သတင်းများ

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၁/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၂/၂၀၁၄)နှင့် မြေလွတ်၊ မြေလပ်နှင့် မြေရိုင်းများစီမံခန့်ခွဲရေးလုပ်ငန်းအဖွဲ့ အစည်းအဝေးအမှတ်စဉ် (၁၁/၂၀၁၄)ကျင်းပ

တောင်ကြီး အောက်တိုဘာ - ၁၃

681

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၁/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၂/၂၀၁၄)နှင့် မြေလွတ်၊ မြေလပ်နှင့် မြေရိုင်းများစီမံခန့်ခွဲရေးလုပ်ငန်းအဖွဲ့ အစည်းအဝေးအမှတ်စဉ် (၁၁/၂၀၁၄) အခမ်းအနားကို အောက်တိုဘာ(၁၃)ရက် နံနက်(၈)နာရီခွဲက တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်မြေအသုံးချမှု စီမံခန့်ခွဲရေးကော်မတီ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့၊ ရှမ်းပြည်နယ်မြေလွတ်၊ မြေလပ်နှင့် မြေရိုင်းများစီမံခန့်ခွဲရေးအဖွဲ့ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားသည်။

680

   ဆက်လက်၍ အစည်းအဝေးဆုံးဖြတ်ချက်များ ဖတ်ကြားအတည်ပြုပြီး၊ ပြည်နယ်ဝန်ကြီးချုပ်သည် တောင်ကြီးမြို့၊ မြို့တော်ခန်းမ၌ ကျင်းပသော အပြည်ပြည်ဆိုင်ရာ သဘာဝဘေး လျော့ပါးရေးနေ့ အခမ်းအနားသို့တက်ရောက်၍ အဖွင့် အမှာစကားပြောကြားရာတွင်  သဘာဝဘေးအန္တရာယ် စီမံခန့်ခွဲမှု လုပ်ငန်းကို ဖွံ့ဖြိုးတိုးတက်ရေးလုပ်ငန်းစဉ်များတွင် တစ်သားတည်းပေါင်းစပ်ထည့်တွင် ဆောင်ရွက်ရေးကို ကမ္ဘာ့နိုင်ငံအသီးသီးတွင် ကျယ်ကျယ်ပြန့်ပြန့် ဆောင်ရွက်နေကြသည့် နည်းတူ မြန်မာနိုင်ငံသည်လည်း သဘာဝဘေးလျော့ပါရေး လုပ်ငန်းစီမံချက်ရေးဆွဲပြီး အမျိုးသား သဘာဝဘေး ကာကွယ် စောင့်ရှောက်ရေးဗဟိုကော်မတီ၊ လုပ်ငန်းကော်မတီနှင့် ဆပ်ကော်မတီများ ဖွဲ့စည်းဆောင်ရွက်လျှက်ရှိကြောင်း၊ ပြည်နယ်နှင့် တိုင်းဒေသကြီး အသီးသီးတွင် ဦးစီးကော်မတီ၊ လုပ်ငန်းကော်မတီနှင့် ဆပ်ကော်မတီအသီးသီးဖွဲ့စည်းပြီး၊ ခရိုင်/ မြို့နယ်အဆင့် မှ ရပ်ကွက်/ ကျေးရွာများထိ စနစ်တကျအကောင်အထည်ဖော်ဆောင်ရွက်လျှက်ရှိကြောင်း၊ ၂၀၁၃ခုနှစ် ဇူလိုင်လ(၃၀)ရက်နေ့ တွင် မြန်မာနိုင်ငံသဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေကို အတည်ပြုပြဌာန်း နိုင်ခဲ့ပြီး၊ နည်းဥဒေများလည်း မကြာမီထွက်ရှိလာမည် ဖြစ်သည့်အတွက် သဘာဝဘေးစီမံခန့်ခွဲမှု လုပ်ငန်းစဉ်တွင် ယခင်ထက်ပိုပြီး၊ ထိရောက်အောင်မြင်စွာ တိုးမြှင့်ဆောင်ရွက်နိုင်မည်ဖြစ်ကြောင်း ပြောကြားသွားသည်။

   ဆက်လက်၍ ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ သဝဏ်လွှာအား ဦးမြတ်သူ ဒေသဆိုင်ရာညှိနှိုင်း ရေးမှူး UNDP ရှမ်းပြည်နယ်မှ ဖတ်ကြားပြီး၊ အပြည်ပြည်ဆိုင်ရာ သဘာဝဘေး လျော့ပါးရေးနေ့ အထိမ်းအမှတ် ပန်းချီနှင့် စာစီစာကုံး ပြိုင်ပွဲများတွင် ဆုရရှိသော အခြေခံပညာအဆင့် (ထက်/ လယ်/ မူ)ကျောင်းသား၊ ကျောင်းသူများအား ပြည်နယ်ဝန်ကြီးများနှင့် တာဝန်ရှိသူတို့က ဆုချီမြှင့်ပေးကြကြောင်းသိရသည်။

   ထို့နောက ၂၀၁၄ခုနှစ် အပြည်ပြည်ဆိုင်ရာ သဘာဝဘေးလျော့ပါးရေးနေ့ အထိမ်းအမှတ် အခမ်းအနားအတွက် ရိုက်ကူးထားသော မုန်းတိုင်းဘေးဇာတ်တိုက်လေ့ကျင့်မှု မှတ်တမ်းဗီဒီယိုခွေအား ပြသကြည့်ရှုကြပြီး၊ ခန်းမအတွင်း ခင်းကျင်းပြသထားသော ဆုရကျောင်းသား၊ ကျောင်းသူများ၏ စာစီစာကုံးနှင့် ပန်းချီးလက်ရာများ၊ သဘာဝဘေးလျော့ပါးရေး ဓါတ်ပုံမှတ်တမ်းများကို ကြည့်ရှုအားပေးကြကြောင်းသိရှိရသည်။

                                                                                 မောင်မောင်သန်း(တောင်ကြီး) 

 

(၂၀၁၄−၂၀၁၅) ပညာသင်နှစ် ဆရာ/ဆရာမများ အရည်အသွေးမြှင့်သင်တန်းဆင်းပွဲ အခမ်းအနား ကျင်းပ

တောင်ကြီး   အောက်တိုဘာ   ၁၂

682

   ရှမ်းပြည်နယ်(၂၀၁၄−၂၀၁၅)ပညာသင်နှစ် ဆရာ/ဆရာမများ အရည်အသွေးမြှင့် သင်တန်းဆင်းပွဲကို အောက်တိုဘာ(၁၂)ရက် ညနေ(၄)နာရီခွဲက တောင်ကြီးမြို့၊ အမှတ်(၂)အခြေခံပညာအထက်တန်းကျောင်း၌ ကျင်းပကြောင်း သိရသည်။

   အခမ်းအနားတွင် TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြ ဆရာမ Victoria က သင်တန်းအတွေ့အကြုံများရှင်းလင်းပြောကြားပြီး၊ အမရပူရပါတနာ ကုမ္ပဏီလီမိတက် မှ TKT သင်တန်းတာဝန်ခံ ဦးဝင်းဖေမောင်က သင်တန်းဆင်း လက်မှတ်များပေးအပ်ရာ သင်တန်းသား/သင်တန်းသူများ(ကိုယ်စား) တာဝန်ရှိသူတစ်ဦးက လက်ခံရယူကြောင်း သိရသည်။

   ဆက်လက်၍ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က TKT သင်တန်း နည်းပြများအား ဂုဏ်ပြုမှတ်တမ်းလွှားများ ပေးအပ်ပြီး၊ ရှမ်းပြည်နယ် အစိုးရအဖွဲ့မှ လှူဒါန်းသည့်  အလှူငွေ ကျပ်(၅၀)သိန်းနှင့် လက်ဆောင်ပစ္စည်းများကို ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြဆရာ/ဆရာမများက လက်ခံရယူကြသည်။

   ထို့နောက် သင်တန်းသား/သင်တန်းသူများ(ကိုယ်စား) သင်တန်းသား ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ အထက်တန်းပြ ဆရာအိုင်းခန့်ကိုနှင့် သင်တန်းသူ ကျေးသီးမြို့နယ်၊ အထက်တန်းပြ ဆရာမ ဒေါ်နန်းသီတာဝင်းမောင်တို့က အင်္ဂလိပ်ဘာသာ/ မြန်မာဘာသာဖြင့် ကျေးဇူးတင်စကား ပြန်လည်ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                        မောင်မောင်သန်း(တောင်ကြီး)

 

(၂၁)ကြိမ်မြောက် အဆို၊ အက၊ အရေး၊ အတီးပြိုင်ပွဲနှင့် တတိယအကြိမ်မြောက် တိုင်းရင်းသားရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲဖွင့်ပွဲကျင်းပ

