သတင်းများ

မိုင်းဆတ်၌ ငြိမ်းချမ်းမှုကို လိုလားသောပြည်သူများ အေးချမ်းစွာဖြင့် ဆန္ဒထုတ်ဖော်

မိုင်းဆတ်  ဧပြီ  ၆

990

   ရှမ်းပြည်နယ်(အရှေ့ပိုင်း) မိုင်းဆတ်မြို့၊ မယ်ဆွမ်မြောက်ရပ်ကွက်နေ ဦးစိုင်းချစ်သောင်းနှင့် မြို့မိမြို့ဖများ ဦးဆောင်သော ငြိမ်းချမ်းရေးလိုလားသူ ပြည်သူလူထု အင်အား ၁၂၀ဝ ခန့်သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူ စာချုပ်မူကြမ်းကို အတည်ပြုလက်မှတ်ရေးထိုးနိုင်ခဲ့ခြင်းအား ကြိုဆိုထောက်ခံသည့် ဆန္ဒထုတ်ဖော်ပွဲကို ဧပြီ ၆ ရက် နံနက် ၆ နာရီက ကျင်းပပြုလုပ်သည်။

   အဆိုပါဆန္ဒထုတ်ဖော်ရာ၌ ဒို့တာဝန်အရေးသုံးပါး၊ တစ်နိုင်ငံလုံးအပစ်အခတ်ရပ်စဲရေး၊ ပြည်ထောင်စု ထာဝရငြိမ်း ချမ်းရေးနှင့် စစ်မှန်သော ဒီမိုကရေစီ နိုင်ငံတော်ရှင်သန်ခိုင်မာရေး စသည့် ဆောင်ပုဒ်နှင့် ကြွေးကြော်သံများဖြင့် မိုင်းဆတ်မြို့၊

   မယ်ဆွမ်မြောက်ရပ်ကွက် အထက်တန်းကျောင်းလမ်းဆုံမှ အနော်ရထာလမ်း၊ ဗိုလ်ချုပ်လမ်းနှင့် ဘုရင့်နောင်လမ်းအတိုင်း  ငြိမ်းချမ်းစွာဖြင့် စီတန်းလမ်းလျှောက် ဆန္ဒထုတ်ဖော်ခဲ့ကြပြီး အောင်ဇေယျဘက်စုံအားကစားကွင်း၌ ထပ်မံကြွေးကြော်ဆန္ဒထုတ်ဖော်၍ နံနက် ၇ နာရီအချိန်တွင် ရပ်နားခဲ့ကြောင်းသိရသည်။

   ယင်းဆန္ဒထုတ်ဖော်မှုကို ဥပဒေနှင့်အညီ ခွင့်ပြုချက်တောင်းခံပြီးမှ ကျွန်တော်တို့ဆောင်ရွက်တာဖြစ်ပါတယ်။ တစ်နိုင်ငံလုံး အပစ်အခတ်ရပ်စဲပြီး ထာဝရငြိမ်းချမ်းရေးရရှိမှ ပြည်သူတစ်ရပ်လုံးက အေးချမ်းစွာနဲ့အသက်မွေးဝမ်းကြောင်းလုပ်ငန်း တွေကို လုပ်ကိုင်နိုင်ပြီး လူမှုစီးပွားဖွံ့ဖြိုးတိုးတက်လာမှာဖြစ်ပါတယ်။ ဒါကြောင့် နိုင်ငံတော်အစိုးရက ဆောင်ရွက်နေတဲ့ အပစ် အခတ်ရပ်စဲရေး ငြိမ်းချမ်းရေးလုပ်ငန်းစဉ်ကို ထောက်ခံတဲ့အနေနဲ့ ပြုလုပ်ခြင်းဖြစ်ကြောင်း ဦးစိုင်းချစ်သောင်းက ပြောပြသည်။

 

                                                                                                                                                                    ခရိုင်ပြန်/ဆက်

 

                                                                                                                                                                      သတင်းဓာတ်ပုံ- ( ၁၂ ) ပုံ

                                                                                                                                                                  သတင်းရေးသားသူ- ဦးသန်းဇော်ဦး(ဦးစီးအရာရှိ)

                                                                                                                                                  ခရိုင်ပြန်/ဆက်၊ မိုင်းဆတ်

 

တောင်ကြီးမြို့တွင် တစ်နိုင်ငံလုံးအပစ်အခတ်ရပ်စဲရေး ငြိမ်းချမ်းစွာစုပေါင်းဆန္ဒထုတ်ဖော်ပွဲပြုလုပ်

တောင်ကြီး ဧပြီ - ၆

988

   တစ်နိုင်ငံလုံးအပစ်အခတ်ရပ်စဲရေး သဘောတူစာချုပ်မူကြမ်းကို အတည်ပြုလက်မှတ် ရေးထိုးနိုင်ခဲ့ခြင်းအား ကြိုဆိုထောက်ခံသည့် ဆန္ဒထုတ်ဖော်ပွဲကို ရှမ်းပြည်နယ်(တောင်ပိုင်း)၊ တောင်ကြီးခရိုင်၊ တောင်ကြီးမြို့နယ်၌ ဧပြီ(၆)ရက် နံနက်(၉)နာရီက ခွင့်ပြုချက်ရယူပြီး ပြုလုပ်ခဲ့ကြောင်း သိရသည်။

   ဆန္ဒထုတ်ဖော်ပွဲတွင် "အပစ်အခတ်ရပ်စဲကြ၊ ပြည်သူ့ဆန္ဒ၊ အပစ်အခတ်အမြန်ရပ်စဲပေးပါ၊ ငြိမ်းချမ်းရေးကို လိုလားပါသည်၊ လူထုအားလုံးအေးချမ်းစွာနေလိုသည်၊ တစ်နိုင်ငံလုံးအပစ်အခတ် ရပ်စဲရေး၊ ဒီမိုကရေစီနှင့် ငြိမ်းချမ်းရေး၊ အပစ်အခတ်ရပ်စဲရေးစာချုပ်လက်မှတ်ရေးထိုးခြင်းအား ထောက်ခံပါသည်" စသည့် လက်ကိုင်ပိုစတာများ ကိုင်ဆောင်၍ "တစ်နိုင်ငံလုံးအပစ်အခတ်ရပ်စဲရေး၊ ငြိမ်းချမ်းမှုခိုင်မာရေး၊ ဒီမိုကရေစီနှင့် ငြိမ်းချမ်းရေး၊ နိုင်ငံတော်၏ငြိမ်းချမ်းရေး လုပ်ငန်းစဉ်အောင်ရမည်" ကြွေးကြော်သံများဖြင့် လမ်းလျှောက် ဆန္ဒထုတ်ဖော်ခဲ့ကြကြောင်းသိရသည်။

   တစ်နိုင်ငံလုံးအပစ်အခတ်တိုက်ခိုက်မှုရပ်စဲရေး သဘောတူစာချုပ်မူကြမ်းအား ထောက်ခံဆန္ဒ ထုတ်ဖော်ပွဲသို့ တောင်ကြီးမြို့နယ်အတွင်းရှိ ရပ်ကွက်(၂၂)ရပ်ကွက်နှင့် ကျေးရွာများမှ ရှမ်း၊ ပအိုဝ်း၊ ဓနု၊ အင်းသား၊ ကိုးကန့်၊ တောင်ရိုး၊ တိုင်းရင်းသားပေါင်းစုံ အင်အား(၃၀၀၀၀)ခန့် ပါဝင်၍ စုရပ်ဖြစ်သည့် အ.ထ.က(၈)၊ အ.ထ.က(၄)၊ အ.ထ.က(၁)၊ ချမ်းသာရပ်ကွက်၊ EPC ရုံးရှေ့တို့တွင် စုရပ်များပြုလုပ်ကာ တောင်ကြီးမြို့၊ ပြည်နယ်အားကစား ဘောလုံးကွင်းသို့ လမ်းလျှောက်ဆန္ဒထုတ်ဖော်ကြသည်။

