ရှမ်းပြည်နယ်သတင်းများ http://shanstate.gov.mm/index.php?option=com_content&view=category&layout=blog&id=50&Itemid=276 Sat, 28 Mar 2020 16:00:01 +0630 en-gb ရှမ်းပြည်နယ်အတွင်း Coronavirus Disease 2019 (COVID-19) ကာကွယ်ထိန်းချုပ်ကုသရေး ပြည်နယ်အဆင့်လုပ်ငန်းကော်မတီ ညှိနှိုင်းအစည်းအဝေးကျင်းပ http://shanstate.gov.mm/index.php?option=com_content&view=article&id=2594:coronavirus-disease-2019-covid-19&catid=50&Itemid=276 http://shanstate.gov.mm/index.php?option=com_content&view=article&id=2594:coronavirus-disease-2019-covid-19&catid=50&Itemid=276

တောင်ကြီး မတ်-၂၄

57

၂၀၂၀ ပြည့်နှစ်၊ ဇန်နဝါရီ ၃၁ ရက်နေ့တွင် ဖွဲ့စည်းခဲ့သော Coronavirus Disease 2019 (COVID-19)  ကြောင့် ဖြစ်ပွားသော အသက်ရှှူလမ်းကြောင်းဆိုင်ရာ ရောဂါကာကွယ်၊ ထိန်းချုပ်၊ ကုသရေးဗဟိုကော်မတီ ကို ၂၀၂၀ ပြည့်နှစ်၊ မတ်လ ၁၃ ရက်နေ့တွင် အမျိုးသားအဆင့်ဗဟိုကော်မတီ၏ တိုးမြှင့်ဖွဲ့စည်းဆောင်ရွက် ခဲ့ပြီး အမျိုးသားအဆင့်ဗဟိုကော်မတီကို အထောက်အကူပြုလုပ်ငန်းဆောင်ရွက်နိုင်ရေးအတွက် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး ပြည်နယ်အဆင့်လုပ်ငန်း ကော်မတီကို ဖွဲ့စည်းဆောင်ရွက်ရန် အမျိုးသားအဆင့်ဗဟိုကော်မတီ၏ မတ်လ ၁၈ ရက်နေ့တွင် ညွှန်ကြား လာပါသဖြင့် ရှမ်းပြည်နယ် Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်းအစည်းအဝေးကို မတ် ၂၄ ရက် မွန်းလွဲ ၂ နာရီက တောင်ကြီးမြို့၊ ရှမ်းပြည်နယ်အစိုးရရုံး အစည်းအဝေးခန်းမ၌ ကျင်းပသည်။

ရှမ်းပြည်နယ်အတွင်း Coronavirus Disease 2019 (COVID-19)  ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း က ရှမ်းပြည်နယ်ဒေသတွင် နယ်စပ်ဒေသများကို ရောဂါကာကွယ်ရေး အတွက် ကြိုတင်အသိပေးအကြောင်းကြားထားပြီးဖြစ်ကြောင်း၊ ကျန်းမာရေးဌာနနှင့် ပူပေါင်း၍ ပညာပေး လုပ်ငန်းများကိုလည်း ဆောင်ရွက်လျက်ရှိပါကြောင်း၊ ဖေဖော်ဝါရီလ ၂၄ ရက်နေ့တွင် ရှမ်းပြည်နယ်အစိုးရ အဖွဲ့မှ ကြိုတင်ကာကွယ်မှုအနေဖြင့် တိရစ္ဆာန်မှတဆင့် ကူးစက်နိုင်ကြောင်း ကြိုတင်အသိပေးစာများလည်း ထုတ်ဝေထားပြီးဖြစ်ကြောင်း၊ ယနေ့အစည်းအဝေးတွင် ဌာနများအလိုက် ကော်မတီများဖွဲ့စည်းထားပြီး ဖြစ်၍ ဌာနများက ပွင့်ပွင့်လင်းလင်းဆွေးနွေးပေးကြရန် ပြောကြားသွားသည်။

