သတင်းများ

လားရှိုးတွင်ငွေကျပ်(၄၁)သိန်းကျော်တန်ဖိုးရှိ ဘိန်းဖြူနှင့် စိတ်ကြွဆေးပြားများဖမ်းဆီးရမိ

လားရှိုး  ဧပြီ ၁

977

   မူးယစ်တပ်ဖွဲ့စု(၂၄)လားရှိုးမှ တပ်ဖွဲ့ဝင်များသည် ဧပြီလ ၁ ရက်နံနက် ၉နာရီ၄၅ မိနစ် အချိန်ကလားရှိုးမြို့နယ်၊ မယ်ဟန်ကျေးရွာအထွက် ကွန်ပျူတာတက္ကသိုလ်ရှေ့တွင်စောင့်ဆိုင်းနေစဉ် ကွတ်ခိုင်မြို့ဘက်မှ ကျောက်မဲမြို့သို့ စိုင်းထွန်းရင် မောင်းနှင်လာသည့် ၃၁ယ/၇၈၈၇၁(KENBO-125)ဆိုင်ကယ်ကား သက်သေများရှေ့ရှာဖွေရာ ၎င်းလွယ်ထားသည့် ကျောပိုးအိတ်အတွင်းမှ ရောင်စုံပလပ်စတစ် ဆပ်ပြာ ခွက်(၁)ခွက်လျင် ပလပ်စတစ်ဖြင့်ထည့်လျက် ဘိန်းဖြူမှုန့်အလေးချိန်(၁၃)ဂရမ်ခန့်စီပါ စုစုပေါင်း (၁၂)ခွက်၊ ဘိန်းဖြူမှုန့်အလေးချိန်(၁၅၆)ဂရမ် အပြာရောင်ပလပ်စတစ်ကပ်ခွာအိတ်ဖြင့်ထည့်လျက် wy စာတမ်းပါ ပန်းရောင်စိတ်ကြွရူးသွပ်ဆေးပြား(၂၀၀)ပြားပါ (၂)ထုပ်၊ (၁၈၀)ပြားပါ (၁)ထုပ်၊ စုစုပေါင်း(၃)ထုပ်၊ စိတ်ကြွရူးသွပ်ဆေးပြား (၅၈၀)ပြား၊ အလေးချိန်(၅၈)ဂရမ်တို့အား တွေ့ရှိသိမ်းဆည်း ရမိပြီး စစ်ဆေးခဲ့ရာ ဘိန်းဖြူနှင့်စိတ်ကြွရူးသွပ်ဆေးပြားများ သုံးစွဲ/ရောင်းချရန် သယ်ဆောင်လာခြင်း ဖြစ်ကြောင်းပေါ်ပေါက်သဖြင့် စိုင်းထွန်းရင်(၄၂)နှစ်၊ (ဘ)ဦးနေမိန္ဒ၊ ၁၃/ကမန(နိုင်)၀၆၇၃၃၀၊ ရှမ်း/ဗုဒ္ဓ၊ လက်သမား၊ အောက်ရပ်ကွက်၊ မိုင်းလုံမြို့နယ်ခွဲ၊ ကျောက်မဲမြို့နယ်နေသူအား လားရှိုးမြို့မရဲစခန်း မယ(ပ) ၄၉/၂၀၁၅၊ မူးစိတ်ပုဒ်မ-၁၅/၁၉(က) အရ အရေးယူထားရှိကြောင်း သတင်းရရှိပါသည်။

ဟန်ဌေး(iprd)

ခရိုင်ပြန်/ဆက်

လားရှိုး

 

လားရှိုးတွင်ငွေကျပ်(၄၁)သိန်းကျော်တန်ဖိုးရှိ ဘိန်းဖြူနှင့် စိတ်ကြွဆေးပြားများဖမ်းဆီးရမိ

လားရှိုး  ဧပြီ ၁

977

   မူးယစ်တပ်ဖွဲ့စု(၂၄)လားရှိုးမှ တပ်ဖွဲ့ဝင်များသည် ဧပြီလ ၁ ရက်နံနက် ၉နာရီ၄၅ မိနစ် အချိန်ကလားရှိုးမြို့နယ်၊ မယ်ဟန်ကျေးရွာအထွက် ကွန်ပျူတာတက္ကသိုလ်ရှေ့တွင်စောင့်ဆိုင်းနေစဉ် ကွတ်ခိုင်မြို့ဘက်မှ ကျောက်မဲမြို့သို့ စိုင်းထွန်းရင် မောင်းနှင်လာသည့် ၃၁ယ/၇၈၈၇၁(KENBO-125)ဆိုင်ကယ်ကား သက်သေများရှေ့ရှာဖွေရာ ၎င်းလွယ်ထားသည့် ကျောပိုးအိတ်အတွင်းမှ ရောင်စုံပလပ်စတစ် ဆပ်ပြာ ခွက်(၁)ခွက်လျင် ပလပ်စတစ်ဖြင့်ထည့်လျက် ဘိန်းဖြူမှုန့်အလေးချိန်(၁၃)ဂရမ်ခန့်စီပါ စုစုပေါင်း (၁၂)ခွက်၊ ဘိန်းဖြူမှုန့်အလေးချိန်(၁၅၆)ဂရမ် အပြာရောင်ပလပ်စတစ်ကပ်ခွာအိတ်ဖြင့်ထည့်လျက် wy စာတမ်းပါ ပန်းရောင်စိတ်ကြွရူးသွပ်ဆေးပြား(၂၀၀)ပြားပါ (၂)ထုပ်၊ (၁၈၀)ပြားပါ (၁)ထုပ်၊ စုစုပေါင်း(၃)ထုပ်၊ စိတ်ကြွရူးသွပ်ဆေးပြား (၅၈၀)ပြား၊ အလေးချိန်(၅၈)ဂရမ်တို့အား တွေ့ရှိသိမ်းဆည်း ရမိပြီး စစ်ဆေးခဲ့ရာ ဘိန်းဖြူနှင့်စိတ်ကြွရူးသွပ်ဆေးပြားများ သုံးစွဲ/ရောင်းချရန် သယ်ဆောင်လာခြင်း ဖြစ်ကြောင်းပေါ်ပေါက်သဖြင့် စိုင်းထွန်းရင်(၄၂)နှစ်၊ (ဘ)ဦးနေမိန္ဒ၊ ၁၃/ကမန(နိုင်)၀၆၇၃၃၀၊ ရှမ်း/ဗုဒ္ဓ၊ လက်သမား၊ အောက်ရပ်ကွက်၊ မိုင်းလုံမြို့နယ်ခွဲ၊ ကျောက်မဲမြို့နယ်နေသူအား လားရှိုးမြို့မရဲစခန်း မယ(ပ) ၄၉/၂၀၁၅၊ မူးစိတ်ပုဒ်မ-၁၅/၁၉(က) အရ အရေးယူထားရှိကြောင်း သတင်းရရှိပါသည်။

