သတင်းများ

စည်ပင်သာယာရေးလုပ်ငန်းညှိနှိုင်းအစည်းအဝေးနှင့် စွမ်းရည်မြှင့်အလုပ်ရုံဆွေးနွေး

တောင်ကြီး ဖေဖေါ်ဝါရီ - ၂၈

926

   ရှမ်းပြည်နယ်စည်ပင်သာယာရေးကော်မတီ၊ စည်ပင်သာယာရေးလုပ်ငန်းညှိနှိုင်း အစည်းအဝေးနှင့် စွမ်းရည်မြှင့် အလုပ်ရုံဆွေးနွေးပွဲကို ဖေဖေါ်ဝါရီ(၂၈)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က လုပ်ငန်းလမ်းညွှန်း အမှာစကားပြောကြားပြီး၊ ရှမ်းပြည်နယ်စည်ပင်သာယာရေးကော်မတီ အတွင်းရေးမှူး ရှမ်းပြည်နယ် စည်ပင်သာယာရေးဌာန ညွှန်ကြားရေးမှူး ဦးစိုင်းထွန်းထွန်းမှ စည်ပင်သာယာရေးလုပ်ငန်းများ ဆောင်ရွက်မှု အခြေအနေများကို ပါဝါပွိုင့်ဖြင့် ရှင်းလင်း တင်ပြသည်။

   ဆက်လက်၍ အာရှဖောင်ဒေးရှင်းအဖွဲ့၊ Mr.David Evertsen မှ ဆွေးနွေးပွဲဖြစ်ပေါ်လာပုံနှင့် ရည်ရွယ်ချက်များအား ရှင်းလင်းတင်ပြပြီး၊ ရှမ်းပြည်နယ်အစိုးရအဖွဲ့၊ ထောက်ပံ့ငွေကျပ်သန်း(၄၅၀)အား မြို့နယ်၊ မြို့နယ်ခွဲ စည်ပင်သာယာရေး ကော်မတီများသို့ ထောက်ပံ့ငွေလွှဲပြောင်းပေးအပ်ရာ ရှမ်းပြည်နယ်အစိုးရအဖွဲ့၊ ပြည်နယ်ဘဏ္ဍာရေးဝန်ကြီး ဦးခွန်သိန်းမောင်မှ ရှမ်းပြည်နယ်(လားရှိုး)ဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများဆောင်ရွက်ရန် ထောက်ပံ့ငွေအား ရှမ်းပြည်နယ်စည်ပင်သာယာရေးကော်မတီ ဒုတိယဥက္ကဌ ဦးစိုင်းဆိုင်ပူး၊ ရှမ်းပြည်နယ်(ကျိုင်းတုံ)ဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများ ဆောင်ရွက်ရန် ရှမ်းပြည်နယ်စည်ပင်သာယာရေးကော်မတီ ဒုတိယဥက္ကဌ ဦးသိန်းထိုက်နှင့် အမှိုက်သိမ်းယာဉ်(၇)စီး ထောက်ပံ့ပေးအပ်ခြင်းနှင့် ရှမ်းပြည်နယ်တောင်ကြီးဒေသရှိ မြို့နယ်များအတွက် မြို့ပြလမ်း၊ ရေပေးရေးလုပ်ငန်းများ ဆောင်ရွက်ရန် ထောက်ပံ့ငွေအား ရှမ်းပြည်နယ်စည်ပင်သာယာရေး ကော်မတီ အတွင်းရေးမှူး ဦးစိုင်းထွန်းထွန်းတို့မှ အသီးသီးလက်ခံရယူကြကြောင်းသိရသည်။

   ထို့နောက် ရှမ်းပြည်နယ်အစိုးရအဖွဲ့၊ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းမှ လားရှိုးမြို့နယ်အတွက် မြို့ပြလမ်းဆောင်ရွက်ရန် ထောက်ပံ့ငွေပေးအပ်ရန် ရှမ်းပြည်နယ်စည်ပင်သာယာရေး ကော်မတီ ဒုတိယဥက္ကဌ ဦးစိုင်းဆိုင်ပူးမှ လက်ခံ၍လည်းကောင်း၊ တောင်ကြီးမြို့နယ်အတွက် မြို့ပြလမ်း ဆောင်ရွက်ရန် ထောက်ပံ့ငွေအား ရှမ်းပြည်နယ် စည်ပင်သာယာရေး ကော်မတီဝင် ဦးမောင်မောင်မြင့်မှ လက်ခံရယူ ကြပြီး၊ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ တာဝန်ရှိသူတို့သည် ခန်းမအတွင်း ခင်းကျင်းပြသထားသော ရှမ်းပြည်နယ်စည်ပင်သာယာရေးဌာန လုပ်ငန်းဆောင်ရွက်မှု ဓါတ်ပုံမှတ်တမ်းများအား လှည့်လည်ကြည့်ရှုအားပေး ကြကြောင်းသိရသည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ဗမာတိုင်းရင်းသာရေးရာဝန်ကြီး၊ ပြည်နယ်စာရင်းစစ်ချုပ်၊ ပြည်သူ့လွှတ်တော်ကိုယ်စားလှယ်၊ ပြည်နယ်အဆင့် ဌာနဆိုင်ရာများ၊ ရှမ်းပြည်နယ် စည်ပင်သာယာရေးကောမတီအဖွဲ့ဝင်များ၊ ပြည်နယ်စည်ပင်သာယာရေး ကော်မတီရုံးခွဲ လားရှိုးဒေသနှင့် ကျိုးတုံးဒေသမှ ကော်မတီဝင်များ၊ မြို့နယ်စည်ပင်သာယာရေးကော်မတီများမှ အဖွဲ့ဝင်များ၊ ရှမ်းပြည်နယ် စည်ပင်သာယာရေးဌာန၊ ညွှန်ကြားရေးမှူးဌာနခွဲ လားရှိုး၊ ကျိုင်းတုံဒေသဌာနခွဲ တာဝန်ခံနှင့် မြို့နယ်၊ မြို့နယ်ခွဲစည်ပင်သာယာရေးဌာန အမှုဆောင် အရာရှိများ၊  တာဝန်ခံအင်ဂျင်နီယာဝန်ထမ်း များ၊ ဖိတ်ကြားထားသည့်ဧည့်သည်တော်များ၊ စုစုပေါင်းအင်းအား(၂၇၀)ဦး တက်ရောက်ကြကြောင်းသိရသည်။

မောင်မောင်သန်း(တောင်ကြီး)

 

ကျောက်တလုံးကြီး ရေလှောင်တမံစီမံကိန်း လုပ်ငန်းဆောင်ရွက်မှုအား ပြည်ထောင်စုဝန်ကြီးနှင့် ရှမ်းပြည်နယ် ဝန်ကြီးချုပ်နှင့် အဖွဲ့ဝင်များ သွားရောက်ကြည့်ရှုစစ်ဆေး