   အဆိုပါ ဆန္ဒထုတ်ဖော်ပွဲကို "ငြိမ်းချမ်းရေးသည် ကျွန်တော်တို့ပြည်သူတွေ လိုလားအတောင်းတဆုံး သောအရာ၊ အလိုချင်ဆုံးသောဆန္ဒဖြစ်တာနှင့်အညီ၊ ယနေ့ကျွန်တော်တို့ရဲ့အကြီးမားဆုံးသော မျှော်လင့်ချက်သည် ရောင်ခြည်အလင်းတန်းများ၊ လင်းလက်တောက်ပလာပြီးဖြစ်ကြောင်း ပြည်သူတစ်ရပ်လုံး ငြိမ်းငြိမ်းချမ်းချမ်းနှင့် စိတ်ချမ်းမြေ့စွာ နေထိုင်နိုင်ဖို့၊ ကျန်းမာပျော်ရွှင်၊ ဖွံ့ဖြိုးတိုးတက်သည့်ဘဝများ ထာဝရပိုင်ဆိုင်ခံစားနိုင်ရန် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ်မူကြမ်းအတည်ပြု လက်မှတ်ရေးထိုးခြင်းကို တစ်ခဲနက်ထောက်ခံကြိုဆိုကြပါစို့လို့" ရှမ်းစာပေယဉ်ကျေးမှု အဖွဲ့မှ ဦးစိုင်းဆေဟန်က ပြောကြားသည်။

   မြန်မာနိုင်ငံသည် "တိုင်းရင်းသားပေါင်းစုံ အေးအတူပူအမျှ အတူတကွလက်တွဲပြီး၊ စုပေါင်းနေထိုင်ကြသည့် နိုင်ငံတစ်နိုင်ငံဖြစ်ပါကြောင်း၊ ကျွန်တော်တို့နိုင်ငံသည် လွတ်လပ်ရေးရရှိပြီး ကတည်းက ရောင်စုံသောင်းကျန်းသူများနှင့် ရင်ဆိုင်ခဲ့ရပြီး၊ စစ်ဘေးကြောင့် ဖွံ့ဖြိုးတိုးတက်မှု နောက်ကြခဲ့ရပါကြောင်း၊ ယနေ့နိုင်ငံတော်မှ ရှေ့ဆက်လျှောက်လမ်းနေသည့် ခတ်မီဖွံ့ဖြိုးတိုးတက်သော နိုင်ငံတော်သစ်တည်ဆောက်ရေးတွင် တစ်နိုင်ငံလုံး တစ်စိတ်တည်းတစ်ဝမ်းတည်း ပူးပေါင်း လက်တွဲကာ အပစ်အခတ်ရပ်စဲရေးကို တစ်ခဲနက်ထောက်ခံကြိုဆိုကြပါစို့လို့" အင်းတိုင်းရင်းသား ဦးမျိုးနိုင်က ပြောကြားသည်။

   ဆက်လက်၍ ပအိုဝ်းတိုင်းရင်းသား ဦးခွန်မောင်မောင်ထွန်းက "နိုင်ငံတော်သမ္မတ ဦးဆောင်ပြီး တစ်နိုင်ငံလုံး အပစ်အခတ်ရပ်စဲရေး သမိုင်းမော်ကွန်းတင် လက်မှတ်ရေးထိုးစာချုပ်ချုပ်ဆိုခဲ့ပြီး၊ ကြီးမားသောမျှော်လင့်ချက်များ ထားရှိ၍ ပြည်သူတစ်ရပ်လုံးအေးအေးချမ်းချမ်းနှင့် တရားဥပဒေစိုးမိုးမှု အောက်မှာ နေထိုင်ကြပြီး ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံသစ်ကို ဆက်လက်လျှောက်လမ်းရာတွင် တစ်နိုင်ငံလုံး အပစ်အခတ်ရပ်စဲရေးကို ဝိုင်းဝန်းထောက်ခံသောအားဖြင့် တောင်ကြီးမြို့နယ် တိုင်းရင်းသားညီအကိုမောင်နှမများ နှင့် လုပ်သားပြည်သူတစ်ရပ်လုံးမှ သောင်းသောင်းဖျဖျ ကြိုဆို၍ ကြွေးကြော်သံများနှင့် ရုပ်သိမ်းလိုက်ကြပါစို့လို့ ပြောကြားသွားကြောင်းသိရသည်။

   အဆိုပါ ဆန္ဒထုတ်ဖော်ခြင်းကို အေးချမ်းစွာဖြင့် ပြုလုပ်ကြပြီး၊ နံနက်(၁၀)နာရီတွင် ပြီးစီသွားကြောင်းနှင့် ဆန္ဒထုတ်ဖော် တိုင်းရင်းသားပြည်သူများအား ရာစုသစ်လူမှုစောင့်ရှောင်ရေးနှင့် သွေးလှူရှင်အသင်းမှ ဖျော်ရည်နှင့် မုန့်များ ဝေငှပေးခဲ့ကြောင်းသိရှိရသည်။

                                                                                    မောင်မောင်သန်း(တောင်ကြီး)

 

မိုင်းဆတ်၌ အထက်သံလွင်(မိုင်းတုံ) ရေအားလျှပ်စစ်စီမံကိန်း လူထုနှင့် တွေ့ဆုံဆွေးနွေးပွဲကျင်းပ

မိုင်းဆတ် ဧပြီ ၃

986

   အထက်သံလွင်(မိုင်းတုံ) ရေအားလျှပ်စစ်စီမံကိန်းအတွက် ပတ်ဝန်းကျင်ဆိုင်ရာ အကျိုးသက်ရောက်မှု လေ့လာဆန်းစစ်ခြင်း(EIA) နှင့် လူမှုဆိုင်ရာအကျိုးသက်ရောက်မှု လေ့လာဆန်းစစ်ခြင်း(SIA) အခမ်းအနားကို ဧပြီ ၃ ရက် နေ့လည် ၂ နာရီက ရှမ်းပြည်နယ်(အရှေ့ပိုင်း)၊ မိုင်းဆတ်မြို့ အောင်ဇေယျဘက်စုံ အားကစားကွင်း၊ မိုးလုံ လေလုံခန်းမ၌ ကျင်းပသည်။

   ရှေးဦးစွာ အထက်သံလွင်(မိုင်းတုံ) ရေအားလျှပ်စစ်စီမံကိန်း သဘာဝပတ်ဝန်းကျင်နှင့် လူမှုရေးရာ သက် ရောက်မှု လေ့လာဆန်းစစ်ခြင်း လေ့လာရေးအဖွဲ့(SMEC) ခေါင်းဆောင် Mr.Michael Holics က မိတ်ဆက်စကား ပြောကြားပြီး  ဦးကြည်ဝင်း(Senior Stakeholder and Gonvernment Liaison Specialist)နှင့် ဦးဘသန်း(သဘာဝ ပတ်ဝန်းကျင်ဆိုင်ရာ ကျွမ်းကျင်သူ)တို့က မိုင်းတုံရေအားလျှပ်စစ်စီမံကိန်းအတွက် ပတ်ဝန်းကျင် အကျိုးသက်ရောက်မှု လေ့လာဆန်းစစ်ခြင်း (EIA)နှင့် လူမှုရေးဆိုင်ရာ အကျိုးသက်ရောက်မှုလေ့လာဆန်းစစ်ခြင်း လေ့လာရေး(SIA) လုပ်ငန်းစဉ်များနှင့် လုပ်ဆောင်မှုများအကြောင်း ရှင်းလင်းပြောကြားသည်။

   ယင်းနောက် အခမ်းအနားတက်ရောက်လာသူများက သိရှိလိုသည့် မေးမြန်းချက်များကို အထက်သံလွင် (မိုင်းတုံ) ရေအားလျှပ်စစ်စီမံကိန်း လေ့လာရေးအဖွဲ့မှ ပြည်တွင်း၊ ပြည်ပ ကျွမ်းကျင်သူများက ပြန်လည်ရှင်းလင်း ပြောကြားခဲ့ကြောင်းသိရသည်။

   အလားတူ ဧပြီ ၂ ရက် နေ့လည် ၂ နာရီက မိုင်းဆတ်မြို့၊ သီရိရတနာခန်းမ၌ ခရိုင်အုပ်ချုပ်ရေးမှူး ဦးနိုးဝေ၊ မြို့နယ်အုပ်ချုပ်ရေးမှူး ဦးအေးနိုင် ဦးဆောင်သော ခရိုင်နှင့် မြို့နယ်အဆင့် ဌာနဆိုင်ရာများနှင့် တွေ့ဆုံဆွေးနွေးပွဲ ကျင်းပခဲ့ကြောင်းသိရသည်။

