သတင်းများ

ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်း တောင်ကြီးမြို့ ခရီးစဉ်

တောင်ကြီး   ဖေဖော်ဝါရီ   ၄

 

024

 

   ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်း နှင့် ဇနီးဒေါ်နန်းရွှေမှုန်တို့သည် ပြည်ထောင်စုဝန်ကြီးများ၊ ဒုတိယဝန်ကြီးများနှင့် အတူ ဖေဖော်ဝါရီ ၄ ရက် နံနက်၈နာရီခွဲက နေပြည်တော်မှ လေကြောင်းခရီးဖြင့် ထွက်ခွာလာပြီး ရှမ်းပြည်နယ်(တောင်ပိုင်း)ဟဲဟိုးမြို့သို့ ရောက်ရှိလာရာ ပြည်နယ်ဝန်ကြီးချုပ် ဦးစဝ်အောင်မြတ်နှင့် ဇနီးဒေါ်ဖြူဖြူညွန့်၊ ပြည်နယ်ဝန်ကြီးများ၊ ပြည်နယ်အဆင့် ဌာနဆိုင်ရာများ လှိုင်လှဲပျုငှာစွာကြိုဆိုကြသည်။

 

   ဒုတိယသမ္မတ ဒေါက်တာစိုင်းမောက်ခမ်းသည် နံနက် ၁၀နာရီခွဲက တောင်ကြီးမြို့ အမျိုးသမီးနှင့် ကလေးအထူးကုဆေးရုံသို့ သွားရောက်ခဲ့ရာ ဆေးရုံအုပ်ကြီး ဒေါက်တာ ဒေါ်စန်းစန်းဝေနှင့် တာဝန်ရှိသူများက ဆေးရုံအတွင်း လိုက်လံရှင်းလင်းပြသ၍ လည်းကောင်း၊ မွေးကင်းစလူနာများ၊ မီးယပ်နှင့် သားဖွားကုသဆောင်၊ ကလေးကုသဆောင်၊ ပြင်ပလူနာကုသဆောင်တို့ကို သွားရောက်ကြည့်ရှုစစ်ဆေးရာ တာဝန်ရှိသူများက လိုက်လံ ရှင်းလင်းတင်ပြကြသည်။

 

   ဆက်လက်၍ ဒုတိယသမ္မတသည် စဝ်စံထွန်းပြည်သူ့ဆေးရုံသို့ သွားရောက်ပြီး ဆေးရုံအတွင်း လှည့်လည်ကြည့်ရှုစစ်ဆေးရာ တာဝန်ရှိသူများက လိုက်လံရှင်းလင်းပြသကြသည်။

 

025

 

   ထိုနောက် ဒုတိသမ္မတသည် စဝ်စံထွန်းပြည်သူ့ဆေးရုံကြီး၌ ကျန်းမာရေးဝန်ထမ်းများနှင့် တွေ့ဆုံရာ အမျိုးသမီးနှင့် ကလေးဆေးရုံကြီးမှ ဆေးရုံအုပ်ကြီး ဒေါက်တာဒေါ်စန်းစန်းဝေ၊ စဝ်စံထွန်းပြည်သူ့ဆေးရုံမှ ဆေးရုံအုပ်ကြီး ဒေါက်တာ ပေါ်ထွန်း၊ ပြည်နယ်ကျန်းမာရေးဦးစီးဌာနမှူး ဦးသန်းထွဍ်အောင်တို့က ပြည်နယ်အတွင်း ကျန်းမာရေးဆိုင်ရာများကို ရှင်းလင်းတင်ပြကြသည်။

၎င်းနောက် ရှမ်းပြည်နယ်တိုင်းရင်းသားစာပေနှင့် ယဉ်ကျေးမှုအဖွဲ့များနှင့် တွေ့ဆုံပြီး၊ စာပေယဉ်ကျေးမှုအဖွဲ့မှ တိုင်းရင်းသားစာပေယဉ်ကျေအောင်တို့က ပြည်နယ်အတွင်း ကျန်းမာရေးဆိုင်ရာများကို ရှင်းလင်းတင်ပြကြသည်။

 

   ၎င်းနောက် ရှမ်းပြည်နယ်တိုင်းရင်းသားစာပေနှင့် ယဉ်ကျေးမှုအဖွဲ့များနှင့် တွေ့ဆုံပြီး၊ စာပေယဉ်ကျေးမှုအဖွဲ့မှ တိုင်းရင်းသားစာပေယဉ်ကျေးမှုဆိုင်ရာများကို ဆွေးနွေးတင်ပြကြရာ ဒုတိယသမ္မတက တင်ပြချက်များနှင့် စပ်လျဉ်း၍ ပြန်လည်ရှင်းလင်းမှာကြားသည်။

 

   ယင်းနောက် ဒုတိယသမ္မတက စာပေယဉ်ကျေးမှုအဖွဲ့ ခုနှစ်ဖွဲ့ကို ချီးမြှင့်ထောက်ပံ့ငွေကျပ် သိန်း(၂၀)စီဖြင့် သိန်း(၁၄၀)ကိုလည်းကောင်း၊ ပြည်နယ်ဝန်ကြီးချုပ် ဦးစဝ်အောင်မြတ်က တိုင်းရင်းသားစာပေယဉ်ကျေးမှုအဖွဲ့အား ချီးမြှင့်ထောက်ပံ့ငွေ ကျပ်(၁၀)သိန်းစီဖြင့် သိန်း(၇၀)တို့ကို ပေးအပ်ချီးမြှင့် ကြသည်။

 

026

 

   ညနေပိုင်းတွင် ဒုတိယသမ္မတနှင့် အဖွဲ့ဝင်များသည် တောင်ကြီးမြို့ရှိ ရွှေဘုန်းပွင့်စေတီတော်၊ မြစိမ်းတောင်စေတီတန်ခိုးကြီးဘုရားများကို သွားရောက်ဖူးမျှော်ကြသည်။

 

027

 

   ဖေဖော်ဝါရီ ၅ရက် နံနက်(၈)နာရီခွဲက တောင်ကြီးမြို့ အဝေရာမီးပုံးပျံကွင်း၌ ကျင်းပသည် ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေး အခမ်းအနားတွင် ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်းအဖွင့်အမှာစကားပြောကြားပြီး၊ သမဝါယမဝန်ကြီးဌာန ပြည်ထောင်စုဝန်ကြီး ဦးကျော်ဆန်းက ရှင်းလင်း၍ လည်းကောင်း၊ ပြည်နယ်ဝန်ကြီးချုပ် ဦးစဝ်အောင်မြတ်က ရှမ်းပြည်နယ်အတွင်း ကျေးလက်ဒေသဖွဲ့ဖြိုးရေးနှင့် လူမှုစီးပွားဘဝမြှင့်တင်ရေးဆောင်ရွက်ချက်များနှင့် စပ်လျဉ်း၍ အသေးစိတ်ရှင်းလင်းတင်ပြကြသည်။

 

   ထို့နောက် ပြည်ထောင်စု ဝန်ကြီး ဦးကျော်ဆန်းနှင့် ပြည်နယ်ဝန်ကြီးချုပ် ဦးစဝ်အောင်မြတ်တို့က ခရိုင်အလိုက် အသေးစားချေးငွေများကို ပေးအပ်ရာ ငွေစုငွေချေးသမဝါယမအသင်းများမှ တာဝန်ရှိသူများက တက်ရောက်လက်ခံရယူကြသည်။

 

   ယင်းနောက် CB ဘဏ်နှင့် ဗဟိုသမဝါယမအသင်း လီမိတက် ဥက္ကဌ ဦးခင်မောင်အေးက အရစ်ကျပံ့ပိုးပေးသည့် လယ်ယာနှင့် လုပ်ငန်းတိုးစက်ကိရိယာများ ပံ့ပိုးပေးအပ်ရာ တာဝန်ရှိသူများက လက်ခံရယူသည်။

 

   ၎င်းနောက် ပြန်ကြားရေးဝန်ကြီးဌာန ကိုယ်စား သတင်းနှင့် စာနယ်ဇင်းလုပ်ငန်း ဦးဆောင်ညွှန်ကြားရေးမှူး ဦးကျော်စိုးက တောင်ကြီးထပ်ဆင့်လွှင့်စက်ရုံမှ ထုတ်လွင့်လျက်ရှိသည် ဒစ်လှစ်တယ်ရုပ်သံလိုင်းများကို ရုပ်သံလွင့်ဧရိယာအတွင်း ဖမ်းယူကြည့်ရှုနိုင်ရန် Set Top Box အလုံးရေ (၁၈၀၂၂)လုံးကို အခမဲ့ပေးအပ်ထောက်ပံ့ရာ ရှမ်းပြည်နယ်အစိုးရအဖွဲ့ ပြည်နယ်လူမှုရေး ဝန်ကြီး ဒေါက်တာ မျိုးထွန်းက လက်ခံရယူသည်။

 

   ထို့နောက် အသင်းသားကိုယ်စားလှယ် တစ်ဦးက ကျေးဇူးတင်စကား ပြန်လည်ပြောကြားပြီး အခမ်းအနားကို ရုပ်သိမ်းလိုက်သည်။ ဆက်လက်၍ ဒုတိယသမ္မတနှင့် အဖွဲ့သည် ခင်းကျင်းပြသထားသည့် အထိမ်းအမှတ်ပြခန်းများကို လိုက်လံကြည့်ရှုအားပေးကြသည်။

 

ပြည်နယ်လူမှုရေးဝန်ကြီး ဒေါက်တာမျိုးထွန်း၏ ရှမ်းပြည်နယ်လားရှိုးဒေသသို့ ပညာရေးကဏနှင့် အခမဲ့ကျန်းမာရေးကွင်းဆင်းဆောင်ရွက်ပေးမှုအတွက် သွားရောက်ခဲ့သည့် ခရီးစဉ်

 

