သတင်းများ

ကလောမြို့နယ်၊ ဟဲဟိုးတိုက်နယ်ဆေးရုံးသို့ အခမဲ့ကျန်းမာရေးကွင်းဆင်းစောင့်ရှောက်

တောင်ကြီး ဖေဖေါ်ဝါရီ - ၁၄

913

ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီးဒေါက်တာမျိုးထွန်း ပြည်နယ်ကျန်းမာရေးဦးစီးဌာနမှူး ဒေါက်တာမိုးဆွေ၊ ခရိုင်းကျန်းမာရေးဦးစီးဌာနမှူး ဒေါက်တာခင်မောင်ရင်၊ စဝ်စံထွန်းဆေးရုံးအုပ်ကြီး ဒေါက်တာပေါ်ထွန်းတို့ ဦးဆောင်မှုဖြင့် စဝ်စံထွန်းဆေးရုံကြီးမှ မျက်စိအထူးကုဆရာဝန်၊ အရိုးအကြောအထူးကုဆရာဝန်၊ သွားဆရာဝန်၊ အထွေထွေ ရောဂါအထူးကုဆရာဝန်၊ ခွဲစိတ်အထူးကုဆရာဝန်၊ အမျိုးသမီးနှင့် ကလေးဆေးရုံမှ ကလေးအထူးကုဆရာဝန်၊ သားဖွားမီးယပ် အထူးကုဆရာဝန်နှင့် ရာစုသစ်လူမှုစောင့်ရှောက်ရေးနှင့် သွေးလှူရှင်အသင်းမှ ဥက္ကဌနှင့် အဖွဲ့ဝင်များပါဝင်သောအဖွဲ့သည် ဖေဖေါ်ဝါရီ(၁၄)ရက်၊ နံနက်(၉)နာရီတွင် ကလောမြို့နယ် ဟဲဟိုးတိုက်နယ်ဆေးရုံသို့ သွာရောက်ပြီး ကျေးရွာနေဒေသခံ ပြည်သူများအား အခမဲ့ကျန်းမာရေး ကွင်းဆင်းစောင့်ရှောက်မှု လုပ်ငန်းများဆောင်ရွက်ပေးခဲ့ကြောင်းသိရသည်။ 

ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်းမှ ဆေးဝါးများဝယ်ယူရန် အတွက် ထောက်ပံ့ငွေကျပ်(၅)သိန်းကို ပေးအပ်လှူဒါန်းခဲ့ပြီး၊ ကလောမြို့နယ်ဟဲဟိုးတိုက်နယ်ဆေးရုံ၌ အခမဲ့ကျန်းမာရေး ကွင်းဆင်းစောင့်ရှောက်မှုတွင် မျက်စိဝေဒနာရှင်(၂၁၈)ဦး၊ တိုင်းရင်းဆေးဖြင့်ဝေဒနာရှင်(၁၆၇)ဦး၊ အထွေထွေရောဂါဝေဒနာရှင် (၂၃၀)ဦး၊ ခွဲစိတ်ဝေဒနာရှင်(၁၇)ဦး၊ သွားဝေဒနာရှင်(၈၃)ဦး၊ အရိုးအကြောဝေဒနာရှင်(၁၃၇)ဦး၊ ကလေးဝေဒနာရှင်(၅၃)ဦး၊ သားဖွာမီးယပ်ဝေဒနာရှင်(၄၃)ဦး စုစုပေါင်းဝေဒနာရှင်(၉၈၄)ဦးအား အခမဲ့ကျန်းမာရေးစောင့်ရှောကပေးခဲ့ကြောင်း သိရှိရသည်။

                                                                                      မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဗုဒ္ဓတက္ကသိုလ် အဆောက်အဦ တည်ဆောင်မည့် မြေနေရာအား သွားရောက်ကြည့်ရှုစစ်ဆေး

တောင်ကြီး    ဖေဖော်ဝါရီ    ၁၄

912

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာများတို့နှင့်အတူ ဖေဖော်ဝါရီ (၁၄)ရက် နံနက်(၈)နာရီခွဲက တောင်ကြီးမြို့ ပညာဗောဓိကုန်း၌ ဗုဒ္ဓတက္ကသိုလ် အဆောက်အဦ တည်ဆောင်မည့်မြေနေရာအား အောင်ချမ်းသာကုမ္ပဏီမှ မြေကြီးလုပ်ငန်း ဆောင်ရွက်နေမှုနှင့် ဗုဒ္ဓတက္ကသိုလ်သို့ ရောက်ရှိမည့်လမ်းများကို သွားရောက်ကြည့်ရှုစစ်ဆေးကာ ကုမ္ပဏီတာဝန်ရှိသူ များမှ ရှင်းလင်းတင်ပြရာ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့ကြောင်း သိရသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူတို့သည် တောင်ကြီးမြို့နယ်၊ ဘုရားဖြူရပ်ကွက်ရှိ ပါမိုးနဲ ဂနိုင်ရေကန် ပြန်လည် တူးဖော်ပြုလုပ်မည့်နေရာသို့ ရောက်ရှိလာရာ တာဝန်ရှိသူများက ရှင်းလင်းတင်ပြရာ၊ ပြည်နယ် ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့ကြောင်း သိရှိရသည်။

                                                                                                                                                                               မောင်မောင်သန်း(တောင်ကြီး)

 

၂၀၁၅ ခုနှစ်၊ (၆၈)နှစ်မြောက် ပြည်ထောင်စုနေ့ အခမ်းအနား ပင်လုံပြည်ထောင်စုကျောက်တိုင်၌ စည်ကားသိုက်မြိုက်စွာ ကျင်းပ