 

                                                                                                                                                                                        သန်းဇော်(iprd)

 

                                                                                                                                                                                          သတင်းဓာတ်ပုံ - ( ၃ ) ပုံ

                                                                                                                                                             သတင်းရေးသားပေးပို့သူ - ဦးသန်းဇော်ဦး (ဦးစီးအရာရှိ)

                                                                                                                                           ခရိုင်ပြန်/ဆက်၊ မိုင်းဆတ်မြို့။  

 

ရှမ်းပြည်နယ်ရှေ့နေများအသင်း၊ သင်းလုံးကျွတ်အစည်းအဝေးနှင့် အလုပ်အမှုဆောင်သစ်များ ပြန်လည်ရွေးချယ်တင်မြောက်

တောင်ကြီး ဧပြီ - ၅

 991

   ရှမ်းပြည်နယ်ရှေ့နေများအသင်း၏ သင်းလုံးကျွတ်အစည်းအဝေးနှင့် အလုပ်အမှုဆောင်သစ်များ ပြန်လည်ရွေးချယ် တင်မြောက်ခြင်းအခမ်းအနားကို နံနက်(၉)နာရီက တောင်ကြီးမြို့၊ ရေအေးကွင်းရပ်ကွက်ရှိ ဟုတ်ကြန့်ခန်းမ၌ ကျင်းပကြောင်း သိရသည်။

   အခမ်းအနားတွင် ရှမ်းပြည်နယ်ရှေ့နယ်အသင်းနာယက ဦးမျိုးမြင့်က ကြိုဆိုနှုတ်ခွန်းဆက်စကားပြောကြားရာ ဥပဒေပညာရှင်ဆိုသည်မှာ နိုင်ငံတိုင်းလိုအပ်နေကြောင်း မဏ္ဍိုင်ကြီး(၃)ရပ်ခိုင်မာဖို့လိုကြောင်း၊ မဏ္ဍိုင်ကြီး(၃)ရပ်တွင် (၁)ရပ်ပါဝင်နေကြောင်း၊ နိုင်ငံတော်အကျိုးဆောင်ရွက်ရာတွင် ဥပဒေပညာရှင်များဖြစ်သည့်အတွက် ဒေါသတရားများမရှိဖို့နှင့် ဒေါသထိန်းချုပ်ရန်လိုအပ်ကြောင်း ပြောကြားသွားသည်။

   ဆက်လက်၍ ရှမ်းပြည်နယ်အစိုးရဖွဲ့ ပြည်နယ်ဝန်ကြီးချုပ်(ကိုယ်စား) ရှမ်းပြည်နယ်ဥပဒေချုပ်ဦးမောင်မောင်က အမှာစကားပြောကြားပြီး၊ ရှမ်းပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်က အမှာစကားပြောကြားရာ ရှမ်းပြည်နယ်ရှေ့နေအသင်းကြီးသည် ဥပဒေနှင့်အညီ ဖွဲ့စည်းပြီး စည်းလုံးညီညွတ်အောင်မြင်စွာဖြင့် ခိုင်မာအားကောင်းသည့် အဖွဲ့အစည်းဖြင့် ရပ်တည်နိုင်ခဲ့၍ နှစ်ပတ်လည်သင်းလုံးကျွတ်အစည်းအဝေးကြီး ကျင်းပနိုင်မှုသည် ဂုဏ်ယူဝမ်းမြောက်ဖွယ်ရာ ဖြစ်ရပ်တစ်ခုဖြစ်ပါကြောင်း၊ ဘယ်လုပ်ငန်း၊ ဘယ်ကဏ္ဍမဆို အသင်းအဖွဲ့အစည်းနှင့် ဌာနများဖွဲ့စည်းပြီးမှ စနစ်တကျ ဦးဆောင်၊ ဆောင်ရွက်ဖို့ လိုအပ်သည့်အတွက် အသင်းအဖွဲ့အစည်းများ လွတ်လွတ်လပ်လပ် ဖွဲ့စည်းခွင့်ရဖို့လိုအပ်ပါကြောင်း၊ ဖွဲ့စည်းသည့် အဖွဲ့စနစ်ကလည်း၊ မိမိတို့အဖွဲ့အစည်းကို ဥပဒေစည်းမျဉ်းစည်းကမ်းနှင့်အညီ မှန်မှန်ကန်ကန်ဖွံ့ဖြိုးတိုးတက် ခိုင်မာအောင် ဦးဆောင်ကြရမှာဖြစ်ပါကြောင်း၊ ဦးဆောင်သည့်နေရာတွင် အဖွဲ့အစည်းကို ဦးဆောင်သည့် ခေါင်းဆောင်တိုင်း သည် အရေးကြီးပြီး၊ စိတ်ဓါတ်ပိုင်းဆိုင်ရာ မြင့်မားဖို့လိုသလို အရည်အချင်းပြည့်ဝဖို့လည်းလိုအပ်ပါကြောင်း၊ စိတ်ဓါတ်ကောင်းမွန်ပြီး အရည်အချင်းပြည့်ဝသည့် နောက်လိုက်ကောင်းတွေရရှိလာမှာဖြစ်ကြောင်း ပြောကြားသွားသည်။

   ထို့နောက် ရှမ်းပြည်နယ်ရှေ့နေများအသင်း(ယာယီ)ဥက္ကဌ၊ ဦးစိန်းဝင်းချမ်း ရှေ့နေအသင့်ဖြစ်ပေါ်လာအား တင်ပြပြီး၊ ရှမ်းပြည်နယ်ရှေ့နေများအသင်း(တောင်ကြီး)မှ လောက်ကိုင်ဒေသ တပ်မတော်သားများနှင့် စစ်ဘေးရှောင်ပြည်သူများအား အလှူငွေကျပ်(၁၀)သိန်းကို ရှမ်းပြည်နယ်ရှေ့နေများအသင်း ဦးစန်းအောင်မှ ပေးအပ်ရာ အရှေ့ပိုင်းတိုင်းစစ်ဌာနချုပ် တိုင်းဦးစီးအရာရှိကြီး တစ်ဦးမှ လက်ခံရယူကြကြောင်းသိရသည်။

   ၎င်းနောက် အလုပ်အမှုဆောင်အဖွဲ့များရွေးချယ်ခြင်းအခမ်းအနား စတင်ကျင်းပရာ သဘာပတိများအဖြစ် ဦးမျိုးမြင့် တရားလွှတ်တော်ရှေ့နေ(တောင်ကြီး)၊ ဦးမြင့်ဆွေ တရားလွှတ်တော်ရှေ့နေ(လားရှိုး)၊ ဦးစိုင်းသောင်းအေး တရားလွှတ်တော် ရှေ့နေ (ကျိုင်းတုံး)တို့က နေရာယူကြပြီး၊ ရှမ်းပြည်နယ်ရှေ့နေများအသင်းဥက္ကဌ၊ ဦးစိန်းဝင်းချမ်းက အမှားစကားပြောကြား၍ တက်ရောက်လာသော အသင်းဝင်များမှ ရှမ်းပြည်နယ်ရှေ့နေများအသင်း အလုပ်အမှုဆောင်အဖွဲ့ကို အဆိုပြုရွေးချယ် တင်မြှောက်ခြင်း၊ ရွေးချယ်တင်မြှောက်ထားသော ရှမ်းပြည်နယ်ရှေ့နေများအသင်း အလုပ်အမှုဆောင်အဖွဲ့၏ အမည်စာရင်းကို ကြေညာခြင်း၊ ရွေးချယ်တင်မြှောက်ထားသော ရှမ်းပြည်နယ်ရှေ့နေများအသင်း အလုပ်အမှုဆောင်အဖွဲ့၏ ကော်မတီအလိုက် လုပ်ငန်းတာဝန်များခွဲဝေခြင်း၊ ရှမ်းပြည်နယ်ရှေ့နေများအသင်း၏ အလုပ်အမှုဆောင်အဖွဲ့ ရွေးချယ်ခြင်းကို သဘာပတိထံ အတည်ပြုချက်တောင်းခံခြင်း၊ ရှမ်းပြည်နယ်ရှေ့နေများအသင်း၏ တောင်ကြီးခရိုင်အလုပ်အမှုဆောင်အဖွဲ့၏ အမည်စာရင်း ကြေညာခြင်း၊ အလုပ်အမှုဆောင်အဖွဲ့မှ ကြိုဆိုနှုတ်ခွန်းဆက်စကားပြောကြားပြီး၊ ရှမ်းပြည်နယ်ရှေ့နေများအသင်း၏ တောင်ကြီးခရိုင်၊ အလုပ်အမှုဆောင်အဖွဲ့၏ ဥက္ကဌမှ ကြိုဆိုနှုတ်ခွန်းဆက်စကားပြောကြားကာ အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။

