သတင်းများ

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ်(တောင်ပိုင်း)ရှိ ခရိုင်(၃)ခရိုင်အား စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေများ ပေးအပ်ပွဲနှင့် လူမှုစောင့်ရှောက်ရေး စေတနာ့ဝန်ထမ်းလူငယ်များနှင့် သဘာဝဘေးလျော့ပါးရေး စေတနာ့ ဝန်ထမ်းလူ

တောင်ကြီး   စက်တင်ဘာ   ၂၀

653

   လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ် (တောင်ပိုင်း)ရှိ တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ စေတနာ့ဝန်ထမ်း အဖွဲ့အစည်းများသို့(၂၀၁၄-၂၀၁၅)ခု ဘဏ္ဍာရေးနှစ် ထောက်ပံ့ငွေများပေးအပ်ပွဲနှင့် လူမှုစောင့်ရှောက်ရေး စေတနာ့ဝန်ထမ်းလူငယ်များနှင့် သဘာဝဘေးလျော့ပါးရေး စေတနာ့ဝန်ထမ်းလူငယ်များ နည်းပြသင်တန်းအမှတ်စဉ်(၁၈/၂၀၁၄)ဖွင့်ပွဲကို စက်တင်ဘာ(၂၀)ရက် နံနက်(၈)နာရီခွဲက တောင်ကြီးမြို့ မြို့တော်ခန်းမ၌ ကျင်းပသည်။

   ပထမဦးစွာ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်နှင့် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့က အမှာစကားပြောကြားကြသည်။

   ဆက်လက်၍ လူမှုဝန်ထမ်းဦးစီးဌာန ညွှန်ကြားရေးမှူးချုပ် ဦးစိုးကြည်က လူမှုစောင့်ရှောက်ရေး စေတနာ့ဝန်ထမ်းလူငယ်များ စီမံကိန်းအကြောင်း ရှင်းလင်း၍လည်းကောင်း၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန ညွှန်ကြားရေးမှူးချုပ် ဦးစိုးအောင်က သဘာဝဘေးလျော့ပါးရေး စေတနာ့ဝန်ထမ်းလူငယ်များ စီမံကိန်းအကြောင်းတို့ကို ရှင်းလင်းတင်ပြ ကြသည်။

   ထို့နောက် ထောက်ပံ့ငွေများပေးအပ်ရာ တောင်ကြီးမြို့နယ်ရှိ ငြိမ်းချမ်းရေးလူငယ်ဖွံ့ဖြိုးရေး ပရဟိတဂေဟာ၊ အေးသာယာ လူငယ်ဖွံ့ဖြိုးရေးပရဟိတဂေဟာ၊ ဓမ္မဝိဒူ လူငယ်ဖွံ့ဖြိုးရေး ပရဟိတ ဂေဟာ၊ ဟမ်းဆီး လူငယ်ဖွံ့ဖြိုးရေးပရဟိတဂေဟာ၊အမျိုးသမီးဖွံ့ဖြိုးရေး ပရဟိတဂေဟာ၊ ဒေါ်ကြီးဒေါ်ငယ် လူငယ်ဖွံ့ဖြိုးရေးပရဟိတဂေဟာ၊ သူငယ်တော်ယေဇူး မသန်စွမ်းပရဟိတဂေဟာ၊ ရှမ်းရိုးမဘိုးဘွားရိပ်သာ၊ ဖယ်ခုံမြို့နယ်ရှိ လအိလူငယ်ဖွံ့ဖြိုးရေး ပရဟိတဂေဟာ၊ လပင်နွဲ့ လူငယ်ဖွံ့ဖြိုးရေးပရဟိတဂေဟာ၊ စလင်းလူငယ်ဖွံ့ဖြိုးရေး ပရဟိတဂေဟာ၊ နတ်တောကျောင်း လူငယ်ဖွံ့ဖြိုးရေးပရဟိတဂေဟာ၊ ဆိုင်ခွန်တောင် လူငယ်ဖွံ့ဖြိုးရေးပရဟိတဂေဟာ၊ ဘီကင်းကျောင်း လူငယ်ဖွံ့ဖြိုးရေးပရဟိတဂေဟာ၊ လကျီနွဲ့လူငယ်ဖွံ့ဖြိုးရေး ပရဟိတဂေဟာ၊ ဇီးဖြူတောင် လူငယ်ဖွံ့ဖြိုးရေးပရဟိတဂေဟာ၊ ညောင်ရွှေမြို့နယ်ရှိ မိုင်းသောက် လူငယ်ဖွံ့ဖြိုးရေး ပရဟိတဂေဟာ၊ ဇေယျသုခ လူငယ်ဖွံ့ဖြိုးရေးပရဟိတဂေဟာ၊ ပင်လောင်းမြို့နယ်ရှိ နန်းဟူး လူငယ်ဖွံ့ဖြိုးရေး ပရဟိတဂေဟာ၊ ထီးနားကောင်းလူငယ်ဖွံ့ဖြိုးရေး ပရဟိတဂေဟာ၊ ကလောမြို့နယ်ရှိ ပစ္ဆိမာရုံ(အောင်ပန်း)လူငယ်ဖွံ့ဖြိုးရေး ပရဟိတဂေဟာ၊ ရပ်စောက်မြို့နယ်ရှိ သုခကာရီ ဘိုးဘွားရိပ်သာ၊ တောင်ကြီးခရိုင်အတွင်းရှိ ကိုယ့်အားကိုယ်ကိုး မူလတန်းကြို ကျောင်း(၅၃)ကျောင်း၊ လင်းခေးမြို့နယ်ရှိ မကျိုင်းမွန်း လူငယ်ဖွံ့ဖြိုးရေးပရဟိတဂေဟာ၊ လင်းခေး ခရိုင်အတွင်းရှိ ကိုယ့်အားကိုယ်ကိုး မူလတန်းကြိုကျောင်း(၅)ကျောင်း၊ လွိုင်လင်ခရိုင်အတွင်းရှိ ကိုယ့်အားကိုယ်ကိုး မူလတန်းကြိုကျောင်း(၁၂)ကျောင်းတို့ကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်နှင့် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့မှ ထောက်ပံ့ငွေများ ပေးအပ်ရာ တာဝန်ရှိသူများက အသီးသီးလက်ခံရယူကြသည်။

   ၎င်းနောက် ဂေဟာအုပ်ချုပ်ရေးမှူးတစ်ဦးက ကျေးဇူးတင်စကားပြန်လည်ပြောကြားပြီး၊ ရှမ်းပြည်နယ်(တောင်ပိုင်း)အတွင်းရှိ ခရိုင်(၃)ခရိုင်အား ထောက်ပံ့ငွေများမှာ တောင်ကြီးခရိုင် အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေကျပ်(၁၃၃၄၄၇၀၀၀)သိန်း၊ လင်းခေး ခရိုင်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေကျပ်(၆၅၂၀၀၀၀)သိန်း၊ လွိုင်လင်ခရိုင်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေကျပ်(၇၂၀၀၀၀၀)သိန်း၊ စုစုပေါင်း ထောက်ပံ့ငွေကျပ်(၁၄၇၁၆၈၀၀၀)သိန်း ဖြစ်ကြောင်း သိရှိရသည်။

   အဆိုပါ အခမ်းအနားသို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ အစိုးရအဖွဲ့ပြည်နယ်အတွင်းရေးမှူး၊ ပြည်နယ်စာရင်းစစ်ချုပ်၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာနတို့မှ ညွှန်ကြားရေးမှူးချုပ်များ၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များ၊ သင်တန်းတက်ရောက်မည့် ပရဟိတဂေဟာမှ သင်တန်းသား/ သင်တန်းသူများ၊ ရပ်ကွက်အုပ်ချုပ်ရေးမှူးများ တက်ရောက်ကြကြောင်း သိရှိရသည်။

