သတင်းများ

ပအိုဝ်းအမျိုးသားများ၏ ဆန္ဒထုတ်ဖော်

တောင်ကြီး   ဒီဇင်ဘာ   ၂၄

830

  ပြည်တွင်းငြိမ်းချမ်း အမြန်ရရှိရေး၊ ပြုပြင်ပြောင်းလဲမှု အမြန်ဆုံးဆောင်ရွက်ရေး၊ တိုင်းရင်းသားများ အခွင့်အရေးရရှိရေး၊ ဖွဲ့စည်းပုံဥပဒေပြင်ဆင်ရေး၊ တောင်းဆိုချက်များကို အမြန်ဆုံးဆောင်ရွက်ရေးစသည့် ခေါင်းစဉ်များဖြင့် ပအိုဝ်းအမျိုးသားများ၏ ဆန္ဒထုတ်ဖော်ပွဲကို ဒီဇင်ဘာ(၂၄)ရက် နံနက်(၁၀)နာရီက တောင်ကြီးမြို့၊ တောင်ကျောင်းကြီး ပရိယတ္တိစာသင်တိုက် ဘုန်းတော်ကြီးကျောင်းကွင်းပြင်၌ ကျင်းပကြောင်း သိရသည်။

  ပထမဦးစွာ တက်ရောက်လာသော ပအိုဝ်းအမျိုးသားများ၏ ဆန္ဒထုတ်ဖော်သူများကို (P.N.O) ပါတီ ဗဟိုကော်မတီအဖွဲ့ဝင် ဦးခွန်ပညာဗုတ်နှင့် ပအိုဝ်းလူငယ်ကွန်ရက်ခေါင်းဆောင် ဥက္ကဌ ဦးခွန်ထွန်းရွှေတို့က အမှာစကားပြောကြားကြောင်း သိရသည်။

  ဆက်လက်၍ ပအိုဝ်းအမျိုးသားများ၏ ဆန္ဒထုတ်ဖော်ပွဲကို  ပထမတောင်ကျောင်းကြီးစုရပ်၊ စဝ်စံထွန်းလမ်းအတိုင်း မြောက်ကျောင်းလမ်း(ကြံ့ခိုင်ရေးရုံး)၊ ဗိုလ်ချုပ်အောင်ဆန်းလမ်းအတိုင်း မြောက်မှတောင်သို့ ချီတက်လာပြီး၊ ကျားခေါင်းမီးပွိုင့်မှ ပထမ တောင်ကျောင်းကြီးအထိ ဆန္ဒထုတ်ဖော်ပြီး၊ ဆန္ဒထုတ်ဖော်ပွဲတွင် ပအိုဝ်းအမျိုးသားအဖွဲ့ဌာနချုပ်ရုံး၊ ပအိုဝ်းအမျိုးသားအဖွဲ့ (P.N.O) ပါတီဗဟိုအဖွဲ့၊ ပအိုဝ်းအမျိုးသားအဖွဲ့ချုပ်(တောင်ကြီးမြို့နယ်)၊ ပအိုဝ်းစာပေနှင့် ယဉ်ကျေးမှုအဖွဲ့ (ဗဟို)၊ ပအိုဝ်းလူငယ်ကွန်ရက်(P.Y.N)၊ ပအိုဝ်းအမျိုးသမီးရေးရာအဖွဲ့၊ ပအိုဝ်း တိုင်းရင်းဆေးအဖွဲ့၊ ပအိုဝ်းသွေးလှူရှင်နှင့် နာရေးကူညီမှုအသင်း၊ ပအိုဝ်းအမျိုးသမီး ပညာရေး ဖောင်ဒေးရှင်း၊ ပအိုဝ်း ဥပဒေနှင့် လူမှုကူညီရေးအဖွဲ့၊ ပအိုဝ်းပါရမီကွန်ရက်အဖွဲ့၊ ပအိုဝ်းအနုပညာ အဖွဲ့၊ ပအိုဝ်းပြည်သူလူထု (တောင်ကြီး၊ ဟိုပုံး၊ အောင်ပန်း၊ ပင်လောင်း၊နောင်တရား၊ ဆီဆိုင်) တို့မှ အင်အား (၃၀၀၀)ကျော်ခန့် ချီတက်ဆန္ဒထုတ်ဖော်ကြကြောင်း သိရှိရသည်။

                                                                                                                                                                                     မောင်မောင်သန်း(တောင်ကြီး)

 

ရှမ်းပြည်နယ်ဝန်ကြီးချုပ် The Carter Center အဖွဲ့နှင့် တွေ့ဆုံ

တောင်ကြီး   ဒီဇင်ဘာ   ၂၃

829

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ် ဥပဒေချုပ် ဦးမောင်မောင်၊ ပြည်နယ်အစိုးရအဖွဲ့ အတွင်းရေးမှူး ဦးမြင့်အောင်၊ ပြည်နယ်အထွေထွေ အုပ်ချုပ်ရေးဦးစီးဌာန ညွှန်ကြားရေးမှူး ဦးကြည်ဝင်းတို့နှင့် အတူ ဒီဇင်ဘာ(၂၃)ရက် နံနက်(၁၀)နာရီက တောင်ကြီးမြို့၊ ရှမ်းပြည်နယ်  အစိုးရအဖွဲ့ရုံး ပြည်နယ်ဝန်ကြီးချုပ်ရုံး ခန်းမ၌  The Carter Center  မှ နိုင်ငံတကာ ရွေးကောက်ပွဲ စောင့်ကြည့်လေ့လာရေးမစ်ရှင်အဖွဲ့စေလွှတ်ရန်အတွက် ကြိုတင်ပြင်ဆင်မှုများ ပြုလုပ် ကြမည့် Mr. Benedict Martin Dunant နှင့် Mr. Hans Dieset  တို့နှင့် တွေ့ဆုံဆွေးနွေးကြောင်း သိရှိရသည်။

