ရှမ်းပြည်နယ်သတင်းများ

IKBZ Insurance Co,.Ltd ရှမ်းပြည်နယ်ရုံးချုပ် ဖွင့်လှစ်

တောင်ကြီး   စက်တင်ဘာ  ၂၆

 

1

 

   အပြည်ပြည်ဆိုင်ရာကမ္ဘောဇ အာမခံလုပ်ငန်းသည် ပြည်သူများ၏ အသက်စည်းစိမ်ဥစ္စာနှင့် စီးပွားရေးလုပ်ငန်းများ ပျက်စီးဆုံးရှုံးခြင်းမှ ပြန်လည်အစားထိုးကာကွယ်ပေးရန်အတွက် မီးအာမခံ၊ အလုံးစုံမော်တော်ယာဉ်အာမခံ၊ ပြည်သူပြည်သား အသက်အာမခံ၊ စုပေါင်းအသက်အာမခံ၊ မြွေအန္တရာယ်အာမခံ၊ အားကစားသမားများ ကိုယ်အင်္ဂါထိခိုက်မှုအာမခံ၊ ငွေသားလုံခြုံမှုအာမခံ၊ ငွေပို့ငွေသယ်အာမခံနှင့် သမာဓိအာမခံတို့ကို ဆောင်ရွက်ပေးလျှက်ရှိရာ အပြည်ပြည်ဆိုင်ရာကမ္ဘောဇ အာမခံလုပ်ငန်း(IKBZ Insurance)၊ ရှမ်းပြည်နယ်ရုံးချုပ် ဖွင့်ပွဲကို စက်တင်ဘာ(၂၆)ရက်၊ နံနက်(၉)နာရီက တောင်ကြီးမြို့၊ လမ်းမတော်ရပ်ကွက်၊ ဗိုလ်ချုပ်အောင်ဆန်းလမ်းရှိ ကမ္ဘောဇဘဏ်၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ ပုဂ္ဂလိကအာမခံလုပ်ငန်းကြီးကြပ်ရေးအဖွဲ့ ဥက္ကဌ ဦးအေးမင်းသိန်း၊ အပြည်ပြည်ဆိုင်ရာကမ္ဘောဇ အာမခံလုပ်ငန်း ဒါရိုက်တာ ဦးကောင်းမြတ်နှင့် ရှမ်းပြည်နယ်ရုံးချုပ်တာဝန်ခံ ဦးကျော်ဇောတို့က အပြည်ပြည်ဆိုင်ရာကမ္ဘောဇ အာမခံလုပ်ငန်း၊ ရှမ်းပြည်နယ်ရုံးချုပ်အား ဖဲကြိုးဖြတ် ဖွင့်လှစ်ပေးကြသည်။

 

   ဆက်လက်၍ အခမ်းအနားသို့ တက်ရောက်လာကြသော ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် တာဝန်ရှိသူတို့သည် အာမခံလုပ်ငန်း ဆောင်ရွက်နေမှုများကို လှည့်လည်ကြည့်ရှုကြသည်။

 

   ထို့နောက် အခမ်းအနား အစီအစဉ်အရ တောင်ကြီးမြို့၊ တောင်ကြီးဟိုတယ်တွင် အာမခံလုပ်ငန်းကြီးကြပ်ရေးကော်မတီ ဥက္ကဌ ဦးအေးမင်းသိန်းမှ အဖွင့်အမှာစကား ပြောကြားပြီး၊ အပြည်ပြည်ဆိုင်ရာကမ္ဘောဇ အာမခံလုပ်ငန်း အုပ်ချုပ်မှုဒါရိုက်တာ ဦးညိုမြင့်မှ ရှမ်းပြည်နယ်ရုံးချုပ် ဖွင့်လှစ်ရခြင်းနှင့် စပ်လျဉ်း၍ ရှင်းလင်းပြောကြားသည်။

 

   အပြည်ပြည်ဆိုင်ရာကမ္ဘောဇ အာမခံလုပ်ငန်း(IKBZ Insurance)၊ ရှမ်းပြည်နယ်ရုံးချုပ် ဖွင့်ပွဲ အခမ်းအနားသို့ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ အပြည်ပြည်ဆိုင်ရာကမ္ဘောဇ အာမခံလုပ်ငန်း ဥက္ကဌ ဦးအောင်ကိုဝင်း၊ အာမခံလုပ်ငန်းကြီးကြပ်ရေးအဖွဲ့ ဥက္ကဌ၊ မြန်မာ့အာမခံလုပ်ငန်း၊ ဦးဆောင်ညွှန်ကြားရေးမှူး ဦးအေးမင်းသိန်းနှင့် တာဝန်ရှိသူများ၊ ပြည်နယ်အဆင့်ဌာနဆိုင်ရာ အကြီးအကဲများ၊ စီးပွားရေးလုပ်ငန်းရှင်များ၊ အာမခံကိုယ်စားလှယ်များနှင့် ဖိတ်ကြားထားသော ဧည့်သည်တော်များ တက်ရောက်ကြကြောင်း သတင်းရရှိသည်။

 

Winner ကုမ္ပဏီမှ စုစည်းကျင်းပသည့် TAUNGGYI EXHIBITON & CAREXPO ဖွင့်ပွဲ ကျင်းပ

တောင်ကြီး   စက်တင်ဘာ  ၂၅

 

20130925

 

Winner ကုမ္ပဏီမှ စုစည်းကျင်းပသည့် TAUNGGYI  EXHIBITON & CAR EXPO ဖွင့်ပွဲကို စက်တင်ဘာ(၂၅)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ရှမ်းပြည်နယ်ဝန်ကြီးများ၊ ဌာနဆိုင်ရာများနှင့် ကုမ္ပဏီမှ တာဝန်ရှိသူများ တက်ရောက်ကြပါသည်။

 

ထို့နောက် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်၊ Future Auto Car Sales Centre ဒါရိုက်တာ ဦးနေလင်းအောင်နှင့် Winner ကုမ္ပဏီ မန်နေဂျင်းဒါရိုက်တာ ဦးမျိုးညွန့်အောင်တို့က ဖဲကြိုးဖြတ် ဖွင့်လှစ်ပေးကြသည်။

 

ဆက်လက်၍ ပြည်နယ်ဝန်ကြီးချုပ်နှင့် တာဝန်ရှိသူတို့သည် ပြခန်းများအား လှည့်လည်ကြည့်ရှုကြပြီး၊ ခန်းမအတွင်း၌ ရှမ်းယဉ်ကျေးမှုအကများဖြင့် ဖျော်ဖြေတင်ဆက်မှုအား ကြည့်ရှုအားပေးကြသည်။

 

