သတင်းများ

ညမီးကြီး ပဉ္စမဆုရရှိသော မြတ်နိုးသူဆောက်လုပ်ရေးမိသားစုမီးပုံပျံအဖွဲ့လူငယ်ဖွံ့ဖြိုးရေးပရဟိတကျောင်းများသို့ အလှူငွေပေးအပ်လှူဒါန်း

တောင်ကြီး နိုဝင်ဘာ - ၁၃

748

   ၂၀၁၄ခုနှစ် ရှမ်းပြည်နယ် တောင်ကြီးမြို့ တန်ဆောင်တိုင်မီးပုံးပျံလွှတ်တင်ပြိုင်ပွဲတွင် ညမီးကြီး ပဉ္စမဆုရရှိသော မြတ်နိုးသူဆောက်လုပ်ရေးမိသားစု မီးပုံးပျံအဖွဲ့များသည် နိုဝင်ဘာ(၁၃)ရက် ညနေ(၆)နာရီက တောင်ကြီးမြို့ စိန်တောင်တန်းခန်းမ၌ တောင်ကြီးမြို့နယ် ဓမ္မစကူးနှင့် ရွှေတောင်တန်းဘုန်းတော်ကြီးသင် ပညာရေးနှင့် လူငယ်ဖွံ့ဖြိုးရေး ပရဟိတကျောင်း(အေးသာယာ)၊ ဓမ္မဝိဒူ အုတ်ဖိုဘုန်းတော်ကြီးသင် ပညာရေးနှင့် လူငယ်ဖွံ့ဖြိုးရေးပရဟိတကျောင်း (ရတနာသီရိ)များသို့ အလှူငွေများပေးအပ်လှူဒါန်းကြောင်းသိရသည်။

   အခမ်းအနားတွင် တောင်ကြီးမြတ်နိုးသူဆောက်လုပ်ရေးကုမ္ပဏီဒါရိုက်တာ ဦးသန့်စင်က လှူငွေပေးအပ်လှူဒါန်း ရခြင်းနှင့် ပတ်သက်၍ ကျေးဇူးတင်စကားပြောကြားပြီး၊ မီးပုံးပျံဒိုင်အဖွဲ့ဝင် ဦးကျော်မြင့်၊ မီးပုံးပျံအဖွဲ့ကိုယ်စား ဒေါက်တာဦးသန်းဝင်း၊ မီးပုံးပျံအဖွဲ့မှ မီးဆရာကိုမျိုးဝင်းတို့မှ အသီးသီး အမှာစကားပြောကြားကြသည်။

   ဆက်လက်၍ အလှူငွေများပေးအပ်လှူဒါန်းရာ တောင်ကြီးမြတ်နိုးသူဆောက်လုပ်ရေးကုမ္ပဏီ ဒါရိုက်တာ ဦးသန့်စင်မှ အလှူငွေများကို တောင်ကြီးမြို့နယ် ဓမ္မစကူးရန်ပုံငွေကျပ်(၆)သိန်း၊ ရွှေတောင်တန်းဘုန်းတော်ကြီးသင် ပညာရေးနှင့် လူငယ်ဖွံ့ဖြိုးရေးပရဟိတကျောင်း (အေးသာယာ)အတွက် ငွေကျပ်(၆)သိန်း၊ ဓမ္မဝိဒူအုတ်ဖိုဘုန်းတော်ကြီးသင် ပညာရေးနှင့် လူငယ်ဖွံ့ဖြိုးရေးပရဟိတကျောင်း (ရတနာသီရိ)အတွက်ငွေကျပ်(၆)သိန်းတို့ကို ပေးအပ်လှူဒါန်းရာ တာဝန်ရှိကိုယ်စားလှယ် အသီးသီးမှ လက်ခံရယူကြကြောင်းသိရသည်။

   မြတ်နိုးသူဆောက်လုပ်ရေးမိသားစုမီးပုံးပျံအဖွဲ့သည် ၂၀၁၄ခုနှစ် တောင်ကြီးတန်ဆောင်တိုင်မီးပုံးပျံ လွှတ်တင်ပြိုင်ပွဲတွင် ညမီးကြီးတစ်လုံး စိန်နားပန်တစ်လုံးဝင်ရောက်ယှဉ်ပြိုင်ရာတွင် ညမီးကြီးတစ်လုံး ပဉ္စမဆုငွေကျပ်(၂၅)သိန်းရရှိပြီး၊ အလှူငွေကျပ်(၁၈)သိန်းကို တောင်ကြီးမြို့နယ်ဓမ္မစကူးနှင့် လူငယ်ဖွံ့ဖြိုးရေး ပရဟိတကျောင်း(၂)ကျောင်းသို့ အလှူငွေကျပ် (၆)သိန်းစီပေးအပ်လှူဒါန်းခဲ့ပြီး၊ မီးပုံးပျံပြိုင်ပွဲကို(၂)နှစ်ဝင်ရောက်ယှဉ်ပြိုင်ခဲ့ကြောင်းသိရသည်။

   အဆိုပါအခမ်းအနားသို့ တောင်ကြီးမြတ်နိုးသူဆောက်လုပ်ရေးကုမ္ပဏီဒါရိုက်တာနှင့် ဝန်ထမ်းများ မီးပုံးပျံခေါင်းဆောင် နှင့် အဖွဲ့ဝင်များ၊ မီးပုံးပျံဒိုင်ဖွဲ့ဝင်များ၊ မီးပုံးပျံမီးဆရာနှင့် ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

                                                                            မောင်မောင်သန်း(တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၂/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၃/၂၀၁၄)ကျင်းပ