ဆက်လက်၍ Coronavirus Disease 2019 (COVID-19)  ကုသရေးလုပ်ငန်းကော်မတီ အတွင်းရေးမှူး ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာသူဇာချစ်တင်မှ တင်ပြဆွေးနွေးပြီး တက်ရောက်လာသူများမှ အထွေထွေဆွေးနွေးကြသည်။ 

ထို့နောက် Coronavirus Disease 2019 (COVID-19)  ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး ဒေါက်တာမျိုးထွန်း မှ အစည်းအဝေးဆုံးဖြတ်ချက်များ ဖတ်ကြားရာ(COVID-19) ကာကွယ်ရေးအမျိုးသားအဆင့် ဗဟိုကော်မတီမှ ပြည်သူများထံ ပန်ကြားချက်နှင့် အသိပညာပေးသည့်မှာကြားချက်များအား ရပ်/ကျေး အုပ်ချုပ်ရေးမှူးများမှတဆင့် ပြည်သူများထံ ပန်ကြားပေးရန် (တိုင်းရင်းသားဘာသာများဖြင့် ပြန်ကြားပေးရန်)၊ နိုင်ငံခြားမှ ပြန်လည်ရောက်ရှိလာသူများအား သက်ဆိုင်ရာ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာနတို့မှ သတင်းပေးပို့ရေး၊ သတင်းရရှိရေးဆောင်ရွက်ရန်၊ Facility Quarantine နှင့်ပတ်သက်ပြီး တက္ကသိုလ်၊ ဟိုတယ်၊ ဘုန်းတော်ကြီးကျောင်းစာရင်းများကို မြို့နယ်အလိုက် စုစည်းတင်ပြရန်၊ Facility/ Home Quarantine များနှင့် ပတ်သက်ပြီး လိုက်နာရမည့်အချက်များ မြို့နယ်အလိုက် မြို့နယ်အုပ်ချုပ်ရေးမှူး၊ မြို့နယ်ကျန်းမာရေးမှူးတို့နှင့် ပူးပေါင်းဆောင်ရွက်ရန်၊ ၂၄.၃.၂၀၂၀ ရက်မှစပြီး KTVများ၊ ကလပ်များ ပိတ်သိမ်းရေး ဆောင်ရွက်ရန်၊ သတင်းရရှိရေးနှင့် အရေးပေါ်လူနာပေးပို့ရေးအတွက် မြို့နယ်အလိုက် အဖွဲ့ဖွဲ့စည်းချိတ်ဆက်ဆောင်ရွက်ရန် (ပြည်နယ်ကော်မတီသို့ စာရင်းပြုစုပေးပို့ရန်)၊ လက်ဖက်ရည်ဆိုင်၊ စားသောက်ဆိုင်၊ ညဈေး၊ ဆိုင်ထိုင်စားသောက်ခြင်း ရှောင်ရှားရန်အတွက် စည်ပင်သာယာရေးဌာနမှ ပြည်သူများအား ပန်ကြားရန်၊ (COVID-19) အသိပညာပေးလုပ်ငန်းများအား ဌာနအားလုံးပေါင်းစပ်ဆောင်ရွက်ရန်၊ လူအများစုဝေးများသည့် ဘုရားပုထိုးနေရာများအား အချိန်ကန့်သတ် ဆောင်ရွက်ရန်၊ လူထူထပ်သည့်နေရာများသို့ သွားရောက်ခြင်းအား ရှောင်ရှားစေနိုင်ရေးအတွက် ဌာနဆိုင်ရာများအားလုံး ဌာနအတွင်း နှိုးဆော်ဆောင်ရွက်ရန်၊ ဌာနအလိုက် (COVID-19) စောင့်ကြပ်စစ်ဆေးရေးလုပ်ငန်းဆောင်ရွက်ရန် (ရုံးအဝင်ဝတွင် လက်ဆေးကန်၊ ဆပ်ပြာရည်စီစဉ်ဆောင်ရွက်ပေးရန်)၊ မြို့အဝင်အထွက်ဂိတ်များ လုပ်ငန်းကော်မတီဖွဲ့စည်းပြီး (COVID-19) စောင့်ကြပ်စစ်ဆေးရန် (ကလော၊ ဟဲဟိုး၊ ဖယ်ခုံ၊ နမ့်စန်၊ ရွာငံ၊ နောင်ချို၊ နမ့်ခမ်း၊ ကွတ်ခိုင်၊ ကွမ်းလုံ၊ တာချီလိတ်၊ မိုင်းဖြတ်၊ ကျိုင်းတုံ၊ မိုင်းပျဉ်း)တို့ကို နိဂုံးချုပ်အမှာစကား၌ ပြောကြားသွားကြောင်း သိရှိရသည်။