အဆိုပါ Winner ကုမ္ပဏီမှ စုစည်းကျင်းပသည့် TAUNGGYI  EXHIBITON & CAR EXPO ဖွင့်ပွဲတွင် ကုမ္ပဏီအရောင်းပြခန်းပေါင်း (၁၃၀)ရှိပြီး၊ အိမ်သုံးကုန်ပစ္စည်း၊ လူသုံးကုန်ပစ္စည်း၊ လျှပ်စစ်ပစ္စည်းမျိုးစုံ၊ ကျန်းမာရေး အထောက်အကူပြု ဆေးပစ္စည်းများ၊ အားကစားပစ္စည်းများ ပါရှိပြီး၊ ဖော်ဖြေရေးအစီအစဉ်ဖြင့် ဟာသလူရွှင်တော်များ၊ Allstar Dancer အဖွဲ့နှင့် နာမည်ကြီးအဆိုတော် အိုင်ရင်းဇင်မာမြင့်၊ Dယံတို့၏ သီဆိုဖော်ဖြေ၍ ပြပွဲရက်အတွင်း Future Auto မှ ကားများအား (အထူးစျေးနှုန်း+မြန်မာနိုင်ငံ၏ ပထမဆုံး (၆)လ Warranty Services များမှင့် မတူသောဝန်ဆောင်မှုများ) ပေးပြီး၊ ပြပွဲကိုနေ့စဉ် နံနက်(၉)နာရီမှ ည(၉)နာရီအထိ ပြသရောင်းချလျက်ရှိ၍ (၂၅.၉.၂၀၁၃) မှ (၂၉.၉.၂၀၁၃)ရက်အထိ ပြသရောင်းချသွားမည်ဖြစ်ကြောင်း သိရှိရသည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ဂျာမနီနိုင်ငံမှ Miss Inina Sheffmam, Head of Programm ဦးဆောင်သောအဖွဲ့အား လက်ခံတွေ့ဆုံ

တောင်ကြီး   စက်တင်ဘာ  ၁၇

 

20130917

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့ အတွင်းရေးမှူး နှင့် ဂျာမနီနိုင်ငံမှ Miss Inina Sheffmam, Head of Programm အဖွဲ့သည် စက်တင်ဘာ(၁၇)ရက်၊ နံနက်(၉)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ လာရောက်တွေ့ဆုံသည်။

 

   ထိုသို့ လက်ခံတွေ့ဆုံရာတွင် Miss Inina Sheffmam, Head of Programm အဖွဲ့မှ ရှမ်းပြည်နယ်တွင် သရက်နှင့် လ္ဘက်ကို အဓိက စိုက်ပျိုးနိုင်ရန်၊ သင်တန်းများပေးနိုင်ရန်နှင့် မိမိတို့၏ လုပ်ငန်းဆောင်ရွက်ချက်များကို ဒေသဖွံ့ဖြိုးရေးဆိုင်ရာ ကော်မတီတွင် ပါဝင်ထည့်သွင်းပေးပါက ပိုမိုထိရောက်မှုရှိကြောင်း၊ ကိုယ်ပိုင်အုပ်ချုပ်ခွင့်ရဒေသ ပအိုဝ်းနှင့် ဓနုဒေသတွင် စိုက်ပျိုးရေးလုပ်ငန်း အဓိက လုပ်ကိုင်လိုကြောင်း ရှင်းလင်းတင်ပြပြီး ဆွေးနွေးညှိနှိုင်းမှုများ ပြုလုပ်ခဲ့သည်။ 

ရှမ်းပြည်နယ်ဝန်ကြီးချုပ် ကျိုင်းတုံဒေသဖွံ့ဖြိုးရေးလုပ်ငန်းများ ကွင်းဆင်းစစ်ဆေး

ကျိုင်းတုံ   စက်တင်ဘာ  ၂၂

 

2

 

၂၀၁၃-ခုနှစ်၊ စက်တင်ဘာလ (၂၂)ရက်နေ့၊ နံနက် (၀၇:၄၅)နာရီအချိန်တွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်သည် ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူ၊ ပြည်နယ်လမ်းပန်းဆက်သွယ်ရေးဝန်ကြီး ဦးစိုင်းနော်ခမ်းနှင့် ဌာနဆိုင်ရာများ လိုက်ပါလျှက်  ကျိုင်းတုံမြို့ ရေကြီးရေလျှံမှုမှ ကာကွယ်ရေးအတွက် နမ့်လပ်ချောင်း တိုးချဲ့တူးဖော် ဆောင်ရွက်ထားရှိမှုနှင့် စပ်လျဉ်း၍ ဆောင်ရွက်ရမည့်အခြေအနေများကို ကွင်းဆင်းစစ်ဆေး ကြည့်ရှုခဲ့ပါသည်။ 

 

ကျိုင်းတုံမြို့၊ ဆည်မြောင်းဦးစီးဌာန၊ ဒုတိယညွှန်ကြားရေးမှူး(မြို့ပြရုံး)မှ ဒုတိယညွှန်ကြားရေးမှူး ဦးဘတင့်က လုပ်ငန်းဆောင်ရွက်ပြီးစီးမှုများ၊ ဆက်လက်ဆောင်ရွက်ထားရှိမှု အခြေအနေများကို မြေပုံကားချပ်များဖြင့် ရှင်းလင်းတင်ပြခဲ့ပါသည်။ ရှင်းလင်းတင်ပြရာတွင် နမ့်လပ်ချောင်းအား အကျယ် (၆၀)ပေ ရရှိအောင်တူးဖော်ပြီး ချောင်းကမ်းတစ်လျှောက် အောက်ခြေ (၂၆)ပေ၊ အပေါ်မျက်နှာပြင် (၁၂)ပေ တာဘောင်ဖို့ခြင်း လုပ်ငန်းများ ဆောင်ရွက်ရန် လျာထားပြီး၊ ဆောင်ရွက်ရမည့် ပမာဏမှာ ချောင်းအရှည် (၈၄၀၀)ပေ၊ မြေကျင်း (၃)သောင်းခန့်ဖြစ်၍ ကုန်ကျစရိတ် (၆၁)သန်း ကုန်ကျနိုင်မည်ဖြစ်ကြောင်း တင်ပြပါသည်။ ပြည်နယ်ဝန်ကြီးချုပ်က ရေစီးရေလာကောင်းမွန်ရေးနှင့် မြို့ရေဝင်နစ်မြုပ်မှု ကာကွယ်ရေးအတွက် အလေးထားဆောင်ရွက်ရန်နှင့် မြို့နယ်စည်ပင်သာယာရေးအဖွဲ့များ၊ မြို့ဖွံ့ဖြိုးတိုးတက်မှု အထောက်အကူပြုအဖွဲ့များနှင့် ညှိနှိုင်းဆောင်ရွက်သွားရန် မှာကြားခဲ့ပါသည်။ နမ့်လပ်ချောင်း၏ရေစီးရေလာနှင့် ချောင်းကျဉ်းသောနေရာများအား ချောင်းပေါ်ရှိ နောင်တုန် ချောင်းကျတံတားပေါ်မှ ကြည့်ရှုစစ်ဆေးခဲ့ပါသည်။

 