                                                                                                                                                                      မောင်မောင်သန်း(တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၀/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၁/၂၀၁၄)ကျင်းပ

တောင်ကြီး  စက်တင်ဘာ   ၁၇

652

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၀/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၁/၂၀၁၄) နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၁၀/၂၀၁၄) အခမ်းအနားကို စက်တင်ဘာ(၁၇)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့၊ အစည်းအဝေး ခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြားသည်။

   ဆက်လက်၍ အစည်းအဝေး ဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေးကော်မတီ အစည်းအဝေး အမှတ်စဉ် (၁၀/၂၀၁၄)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၁၁/၂၀၁၄) တင်ပြချက်များ မြေလွတ်၊ မြေလပ် နှင့် မြေရိုင်း များစီမံခန့်ခွဲရေးလုပ်ငန်း အဖွဲ့အစည်းအဝေး အမှတ်စဉ် (၁၀/၂၀၁၄) တင်ပြချက်များအား ဆွေးနွေး ဆုံးဖြတ်ကြသည်။

   ထို့နောက် အခမ်းအနားသို့ တက်ရောက်လာသော ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ များမှ တာဝန်ရှိသူများ၊ တိုင်းစစ်ဌာနချုပ်မှ ဦးစီးအရာရှိကြီးများ၊ ရှမ်းပြည်နယ်အစိုးအရအဖွဲ့ ပြည်နယ် စိုက်ပျိုးရေး နှင့် မွေးမြူရေး ဝန်ကြီး၊ ရှမ်းပြည်နယ် အစိုးရအဖွဲ့ အတွင်းရေးမှူး နှင့် ပြည်နယ်အဆင့်ဌာနဆိုင်ရာ တာဝန်ရှိသူတို့က အထွေထွေ ဆွေးနွေးတင်ပြကြသည်။

   ယင်းနောက် ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေး ဝန်ကြီး၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ မှ တာဝန်ရှိသူ များ၊ ပြည်နယ်အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိ ကြီးများ၊ ပြည်နယ် အဆင့်ဌာနဆိုင်ရာ တာဝန်ရှိသူများ တက်ရောက်ကြကြောင်း သတင်းရရှိသည်။

 

                                                                                                         မောင်မောင်သန်း(တောင်ကြီး)

 

လားရှိုးတွင်မီးငြိမ်းသတ်ယာဉ် လွှဲပြောင်းပေးအပ်

လားရှိုး    စက်တင်ဘာ  ၁၂

648

   ရှမ်းပြည်နယ်(မြောက်ပိုင်း) လားရှိုးမြို့မြို့နယ်မီးသတ်စခန်းရုံးတွင် စက်တင်ဘာ ၁၂ ရက် နံနက် ၉ နာရီခွဲအချိန်က မီးငြိမ်းသတ်ယာဉ်လွှဲပြောင်းပေးအပ်ပွဲအခမ်းအနားကျင်းပကြောင်းသိရှိရသည်။

   ရှမ်းပြည်နယ်အစိုးရအဖွဲ့မှ လှူဒါန်းသော မီးငြိမ်းသတ်ယာဉ်(၁)စီးနှင့် ရေသယ်ယာဉ်(၁)စီး တို့အား  သီပေါမြို့နယ် ၊မိုင်းခေးကျေးရွာနှင့်  လားရှိုးမြို့နယ် ဟန်နားကျေးရွာသို့ ရှမ်းပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူက မီးငြိမ်းသတ်ယာဉ်နှင့် စာရွက်စာတမ်းများကို လွှဲပြောင်းပေးအပ်ရာ  တိုင်းရင်းသားခေါင်းဆောင် ဦးလွယ်မောင်းက လက်ခံရယူခဲ့ပြီး မှတ်တမ်းတင် ဓာတ်ပုံရိုက်ကူးကြကြောင်း သိရှိရပါ သည်။

   မီးငြိမ်းသတ်ယာဉ် လွှဲပြောင်းပေးအပ်ပွဲအခမ်းအနားသို့ ရှမ်းပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ တိုင်းရင်းသားခေါင်းဆောင် ဦးလွယ်မောင်းနှင့် အဖွဲ့ဝင်များ၊ ပြည်နယ်အုပ်ချုပ်ရေးမှူး ဦးစိန်အုပ်နှင့် ခရိုင်မြို့နယ်မှ အုပ်ချုပ်ရေးမှူးများ၊ ရပ်ကွက်အုပ်ချုပ်ရေးမှူးများ ၊ ဌာနဆိုင်ရာများ၊ မီးသတ်ဌာနမှ ဝန်ထမ်းများတက်ရောက်ခဲ့ကြကြောင်းသိရှိရပါသည်။

                                                                                                                                                                     ဟန်ဌေး (iprd)

                                                                                                                                                                       ခရိုင်ပြန်/ဆက်

 

ပြည်နယ်လူမှုရေးဝန်ကြီး ရပ်စောက်/ဗထူး မြို့နယ် အခြေခံပညာအထက်တန်းကျောင်းနှင့် ရပ်စောက် ပြည်သူ့ဆေးရုံတို့ သွားရောက်ကြည့်ရှုစစ်ဆေး

တောင်ကြီး   စက်တင်ဘာ -  ၁၄

651

   ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းသည် စက်တင်ဘာ (၁၄)ရက် မွန်းလွဲ(၁)နာရီက ရပ်စောက်/ဗထူး မြို့နယ် အခြေခံပညာအထက်တန်းကျောင်းသို့ သွားရောက်၍ (၂၀၁၄-၂၀၁၅) ဘဏ္ဍာရေးနှစ် ငွေလုံးငွေရင်းရန်ပုံငွေဖြင့် တည်ဆောက်မည့် ကျောင်းဆောင်သစ် ဆောက်လုပ်နိုင်ရေးအတွက် မြေနေရာ အနေအထားများအား သွားရောက်  ကြည့်ရှုစစ်ဆေးရာ ကျောင်းအုပ်ဆရာကြီးနှင့် တာဝန်ရှိသူများက လိုက်လံရှင်းလင်းပြသကာ ပြည်နယ်လူမှုရေးဝန်ကြီးမှ လိုအပ်သည်များကို ဖြည့်စွက်လမ်းညွှန်မှာကြားခဲ့ပြီး ကျောင်းဆောင် သစ်ဆောက်လုပ်မည့်မြေနေရာအား ရွေးချယ်ပေးခဲ့ကြောင်း သိရသည်။

   ဆက်လက်၍ ပြည်နယ်လူမှုရေးဝန်ကြီးသည် ရပ်စောက်မြို့နယ် ပြည်သူ့ဆေးရုံသို့ သွားရောက်ကာ ဆေးရုံဝင်းအတွင်းကြည့်ရှုစစ်ဆေး၍ ဆေးရုံအုပ်ကြီး၊ ဆရာဝန်၊ ဆရာ/ဆရာမများ နှင့် တွေ့ဆုံကာ လုပ်ငန်းလိုအပ်ချက်များ၊ ဆေးရုံလိုအပ်ချက်များကို ဆွေးနွေးမှာကြားခဲ့ကြောင်း သိရသည်။

   ထို့နောက် (၂၀၁၄-၂၀၁၅) ဘဏ္ဍာရေးနှစ် ငွေလုံးငွေရင်း ရန်ပုံငွေဖြင့် တည်ဆောက်မည့် ကျောင်းဆောင်သစ်ဆောက်လုပ်နိုင်ရေးအတွက် မြေနေရာ အနေအထားများအား သွားရောက် ကြည့်ရှုစစ်ဆေးရာ ကျောင်းအုပ်ဆရာမကြီးနှင့် တာဝန်ရှိသူများမှ လိုက်လံရှင်းလင်းပြသကြပြီး၊ ပြည်နယ်လူမှုရေးဝန်ကြီး ဒေါက်တာမျိုးထွန်းမှ ကျောင်းဆောင်သစ်ဆောက်လုပ်မည့်မြေနေရာအား ရွေးချယ်ပေးခဲ့၍ ကျောင်းအုပ်ဆရာမကြီးနှင့် ဆရာ/ဆရာမများအား တွေ့ဆုံကာ ပညာရေး သင်ကြားပိုင်းတွင် စေတနာထားသင်ကြားရန်နှင့် ကျောင်းသား/ ကျောင်းသူများအား အရည် အသွေးပြည့်ဝရန် ဆရာ/ဆရာမများကလည်း အရည်အသွေးမြှင့်မားရန်လိုအပ်ကြောင်းနှင့် ကျောင်းလုပ်ငန်းများကိုလည်း ရှင်းလင်းမှာကြားခဲ့ကြောင်း သိရှိရသည်။