                                                                                                                                                                                   မောင်မောင်သန်း(တောင်ကြီး)

 

မိုင်းဆတ်၌ သိမ်းဆည်းမြေများပြန်လည်စွန့်လွှတ်ပေးအပ်

မိုင်းဆတ် ဧပြီ  ၃

987

   ရှမ်းပြည်နယ်(အရှေ့ပိုင်း)၊ မိုင်းဆတ်မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ဧပြီ ၃ ရက် နံနက်(၁၀)နာရီက တပ်သိမ်းလယ်ယာမြေများကို မြို့နယ်မြေယာစီမံခန့်ခွဲမှုကော်မတီသို့ ပြန်လည်လွှဲပြောင်း ပေးအပ်ပွဲ အခမ်းအနားကျင်းပသည်။

   အခမ်းအနားတွင် နယ်မြေခံတပ်နယ်မှ ဗိုလ်မှူးချုပ်အောင်ဇော်အေးက မိုင်းဆတ်မြို့နယ်အတွင်း သိမ်းဆည်းလယ်ယာမြေများ ပြန်လည်စွန့်လွှတ်လွှဲပြောင်းပေးအပ် ဆောင်ရွက်ခဲ့မှုများကို ရှင်းလင်းပြောကြားပြီး ဗိုလ်မှူးကျော်လွင်စိုးက စွန့်လွှတ်လယ်ယာမြေ ၁၈၀ ဒဿမ၂၅ ဧကနှင့် ပတ်သက်သည့် စာရွက်စာတမ်းများကို မြို့နယ်မြေယာစီမံခန့်ခွဲမှု ကော်မတီဥက္ကဌ မြို့နယ်အုပ်ချုပ်ရေးမှူး ဦးအေးနိုင်ထံ လွှဲပြောင်းပေးအပ်သည်။

   အဆိုပါ လွှဲပြောင်းပေးအပ်သည့် လယ်ယာမြေများကို မြို့နယ်မြေယာစီမံခန့်ခွဲမှုကော်မတီက ပြန်လည် စိစစ်၍ မူလတောင်သူများထံပြန်လည်လွှဲပြောင်းပေးအပ်သွားမည်ဖြစ်ပြီး မိုင်းဆတ်မြို့နယ်တွင် တပ်မတော်မှ ပြန်လည်စွန့်လွှတ်ပေးအပ်သည့် လယ်ယာမြေ ၄၁၉ ဒဿမ ၉၄ ဧကရှိပြီဖြစ်ကြောင်း သိရသည်။

 

                                                                                                                                                                     သန်းဇော်(iprd)

                                                                                                                                                                    သတင်းဓာတ်ပုံ - (၅) ပုံ

                                                                                                                                                             သတင်းရေးသားပေးပို့သူ - ဦးသန်းဇော်ဦး(ဦးစီးအရာရှိ)

                                                                                                                           ခရိုင်ပြန်/ဆက်၊ မိုင်းဆတ်မြို့။

 

ရှမ်းပြည်နယ်(မြောက်ပိုင်း) လားရှိုးမြို့တွင် တစ်နိုင်ငံလုံးပစ်ခတ်တိုက်ခတ်မှု ရပ်စဲရေး သဘောတူစာချုပ်မူကြမ်း အတည်ပြုလက်မှတ်ရေးထိုးခြင်းငြိမ်းချမ်းရေးလုပ်ငန်းစဉ် (peace process)အား ထောက်ခံကြောင်း ဆန္ဒဖော်ထုတ်ပွဲ ကျင်းပပြုလုပ်

လားရှိုး ဧပြီ   ၅

985

   ရှမ်းပြည်နယ်(မြောက်ပိုင်း) လားရှိုးမြို့တွင် ငြိမ်းချမ်းစွာ စီတန်းလှည့်လည်ခြင်းဆိုင်ရာ ဥပဒေပါ စည်းကမ်းချက် များအပြင်ခွင့်ပြုမိန့်တွင် သီးခြားသတ်မှတ်ထားသည့် စည်းကမ်းချက်များကိုပါလိုက်နာမည်ဖြစ်ကြောင်း ဝန်ခံကတိပြုကြ ပြီး တစ်နိုင်ငံလုံး ပစ်ခတ်တိုက်ခတ်မှု ရပ်စဲရေးသဘောတူစာချုပ်မူကြမ်း အတည်ပြုလက်မှတ်ရေးထိုးခြင်း ငြိမ်းချမ်းရေး လုပ်ငန်းစဉ်(peace process)အား ထောက်ခံကြောင်းဆန္ဒဖော်ထုတ်ပွဲ အခမ်းအနားကို လားရှိုးမြို့၊ ပြည်ထောင်စုအားက စားကွင်းတွင် ဧပြီလ (၅) ရက်နေ့ နံနက်(၉) နာရီအချိန်က ကျင်းပပြုလုပ်ရာ လားရှိုးမြို့၊ ကန်မိန်းကျောင်းတိုက်စုရပ်မှ ရပ်ကွက် (၉)၊ ရပ်ကွက်(၁၀)၊ရပ်ကွက်(၁၁)၊ရပ်ကွက်(၁၂)၊ ဆုံကွယ်ကျေးရွာ၊ တာပုံကျေးရွာ၊ ဟိုပိတ်ကျေးရွာ၊ ကချင်၊၀၊ ဗမာယဉ်ကျေးမှုအဖွဲ့နှင့် ပြည်သူလူထုအင်အား (၇၀၂၅) ဦးသည်လည်းကောင်း၊ လားရှိုးမြို့ မန်ဆူရှမ်းကျောင်းတိုက် စုရပ်မှ ရပ်ကွက်(၅)၊ရပ်ကွက်(၆)၊ ရပ်ကွက် (၇)၊ ရပ်ကွက်(ဂ)၊ ဟူးမွန်ကျေးရွာ၊ မန်အိုင်ကျေးရွာ၊ ပလောင်၊ ရှမ်း၊ ကိုးကန့် ယဉ်ကျေးမှုအဖွဲ့နှင့် ပြည်သူလူထုအင်အား (၆၁၅၀) ဦးသည်လည်းကောင်း၊ လားရှိုးမြို့၊ မန်ဆူဘုရားကြီးကျောင်းတိုက် စုရပ်မှ ရပ်ကွက်(၁)၊ ရပ်ကွက်(၂)၊ရပ်ကွက် (၃)၊ ရပ်ကွက်(၄)၊ မယ်ဟန်ကျေးရွာ၊ နောင်ဖော့ကျေးရွာ၊ နားကွမ်းလုံ ကျေးရွာ၊ လားဟူ၊ လီဆူး၊ မြောင်စီး၊ မုန်းဝန်းယဉ်ကျေးမှုအဖွဲ့နှင့် ပြည်သူလူထုအင်အား (၆၂၂၅) ဦးနှင့်ဌာနဆိုင်ရာ များနှင့်လူမှုရေးအသင်းအဖွဲ့တို့မှ (၆၂၅)ဦး၊ စုစုပေါင်းအင်အား(၂၀၀၂၅)ဦး (နှစ်သောင်းနှစ်ဆယ့်ငါး)ဦးခန့်တို့က လားရှိုး-သိန်းနီ ပြည်ထောင်စုလမ်းမကြီးအတိုင်း စီတန်းလှည့်လည်ပြီး ပြည်ထောင်စုအားကစားကွင်းအတွင်းသို့ စုရုံး ရောက်ရှိ နေရာယူကြပါသည်။

