်(၁၃/၂၀၁၄) ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-sar ရှမ်းပြည်နယ်(တောင်ပိုင်း) မိုးနဲ၊ လင်းခေး၊ မောက်မယ်၊ မိုင်းပန်မြို့နယ်များတွင် အများဆုံး နေထိုင်ကြသည်။

We have 87 guests and no members online