ရက်စွဲ ၊  ၃ဝ-၁-၂ဝ၁၄ မှ ၄-၂-၂ဝ၁၄

 

028

 

ပြည်နယ်လူမှုရေးဝန်ကြီး ဒေါက်တာမျိုးထွန်းသည် ရှမ်းပြည်နယ် လားရှိုးဒေသသို့ ပညာရေးနှင့် ကျန်းမာရေး ကိစ္စများ ဆောင်ရွက်ရန် (၃ဝ-၁-၂ဝ၁၄)ရက်နေ့တွင် ရုံးစိုက်ရာ တောင်ကြီးမြို့မှ ခရီးထွက်ခွာခဲ့ပါသည်။

 

(၁-၂-၂ဝ၁၄) ရက်နေ့ နံနက်(၇)နာရီတွင် တွဲဘက်ပြည်နယ်ကျန်းမာရေးဦးစီးဌာနမှူးလိုက်ပါလျက် နောင်ချိုဆေးရုံသို့ရောက်ရှိပြီး ဆေးရုံအုပ်ကြီး၊ဆရာဝန်၊သူနာပြုများနှင့် တွေ့ဆုံ၍ စရိတ်မျှပေးကျန်းမာရေး စနစ်ကိုကျင့်သုံးရန်၊အခမဲ့ဆေးဝါးများကို ပြည်သူလူထုထံသို့ ပွင့်လင်းမြင်သာစွာကျန်းမာရေးစောင့်ရှောက်မှုပေးရန်၊ ဝန်ထမ်းများမိသားစုစိတ်ဓါတ်ထားရှိပြီးအပြန်အလှန်လေးစားရန်နှင့် အခြားဌာနများကိုလည်း  အပြန်အလှန်လေးစားရန်၊လူနာများကိုနွေးထွေးစွာစေတနာဖြင့်ဆက်ဆံကုသပေးရန်၊ ဆေးရုံဆိုင်ရာ အချက်အလက်များကိုလည်း ဝန်ထမ်းများအားလုံသိရှိအောင် ဆောင်ရွက်ထားရန်မှာကြားခဲ့ပါသည်။ 

 

နံနက်(၀၉၅ဝ)နာရီတွင် ဆက်လက်ထွက်ခွာလာရာ် သီပေါပြည်သူ့ဆေးရုံသို့ ရောက်ရှိပြီး ဆေးရုံအုပ်ကြီး၊ ဆရာဝန်၊သူနာပြုများနှင့် တွေ့ဆုံ၍ စရိတ်မျှပေးကျန်းမာရေး စနစ်ကိုကျင့်သုံးရန်၊အခမဲ့ဆေးဝါးများကို ပြည်သူလူထုထံသို့ပွင့်လင်းမြင်သာစွာကျန်းမာရေးစောင့်ရှောက်မှုပေးရန်၊ ဝန်ထမ်းများမိသားစုစိတ်ဓါတ်ထားရှိပြီး အပြန်အလှန်လေးစားရန်နှင့် အခြားဌာနများကိုလည်းအပြန်အလှန်လေးစားရန်၊ လူနာများကိုနွေးထွေးစွာ စေတနာဖြင့် ဆက်ဆံကုသပေးရန်၊ ဆေးရုံဆိုင်ရာ အချက်အလက်များကိုလည်း ဝန်ထမ်းများအားလုံသိရှိအောင် ဆောင်ရွက်ထားရန်မှာကြားခဲ့ပါသည်။ 

 

(၂-၂-၂ဝ၁၄)ရက်နေ့တွင် တွဲဘက်ပြည်နယ်ကျန်းမာရေးဦးစီးဌာနမှူးလိုက်ပါလျက် လောက်ကိုင်မြို့နယ်သို့ရောက်ရှိပြီး ကိုးကန့်ကိုယ်ပိုင်အုပ်ချုပ်ခွင့်ရဒေသ  ဦးစီးအဖွဲ့နှင့်တွေ့ဆုံ၍ တာရွေထန်ကျေးရွာသို့ဆက်လက်ထွက်ခွာခဲ့ရာ နံနက်(၁ဝဝဝ)နာရီတွင် (၁၆)ခုတင်ဆံ့တာရွေထန်တိုက်နယ်ဆေးရုံ ဖွင့်ပွဲအခမ်းအနားသို့တက်ရောက်ပြီး  ဖဲကြိုးဖြတ်ဖွင့်လှစ်ပေးခဲ့ပါသည်။အဆိုပါအခမ်းအနားတွင် ရှမ်းပြည်နယ်အစိုးရအဖွဲ့မှ တာရွေထန်တိုက်နယ်ဆေးရုံအတွက် အလှူငွေ(၁ဝ)သိန်းနှင့် မော်ထိုက်မြို့နယ်ခွဲ ဆေးရုံအတွက် အလှူငွေ(၁ဝ)သိန်း ပေးအပ်လှူဒါန်းခဲ့ပါသည်။ ဖွင့်ပွဲအခမ်းအနားအပြီးတွင် တာရွေထန်အခြေခံပညာအထက်တန်းကျောင်းသို့သွားရောက်ပြီး ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းအကျိုးတော်ဆောင်ရပ်မိရပ်ဖများနှင့်တွေ့ဆုံ၍ ပညာရေးဆိုင်ရာကိစ္စရပ်များကို ဆွေးနွေးမှာကြား ခဲ့ပါသည်။

 

ဆက်လက်ထွက်ခွာလာရာ နေ့လည်(၁းဝဝ)နာရီတွင် လောက်ကိုင်မြို့နယ်သို့ရောက်ရှိပြီး ကိုးကန့်လူငယ်ယဉ်ကျေးမှုအဖွဲ့၏ ဦးဆောင်မှုဖြင့် ကျင်းပသော ကိုးကန့်ရိုးရာဂျင်ပေါက်ပွဲတော်၊ ဂေါက်သီးရိုက်အားကစားပြိုင်ပွဲနှင့် ဘတ်စကက်ဘောအားကစားပြိုင်ပွဲအခမ်းအနားသို့ တက်ရောက် အမှာစကားပြောကြားပြီး အခမ်းအနားအား ဖွင့်လှစ်ပေးခဲ့ပါသည်။

 

ထို့နောက်နေ့လည်(၃းဝဝ)နာရီတွင် ကွမ်းလုံမြို့နယ်သို့ရောက်ရှိပြီး လားရှိုးပြည်သူ့ဆေးရုံကြီးမှ အထူးကုဆရာဝန်ကြီးများပူးပေါင်းပါဝင်မှုဖြင့် ကွမ်းလုံမြို့နယ်၌ ဒေသခံပြည်သူ(၆၆၁)ဦးအား အခမဲ့ကျန်းမာရေးကွင်းဆင်းစောင့်ရှောက်ပေးနေမှုကို သွားရောက်ကြည့်ရှု့ခဲ့ပြီး အခမဲ့ကျန်းမာရေးစောင့်ရှောက်မှု လုပ်ငန်းအတွက် ရှမ်းပြည်နယ်အစိုးရအဖွဲ့မှ အလှူငွေ ကျပ်(၅)သိန်းနှင့် ပြည်နယ်လူမှုရေးဝန်ကြီး ဒေါက်တာမျိုးထွန်းမှ ဒေသခံကျေးရွာနေပြည်သူမျာအား ကျေးရွာအုပ်ချုပ်ရေးမှူးများမှတစ်ဆင့် ဆိုလာမီးအိမ် အလုံး(၉ဝဝ)ကို ပေးအပ်လှူဒါန်းခ့ဲပါသည်။

 

 

 

(၃-၂-၂ဝ၁၄)ရက်နေ့တွင် ဦးစိုင်းကြူ၊ရှမ်းပြည်နယ်လွတ်တော်ကိုယ်စားလှယ်နှင့် တွဲဘက်ပြည်နယ် ကျန်းမာရေးဦးစီးဌာနမှူး(လားရှိုး)လိုက်ပါလျက် နမ္မတူမြို့သို့ရောက်ရှိပြီး အထက(၁)နမ္မတူတွင် ဒေသခံပြည်သူ(၂၃ဝ၃)ဦးအား အခမဲ့ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ပြီး လွတ်တော်ကိုယ်စားလှယ်များ၊ မြို့နယ်အုပ်ချုပ်ရေးမှူးများ၊ဒေသခံပြည်သူများနှင့်တွေဆုံ၍ ပညာရေး၊ကျန်းမာရေးကိစ္စရပ်များအား ဆွေးနွေးမှာကြားကာ နမ္မတူမြို့နယ်ကျန်းမာရေးဌာနအတွက် အလှူငွေ(၁ဝ)သိန်းနှင့် နမ္မတူမြို့နယ် သွေးလှူရှင်များအသင်း(အခမဲ့ကျန်းမာရေးစောင့်ရှောက်မှုလုပ်ငန်း)သို့ အလှူငွေကျပ်(၅)သိန်းပေးတို့ကို ရှမ်းပြည်နယ်အစိုးရအဖွဲ့ကိုယ်စား ပေးအပ်လှူဒါန်းခဲ့ပါသည်။ ထို့နောက်ဆက်လက်၍ နမ္မတူဆေးရုံအားသွားရောက်ကြည့်ရှု့ စစ်ဆေးပြီး နမ္မတူဆေးရုံရှိ ပျက်ဆီးနေသော သစ်သား(၂)ထပ်လူနာဆောင်အား ပြင်ဆင်ရန် တွဲဘက်ပြည်နယ်ကျန်းမာရေး ဦးစီးဌာနမှူးအား မှာကြားခဲ့ပါသည်။

 