တောင်ကြီး ဖေဖေါ်ဝါရီ - ၁၂

 894

   ရှမ်းပြည်နယ်(တောင်ပိုင်း) လွိုင်လင်ခရိုင်၊ ပင်လုံမြို့၌ ၂၀၁၅ ခုနှစ်၊ (၆၈)နှစ်မြောက် ပြည်ထောင်စု နေ့ အခမ်းအနားကို ပင်လုံမြို့၊ ပြည်မတောင်တန်းပူးပေါင်းရေးစာချုပ်၊ ပင်လုံစာချုပ်ချုပ်ဆိုခဲ့သည့်၊ ပင်လုံ ပြည်ထောင်စုကျောက်တိုင်၌ ဖေဖေါ်ဝါရီလ (၁၂)ရက်၊ နံနက်(၀၉:၄၅)နာရီက စည်းကားသိုက်မြိုက်စွာ ကျင်းပကြောင်း သိရသည်။ (၆၈)နှစ်မြောက် ပြည်ထောင်စုနေ့ အခမ်းအနားသို့ အခမ်းအနားမစတင်မှီ နံနက်(၈)နာရီခွဲမှ စတင်၍ ဌာနဆိုင်ရာများ၊ ဒေသခံပြည်သူများ၊ လွိုင်လင်၊ ပင်လုံ၊ မိုင်းပွန်၊ နမ့်စန်မြို့နယ်များမှ တိုင်းရင်းသားရိုးရာယဉ်ကျေးမှုအဖွဲ့များ ၊ တောင်ကြီးမြို့တွင် ရောက်ရှိနေကြသည့် ရှမ်းပြည်နယ်( အရှေ့ပိုင်း၊ မြောက်ပိုင်းနှင့်  တောင်ပိုင်း)များမှ တိုင်းရင်းသားရိုးရာယဉ်ကျေးမှုအဖွဲ့များ၊ ဒေသခံပြည်သူများက ပင်လုံပြည်ထောင်စုကျောက်တိုင် ပန်းခြံဝင်းတွင် ဝင်ရောက်နေရာယူကြသည်။ နံနက်(၉:၃၅)တွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် နှင့် ပြည်နယ်ဝန်ကြီးများ၊ အရှေ့ အလယ်ပိုင်းတိုင်းစစ်ဌာနချုပ် တိုင်းမှူး၊ ပြည်နယ် လွှတ်တော်ကိုယ်စားလှယ်များသည် (၆၈)နှစ်မြောက် ပြည်ထောင်စုနေ့အခမ်းအနားကျင်းပရာ ပြည်ထောင်စုကျောက်တိုင်ကွင်းသို့ ရောက်ရှိလာရာ တိုင်းရင်းသား ယဉ်ကျေးမှုအဖွဲ့ဝင်များ အခမ်းအနားတက်ရောက်လာကြသူများက အိုးစည်ဗုံမောင်တီး၍လည်းကောင်း၊ နိုင်ငံတော်အလံငယ်များဝှေ့ယမ်း၍ လိုက်လှဲစွာကြိုဆိုကြသည်။

895

   ယင်းနောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်အား တပ်မတော် အလံစောင့်တပ်ဖွဲ့မှ ဦးဆောင်၍ အလေးပြုကြသည်။ ဆက်လက်၍ ပြည်ထောင်စုသမ္မတမြန်မာနိုင်ငံတော် အလံအား အလေးပြုခြင်း၊ ကျဆုံလေပြီးသော ခေါင်းဆောင်ကြီးများနှင့် ရဲဘောင်အပေါင်းအား အလေးပြု ခြင်း၊ တပ်မတော်သားများနှင့် မြန်မာနိုင်ငံရဲတပ်ဖွဲ့များက သစ္စာအစိဌာန်လေးချက် ရွတ်ဆိုခြင်းများ ဆောင်ရွက်ကြသည်။ ဆက်လက်၍ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ အဂ္ဂမဟာသရေစည်သူ အဂ္ဂအဟာသီရိသုဓမ္မ ဦးသိန်းစိန်ထံမှ ပေးပို့သော (၂၀၁၅)ခုနှစ်၊ (၆၈)နှစ်မြော်က ပြည်ထောင်စုနေ့ သဝဏ်လွှာအား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ဖတ်ကြားပါသည်။ယင်းနောက် ပြည်နယ်ဝန်ကြီးချုပ်အား အလေးပြုခြင်းအစီအစဉ်ကို ဆောင်ရွက်ပါသည်။

896

   ဆက်လက်၍ အစီအစဉ်အရ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ပင်လုံစာချုပ်ကျောက်တိုင် (ပြည်ထောင်စုကျောက်တိုင်)၏ ကမ္ပည်းမော်ကွန်းအား စက်ခလုတ်နှိပ်ဖွင့်လှစ် ပေးပြီး၊ ပြည်နယ်ဝန်ကြီးချုပ် ဦးဆောင်သည့် ပြည်နယ်ဝန်ကြီးများ၊ တိုင်းမှူးတို့က အမွှေးနံ့သာများ ပက်ဖျန်းပေးပြီး၊ ဧည့်သည်တော်မှတ်တမ်းတွင် လက်မှတ်ရေးထိုးပေးပြီးနောက် တိုင်းရင်းသားယဉ်ကျေးမှု အဖွဲ့များနှင့် စုပေါင်းမှတ်တမ်းတင်ဓါတ်ပုံများ ရိုက်ကူးကြသည်။