   တွေ့ဆုံဆွေးနွေးမှုတွင် Mr. Benedict Martin Dunant မှ The Carter Center  ကို (၁၉၈၀)ခုနှစ်မှ စတင်ဖွင့်လှစ်ခဲ့ပြီး၊ အမေရိကန်တွင် အခြေစိုက်၍ ရွေးကောက်ပွဲစောင့်ကြည့်ရန် ရှေ့ပြေးအဖွဲ့ဖြစ်ပြီး၊ မိမိတို့အဖွဲ့သည် ရှမ်းပြည်နယ်၊ ကယားပြည်နယ်တွင် တစ်ဖွဲ့၊ မွန်ပြည်နယ်၊ ကရင်ပြည်နယ်တို့တွင် တစ်ဖွဲ့အခြေချပြီး၊ အဓိကရည်ရွယ်ချက်မှ (၂၀၁၅)ရွေးကောက်ပွဲ လေ့လာရန် ဖြစ်ကြောင်း၊ ရှေ့ပြေးအဖွဲ့အနေဖြစ်ရောက်လာရခြင်းမှာ ရွေးကောက်ပွဲကြိုတင်ပြင်ဆင်မှုအတွက် ရောက်လာရကြောင်း၊ The Carter Center  အဖွဲ့သည် ရေတို၊ ရေရှည်လေ့လာမည့် အဖွဲ့နှစ်ဖွဲ့ ရှိကြောင်း၊ ပြည်ထောင်စု ရွေးကောက်ပွဲကော်မရှင်အဖွဲ့နှင့် တွေ့ဆုံခဲ့ပြီးဖြစ်ကြောင်း၊ ရွေးကောက်ပွဲ တွင် ပါဝင်သော အဖွဲ့ကိုတွေ့ဆုံလိုကြောင်း၊ အစိုးရအဖွဲ့ ပြည်ထောင်စုရွေးကောက်ပွဲ အဖွဲ့ ပြည်နယ်/ ခရိုင်/ မြို့နယ်၊ နိုင်ငံရေးအဖွဲ့အစည်းများနှင့် အရပ်ဘက်ဆိုင်ရာ အဖွဲ့အစည်းများ မီဒီယာအဖွဲ့များ နှင့် တွေ့ဆုံရမည်ဖြစ်ကြောင်း၊ ရွေးကောက်ပွဲတွင် အဖွဲ့အစည်းအားလုံးနှင့် တွေ့ဆုံရခြင်းသည်၊ ရွေးကောက်ပွဲ မဲစနစ်များကို ပြန်တမ်းများထုတ်ဝေသွားမည်ဖြစ်ကြောင်း၊ ပြန်တမ်းများကို ပြည်ထောင်စုရွေးကောက်ပွဲကော်မရှင် အဖွဲ့နှင့် ရှမ်းပြည်နယ် ကော်မရှင်အဖွဲ့များသို့ ပေးပို့သွားမည် ဖြစ်ကြောင်း၊ ရွေးကောက်ပွဲကို စောင့်ကြည့်လေ့လာခြင်းဖြင့် မှားသည်ဖြစ်စေ၊ မှန်သည်ဖြစ်စေ ဝင်ရောက်စွက်ဖက်ခြင်းမရှိကြောင်း၊ လေ့လာရန် အတွက်သာဖြစ်ကြောင်း ဆွေးနွေးသွားသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က The Carter Center  အဖွဲ့ အခုလိုလာရောက်တွေ့ဆုံမှုကို ရှမ်းပြည်နယ်အစိုးရအဖွဲ့မှ လှိုက်လှိုက်လဲလဲ ကြိုဆိုပါကြောင်း၊ တွေ့ဆုံခွင့်ရသည့်အတွက် ကျေးဇူးတင်ပါကြောင်း၊ (၂၀၁၅)ခုနှစ် နိုဝင်ဘာလတွင် လွတ်လပ်ပြီးတရားမျှတသော ရွေးကောက်ပွဲများကို နိုင်ငံရေးအဖွဲ့အစည်းများကလည်း ကြိုတင် ပြင်ဆင်လျက်ရှိကြောင်း၊ ရှမ်းပြည်နယ်တွင် ရွေးကောက်ပွဲတွင်ပါဝင်သော နိုင်ငံရေးအဖွဲ့အသီးသီး၊ တိုင်းရင်းသားအဖွဲ့အသီးသီး ပါဝင်၍ ရွေးကောက်ပွဲ ဝင်နိုင်ကြောင်း၊ မကြာမကြာလာရောက် လေ့လာနိုင်ပြီး ကောင်းမွန်သော အကြံများပေးနိုင်ရန်နှင့် ရှမ်းပြည်နယ်တွင် တိုင်းရင်းသားပေါင်းစုံ (၃၀)ကျော်ရှိကြောင်း ဆွေးနွေးသွားကြောင်း သိရှိရသည်။

                                                                                                                                                                                          မောင်မောင်သန်း(တောင်ကြီး)

 

ဒုတိယသမ္မတဒေါက်တာစိုင်းမောက်ခမ်း၏ ဇနီးဒေါ်နန်းရွှေမှုံ စဝ်စံထွန်းဆွေးရုံ၌ မျက်စိ၊ သွားနှင့် ခံတွင်း အထွေထွေရောဂါများ အခမဲ့ ဆေးကုသမှုကြည့်ရှုအားပေး

တောင်ကြီး ဒီဇင်ဘာ - ၂၁

823

   ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်း၏ ဇနီး ဒေါ်နန်းရွှေမှုံ၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၏ ဇနီး ဒေါ်ဖြူဖြူညွှန့်၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ တာဝန်ရှိသူတို့နှင့် အတူ ဒီဇင်ဘာ(၂၁)ရက် နံနက်(၁၀)နာရီက တောင်ကြီးမြို့၊ စဝ်စံထွန်းဆေးရုံ၌ ဒုတိယသမ္မတဒေါက်တာစိုင်းမောက်ခမ်း မိသားစုနှင့် အလှူရှင်များ စုပေါင်းကျင်းပပြုလုပ်သော မျက်စိ၊ သွားနှင့် ခံတွင်း၊ အထွေထွေရောဂါများ အခမဲ့ ဆေးကုသမှုအခြေအနေများကို ကြည့်ရှုအားပေး ကြကြောင်းသိရသည်။

   ဆက်လက်၍ ခွဲစိတ်ပြီး မျက်စိဝေဒနာရှင်(၅၀)ဦးတို့အား အင်္ဂလန်နိုင်ငံ အောက်စ်ဖို့စ် ဆရာတော်ပါမောက္ခ ဒေါက်တာ ဓမ္မသာမိ၊ ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ ဇနီး ဒေါ်ဖြူဖြူညွှန့်၊ ပြည်နယ် လူမှုရေးဝန်ကြီး ဒေါက်တာမျိုးထွန်း၊ အလှူရှင်များ၊ ပြည်နယ်အဆင့်ဌာနဆိုင်ရာများ၊ တာဝန်ရှိသူ တို့က ခွဲစိတ်ပြီး မျက်စိဝေဒနာရှင်များကို မျက်မှန်များ တပ်ဆင်လှူဒါန်းပေးပြီး၊ မန္တလေးသို့ ပို့ဆောင်မည့် မျက်စိဝေဒနာရှင်နှင့် ထွေထွေရောဂါဝေဒနာရှင်များကို အင်္ဂလန်နိုင်ငံ အောက်စ်ဖို့စ် ဆရာတော်ပါမောက္ခ ဒေါက်တာ ဓမ္မသာမိ၊ ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံတို့မှ ထောက်ပံ့ငွေများပေးအပ်ခဲ့ပြီး၊ တောင်ကြီးမြို့တွင် ဒီဇင်ဘာ(၁၉)ရက်မှ (၂၂)ရက်နေ့အထိ မျက်စိဝေဒနာရှင် (၁၉၃၅)ဦး၊ သွားရောဂါဝေဒနာရှင် (၁၃၀)ဦး၊ အထွေထွေ ရောဂါဝေဒနာရှင် (၇၀၃)ဦး၊ စုစုပေါင်းလူနာ(၂၇၆၈)ဦးတို့ဖြစ်ပြီး၊ ဒီဇင်ဘာ(၁၉) ရက်မှစ၍ (၂၂)ရက်နေ့အထိ တောင်ကြီး၊ လွိုင်လင်၊ လဲချားမြို့တွင် ကုသ ပေးခဲ့ကြသည့် လူနာစုစုပေါင်း (၅၄၈၆)ဦးတို့ရှိကြောင်း သိရသည်။

   အဆိုပါအခမ်းအနားသို့ အင်္ဂလန်နိုင်ငံ အောက်စ်ဖို့စ် ဆရာတော်ပါမောက္ခ ဒေါက်တာ ဓမ္မသာမိနှင့် အဖွဲ့ဝင်များ၊ ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်၏ ဇနီး ဒေါ်ဖြူဖြူညွှန့်၊ ပြည်နယ်လူမှုရေး ဝန်ကြီး ဒေါက်တာမျိုးထွန်း၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ အလှူရှင်များ၊ ခွဲစိတ်ဆရာဝန်ကြီးများ၊ ရပ်ကွက်ကျေးရွာအုပ်ချုပ်ရေးမှူးများ၊ မျက်စိ၊ သွားနှင့် ခံတွင်း၊ အထွေထွေရောဂါ ဝေဒနာရှင်များ တက်ရောက်ကြကြောင်းသိရှိရသည်။

                                                                                                                                                                       မောင်မောင်သန်း(တောင်ကြီး)

 

၂၀၁၄ - ၂၀၁၅ခု ဘဏ္ဍာရေးနှစ် ငွေလုံးငွေရင်း တင်ဒါလုပ်ငန်းများ ပြီးစီးမှု လုပ်ငန်းညှိနှိုင်း အစည်းအဝေးကျင်းပ