တောင်ကြီး  နိုဝင်ဘာ  - ၁၃

746

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၂/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၃/၂၀၁၄) နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၁၂/၂၀၁၄) အခမ်းအနားကို နိုဝင်ဘာ(၁၃)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့၊ အစည်းအဝေး ခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားရာတွင် အစီရင်ခံစာအပိုင်း(၁)(၂)(၃)မှ(၇၄)မှု ဖြေရှင်းပေးပြီး၊ အပိုင်း(၅)မှ (၃၆၃)မှုဖြေရှင်းကာ အစီရင်ခံစာအပိုင်း(၆)တွင် (၆၂၇)ခုဖြေရှင်းပေးရန် ခရိုင်များကို တာဝန် ပေးအပ်ခဲ့ပြီးဖြစ်ကြောင်း၊ ထပ်မံရောက်ရှိလာသည့် အစီရင်ခံစာအပိုင်း(၇)တွင် (၂၅၉)မှုကိုလည်း တာဝန်ပေးအပ်ဖြေရှင်းတင်ပြ သွားမည်ဖြစ်ကြောင်း၊ မြေယာကိစ္စရပ်များဖြေရှင်းဆောင်ရွက်ရာတွင် မြေရာဥပဒေလုပ်ထုံးလုပ်နည်းနှင့် အညီ ဖြေရှင်းဆောင်ရွက်ကြရန် ဦးစားပေးနှစ်အလိုက် ထားရှိပြီး၊ ဖြေရှင်းကြရန် မှာကြားခဲ့ပြီးဖြစ်ကြောင်း၊ မြေယာမှုများ ပြီးပြတ်စေရန် ခရိုင်/ မြို့နယ် မြေအသုံးချမှု စီမံခန့်ခွဲရေးကော်မတီများက ဆုံးဖြတ်ရုံသာမက ခရိုင်မြို့နယ်စီမံခန့်ခွဲရေး ကော်မတီများပါ ဆုံးဖြတ်ပေးရန် မှာကြားပြီးဖြစ်ကြောင်း၊ မြေယာကိစ္စများ ညှိနှိုင်းဆောင်ရွက်မှု လုပ်ငန်း မှတ်တမ်းထားရှိ ဆောင်ရွက်ကြရန်နှင့် ကော်မတီဝင်များ၊ တာဝန်ခွဲဝေဆောင်ရွက်ပေးကြရန်၊ မှန်မှန်ကန်ကန် မြန်မြန်ဆန်ဆန် ဖြေရှင်းဆောင်ရွက်ပေးကြရန် မှာကြားပြီးဖြစ်ကြောင်း၊ အစီရင်ခံစာအပိုင်း(၆)၊ အပိုင်း(၇)ကို ဇန်နဝါရီလအပြီး၊ စိစစ်ဖြေရှင်းနိုင်ရန်နှင့် ဝန်ကြီးဌာနက ဖြေရှင်းမှုကို စွန့်၊ မစွန့် အကြောင်းကြားရန်လည်း မြန်မြန်ဆန်ဆန် အကြောင်းပြန်ပေးနိုင် အောင် နိုးဆော်ပေးရန်၊ ပြည်နယ်အဆင့်ကော်မတီများကလည်း ကူညီပေးဖို့လိုအပ်ပါကြောင်း၊ အစီရင်ခံစာ ပါ အကြောင်းအရာတူ တိုင်စာများကို စိစစ်၍ ဖြေရှင်းပြီးမြေမှုများ တွေ့ရှိရမည်ဖြစ်ကြောင်း၊ အမှုများကို ပြန်လည်စိစစ်ရာတွင် အကြောင်းအရာတူတိုင်စာ၊ ပုဂ္ဂလိကအချင်းချင်းတိုင်စာ၊ မဟုတ်မမှန်တိုင်စာ၊ အငြင်းပွားမှုတိုင်စာ၊ အထောက်အထားမခိုင်လုံ၍ ရပ်မိရပ်ဖ သက်သေမခံနိုင်ကြောင်း၊ လူနေထိုင်မှုမရှိသည့် အတွက် (၁)ရာသီတစ်ကြိမ်သာ စိုက်ပျိုး၍ ပစ်ထားခဲ့ပြီး၊ နှစ်(၂၀)ကျော်မှ အကြောင်းအရင်းမခိုင်မာ တိုင်စာများကိုလည်း ခွဲခြားစိစစ်ပြီးဖြေရှင်းရန်၊ မြန်မြန် ပြီးပြတ်အောင် ဖြေရှင်နိုင်မှာဖြစ်ကြောင်း၊ ပြန်လည်စွန့်လွှတ်အပ်နှံမြေများကို ပြန်လည်နေရာ ပေးအပ်ရာတွင် ပုံစံ(၃)ခိုင်မာမှ ပုံစံ(၇)ထုတ်ပေးရမည် ဖြစ်ကြောင်း၊ အမှုတွဲများကိုလည်း မြေအသုံးချမှု စီမံခန့်ခွဲရေးဗဟိုကော်မတီက မြေလွှဲအမှုတွဲများကို ဒီဇင်ဘာလအပြီး ဆောင်ရွက်ရမည် ဖြစ်ကြောင်း၊ ဆောင်ရွက်ချက်များကို လုပ်ငန်းမှတ်တမ်းထားရှိ၍ (၂)ပတ်တစ်ကြိမ်၊ ဆောင်ရွက်ပြီးစီးမှုများကို တင်ပြပေးရန်နှင့် တာဝန်ပေးရန်၊ တိုက်တွန်းပြောကြား သွားကြောင်းသိရသည်။

   ဆက်လက်၍ အစည်းအဝေး ဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေးကော်မတီ အစည်းအဝေး အမှတ်စဉ် (၁၂/၂၀၁၄)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၁၃/၂၀၁၄) တင်ပြချက်များ မြေလွတ်၊ မြေလပ် နှင့် မြေရိုင်း များစီမံခန့်ခွဲရေးလုပ်ငန်း အဖွဲ့အစည်းအဝေး အမှတ်စဉ် (၁၂/၂၀၁၄) တင်ပြချက်များအား ဆွေးနွေး ဆုံးဖြတ်ကြသည်။

   ထို့နောက် အခမ်းအနားသို့ တက်ရောက်လာသော တိုင်းစစ်ဌာနချုပ်မှ ဦးစီးအရာရှိကြီးများ၊ ရှမ်းပြည်နယ်အစိုးအရအဖွဲ့ ပြည်နယ် စိုက်ပျိုးရေးနှင့် မွေးမြူရေး ဝန်ကြီး၊ ပြည်နယ်သစ်တောနှင့် သတ္တုဝန်ကြီး၊ ရှမ်းပြည်နယ် အစိုးရအဖွဲ့ အတွင်းရေးမှူး နှင့် ပြည်နယ်အဆင့်ဌာနဆိုင်ရာ တာဝန်ရှိသူတို့က အထွေထွေ ဆွေးနွေးတင်ပြကြသည်။

   ယင်းနောက် ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်သစ်တောနှင့် သတ္တုဝန်ကြီး၊  ပအိုဝ်း၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့မှ တာဝန်ရှိသူ များ၊ ပြည်နယ်အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိကြီးများ၊ သက်ဆိုင်ရာပြည်နယ် အဆင့်ဌာနဆိုင်ရာ တာဝန်ရှိသူများ တက်ရောက်ကြကြောင်း သိရှိရသည်။

                                                                                                         မောင်မောင်သန်း(တောင်ကြီး)

 

ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့၌ တန်ဆောင်တိုင် (ဗုဒ္ဓပူဇနိယ) မီးထွန်းပွဲတော်ကျင်းပ

တောင်ကြီး နိုဝင်ဘာ - ၁၀

739

   ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့ သီရိမင်္ဂလာရွှေချမ်းသာ မွေတော်ဘုရားကြီး တန်ဆောင်တိုင် (ဗုဒ္ဓပူဇနိယ) မီးထွန်းပွဲတော်ကို နိုဝင်ဘာ(၁၀)ရက် ညနေ(၆)နာရီက အဆိုပါ ဘုရားရင်ပြင်ရှေ့၌ ကျင်းပကြောင်းသိရသည်။ 

740

   ပထမဦးစွာ တန်ဆောင်တိုင်မီးထွန်းပွဲတော် အခမ်းအနားအား ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးခွန်စံလွင်၊ အလုပ်အမှုဆောင် ဦးခွန်အေးမောင်၊ မြို့နယ်အုပ်ချုပ်ရေးမှူး ဦးမောင်မောင်၊ ပါရမီEnergy Companyမှ ဦးပြည့်ဝထွန်းတို့က ဖဲကြိုးဖြတ်ဖွင့်လှစ်ပေးကြသည်။

741

   ဆက်လက်၍ အမှတ်(၂)အခြေခံပညာအထက်တန်းကျောင်းမှ ကျောင်းသား၊ ကျောင်းသူလေးများက ဘင်ခရာ တီဝိုင်းဖြင့် တီးမှုတ်ဖျော်ဖြေ၍ လည်းကောင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသရှိ  ယဉ်ကျေးမှု အကအဖွဲ့ တိုင်းရင်းသူလေးများနှင့် ကျောင်းသူလေးများက မီးပုံအကဖြင့် ကပြဖျော်ဖြေကြကြောင်း သိရသည်။

   ထို့နောက် တန်ဆောင်တိုင်မီးထွန်းပွဲတော် ဖွင့်ပွဲအထိမ်းအမှတ် မီးရှုးမီးပန်းများ လွှတ်တင်ရန် အတွက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုပ်နှိပ်ဖွင့်လှစ် ပေးကြောင်းသိရသည်။

   ၎င်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီး ဒေါ်ဖြူဖြူညွှန့်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌတို့က တန်ဆောင်တိုင်မီးထွန်းပွဲတော် ဖွင့်ပွဲအထိမ်းအမှတ် ရတနာဒီပံ ဆီမီးထွန်းညှိပူဇော်ပေးကြကြောင်းသိရှိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဇနီး၊ ပြည်နယ်လွှတ်တော်ဥက္ကဌ၊ ပြည်နယ်တရားလွှတ်တော် တရားသူကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဇနီးများ၊ ပြည်နယ်ဥပဒေချုပ်နှင့် ဇနီး၊ ပြည်နယ်စာရင်းစစ်ချုပ်နှင့် ဇနီး၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌနှင့် ဇနီး၊ ဒေသဦးစီးအဖွဲ့ဝင်များ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ ယဉ်ကျေးမှုအကအဖွဲ့များ၊ ကျောင်းသား၊ ကျောင်းသူများ၊ ဆရာ၊ ဆရာမများ၊ ဘင်ခရာတီးဝိုင်းအဖွဲ့နှင့် ပန်းဖွားအကအဖွဲ့များ၊ ဒေသခံမိဘပြည်သူများ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