တောင်ကြီး အောက်တိုဘာ - ၁၀

671

   ရှမ်းပြည်နယ်(၂၁)ကြိမ်မြောက်မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် တတိယအကြိမ်မြောက်၊ တိုင်းရင်းသားရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲဖွင့်ပွဲကို အောက်တိုဘာ(၁၀)ရက် နံနက်(၈)နာရီက တောင်ကြီးမြို့၊ မြို့တော်ခန်းမ၌ကျင်းပရာ အဆို၊ အက၊ အရေး၊ အတီးပြိုင်ပွဲ ကျင်းပရေးဦးစီးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ် လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းက ပြိုင်ပွဲအခမ်းအနားကို ဖဲကြိုး ဖြတ်ဖွင့်လှစ်ပေးကြောင်း သိရသည်။ 

   ဆက်လက်၍ (၂၁)ကြိမ်မြောက်မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ကျင်းပရေးဦးစီးကော်မတီ ဥက္ကဌ၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်း က အဖွင့်အမှာစကားပြောကြားရာ မြန်မာနိုင်ငံသည် တိုင်းရင်းသားလူမျိုးပေါင်းစုံဖြင့် ရှေးယခင်ကတည်း က ဥမကွဲ၊ သိုက်မပျက်၊ ကိုယ့်ထီးကိုယ့်နန်း ကိုယ်ပိုင် ယဉ်ကျေးမှုဖြင့် ဝင့်ထည်စွာနေထိုင်ကြသည့် လူမျိုး များဖြင့်ပါကြောင်း၊ ရိုးရာယဉ်ကျေးမှု အနုသုခုမ အဆို၊ အက၊ အရေး၊ အတီးပညာရပ်များသည်၊ မြန်မာ့ရေ၊ မြေပေါ်တွင် ရှေးနှစ်ပေါင်းများစွာက အခြေတည်အစပြုခဲ့ပါကြောင်း၊ မြန်မာတိုင်းရင်း သားတို့၏ တန်ဖိုး မဖြတ်နိုင်သော ရိုးရာယဉ်ကျေးမှု အမွေအနှစ်များကို ကမ္ဘာတည်သရွေ့ အစဉ်တည်တံ့နေအောင်၊ အစဉ် အဆက် ထိန်းသိမ်းစောင့်ရှောက်သွားရန် လိုအပ်ပါကြောင်းပြောကြားသွားသည်။

   ထို့နောက် အခြေခံပညာအဆင့် အသက်(၁၀)နှစ်မှ (၁၅)နှစ်အထိ အမျိုးသားအကပြိုင်ပွဲနှင့် အခြေခံ ပညာအဆင့် အသက်(၁၀)နှစ်မှ (၁၅)နှစ်အထိ အမျိုးသမီးကာလပေါ် အဆိုပြိုင်ပွဲ စတင်ယှဉ်ပြိုင် နေမှုကို ပြည်နယ်ဝန်ကြီးများနှင့် တာဝန် ရှိသူတို့က ကြည့်ရှု့အားပေးကြကြောင်းသိရသည်။

   (၂၁)ကြိမ်မြောက် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့ အတွင်းရေးမှူး၊ တိုင်းရင်းသားရေးရာဝန်ကြီးများ၊ ပြည်နယ်လွှတ်တော်ကိုယ်စား လှယ်များ၊ ပြည်နယ်/ ခရိုင်၊ မြို့နယ်အဆင့် ဌာနဆိုင်ရာများ၊ တိုင်းရင်းသားယဉ်ကျေးမှုအဖွဲ့များ၊ အမှတ် ပေးဒိုင်များ၊ ပြိုင်ပွဲဝင်အနုပညာရှင်များ၊ ကျောင်းသား၊ ကျောင်းသူများ၊ ဆရာ၊ ဆရာမများ၊ ဖိတ်ကြားထား သည့် ဧည့်သည်တော်များ၊ တက်ရောက်ကြောင်းသိရှိရသည်။

                                                                        မောင်မောင်သန်း(တောင်ကြီး)

 

(၂၀၁၄−၂၀၁၅) ပညာသင်နှစ် ဆရာ/ဆရာမများ အရည်အသွေးမြှင့်သင်တန်းဆင်းပွဲ အခမ်းအနား ကျင်းပ

တောင်ကြီး   အောက်တိုဘာ   ၁၂

682

   ရှမ်းပြည်နယ်(၂၀၁၄−၂၀၁၅)ပညာသင်နှစ် ဆရာ/ဆရာမများ အရည်အသွေးမြှင့် သင်တန်းဆင်းပွဲကို အောက်တိုဘာ(၁၂)ရက် ညနေ(၄)နာရီခွဲက တောင်ကြီးမြို့၊ အမှတ်(၂)အခြေခံပညာအထက်တန်းကျောင်း၌ ကျင်းပကြောင်း သိရသည်။

   အခမ်းအနားတွင် TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြ ဆရာမ Victoria က သင်တန်းအတွေ့အကြုံများရှင်းလင်းပြောကြားပြီး၊ အမရပူရပါတနာ ကုမ္ပဏီလီမိတက် မှ TKT သင်တန်းတာဝန်ခံ ဦးဝင်းဖေမောင်က သင်တန်းဆင်း လက်မှတ်များပေးအပ်ရာ သင်တန်းသား/သင်တန်းသူများ(ကိုယ်စား) တာဝန်ရှိသူတစ်ဦးက လက်ခံရယူကြောင်း သိရသည်။

   ဆက်လက်၍ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က TKT သင်တန်း နည်းပြများအား ဂုဏ်ပြုမှတ်တမ်းလွှားများ ပေးအပ်ပြီး၊ ရှမ်းပြည်နယ် အစိုးရအဖွဲ့မှ လှူဒါန်းသည့်  အလှူငွေ ကျပ်(၅၀)သိန်းနှင့် လက်ဆောင်ပစ္စည်းများကို ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်ရာ TKT သင်တန်းတာဝန်ခံ ဦးဝင်းဖေမောင်နှင့် သင်တန်းနည်းပြဆရာ/ဆရာမများက လက်ခံရယူကြသည်။

   ထို့နောက် သင်တန်းသား/သင်တန်းသူများ(ကိုယ်စား) သင်တန်းသား ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ အထက်တန်းပြ ဆရာအိုင်းခန့်ကိုနှင့် သင်တန်းသူ ကျေးသီးမြို့နယ်၊ အထက်တန်းပြ ဆရာမ ဒေါ်နန်းသီတာဝင်းမောင်တို့က အင်္ဂလိပ်ဘာသာ/ မြန်မာဘာသာဖြင့် ကျေးဇူးတင်စကား ပြန်လည်ပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                        မောင်မောင်သန်း(တောင်ကြီး)

 

ရှမ်းပြည်နယ် ဒေသန္တရ ဖွံ့ဖြိုးတိုးတက်ရေး သဘောတူစာချုပ်များ လက်မှတ်ရေးထိုးပွဲ ကျင်းပ

တောင်ကြီး   အောက်တိုဘာ   ၇

669

ရှမ်းပြည်နယ်ဒေသန္တရ ဖွံ့ဖြိုးတိုးတက်ရေး သဘောတူစာချုပ်များ လက်မှတ်ရေးထိုးပွဲကို အောက်တိုဘာ(၇)ရက် နံနက်(၁၀)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်း သိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ ပြည်နယ်စည်ပင်သာယာရေးဝန်ကြီးဌာန ဝန်ကြီး၊ ဒေသန္တရဖွံ့ဖြိုး တိုးတက်ရေး စီမံကိန်းဥက္ကဌ ဦးစိုင်းလှဝင်းမှ မြို့ပြဖွံ့ဖြိုးတိုးတက်ရေးလုပ်ငန်းများ အလျင်အမြန် ဆောင်ရွက်နိုင်ရန်နှင့် လူမှုစီးပွား ဖွံ့ဖြိုးတိုးတက်ရေးလုပ်ငန်းများကို အရှိန်အဟုန်နှင့် ပူးပေါင်း ဆောင်ရွက်လျက်ရှိပြီး၊ မိမိတို့ကုမ္ပဏီများမှ သတ်မှတ်စံချိန်စံညွှန်းနှင့် ကိုက်ညီအောင် ဆောင်ရွက် သွားကြရန် ပြောကြားသည်။