ထို့နောက်အမှတ်(၂)အခြေခံပညာအထက်တန်းကျောင်း၊နမ္မတူသို့သွားရောက်ကြည့်ရှုစစ်ဆေးပြီး စံပယ်ဆောင် (၆)ခန်းတွဲ(၂)ထပ်ဆောင် အုတ်နံရံများကွဲအက်ခြင်း၊ဝရံတာအခင်းများညွတ်ကျနေခြင်းအား မြို့နယ်ပညာရေးမှူးမှ တစ်ဆင့် တွဲဘက်ပြည်နယ်ပညာရေးမှူးထံတင်ပြဆောင်ရွက်သွားရန်မှာကြားခဲ့ပါသည်။

 

(၄-၂-၂ဝ၁၄)ရက်နေ့ နံနက်(၀၇၃ဝ)နာရီတွင် ပြည်နယ်ပညာရေးမှူးရုံး(ခွဲ)ဒုတိယညွန်ကြားရေးမှူး၊ တွဲဘက်ပြည်နယ်ကျန်းမာရေးဦးစီးဌာနမှူး(လားရှိုး)၊မြို့နယ်အထွေထွေအုပ်ချုပ်ရေးမှူးတို့လိုက်ပါလျှက် အခြေခံပညာအထက်တန်းကျောင်း နောင်ချိုသို့ရောက်ရှိပြီး သိပံ္ပဆောင် ဆောက်လုပ်နေမှုအား ကြည့်ရှု့ စစ်ဆေးခဲ့ပြီး ဘတ်စကက်ဘောကွင်းပြုပြင်ရန် အလှူငွေ(၁ဝ)သိန်းကို ရှမ်းပြည်နယ်အစိုးရအဖွဲ့ကိုယ်စား ပေးအပ်လှူဒါန်းခဲ့ပါသည်။ထို့နောက် အထက(ခွဲ)နောင်ချိုသို့ သွားရောက်ပြီး အန္တရယ်ရှိကျောင်းဆောင်ဟောင်းများပြုပြင်ရေးအတွက် မြို့နယ်ပညာရေးမှူးမှ တစ်ဆင့် တွဲဘက်ပြည်နယ်ပညာရေးမှူးထံတင်ပြဆောင်ရွက်သွားရန်မှာကြားခဲ့ပါသည်။

 

နံနက်(၀၉၂ဝ)အချိန်တွင် နောင်ချိုမြို့နယ်၊ကန်ကြီးကျေးရွာသို့ရောက်ရှိပြီး ကျောက်မဲမြို့နယ် ပြည်သူ့ဆေးရုံမှ အထူးကုဆရာဝန်ကြီးများအဖွဲ့မှ ဒေသခံပြည်သူ(၅၄၁)ဦးအား အခမဲ့ကျန်းမာရေး ကွင်းဆင်းစောင့်ရှောက် ဆောင်ရွက်နေမှုများကို သွားရောက်ကြည့်ရှု့အားပေးခဲ့ပါသည်။

 

ထို့နောက်နံနက်(၀၉၄ဝ)အချိန်တွင် နောင်ချိုမြို့နယ်၊ ကန်ကြီးကျေးရွာအခြေခံပညာ အထက်တန်းကျောင်းသို့ သွားရောက်၍ ကျောင်းအုပ်ဆရာမကြီး၊ဆရာ/ဆရာမများနှင့်တွေ့ဆုံ၍ ပညာရေးဆိုင်ရာကိစ္စရပ်များအား မှာကြားခဲ့ပြီး လူရည်ချွန်ကျောင်းသားအား ငွေကျပ်(၂)သိန်းဂုဏ်ပြုချီးမြှင့်ခြင်း၊ စခန်းသွင်းလေ့ကျင့်မှုအတွက် ငွေကျပ်(၃)သိန်း၊အခမဲ့ကျန်းမာရေးစောင့်ရှောက်မှုအတွက်ငွေကျပ်(၅)သိန်းနှင့် အထက(ခွဲ)ရွေမုဋောကျောင်း စာသင်ဆောင်အမိုးများပြုပြင်ရန်  ငွေကျပ်(၁ဝ)သိန်းအား ရှမ်းပြည်နယ်အစိုးရအဖွဲ့ ကိုယ်စား ပေးအပ်လှူဒါန်းခဲ့ပါသည်။

 

ထို့နောက်နံနက်(၁၁၃ဝ)နာရီတွင် နောင်ချိုမြို့နယ်၊ လုံကာကျေးရွာအခြေခံပညာအထက်တန်းကျောင်းသို့ သွားရောက်၍ ကျောင်းအုပ်ဆရာမကြီး၊ဆရာ/ဆရာမများနှင့်တွေ့ဆုံ၍ ပညာရေးဆိုင်ရာကိစ္စရပ်များအား မှာကြားခဲ့ပါသည်။ ဆက်လက်၍ နောင်ချိုမြို့နယ်၊ ရွေမုဋောကျေးရွာအခြေခံပညာအထက်တန်းကျောင်း(ခွဲ)သို့ သွားရောက်ပြီး စာသင်ဆောင်အမိုးများပျက်ဆီးေနမှုအားြကည့်ရှု့စစ်ေဆးခဲ့ပါသည်။

၂၀၁၄ ခုနှစ်၊ (၆၇)နှစ်မြောက် ပြည်ထောင်စုနေ့ အခမ်းအနား အောင်မြင်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ

တောင်ကြီး   ဇန်နဝါရီ   ၂၃

 

019

 

   ၂၀၁၄ ခုနှစ်၊ (၆၇)နှစ်မြောက် ပြည်ထောင်စုနေ့ အခမ်းအနား အောင်မြင်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေးကို ဇန်နဝါရီ(၂၃)ရက်၊ မွန်းလွဲ(၃)နာရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမ၌ ကျင်းပသည်။  အခမ်းအနားတွင် ၂၀၁၄ ခုနှစ်၊ (၆၇)နှစ်မြောက် ပြည်ထောင်စုနေ့ အခမ်းအနားကျင်းပရေးဦးစီးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူမှ အဖွင့်အမှာစကား ပြောကြားပြီး၊ ပြည်နယ်အစိုးရအဖွဲ့ အတွင်းရေးမှူး ဦးစိန်အုပ်မှ ပထမအကြိမ် အစည်းအဝေး၏ ဆုံးဖြတ်ချက်များကို ရှင်းလင်းဆွေးနွေးသည်။

 

   ဆက်လက်၍ တက်ရောက်လာကြသော လုပ်ငန်းကော်မတီ ဥက္ကဌ၊ အတွင်းရေးမှူးများမှ အခမ်းအနား အောင်မြင်စွာ ကျင်းပနိုင်ရေးအတွက် လုပ်ငန်းနှင့် ပတ်သက်သည့် ဆောင်ရွက်ရမည့် ကိစ္စရပ်များကို ဆွေးနွေး တင်ပြကြသည်။

 

   ထို့နောက် ကော်မတီ အသီးသီးမှ ပြန်လည် ဆွေးနွေးကြပြီး၊ ၂၀၁၄ ခုနှစ်၊ (၆၇)နှစ်မြောက် ပြည်ထောင်စုနေ့ အခမ်းအနားကျင်းပရေးဦးစီးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်သူမှ ကော်မတီများ၏ ဆွေးနွေး တင်ပြချက်များကို လိုအပ်သည်များ မှာကြားကာ နိဂုံးချုပ် အမှာစကား ပြောကြား၍ လုပ်ငန်းညှိနှိုင်းအစည်းအဝေးကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ဗမာတိုင်းရင်းသားရေးရာဝန်ကြီး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လုပ်ငန်းဆပ်ကော်မတီများ တက်ရောက်ကြကြောင်း သိရှိရသည်။

 

ရှမ်းပြည်နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၂၀၁၃ ခုနှစ် ဒုတိယ(၆)လပတ် လုပ်ငန်းညှိနှိုင်း အစည်းအဝေးကျင်းပ

တောင်ကြီး ဇန်နဝါရီ  ၃၀

 

023

 