   ရှေးဦးစွာအခမ်းအနားဖွင့်လှစ်ကြောင်းကြေငြာပြီး လားရှိုးမြို့၊မြို့မိ မြို့ဖ ဦးကံမြိုင်မှ “တစ်နိုင်ငံလုုံး ပစ်ခတ်တိုက် ခိုက်မှု ရပ်စဲရေး သဘောတူစာချုပ်မူကြမ်းရရှိရေး အတွက် ဆွေးနွေးပွဲများကို ၂၀၁၃ ခုနှစ် နိုဝင်ဘာလ (၄) ရက်နေ့မှ စတင်ကာ ပြည်တွင်းပြည်ပတွင် အလွတ်သဘော (၂၂)ကြိမ်၊ တရားဝင် (၇)ကြိမ် တွေ့ဆုံဆွေးနွေးခဲ့ရပြီး (တစ်)နှစ်အ ကြာဆွေးနွေးပွဲများအတွင်း တစ်ဖက်နှင့်တစ်ဖက် ပွင့်လင်းရိုးသားမှု၊ နားလည်စာနာမှု၊ အပြန်အလှန်လေးစာမှု၊ သည်းခံ လိုက်လျောမှု တို့ဖြင့်သာစေ့စပ်ညှိနှိုင်းခဲ့ကြရခြင်းဖြစ်ပါကြောင်း၊ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူ စာချုပ်မှုကြမ်းအား နှစ်ဖက်သဘောတူညှိနှိုင်းပြုစုရေးဆွဲပြီးဖြစ်ကြောင်း အတည်ပြုအခမ်းအနားတွင် နိုင်ငံတော်သမ္မတ ကြီး ဦးသိန်းစိန်က ငြိမ်းချမ်းရေးသည် ပြည်သူများ၏ လိုလားချက်၊ဆန္ဒနှင့်မျှော်လင့်ချက်ပင်ဖြစ်ကြောင်း၊ မျှော်လင့်ချက် များနှင့်စောင့်စားနေကြသည့်ပြည်သူမျာအတွက် ငြိမ်းချမ်းရေးရရှိနိုင်ရန် ဆောင်ကြဉ်းပေးခဲ့သူများသည် မိမိတို့အားလုံး ပင်ဖြစ်ပါကြောင်း၊ မြန်မာနိုင်ငံငြိမ်းချမ်းရေးဖြစ်စဉ်တွင် နေရာအသီးသီးမှ ပါဝင်ခွင့်ရရှိနေသူများသည် မြန်မာ့သမိုင်းကို လှပစွာ ကမ္မည်းရေးထိုးပေးသူများအဖြစ်မှတ်တမ်းတင်ကျန်ရှိမည့်သူများဖြစ်ပါကြောင်း၊ ပြည်သူလူထုတစ်ရပ်လုံးလိုလား တောင့်တသည့် ထာဝရငြိမ်းချမ်းရေးကို သူရဲကောင်းတို့၏နှလုံးသားဖြင့် ရယူဆောင်ကြဉ်းပေးနိုင်ခြင်းသာဖြစ်ပါကြောင်း“ ဖြင့်ပြောကြားပြီးနောက် “ တစ်နိုင်ငံလုံးတည်ငြိမ်အေးချမ်းရေး ဒို့အရေး၊ တစ်နိုင်ငံလုံးအပစ်အခတ်ရပ်စဲရေး ဒို့အရေး၊ ငြိမ်းချမ်းရေးလုပ်ငန်းစဉ်များ တစ်စိုက်မတ်မတ်ကြိုးပမ်းဆောင်ရွက်ရေး အမျိုးသားပြန်လည်သင့်မြတ်ရေး ဒို့အရေး၊ တိုင်းရင်းသားများနှင့် နိုင်ငံရေးဆွေးနွေးပွဲများ ဆက်လက်ပြုလုပ်ရေး ဒို့အရေး၊ တစ်နိုင်ငံလုံးပစ်ခတ်တိုက်ခတ်မှုရပ်စဲရေး သဘောတူစာချုပ်မှုကြမ်း ဆက်လက်အတည်ပြုအကောင်အထည်ဖော်နိုင်ရေး ဒို့အရေး၊ နိုင်ငံတော်သမ္မတကြီး၏ ငြိမ်းချမ်းရေးလုပ်ငန်းစဉ်အား (ထောက်ခံပါသည်) တစ်နိုင်ငံလုံးပစ်ခတ်တိုက်ခတ်မှုရပ်စဲရေး သဘောတူစာချုပ်မူကြမ်း အတည်ပြုလက်မှတ်ရေးထိုးခြင်းအား (ထောက်ခံပါသည်)“ဟု ကြွေးကြော်သံများဖြင့် ကြွေးကြော်ကြပြီး အခမ်းအနားကို ရုပ်သိမ်းခဲ့ကြောင်း သိရှိရသည်။

 

 

                                                                                                                                                                                    ဟန်ဌေး(iprd)

                                                                                                                                                                                    ခရိုင်ပြန်/ဆက်

                                                                                                                                                                                        လားရှိုး

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းမှ အခြေခံစာတတ်မြောက်ရေးလုပ်ငန်းဖွင့်ပွဲ တက်ရောက်ခြင်းနှင့် အခမဲ့ကျန်းမာရေးကွင်းဆင်းစောင့်ရှောက်ခြင်း

တောင်ကြီး ဧပြီ - ၁

979

   ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းသည် လင်းခေးခရိုင်အုပ်ချုပ်ရေးမှူး ဦးစိုးမြင့်၊ မောက်မယ်မြို့နယ်အုပ်ချုပ်ရေးမှူးဦးတင်မောင်စိုးတို့နှင့်အတူ ဧပြီလ(၁)ရက်နေ့ မောက်မယ်မြို့နယ်အခြေခံ စာတတ်မြောက်ရေးလုပ်ငန်း ဖွင့်ပွဲအခမ်းအနားသို့ တက်ရောက်ပြီး အခမ်းအနားအားဖဲကြိုးဖြတ်ဖွင့်လှစ်ပေးခဲ့ပါသည်။ အခမ်းအနားတွင် ပြည်နယ်လူမှုရေးဝန်ကြီးမှ အဖွင့်အမှာစကားပြောကြားခြင်း၊ မြို့နယ်စာတတ်မြောက်ရေးကြီးကြပ်မှု ကော်မတီ ဥက္ကဌ(မြို့နယ်အုပ်ချုပ်ရေးမှူး)မှ စာတတ်မြောက်ရေးလှုပ်ရှားမှုလုပ်ငန်းနှင့် ပတ်သက်၍ ဆောင်ရွက်ထားရှိမှု အခြေအနေတင်ပြခြင်း မြို့နယ်ပညာရေးမှူးမှ မြို့နယ်ပညားရေးကဏ္ဍဆိုင်ရာအချက်အလက်များအာ ရှင်းလင်းတင်ပြခဲ့ပါ သည်။

   အခမ်းအနားတွင် အခြေခံပညာ စာတတ်မြောက်ရေးလုပ်ငန်းအတွက် ရှမ်းပြည်နယ်အစိုးရအဖွဲ့မှ လှူဒါန်းသော အလှူငွေ သိန်း(၃၀)အား ပြည်နယ်လူမှုရေးဝန်ကြီးမှ ပေးအပ်လှူဒါန်းရာ မြို့နယ်အုပ်ချုပ်ရေးမှူးမှ လက်ခံရယူခဲ့ကြောင်း သတင်းရရှိပါသည်။

  ဆက်လက်၍  ပြည်နယ်လူမှုရေးဝန်ကြီးနှင့်အဖွဲ့သည် မောက်မယ်ဆေးရုံတွင် အထွေထွေရောဂါအထူးကုဆရာဝန်ကြီး၊ မျက်စိအထူးကုဆရာဝန်ကြီး၊ သွားအထူးကုဆရာဝန်ကြီး၊ အရိုးအထူးကုဆရာဝန်ကြီးများမှ ဒေသခံပြည်သူများအား အခမဲ့ကျန်းမားရေးကွင်းဆင်း စောင့်ရှောက်ပေးနေမှုအား သွားရောက်ကြည့်ရှု့အားပေးခဲ့ပြီး ဆေးဝါးများဝယ်ယူရန်အတွက် ထောက်ပံ့ငွေကျပ်(၅)သိန်းကို ပေးအပ်လှူဒါန်းခဲ့ကြောင်း သတင်းရရှိပါသည်။