ဟန်ဌေး(iprd)

ခရိုင်ပြန်/ဆက်

လားရှိုး

 

စစ်ကိုင်းတိုင်းဒေသကြီးလွှတ်တော်ကိုယ်စားလှယ်များ ရှမ်းပြည်နယ်လွှတ်တော်သို့ လာရောက်လေ့လာ

တောင်ကြီး မတ် - ၂၈

 966

   စစ်ကိုင်းတိုင်းဒေသကြီး စည်ပင်သာယာရေးဝန်ကြီး ဦးတင့်လှိုင်မြင့် ဦးဆောင်သော လွှတ်တော် ကိုယ်စားလှယ် (၃၇)ဦးသည် မတ်(၂၈)ရက် နံနက်(၈)နာရီက ရှမ်းပြည်နယ်တောင်ကြီးမြို့ရှိ ရှမ်းပြည်နယ် လွှတ်တော်သို့ လာရောက်လေ့လာရာ ရှမ်းပြည်နယ်လွှတ်တော်ဥက္ကဌနှင့် လွှတ်တော်ကိုယ်စားလှယ်(၃၀)ဦး က လှိုက်လှဲပျူငှာစွာကြိုဆိုကြကြောင်းသိရသည်။

   ပထမဦးစွာ ရှမ်းပြည်နယ်လွှတ်တော်မှ ကိုယ်စားလှယ်များနှင့် စစ်ကိုင်းတိုင်းဒေသကြီးလွှတ်တော် ကိုယ်စားလှယ်များက အပြန်အလှန်မိတ်ဆက်ကြပြီး၊ ရှမ်းပြည်နယ်လွှတ်တော်ရုံးအကြီးအမှူး ဦးစိုင်းသော်ဝင်းက ရှမ်းပြည်နယ်လွှတ်တော်နှင့် ပတ်သက်၍ ရှင်းလင်းတင်ပြသည်။ ဆက်လက်၍ ရှမ်းပြည်နယ်လွှတ်တော်ဥက္ကဌ ဦးစိုင်းလုံးဆိုင်မှ စစ်ကိုင်းတိုင်းဒေသကြီး လွှတ်တော်ကိုယ်စားလှယ်သို့ လက်ဆောင်ပစ္စည်းပေးအပ်ကာ စစ်ကိုင်းတိုင်းဒေသကြီး လွှတ်တော်ကိုယ်စားလှယ်မှ ရှမ်းပြည်နယ် လွှတ်တော်ဥက္ကဌအား ပြန်လည်လက်ဆောင်ပစ္စည်းပေးအပ်ပြီး လွှတ်တော်နှစ်ရပ်မှ ကိုယ်စားလှယ်များက လွှတ်တော်ဆိုင်ရာ လုပ်ငန်းများအပေါ် အတွေ့အကြုံ၊ ဗဟုသုတများနှီးနှောဖလှယ်ဆွေးနွေး ကြကြောင်း သိရသည်။

967

   ထို့နောက် စစ်ကိုင်းတိုင်းဒေသကြီး လွှတ်တော်ကိုယ်စားလှယ်များသည် ရှမ်းပြည်နယ်အစိုးရအဖွဲ့ရုံး သို့ လာရောက် လေ့လာရာ ရှမ်းပြည်နယ်အစိုးရအဖွဲ့အစည်းအဝေးခန်းမ၌ ရှမ်းပြည်နယ်အစိုးရအဖွဲ့ အတွင်းရေးမှူ ဦးမြင့်အောင်က ရှမ်းပြည်နယ် ဒေသဆိုင်ရာအချက်အလက်များ၊ ရှမ်းပြည်နယ် ဖွံ့ဖြိုးတိုးတက်မှု စီမံကိန်းလုပ်ငန်းများကို ပါဝါပွိုင့်ဖြင့် ရှင်းလင်းတင်ပြပြီး၊ စစ်ကိုင်းတိုင်းဒေသကြီး လွှတ်တော်ကိုယ်စားလှယ်များက လက်ဆောင်ပစ္စည်းများပေးအပ်ခဲ့ကြောင်းသိရ သည်။

   အဆိုပါ စစ်ကိုင်းတိုင်းဒေသကြီး လွှတ်တော်ကိုယ်စားလှယ်(၃၇)ဦးသည် ရှမ်းပြည်နယ်လွှတ်တော် နှင့် ရှမ်းပြည်နယ်အစိုးရရုံးသို့ လာရောက်လေ့လာပြီး၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နှင့် ကလောမြို့နှီးဘုရားတို့ကို သွားရောက်ဖူးမြော်လေ့လာကြမည်ဖြစ်ကြောင်းသိရှိရသည်။

                                                                                                                                                                                   မောင်မောင်သန်း(တောင်ကြီး)

 

ညောင်ရွှေမြို့၌ အခြေခံစာတတ်မြောက်ရေး လုပ်ငန်းလှုပ်ရှားမှု ဖွင့်ပွဲကျင်းပ

တောင်ကြီး ဧပြီ - ၁

973

   ရှမ်းပြည်နယ်(တောင်ပိုင်း) တောင်ကြီးခရိုင်၊ ညောင်ရွှေမြို့နယ်၏ အခြေခံစာတတ်မြောက်ရေး လုပ်ငန်းလှုပ်ရှားမှုဖွင့်ပွဲ ကို ဧပြီ(၁)ရက်၊ နံနက်(၉)နာရီက ညောင်ရွှေမြို့၊ မြို့တော်ခန်းမ၌ ကျင်းပကြောင်း သိရသည်။

974

   အခမ်းအနားတွင် ရှမ်းပြည်နယ်စာတတ်မြောက်ရေးသင်တန်း ကြီးကြပ်မှုကော်မတီနာယက ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ တောင်ကြီးတက္ကသိုလ် အရှေ့တိုင်းပညာဌာန တွဲဖက်ပါမောက္ခဒေါ်ကေသီကျော်က အမှာစကားပြောကြား၍ ရှမ်းပြည်နယ်ပြည်နယ်ပညာရေးညွှန်ကြားရေးမှူး၊ ဦးချစ်ဆွေက အခြေခံစာတတ်မြောက်ရေးလုပ်ငန်းနှင့် စပ်လျဉ်း၍ ရှင်းလင်းတင်ပြကြောင်းသိရသည်။ 