ဆက်လက်၍ တောင်ကြီးမြို့၊ တောင်ကြီးရှော့ပင်းစင်တာ တည်ဆောက်ရေး လုပ်ငန်း အကောင်အထည် ဖော်ဆောင်ရွက်ရေးဆိုင်ရာများကို သီဟဖွံ့ဖြိုးတိုးတက်ရေး ကုမ္ပဏီလီမိတက်မှ ဒါရိုက်တာ ဒေါက်တာ ဒေါ်မေစုလှိုင်မှ လုပ်ငန်းနှင့်ပတ်သက်၍ ရှင်းလင်းတင်ပြ၍လည်းကောင်း၊ လားရှိုးမြို့ နားမခေါ်အဝေးပြေးယာဉ်ရပ်နားစခန်း ဆောက်လုပ်ခြင်းလုပ်ငန်းသဘောတူ စာချုပ် (ပြင်ဆင်ချုပ်ဆိုခြင်း)နှင့် လားရှိုးမြို့ ချယ်ရီမြိုင် အဆင့်မြင့်အိမ်ရာ တည်ဆောက်ရေး စီမံကိန်း တို့နှင့်ပတ်သက်၍ SHINING MYANMAR ကုမ္ပဏီလီမိတက်မှ စီမံကိန်းမန်နေဂျာ ဦးသန်းထွန်းမှ ရှင်းလင်းတင်ပြ၍လည်းကောင်း၊ မူဆယ်မြို့ နမ့်ပေါ်အသေးစား ရေအားလျှပ်စစ် စီမံကိန်း ဖြစ်နိုင်ခြေ စူးစမ်းလေ့လာမှုဆိုင်ရာ အချက်အလက်များနှင့် လုပ်ငန်းအကောင်အထည် ဖော်ဆောင်ရွက်ရေး ဆိုင်ရာများကို ဂရိတ်ဟော်ခမ်း အများပိုင် ကုမ္ပဏီလီမိတက်မှ အုပ်ချုပ်မှု ဒါရိုက်တာ ဦးစိုင်းအုန်းမြင့်မှ ရှင်းလင်းတင်ပြ၍လည်းကောင်း၊ တာချီလိတ်မြို့ မီနီမားကက်နှင့် အဝေးပြေးယာဉ်ဂိတ် နားနေဆောင်တည်ဆောက်ရေးလုပ်ငန်းများကို ရွှေရေကန် သွင်းကုန်/ ထုတ်ကုန် ကုမ္ပဏီလီမိတက်မှ မန်နေဂျင်းဒါရိုက်တာ ဦးစိုင်းနွမ်းတို့က အသီးသီးရှင်းလင်းတင်ပြ ကြကြောင်း သိရသည်။

ထို့နောက် ရှမ်းပြည်နယ် ဥပဒေချုပ် ဦးမောင်မောင်က သဘောတူစာချုပ်များ လက်မှတ်ရေးထိုးခြင်း မပြုမီ ဥပဒေဆိုင်ရာလုပ်ငန်းသဘောတူစာချုပ် ထုံးတမ်းများနှင့်ပတ်သက်၍ ဂရုပြုရန်များနှင့် လိုအပ်သည်များကို ရှင်းလင်းပြောကြားသည်။

၎င်းနောက် ရှမ်းပြည်နယ်အစိုးရအဖွဲ့လုပ်ငန်းအပ်နှံသူနှင့် လုပ်ငန်းလက်ခံသူကုမ္ပဏီများမှ တာဝန်ရှိသူတို့နှင့် (MOA ၊ MOU) သဘောတူလက်မှတ်ရေးထိုးပွဲကျင်းပရာ ရှမ်းပြည်နယ် အစိုးရအဖွဲ့နှင့် SHINING MYANMAR ကုမ္ပဏီလီမိတက်တို့က MOA လက်မှတ်ရေးထိုးပြီး၊ ဂရိတ်ဟော်ခမ်း အများပိုင် ကုမ္ပဏီလီမိတက်တို့နှင့် MOU လက်မှတ်ရေးထိုးကြသည်။

ယင်းနောက် ရှမ်းပြည်နယ် စည်ပင်သာယာရေးကော်မတီနှင့် သီဟဖွံ့ဖြိုးတိုးတက်ရေး ကုမ္ပဏီလီမိတက်တို့အကြား ချုပ်ဆိုသော တောင်ကြီးရှော့ပင်းစင်တာ တည်ဆောက်ရေးလုပ်ငန်း MOA လက်မှတ်ရေးထိုး၍လည်းကောင်း၊ SHINING MYANMAR ကုမ္ပဏီလီမိတက် တို့အကြား ချုပ်ဆိုသော လားရှိုးမြို့ နားမခေါ်အဝေးပြေးယာဉ်ရပ်နားစခန်း ဆောက်လုပ်ခြင်း လုပ်ငန်းသဘောတူစာချုပ် (ပြင်ဆင်ချက်စာချုပ်) လက်မှတ်ရေးထိုး၍လည်းကောင်း၊ ရွှေရေကန် သွင်းကုန်/ထုတ်ကုန် ကုမ္ပဏီလီမိတက်တို့အကြား ချုပ်ဆိုသော တာချီလိတ်မြို့ မီးနီမားကက် ဆိုင်ခန်းများနှင့် အဝေးပြေးယာဉ်ဂိတ်နားနေဆောင်တည်ဆောက်ရေးလုပ်ငန်း သဘောတူစာချုပ် MOA လက်မှတ်ရေးထိုးကြပြီး၊ အမှတ်တရ စုပေါင်း ဓါတ်ပုံရိုက်ကူးကြကြောင်း သိရသည်။

အဆိုပါအခမ်းအနားသို့ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ ပြည်နယ် စာရင်းစစ်ချုပ်၊ တိုင်းရင်းသားရေးရာဝန်ကြီးများ၊ ပြည်နယ်အစိုးရအဖွဲ့အတွင်းရေးမှူး၊ လွှတ်တော် ကိုယ်စားလှယ်များ၊ ပြည်နယ်/ ခရိုင်/ မြို့နယ်အဆင့်ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီဝင်များ၊ မြို့နယ်စည်ပင်သာယာရေး အထောက်အကူပြုကော်မတီဝင် များ၊ ကုမ္ပဏီလုပ်ငန်းရှင်များ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

                                                                                                                                                                                       မောင်မောင်သန်း(တောင်ကြီး)

 

(၂၁)ကြိမ်မြောက်မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် တတိယအကြိမ်မြောက် တိုင်းရင်းသားရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲကျင်းပ

တောင်ကြီး အောက်တိုဘာ - ၁၂

677

   ရှမ်းပြည်နယ် (၂၁)ကြိမ်မြောက်မြန်မာ တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲနှင့် တတိယအကြိမ် မြောက် တိုင်းရင်းသားရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲကို အောက်တိုဘာ(၁၂)ရက် နံနက်(၁၀)နာရီက တောင်ကြီးမြို့၊ မြို့တော်ခန်းမ၌ကျင်းပကြောင်း သိရသည်။

   အခမ်းအနားတွင် ရှမ်းပြည်နယ် (၂၁) ကြိမ်မြောက်မြန်မာတိုင်းရင်းသားတို့၏ ရိုးရာ ယဉ်ကျေးမှု အဆို၊ အက၊ အရေး၊ အတီးပြိုင်ပွဲ ကျင်းပရေးဦးစီးကော်မတီ နာယက ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး၊ ဆုချီးမြှင့်ပွဲကျင်းပရာ အခြေခံပညာအဆင့် (၅ - ၁၀)အဆို ကာလပေါ်အမျိုးသမီး ပထမ၊ ဒုတိယ၊ တတိယဆုရရှိသူများနှင့် အခြေခံပညာအဆင့်(၁၀ - ၁၅)အဆို ကာလပေါ် အမျိုးသားပထမ၊ ဒုတိယ၊ တတိယ၊ ဆုရရှိသူများကို ပြည်နယ်ကျန်းမားရေးဦးစီးမှူးမှ ဆုချီးမြှင့်၍လည်းကောင်း၊ အခြေခံပညာအဆင့် (၁၀-၁၅)အဆို ကာလပေါ် အမျိုးသမီး ပထမ၊ ဒုတိယ၊ တတိယဆုရရှိသူများနှင့် အခြေခံပညာ အဆင့် (၁၀-၁၅)အဆို မဟာဂီတ အမျိုးသား ပထမ၊ ဒုတိယဆုရရှိသူများကို ပြည်နယ်ပညာရေးညွှန်ကြားရေးမှူး မှ လည်းကောင်း၊ အခြေခံပညာ အဆင့်(၅-၁၀)အဆိုမဟာဂီတ အမျိုးသမီး ပထမ၊ ဒုတိယဆုရရှိသူများနှင့် အခြေခံပညာအဆင့် (၁၀-၁၅)အဆို မဟာဂီတ အမျိုးသမီး ပထမ၊ ဒုတိယ၊ တတိယဆုရရှိသူများကို အရှေ့ပိုင်းတိုင်းစစ်ဌာနချုပ် စစ်ဦးစီးဗိုလ်မှူးကြီး မိုးကျော်သူမှ လည်းကောင်း၊ အခြေခံပညာအဆင့် (၁၅-၂၀)အဆို ကာလပေါ် အမျိုးသား ပထမ၊ ဒုတိယ၊ တတိယဆုရရှိသူများနှင့် အခြေခံပညာအဆင့် (၁၅ - ၂၀)အဆို ကာလပေါ် အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်အစိုးရအဖွဲ့ အတွင်းရေးမှူး မှလည်းကောင်း၊ အခြေခံပညာအဆင့်(၁၅-၂၀) မဟာဂီတ အမျိုးသား ပထမ၊ အခြေခံပညာအဆင့် (၁၅-၂၀)အဆိုမဟာဂီတ အမျိုးသမီး ပထမ၊ အဆင့်မြင့်ပညာအဆင့် အဆိုကာလပေါ် အမျိုးသာ ပထမ၊ အဆင့်မြင့်ပညာအဆင့်အဆို ခေတ်ဟောင်းကာလပေါ်အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်တရား လွှတ်တော် တရားသူကြီးမှ လည်းကောင်း၊ အဆင့်မြင့်ပညာအဆင့်အဆို မဟာဂီတအမျိုးသမီး ပထမ၊ အဆို ခေတ်အကြိုက် အမျိုးသား၊ အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်စာရင်းစစ်ချုပ်မှ လည်းကောင်း၊ ဝါသနာရှင်အဆင့် ဒုတိယတန်းအဆို မဟာဂီတ အမျိုးသား၊ အမျိုးသမီး ပထမ၊ ဒုတိယ၊ တတိယဆု ရရှိသူများကို ဗမာတိုင်းရင်းသားရေးရာ ဝန်ကြီးမှ လည်းကောင်း၊ ဝါသနာရှင်အဆင့် ပထမတန်း အဆိုခေတ်ဟောင်း ကာလပေါ် အမျိုးသား ပထမနှင့် ဒုတိယတန်း အဆို ခေတ်ဟောင်းကာလပေါ် အမျိုးသား၊ အမျိုးသမီး ပထမ၊ ဒုတိယ၊ တတိယ ဆုရရှိသူများကို ကချင်တိုင်းရင်းသားရေးရာ ဝန်ကြီးမှ လည်းကောင်း၊  ဝါသနာရှင်အဆို ခေတ်အကြိုက် အမျိုးသား၊ အမျိုးသမီး ပထမ၊ ဒုတိယ၊ တတိယဆုရရှိသူများကို ပြည်နယ်ဥပဒေချုပ်မှ လည်းကောင်း အသီးသီး ဆုများချီးမြှင့် ပေးကြကြောင်းသိရှိရသည်။