ထို့နောက် ကျိုင်းတုံ-မိုင်းယန်း-မိုင်းခတ်လမ်းအတိုင်း ထွက်ခွာခဲ့ပြီး ကတ်တောင်-ကတ်ထိုက် လမ်းမှတစ်ဆင့် ၂၀၁၃-ခုနှစ်၊ သြဂုတ်လ (၉)ရက်၊ (၁၀)ရက်နေ့များက မိုးသည်းထန်ပြီး တောင်ကျရေတိုက်စား သဲဖုံးမှုကြောင့် ပျက်စီးခဲ့သော ဝပ်ဆောင်းအုပ်စု၊ ဝမ်ကန်နွဲ့ရွာအနီးရှိ သဲဖုံးသည့်မြေများအား ကွင်းဆင်းစစ်ဆေး ကြည့်ရှုခဲ့ပါသည်။ ဝမ်ကန်နွဲ့ဘုန်းကြီးကျောင်းအနီးရှိ ရှင်းလင်းဆောင်တွင် ဆည်မြောင်းဦးစီးဌာန၊ ဒုတိယညွှန်ကြားရေးမှူး ဦးဘတင့်နှင့် စိုက်ပျိုးရေးဦးစီးဌာန၊ ပြည်နယ်ဒုတိယဦးစီးမှူး ဦးဇော်မြင့်တို့က သဲဖုံးလွှမ်းမှုကြောင့် ဝပ်ဆောင်းအုပ်စုနှင့် ကတ်တောင်အုပ်စုတို့တွင် လယ် (၂၇၀)ဧက ပျက်စီးခဲ့မှု၊ ယင်းလယ်များတွင် ပဲပုပ်နှင့် နွေစပါး ပြန်လည်စိုက်ပျိုးနိုင်မည့် အခြေအနေ၊ လယ်ယာမြေများ ပြန်လည်ပြုပြင် ဆောင်ရွက်မည့် အခြေအနေ၊ နမ့်ဖူးချောင်းအား ပြန်လည်တူးဖော် ဆောင်ရွက်ပေးရမည့် အခြေအနေများနှင့် တောင်သူ (၆)ဦး၏ လယ် (၇)ဧကအား စံပြလယ်ယာအဖြစ် ပြန်လည်ဖော်ထုတ် ဆောင်ရွက်ပေးမည့်နေရာနှင့် ဆောင်ရွက်ပေးမည့် အခြေအနေများကို ရှင်းလင်းတင်ပြကြပါသည်။ ပြည်နယ်ဝန်ကြီးချုပ်က အမြန်ဆုံးဦးစားပေး ဆောင်ရွက်ပေးရန် မှာကြားခဲ့ပြီး၊ ရှမ်းပြည်နယ်အစိုးရအဖွဲ့၊ ပြည်နယ်စိုက်ပျိုးရေးနှင့် မွေးမြူရေးဝန်ကြီး ဦးစိုင်းဆာလူက ဒေသခံတောင်သူများအား ရှမ်းဘာသာဖြင့် ရှင်းလင်းဆွေးနွေးခဲ့ပါသည်။

 

ထိုမှတစ်ဆင့် ကျိုင်းတုံ-တောင်ကြီးလမ်း မိုင်တိုင်အမှတ် (၃၈၉)အနီး နမ့်အောချောင်းမှ ရေယူ၍ ကျိုင်းတုံမြို့ သောက်သုံးရေဖြန့်ဝေရာ မူလရေယူကန်၊ ရေစစ်ကန်နှင့် ရေသွယ်မှု အခြေအနေများကို ကြည့်ရှုစစ်ဆေးပါသည်။ ရေစစ်ကန် ရှင်းလင်းဆောင်တွင် ရှမ်းပြည်နယ်စည်ပင်သာယာရေးအဖွဲ့ရုံးခွဲ၊ ဒုတိယညွှန်ကြားရေးမှူး ဦးလုကာက ရေစစ်ကန်လုပ်ငန်းများကို (၁၈.၄.၂၀၁၁)နေ့တွင် လုပ်ငန်းစတင်ကာ (၂၀.၁၂.၂၀၁၂)တွင် ပြီးစီးခဲ့ကြောင်း၊ တစ်နေ့ရေဂါလံ (၆)သိန်းခန့် ပေးနိုင်ပြီး ကုန်ကျစရိတ် ကျပ်သိန်း (၂)ထောင်ဖြစ်ကြောင်း ရှင်းလင်းတင်ပြပါသည်။ နမ့်အာချောင်း၏ ရေဝေရေလဲဒေသ မိုင်တိုင်အမှတ်(၃၈၄)အနီးတွင် ဧက(၁၅၀)အား  ရေဝေရေလဲဧကအဖြစ် ထိန်းသိမ်းစိုက်ပျိုးနေမှုများနှင့် ယခုမိုးရာသီတွင် သစ်ပင်မျိုးစုံ (၁၇၀၀၀)စိုက်ပျိုး ရှင်သန်လျှက်ရှိကြောင်း ရှင်းလင်းတင်ပြပါသည်။ ပြည်နယ်ဝန်ကြီးချုပ်က သန့်ရှင်းသော သောက်သုံးရေရရှိရေး အလေးထားဆောင်ရွက်ပေးရန်နှင့် နောင်တိုးတက်လာမည့် လူဦးရေအတွက် ရေဖူလုံရေးလိုအပ်ပါကြောင်း စီမံဆောင်ရွက်ထားရန် မှာကြားခဲ့ပါကြောင်း သတင်းရရှိသည်။

 

ရှမ်းပြည်နယ်၊ မြန်မာနိုင်ငံလူကုန်ကူးမှုတိုက်ဖျက်ရေးနေ့ အခမ်းအနား ကျင်းပ

တောင်ကြီး   စက်တင်ဘာ  ၁၃

 

 1

 

   ရှမ်းပြည်နယ်၊ မြန်မာနိုင်ငံလူကုန်ကူးမှုတိုက်ဖျက်ရေးနေ့ အခမ်းအနားကို စက်တင်ဘာ(၁၃)ရက်၊ နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ တိုင်းရင်းသားရေးရာဝန်ကြီးများ၊ ပြည်နယ်လွှတ်တော်ကိုယ်စားလှယ်များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ သူနာပြုသင်တန်းကျောင်းမှ သင်တန်းသူများ၊ အခြေခံပညာ ကျောင်းသား/ကျောင်းသူများ၊ လူမှုရေးအသင်းအဖွဲ့များ၊ ရပ်ကွက်အုပ်ချုပ်ရေးမှူးများနှင့် ဒေသခံပြည်သူများ တက်ရောက်ကြသည်။

 

   ရှေးဦးစွာ ပြည်နယ်ဝန်ကြီးချုပ်က အမှာစကားပြောကြားပြီး ရှမ်းပြည်နယ်လူကုန်ကူးမှုတားဆီးကာကွယ်ရေးအဖွဲ့ ဥက္ကဌ၊ အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူး ဦးသိန်းဦးက မြန်မာနိုင်ငံလူကုန်ကူးမှုတားဆီးကာကွယ်ရေးအဖွဲ့၏ ရည်ရွယ်ချက်၊ မူဝါဒနှင့် ရှမ်းပြည်နယ်အတွင်း လူကုန်ကူးမှုတိုက်ဖျက်ရေး ဆောင်ရွက်ချက်များကို ရှင်းလင်းတင်ပြသည်။

 

