သတင်းများ

လွိုင်ခမ်း အိမ်ရာစီမံကိန်းလုပ်ငန်း အကောင်အထည်ဖော် ဆောင်ရွက်မည့် စီမံကိန်း ရှင်းလင်း

တောင်ကြီး   ဇန်နဝါရီ   ၁၀

852

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့အတွင်းရေးမှူးတို့နှင့်အတူ ဇန်နဝါရီ(၁၀)ရက် နံနက်(၁၀)နာရီခွဲက တောင်ကြီး မြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ လွိုင်ခမ်းအိမ်ရာစီမံကိန်း လုပ်ငန်း အကောင် အထည်ဖော်ဆောင်ရွက်မည့် စီမံကိန်းတာဝန်ရှိသူများနှင့် တွေ့ဆုံရှင်းလင်းကြောင်း သိရ သည်။

   ပထမဦးစွာ လွိုင်ခမ်း အိမ်ရာစီမံကိန်းလုပ်ငန်း အကောင်အထည်ဖော်ဆောင်ရွက်မည့် ဒါရိုက်တာ ဦးရဲမင်းအေးက အိမ်ရာစီမံကိန်းလုပ်ငန်းများကို ကဏ္ဍအလိုက် ပါဝါပွိုင့်ဖြင့် ရှင်းလင်း တင်ပြသည်။

   ဆက်လက်၍ တက်ရောက်လာသည့် ရှမ်းပြည်နယ်အစိုးရအဖွဲ့ ပြည်နယ် ဝန်ကြီးများမှ မိမိတို့သိရှိလိုသည့်ကဏ္ဍအလိုက် ဆွေးနွေးကြပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာစကားပြောကြားရာ ရှမ်းပြည်နယ်တွင် ဒေသဖွံ့ဖြိုးရေးအတွက် မြို့ပြစီမံကိန်းနှင့်အညီ ဆောင်ရွက်ရခြင်းဖြစ်ကြောင်း၊ လွိုင်ခမ်း အိမ်ရာစီမံကိန်းများကို မိမိဖြစ်ချင် သည့်အတိုင်း တင်ပြ၍ ရှင်းလင်းပေးသည့်အတွက် အစိုးရအဖွဲ့မှ အိမ်ရာပုံစံများကို မြင်တွေ့ရပြီး ဖြစ်ကြောင်း၊ ရေရရှိရေး၊ လျှပ်စစ်မီးရရှိရေးနှင့် လမ်းအသုံးပြုမှု ကိစ္စရပ်များကို သက်ဆိုင်ရာ ဌာနများနှင့် ကုမ္ပဏီများ ပူးပေါင်းလုပ်ကိုင်ရန်၊ အစိုးရအဖွဲ့နှင့် စနစ်တကျ ပူးပေါင်း ဆောင်ရွက် သည့်အတွက် MOU/ MOA  လက်မှတ်ရေးထိုးနိုင်အောင် အစိုးရအဖွဲ့မှ ကူညီဆောင်ရွက် ပေးသွားမည်ဖြစ်ကြောင်း သိရသည်။

   အဆိုပါတွေ့ဆုံရှင်းလင်းပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ လွိုင်ခမ်းအိမ်ရာ စီမံကိန်းလုပ်ငန်း အကောင် အထည် ဖော်ဆောင်ရွက်မည့် ဒါရိုက်တာနှင့် တာဝန်ရှိသူများ တက်ရောက်ကြကြောင်း သိရှိရသည်။

                                                                                                                                                                        မောင်မောင်သန်း(တောင်ကြီး)

 

အနည်းဆုံးအခကြေးငွေစာရင်းကောက်ယူရေးသင်တန်းဖွင့်

တောင်ကြီး ဇန်နဝါရီ - ၉

847

   အလုပ်သမား၊ အလုပ်အကိုင်နှင့် လူမှုဖူလုံးရေးဝန်ကြီးဌာန၊ အလုပ်သမားညွှန်ကြားရေးဦးစီးဌာနမှ အနည်းဆုံး အခကြေးငွေ သတ်မှတ်နိုင်ရေးအတွက် အိမ်ထောင်စုများ၏ နေထိုင်စားသုံးစရိတ်များ အခြေအနေ စစ်တမ်းကောက်ယူရေး သင်တန်းကို ဇန်နဝါရီ(၉)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပကြောင်းသိရသည်။ 

   အနည်းဆုံးအခကြေးငွေ သတ်မှတ်ရေးဆိုင်ရာ၊ ရှမ်းပြည်နယ်အမျိုးသားကော်မတီ ဥက္ကဌ၊ ဗမာတိုင်းရင်းသားရေးရာ ဝန်ကြီးဦးနိုင်ဝင်းက အဖွင့်အမှာစကားပြောကြားသည်။ ဆက်လက်၍ အနည်းဆုံးအခကြေးငွေစာရင်းကောက်ယူရေး သင်တန်ပို့ချမည့် အဖွဲ့ခေါင်းဆောင် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီအတွင်းရေးမှူး၊ အလုပ်သမားညွှန်ကြားရေးဦးစီးဌာန၊ ညွှန်ကြားရေးမှူးချုပ် ဦးမျိုးအောင်မှ အနည်းဆုံးအခကြေးငွေအကောင်အထည်ဖော်မှု လုပ်ငန်းစဉ်များအား ပါဝါပွိုင့်ဖြင့် ရှင်းလင်းတင်ပြကြောင်းသိရသည်။

   ထို့နောက် အိမ်ထောင်စုများ၏ နေထိုင်စားသောက်မှုစရိတ် စစ်တမ်းကောက်ယူရေးမေးခွန်းလွှာများ နှင့် ပတ်သက်၍ ဦးထွန်းထွန်းဦး(သင်တန်းနည်းပြ)မှ ရှင်းလင်းပြီး၊ တက်ရောက်လာသည့် သင်တန်းသား၊ သင်တန်းသူများမှ သိရှိလိုသည် များကို မေးမြန်ကြကြောင်းသိရသည်။

   ၎င်းနောက် စာရင်းကောက်မေးခွန်းလွှာများနှင့် ပတ်သက်၍ လက်တွေ့လုပ်ဆောင်ကြပြီး၊ အနည်းဆုံးအခကြေးငွေ စာရင်းကောက်ယူရေး သင်တန်ပို့ချမည့် အဖွဲ့ခေါင်းဆောင် အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီ အတွင်းရေးမှူး၊ အလုပ်သမားညွှန်ကြားရေး ဦးစီးဌာန၊ ညွှန်ကြားရေးမှူးချုပ် ဦးမျိုးအောင်မှ နိဂုံးချုပ်စကားပြောကြား ကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်/ ကယားပြည်နယ်ရှိမြို့နယ်များမှ သင်တန်းသား၊ သင်တန်းသူ (၉၂)ဦး တက်ရောက်၍ သင်တန်းကို ဇန်နဝါရီ(၉)ရက်မှ (၁၀)ရက်အထိ နံနက်(၉)နာရီမှ ညနေ(၅)နာရီ အထိ သင်ကြားပို့ချသွားမည် ဖြစ်ကြောင်းသိရှိရသည်။

                                                                                   မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ်၊ Taunggyi Shopping Center တည်ဆောက်ရေး လုပ်ငန်းခွင်သို့ ကွင်းဆင်းကြည့်ရှု စစ်ဆေး