897

   ထို့နောက်(၂၀၁၅)ခုနှစ်၊ (၆၈)နှစ်မြောက် ပြည်ထောင်စုနေ့အခမ်းအနားသို့ တက်ရောက်လာကြသည့် ပြည်ထောင်စုတိုင်းရင်းသား ရိုးရာယဉ်ကျေးမှု အဖွဲ့ဝင်များက "စည်းလုံးခြင်းအတွက်" သီချင်းတစ်ပုဒ် တေးသီးချင်းသီဆို၍ ပြည်ထောင်စုစိတ်ဓါတ် အပြည့်အဝဖြင့် စုပေါင်းပျော်ရွှင်စွာကကြပြီး၊ အခမ်းအနားသို့ တက်ရောက်လာကြသည့် ပြည်သူလူထုများ ကလည်း နိုင်ငံတော်အလံငယ်များ ဝှေ့ယမ်း၍ စည်းချက်ညီညီ တစ်ပျော်တစ်ပါးဆင်နွှဲကြပြီးနောက် (၂၀၁၅)ခုနှစ်၊ (၆၈)နှစ်မြောက် ပြည်ထောင်စုနေ့ အခမ်းအနားအား အောင်မြင်စွာရုပ်သိမ်းလိုက်သည်။

898

  အဆိုပါ (၂၀၁၅)ခုနှစ် (၆၈)နှစ်မြောက် ပြည်ထောင်စုနေ့ အခမ်းအနားကျင်းပရာ ပင်လုံပြည်ထောင်စု ကျောက်တိုင်သို့ ပြည်ထောင်စု တိုင်းရင်းသားရိုးရာယဉ်ကျေးမှုအဖွဲ့ဝင်များ၊ ဒေသခံပြည်သူများ၊ ဌာန ဆိုင်ရာ ဝန်ထမ်းများ စုစုပေါင်းအင်အား(၁၀၅၀၀)ခန့် တက်ရောက်ခဲ့ကြကြောင်း သိရှိရသည်။

                                                                                                                                                                                                  မိုးလွင်ဦး(လွိုင်လင်)

899

900

901

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ ရှမ်းပြည်နယ်ပြန်လည်ထူထောင်ရေးကောင်စီ (RCSS) ဥက္ကဌ ဦးရွက်ဆစ်နှင့်အဖွဲ့အား ဂုဏ်ပြုညစာစားပွဲ တည်ခင်းဧည့်ခံ

တောင်ကြီး   ဖေဖော်ဝါရီ   ၁၅

911

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ရှမ်းပြည်နယ် ပြန်လည် ထူထောင်ရေးကောင်စီ (RCSS) ဥက္ကဌ ဦးရွက်ဆစ်နှင့်အဖွဲ့အား တည်ခင်းဧည့်ခံသည့် ဂုဏ်ပြု ညစာစားပွဲကို ဖေဖော်ဝါရီ(၁၅)ရက်  ည(၆)နာရီခွဲက တောင်ကြီးမြို့၊ တောင်ကြီးဟိုတယ်၌ ကျင်းပ ကြောင်း သိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ဂုဏ်ပြုနှုတ်ဆက်အမှာစကား ပြောကြားပြီး၊ ရှမ်းပြည်နယ် ပြန်လည်ထူထောင်ရေးကောင်စီ (RCSS)ဥက္ကဌ ဦးရွက်ဆစ်မှ နှုတ်ဆက်စကားပြောကြားကြောင်း သိရသည်။

ဆက်လက်၍ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ ရှမ်းပြည်နယ် ပြန်လည်ထူထောင်ရေးကောင်စီ(RCSS)ဥက္ကဌ ဦးရွက်ဆစ်အား အမှတ်တရ လက်ဆောင်များပေးအပ်ပြီး၊ ရှမ်းပြည်နယ် ပြန်လည်ထူထောင်ရေးကောင်စီ(RCSS)ဥက္ကဌ ဦးရွက်ဆစ်မှ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ အရှေ့ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်အေးဝင်း၊ ရှမ်းပြည်နယ် လွှတ်တော်ဥက္ကဌ ဦးစိုင်းလုံးဆိုင်၊ ရှမ်းပြည်နယ်အစိုးရအဖွဲ့ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး အောင်သူတို့ အား အမှတ်တရလက်ဆောင်ပြန်လည်ပေးအပ်ပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ တည်ခင်းဧည့်ခံသော ဂုဏ်ပြုညစာစားပွဲကို စားသုံးခြင်းနှင့် အခမ်းအနားကို အောင်မြင်စွာ ရုပ်သိမ်း လိုက်ကြောင်း သိရှိရသည်။

အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ရှမ်းပြည်နယ် လွှတ်တော် ဥက္ကဌနှင့် ဒုတိယဥက္ကဌ၊ အရှေ့ပိုင်းတိုင်းစစ်ဌာနချုပ်တိုင်းမှူး၊ ပြည်နယ်တရား လွှတ်တော် တရားသူကြီးချုပ်၊ ရှမ်းပြည်နယ် ပြန်လည်ထူထောင်ရေးကောင်စီ (RCSS) ဥက္ကဌနှင့် အဖွဲ့များ၊  အမျိုးသားလွှတ်တော်ကိုယ်စားလှယ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ် စာရင်း စစ်ချုပ်၊ ပြည်နယ်အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ်မှ ဦးစီးအရာရှိကြီးများ၊ ပြည်နယ်အဆင့် ဌာနဆိုင်ရာများ တက်ရောက်ကြကြောင်း သိရှိရသည်။

                                                                                                                                                                                  မောင်မောင်သန်း(တောင်ကြီး)

 

(၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် တိုင်းရင်းသား ယဉ်ကျေးမှုအဖွဲ့များ လေ့လာရေးခရီး