မောင်မောင်သန်း (တောင်ကြီး)

၀၉၂၅၀၁၃၂၉၄၃

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Tue, 24 Mar 2020 17:19:44 +0630
ရှမ်းပြည်နယ်ဝန်ကြီးချုပ်နှင့် ဧည့်သည်တော်များ ဘာသာကြီး (၄)ခုတွင် ဝတ်ပြုဆုတောင်း http://shanstate.gov.mm/index.php?option=com_content&view=article&id=2593:2020-03-23-03-48-52&catid=50&Itemid=276 http://shanstate.gov.mm/index.php?option=com_content&view=article&id=2593:2020-03-23-03-48-52&catid=50&Itemid=276

တောင်ကြီး မတ်   ၂၃

56

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသား လူမျိုးရေးရာဝန်ကြီး ဒေါက်တာအောင်သန်းမောင်၊  ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အစိုးရအဖွဲ့ ညွှန်ကြားရေးမှူးနှင့် တောင်ကြီးခရိုင်အုပ်ချုပ်ရေးမှူး တို့သည် တောင်ကြီးမြို့ပေါ်ရှိ ဟိန္ဒူဘုရားကျောင်း၊ ဂျာမေ့ဗလီ၊ ဆစ်ခ်ဘုရားရှိခိုးကျောင်း၊ စိန့်ဂျိုးဇက် ဘုရားရှိခိုးကျောင်းများသို့ မတ်လ ၂၂ ရက် ညနေ ၆ နာရီတွင် သွားရောက်၍ ဘာသာကြီး(၄)ခုမှ ခေါင်းဆောင်များနှင့်အတူ ရှမ်းပြည်နယ်နှင့် ပြည်ထောင်စုသားအားလုံး၊ ကမ္ဘာသူကမ္ဘာသားအားလုံး ကပ်ကြီး(၃)ပါးကျော်လွှားပြီး၊ ရောဂါဘယများကင်းဝေးစေရန်အလို့ငှာ ဝတ်ပြုဆုတောင်းခဲ့ကြောင်း သိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Mon, 23 Mar 2020 10:18:52 +0630
ရှမ်းပြည်နယ်အတွင်း COVID-19 အဆုတ်ရောင်ရောဂါ ဖြစ်ပွားမှုမရှိစေရေးအတွက် စောင့်ကြည့်စစ်ဆေးကုသရေး ကြီးကြပ်မှုကော်မတီ၏ ဒုတိယအကြိမ် လုပ်ငန်းညှိနှိုင်း အစည်းအဝေး http://shanstate.gov.mm/index.php?option=com_content&view=article&id=2592:19-3-2020&catid=50&Itemid=276 http://shanstate.gov.mm/index.php?option=com_content&view=article&id=2592:19-3-2020&catid=50&Itemid=276

တောင်ကြီး မတ်   ၁၉

55

ရှမ်းပြည်နယ်(တောင်ပိုင်း) ရှမ်းပြည်နယ်အစိုးရအဖွဲ့မှ ကျင်းပပြုလုပ်သော ရှမ်းပြည်နယ်အတွင်း COVID-19 အဆုတ်ရောင်ရောဂါ ဖြစ်ပွားမှုမရှိစေရေးအတွက် စောင့်ကြည့်စစ်ဆေးကုသရေး ကြီးကြပ်မှုကော်မတီ၏ ဒုတိယအကြိမ် လုပ်ငန်းညှိနှိုင်း အစည်းအဝေးကို မတ်လ ၁၉ ရက်နေ့ မွန်းလွဲ ၂ နာရီအချိန်တွင် ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ ၌ကျင်းပသည်။

အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီးလှဦး၊ ပြည်နယ်စီမံကိန်းနှင့်ဘဏ္ဍာရေးဝန်ကြီး ဦးစိုးညွန့်လွင်၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ပြည်နယ်လျှပ်စစ်၊ စွမ်းအင်နှင့်စက်မှုဝန်ကြီး ဦးစိုင်းရှဲန်တစ်လုံ၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်၊ ရှမ်းပြည်နယ်အစိုးရအဖွဲ့ အတွင်းရေးမှူး ဦးစိုးစိုးဇော်၊ ကိုးကန့်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (တောင်ကြီး၊ လားရှိုး၊ ကျိုင်းတုံ) မှတာဝန်ရှိသူများ၊ ပြည်နယ်အဆင့်ဌာနဆိုင်ရာများ၊ ပုဂ္ဂလိကဆေးရုံမှ တာဝန်ခံများ၊ လူမှုရေး အသင်းအဖွဲ့များ တက်ရောက်ခဲ့ကြသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ၁၇.၃.၂၀၂၀ ရက်နေ့ WHO Situation Report အရ တစ်ကမ္ဘာလုံးမှာ (၁၇၉၁၁၂)ဦး ပိုးတွေ့ရှိခဲ့ပြီး၊ (၇၄၂၆)ဦး သေဆုံးခဲ့ပါကြောင်း၊ တရုတ်ပြည်သူ့သမ္မတနိုင်ငံတွင် ပိုးတွေ့လူနာပေါင်း (၈၁၁၁၆)ဦးရှိခဲ့ပြီး၊ (၃၂၃)ဦး သေဆုံးခဲ့ပါကြောင်း၊ COVID-19 အဆုတ်ရောင်ရောဂါကာကွယ်ထိန်းချုပ် ကုသရေးလုပ်ငန်းကို Containment အနေနဲ့ ဆောင်ရွက်လျက်ရှိပြီး (၁၇.၃.၂၀၂၀) ရက်နေ့အထိ တစ်နိုင်ငံလုံးတွင် စောင့်ကြည့် လူနာ (၁၄၄)ဦးအား စစ်ဆေးခဲ့ပြီး (၁၃၅)ဦးတွင် ပိုးတွေ့ရှိခဲ့ခြင်း မရှိဘဲ (၉)ဦး၏ ဓာတ်ခွဲအဖြေအား စောင့်ဆိုင်းဆဲ ဖြစ်ပါကြောင်း၊ ရှမ်းပြည်နယ်အတွင်း COVID-19 စောင့်ကြည့်လူနာပေါင်း (၂၇)ဦးရှိပြီး (၂၄)ဦးတွင် ရောဂါပိုးတွေ့ရှိခြင်း မရှိဘဲ လူနာ (၃)ဦး၏ ဓာတ်ခွဲနမူနာအဖြေအား စောင့်ဆိုင်းဆဲ ဖြစ်ပါကြောင်း၊ COVID-19 ရောဂါကာကွယ်ထိန်းချုပ်ရေးအတွက် POE များတွင်  Fever Surveillance ပြုလုပ်၍ စောင့်ကြည့်ခြင်းများကို ရှမ်းပြည်နယ် (မြောက်ပိုင်း)တွင် (၁၈)နေရာ၊ ရှမ်း (အရှေ့ပိုင်း)တွင် (၁၀)နေရာ၊ ရှမ်းပြည်နယ်(တောင်ပိုင်း)တွင် (၁)နေရာ စုစုပေါင်း (၂၉)နေရာ၌ ဆောင်ရွက်လျက်ရှိပြီး ကျေးလက်ဒေသအထိ ပညာပေးလုပ်ငန်းများကိုလည်း ဆောင်ရွက်လျက်ရှိပါကြောင်း၊ ရှမ်းပြည်နယ်အစိုးရအဖွဲ့အနေနဲ့ ရှမ်းပြည်နယ်အတွင်း COVID-19 အဆုတ်ရောင်ရောဂါကာကွယ်ထိန်းချုပ်ရေးအတွက် လိုအပ်တဲ့ ကာကွယ်ရေးနှင့် လုပ်ငန်း သုံးပစ္စည်းများ ဝယ်ယူရန် (၁၆၉)သိန်း (၉)သောင်းကျပ်အားလည်းကောင်း၊ POE များ၏ Fever Surveillance လုပ်ငန်းတွင် အသုံးပြုရန် သိန်း (၆၀)ကျပ်အားလည်းကောင်း၊ တစ်ကိုယ်ရေသုံးကူးစက်ရောဂါကာကွယ်ရေးဝတ်စုံ Personal Protective Equitment (PPE) (၃၀၀၀)စုံ ဝယ်ယူရန်အတွက် (၂၈၅)သိန်းအား လည်းကောင်း ထောက်ပံ့ပေးခဲ့ကြောင်း အဖွင့်အမှာစကား၌ ပြောကြားသည်။ 