တောင်ကြီး   ဇန်နဝါရီ    ၂

842

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် စည်ပင်သာယာရေးဝန်ကြီး ဦးစိုင်းလှဝင်း၊ ပြည်နယ် စည်ပင်သာယာရေး ကော်မတီ ဝင်များ၊ ပြည်နယ်အဆင့်ဌာနဆိုင်ရာများ၊ မြို့နယ်စည်ပင်သာယာရေး ကော်မတီ နှင့် ဌာနဆိုင်ရာများတို့နှင့်အတူ ဇန်နဝါရီ(၂)ရက်နေ့ မွန်းလွဲ(၂)နာရီက တောင်ကြီးမြို့၊ Taunggyi Shopping Center တည်ဆောက်ရေး လုပ်ငန်းခွင်သို့ ကွင်းဆင်းကြည့်ရှု စစ်ဆေးကြကြောင်း သိရသည်။

   ပထမဦးစွာ Taunggyi Shopping Center တည်ဆောက်ရေး လုပ်ငန်းခွင် ရှင်းလင်းဆောင်ခန်းမ၌ ရှမ်းပြည်နယ် စည်ပင်သာယာရေးကော်မတီ အတွင်းရေးမှူး၊ ညွှန်ကြားရေးမှူး ဦးစိုင်းထွန်းထွန်းမှ ရှင်းလင်းတင်ပြပြီး၊ သီဟ ဖွံ့ဖြိုးတိုးတက်ရေး ကုမ္ပဏီလီမိတက် ဦးဇော်လင်းအောင်မှ တည်ဆောက်ရေး စီမံကိန်းလုပ်ငန်းများနှင့် ပတ်သက်၍ ရှင်းလင်းတင်ပြကြကြောင်း သိရသည်။

   ဆက်လက်၍ အတိုင်ပင်ခံ အင်ဂျင်နီယာ Consultant  ဆရာကြီး ဦးအောင်မှ ဆွေးနွေးတင်ပြပြီး၊ တက်ရောက်လာသူများမှ အထွေထွေဆွေးနွေး တင်ပြကြ၍ ရှမ်းပြည်နယ် အစိုးရအဖွဲ့ ပြည်နယ်စည်ပင်သာယာရေးဝန်ကြီး ဦးစိုင်းလှဝင်းက လုပ်ငန်းနှင့်ပတ်သက်သည့်ကိစ္စများကို လမ်းညွှန်မှာကြားကြောင်း သိရသည်။

   ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က Taunggyi Shopping Center တည်ဆောက်ရေး စီမံကိန်းလုပ်ငန်း ဆောင်ရွက်ချက် များအပေါ် လိုအပ်သည်များကို ဖြည့်စွက်လမ်းညွှန် အမှာစကားပြောကြားပြီး၊ ပြည်နယ် ဝန်ကြီးချုပ်နှင့် တာဝန်ရှိသူများသည် စီမံကိန်းလုပ်ငန်းအတွင်းသို့ လှည့်လည်ကြည့်ရှု စစ်ဆေးကြကြောင်း သိရှိရသည်။

                                                                                                                                                                        မောင်မောင်သန်း(တောင်ကြီး)

 

ပြည်သူ့လွှတ်တော်ကိုယ်စားလှယ်၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ နှင့် ဌာနဆိုင်ရာများ၊ ရပ်ကွက်/ ကျေးရွာရပ်မိရပ်ဖများ နှင့် တွေ့ဆုံပွဲ ပြုလုပ်

ဟိုပုံး   ဇန်နဝါရီ   ၇

846

   ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ် ပြည်သူ့ လွှတ်တော်ကိုယ်စားလှယ်၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌနှင့် ဌာနဆိုင်ရာများ၊ ရပ်ကွက်/ ကျေးရွာရပ်မိရပ်ဖများနှင့် တွေ့ဆုံပွဲ အခမ်းအနားကို ဇန်နဝါရီ(၇)ရက် မွန်းလွဲ(၁)နာရီက ဟိုပုံးမြို့နယ် ခန်းမ၌ ပြုလုပ်ကြောင်း သိရသည်။

   အခမ်းအနားတွင် ဟိုပုံးမြို့နယ် ပြည်သူ့လွှတ်တော်ကိုယ်စားလှယ် ဦးခွန်သိန်းဖေက အဖွင့် အမှာစကားပြောကြားပြီး၊ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်က အစိုးရသစ်လက်ထက်(၄)နှစ်တာ ကာလအတွင်း တာဝန်ထမ်းဆောင်ရာတွင် ပွင့်လင်းလာမည့် လူ့အဖွဲ့အစည်း တည်ဆောက်ရာတွင် ပြည်သူအတွက် ခိုင်မြဲရန်လိုအပ်ပါကြောင်း၊ မိမိဘက်မှ ဉာဏ်စွမ်းရှိသ၍ မိဘပြည်သူအတွက် ဆောင်ရွက်ရမှာဖြစ်ပါကြောင်း၊ အုပ်ချုပ်ရေးအရ ပြောင်းလဲ လာသော ဒီမိုကရေစီကာလတွင် တတ်စွမ်းသမျှ ဒေသ လိုအပ်ချက်ကို ဒေသဦးစီး ကော်မတီ၊ မြို့နယ်အထောက်အကူပြုကော်မတီနှင့် မြို့မိ/ မြို့ဖတို့ ပူးပေါင်း၍ ဆောင်ရွက်နေပါကြောင်း၊ ဒေသ အလိုက် လိုအပ်ချက်ကို ဒေသဦးစီးအဖွဲ့မှ အစည်းအဝေးဖြင့် ဆောင်ရွက်နေပါကြောင်း၊ (၄)နှစ်တာ ကာလအတွင်း ရှမ်းပြည်နယ်လွှတ်တော်အစည်းအဝေး (၁၁)ကြိမ်၊ အရေးပေါ်(၁)ကြိမ်၊ အထူး အစည်းအဝေး(၁)ကြိမ်၊ စုစုပေါင်း(၁၃)ကြိမ်ဆောင်ရွက်ခဲ့ပါကြောင်း၊ နိုင်ငံရေးပိတ်ဆို့မှု အရေးကြုံ နေရသော်လည်း၊ စီးပွားရေးဆိုင်ရာ ကဏ္ဍမှာ ပြုပြင်ပြောင်းလဲမှုများ၊ အလုပ်အကိုင်အခွင့်အလမ်း လုပ်ငန်းရင်းနှီးမြှုပ်နှံမှုအပေါ် သတင်းအချက်အလက်များ လျှင်မြန်စွာ စီးဆင်းလာ၍ ဖွံ့ဖြိုး တိုးတက်မှု မြန်ဆန်နေပါကြောင်း၊ မိမိတို့ ဒေသဖွံ့ဖြိုးတိုးတက်ရေးအတွက် ဒေသခံပြည်သူ လူထုများကလည်း ဝိုင်းဝန်းပူးပေါင်းပါဝင်ကြစေလိုကြောင်း ပြောကြားသွားသည်။