678

   ဆက်လက်၍ အဆိုပြိုင်ပွဲ ဆုရရှိသူများထဲမှ ဖျော်ဖြေတင်ဆက်ရာ အခြေခံပညာအဆင့် အသက်(၁၀)နှစ်မှ (၁၅)နှစ် အမျိုးသား ကာလပေါ်အဆို ပထမဆုရရှိသူ မောင်ကျော်ဆုဟိန်းမှ ဖျော်ဖြေ တင်ဆက်ပြီး၊ အက၊ အရေး၊ အတီးပြိုင်ပွဲ ဆုရရှိ သူများအား ဆုချီးမြှင့်ရာ အခြေခံပညာအဆင့်(၅- ၁၀)၊ (၁၀-၁၅) အကအမျိုးသား၊ အမျိုးသမီး ပထမ၊ ဒုတိယ၊ တတိယဆု ရရှိသူများကို ပြည်နယ်လူမှုရေးဝန်ကြီးမှ လည်းကောင်း၊ အခြေခံပညာအဆင့် (၁၀- ၁၅) ၊ (၁၅-၂၀) အက အမျိုးသမီး ပထမ၊ ဒုတိယ၊ တတိယနှင့် (၁၅-၂၀)၊ တပင်တိုင်အကအမျိုးသမီးဆုရရှိသူများကို ပြည်နယ်စည်ပင်သာယာရေး ဝန်ကြီးမှ လည်းကောင်း၊ အသီးသီးဆုများချီးမြှင့်ပေးပြီး၊ အကပြိုင်ပွဲဆုရရှိသူများထဲမှ အခြေခံပညာအဆင့် အသက်(၁၀-၁၅) နှစ် အမျိုးသမီးအကပြိုင်ပွဲ ပထမရရှိသူ မစုယွန်းရွှေရည်(ခ) မစကားဝါဝတ်ရည်မှ ကပြဖျော်ဖြေတင်ဆက်ကြောင်းသိရသည်။ 

   ထို့နောက် ကဗျာလွတ်အကပြိုင်ပွဲ ဆုရရှိသူများဆုချီးမြှင့်ရာ အခြေခံပညာအဆင့် ယိမ်းအက ကဗျာလွတ်အမျိုးသမီး၊ ပထမ၊ ဒုတိယ၊ တတိယ၊ အခြေခံပညာအဆင့် (၁၀- ၁၅) ကဗျာလွတ်ယိမ်းအက အမျိုးသား ပထမနှင့် အဆင့်မြင့်ပညာအဆင့် (၁၆-၂၅)ကဗျာလွတ် အမျိုးသမီးယိမ်းအက ပထမ၊ ဂုဏ်ပြုဆုရရှိသူများကို ပြည်နယ်တရား လွတ်တော် တရားသူကြီးချုပ်မှ ဆုချီးမြှင့်ပေးပြီး၊ ကဗျာလွတ်အကပြိုင်ပွဲ ဆုရရှိသူများထဲမှ ဖျော်ဖြေတင်ဆက်ရာ ခြေခံပညာဆင့် (၁၀-၁၅) အမျိုးသမီးကဗျာလွတ် (၁၆)ဦး ယိမ်းအကပြိုင်ပွဲ ပထမရရှိသော ကျောက်မဲခရိုင်ကိုယ်စားပြု ကဗျာလွတ်ယိမ်းအဖွဲ့မှ ကပြ ဖျော်ဖြေသည်။

679

   ၎င်းနောက် ခရိုင်များအားထောက်ပံ့ငွေပေးအပ်ရာ တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်၊ ငွေကျပ်(၅)သိန်းစီ ကျိုင်းတုံး၊ တာချီလိတ်၊ မိုင်းဆတ်ခရိုင်တို့အား ကျပ်ငွေ(၁၀)သိန်းစီ၊ လားရှိုး၊ မူဆယ်၊ ကျောက်မဲ၊ လောက်ကိုင်၊ ဟိုပန်ခရိုင်တို့ အားငွေကျပ်(၇)သိန်းစီတို့ကို ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းမှ ပေးအပ်ခဲ့ကြောင်း သိရသည်။ 

   ယင်းနောက် အရေး၊ အတီး၊ တိုင်းရင်းသားအကပြိုင်ပွဲ ဆုရရှိသူများအား ဆုချီးမြှင့်ရာ အဆင့်မြင့်ပညာအဆင့်အက တပင်တိုင် အမျိုးသမီး ပထမ၊ ဒုတိယ၊ အဆင့်မြင့်ပညာအဆင့်အက အမျိုးသား ပထမနှင့် အမျိုးသမီး ပထမ၊ ဒုတိယဆုရရှိသူ များကို ပြည်နယ်လမ်းပန်းဆက်သွယ်ရေးဝန်ကြီးမှ လည်းကောင်း၊ ဝါသနာရှင်အဆင့် ဒုတိယတန်းအမျိုးသား၊ အမျိုးသမီးအက ပထမ၊ ဒုတိယ၊ တတိယဆုရရှိသူများကို ပြည်နယ်သစ်တော/ သတ္တုဝန်ကြီးမှ လည်းကောင်း၊ ဝါသနာရှင်အဆင့် ဒုတိယတန်းအက တပင်တိုင်အမျိုးသမီး ပထမ၊ ဒုတိယနှင့် ဝါသနာရှင်အဆင့် ဒုတိယတန်း အရေး၊ အမျိုးသား ပထမ၊ ဒုတိယ၊ တတိယဆုရရှိသူများကို ပြည်နယ်စိုက်ပျိုးရေးနှင့်  မွေးမြူရေးဝန်ကြီးမှလည်းကောင်း၊ အခြေခံပညာအဆင့် (၅-၁၀) စန္ဒယားအတီး အမျိုးသား၊ အမျိုးသမီး ပထမနှင့် (၁၀-၁၅) စန္ဒယားအတီး အမျိုးသား၊ အမျိုးသမီး ပထမ၊ ဒုတိယဆုရရှိသူများကို ပြည်နယ်ဘဏ္ဍာရေးဝန်ကြီးမှ လည်းကောင်း၊ အခြေခံပညာအဆင့် (၁၅-၂၀) အမျိုးသား စန္ဒယားအတီး ပထမနှင့် ဝါသနာရှင်အဆင့် ဒုတိယတန်း အမျိုးသား စန္ဒယားအတီး ပထမ၊ ဒုတိယ၊ တတိယ ဂုဏ်ပြုဆု၊ ပညာရှင်အဆင့် အမျိုးသမီး စန္ဒယားအတီး ပထမဆုရရှိသူများကို ပြည်နယ်လုံခြုံရေးနှင့် နယ်စပ်ရေးရာဝန်ကြီးမှ လည်းကောင်း၊ အခြေခံပညာအဆင့် (၁၀-၁၅)နှင့် ဝါသနာရှင်အဆင့် ဒုတိယတန်း အမျိုးသား တယောအတီး ပထမဆုရရှိသူ နှင့် အခြေခံပညာအဆင့် (၁၀-၁၅)အမျိုးသမီး ပတ္တလားအတီ ပထမ၊ ဝါသနာရှင်အဆင့် ဒုတိယတန်း အမျိုးသား ဒုံမင်းအတီး ပထမ၊ ဒုတိယ၊ ဝါသနာရှင့်အဆင့် ဒုတိယတန်း အမျိုးသား မယ်ဒလင်အတီး ပထမဆုရရှိသူများကို ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွှန့်မှ ဆုများ အသီးသီး ချီးမြှင့်ပေးကြသည်။