ပြန်ကြားရေးဝန်ကြီးဌာန၊ ရှမ်းပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၏ ၂၀၁၃ခုနှစ် ဒုတိယ(၆)လပတ် လုပ်ငန်းညှိနှိုင်းအစည်းအဝေးကို ဇန်နဝါရီ (၃၀) ရက် နံနက်(၉)နာရီက တောင်ကြီးမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွန့်မှ တက်ရောက်အမှာစကားပြောကြားရာတွင် “မိမိဌာန၏လုပ်ငန်းများ ရည်မှန်းချက်များအတိုင်း ပေါက်မြောက်အောင်မြင်ဖို့ အစီအစဉ်များ၊ စီမံချက်များ ရေးဆွဲ ပြီး၊ အကောင်အထည်ဖော် ဆောင်ရွက်ရာတွင် စီမံချက်ပါ လုပ်ငန်းလျာထား ချက်များအလိုက် မည်မျှဆောင်ရွက် နိုင်သည် မည်မျှအောင်မြင်သည် အားသာချက်၊ အားနဲချက်များကို ဆန်းစစ် နိုင်ရန်အတွက် ဖြစ်ပါကြောင်း၊ အားသာချက်များရှိရသည့် အကြောင်းအရင်းနှင့် အားနဲချက်ကို အားသာချက်ဖြစ်အောင်၊ အားသာချက်ကို ဆက်လက်ထိန်းသိမ်းဆောင်ရွက်သွားရန်လိုအပ်ပါကြောင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနသည် နိုင်ငံတော်က လက်တွေ့ကျင့်သုံးအကောင်အထည်ဖော်နေသည့် လုပ်ငန်းစဉ်များ၊ မူဝါဒများ၊ ရည်မှန်းချက်များကို မြို့ပေါ်နှင့်ကျေးလက်နေပြည်သူများထံ အရောက်သိရှိ နားလည်အောင် ပြန်ကြားရေးလုပ်ငန်းများကို ဆောင်ရွက် နေကြရသည့် ပြည်သူ့ဝန်ထမ်းများဖြစ်ကြောင်း၊ ရှမ်းပြည်နယ်အစိုးရအဖွဲ့၏ ပြည်နယ်ဖွံ့ဖြိုးတိုးတက်ရေး လုပ်ငန်းစဉ်များအကြောင်းကိုလည်း အချိန်နှင့်တပြေးညီ ပြန်ကြားရေးလုပ်ငန်းများ ပြန်ကြားဆောင်ရွက်ပေးကြ ရမည် ဖြစ်ပါကြောင်း၊ ပြည်သူရဲ့အသံ၊ ပြည်သူရဲ့သဘောထား၊ ပြည်သူ့ဆန္ဒများကို ကွင်းဆင်းရယူပြီး တာဝန်ရှိသူအဆင့်ဆင့်သို့ သတင်းပေးပို့ တင်ပြကြရန်လည်း လိုအပ်မည်ဖြစ်ပါကြောင်း၊ မြန်မာ့အရေးနှင့် ကမ္ဘာ့အရေးပါ ကြိုးပမ်းတည်ဆောက်နေသည့် ပြုပြင်ပြောင်းလဲရေးလုပ်ငန်းစဉ်များကို ပြည်သူများသိရှိအောင် အရှိန်နှင့်တပြေးညီ ပြန်ကြားဆောင်ရွက် ပေးရန်လိုအပ်မည်ဖြစ်ပါကြောင်း၊ ပြည်သူလူထုက ယုံကြည်ကိုးစား သည့် ဌာနတစ်ခုဖြစ်လာစေရန် ရုပ်ပိုင်းနှင့်စိတ်ပိုင်းဆိုင်ရာများကို အဆင့်ဆင့်ပြုပြင်ပြောင်းလဲ ဆောင်ရွက် သွားကြရန်၊ ပြည်သူ့ဝန်ဆောင်မှု လုပ်ငန်းများ ဆောင်ရွက်သွားကြရန်၊ အစိုးရအဖွဲ့အစည်း၊ အစိုးရမဟုတ်သော အဖွဲ့အစည်းများနှင့် ပတ်သက်၍ နိုင်ငံတကာနဲ့ တိုးတက်ပြောင်းလဲ ဖြစ်ပေါ်နေသော ဘာသာရပ်၊ ပညာရပ်များနှင့် နည်းပညာများအား စဉ်ဆက်မပြတ်လေ့လာစုစည်းခြင်း၊ သုတေသနပြုခြင်းအတွက် လိုအပ်သောပြုပြင် ပြောင်းလဲမှုများကို ရှမ်းပြည်နယ်အစိုးရ၏ သတင်းထုတ်ပြန်ရေး မှတ်တမ်းတင်ရေးနှင့် ပြည်သူ့ဆက်ဆံရေး လုပ်ငန်းများကို ယခုထက်ပို၍ တိုးမြှင့်ဆောင်ရွက်သွားရန်နှင့် လိုအပ်ချက်များတင်ပြလာပါက ရှမ်းပြည်နယ် အစိုးရအနေဖြင့် ဖြည့်ဆည်းဆောင်ရွက်ပေးသွားမည် ဖြစ်ပါကြောင်း” ပြောကြားသွားသည်။

 

ဆက်လက်၍ ရှမ်းပြည်နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဒုတိယညွှန်ကြားရေးမှူး ဦးစိုင်းဆမ်တစ်မှ ဌာန၏ ၂၀၁၃ခုနှစ်၊ ဒုတိယ(၆)လပတ် လုပ်ငန်းများအကောင်အထည်ဖော် ဆောင်ရွက်နိုင်မှု အခြေအနေများကို Projector (ပရိုဂျက်တာ)ဖြင့်ရှင်းလင်းတင်ပြသည်။ 

 

ထို့နောက် ပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွန့်က လုပ်ငန်းလိုအပ်ချက်များ အပေါ် လိုအပ်သည်များကို ဖြည့်စွက်မှာကြားကာ နိဂုံးချုပ်အမှာစကားပြောကြားပြီး အခမ်းအနားကို အောင်မြင်စွာ ရုပ်သိမ်းလိုက်ကြောင်းသိရှိရသည်။

 

အဆိုပါ ရှမ်းပြည်နယ်၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ ၂၀၁၃ ခုနှစ် ၊ဒုတိယ(၆)လပတ် လုပ်ငန်းညှိနှိုင်းအစည်းဝေးအခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့်စီးပွားရေးဝန်ကြီး ဦးအောင်ကျော်ညွန့်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒုတိယညွှန်ကြားရေးမှူး ဦးစိုင်းဆမ်တစ်၊ ရှမ်းပြည်နယ် တောင်ပိုင်း၊ အရှေ့ပိုင်း၊ မြောက်ပိုင်း တို့မှ လက်ထောက်ညွှန်ကြားရေးမှူးများ၊ ခရိုင်ဦးစီးအရာရှိ များနှင့် မြို့နယ်/မြို့နယ်ခွဲ ဦးစီးမှူးများတက်ရောက်ကြကြောင်းသိရှိရသည်။

 

ရှမ်းပြည်နယ် ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေး လုပ်ငန်းညှိနှိုင်းအစည်းအဝေး

တောင်ကြီး   ဇန်နဝါရီ   ၂၃ 

 018

 

   ရှမ်းပြည်နယ် ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေး လုပ်ငန်းညှိနှိုင်းအစည်းအဝေးကို ဇန်နဝါရီ(၂၃)ရက်၊ မွန်းလွဲ(၂)နာရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမ၌ ကျင်းပရာ  ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်မှ အဖွင့်အမှာစကား ပြောကြားသည်။

 

   ဆက်လက်၍ ပြည်နယ်သမဝါယမဦးစီးဌာန တာဝန်ရှိသူများက ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေး ကော်မတီ ဖွဲ့စည်းထားရှိမှုကို ပရိုဂျက်တာဖြင့် ရှင်းလင်းတင်ပြသည်။

 

   ထို့နောက် တက်ရောက်လာကြသည့် ကော်မတီများမှ လုပ်ငန်းနှင့် ပတ်သက်၍ ဆွေးနွေးကြပြီး၊ ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး ဦးအောင်ကျော်ညွန့်မှ ကော်မတီများ၏ တင်ပြချက်အပေါ် လုပ်ငန်းများကို ပေါင်းစပ်ညှိနှိုင်း ဆောင်ရွက်ကြရန် မှာကြား၍ နိဂုံးချုပ် အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

   အဆိုပါ အခမ်းအနားသို့ ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်အဆင့် ဌာနဆိုင်ရာများ၊ လုပ်ငန်းကော်မတီအဖွဲ့များ တက်ရောက်ကြကြောင်း သိရှိရသည်။

 

ရှမ်းပြည်နယ်ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးအခမ်းအနားကျင်းပရေး ညှိနိုင်းအစည်းအဝေး

တောင်ကြီး ဇန်နဝါရီ  ၂၉

 

022

 

ရှမ်းပြည်နယ်ကျေးလက်ဒေသဖွံ့ဖြိုးရေးနှင့် လူမှုစီးပွားဘဝမြှင့်တင်ရေးအခမ်းအနားကျင်းပနိုင်ရေး အတွက်ညှိနိုင်းအစည်းအဝေးကို ဇန်နဝါရီ ၂၉ ရက်မွန်းလွဲ (၂)နာရီက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပရာ သမဝါယမဝန်ကြီးဌာန ပြည်ထောင်စုဝန်ကြီးဦးကျော်ဆန်းမှ တက်ရောက်ဆွေး နွေး မှာကြားရာတွင် ” ကျေးလက်ဒေသဖွံ့ဖြိုးတိုးတက်ရေးမှာ အားလုံးဝိုင်းဝန်းဆောင်ရွက်မှသာလျှင် လူမှုဘဝဖွံ့ဖြိုးတိုးတက်လာပြီး အောင်မြင်လာမှာဖြစ်ပါကြောင်း၊ အသေးစားချေးငွေလုပ်ငန်းနှင့် စက်မှု လက်မှုအသင်းတို့နှင့် ချိတ်ဆက်ဆောင်ရွက်ထားရှိပြီး ၂၀၁၄ခုနှစ်တွင် ချေးငွေများ ခွဲဝေထုတ်ချေးပေး သွားမည်ဖြစ်ကြောင်း ဒါမှသာလျှင် စိုက်ပျိုးရေး၊ မွေးမြူရေး၊ စသည့်လုပ်ငန်းရှင်များ ဖွံ့ဖြိုးလာမည် ဖြစ်ပါကြောင်း” ရှင်းလင်းဆွေးနွေး ပြောကြားသွားသည်။

 

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်မှ ရှမ်းပြည်နယ် ကျေးလက်ဒေသဖွံ့ဖြိုးရေးနှင့်လူမှုစီးပွားဘဝမြှင့်တင်ရေးအတွက် အခမ်းအနားကျင်းပမည့် တောင်ကြီးမြို့၊ အဝေရာမီးပုံးပျံကွင်း၌ ပြုလုပ်မည့်အစီအစဉ် စီမံချက်များကို ပရိုဂျက်တာဖြင့် ရှင်းလင်းတင်ပြ ဆွေးနွေးသည်။

 

ထို့နောက် တက်ရောက်လာကြသည့် ဆပ်ကော်မတီ အသီးသီးနှင့် ပြည်နယ်ဝန်ကြီးများက မိမိတို့ တာဝန်ယူဆောင်ရွက်ရမည့် လုပ်ငန်းကဏ္ဍအသီးသီးအလိုက် ဆွေးနွေးတင်ပြရှင်းလင်းကြသည်။

၎င်းနောက် ပြည်ထောင်စုဝန်ကြီး ဦးကျော်ဆန်းမှ လုပ်ငန်းကဏ္ဍအလိုက် တာဝန်ယူဆောင်ရွက်ရမည့် ဆပ်ကော်မတီအသီးသီးနှင့် ပြည်နယ်ဝန်ကြီးများ၏ တင်ပြဆွေးနွေးမှုအပေါ် လိုအပ်သည်များကို ဖြည့်စွက် မှာကြားပြီး နိဂုံးချုပ်အမှာစကားပြောကြားကာ အခမ်းအနားကိုအောင်မြင်စွာ ရုပ်သိမ်းလိုက်သည်။