   ဆက်လက်၍ မြို့နယ်အုပ်ချုပ်ရေးမှူး ဦးမောင်မောင်က မြို့နယ်အတွင်းဒေသဖွံ့ဖြိုးရေး လုပ်ငန်းဆောင်ရွက်ချက်များကို အသေးစိတ် ပါဝါပွိုင့်ဖြင့် ရှင်းလင်းတင်ပြ၍လည်းကောင်း၊ လူဝင်မှုကြီးကြပ်ရေးနှင့် အမျိုးသားမှတ်ပုံတင် ဦးစီးဌာန မြို့နယ်ဦးစီးဌာနမှူး ဦးစီးအရာရှိ ဦးစိုင်းသန်းလှိုင်က မိုးပွင့်အဆင့်(၁)မှ(၇)အထိ လုပ်ငန်းဆောင်ရွက်ချက်များကိုလည်းကောင်း၊ စည်ပင်သာယာရေးဌာန အမှုဆောင်အရာရှိ ဦးစိုင်းအောင်လင်းက လမ်းဖောက်လုပ်မှုအခြေအနေ၊ ကတ္တရာခင်းခြင်း လုပ်ငန်း၊ ရေရရှိရေးလုပ်ငန်းများကိုလည်းကောင်း၊ ကျေးလက်ဒေသ ဖွံ့ဖြိုး တိုးတက်ရေး ဦးစီးဌာန ဦးစီးအရာရှိ ဦးစိုးလွင်မြင့်က ကျေးလက် လမ်း/တံတား ဆောင်ရွက်နိုင်မှု အခြေအနေကိုလည်းကောင်း၊ လျှပ်စစ်ဓါတ်အား ဖြန့်ဖြူးရေးလုပ်ငန်းမှ မြို့နယ်လျှပ်စစ် အင်ဂျင်နီယာ ဦးခင်အောင်ဇော်က လျှပ်စစ်မီးရရှိရေးအတွက် ဆောင်ရွက်နိုင်မှု အခြေအနေကို လည်းကောင်း၊ မြို့နယ်ကျန်းမာရေး ဦးစီးဌာနမှ ဒေါက်တာမောင်မောင်သိန်းက ကျန်းမာရေး ဝန်ထမ်းအိမ်ရာ တည်ဆောက်မှုကဏ္ဍကိုလည်းကောင်း၊ မြို့နယ်ပညာရေးမှူး ဒေါ်နန်းအေးစိန်က ပညာရေးဝန်ထမ်း ဆရာ/ဆရာမ ခန့်အပ်မှုနှင့် ကျောင်းတည်ဆောက်ရရှိမှု အခြေအနေကို လည်းကောင်း၊ မြို့နယ်ပြည်သူ့ဆောက်လုပ်ရေး လုပ်ငန်းအင်ဂျင်နီယာ ဦးအေးကျော်က လမ်းတံတားဆောက်လုပ်မှုအခြေအနေများကို ပါဝါပွိုင့်ဖြင့် အသီးသီးရှင်းလင်းတင်ပြကြသည်။

   ထို့နောက် တွေ့ဆုံပွဲအခမ်းအနားသို့ တက်ရောက်လာကြသည့် ဒေသခံရပ်မိ/ရပ်ဖများက လျှပ်စစ် ထရန်စဖော်မာကိစ္စ၊ မူလတန်းကျောင်း ဆောက်လုပ်ပေးရေးကိစ္စနှင့်ပတ်သက်၍ ဆွေးနွေး တင်ပြရာ တာဝန်ရှိသူများက တင်ပြချက်အပေါ် ပြန်လည်ဖြည့်ဆည်းပြောကြားပြီး၊ ဒေသ ဦးစီးအဖွဲ့ ဥက္ကဌ ဦးခွန်စံလွင်မှ နိဂုံးချုပ်စကားပြောကြားကာ အခမ်းအနားကို အောင်မြင်စွာ ရုပ်သိမ်းလိုက် ကြောင်း သိရသည်။

   တွေ့ဆုံပွဲသို့ ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဝင်များ၊ မြို့နယ်အဆင့် ဌာန ဆိုင်ရာများ၊ မြို့နယ်အထောက်အကူပြုကော်မတီများ၊ ရပ်ကွက်/ကျေးရွာရှိ အုပ်ချုပ်ရေးမှူးနှင့် ရပ်မိ/ရပ်ဖများ၊ စုစုပေါင်းအင်အား(၇၆၅)ဦး တက်ရောက်ကြကြောင်း သိရှိရသည်။

                                                                                                                                                                            နန်းဦးခမ်း(ဟိုပုံး)

 

တောင်ကြီးခရိုင်၊ ညောင်ရွှေမြို့တွင် ပြည်သူများဆန္ဒထုတ်ဖော်

တောင်ကြီး   ဇန်နဝါရီ  -  ၁

837

ရှမ်းပြည်နယ်(တောင်ပိုင်း) တောင်ကြီးခရိုင်၊ ညောင်ရွှေမြို့တွင် ဇန်နဝါရီလ(၁)ရက် နံနက်(၈)နာရီက ပြည်သူလူထုခေါင်းဆောင် ဦးလှထွန်း ဦးဆောင်၍ အင်းတိုင်းရင်းသားအင်းအား (၃၇၂၆)ဦးတို့မှ အောက်ဖော်ပြပါအချက်(၅)ချက်အား ငြိမ်းချမ်းရေးဖော်ဆောင်မှုလုပ်ငန်းစဉ် အောင်မြင်သည်အထိ နိုင်ငံတော်အစိုးရမှဆောင်ရွက်ပေးရန်၊ နိုင်ငံတော်ဖွံ့ဖြိုးတိုးတက်ရေးနှင့် ပြည်သူလူထု လူမှုစီးပွားရေးဘဝတိုးတက်ရေးအတွက် နိုင်ငံတော်အစိုးရမှ ဆောင်ရွက်ပေးရန်၊ ရှမ်းပြည်နယ်အတွင်းရှိ တိုင်းရင်းသားများ၏အရေး (၆)ပွင့်ဆိုင်တွေ့ဆုံမှုနှင့် မဖြစ်နိုင်သည်ကို နိုင်ငံတော်အစိုးရမှ အလေးအနက် ထည့်သွင်းစဉ်စားရန်၊ ဖွဲ့စည်းပုံအခြေခံဥပဒေပြင်ဆင်ရေးနှင့် နိုင်ငံရေးဖြစ်စဉ်များတွင် တိုင်းရင်းသားများအားလုံး ပါဝင်ခွင့်ရရှိနိုင်ဖို့ နိုင်ငံတော်အစိုးရမှ ဆောင်ရွက်ပေးရန်၊ ခြောက်ပွင့်ဆိုင်အလိုမရှိ တိုင်းရင်းသားကိုယ်စားလှယ်များ ပါဝင်ခွင့်ရရှိရှိရေး ဟူ၍ ကြွေးကြော်ပြီး ငြိမ်းချမ်းစွာ စီးတန်းလှည့်လည်၍ ဆန္ဒထုတ်ဖော်ကြကြောင်း သိရှိရသည်။

                                                                                              မောင်မောင်သန်း(တောင်ကြီး)

 

အစုလိုက် ဝက်သက်နှင့် ဂျိုက်သိုးရောဂါ ကာကွယ်ဆေး ထိုးနှံခြင်းလုပ်ငန်း အသိပေးရှင်းလင်းပွဲကျင်းပ