   ထို့နောက် ဒိုင်အဖွဲ့များအား ဂုဏ်ပြုချီးမြှင့်ငွေနှင့် တတိယအကြိမ် တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ အသင်းအား ဆုချီးမြှင့်ရာ၊ လားဟူ ရိုးရာယဉ်ကျေးမှုအက၊ ကိုးကန့် ယဉ်ကျေးမှုအက၊ ကျိုင်းတုံး လမ်းဝုန်းအက၊ လွိုင်လင်ခရိုင်မှ ရှမ်းဗုံ၊ မောင်းအက၊ ပအိုဝ်း ရိုးရာယဉ်ကျေးမှုအက၊ တအာန်းပလောင် တိုင်းရင်းသားရိုးရာ အကတို့အား ဂုဏ်ပြုဆုကို အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်မှူးချုပ် အေးဝင်းမှလည်းကောင်း၊ တောင်ကြီးခရိုင် ဓနုကိုယ်ပိုင်အုပ်ချုပ်ခွင့်ရဒေသ၊ ပလောင်ကိုယ်ပိုင်အုပ်ချုပ်ခွင့်ရဒေသ၊ လားရှိုးခရိုင်၊ တာချီလိတ်ခရိုင် ယဉ်ကျေးမှုအကအဖွဲ့ အား ဂုဏ်ပြုဆုကို ပြည်နယ်လွတ်တော်ဥက္ကဌ ဦးစိုင်းလုံးဆိုင်မှလည်းကောင်း၊ တတိယဆုရ 'ဝ'ကိုယ်ပိုင်အုပ်ချုပ်ခွင့်ရဒေသ ဒုတိယဆုရ ကျောက်မဲခရိုင်၊ ပထမဆုရလင်းခေးခရိုင်တို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ အသီးသီးဆုများ ချီးမြှင့်ပေးကြပြီး၊ ဆုရရှိသူအဖွဲ့များမှ ပြန်လည်ကပြဖျော်ဖြေပြီး၊ ပထဆုရရှိသော လင်းခေးခရိုင်အား ရှမ်းပြည်နယ် အမျိုးသမီးရေးရာအဖွဲ့မှ ဂုဏ်ပြုဆုငွေကျပ်(၅)သိန်းကို ပြည်နယ်ဝန်ကြီးချုပ်၏ဇနီး ရှမ်းပြည်နယ် အမျိုးသမီးရေးရာအဖွဲ့ နာယက ဒေါ်ဖြူဖြူညွှန့်နှင့် ဥက္ကဌဒေါ်စန်းစန်းဝင်းတို့က ချီးမြှင့်ပေးကြကြောင်း သိရှိရသည်။ 

                                                                                                                                              မောင်မောင်သန်း(တောင်ကြီး)

 

အင်းလေးကန်ထိန်းသိမ်းရေး(၅)နှစ်စီမံကိန်း (၂၀၁၅-၂၀၁၆ ခုနှစ်မှ ၂၀၁၉-၂၀၂၀ ခုနှစ်ထိ) စီမံချက်မှုကြမ်းအပေါ် အကျိုးဆက်စပ်ပတ်သက်သူများပါဝင်သည့် အလုပ်ရုံဆွေးနွေးပွဲ ကျင်းပ

တောင်ကြီး အောက်တိုဘာ - ၆

668

အင်းလေးကန်ထိန်းသိမ်းရေး(၅)နှစ်စီမံကိန်း (၂၀၁၅-၂၀၁၆ ခုနှစ်မှ ၂၀၁၉-၂၀၂၀ ခုနှစ်ထိ) စီမံချက်မှုကြမ်းအပေါ် အကျိုးဆက်စပ်ပတ်သက်သူများပါဝင်သည့် အလုပ်ရုံဆွေးနွေးပွဲကို အောက်တိုဘာ(၆)ရက် နံနက်(၈)နာရီခွဲက တောင်ကြီးမြို့၊ တောင်ကြီးဟိုတယ် ခန်းမ၌ကျင်းပကြောင်းသိရသည်။

အခမ်းအနားတွင် ပတ်ဝန်းကျင်းထိန်းသိမ်းရေးနှင့် သစ်တောရေးရာဝန်ကြီးဌာန  ပြည်ထောင်စုဝန်ကြီး ဦးဝင်းထွန်းက အဖွင့်အမှားစကားပြောကြားရာတွင် အင်းလေးကန်ထိန်းသိမ်းရေး(၅)နှစ်စီမံကိန်း (၂၀၁၅-၂၀၁၆ ခုနှစ်မှ ၂၀၁၉-၂၀၂၀ ခုနှစ်ထိ) စီမံချက်မှုကြမ်းအပေါ် အကျိုးဆက်စပ်ပတ်သက်သူများပါဝင်သည့် အလုပ်ရုံ ဆွေးနွေးပွဲဆိုင်ရာကိစ္စရပ်များနှင့် စီမံကိန်းချမှတ် ဆောင်ရွက်မှု အခြေအနေတို့ကို ရှင်းလင်းပြောကြားသည်။

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အမှာစကား ပြောကြားရာမှာ မြန်မာနိုင်ငံတွင် ဒုတိယအကြီးဆုံးဖြစ်သည့် အင်းလေးကန်ကြီးကို နိုင်ငံတကာအဖွဲ့အစည်းများနှင့် မြန်မာနိုင်ငံရှိအစိုးရ အဖွဲ့များနှင့် အင်းလေးဒေသကို ဖွံ့ဖြိုးတိုးတက်အောင် ပူးပေါင်းဆောင်ရွက်ပေးသည့်အတွက် ကျေးဇူးတင်ရှိပါကြောင်းနှင့် အင်းလေးကန် ဖွံ့ဖြိုးတိုးတက်ရေးနှင့် သာယာလှပရေးဆိုင်ရာ ကိစ္စရပ်များကိုရှင်းလင်း ပြောကြားသည်။

670

ထို့နောက် UNDP မှ Senior Programme Advisor Mr. Igor Bosc မှ အမှာစကားပြောကြားပြီး၊ အမှတ်တရ မှတ်တမ်းတင်ဓါတ်ပုံရိုက်ကူးကြသည်။ ဆက်လက်၍ ပြည်ထောင်စုဝန်ကြီးနှင့် ပြည်နယ်ဝန်ကြီးချုပ် တို့သည် ညောင်ရွှေမြို့နယ် ရှိ Novotel Inle Lake ဖွင့်ပွဲအခမ်းအနားသို့ တက်ရောက်ရာ အခမ်းအနားတွင် ပတ်ဝန်းကျင်းထိန်းသိမ်းရေးနှင့် သစ်တော ရေးရာဝန်ကြီးဌာန  ပြည်ထောင်စုဝန်ကြီးဦးဝင်းထွန်း၊ ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ Novotel Inle Lake ဟိုတယ်တာဝန်ရှိသူတို့ ကဆိုင်းဘုတ်အား စက်ခလုပ်နှိပ်ဖွင့်လှစ်ပေးသည်။

၎င်းနောက်ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးဌေးအောင်နှင့် Novotel Inle Lake ဟိုတယ်တာဝန်ရှိသူတို့က အဖွင့်အမှာစကားပြောကြားကြပြီး၊ Novotel Inle Lake ဟိုတယ်အား ပတ်ဝန်းကျင်း ထိန်းသိမ်းရေးနှင့် သစ်တော ရေးရာဝန်ကြီးဌာန  ပြည်ထောင်စုဝန်ကြီးဦးဝင်းထွန်း၊ ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ Novotel Inle Lake ဟိုတယ်တာဝန်ရှိသူတို့ ကဖဲကြိုးဖြတ်ဖွင့်လှစ်ပေးကြပြီး၊ ဂါဝရလက်ဆောင်ပစ္စည်းများပေးအပ်၍ မှတ်တမ်းတင်ဓါတ်ပုံ ရိုက်ကူးကြကာ ပြည်ထောင်စုဝန်ကြီးအဖွဲ့နှင့် တာဝန်ရှိသူတို့သည် ဟိုတယ်အိပ်ခန်းဆောင်များအား လှည့်လည်ကြည့်ရှု့ အားပေးကြကြောင်း သိရှိရသည်။

                                                                                        မောင်မောင်သန်း(တောင်ကြီး)

 

အင်းလေးဖောင်တော်ဦးမြတ်စွာဘုရားများ မူလကိန်းဝပ်စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်

