ကမ္ဘာ့လေဖြတ်ရောဂါကာကွယ်ရေးနေ့(World Stroke Day)အထိမ်းအမှတ်ကျင်းပ

တောင်ကြီး အောက်တိုဘာ-၁၉

247

ကမ္ဘာ့လေဖြတ်ရောဂါကာကွယ်ရေးနေ့(Word Stroke Day)အထိမ်းအမှတ်ကို အောက်တိုဘာ(၁၉)ရက် နံနက်(၉)နာရီက တောင်ကြီးမြို့ မြို့တော်ခန်းမ၌ ကျင်းပသည်။

ပြည်နယ်ဝန်ကြီးချုပ် ဒေါက်တာလင်းထွဋ်က လေဖြတ်ရောဂါသည် မြန်မာနိုင်ငံမှာသာမက ကမ္ဘာတစ်ဝှမ်း မှာပါ ဖြစ်ပွားမှုနှုန်း များပြားလာ‌နေသည်ကို‌ တွေ့ရှိရပြီး‌ လေဖြတ်‌ရောဂါ‌ကြောင့် လူမှုဘဝများနှင့် စီးပွား‌ရေးများ ထိခိုက်နစ်နာမှု များပြားသည့်အတွက် လေဖြတ်ရောဂါကိုကာကွယ်ဖို့ရာ အထူးအလေးပေးဆောင်ရွက်ရန် လိုအပ် လျက်ရှိပါသောကြောင့် ကမ္ဘာ့‌လေဖြတ်ရောဂါကာကွယ်ရေးနေ့(World Stroke Day)အထိမ်းအမှတ်အနေဖြင့် ရှမ်းပြည်နယ်တွင် ပထမဆုံးလာရောက်ကျင်းပသည့် အခမ်းအနားဖြစ်ကြောင်း၊ လေဖြတ်ရောဂါကို ပြည်သူများ သတိပြုလာကြရန်နှင့် ကာကွယ်နိုင်စေရန် အချိန်မီထိထိရောက်ရောက် ကုသမှုခံယူနိုင်စေရန်အတွက် အောက်တိုဘာလ (၂၉)ရက်နေ့ကို ကမ္ဘာ့လေဖြတ်ရောဂါ ကာကွယ်‌ရေးနေ့အဖြစ် ကမ္ဘာ့ လေဖြတ်‌ရောဂါကာကွယ်‌ရေးအဖွဲ့(World Stroke Organization)မှသတ်မှတ်ပြီး ကမ္ဘာ့နိုင်ငံအသီးသီးတွင် အထိမ်းအမှတ်အခမ်းအနားများ ကျင်းပလေ့ရှိ ကြောင်း၊ ယခုနှစ်တွင် ရှမ်းပြည်နယ် တောင်ကြီးမြို့၌ ကျင်းပခွင့်ရသည့်အတွက် ဒေသတွင်းနေ ပြည်သူများအတွက် လေဖြတ်ရောဂါနှင့်ပတ်သက်သော အသိပညာများရရှိပြီး အကျိုးရှိစေမှာဖြစ်၍ လေဖြတ်ရောဂါ၏ ၈၀ရာခိုင်နှုန်းသည် ကာကွယ်လို့ရနိုင်ကြောင်း၊ လေဖြတ်ရောဂါဖြစ်ပွားစေသည့် အခြေခံအ‌ကြောင်းအရင်းများစွာကို ရှာဖွေကုသခြင်း၊ ကျန်းမာရေးနှင့်မညီညွှတ်သော နေထိုင်စားသောက်မှုပုံစံများကို‌ ပြောင်းလဲခြင်းများဖြင့် လေဖြတ်ရောဂါဖြစ်ပွားမှုကို ကာကွယ်နိုင်ပါကြောင်း၊ လေဖြတ်ရောဂါဖြစ်ပွားခြင်းသော်လည်း ယနေ့ခေတ်တွင် စနစ်တကျ ဆေးကုသမှုခံယူ ခြင်းဖြင့် လေဖြတ်ရောဂါလူနာများသည် မိမိဘဝလူမှုအသိုင်းအဝိုင်းတွင် ပြန်လည်ရှင်သန်ခွင့်ရှိနိုင်ကြောင်း ပြောကြား သွားသည်။

ဆက်လက်၍ ရှမ်းပြည်နယ် ပြည်သူ့ကျန်းမာရေးဦးစီးဌာနမှူး ဒေါက်တာသူဇာချစ်တင်မှ အမှာစကား‌ ပြောကြားပြီး မြန်မာနိုင်ငံဆရာဝန်အသင်း ဦးနှောက်နှင့်အာရုံကြောရောဂါ ပညာဆိုင်ရာအဖွဲ့ဥက္ကဋ္ဌ ပါမောက္ခ ဒေါက်တာဝင်းမင်းသစ်မှ ကမ္ဘာ့လေဖြတ်ရောဂါကာကွယ်ရေးနေ့ ကျင်းပခြင်းနှင့်ပတ်သက်၍ ရှင်းလင်းကြောင်းသိရ သည်။

မောင်မောင်သန်း(တောင်ကြီး)

09250132943