   ၎င်းနောက် မြန်မာနိုင်ငံလူကုန်ကူးမှုတိုက်ဖျက်ရေးတွင် ကြိုးပမ်းအားထုတ်ခဲ့မှု ဗွီဒီယိုခွေမှတ်တမ်းအား (၁၀)မိနစ်ခန့် တင်ပြပြီးနောက် ပြည်နယ်ဝန်ကြီးချုပ်နှင့် ဧည့်သည်တော်များသည် ခန်းမအတွင်း ခင်းကျင်းပြသထားသည့် လူကုန်ကူးမှုတိုက်ဖျက်ရေး ဆောင်ရွက်ချက် မှတ်တမ်းများအား လိုက်လံကြည့်ရှုရာ တာဝန်ရှိသူများက ရှင်းလင်းပြသခဲ့သည်။

 

ရှမ်းပြည်နယ်(အရှေ့ပိုင်း) ကျိုင်းတုံမြို့နှင့် ထိုင်းနိုင်ငံ၊ ချင်းမိုင်မြို့တို့အကြား ချစ်ကြည်ရေး စျေးရောင်းပွဲတော် နှင့် ဆွေးနွေးပွဲ ကျင်းပ

ကျိုင်းတုံ   စက်တင်ဘာ  ၂၂

 

6

 

၂၀၁၃-ခုနှစ်၊ စက်တင်ဘာလ(၂၂)ရက်၊ ညနေ(၁၆:၀၀)နာရီတွင် ကျိုင်းတုံမြို့၊ မြို့တော်ခန်းမ၌ ကျင်းပသော ရှမ်းပြည်နယ်၊ ကျိုင်းတုံခရိုင်၊ ကျိုင်းတုံမြို့နှင့် ထိုင်းနိုင်ငံ၊ ချင်းမိုင်မြို့တို့အကြား ညီအစ်မရင်းခြာကဲ့သို့ ချစ်ကြည်ရင်းနှီးသော မြို့များဖြစ်ရေး ရည်ရွယ်လျှက် စီစဉ်ကျင်းပသော ချစ်ကြည်ရေးကုန်စည်ပြပွဲကို ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် တက်ရောက် အမှာစကားပြောကြားကာ ဖဲကြိုးဖြတ် ဖွင့်လှစ်ပေးပါသည်။ 

 

အခမ်းအနားဖွင့်ပွဲသို့ ပြည်ထောင်စုသမ္မတမြန်မာနိုင်ငံတော်၊ ဟိုတယ်နှင့် ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ချင်းမိုင်ခရိုင်မှ (Governor of Chiang Mai)Mr.Tanin Subhasaen နှင့် တာဝန်ရှိသူများ၊ နှစ်နိုင်ငံယဉ်ကျေးမှုအဖွဲ့များ၊ ဒေသခံပြည်သူများ အင်အား(၃၀၀)ခန့် တက်ရောက်ခဲ့ပြီး၊ ချင်းမိုင်မြို့မှ ဒေသထွက်ကုန်ပစ္စည်းများ၊ ယဉ်ကျေးမှု ရိုးရာပစွည်းများ၊ ပိုးထည်များ၊ လူသုံးကုန်ပစ္စည်းများ၊ ဆိုင်ခန်း (၁၅)ခန်းနှင့် ကျိုင်းတုံမြို့မှ ဆိုင်ခန်း (၁၁)ခန်း ဖွင့်လှစ်ရောင်းချခဲ့ကြပြီး၊ ကုန်စည်ပြပွဲကို (၂၂.၉.၂၀၁၃) နှင့် (၂၃.၉.၂၀၁၃) နှစ်ရက် ဖွင့်လှစ်ရောင်းချခဲ့ကြောင်း သိရပါသည်။

 

၂၀၁၃-ခုနှစ်၊ စက်တင်ဘာလ (၂၃)ရက်၊ နံနက် (၀၈:၀၀)နာရီအချိန်တွင် ကျိုင်းတုံဟိုတယ်သစ်၊ အစည်းအဝေးခန်းမ၌ ကျိုင်းတုံ-ချင်းမိုင် အပြန်အလှန် ချစ်ကြည်ရင်းနှီးမှုဆိုင်ရာ တွေ့ဆုံဆွေးနွေးပွဲ ကျင်းပခဲ့ပါသည်။ ဆွေးနွေးပွဲသို့ ပြည်ထောင်စုသမ္မတမြန်မာနိုင်ငံတော်၊ ဟိုတယ်နှင့် ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် အစိုးရအဖွဲ့ဝင် ဝန်ကြီးများ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ ကုန်သည်လုပ်ငန်းရှင်များ၊ ယဉ်ကျေးမှုအဖွဲ့ ကိုယ်စားလှယ်များ တက်ရောက်ခဲ့ကြပြီး၊ ထိုင်းနိုင်ငံဘက်မှ (Governor of Chiang Mai)Mr.Tanin Subhasaen  ဦးဆောင်သော ဌာနဆိုင်ရာ အကြီးအကဲများ၊ ကုန်သည်ကြီးများအဖွဲ့မှ လုပ်ငန်းရှင်များ တက်ရောက်ခဲ့ကြပါသည်။

 

ဆွေးနွေးပွဲတွင် ဟိုတယ်နှင့် ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် (Governor of Chiang Mai)Mr.Tanin Subhasaen  တို့က အဖွင့်အမှာစကား အသီးသီး ပြောကြားခဲ့ပြီး တက်ရောက်လာသူများက နှစ်နိုင်ငံ ကူးသန်းရောင်းဝယ်ရေးနှင့် ခရီးသွားလုပ်ငန်း တိုးတက်ရေးအတွက် နယ်စပ်ဂိတ်များ တိုးချဲ့ဖွင့်လှစ်ရေး၊ ကျိုင်းတုံနှင့် ချင်းမိုင်ဒေသအတွင်း အသိအမြင်ဗဟုသုတများဖလှယ်ရေး၊ ကျိုင်းတုံနှင့် ချင်းမိုင်တို့ အမွှာမြို့တော်များအဖြစ် အပြန်အလှန် ယဉ်ကျေးမှုဖလှယ်ရေး၊ ခရီးသွားကဏ္ဍနှင့် အားကစားကဏ္ဍ မြှင့်တင်ရေးအတွက် ပူးပေါင်းဆောင်ရွက်ရေး၊ ကုန်းလမ်းပို့ဆောင်ရေးလုပ်ငန်းများ တို့မြှင့်ဆောင်ရွက်ရေး၊ နယ်စပ်ဧရိယာများတွင် တောမီးလောင်ကျွမ်းမှုကြောင့် ဖြစ်ပေါ်သော မီးခိုးငွေ့ ပြဿနာများ ပူးပေါင်းဖြေရှင်းရေး၊ ကုန်သွယ်မှုနှင့် ရင်းနှီးမြှုပ်နှံမှုလုပ်ငန်းများ တိုးမြှင့်ဆောင်ရွက်ရေးတို့အတွက် အကြံပြုဆွေးနွေးကြပါသည်။

 