တောင်ကြီး   ဖေဖေါ်ဝါရီ   ၁၁

893

(၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့ အခမ်းအနားသို့ တက်ရောက်ရန် ရောက်ရှိလာကြသောရှမ်းပြည်နယ်(အရှေ့ပိုင်း၊ မြောက်ပိုင်း)ရှိ တိုင်းရင်းသားယဉ်ကျေးမှုအဖွဲ့ များအား ရှမ်းပြည်နယ် အစိုးရအဖွဲ့၏ အစီအစဉ်ဖြင့် ဖေဖေါ်ဝါရီလ(၁၁)ရက်နေ့ နံနက်(၈)နာရီ အချိန်က တောင်ကြီးမြို့မှ ထွက်ခွာလာရာ တောင်ကြီးမြို့နယ်၊ ကျောက်တစ်လုံးဒေသရှိ ကက္ကူဘုရားဖူးမြော်ကြပြီး၊ မွန်လွှဲ(၁၂)ခွဲချိန်တွင် တောင်ကြီးမြို့ပေါ်ရှိ ရွှေဘုန်းပွင့်ဘုရားနှင့် ရှုခင်းသာပန်ခြံသို့ သွားရောက်အမှတ်တရဓါတ်ပုံရိုက်ကူး၍ လေ့လာရေး ခရီးပို့ဆောင်ပေးခဲ့ကြောင်း သိရှိရသည်။ 

                                                                            မောင်မောင်သန်း(တောင်ကြီး)

ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲ၊ ရွှေဥမင်သဘာဝလိုဏ်ဂူဘုရား (၂၄)ယောက်စီး ဓါတ်လှေကားသစ်ဖွင့်ပွဲ ကျင်းပ

တောင်ကြီး   ဖေဖော်ဝါရီ   ၁၅

906

တောင်ကြီးမြို့ အမှတ်(၇)အခြေခံပညာအထက်တန်းကျောင်း၊ ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲကို ဖေဖော်ဝါရီ(၁၅)ရက် နံနက်(၈)နာရီခွဲက အဆိုပါကျောင်း၌ ကျင်းပကြောင်း သိရသည်။

907

   အခမ်းအနားတွင် ကျောင်းဆောင်သစ်အား အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် အေးဝင်း၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ် ပညာရေးညွှန်ကြားရေးမှူး ဦးချစ်ဆွေတို့က ဖဲကြိုးဖြတ်ဖွင့်လှစ်ပေးပြီး၊ သူရစာသင်ဆောင်သစ် ဆိုင်းဘုတ်အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုတ်နှိပ် ဖွင့်လှစ်ပေးကာ၊  ပြည်နယ်ဝန်ကြီးချုပ် ၊ တိုင်းမှူး၊ ပြည်နယ်ဝန်ကြီးများနှင့် တာဝန်ရှိသူတို့သည် ကျောင်းဆောင်သစ်ခန်းမအတွင်း လှည့်လည်ကြည့်ရှုကြကြောင်း သိရှိရသည်။

   ဆက်လက်၍ အခမ်းအနားအစီအစဉ်အရ တောင်ကြီးမြို့ အ.ထ.က(၇)ကျောင်းသား၊ ကျောင်းသူများမှ "မြန်မာ့ကျောင်း" သီချင်းဖြင့် သီဆိုကာ အခမ်းအနားဖွင့်လှစ်၍၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ လျှံထူး အောင် ဆောက်လုပ်ရေးကုမ္ပဏီ တာဝန်ရှိသူတစ်ဦးမှ ကျောင်းဆောင်သစ်နှင့်သက်ဆိုင်သော စာရွက် စာတမ်းများ လွှဲပြောင်းပေးအပ်ရာ ပြည်နယ်ပညာရေးညွှန်ကြားရေးမှူး ဦးချစ်ဆွေက လက်ခံရယူ ၍၊ အလှူငွေနှင့် သင်ထောက်ကူပစ္စည်းများကို ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှပေးအပ်ရာ အ.ထ.က(၇)ကျောင်းအုပ်ဆရာကြီး ဗိုလ်မှူးထွန်းမြင့်က လက်ခံရ ယူပြီး၊ ကျောင်းအကျိုးတော်ဆောင် ဥက္ကဌ ဦးဘိုရှိန်က ကျေးဇူးတင် စကားပြောကြား၍ တောင်ကြီး မြို့ အ.ထ.က(၇) ကျောင်းသား၊ ကျောင်းသူများမှ "ဇာတိမာန်" သီချင်းဖြင့် သီဆို၍ အခမ်းအနားကို ရုပ်သိမ်းလိုက်ကြောင်း သိရသည်။

908

   ယင်းနောက် ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများနှင့် တာဝန်ရှိသူ တို့သည် တောင်ကြီးမြို့မှ ထွက်ခွာလာရာ မွန်းတည့်(၁၂)နာရီက ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့ ရွှေဥမင်သဘာဝလိုဏ်ဂူဘုရား (၂၄)ယောက်စီး ဓါတ်လှေကားသစ်ဖွင့်ပွဲ အခမ်းအနား သို့ရောက်ရှိကာ ဖွင့်ပွဲတွင် မြင်ကွင်းကျယ်ဓါတ်လှေကားသစ် ဆိုင်းဘုတ်အား ရှမ်းပြည်နယ်အစိုးရ အဖွဲ့ ပြည်နယ် လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ ဦးထူးကိုကို၊ ရွှေဥမင်သဘာဝလိုဏ်ဂူဘုရား ဂေါပက ဦးခင်မောင်ဦးတို့မှ ဖဲကြိုး ဖြတ်ဖွင့်လှစ်ပေးပြီး၊ ကဗ္ဗည်းမော်ကွန်းအား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ စက်ခလုတ်နှိပ်ဖွင့်လှစ်ပေးကာ၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့က ကဗ္ဗည်းမော်ကွန်းအား အမွှေးနံသာရည်တို့ဖြင့်ပက်ဖျန်းပေးကြသည်။