 

ယင်းနောက် ပြည်ထောင်စုဝန်ကြီး ဦးကျော်ဆန်းနှင့် ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် ဝန်ကြီးများ နှင့် တာဝန်ရှိသူတို့သည် အခမ်းအနားကျင်းပမည့် အဝေရာမီးပုံးပျံကွင်းအတွင်း တည်ဆောက်ပြုပြင် နေမှုများကို လည့်လည်ကြည့်ရှုစစ်ဆေးကြပြီး လိုအပ်သည်များကို ဖြည့်စွက်မှာကြားခဲ့သည်။

 

အဆိုပါ ညှိနှိုင်းအစည်းအဝေးသို့ သမဝါယမဝန်ကြီးဌာန ပြည်ထောင်စုဝန်ကြီး ဦးကျော်ဆန်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ သမဝါယမဝန်ကြီးဌာန ညွန်ကြားရေးမှူးချုပ်နှင့် တာဝန်ရှိသူများ၊ အစိုးရအဖွဲ့အတွင်းရေးမှူး၊ ပြည်နယ်အဆင့်ဌာနဆိုင်ရာများ၊ ဆပ်ကော်မတီအသီးသီးမှ တာဝန်ရှိသူများ တက်ရောက်ကြကြောင်း သိရှိရသည်။

 

ရှမ်းပြည်နယ်အစိုးရအဖွဲ့ နှင့် Future Unodex Company Limited အဖွဲ့ တောင်ကြီးမြို့တွင် သန့်ရှင်းသော သောက်သုံးရေ ရရှိရန်အတွက် တွေ့ဆုံဆွေးနွေး

တောင်ကြီး   ဇန်နဝါရီ   ၂၃

 

017

 

   ရှမ်းပြည်နယ်၊ တောင်ကြီးမြို့တွင် သန့်ရှင်းသော သောက်သုံးရေ ရရှိရန်၊ ရေသန့်စင်ရေးစနစ်ပါရှိသော ရေပေးဝေရေးလုပ်ငန်း အကောင်အထည်ဖော် ဆောင်ရွက်နိုင်ရန်အတွက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့် တွေ့ဆုံဆွေးနွေးမှုကို ဇန်နဝါရီ(၂၃)ရက်၊ နေ့လည်(၁၁)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ တွေ့ဆုံဆွေးနွေးရာ  Future Unodex Co.,Ltd ကုမ္ပဏီမှ တာဝန်ရှိသူများက ပရိုဂျက်တာဖြင့် တင်ပြရှင်းလင်းသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်မှ သန့်ရှင်းသော သောက်သုံးရေ ရရှိရန်၊ ရေသန့်စင်ရေးစနစ်ပါရှိသော ရေပေးဝေရေးလုပ်ငန်း အကောင်အထည်ဖော် ဆောင်ရွက်နိုင်ရန် လုပ်ငန်းနှင့် ပတ်သက်၍ သိရှိလိုသည်များကို ပြန်လည်ဆွေးနွေးကြသည်။

 

   ထို့နောက် Future Unodex Co.,Ltd သည် လက်ရှိတွင် မန္တလေးတိုင်းဒေသကြီး၊ ပြည်ကြီးတံခွန်မြို့နယ်တွင် ဒုဋ္ဌဝတီမြစ်ရေတင်ယူ၍ ခေတ်မီရေသန့်စင်စက်ရုံ တည်ဆောက်ကာ သန့်စင်သော သောက်သုံးရေကို ထုတ်လုပ်ပြီး နိုင်ငံတကာအဆင့်မီ ရေတွန်းစက်ရုံ ရေသိုလှောင်ကန်များ တည်ဆောက်လျက် ပြည်ကြီးတံခွန်မြို့နယ်ရှိ ပြည်သူလူထုအား ပိုက်လိုင်းများဖြင့် အိမ်အရောက် ရေဖြန့်ဝေမည့် လုပ်ငန်းစီမံကိန်းအား မန္တလေးမြို့တော် စည်ပင်သာယာရေးကော်မတီနှင့် ပူးပေါင်း၍ Feasibility Study ကို အောင်မြင်စွာ ပြုလုပ်ပေးပြီး လုပ်ငန်း စတင် ဆောင်ရွက်လျက်ရှိကြောင်း၊ တောင်ကြီးမြို့တော်နှင့် ရှမ်းပြည်နယ်အတွင်း ရေကောင်း/ရေသန့် ရရှိရေး လုပ်ငန်းစဉ်များ ပြုလုပ်နိုင်ရန်အတွက် လုပ်ငန်းများ ပူးပေါင်းဆောင်ရွက်နိုင်ရန် ရှမ်းပြည်နယ်အတွင်း အကြိုလေ့လာစမ်းသပ်မှုများ ဆောင်ရွက်သွားမည်ဖြစ်ကြောင်း ရှင်းလင်းဆွေးနွေးသွားသည်။

 

   အဆိုပါ တွေ့ဆုံဆွေးနွေးပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ Future Unodex Co.,Ltd မှ တာဝန်ရှိသူများ တက်ရောက် ဆွေးနွေးကြကြောင်း သိရှိရသည်။

 

ရှမ်းပြည်နယ်ကျန်းမာရေးဦးစီးဌာနနှင့် ရှမ်းပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့တို့ ပူးပေါင်းဖွင့်လှစ်သော အရန်သားဖွားသင်တန်းဆင်းပွဲ ကျင်းပ

တောင်ကြီး    ဇန်နဝါရီ  ၂၄

 

021

 

ရှမ်းပြည်နယ် ကျန်းမာရေး ဦးစီးဌာနနှင့် ရှမ်းပြည်နယ်မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ တို့ ပူးပေါင်းဖွင့်လှစ်သော အရန်သားဖွားသင်တန်းဆင်းပွဲကို ဇန်နဝါရီ ၂၄ ရက် နံနက်(၉)နာရီခွဲက တောင်ကြီးမြို့ မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ရုံးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး၊ ရှမ်းပြည်နယ်အမျိုးသမီးရေးရာ ကော်မတီဥက္ကဋ္ဌ၊ ဒေါက်တာမျိုးထွန်းမှ အဖွင့်အမှာ စကားပြောကြားသည်။

 

ဆက်လက်၍ ရှမ်းပြည်နယ်ကျန်းမာရေးဦးစီးဌာနမှ ဒုတိယပြည်နယ်ကျန်းမာရေးဦးစီးဌာနမှူး၊ ဒေါက်တာစိုင်းဝင်းဇော်လှိုင်က သင်တန်းနှင့်ပက်သက်၍ ရှင်းလင်းတင်ပြသည်။

 

ထို့နောက် ရှမ်းပြည်နယ်အစိုးရအဖွဲ့မှ ထောက်ပံ့လှူဒါန်းသောငွေကျပ်သိန်း(၅၀)စီကို ရှမ်းပြည်နယ် အစိုးရအဖွဲ့ပြည်နယ်လူမှုရေးဝန်ကြီး၊ ရှမ်းပြည်နယ် အမျိုးသမီးရေးရာကော်မတီဥက္ကဋ္ဌ ဒေါက်တာမျိုးထွန်းမှ ပေးအပ်လှူဒါန်းရာ ရှမ်းပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက ရှမ်းပြည်နယ် ဝန်ကြီးချုပ်၏ဇနီး ဒေါ်ဖြူဖြူညွန့်မှ လက်ခံရယူ၍လည်းကောင်း၊ ပြည်နယ်အမျိုးသမီးရေးရာအဖွဲ့တို့၏ လုပ်ငန်း များဆောင်ရွက်ရန်အတွက် ပြည်နယ်အမျိုးသမီးရေးရာအဖွဲ့ စီမံရေးရာဌာနမှူး ဒေါ်နန်းမိုခမ်းမှ လက်ခံရယူ ကြသည်။

 

ယင်းနောက် ရှမ်းပြည်နယ်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက ရှမ်းပြည်နယ် ဝန်ကြီးချုပ်၏ဇနီး ဒေါ်ဖြူဖြူညွန့်မှ သင်တန်းနည်းပြဆရာများအား အမှတ်တရလက်ဆောင်နှင့် ထူးချွန် သင်တန်းသူများအား ဆုချီးမြှင့်ရာ သင်တန်းနည်းပြနှင့် သင်တန်းသူတစ်ဦးမှ လက်ခံရယူသည်။

 

၎င်းနောက် သင်တန်းသူများအား သင်တန်းဆင်းလက်မှတ်ပေးအပ်ရာ ဒုတိယပြည်နယ်ကျန်းမာရေး ဦးစီးဌာနမှူး၊ ဒေါက်တာစိုင်းဝင်းဇော်လှိုင်ကပေးအပ်၍လည်းကောင်း၊ သင်တန်းသူများအားလုပ်ငန်းသုံးပစ္စည်း (Kit ပုံးများ)ကို ပြည်နယ်လုံခြုံရေးနှင့် နယ်စပ်ရေးရာဝန်ကြီး၏ဇနီး ဒေါ်ကြည်ဝင်းမှပေးအပ်ရာ သင်တန်းသူများ က လက်ခံရယူသည်။

 

ဆက်လက်၍ သင်တန်းသူများအားလုံးကိုယ်စား မအေးမိစံမှ ကျေးဇူးတင်စကားပြန်လည်ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

 