တောင်ကြီး ဒီဇင်ဘာ - ၂၂

828

   ရှမ်းပြည်နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ၂၀၁၄ - ၂၀၁၅ခု ဘဏ္ဍာရေးနှစ် ငွေလုံးငွေရင်း တင်ဒါလုပ်ငန်းများ ပြီးစီးမှု လုပ်ငန်းညှိနှိုင်း အစည်းအဝေးကို ဒီဇင်ဘာ(၂၂)ရက် မွန်းလွဲ(၁)နာရီက တောင်ကြီးမြို့၊ မြို့တောခန်းမ၌ ကျင်းပပြုလုပ်ကြောင်းသိရသည်။

   ရှမ်းပြည်နယ်အတွင်းကျေးလက်ဒေသဖွံ့ဖြိုးတိုးတက်ရေးဦးစီးဌာန တင်ဒါလုပ်ငန်းများအား လုပ်ကိုင်လျက် ရှိသော ကုမ္ပဏီများနှင့် တွေ့ဆုံရခြင်းမှာ လုပ်ငန်းများပြီးစီးမှု အခြေအနေနှင့် လုပ်ငန်းဆောင်ရွက်ရာတွင် ကြုံတွေ့ရသော အခက်အခဲများ သိရှိလို၍ တွေ့ဆုံရခြင်းဖြစ်ကြောင်း ကုမ္ပဏီများအနေဖြင့် မိမိတို့ဆောင်ရွက်ခွင့် ရရှိသော ဒေသများတွင် လုပ်ငန်းများအား သက်ဆိုင်ရာ ဌာနအဆင့်ဆင့်တို့ အချိန်မီတင်ပြနိုင်ရေး၊ နယ်မြေဒေသ အခက်အခဲကြောင့် လုပ်ငန်းများဆောင်ရွက်ရန် ကြန့်ကြားမှု များ မဖြစ်ပေါ်စေရေးနှင့် ကျေးလက်နေပြည်သူများ အကျိုးကျေးဇူး မြန်မြန်ဆန်ဆန်ရရှိရေးအတွက် လုပ်ငန်းများစောလျှင်စွာဖြင့် အရေးအသွေးပြည့်မီဆောင်ရွက် နိုင်ပါက မိမိတို့ အနေဖြင့် စိတ်အေးချမ်းသာရမည် ဖြစ်ကြောင်း လုပ်ငန်းမပြီးသော ကုမ္ပဏီများအား ၂၀၁၅ - ၂၀၁၆ခု ဘဏ္ဍာရေးနှစ်တွင် တင်ဒါခေါ်ယူရာ၌ ရွေးချယ်မှု အတွက် ထည့်သွင်းစဉ်းစားမည်မဟုတ်ကြောင်း၊ လုပ်ငန်းများအား စေတနာထားဆောင်ရွက်ရန်မှာကြားလိုကြောင်း၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ နိုင်ငံတော်ခွင့်ပြုရန်ပုံငွေနှင့် ကောင်းမွန်သော လုပ်ငန်းများ ဆောင်ရွက်နိုင်စေရေး၊ အပြုသဘောနှင့် ပြောခြင်းဖြစ်ကြောင်း၊ ပွင့်လင်းမြင်သာသောခေတ်ဖြစ်သဖြစ် အရာရာ သတိထားဆောင်ရွက်စေလိုကြောင်း၊ ၂၀၁၅ - ၂၀၁၆ခု ဘဏ္ဍာရေးနှစ် ဘက်ဂျက်လျာထားရာတွင်လည်း လုပ်ငန်းများအား သေချာစိစစ်တင်ပြရန်လိုကြောင်း အဖွင့်အမှာစကား၌ ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူကပြောကြားသွားကြောင်းသိရသည်။

   ဆက်လက်၍ ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ပြည်နယ်ညွှန်ကြားရေးမှူး ဦးမောင်မောင်ဝင်းက ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေးနှင့် ၂၀၁၄ - ၂၀၁၅ခု ဘဏ္ဍာရေးနှစ် ငွေလုံးငွေရင်း တင်ဒါလုပ်ငန်းဆိုင်ရာ ကိစ္စရပ်များနှင့် ပတ်သက်၍ ရှင်းလင်းပြောကြားပြီး၊ ရှမ်းပြည်နယ်တောင်ပိုင်း၊ အရှေ့ပိုင်း၊ မြောက်ပိုင်းရှိ ပြည်နယ်ရုံးခွဲများမှ ဒုတိယညွှန်ကြားရေးမှူးနှင့် ခရိုင်ဦးစီးမှူးများက မိမိတို့ဒေသအလိုက် ကျေးလက်ဒေသဖွံ့ဖြိုးရေးလုပ်ငန်း ဆောင်ရွက်ထားရှိမှု အခြေအနေများကို ရှင်းလင်းတင်ပြကြရာ လိုအပ်သည်များ ကို ပြည်နယ်စိုက်ပျိုးရေးနှင့် မွေးမြူးရေးဝန်ကြီး ဦးစိုင်းဆာလူက ဖြည့်စွက်မှာကြားကာ အခမ်းအနားကို ရုပ်သိမ်း လိုက်ပြီး၊ အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်စိုက်ပျိုးရေးနှင့် မွေးမြူရေးဝန်ကြီး၊ ရှမ်းပြည်နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ပြည်နယ်ညွှန်ကြားရေးမှူး၊ ရှမ်းပြည်နယ်တောင်ပိုင်း၊ မြောက်ပိုင်း၊ အရှေ့ပိုင်းရုံးခွဲမှ ဒုတိယညွှန်ကြားရေးမှူးများ၊ ခရိုင်ဦးစီးအရာရှိများ၊ ကိုယ်ပိုင်အုပ်ချုပ်ခွင့်ရတိုင်း/ ဒေသကြီးမှ တာဝန်ရှိသူများ၊ ကုမ္ပဏီလုပ်ငန်းရှင်များနှင့် တင်ဒါလုပ်ငန်းရှင်များများ၊ တက်ရောက်ကြကြောင်း သိရှိရသည်။

                                                                             မောင်မောင်သန်း(တောင်ကြီး)

 

ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ လွိုင်လင်မြို့တွင် မျက်စိ/ သွားနှင့်ခံတွင်း/ အထွေထွေရောဂါများ အခမဲ့ကုသမှုအခြေအနေ ကြည့်ရှုအားပေး

တောင်ကြီး ဒီဇင်ဘာ  ၂၀

   ပြည်ထောင်စုသမ္မတမြန်မာနိုင်ငံတော် ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီးဒေါ်ဖြူဖြူညွန့်၊ ပြည်နယ် ဝန်ကြီးများနှင့်အလှူရှင်များလိုက်ပါလျက် ဒီဇင်ဘာ(၂၀)ရက်နံနက်(၉)နာရီက လွိုင်လင်မြို့၊ ပြည်သူ့ဆေးရုံတွင် ဒုတိယသမ္မတဒေါက်တာစိုင်းမောက်ခမ်းမိသားစုနှင့် အလှူရှင်များ စုပေါင်းကျင်းပပြုလုပ်သော မျက်စိ/ သွားနှင့်ခံတွင်း/ အထွေထွေရောဂါများ အခမဲ့ဆေးကုသမှုအခြေအနေများကို ကြည့်ရှုအားပေးကြကြောင်း သိရသည်။

820

   ဆက်လက်၍ ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ရှမ်းပြည်နယ်၊ ပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်နှင့်ဇနီးဒေါ်ဖြူဖြူညွန့်၊ ပြည်နယ်ဝန်ကြီးများနှင့် တာဝန်ရှိသူများတို့သည် ဆေးရုံအတွင်းလှည့်လည်ကြည့်ကြည့်ရှုအားပေးပြီး၊ မျက်စိကုသနေသည့် ဝေဒနာရှင်များကို မျက်မှန်များ တပ်ဆင်ပေးပြီး ထောက်ပံ့ငွေများ ပေးအပ်ခဲ့ကြောင်း သိရသည်။