909

   ၎င်းနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် ပင်းတယမြို့ ရွာငယ်ကျောင်း ဆရာတော်ကြီးထံ ငါးပါးသီလခံယူဆောက်တည်၍ ဆရာတော်သံဃာတော်များမှ ပရိတ်တရားတော်များ ချီးမြှင့်ပေးကြပြီး၊ လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့က ဆရာတော် သံဃာတော်များအား လှူဖွယ်ပစ္စည်းများ ဆက်ကပ်လှူဒါန်းပေးပြီး၊ အခမ်းအနားကို "ဗုဒ္ဓသာသနံ စိရံ တိဌတု" (၃)ကြိမ် ရွတ်ဆို၍ ရုပ်သိမ်းလိုက်ကြောင်း သိရှိရသည်။

910

   အဆိုပါ ရွှေဥမင်သဘာဝလိုဏ်ဂူဘုရား(၂၄)ယောက်စီး ဓါတ်လှေကားကို (၁၇.၃.၂၀၁၄) ရက်နေ့တွင် ပန္နက်ချပြီး၊ ရှမ်းပြည်နယ်အစိုးရအဖွဲ့၏ ခွင့်ပြုချက်နှင့် မြို့နယ်သံဃမဟာနာယက ဦးစီးအဖွဲ့ အစည်းအဝေးဆုံးဖြတ်ချက်ဖြင့်  ဂူဝင်ကြေး (US)ဒေါ်လာငွေအား နိုင်ငံခြားငွေလှဲလှယ် ခွင့်ရရှိပြီး၊  အနယ်နယ်အရပ်ရပ်မှ ဘုရားဖူးများစေတနာရှင်များ၏ လှူဒါန်းငွေဖြင့် ကျပ်သိန်း ပေါင်း(၇၂၀၀)နှင့် ဆောင်ရွက်ခဲ့ကြောင်းသိရသည်။

   ထို့နောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ တာဝန်ရှိသူတို့သည် ရွှေဥမင်သဘာဝ လိုဏ်ဂူဘုရားအား ပန်း၊ ရေချမ်း၊ ရွှေသင်္ကန်းများ ဆက်ကပ်လှူဒါန်းကြပြီး၊ ဓနုကိုယ်ပိုင် အုပ်ချုပ် ခွင့်ရဒေသ ပင်းတယမြို့၊ ရွှေဥမင်သဘာဝလိုဏ်ဂူဘုရားတောင်တက်အဆင်းလမ်း၊  ပုန်းတလုတ် ကန်ပတ်လမ်း ဖောက်လုပ်ထားမှုတို့ကို ကြည့်ရှုစစ်ဆေးရာ တာဝန်ရှိသူများက ရှင်းလင်းကြပြီး၊ ဓနုသဇင် ဆောက်လုပ်ရေးကုမ္ပဏီလီမိတက်မှ တာဝန်ယူဆောက်လုပ်လျက်ရှိသော ဓနုကိုယ်ပိုင် အုပ်ချုပ်ခွင့်ရဒေသဦးစီးအဖွဲ့ အလုပ်အမှုဆောင် အိမ်ရာ RCC(၆၀'x၄၀'x၃၂') (၂)ခန်းတွဲ (၃)ထပ် ဆောက်လုပ်ရေးစီမံကိန်းနှင့် Future Moon ကုမ္ပဏီမှတာဝန်ယူဆောက် လုပ်လျက်ရှိသော ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ မြို့တော်ခန်းမပေ(၂၂၀'x၁၀၀')ပေ ဆောက်လုပ်နေမှုအား ကြည့်ရှုစစ်ဆေးရာ ကုမ္ပဏီတာဝန်ရှိသူများမှ ရှင်းလင်တင်ပြကာ ပြည်နယ်ဝန်ကြီးချုပ်မှ လိုအပ် သည်များကို ဖြည့်စွက်လမ်းညွှန်မှာကြားခဲ့ကြောင်း သိရသည်။

                                                                                                                                                                                            မောင်မောင်သန်း(တောင်ကြီး)

 

(၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် တိုင်းရင်းသား ယဉ်ကျေးမှုအဖွဲ့များ လေ့လာရေးခရီး

တောင်းကြီ   ဖေဖေါ်ဝါရီ   ၁၀

 892

    (၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့ အခမ်းအနားသို့ တက်ရောက်ရန် ရောက်ရှိလာကြသောရှမ်းပြည်နယ်(အရှေ့ပိုင်း၊ မြောက်ပိုင်း)ရှိ တိုင်းရင်းသားယဉ်ကျေးမှုအဖွဲ့ များအား ရှမ်းပြည်နယ် အစိုးရအဖွဲ့၏ အစီအစဉ်ဖြင့် ဖေဖေါ်ဝါရီလ(၁၀)ရက်နေ့ နံနက်(၇)နာရီ အချိန်က တောင်ကြီးမြို့မှ ထွက်ခွာလာရာ ဓနုကိုယ်ပိုင်အုပ်ချုပ်ခွင့်ရဒေသ  ပင်းတယမြို့ရှိ ရွှေဥမင်လှိုင်ဂူဘုရားဖူးမြော်ကြပြီး၊ ပုန်းတလုတ်ရေကန်တွင် အမှတ်တရဓါတ်ပုံရိုက်ကူး၍ လေ့လာရေး ခရီးပို့ဆောင်ပေးခဲ့ကြောင်း သိရှိရသည်။ 

                                                                                မောင်မောင်သန်း(တောင်ကြီး)