အဆိုပါ အရန်သားဖွားသင်တန်းဆင်းပွဲသို့ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး၊ ရှမ်းပြည်နယ်အမျိုးသမီးရေးရာကော်မတီဥက္ကဋ္ဌ ဒေါက်တာမျိုးထွန်း၊ ပြည်နယ်မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့နာယက ပြည်နယ်ဝန်ကြီးချုပ်၏ဇနီး ဒေါ်ဖြူဖြူညွန့်၊ ပြည်နယ်အမျိုးသမီးရေးရာအဖွဲ့ဝင်များ၊ ပြည်နယ်အဆင့်ဌာနဆိုင်ရာများ၊ ကျန်းမာရေးဝန်ထမ်းများနှင့် သင်တန်းဆင်းအရန်သားဖွားဆရာမများ တက်ရောက်ကြကြောင်းသိရှိရသည်။

 

၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့ နှင့် အဌမအကြိမ်မြောက် မြန်မာ့ရိုးရာ ထမနဲထိုးပြိုင်ပွဲ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ

တောင်ကြီး   ဇန်နဝါရီ   ၂၂

 

016

 

   ၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့ အခမ်းအနားနှင့် အဌမအကြိမ်မြောက် မြန်မာ့ရိုးရာ ထမနဲထိုးပြိုင်ပွဲ ကျင်းပနိုင်ရေး လုပ်ငန်းညှိနှိုင်းအစည်းအဝေးကို ဇန်နဝါရီ(၂၂)ရက်၊ ညနေ(၃)ရီက တောင်ကြီးမြို့၊ ပြည်နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပရာ (၆၇)နှစ်မြောက် ရှမ်းပြည်နယ်နေ့အခမ်းအနားကျင်းပရေးဦးစီးကော်မတီ နှင့် အဌမအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပရေးဦးစီးကော်မတီ ဥက္ကဌ ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင့်အမှာစကား ပြောကြားသည်။

 

   ဆက်လက်၍ တက်ရောက်လာကြသည့် လုပ်ငန်းဆပ်ကော်မတီ ဥက္ကဌ၊ အတွင်းရေးမှူးများမှ မိမိတို့ တာဝန်ယူရသည့် လုပ်ငန်းများအလိုက် ဆွေးနွေးတင်ပြကြသည်။

 

   ထို့နောက် လုပ်ငန်းဆပ်ကော်မတီများအလိုက် ဆွေးနွေးတင်ပြကြပြီး၊ ၂၀၁၄ ခုနှစ်၊ (၆၇)နှစ်မြောက် ရှမ်းပြည်နယ်နေ့အခမ်းအနားကျင်းပရေးဦးစီးကော်မတီ နှင့် အဌမအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပရေးဦးစီးကော်မတီ ဥက္ကဌ ပြည်နယ်လူမှုရေးဝန်ကြီး ဒေါက်တာမျိုးထွန်းမှ နိဂုံးချုပ် အမှာစကား ပြောကြားကာ အခမ်းအနားကို ရုပ်သိမ်းလိုက်သည်။

 

   အဆိုပါ အခမ်းအနားသို့ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ လုပ်ငန်းဆပ်ကော်မတီ အသီးသီးမှ တာဝန်ရှိသူများ တက်ရောက်ကြကြောင်း သိရှိရသည်။

 

ပြည်နယ်လူမှုရေးဝန်ကြီး ဒေါက်တာမျိုးထွန်း၏ (၁၇-၁-၂၀၁၄)မှ (၂၀-၁-၂၀၁၄)ထိ ရှမ်းပြည်နယ်(ကျိုင်းတုံဒေသ) အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်ပေးခဲ့သည့် ခရီးစဉ်

တောင်ကြီး   ဇန်နဝါရီ   ၂၃

 

020

 

(၁၈-၁-၂၀၁၄)ရက်နေ့ နံနက်(၇:၃၀)အချိန်တွင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ဒေါ်တင်မေထွန်း- ပြည်နယ်လွှတ်တော်ကိုယ်စားလှယ် တာချီလိတ်မြို့၊ ဒေါက်တာသန်းထွဋ်ဦး- ပြည်နယ်ကျန်းမာရေးဦးစီးဌာနမှူး၊ ဒေါက်တာဝင်းကျော်- တွဲဖက်ပြည်နယ် ကျန်းမာရေးဦးစီးဌာနမှူး၊ ဦးသောင်းတင်ထွေး- တာချီလိတ်ခရိုင်အုပ်ချုပ်ရေးမှူး၊ ဒေါက်တာမျိုးမင်း- တာချီလိတ်ခရိုင် ကျန်းမာရေး ဦးစီးဌာနမှူးနှင့် တာချီလိတ်ခရိုင် ပြည်သူ့ဆေးရုံမှ အထူးကုဆရာဝန်ကြီးများ ပူးပေါင်းပါဝင်ပြီး မိုင်းဖုန်း(က)ပိန်းညှောင် (အ-မ-က)ကျောင်းတွင် အာခါကျေးရွာများဖြစ်ကြသော ပိန်းညှောင်(၁)၊ ပိန်းညှောင်(၂)၊ ပိန်းညှောင်(၃) ကျေးရွာများနှင့် ပလောင်ကျေးရွာများ ဖြစ်ကြသော နန့်လွဲ၊ ဝမ်မိုင်၊ နမ့်ဝှေယောင်ကျေးရွာများနှင့် လားဟူရွာ ဖြစ်သော  နောင်ကျန့်ကျေးရွာများမှ လူနာစုစုပေါင်း (၄၈၆)ဦးတို့အား အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်၍ ဆေးကုသပေးခဲ့ကြပါသည်။

 

(၁၉-၁-၂၀၁၄)ရက်နေ့ နံနက်(၇:၃၀)အချိန်တွင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ဒေါ်တင်မေထွန်း- ပြည်နယ်လွှတ်တော်ကိုယ်စားလှယ် တာချီလိတ်မြို့၊ ဦးညွှန့်ဝင်း- ပြည်နယ်လွှတ်တော်ကိုယ်စားလှယ် မိုင်းဖြတ်မြို့၊ ဦးတင်မောင်ဆွေ- ပြည်နယ်ဒုတိယအထွေထွေအုပ်ချုပ်ရေး ဦးစီးဌာနမှူး၊ ဒေါက်တာသန်းထွဋ်ဦး- ပြည်နယ်ကျန်းမာရေးဦးစီးဌာနမှူး၊ ဒေါက်တာဝင်းကျော်- တွဲဖက်ပြည်နယ် ကျန်းမာရေးဦးစီးဌာနမှူး၊ ဦးသောင်းတင်ထွေး- တာချီလိတ်ခရိုင်အုပ်ချုပ်ရေးမှူး၊ ဒေါက်တာကြည်လွင်- ကျိုင်းတုံပြည်သူ့ဆေးရုံအုပ်ကြီးနှင့် ကျိုင်းတုံပြည်သူ့ဆေးရုံမှ အထူးကုဆရာဝန်ကြီးများအဖွဲ့တို့ ပူးပေါင်းပါဝင်ပြီး တာချီလိတ်မြို့(အောက်) မိုင်းဟဲမှတဆင့် မိုင်းဖြတ်ခရိုင်၊ ဟွေခန့်ရွာသို့ သွားရောက်၍ ဒေသခံကျေးရွာပြည်သူ လူနာစုစုပေါင်း (၅၂၁)ဦးတို့အား အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်၍ ဆေးကုသပေးခဲ့ ကြပါသည်။

 

ဆက်လက်၍ နေ့လည်ပိုင်းတွင် ပြည်နယ်လူမှုရေးဝန်ကြီးနှင့် ပြည်နယ်လွှတ်တော်ကိုယ်စားလှယ်များ၊ ပြည်နယ်ဒုတိယ အထွေထွေအုပ်ချုပ်ရေးဦးစီးဌာနမှူး၊ ခရိုင်အုပ်ချုပ်ရေးမှူး၊ မြို့နယ်အုပ်ချုပ်ရေးမှူး၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ၊ လူမှုကူညီရေးအသင်းတို့မှ မိုင်းဖြတ်ခရိုင်၊ နမ့်ပန်ကျေးရွာအုပ်စု၊ နမ့်ဝုန်းထောင်ရွာရှိ မီးဘေးဒုက္ခသည် (လားဟူရွာ) အိမ်ခြေ (၃၈)အနက် မီးသင့်အိမ်ခြေ (၂၃)အိမ်သို့သွားရောက်၍ အားပေးစကားများပြောကြားပြီး ပြည်နယ်လူမှုရေးဝန်ကြီးမှ တန်ဖိုး(၂၅၅၀၀၀)ကျပ်ရှိ ဆန်(၁၀)အိတ်၊ လားဟူတိုင်းရင်းသားရေးရာဝန်ကြီး ဦးရှာမွေလရှဲန်မှ တန်ဖိုး (၄၅၅၄၀၀)ကျပ်ရှိ စားဆီ(၂၃)ပုံး၊ ပြည်နယ်လွှတ်တော် ကိုယ်စားလှယ် ဒေါ်တင်မေထွန်းမှ တန်ဖိုး (၁၀၂၀၀၀)ကျပ်ရှိ စောင်(၃၈)ထည်၊ ရှမ်းရှေ့ပြည်နယ်ပြည်ခိုင်ဖြိုးပါတီမှ တန်ဖိုး(၁၂၈၈၀၀၀)ကျပ်ရှိ သွပ်မိုး(၄၆၀)ချပ်၊ တာချီလိတ်ခရိုင်နှင့် မြို့နယ်ကော်မတီဝင်များမှ တန်ဖိုး(၁၈၀၀၀၀)ကျပ်ရှိ စားစရာ(၄၀)ထုပ်၊ ဥက္ကဌ ဦးစိုင်းကျော်စံ ဦးဆောင်သည့် ရွှေတာချီလူမှုကူညီရေးအသင်းမှ တန်ဖိုး(၈၀၂၃၀၀)ကျပ်ရှိ သွပ်(၃၂၀)ချပ် စုစုပေါင်း ငွေ(၃၆၄၉၈၀၀)ကျပ်တို့ကို ပေးအပ်လှူဒါန်းခဲ့ပါသည်။