ဆက်လက်၍ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (တောင်ကြီး) ဒုတိယညွှန်ကြားရေးမှူးချုပ် ဒေါက်တာသူဇာချစ်တင်၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (လားရှိုး) ပြည်နယ်ဦးစီးမှူး ဒေါက်တာ တင်မောင်ညွန့်၊ ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာန (ကျိုင်းတုံ) ဒေါက်တာဘစိုးသက်၊ အမျိုးသမီးနှင့်ကလေး ဆေးရုံအုပ်ကြီး ဒေါက်တာမြတ်ခိုင်တို့က COVID-19 အဆုတ်ရောင်ရောဂါ ဖြစ်ပွားမှုများအကြောင်း ရှင်းပြပြီး ကာကွယ်ရေး လုပ်ငန်းများ ဆောင်ရွက်ထားရှိမှုအခြေအနေတို့ကိုတင်ပြဆွေးနွေးခဲ့သည်။

ထို့နောက် COVID-19 အဆုတ်ရောင်ရောဂါ သံသယလူနာတွေ့ရှိမှု အခြေအနေ၊ ရောဂါစောင့်ကြပ်ကြည့်ရှုရေးလုပ်ငန်းများနှင့် ကာကွယ်ရေးလုပ်ငန်းများ ဆောင်ရွက်ထားရှိမှု အခြေအနေတို့ကိုဆွေးနွေးခဲ့ကြကြောင်း သိရှိရသည်။

စိုင်းသန်းကျော် (တောင်ကြီး)

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Thu, 19 Mar 2020 17:48:35 +0630
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ် တောင်ကြီးမြို့ စဝ်စံထွန်းဆေးရုံသို့ ကွင်းဆင်းကြည့်ရှု http://shanstate.gov.mm/index.php?option=com_content&view=article&id=2591:2020-03-18-04-03-39&catid=50&Itemid=276 http://shanstate.gov.mm/index.php?option=com_content&view=article&id=2591:2020-03-18-04-03-39&catid=50&Itemid=276

တောင်ကြီး  မတ်  ၁၇

54

ရှမ်းပြည်နယ်(တောင်ပိုင်း)၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာအောင်သန်းမောင်တို့သည်  မတ်လ ၁၇ ရက်နေ့ ညနေ ၄ နာရီ အချိန်တွင် စဝ်စံထွန်းပြည်သူဆေးရုံကြီးတွင် လူနာဆောင်နှင့်ကုတင်(၅၀၀)ဆံ့၊ ငါးထပ်ဆောင်တို့ သွားရောက်ကွင်းဆင်းကြည့်ရှုခဲ့ကြသည်။