ဗိုလ်ချုပ်အောင်ဆန်း၏ နှစ်(၁၀၀)ပြည့်နှင့် မြန်မာနိုင်ငံကလေးများနေ့ ကျင်းပ

တောင်ကြီး   ဖေဖေါ်ဝါရီ   ၁၃

904

ဗိုလ်ချုပ်အောင်ဆန်း၏ နှစ်(၁၀၀)ပြည့်နှင့် မြန်မာနိုင်ငံကလေးများနေ့ကို ဖေဖေါ်ဝါရီလ(၁၃) ရက် နံနက်(၈)နာရီခွဲက တောင်ကြီးမြို့၊ မြို့တော်ခန်းမ၌ ကျင်းပရာ အခမ်းအနားတွင် ရှမ်းပြည်နယ် အစိုးရအဖွဲ့ပြည်နယ် ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ စာစီစာကုံး ပြိုင်ပွဲနှင့် ကဗျာရွတ်ဆိုပြိုင်ပွဲတွင် ဆုရကလေးများအား ဆုချီးမြှင့်ရာ အထက်တန်းအဆင့် စာစီစာကုံးပြိုင်ပွဲတွင့် ပထမ၊ ဒုတိယ၊ တတိယ ဆုရရှိသူများကို ပြည်နယ်ဝန်ကြီးချုပ် ဦးစဝ်အောင်မြတ်မှ ဆုများချီးမြှင့်ပေး၍လည်းကောင်း၊ အလယ်တန်းအဆင့် စာစီစာကုံးပြိုင်ပွဲတွင် ပထမ၊ ဒုတိယ၊ တတိယဆုရရှိသူများကို အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အေးဝင်းမှ ဆုများချီးမြှင့်ပေး၍လည်းကောင်း၊ အကြီးတန်းအဆင့် မူကြို ကဗျာရွတ်ဆိုပြိုင်ပွဲတွင် ပထမ၊ ဒုတိယ၊ တတိယ ဆုရရှိသူများကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွှန့်မှ ဆုများချီးမြှင့်ပေး၍လည်းကောင်း၊ အငယ်တန်းအဆင့် မူကြိုကဗျာပြိုင်ပွဲတွင် ပထမ၊ ဒုတိယ၊ တတိယ ဆုရရှိသူများကို အရှေ့ ပိုင်းတိုင်းစစ်ဌာနချုပ် တိုင်းမှူး၏ဇနီး ဒေါ်ဌေးဌေးဝင်းမှ ဆုများအသီးသီးချီးမြှင့်ပေးကြကြောင်း သိရသည်။

905

ဆက်လက်၍ မူလတန်းကြိုကျောင်းဆုရရှိသူများမှ ဆုရကဗျာရွတ်ဆိုဖျော်ဖြေခြင်းနှင့် ပဒေသာကပွဲများဖြင့် ဖျော်ဖြေတင်ဆက်ကြပြီး၊ အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့်ဇနီး၊ အရှေ့ပိုင်းတိုင်းစစ်ဌာနချုပ်နှင့်ဇနီး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်စာရင်းစစ်ချုပ်၊  ပြည်နယ်အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ်မှ ဦးစီးအရာရှိကြီးများ၊ ပြည်နယ်/ ခရိုင်/ မြို့နယ်အဆင့်ဌာန ဆိုင်ရာများ၊ လူမှုရေးအသင်းအဖွဲ့များ၊ တောင်ကြီးမြို့ပေါ်ရှိ မူလတန်းကြိုကျောင်းမှ မူကြိုကလေး များနှင့် မိဘများ တက်ရောက်ကြကြောင်း သိရှိရသည်။

                                                                                                                                                                        မောင်မောင်သန်း(တောင်ကြီး)

 

အာမခံလုပ်ငန်း အသိပညာပြန့်ပွားရေး ဟောပြော

တောင်ကြီး   ဖေဖေါ်ဝါရီ   ၁၀

891

   မြန်မာ့အာမခံလုပ်ငန်းမှ ဆောင်ရွက်လျက်ရှိသော အာမခံလုပ်ငန်းများနှင့် ပတ်သက်၍ အာမခံလုပ်ငန်း အသိပညာပြန့်ပွားရေးဟောပြောပွဲကို ဖေဖေါ်ဝါရီလ(၁၀)ရက်နံနက်(၉)နာရီအချိန် တွင် ရှမ်းပြည်နယ် (တောင်ပိုင်း) တောင်ကြီးမြို့ စက်မှုဝန်ကြီးဌာန အမှတ်(၂) သံမဏိစက်ရုံ သံမဏိ စက်ရုံ၌ ကျင်းပကြောင်းသိရသည်။

   အခမ်းအနားတွင် မြန်မာ့အာမခံလုပ်ငန်း၊ ရှမ်းပြည်နယ် အာမခံရုံး တောင်ကြီးမြို့မှ ပြည်နယ် တာဝန်ခံ ဒေါ်ရီရီမြက မြန်မာ့အာမခံလုပ်ငန်းမှ ဆောင်ရွက်လျက်ရှိသော ပြည်သူ့ဝန်ထမ်း အသက် အာမခံ၊ သူတစ်ပါးထိခိုက်မှု့ အာမခံ၊ မီးအာမခံ နှင့် ခရီးသွားအာမခံလုပ်ငန်းများနှင့် ပတ်သက်၍ ရှင်းလင်းပြောကြားခဲ့သည်။

  ယင်းဟောပြောပွဲသို့ မြန်မာ့အာမခံလုပ်ငန်းမှ တာဝန်ရှိသူများ၊ စက်ရုံမှူးနှင့် အရာရှိများ၊ ဝန်ထမ်းများတက်ရောက်ခဲ့ကြပြီး၊ တက်ရောက်လာသူများ၏ သိရှိလိုသည့်အချက်အလက်များအား ပြန်လည်ရှင်းလင်း ဆွေးနွေးခဲ့ကြကြောင်း သိရှိရသည်။

                                                                                                                                                                  မောင်မောင်သန်း(တောင်ကြီး)

 