 

(၂၀-၁-၂၀၁၄)ရက်နေ့ နံနက်(၇:၃၀)အချိန်တွင် ပြည်နယ်လူမှုရေးဝန်ကြီး ဒေါက်တာမျိုးထွန်း ဦးဆောင်လျက် ဒေါ်တင်မေထွန်း- ပြည်နယ်လွှတ်တော်ကိုယ်စားလှယ် တာချီလိတ်မြို့၊ ဦးတင်မောင်ဆွေ- ပြည်နယ်ဒုတိယအထွေထွေအုပ်ချုပ်ရေး ဦးစီးဌာနမှူး၊ ဒေါက်တာသန်းထွဋ်ဦး- ပြည်နယ်ကျန်းမာရေး ဦးစီးဌာနမှူး၊ ဒေါက်တာဝင်းကျော်- တွဲဖက်ပြည်နယ် ကျန်းမာရေးဦးစီးဌာနမှူး၊ ဦးသောင်းတင်ထွေး- တာချီလိတ် ခရိုင်အုပ်ချုပ်ရေးမှူး၊ ဒေါက်တာမျိုးမင်း- တာချီလိတ်ခရိုင် ကျန်းမာရေးဦးစီးဌာနမှူးနှင့် အထူးကုဆရာဝန်ကြီးများ အဖွဲ့တို့ ပူးပေါင်းပါဝင်သောအဖွဲ့များသည် တာချီလိတ်မြို့ မိုင်းကိုးအုပ်စု မောတွီကျေးရွာ မူကြိုကျောင်းတွင် အာခါရွာများဖြစ်သော ပါကွေ့၊ ဟိုနား၊ ဟားကျား၊ ပါခုနမ်၊ အားရဲ့၊ ရှမ်းရွာရှိ စီလီပွန်း၊ လားဟူရွာရှိ မောတွီအစရှိသည့် ကျေးရွာများမှ ဒေသခံကျေးရွာပြည်သူ လူနာစုစုပေါင်း (၄၁၂)ဦးတို့အား အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်၍  ဆေးကုသပေးခဲ့ပါကြောင်း သတင်းရရှိပါသည်။

 

ရှမ်းပြည်နယ်အသေးစားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးနှင့် အစုအဖွဲ့များ ဖွဲ့စည်းရေးတွေ့ဆုံဆွေးနွေးပွဲကျင်းပ

တောင်ကြီး   ဇန်နဝါရီ  ၂၀

 

 015

 

   ရှမ်းပြည်နယ်အသေးစားနှင့် အလတ်စားစီးပွားရေးလုပ်ငန်းဖွံ့ဖြိုးတိုးတက်ရေးနှင့် အစုအဖွဲ့များ ဖွဲ့စည်းရေး တွေ့ဆုံပွဲကို ဇန်နဝါရီ (၂၀) ရက်နေ့ နေ့လည် (၁၂) နာရီက တောင်ကြီးမြို့နယ်၊ အေးသာယာ စက်မှုဇုန်အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် “စက်မှုဇုန်အတွင်းမှာရှိတဲ့ စက်မှုလုပ်ငန်းဖွံ့ဖြိုးတိုးတက် ရေးအတွက် စက်မှုလုပ်ငန်းရှင်များ၏ဆောင်ရွက်နေတဲ့အခြေအနေကို သိရှိနိုင်ရန်နှင့် ဖွံ့ဖြိုးတိုးတက်ရေးအတွက် လိုအပ်ချက်များ၊ အခက်အခဲများကို တွေ့ဆုံဆွေးနွေးအဖြေရှာပြီး အကောင်အထည်ဖော်ဆောင်ရွက်ရန် ဖြစ်ကြောင်း၊ နိုင်ငံတော်အနေနဲ့ ဖွံ့ဖြိုးဆဲနိုင်ငံများအတွက် အကျိုးစီးပွားဖြစ်ထွန်းလျက်ရှိသည့် အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးကို အလေးထားအကောင်ထည်ဖော်ဆောင်ရွက်လျက် ရှိပါကြောင်း၊ အသေးစားနှင့်အလတ်စားစီးပွားရေးလုပ်ငန်းများမှာ ယခုစက်မှုဇုန်မှာရှိသည့် စက်မှုကုန်ထုတ် လုပ်ငန်းများအပါအဝင်၊ သတ္တုတူးဖော်ရေးလုပ်ငန်းများ၊ ဆောက်လုပ်ရေးလုပ်ငန်းများ၊ လုပ်အားအခြေပြု ထုတ်လုပ်မှုလုပ်ငန်းများ၊လက်လီလက်ကားရောင်းဝယ်ရေး၊ ဝန်ဆောင်မှုလုပ်ငန်းများ၊ သယ်ယူပို့ဆောင်ရေး လုပ်ငန်းများ၊ စိုက်ပျိုးထုတ်လုပ်မှုလုပ်ငန်းများ အစရှိသည့်စီးပွားရေးလုပ်ငန်းများဖြစ်ပါကြောင်း၊ မြန်မာနိုင်ငံ အတွင်း စီးပွားရေးလုပ်ငန်းများ၏ ၉၅%ကျော်သည် အသေးစားနှင့်အလတ်စားစီးပွားရေးလုပ်ငန်း များ ဖြစ်ပါကြောင်း၊ ရှမ်းပြည်နယ်အတွင်း အသေးစားနှင့် အလတ်စားစီးပွားရေးလုပ်ငန်းများ ၉၅%ကျော် ရှိပါကြောင်း၊ အသေးစားနှင့်အလတ်စား စီးပွားရေးလုပ်ငန်းများ သည် နိုင်ငံတစ်နိုင်ငံ၏ စီးပွားရေးကို စွမ်းရည် မြှင့်တင်ပေးနိုင်သည့်အပြင် ဖွံ့ဖြိုးမှု၏အဓိကမောင်းနှင်အား ဖြစ်ကြောင်း၊ ကျေးလက်ဒေသစီးပွားရေး ဖွံ့ဖြိုးတိုးတက်မှုကို မြှင့်တင်ပေးနိုင်သည့်အလုပ်အကိုင် အခွင့်အလမ်း များကိုပေးစွမ်းနိုင်သည့်အတွက် အသက် သွေးကြောသဖွယ် အရေးပါလျက်ရှိပါကြောင်း၊ ယခုစက်မှုဇုန်အတွင်းရှိ ထုတ်လုပ်မှုလုပ်ငန်းများအပါအဝင် အသေးစားနှင့်အလတ်စားစီးပွားရေးလုပ်ငန်းများ ဖွံ့ဖြိုးတိုးတက်မှုကို အကောင်အထည်ဖော်ဆောင်ရွက်ရမည် ဖြစ်ပါကြောင်း၊ SME လုပ်ငန်းများကို မိမိတို့ဒေသအခြေအနေ၊အချိန်ကာလနှင့် ကိုက်ညီသည့်လုပ်ငန်းများ အပေါ် မူဝါဒချမှတ်ပြီး၊ အကောင်အထည်ဖော်ဆောင်ရွက်နိုင်ရန်အတွက် အသေးစားနှင့်အလတ်စား စီးပွားရေး လုပ်ငန်းဖွံ့ဖြိုးပြီးနိုင်ငံများသို့ သွားရောက်လေ့လာခြင်း၊ ဆွေးနွေးခြင်း၊ မိမိတို့နိုင်ငံသို့ဖိတ်ခေါ်ဆွေးနွေးခြင်း၊ ပညာတော်သင်များစေလွှတ်ခြင်းတို့ဖြင့် တွေ့ရှိချက်များအပေါ် မူဝါဒများချမှတ်ဆောင်ရွက်လျက်ရှိပါကြောင်း၊ အသေးစားနှင့်အလတ်စား စက်မှုလုပ်ငန်းများအပါအဝင် အခြား SME လုပ်ငန်းဖွံ့ဖြိုးတိုးတက်ရေးအတွက် ကောင်စီနယ်မြေ၊ တိုင်းဒေသကြီး/ပြည်နယ်အသီးသီးမှာ ကျယ်ကျယ်ပြန့်ပြန့်အလျင်အမြန်ဆောင်ရွက်နိုင်ရန် အတွက် SME ဥပဒေမူကြမ်းအားရေးဆွဲထားရှိပြီး အတည်ပြုနိုင်ရေးဆောင်ရွက်နေသလို စက်မှုဇုန်များနှင့် ပက်သက်သည့်ဥပဒေကိုလည်း နေရာဒေသ၊ အခြေအနေ၊ အချိန်အခါတို့နှင့် ကိုက်ညီအောင်ရေးဆွဲလျက် ရှိပါကြောင်း၊ SME လုပ်ငန်းများဖွံ့ဖြိုးတိုးတက်ရေးဆောင်ရွက်နိုင်ရန် အခြေခံဖြစ်သည့် SME များ၏ အခြေအနေ စာရင်းဇယား၊ SMEများ အချင်းချင်းအစုအဖွဲ့များဆောင်ရွက်ထားမှု၊ အဲဒီအပေါ်တွင် ပြည်တွင်းတွင်သာမက ပြည်ပဈေးကွက်ကို ယဉ်ပြိုင်ထိုးဖောက်နိုင်စေရေးအတွက် အစုအဖွဲ့များ၏လိုအပ်ချက်များကို အလျင်အမြန် သိရှိတင်ပြဖော်ဆောင်ရမည်ဖြစ်ပါကြောင်း၊ လုပ်ငန်းစုအဖွဲ့ (Cluster) များနှင့်ပက်သက်သည့်အချက်အလက် များ၊ လိုအပ်ချက်များကို အလျင်အမြန်သိရှိမှသာ ဖွံ့ဖြိုးတိုးတက်စေမည့် SME အစုအဖွဲ့များဖော်ထုတ်ခြင်း၊ ဖွံ့ဖြိုးတိုးတက်စေရန်လိုအပ်ချက်များသိရှိပြီး ဒေသအတွင်းကိုက်ညီမည့် SME တွေကို အလျင်အမြန်ဖြည့်ဆည်း ဆောင်ရွက်နိုင်မည်သကဲ့သို့ ကျန်ရှိသည့် SME များကိုလည်း ဖွံ့ဖြိုးတိုးတက်အောင် ဆက်လက်အကောင် အထည် ဖော်ဆောင်ရွက်နိုင်မည်ဖြစ်သောကြောင့် အစုအဖွဲ့များအလျင်အမြန်ဖွဲ့စည်းရေးသည်လည်း အလွန် အရေးကြီးသည့်အချက်ဖြစ်သည်ကိုအလေးထား မှတ်သားဆောင်ရွက်ရမည်ဖြစ်ပါကြောင်းနှင့် ယခုတွေ့ဆုံ ဆွေးနွေးပွဲတွင် စက်မှုဇုန်ဖွံ့ဖြိုးတိုးတက်ရေးအတွက် စက်မှုဇုန်အတွင်းတွင်ရှိသည့် လုပ်ငန်းအကောင်အထည် ဖော်ဆောင်ရွက်နေသည့် အခြေအနေနှင့် အခက်အခဲ များအားအပြုသဘောဆောင်သည့် ဆွေးနွေးမှုများ ဆောင်ရွက်ပေးရန်လိုအပ်သကဲ့သို့ SME ဖွံ့ဖြိုးတိုးတက်ရေး အတွက် Cluster Development အဖွဲ့၏ လုပ်ငန်းများ လျင်မြန်စွာအကောင်အထည်ဖော် ဆောင်ရွက်နိုင်ရေး အတွက်ပူးပေါင်းပါဝင်လုပ်ဆောင်နိုင်ရေး တို့ကို ဆွေးနွေးအကြံပြုပေးကြပါရန် ” တိုက်တွန်းပြောကြားသွားသည်။