မောင်မောင်သန်း(တောင်ကြီး)

 

တန့်ယန်းမြို့နယ်စည်ပင်သာယာရေးကော်မတီနှင့် လင်းရွှေပြည်ကုမ္ပဏီလီမိတက် ပုဂ္ဂလိကအမှိုက်နှင့် မိလ္လာသိမ်းဆည်ရေးဝန်ဆောင်မှုလုပ်ငန်း သဘောတူစာချုပ်ချုပ်ဆို

တောင်ကြီး နိုဝင်ဘာ - ၁၃

747

   တန့်ယန်းမြို့နယ်စည်ပင်သာယာရေးကော်မတီနှင့် လင်းရွှေပြည် ကုမ္ပဏီလီမိတက် (လင်းရွှေပြည်ပုဂ္ဂလိက အမှိုက်နှင့် မိလ္လာသိမ်းဆည်းရေးဝန်ဆောင်မှုလုပ်ငန်း) တို့ အကြားချုပ်ဆိုသော တန့်ယန်မြို့ ပုဂ္ဂလိကအမှိုက်နှင့် မိလ္လာ သိမ်းဆည်းရေး ဝန်ဆောင်မှုလုပ်ငန်း သဘောတူစာချုပ်ချုပ်ဆိုပွဲ ကို နိုဝင်ဘာ(၁၃)ရက် နံနက်(၁၀)နာရီက တောင်ကြီးမြို့ ရှမ်းပြည်နယ် စည်ပင်သာယာရေး အစည်းအဝေးခန်းမ၌ ကျင်းပကြောင်းသိရသည်။

   ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေးဝန်ကြီး၊ ရှမ်းပြည်နယ် စည်ပင်သာယာရေး ကော်မတီဥက္ကဌ၊ ဦးစိုင်းလှဝင်းက အဖွင့်အမှာစကားပြောကြားရာတွင် လင်းရွှေပြည်အမှိုက်နှင့် မိလ္လာသိမ်းဆည်းရေး ဝန်ဆောင်မှုလုပ်ငန်းအနေဖြင့် တန့်ယန်းမြို့ကို မြို့အင်္ဂါရပ်နှင့်အညီ ဖြစ်စေရန် အမှိုက်သိမ်းဆည်းခြင်း၊ မိလ္လာသိမ်းဆည်းခြင်း လုပ်ငန်းများ ဆောင်ရွက်ပေးသည့်အတွက် ရှမ်းပြည်နယ် စည်ပင်သာယာရေးကော်မတီ၊ တန့်ယန်းမြို့နယ် စည်ပင်သာယာရေး ကော်မတီကိုယ်စား တန့်ယန်းမြို့သူ၊ မြို့သားများကိုယ်စား အထူးကျေးဇူးတင်ရှိပါကြောင်း၊ ရှမ်းပြည်နယ်စည်ပင်သာယာရေး ကော်မတီ အပါအဝင် မြို့နယ်စည်ပင်သာယာရေးကော်မတီများအနေဖြင့် မြို့ရွာများ သန့်ရှင်းသာယာလှပရေးအတွက် လုပ်ငန်းများဆောင်ရွက်ပေးနေသည့် ကော်မတီများဖြစ်ကြောင်း၊ တန့်ယန်းမြို့နယ် စည်ပင်သာယာရေး ကော်မတီအနေဖြင့် ရရှိသည့် ကော်မတီရန်ပုံငွေ၊ ဝန်ထမ်းအင်းအား လုံလောက်မှုမရှိသည့်အတွက် တန့်ယန်းမြို့ အမှိုက်နှင့် မိလ္လာသိမ်းဆည်းရေး လုပ်ငန်းကို ပြည့်ဝလုံလောက်စွာ ဆောင်ရွက်ပေးနိုင်ခြင်းမရှိခဲ့ကြောင်း၊ ယခုပုဂ္ဂလိကအမှိုက်နှင့် မိလ္လာသိမ်းဆည်းခြင်း ဝန်ဆောင်မှုလုပ်ငန်းကို ဆောင်ရွက်ပေးသည့်အတွက် တန့်ယန်းမြို့ကို မြို့အင်္ဂါရပ်နှင့် အညီပိုမိုသန့်ရှင်းသာယာလှပလာမည် ဖြစ်ကြောင်း၊ ပြည်ထောင်စုအစိုးရအဖွဲ့နှင့် ရှမ်းပြည်နယ်အစိုးရအဖွဲ့သည် မြို့ပြဖွံ့ဖြိုးတိုးတက်အောင်ဆောင်ရွက်လျှက်ရှိ ကြောင်း၊ ပတ်ဝန်းကျင်းထိန်းသိမ်းရေး ကို ထိခိုက်ယုတ်လျော့မှုမရှိအောင် အလေးထားဆောင်ရွက်လျှက်ရှိပါကြောင်း၊ မြို့တိုင်း၊ မြို့တိုင်းတွင် အမှိုက်သိမ်းဆည်းရေးလုပ်ငန်းကို ထိရောက်အောင်မြင်အောင် ဆောင်ရွက်နိုင်စွမ်းမရှိခဲ့၍ ပတ်ဝန်းကျင်း ထိန်းသိမ်းရေးကို ထိခိုက်လာမည်ဖြစ်ကြောင်း၊ မြို့တိုင်း၊ မြို့တိုင်း အမှိုက်သိမ်းဆည်းရေးကို ထိရောက်အောင်မြင်အောင် ဆောင်ရွက်ရမည့်ဖြစ်သည့်အတွက် လုပ်ငန်းဆောင်ရွက်သည့် ဝန်ဆောင်မှုအဖွဲ့အနေဖြင့်၊ နှစ်စဉ်အမှိုက်များ ကုန်စင်အောင် သိမ်းဆည်းပေးရန်မှာကြားလိုကြောင်းပြောကြားသွားသည်။ 

   ဆက်လက်၍ ရှမ်းပြည်နယ်စည်ပင်သာယာရေးကော်မတီအတွင်းရေးမှူး၊ ရှမ်းပြည်နယ်စည်ပင်သာယာရေး ဌာန ညွှန်ကြားရေးမှူး ဦးစိုင်းထွန်းထွန်းမှ တန့်ယန်းမြို့ ပုဂ္ဂလိကအမှိုက်နှင့် မိလ္လာသိမ်းဆည်းရေးလုပ်ငန်းနှင့် ပတ်သက်၍ ရှင်းလင်းတင်ပြပြီး၊ တန့်ယန်းမြို့ ပုဂ္ဂလိကအမှိုက်နှင့် မိလ္လာသိမ်းဆည်းရေးဝန်ဆောင်မှု လုပ်ငန်းသဘောတူစာချုပ်တွင် ရှမ်းပြည်နယ်စည်ပင်သာယာရေးဌာန ညွှန်ကြားရေးမှူး ဦးစိုင်းထွန်းထွန်းနှင့် အဖွဲ့များ၊ လင်းရွှေပြည်ကုမ္ပဏီလီမိတက် Director ဦးမျိုးအောင်နှင့် အသိသက်သေများမှ လက်မှတ်ရေးထိုးကြကြောင်း သိရသည်။