   ဆက်လက်၍ တောင်ကြီးတက္ကသိုလ်မှ လုပ်အားပေးကျောင်းသူတစ်ဦးဖြစ်သော ရူပဗေဒဌာန၊ မဟာဝိဇ္ဇာပထမနှစ် ကျောင်းသူ မပွားပွားတိုးကတာဝန်လက်ခံစကားပြောကြား၍ ရှမ်းပြည်နယ်အစိုးရအဖွဲ့မှ ညောင်ရွှေမြို့နယ် အခြေခံ စာတတ်မြောက်ရေးလုပ်ငန်းလှုပ်ရှားမှုအတွက် လှူဒါန်းငွေကျပ်သိန်း(၃၀)အား ပြည်နယ်စီမံကိန်းနှင့် စီပွားရေးဝန်ကြီး ဦးအောင်ကျော်ညွှန့်မှ ပေးအပ်လှူဒါန်းရာ ညောင်ရွှေမြို့နယ်၊ မြို့နယ်အုပ်ချုပ်ရေးမှူး ဦးကျော်ဇောလှမှ လက်ခံရယူ ကြောင်းသိရသည်။

   အဆိုပါညောင်ရွှေမြို့နယ် စာတတ်မြောက်ရေးလုပ်ငန်းလှုပ်ရှားမှုဖွင့်ပွဲသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ တောင်ကြီးတက္ကသိုလ်မှ တွဲဖက်ပါမောက္ခများ၊ အခြေခံစာတတ်မြောက်ရေး အတွက်ပို့ချပေးမည့် ဆရာ၊ ဆရာမများ၊ ကျောင်းသား၊ ကျောင်းသူများ၊ လူမှုရေးအသင်းအဖွဲ့များ၊ ဒေသခံမိဘပြည်သူများ တက်ရောက်၍ အခြေခံစာတတ်မြောက်ရေး လုပ်ငန်းလှုပ်ရှားမှုကို ဧပြီလ(၁)ရက်မှ မေ(၁၅)ရက်အထိ သင်ကြားပို့ချသွားမည်ဖြစ်ကြောင်း သိရသည်။ 

   ထို့နောက် ပြည်နယ်ဝန်ကြီးချုပ်နှင့် တာဝန်ရှိသူတို့သည် ညောင်ရွှေမြို့အဝင် ရွှေတိဂုံပုံတူ ဉာဏ်တော်အမြင့်(၁၀၈)ပေရှိ ရွှေဗောဓိမြို့ဦးစေတီတော် တည်ထားကိုးကွယ်မည့်နေရာနှင့် ညောင်ရွှေမြို့ အဝင် နိုင်ငံခြားသားများ၊ အင်းလေးဇုန်ဝင်ခွင့် တည်ဆောက်မည့် နေရာအဆောက်အဦသို့ သွားရောက် ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြပြီး၊ ပြည်နယ်ဝန်ကြီးချုပ်မှ လိုအပ်သည်များကို ဖြည့်စွက်မှာကြားခဲ့ကြောင်းသိရှိရသည်။

                                                                             မောင်မောင်သန်း(တောင်ကြီး)

 

ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး စတုတ္ထနေ့ကျင်းပ

တောင်ကြီး   မတ် ၂၆

 965

   ပထမအကြိမ် ရှမ်းပြည်နယ်လွှတ်တော်၊ (၁၂)ကြိမ်မြောက် ပုံမှန်အစည်းအဝေး စတုတ္ထနေ့ကို မတ်လ (၂၆)ရက် နံနက် (၁ဝးဝ၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လွှတ်တော် ဒုတိယဥက္ကဋ္ဌနှင့် ပြည်နယ်ဝန်ကြီးများ ၊ လွှတ်တော်ကိုယ်စားလှယ်များ  တက်ရောက် ကြသည်။

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူး အဖြစ် ဆောက်ရွက်သည်။

   ပထမဦးစွာ ပြည်နယ်လွှတ်တော်ဥက္ကဋ္ဌက အစည်းအဝေးတက်ရောက်ခွင့်ရှိသူ လွှတ်တော် ကိုယ်စားလှယ် (၁၃၉) ဦးရှိသည့်အနက် ( ၁၀၉ )ဦး တက်ရောက်၍ ( ၇၈.၄၂ )% ဖြစ်သဖြင့် အစည်းအဝေး အထမြောက်ကြောင်းနှင့် စတုတ္ထနေ့အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ် ၃ဝ ဦး တို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး ပြည်နယ် လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ယင်းနောက် ပြည်နယ်လွှတ်တော်ကိုယ်စားလှယ် ၆ ဦးက မေးခွန်း ၁၀ ခုအား မေးမြန်းရာ သက်ဆိုင်ရာ ပြည်နယ်အစိုးရအဖွဲ့ဝင် ဝန်ကြီးများက ပြန်လည်ဖြေကြားပါသည်။  

   ထို့နောက် ပြည်နယ်အစိုးရအဖွဲ့ဝင်တစ်ဦးက ပြည်နယ်လွှတ်တော်သို့ ဒုတိယနေ့က တင်သွင်း ခဲ့သော  ရှမ်းပြည်နယ်အစိုးရအဖွဲ့၏ ၂၀၁၅-၂၀၁၆ ဘဏ္ဍာရေးနှစ် ဒေသန္တရစီမံကိန်း (မူကြမ်း)ကို  ပြည်နယ် လွှတ်တော် ကိုယ်စားလှယ်များ၏ သဘောထားကိုရယူပြီး လွှတ်တော်မှ အတည်ပြုကြောင်းကြေညာ ပါသည်။  

   ဆက်လက်၍ ရှမ်းပြည်နယ်အစိုးရအဖွဲ့မှ ၂၀၁၄-၂၀၁၅ ခု ဘဏ္ဍာရေးနှစ် ရှမ်းပြည်နယ်စည်ပင် သာယာရေးဌာန၏ လုပ်ငန်းဆောင်ရွက်မှုအစီရင်ခံစာနှင့် မြို့နယ်/မြို့နယ်ခွဲစည်ပင်သာယာရေးဌာနများ၏ မြို့ရေပေးဝေရေး လုပ်ငန်းဆိုင်ရာ အချက်အလက်များအားလည်းကောင်း၊ ရှမ်းပြည်နယ်အစိုးရအဖွဲ့ စီမံကိန်းနှင့်စီးပွားရေးဝန်ကြီးမှ တာဝန်ယူရသော ဌာနများ၏ လုပ်ငန်းဆောင်ရွက်မှု အခြေအနေအား လည်းကောင်း၊ သစ်တောကဏ္ဍ လုပ်ငန်းဆောင်ရွက်မှု အခြေအနေအားလည်းကောင်း လွှတ်တော်သို့ အသီးသီးရှင်းလင်း တင်ပြကြပါသည်။

   ထို့နောက် ပထမအကြိမ် ရှမ်းပြည်နယ်လွွှတ်တော် ( ၁၂ )ကြိမ်မြောက် ပုံမှန်အစည်းအဝေး စတုတ္ထနေ့အား  နေ့လည်     ( ၁၄ : ၂၀ )နာရီတွင် ရပ်နားလိုက်ကြောင်း သိရှိရသည်။                   

  

                                                                                                                                                                                 ပြည်နယ်ပြန်/ ဆက်

 

လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီးနှင့် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် မြို့ကြီးရေအားလျှပ်စစ်ဓါတ်အားပေးစက်ရုံ တည်ဆောက်နေမှုကြည့်ရှုစစ်ဆေး

တောင်ကြီး မတ် - ၃၀

 970

   လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့သည် မတ်(၃၀)ရက်၊ နံနက်(၁၁)နာရီခွဲက ရှမ်းပြည်နယ်(တောင်ပိုင်း) တောင်ကြီးခရိုင်၊ ရွာငံမြို့နယ်ရှိ မြို့ကြီးရေအားလျှပ် စစ်ဓါတ်အားပေးစက်ရုံ တည်ဆောက်နေမှုကို သွားရောက်ကြည့်ရှုစစ်ဆေး ရာ မြို့ကြီးရေးလှောင်တမံ ဘက်စုံစီမံကိန်းရှင်းလင်းဆောင်ခန်းမ၌ တာဝန်ရှိသူများက ရှင်းလင်းရာ ပြည်ထောင်စုဝန်ကြီးမှ လိုအပ်သည်များကို ဖြည့်စွက်မှာကြားပြီး၊ ပြည်ထောင်စုဝန်ကြီးနှင့် ရှမ်းပြည်နယ်ဝန်ကြီးချုပ်တို့သည် စီမံကိန်းတည်ဆောက်နေသည့် ဝန်ထမ်းများအတွက် လက်ဆောင်ပစ္စည်းများပေးအပ်၍ စီမံကိန်း တည်ဆောက်နေသည့် လုပ်ငန်းများအား လှည့်လည်ကြည့်ရှုစစ်ဆေးကြကြောင်းသိရသည်။

971

   ဆက်လက်၍ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီးဦးမြင့်လှိုင်၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများနှင့် တာဝန်ရှိသူတို့သည် မတ်(၃၁)ရက်၊ နံနက်(၉)နာရီက ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ နောင်ချိုမြို့နယ် ကုန်းကြီးကျေးရွာအုပ်စု၊ အင်းဝိုင်းကျေးရွာ အနီးရှိ အမှတ်(၂)ဆင်းရွှေလီသကြားစက်ရုံ ဖွင့်ပွဲသို့ တက်ရောက်ရာ အခမ်းအနားတွင် ရှမ်းပြည်နယ်အစိုးရအဖွဲ့၊ စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ ကျောက်မဲခရိုင်၊ အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးနှင့် ငွေရည်ပုလဲကုမ္ပဏီ အုပ်စု မန်နေဂျင်းဒါရိုက်တာ ဦးသိန်းမြင့်တို့မှ အခမ်းအနားအား ဖဲကြိုးဖြတ်ဖွင့်လှစ်ပေးပြီး၊ လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်နှင့် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့မှ အခမ်းအနား ဆိုင်ဘုတ်အား စက်ခလုပ်နှိပ်ဖွင့်လှစ်ပေးကာ စက်လည်ပတ်ခြင်း အထိမ်းအမှတ်ဖြစ် ဧည့်သည်တော်များမှ မင်္ဂလာရွှေကြံ၊ ငွေကြံနှင့် ပတ္တမြားကြံတို့အား ကြံသယ်မြောင်းအတွင်းချခြင်းနှင့် စက်ရုံးအတွင်းသို့ လှည့်လည်ကြည့်ရှုစစ်ဆေးကြကြောင်းသိရသည်။

   ထို့နောက် အခမ်အနားအစီအစဉ်အရာ စက်ရုံးဝန်ထမ်းမိသားစုမှ ဂုဏ်ပြုသီချင်းသီဆို၍ ဆင်းရွှေလီ သကြားစက် အမှတ်(၂)(အင်းဝိုင်း)ဖွင့်ပွဲကို ဖွင့်လှစ်ပေးပြီး၊ လယ်ယာစိုက်ပျိုးရေးနှင့် ဆည်မြောင်းဝန်ကြီး ဌာန၊ ပြည်ထောင်စုဝန်ကြီး ဦးမြင့်လှိုင်နှင့် ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့က ဆင်းရွှေလီသကြားစက်အမှတ်(၂) (အင်းဝိုင်း)နှင့်ပတ်သက်၍ လမ်းညွှန် အမှာစကားပြောကြား၍ ငွေရည်ပုလဲကုမ္ပဏီအုပ်စု ဒါရိုက်တာအဖွဲ့ကိုယ်စား၊ ဒါရိုက်တာ ဦးတင်မောင်ဦးမှ ဆင်ရွှေလီသကြားစက်အမှတ်(၂)(အင်းဝိုင်း)နှင့်ပတ်သက်၍ ရှင်းလင်းတင်ပြကြောင်းသိရသည်။

 972

   ၎င်းနောက် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်နှင့် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်တို့မှ စက်ရုံတည်ဆောက်ရေး ဆောင်ရွက်ခဲ့ကြသော တရုတ်ပညာရှင်များအား ဂုဏ်ပြုလက်ဆောင်ပေးအပ်၍ ခန်းမအတွင်းခင်းကျင်းပသ ထားသော ကြံစိုက်ပျိုးနည်းပညာများနှင့် စက်ပစ္စည်းများကို လှည့်လည်ကြည့်ရှုအားပေးကြသည်။ 