အဆိုပါ စဝ်စံထွန်းပြည်သူဆေးရုံကြီးတွင် ထားရှိသည့်လူနာဆောင်၊ ဧည့်သည်တော်များ နားနေဆောင်များအတွက် လိုအပ်ချက်များကို ဖြည့်ဆည်းပေးရန်အတွက် လူနာများအရေးပေါ်ဖြစ်ပေါ်လာပါက လူနာဆောင်သီးသန့်ဆောင်များကို လူနာ (၄၀)ထားရှိနိုင်ရေးနှင့် ဆရာဝန်၊ ဆရာမများ၊ သူနာပြုဆရာမများကို ကိုရိုနာဗိုင်းရပ်စ်အကြောင်းအား ရှင်းလင်းပြောကြား ပေးခဲ့ပြီး သီးသန့်ဆောင်ပြင်ဆင်ထားမှုနှင့် ကုတင်(၅၀၀)ဆံ့၊ ငါးထပ်ဆောင်တွင် ပြင်ဆင်ထားမူများကို သွားရောက်လေ့လာ၍ လိုအပ်ချက်များကို ဖြည့်ဆည်းပေးသွားမည်ဖြစ်ကြောင်း ပြောကြားကာ ဆေးရုံအုပ်နှင့်အတူ ပြင်ဆင်ဆောင်ရွက်ချက်များကို လိုက်လံကြည့်ရှုခဲ့ကြကြောင်းသိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 18 Mar 2020 10:33:39 +0630
ရှမ်းပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီလုပ်ငန်း ညှိနှိုင်း အစည်းအဝေး အမှတ်စဉ်(၂/၂၀၂၀)ကျင်းပ http://shanstate.gov.mm/index.php?option=com_content&view=article&id=2590:2020-03-18-04-02-31&catid=50&Itemid=276 http://shanstate.gov.mm/index.php?option=com_content&view=article&id=2590:2020-03-18-04-02-31&catid=50&Itemid=276

တောင်ကြီး  မတ်  ၁၇

53

ရှမ်းပြည်နယ်(တောင်ပိုင်း)၊ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီမှ ကျင်းပပြုလုပ်သော ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီလုပ်ငန်း ညှိနှိုင်းအစည်းအဝေး အမှတ်စဉ်(၂/၂၀၂၀)ကို မတ်လ ၁၇ ရက်နေ့ နံနက် ၉ နာရီခွဲ အချိန်တွင် ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ(၁)၌ ကျင်းပခဲ့သည်။

အခမ်းအနားသို့ ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီး ဦးစိုင်းလုံကျော်၊ ရှမ်းပြည်နယ် လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ တွဲဖက်အတွင်းရေးမှူး၊ ရှမ်းပြည်နယ်လွှတ်တော်ကိုယ်စားလှယ်များ၊ ခရိုင်လယ်ယာမြေနှင့် အခြားမြေများ သိမ်းဆည်းခြင်းခံရမှု များ၊ ပြန်လည်စိစစ်ရေးကော်မတီများ၊ ပြည်နယ်အဆင့်ဌာနဆိုင်ရာ အကြီးအကဲများနှင့် အခြားဖိတ်ကြားထားသူများ တက်ရောက် ခဲ့ကြသည်။