   ဆက်လက်၍ ပြည်နယ်လူမှုရေးဝန်ကြီးနှင့်အဖွဲ့သည် အခြေခံစာတတ်မြောက်ရေးလုပ်ငန်းဆောက်ရွက်နေသည့် ရပ်ကွက်၊ ကျေးရွာများရှိ စာသင်ဝိုင်းမျာသို့ သွားရောက်ကြည့်ရှု့အားပေးခဲ့ပါသည်။

   ဆက်လက်၍ ပြည်နယ်လူမှုရေးဝန်ကြီးနှင့်အဖွဲ့သည် မောက်မယ်မြို့နယ်ကိုယ်ထူကိုယ်ထ မူလတန်းကြိုကျောင်းအား သွားရောက်ကြည့်ရှု့စစ်ဆေးခဲ့ပြီး လိုအပ်သည်များကို လမ်းညွှန်မှာကြားခဲ့ကြောင်း သိရှိရပါသည်။

   ဆက်လက်၍ ပြည်နယ်လူမှုရေးဝန်ကြီးနှင့်အဖွဲ့သည် မိုးနဲမြို့ သဘာဝဘေးဒဏ်သင့် အခြေခံပညာအထက်တန်း ကျောင်း(ခွဲ) နားခံကျောင်းအား သွာရောက်ကြည့်ရှု့စစ်ဆေးခဲ့ပြီး သဘာဝဘေးဒဏ်သင့် ကျောင်းအမြန်ဆုံးပြင်ဆင်ပေးနိုင်ရေး နှင့် လိုအပ်သည်များကို တာဝန်ရှိသူများထံ လမ်းညွှန်မှာကြားခဲ့ပါသည်။

 

ရှမ်းပြည်နယ် ပြည်နယ်ဝန်ကြီးချုပ် လားရှိုးမြို့ ထင်းရှူးမြိုင် ၊ချယ်ရီမြိုင်အိမ်ရာစီမံကိန်းအားကြည့်ရှုစစ်ဆေး

လားရှိုး   ဧပြီ ၄

984

   ရှမ်းပြည်နယ်(မြောက်ပိုင်း)လားရှိုးမြို့တွင် ဧပြီ ၃ ရက် မွန်းလွဲ ၂ နာရီအချိန်က ရှမ်းပြည်နယ် ပြည်နယ်ဝန်ကြီးချုပ် ဦးစဝ်အောင်မြတ်သည်လားရှိုးမြို့ ရပ်ကွက်(၁)နယ်မြေနှင့် ဆပ်စပ်လျှက်ရှိ ထင်းရှူးမြိုင် တန်ဖိုးမျှအိမ်ရာစီမံကိန်းတည်ဆောက်အကောင်အထည်ဖော်ဆောင်နေမှုများအားကွင်းဆင်းစစ်ဆေးခဲ့သည်။

   အိမ်ရာစီမံကိန်းတည်ဆောက်ပြီးစီးမှုနှင့် စီမံကိန်းတွင်ပါဝင်ဆပ်စပ်နေသော လုပ်ငန်းများ၊ အိမ်ရာ တည်ဆောက်ရေးလုပ်ငန်းအား လားရှိုးခရိုင်အုပ်ချုပ်ရေးမှူးဦးမြတ်မိုးနှင့်ရွှေမင်းဝင် ကုမ္မဏီအုပ်ချုပ်မှုဒါရိုက်တာ ကလည်းကောင်း၊ဆက်စပ်လမ်းများ ဖော်ထုတ်ပြီးစီးမှုနှင့်ဆောင်ရွက်နေမှုများအား တွဲဘက်ပြည်နယ် ဆောက်လုပ်ရေးမှ တွဲဘက်ပြည်နယ်အင်ဂျင်နီယာမှူးကြီး ကလည်းကောင်း၊ သောက်သုံးရေရရှိရေး ဆောင်ရွက်နေမှုများအား မြို့နယ်စည်ပင်သာယာရေးနှင့် ဆည်မြောင်း ဦးစီးဌာနမှ တာဝန်ရှိသူတို့က မိမိတို့၏လုပ်ငန်းကဏ္ဍအလိုက်               အသေးစိတ်ရှင်းလင်းတင်ပြကြပါသည်။

   ထို့နောက်ရှမ်းပြည်နယ်ဝန်ကြီးချုပ်ဦးစဝ်အောင်မြတ်သည် လားရှိုးမြို့ နားမခေါ်အဝေးပြေးယာဉ်ရပ်နား စခန်းနှင့်ဆက်စပ်တည်ရှိ ဖော်ထုတ်လျှက်ရှိသော ချယ်ရီမြိုင် တန်ဖိုးမြင့်လုံးချင်းအိမ်ရာစီမံကိန်းအား တည်ဆောက်ဖော်ထုတ်နေမှုများအား ကြည့်ရှုစစ်ဆေးရာ တည်ဆောက်ရေးစီမံကိန်းအားဆောင်ရွက်နေသော ရှိုင်းနင်းမြန်မာ ကုမ္မဏီက တာဝန်ခံအင်ဂျင်နီယာက ဆောင်ရွက်ထားရှိမှု အခြေအနေများအားရှင်းလင်းတင်ပြကာ ပြည်နယ်ဝန်ကြီးချုပ်က လိုအပ်ချက်များကိုဖြည့်စွက်မှာကြားခဲ့ပြီးလုပ်ငန်းဆောင်ရွက်နေမှုတို့အား လက်တွေ့ ကွင်းဆင်းစစ်ဆေးခဲ့ပါသည်။

   အိမ်ရာစီမံကိန်းတည်ဆောက်ရေးစီမံကိန်းစစ်ဆေးကြည့်ရှုမှုအား ရှမ်းပြည်နယ် ပြည်နယ်ဝန်ကြီးချုပ်ဦးစဝ် အောင်မြတ်၊ ပြည်နယ်နယ်စပ်ရေးရာလုံခြုံရေးဝန်ကြီး၊ စိုက်ပျိုးရေးနှင့်မွေးမြူရေးဝန်ကြီး၊ ရှမ်းပြည်နယ် အစိုးရအဖွဲ့၏ အတွင်းရေးမှူး၊ ဒုတိယပြည်နယ်အုပ်ချုပ်ရေးမှူး၊ တွဲဘက်ပြည်နယ်အဆင့်ဌာနဆိုင်ရာ အကြီးအကဲ များ၊ ခရိုင်၊ မြို့နယ် အုပ်ချုပ်ရေးမှူး များနှင့် ကုမ္မဏီလုပ်ငန်းပိုင်ရှင်များလိုက်ပါတက်ရာက်ခဲ့ကြပါသည်။

                                                                                                                                                                                         ဟန်ဌေး(iprd)

                                                                                                                                                                                          ခရိုင်ပြန်/ဆက်

                                                                                                                                                                                          လားရှိုး

 

 

ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းမှ နမ့်စန်မြို့နယ်၊ ကျန်းမာရေးဌာနများ ကွင်းဆင်းကြည့်ရှု့စစ်ဆေးခြင်း

တောင်ကြီး မတ် - ၃၁

 978

   ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းသည် ပြည်နယ်ကျန်းမာရေးမှူး ဒေါက်တာမိုးဆွေ၊ နမ့်စန်မြို့နယ်အုပ်ချုပ်ရေးမှူး၊ နမ့်စန်မြို့နယ် ကျန်းမာရေးဦးစီးဌာနမှူးတို့ လိုက်ပါလျက် မတ်လ (၃၁)ရက် နေ့လည်ပိုင်းတွင် နမ့်စန်မြို့နယ်၊ ကာလေကျေးရွာ ကျေးလက်ကျန်းမာရေးဌာန တည်ဆောက်ရေးလုပ်ငန်းများအား သွားရောက်ကြည့်ရှု့စစ်ဆေးခဲ့ပြီး၊ ဆေးဂိုဒေါင်တွင် သံပန်းတံခါးများတပ်ဆင်ရန်၊ မွေးခန်းတွင်လက်ဆေးကန်နှင့် လေဝင်လေထွက်ပေါက်များ၊ ရေထွက်ပေါက်များ ထည့်သွင်းတည်ဆောက်ရန် လမ်းညွှန်မှာကြားခဲ့ပါသည်။