   ငွေရည်ပုလဲကုမ္ပဏီအုပ်စုသည် တိုင်းရင်းသာပုဂ္ဂလိက လုပ်ငန်းရှင်များ ပိုင်ဆိုင်သည့် ကုမ္ပဏီဖြစ်ပြီး၊ (၁)ရက်လျှင် ကြံတန်ချိန် (၁၀၀၀)ကြိတ်ဝါးထုတ်လုပ်နိုင်သည့် အမှတ်(၁)ဆင်ရွှေလီသကြားစက်အား ရှမ်းပြည်နယ်မြောက်ပိုင်း ကျောက်မဲခရိုင်၊ နောင်ချိုမြို့နယ် ဆမ္မဆယ်ကျေးရွာ၌ (၂၀၀၈)ခုနှစ်တွင် စတင်တည်ဆောက်လည်ပတ်ခဲ့ပြီး၊ ယခုအမှတ်(၂) ဆင်းရွှေလီသကြားစက်စီမံကိန်းသည် ရှမ်းပြည်နယ် (မြောက်ပိုင်း)၊ ကျောက်မဲခရိုင်၊ နောင်ချိုမြို့နယ် ကုန်းကြီးကျေးရွာအုပ်စု၊ အင်းဝိုင်းကျေးရွာ အနီးတွင် တည်ရှိပြီး စက်ရုံဧရိယာအကျယ်အဝန်း(၁၆၅)ဧကကျယ်ဝန်း၍ မန္တလေး-လားရှိုး ပြည်ထောင်စု လမ်းမကြီး၏ မိုင်တိုင်အမှတ်(၆၂)မိုင်(၄)ဖာလုံအနီး လက်ယာဘက်(၅)မိုင်ခန့်အကွာတွင်တည်ရှိကာ အမှတ်(၂)ဆင်းရွေလီ သကြားစက်(အင်းဝိုင်း)၏ ထုတ်လုပ်မှုစွမ်းအားမှာ တစ်ရက်လျှင်ကြံတန်ချိန် (၄)ထောင် ကြိတ်ဝါးထုတ်လုပ်မည်ဖြစ်ပြီး ထုတ်လုပ်မှုနည်းစနစ်မှာ ကန့်ခိုးနှစ်ကြိမ်ရိုက်စနစ်(Double Sulphitation Process)ဖြင့် သကြားဖြူ(Plantation White Sugar)ထွက်ရှိမည်ဖြစ်၍ ထုတ်ကုန်သကြား အရည်အသွေးအနေဖြင့် အပြည်ပြည်ဆိုင်ရာသတ်မှတ်ထားသော စံချိန်စံညွှန်းနှင့် အညီ (က)Sugar Content >99.6%, (ခ)Non-Sugar Content<0.1%, (ဂ)Ash<0.1%, (ဃ)Colour<100 ICU, (င)Sulphur dioxide<500 ppm, ပြည်ပပို့ကုန်အဆင့်အတန်းရှိသကြားများကို ထုတ်လုပ်သွားမည် ဖြစ်ပြီး၊ ငွေရည်ပုလဲ ကုမ္ပဏီအုပ်စု ငွေရည်ပုလဲသကြားကုမ္ပဏီလီမိတက်၏ အမှတ်(၂)ဆင်းရွှေလီ သကြားစက်စီမံကိန်း(အင်းဝိုင်း)အနေဖြင့် နိုင်ငံတော်၏ စီးပွားရေး၊ စိုက်ပျိုးရေးနှင့် စက်မှုလက်မှုကဏ္ဍ တွင် တစ်တပ်တစ်အား ပါဝင်အားဖြည့်အထောက်အကူပြု၍ တိုင်းရင်းသားများ၏ ဒေသဖွံ့ဖြိုးရေးနှင့် လူမှုစီးပွားဘဝဖွံ့ဖြိုးတိုးတက်ရေး၊ အလုပ်အကိုင်အခွင့်အလှမ်းနှင့် နည်းပညာ၊ အတတ်ပညာများ တိုးတက်ရေး ပြည်တွင်းအသားတင် ထုတ်လုပ်မှုတန်းဖိုးမြှင့်မားလာစေရေးတို့အတွက် ဆောင်ရွက်သွားမည် ဖြစ်ကြောင်းသိရှိရသည်။

                                                                               မောင်မောင်သန်း(တောင်ကြီး)

 

ပထမအကြိမ် ၊ ရှမ်းပြည်နယ်လွှတ်တော် ( ၁၂ ) ကြိမ်မြောက် ပုံမှန်အစည်းအဝေး တတိယနေ့ကျင်းပ

တောင်ကြီး မတ် ၂၅

 964

   ပထမအကြိမ် ရှမ်းပြည်နယ်လွှတ်တော်၊ (၁၂)ကြိမ်မြောက် ပုံမှန်အစည်းအဝေး တတိယနေ့ကို မတ်လ (၂၅)ရက် နံနက် (၁ဝ)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လွှတ်တော် ဒုတိယဥက္ကဋ္ဌနှင့် ပြည်နယ်ဝန်ကြီးများ ၊ လွှတ်တော်ကိုယ်စားလှယ်များ  တက်ရောက် ကြသည်။

အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူး အဖြစ် ဆောက်ရွက်သည်။

   ပထမဦးစွာ ပြည်နယ်လွှတ်တော်ဥက္ကဋ္ဌက အစည်းအဝေးတက်ရောက်ခွင့်ရှိသူ လွှတ်တော် ကိုယ်စားလှယ် (၁၃၉) ဦးရှိသည့်အနက် (၁၀၉)ဦး တက်ရောက်၍ (၇၈.၄၂)% ဖြစ်သဖြင့် အစည်းအဝေး အထမြောက်ကြောင်းနှင့် တတိယနေ့အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ် ၃ဝ ဦး တို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး ပြည်နယ် လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ယင်းနောက် ပြည်နယ်လွှတ်တော်ကိုယ်စားလှယ် ၅ ဦးက မေးခွန်း ၁၀ ခုအား မေးမြန်းရာ သက်ဆိုင်ရာ ပြည်နယ်အစိုးရအဖွဲ့ဝင် ဝန်ကြီးများက ပြန်လည်ဖြေကြားပါသည်။  

   ဆက်လက်၍ ရှမ်းပြည်နယ်အစိုးရအဖွဲ့မှ ရှမ်းပြည်နယ်စည်ပင်သာယာရေးကော်မတီ၏ စည်ပင်သာယာရေး ဆိုင်ရာ စည်းကမ်းများ (Bye-Laws) (မူကြမ်း) (၂၄)မျိုးအားလည်းကောင်း၊ ၂၀၁၄-၂၀၁၅ ခု ဘဏ္ဍာရေးနှစ်အတွင်း လျှပ်စစ်ကဏ္ဍ လုပ်ငန်းဆောင်ရွက်ချက် အစီရင်ခံစာနှင့် ရှမ်းပြည်နယ် စက်မှုကြီးကြပ်ရေးနှင့် စစ်ဆေးရေးဦးစီး ဌာန၏ ၂၀၁၄-၂၀၁၅ ခု ဘဏ္ဍာရေးနှစ် လုပ်ငန်းဆောင်ရွက်မှုအခြေအနေတို့အား လည်းကောင်း၊ ၂၀၁၄-၂၀၁၅ ခု ဘဏ္ဍာရေးနှစ် အတွင်း လူမှုရေးကဏ္ဍ ဆောင်ရွက်ချက်များအားလည်းကောင်း၊ လွှတ်တော် သို့အသီးသီး ရှင်းလင်း တင်ပြ ကြပါသည်။    

   ထို့နောက် ပထမအကြိမ် ရှမ်းပြည်နယ်လွွှတ်တော် ( ၁၂ )ကြိမ်မြောက် ပုံမှန်အစည်းအဝေး တတိယနေ့အား  နေ့လည် ( ၁၄ )နာရီတွင် ရပ်နားလိုက်ကြောင်း သိရှိရသည်။               

 

                                                                                                                                                                                  ပြည်နယ်ပြန်/ ဆက်

 

ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး ဆဋ္ဌမနေ့ကျင်းပ

တောင်ကြီး   ဧပြီ ၁

969

   ပထမအကြိမ် ရှမ်းပြည်နယ်လွှတ်တော်၊ (၁၂)ကြိမ်မြောက် ပုံမှန်အစည်းအဝေး ဆဋ္ဌမနေ့ကို   ဧပြီလ (၁)ရက် နံနက် (၁ဝ)နာရီတွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လွှတ်တော် ဒုတိယဥက္ကဋ္ဌနှင့် ပြည်နယ်ဝန်ကြီးများ ၊ ပြည်နယ်လွှတ်တော် ကိုယ်စားလှယ်များ  တက်ရောက် ကြသည်။