ယင်းနောက် ဟိုတယ်နှင့် ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးဌေးအောင်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်နှင့် (Governor of Chiang Mai) Mr.Tanin Subhasaen တို့က နိဂုံးချုပ် အမှာစကားများ အသီးသီး ပြောကြားပြီး၊ မှတ်တမ်းဓါတ်ပုံရိုက်ကူးခြင်း၊ လက်ဆောင်ပစ္စည်းများ အပြန်အလှန် လဲလှယ်ခြင်းများပြုလုပ်ကာ (၁၁:၀၀)နာရီတွင် အစည်းအဝေးကို အောင်မြင်စွာ ရုပ်သိမ်းကြောင်း သတင်းရရှိသည်။

 

ကျိုင်းတုံ၌ သမ္မတရုံးဝန်ကြီးများနှင့် တွေ့ဆုံပွဲပြုလုပ်

တောင်ကြီး    စက်တင်ဘာ   ၁၂

 

2

 

   ရှမ်းပြည်နယ်(အရှေ့ပိုင်း) ကျိုင်းတုံမြို့ မြို့တော်ခန်းမ၌ နိုင်ငံတော်သမ္မတရုံး ပြည်ထောင်စုဝန်ကြီးများ ဖြစ်သည့် ဦးစိုးသိန်း၊ ဦးတင်နိုင်သိန်းတို့နှင့် တွေ့ဆုံပွဲကို စက်တင်ဘာ လ (၁၁)ရက်နံနက်(၈)နာရီတွင် ပြုလုပ်ခဲ့သည်။ အခမ်းအနားသို့ ရှမ်းပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ မြို့မိမြို့ဖများ၊ မြို့နယ်စီမံခန့်ခွဲမှုကော်မတီဝင်များ၊ မြို့နယ်ဖွံ့ဖြိုးတိုးတက်မှု အထောက်အကူပြုကော်မတီများ၊ စည်ပင်သာယာရေးကော်မတီများ၊ အသင်းအဖွဲ့များနှင့် ဖိတ်ကြားထားသည့် ဧည့်သည်များ တက်ရောက်ကြသည်။

 

   ရှေးဦးစွာ ပြည်ထောင်စုဝန်ကြီး ဦးစိုးသိန်းက အဖွင့်အမှာစကားပြောကြားရာ နိုင်ငံတော်သမ္မတကြီး၏ တာဝန်ပေးချက်အရ ပြည်ထောင်စုအစိုးရအဖွဲ့နှင့် တိုင်းဒေသကြီး/ပြည်နယ်အစိုးရအဖွဲ့များ လိုအပ်ချက်များကို ညှိနှိုင်းရန်နှင့် ဌာနဆိုင်ရာများ ပြည်သူဝန်ဆောင်မှုပေးရမည့် အချက်များ လုပ်ငန်းများကို ရှင်းလင်းပြောကြားသည်။

 

   ဆက်လက်၍ ပြည်ထောင်စုဝန်ကြီး ဦးတင်နိုင်သိန်း ကပြောကြားရာတွင် မကြာမီက ဖွဲ့စည်းခဲ့သော မြို့နယ်စီမံခန့်ခွဲမှု ကော်မတီများ၊ မြို့နယ်ဖွံ့ဖြိုးတိုးတက်မှု အထောက်အကူပြုကော်မတီများ၊ စည်ပင်သာယာရေးကော်မတီများအတွက် ဆောင်ရွက်ရမည့် လုပ်ငန်းများ၊ သြဂုတ်လ(၉)ရက်နေ့ သမ္မတကြီးမိန့်ခွန်းတွင် ပါသော ကျန်လ(၃၀)၌ ဦးစားပေးလုပ်ဆောင်ရမည့် လုပ်ငန်းများ သိရှိနိုင်ရန်နှင့် မြို့နယ်အဆင့်လိုအပ်ချက်များ၊ အခြေအနေများကို သိရှိနိုင်ရန်အတွက် မေးမြန်းဆွေးနွေးသွားမည်ဖြစ်ကြောင်း ရှင်းလင်းပြောကြားသည်။

 

   ယင်းနောက် ပြည်ထောင်စုဝန်ကြီး ဦးစိုးသိန်းက နိဂုံးချုပ်အမှာစကားပြောကြားကာ တက်ရောက်လာသူများနှင့် ရင်းရင်းနှီးနှီးတွေ့ဆုံနှုတ်ဆက်ခဲ့ကြောင်း သတင်းရသည်။

 

ရှမ်းပြည်နယ်အစိုးရအဖွဲ့နှင့် Mercy Corps အဖွဲ့အစည်း တွေ့ဆုံ

တောင်ကြီး  စက်တင်ဘာ  ၂၄

 

20130924

 

   ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများနှင့် စက်တင်ဘာ(၂၄)ရက်၊ မွန်းလွဲ(၂)နာရီက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ Mercy Corps အဖွဲ့အစည်း Jenny Vaughan  ခေါင်းဆောင်သောအဖွဲ့နှင့် တွေ့ဆုံသည်။

 

   တွေ့ဆုံမှုတွင် Jenny Vaughan မှ ဆွေးနွေးရာ မိမိတို့ အဖွဲ့အစည်းသည် အမေရိကန်နိုင်ငံ အခြေစိုက် အဖွဲ့အစည်းတစ်ခုဖြစ်ပြီး၊ လူတိုင်းအသုံးဝင်သည့် သဘာဝအရင်းအမြစ်စီမံခန့်ခွဲရေး စီမံကိန်းလုပ်ငန်းများကို ရှမ်းပြည်နယ်အတွင်းတွင် (၂)နှစ်လုပ်ကိုင်ဆောင်ရွက်ပြီး၊ ၂၀၁၃-ခုနှစ်၊ ဒီဇင်ဘာလတွင် သင်တန်းဖွင့်လှစ်ပေး၍ ပြည်သူလူထု (၅၀)ဦး ရွေးထုတ်ကာ နှစ်ဦးနှစ်ဘက် တင်းမာမှုများ၊ လက်နက်ကိုင် တိုက်ပွဲဖြစ်ပွားမှုများနှင့် ငြိမ်းချမ်းရေးလုပ်ငန်းစဉ်များ၊ သဘာဝအရင်းအမြစ် စီမံခန့်ခွဲမှုလုပ်ငန်းများကို သင်တန်းပို့ချပေးမည်ဖြစ်ကြောင်း ဆွေးနွေး ပြောကြားသွားသည်။

 

   ဆက်လက်၍ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်က ဆွေးနွေးပြောကြားရာ အင်းလေးကန်ဒေသ (၅)မြို့နယ်ကို ဟောပြောပွဲအဖြစ် ပြည်သူလူထုတွေကို အသိပညာပေး ဆောင်ရွက်ပေးရန်နှင့် လိုအပ်သည့် အကူအညီများကို ကူညီဆောင်ရွက်ပေးသွားမည်ဖြစ်ကြောင်း ဆွေးနွေး ပြောကြားသွားကြောင်း သိရှိရသည်။

 

ပထမအကြိမ်၊ ရှမ်းပြည်နယ်လွှတ်တော် သတ္တမ ပုံမှန်အစည်းအဝေး (စတုတ္ထနေ့) ဆက်လက် ကျင်းပ

တောင်ကြီး   စက်တင်ဘာ  ၁၂

 

1

 