တောင်ကြီး ဖေဖေါ်ဝါရီလ - ၂၅

 925

   ပြည်ထောင်စုသမ္မတမြန်မာနိုင်ငံတော်အစိုးရသည် ကျေးလက်ဒေသဖွံ့ဖြိုးတိုးတက်ရေးနှင့် ဆင်းရဲနွမ်းပါးမှု လျော့ချရေး၊ သောက်သုံးရေဖူလုံရေးနှင့် ဒေသစိမ်းလန်းစိုးပြည်ရေးကို ရှေးရှု၍ အချိန်တိုအတွင်း ပြီးစီနိုင်မည့် အသေးစား၊ အလတ်စား ဆည်မြောင်းစီမံကိန်းများကို အကောင်အထည်ဖော် ဆောင်ရွက်လျက်ရှိရာ ဖေဖေါ်ဝါရီ ၂၅ရက် နံနက်(၉)နာရီက လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီအဖွဲ့၊ ဥက္ကဌ ဦးခွန်စံလွင်၊ ပအိုဝ်းအမျိုးသားအဖွဲ့ချုပ် နာယက ဦးအောင်ခမ်းထီနှင့်  ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူတို့သည် ကျောက်တလုံးကြီး ရေလှောင်တမံစီမံကိန်း ရှင်းလင်းဆောင်သို့ ရောက်ရှိပြီး၊ ရေလှောင်တမံ တည်ဆောက်ခြင်းစီမံကိန်းတာဝန်ခံများမှ ရှင်းလင်းတင်ပြပြီး၊ ပြည်နယ်ဝန်ကြီးချုပ်နှင့် ပအိုဝ်းကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌတို့က ဖြည့်စွက်၍ လုပ်ငန်းဆောင်ရွက် ထားရှိမှုအခြေအနေများကို ရှင်းလင်တင်ပြရာ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမြင့်လှိုင်မှ လိုအပ်သည်များကို လမ်းညွှန်မှာကြား ခဲ့ကြောင်းသိရသည်။

   ဆက်လက်၍ ပြည်ထောင်စုဝန်ကြီးနှင့် အဖွဲ့ဝင်တို့သည် ရှင်းလင်းဆောင်ခန်းမရှုရပ်မှ ရေလောင်တမံတည်ဆောက် နေမှုများအား လှည့်လည်ကြည့်ရှုပြီး ဒေသခံတိုင်းရင်းသားပြည်သူများအား ရင်းရင်းနှီးနှီး လိုက်လံနှုတ်ဆက် ခဲ့ကြောင်း သိရသည်။ အဆိုပါ ကျောက်တလုံးရေလှောင်တမံသည် ပူးလာချောင်းနှင့် ပလောင်ခယ်ချောင်းပေါ်မှာ တည်ရှိပြီး တမံအမျိုးစားမှာ မြေသာတမံဖြစ်၍၊ အလျား(၁၄၇၃)ပေ၊ တမံအမြင့်(၄၀)ပေ၊ ကန်ရေပြည့်လှောင်နိုင်မှုပမာဏ (၂၈၆.၅)ဧက ပေနှင့် ရေဂါလန် (၇၈)သန်း သိုလှောင်နိုင်မည်ဖြစ်ကြောင်းသတင်းရရှိပါသည်။

                                                                                                                                                                               မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့မှလောက်ကိုင်ဒေသမှတိမ်းရှောင်လာသော ကျန်းမာရေးဝန်ထမ်းများအား ထောက်ပံ့ငွေများပေးအပ်

လားရှိုး         ဖေဖော်ဝါရီ ၁၈ ရက်

920

ရှမ်းပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်လူမှုရေး ဝန်ကြီး  ဒေါက်တာမျိုးထွန်း တို့သည် ဖေဖော်ဝါရီ ၁၈ရက် ညနေပိုင်းတွင် လားရှိုးမြို့  အ.ထ.က(၁)ကျောင်း၌ ကိုးကန့် စစ်ဘေးရှောင်ဆရာ/ ဆရာမတစ်ဦးလျှင် ကျပ်(၃)သောင်းနှုန်း ဖြင့် ဆရာ/ ဆရာမ (၃၇၃)ဦးအတွက် (၁၁၁.၉)သိန်း၊ ကွယ်လွန်သွားသော ပညာရေးဝန်ထမ်း(၃)ဦး အတွက် တစ်ဦးလျှင် ကျပ်(၅)သိန်းနှုန်းဖြင့် (၁၅)သိန်းထောက်ပံ့ ပေးခဲ့ပြီး၊ လားရှိုး ဆေးရုံကြီးသို့သွားရောက်ကာ ဆေးရုံ တက်ရောက်နေသော ဒဏ်ရာရပညာရေး ဝန်ထမ်း(၇)ဦး၊ တစ်ဦးလျှင်(၃)သိန်းနှုန်းဖြင့် (၂၁)သိန်း၊ ဒဏ်ရာရ ကြက်ခြေနီ နှစ်ဦးအတွက် တစ်ဦးလျှင် (၁)သိန်းနှုန်းဖြင့်၊ ကျပ်(၂)သိန်း ထောက်ပံ့ပေးခဲ့ပါသည်။

ဖေဖော်ဝါရီ ၁၈ ရက်နေ့ ညနေပိုင်းတွင်ရောက်ရှိလာသည့် ဌာနေပြန်အလုပ်သမားများနှင့်မိသားစုဝင် (၃၅၅)ဦးတို့အား ထမင်းထုပ်နှင့်စားသောက်ဖွယ်ရာများ၊ ထောက်ပံ့ငွေများကို ထောက်ပံ့ပေးပြီး လားရှိုးမြို့မှ မန္တလေးမြို့သို့ မော်တော်ယာဉ်(၆)စီးဖြင့် အခမဲ့ပို့ဆောင်ပေးခဲ့ကြောင်း သိရှိရသည်။

ရှမ်းပြည်နယ်အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်လူမှုရေး ဝန်ကြီး  ဒေါက်တာမျိုးထွန်း တို့သည် ဖေဖော်ဝါရီ ၁၉ ရက် နံနက်(၈)နာရီအချိန်က  လားရှိုးမြို့ သီရိမင်္ဂလာ မန်ဆူ ရှမ်းကျောင်းတွင် ထပ်မံရောက်ရှိလာသော ဌာနေပြန်မည့် ကိုးကန့်ဒေသစစ်ဘေးရှောင် အလုပ်သမားများနှင့် မိသားစုဝင်များအား အလှူရှင် စေတနာရှင်များမှ အလှူငွေနှင့်ထောက်ပံ့ငွေများလှူဒါန်းရာ ရန်ကုန်တိုင်းဒေသကြီး အောင်မဂင်္လာအဝေးပြေး (Express) ယာဉ်လိုင်းပိုင်ရှင်များနှင့် ယာဉ်ပိုင်ရှင်များက အလှူငွေကျပ် (၄၅)သိန်း၊ ရန်ကုန်မြို့နာရေးကူညီမှု အသင်းက  အလှူငွေကျပ်(၁၀)သိန်း ပေးအပ်လှူဒါန်းရာ ရှမ်းပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်လူမှုရေးဝန်ကြီး ဒေါက်တာမျိုးထွန်း တို့ကလည်းကောင်း ၊လားရှိုးခရိုင် အုပ်ချုပ် ရေးမှူး  ဦးမြတ်မိုးနှင့် ခရိုင်အဆင့်ဌာနဆိုင်ရာများက အလှူငွေကျပ်(၁၆)သိန်းရှစ်သောင်းလေးထောင်နှင့် သာသနာရေးဝန်ကြီးဌာနမှ အလှူငွေကျပ်(၅)သိန်းသုံးသောင်းပေးအပ်လှူဒါန်းရာ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့်ပြည်နယ်ဒုတိယအုပ်ချုပ်ရေးမှူး ဦးစိန်အုပ်တို့ လက်ခံရယူခဲ့ ပါသည်။