                                                                                                                                                                                    မောင်မောင်သန်း(တောင်ကြီး)

မိုင်းဆတ်ကျောင်းများ၌ စာဖတ်စွမ်းရည်ပြိုင်ပွဲ ကျင်းပ

မိုင်းဆတ် စက်တင်ဘာ  −  ၁၁ 

646

   ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် ဒေသခံပြည် သူများနှင့် ကျောင်းသား၊ ကျောင်းသူများ စာပေလေ့လာဖတ်ရှုပြီး စာပေအသိပညာဗဟုသုတများ ရရှိစေရန်နှင့် စာဖတ်သည့်အလေ့အထများ ရရှိစေရန် ရည်ရွယ်၍ လစဉ်ကွင်းဆင်းပြီး နယ်လှည့်စာကြည့်တိုက်ဖွင့်လှစ်ပေးခြင်း၊  စာဖတ်ဝိုင်းများပြုလုပ်ပေးခြင်းနှင့် စာဖတ်စွမ်းရည်ပြိုင်ပွဲများကို ဆောင်ရွက်ပေးလျက်ရှိရာ စက်တင်ဘာ ၁၁ ရက် နံနက်(၁၀)နာရီက ကျဒယ်ကျေးရွာ၊ အခြေခံပညာမူလတန်းလွန်ကျောင်း၌ စာဖတ်စွမ်းရည်ပြိုင်ပွဲ အခမ်းအနား ကျင်းပသည်။

   အခမ်းအနားတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဦးသန်းဇော်ဦးက စာဖတ် ခြင်း၏ အကျိုးကျေးဇူးနှင့် စာဖတ်စွမ်းရည်ပြိုင်ပွဲကျင်းပရသည့် ရည်ရွယ်ချက်များကို ရှင်းလင်းပြောကြားပြီး ''အကျင့် ကောင်းကလေး '' ခေါင်းစဉ်ဖြင့် စာဖတ်စွမ်းရည်ပြိုင်ပွဲကျင်းပရာ ပထမဆုရ ဆဌမတန်းမှ မဇူးဇူးမောင်ကို ခရိုင်ဦးစီးမှူး ဦးသန်းဇော်ဦးက လည်းကောင်း၊ ဒုတိယဆုရ ဆဌမတန်းမှ မဆူးမြတ်ဝေကို ကျောင်းအုပ်ဆရာမကြီး ဒေါ်လွင်လွင်သန်းက လည်းကောင်း ဂုဏ်ပြုဆုငွေနှင့်ကျောင်းသုံးဗလာစာအုပ်များ ပေးအပ်ချီးမြှင့်သည်။ ထို့နောက် ခင်းကျင်းပြသထားသော အသိပညာပေး ဓာတ်ပုံနှင့် နံရံကပ်စာစောင်တို့ကို  ကျောင်းသား၊ ကျောင်းသူများက စိတ်ပါဝင်စားစွာလေ့လာဖတ်ရှု့ခဲ့ကြောင်းသိရသည်။

   အလားတူ မွန်းလွဲ(၁)နာရီက ဝိန်းနေကျေးရွာ၊ အခြေခံပညာမူလတန်းကျောင်း၌ ကျင်းပရာ ခရိုင်ပြန်ကြား ရေးနှင့်ပြည်သူ့ဆက်ဆံရေးဦးစီးဌာန၊ ဒုတိယဦးစီးမှူး ဒေါ်နန်းကြည်အေးက စာဖတ်ခြင်း၏ အကျိုးကျေးဇူးနှင့် မူးယစ် ဆေးဝါးဆိုးကျိုးများအကြောင်းရှင်းလင်းပြောကြားပြီး စာဖတ်စွမ်းရည်ပြိုင်ပွဲကျင်းပရာ  ပထမဆုရ စတုတ္ထတန်းမှ မောင်အဲလှကို ဒုတိယဦးစီးမှူး ဒေါ်နန်းကြည်အေးက လည်းကောင်း၊ ဒုတိယဆုရ စတုတ္ထတန်းမှ မောင်လီဒွန်းကို ကျောင်းအုပ်ဆရာမကြီး ဒေါ်လဲ့လဲ့အေးက လည်းကောင်း ဂုဏ်ပြုဆုငွေနှင့် ကျောင်းသုံးဗလာစာအုပ်များ ပေးအပ်ချီး မြှင့်ခဲ့ကြောင်းသိရသည်။

 

                                                                                                                                                                                 ယဉ်ဝင်း(iprd)

                                                                                                                                                                            ခရိုင်ပြန်/ဆက်၊ မိုင်းဆတ်။

 

ရပ်စောက်မြို့နယ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ တောင်သူလယ်သမား၊ အလုပ်သမား၊ လူငယ်ဖိုရမ် (၂၀၁၄)ခုနှစ် ပိတ်ပွဲအခမ်းအနား ကျင်းပ

တောင်ကြီး   စက်တင်ဘာ -  ၁၄

650

   ရှမ်းပြည်နယ်(တောင်ပိုင်း) ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ တောင်သူလယ်သမား၊  အလုပ်သမား၊ လူငယ်ဖိုရမ် (၂၀၁၄)ခုနှစ် ပိတ်ပွဲအခမ်းအနားကို စက်တင်ဘာ(၁၄)ရက် နံနက်(၉) နာရီခွဲက ရပ်စောက်မြို့၊ ရဿဝတီခန်းမ၌ကျင်းပရာ ရှမ်းပြည်နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဌ ပြည်နယ် ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ် (တောင်ပိုင်း) ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဝင် ပြည်နယ် ဝန်ကြီးများ၊ ပြည်နယ်/ ခရိုင်/ မြို့နယ် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီဝင်များ တက်ရောက်ကြကြောင်း သိရသည်။

   အခမ်းအနားတွင် ပါတီဝင်လူငယ်များက တို့…………ပြည်ခိုင်ဖြိုး လူငယ်သီချင်းဖြင့် သီဆို ဖွင့်လှစ်ပြီး၊ ရှမ်းပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ပြည်နယ် ဝန်ကြီးချုပ် ဦးစဝ်အောင်မြတ်က လမ်းညွှန်အမှာစကားပြောကြားပြီး၊ တောင်သူလယ်သမားဖိုရမ် ဆွေးနွေးချက် စာတမ်းကို ရပ်စောက်မြို့နယ် ကိုယ်စားလှယ်နှစ်ဦးမှ ဖတ်ကြား၍လည်းကောင်း၊ အလုပ်သမားဖိုရမ် ဆွေးနွေးချက်စာတမ်းကို ရပ်စောက်မြို့နယ် ကိုယ်စားလှယ်နှစ်ဦးမှ ဖတ်ကြားတင်ပြ၍ ခြင်္သေ့ပါတီ သီချင်းဖြင့် ဂုဏ်ပြုသီချင်း တစ်ပုဒ်ဖြင့် သီဆိုကြသည်။ 

