ရှမ်းပြည်နယ်သတင်းများ

ပြည်နယ်လူမှုရေးဝန်ကြီး၊ လားရှိုးပညာရေးကောလိပ်နှင့် လားရှိုးတက္ကသိုလ်များသို့ ကွင်းဆင်းစစ်ဆေး

တောင်ကြီး  စက်တင်ဘာ  ၀၂

 

1

 

   ပညာရေးဝန်ကြီးဌာန၊ ပညာရေးစီမံကိန်းနှင့် လေ့ကျင့်ရေးဦးစီးဌာနမှ လားရှိုးပညာရေးကောလိပ်အသစ်(တစ်)ကျောင်းအား ၂၀၁၃-ခုနှစ်၊ ဒီဇင်ဘာလတွင် သင်တန်းသား/သူ (၂၀၀)ဦးဖြင့် စတင်ဖွင့်လှစ် သင်ကြားနိုင်ရေး လျာထားသတ်မှတ် ဆောင်ရွက်လျက်ရှိရာတွင် လားရှိုးပညာရေးကောလိပ် အချိန်မှီ ဖွင့်လှစ်နိုင်ပါရန် အဆောက်အဦများ ကြိုတင်ပြင်ဆင် ဆောက်လုပ်လျက်ရှိသည့် အခြေအနေများကို (၂၈-၈-၂၀၁၃)ရက်နေ့တွင် ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာ မျိုးထွန်း၊ ပြည်နယ်လွှတ်တော်ကိုယ်စားလှယ်၊ လားရှိုးမဲဆန္ဒနယ် အမှတ်(၁)မှ ဦးစိုင်းကြူနှင့် အတူ ကွင်းဆင်းစစ်ဆေးကြည့်ရှုခဲ့သည်။

 

   ဆက်လက်ပြီး ကျောင်းအုပ်ကြီး ဦးစိုးသိန်းနှင့် အတူ ဝန်ကြီးဌာနမှ အိတ်ဖွင့်တင်ဒါ အောင်မြင်ခဲ့သည့် ကုမ္ပဏီ (၆)ခုမှ တာဝန်ရှိသူများက ဆောက်လုပ်လျက်ရှိသည့် အဆောက်အဦ အခြေအနေများကို လိုက်လံရှင်းလင်းပြသခဲ့ပြီး ပြည်နယ်လူမှုရေးဝန်ကြီး ဒေါက်တာ မျိုးထွန်းမှ သတ်မှတ်အရည်အသွေး ပြည့်မှီရေးကို အလေးထားဦးစားပေး ဆောက်လုပ်သွားကြရန် မှာကြားခဲ့သည်။

 

   ထို့နောက် လားရှိုးတက္ကသိုလ်၌ ပညာရေးဝန်ကြီးဌာန၏ အစီအစဉ်ဖြင့် ကုမ္ပဏီ (၂)ခုမှ ဆောက်လုပ်လျက်ရှိသော (၃)ထပ်စာသင်ဆောင် (၂)လုံး (၁၉၂' × ၃၈') သံကူကွန်ကရစ် (ရေမီး အပါအဝင်)တို့ကို သွားရောက် ကြည့်ရှုစစ်ဆေးခဲ့ကြောင်း သတင်းရရှိသည်။

 

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

kayanရှမ်းပြည်နယ်(တောင်ပိုင်း) ဖယ်ခုံမြို့နယ်တွင် အများဆုံး နေထိုင်ကြပါသည်။

We have 154 guests and no members online