တောင်ကြီး အောက်တိုဘာ - ၁၁

673

   အင်းလေးဖောင်တော်ဦးမြတ်စွာဘုရားများသည် အင်းလေးဒေသ(၂၁)ဌာနသို့ ကြွချီအပူဇော်ခံပြီး၊ မူလကိန်းဝပ် စံပယ်တော်မူသည့် ရတနာစံကျောင်းတော်ကြီးပေါ်သို့ ပြန်လည်ကြွဝင်သည့် အခမ်းအနားကို အောက်တိုဘာ(၁၁)ရက် နံနက်(၉) နာရီက အဆိုပါစံကျောင်းတော်၌ ကျင်းပရာ ပထမဦးစွာ ကရဝိတ် ဖောင်တော်ပေါ်မှ ဖောင်တော်ဦးမြတ်စွာဘုရားများအား စံကျောင်းတော်ကြီးပေါ်သို့ ပင့်ဆောင်ရာ ပထမ ကိုယ်စားတော်မြတ်ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် ဘဏ္ဍာရေးဝန်ကြီး၊ ပြည်နယ်လမ်းပန်းဆက်သွယ်ရေးဝန်ကြီး၊ ပြည်နယ်စည်ပင်သာယာရေးဝန်ကြီး တို့က ပင့်ဆောင်၍လည်းကောင်း၊ ဒုတိယကိုယ်စားတော်မြတ်ကို ပြည်နယ်တရားလွှတ်တော် တရားသူကြီးချုပ်၊ ပြည်နယ် စီမံကိန်းနှင့် စီးပွားရေးဝန်ကြီး၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်အစိုးရ အဖွဲ့ အတွင်းရေးမှူးတို့က ပင့်ဆောင်၍လည်းကောင်း၊ တတိယကိုယ်စားတော်မြတ်ကိုယ် ပြည်နယ် လုံခြုံရေးနှင့် နယ်စပ်ရေးရာဝန်ကြီး၊ ပြည်နယ်ရဲတပ်ဖွဲ့ မှူး ရဲမှူးကြီး၊ ပြည်နယ်အဆင့်ဌာနဆိုင်ရာ တာဝန်ရှိသူတို့က ပင့်ဆောင်၍လည်းကောင်း၊ စတုတ္ထကိုယ်စားတော်မြတ်ကို ပြည်နယ်ဥပဒေချုပ်၊ ပြည်နယ် လွှတ်တော်ကိုယ်စားလှယ်များ၊ မြို့နယ်အုပ်ချုပ်ရေးမှူးတို့က အသီးသီးပင့်ဆောင်ကြကြောင်း သိရသည်။

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်တို့က ဖောင်တော်ဦး မြတ်စွာဘုရားများအား၊ ဆွမ်း၊ ဆီမီး၊ ရေချမ်း၊ ရွှေသင်္ကန်း ဆက်ကပ်လှူဒါန်းပြီး၊ ဂေါပကအဖွဲ့မှ ဓမ္မလက်ဆောင် (၂၁)ဌာနကြာသင်္ကန်းများ ဝေငှာပေး၍ ဧည့်သည်တော်မှတ်တမ်းတွင် လက်မှတ်ရေးထိုးကြောင်းသိရသည်။

674

   ထို့နောက် ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် နန်းဟူး ဘုန်းတော်ကြီးကျောင်းတွင် ဟဲယာရွာမရွှေဘုံသာကျောင်းတိုက် ဆရာတော်ကြီးထံမှ ငါးပါးသီလခံယူ ဆောက်တည်ကြပြီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများတို့က ဆရာတော်များအား လှူဖွယ်ပစ္စည်းများ ဆက်ကပ်လှူဒါန်းကြသည်။

675

   ၎င်းနောက် ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် အင်းသား ရိုးရာလေးပြိုင်ပွဲ ယှဉ်ပြိုင်နေမှုကိုကြည့်ရှုအားပေးကြပြီး၊ ဆုများချီးမြှင့်ပေးရာ အင်းသားရိုးရာ ဆွမ်းပို့လှေ အဖွဲ့ကို  ပြည်နယ်ဥပဒေချုပ်၏ဇနီးနှင့် ပြည်နယ်စည်ပင်သာယာရေးဝန်ကြီး၏ဇနီးတို့မှ ဆုချီးမြှင့်၍ လည်းကောင်း၊ လှေယာဉ်အလှအဖွဲ့ ဟဲယာရွာမနှင့် အင်းပေါခုံ အသင်းတို့ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး၏ဇနီးနှင့် ပြည်နယ်စီမံကိန်းနှင့် စီးပွားရေးဝန်ကြီး၏ဇနီးတို့မှ ဆုချီးမြှင့်၍ လည်းကောင်း၊ အမျိုးသား(၄၆)တက်နှစ်သိမ့်ဆုရအသင်းကို ပြည်နယ်လူမှုရေးဝန်ကြီး၊ ပြည်နယ် စည်ပင်သာယာ ရေးဝန်ကြီးတို့မှ ဆုချီးမြှင့်၍လည်းကောင်း၊ တစ်ဦးချင်းလှေလှော်ပြိုင်ပွဲ နှစ်သိမ့်ဆုရရှိ သူများကို ပြည်နယ်လမ်းပန်ဆက်သွယ် ရေးဝန်ကြီး၊ တစ်ဦးချင်လှေလှော်ပြိုင်ပွဲ ပထမ၊ ဒုတိယဆုရရှိ သူများကို ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ် စိုက်ပျိုးရေးနှင့် မွေးမြူရေးဝန်ကြီးတို့မှ ဆုများအသီးသီးချီးမြှင့်ပေး၍လည်းကောင်း၊ အမျိုးသမီး(၂၆)တက်ဒုတိယဆုရအသင်းကို ပြည်နယ် တရားလွှတ်တော်တရားသူကြီးချုပ်၏ဇနီးနှင့် ပထမဆုရအသင်းကို ပြည်နယ်ဝန်ကြီးချုပ်၏ဇနီး ဒေါ်ဖြူဖြူညွှန့် တို့မှ ဆုချီးမြှင့်၍လည်းကောင်း၊ အမျိုးသား(၄၆)တက် ဒုတိယဆုရအသင်းကို ပြည်နယ်ဘဏ္ဍာရေးဝန်ကြီးနှင့် ပထမဆုရ အသင်းကို ပြည်နယ်လုံခြုံရေးနှင့် နယ်စပ်ရေးရာဝန်ကြီးတို့မှ ဆုချီးမြှင့်၍လည်းကောင်း၊ အမျိုးသားရာကျော်လှေပြိုင်ပွဲ ဒုတိယဆုရအသင်းကို ပြည်နယ် တရားလွှတ်တော်တရားသူကြီးချုပ် ဦးကြွယ်ကြွယ်နှင့် ပထမဆုရအသင်းကို ပြည်နယ်ဝန်ကြီး ချုပ် ဦးစဝ်အောင်မြတ်တို့မှ အသီးသီးဆုများပေးအပ်ချီးမြှင့်ပေးအပ်ပြီး၊ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများ၊ တာဝန်ရှိသူတို့သည် ဆုရရှိသော လှေပြိုင်အသင်းများကို လိုက်လံနှုတ်ဆက်ကြကာ အခမ်းအနားကို နောင်အင်းလေး သီချင်းဖြင့် ရုပ်သိမ်းလိုက်ကြောင်းသိရသည်။

676

   ယင်းနောက် ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်ဝန်ကြီးများ၊ တာဝန်ရှိသူတို့သည် ညောင်ရွှေမြို့ အင်းလယ်ဖိုတဲသို့ ရောက်ရှိပြီး ပြည်နယ်ဆည်မြောင်းဦးစီးဌာန၊ ပြည်နယ်သစ်တောဦးစီးဌာန၊ ပြည်နယ်စိုက်ပျိုးရေးဦးစီးဌာန၊ တာဝန်ရှိသူများနှင့် တွေ့ဆုံကာ ဆည်မြောင်းဦးစီးဌာန၊ ပြည်နယ် ဦးစီးမှူးက အင်းလေးကန်သာယာလှပစိမ်းလန်းစိုပြည်ရေး နှင့် ရေရှည်တည်တံခိုင်မြဲရေး လုပ်ငန်းဆိုင်ရာ ကိစ္စရပ်များနှင့် ပတ်သက်၍လည်းကောင်း၊ ပြည်နယ်သစ်တော်ဦးစီးဌာန၊ လက်ထောက် ညွှန်ကြားရေးမှူး ဦးသိန်းမောင်က အင်းလေးကန်ရေရှည်တည်တံရေး ထိခိုက်စေသော အကြောင်းအရာများနှင့် ပတ်သက်၍ လည်းကောင်း၊ ညောင်ရွှေမြို့နယ်စိုက်ပျိုးရေးဦးစီးမှူး ဦးဇော်ဝင်းထွန်းက အရည်အသွေးနှင့် အထွက်နှုန်း ကောင်းမွန်သည့် မျိုးကောင်း၊ မျိုးသန့်၊ မျိုးစေ့များ ထုတ်လုပ်မှုနှင့် ပုလဲသွယ်စပ်မျိုးစပါး နှစ်အလိုက် တိုးမြှင့်စိုက်ပျိုးနိုင်မှုများနှင့် သိပ္ပံနည်းကျ စိုက်နည်းစနစ်များ သူတေသနပြုလုပ်ခြင်းနှင့် ဖွံ့ဖြိုးတိုးတက်ရေး လုပ်ငန်းများနှင့် ပတ်သက်၍ ရှင်းလင်းတင်ပြရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက် မှာကြားပြီး၊ ပေါင်းစပ်ညှိနှိုင်းလုပ်ကိုင်ဆောင်ရွက် သွားကြရန် လမ်းညွှန်မှာကြားခဲ့ကြောင်းသိရသည်။