   ထို့နောက် လူငယ်ဖိုရမ်စာတမ်းကို ရပ်စောက်မြို့နယ် ပါတီဝင်ကိုယ်စားလှယ်နှစ်ဦးမှ ဖတ်ကြားတင်ပြ၍ အဆိုပြုလွှာများ ပေးအပ်ကြပြီး၊ တောင်သူလယ်သမားရေးရာ ရှေ့လုပ်ငန်းစဉ်ကို ရပ်စောက်မြို့နယ် ပါတီဝင်တစ်ဦးမှ ဖတ်ကြား၍လည်းကောင်း၊ အလုပ်သမားရေးရာ ရှေ့လုပ်ငန်းစဉ် ကို ရပ်စောက်မြို့နယ် ပါတီဝင်တစ်ဦးမှ ဖတ်ကြား၍လည်းကောင်း၊ လူငယ်ရေးရာ ရှေ့လုပ်ငန်းစဉ်ကို ရပ်စောက်မြို့နယ်ပါတီဝင်တစ်ဦးမှ အသီးသီးဖတ်ကြားတင်ပြပြီး ဖိုရမ်ဆိုင်ရာများ နိဂုံးချုပ် တင်ပြချက်ကို ရပ်စောက်မြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီအတွင်းရေးမှူး ဦးမောင်မောင်လွင်က ရှင်းလင်းတင်ပြသည်။

   ၎င်းနောက် အလှူငွေများပေးအပ်လှူဒါန်းကြပြီး ပြည်ခိုင်ဖြိုးလူငယ်ပါတီအဖွဲ့မှ ဂုဏ်ပြု သီချင်းသီဆို၍ အခမ်းအနားကို ရုပ်သိမ်းလိုက်ကာ မှတ်တမ်းတင်ဓါတ်ပုံရိုက်ကူးကြကြောင်း သိရှိရသည်။

                                                                                                                                                                                       မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့နှင့် တက်ဟုန်းပြည်နယ်ခွဲကွန်မြူနစ်ပါတီ ဥက္ကဌ Mr. Wang Jun Qiang အဖွဲ့နှင့်တွေ့ဆုံ

တောင်ကြီး   စက်တင်ဘာ   ၁၁

645

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူးတို့သည် စက်တင်ဘာ(၁၁)ရက် မွန်းလွဲ(၂)နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ တရုတ်ပြည်သူ့သမ္မတနိုင်ငံ ယူနန် ပြည်နယ် တက်ဟုန်းပြည်နယ်ခွဲကွန်မြူနစ်ပါတီ ဥက္ကဌ Mr. Wang Jun Qiang ဦးဆောင်သည် စီးပွားရေးကိုယ်စားလှယ်အဖွဲ့ဝင်များနှင့် တွေ့ဆုံသည်။

   ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ဆွေးနွေးရာ မူဆယ်ခရိုင်အတွင်းရှိ ပညာရေး၊ ကျန်းမာရေး၊ လမ်းပန်းဆက်သွယ်ရေး ကိစ္စရပ်များ ပြုလုပ်လို ကြောင်း၊ မူဆယ်ဒေသနှင့် ယူနန်ပြည်နယ်တို့သည် ပညာရေး၊ ကျန်းမာရေး၊ လမ်းပန်းဆက်သွယ် ရေး ကိစ္စရပ်များ(၁)နိုင်ငံနှင့်(၁)နိုင်ငံ ခွဲဝေမှု ဥပဒေကိစ္စရပ်များ၊ တရားဥပဒေ စိုးမိုးရေးတို့ကို ဆွေးနွေးလိုကြောင်း၊ နှစ်နိုင်ငံချစ်ကြည်ရင်းနှီးစွာဖြင့် ယဉ်ကျေးမှုများ၊ အားကစားများ၊ ခရီးသွားလုပ်ငန်းများ ဆွေးနွေးစေလိုကြောင်း၊ ရှမ်းပြည်နယ်အတွင်းရှိ သဘာဝ အလှအပများ၊ ယဉ်ကျေးမှုများကိုလည်း လေ့လာသွားစေလိုကြောင်း ဆွေးနွေးပြောကြားသွားကြောင်း သိရသည်။

   ဆက်လက်၍ တရုတ်ပြည်သူ့သမ္မတနိုင်ငံ ယူနန်ပြည်နယ် တက်ဟုန်းပြည်နယ်ခွဲ ကွန်မြူနစ် ပါတီ အမြဲတမ်းကော်မတီ ဥက္ကဌ၊ ရွှေလီအထူးစီးပွားရေးဇုန် စမ်းသပ်ရန် စီမံအုပ်ချုပ်ရေးကော်မတီ ဥက္ကဌ Mr. Wang Jun Qiang က ပြန်လည်ဆွေးနွေးရာတွင် ယူနန်ပြည်နယ်အနေဖြင့် မြန်မာ နိုင်ငံနှင့် ရှမ်းပြည်နယ်အပါအဝင် လုပ်ငန်းကိစ္စရပ်များ ဆောင်ရွက်နေပါကြောင်း၊ နှစ်နိုင်ငံ စီးပွားရေးကူးသန်းရောင်းဝယ်ရေးအတွက် ဆောင်ရွက်လိုကြောင်း၊ ရှမ်းပြည်နယ်နှင့်ပူးပေါင်း ဆောင်ရွက်လိုပြီး၊ ရှမ်းပြည်နယ်ကို လာရောက်ခြင်းဖြင့် မူဆယ်မြို့ ဘက်စုံဖွံ့ဖြိုးတိုးတက်ရေး အတွက် ပေါင်းစပ်ညှိနှိုင်းပါက ရွှေလီနှင့် မူဆယ်ဖွံ့ဖြိုးတိုးတက်လာနိုင်ကြောင်း၊ လွန်ခဲ့သည်(၂၀၁၃) ခုနှစ်က မြန်မာနိုင်ငံနှင့် ယူနန်ပြည်နယ် စီးပွားကူးသန်း ရောင်းဝယ်မှုတွင်(၇၂%)တိုးတက်ပြီး၊ (၂၀၁၄)ခုနှစ်တွင် (၁၄၀%)တိုးတက်ကြောင်း ရှမ်းပြည်နယ်တွင် လယ်ယာစိုက်ပျိုးကဏ္ဍများ ကိုလည်း ဆွေးနွေးလိုကြောင်း၊ ကောင်းမွန်သောအလားအလာရှိကြောင်း၊ နှစ်နိုင်ငံတောင်သူလယ် သမားများအား အကျိုးခံစားခွင့်ရရှိပြီး၊ ထွက်ရှိလာသည့် ကုန်ပစ္စည်းများကို တရုတ်ပြည် စျေးကွက် တွင် တင်ပို့နိုင်ကြောင်း၊ မွေးမြူရေးလုပ်ငန်းများလည်း ဆောင်ရွက်လိုကြောင်း၊ ရှမ်းပြည်နယ် လယ်ယာကဏ္ဍများအနေဖြင့် လိုအပ်သည်များကို ကူညီဆောင်ရွက်ပေးမည်ဖြစ်ကြောင်း ဆွေးနွေး သွားသည်။

   ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများမှ သိရှိလိုသည်များကို ပြန်လည်ဆွေးနွေးပြီး ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်အမှာစကားပြောကြားရာ မှာ ရှမ်းပြည်နယ်သည် ခရိုင်(၁၃)ခုနှင့် မြို့နယ်(၅၅)မြို့နယ်၊ ကိုယ်ပိုင်အုပ်ချုပ်ခွင့်ရဒေသ(၅)ခုရှိ သည်။ တရုတ်နှင့်မြန်မာနှစ်နိုင်ငံနယ်စပ်ကုန်သွယ်ရေးလုပ်ငန်း အဓိကကျသော နယ်စပ်ထွက်ပေါက်မှာ မူဆယ်မြို့ဖြစ်ပြီး၊ နယ်စပ်ဂိတ်အသစ်တစ်ခုဖောက်လုပ်စီစဉ်ထားရှိပြီး ဖြစ်ပါကြောင်း၊ မြန်မာနိုင်ငံတွင် ထွက်ရှိသော ဆန်၊ ပြောင်းနှင့် လယ်ယာထွက်သီးနှံ တင်ပို့မှုကို အဆွေတော်တို့အနေဖြင့် ခက်ခဲမှုမရှိစေရန် ဝိုင်းဝန်းကူညီ ဆောင်ရွက်ပေးစေလိုကြောင်း၊ ပို့ကုန်/ သွင်းကုန်များကိုလည်း မူဆယ်(၁၀၅)မိုင်တွင် စုရပ်လုပ်၍ စနစ်တကျစိစစ်ပြီး ပေးပို့လျက်ရှိပါ ကြောင်း၊ နှစ်နိုင်ငံ ပညာရေး၊ ယဉ်ကျေးမှုဖလှယ်ရေးနှင့် အပြန်အလှန် ချစ်ကြည်ရေးကို ခိုင်မာစွာ တည်ဆောက်သွားရန်ဖြစ်ကြောင်း၊ ရှမ်းပြည်နယ်သို့ ရောက်ရှိစဉ်အတွင်း အင်းလေးဒေသနှင့် သဘာဝအလှရှုခင်းအလှများကို အမှတ်တရလှည့်လည်ကြည့်ရှုကြပါရန်၊ ကျေးဇူးတင်ရှိပါကြောင်း ပြောကြားခဲ့ကြောင်း သိရှိရသည်။

ECE ကိုယ်ပိုင်မူလတန်းကျောင်းသစ် ဖွင့်ပွဲ ရပ်စောက်မြို့၌ ကျင်းပ

တောင်ကြီး   စက်တင်ဘာ -  ၁၄

649

   ရှမ်းပြည်နယ်(တောင်ပိုင်း) ရပ်စောက်မြို့၌ ECE ကိုယ်ပိုင် မူလတန်းကျောင်းသစ်ဖွင့်ပွဲကို စက်တင်ဘာ(၁၄)ရက် နံနက်(၉)နာရီခွဲက အဆိုပါကျောင်း၌ ကျင်းပကြောင်း သိရသည်။

   ဆက်လက်၍ ကျောင်းဆောင်အား ဖဲကြိုးဖြတ်ဖွင့်လှစ်ရာ ရှမ်းပြည်နယ်အစိုးရအဖွဲ့ ပြည်နယ် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ် စီမံကိန်းနှင့်စီးပွားရေးဝန်ကြီး ဦးအောင်ကျော်ညွှန့်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဗထူးတပ်နယ်မှူး ဗိုလ်မှူးချုပ် တင်မောင်ဆွေ၊ ပြည်သူ့လွှတ်တော်ကိုယ်စားလှယ် ဦးခင်မောင်မြင့်တို့က ကျောင်းဆောင်သစ်ကို ဖဲကြိုးဖြတ်ဖွင့်လှစ် ပေးကြသည်။

   ထို့နောက် ECE ကျောင်းဆိုင်းဘုတ်အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က စက်ခလုတ်နှိပ်ဖွင့်လှစ်ပေးပြီး၊ ECE ကိုယ်ပိုင်ကျောင်းမှ ဦးမောင်မောင်လွင်က အထိမ်းအမှတ်အလံများကို ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ တာဝန်ရှိသူတို့ကို နေရာအရောက်ပေးအပ်ခဲ့ကာ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် အဖွဲ့များက ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့ကြကြောင်း သိရသည်။

   အခမ်းအနားသို့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ဗထူးတပ်နယ်မှ တာဝန်ရှိသူများ၊ ပြည်သူ့လွှတ်တော်ကိုယ်စားလှယ်၊ မြို့နယ် ပညာရေးမှူးများ၊ ဆရာ/ဆရာမများ၊ ကျောင်းသား/ကျောင်းသူနှင့် မိဘများ၊ ဒေသခံပြည်သူများတက်ရောက်ကြကြောင်း သိရှိရသည်။

                                                                                                                                                                                  မောင်မောင်သန်း(တောင်ကြီး)

 

တောင်ကြီးတက္ကသိုလ် နှစ်လည်မဂ္ဂဇင်းစာမူရှင်နှင့် ထူးချွန်းကျောင်းသား/ သူများအား ဂုဏ်ပြုပွဲကျင်းပ

တောင်ကြီး စက်   -   ၁၁

644

   ရှမ်းပြည်နယ်တောင်ကြီးတက္ကသိုလ် နှစ်လည်မဂ္ဂဇင်းစာမူရှင် ဂုဏ်ပြုပွဲနှင့် တက္ကသိုလ်ကိုယ်စားပြု ပြိုင်ပွဲဝင်သော ဆုရကျောင်းသား/ သူများ ဂုဏ်ပြုပွဲကို စက်တင်ဘာ(၁၁)ရက် နံနက်(၉)နာရီခွဲက တောင်ကြီး တက္ကသိုလ် ကျိုင်းတုံးခန်းမတွင် ကျင်းပကြောင်းသိရသည်။

   အခမ်းအနားတွင် တောင်ကြီးတက္ကသိုလ်ပါမောက္ခချုပ် ဒေါက်တာဒေါ်မူမူမြင့်က အဖွင့်အမှာစကား ပြောကြားရာမိမိတို့၏ စိတ်ထဲမှာရှိသည့် အနုပညာပိုင်းဆိုင်ရာအတွေးအခေါ်များ၊ ဘာသာရပ်များ၊ အတွေ့အကြုံများ ကို တောင်ကြီးတက္ကသိုလ် မဂ္ဂဇင်းထဲတွင် ဖြန့်ဝေပေးနိုင်ကြောင်း၊ တောင်ကြီးတက္ကသိုလ်မှလည်း အမှတ်တရ ဂုဏ်ပြုပွဲများပြုလုပ်ပေးမည်ဖြစ်ကြောင်း၊ စာမူရှင်များကလည်း စာမူများကို စောစောပေးပို့နိုင်ပါက မဂ္ဂဇင်း စာအုပ်များ စောစောထွက်နိုင်ကြောင်း၊ နှစ်စဉ်စာမူရှင်များကို ဂုဏ်ပြုပွဲများလုပ်ပေးနိုင်ကြောင်း၊ (၂၀၁၄)ခုနှစ် ထွက်မဂ္ဂဇင်းတွင် မပါသည့်စာမူများကိုလည်း လိုအပ်သည့်အချက်များပြန်လည် မွမ်းမံပြီး၊ (၂၀၁၅)ခုနှစ် ထွက်ရှိမည့် မဂ္ဂဇင်းများတွင် ပြန်လည်အသုံးပြု၍ တောင်ကြီးတက္ကသိုလ်မဂ္ဂဇင်းဖြစ်သည့် အတွက် ဆရာ/ ဆရာမများ၊ ကျောင်းသား/ သူများက စာမူများကို မှန်မှန်ပေးပို့ရန်နှင့် တောင်ကြီးတက္ကသိုလ်ကိုယ်စားပြုပြိုင်ပွဲများ၊ သွားရောက်ယှဉ်ပြိုင်သည့် ကျောင်းသား/ သူများ ဆုရရှိအောင် ယှဉ်ပြိုင်ကြရသည့်အတွက် ထပ်ဆင့်ဂုဏ်ပြုရခြင်း ဖြစ်ကြောင်း ပြောကြားသွားသည်။ 