   ထို့နောက် လင်းရွှေပြည်ကုမ္ပဏီလီမိတက် Director ဦးမျိုးအောင်မှ လုပ်ငန်းသဘောတူစာချုပ် အောင်မြင်စွာ လက်မှတ်ရေးထိုး ပြီးစီးခြင်းအထိမ်းအမှတ်အဖြစ် ကတိကဝတ်နှင့် ကျေးဇူးတင်စကားပြောကြားပြီး၊ ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေးဝန်ကြီး၊ ရှမ်းပြည်နယ်စည်ပင်သာယာရေးကော်မတီ ဥက္ကဌဦးစိုင်းလှဝင်းမှ နိဂုံးချုပ် စကားပြောကြားကာ အခမ်းအနားကိုအောင်မြင်စွာ ရုပ်သိမ်းလိုက်ကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ စည်ပင်သာယာရေးဝန်ကြီး၊ ပြည်နယ်ဥပဒေချုပ်၊ ပြည်စည်ပင်သာယာရေးညွှန်ကြားရေးမှူးနှင့် တာဝန်ရှိသူများ၊ လင်းရွှေပြည်ကုမ္ပဏီလီမိတက်နှင့် တာဝန်ရှိသူများ၊ တောင်ကြီးမြို့နယ် စည်ပင်သာယာရေးကော်မတီ အဖွဲ့များ တက်ရောက်ကြကြောင်းသိရှိရသည်။                                                                                                                                                     မောင်မောင်သန်း(တောင်ကြီး)

 

ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် ဇနီး ဒေါ်စိန်ရီတို့၏ မိဘမဲ့ကျောင်းများသို့ သွားရောက်လှူဒါန်းမှု

တောင်ကြီး နိုဝင်ဘာ - ၁၀

737

   ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်းနှင့် ဇနီးဒေါ်စိန်ရီတို့သည် နိုဝင်ဘာလ(၁၀)ရက် နံနက်(၁၁)နာရီတွင် တောင်ကြီးမြို့ ဓမ္မဝိဒူရပရဟိတကျောင်းသို့ သွားရောက်ပြီး ဆန်(၄)အိတ်၊ ဆီ(၁၀)ပိဿာ၊ ဆား(၅)အိတ်တို့ကို သွားရောက်လှူဒါန်းပေးခဲ့ပြီး၊ (၃)ထပ်ဆောင် အဆောက်အဦး ဆောက်လုပ်နေမှုကို ကြည့်ရှု့စစ်ဆေးခဲ့သည်။

738

   ဆက်လက်၍ မိဘမဲ့အမျိုးသမီးများဂေဟာသို့သွားရောက်ခဲ့ပြီး၊ အခြေခံပညာကျောင်းများတွင် တက်ရောက်ပညာသင်ကြားလျက်ရှိကြသော မိဘမဲ့အမျိုးသမီးလေးများအတွက် ဆန်(၄)အိတ်၊ ဆီ(၁၀)ပိဿာ၊ ဆား(၅)အိတ်တို့ကို ဂေဟာအုပ်ချုပ်ရေးမှူးထံ ပေးအပ်လှူဒါန်းခဲ့ကြောင်း သိရှိရသည်။

 

ရှမ်းပြည်နယ်ဝန်ကြီးချုပ်သည် (၂၀၁၄-၂၀၁၅)ခုနှစ် မိုးစပါးရိတ်သိမ်းပွဲနှင့် တိန့်နန်းတံတားဖွင့်ပွဲ အင်းလေးကန်ထဲသို့ငါးမျိုးစိုက်ထည့်ပွဲ သို့တက်ရောက်

တောင်ကြီး     နိုဝင်ဘာ     ၁၂

743

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ အင်းတိုင်းရင်းသားရေးရာဝန်ကြီး၊ ပြည်နယ်လွှတ်တော်ကိုယ်စားလှယ်များ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများနှင့်အတူ နိုဝင်ဘာ(၁၂)ရက် နံနက်(၈)နာရီခွဲက ညောင်ရွှေမြို့နယ်၊ တိလော ကျေးရွာအုပ်စု၊   ကွင်းအမှတ်(၅)၊ ဦးပိုင်(၁၁)ရှိ       တောင်သူ  ဦးမဲ၏  လယ်ယာမြေ၌ (၂၀၁၄-၂၀၁၅)ခုနှစ် မိုးစပါးရိတ်သိမ်းပွဲသို့ တက်ရောက်ကြကြောင်း သိရသည်။

   ပထမဦးစွာ ညောင်ရွှေမြို့နယ် စိုက်ပျိုးရေးဦးစီးဌာန၊ မြို့နယ်ဦးစီးမှူး ဦးဇော်ဝင်းထွန်းမှ ညောင်ရွှေမြို့နယ်၏ လယ်ယာကဏ္ဍဖွံ့ဖြိုးတိုးတက်ရေးအတွက် ဆောင်ရွက်ထားရှိမှုအခြေအနေများ နှင့် (၂၀၁၄-၂၀၁၅)ခုနှစ် မိုးစပါးရိတ်သိမ်းပွဲ ဆောင်ရွက်ရခြင်း၏ရည်ရွယ်ချက်များအား ရှင်းလင်း တင်ပြရာ၊ (၂၀၁၄-၂၀၁၅)ခုနှစ် မိုးစပါးစိုက်ပျိုးရာသီတွင် လယ်(၁၀၂၃၃)ဧက၊ ယာ(၆၀၇၈)ဧက၊ တောင်ယာ(၂၄၀)ဧက၊ စုစုပေါင်း(၁၆၅၅၁)ဧက လျာထားပြီး၊ လျာထားချက်များကို ပြည့်မီစွာ စိုက်ပျိုးနိုင်ခဲ့ကြောင်း၊ လယ်စပါး(၁၀၂၃၃)ဧကတွင် ရွှေရင်အေး(၆၄၅၁)ဧက၊ ဆင်းရွှေဝါ(၁၁၀၆)ဧက၊ ရွှေဝါထွန်း(၁၁၈၉)ဧက၊ ပုလဲသွယ်(၁၄၈၇)ဧက စိုက်ပျိုးနိုင်ခဲ့ကြောင်း၊ ရိတ်သိမ်းပွဲဆောင်ရွက်မည့် ညောင်ရွှေမြို့နယ်၊ တိလောကျေးရွာအုပ်စု၊ ကွင်းအမှတ်(၅)၊ ဦးပိုင်(၁၁)ရှိ တောင်သူ ဦးမဲ၏ ပုလဲသွယ် စံပြစိုက်ခင်း(၁၃.၉၄)ဧက၊ ရိတ်သိမ်းမည့်စပါးမျိုးများမှာ ဗီယက်နမ်ပုလဲသွယ်စပါးမျိုး နှင့် ပုလဲသွယ်ဘာစမာတီစပ်မျိုးစပါးများ ဖြစ်ပြီး၊ ဗီယက်နမ်ပုလဲသွယ်စပါးမျိုးမှာ တစ်ဧကတင်း (၁၈၀-၂၅၀)ထိ ထွက်ရှိပြီး၊ ပုလဲသွယ်ဘာစမာတီစပ်မျိုးစပါးမှာ တစ်ဧကတင်း(၈၀-၁၂၀)ထိ ထွက်၍ အရည်အသွေးမြှင့်စပါးမျိုးများဖြစ်ကြောင်း၊ ရိုးရိုးဘာစမာတီစပါးမျိုးမှာ တစ်ဧကတင်း (၄၀-၆၀)ထိသာ ထွက်ရှိကာ ပုလဲသွယ် ဘာစမာတီစပ်မျိုးမှာ ရိုးရိုးဘာစမာတီစပါးမျိုးထက် အထွက်နှုန်း (၂)ဆ ထွက်ရှိကြောင်းနှင့် တစ်ဧကတင်း(၈၀-၁၂၀)ထိ ထွက်ရှိမည့် အရည်အသွေးမြှင့် စပါးမျိုးဖြစ်ကြောင်း ရှင်းလင်းကြောင်းသိရှိရသည်။

744

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ် စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူတို့မှ လယ်ယာလုပ်ငန်းခွင် ကျွမ်းကျင်အဆင့် လုပ်သားစံပြမောင်မယ်များအား လက်ဆောက်ပစ္စည်းများပေးအပ်ပြီး၊ ဌာနဆိုင်ရာ အကြီးအကဲများ နှင့်အတူ မှတ်တမ်းတင်ဓါတ်ပုံရိုက်ကူးကြကြောင်းသိရသည်။

   ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အင်းတိုင်းရင်းသားရေးရာဝန်ကြီးနှင့် တာဝန်ရှိသူတို့သည်၊ (၂၀၁၄-၂၀၁၅)ခုနှစ် မိုးစပါးစံကွက်ရိတ်သိမ်းနေမှုများ၊ စပါးရိတ်သိမ်း ချွေလှေ့စက်ဖြင့် ရိတ်သိမ်းဆောင်ရွက်နေမှုများ၊ လယ်ယာသုံးစက်ကရိယာများဖြင့် ထွန်ယက်ပြသ နေမှုများတို့ကို လိုက်လံကြည့်ရှုအားပေးကြကြောင်းသိရှိရသည်။

745

   ၎င်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အင်းတိုင်းရင်းသားရေးရာဝန်ကြီး နှင့် တာဝန်ရှိသူတို့သည် နံနက်(၉)နာရီခွဲက ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ တိန့်နန်းတံတားဖွင့်ပွဲအခမ်းအနားသို့ ရောက်ရှိလာရာ ပထမဦးစွာ တောင်ကြီးခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ ခရိုင်ဦးစီးမှူး ဦးစောမြင့်ထွန်းမှ တံတား တည်ဆောက်ခဲ့မှုနှင့် ပတ်သက်၍ ရှင်းလင်းတင်ပြပြီး၊ ဒေသခံပြည်သူတစ်ဦးဖြစ်သူ ဦးယောင်းမှ ကျေးဇူးတင်စကားပြန်လည်ပြောကြားကြောင်း သိရသည်။

   ယင်းနောက် အထိမ်းအမှတ်အလံများကို ရှမ်းပြည်နယ် မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးမောင်မောင်ဝင်းမှ နေရာ အရောက်ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်စိုက်ပျိုးရေး နှင့် မွေးမြူရေးဝန်ကြီး၊ အင်းတိုင်းရင်းသားရေးရာ ဝန်ကြီး၊ မြို့နယ် အုပ်ချုပ်ရေးမှူး၊ တံတားတည်ဆောက်ပေးသည့် ကုမ္ပဏီမှ တာဝန်ရှိသူတစ်ဦးတို့က အသီးသီး လက်ခံရယူကြပြီး၊ တိန့်နန်းသံကူကွန်ကရစ်တံတားအား ပြည်နယ်စိုက်ပျိုးရေးနှင့်မွေးမြူရေး ဝန်ကြီး ဦးစိုင်းဆာလူ၊ အင်းတိုင်းရင်းသားရေးရာဝန်ကြီး ဦးဝင်းမြင့်တို့က ဖဲကြိုးဖြတ်ဖွင့်လှစ်ပေး၍ ပြည်နယ် ဝန်ကြီးချုပ်နှင့်အဖွဲ့ တာဝန်ရှိသူတို့သည် တံတားအား လှည့်လည်ကြည့်ရှုစစ်ဆေးကြ ကြောင်း သိရသည်။

   ဆက်လက်၍ ရှမ်းပြည်နယ် ငါးလုပ်ငန်းဦးစီးဌာနမှ အင်းလေးကန်ထဲသို့ ငါးမျိုးစိုက် ထည့်ပွဲ ကျင်းပရာ အခမ်းအနားသို့ ပြည်နယ်ဝန်ကြီးချုပ်နှင့်အဖွဲ့ တာဝန်ရှိသူတို့သည် တက်ရောက်၍ ငါးဖိန်း(၃)သိန်း၊ ငါးမြစ်ချင်း(၁)သိန်း၊ ငါးခုံးမကြီး(၅)သောင်း၊ ရွှေဝါငါးကြင်း(၅)သောင်း၊ စုစုပေါင်း(၅)သိန်းတို့ကို လွှတ်ပေးကြပြီး၊ ကျန်ငါးမျိုးစိုက်များကို အင်းလေးကန်ရေပြင်ကျယ်တွင် ထပ်မံ၍ လွှတ်ပေးသွားမည်ဖြစ်ကြောင်း သိရသည်။

                                                                                                                                                                     မောင်မောင်သန်း(တောင်ကြီး)

 

မီးပုံးပျံပျက်ကျမှုကြောင့် သေဆုံး ဒဏ်ရာရရှိသူများအား ထောက်ပံ့ငွေပေးအပ်

တောင်ကြီး နိုဝင်ဘာ - ၉

734

ရှမ်းပြည်နယ်၊ တောင်ကြီးမြို့၊ ကျောင်းကြီးစုရပ်ကွက်၊ ရပ်ကွက်အုပ်ချုပ်ရေးမှူးရုံးတွင် နိုဝင်ဘာ(၉)ရက် နံနက်(၈)နာရီခွဲက တောင်ကြီးတန်ဆောင်တိုင်ပွဲတော်တွင်  မီးပုံးပျံပျက်ကျမှုကြောင့် သေဆုံးဒဏ်ရာရရှိသူများအား အလှူငွေထောက်ပံ့ပေးအပ်ရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်၊ ပြည်နယ်အစိုးရအဖွဲ့အတွင်းရေးမှူး ဦးမြင့်အောင်၊ တောင်ကြီးမြို့နယ် အုပ်ချုပ်ရေးမှူး ဦးဇော်မြင့်သိန်းနှင့် တာဝန်ရှိသူများ တက်ရောက်ကြသည်။

အလှူငွေထောက်ပံ့ ပေးအပ်ရာတွင် တောင်ကြီးတန်ဆောင်တိုင်ပွဲတော်၌ လွှတ်တင်ခဲ့သော အေးသာယာကိုယ်စားပြု ရောင်စုံမီးပုံးပျံမှာ လွှတ်တင်ပြီးခဏအကြာ၌ မီးလောင်ပျက်ကျရာ ပူစီပေါင်းရောင်းရန် ရောက်ရှိနေသော တောင်ကြီးမြို့၊ ကျောင်းကြီးစုရပ်ကွက် ဗုဒ္ဓဂါယာလမ်းနေ ဦးဇော်မင်းထွန်း၊ ဒေါ်သန်းသန်းအေးတို့၏ အဝေရာတောင်ကုန်းခြေရင်းရှိ ယာယီတဲပေါ်သို့ ကျရောက်မီးလောင်ကျွမ်းရာ တဲအတွင်း အိပ်ပျော်နေသော ဖိုးကလား(ခ)ရီယံဝေ၊ အသက်(၄)နှစ်ခွဲ (ဘ)ဦးဇော်မင်းထွန်းတွင် တစ်ကိုယ်လုံးမီးလောင်ကျွမ်းသေဆုံးပြီး တဲအတွင်းရှိ ဒေါ်သန်းသန်းအေး အသက်(၂၈)နှစ် (ဘ)ဦးမြင့်သိန်းတွင် ဝဲခြေရင်းဝတ်အနီး မီးလောင်ဒဏ်ရာတစ်ချက်၊ သမီးဖြစ်သူ မဘေဘီမိုးဦး(၄၅)ရက်တွင် နားထင်အနီးမီးဟတ်ဒဏ်ရာ အသီးသီးရရှိခဲ့သူများကို ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ် ဘဏ္ဍာရေးဝန်ကြီး ဦးခွန်သိန်းမောင်နှင့် တာဝန်ရှိသူတို့က ထောက်ပံ့အလှူငွေကျပ်(၂)သိန်းကိုလည်းကောင်း၊ ကျောင်းကြီးစုရပ်ကွက်အုပ်ချုပ်ရေးမှူး ဦးခင်မောင်ဝင်းက ထောက်ပံ့အလှူငွေကျပ်(၅)သောင်းကို လည်းကောင်း၊ အသီးသီးပေးအပ်ကာ အားပေးစကားပြောကြားခဲ့ကြောင်းသိရသည်။

 