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူး အဖြစ် ဆောင်ရွက်သည်။

   ပထမဦးစွာ ပြည်နယ်လွှတ်တော်ဥက္ကဋ္ဌက အစည်းအဝေးတက်ရောက်ခွင့်ရှိသူ လွှတ်တော် ကိုယ်စားလှယ် (၁၃၉) ဦးရှိသည့်အနက် (၉၀)ဦး တက်ရောက်၍ (၆၄.၇၅)% ဖြစ်သဖြင့် အစည်းအဝေး အထမြောက်ကြောင်းနှင့် ဆဋ္ဌမနေ့အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ် ၄ဝ ဦးတို့ အတွက် ခွင့်ပန်ကြားကြောင်း၊ သက်ဆိုင်ရာပြည်နယ်လွှတ်တော်ကိုယ်စားလှယ်များက အစည်းအဝေး ပဉ်စမနေ့တွင်တင်ပြပြီးဖြစ်၍ ယနေ့ခွင့်ပန်ကြားသူ(၉)ဦး စုစုပေါင်းခွင့်ပန်ကြားသူ (၄၉)ဦးအား ပြည်နယ် လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှအတည်ပြု ကြောင်းကြေညာ ပါသည်။

   ယင်းနောက် ပြည်နယ်လွှတ်တော်ကိုယ်စားလှယ် ၁ ဦးက မေးခွန်း ၄ ခုအား မေးမြန်းရာ ပြည်နယ် အစိုးရအဖွဲ့ဝင် ဘဏ္ဍာရေးဝန်ကြီး ဦးခွန်သိန်းမောင်နှင့် သစ်တောနှင့်သတ္တုဝန်ကြီး ဦးစိုင်းအိုက်ပေါင်းတို့က ပြန်လည်ဖြေကြားပါသည်။  

   ဆက်လက်၍ ရှမ်းပြည်နယ်အစိုးရအဖွဲ့၏ ၂၀၁၅-၂၀၁၆ ခုနှစ်၊ ဘဏ္ဍာရေးနှစ် ရသုံးမှန်းခြေငွေစာရင်းနှင့် ၂၀၁၅ ခုနှစ် ရှမ်းပြည်နယ်၏ ဘဏ္ဍာငွေအရအသုံးဆိုင်ရာ ဥပဒေကြမ်းနှင့် စပ်လျဉ်း၍ ရှမ်းပြည်နယ်အစိုးရအဖွဲ့ဝင် ဘဏ္ဍာရေးဝန်ကြီး ဦးခွန်သိန်းမောင်က လွှတ်တော်သို့ ရှင်းလင်းတင်ပြပြီး လွှတ်တော်၏ အဆုံးအဖြတ်ရယူရာ လွှတ်တော်က သဘောတူသဖြင့် ဥပဒေကြမ်းအားအတည်ပြုကြောင်း ကြေညာပါသည်။   ပြည်နယ်လွှတ်တော်ဥက္ကဋ္ဌက (၁၂)ကြိမ်မြောက် ပုံမှန်အစည်းအဝေး ဆောင်ရွက်ချက် များအပါအဝင်  လွှတ်တော်လုပ်ငန်းဆိုင်ရာများကို ရှင်းလင်းပြောကြား ပါသည်။

   ၎င်းနောက် ပထမအကြိမ် ရှမ်းပြည်နယ်လွွှတ်တော် ( ၁၂ )ကြိမ်မြောက် ပုံမှန်အစည်းအဝေး ဆဋ္ဌမနေ့အား  နေ့လည် ( ၁၁)နာရီခွဲတွင် ရပ်နားလိုက်ကြောင်း သိရှိရသည်။                   

  

                                                                                                                                                                                       ပြည်နယ်ပြန်/ ဆက်

 

ကမ္ဘာ့တီဘီတိုက်ဖျက်ရေးနေ့ အခမ်းအနားကျင်းပ

တောင်ကြီး    မတ်    ၂၄

963

   ရှမ်းပြည်နယ်၊ တောင်ကြီးမြို့တွင် ကမ္ဘာ့တီဘီရောဂါတိုက်ဖျက်ရေးနေ့အထိမ်းအမှတ် "တီဘီ ရောဂါကင်းဝေးဖို့ စုပေါင်းရှာဖွေကုသစို့" အခမ်းအနားကို မတ်လ ၂၄ ရက်နေ့ နံနက်(၈းဝ၀)နာရီအချိန်က ရှမ်းပြည်နယ်၊ တောင်ကြီးမြို့၊ မြို့တော်ခန်းမတွင် ကျင်းပသည်။

   ၂၀၁၅ ခုနှစ် ကမ္ဘာ့တီဘီရောဂါတိုက်ဖျက်ရေးနေ့အစီအစဉ်အရ ရှမ်းပြည်နယ်အစိုးရအဖွဲ့၊ ပြည်နယ် ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားသည်။ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ၏ ၂၀၁၅ ခုနှစ်၊ ကမ္ဘာ့တီဘိရောဂါတိုက်ဖျက်ရေးရေးနေ့အထိမ်းအမှတ်အခမ်းအနားဖွင့်ပွဲမိန့်ခွန်းအား ပြည်နယ် ကျန်းမာရေးဦးစီးဌာနမှူး၊ ဒေါက်တာမိုးဆွေက ဖတ်ကြားပေးခဲ့သည်။ ပြည်နယ်တီဘီဆရာဝန်ကြီး ဒေါက်တာ ဦးဇော်မြင့်က တီဘီရောဂါအကြောင်းသိကောင်းစရာနှင့် ရှေ့လုပ်ငန်းစဉ်များကို ရှင်းလင်းပြောကြားခဲ့သည်။ ထိုနောက် ရှမ်းပြည်နယ်အစိုုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများနှင့်အတူ တာဝန်ရှိသူများက ပြသထားသော နံရံကပ်စာစောင်နှင့် ဓာတ်ပုံမှတ်တမ်းများကို လိုက်လံကြည့်ရှုခဲ့ကြသည်။