   ဆက်လက်၍ စာမူရှင်နှင့် တက္ကသိုလ်ကိုယ်စားပြုပြိုင်ပွဲဝင်သော ဆုရကျောင်းသား/ သူများအားဂုဏ်ပြုပွဲ ကျင်းပရာ (၂၀၁၃)ခုနှစ်၊ တောင်ကြီးတက္ကသိုလ်နှစ်လည်မဂ္ဂဇင်းစာမူရှင် (၆၄)ဦးနှင့် ရှမ်းပြည်နယ်ယဉ်ကျေးမောင်၊ ယဉ်ကျေးမယ်ပြိုင်ပွဲ၊ အင်္ဂလိပ်ဘာသာစွမ်းရည်ပြိုင်ပွဲ၊ ထူးချွန်ကြက်ခြေနီများ၊ အားကစားပြိုင်ပွဲများတွင် တက္ကသိုလ် ဂုဏ်ဆောင်ထူးချွန်ဆုများရရှိ လာသည့် တောင်ကြီးတက္ကသိုလ်ဘာသာရပ်ဌာနအသီးသီးမှ ကျောင်းသား/ သူ (၁၄)ဦးအား၊ တောင်ကြီးတက္ကသိုလ်ပါမောက္ခ ချုပ် ဒေါက်တာဒေါ်မူမူမြင့်၊ ဒုတိယပါမောက္ခချုပ်နှင့် ပါမောက္ခ ဆရာ/ ဆရာမများတို့က အသီးသီးဂုဏ်ပြုလက်ဆောင်များ ပေးအပ်ခဲ့ကြောင်းသိရသည်။

   အဆိုပါဂုဏ်ပြုပွဲသို့ တောင်ကြီးတက္ကသိုလ်ပါမောက္ခချုပ်၊ ဒုတိယပါမောက္ခချုပ်၊ ဘာသာရပ်ဆိုင်ရာ ပါမောက္ခဆရာ/ ဆရာမများ၊ မဂ္ဂဇင်းကော်မတီအဖွဲ့များ၊ စာမူရှင်များ၊ ထူးချွန်ဆုရကျောင်းသား/ သူများ၊ ဖိတ်ကြားထားသည့် ဧည့်သည်တော်များ၊ တက်ရောက်ကြကြောင်းသိရှိရသည်။

 

မောင်မောင်သန်း(တောင်ကြီး)

မြန်မာနိုင်ငံလူကုန်ကူးမှုတိုက်ဖျက်ရေးနှင့် အထိမ်းအမှတ်ကျင်းပ

တောင်ကြီး စက်တင်ဘာ - ၁၃

647

မြန်မာနိုင်ငံလူကုန်ကူးမှု တိုက်ဖျက်ရေးနေ့အထိမ်းအမှတ်အခမ်းအနားကို စက်တင်ဘာ(၁၃)ရက် နံနက်(၉) နာရီက ရှမ်းပြည်နယ်တောင်ကြီးမြို့ မြို့တော်ခန်းမ၌ ကျင်းပကြောင်းသိရသည်။

''လူသားအချင်းချင်းစာနာလို့၊ လူကုန်ကူးမှုတိုက်ဖျက်စို့'' ဆိုသည့်အတိုင်း မြန်မာနိုင်ငံတွင် လူကုန်ကူးမှု တိုက်ဖျက်ရေးကို ထိထိရောက်ရောက်အကောင်အထည်ဖော်ဆောင်ရွက်နိုင်ရန်အတွက် လူကုန်ကူးမှုတိုက်ဖျက်ရေး ဆိုင်ရာ ပထမ(၅)နှစ် စီမံကိန်းကို (၂၀၀၇-၂၀၁၁)ထိလည်းကောင်း၊ ဒုတိယ(၅)နှစ်စီမံကိန်းကို (၂၀၁၂-၂၀၁၆)ခုနှစ် ထိလည်းကောင်း၊ ရေးဆွဲဆောင်ရွက်လျှက်ရှိပါကြောင်း၊ နှစ်စဉ်လုပ်ငန်းစီမံချက်များ ရေးဆွဲရာတွင် နိုင်ငံတကာ စံနှုန်းနှင့်အညီ အကောင်အထည် ဖော်ဆောင်ရွက်နိုင်ရန်အတွက် မူဝါဒနှင့် ပူးပေါင်းဆောင်ရွက်ရေး၊ ကြိုတင်တားဆီး ကာကွယ်ရေး၊ တရားဆွဲဆိုရေး၊ လူကုန်ကူးခံရသူများ ကာကွယ်စောင့်ရှောက်ရေး၊ စွမ်းရည်မြှင့်တင်ရေးစသည့် ကဏ္ဍ(၅)ရပ်နှင့် လုပ်ငန်းများဆောင်ရွက်လျှက် ရှိကြောင်း၊ ဌာနဆိုင်ရာများ၊ ပြည်တွင်းလူမှုရေး အသင်းအဖွဲ့များ၊ ပုဂ္ဂလိကအဖွဲ့အစည်းများနှင့် မီဒီယာများကပါ လူကုန်ကူးခံ ရသူအပေါ် စာနာစိတ်ထားပြီး၊ အမျိုးသားရေးတာဝန်တစ်ရပ်အဖြစ် လူကုန်ကူးမှုတိုက်ဖျက်ရေးတွင် ပိုမိုပူးပေါင်း ဆောင်ရွက်ရန် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားတွင် ပြောကြား သွားကြောင်းသိရသည်။

ဆက်လက်၍ ရှမ်းပြည်နယ်လူကုန်ကူးမှု တားဆီးကာကွယ်ရေးအဖွဲ့အတွင်းရေးမှူး ရှမ်းပြည်နယ် ရဲတပ်ဖွဲ့မှူးရုံးမှ ယာယီရဲမှူးကြီး လှိုင်တင့်က လူကုန်ကူးမှုတားဆီးကာကွယ်ရေး ဗဟိုအဖွဲ့၏ ဆောင်ရွက်ချက်နှင့် ရှမ်းပြည်နယ် အတွင်း လူကုန်ကူးမှု တိုက်ဖျက်ရေးဆောင်ရွက်ချက်များအား Projector ဖြင့် ရှင်းလင်းတင်ပြသည်။

ထို့နောက်မြန်မာနိုင်ငံလူကုန်ကူးမှု တိုက်ဖျက်ရေးကြိုးပမ်းဆောင်ရွက်မှုများအား ဗီဒီယိုခွေများ ပြသပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများနှင့် တာဝန်ရှိသူတို့သည် ခန်းမအတွင်း ခင်းကျင်းပြသထားသော လူကုန်ကူးမှုတိုက်ဖျက်ရေး ဆောင်ရွက်ချက် များ မှတ်တမ်းဓါတ်ပုံများအား လှည့်လည်ကြည့်ရှု့ လေ့လာ အားပေးခဲ့ကြောင်းသိရှိရသည်။

မြန်မာနိုင်ငံလူကုန်ကူးမှုတိုက်ဖျက်ရေးနေ့အထိမ်းအမှတ် အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ဥက္ကဌ၊ တိုင်းရင်းသားရေးရာဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်စာရင်းစစ်ချုပ်၊ အရှေ့ပိုင်တိုင်းစစ်ဌာနချုပ်မှ တိုင်းဦးစီးအရာရှိကြီးများ၊ ပြည်နယ်/ ခရိုင်၊ မြို့နယ်အဆင့်ဌာနဆိုင်ရာများ၊ လူမူရေးအသင်းအဖွဲ့များ၊ သူနာပြုသင်တန်းကျောင်းမှ သင်တန်းသူများ၊ ကျောင်းသား/ သူများ၊ ဆရာ/ ဆရာမများ၊ ရပ်ကွက် အုပ်ချုပ်ရေးမှူးများတက်ရောက်ကြကြောင်းသိရသည်။

 

                                                                                                             မောင်မောင်သန်း(တောင်ကြီး)

 

(၂၀၁၃-၂၀၁၄)ခုနှစ် တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့်အောင်မြင်ခဲ့သော ကျောင်းသား/ကျောင်းသူများအား ဒုတိယသမ္မတ ဒေါက်တာစိုင်းမောက်ခမ်း တက်ရောက်ဂုဏ်ပြု ချီးမြှင့်ပေး