   ပထမအကြိမ်၊ ရှမ်းပြည်နယ်လွှတ်တော် သတ္တမ ပုံမှန်အစည်းအဝေး(စတုတ္ထနေ့)ကို စက်တင်ဘာလ(၁၂)ရက်၊ မွန်းလွဲ(၁၀:၀၀)နာရီအချိန်တွင် ရှမ်းပြည်နယ်လွှတ်တော်၊ အစည်းအဝေးခန်းမ၌ ကျင်းပရာ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ဒုတိယဥက္ကဌနှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ် (၁၂၈)ဦး တက်ရောက်ကြသည်။

 

   ပထမဦးစွာ ပြည်နယ်လွှတ်တော်ကိုယ်စားလှယ်များက မေးမြန်းသည့် မေးခွန်း (၂၂)ခုအား ပြည်နယ်လွှတ်တော် ဒုတိယဥက္ကဌနှင့် သက်ဆိုင်ရာ ပြည်နယ်အစိုးရအဖွဲ့ဝင်များက ပြန်လည်ဖြေကြားကြပါသည်။

 

   ဆက်လက်၍ ယမန်နေ့က တင်သွင်းခဲ့သော ရှမ်းပြည်နယ်အစိုးရအဖွဲ့မှ ၂၀၁၃-၂၀၁၄ ဘဏ္ဍာရေးနှစ်၊ ရှမ်းပြည်နယ်ဘဏ္ဍာရန်ပုံငွေတွင် ပါဝင်သော ဌာန/အဖွဲ့အစည်းများ၏ ဖြည့်စွက်ခွင့်ပြုငွေ တောင်းခံခြင်းအား ရှင်းလင်းဆွေးနွေးပြီး လွှတ်တော်၏ အတည်ပြုချက်ရယူရာ လွှတ်တော်မှ သဘောတူသည့်အတွက် အတည်ပြုကြောင်း ကြေညာပါသည်။

 

   ထို့နောက် ယမန်နေ့က တင်ပြခဲ့သော ကော်မရှင်နှင့် ကော်မတီ(၃)ရပ်တို့၏ တာဝန်၊ လုပ်ကိုင်ခွင့်၊ ရပိုင်ခွင့်၊ သက်တမ်းလျာထားချက်များနှင့် စပ်လျဉ်း၍ ပြည်နယ်လွှတ်တော် ဥက္ကဌမှ ရှင်းလင်းတင်ပြပြီး လွှတ်တော်၏ အတည်ပြုချက်ရယူရာ လွှတ်တော်မှ သဘောတူညီသည့်အတွက် ကော်မရှင်နှင့် ကော်မတီ(၃)ရပ်ကို ဖွဲ့စည်းရာတွင် အတည်ပြုကြောင်း လွှတ်တော်မှ ကြေညာပါသည်။

 

   ဆက်လက်၍ ရှမ်းပြည်နယ်အစိုးရအဖွဲ့မှ ပညာရေး၊ ကျန်းမာရေး၊ အားကစားဆိုင်ရာ လူမှုရေးကဏ္ဍများ ဆောင်ရွက်ထားရှိမှု အခြေအနေအား ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်းက လွှတ်တော်သို့ ရှင်းလင်း တင်ပြပါသည်။

 

   ထို့နောက် ပထမအကြိမ် ရှမ်းပြည်နယ်လွှတ်တော် သတ္တမ ပုံမှန်အစည်းအဝေး(စတုတ္ထနေ့)ကို မွန်းလွဲ (၁၄:၄၅)နာရီတွင် အောင်မြင်စွာ ကျင်းပပြီးစီးကြောင်း သိရှိရသည်။

 

အမှတ်(၁၃) တွဲဘက်အခြေခံပညာအထက်တန်းကျောင်း(အောင်သပြေ)သည် အခြေခံပညာအထက်တန်းကျောင်း(အောင်သပြေ)အဖြစ် အဆင့်တိုးမြှင့် ဖွင့်လှစ်

 

တောင်ကြီး   စက်တင်ဘာ   ၁၉

1

 

   ရှမ်းပြည်နယ်၊ တောင်ကြီးခရိုင်၊ တောင်ကြီးမြို့နယ်၊ ရွှေညောင်မြို့၊ အခြေခံပညာအထက်တန်းကျောင်း(အောင်သပြေ)သည် အမှတ်(၂၂၂) ထောက်ပံ့နှင့် ပို့ဆောင်ရေးတပ်ရင်းအတွင်း တည်ရှိပြီး ကျောင်းဧရိယာ အကျယ်အဝန်း(၅.၂၈)ဧကရှိ၍ ၁၉၅၈-ခုနှစ်မှ စတင်၍ ကျောင်းစတင်ဖွင့်လှစ်ခဲ့ပါသည်။

 

   ကျောင်းအတွင်း စာသင်ဆောင်(၇)ဆောင်ရှိပြီး၊ ဆရာ/ဆရာမ၊ ဝန်ထမ်းအင်အား (၄၉)ဦးဖြင့် အထက်တန်းအဆင့် (၃၂၈)ဦး၊ အလယ်တန်းအဆင့် (၄၉၅)ဦး၊ မူလတန်းအဆင့် (၃၄၅)ဦး စုစုပေါင်း (၁၁၆၈)ဦးတို့အား ပညာသင်ကြားပေးလျက်ရှိပါသည်။

 

   ပညာရေးဝန်ကြီးဌာန၏ မသင်မနေရ မူလတန်းပညာရေးစနစ်ကို ဦးတည်၍ အခြေခံပညာကျောင်းများ၊ ကျောင်းခွဲများနှင့် တွဲဘက်ကျောင်းများအနက် အဆင့်တိုးမြှင့်သင့်သည့် ကျောင်းများကို အဆင့်တိုးမြှင့်ဖွင့်လှစ်ခဲ့ရာ အမှတ်(၁၃) တွဲဘက်အခြေခံပညာအထက်တန်းကျောင်း(အောင်သပြေ)သည် အဆင့်တိုးမြှင့်ဖွင့်လှစ်ခွင့် ရရှိခဲ့သဖြင့် (၁၈.၉.၂၀၁၃)ရက်နေ့တွင် အခြေခံပညာအထက်တန်းကျောင်း(အောင်သပြေ)အဖြစ် အဆင့်တိုးမြှင့် ဖွင့်လှစ်ခဲ့ပါသည်။

 

   အဆိုပါ ကျောင်းအဆင့်တိုးမြှင့်ပွဲအခမ်းအနားတွင် ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်ပညာရေး ညွှန်ကြားရေးမှူး ဦးချစ်ဆွေနှင့် ကျောင်းအကျိုးတော်ဆောင် နာယကတို့မှ ဖဲကြိုးဖြတ်ဖွင့်လှစ်ပေးခဲ့ပြီး ကျောင်းဆိုင်းဘုတ်ကို ပြည်နယ်လူမှုရေးဝန်ကြီး ဒေါက်တာမျိုးထွန်းမှ စက်ခလုတ်နှိပ်၍ နံ့သာရည်များဖြင့် ပက်ဖြန်းပေးခဲ့ပါသည်။

 