821

   အဆိုပါ လွိုင်လင်မြို့၊ ပြည်သူ့ဆေးရုံတွင် မျက်စိရောဂါဝေဒနာ(၄၈၇)ဦး၊ သွားနှင့်ခံတွင်း(၉၉)ဦး၊ အထွေထွေရောဂါ(၆၂၅)ဦး စုစုပေါင်း(၁၂၁၁)ဦးရှိပြီး၊ (၁၉.၁၂.၂၀၁၄) ရက်နေ့တွင် မျက်စိဝေဒနာရှင်(၁၈)ဦး (၂၀)ရက်နေ့တွင်(၇)ဦးတို့ကို တောင်ကြီးမြို့သို့ ပို့ရန်စီစဉ်ထားပြီး၊ လဲချားမြို့တွင် မျက်စိဝေဒနာရှင်(၇၅၉)ဦး၊ သွားနှင့်ခံတွင်း(၈၀)ဦး၊ အထွေထွေရောဂါဝေဒနာရှင်(၇၂၅)ဦး စုစုပေါင်း (၁၅၆၄)ဦးရှိသည့်အနက် မျက်စိဝေဒနာရှင် (၂၆)ဦးအား တောင်ကြီးမြို့သို့ပို့ရန်နှင့် အထွေထွေရောဂါဝေဒနာရှင်(၉)ဦးတို့အား နေပြည်တော်သို့ပို့ရန် စီစဉ်ထားပြီးဖြစ်ကြောင်း သိရသည်။

   ထို့နောက် ဒုတိယသမ္မတဒေါက်တာစိုင်းမေက်ခမ်း၏ဇနီးဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့်တာဝန်ရှိသူများတို့သည် လွိုင်လင်မြို့မှ ဆက်လက် ထွက်ခွာလာရာ လဲချားမြို့သို့ရောက်ရှိပြီး၊ အဂင်္လန်နိုင်ငံ အောက်စ်ဖို့စ် ဆရာတော် ပါမောက္ခဒေါက်တာ ဓမ္မသာမိ၏ နှစ်(၅၀)ပြည့် ရွှေရတုမွေးနေ့ အထိမ်းအမှတ် မုခ်ဦးဖွင့်ပွဲသို့ တက်ရောက်ကြောင်း သိရသည်။

822

  ၎င်းနောက် ဒေါက်တာဓမ္မသာမိအရှင်သူမြတ်နှင့် ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ် ဦးစဝ်အောင်မြတ်တို့က ဖဲကြိုးဖြတ်ဖွင့်လှစ်ပေးပြီး၊ မုခ်ဦးဆိုင်းဘုတ်အား ဒုတိယသမ္မတ ဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံမှ စက်ခလုတ်နှိပ်၍ ဖွင့်လှစ်ပေးကြောင်း သိရသည်။

   ယင်းနောက်ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများတို့သည် လဲချားမြို့နယ်မှ ရှမ်းယဉ်ကျေးမှုအကများဖြင့် ဖြေဖျော်တင်ဆက်မှုကို ကြည့်ရှု အားပေးကြပြီး၊ ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံမှ ရှမ်းယဉ်ကျေးမှုအကအဖွဲ့အား ဂုဏ်ပြုဆုများ ပေးအပ်ခဲ့ကြောင်း သိရသည်။

   ဆက်လက်၍ ဒုတိယသမ္မတဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ရှမ်းပြည်နယ် ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့် တာဝန်ရှိသူတို့သည် အဂင်္လန်နိုင်ငံ အောက်စ်ဖို့စ်် ဆရာတော် ပါမောက္ခဒေါက်တာ ဓမ္မသာမိ၏ နှစ်(၅၀)ပြည့်ရွှေရတုမွေးနေ့ အထိမ်းအမှတ်ဆရာတော်သမိုင်း ပြတိုက်ဖွင့်ပွဲသို့ တက်ရောက်ရာ ဆရာတော်အရှင်သူမြတ်များက ဇယန္တောဂါထာရွတ်ဖတ်ပူဇော်၍ ဆရာတော် သမိုင်းပြတိုက်အား အောက်စ်ဖို့စ်ဆရာတော်ပါမောက္ခ ဒေါက်တာဓမ္မသာမိနှင့် အရှေ့အလယ်ပိုင်းတိုင်း စစ်ဌာနချုပ် တိုင်းမှူးတို့က ဖဲ့ကြိုးဖြတ်ဖွင့်လှစ်ပေးပြီး ပြတိုက်အတွင်းလှည့်လည်ကြည့်ရှု အားပေးကြကြောင်း သိရသည်။

   ထို့နောက် အဂင်္လန်နိုင်ငံ အောက်စ်ဖို့စ်ဆရာတော်ပါမောက္ခဒေါက်တာဓမ္မသာမိနှစ်(၅၀)ပြည့် ရွှေရတုမွေးနေ့ အထိမ်းအမှတ် ဂုဏ်ပြုမှတ်တမ်းလွှာပေးအပ်ခြင်းနှင့် ရေစက်ချမဂင်္လာအခမ်းအနားကျင်းပရာ ပထမဦးစွာ အခမ်းအနားကို  နမောတဿ(၃)ကြိမ် ရွတ်ဆိုဘုရားကန်တော့၍ ဖွင့်လှစ်ပြီး၊ ဆရာတော်ကြီးထံမှ ငါးပါးသီလ ခံယူဆောက်တည်ကြကာ ဂုဏ်ပြုမှတ်တမ်းလွှာများပေးအပ်ရာ  အောက်စ်ဖို့စ်ဆရာတော် ပါမောက္ခဒေါက်တာ ဓမ္မသာမိမှ ဒုတိယသမ္မတဒေါက်တာစိုင်းမောက်ခမ်းနှင့်ဇနီး ဒေါ်နန်းရွှေမှုံမိသားစုနှင့် အလှူရှင်များတို့ကို ဂုဏ်ပြုမှတ်တမ်းလွှာများပေးအပ်၍ ဆရာတော်ကြီးထံမှ ဩဝါဒခံယူကာ လှူဒါန်းမှုအစုစုတို့အတွက် ရေစက်သွန်းချအမျှပေးဝေပြီး အခမ်းအနာကို ဗုဒ္ဓသာသနံစိရံတိဌတု(၃)ကြိမ် ရွတ်ဆို ဆုတောင်း၍ အခမ်းအနားကို ရုပ်သိမ်းလိုက်ကြောင်းသိရသည်။

   ၎င်းနောက် ဒုတိယသမ္မတဒေါက်တာစိုင်းမောက်ခမ်း၏ဇနီးဒေါ်နန်းရွှေမှုံ၊ ပြည်နယ်ဝန်ကြီးချုပ်နှင့်ဇနီး၊ ပြည်နယ်ဝန်ကြီးများနှင့် တာဝန်ရှိသူတို့သည် သိမ်အဆောက်အဦအား ဖူးမျှော်ကန်တော့၍ ရေစက်ချ တရားနာပြီး၊ ပြည်ထောင်စုသမ္မတ မြန်မာနိုင်ငံတော် ဒုတိယသမ္မတဒေါက်တာစိုင်းမောက်ခမ်းနှင့် ဇနီးဒေါ်နန်းရွှေမှုံ မိသားစုတို့မှ လှူဒါန်းသော လဲချားမြို့ ပြည်သူ့ဆေးရုံ သံဃာဆောင်အဆောက်အဦသစ် ဖွင့်ပွဲသို့ တက်ရောက်ရာ ဖွင့်ပွဲအခမ်းအနားတွင် ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံ၊ ပြည်နယ်ဝန်ကြီးချုပ်၏ ဇနီးဒေါ်ဖြူဖြူညွန့်၊ ပြည်နယ်လူမှုရေးဝန်ကြီး ဒေါက်တာမျိုးထွန်းနှင့် အလှူရှင်များတို့က ဖဲကြိုးဖြတ် ဖွင့်လှစ်ပေးကြကြောင်း သိရသည်။