ဆက်လက်၍ မန်ဆူဘုရားကြီးကျောင်းတိုက်တွင် ဌာနေပြန်မည့်အလုပ်သမားများနှင့်မိသားစုဝင်များ အတွက် ခရိုင်အုပ်ချုပ်ရေးမှူးနှင့် ခရိုင်အဆင့်ဌာနဆိုင်ရာများမှ  အလှူငွေကျပ်(၁၆)သိန်းရှစ်သောင်း လေးထောင်အား ပေးအပ်လှူဒါန်း ခဲ့သည်။

ယင်းနောက်ပြည်နယ်လုံခြုံရေးနှင့်နယ်စပ်ရေးရာဝန်ကြီး၊ ပြည်နယ်လူမှုရေးဝန်ကြီးနှင့် တာဝန်ရှိသူများ သည် တွဲဖက်ပြည်နယ်ကျန်းမာရေးဦးစီးဌာနရုံးတွင် ရှမ်းပြည်နယ်အစိုးရအဖွဲ့မှ ကျန်းမာရေးဝန်ထမ်းများအတွက် တစ်ဦး လျှင် ကျပ်သုံးသောင်းနှုန်းဖြင့် (၈၃)ဦးအတွက် ကျပ်(၂၄)သိန်းကိုးသောင်းတိတိကို ပေးအပ်လှူဒါန်း ခဲ့ပါသည်။

                                                                           ခရိုင်ပြန်/ဆက်

                                                                                          လားရှိုး

 

ရှမ်းပြည်နယ်ဝန်ကြီးချုပ်နှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR Mr. Kazuhiro Kaneko တွေ့ဆုံ

တောင်ကြီး ဖေဖေါ်ဝါရီ - ၂၄

923

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်လူမှုရေးဝန်ကြီး၊ ပြည်နယ်အစိုးရအဖွဲ့ ညွှန်ကြားရေးမှူးတို့နှင့် အတူ ဖေဖေါ်ဝါရီလ(၂၄)ရက်၊ မွန်းလွှဲ(၁)နာရီခွဲက တောင်ကြီးမြို့၊ ပြည်နယ်ဝန်ကြီးချုပ် ဧည့်ခန်းမ၌ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မြစ်ကြီးနားရုံးမှ ကချင်ပြည်နယ်နှင့် ရှမ်းပြည်နယ် မြောက်ပိုင်းဆိုင်ရာ တာဝန်ခံဖြစ်သူ Mr.Kazuhiro Kanekoနှင့် တွေ့ဆုံဆွေးနွေးကြောင်းသိရသည်။ 

ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က လောက်ကိုင်ဒေသတွင် စစ်ဘေးရှောင်ဒုက္ခသည်များရှိနေကြောင်း၊ စစ်ဘေးရှောင်ဒုက္ခသည်များအတွက် နယ်မြေဒေသပြန်လည်ထူထောင်ရန်နှင့် ကျန်းမားရေးအတွက် စောင့်ရှောက်မှုများကို ပြန်လည်ပြုလုပ်ရန် အတွက် အဆွေးတော်ဘက်မှ အကူအညီပေးရန်ဆွေးနွေးသွားပြီး၊ Mr.Kazuhiro Kanekoမှ ပြန်လည် ဆွေးနွေးရာတွင် ပြည်နယ်ဝန်ကြီးချုပ်မှ ဆွေးနွေးချက်များ ကောင်မွန်၍ မိမိဘက်မှ UNHCRကို ဆက်လက် တင်ပြသွားမည်ဖြစ်ကြောင်း၊ အလုပ်ရုံးဆွေးနွေးပွဲလုပ်ဆောင်မှုနှင့် ပတ်သက်၍ ဆွေးနွေးရာ ပြည်နယ်ဝန်ကြီးချုပ်မှ သက်ဆိုင်ရာဌာများသို့ အကြောင်းကြား၍ ကူညီဆောင်ရွက်ပေးမည်ဖြစ်ကြောင်း၊ အဆွေတော်တို့ ရှမ်းပြည်နယ်သို့ရောက်ရှိနေစဉ် ရှမ်းပြည်နယ်၏ သဘာဝပတ်ဝန်းကျင်းအလှနှင့် အင်းလေးကန်သို့ သွားရောက်လည်ပတ်စေလိုကြောင်း ဆွေးနွေးသွားပြီး Mr.Kazuhiro Kanekoမှ ပြည်နယ်ဝန်ကြီးချုပ်အား အမှတ်တရလက်ဆောင်ပစ္စည်းပေးအပ်ခဲ့ကြောင်းသိရသည်။

                                                                             မောင်မောင်သန်း(တောင်ကြီး)

 

ရှမ်းပြည်နယ်အစိုးရအဖွဲ့မှ ကြီးမှူး၍ ကိုးကန့်ကိုယ်ပိုင်အုပ်ချုပ်ခွင့်ရ လောက်ကိုင်ဒေသတိုင် နိုင်ငံတော်အတွက် အသက်ပေးလှူခဲ့သော တပ်မတော်သားများ နိုင်ငံ့ဝန်ထမ်းများ အပြစ်မဲ့ဒေသခံပြည်သူများအတွက် ကောင်းမှု ကုသိုလ် ပြုလုပ်လှူဒါန်းအမျှဝေခြင်း ကျင်းပ

တောင်ကြီး ဖေဖော်ဝါရီ  ၂၁

919

   ရှမ်းပြည်နယ် တောင်ကြီးမြို့ ကျက်သရေဆောင်ဖြစ်သော စူဠာမုနိဘုရား စေတီတော်တွင် ရှမ်းပြည်နယ် အစိုးရအဖွဲ့မှ ကြီးမှူး၍ ကိုးကန့်ကိုယ်ပိုင်အုပ်ချုပ်ခွင့်ရ လောက်ကိုင်ဒေသတွင် နိုင်ငံတော်အတွက် အသက်ပေး လှူခဲ့သော တပ်မတော်သားများ၊ နိုင်ငံ့ဝန်ထမ်းများ၊ အပြစ်မဲ့ဒေသခံပြည်သူများအတွက် ကောင်းမှုကုသိုလ် ပြုလုပ်လှူဒါန်း အမျှပေးဝေခြင်းအခမ်းအနားကို ဖေဖော်ဝါရီလ ၂၁ ရက်နေ့ နံနက် (၉းဝ၀)နာရီက တောင်ကြီးမြို့ စူဠာမုနိ စေတီတော်လှိုင်ဂူအတွင်း ကျင်းပခဲ့သည်။