တောင်ကြီး ဇန်နဝါရီ - ၆

845

   ပြည်နယ်အဆင့်အစုလိုက် ဝက်သက်နှင့် ဂျိုက်သိုးရောဂါ ကာကွယ်ဆေး ထိုးနှံခြင်းလုပ်ငန်း အသိပေးရှင်းလင်းပွဲကို ဇန်နဝါရီ(၆)ရက် နံနက်(၉)နာရီက တောင်ကြီးမြို့ မြန်မာနိုင်ငံဆရာဝန်အသင်း အစည်းဝေးခန်းမ၌ ကျင်းပကြောင်းသိရသည်။

   အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အမှာစကား ပြောကြားရာတွင် ကလေးငယ်များတွင် ရောဂါကူးစက်ဖြစ်ပွားမှုများပြားပြီး၊ ကာကွယ်ဆေးနှင့် ကာကွယ်၍ ရသော ရောဂါများဖြစ်ပွားမှုမရှိစေရေးအတွက် ကြိုးပမ်းဆောင်ရွက်လျှက်ရှိရာတွင် ရောဂါများကို ကာကွယ် နိုင်ရန်အတွက် ကျန်းမာရေးဦးစီးဌာန၊ တိုးချဲ့ကာကွယ်ဆေးထိုးလုပ်ငန်းမှ နှစ်စဉ်မွေးဖွားလျှက်ရှိသော အသက်(၁)နှစ်အောက် ကလေးငယ်များကို ပုံမှန်ကာကွယ်ဆေးထိုး ကာကွယ်ဆေး(၈)မျိုး ထိုးနှံပေးပြီး တီဘီဦးနှောက်အမြှေးရောင်ရောဂါ၊ ပိုလီယိုအကြောသေရောဂါ၊ ဆုံဆို့ကြက်ညှာ ချောင်းဆိုးရောဂါ၊ မေးခိုင်ရောဂါ၊ အသည်းရောင်အသားဝါ(ဘီ)ရောဂါ၊ ဝက်သက်ရောဂါနှင့် ပြင်းထန်ဦးနှောက်အမြှေးရောင်၊ အဆုတ်ရောင်ရောဂါများ ဖြစ်ပွားမှုမှ ကလေးငယ်များကို ကာကွယ်ပေးလျှက်ရှိကြောင်း၊ ကမ္ဘာ့ကျန်းမာ ရေးအဖွဲ့ကြီး၏ အကြံပြုချက်အရ ရောဂါကာကွယ်ဆေး(၃)မျိုးဖြစ်သည့် ဂျိုက်သိုးရောဂါ၊ ဝမ်းပျက် ဝမ်းလျှောရောဂါနှင့် အဆုတ်ရောင်ရောဂါကာကွယ်ဆေးများ ထပ်မံထိုးနှံနိုင်ရန် စီစဉ်ဆောင်ရွက်လျက်ရှိ ကြောင်း၊ အစုလိုက်ဝက်သက်ရောဂါနှင့် ဂျိုက်သိုးရောဂါကာကွယ်ဆေးထိုးလုပ်ငန်း လွှမ်းခြုံမှုမြင့်မားစွာ ဆောင်ရွက်နိုင်ခြင်းဖြင့် ကလေးငယ်များနှင့် လူငယ်များတွင် ရောဂါကာကွယ်မှုစွမ်းအားများ တိုးတက် မြင့်မား လာမှာဖြစ်ပြီး မြန်မာနိုင်ငံသည် ဝက်သက်ရောဂါကင်းစင်ပြီး၊ ဂျိုက်သိုးရောဂါနှင့် မွေးရာပါ ဂျိုက်သိုးရောဂါ ထိန်းချုပ်နိုင်သော နိုင်ငံအဖြစ် ကမ္ဘာသို့ ကြေညာနိုင်မည်ဖြစ်သည့်အတွက် တာဝန်ရှိသူ အသီးသီးမှ အမျိုးသားရေးအသွင်အဖြစ် အင်တိုက်အားတိုက် ပူးပေါင်းပါဝင်ဆောင်ရွက်ကြရန် တိုက်တွန်း ပြောကြားသွားကြောင်းသိရသည်။

   ဆက်လက်၍ ရှမ်းပြည်နယ်ကျန်းမာရေးဦးစီးဌာနမှု ဒေါက်တာသန်းထွဋ်ဦးမှ အစုလိုက်ဝက်သက် နှင့် ဂျိုက်သိုးရောဂါကာကွယ်ဆေးထိုးလုပ်ငန်းနှင့် ပတ်သက်၍ ပါဝါပွိုင့်ဖြင့် ရှင်းလင်းတင်ပြပြီး၊ ပြည်နယ် ဝန်ကြီးချုပ်နှင့် တက်ရောက်လာကြသည့် ပြည်နယ်ဝန်ကြီးများထံမှ ဦးဆောင်လမ်းညွှန်မှုခံယူ၍ တက်ရောက်လာသည့် ပြည်နယ်အဆင့် ဌာနဆိုင်များမှ ဆွေးနွေးတင်ပြကြကြောင်းသိရသည်။

   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ၊ မြို့နယ်ပညာရေး မှူးများ၊ ကျန်းမာရေးဦးစီးဌာနမှ တာဝန်ရှိသူများ၊ လူမှုရေးအသင်းအဖွဲ့များ တက်ရောက်ကြကြောင်း သိရှိရသည်။

                                                                       မောင်မောင်သန်း(တောင်ကြီး)

 

တောင်ကြီးမြို့၌ စာကြည့်တိုက်ဝန်ဆောင်မှုလုပ်ငန်းများ မြှင့်တင်ရေးအလုပ်ရုံဆွေးနွေးပွဲကျင်းပ

တောင်ကြီး ဒီဇင်ဘာ - ၂၉

836

၂၁ရာစု တတ်သိပညာခေတ် (Knowledge age)တွင် သတင်းအချက်အလက်များ လျင်မြန်လာမှု နှင့် နည်းပညာတိုးတက် ပြောင်းလဲလာမှုများကြောင့် လူထုဆက်သွယ်ရေး နည်းလမ်းများသည် ထိရောက်မှုရှိလာခဲ့ပြီး စာကြည့်တိုက်များ၏ အခန်းကဏ္ဍသည် အရေးပါလာ၍ ပြည်သူ့စာကြည့်တိုက်များ တွင် စာကြည့်တိုက်နှင့် သတင်းအချက် အလက်ဆိုင်ရာဝန်ဆောင်မှုများကို ပေးနိုင်ခြင်းသည် ပြည်သူများအတွက် အသိပညာ၊ အတတ်ပညာ ကိုယ်ရည်ကိုယ်သွေး တက်စေရန် နိုင်ငံတကာနှင့် ရင်ဘောင် တန်းနိုင်စေရန်နှင့် ဘဝသင်ခန်းစာများရရှိစေရန် ပံ့ပိုးကူညီနိုင်ခြင်း နိုင်ငံတစ်နိုင်ငံတွင် စာကြည့်တိုက် လုပ်ငန်းသည် အဓိကကျသော အခန်းကဏ္ဍတစ်ခုတွင် ပါဝင်နေခြင်းတို့ကြောင့် ဒီဇင်ဘာ(၂၉)ရက် နံနက်(၉)နာရီက တောင်ကြီးမြို့ မြို့တော်ခန်းမ၌ ပြန်ကြားရေးဝန်ကြီးဌာန၊ မြန်မာနိုင်ငံစာကြည့်တိုက်များ ဖောင်ဒေးရှင်းနှင့် မြန်မာနိုင်ငံစာကြည့်တိုက်များအသင်းတို့ ပူးပေါင်း၍ စာကြည့်တိုက် ဝန်ဆောင်မှု လုပ်ငန်းများမြှင့်တင်ရေး အလုပ်ရုံးဆွေးနွေးပွဲ ကျင်းပကြောင်းသိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်က အမှာစကားပြောကြားရာတွင် စာကြည့်တိုက်ဝန်ဆောင်မှုလုပ်ငန်းများ မြှင့်တင်ရေး အလုပ်ရုံဆွေးနွေးပွဲတွင် ဆွေးနွေးကြမည့်ခေါင်းစဉ်များအပေါ် မိမိတို့၏ အတွေ့အကြုံများ ပေါင်းစပ်ပြီး ကောင်းမွန်ပြည့်စုံသည့် နည်းလမ်းကောင်းများ ရှာဖွေပေးကြရန်နှင့် ဆွေးနွေးပွဲတွင် ဆွေးနွေးရုံ၊ ပြောကြားရုံနှင့် ရပ်မနေဘဲ ဖော်ထုတ်ချက်သင်ခန်းစာများကို လူ့အဖွဲ့အစည်းကြီး၏ ပညာလူ့အဖွဲ့အစည်း ကြီးအဖြင့် (Knowledge Society) ဖြင့်အောင်၊ မြင်အောင် ဝိုင်းဝန်းကူညီပံ့ပိုးပေးကြရန် တိုက်တွန်း ပြောကြား သွားကြောင်း သိရသည်။