   ယင်းနောက် သံဃာတော်အရှင်သူမြတ်များ၊ ပြည်နယ်ဝန်ကြီးချုပ်နှင့် တာဝန်ရှိသူတို့က သံဃာဆောင်ကမ္ဗာည်းကျောက်စာတိုင်အား ပရိတ်ရေ၊ အမွှေးနံ့သာရေများ ပက်ဖြန်းပြီး၊ သံဃာဆောင်သစ် အတွင်း လှည့်လည်ကြည့်ရှု၍လည်းကောင်း၊ လဲချားမြို့ပြည်သူ့ဆေးရုံအတွင်း အထူးကုဆရာဝန်များမှ လူနာများအား အခမဲ့ဆေးကုသနေမှုကို လှည့်လည်ကြည့်ရှုအားပေးကြကြောင်း သိရှိရသည်။

 

                                                                                                    မောင်မောင်သန်း(တောင်ကြီး)

 

နည်းပညာကျွမ်းကျင်မှု၊ အသက်မွေးဝမ်းကျောင်းပညာနှင့် သက်ဆိုင်သော တွေ့ဆုံဆွေးနွေးပွဲ ကျင်းပ

တောင်ကြီး   ဒီဇင်ဘာ   ၂၃

827

   နည်းပညာကျွမ်းကျင်မှု၊ အသက်မွေးဝမ်းကျောင်း ပညာနှင့် သက်ဆိုင်သော တွေ့ဆုံဆွေးနွေး ပွဲကို ဒီဇင်ဘာ(၂၃)ရက် မွန်းလွဲ(၁)နာရီက ရှမ်းပြည်နယ် အစိုးရအဖွဲ့ရုံး အစည်းအဝေး ခန်းမ၌ ကျင်းပကြောင်း သိရသည်။

   ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာ စကားပြောကြားပြီး၊ သိပ္ပံနှင့် နည်းပညာဝန်ကြီးဌာန ဒုတိယဝန်ကြီး ဒေါက်တာ အောင်ကျော်မြတ်မှ နည်းပညာကျွမ်းကျင်မှု၊ အသက်မွေးဝမ်းကျောင်းပညာနှင့် သက်ဆိုင်သော အကြောင်းအရာများအား ပရိုဂျက်တာဖြင့် ရှင်းလင်းပြောကြားကြောင်း သိရသည်။

   ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးများ၊ ပြည်နယ်အဆင့်ဌာန ဆိုင်ရာများ၊ နည်းပညာတက္ကသိုလ်နှင့် ကွန်ပျူတာ တက္ကသိုလ်မှ တာဝန်ရှိသူများက အကြံပြု ဆွေးနွေးတင်ပြကြပြီး၊ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ကျော်မြတ် မှ အကြံပြု တင်ပြချက်များအပေါ်ပြန်လည်ဆွေးနွေးသွားကြောင်း သိရသည်။

   ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်အမှာ စကားပြောကြားကာ အခမ်းအနားကို အောင်မြင်စွာ ရုပ်သိမ်းလိုက်ပြီး၊ အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ရှမ်းပြည်နယ်အစိုးရအဖွဲ့ အတွင်းရေးမှူး၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၊ ပြည်နယ်အဆင့် ဌာနဆိုင်ရာ များ၊ (တောင်ကြီး၊ ပင်လုံ၊ လားရှိုး၊ ကျိုင်းတုံ)နည်းပညာတက္ကသိုလ် နှင့် ကွန်ပျူတာတက္ကသိုလ် များမှ တာဝန်ရှိသူများ၊ သူနာပြုသင်တန်းကျောင်းနှင့် သားဖွားသင်တန်းကျောင်းမှ ကျောင်းအုပ်နှင့် နည်းပြများ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။

                                                                                                                                                              မောင်မောင်သန်း(တောင်ကြီး)

 

ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ဒုတိယနေ့ ကျင်းပ

တောင်ကြီး ဒီဇင်ဘာ - ၁၉

 818

   ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး(၁/၂၀၁၄) ဒုတိယနေ့ကို ဒီဇင်ဘာလ (၁၉)ရက် နံနက်(၁၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ ဦးစိုင်းလုံးဆိုင်၊ ပြည်နယ်လွှတ်တော်ဒုတိယ ဥက္ကဌနှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ တက်ရောက်ကြသည်။

819

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူးအဖြစ် ဆောင်ရွက်သည်။

   ပထမဦးစွာ ပြည်နယ်လွှတ်တော်ဥက္ကဌက အစည်းအဝေးတက်ရောက်ခွင့်ရှိသူ လွှတ်တော်ကိုယ်စားလှယ် (၁၃၉)ဦး ရှိသည့်အနက် (၁၁၀)ဦး တက်ရောက်သည့်အတွက် (၇၉.၁၄%) တက်ရောက်သဖြင့် အစည်းအဝေး အထမြောက်ကြောင်းနှင့် အစည်းအဝေး စတင်ကျင်းပကြောင်း ကြေညာပါသည်။

   ဆက်လက်၍ အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ်(၉)ဦးတို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး အစည်းအဝေးပထမနေ့က ခွင့်ပန်ကြားသူ(၂၀)ဦး၊ ယနေ့ခွင့်ပန်ကြားသူ (၉)ဦး၊ စုစုပေါင်း ခွင့်ပန်ကြားသူ(၂၉)ဦးတို့အား ပြည်နယ်လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ထို့နောက် ရှမ်းပြည်နယ်အစိုးရအဖွဲ့မှ ပြန်လည်တင်ပြသော ၂၀၁၅-၂၀၁၆ခု ဘဏ္ဍာရေးနှစ်၊ ရသုံးခန့်မှန်ခြေ ငွေစာရင်း လျာထားချက်နှင့်စပ်လျဉ်း၍ ပြည်နယ်လွှတ်တော် ကိုယ်စားလှယ်(၃)ဦးတို့က ဆွေးနွေးရာ ရှမ်းပြည်နယ်အစိုးရအဖွဲ့ဝင် ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်နှင့် ပြည်နယ် ဘဏ္ဍာရေး ဝန်ကြီး ဦးခွန်သိန်းမောင်တို့က ရှင်းလင်းဆွေးနွေးပါသည်။

   ဆက်လက်၍ ပြည်နယ်လွှတ်တော်ဥက္ကဌက ပထမအကြိမ် ရှမ်းပြည်နယ်လွှတ်တော် အရေးပေါ် အစည်းအဝေး ဆောင်ရွက်ချက်များအပါအဝင် လွှတ်တော်လုပ်ငန်းဆိုင်ရာများနှင့် စပ်လျဉ်း၍ လွှတ်တော်သို့ ရှင်းလင်းတင်ပြပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ဒုတိယနေ့အား နံနက်(၁၁:၁၅)နာရီတွင် အောင်မြင်စွာ ကျင်းပပြီးစီးကြောင်း သိရှိရသည်။

 

                                                                                                                                                                                ပြည်နယ်ပြန်/ ဆက်

 

ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၄/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၅/၂၀၁၄)ကျင်းပ

