ရှမ်းပြည်နယ်သတင်းများ

ကလောမြို့နယ်၌ အမှိုက်ကင်းစင်ရေးနှင့် မူးယစ်ကင်းစင်ရေး ရှင်းလင်းဆွေးနွေး

ကလော                        စက်တင်ဘာ- ၆

214

One State-One Township Project ရှမ်းပြည်နယ် ကလောမြို့နယ် အမှိုက်ကင်းစင်ရေးနှင့် မူးယစ်ကင်းစင်ရေး ရှင်းလင်းဆွေးနွေးပွဲကို စက်တင်ဘာ(၆)ရက် နံနက်(၉)နာရီခွဲက ကလောမြို့နယ် အထွေထွေအုပ်ချုပ်ရေးခန်းမ၌ ကျင်းပသည်။

ရှမ်းပြည်နယ်ဝန်ကြီးချုပ်ဒေါက်တာလင်းထွဋ်က အထွေထွေအုပ်ချုပ်ရေးဦးစီးဌာနကို ပြည်ထဲရေးဝန်ကြီးဌာနမှ ပြည်ထောင်စုအစိုးရအဖွဲ့ရုံး ဝန်ကြီးဌာနလက်အောက်သို့ ပြောင်းရွှေ့ဖွဲ့စည်းခဲ့ပြီးနောက် ပြုပြင်ပြောင်းလဲရေးလုပ်ငန်းစဉ်များ အောင်မြင်ရေး၊ ကောင်းမွန်သောအုပ်ချုပ်မှုဖြစ်ပေါ်လာရေး၊ ပြည်သူ့အကျိုးပြုဆောင်ရွက်ရေးကိစ္စရပ်များကို ဦးစားပေး ဆောင်ရွက်လျက်ရှိရာ ပြည်နယ်တစ်ခု၊ မြို့နယ်တစ်ခုစီမံချက် One State-One Township Project ဆောင်ရွက်ရန် ရှမ်းပြည်နယ်တွင် ကလောမြို့နယ်၊ လွိုင်လင်မြို့နယ်နှင့် တာချီလိတ်မြို့နယ်တို့အား ဦးစားပေးရွေးချယ်တင်ပြခဲ့ရာ ()မြို့နယ် အနက် ကလောမြို့နယ်တွင် အမှိုက်ကင်းစင်ရေးနှင့် မူးယစ်ဆေးဝါးကင်းသည့် မြို့နယ်အဖြစ် အကောင်အထည်ဖော်ဆောင်ရွက် ရန်ရွေးချယ်ခဲ့ပါကြောင်း၊ အမှိုက်ကင်းစင်ရေးနှင့် မူးယစ်ကင်းစင်ရေးဆောင်ရွက်မှုမှတစ်ဆင့် ဌာနဆိုင်ရာများနှင့် ပြည်သူလူထု များထိတွေ့မှုများပြားလာပြီး ပြည်သူလူထုများ၏ လိုအပ်ချက်များ၊ အခက်အခဲတင်ပြချက်များကို ဖြေရှင်းဆောင်ရွက်ပေးနိုင် သဖြင့်မိမိဒေသဖွံ့ဖြိုးတိုးတက်ရေးလုပ်ငန်းကို တစ်ပါတည်းဆောင်ရွက်ပေးနိုင်ခြင်းတို့ကြောင့် ပြည်သူများ၏ဆင်းရဲလျှော့ချရေး လုပ်ငန်းကိုလည်း အကောင်အထည်ဖော် ဆောင်ရွက်ပေးနိုင်တာဖြစ်ပါကြောင်း၊ ပြည်သူကိုဗဟိုပြုပြီး ပြည်သူအားလုံးပါဝင်မှု ရှိသောအုပ်ချုပ်ရေးယန္တရားဖြစ်အောင် ယခုလိုအမှိုက်ကင်းစင်ရေးနှင့် မူးယစ်ကင်းစင်ရေးဆောင်ရွက်မှုမှအစပြု၍ ကလော မြို့နယ်တစ်ခုလုံး ဖွံ့ဖြိုးတိုးတက်အောင် လွှတ်တော်ကိုယ်စားလှယ်များ၊ ဌာနဆိုင်ရာများ၊ လူမှုရေးအသင်းအဖွဲ့များ၊ ပြည်သူ လူထုများအားလုံးပူးပေါင်းပါဝင်ပြီး၊ အောင်မြင်အောင်အကောင်အထည်ဖော် ဆောင်ရွက်သွားကြရန် ပြောကြားသွားသည်။