  ရှေးဦးစွာ နမောတဿ (၃)ကြိမ် ရွတ်ဆို၍ ဘုရားကန်တော့ ဖွင့်လှစ်ပေးခဲ့သည်။ ဗုဒ္ဓါဘိ‌သေကအနေကဇာ တင်ခြင်း ပြုလုပ်သည်။ ရှမ်းပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ရှမ်းပြည်နယ်အစိုးရအဖွဲ့ဝင် ပြည်နယ် ဝန်ကြီးများ၊ ပြည်နယ်ဥပဒေချုပ်၊ ပြည်နယ်အဆင့်ဌာနဆိုင်ရာများနှင့် ဧည့်ပရိတ်သတ်များက ပြည်နယ်သံဃ နာယကအဖွဲ့ ဥက္ကဋ္ဌဆရာတော် ဘဒ္ဒန္တပညာသီရိအဂ္ဂမဟာပဏ္ဍိတ မင်းကွန်းကျောင်းတိုက်ထံမှ ငါးပါးသီလ ခံယူစောင့်တည်ကြပြီး အန္တရာယ်ကင်းပရိတ်တရား နာယူကြသည်။ ရှမ်းပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်က သံဃာတော်များကို လှူဘွယ်ပစ္စည်းများ၊ ပြည်နယ်ဝန်ကြီးများကလည်း ဆရာတော် သံဃာတော်များကို လှူဘွယ် ပစ္စည်းများ အသီးသီးဆက်ကပ် လှူဒါန်းပေးခဲ့သည်။ 

   ပြည်နယ်သံဃနာယကအဖွဲ့ ဥက္ကဋ္ဌဆရာတော် ဘဒ္ဒန္တပညာသီရိအဂ္ဂမဟာပဏ္ဍိတ မင်းကွန်းကျောင်းတိုက် ဆရာတော်က ရေစက်သွန်းချ အမျှပေး တရားတော်များ နာကြားပြီး ဧည့်ပရိတ်သတ်များက ကိုးကန့် ကိုယ်ပိုင်အုပ်ချုပ်ခွင့်ရ လောက်ကိုင်ဒေသတွင် နိုင်ငံတော်အတွက် အသက်ပေးလှူခဲ့သော တပ်မတော်သားများ၊ နိုင်ငံ့ဝန်ထမ်းများ၊ အပြစ်မဲ့ဒေသခံပြည်သူများအတွက် ရှေ့ရှု၍ ကောင်းမှုကုသိုလ်ပြုလုပ်ပြီး ဆရာတော် သံဃာတော်များနှင့် ဧည့်ပရိတ်သတ်အပေါင်းတို့က နိုင်ငံတော်အတွက် အသက်ပေးလှူခဲ့သော နိုင်ငံ့ဝန်ထမ်းများ၊ အပြစ်မဲ့ဒေသခံပြည်သူများအတွက် ကောင်းမှုကုသိုလ်ပြုလုပ်၍ အမျှပေးဝေခဲ့ကြကြောင်း သိရှိရသည်။

   အခမ်းအနားသို့ ရှမ်းပြည်နယ်လွှတ်တော်ဥက္ကဋ္ဌ၊ ရှမ်းပြည်နယ်အစိုးရအဖွဲ့ဝင် ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်တရားလွှတ်တော်၊ ဝတ်အသင်းများ၊ ဘာသာရေးအသင်းအဖွဲ့များ၊ ပြည်နယ်အဆင့် ဌာနဆိုင်ရာများ၊ ခရိုင်/မြို့နယ်အဆင့်ဌာနဆိုင်ရာများနှင့် ဖိတ်ကြားထားသော ဧည့်ပရိတ်သတ်များ တက်ရောက် ကြပြီး ဆရာတော် သံဃာတော်များကို နေ့ဆွမ်းနှင့် လှူဖွယ်ပစ္စည်းအစုစုတို့ ဆက်ကပ်လှူဒါန်းကြကြောင်း သတင်း ရရှိသည်။

 

                                                                                                                                           စိုင်းသန်းကျော်  (တောင်ကြီး)

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၂/၂၀၁၅)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၂/၂၀၁၅)ကျင်းပ

တောင်ကြီး  ဖေဖေါ်ဝါရီ   ၂၄

922

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၂/၂၀၁၅)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၂/၂၀၁၅)နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၂/၂၀၁၅) အခမ်းအနားကို  ဖေဖေါ်ဝါရီလ(၂၄)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး အစည်း အဝေးခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် စုံစမ်းစစ်ဆေးရေးကော်မရှင်မှ တင်ပြထားသည့် အစီရင်ခံစာ အပိုင်း(၁)မှ (၇)အထိ မြေယာမှုများ စိစစ်ဖြေရှင်းပြီးမှုများကို တင်ပြပေးရန်နှင့် စွန့်လွှတ်အပ်နှံ မြေများကို ပြန်လည်ပေးအပ်သည့်အခြေအနေ၊ ဆက်လက်လွှဲပြောင်းပေးမည့် အခြေအနေများကို တင်ပြပေးကြရာ လိုအပ်မှာဖြစ်ကြောင်း၊ လယ်ယာမြေစီမံခန့်ခွဲမှုကိစ္စများကို မြေလွတ်၊မြေရိုင်း စီမံခန့်ခွဲမှုကိစ္စများကိုလည်း ညှိနှိုင်းဆွေးနွေးရမှာဖြစ်ကြောင်း၊ အစီအရင်ခံစာအပိုင်း(၆)(၇)များကို ဇန်နဝါရီလကုန် ဖြေရှင်းပြီးပြတ်ရန် မှာကြားထားပြီးဖြစ်ကြောင်း၊ ခရိုင်/ မြို့နယ် မြေအသုံးချမှု ကော်မတီအနေဖြင့် အစိုးရအဖွဲ့က ဖြေရှင်းပေးမှုများကို ပြီးပြတ်အောင်ဖြေရှင်းပေးနိုင်သော်လည်း ဝန်ကြီးဌာနက ဖြေရှင်းရမည့်ကိစ္စများကို ပြည်ထောင်စုဝန်ကြီး၊ ဒုတိယဝန်ကြီး သဘောထားရရှိမှသာ ဖြေရှင်းပြီးပြတ်နိုင်မှာဖြစ်သည့်အတွက် ဝန်ကြီးဌာန၏ သဘောထားရရှိအောင် မြေအသုံးချမှု စီမံခန့်ခွဲရေး (ဗဟို)ကော်မတီကို ဆက်လက်တင်ပြရမှာဖြစ်ကြောင်း၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနများတွင် မြေယာမှုခင်းများ များပြားသည့်အတွက် ဝန်ကြီးဌာနသဘောထားရရှိရန် တောင်းခံသွားရမှာ ဖြစ်ကြောင်း၊ အစီအရင်ခံစာပါ မြေယာမှုများတွင် အကြောင်းအရင်းခိုင်မာ၍ မစွန့်လွှတ်သည့် မြေများကို ဝန်ကြီးဌာန(သို့မဟုတ်) ကုမ္ပဏီမှ ဖြေရှင်းပေးရမည့်ကိစ္စများကို ပြန်စိစစ်ပြီး၊ သိမ်းဆည်းခံရသည့် တောင်သူများ ခိုင်လုံသည့်အထောက်အထား၊ အရည်အချင်းရှိသည့် သက်သေ ရှိ/ မရှိ၊ အမှန်သိမ်းယူစဉ်က လျော်ကြေးပေးပြီး ဖြစ်/ မဖြစ်၊ အစားထိုးမြေပေးအပ်မှု ရှိ/ မရှိ၊ ဥပဒေနှင့်အညီ သိမ်းယူခဲ့ခြင်း ဟုတ်/မဟုတ်၊ မြေယာအသုံးပြုပြီး ဖြစ်/ မဖြစ်၊ မြေကျန်ရှိမှု ရှိ/ မရှိ၊ ယင်းမြေ၏ မြေရာဇဝင်များကို ပြန်စိစစ်ပြီး ဝန်ကြီးဌာနနှင့် ဆိုင်သည့်ကိစ္စများကို အပြီးအပြတ်ဆောင်ရွက်ပေးနိုင်အောင် သဘောထားရရှိရေး၊ မြေအသုံးချမှုစီမံခန့်ခွဲရေး(ဗဟို) ကော်မတီကို တင်ပြထားရန် လိုအပ်မှာဖြစ်ကြောင်း၊ ကုမ္ပဏီအဖွဲ့အစည်းများကလည်း စိစစ်ပြီး၊ သက်ဆိုင်ရာ မြေလွတ်၊ မြေရိုင်း (ဗဟို)အဖွဲ့က ရရှိထားပြီး၊ စိစစ်တင်ပြပေးရန်နှင့် လျော်ကြေးပေးရမည့်ကိစ္စများကိုလည်း ကွင်းဆင်းစိစစ်ရေးအဖွဲ့နှင့် စိစစ်ပြီး ဆုံးဖြတ်တင်ပြ ထားရမှာဖြစ်ကြောင်း၊ လျော်ကြေးငွေပေးအပ်ပြီး ကိစ္စများကိုလည်း စနစ်တကျမှတ်တမ်းထားရှိ၍ ခရိုင်များကလည်း ဖြေရှင်းတင်ပြမှုများကို အကြောင်းအရင်းခိုင်မာစွာဖြင့် တင်ပြရန် ထပ်မံမှာကြား လိုကြောင်း၊ ရှမ်းပြည်နယ် မြေယာမှုခင်းပြဿနာပေါင်း (၁၃၂၃)မှုကိုလည်း ယခုလကုန်တွင် အပြီးပို့နိုင်အောင် ဝိုင်းဝန်းကူညီဆောင်ရွက်ပေးကြရန်၊ သက်ဆိုင်ရာဝန်ကြီးဌာနများ သဘောထားရရှိရန် ပြည်နယ်အဆင့်ဌာနဆိုင်ရာများကလည်း ဝိုင်းဝန်ကူညီပေးကြရန် လိုအပ်မှာဖြစ်ကြောင်း၊ သီးခြားတိုင်စာများကိုလည်း အလေးထားဖြေရှင်းပေးကြရန်နှင့် မြေအသုံးချမှုစီမံခန့်ခွဲရေး ကော်မတီကို စွန့်လွှတ်မြေများ ပြန်လည်ပေးအပ်မှု တစ်လလျှင် နှစ်ကြိမ် စာရင်းပြုစုတင်ပြပေးကြရန်၊ မစွန့်လွှတ်သည့်မြေများကိုလည်း ဝန်ကြီးဌာနနှင့် ကုမ္ပဏီအဖွဲ့အစည်းများက ဆောင်ရွက်ပေးမည့်သဘောထားများကို ခရိုင်/ မြို့နယ်များက စိစစ်ညှိနှိုင်း ဆုံးဖြတ်တင်ပြလာသည့်များထဲက ခိုင်မာသည့်ကိစ္စများကို မြေအသုံးချမှုစီမံခန့်ခွဲရေး (ဗဟို)ကော်မတီကို ဆက်လက်တင်ပြ ဆောင်ရွက်သွားကြရန်၊ မြေအသုံးချမှု စီမံခန့်ခွဲရေး ကော်မတီ အနေဖြင့် ဥပဒေလုပ်ထုံးလုပ်နည်း ညွှန်ကြားချက်များနှင့်အညီ ဝိုင်းဝန်ပူးပေါင်းအကြံပြုဆောင်ရွက် ပေးကြရန် မှာကြားလိုကြောင်း ပြောကြားသွားသည်။