လားရှိုး   စက်တင်ဘာ   ၇

   ပြည်ထောင်စု သမ္မတမြန်မာနိုင်ငံတော် ဒုတိယသမ္မတဒေါက်တာစိုင်းမောက်ခမ်းနှင့်ဇနီး ဒေါ်နန်းရွှေမှုံ၊ ပြည်ထောင်စုဝန်ကြီးများလိုက်ပါလျက် စက်တင်ဘာ(၇)ရက် နံနက်(၉)နာရီက လားရှိုးမြို့သို့ ရောက်ရှိလာရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့မြောက်တိုင်းစစ်ဌာနချုပ်တိုင်းမှူး ဗိုလ်ချုပ်အောင်စိုး၊ ပြည်နယ် လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီးအောင်သူ၊ ပြည်နယ်/ ခရိုင်/ မြို့နယ်အဆင့်ဌာနဆိုင်ရာ အကြီးအကဲများ၊ မြို့မိမြို့ဖများမှ လားရှိုးလေဆိပ်တွင် ကြိုဆိုကြသည်။

641

   ဆက်လက်၍ ဒုတိယသမ္မတ ဒေါက်တာစိုင်းမောက်ခမ်းနှင့်ဇနီး ဒေါ်နန်းရွှေမှုံ၊ ပြည်ထောင်စု ဝန်ကြီးများ၊ ပြည်နယ်ဝန်ကြီးချုပ်နှင့် တာဝန်ရှိသူတို့သည် နံနက်(၁၀)နာရီက လားရှိုးမြို့၊ မြို့တော် ခန်းမ၌(၂၀၁၃-၂၀၁၄)ခုနှစ် တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့်အောင်မြင်ခဲ့သော ကျောင်းသား/ကျောင်းသူများအား ဂုဏ်ပြုချီးမြှင့်ပွဲသို့ တက်ရောက်သည်။ အခမ်းအနားတွင် (၅)ဘာသာဂုဏ်ထူးရှင်(၈)ဦး၊ (၄)ဘာသာဂုဏ်ထူးရှင်(၉)ဦး၊ (၃)ဘာသာဂုဏ်ထူးရှင်(၁၈)ဦး၊ (၂)ဘာသာဂုဏ်ထူးရှင်(၄၅)ဦး၊ (၁)ဘာသာဂုဏ်ထူးရှင်(၁၂၁)ဦး၊ စုစုပေါင်း(၂၀၁)ဦးတို့အား ဒုတိယ သမ္မတဒေါက်တာစိုင်းမောက်ခမ်းနှင့်ဇနီး၊ ပြည်ထောင်စုဝန်ကြီး၊ ဒုတိယဝန်ကြီးများ၊ ရှမ်းပြည်နယ် ဝန်ကြီးချုပ်တို့မှ စုစုပေါင်းဂုဏ်ပြုငွေကျပ်(၃၄၁)သိန်းအား အသီးသီးချီးမြှင့်ပေးအပ်ခဲ့ပြီး၊ ဆုရ ကျောင်းသား/ကျောင်းသူများကိုယ်စား (၅)ဘာသာဂုဏ်ထူးရှင် မမေမြတ်နိုးမှ ကျေးဇူးတင်စကား ပြန်လည်ပြောကြားကြောင်း သိရသည်။

   ထို့နောက် ဒုတိယသမ္မတ ဒေါက်တာစိုင်းမောက်ခမ်းနှင့်အဖွဲ့သည် မြို့တော်ခန်းမမှ ပြန်လည် ထွက်ခွာလာရာ နံနက်(၁၁)နာရီတွင် တွဲဖက်ပြည်နယ် မီးသတ်ဦးစီးဌာန၌ မီးသတ်ယာဉ်ပေးအပ် လှူဒါန်းပွဲသို့ တက်ရောက်ရာ အခမ်းအနားတွင် Young Investment Group ကုမ္ပဏီအုပ်စု Young Auto ကုမ္ပဏီဥက္ကဌ ဦးသီဟအောင်မှ ပေးအပ်လှူဒါန်းသည့် မီးသတ်ယာဉ်နှင့် ပတ်သက် သော စာရွက်စာတမ်းများအားလားရှိုးမြို့၊ ရပ်ကွက်(၁၂) အုပ်ချုပ်ရေးမှူး ဦးစိုင်းကျော်လှက လက်ခံရယူပြီး၊ အမှတ်တရ စုပေါင်းဓာတ်ပုံရိုက်ကူးကြသည်။

   ၎င်းနောက် ဒုတိယသမ္မတ ဒေါက်တာစိုင်းမောက်ခမ်းနှင့် အဖွဲ့သည် မွန်းတည့်(၁၂)နာရီက မော်တော်ယာဉ်ဖြင့်ထွက်ခွာလာရာ လားရှိုးမြို့ ရပ်ကွက်(၁)နယ်မြေ(၇)ရှိ၊ ထင်းရှူးမြိုင်မြို့ကွက်သစ် ရှင်းလင်းဆောင်သို့ ရောက်ရှိပြီး၊ မြေကွက်ဖော်ထုတ်မှု အခြေအနေအား ကြည့်ရှုစစ်ဆေး၍ ရပ်ကွက်(၁)၊ နယ်မြေ(၉)ရှိ နားမခေါ်ယာဉ်ရပ်နားစခန်း၊ ချယ်ရီမြိုင်အိမ်ယာသို့ ရောက်ရှိလာရာ လုပ်ငန်းဆောင်ရွက်မှုအခြေအနေအား ကြည့်ရှုစစ်ဆေးသည်၊ ဆက်လက်၍ ပြည်နယ် စည်ပင်သာယာရေးဌာနရှိ  တာဝန်ရှိသူများနှင့်တွေ့ဆုံသည်။

   ယင်းနောက် ဒုတိယသမ္မတဒေါက်တာစိုင်းမောက်ခမ်းနှင့်အဖွဲ့သည် မွန်းလွဲ(၃:၃၀)က ရွှေလီ ရိပ်သာမှ ထွက်ခွါလာရာ ကန်မိန်းဘုန်းကြီးကျောင်းတိုက်သို့ ရောက်ရှိပြီး၊ ကန်မိန်းကျောင်းတိုက်၊ မန်ပျဉ်ကျောင်းတိုက်၊ မိုင်းတင်ကျောင်းတိုက်များမှ ကျောင်းထိုင်ဆရာတော်များအား ဖူးမျှော် ကြည်ညို၍ လှူဖွယ်ပစ္စည်းများနှင့် အလှူငွေများ ပေးအပ်လှူဒါန်းခဲ့ကြသည်။ ဆက်လက်၍ ဒုတိယသမ္မတ ဒေါက်တာစိုင်းမောက်ခမ်းနှင့်အဖွဲ့သည် မန်ဆူဗမာဘုန်းကြီးကျောင်း၊ မန်ဆူရှမ်း ဘုန်းကြီးကျောင်း၊ ရပ်ကွက်(၁၀)နယ်မြေ(၁)ရှိ တောရဘုန်းကြီးကျောင်းသို့ သွားရောက်၍ ကျောင်းထိုင်ဆရာတော်များအား ဖူးမျှော်ကြည်ညိုကာ လှူဖွယ်ပစ္စည်းများနှင့် အလှူငွေများ ပေးအပ်လှူဒါန်း ခဲ့ကြသည်။

   ထို့နောက် ပြည်ထောင်စု သမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်း နှင့် အဖွဲ့သည် စက်တင်ဘာ(၈)ရက် နံနက်(၈:၂၀)က ရွှေလီရပ်သာမှ မော်တော်ယာဉ်များဖြင့် ထွက်ခွါလာရာ လားရှိုးမြို့ ရပ်ကွက်(၁၂)ရှိ ယူလီခဆေးခန်းသို့ သွားရောက်စစ်ဆေးကြသည်။