   ပြည်နယ်လူမှုရေးဝန်ကြီး ဒေါက်တာမျိုးထွန်းမှ အဖွင်အမှာစကား ပြောကြားပေးခဲ့ပြီး ရှမ်းပြည်နယ်ပညာရေး ညွှန်ကြားရေးမှူး ဦးချစ်ဆွေမှ ကျောင်းအဆင့်တိုးမြှင့်ခြင်းနှင့် ပတ်သက်၍ ပညာရေးဌာန၏ သဘောထားနှင့် လမ်းညွှန်မှုကို ရှင်းလင်းပြောကြားပြီး ကျောင်အုပ်ဆရာကြီး ဦးချစ်ဇော်မှ ကျောင်းသမိုင်းနှင့် ကျောင်း၏အခြေအနေများကို တင်ပြခဲ့ပါသည်။

 

   ထို့နောက် ရှမ်းပြည်နယ်အစိုးရအဖွဲ့မှ ငွေကျပ် (၁၀)သိန်းနှင့် ကွန်ပျူတာတစ်စုံအား ပြည်နယ်လူမှုရေးဝန်ကြီး ဒေါက်တာမျိုးထွန်းမှ ပေးအပ်လှူဒါန်းခဲ့ရာ ကျောင်းအုပ်ဆရာကြီး ဦးချစ်ဇော်မှ လက်ခံရယူပေးပြီး ဂုဏ်ပြုမှတ်တမ်းလွှာအား ပြန်လည်ပေးအပ်ခဲ့ပါသည်။ ဆက်လက်၍ အလှူငွေများ အသီးသီး ပေးအပ်လှူဒါန်းခဲ့သော ရပ်ကွက်နှင့် ကျေးရွာများ၊ ပုဂ္ဂိုလ်များအား ဂုဏ်ပြုမှတ်တမ်းများ အသီးသီး ပြန်လည်ပေးအပ်ခဲ့ပါသည်။ ထို့နောက် ကျောင်းအုပ်ဆရာကြီး ဦးချစ်ဇော်မှ ကျောင်းအဆင့်တိုးမြှင့်ဖွင့်လှစ်ပြွ အထိမ်းအမှတ်အလံများကို ပေးအပ်ခဲ့သည်။ ကျောင်းအကျိုးတော်ဆောင်အဖွဲ့ ဥက္ကဌနှင့် ရပ်ကွက်နှင့် ကျေးရွာလူထုကိုယ်စား တက်ရောက်လာသူတစ်ဦးမှ ကျေးဇူးတင်စကား ပြန်လည်ပြောကြားပေးခဲ့ကြသည်။

 

   ကျောင်းအဆင့်တိုးမြှင့်ဖွင့်လှစ်သည့် အခမ်းအနား အောင်မြင်စွာပြီးမြောက်ခြင်း အထိမ်းအမှတ်အဖြစ် အမှတ်တရသစ်ပင်များ စိုက်ပျိုးပေးခဲ့ကြပြီးနောက် ကျောင်းဝင်းအတွင်း ခင်းကျင်းပြသထားသော ဓါတ်ပုံပြခန်းနှင့် အိမ်တွင်းမှုပြခန်းတို့အား လှည့်လည်ကြည့်ရှုခဲ့ကြပါသည်။

ပထမအကြိမ် ရှမ်းပြည်နယ်လွှတ်တော် သတ္တမ ပုံမှန်အစည်းအဝေး(တတိယနေ့)ကျင်းပ

တောင်ကြီး   စက်တင်ဘာ   ၁၁

 

1

 

   ပထမအကြိမ် ရှမ်းပြည်နယ်လွှတ်တော် သတ္တမ ပုံမှန်အစည်းအဝေး(တတိယနေ့)ကို စက်တင်ဘာလ (၁၁)ရက် နံနက်(၁၀၀၀)နာရီအချိန်တွင် ရှမ်းပြည်နယ်လွှတ်တော် အစည်းအဝေးခန်းမ၌ ကျင်းပရာ ပြည်နယ်လွှတ်တော်  ဥက္ကဌ ဦးစိုင်းလုံးဆိုင်၊ ဒုတိယ ဥက္ကဌ နှင့် ပြည်နယ်ဝန်ကြီးများ၊ လွှတ်တော်ကိုယ်စားလှယ်များ(၁၃၀)ဦး တက်ရောက်ကြသည်။

 

   ပထမဦးစွာ ပြည်နယ်လွှတ်တော်ကိုယ်စားလှယ်များက မေးမြန်းသည့် မေးခွန်း(၁၅)ခုအား သက်ဆိုင်ရာ ပြည်နယ်အစိုးရ အဖွဲ့ဝင်များက ပြန်လည်ဖြေကြားကြပါသည်။

 

   ဆက်လက်၍ ရှမ်းပြည်နယ်အစိုးရအဖွဲ့မှ ၂၀၁၃-၂၀၁၄ခု ဘဏ္ဍာရေးနှစ် ရှမ်းပြည်နယ်ဘဏ္ဍာရန်ပုံငွေတွင် ပါဝင်သော ဌာန/အဖွဲ့အစည်းများ၏ ဖြည့်စွက်ခွင့်ပြုငွေ တောင်းခံခြင်းအား လွှတ်တော်သို့ ရှင်းလင်းတင်ပြပြီး ဆွေးနွေးလိုသည့် လွှတ်တော်ကိုယ်စားလှယ်များရှိပါက ရှမ်းပြည်နယ်လွှတ်တော်ရုံး ဒုတိယညွှန်ကြားရေးမှူးထံ အမည်စာရင်းတင်သွင်းနိုင်ကြောင်း ကြေညာပါသည်။

 

   ထို့နောက် ယမန်နေ့က တင်သွင်းခဲ့သော " ဥပဒေကြမ်း (၃)ရပ်" အနက် "ရှမ်းပြည်နယ်စည်ပင်သာယာရေး အဖွဲ့များ ဥပဒေကြမ်း" နှင့် စပ်လျဉ်း၍ ဥပဒေပြုရေးဆိုင်ရာ ကော်မတီမှ ပြင်ဆင်ဖြည့်စွက်ချက်(၂၂)ချက်အား ပြင်ဆင်ရန် အဆိုပြုချက်များအနက် ဥပဒေကြမ်းပါ အမှတ်စဉ်(၁၄) အပိုဒ်(ဂ)အား ဖြုတ်ရန် ပြည်နယ်အစိုးရအဖွဲ့ ဝန်ကြီးက လွှတ်တော်သို့ တင်ပြသဖြင့် ဥပဒေပြုရေးရာ ကော်မတီက သဘောတူသည့်အတွက် ဥပဒေ၏ အစိတ်အပိုင်း မဖြစ်ကြောင်း၊ ကျန်ပြင်ဆင်ဖြည့်စွက်ချက်(၂၁)ချက်နှင့် ကျန်ဥပဒေကြမ်း(၂)ရပ်လုံးအား ပြင်ဆင်ရန် အဆိုပြုချက်များအား သက်ဆိုင်ရာ ပြည်နယ်အစိုးရအဖွဲ့ ဝန်ကြီးများက သဘောတူညီသည့်အတွက် ဥပဒေ၏ အစိတ်အပိုင်းဖြစ်ကြောင်း ကြေညာပါသည်။