(၆၈)နှစ်မြောက် ပြည်ထောင်စုနေ့အထိမ်းအမှတ် ဂုဏ်ပြုညစာစားပွဲနှင့် ဧည့်ခံဖျော်ဖြေပွဲ ကျင်းပ

တောင်ကြီး   ဖေဖေါ်ဝါရီ   ၁၂

902

(၂၀၁၅)ခုနှစ်  (၆၈)နှစ်မြောက် ပြည်ထောင်စုနေ့အထိမ်းအမှတ် ဂုဏ်ပြုညစာစားပွဲနှင့် ဧည့်ခံ ဖျော်ဖြေပွဲကို ဖေဖေါ်ဝါရီ(၁၂)ရက် ညနေ(၆)နာရီက တောင်ကြီးမြို့၊ မြို့တော်ခန်းမ၌ ကျင်းပ ကြောင်း သိရသည်။

အခမ်းအနားတွင် (၆၈)နှစ်မြောက် ပြည်ထောင်စုနေ့အထိမ်းအမှတ် ဂုဏ်ပြုညစာစားပွဲကို တည်ခင်းဧည့်ခံပြီး၊ တိုင်းရင်းသားယဉ်ကျေးမှုအဖွဲ့များမှ ဖျော်ဖြေရေးဖြင့်တင်ဆက်၍၊  (၆၈)နှစ် မြောက် ရှမ်းပြည်နယ်နေ့နှင့်ပြည်ထောင်စုနေ့အထိမ်းအမှတ် ပြည်နယ်အဆင့် စာစီစာကုံးပြိုင်ပွဲတွင် ဆုရကျောင်းသား၊ ကျောင်းသူများအား ဆုချီးမြှင့်ရာ အထက်တန်းအဆင့်၊ အလယ်တန်းအဆင့်၊ တက္ကသိုလ်အဆင့်တို့တွင် ပထမ၊ ဒုတိယ၊ တတိယနှင့် နှစ်သိမ့်ဆုရရှိသူများကို ရှမ်းပြည်နယ် အစိုးရအဖွဲ့ ပြည်နယ်လူမှုရေးဝန်ကြီး၊  ပြည်နယ်ဥပဒေချုပ်၊ ပြည်နယ်လုံခြုံရေးနှင့်နယ်စပ်ရေးရာ ဝန်ကြီး၊ ပြည်နယ်တရားလွှတ်တော် တရားသူကြီးချုပ်တို့မှ ဆုများအသီးသီးချီးမြှင့်ပေးကြသည်။

ဆက်လက်၍ တိုင်းရင်းသား ယဉ်ကျေးမှုအဖွဲ့များအား ဂုဏ်ပြုငွေများ ချီးမြှင့်ပေးရာ ရှမ်းပြည်နယ် လွှတ်တော်ဥက္ကဌ ဦးစိုင်းလုံးဆိုင်၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် အေးဝင်းနှင့် ဇနီးဒေါ်ဌေးဌေးဝင်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် နှင့်ဇနီး ဒေါ်ဖြူဖြူညွှန့်တို့မှ တိုင်းရင်းသားယဉ်ကျေးမှုအဖွဲ့ (၁၇)ဖွဲ့အား ဂုဏ်ပြုဆုငွေအဖွဲ့(၁)ဖွဲ့ လျှင် ငွေကျပ်(၁၀)သိန်းချီးမြှင့်၍ ဂုဏ်ပြုပန်းခြင်းလက်ဆောင်ပေးအပ်ခဲ့ကြောင်း သိရသည်။

903

(၆၈)နှစ်မြောက် ပြည်ထောင်စုနေ့အထိမ်းအမှတ် ဂုဏ်ပြုညစာစားပွဲသို့ ရှမ်းပြည်နယ် အစိုးရ အဖွဲ့ ပြည်နယ်ဝန်ကြီးချုပ်နှင့်ဇနီး၊ ပြည်နယ်လွှတ်တော်ဥက္ကဌ၊ အရှေ့ပိုင်းတိုင်းစစ်ဌာနချုပ်တိုင်းမှူး နှင့်ဇနီး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများနှင့် ဇနီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့အတွင်းရေးမှူး၊ တိုင်းစစ် ဌာနချုပ်မှ ဦးစီးအရာရှိကြီးများ၊ ပြည်နယ်/ ခရိုင်/ မြို့နယ် အဆင့်ဌာနဆိုင်ရာများ၊ တိုင်းရင်းသား ယဉ်ကျေးမှုအဖွဲ့များ တက်ရောက်ကြကြောင်း သိရှိရသည်။

                                                                                                                                                                မောင်မောင်သန်း(တောင်ကြီး)

 

မြန်မာနိုင်ငံ ကလေးများနေ့အကြို လှုပ်ရှားမှုကဗျာရွတ်ပြိုင်ပွဲ ကျင်းပ

တောင်ကြီး   ဖေဖေါ်ဝါရီ    ၁၀

 890

   ဖေဖေါ်ဝါရီလ(၁၃)ရက်နေ့တွင် ကျရောက်မည့် မြန်မာနိုင်ငံကလေးများနေ့ကို ကြိုဆိုဂုဏ်ပြု သောအားဖြင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ရှမ်းပြည်နယ် လူမှုဝန်ထမ်းဦးစီးဌာနမှ ဦးစီး၍ လူမှုဝန်ထမ်းဦးစီးဌာန၊ မူလတန်းကြိုကျောင်းမှ ကလေးငယ်များ နှင့် ကိုယ့်အားကိုယ်ကိုးမူကြို၊ ပုဂ္ဂိုလ်ကမူကြိုကျောင်းမှ ကလေးငယ်များသည် ဖေဖေါ်ဝါရီ(၁၀)ရက် နံနက်(၉)နာရီက တောင်ကြီးမြို့၊ ရှမ်းပြည်နယ် အမျိုးသမီးရေးရာရုံးနှင့် မိခင်နှင့်ကလေး စောင့်ရှောက်မှု ကြီးကြပ်ရေးရုံး အစည်းအဝေးခန်းမ၌  ကဗျာရွတ်ပြိုင်ပွဲကျင်းပကြောင်း သိရသည်။