   ဆက်လက်၍ အစည်းအဝေးဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေး ကော်မတီ အစည်းအဝေး အမှတ်စဉ် (၂/၂၀၁၅)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၂/၂၀၁၅)တင်ပြချက်များ မြေလွတ်၊ မြေလပ် နှင့် မြေရိုင်း များ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ် (၂/၂၀၁၅)တင်ပြချက်များအား ဆွေးနွေး ဆုံးဖြတ်ကြပြီး၊ တက်ရောက်လာကြသည်များမှ အထွေထွေဆွေးနွေးတင်ပြ ကြကြောင်းသိရသည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေးဝန်ကြီး၊ ပြည်နယ်သစ်တောနှင့် သတ္တုဝန်ကြီး၊ ပအိုဝ်း/ ဓနုကိုယ်ပိုင်ခွင့်ရ ဒေသဦးစီးအဖွဲ့ဝင်များ ရှမ်းပြည်နယ်အစိုးရအဖွဲ့ ညွှန်ကြားရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိကြီးများ၊ သက်ဆိုင်ရာပြည်နယ်အဆင့်ဌာနဆိုင်ရာ တာဝန်ရှိသူများနှင့် မြေစာရင်းဦးစီး ဌာနမှ တာဝန်ရှိသူများ တက်ရောက်ကြကြောင်း သိရှိရသည်။                    

                                                                                   မောင်မောင်သန်း(တောင်ကြီး)

 

တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော် ကျင်းပ

တောင်ကြီး   ဖေဖေါ်ဝါရီ   ၂၀

918

ဆဋ္ဌမအကြိမ်မြောက် တောင်ရိုးတိုင်းရင်းသားများ ရိုးရာယဉ်ကျေးမှု စုံညီပွဲတော်ကို ဖေဖေါ်ဝါရီ(၂၀)ရက် နံနက်(၉)နာရီက ကလောမြို့နယ်၊ ဟဲဟိုးမြို့ ဘော်နင်းကုန်းကျေးရွာ၌ ကျင်းပကြောင်း သိရသည်။

အခမ်းအနားတွင် စုံညီပွဲတော်သို့ တက်ရောက်လာကြသည့် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးများ၊ တာဝန်ရှိသူတို့နှင့် စာပေနှင့်ယဉ်ကျေးမှုအဖွဲ့များကို တောင်ရိုးတိုင်းရင်းသား/ တိုင်းရင်းသူများမှ ရိုးရာယဉ်ကျေးမှုအဆိုအကများဖြင့် ဖျော်ဖြေတင်ဆက်ကြပြီး၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှပေးပို့သော သဝဏ်လွှာအား ပြည်နယ် ဘဏ္ဍာရေးဝန်ကြီး ဦးခွန်သိန်းမောင်မှ ဖတ်ကြားကြောင်း သိရသည်။

ဆက်လက်၍ တောင်ရိုးစာပေနှင့် ယဉ်ကျေးမှုအသင်း(ဗဟို)ဥက္ကဌ ဦးသောင်းရွှေမှ ကျေးဇူးတင်စကားပြန်လည်ပြောကြား၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများက ယဉ်ကျေးမှုအကအဖွဲ့များကို အလှူငွေပေးအပ်ခြင်းနှင့် ပွဲတော်အထိမ်းအမှတ်ဂုဏ်ပြုမှတ်တမ်း လွှာများ ပြန်လည်ပေးအပ်ကြသည်။