ဗုဒ္ဓတက္ကသိုလ်တည်ဆောက်ရေး လုပ်ငန်းညှိနှိုင်းအစည်းအဝေး ကျင်းပ

တောင်ကြီး   နိုဝင်ဘာ   ၁၁

742

   ရှမ်းပြည်နယ်တောင်ကြီးမြို့တွင် ဗုဒ္ဓတက္ကသိုလ်တည်ဆောက်ရေးအတွက် လုပ်ငန်းညှိနှိုင်း အစည်းအဝေးကို နိုဝင်ဘာ(၁၁)ရက် မွန်းလွဲ(၁)နာရီက တောင်ကြီးမြို့၊ ရှမ်းပြည်နယ် အစိုးရရုံး အစည်းအဝေးခန်းမ၌ ကျင်းပကြောင်း သိရသည်။

   အခမ်းအနားတွင် ရှမ်းပြည်နယ် အစိုးရအဖွဲ့ပြည်နယ်ဝန်ကြီးချုပ် ဦးစဝ်အောင်မြတ်က အဖွင့် အမှာစကားပြောကြားပြီး၊ ပြည်နယ်လျှပ်စစ်နှင့်စက်မှုလက်မှု ဝန်ကြီး ဦးစိုင်းထွန်းရင်မှ ဗုဒ္ဓတက္ကသိုလ်တည်ဆောက်ရေးနှင့် ပတ်သက်၍ ရှင်းလင်းတင်ပြကြောင်း သိရသည်။

   ဆက်လက်၍ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ ဖြည့်စွက်ဆွေးနွေးကာ၊ ပြည်နယ် အစိုးရအဖွဲ့အတွင်းရေးမှူး ဦးမြင့်အောင်မှ ဗုဒ္ဓတက္ကသိုလ်တည်ဆောက်မည့်ပုံစံများကို (Power Point)ဖြင့် ရှင်းလင်းပြီး၊ သက်ဆိုင်ရာပြည်နယ်အဆင့်ဌာနဆိုင်ရာများကလည်း မိမိတို့ ကဏ္ဍအလိုက်ရှင်းလင်းဆွေးနွေးကြကြောင်း သိရသည်။

   ထို့နောက် ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဌ၊ ပြည်နယ်ဝန်ကြီးများ၊ ပြည်နယ် ဥပဒေချုပ်၊ ပြည်နယ် အစိုးရအဖွဲ့ အတွင်းရေးမှူး၊ သက်ဆိုင်ရာပြည်နယ်အဆင့်ဌာနဆိုင်ရာများ၊ လုပ်ငန်းရှင်များတို့နှင့်အတူ ကော်မတီဖွဲ့စည်းကြပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ် အမှာစကားပြောကြားခဲ့ကြောင်း သိရှိရသည်။

                                                                                                                                                                      မောင်မောင်သန်း(တောင်ကြီး)

 

နိုင်ငံတော်သမ္မတရုံးဝန်ကြီးဌာန(၅) ပြည်ထောင်စု၀န်ကြီး ဦးတင်နိုင်သိန်း၊ ကလောမြို့နယ်နှင့် ရပ်ကွက်/ကျေးရွာအုပ်စုဖွံ့ဖြိုးရေးနှင့် ထောက်အကူပြု ကော်မတီများနှင့် တွေ့ဆုံ

တောင်ကြီး နိုင်ဝင်ဘာ - ၈

732

နိုင်ငံတော်သမ္မတရုံးဝန်ကြီးဌာန(၅) ပြည်ထောင်စု၀န်ကြီး ဦးတင်နိုင်သိန်း၊ ရှမ်းပြည်နယ်၀န်ကြီးချုပ် ဦးစပ်အောင်မြတ်၊ ပြည်နယ်အစိုးအရအဖွဲ့ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူးတို့နှင့် အတူ နိုဝင်ဘာ(၈)ရက် နံနက်(၉)နာရီခွဲက ကလောမြို့နယ် အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌  လွှတ်တော်ကိုယ်စားလှယ်များ၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ ကလောမြို့နယ် စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီများနှင့် တွေ့ဆုံကြောင်း သိရှိရသည်။ 

735

အခမ်းအနားတွင် နိုင်ငံတော်သမ္မတရုံးဝန်ကြီးဌာန(၅) ပြည်ထောင်စု၀န်ကြီး ဦးတင်နိုင်သိန်းက အဖွင့်အမှာစကား ပြောကြားပြီး၊ တက်ရောက်လာသည့် အထောက်အကူပြုကော်မတီများမှ ဒေသဆိုင်ရာလိုအပ်ချက်များကို တင်ပြဆွေးနွေး ကြကြောင်းသိရသည်။ ဆက်လက်၍ နိုင်ငံတော်သမ္မတရုံးဝန်ကြီးဌာန(၅) ပြည်ထောင်စု၀န်ကြီး ဦးတင်နိုင်သိန်း၊ ရှမ်းပြည်နယ်၀န်ကြီးချုပ် ဦးစပ်အောင်မြတ် ပြည်နယ်အစိုးအရအဖွဲ့ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူးတို့သည် မွန်းလွဲ(၁)နာရီက ကလောမြို့နယ်ခန်းမ၌ လွှတ်တော်ကိုယ်စားလှယ်များ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ ကလောမြို့နယ်စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီ၊ မြို့နယ်ဖွံ့ဖြိုးတိုးတက်ရေးအထောက်အကူပြု ကော်မတီများ၊ မြို့ပေါ် ရပ်ကွက်(၂၃)ရပ်ကွက်၊ ကျေးရွာ အုပ်စု(၂၅)အုပ်စုမှ ကျေးရွာဖွံ့ဖြိုးတိုးတက်ရေးအထောက်အကူ ပြုကော်မတီဝင်များတို့နှင့် တွေ့ဆုံပြီး၊   ဒေသတွင်းလိုအပ်ချက်များအား ဖြည့်ဆည်းပေးနိုင်ရန်နှင့် ၂၀၁၅-၂၀၁၆ခုနှစ် ဒေသန္တရစီမံကိန်းနှင့်ဘတ်ဂျတ်အသေးစိတ်စီမံခန့်ခွဲရန်အတွက်  အမှန်တကယ်လိုအပ်သော ဒေသဖွံ့ဖြိုးရေးလုပ်ငန်းများ အဆိုပြုတင်ပြနိုင်ရေး ညှိနှိုင်းဆွေးနွေးခဲ့ကြောင်း သိရှိရသည်။

733

ထို့နောက် နိုင်ငံတော်သမ္မတရုံးဝန်ကြီးဌာန(၅)ပြည်ထောင်စုဝန်ကြီးဦးတင်နိုင်သိန်းနှင့် ရှမ်းပြည်နယ်၀န်ကြီးချုပ် ဦးစပ်အောင်မြတ်တို့မှ အဖွင့်အမှာစကားပြောကြားပြီး၊ တက်ရောက်လာကြသည့် မြို့နယ်စီမံခန့်ခွဲမှုကော်မတီ၊ မြို့နယ်စည်ပင်သာယာ ရေးကော်မတီ၊ မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ၊ ရပ်ကွက်/ကျေးရွာအုပ်စု အထောက်အကူပြုကော်မတီ ဝင်များတို့က ပညာရေး၊ ကျန်းမာရေး၊ လမ်းတံတား၊ သောက်သုံးရေရရှိရေး၊ မီးလင်းရေးစသည့် ဒေသဖွံ့ဖြိုးရေးဆိုင်ရာ လိုအပ်ချက်များ တင်ပြကြပြီး နိုင်ငံတော်သမ္မတရုံးဝန်ကြီးဌာန(၅)၊ ပြည်ထောင်စုဝန်ကြီး၊ ရှမ်းပြည်နယ်ဝန်ကြီးချုပ်တို့မှ ကျေးရွာအတွင်း အမှန်တကယ်လိုအပ်သော လုပ်ငန်းများကို အသေးစိတ်စီမံခန့်ခွဲနိုင်ရေး ပြန်လည်ဆွေးနွေးညှိနှိုင်းပေးခဲ့ကြောင်း သိရှိရသည်။

736

 

 

ဗဟိုရှမ်းစာပေနှင့် ယဉ်ကျေးမှုအသင်းမှ ကြီးမှူးကျင်းပသော ၂၁၀၉ခုနှစ် ရှမ်းနှစ်သစ်ကူးအထိမ်းအမှတ် ခရိုင်ပေါင်းစုံ ဘောလုံးပြိုင်ပွဲ ကျင်းပမည်