အခမ်းအနားတွင် ရှမ်းပြည်နယ်လယ်ယာမြေနှင့် အခြားမြေများ သိမ်းဆည်းခြင်းခံရမှုများ၊ ပြန်လည်စိစစ်ရေးကော်မတီ ဥက္ကဋ္ဌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ရှမ်းပြည်နယ်အတွင်းရှိ မြေယာကိစ္စတင်ပြ တိုင်ကြားမှုများအပေါ် ခရိုင်နှင့်မြို့နယ်ကော်မတီများအနေဖြင့် စိစစ်ဖြေရှင်းဆောင်ရွက်ခြင်းနှင့် သက်ဆိုင်ရာဝန်ကြီးဌာန၊ အဖွဲ့အစည်းများမှ ပြန်လည်လွှဲပြောင်းပေးအပ်ခြင်းတို့ကို ဗဟိုကော်မတီမှချမှတ်ထားသောမူဝါဒနှင့် လုပ်ငန်းစဉ်(၅၂)ချက်နှင့် အညီ စိစစ်ပြီးစိစစ်တွေ့ရှိချက်၊ သုံးသပ်ချက်၊ အကြံပြုချက်များဖြင့် ဗဟိုကော်မတီမှသတ်မှတ်ထားသည့် အစီရင်ခံစာပုံစံ အတိုင်း ခရိုင်၊ မြို့နယ်မြေစစ်များမှလည်း အချက်အလက်ပြည့်စုံစွာဖြင့် တင်ပြဆောင်ရွက်ရန်ဖြစ်သည်။

ရှမ်းပြည်နယ်အတွင်း မြေယာကိစ္စ အမှုတွဲလက်ကျန်များ အမြန်ပြီးပြတ်စေရေးအတွက် ပြည်နယ်ကော်မတီ၊ ရုံးအဖွဲ့မှ လက်ထောက်ညွှန်ကြားရေးမှူး ဦးဆောင်၍ ဝန်ထမ်းများဖြင့် မြေစစ်ဗဟိုကော်မတီရုံးတွင် တွဲဖက်တာဝန်ထမ်းဆောင်ရန် ဗဟိုကော်မတီမှ ညွှန်ကြားလာသဖြင့် ၂၃-၃-၂၀၂၀ ရက်နေ့မှစ၍ ဝန်ထမ်း(၄)ဦးစီအလှည့်ကျ စေလွှတ်ဆောင်ရွက်သွားမည် ဖြစ်ပြီး ချိတ်ဆက်ဆောင်ရွက်ကြရန်၊ ခရိုင်၊ မြို့နယ် မြေစစ်ကော်မတီအဆင့်ဆင့်အနေဖြင့် ကျန်ရှိသည့် ဗဟိုအမှု(၁၅၉)မှု၊ ပြည်နယ်တိုက်ရိုက်တိုင်ကြားစာအမှု (၂၁၈)မှု၊ စုစုပေါင်း(၃၇၇)မှုကို ၂၀၂၀ပြည့်နှစ်အတွင်း ပြီးပြတ်အောင် အချိန်ကြန့်ကြာမှု မရှိစေဘဲ မူဝါဒ၊ လုပ်ငန်းစဉ်(၅၂)ချက်နှင့်အညီ ဆောင်ရွက်စေလိုပါကြောင်း တိုက်တွန်း၍ အမှာစကားပြောကြားခဲ့သည်။

ရှမ်းပြည်နယ်လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီ တွဲဖက်အတွင်းရေးမှူး ညွှန်ကြားရေးမှူး ဦးဆန်းဝင်းက အမှုတစ်မှုချင်းအလိုက် ဗဟိုကော်မတီတိုင်ကြားသည့် အမှု(၂၆)မှု၊ ရှမ်းပြည်နယ်ကို တိုက်ရိုက် တိုင်ကြားသည့်စာအမှု(၁၄)မှုတို့ကို ဆွေးနွေးပြောကြားခဲ့ပြီး တက်ရောက်လာသည့် ပြည်နယ်မြေ/စစ်ကော်မတီဝင်များနှင့် ခရိုင်မြေ/စစ်ကော်မတီဥက္ကဋ္ဌ၊ တွဲဖက်အတွင်းရေးမှူးများက တင်ပြဆွေးနွေးခဲ့ပြီး၊ အမှုများကိုပက်ဖျက်ခြင်း အတည်ပြုခြင်းနှင့် ညှိနှိုင်းဆောင်ရွက်ခြင်းများပြုလုပ်၍ သက်ဆိုင်ရာမြေပိုင်ရှင်များတို့ပေးအပ်ရန် ဆွေးနွေးခဲ့ကြကြောင်းသိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 18 Mar 2020 10:32:31 +0630
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNRCအဖွဲ့နှင့် လက်ခံတွေ့ဆုံ http://shanstate.gov.mm/index.php?option=com_content&view=article&id=2589:unrc&catid=50&Itemid=276 http://shanstate.gov.mm/index.php?option=com_content&view=article&id=2589:unrc&catid=50&Itemid=276