ထို့နောက် စုံညီပွဲတော်သို့ တက်ရောက်လာကြသည့် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးများနှင့် အထူးဧည့်သည်တော်များ၊ စာပေနှင့်ယဉ်ကျေးမှုအဖွဲ့ဝင်များ၊ စုံညီပွဲတော် အမှတ် တရ မှတ်တမ်းတင်ဓါတ်ပုံရိုက်ကူးကြပြီး၊ အခမ်းအနားသို့ ပြည်နယ်ဝန်ကြီးများ၊ တာဝန်ရှိသူများ နှင့် ဖိတ်ကြားထားသည့်ဧည့်သည်တော်များ၊ တိုင်းရင်းသား စာပေယဉ်ကျေးမှုအဖွဲ့များ တောင်ရိုး တိုင်းရင်းသား/ တိုင်းရင်းသူများနှင့် ဒေသခံမိဘပြည်သူများ တက်ရောက်ကြကြောင်း သိရှိရသည်။

                                                                                                                                                                                           မောင်မောင်သန်း(တောင်ကြီး)

 

ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့ လုပ်ငန်းညှိနှိုင်းအစည်းအဝေး ကျင်းပခြင်း

တောင်ကြီး ဖေဖော်ဝါရီ ၂၄

ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေးအဖွဲ့၏(၁/၂၀၁၅)ကြိမ်မြောက် လုပ်ငန်းညှိနှိုင်းအစည်းအဝေးကို ၂၀၁၅ခုနှစ် ဖေဖော်ဝါရီလ ၂၄ ရက်နေ့ နံနက်(၀၉:၀၀)နာရီ အချိန်တွင် ရှမ်းပြည်နယ်သမဝါယမဦးစီးဌာန၌ ကျင်းပပြုလုပ်ခဲ့ပါသည်။ အစည်းအဝေးသို့ ရှမ်းပြည်နယ်အစိုးရအဖွဲ့ စီမံကိန်းနှင့်စီးပွားရေးဝန်ကြီး သမဝါယမလုပ်ငန်းများ ဖွံ့ဖြိုးတိုးတက် ရေးအဖွဲ့ဥက္ကဌ ဦးအောင်ကျော်ညွန့် တက်ရောက်ခဲ့ပြီး ရှမ်းပြည်နယ်သမဝါယမဦးစီးဌာန ဒုတိယညွှန်ကြားရေးမှူး၊ ရှမ်းပြည်နယ်တောင်ပိုင်း/အရှေ့ပိုင်းသမဝါယမအသင်းစုချုပ် ဥက္ကဌ၊ သမဝါယမသင်တန်းကျောင်း ကျောင်းအုပ်နှင့် သမဝါယမလုပ်ငန်းများ ဖွံ့ဖြိုးတိုးတက်ရေး အဖွဲ့ကော်မတီဝင် ပြည်နယ်အဆင့်ဌာနဆိုင်ရာများ တက်ရောက်ခဲ့ပါသည်။ အစည်းအဝေးတွင် ကိုရီးယားနိုင်ငံ Daedong ကုမ္ပဏီမှ လယ်ယာသုံးစက်ကိရိယာများ ရောက်ရှိနေမှုအပေါ် စီစဉ်ဆောင်ရွက်နေမှုများ၊ သမဝါယမဦးစီးဌာနနှင့် သမဝါယမအသင်းစုချုပ်တို့မှ ရှေ့ဆက်လက် ဆောင်ရွက်မည့် လုပ်ငန်းစဉ်များနှင့် ဆောင်ရွက်နေမှု အခြေအနေများကို ဆွေးနွေးခဲ့ကြပါ သည်။

924

ရှမ်းပြည်နယ်ဒေသန္တရ ဖွံ့ဖြိုးတိုးတက်ရေး သဘောတူစာချုပ်များ လက်မှတ်ရေးထိုး

တောင်ကြီး   ဖေဖော်ဝါရီ   ၁၉

916

ရှမ်းပြည်နယ်အစိုးရအဖွဲ့၊ ရှမ်းပြည်နယ်ဒေသန္တရဖွံ့ဖြိုးတိုးတက်ရေး သဘောတူစာချုပ်များ လက်မှတ်များရေးထိုးပွဲကို ဖေဖော်ဝါရီ(၁၉)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်း သိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားပြီး၊ ရှမ်းပြည်နယ်အစိုးရအဖွဲ့ ပြည်နယ်ဥပဒေချုပ်၊ ဦးမောင်မောင်က နားလည်မှုစာချွန်လွှာ MOU လက်မှတ်ရေးထိုးမည့် စာချုပ်များနှင့် ပတ်သက်၍ ရှင်းလင်းဆွေးနွေး ကြောင်း သိရသည်။

ဆက်လက်၍ ရှမ်းပြည်နယ်အစိုးရအဖွဲ့နှင့် စာချုပ်ချုပ်ဆိုမည့် Myanmar Hydropower Co. Ltd ၊ မဂ္ဂါမြန်မာစွမ်းအင်ကုမ္ပဏီလီမိတက်၊ ရွှေမင်းဝင် မန္တလေးအုပ်စုကုမ္ပဏီလီမိတက်၊ မင်းခေတ်သစ်ကုမ္ပဏီလီမိတက်တို့မှ တာဝန်ရှိသူများကမိမိတို့လုပ်ငန်းဆိုင်ရာကိစ္စရပ်များနှင့် ပတ်သက်၍ ရှင်းလင်းတင်ပြကြသည်။

917

ထို့နောက် နားလည်မှုစာချွန်လွှာ MOU စာချုပ်များ ချုပ်ဆိုရာ ရှမ်းပြည်နယ်အစိုးရအဖွဲ့ ပြည်နယ်လျှပ်စစ်နှင့် စက်မှုလက်မှု ဝန်ကြီး ဦးစိုင်းထွန်းရင်နှင့် Myanmar Hydropower Co. Ltd တို့အကြား ချုပ်ဆိုမည့် နောင်ချိုမြို့တွင် ဘန့်ဘွေးကျင်းချောင်း ရေအားလျှပ်စစ်ထုတ်ဖော်ခြင်း စီမံကိန်း၊ ရပ်စောက်မြို့တွင် နမ့်ကန်ချောင်း ရေအားလျှပ်စစ် ထုတ်ဖော်ခြင်း စီမံကိန်းနှင့်တပ်ကြီး ရေအားလျှပ်စစ်စက်ရုံ ပြန်လည်ပြုပြင်တည်ဆောက်ခြင်းစီမံကိန်း(၃)ခုအတွက် နားလည်မှုစာချွန် လွှာ MOU ချုပ်ဆိုလက်မှတ်ရေးထိုးခြင်း၊မဂ္ဂါမြန်မာစွမ်းအင် ကုမ္ပဏီလီမိတက်တို့အကြားချုပ်ဆို သော ရှမ်းပြည်နယ်(အရှေ့ပိုင်း) မိုင်းပျဉ်းမြို့ မိုင်းပျဉ်းကျိုင်းတုံကားလမ်းဘေး နမ့်ပိန်ချောင်းနှင့် နမ့်လိန်ချောင်းတို့တွင် ရေအားလျှပ်စစ်ထုတ်ဖော်ခြင်းဆိုင်ရာ စီမံကိန်းတည်ဆောက်ရေးအတွက် နားလည်မှု စာချွန်လွှာ MOU ချုပ်ဆိုလက်မှတ်ရေးထိုးခြင်း၊ ရှမ်းပြည်နယ်အစိုးရအဖွဲ့ ပြည်နယ် လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းနှင့် ရှမ်းပြည်နယ် ဒေသန္တရ ဖွံ့ဖြိုးတိုးတက်ရေး စီမံကိန်းကော်မတီဝင် ရွှေမင်းဝင် မန္တလေးအုပ်စု ကုမ္ပဏီတို့အကြားချုပ်ဆိုမည့် လားရှိုးမြို့နယ်၊ ထင်းရှူးမြိုင် အိမ်ယာစီမံကိန်း တည်ဆောက်ရန်အတွက် လုပ်ငန်းအပ်နှံခြင်း သဘောတူစာချုပ် ချုပ်ဆိုနိုင်ရေးကိစ္စ MOA  ချုပ်ဆိုလက်မှတ်ရေးထိုးခြင်း၊ ရှမ်းပြည်နယ်အစိုးရအဖွဲ့ ပြည်နယ် လျှပ်စစ်နှင့်စက်မှုလက်မှုဝန်ကြီး ဦးစိုင်းထွန်းရင်နှင့် မင်းခေတ်သစ် သတ္တုတူးဖော်ရေး ကုမ္ပဏီလီ မိတက်မှ တာချီလိတ်မြို့ ကျောက်မီးသွေးသုံး လျှပ်စစ်ဓါတ်အားပေးစက်ရုံစီမံကိန်း၊ ဓါတ်အား ထုတ်လုပ်ခြင်း လုပ်ငန်းတည်ဆောက်ခြင်း သဘောတူညီမှုစာချုပ် MOA စာချုပ်လက်မှတ်များ တို့ကို အသီးသီးလက်မှတ်ရေးထိုးကြပြီး၊ စာချုပ်များကို ပြန်လည်ပေးအပ်ကာ မင်းခေတ်သစ် ကုမ္ပဏီလီမိတက်မှ မန်နေးဂျင်းဒါရိုက်တာ ဦးမောင်မောင်(ခ) ဦးစိုင်းဝန်းပန်မှ ကုမ္ပဏီများ၏ ကိုယ်စား ကျေးဇူးတင်စကားပြောကြားခဲ့ကြောင်း သိရသည်။

အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့အတွင်းရေးမှူး၊ ပြည်နယ်အဆင့်ဌာနဆိုင်ရာများ၊ ကုမ္ပဏီ အသီးသီးမှ လုပ်ငန်းရှင်များ တက်ရောက်ကြကြောင်း သိရှိရသည်။

                                                                                                                                                                                     မောင်မောင်သန်း(တောင်ကြီး)

 

ပြန်ကြားရေးဝန်ကြီးဌာန၊ဒုတိယဝန်ကြီး၊မြန်မာ့အသံနှင့်ရုပ်မြင်သံကြားဦးစီးဌာန၊ဝန်ထမ်းများအား ထောက်ပံ့ငွေများပေးအပ်လှူဒါန်း

လားရှိုး      ဖေဖော်ဝါရီ ၂၂

921

ပြန်ကြားရေးဝန်ကြီးဌာန၊ မြန်မာ့အသံနှင့်ရုပ်မြင်သံကြားဦးစီးဌာန၊ လောက်ကိုင်ဒေသတွင်သွားရောက် တာဝန်ထမ်းဆောင်နေသော ဝန်ထမ်းများကို လားရှိုးမြို့၊ အထက(၁) မြစန္ဒာခန်းမတွင် ဖေဖော်ဝါရီ (၂၀)ရက်နေ့ ညနေပိုင်းက ထောက်ပံ့ငွေကျပ်(၁၁)သိန်းအား ပြန်ကြားရေးဝန်ကြီးဌာန၊ ဒုတိယဝန်ကြီး ဦးပိုက်ထွေးက ပေးအပ်လှူဒါန်းရာ လားရှိုးမြို့ မြန်မာ့အသံနှင့် ရုပ်မြင်သံကြားဦးစီးဌာန၊အင်ဂျင်နီယာမှူး ဦးမျိုးဝင်းအောင် ကလက်ခံရယူခဲ့ပါသည်။

ရှမ်းပြည်နယ်အစိုးရအဖွဲ့၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်လွှတ်တော်ကိုယ်စားလှယ် ဦးစိုင်းကြူတို့သည် ဖေဖော်ဝါရီလ (၂၂)ရက်နေ့နံနက် (၈)နာရီအချိန်က လားရှိုးမြို့ သီရိမဂင်္လာမန်ဆူရှမ်းကျောင်းတိုက်သို့ရောက်ရှိပြီး နေရပ်ပြန်ကြမည့် အလုပ်သမား မိသားစုဝင်များအားတွေ့ဆုံ၍ အားပေးစကားပြောကြားပြီး စေတနာရှင် အလှူရှင်များကလည်း၊ အစားအသောက်၊ ထမင်းထုတ်များ၊ အဝတ်အထည်များ၊ အလှူငွေများပေးအပ် လှူဒါန်းလျှက်ရှိနေကြောင်းသတင်းရရှိပါသည်။

ရှမ်းပြည်နယ်၊ ပြည်နယ်ဒုတိယအုပ်ချုပ်ရေးမှူး ဦးစိန်အုပ်၏ ဦးဆောင်မှုဖြင့် ပို့ဆောင်ရေးစီမံကိန်းဦးစီးဌာန၊ တွဲဖက်ပြည်နယ်ရုံး(လားရှိုး)မှ ခေတ္တပြည်နယ်ဦးစီးမှူး ဦးကြည်နိုင်က အနီးကပ်ကြီးကြပ်၍ လားရှိုးမြို့ ယာဉ်လိုင်းပေါင်းစုံထိန်းသိမ်းရေးကော်မတီနှင့်ယာဉ်ထိန်းရဲတပ်ဖွဲ့ဝင်များ၊ယာဉ်အသင်းများမှ တာဝန်ရှိသူများနှင့် ပူပေါင်းညှိနှိုင်းပြီးနေရပ်ပြန်ပြည်သူများအား လားရှိုမြို့မှ မန္တလေးမြို့သို့ မော်တော်ယာဉ်များ ဖြင့်စီစဉ် ပို့ဆောင် ပေးခဲ့ရာ ဖေဖော်ဝါရီ (၂၁)ရက်နေ့အထိ စုစုပေါင်းမော်တော်ယာဉ်စီးရေ ၁၈၂ စီးဖြင့်နေရပ်ပြန်ပြည်သူ (၈၀၁၄)ဦးအား အခမဲ့စီစဉ်ပို့ဆောင်ပေးပြီး ယနေ့နေရပ်အသီးသီးပြန်ကြမည့် အလုပ်သမားမိသားစုဝင်များ (၁၈၈)ဦးအား မော်တော်ယာဉ် (၄)စီးဖြင့် ပို့ဆောင်ပေးခဲ့ကြောင်းသိရှိရပါသည်။