တောင်ကြီး  ဒီဇင်ဘာ  - ၂၂

826

   ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၄/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၅/၂၀၁၄) နှင့် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ အစည်းအဝေး အမှတ်စဉ်(၁၄/၂၀၁၄) အခမ်းအနားကို ဒီဇင်ဘာ(၂၂)ရက်၊ နံနက် (၁၀)နာရီက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ၌ ကျင်းပရာ  ရှမ်းပြည်နယ် မြေအသုံးချမှု စီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေး လုပ်ငန်းအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က အဖွင့်အမှာစကားပြောကြားရာတွင် မြေအသုံးချမှု စီမံခန့်ခွဲရေးဗဟိုကော်မတီ ဥက္ကဌနှင့် အဖွဲ့ဝင်များလာရောက်ပြီး၊ ရှမ်းပြည်နယ်အတွင်း မြေအသုံးချမှုစီမံခန့်ခွဲရေးကော်မတီရုံး အဆင့်ဆင့်အနေနှင့် မြေကိစ္စရပ်များ ဖြေရှင်းဆောင်ရွက်ပေးနေမှုများအပေါ် လိုအပ်သည်များကူညီဖြေရှင်း ဆောင်ရွက်ပေးနိုင် ရန် စစ်ဆေးကြပ်မတ်မှုများ ဆောင်ရွက်ရန်လာရောက်မည်ဖြစ်ကြောင်း၊ ခရီးစဉ်တွင်ယူဆောင်သွားနိုင်မည့် စာအုပ်ငယ်များ ပြုစုပေးရန် မြေအသုံးချမှုစီမံခန့်ခွဲရေးကော်မတီရုံးများ အဆင့်ဆင့်၏ဇယားကားချပ်များပေါ်တွင် ဒေသအလိုက် ဖြေရှင်း ဆောင်ရွက်ရမည့် မြေကိစ္စများကို ဖော်ပြထားရှိရန်လိုအပ်ကြောင်း၊ အစီရင်ခံစာအပိုင်းတွင် ခရိုင်/ မြို့နယ်/ ရပ်ကျေးအလိုက် ဖြေရှင်းထားမှုတွေကို မှန်မှန်ကန်ကန်၊ မြန်မြန်ဆန်ဆန်၊ ဥပဒေလုပ်ထုံးလုပ်နည်းနှင့်ညီဖို့၊ (Case by Case) အမှုတွဲ (၁) ခုချင်း အလိုက် မြေပုံ၊ ဓါတ်ပုံမှတ်တမ်းများထားရှိရန် ပြင်ဆင်ထားရမည်ဖြစ်ကြောင်း၊ မြေအသုံးချမှုစီမံခန့်ခွဲရေး ကော်မတီရုံး အဆင့်ဆင့်၊ ခရိုင်/ မြို့နယ်များတွင် အထွေထွေအုပ်ချုပ်ရေးအရာရှိငယ်(၁)ဦးနှင့် စာရေး(၁)ဦးသာဖြေရှင်း နေရတာမျိုး မဖြစ်စေရန်၊ မြေစာရင်း၊ စိုက်ပျိုးရေး၊ စက်မှုသီးနှံဝန်ထမ်းများနှင့် ပူးပေါင်းဆောင်ရွက်ပေးနိုင်ရန်လိုကြောင်း၊ မြေအသုံးချမှု ပေးသည့်ကိစ္စများ နှစ်အလိုက်စာရင်းပြုစုပြီး၊ ခိုင်ခိုင်မာမာထားရှိစေရန် မှာကြားလိုကြောင်း၊ မြေကိစ္စ တင်ပြလာသည့် နေ့မှစ၍ အဆင့်ဆင့်ဆောင်ရွက်မှုမှတ်တမ်းများ ထားရှိဆောင်ရွက်ပြီး၊ မကြန့်ကြာသင့်သည့်ကိစ္စများ ကြန့်ကြာမှုမရှိစေရန်အတွက် စိစစ်ကြပ်မတ်ဆောင်ရွက်ပေးရန်လိုကြောင်း၊ ခရိုင်/ မြို့နယ်အလိုက် မြေအသုံးချမှုကိစ္စများ စနစ်တကျမှတ်တမ်းမှတ်ရာများ စနစ်တကျလုပ်ငန်းဆောင်ရွက်နိုင်အောင် မြေကိစ္စနှင့်ပတ်သက်သည့် တိုင်စာများ၊ ဖြေရှင်းရန်အတွက် အသုံးပြုခွင့်ပေးတာကို ဥပဒေလုပ်ထုံးလုပ်နည်းနှင့် မညီဘဲဆောင်ရွက်မှုတွေမဖြစ်ရန်၊ ကြပ်မတ်ဖို့လိုအပ်မည်ဖြစ်ကြောင်း၊ မြေအသုံးချမှုစီမံခန့်ခွဲရေး ကော်မတီ အဆင့်ဆင့်၏ လုပ်ကိုင်ဆောင်ရွက်နေမှုများသည် အစိုးရအဖွဲ့ကို ပုံရိပ်ထင်ဟပ်စေတာ ဖြစ်သည့်အတွက် ဖြေရှင်း ဆောင်ရွက်မှုများ၊ လုပ်ကိုင်ဆောင်ရွက်မှုများကိုစနစ်တကျ ဥပဒေလုပ်ထုံးလုပ်နည်းနှင့်အညီ ဆောင်ရွက်ရန် ထပ်မံမှာကြားလို ကြောင်း၊ စိစစ်မှုမှတ်တမ်း၊ လုပ်ငန်းမှတ်တမ်း၊ အစည်းအဝေးမှတ်တမ်း၊ အပ်နှံလက်ခံပေးအပ်မှတ်တမ်းများ၊ မြေပုံ၊ ဓါတ်ပုံ အမှုတွဲတွေ ပြည့်စုံအောင်ဆောင်ရွက်ထားကြရန်၊ သတင်းထုတ်ပြန်ဖို့ လိုအပ်သည့်ကိစ္စများ သတင်းထုတ်ပြန်နိုင်ရန်အတွက် နောက်လများမှာ အစီရင်ခံစာအမှုတွဲပါ Case များ မပြီးပြတ်၍ ပြည်နယ်မှ ဆုံးဖြတ်ဖို့လိုအပ်သည့်ကိစ္စများကို ဖော်ပြဆွေးနွေး ဆုံးဖြတ်တင်ပြပေးရန်နှင့် ကော်မတီဝင်များ ဝိုင်းဝန်း အကြံပြုဆွေးနွေးပေးကြရန် ပြောကြားသွားကြောင်း သိရသည်။

   ဆက်လက်၍ အစည်းအဝေးဆုံးဖြတ်ချက်များ ဖတ်ကြားအတည်ပြုခြင်း၊ ရှမ်းပြည်နယ် မြေအသုံးမှု စီမံခန့်ခွဲရေး ကော်မတီ အစည်းအဝေး အမှတ်စဉ် (၁၄/၂၀၁၄)၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ် (၁၅/၂၀၁၄) တင်ပြချက်များ မြေလွတ်၊ မြေလပ် နှင့် မြေရိုင်းများ စီမံခန့်ခွဲရေးလုပ်ငန်းအဖွဲ့ အစည်းအဝေး အမှတ်စဉ် (၁၄/၂၀၁၄) တင်ပြချက်များအား ဆွေးနွေးဆုံးဖြတ်ကြသည်။

   ထို့နောက် အခမ်းအနားသို့ တက်ရောက်လာသော တာဝန်ရှိသူများမှ အထွေထွေဆွေးနွေးတင်ပြကြပြီး၊ ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ ဥက္ကဌ၊ ရှမ်းပြည်နယ် လယ်ယာမြေ စီမံခန့်ခွဲမှုအဖွဲ့ ဥက္ကဌ၊ ရှမ်းပြည်နယ် မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းအဖွဲ့ ဥက္ကဌ၊ ပြည်နယ်ဝန်ကြီးချုပ် ဦးစဝ်အောင်မြတ်မှ နိဂုံးချုပ်အမှာစကား ပြောကြားကာ အခမ်းအနားကို အောင်မြင်စွာ ရုပ်သိမ်းလိုက်သည်။

   အဆိုပါ အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ် စိုက်ပျိုးရေးနှင့် မွေးမြူရေးဝန်ကြီး၊ ပြည်နယ် သစ်တောနှင့်သတ္တု ဝန်ကြီး၊ ရှမ်းပြည်နယ် အစိုးရအဖွဲ့ အတွင်းရေးမှူး၊ တိုင်းစစ်ဌာနချုပ် အသီးသီးမှ ဦးစီးအရာရှိကြီးများ၊ သက်ဆိုင်ရာပြည်နယ်အဆင့်ဌာနဆိုင်ရာ တာဝန်ရှိသူများ တက်ရောက်ကြကြောင်း သိရှိရသည်။

                   မောင်မောင်သန်း(တောင်ကြီး)

 

ပြည်နယ်ပညာရေးညွှန်ကြားရေးမှူး ဖလားအခြေခံကျောင်းပေါင်းစုံ ဘောလုံးပြိုင်ပွဲ ဆုချီးမြှင့်ပွဲ ကျင်းပ

