"ဝ" အထူးဒေသ၌ မိုးပွင့်အထူးစီမံချက်ရှင်းလင်းဆွေးနွေး

မိုင်းဆတ်  ဧပြီ  ၆

994

   ရှမ်းပြည်နယ်(အရှေ့ပိုင်း) မိုင်းဆတ်ခရိုင်၊ ဝ အထူးဒေသရှိ ဒေသခံပြည်သူများနှင့် မိုးပွင့်အထူးစီမံချက် ကွင်းဆင်း ဆောင်ရွက်ရာတွင် ပါဝင်ကူညီဆောင်ရွက်ပေးမည့်သူများအား စီမံချက်နှင့်ပတ်သက်၍ အသိပညာပေးရှင်းလင်းဆွေးနွေးပွဲကိုဧပြီ ၅ ရက် နံနက် ၁ဝ နာရီက ဝ အထူးဒေသ(ဝမ်ဟုန်)၌ ကျင်းပပြုလုပ်သည်။

   အခမ်းအနားတွင် မိုင်းဆတ်ခရိုင်စီမံခန့်ခွဲမှုကော်မတီဥက္ကဌ ခရိုင်အုပ်ချုပ်ရေးမှူး ဦးနိုးဝေက အဖွင့်မိတ်ဆက်စကားပြောကြားပြီး လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန၊ တွဲဖက်ပြည်နယ်မှူး ဦးကိုကိုသော်နှင့် ခရိုင်ဦးစီးမှူး ဦးဝင်းမြင့်တို့က မိုးပွင့်အထူးစီမံချက်နှင့် ပတ်သက်၍ အသေးစိတ်ရှင်းလင်းပြောကြားရာ ဝ အထူးဒေသ(ဝမ်ဟုန်) ခရိုင်အုပ်ချုပ်ရေးမှူး ဦးလီကျင်ပင်းနှင့် ဆက်ဆံရေးမှူး ဦးဆံလော့ဒ်တို့က ပူးပေါင်းဆောင်မည့် အခြေအနေနှင့် ကျေးဇူးတင်စကားပြန်လည်ပြောကြား သည်။

   မိုင်းဆတ်ခရိုင်အတွင်းရှိ ဝ အထူးဒေသ၌ မိုးပွင့်အထူးစီမံချက်ကို ဝမ်ဟုန်၊ ဟိုပန်ဟိုရွက်၊ ဟွေအောနှင့် ခိုင်းလုံကျေးရွာတို့တွင် အခြေပြုနေရာ (၇) ခုဖြင့် ဧပြီ ၇ ရက်နေ့မှ စတင်ဆောင်ရွက်သွားမည်ဖြစ်ကြောင်းသိရသည်။

                                                                                                                                                                                  သန်းဇော်(iprd)

 

သတင်းဓာတ်ပုံ- ( ၂ ) ပုံ

သတင်းရေးသားသူ- ဦးသန်းဇော်ဦး(ဦးစီးအရာရှိ)

    ခရိုင်ပြန်/ဆက်၊ မိုင်းဆတ်