ဆက်လက်၍ မြန်မာနိုင်ငံစာကြည့်တိုက်များဖောင်ဒေးရှင်း ဗဟိုအလုပ်အမှုဆောင် ဦးဝင်းအောင်က စာကြည့်တိုက် ဝန်ဆောင်မှုလုပ်ငန်းများ မြှင့်တင်ရေးအလုပ်ရုံဆွေးနွေးပွဲနှင့် ပတ်သက်၍ အမှာစကား ပြောကြားပြီး၊ ရှမ်းပြည်နယ်အစိုးရအဖွဲ့ ပြည်နယ်လျှပ်စစ်နှင့် စက်မှုလက်မှုဝန်ကြီး၊ အဂ္ဂမဟာသီရိသုဓမ္မ မဏိဇောတဓရ ဦးစိုင်းထွန်းရင်နှင့် ဇနီးသီရိသုဓမ္မသိင်္ဂီ ဒေါ်ချိုချိုခိုင်၊ သမီးဒေါက်တာနန်းယဉ်မင်းထွန်း မိသားစုမှ ရှမ်းပြည်နယ်စာကြည့်တိုက်ဝန်ဆောင်မှုလုပ်ငန်းများ မြှင့်တင်ရေး အလုပ်ရုံ ဆွေးနွေးပွဲအတွက် အလှူငွေကျပ် (၅)သိန်းပေးအပ်လှူဒါန်းရာ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဦးတင်သန်းဝင်းက လက်ခံရယူပြီး၊ အမှတ်တရစုပေါင်းဓါတ်ပုံရိုက်ကူးကြကြောင်း သိရသည်။

အဆိုပါအခမ်းအနားသို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ အရာထမ်းအမှုထမ်း(၆၀) ဦး၊ တက္ကသိုလ်၊ ကောလိပ်၊ ဌာနဆိုင်ရာ ရပ်ကွက်၊ ကျေးရွာစာကြည့်တိုက်မှူး(၄၀)ဦး စုစုပေါင်း(၁၀၀)ဦး တက်ရောက်ကြပြီး အလုပ်ရုံ ဆွေးနွေးပွဲကို ဒီဇင်ဘာ(၂၉)ရက်မှ (၃၀)ရက်ထိ သင်ကြားပို့ချဆွေးနွေးသွား မည် ဖြစ်ကြောင်းသိရှိရသည်။

                                                                                               မောင်မောင်သန်း(တောင်ကြီး)

 

(၆၇)နှစ်မြောက် လွတ်လပ်ရေးနေ့ အလံတင်အခမ်းအနားနှင့် သဝဏ်လွှာဖတ်ကြားပွဲကျင်းပ

တောင်ကြီး ဇန်နဝါရီ - ၄

844

   ရှမ်းပြည်နယ် (၆၇)နှစ်မြောက် လွတ်လပ်ရေးနေ့ အလံတင်အခမ်းအနားကို ဇန်နဝါရီ(၄)ရက် နံနက်(၄)နာရီ မိနစ်(၂၀)က တောင်ကြီးမြို့၊ အဝေရာမီးပုံပျံကွင်း၌ ကျင်းပရာ မြန်မာနိုင်ငံရဲတပ်ဖွဲ့မှ ဒုတိယ ရဲမှူးကြီးက ပြည်ထောင်စုသမ္မတမြန်မာနိုင်ငံတော် အလံအား တိုင်အပြည့်လွှင့်ထူပေးပြီးနောက် တာဝန်ရှိသူ များမှ နိုင်ငံတော်အလံအား အလေးပြုကြသည်။ အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ အတွင်းရေးမှူးနှင့် မြန်မာနိုင်ငံရဲတပ်ဖွဲ့မှ ဒုတိယရဲမှူးကြီးနှင့် ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ ရပ်ကွက်၊ ကျေးရွာအုပ်ချုပ်ရေးမှူးများ၊ တာရှိသူများတက်ရောက် ကြကြောင်းသိရသည်။

   ဆက်လက်၍ သဝဏ်လွှာဖတ်ကြားပွဲအခမ်းအနားကို နံနက်(၈)နာရီက အဆိုပါကွင်း၌ ကျင်းပရာ ပထမဦးစွာ စစ်ရေးပြတပ်ခွဲက စစ်ကြောင်းဖြင့် ချီတက်နေရာယပြီး ရှမ်းပြည်နယ်အစိုးရအဖွဲ့ ပြည်နယ် ဝန်ကြီးချုပ် ဦးစဝ်အောင်မြတ်အား အလေးပြု၍ ပြည်နယ်ဝန်ကြီးချုပ်နှင့် အခမ်းအနားတက်ရောက်လာသူ များက ပြည်ထောင်စုသမ္မတမြန်မာနိုင်ငံတော်အလံကို အလေးပြုကြာရာ ဂုဏ်ပြုစစ်တီးဝိုင်းအဖွဲ့က နိုင်ငံတော်သီချင်းကို သီးမှုတ်ဂုဏ်ပြုပြီး ကျဆုံးလေပြီးသော ခေါင်းဆောင်ကြီးများနှင့် တပ်မတော်သားများ အား အလေးပြုပြီး သစ္စာအဓိဌာန်(၄)ချက် ရွတ်ဆိုကြသည်။

   ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ အဂ္ဂမဟာသရေစည်သူ  အဂ္ဂမဟာသီရိသုဓမ္မ ဦးသိန်းစိန်ထံမှ ပေးပို့ သော (၆၇)နှစ်မြောက် လွတ်လပ်ရေးနေ့ သဝဏ်လွှာကို ဖတ်ကြားပြီး အခမ်းအနားကို အောင်မြင်စွာ ရုပ်သိမ်းလိုက်သည်။ 