   ရှမ်းပြည်နယ်၊ တောင်ကြီးမြို့တွင်ကျင်းပသော ကမ္ဘာ့တီဘီရောဂါတိုက်ဖျက်ရေးနေ့အထိမ်းအမှတ် သို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စိုက်ပျိုးရေးနှင့်မွေးမြူရေးဝန်ကြီး ဦးစိုင်းဆာလူ၊ ပြည်နယ်လျှပ်စစ်နှင့်စက်မှုလက်မှုဝန်ကြီး ဦးစိုင်းထွန်းရင်၊ ပြည်နယ်ဥပဒေချုပ် ဦးမောင်မောင်၊ ပြည်နယ်ကျန်းမာရေးဦးစီးဌာနမှူး ဒေါက်တာမိုးဆွေ၊ ပြည်နယ်တီဘီဆရာဝန်ကြီး ဒေါက်တာဦးဇော်မြင့်၊ ပြည်နယ် အဆင့် ဌာနဆိုင်ရာများ၊ ကြက်ခြေနီတပ်ဖွဲ့၊ ပြည်နယ်မိခင်နှင့်ကလေးစောင့်ရှောက်ရေးအသင်း၊ ပြည်နယ်အမျိုးသမီး ရေးရာ၊ သားဖွားသူနာပြုဆရာမများနှင့် ဆရာဝန်ကြီးများ၊ ရပ်ကွက်အုပ်ချုပ်ရေးမှူးများ၊ မြို့ပေါ်ရပ်ကွက်ရှိ ဖွံ့ဖြိုး တိုးတက်ရေးကော်မတီဝင်များနှင့် အရပ်ဘက်ဆိုင်ရာအသင်းအဖွဲ့များ၊ စုစုပေါင်း(၂၀၅)ဦးတက်ရောက်ခဲ့ကြကြောင်း သတင်းရရှိသည်။

 

                                                                                                                                                         စိုင်းသန်းကျော် (တောင်ကြီး)

 

ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက်ပုံမှန်အစည်းအဝေး ပဉ္စမနေ့ ကျင်းပ

တောင်ကြီး    မတ်     ၃၀

 968

   ပထမအကြိမ် ရှမ်းပြည်နယ်လွှတ်တော်၊ (၁၂)ကြိမ်မြောက် ပုံမှန်အစည်းအဝေး ပဉ္စမနေ့ကို မတ်လ (၃၀)ရက် နံနက် (၁ဝ)နာရီတွင် ရှမ်းပြည်နယ်လွှတ်တော် အစည်းအဝေးခန်းမ၌ကျင်းပရာ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ် လွှတ်တော် ဒုတိယဥက္ကဋ္ဌနှင့် ပြည်နယ်ဝန်ကြီးများ ၊ ပြည်နယ်လွှတ်တော် ကိုယ်စားလှယ်များ  တက်ရောက်ကြသည်။

အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူးအဖြစ် ဆောင်ရွက်သည်။

   ပထမဦးစွာ ပြည်နယ်လွှတ်တော်ဥက္ကဋ္ဌက အစည်းအဝေးတက်ရောက်ခွင့်ရှိသူ လွှတ်တော် ကိုယ်စားလှယ် (၁၃၉) ဦးရှိ သည့်အနက် ( ၉၉)ဦး တက်ရောက်၍ ( ၇၁.၂၂ %) ဖြစ်သဖြင့် အစည်းအဝေး အထမြောက်ကြောင်းနှင့် ပဉ္စမနေ့အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ် (၃ဝ) ဦးတို့အတွက် ခွင့်ပန်ကြားကြောင်း၊ သက်ဆိုင်ရာပြည်နယ်လွှတ်တော်ကိုယ်စားလှယ်များက အစည်းအဝေး စတုတ္ထနေ့တွင်တင်ပြပြီးဖြစ်၍ ယနေ့ခွင့်ပန် ကြားသူ(၁၀)ဦး၊ စုစုပေါင်းခွင့်ပန်ကြားသူ(၄၀)ဦးအား ပြည်နယ်လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှအတည်ပြုကြောင်း ကြေညာပါသည်။

   ယင်းနောက် ပြည်နယ်လွှတ်တော်ကိုယ်စားလှယ် (၇)ဦးက မေးခွန်း(၉)ခုအား မေးမြန်းရာသက်ဆိုင်ရာ ပြည်နယ် အစိုးရအဖွဲ့ဝင်ဝန်ကြီးများက ပြန်လည်ဖြေကြားပါသည်။  

   ဆက်လက်၍ ရှမ်းပြည်နယ်ကုန်တင်ကုန်ချလုပ်ငန်းဆိုင်ရာ နည်းဥပဒေပါ အချက်အလက်များအား ပြင်ဆင်ပေးရေး အတွက် လွှတ်တော်ကိုယ်စားလှယ်တစ်ဦးက လွှတ်တော်သို့အဆိုတင်သွင်းဆွေးနွေးခဲ့သည်။ ယင်းအဆိုအား ရှမ်းပြည်နယ် အစိုးရအဖွဲ့ဝင်က ပြန်လည်ဆွေးနွေးပြီးနောက် လွှတ်တော်၏ အဆုံးအဖြတ်ရယူရာ လွှတ်တော်မှအတည်ပြုကြောင်း ကြေညာ ပါသည်။ ထို့နောက် ပအိုဝ်းကိုယ်ပိုင် အုပ်ချုပ်ခွင့်ရဒေသအဖွဲ့၏ (၄)နှစ်တာကာလအတွင်း ဒေသဖွံ့ဖြိုးတိုးတက်ရေး အကောင် အထည် ဖော်ဆောင်ရွက်နိုင်မှုအခြေအနေအား လွှတ်တော်သို့ ရှင်းလင်းတင်ပြသည်။

   ၎င်းနောက် ပထမအကြိမ် ရှမ်းပြည်နယ်လွွှတ်တော် ( ၁၂) ကြိမ်မြောက် ပုံမှန်အစည်းအဝေး ပဉ္စမနေ့အား  နေ့လည် (၁၂)နာရီတွင် ရပ်နားလိုက်ကြောင်း သိရှိရသည်။                   

  

                                                                                                                                                                                             ပြည်နယ်ပြန်/ ဆက်

 

ပထမအကြိမ် ၊ ရှမ်းပြည်နယ်လွှတ်တော် ( ၁၂ )ကြိမ်မြောက် ပုံမှန်အစည်းအဝေး ဒုတိယနေ့ကျင်းပ

တောင်ကြီး မတ် ၂၄

962

   ပထမအကြိမ် ရှမ်းပြည်နယ်လွှတ်တော်၊ (၁၂)ကြိမ်မြောက် ပုံမှန်အစည်းအဝေး ဒုတိယနေ့ကို မတ်လ (၂၄)ရက် နံနက် (၁ဝ)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လွှတ်တော် ဒုတိယဥက္ကဋ္ဌနှင့် ပြည်နယ်ဝန်ကြီးများ ၊ လွှတ်တော်ကိုယ်စားလှယ်များ  တက်ရောက် ကြသည်။

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူး အဖြစ် ဆောက်ရွက်သည်။

   ပထမဦးစွာ ပြည်နယ်လွှတ်တော်ဥက္ကဋ္ဌက အစည်းအဝေးတက်ရောက်ခွင့်ရှိသူ လွှတ်တော် ကိုယ်စားလှယ် (၁၃၉) ဦးရှိသည့်အနက် ( ၁၀၉ )ဦး တက်ရောက်၍ ( ၇၈.၄၂ )% ဖြစ်သဖြင့် အစည်းအဝေး အထမြောက်ကြောင်းနှင့် ဒုတိယနေ့အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ် ၃ဝ ဦး တို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး ပြည်နယ် လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာ ပါသည်။