တောင်ကြီး နိုဝင်ဘာ - ၁၁

ရှမ်းနှစ် ၂၁၀၉ခုနှစ် ရှမ်းနှစ်သစ်ကူးပွဲတော်တွင် မျိုးဆက်သစ်အားကစားသမားများ ပေါ်ထွန်းလာရေးအတွက် ဗဟိုရှမ်းစာပေနှင့် ယဉ်ကျေးမှုအသင်းမှ ကြီးမှူးကျင်းပသော ၂၁၀၉ခုနှစ် ရှမ်းနှစ်သစ်ကူးအထိမ်းအမှတ် ခရိုင်ပေါင်းစုံ ဘောလုံးပြိုင်ပွဲကို နိုဝင်ဘာ(၁၄)ရက်မှ စတင်ကာ ရှမ်းပြည်နယ်အားကစားနှင့် ကာယပညာဦးစီးဌာန ပြည်နယ်ဘောလုံးကွင်း၌ ကျင်းပသွားမည် ဖြစ်ကြောင်းသိရသည်။

အဆိုပါခရိုင်ပေါင်းစုံဘောလုံးပြိုင်ပွဲကို ရှမ်းပြည်နယ်အားကစားနှင့် ကာယပညာဦးစီးဌာန၊ ရှမ်းပြည်နယ်ဘောလုံး ဆပ်ကော်မတီ၊ ဘောလုံးပြိုင်ပွဲကျင်းပရေးကော်မတီ၊ ကော်မတီ(၃)ခုမှ ပူးပေါင်းပြီး၊ ခရိုင်(၁၂)ခရိုင်မှ ကိုယ်စားပြု ဘောလုံးအားကစားသမားများ ပါဝင်ယှဉ်ပြိင် ကြမည်ဖြစ်ပြီး၊ ပြိုင်ပွဲကို နိုဝင်ဘာ(၁၄)ရက်မှ နိုဝင်ဘာ(၂၅)ရက်အထိ တစ်ရက်လျှင် (၂)ပွဲနှုန်းဖြင့် ကျင်းပကာ ပြိုင်ပွဲအချိန်မှာ မွန်းလွှဲ(၁)နာရီနှင့် ညနေ(၃)နာရီတွင် စတင်ယှဉ်ပြိုင်မည်ဖြစ်ကြောင်း နှင့် နိုဝင်ဘာ(၁၃)ရက်နေ့ နံနက်(၉)နာရီတွင် ပြည်နယ်အားကစားရုံးခန်းမ၌ ပြိုင်ပွဲဝင်အသင်းများ အား ပြိုင်ပွဲ၊ ပွဲစဉ်ရေးဆွဲခြင်း၊ စည်းကမ်းချက်များရေးဆွဲခြင်း၊ ပြိုင်ပွဲအုပ်စုခွဲခြင်းများရှင်းလင်း ဆောင်ရွက်သွားမည် ဖြစ်ကြောင်း သိရှိရသည်။

                                                                                      မောင်မောင်သန်း(တောင်ကြီး)

 

ရှမ်းပြည်နယ်၊ တောင်ကြီးမြို့၊ တန်ဆောင်တိုင်ပွဲတော် ပိတ်ပွဲကျင်းပ

တောင်ကြီး    နိုဝင်ဘာ - ၇

728

   ၂၀၁၄ ခုနှစ် ရှမ်းပြည်နယ်တောင်ကြီးမြို့ တန်ဆောင်တိုင်ပွဲတော် ပိတ်ပွဲကို နိုင်ဝင်ဘာ(၇)ရက် ညနေ(၅)နာရီက တောင်ကြီးမြို့ အဝေရာကုန်းသာယာမီးပုံးပျံကွင်း၌ ကျင်းပကြောင်းသိရသည်။ ပထမဦးစွာ စိန်နားပန်မီးပုံးပျံနှင့် ညမီးကြီးမီးပုံးပျံ(၁)လုံးစီးလွှတ်တင်ပြီး၊ ဆုချီးမြှင့်ခြင်းအခမ်းအနားကို စတင်ရာ အလွတ်တန်းပြိုင်ပွဲ (စိန်နားပန်မီးပုံးပျံ ပြိုင်ပွဲနှင့် ပွဲတော်ရှုခင်း၊ ကွင်းဖွင့်ပွဲရှုခင်းများ ဓါတ်ပုံပြိုင်ပွဲ) တွင် နှစ်သိမ့်ဆု၊ တတိယ၊ ဒုတိယ၊ ပထမဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်အတွင်းရေးမှူးမှ ဆုချီးမြှင့်၍လည်းကောင်း၊ အလွတ်တန်းပြိုင်ပွဲ (ယမ်းမီးကြီး၊ ညလွှတ်မီးပုံးပျံ ဓါတ်ပုံပြိုင်ပွဲ)တွင် နှစ်သိမ့်ဆု တတိယ၊ ဒုတိယ၊ ပထမဆုရရှိသူများကို ပြည်နယ်စာရင်းစစ်ချုပ်မှ လည်းကောင်း၊ အလွတ်တန်းပြိုင်ပွဲ (မသိုးသင်္ကန်းရက်လုပ်ပူဇော်ပွဲ၊ မြို့လုံးကျွတ်ဘုံကထိန်ပွဲတော်၊ မီးပဒေသာလှည့်လည်ပူဇော်ပွဲ ဓါတ်ပုံပြိုင်ပွဲ) တွင် နှစ်သိမ့်ဆု တတိယ၊ ဒုတိယ၊ ပထမဆုရရှိသူများကို ပြည်နယ်ဥပဒေချုပ်မှလည်းကောင်း၊ အလွတ်တန်း ပြိုင်ပွဲ (မီးပုံးပျံနေ့လွှတ်အရုပ်၊ အလှဓါတ်ပုံပြိုင်ပွဲ) တွင် နှစ်သိမ့်ဆု တတိယ၊ ဒုတိယ၊ ပထမဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေး ဝန်ကြီးမှလည်းကောင်း၊ နေ့အရုပ်ပြိုင်ပွဲ(ခြေနှစ်ချောင်း)တွင် ဂုဏ်ပြုဆု၊ ပဉ္စမဆုနှင့် စတုတ္ထဆုရရှိသူများကို တန်ဆောင်တိုင်ပွဲတော်ဖွင့်ပွဲနှင့် ပိတ်ပွဲကျင်းပရေးဦးစီးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လျှပ်စစ်နှင့် စက်မှုလက်မှုဝန်ကြီးမှလည်းကောင်း၊ နေ့အရုပ်ပြိုင်ပွဲ(ခြေလေးချောင်း)တွင် ဂုဏ်ပြုဆု၊  ပဉ္စမဆုနှင့် စတုတ္ထဆုရရှိသူများကို ပြည်နယ်သစ်တောနှင့် သတ္တုဝန်ကြီးမှလည်းကောင်း၊ နေ့အရုပ်(အုပ်စုပြိုင်ပွဲ) တွင် ဂုဏ်ပြုဆု၊ ပဉ္စမဆုနှင့် စတုတ္ထဆုရရှိသူများကို ပြည်နယ်စိုက်ပျိုးရေးနှင့် မွေးမြူရေးဝန်ကြီးမှလည်းကောင်း၊ စိန်နားပန်ပြိုင်ပွဲတွင် ဂုဏ်ပြုဆု၊ ပဉ္စမဆုနှင့် စတုတ္ထဆုရရှိသူများကို တိုင်းဦးစီးအရာရှိ ဗိုလ်မှူးကြီးမိုးကျော်သူမှ လည်ကောင်း၊ ညမီးကြီးပြိုင်ပွဲတွင် ဂုဏ်ပြုဆု၊ ပဉ္စမဆုနှင့် စတုတ္ထဆုရရှိသူများကို ပြည်နယ်စီမံကိန်းနှင့် စီးပွားရေးဝန်ကြီးမှလည်ကောင်း၊ ညမီးပဒေသာ လှည့်လည်ပြိုင်ပွဲတွင် ဂုဏ်ပြုဆုများကို ပြည်နယ်ဘဏ္ဍာရေးဝန်ကြီးမှလည်းကောင်း၊ နေ့လွှတ်အရုပ်အုပ်စု ပြိုင်ပွဲ တွင် တတိယ၊ ဒုတိယ၊ ပထမဆုရရှိသူများကို ပြည်နယ်လုံခြုံရေးနှင့် နယ်စပ်ရေးရာဝန်ကြီးမှ လည်းကောင်း၊ နေ့အရုပ်ပြိုင်ပွဲ ခြေနှစ်ချောင်းတွင် တတိယ၊ ဒုတိယ၊ ပထမဆုရရှိသူများကို ပြည်နယ်တရားလွှတ်တော်တရားသူကြီးချုပ်မှ လည်းကောင်း၊ နေ့အရုပ်ပြိုင်ပွဲ ခြေလေးချောင်းတွင် တတိယ၊ ဒုတိယ၊ ပထမဆုရရှိသူများကို တန်ဆောင်တိုင်ပွဲတော်ကျင်းပရေး ဦးစီးကော်မတီဥက္ကဌ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီးမှလည်းကောင်း၊ Miss Tazaungdaing ပြိုင်ပွဲတွင် ဂုဏ်ပြုဆု(၃)ရရှိသောသူများကို ရှေ့ပိုင်းတိုင်းစစ်ဌာနချုပ် တိုင်းမှူး၏ဇနီး ဒေါ်ဌေးဌေးဝင်းမှ လည်းကောင်း၊ Miss Tazaungdaing ပြိုင်ပွဲတွင် တတိယ၊ ဒုတိယ၊ ပထမဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ဇနီး ဒေါ်ဖြူဖြူညွှန်မှလည်းကောင်း၊ စိန်နားပန်ပြိုင်ပွဲတွင် တတိယ၊ ဒုတိယ၊ ပထမဆုရရှိသူများကို အရှေ့ပိုင်းတိုင်းစစ်ဌာနချုပ် တိုင်းမှူးဗိုလ်မှူးချုပ်အေးဝင်းမှ လည်းကောင်း၊ ညမီးကြီးပြိုင်ပွဲတွင် တတိယဆုရပွဲတော်မီး၊ ဒုတိယဆုရHasty Powerမီး၊ ပထမဆုရ Ozoneမီးတို့ကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့မှ ဆုများကို အသီးသီးချီးမြှင့် ပေးကြကြောင်းသိရသည်။730