   အဆိုပါ(၆၇)နှစ်မြောက် လွတ်လပ်ရေးအခမ်းအနားသို့ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့် ဇနီး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်လွှတ်တော်ဒုတိယဥက္ကဌ၊ ပြည်နယ်ဝန်ကြီးများနှင့် ဇနီးများ၊ ပြည်နယ် ဥပဒေချုပ်၊ ရှမ်းပြည်နယ်အစိုးရအဖွဲ့အတွင်းရေးမှူး၊ ပြည်နယ်စာရင်းစစ်ချုပ်၊ အရှေ့ပိုင်းတိုင်းစစ်ဌာနချုပ် မှ အရာရှိကြီးများ၊ ပြည်နယ်လွှတ်တော်ကိုယ်စားလှယ်များ၊ ပြည်နယ်၊ ခရိုင်၊ မြို့နယ်အဆင့်ဌာနဆိုင်ရာများ ၊ တိုင်းရင်းသား ငြိမ်းချမ်းရေးအဖွဲ့အစည်းများ၊ စစ်ရေးပြတပ်ဖွဲ့များနှင့် ဂုဏ်ပြုစစ်တီးဝိုင်း၊ မြန်မာနိုင်ငံ ရဲတပ်ဖွဲ့ဝင်များ၊ ရပ်ကွက်၊ ကျေးရွာအုပ်ချုပ်ရေးမှူးများ၊ ဆရာ၊ ဆရာမများ၊ လူမှုရေးအသင်းအဖွဲ့များ၊ ဒေသခံတိုင်းရင်းသားပြည်သူများ အင်အား(၃၀၀၀)ကျော်တက်ရောက်ခဲ့ကြောင်း သတင်းရရှိသည်။

                                                                                    မောင်မောင်သန်း(တောင်ကြီး)

 

ကိုယ်ပိုင်အုပ်ချုပ်ခွင့်ရတိုင်း/ ဒေသရှိ 'ဝ'၊ ကိုးကန့်နှင့် ကျောက်မဲခရိုင်၊ နောင်ချိုမြို့တွင် ဆန္ဒထုတ်ဖော်

တောင်ကြီး   ဒီဇင်ဘာ  -  ၂၇

833

ရှမ်းပြည်နယ်အတွင်း "ဝ"ကိုယ်ပိုင်အုပ်ချုပ်ခွင့်ရတိုင်းဟိုပန်ခရိုင်၊ ဟိုပန်မြို့၊ မြို့ကွက်(၁) ရပ်ကွက်တွင် ဒီဇင်ဘာ(၂၆)ရက် နံနက်(၉)နာရီက ဦးအောင်စိုးမင်းနှင့် ဦးအေးမြင့်ကျော်တို့မှ ဦးဆောင်၍ ဒေသအတွင်းရှိ ပြည်သူလူထု (၂၀၀၀)ဦးခန့်ဖြင့် အောက်ဖော်ပြပါ (၅)ချက်အား ပြည်တွင်းငြိမ်းချမ်းရေးလုပ်ငန်းစဉ်များကို အောင်မြင်ပြီးဆုံးသည်အထိ အမြန်ဆုံးဆောင်ရွက် ပေးရေး၊ နိုင်ငံတော်ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးများကို အစိုးရက အမြန်ဆုံး ဆောင်ရွက်ပေးရေး၊ တိုင်းရင်းသားများ၏ အခွင့်အရေးနှင့် လိုလားတောင်ဆို ချက်များကို ဥပဒေများ ပြဌာန်းဆောင်ရွက် ပေးရေး၊ ဖွဲ့စည်းပုံအခြေခံဥပဒေပြင်ဆင်ရေးတွင် တိုင်းရင်းသားများ ကျယ်ကျယ်ပြန့်ပြန့်ပါဝင်နိုင်းရေး၊ တောင်းဆိုချက်များ အမြန်ဆုံးအကောင်အထည်ဖော် ဆောင်ရွက် ပေးရေး၊ ကြွေးကြော်ပြီး ငြိမ်းချမ်းစွာစီတန်းလှည့်လည်၍ ဆန္ဒထုတ်ဖော် ကြကြောင်းသိရသည်။

834

ဆက်လက်၍ ဒီဇင်ဘာ(၂၇)ရက် နံနက်(၉)နာရီက ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်ခရိုင်၊ လောက်ကိုင်မြို့နယ် တွင် ဦးအောင်နိုင်(ခ)အားချန် ဦးဆောင်သော ကိုးကန့် တိုင်းရင်းသား အင်းအား(၁၇၀၀)ဦးကျော်ခန့်သည် လောက်ကိုင်မြို့ အမှတ်(၂)ရပ်ကွက်ရှိ ကိုးကန့် ဘာသာအလယ်တန်းကျောင်း၌ စုဝေးပြီး မြန်မာ-ကိုးကန့်နှစ်ဘာသာဖြင့် ရေးသားထားသော ဆိုင်းဘုတ်ပိုစတာများအား ကိုင်ဆောင်၍ ကြွေးကြော်ပြီး ငြိမ်းချမ်းစွာစီတန်းလှည့်လည် ဆန္ဒ ဖော်ထုတ်ကြပြီး၊ အဆိုပါရက်တွင် နံနက်(၁၀)နာရီက ကျောက်မဲခရိုင်နောင်ချိုမြို့၌ ပြည်သူလူထု ခေါင်းဆောင်ဦးစိန်ဝင်း ဦးဆောင်၍ နောင်ချိုမြို့နယ် စျေးရပ်ကွက် မြို့နယ်အားကစားကွင်းမှ စတင် ထွက်ခွာပြီး မန္တလေး-လားရှိုးပြည်ထောင်စုလမ်းမကြီးအတိုင်း ဇီဝကလမ်း၊ ရွှေပြည်စိုလမ်း၊ ကံကြီး-တောင်းခမ်းလမ်းမှ မြို့နယ်အားကစားကွင်းအထိ အင်းအား(၁၁၀၀၀)ခန့် အောက်ဖော်ပြပါ (၆)ချက်အား ပြည်တွင်းငြိမ်းချမ်းရေးလုပ်ငန်းစဉ်များကို အောင်မြင်ပြီးဆုံးသည်အထိ အမြန်ဆုံး ဆောင်ရွက်ပေးရေး၊ နိုင်ငံတော်ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးများကို အစိုးရက အမြန်ဆုံးဆောင်ရွက်ပေးရေး၊ တိုင်းရင်းသားများ၏ အခွင့်အရေးနှင့် လိုလားတောင်ဆို ချက်များကို ဥပဒေများ ပြဌာန်းဆောင်ရွက်ပေးရေး၊ ဖွဲ့စည်းပုံအခြေခံဥပဒေပြင်ဆင်ရေးတွင် တိုင်းရင်းသားများ ကျယ်ကျယ်ပြန့်ပြန့်ပါဝင်နိုင်းရေး၊ တောင်းဆိုချက်များအမြန်ဆုံးအကောင်အထည်ဖော် ဆောင်ရွက် ပေးရေး၊ ခြောက်ပွင့်ဆိုင်အလိုမရှိ ကြွေးကြော်၍ငြိမ်းချမ်းစွာစီတန်းလှည့် လည်ပြီး ဆန္ဒထုတ်ဖော် ကြကြောင်းသိရှိရသည်။ 

835

                                                                                                                             မောင်မောင်သန်း(တောင်ကြီး)

 