မောင်မောင်သန်း(တောင်ကြီး)

ရှမ်းပြည်နယ်၊ တောင်ကြီးမြို့၌ ပေါက်ကွဲမှု(၃)နေရာဖြစ်ပွား

တောင်ကြီး အောက်တိုဘာ - ၅

   ရှမ်းပြည်နယ်၊ တောင်ကြီးမြို့၊ စဝ်စံထွန်းရပ်ကွက်၊ ဗိုလ်ချုပ်အောင်ဆန်းလမ်း၊ အရှေ့ပိုင်းတိုင်းစစ်ဌာနချုပ်ရှေ့ရှိ ကားမှတ်တိုင်တွင် အောက်တိုဘာ(၄)ရက်၊ ည(၁၀)နာရီ (၁၀)မိနစ်က ပေါက်ကွဲမှုတစ်ခုဖြစ်ပွားခဲ့ကြောင်း သိရသည်။ အဆိုပါ ပေါက်ကွဲမှုကြောင့် အရှည်ပေ(၂၀)ခန့်ရှိ ကားမှတ်တိုင်(သစ်သား)ထိုင်ခုံမှ (၁၀)ပေခန့် ပျက်စီးပြီး အမြင့်(၁၅)ပေခန့်ရှိ မှတ်တိုင် (သွပ်)မိုးမှာလည်း ပွင့်ထွက်ပျက်စီးကာ လူထိခိုက်ဒဏ်ရာရယူမှုမရှိကြောင်း၊ ပေါက်ကွဲမှုနှင့် မလှမ်းမကမ်းတွင် ပေါက်ကွဲမှု မရှိသေးသော မိုင်း(၂)လုံး၊ ထပ်မံတွေ့ရှိပြီး၊ မိုင်းအား အရှေ့ပိုင်းတိုင်းစစ်ဌာနချုပ်တပ်နယ်မှ ရှင်းလင်းလျှက် ရှိကြောင်း သိရသည်။

   ဆက်လက်၍ ည(၁၀)နာရီ မိနစ်(၄၀)က တောင်ကြီးမြို့၊ သစ်တောရပ်ကွက်၊ ဗိုလ်ချုပ်အောင်ဆန်းလမ်း၊ တောင်ဘက် ခြမ်းရှိ အမှတ်(၂၁၂)ဆက်သွယ်ရေးတပ်ရှေ့ဝင်ပေါက်အကြားတွင် ပေါက်ကွဲမှုဖြစ်ပွားပြီးနောက်၊ ည(၁၀)နာရီ မိနစ်(၅၀)က အဆိုပါနေရာအနီး ထပ်မံပေါက်ကွဲမှုဖြစ်ပွားခဲ့ရာ ယာဉ်ထိန်းတာဝန်ထိမ်းဆောင်နေသည့် ရဲတပ်သား ခင်မောင်ကျော်၏ ဝဲဘက်ခြေသလုံး၊ ပေါက်ပြဲဒဏ်ရာ(၁)ချက် (မစိုးရိမ်ရ)၊ ရဲတပ်သား သီဟ(၁၉)နှစ်၊ (ဘ)ဦးသန်းလှိုင် ဗမာ/ဗုဒ္ဓ၊ အမှတ်(၄၅)၊ ခွာညိုလမ်း၊ ရွှေဘုံသာရပ်ကွက်၊ ရွှေညောင်မြို့နေသူ၏ ယာဘက်လက်မောင်း ပေါက်ပြဲဒဏ်ရာ(၁)ချက် (မစိုးရိမ်းရ) ရရှိခဲ့ရာ တောင်ကြီးမြို့၊ စဝ်စံထွန်းဆေးရုံးကြီးသို့ ပို့ဆောင်ဆေးကုသလျက်ရှိကြောင်း သိရသည်။

   အဆိုပါပေါက်ကွဲမှုဖြစ်ပွားသည့်နေရာများနှင့် မိုင်းတွေ့ရှိသည့်နေရာများအား ရှမ်းပြည်နယ်အစိုးရအဖွဲ့၊ ပြည်နယ်လုံခြုံ ရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ အရှေ့ပိုင်းတိုင်းစစ်ဌာနချုပ်မှ တိုင်းဦးစီးဗိုလ်မှူးကြီး မိုးကျော်သူ၊ ရှမ်းပြည်နယ်ရဲတပ်ဖွဲ့မှူး ရဲမှူးကြီးဝင်းထွန်း၊ စစ်ဘက်ရေးရာလုံခြုံရေးတပ်ဖွဲ့(တောင်ကြီး)မှ တပ်မှူးဗိုလ်မှူးမြတ်မင်းစိုး၊ တောင်ကြီးခရိုင်ရဲတပ်ဖွဲ့မှူး ဒုရဲမှူးကြီးမြင့်ထူးတို့မှ အခင်းဖြစ်နေရာများသို့ သွားရောက်စစ်ဆေးကာ မိုင်းရှာဖွေခြင်းနှင့် လုံခြုံရေးအတွက် ပိတ်ဆို့ရှာဖွေမှုများကြပ်မတ်ဆောင်ရွက်လျက်ရှိကြောင်း သိရှိရသည်။

   လုံခြုံရေးတိုးမြှင့် ချထားလျက်ရှိပြီး ဖြစ်စဉ်နှင့် ပတ်သက်၍ စိစစ်ဖော်ထုတ်ဆောင်ရွက်လျက်ရှိကြောင်းနှင့် တောင်ကြီးမြို့တွင် အေးချမ်းတည်ငြိမ်းလျက်ရှိပြီး၊ ပြည်သူများအေးချမ်းစွာ ရောင်းဝယ်ဖောက်ကား စည်းကားလျက်ရှိပါ ကြောင်း သိရှိရပါသည်။

667

ရှမ်းပြည်နယ်အစိုးရအဖွဲ့ဝင် လူမှုရေးဝန်ကြီးဒေါက်တာမျိုးထွန်း၊ လျှပ်စစ်နှင့်စက်မှု၀န်ကြီး ဦးစိုင်းထွန်းရင်နှင့်စည်ပင်သာယာရေးဝန်ကြီး ဦးစိုင်းလှဝင်းတို့မှ တောင်ကြီးမြို့၊ ဇီဝိတဒါနသံဃာဆေးရုံသို့ သွားရောက်စစ်ဆေးကြည့်ရှု့ခြင်း

တောင်ကြီး   အောက်တိုဘာ  - ၉

 672

   ရှမ်းပြည်နယ်အစိုးရအဖွဲ့ဝင်လူမှုရေးဝန်ကြီးဒေါက်တာမျိုးထွန်း၊လျှပ်စစ်နှင့်စက်မှု၀န်ကြီးဦးစိုင်းထွန်းရင်နှင့်စည်ပင်သာယာရေး ဝန်ကြီးဦးစိုင်းလှဝင်းတိုသည် ပြည်နယ်ကျန်းမာရေး ဦးစီး ဌာနမှူး ဒေါက်တာ သန်းထွဠ်ဦး လိုက်ပါလျက် (၉-၁၀-၂၀၁၄)ရက်နေ့၊ နေ့လည်(၁၃:၃၀)နာရီတွင် တောင်ကြီးမြို့ ၊ ဇီဝိတဒါန သံဃာဆေးရုံသို့သွားရောက်ကြည့်ရှု့စစ်ဆေးခဲ့ပါသည်။

   ပြည်နယ်ဝန်ကြီးများအား ဆေးရုံအုပ်ကြီးဒေါက်တာကြည်စိုးမှ ဆေးရုံအခြေအနေများအား လိုက်လံ ရှင်းလင်းတင်ပြခဲ့ပါသည်။ ဝန်ကြီးများမှ လိုအပ်သည်များ ဆွေးနွေးမှာကြားပြီး ဆေးရုံ တက်ရောက် ကုသနေသောသံဃာတော်များ၊သီလရှင်များအား လိုက်လံကြည့်ရှု့အားပေးခဲ့ကြောင်း သတင်း ရရှိပါသည်။ 

၂၀၁၄ - ၂၀၁၅ ပညာသင်နှစ် အခြေခံပညာဆရာ၊ ဆရာမများ အရည်အသွေးမြှင့်သင်တန်းဖွင့်ပွဲကျင်းပ