ဆက်လက်၍ ရှမ်းပြည်နယ်အစိုးရအဖွဲ့ အတွင်းရေးမှူးဦးစိုးစိုးဇော်မှ One State−One Township Project ဆောင်ရွက် ရခြင်း Resource နှင့် Resultအား ဆွေးနွေးတင်ပြပြီး၊ ကလောမြို့နယ်အုပ်ချုပ်ရေးမှူးဦးခင်မင်းမှ One State−One Township Project ကလောမြို့နယ် အမှိုက်ကင်းစင်ရေးနှင့် မူးယစ်ကင်းစင်ရေးဆောင်ရွက်နေမှုများအား ရှင်းလင်းတင်ပြသည်။

ထို့နောက်အမှိုက်ပုံနှင့်လှူဒါန်းငွေများ ပေးအပ်ရာ ရှမ်းပြည်နယ်အစိုးရအဖွဲ့မှ အမှိုက်ပုံး(၁၀၀)အား ပြည်နယ်ဝန်ကြီးချုပ် ဒေါက်တာလင်းထွဋ်မှပေးအပ်ရာ ကလောမြို့နယ် အုပ်ချုပ်ရေးမှူးဦးခင်မင်းက လက်ခံရယူ၍လည်းကောင်း၊ တောင်ကြီးမြို့ ချယ်ရီကွင်းဟိုတယ်ပိုင်ရှင်ဦးမောင်တိုးမှ အမှိုက်ပုံး(၃၀)နှင့် အမှိုက်ကောက်ညှပ်ကိရိယာ(၃၀)ခု၊ တောင်ကြီးမြို့ ထရီဇာပဲလေ့စ် ဟိုတယ်ပိုင်ရှင်ဦးစိုးလင်းမှ အမှိုက်ပုံး(၃၀)ပေးအပ်ရာ ကလောမြို့နယ်အုပ်ချုပ်ရေးမှူးမှ လက်ခံရယူပြီး၊ ခရိုင်စီမံခန့်ခွဲမှုကော်မတီ တောင်ကြီးမြို့မှ အမှိုက်ပုံး(၂၅)ပုံးအား ခရိုင်စီမံခန့်ခွဲမှုကော်မတီဥက္ကဋ္ဌ ခရိုင်အုပ်ချုပ်ရေးမှူးဦးကိုကိုလွင်မှ လှူဒါန်းခြင်းနှင့်ကလော မြို့နယ် သန့်ရှင်းရေးကော်မတီမှ အလှူငွေကျပ်(၅)သိန်းအား အောင်ပန်းမြို့ သန့်ရှင်းရေးကော်မတီဥက္ကဋ္ဌ ဦးညွန့်ကိုမှပေးအပ်၍ လည်းကောင်း၊ ကလောမြို့နယ် သုမောင်စားသောက်ဆိုင်မှ အလှူငွေကျပ်(၃)သိန်း၊ ကလောမြို့ဟို တယ်လုပ်ငန်းရှင်များ အသင်းမှအလှူငွေကျပ်(၂)သိန်း၊ အောင်ငြိမ်းချမ်းအောင်စားသောက်ဆိုင်မှ အလှူငွေကျပ်(၁)သိန်း အသီးသီးပေးအပ်လှူဒါန်း ကြရာ မြို့နယ်စည်ပင်သာယာရေး ကော်မတီဥက္ကဋ္ဌဦးရှိန်ကြည်နှင့် ကလောမြို့နယ် စည်ပင်သာယာရေးဌာန အမှုဆောင်အရာရှိ ဦးမြတ်ခန့်အေးတို့မှ လက်ခံရယူကြောင်းသိရှိရသည်။

မောင်မောင်သန်း(တောင်ကြီး)

၀၉၂၅၀၁၃၂၉၄၃

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

ပင်လောင်းမြို့နယ်၊ ဟိုပုံးမြို့နယ်(စကားဒေသ)၊ ဆီဆိုင်မြို့နယ်(နမ့်ခုတ်၊ ဘန်းယဉ်)၊  လွိုင်လင်မြို့နယ် (မိုင်းပွန်၊ ပင်လုံ)၊ မိုင်းရှူး၊ မိုင်းနောင်၊ မိုင်းပန်၊ လင်းခေး၊ လဲချား၊ မိုးနဲ၊ ကျေးသီး၊ လားရှိုး၊ ပန်ယန်း၊ ကွမ်းလုံ၊ ဟိုပန်၊ နမ့်ခမ်း၊ မူဆယ်၊ သီပေါ၊ ကျောက်မဲ၊ သိန္နီ၊ မိုင်းရယ်၊ တန့်ယန်း၊ မိုးမိတ်၊ မဘိမ်း၊ နောင်ချို၊ ကွန်ဟိန်း၊ မိုင်းတုံ၊ မိုင်းဆတ်နှင့် မိုင်းပြင်းမြို့နယ်များတွင် အများဆုံး နေထိုင်ကြသည်။

 

We have 63 guests and no members online