ရှမ်းပြည်နယ်ပညာရေး စုံညီပွဲတော်ဖွင့်ပွဲ ကျင်းပ

တောင်ကြီး   ဇန်နဝါရီ    ၃

843

   (၂၀၁၄-၂၀၁၅) ပညာသင်နှစ်၊ ရှမ်းပြည်နယ်ပညာရေး စုံညီပွဲတော်ဖွင့်ပွဲကို ဇန်နဝါရီ (၃)ရက် နံနက်(၉)နာရီက တောင်ကြီးမြို့၊ အမှတ်(၁)အခြေခံပညာအထက်တန်းကျောင်း၌ ကျင်းပကြောင်း သိရသည်။

   ပထမဦးစွာ ရှမ်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် လူမှုရေးဝန်ကြီး ဒေါက်တာမျိုးထွန်း နှင့် ပြည်နယ် ပညာရေး ညွှန်ကြားရေးမှူး ဦးချစ်ဆွေတို့က ရှမ်းပြည်နယ်ပညာရေး စုံညီပွဲတော်ဖွင့်ပွဲကို ဖဲကြိုးဖြတ်ဖွင့်လှစ်ပေးကြသည်။

   ဆက်လက်၍ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ နှင့် တာဝန်ရှိသူတို့သည်၊ ကျောင်းသား/ ကျောင်းသူများ၏ ဘင်ခရာ၊ ပန်းပွား၊ ရိုးရာအက၊ ကာယာ လှုပ်ရှားစွမ်းရည် ပြသနေခြင်းကို ကြည့်ရှုအားပေးခြင်းနှင့် ပညာရေးစုံညီပွဲတော်ပြခန်းများအား လှည့်လည်ကြည့်ရှုအားပေးကြကြောင်း သိရသည်။

   ထို့နောက် ဒေါ်ခင်သိန်းခန်းမ၌ အမှတ်(၁)အခြေခံပညာအထက်တန်းကျောင်းမှ ကျောင်းသား/ ကျောင်းသူလေးများက " စုံညီပွဲတော် တို့နွဲပျော် " သီချင်းသီဆို၍ အခမ်းအနားကို ဖွင့်လှစ်ပေးပြီး၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာ ယနေ့ကျင်းပသည့် ပြည်နယ်အဆင့် ပညာရေးစုံညီပွဲတော်သည် ထူးချွန်ဆုရ ကျောင်းသား/ ကျောင်းသူများကို ဆုများချီးမြှင့်သွားမှာဖြစ်ပြီး၊ နိုင်ငံတော်မှ ဦးဆောင် အကောင်အထည်ဖော်နေ သည့် တစ်မျိုးသားလုံး ပညာရည်မြင့်မားရေးကို တစ်ဖက်တစ်လမ်းမှ ဖြည့်ဆည်းဆောင်ရွက်နေ ခြင်းသည် မှတ်တမ်းတင် ဂုဏ်ယူရမှာဖြစ်ကြောင်း၊ ကျောင်းအနေအရွယ် ကလေးအားလုံး ကျောင်းနေပျော်၍ စာတော်စေရန်အတွက် သက်ဆိုင်ရာအတန်းအလိုက် မိဘ၊ ဆရာ၊ ကျောင်းသား တွေ့ဆုံပွဲများကို တစ်လတစ်ကြိမ် တွေ့ဆုံပြီး၊ မိမိသားသမီးများ၊ တပည့်များအတွက် ပွင့်လင်း မြင်သာစွာ တွေ့ဆုံဆွေးနွေးကြရန် ပညာရေးဌာနက လမ်းညွှန်မှာကြား ထားပြီးဖြစ်ကြောင်း၊ "မိဘ ဆရာပူးပေါင်း ကလေးပညာကောင်း" ဆိုသည့် ဆောင်ပုဒ်နှင့်အညီ လမ်းညွှန်ချက်အတိုင်း ကလေးများ ပညာရည်မြင့်မားရန် လစဉ်တွေ့ဆုံပွဲများပြုလုပ်၍ ဖြည့်ဆည်းပေးကြရန် လိုအပ် ကြောင်း တိုက်တွန်းပြောကြားသွားကြောင်း သိရသည်။

   ၎င်းနောက် ပြည်နယ်အဆင့် ထူးချွန်ဆုရ ဆရာ/ ဆရာမများ နှင့် ကျောင်းသား/ကျောင်းသူ များအား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများက ဆုများချီးမြှင့် ပေးကြကြောင်း သိရသည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီး များ၊ ပြည်နယ် ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ ပြည်နယ်/ မြို့နယ် ပညာရေးမှူးများ၊ ဆရာ/ ဆရာမများ၊ ကျောင်းသား/ ကျောင်းသူများ၊ မိဘပြည်သူများ တက်ရောက်ကြကြောင်း သိရှိရသည်။

                                                                                                                                                                         မောင်မောင်သန်း(တောင်ကြီး)

 

တောင်ကြီးမြို့၊ အေးသာယာပြည်သူ့ဝန်ထမ်းအိမ်ရာ တည်ဆောက်ရေး စီမံကိန်း(MOA)၊ ခေတ်မီအဆင့်မြင့် ယာဉ်ရပ်နားစခန်း တည်ဆောက်ခြင်းလုပ်ငန်း(MOA)နှင့် မူဆယ်မြို့ ခေတ်မီမြို့ ပတ်ကမ်းနားလမ်း စီမံကိန်း စာချုပ်ပြင်ဆင် ဖြည့်စွက်ခြင်း၊ လက်မှတ်ရေးထိုး

တောင်ကြီး ဒီဇင်ဘာ - ၂၆

832

ရှမ်းပြည်နယ်အစိုးရအဖွဲ့၊ တောင်ကြီးမြို့၊ အေးသာယာ ပြည်သူ့ဝန်ထမ်းအိမ်ရာ တည်ဆောက်ရေး စီမံကိန်း(MOA)၊ တောင်ကြီးမြို့၊ ခေတ်မီအဆင့်မြင့် ယာဉ်ရပ်နားစခန်း တည်ဆောက်ခြင်းလုပ်ငန်း(MOA)နှင့် မူဆယ်မြို့ ခေတ်မီမြို့ ပတ်ကမ်းနားလမ်း စီမံကိန်း စာချုပ်ပြင်ဆင် ဖြည့်စွက် လက်မှတ်ရေးထိုးခြင်းကို ဒီဇင်ဘာ(၂၆)ရက်၊ နံနက်(၉)နာရီက တောင်ကြီးမြို့၊ မြို့တော် ခန်းမ၌ ကျင်းပကြောင်းသိရသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကား ပြောကြား ကြောင်းသိရသည်။ ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်လမ်းပန်ဆက်သွယ်ရေး ဝန်ကြီး ဦးစိုင်းနော်ခမ်းမှ အေးသာယာ၊ ပြည်သူ့ဝန်ထမ်းအိမ်ရာ စီမံကိန်းနှင့် တောင်ကြီးမြို့၊ ခေတ်မီအဆင့်မြှင့် ယာဉ်ရပ်နားစခန်း စီမံကိန်း ဆောင်ရွက်ရခြင်း ရည်ရွယ်ချက်များ ရှင်းလင်း ပြောကြားကြောင်းသိရသည်။