တောင်ကြီး အောက်တိုဘာ - ၅

665

   ရှမ်းပြည်နယ်အစိုးရအဖွဲ့မှကြီးမှူး၍ အခြေခံပညာဆရာ၊ ဆရာမများ အရည်အသွေးမြှင့် သင်တန်းဖွင့်ပွဲကို အောက်တိုဘာ (၅)ရက်၊ နံနက်(၈)နာရီခွဲက၊ အမှတ်(၂)အခြေပညာအထက်တန်းကျောင်း၌ ဖွင့်လှစ်ကြောင်း သိရသည်။ 

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားပြီး TKT သင်တန်းတာဝန်ခံ ဦးဝင်းဖေမောင်က အခြေခံပညာဆရာ၊ ဆရာမများ အရည်အသွေးမြှင့် သင်တန်းနှင့်ပတ်သက်၍ အမှာစကားပြောကြားသည်။

   ဆက်လက်၍ TKT သင်တန်းတာဝန်ရှိသူတစ်ဦးက သင်တန်းနှင့်ပတ်သက်၍ ရှင်းလင်းတင်ပြပြီး၊ TKT သင်တန်း တာဝန်ခံ ဦးဖေဝင်းမောင်မှ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ် လူမူရေးဝန်ကြီး ဒေါက်တာမျိုးထွန်းတို့ကို အမှတ်တရလက်ဆောင်များပေးအပ်၍ မှတ်တမ်းတင်ဓါတ်ပုံရိုက်ကူး ကြပြီး၊ ပြည်နယ်ဝန်ကြီးချုပ် သည် အမှတ်(၂)အခြေခံအထက်တန်းကျောင်း RC နှစ်ထပ်ကျောင်းဆောင်သစ်အား လှည့်လည် ကြည့်ရူ့စစ်ဆေးခဲ့ကြောင်း သိရသည်။

အဆိုပါသင်တန်းကို အထက်တန်း၊ အလယ်တန်းပြ ဆရာ၊ ဆရာမဦးရေ (၁၄၀)ဦးတက်ရောက်ပြီး၊ သင်တန်းကာလ မှာ အောက်တိုဘာ(၅)ရက်မှ (၁၂)ရက်ထိ သင်တန်းနည်းပြဆရာ (၄)ဦးနှင့် အင်္ဂလိပ်ဘာသာရပ်များ ကို သင်ကြားပို့ချသွားမည် ဖြစ်ကြောင်းသိရှိရသည်။

666

ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် အမှတ်(၁)အခြေခံပညာ အထက်တန်း ကျောင်း ဒေါ်ခင်သိန်းခန်းမ၌ ကျင်းပသော ကမ္ဘာ့ဆရာများနေ့ အထိမ်းအမှတ်အခမ်းအနားသို့ တက်ရောက်သည်။ အစီအစဉ် အရ အမှတ်(၂)အခြေခံပညာအထက်တန်းကျောင်းမှ ကျောင်းသား မောင်ကျော်စုဟိန်း က ဦးခိုက်လျှက်ပါ မြတ်ဆရာ သီချင်း သီဆို၍ အခမ်းအနားကိုဖွင့်လှစ်ပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်က အဖွင့်အမှာစကား ပြောကြားသည်။

ဆက်လက်၍ ပြည်နယ်ပညာရေးညွှန်ကြားရေးမှူး ဦးချစ်ဆွေက ကမ္ဘာ့ဆရာများနေ့အခမ်းအနားသို့ ပေးပို့လာသော သဝဏ်လွှာကို ဖတ်ကြား၍ အမှတ်(၄) အခြေခံပညာအထက်တန်းကျောင်းမှ ကျောင်းသား၊ ကျောင်းသူလေများက ''ကွန်းခိုနားရာ မြတ်ဆရာ'' သီချင်းဖြင့်ဂုဏ်ပြုသီဆိုကြသည်။

   ၎င်းနောက် ၂၀၁၄ခုနှစ် ကမ္ဘာ့ဆရာများနေ့ အထိမ်းအမှတ် စာစီစာကုံးနှင့် ကဗျာပြိုင်ပွဲ ဆုရရှိသူများအား ဆုချီမြှင့်ရာ အထက်တန်းအဆင့် စာစီစာကုံးပြိုင်ပွဲနှင့် ကဗျာပြိုင်ပွဲတွင် ပထမ၊ ဒုတိယ၊ တတိယဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ချီးမြှင့်၍လည်းကောင်း၊ အလယ်တန်းအဆင့် စာစီစာကုံးပြိုင်ပွဲတွင် ပထမ၊  ပူးတွဲဒုတိယဆုရရှိသူများကို ပြည်နယ်လူမူရေး ဝန်ကြီး ဒေါက်တာမျိုးထွန်းမှ ချီးမြှင့်၍လည်းကောင်း၊ အလယ်တန်းအဆင့် ကဗျာပြိုင်ပွဲတွင် ပထမ၊ ပူးတွဲဒုတိယဆုရရှိသူများကို ပြည်နယ် ပညာရေးညွှန်ကြားရေးမှူး ဦးချစ်ဆွေမှ ချီးမြှင့်ပေးကြသည်။

   ယင်းနောက် အမှတ်(၆)အခြေခံပညာ အထက်တန်းကျောင်းမှ ကျောင်းသား၊ ကျောင်းသူလေးများက မြတ်ဆရာ သီချင်းဖြင့် ဂါဝရပြုသီဆိုပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့က ကန်တော့ခံဆရာကြီး၊ ဆရာမကြီးများအား နေရာအရောက်ကန်တော့ပစ္စည်းများ ပေးအပ်ပူဇော် ကြကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ် ပြည်နယ်အစိုးရအဖွဲ့အတွင်းရေးမှူး၊ ပြည်နယ်/ ခရိုင်၊ မြို့နယ်အဆင့်ဌာနဆိုင်ရာများ၊ လူမူရေးအသင်အဖွဲ့များ၊ ကန်တော့ခံ ဆရာကြီး၊ ဆရာမကြီးများ၊ အခြေခံပညာအထက်တန်းကျောင်းအုပ် ဆရာ၊ ဆရာမကြီးများ၊ ဆရာ၊ ဆရာမများ၊ ကျောင်းသား၊ ကျောင်းသူများ တက်ရောက်ကြကြောင်းသိရှိရသည်။

                                                                                                                                                                    မောင်မောင်သန်း(တောင်ကြီး)

 

More Articles...

  1. ပြည်သူ့အတွက် ရာစုသစ်(NEW CENTURY) သွေးလှူရှင်နှင့် လူမှုစောင့်ရှောက်ရေးအဖွဲ့ ကွင်းဆင်းဆောင်ရွက်
  2. ကူးစက်မြန် အီဘိုလာဗိုင်းရပ်စ်ရောဂါ ကျန်းမာရေးပညာပေးဟောပြော
  3. အပြည်ပြည်ဆိုင်ရာ သက်ကြီးရွယ်အိုများနေ့ ကျင်းပ
  4. မြန်မာနိုင်ငံရဲတပ်ဖွဲ့ ရွှေရတုနှစ်ပတ်လည်နေ့ကျင်းပ
  5. အင်းလေးဖောင်တော်ဦးမြတ်စွာဘုရား ညောင်ရွှေမြို့ အဌဒိသာဓမ္မဝိဟာရ ကျောင်းတော်ကြီးသို့ ကြွချီအပူဇော်ခံ
  6. အ.ထ.က(ခွဲ) တောင်လေးလုံး ကျောင်းဆောင်သစ်လွှဲပြောင်းပေးအပ်ပွဲကျင်းပ
  7. ခရိုင်အဆင့် ဆို၊ က၊ ရေး၊ တီး ပြိုင်ပွဲဖွင့်ပွဲကျင်းပ
  8. ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ဘဏ္ဍာရေးဝန်ကြီးဦးခွန်သိန်းမောင် အခြေခံပညာအလယ်တန်းကျောင်း ဟဲကယ် ကျောင်းဆောင်သစ်ဖွင့်ပွဲ/ လွှဲပြောင်းပေးအပ်ပွဲ အခမ်းအနားတက်ရောက်ခြင်း
  9. ဖေါင်တော်ဦးမြတ်စွာဘုရားကိုယ်စားတော်များ ထာဝရစံရာ ရတနာစံကျောင်းတော်မှ အင်းလေးဒေသပတ်ဝန်ကျင် (၂၁)ဌာနသို့ ဒေသစာရီကြွချီအပူဇော်ခံ
  10. ပြည်ထောင်စု ဘတ်ဂျက်နှင့် ပြည်နယ်ဘတ်ဂျက်တို့မှ အားကစားကွင်းများ ပြန်လည်ပြု ပြင်ဆောက်လုပ်ပေးမည်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

pa-aine

 ရှမ်းပြည်နယ်(တောင်ပိုင်း) ဟိုပုံး၊ တောင်ကြီး၊ ဆီဆိုင်၊ ပင်လောင်း၊ ညောင်ရွှေ၊ မောက်မယ်နှင့် မိုင်းကိုင်မြို့နယ် များတွင် အများဆုံး နေထိုင်ကြ သည်။

We have 57 guests and no members online

Latest Updates