သီရိမဂင်္လာမန်ဆူရှမ်းကျောင်းတိုက် ဆရာတော် ဘဒ္ဒန္တပုညနန္ဒ ကလည်း ဖေဖော်ဝါရီလ(၂၁)ရက်နေ့က နိုင်ငံတော်ဒုတိယသမ္မတနှင့်ဒုတိယဝန်ကြီးများ၊ရှမ်းပြည်နယ်အစိုးရအဖွဲ့၊ရှမ်းပြည်နယ်ဝန်ကြီးချုပ်တို့ ကျောင်းတိုက် သို့ လာရောက်ပြီး စစ်ဘေးရှောင်ပြည်သူများအား လူသားချင်းစာနာထောက်ထားပြီး မြတ်ဗုဒ္ဓ၏ မဂင်္လာ တရား တော် နှင့်အညီကူညီထောက်ပံ့ဆောင်ရွက်ပေးသည့်အတွက် ဆရာတော်အနေဖြင့် ဝမ်းသာကြည်နူး မိကြောင်း မိန်ကြားခဲ့ပြီး အလှူရှင်များလှူဒါန်းသော ငွေ၊ပစ္စည်းများအား တစ်ဦးချင်းသို့ ဆရာတော်ကိုယ်တိုင် မှလည်းပေးအပ်ခဲ့ပါသည်။

ချောက်မြို့မှ လောက်ကိုင်မြို့သို့ လာရောက်ကာ လောက်ကိုင်မြို့ကြီး သာယာသန့်ရှင်းစေရန် အတွက်မြို့အလှကိုဆောင်ရွက်နေသူမြို့ ဂုဏ်ဆောင်သန့်ရှင်းရေးဝန်ထမ်းတစ်ဦးကလည်း "ကျွန်တော်နဲ့ မိသားစုကတော့ လားရှိုးကိုရောက်နေတာ (၅)ရက်လောက်ရှိနေပါပြီ တိုက်ပွဲစဖြစ်ဖြစ်ချင်း တုန်းကတော့ မပြန်ဖြစ်ပါဘူး၊ မြို့တွင်းမှာဖြစ်လာတဲ့အချိန်ကြမှ အလုပ်က ကားနဲ့ လားရှိုးကိုလာခဲ့ကြတာပါ၊ တိုက်ပွဲတွေလဲ အမြန်ပြီးလို့ မြန်မြန်အေးချမ်းသွားရင် ကျွန်တော်တို့ကလောက်ကိုင်ကိုပြန်သွားချင်ပါတယ်။ "ဆိုတဲ့အကြောင်း ကိုလည်းသိရပါသည်။

ရုပ်ရှင်နှင့်ဗီဒီယိုသရုပ်ဆောင် လားရှိုးသူလေး သီရိရှင်းသန့်ကလည်း ဖေဖော်ဝါရီ (၂၂)ရက်နေ့ မနက်ပိုင်းကာသီရိမဂင်္လာ မန်ဆူရှမ်းကျောင်းတိုက် မှာလာရောက်ခဲ့ပြီး စစ်ဘေးရှောင်ပြည်သူများကို လာရောက်ပြီးအားပေးစကားပြေားကြားကာ လိုက်လံနှုတ်ဆက်ခဲ့ပါတယ်။ သီရိရှင်းသန့်ကလည်း" ဒီအကြောင်းကို face book ကနေစတင်သိရှိခဲ့တာပါ၊ ညီမတတ်နိုင်တာလေးနဲ့လာရောက်ပြီးအားပေးစကားပြောကြားတာပါ၊ မိမိရဲ့လုပ်အားခလေးကူညီချင်လို့ပါ၊ ညီမကလားရှိုးသူပါပဲ၊ ညီမကလည်းငြိမ်းချမ်းရေးကိုပိုပြီးလိုလားပါတယ်၊ ဒီလိုမျိုးဖြစ်တယ်ဆိုရင်ကိုယ့်ရဲ့ အိုးအိမ်ကိုစွန့်ခွာရတယ်၊ အများကြီးဒုက္ခရောက်ကြရတယ်၊ ကျန်းမာရေးကအစ ငွေရေး ကြေးရေးတွေ       ခက်ခဲတယ်၊ တစ်ချို့ဆိုရင်(၄) (၅)ရက်လောက်လမ်းလျှောက်   လာကြရတယ်ကြားရတဲ့ အတွက်အရမ်းစိတ်မကောင်းပါဘူး၊ တိုက်ပွဲမှာကျဆုံးခဲ့တဲ့တပ်မတော်သား တွေလဲအများကြီးတွေ့ရတယ်၊ဒီလားရှိုး တပ်ရင်းတွေကကျဆုံးအရာရှိနှင့်တပ်မတော်သားများအားလုံးအတွက်လည်း ရင်ထဲမှာဆို့နင့် အောင်ခံစားရပါတယ်၊ သူတို့အတွက်ကိုလည်း အရမ်းကိုဂုဏ်ယူမိပါတယ် " ဆိုတဲ့အကြောင်းကိုလည်း သိရှိခဲ့ရ ပါသည်။

 

                                                                                                                       ဟန်ဌေး(iprd)

                                                                                                                                               ခရိုင်ပြန်/ဆက်

                                                                                                                                                     လားရှိုး

 

More Articles...

  1. ကလောမြို့နယ်၊ ဟဲဟိုးတိုက်နယ်ဆေးရုံးသို့ အခမဲ့ကျန်းမာရေးကွင်းဆင်းစောင့်ရှောက်
  2. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဗုဒ္ဓတက္ကသိုလ် အဆောက်အဦ တည်ဆောင်မည့် မြေနေရာအား သွားရောက်ကြည့်ရှုစစ်ဆေး
  3. ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ ရှမ်းပြည်နယ်ပြန်လည်ထူထောင်ရေးကောင်စီ (RCSS) ဥက္ကဌ ဦးရွက်ဆစ်နှင့်အဖွဲ့အား ဂုဏ်ပြုညစာစားပွဲ တည်ခင်းဧည့်ခံ
  4. ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲ၊ ရွှေဥမင်သဘာဝလိုဏ်ဂူဘုရား (၂၄)ယောက်စီး ဓါတ်လှေကားသစ်ဖွင့်ပွဲ ကျင်းပ
  5. ဗိုလ်ချုပ်အောင်ဆန်း၏ နှစ်(၁၀၀)ပြည့်နှင့် မြန်မာနိုင်ငံကလေးများနေ့ ကျင်းပ
  6. (၆၈)နှစ်မြောက် ပြည်ထောင်စုနေ့အထိမ်းအမှတ် ဂုဏ်ပြုညစာစားပွဲနှင့် ဧည့်ခံဖျော်ဖြေပွဲ ကျင်းပ
  7. ၂၀၁၅ ခုနှစ်၊ (၆၈)နှစ်မြောက် ပြည်ထောင်စုနေ့ အခမ်းအနား ပင်လုံပြည်ထောင်စုကျောက်တိုင်၌ စည်ကားသိုက်မြိုက်စွာ ကျင်းပ
  8. (၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် တိုင်းရင်းသား ယဉ်ကျေးမှုအဖွဲ့များ လေ့လာရေးခရီး
  9. (၆၈)နှစ်မြောက် ရှမ်းပြည်နယ်နေ့နှင့်ပြည်ထောင်စုနေ့ အခမ်းအနားသို့ တက်ရောက်ရန် တိုင်းရင်းသား ယဉ်ကျေးမှုအဖွဲ့များ လေ့လာရေးခရီး
  10. အာမခံလုပ်ငန်း အသိပညာပြန့်ပွားရေး ဟောပြော

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

yin-nackရှမ်းပြည်နယ်(တောင်ပိုင်း) နမ့်စန်၊ မိုးနဲနှင့် ကျေးသီးမြို့နယ်များတွင် အများဆုံး နေထိုင်ကြသည်။

We have 59 guests and no members online

Latest Updates