642

   ဆက်လက်၍ ဒုတိယသမ္မတ ဒေါက်တာစိုင်းမောက်ခမ်းနှင့် အဖွဲ့သည် စက်တင်ဘာ(၉)ရက် နံနက်(၈:၁၅)က ရပ်ကွက်(၁၀)ဘူတာလမ်းရှိ ဘာသာမရွေးနာရေးကူညီမှုအသင်း၌ လူနာတင် ယာဉ်(၁)စီး ပေးအပ်လှူဒါန်းပွဲသို့တက်ရောက်ရာ အခမ်းအနားတွင် နယူးစတားလိုက်ကုမ္ပဏီမှ တာဝန်ရှိသူတစ်ဦးက လားရှိုးမြို့ ဘာသာမရွေးနာရေးကူညီမှုအသင်း ဥက္ကဌ ဦးမျိုးမြင့်ထံ လူနာတင်ယာဉ်နှင့် ပတ်သက်သော စာရွက်စာတမ်းများပေးအပ်ပြီး၊ အမှတ်တရ ဓါတ်ပုံရိုက်ကူး၍ လူနာတင်ယာဉ်အား ကြည့်ရှုစစ်ဆေးကြသည်။

   ၎င်းနောက် လားရှိုးမြို့ လေ့ကျင့်ရေးအလယ်တန်းကျောင်းဖွင့်ပွဲအခမ်းအနားသို့ တက်ရောက် ကြပြီး၊ ပြည်ထောင်စု ဝန်ကြီး ဒေါက်တာသန်းအောင်၊ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ဒုတိယဝန်ကြီး သန့်ရှင်းတို့က လေ့ကျင့်ရေးအလယ်တန်းကျောင်းမုခ်ဦးအား ဖဲကြိုးဖြတ်ဖွင့်လှစ် ပေးကြပြီး၊ ဒုတိယသမ္မတ ဒေါက်တာစိုင်းမောက်ခမ်းက လေ့ကျင့်ရေးအလယ်တန်းကျောင်း ဆိုင်းဘုတ်ကို စက်ခလုတ်နှိပ်ဖွင့်လှစ်ပေးကာ ကျောင်းဝင်းအတွင်း လှည့်လည်ကြည့်ရှုစစ်ဆေးရာ လားရှိုးမြို့ ပညာရေးကောလိပ် ကျောင်းအုပ်ကြီး ဦးစိုးသန်းက လိုက်လံရှင်းလင်းပြသသည်။

643

   ယင်းနောက် ဒုတိယသမ္မတ ဒေါက်တာစိုင်းမောက်ခမ်းသည် ကျောင်းသား/ကျောင်းသူများ ပညာသင်ကြားနေမှုကို ကြည့်ရှုအားပေးကာ ရင်းရင်းနှီးနှီး နှုတ်ဆက်အားပေးခဲ့သည်။ ဆက်လက်၍ လားရှိုးမြို့ ပညာရေးကော်လိပ် ဖွင့်ပွဲအခမ်းအနားသို့တက်ရောက်၍ ဒုတိယသမ္မတ ဒေါက်တာ စိုင်းမောက်ခမ်းက ပညာရေးဆိုင်းဘုတ်ကို စက်ခလုတ်နှိပ်ဖွင့်လှစ်ပေးပြီး၊ ပညာရေးကော်လိပ် ရှင်းလင်းဆောင်သို့ သွားရောက်ရာ ပညာရေးကော်လိပ် ကျောင်းအုပ်ကြီး ဦးစိုးသန်းက (၂၀၁၃-၂၀၁၄)ပညာသင်နှစ်တွင် လက်ခံသင်ကြားပေးနေသည့် သင်တန်းသား/သင်တန်းသူအင်အားနှင့် သင်ကြားရေးဝန်ထမ်းအင်အား အခြေအနေ၊ ကျောင်းပရဝဏ်အတွင်း စာသင်ဆောင်များနှင့် စာသင်ခန်းများ အခြေအနေများအပေါ် အသေးစိတ်ရှင်းလင်းတင်ပြရာ၊ ဒုတိယသမ္မတ ဒေါက်တာစိုင်းမောက်ခမ်းက လိုအပ်သည်များကို လမ်းညွှန်မှာကြားပြီး၊ နိုင်ငံခြားသားပညာရှင် သြစတေးလျ နိုင်ငံသား(Mr; Greg)အား ပညာရေးဝန်ကြီးမှ အမှတ်တရလက်ဆောင် ပေးအပ် ခဲ့သည်။

   ထို့နောက် ဒုတိယသမ္မတ ဒေါက်တာစိုင်းမောက်ခမ်းနှင့်အဖွဲ့သည် ပညာရေးကော်လိပ်မှ ပြန်လည်ထွက်ခွါလာရာ လားရှိုးမြို့၊ မြို့ရှောင်ကွင်းလမ်း ရှင်းလင်းဆောင်သို့ရောက်ရှိပြီး၊ ရှင်းလင်း ဆောင်တွင် အေရှားဝေါလ်ကုမ္ပဏီ ဥက္ကဌ ဦးထွန်းမြင့်နိုင်နှင့် ကုမ္ပဏီအထွေထွေစီမံခန့်ခွဲမှု ဒါရိုက်တာ ဒေါ်နန်းကြာလီတို့မှ လားရှိုးမြို့ရှောင်လမ်းနှင့်ကွမ်းလုံလမ်းမကြီး ဖောက်လုပ်ပြီးစီးမှု အခြေအနေတို့အား ရှင်းလင်းတင်ပြခဲ့ရာ၊ ဒုတိယ သမ္မတမှ လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ပြီး၊ မြို့ရှောင်လမ်းနှင့် မူဆယ်ကားလမ်းမပေါ်ရှိ အေတီ(ရေကျော်) တံတားသစ် တို့အား လှည့်လည်ကြည့်ရှုစစ်ဆေးကြကြောင်း သိရှိရသည်။

 

More Articles...

  1. မူကြိုကလေးများအား အာဟာရနို့ တိုက်ကျွေး
  2. မိုင်းရယ်တွင် အရန်မီးသတ်မွမ်းမံသင်တန်း (၁/၂၀၁၄) ဖွင့်ပွဲ ကျင်းပ
  3. သစ်သီးအလှပုံဖော်နှင့် ပန်းအလှထိုးနည်း သင်တန်းဖွင့်လှစ်
  4. ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်းနှင့် ဇနီး၊ တာဝန်ရှိသူတို့သည် မူဆယ်မြို့သို့ရောက်ရှိ
  5. သမဝါယမဦးစီးဌာန အဆင့်ဆင့်ရှိ အမှုထမ်းများ အဆင့်မြင့် သမဝါယမသင်တန်း ဆင်းပွဲကျင်းပ
  6. ရွှေညောင်မြို့ ဒက္ခိဏာရာမပရိယတ္တိစာသင်ကျောင်းတိုက်၌ သပိတ်ဆွမ်း(၁၅၅၀)လုံး လောင်းလှူပွဲကျင်းပ
  7. သူနာပြုနှင့် သားဖွားသင်တန်းကျောင်းသို့ ဆန်အိတ်များထောက်ပံ့ လှူဒါန်း
  8. နိုင်ငံတကာ စာတတ်မြောက်ရေးနေ့ အထိမ်းအမှတ် ကျင်းပ
  9. ပထမအကြိမ်၊ ရှမ်းပြည်နယ်လွှတ်တော် ဒသမပုံမှန်အစည်းအဝေး(စတုတ္ထနေ့) ကျင်းပ
  10. ရှေးဦးအရွယ် ကလေးငယ်များ ဘက်စုံဖွံ့ဖြိုးမှုရရှိစေရန် နွားနို့တိုက်ကျွေး

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

yin-nackရှမ်းပြည်နယ်(တောင်ပိုင်း) နမ့်စန်၊ မိုးနဲနှင့် ကျေးသီးမြို့နယ်များတွင် အများဆုံး နေထိုင်ကြသည်။

We have 476 guests and no members online

Latest Updates