   ဆက်လက်၍ ၀န်ကြီးနှင့်အဖွဲ့သည် နမ့်စန်ဆေးရုံ(၄)ခန်းတွဲ သူနာပြုနေအိမ်(၆)ခန်းတွဲ ဝန်ထမ်းအိမ်ယာ တည်ဆောက်ရေးလုပ်ငန်းများအား ကွင်းဆင်းစစ်ဆေးကြည့်ရှု့ခဲ့ပြီး လိုအပ်သည်များကို လမ်းညွှန်မှာကြားခဲ့ကြောင်း သတင်းရရှိပါသည်။

 

ကျောက်မဲမြို့တွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်မူကြမ်းအား ထောက်ခံဆန္ဒဖော်ထုတ်ပွဲ ပြုလုပ်

ကျောက်မဲ ဧပြီ

983

   နိုင်ငံတော်အစိုးရနှင့် တိုင်းရင်းသားလက်နက်ကိုင်အဖွဲ့များအကြား တစ်နိုင်ငံ လုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်မူကြမ်းကို နှစ်ဖက်သဘောတူ ညှိနှိုင်းရေးဆွဲပြီးစီးကြောင်း အတည်ပြုလက်မှတ်ရေးထိုး နိုင်ခဲ့ခြင်းအား ကြိုဆို ထောက်ခံသည့် ဆန္ဒဖော်ထုတ်ပွဲကို ရှမ်းပြည်နယ်(မြောက်ပိုင်း)၊ကျောက်မဲခရိုင်၊ ကျောက်မဲမြို့တွင် ဧပြီလ (၄)ရက်နေ့ နံနက်(၉)နာရီအချိန်က ကျင်းပပြုလုပ်ခဲ့သည်။

   အဆိုပါဆန္ဒဖော်ထုတ်ပွဲကို ကျောက်မဲမြို့နယ် ဖွံ့ဖြိုးတိုးတက်ရေး အထောက် အကူပြုကော်မတီ ဥက္ကဌ ဦးတင်ဝင်းက ဦးဆောင်ကျင်းပခဲ့ခြင်းဖြစ်ပြီး ငြိမ်းချမ်းရေး သည် ပြည်သူတို့၏ လိုလားချက် ဆန္ဒနှင့်မျှော်လင့်ချက်” “ငြိမ်းချမ်းဝေစည် ဒီမိုကရေစီနိုင်ငံတော်သစ်ဆီ”  “ပြည်ထောင်စုငြိမ်းချမ်းရေး ဒုတိယပင်လုံ၏အောင်ပွဲ” စသည့်လက်ကိုင်ဆောင်ပုဒ်များကိုင်ဆောင်ကာ “ တစ်နိုင်ငံလုံးတည်ငြိမ်အေးချမ်းရေး ဒို့အရေး၊ တစ်နိုင်ငံလုံး အပစ်အခတ်ရပ်စဲရေး ဒို့အရေး၊ ငြိမ်းချမ်းရေးလုပ်ငန်းစဉ်များ တစ်စိုက်မတ်မတ် ကြိုးပမ်းဆောင်ရွက်ရေးနှင့် အမျိုးသား ပြန်လည်သင့်မြတ်ရေး ဒို့အရေး၊ တိုင်းရင်းသားများနှင့် နိုင်ငံရေးဆွေးရေးဆွေးနွေးပွဲများ ဆက်လက်ပြုလုပ် နိုင်ရေး ဒို့အရေး၊ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်မူကြမ်း ဆက်လက်အတည်ပြု အကောင်အထည်ဖော်ရေး ဒို့အရေး” ဟူသည့် ကြွေးကြော်သံများဖြင့် ကြွေးကြော်ခဲ့ကြသည်။

    တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်မူကြမ်းအား ထောက်ခံဆန္ဒဖော်ထုတ်ပွဲသို့ ကျောက်မဲမြို့နယ်အတွင်းရှိ ရပ်ကွက်(၉)ခုနှင့် ကျေးရွာ (၁၀)ရွာမှ ရှမ်း၊ ဗမာ၊ ဓနု၊ ပလောင်၊ ကိုးကန့် တိုင်းရင်းသားများ အင်အား (၁၅၀၀၀) ကျော်ခန့်တက်ရောက်ခဲ့ကြောင်းနှင့် နံနက်(၉)နာရီအချိန်တွင် အမှတ်(၁)ရပ်ကွက်၊ ခရိုင်အားကစားကွင်းမှ အမှတ်(၈)ရပ်ကွက်၊ မြို့နယ်အားကစားကွင်းသို့ ပင်လုံ လမ်းမကြီးနှင့် အောင်ဆန်းလမ်း များအတိုင်း ချီတက်ဆန္ဒထုတ်ဖော်ခဲ့ကြပြီး နံနက်(၁၀)နာရီ အချိန် တွင် ပြီးစီးခဲ့ကြောင်း သိရှိရပါသည်။

 

ရှမ်းပြည်နယ်(မြောက်ပိုင်း)၂၀၁၅ ခုနှစ်၊ အခြေခံစာတတ်မြောက်ရေးလှုပ်ရှားမှုစခန်းဖွင့်ပွဲ အခမ်းအနားကျင်းပ

လားရှိုး  ဧပြီ ၁

975

   ရှမ်းပြည်နယ်(မြောက်ပိုင်း) လားရှိုးခရိုင်၊ သိန်းနီမြို့နယ်နှင့် ကျောက်မဲခရိုင်၊ နမ္မတူမြို့နယ်တို့တွင် အခြေခံစာတတ်မြောက်ရေး လှုပ်ရှားမှုစခန်းဖွင့်ပွဲ အခမ်းအနားကို ဧပြီလ (၁)ရက် နံနက် (၉)နာရီအချိန်က လားရှိုးမြို့၊ မြို့တော်ခန်းမတွင် ကျင်းပပြုလုပ်သည်။

   အခမ်းအနားတွင် ပြည်နယ်စာတတ်မြောက်ရေး သင်တန်းကြီးကြပ်မှုကော်မတီနာယက ရှမ်းပြည်နယ် ဝန်ကြီးချုပ်ကိုယ်စားရှမ်းပြည်နယ် စိုက်ပျိုးမွေးမြူရေးဝန်ကြီး ဦးစိုင်းဆာလူက အဖွင့်မှာစကားပြောကြားရာတွင် တိုးတက်ဖွံ့ဖြိုးလာသည့်လူ့ဘောင်အဖွဲ့အစည်းများပေါ်ပေါက်လာခြင်းကြောင့် စာရေး၊စာဖတ်နိုင်စွမ်း ပိုမိုလိုအပ်ကြောင်း၊ ဖွံ့ဖြိုးဆဲနိုင်ငံများတွင် စာမတတ်မြောက်သူအရေအတွက်သည် ကျေးလက်ဒေသများတွင် ကျန်ရှိနေသေးကြောင်း၊ မြန်မာနိုင်ငံတွင် စာတတ်မြောက်မှုနှုန်းကို(၉၅.၅)%နှုန်းရရှိရန်မျှော်မှန်းထားကြောင်း နှစ်စဉ်နွေရာသီ ကျောင်းပိတ်ရက်များ တွင် မြို့နယ်များတိုးချဲ့ အကောင်အထည်ဖော်ဆောင်ရွက်လျှက် ရှိနေပါကြောင်း၊လူတိုင်းအခြေခံစာတတ်မြောက်ရေးအတွက် တစ်မျိုးသားလုံးက အမျိုးသားရေးအမြင်၊ အမျိုးသားရေးစိတ်ဓာတ်တို့ဖြင့် လူသားမျိုးနွယ်တစ်ရပ်လုံးအသိပညာ အတွေးအခေါ်များ တိုးတက်မြင့်မား လာစေရန် သမိုင်းပေးတာဝန်တစ်ရပ်အနေဖြင့်ကြိုးစားပူးပေါင်းဆောင်ရွက်ကြရန် တိုက်တွန်းပြောကြားခဲ့ပါသည်။