ထို့နောက် အေးသာယာပြည်သူ့ဝန်ထမ်းအိမ်ရာတည်ဆောက်ခြင်းလုပ်ငန်း စီမံကိန်းအချက်အလက်များကို မင်းကျန်စစ်ကုမ္ပဏီ မန်နေဂျင်းဒါရိုက်တာ ဦးနန္ဒလှမြင့်မှ ရှင်းလင်း၍လည်းကောင်း၊ တောင်ကြီးမြို့ ခေတ်မီအဆင့်မြှင့် ယာဉ်ရပ်နားစခန်း တည်ဆောက်ရေး လုပ်ငန်းစီမံကိန်း အချက်အလက်များကို "ဝမင်း"ကုမ္ပဏီမှ တာဝန်ရှိသူ တစ်ဦးမှ ရှင်းလင်းတင်ပြကြကြောင်းသိရသည်။

၎င်းနောက် ရှမ်းပြည်နယ်အစိုးရအဖွဲ့ဝင် ပြည်နယ်ဥပဒေချုပ် ဦးမောင်မောင်မှ ဥပဒေဆိုင်ရာ လုပ်ငန်း သဘောတူစာချုပ် ထုံးတမ်းများနှင့် ပတ်သက်၍ ဂရုပြုရန်များနှင့် လိုအပ်သည်များရှင်းလင်းပြောကြားပြီး၊ ရှမ်းပြည်နယ် အစိုးရအဖွဲ့နှင့် မင်းကျန်စစ်ကုမ္ပဏီလီမိတက်တိုအကြား ချုပ်ဆိုသော အေးသာယာ ပြည်သူ့ဝန်ထမ်း အိမ်ရာ တည်ဆောက်ရေးလုပ်ငန်း စီမံကိန်း သဘောတူစာချုပ် (MOA)လက်မှတ်ရေးထိုးရာ ရှမ်းပြည်နယ်အစိုးရ အဖွဲ့၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းနှင့် မင်းကျန်စစ်ကုမ္ပဏီလီမိတက် မန်နေဂျင်း ဒါရိုက်တာ ဦးနန္ဒလှမြင့်တို့က လက်မှတ်ရေးထိုး၍ အပြန်အလှန်စာချုပ်များပေးအပ်၍ လည်းကောင်း၊ ရှမ်းပြည်နယ်အစိုးရအဖွဲ့နှင့် ဖြူစင်ကုမ္ပဏီအုပ်စု၊ "ဝမင်း"ကုမ္ပဏီလီမိတက်တိုကအကြား ချုပ်ဆိုသော တောင်ကြီးမြို့၊ ခေတ်မီအဆင့်မြှင့်ယာဉ်ရပ်နား စခန်းတည်ဆောက်ရေး လုပ်ငန်းစီမံကိန်း သဘောတူစာချုပ် (MOA)လက်မှတ်ရေးထိုးရာ ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေး ဝန်ကြီး ဦးစိုင်းလှဝင်း နှင့် ဖြူစင်ကုမ္ပဏီအုပ်စု၊ "ဝမင်း"ကုမ္ပဏီလီမိတက်တို့မှ တာဝန်ရှိသူများက လက်မှတ်ရေးထိုး၍ အပြန်အလှန် စာချုပ်များ ပေးအပ်၍ လည်းကောင်း၊ မူဆယ်မြို့ခေတ်မီမြို့ပတ် ကမ်းနားလမ်း၊ စီမံကိန်းစာချုပ် ပြင်ဆင်ဖြည့်စွက် လက်မှတ်ရေးထိုးကြပြီး၊ ဒေသန္တရဖွံ့ဖြိုးတိုးတက်ရေး သဘောတူစာချုပ်များ လက်မှတ် ရေးထိုးပွဲ အခမ်းအနား အမှတ်တရ စုပေါင်းမှတ်တမ်းတင် ဓါတ်ပုံရိုက်ကူးကြကြောင်းသိရသည်။

အဆိုပါအခမ်းအနားသို့ ရှမ်းပြည်နယ်အစိုးအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ဗမာတိုင်းရင်းသားရေးရာဝန်ကြီး၊ ပြည်နယ် အစိုးရအဖွဲ့အတွင်းရေးမှူး၊ ပြည်နယ်/ ခရိုင်၊ မြို့နယ်အဆင့်ဌာနဆိုင်ရာများ၊ မြို့နယ်အထောက်အကူပြု ကော်မတီများ၊ မြို့နယ်စည်ပင်သာယာရေးကော်မတီများ၊ စာချုပ်ချုပ်ဆိုမည့် ကုမ္ပဏီလုပ်ငန်းရှင်းများနှင့် တာဝန်ရှိသူများ တက်ရောက်ကြကြောင်းသိရှိရသည်။

မောင်မောင်သန်း(တောင်ကြီး)

 

More Articles...

  1. ကိုယ်ပိုင်အုပ်ချုပ်ခွင့်ရဒေသရှိ ဓနု၊ ပလောင်နှင့် ရှမ်းတိုင်းရင်းသားများ၏ ဆန္ဒထုတ်ဖော်
  2. ပအိုဝ်းအမျိုးသားများ၏ ဆန္ဒထုတ်ဖော်
  3. ရှမ်းပြည်နယ်ဝန်ကြီးချုပ် The Carter Center အဖွဲ့နှင့် တွေ့ဆုံ
  4. ၂၀၁၄ - ၂၀၁၅ခု ဘဏ္ဍာရေးနှစ် ငွေလုံးငွေရင်း တင်ဒါလုပ်ငန်းများ ပြီးစီးမှု လုပ်ငန်းညှိနှိုင်း အစည်းအဝေးကျင်းပ
  5. နည်းပညာကျွမ်းကျင်မှု၊ အသက်မွေးဝမ်းကျောင်းပညာနှင့် သက်ဆိုင်သော တွေ့ဆုံဆွေးနွေးပွဲ ကျင်းပ
  6. ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၄/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၅/၂၀၁၄)ကျင်းပ
  7. မျက်စိ၊ သွားနှင့် ခံတွင်း၊ အထွေထွေရောဂါများ အခမဲ့ ကုသခြင်းတွင် ပါဝင်ဆောင်ရွက်ပေးသော အထူးကုဆရာဝန်ကြီးနှင့် ဝန်ထမ်းများ၊ အလှူရှင်များ ကို ဂုဏ်ပြုပွဲကျင်းပ
  8. ဒုတိယသမ္မတဒေါက်တာစိုင်းမောက်ခမ်း၏ ဇနီးဒေါ်နန်းရွှေမှုံ စဝ်စံထွန်းဆွေးရုံ၌ မျက်စိ၊ သွားနှင့် ခံတွင်း အထွေထွေရောဂါများ အခမဲ့ ဆေးကုသမှုကြည့်ရှုအားပေး
  9. ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ လွိုင်လင်မြို့တွင် မျက်စိ/ သွားနှင့်ခံတွင်း/ အထွေထွေရောဂါများ အခမဲ့ကုသမှုအခြေအနေ ကြည့်ရှုအားပေး
  10. ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ဒုတိယနေ့ ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ရှမ်းပြည်နယ်(အရှေ့ပိုင်း)တွင် နေထိုင်ကြပါသည်။ ကျိုင်းတုံ၊ မိုင်းပြင်း၊ မိုင်းဖြတ်၊ မိုင်းယောင်း၊ မိုင်းဆတ်၊ တာချီလိတ်မြို့နယ်များတွင် အများဆုံး နေထိုင်ကြသည်။

 

We have 81 guests and no members online

Latest Updates