 

   ဆက်လက်၍ "ရှမ်းပြည်နယ်စည်ပင်သာယာရေးအဖွဲ့များ ဥပဒေကြမ်း"တစ်ရပ်လုံးအနက် (၂၂)ချက်အား ပြင်ဆင်ရန် အဆိုပြုချက်များအနက် ဥပဒေကြမ်းပါ အမှတ်စဉ်(၁၄) အပိုဒ်(ဂ)အား ဖြုတ်ရန်နှင့် ကျန်ပြင်ဆင်ဖြည့်စွက်ချက်(၂၁)ချက်အား ပြင်ဆင်ရန် အဆိုပြုချက်အား အတည်ပြုပေးပါရန်နှင့် ကျန် ဥပဒေကြမ်း(၂)ရပ်လုံးအား ပြင်ဆင်ရန် အဆိုပြုချက်အား အတည်ပြုပေးပါရန် သက်ဆိုင်ရာ ပြည်နယ်ဝန်ကြီးများက လွှတ်တော်သို့ တင်ပြရာ လွှတ်တော်က သဘောတူသည့်အတွက် အဆိုပါ ဥပဒေကြမ်းများအား ပြင်ဆင်ထားသည့်အတိုင်း လွှတ်တော်က သဘောတူကြောင်း ကြေညာပါသည်။

 

   ထို့နောက် ယမန်နေ့က ပြည်နယ်လွှတ်တော်သို့ တင်သွင်းခဲ့သော အဆို(၂)ရပ်အား ရှမ်းပြည်နယ်အစိုးရအဖွဲ့ဝင် ဝန်ကြီးများမှ ရှင်းလင်းဆွေးနွေးပြီး လွှတ်တော်သို့ အဆုံးအဖြတ်ရယူရာ အဆိုတစ်ရပ်အား မှတ်တမ်းတင်ရန် အတည်ပြုကြောင်းနှင့် အဆိုတစ်ရပ်အား အတည်ပြုကြောင်း ကြေညာပါသည်။

 

   ဆက်လက်၍ ရှမ်းပြည်နယ်အစိုးရအဖွဲ့မှ အစိုးရသစ်လက်ထက် ရှမ်းပြည်နယ်အတွင်းရှိ လျှပ်စစ်ကဏ္ဍဖွံ့ဖြိုးတိုးတက်မှု အခြေအနေများနှင့် ရှမ်းပြည်နယ်အစိုးရအဖွဲ့မှ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ အန္တရာယ် တားဆီးနှိမ်နင်းရေး ဆောင်ရွက်မှု အခြေအနေတို့အား သက်ဆိုင်ရာ ရှမ်းပြည်နယ်အစိုးရအဖွဲ့ဝင်များက လွှတ်တော်သို့ အသီးသီး ရှင်းလင်းတင်ပြကြပါသည်။

 

   ထို့နောက် ပြည်နယ်လွှတ်တော် ဥက္ကဌက ပြည်နယ်လွှတ်တော်တွင် နောက်ထပ် ဖွဲ့စည်းမည့် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်၊ ရှမ်းပြည်နယ်အစိုးရအဖွဲ့၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ၊ တိုင်တန်းစာ စိစစ်ရေးကော်မတီနှင့် ဘတ်ဂျက်စိစစ်ရေးကော်မတီတို့တွင် ထည့်သွင်းဖွဲ့စည်းမည့် အဖွဲ့ဝင်ဦးရေ၊ ကော်မရှင်/ကော်မတီ ဥက္ကဌ၊ အတွင်းရေးမှူးနှင့် အဖွဲ့ဝင်များတို့၏ အမည်စာရင်းတို့ကို ပြည်နယ်လွှတ်တော်သို့ တင်ပြပြီး ဆွေးနွေးလိုသည့် လွှတ်တော်ကိုယ်စားလှယ်များရှိပါက ရှမ်းပြည်နယ်လွှတ်တော်ရုံး ဒုတိယညွှန်ကြားရေးမှူး ထံ အမည်စာရင်း တင်သွင်းနိုင်ကြောင်း ကြေညာပြီး ပထမအကြိမ် ရှမ်းပြည်နယ်လွှတ်တော် သတ္တမ ပုံမှန် အစည်းအဝေး တတိယနေ့ ကို ညနေ့(၁၅၀၀)နာရီတွင် ရပ်နားလိုက်ကြောင်း သိရှိရသည်။

 

More Articles...

  1. နိုင်ငံတော်သမ္မတရုံး၊ ပြည်ထောင်စုဝန်ကြီးများနှင့် ရှမ်းပြည်နယ်(တောင်ပိုင်း) ဒေသခံပြည်သူများ တွေ့ဆုံပွဲ ကျင်းပ
  2. ရှမ်းပြည်နယ်၊ နိုင်ငံတကာ စာတတ်မြောက်ရေးနေ့ အခမ်းအနား ကျင်းပ
  3. ပထမအကြိမ်၊ ရှမ်းပြည်နယ်လွှတ်တော် သတ္တမ ပုံမှန်အစည်းအဝေး (ဒုတိယနေ့) ကျင်းပ
  4. ပထမအကြိမ် ရှမ်းပြည်နယ်လွှတ်တော် သတ္တမ ပုံမှန်အစည်းအဝေး(ပထမနေ့) ကျင်းပ
  5. ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဌ သူရဦးရွှေမန်းနှင့် တွေ့ဆုံပွဲ ကျင်းပ
  6. ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဌ သူရဦးရွှေမန်း တောင်ကြီးမြို့၌ ဒေသခံပြည်သူများနှင့် တွေ့ဆုံ
  7. ပြည်နယ်လူမှုရေးဝန်ကြီး၊ လားရှိုးပညာရေးကောလိပ်နှင့် လားရှိုးတက္ကသိုလ်များသို့ ကွင်းဆင်းစစ်ဆေး
  8. ရှမ်းပြည်နယ်အစိုးရအဖွဲ့၊ တရုတ်နိုင်ငံ Hanergy Holding Group မှ Ms. Zhu Junfeng ( Senior Vice President ) ဦးဆောင်သော အဖွဲ့အား လက်ခံတွေ့ဆုံ
  9. ဒုတိယသမ္မတ ဒေါက်တာစိုင်းမောက်ခမ်း သိန္နီမြို့၌ ဒေသခံပြည်သူများနှင့် တွေ့ဆုံ ဒေသဖွံ့ဖြိုးရေး လုပ်ငန်းများဆောင်ရွက်
  10. ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်း ရှမ်းပြည်နယ်(မြောက်ပိုင်း)ဒေသဖွံ့ဖြိုးတိုးတက်ရေး ဖြည့်ဆည်းဆောင်ရွက်

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

tine-sar ရှမ်းပြည်နယ်(တောင်ပိုင်း) မိုးနဲ၊ လင်းခေး၊ မောက်မယ်၊ မိုင်းပန်မြို့နယ်များတွင် အများဆုံး နေထိုင်ကြသည်။

We have 242 guests and no members online

Latest Updates