   ဆက်လက်၍ ရှမ်းပြည်နယ် ယဉ်ကျေးမှုအဖွဲ့က ကိန္နိရီ၊ ကိန္နရာအကနှင့် တိုးနယားဓါသိုင်းအက တို့ဖြင့် ကပြ ဖျော်ဖြေကြပြီး၊ တောင်ကြီးပညာရေးကောလိပ် သင်တန်းသူလေးများ နှင့် ရှမ်းပြည်နယ် တိုင်းရင်းသားယဉ်ကျေးမှု အဖွဲ့များက တန်ဆောင်တိုင်သီချင်းဖြင့် ကပြဖျော်ဖြေကြသည်။ 

731

   ထို့နောက်ကျောင်းသား၊ ကျောင်းသူလေးများက အဝါရောင်၊ အနီရောင်၊ အစိမ်းရောင်မီးများကို ငြိမ်းကြပြီး၊ တန်ဆောင်တိုင်ပွဲတော်ကျင်းပရေးဦးစီးကော်မတီ နာယက ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ၁၃၇၆ခု တောင်ကြီးတန်ဆောင်တိုင်ပွဲတော်ပိတ်သိမ်းကြောင်း ကြေငြာ၍တန်ဆောင်တိုင်ပွဲတော် အောင်မြင်ပြီးမြောက်ခြင်း အထိမ်းအမှတ် မီးရှုး၊ မီးပန်း၊ မီးပုံးပျံ၊ မီးပုံးအလုံးငယ်(၁၀၀၀)များဖြင့် လွှတ်တင်ပိတ်သိမ်းလိုက်ကြောင်းသိရှိရသည်။

   အဆိုပါအခမ်းအနားသို့ နိုင်ငံတော်သမ္မတရုံးဝန်ကြီးဌာန(၅) ပြည်ထောင်စုဝန်ကြီး ဦးတင်နိုင်သိန်း နှင့် ဇနီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်နှင့် ဇနီး၊ အရှေ့ပိုင်းတိုင်း စစ်ဌာနချုပ် တိုင်းမှူးနှင့် ဇနီး၊ ပြည်နယ်တရားလွှတ်တော်တရားသူကြီးချုပ်နှင့် ဇနီး၊ ပြည်နယ်ဝန်ကြီးများ နှင့် ဇနီးများ၊ ပြည်နယ်ဥပဒေချုပ်နှင့် ဇနီး၊ ပြည်နယ်စာရင်းစစ်ချုပ်နှင့် ဇနီး၊ ပြည်နယ်အစိုးရအဖွဲ့ အတွင်းရေးမှူးနှင့် ဇနီး၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ မီးပုံးပျံပြိုင်ပွဲနှင့် Miss Tazaungdaing ပြိုင်ပွဲတွင် ဆုရရှိသူများ၊ ဒေသခံမိဘပြည်သူများ၊ ဖိတ်ကြားထားသည့် ဧည့်သည်တော် များ တက်ရောက်ကြကြောင်းသိရှိရသည်။

729

                                                                                                                                                            မောင်မောင်သန်း(တောင်ကြီး)

 

More Articles...

  1. (၂၀၁၅−၂၀၁၆) ခုနှစ်စီမံကိန်းနှင့် ဘတ်ဂျက်လုပ်ငန်းညှိနှိုင်း အစည်းအဝေး ကျင်းပ
  2. မသိုးသင်္ကန်း ယက်လုပ်ယှဉ်ပြိုင်ပွဲနှင့် ဆက်ကပ်လှူဒါန်း၊ ကထိန်ရေစက်ချ အခမ်းအနား
  3. မီးပုံးပျံပျက်ကျပြီး ဒဏ်ရာရရှိသူများအား ထောက်ပံ့ငွေအလှူငွေပေးအပ်
  4. ရှမ်းပြည်နယ်အစိုးရအဖွဲ့ နှင့် PINE LAND OASIS REGIONAL DEVELOPMENT CO,LTD အဖွဲ့နှင့် တွေ့ဆုံ
  5. ရှမ်းပြည်နယ်ဝန်ကြီးချုပ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့တွင် လမ်း၊ တံတား၊ ရေရရှိရေး ဖွင့်ပွဲ တက်ရောက်ဖွင့်လှစ်ပေး
  6. မြိုင်မြိုင်ဆိုင်ဆိုင်တောင်ကြီးတန်ဆောင်တိုင်ပွဲတော်ဖွင့်ပွဲကျင်းပ
  7. (၃၄)ကြိမ်မြောက်ရွှေညောင်မြို့၊ မြို့လုံးကျွတ်စုပေါင်းမဟာဘုံကထိန် ပွဲတော်ကျင်းပ
  8. အပြည်ပြည်ဆိုင်ရာ ဗုဒ္ဓတက္ကသိုလ်ကျောင်းတိုက်မြေသန့် မင်္ဂလာ ကျင်းပ
  9. ရှမ်းပြည်နယ်အစိုးရအဖွဲ့နှင့် အိန္ဒိယနိုင်ငံ သံရုံး သံအမတ်ကြီး(H.E.MR. Gautam Mukhopadhaya) တွေ့ဆုံ
  10. ကလေးသူငယ်အခွင့်အရေးများဆိုင်ရာ အသိဖလှယ်ဆွေးနွေးပွဲကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-linlyရှမ်းပြည်နယ်(အရှေ့ပိုင်း) ကျိုင်းတုံ၊ မိုင်းလားနှင့် မိုင်းပြင်းမြို့နယ်များတွင် အများဆုံး နေထိုင်ကြပါသည်။

We have 52 guests and no members online

Latest Updates