တောင်ကြီး ဒီဇင်ဘာ - ၁၇

817

   ၂၀၁၄- ၂၀၁၅ ပညာသင်နှစ် ပြည်နယ်ပညာရေး ညွှန်ကြားရေးမှူးဖလား အခြေခံကျောင်းပေါင်းစုံ အသက်(၁၉)နှစ်အောက် ဘောလုံးပြိုင်ပွဲ ဆုချီးမြှင့်ပွဲကို ဒီဇင်ဘာ(၁၇)ရက် ညနေ(၃)နာရီက တောင်ကြီးမြို့၊ ပြည်နယ်အားကစားနှင့် ကာယပညာဦးစီးဌာန၊ ပြည်နယ်ဘောလုံးကွင်း၌ ကျင်းပကြောင်းသိရသည်။

   ပထမဦးစွာ နောက်ဆုံးဗိုလ်လုပွဲအဖြစ် တောင်ကြီးမြို့နယ် အခြေခံကျောင်းပေါင်းစုံ အသင်းနှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ် အခြေခံကျောင်းပေါင်းစုံအသင်းတို့ ယှဉ်ပြိုင်ကစားကြရာ မိနစ်(၉၀)အချိန်ပြည့်နှင့် အချိန်ပိုကစားသော်လည်း တစ်ဘက်(၂)ဂိုးစီ သရေကျနေ၍ Panalty ဖြင့်၊ ဆုံးဖြတ်ရာ တောင်ကြီးမြို့နယ် အသင်းက (၆)ဂိုး (၄)ဂိုးဖြင့်၊ အနိုင်ရဗိုလ်စွဲ သွားကြောင်းသိရသည်။

   ဆက်လက်၍ ဆုချီးမြှင့်ပွဲကျင်းပရာ ပြိုင်ပွဲဖြစ်မြောက်ရေးအတွက် အလှူငွေလှူဒါန်းပေးသည့် ကုမ္ပဏီများအား ဂုဏ်ပြုမှတ်တမ်းလွှာများကို တောင်ကြီးခရိုင်အထွေထွေအုပ်ချုပ်ရေးမှူ ဦးကံထွန်းမှ ပေးအပ်၍ လည်းကောင်း၊ နေရာအလိုက်အကောင်းဆုံးကစားသမားဆု၊ ဂိုးသမားဆု၊ နောက်တန်းဆု၊ အလယ်တန်းဆု၊ ရှေ့တန်းဆု၊ ပွဲစဉ်တစ်လျှောက် အကောင်းဆုံးဆုရရှိသူများကို ပြည်နယ်အားကစားနှင့် ကာယပညာဦးစီးဌာန လက်ထောက်ညွှန်ကြားရေးမှူး ဦးတင်မြင့်မှ ဆုတံဆိပ်နှင့် ငွေသားဆုများချီးမြှင့်ပေး ၍ လည်းကောင်း၊ တတိယဆုရရှိသော ညောင်ရွှေမြို့နယ် အခြေခံကျောင်းပေါင်းစုံဘောလုံးအသင်းအား၊ တောင်ကြီး တက္ကသိုလ်ပါမောက္ခချုပ် ဒေါက်တာဒေါ်မူမူမြင့်မှ တစ်ဦးချင်းဆုတံဆိပ်နှင့် ငွေသားကျပ်(၂) သိန်းချီးမြှင့်ပေး၍ လည်းကောင်း၊ ဒုတိယဆုရရှိသော ပအိုဝ်းကိုယ်ပိုင်အုပ်ချုပ်ခွင့်ရဒေသ အခြေခံကျောင်း ပေါင်းစုံ ဘောလုံးအသင်းအား ပြည်နယ်ပညာရေးဒုတိယညွှန်ကြားရေးမှူး၊ ဆရာကြီး ဦးသန်းထွန်းဟန်မှ တစ်ဦးချင်းဆုတံဆိပ်၊ ငွေသားကျပ်(၃)သိန်းနှင့် ဆင့်ပွားဒိုင်းဆုများချီးမြှင့်ပေး၍ လည်းကောင်း၊ ပထမဆုရ ရှိသော တောင်ကြီးမြို့နယ် ခြေခံကျောင်းပေါင်းစုံ ဘောလုံးအသင်းအား၊ ပြည်နယ်ပညာရေး ညွှန်ကြားရေးမှူး၊ ဦးချစ်ဆွေမှ တစ်ဦးချင်းဆုတံဆိပ်၊ ငွေသားဆုကျပ်(၅)သိန်းနှင့် ဒိုင်းဆုများကို ချီးမြှင့်ပေးအပ်ကြောင်းသိရသည်။

   အဆိုပါအခမ်းအနားသို့ ပြည်နယ်ပညာရေးညွှန်ကြားရေးမှူးနှင့် တာဝန်ရှိသူများ၊ ခရိုင်၊ မြို့နယ် အဆင့် ဌာနဆိုင်ရာများ၊ ဆရာ၊ ဆရာမများ၊ ကျောင်းသား၊ ကျောင်းသူများ၊ ပြိုင်ပွဲဝင်အားကစားသမား များ၊ အားကစားဝါသနာရှင်များ တက်ရောက်ကြကြောင်းသိရှိရသည်။

                                                                                မောင်မောင်သန်း(တောင်ကြီး)

 

မျက်စိ၊ သွားနှင့် ခံတွင်း၊ အထွေထွေရောဂါများ အခမဲ့ ကုသခြင်းတွင် ပါဝင်ဆောင်ရွက်ပေးသော အထူးကုဆရာဝန်ကြီးနှင့် ဝန်ထမ်းများ၊ အလှူရှင်များ ကို ဂုဏ်ပြုပွဲကျင်းပ

တောင်ကြီး ဒီဇင်ဘာ  -  ၂၁

824

ပြည်ထောင်စု သမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်းနှင့် ဇနီး ဒေါ်နန်းရွှေမှုံ မိသားစုနှင့် အလှူရှင်များ စုပေါင်းကျင်းပပြုလုပ်သော မျက်စိ၊ သွားနှင့် ခံတွင်း၊ အထွေထွေရောဂါများ အခမဲ့ကုသခြင်းတွင် ပါဝင်ဆောင်ရွက်ပေးသော အထူးကုဆရာဝန်ကြီးနှင့် ဝန်ထမ်းများ၊ အလှူရှင်များအား ဂုဏ်ပြုညစာစားပွဲကို ဒီဇင်ဘာ(၂၁)ရက် ည(၇)နာရီခွဲက တောင်ကြီးမြို့၊ ချယ်ရီကွင်းဟိုတယ်၌ ကျင်းပကြောင်း သိရသည်။

825

ပထမဦးစွာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဂုဏ်ပြုအမှာစကား ပြောကြားသည်။ ဆက်လက်၍ အလှူရှင်များမှ ပေးအပ်လှူဒါန်းသော အလှူငွေကျပ် ကျပ်သိန်း(၃၀၀)ပေးအပ် လှူဒါန်းရာ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်းမှ လက်ခံရယူပေးကြောင်း သိရသည်။

ထို့နောက် ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုံမှ မျက်စိ၊ သွားနှင့်ခံတွင်း၊ အထွေထွေရောဂါအခမဲ့ကုသခြင်းတွင် ပါဝင်ဆောင်ရွက်ပေးသော အထူးကုဆရာဝန်ကြီးနှင့် ဝန်ထမ်းများ၊ အလှူရှင်များကို ဂုဏ်ပြုလက်ဆောင်ပေးအပ်ရာ အထူးကုဆရာဝန်ကြီးနှင့် တာဝန်ရှိသူတို့က အသီးသီးလက်ခံရယူ ကြကြောင်းသိရသည်။