   ယင်းနောက် ပြည်နယ်လွှတ်တော်ကိုယ်စားလှယ် ၇ ဦးက မေးခွန်း ၁၀ ခုအား မေးမြန်းရာ သက်ဆိုင်ရာ ပြည်နယ်အစိုးရအဖွဲ့ဝင် ဝန်ကြီးများက ပြန်လည်ဖြေကြားပါသည်။

   ထို့နောက် ပြည်နယ်လွှတ်တော် ကိုယ်စားလှယ်တစ်ဦးက ပထမနေ့က တင်သွင်းခဲ့သော ရှမ်းပြည်နယ် လောက်ကိုင်ဒေသ တည်ငြိမ်အေးချမ်းမှု ရေရှည်တည်တံ့ ခိုင်မြဲရေးအတွက် ရှမ်းပြည်နယ် အတွင်းရှိ တိုင်းရင်းသားပြည်သူတစ်ရပ်လုံးက အမျိုးသားရေးတာဝန် တစ်ရပ်အနေဖြင့် ဝိုင်းဝန်းပူးပေါင်း ပါဝင် ဆောင်ရွက်ရေးအဆိုကို ကိုယ်စားလှယ် ၄ ဦးက ထောက်ခံဆွေးနွေး၍ လွှတ်တော်မှ အတည်ပြု ကြောင်း ကြေညာပါသည်။   

   ဆက်လက်၍ ရှမ်းပြည်နယ်အစိုးရအဖွဲ့၏ ၂၀၁၅-၂၀၁၆ ခု ဘဏ္ဍာရေးနှစ်၊ ရှမ်းပြည်နယ်၏ ဒေသန္တရစီမံကိန်း ဥပဒေ (မူကြမ်း)အားလည်းကောင်း၊ ၂၀၁၄-၂၀၁၅ ခု ဘဏ္ဍာရေးနှစ် လမ်းပန်း ဆက်သွယ်ရေးဆိုင်ရာ လုပ်ငန်းဆောင်ရွက်ချက် အစီရင်ခံစာအားလည်းကောင်း၊ စိုက်ပျိုးရေး/ မွေးမြူရေး/ ကျေးလက်ဒေသ ဖွံ့ဖြိုးရေးလုပ်ငန်း ဆောင်ရွက်ချက်များနှင့် ရှမ်းပြည်နယ်ဘတ်ဂျက် စိစစ်ရေးကော်မတီ၏ လုပ်ငန်းဆောင်ရွက်မှု အစီရင်ခံစာအားလည်းကောင်း လွှတ်တော်သို့အသီးသီး ရှင်းလင်းတင်ပြကြပါသည်။

   ထို့နောက် ပထမအကြိမ် ရှမ်းပြည်နယ်လွွှတ်တော် ( ၁၂ )ကြိမ်မြောက် ပုံမှန်အစည်းအဝေး ဒုတိယနေ့အား  နေ့လည် ( ၁၄ း ၅၀ )နာရီတွင် ရပ်နားလိုက်ကြောင်း သိရှိရသည်။       

 

                                                                                                                                                                        ပြည်နယ်ပြန်/ ဆက်

 

More Articles...

  1. ရွေးကောက်ပွဲဆိုင်ရာ သတင်းရယူပေးပို့ခြင်း သင်တန်းဖွင့်လှစ်
  2. ကျေးလက်ဒေသဖွံ့ဖြိုးတိုးတက်ရေး မဟာဗျူဟာမူဘောင်အကောင်အထည်ဖော်ရေး အလုပ်ရုံဆွေးနွေးပွဲ
  3. ရှမ်းပြည်နယ်အစိုးရအဖွဲ့ ခန့်ထားသောသစ်လွင်ဆရာဝန်များအား တာဝန်အပ်နှင်းပွဲ
  4. ပထမအကြိမ်၊ ရှမ်းပြည်နယ်လွှတ်တော် (၁၂)ကြိမ်မြောက်ပုံမှန်အစည်းအဝေးကျင်းပ
  5. ရှမ်းပြည်နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ စိမ့်စမ်းရေသွယ်လုပ်ငန်းများဖွင့်ပွဲကျင်းပ
  6. ရှမ်းပြည်နယ်အစိုးရအဖွဲ့နှင့် ရာစုသစ် New Century သွေးလှူရှင်လူမှုစောင့်ရှောက်ရေးအဖွဲ့တို့ ပူးပေါင်း၍ ကျေးရွာများသို့သွားရောက် အခမဲ့ကုသခြင်းနှင့် အလှူငွေပေးအပ်ခြင်းရှမ်းပြည်နယ်အစိုးရအဖွဲ့နှင့် ရာစုသစ်(New Century)သွေးလှူရှင်နှင့်လူမှုစောင့်ရှောက်ရေးအဖွဲ့တိ
  7. ရှမ်းပြည်နယ်၊ တောင်ကြီးမြို့၊ ပန်းတင်ကျေးရွာအုပ်စု၊ ပညာဗောဓိလမ်း၊ ဗောဓိတောင်ကုန်း၊ ဗုဒ္ဓတက္ကသိုလ်သံဃာတော်များနားနေဆောင်ကျောင်း ပန္နက်တင်မင်္ဂလာအခမ်းအနား
  8. ပြည်တွင်းနေရပ်စွန့်ခွာရွေ့ပြောင်းမှုဆိုင်ရာ ကာကွယ်စောင့်ရှောက်မှု အလုပ်ရုံဆွေးနွေးပွဲ
  9. ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့၊ မြို့နယ်ပြည်သူ့ဆေးရုံတွင် ရှမ်းပြည်နယ်အစိုးရအဖွဲ့၊ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ စက်မှုဝန်ကြီးဌာန၊ ပြည်ထောင်စုဒုတိယဝန်ကြီး ဦးသိန်းအောင် တို့၏ဦးဆောင်မှုဖြင့် Mother Trading Co.,Ltd မှ ဦးအောင်မြတ် နှ
  10. ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများ၊ ဒေသဖွံ့ဖြိုးရေးလုပ်ငန်းများ ကွင်းဆင်းဆောင်ရွက်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

danauရှမ်းပြည်နယ်(တောင်ပိုင်း) ပင်းတယ၊ အောင်ပန်း၊ ရွာငံ၊ ကလောမြို့နယ်များနှင့် ရှမ်းပြည်နယ် မြောက်ပိုင်း နောင်ချိုမြို့နယ်များတွင် အများဆုံး နေထိုင်ကြသည်။

We have 87 guests and no members online

Latest Updates