976

   ဆက်လက်၍ ရှမ်းပြည်နယ် ပညာရေးမှူးရုံး(ရုံးခွဲ) လက်ထောက်ညွှန်ကြားရေးမှူး ဦးဝင်းမောင်ကလုပ်ငန်းနှင့် စပ်လျဉ်း၍ ရှင်းလင်းတင်ပြရာ ၂၀၁၄-၂၀၁၅ခုနှစ်အထိ မြို့နယ်(၂၃)မြို့နယ်ရှိပြီး မြို့နယ်အလိုက် စာတတ်မြောက်မှုအနေဖြင့် လားရှိုးမြို့နယ်မှာ(၉၀.၈၁)%၊ သိန်းနီမြို့နယ်မှာ(၇၄.၉၀)%၊ တန့်ယန်းမြို့နယ်မှာ (၇၁.၆၆)%၊ ပန်ဆန်းမြို့နယ်မှာ (၆၁.၂၅)%၊ နားဖန်းမြို့နယ်မှာ(၆၃.၂၇)%၊ မိုင်းရယ်မြို့နယ်မှာ(၇၆.၀၅)%၊ ကွမ်းလုံမြို့နယ်မှာ(၇၉.၀၃)%၊ လားရှိုးခရိုင်အနေနဲ့(၇၉.၆၁)%၊ မူဆယ်မြို့နယ်မှာ(၇၀.၂၉)%၊ နမ့်ခမ်းမြို့နယ်မှာ (၈၀.၀၈)%၊ ကွတ်ခိုင်မြို့နယ်မှာ(၇၈.၆၄)%၊ မူဆယ်ခရိုင်အနေနှင့် (၇၅.၇၅)%၊ ကျောက်မဲမြို့နယ်မှာ(၈၀.၉၉)%၊ သီပေါမြို့နယ်မှာ(၇၇.၆၄)%၊ နောင်ချိုမြို့နယ်မှာ(၈၆.၉၄)%၊ နမ္မတူမြို့နယ်မှာ (၈၈.၇၈)%၊ နမ့်ဆန်မြို့နယ်မှာ(၇၀)%၊ မိုးမိတ်မြို့နယ်မှာ(၈၁.၈၉)%၊ မဘိမ်းမြို့နယ်မှာ(၈၂.၄၇)%၊ မန်တုံမြို့နယ်မှာ (၇၆.၂၀)%၊ကျောက်မဲခရိုင်အနေဖြင့် (၈၀.၅၈)%၊ ဟိုပန်မြို့နယ်မှာ(၇၁.၃၀)%၊ပန်ဝိုင်မြို့နယ်မှာ(၄၃.၅၅)%၊ မိုင်းမောမြို့နယ်မှာ (၄၂.၅၅)%၊ ဟိုပန်ခရိုင်အနေနှင့်(၆၃.၀၃)%၊ လောက်ကိုင်မြို့နယ်မှာ(၄၅.၆၆)%၊ ကုန်းကြမ်း မြို့နယ်မှာ(၄၂.၈၄)%၊ လောက်ကိုင်ခရိုင်အနေနှင့် (၄၄.၂၀)%၊ တို့ဖြစ်ကြောင်းတင်ပြသွားခဲ့ပြီး၊ ရှမ်းပြည်နယ်(မြောက်ပိုင်း) ၂၀၁၅ခုနှစ်၊ နွေရာသီစာတတ်မြောက်ရေးလုပ်ငန်းလှုပ်ရှားမှုများကို လူထုလှုပ်ရှားမှုအသွင်ဖြင့်ကျင်းပနိုင်ရေးအတွက် (အ)သုံးလုံး စာသင်ဝိုင်းများကို       (၁-၄-၂၀၁၅)မှ(၁၅-၅-၂၀၁၅)အထိ နမ္မတူမြို့နယ်တွင် စာသင်ဝိုင်း(၂၂)ဝိုင်း၊ စာသင်သား ဦးရေ(၂၇၀)ဦးကို သင်ကြားသူ ဒေသခံဆရာ/မ(၂၂)ဦးဖြင့်လည်းကောင်း၊ သိန်းနီမြို့နယ်မှာ စာသင်ဝိုင်း(၁၆)ဝိုင်း၊ စာသင်သားဦးရေ(၁၆၈)ဦးကို သင်ကြားသူဒသခံဆရာ/ ဆရာမ(၁၆)ဦးတို့မှ စတင်သင်ကြား ပိုချသွားမည်ဖြစ်ကြောင်းသိရှိရပါသည်။ ထို့နောက် စာသင်ဝိုင်းများတွင်သင်ပြမည့် ဆရာ/ ဆရာမများကိုယ်စား သိန်းနီမြို့နယ်ဒေသခံ ဆရာမတစ်ဦးက တာဝန်လက်ခံ စကားပြောကြားခဲ့သည်။ 

ဆက်လက်၍ သိန်းနီမြို့နယ်နှင့်နမ္မတူမြို့နယ်အတွက်အလှူငွေကျပ်(၁၅)သိန်းစီအား ပြည်နယ်စက်မှုနှင့်လျှပ်စစ် ဝန်ကြီး ဦးစိုင်းထွန်းရင်က ပေးအပ်ကာ တာဝန်ရှိသူများကလက်ခံရယူခဲ့ကြပါသည်။

   အဆိုပါအခမ်းအနားသို့ပြည်နယ်ဝန်ကြီးများ၊ ပြည်နယ်ဒုတိယအုပ်ချုပ်ရေးမှူးဦးစိန်အုပ်နှင့်ပြည်နယ်၊ ခရိုင်၊ မြို့နယ်ဌာနဆိုင်ရာအကြီးအကဲများ၊ လူမှုရေးအသင်းအဖွဲ့ဝင်များ၊ တိုင်းရင်းသားယဉ်ကျေးမှုအဖွဲ့ဝင်များ၊ ဒေသခံဆရာ၊ ဆရာမများတက်ရောက်ခဲ့ကြကြောင်းသိရှိရသည်။

ဟန်ဌေး(iprd)

ခရိုင်ပြန်/ဆက်

လားရှိုး

 

More Articles...

  1. လားရှိုးတွင်ငွေကျပ်(၄၁)သိန်းကျော်တန်ဖိုးရှိ ဘိန်းဖြူနှင့် စိတ်ကြွဆေးပြားများဖမ်းဆီးရမိ
  2. လားရှိုးတွင်ငွေကျပ်(၄၁)သိန်းကျော်တန်ဖိုးရှိ ဘိန်းဖြူနှင့် စိတ်ကြွဆေးပြားများဖမ်းဆီးရမိ
  3. ညောင်ရွှေမြို့၌ အခြေခံစာတတ်မြောက်ရေး လုပ်ငန်းလှုပ်ရှားမှု ဖွင့်ပွဲကျင်းပ
  4. လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီးနှင့် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် မြို့ကြီးရေအားလျှပ်စစ်ဓါတ်အားပေးစက်ရုံ တည်ဆောက်နေမှုကြည့်ရှုစစ်ဆေး
  5. ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး ဆဋ္ဌမနေ့ကျင်းပ
  6. ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး ပဉ္စမနေ့ ကျင်းပ
  7. စစ်ကိုင်းတိုင်းဒေသကြီးလွှတ်တော်ကိုယ်စားလှယ်များ ရှမ်းပြည်နယ်လွှတ်တော်သို့ လာရောက်လေ့လာ
  8. ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး စတုတ္ထနေ့ကျင်းပ
  9. ပထမအကြိမ် ၊ ရှမ်းပြည်နယ်လွှတ်တော် ( ၁၂ ) ကြိမ်မြောက် ပုံမှန်အစည်းအဝေး တတိယနေ့ကျင်းပ
  10. ကမ္ဘာ့တီဘီတိုက်ဖျက်ရေးနေ့ အခမ်းအနားကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

koe-kantရှမ်းပြည်နယ်(မြောက်ပိုင်း) ကွမ်းလုံ၊ ကုန်းကြမ်း၊ လောက်ကိုင်နှင့် ဟိုပန်မြို့နယ်များတွင် အများဆုံး နေထိုင်ကြသည်။

We have 68 guests and no members online

Latest Updates