ရှမ်းပြည်နယ်သတင်းများ

ရှမ်းပြည်နယ်ဝန်ကြီးချုပ်နှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR Mr. Kazuhiro Kaneko တွေ့ဆုံ

တောင်ကြီး ဖေဖေါ်ဝါရီ - ၂၄

923

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစဝ်အောင်မြတ်၊ ပြည်နယ်စီမံကိန်းနှင့် စီးပွားရေးဝန်ကြီး၊ ပြည်နယ်လူမှုရေးဝန်ကြီး၊ ပြည်နယ်အစိုးရအဖွဲ့ ညွှန်ကြားရေးမှူးတို့နှင့် အတူ ဖေဖေါ်ဝါရီလ(၂၄)ရက်၊ မွန်းလွှဲ(၁)နာရီခွဲက တောင်ကြီးမြို့၊ ပြည်နယ်ဝန်ကြီးချုပ် ဧည့်ခန်းမ၌ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မြစ်ကြီးနားရုံးမှ ကချင်ပြည်နယ်နှင့် ရှမ်းပြည်နယ် မြောက်ပိုင်းဆိုင်ရာ တာဝန်ခံဖြစ်သူ Mr.Kazuhiro Kanekoနှင့် တွေ့ဆုံဆွေးနွေးကြောင်းသိရသည်။ 

ပထမဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်က လောက်ကိုင်ဒေသတွင် စစ်ဘေးရှောင်ဒုက္ခသည်များရှိနေကြောင်း၊ စစ်ဘေးရှောင်ဒုက္ခသည်များအတွက် နယ်မြေဒေသပြန်လည်ထူထောင်ရန်နှင့် ကျန်းမားရေးအတွက် စောင့်ရှောက်မှုများကို ပြန်လည်ပြုလုပ်ရန် အတွက် အဆွေးတော်ဘက်မှ အကူအညီပေးရန်ဆွေးနွေးသွားပြီး၊ Mr.Kazuhiro Kanekoမှ ပြန်လည် ဆွေးနွေးရာတွင် ပြည်နယ်ဝန်ကြီးချုပ်မှ ဆွေးနွေးချက်များ ကောင်မွန်၍ မိမိဘက်မှ UNHCRကို ဆက်လက် တင်ပြသွားမည်ဖြစ်ကြောင်း၊ အလုပ်ရုံးဆွေးနွေးပွဲလုပ်ဆောင်မှုနှင့် ပတ်သက်၍ ဆွေးနွေးရာ ပြည်နယ်ဝန်ကြီးချုပ်မှ သက်ဆိုင်ရာဌာများသို့ အကြောင်းကြား၍ ကူညီဆောင်ရွက်ပေးမည်ဖြစ်ကြောင်း၊ အဆွေတော်တို့ ရှမ်းပြည်နယ်သို့ရောက်ရှိနေစဉ် ရှမ်းပြည်နယ်၏ သဘာဝပတ်ဝန်းကျင်းအလှနှင့် အင်းလေးကန်သို့ သွားရောက်လည်ပတ်စေလိုကြောင်း ဆွေးနွေးသွားပြီး Mr.Kazuhiro Kanekoမှ ပြည်နယ်ဝန်ကြီးချုပ်အား အမှတ်တရလက်ဆောင်ပစ္စည်းပေးအပ်ခဲ့ကြောင်းသိရသည်။

                                                                             မောင်မောင်သန်း(တောင်ကြီး)

 

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

myaung-ziရှမ်းပြည်နယ်(အရှေ့ပိုင်း) မိုင်းခတ်နှင့် ရှမ်းပြည်နယ်(တောင်ပိုင်း) နမ့်စန်(ခိုလမ်)မြို့နယ်များတွင် အများဆုံး နေထိုင်ကြပါသည်။

We have 128 guests and no members online

Latest Updates