   ဆက်လက်၍  တောင်ကြီးမြို့ပေါ်ရှိ မူကြိုကျောင်းမှ ကလေးငယ်များသည် ပစ်တိုင်းထောင် ကဗျာ၊ ဗိုလ်ချုပ်အောင်ဆန်းကဗျာ၊ ခေါင်းစဉ်များဖြင့် ပြိုင်ပွဲဝင်ကြပြီး၊ ပြိုင်ပွဲတွင် ဆုရရှိသူများကို ဖေဖေါ်ဝါရီလ(၁၃)ရက်နေ့ မြန်မာနိုင်ငံကလေးများနေ့တွင် ဆုများချီးမြှင့်ပေးသွားမည်ဖြစ်ပြီး၊ ပြိုင်ပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ဇနီး ရှမ်းပြည်နယ်အမျိုးသမီးရေးရာ နှင့် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက ဒေါ်ဖြူဖြူညွှန့်နှင့် တာဝန်ရှိသူများ၊ ပြည်နယ်အဆင့်ဌာနဆိုင်ရာများ၊ လူမှုဝန်ထမ်းဦးစီးဌာနမှ တာဝန်ရှိသူများ၊ တောင်ကြီးမြို့ပေါ်ရှိ ဆရာမများနှင့် ပြိုင်ပွဲဝင်ကလေးများ တက်ရောက်ကြကြောင်း သိရှိရသည်။

                                                                                                                                                                           မောင်မောင်သန်း(တောင်ကြီး)

 

More Articles...

  1. (၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် ရောက်ရှိလာကြသော ရှမ်းပြည်နယ်( မြောက်ပိုင်း၊ အရှေ့ပိုင်း) မှ တိုင်းရင်းသား ယဉ်ကျေးမှုအဖွဲ့များအား ရှမ်းပြည်နယ်အစိုးရအဖွဲ့၏ အစီအစဉ်ဖြင့် ဒေသန္တရလေ့လာရေး ပို့ဆောင်ပေး
  2. (၂၀၁၅)ခုနှစ် မြန်မာနိုင်ငံကလေးများနေ့အကြို၊ မူကြိုကျောင်းကလေးငယ်များ အားကစားပြိုင်ပွဲ ကျင်းပ
  3. ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးနှင့် စီမံကိန်းနှင့်စီးပွားရေးဝန်ကြီးတို့မှ ရှမ်းပြည်နယ်နေ့၊ ပြည်ထောင်စုနေ့အထိမ်းအမှတ်အားကစားပြိုင်ပွဲ တက်ရောက်အားပေးခြင်း
  4. ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းမှ တောင်ကြီးမြို့နယ်၊ ကွမ်းလုံကျေးရွာအုပ်စု၊ ဟိုနားကျေးရွာသို့ အခမဲ့ကျန်းမာရေး ကွင်းဆင်းစောင့်ရှောက်ခြင်း
  5. ပန်းဆုံ-ဆည်ကြီးကျေးလက် ကျောက်ချောလမ်း နှင့် ကွန်ကရစ်တံတား တည်ဆောက်မှု ပြီးစီး
  6. ဥပဒေချုပ်ရုံးတိုးချဲ့ သုံးထပ်ဆောင်နှင့် အစည်းအဝေးခန်းမ ဖွင့်လှစ်
  7. ရှမ်းပြည်နယ်အစိုးရအဖွဲ့နှင့် မောရှမ်းဖွင့်ဖြိုးတိုးတက်ရေးကုမ္ပဏီအဖွဲ့ တွေ့ဆုံ
  8. (၆၈)နှစ်မြောက်၊ ရှမ်းပြည်နယ်နေ့အထိမ်းအမှတ် ဂုဏ်ပြုညစာစားပွဲကျင်းပ
  9. (၆၈)နှစ်မြောက် ရှမ်းပြည်နယ်နေ့နှင့် ပြည်ထောင်စုနေ့အထိမ်းအမှတ် ယဉ်ကျေးမောင်၊ ယဉ်ကျေးမယ်ပြိုင်ပွဲ ဆုချီးမြှင့်ပွဲကျင်းပ
  10. (၆၈)နှစ်မြောက်ရှမ်းပြည်နယ်နေ့ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ပင်လောင်းမြို့နယ်၊ ဟိုပုံးမြို့နယ်(စကားဒေသ)၊ ဆီဆိုင်မြို့နယ်(နမ့်ခုတ်၊ ဘန်းယဉ်)၊  လွိုင်လင်မြို့နယ် (မိုင်းပွန်၊ ပင်လုံ)၊ မိုင်းရှူး၊ မိုင်းနောင်၊ မိုင်းပန်၊ လင်းခေး၊ လဲချား၊ မိုးနဲ၊ ကျေးသီး၊ လားရှိုး၊ ပန်ယန်း၊ ကွမ်းလုံ၊ ဟိုပန်၊ နမ့်ခမ်း၊ မူဆယ်၊ သီပေါ၊ ကျောက်မဲ၊ သိန္နီ၊ မိုင်းရယ်၊ တန့်ယန်း၊ မိုးမိတ်၊ မဘိမ်း၊ နောင်ချို၊ ကွန်ဟိန်း၊ မိုင်းတုံ၊ မိုင်းဆတ်နှင့် မိုင်းပြင်းမြို့နယ်များတွင် အများဆုံး နေထိုင်ကြသည်။

 

We have 184 guests and no members online