အဆိုပါ အခမ်းအနားသို့ ဒုတိယသမ္မတဒေါက်တာစိုင်းမောက်ခမ်း၏ ဇနီးဒေါ်နန်းရွှေမှုံ၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွှန့်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်အဆင့် ဌာနဆိုင်ရာများ၊ အထူးကုဆရာဝန်ကြီးနှင့် ဝန်ထမ်းများ၊ အလှူရှင်များ၊ ဖိတ်ကြားထားသည့် ဧည့်သည်တော်များ တက်ရောက်ကြကြောင်းသိရသည်။

                                                                                       မောင်မောင်သန်း(တောင်ကြီး)

 

ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ပထမနေ့ ကျင်းပ

တောင်ကြီး ဒီဇင်ဘာ - ၁၈

816

   ပထမအကြိမ်၊ ရှမ်းပြည်နယ်လွှတ်တော် အရေးပေါ်အစည်းအဝေး(၁/၂၀၁၄) ပထမနေ့ကို ဒီဇင်ဘာလ (၁၈)ရက် နံနက် (၁၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ရှမ်းပြည်နယ် ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော်ဥက္ကဌ ဦးစိုင်းလုံးဆို၊ ပြည်နယ်လွှတ်တော်ဒုတိယဥက္ကဌနှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ တက်ရောက်ကြသည်။

   အစည်းအဝေးတွင် ပြည်နယ်လွှတ်တော်ရုံး အကြီးအမှူး ဦးစိုင်းသော်ဝင်းက အခမ်းအနားမှူးအဖြစ် ဆောင်ရွက်သည်။

   ပထမဦးစွာ ကတိသစ္စာမပြုရသေးသော တပ်မတော်သား ပြည်နယ်လွှတ်တော်ကိုယ်စားလှယ်(၁)ဦးက ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးခြင်းများ ဆောင်ရွက်ပါသည်။

   ဆက်လက်၍ ပြည်နယ်လွှတ်တော်ဥက္ကဌက အစည်းအဝေးတက်ရောက်ခွင့်ရှိသူ လွှတ်တော်ကိုယ်စားလှယ် (၁၃၉)ဦး ရှိသည့်အနက်(၁၁၉)ဦး တက်ရောက်သည့်အတွက် (၈၅.၆၁%) တက်ရောက်သဖြင့် အစည်းအဝေး အထမြောက်ကြောင်းနှင့် အစည်းအဝေး စတင်ကျင်းပကြောင်း ကြေညာပါသည်။

   ထို့နောက် အစည်းအဝေးမတက်ရောက်နိုင်သော ပြည်နယ်လွှတ်တော်ကိုယ်စားလှယ်(၂၀)ဦးတို့အတွက် ခွင့်ပန်ကြားကြောင်း၊ ပြည်နယ်လွှတ်တော် ကိုယ်စားလှယ်တစ်ဦးက တင်ပြပြီး ပြည်နယ်လွှတ်တော်မှ သဘောတူကြောင်းနှင့် အစည်းအဝေးအထမြောက်မှုကို လွှတ်တော်မှ အတည်ပြုကြောင်း ကြေညာပါသည်။

   ဆက်လက်၍ ရှမ်းပြည်နယ်ဝန်ကြီးချုပ်က ပြည်နယ်လွှတ်တော်သို့ ရှင်းလင်းပြောကြားရာ ပြည်နယ်လွှတ်တော် ဥက္ကဌက ပြည်နယ်ဝန်ကြီးချုပ်၏ ရှင်းလင်းပြောကြားချက်အား လွှတ်တော်မှ မှတ်တမ်း တင်ကြောင်း ကြေညာပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် (၁၁)ကြိမ်မြောက် ပုံမှန်အစည်းအဝေး စတုတ္ထနေ့ (၄-၁၂-၂၀၁၄)တွင် အတည်ပြုပြီးဖြစ်သည့် ရှမ်းပြည်နယ်အစိုးရအဖွဲ့မှ တင်သွင်းသော ၂၀၁၅-၂၀၁၆ခု ဘဏ္ဍာရေးနှစ်၊ ရသုံးခန့်မှန်းခြေငွေစာရင်းလျာထားချက်အား ပြည်နယ်ဘဏ္ဍာရေးဝန်ကြီး ဦးခွန်သိန်းမောင်က လွှတ်တော်သို့ ပြန်လည်တင်ပြပါသည်။ ယင်းကိစ္စနှင့် စပ်လျဉ်း၍ ဆွေးနွေးလိုသော ပြည်နယ်လွှတ်တော် ကိုယ်စားလှယ်များ ရှိပါက အမည်စာရင်းတင်သွင်းနိုင်ကြောင်း ကြေညာပါသည်။

   ထို့နောက် ပထမအကြိမ် ရှမ်းပြည်နယ်လွှတ်တော် အရေးပေါ်အစည်းအဝေး (၁/၂၀၁၄) ပထမနေ့အား နံနက်(၁၁:၂၀)နာရီတွင် ရုပ်သိမ်းလိုက်ကြောင်း သိရှိရသည်။

                                                                                       ပြည်နယ်ပြန်/ ဆက်

 

More Articles...

  1. ရှေးဦးအရွယ် ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ နည်းဥပဒေ(မူကြမ်း)အား ရှင်းလင်းဆွေးနွေး
  2. အခြေခံမဲဆန္ဒရှင် စာရင်းအား ကွန်ပျူတာအချက်အလက် ထည့်သွင်းခြင်းဆိုင်ရာ သင်တန်းဖွင့်
  3. မြန်မာနိုင်ငံအင်ဂျင်နီယာအသင်း ရှမ်းပြည်နယ်ရုံးခွဲ(တောင်ကြီး)အသင်းအမှုဆောင်သစ်များ ကတိသစ္စာခံယူပွဲနှင့် စာတမ်းဖတ်ပွဲကျင်းပ
  4. မြန်မာနိုင်ငံဘောလုံးအဖွဲ့ချုပ်မှ ရှမ်းပြည်နယ်သို့ ဘောလုံးပေးအပ်လှူဒါန်း
  5. ဒီဇင်ဘာ အားကစားလ လူထုစုပေါင်း လမ်းလျှောက်ပွဲ(ဒုတိယ)ပတ်တောင်ကြီးမြို့၌ လူထုအားလုံး ပါဝင်ဆင်နွဲ
  6. ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းမှ တောင်ကြီးမြို့နယ်၊သိမ်ကုန်းကျေးရွာအခြေခံပညာအလယ်တန်းကျောင်း(ခွဲ)တွင် ကျောင်းများအတွက်စာရေးစာပွဲ၊ထိုင်ခုံလှူဒါန်းခြင်းနှင့် အခမဲ့ကျန်းမာရေးကွင်းဆင်း စောင့်ရှောက်ပေးခြင်း
  7. ရှမ်းပြည်နယ် မြေအသုံးချမှုစီမံခန့်ခွဲရေးကော်မတီ အစည်းအဝေး အမှတ်စဉ်(၁၃/၂၀၁၄)၊ လယ်ယာမြေ စီမံခန့်ခွဲမှုအဖွဲ့ အစည်းအဝေး အမှတ်စဉ်(၁၄/၂၀၁၄)ကျင်းပ
  8. ROYAL KALAW HILLS RESORT ဖွင့်ပွဲကျင်းပ
  9. LUCKY MYANMAR ကုမ္ပဏီမှ တောင်ကြီးမြို့နယ်အတွင်း ဆောက်လုပ်ခဲ့သည့် ကျောင်းဆောင်သစ် လွှဲပြောင်းပေးအပ်
  10. ပထမအကြိမ်၊ ရှမ်းပြည်နယ်လွှတ်တော် (၁၁)ကြိမ်မြောက်၊ ပုံမှန်အစည်းအဝေး(စတုတ္ထနေ့) ကျင်းပ

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

inn-thar

ရှမ်းပြည်နယ်(တောင်ပိုင်း) ညောင်ရွှေမြို့နယ်နှင့် အင်းလေးကန်တဝိုက်တွင် အများဆုံး နေထိုင်ကြသည်။

We have 55 guests and no members online

Latest Updates