 

   ဆက်လက်၍ ရှမ်းပြည်နယ်စက်မှုကြီးကြပ်ရေးနှင့်စစ်ဆေးရေးဦးစီးဌာန၊ ညွှန်ကြားရေးမှူး ဦးကျော်ဇေယျ မှ အေးသာယာစက်မှုဇုန်၏ အခြေအနေ၊ SME ဖွံ့ဖြိုး တိုးတက်ရေးလုပ်ငန်းများနှင့် SME Cluster များဖွဲ့စည်းရေးအခြေအနေအား ရှင်းလင်းတင်ပြသည်။

 

   ထို့နောက် တက်ရောက်လာကြသည့် စက်မှုဇုန်စီမံခန့်ခွဲရေးကော်မတီ၊ မော်တော်ယဉ်ထုတ်လုပ်ရေး လုပ်ငန်းကော်မတီ၊ လယ်ယာသုံးစက်ကိရိယာထုတ်လုပ်ရေးလုပ်ငန်းကော်မတီ၊ သံပန်းသံတံခါးလုပ်ငန်းအဖွဲ့၊ သစ်စက်လုပ်ငန်းအဖွဲ့၊ ဝပ်ရှော့လုပ်ငန်းအဖွဲ့၊ ရှမ်းပြည်နယ်(တောင်ပိုင်း) ကုန်သည်များနှင့် စက်မှုလုပ်ငန်း ရှင်များအသင်း၊ ဆန်စပါးအသင်းလုပ်ငန်းရှင်များအသင်းတို့မှ အသီးသီး စက်မှုဇုန်လုပ်ငန်းများနှင့် ပက်သက်၍ လိုအပ်ချက်များကို ဆွေးနွေးတင်ပြကြသည်။

 

   ၎င်းနောက် ပြည်နယ်ဥပဒေချုပ် ဦးမောင်မောင်မှ လုပ်ငန်းဆိုင်ရာများနှင့် ပက်သက်သည့် ဥပဒေဆိုင်ရာ တို့ကို ရှင်းလင်းဆွေးနွေးကြသည်။

 

   ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ နိဂုံးချုပ်အမှာစကားပြောကြားရာ SME လုပ်ငန်းများအားလုံး ရပ်တန့်ပြိုလဲမှုမရှိအောင်၊ ဖွံ့ဖြိုးတိုးတက်မှုရှိအောင် ရည်ရွယ်ချက်ထားရှိပြီး၊ ကြုံတွေ့ နေရသော အခက်အခဲများကို ပေါင်းစပ်ညှိနိုင်းရင်ဆိုင်ကျော်လွှားဖြေရှင်းဆောင်ရွက်ကြမှသာ လက်ရှိကာလ အတွက် အကျိုးရှိမှာဖြစ်သလို SME ဖွံ့ဖြိုးတိုးတက်ရေးလုပ်ငန်းစဉ်များ အကောင်အထည်ဖော်အောင်မြင်သည့် အခါ ပိုမိုအကျိုးဖြစ်ထွန်းနိုင်မှာ ဖြစ်သည့်အတွက် စည်းလုံးညီညွတ်စွာဖြင့် အလေးထားကြိုးစားပြီး ဆောင်ရွက် ကြရန် ပြောကြားသွားပြီး အခမ်းအနားကို အောင်မြင်စွာရုပ်သိမ်းလိုက်သည်။

 

   ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ တာဝန်ရှိသူတို့သည် အေးသာယာစက်မှုဇုန်ထွက် ကုန်ပစ္စည်းများ၊ ပြခန်းများအား လှည့်လည်ကြည့်ရှု အားပေးကြကြောင်းသိရှိရသည်။

 

   အဆိုပါ ရှမ်းပြည်နယ်အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးနှင့် အစု အဖွဲ့များ ဖွဲ့စည်းရေးတွေ့ဆုံဆွေးနွေးပွဲ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့အတွင်းရေးမှူး၊ ပအိုဝ်း/ဓနု ကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဋ္ဌ နှင့်အဖွဲ့ဝင်များ၊  ပြည်နယ်/ခရိုင်/မြို့နယ် အဆင့်ဌာနဆိုင်ရာတာဝန်ရှိသူများ၊ စက်မှုလုပ်ငန်းရှင် ကော်မတီဝင်များ နှင့် ဖိတ်ကြားထားသည့်ဧည့်သည်တော်များတက်ရောက်ကြကြောင်းသတင်းရရှိသည်။

 

More Articles...

  1. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် လင်းခေးမြို့နယ်၊ မိုင်းပန်မြို့နယ် မြို့မိမြို့ဖ၊ မြို့နယ်ဖွံ့ဖြိုးတိုးတက်ရေး ကော်မတီများနှင့် တွေ့ဆုံ
  2. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် မိုးနဲ၊ မောက်မယ်မြို့နယ် မြို့မိမြို့ဖ၊ မြို့နယ်ဖွံ့ဖြိုးတိုးတက်ရေးကော်မတီများနှင့် တွေ့ဆုံ
  3. ရှမ်းပြည်နယ်အစိုးရအဖွဲ့၊ စီမံကိန်းနှင့်စီးပွားရေးဝန်ကြီး၊ ကျေးလက်ဒေသဖွံ့ဖြိုးရေးနှင့်ဆင်းရဲမှု လျှော့ချရေး၊ သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့၏ လုပ်ငန်းညှိနှိုင်းအစည်းအဝေး (၁/၂၀၁၄) သို့ တက်ရောက်အမှာစကားပြောကြားခြင်း
  4. အမှတ်(၁၀) အခြေခံပညာ အထက်တန်းကျောင်း၊ ကျောင်းအဆင့်တိုးမြှင့်ပွဲ ကျင်းပ
  5. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့်အဖွဲ့ ကလောမြို့နယ် ဒေသဖွံ့ဖြိုးရေးအတွက် ကော်မတီများ၊ ရပ်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံ
  6. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ ညောင်ရွှေ၊ ရပ်စောက်မြို့နယ်ရှိ ဒေသဖွံ့ဖြိုးရေးကော်မတီ၊ မြို့မိမြို့ဖများနှင့် တွေ့ဆုံ
  7. ရှမ်းပြည်နယ်အစိုးရအဖွဲ့၊ တောင်ကြီးမြို့နယ်အတွင်းရှိ ဒေသဖွံ့ဖြိုးရေးအတွက် ကော်မတီများနှင့် တွေ့ဆုံ
  8. "ရှမ်းပြည်နယ်မြေအသုံးချမှုစီမံခန့်ခွဲရေးကော်မတီ" အစည်းအဝေး အမှတ်စဉ် (၁/၂၀၁၄) နှင့် "ရှမ်းပြည်နယ်လယ်ယာမြေစီမံခန့်ခွဲမှုအဖွဲ့" အစည်းအဝေး အမှတ်စဉ် (၂/၂၀၁၄) ကျင်းပ
  9. ပြည်ထောင်စုသမ္မတမြန်မာနိုင်ငံ အိုလံပစ်ကော်မတီ ဒုတိယဥက္ကဌ၊ အားကစားဝန်ကြီးဌာန၊ ဒုတိယဝန်ကြီး ရှမ်းပြည်နယ်အား/ကာသိပ္ပံကျောင်း တည်ဆောက်မည့်နေရာ ကြည့်ရှုစစ်ဆေး
  10. ရှမ်းပြည်နယ်အစိုးရအဖွဲ့မှ ဒေသဖွံ့ဖြိုးတိုးတက်ရေးအတွက် ထောက်ပံ့ငွေပေးအပ်ခြင်း အခမ်းအနား ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

danauရှမ်းပြည်နယ်(တောင်ပိုင်း) ပင်းတယ၊ အောင်ပန်း၊ ရွာငံ၊ ကလောမြို့နယ်များနှင့် ရှမ်းပြည်နယ် မြောက်ပိုင်း နောင်ချိုမြို့နယ်များတွင် အများဆုံး နေထိုင်ကြသည်။

We have 62 guests and no members online