တောင်ကြီး မတ်  ၁၇

52

ရှမ်းပြည်နယ်(တောင်ပိုင်း) ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊  ဗမာတိုင်းရင်းသားရေးရာဝန်ကြီး ဒေါက်တာအောင်သန်းမောင်၊ မြန်မာနိုင်ငံဆိုင်ရာ ကုလသမဂ္ဂဌာနေညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Mr. Ola Almgren၊ ကုလသမဂ္ဂ ယာယီဌာနေကိုယ်စားလှယ် Mr. Peter Barwick တို့နှင့်လက်ခံတွေ့ဆုံပွဲကို မတ်လ ၁၇ ရက် မွန်းလွဲ ၃ နာရီအချိန်က ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ ဧည့်သည်တော်ခန်းမ၌ တွေ့ဆုံခဲ့သည်။

ယင်းတွေ့ဆုံပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် UNRC အဖွဲ့တို့က အပြန်အလှန် ဆွေးနွေးတင်ပြ ခဲ့ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က မြန်မာနိုင်ငံဆိုင်ရာ ကုလသမဂ္ဂဌာနေ ညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Mr. Ola Almgren အမှတ်တရလက်ဆောင်ပစ္စည်း ပေးအပ်ခဲ့ကြောင်းသိရှိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Tue, 17 Mar 2020 16:13:39 +0630
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က UNDPအဖွဲ့နှင့် လက်ခံတွေ့ဆုံ http://shanstate.gov.mm/index.php?option=com_content&view=article&id=2588:16-3-2020&catid=50&Itemid=276 http://shanstate.gov.mm/index.php?option=com_content&view=article&id=2588:16-3-2020&catid=50&Itemid=276

တောင်ကြီး မတ်  ၁၆

51

ရှမ်းပြည်နယ်(တောင်ပိုင်း) ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ဗမာတိုင်းရင်းသား ရေးရာဝန်ကြီး ဒေါက်တာအောင်သန်းမောင်၊ Thomas Crick – SARL Project Manager, UNDP၊ Jane Abudho – HLP and Durable Solutions Coordinator, UNDP၊ U Aung Linn – Area Office Coordinator, UNDP Taunggyi Office၊ Shaun Butta – HLP Lead Researcher၊ Daw Nang Kay Si Tun – HLP Associate Researcher တို့နှင့်လက်ခံတွေ့ဆုံပွဲကို မတ်လ ၁၆ရက် မွန်းလွဲ ၃ နာရီအချိန်က ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၏ ဧည့်သည်တော်ခန်းမ၌ တွေ့ဆုံခဲ့သည်။

ယင်းတွေ့ဆုံပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် UNDPအဖွဲ့တို့က အပြန်အလှန် ဆွေးနွေးတင်ပြ ခဲ့ကြကြောင်းသိရှိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Mon, 16 Mar 2020 16:56:45 +0630
ဓာတ်သတ္တုအသေးစားနှင့် လက်လုပ်လက်စားနှင့် အသေးစားလုပ်ငန်းများအတွက် ပတ်ဝန်းကျင်ထိန်းသိမ်းရေးဆိုင်ရာ လိုက်နာရမည့်စည်းကမ်းချက်များ၊ ကတိကဝတ်များနှင့် EMP Format တို့အားရှင်းလင်းဆွေးနွေးခြင်း http://shanstate.gov.mm/index.php?option=com_content&view=article&id=2587:emp-format&catid=50&Itemid=276 http://shanstate.gov.mm/index.php?option=com_content&view=article&id=2587:emp-format&catid=50&Itemid=276

တောင်ကြီး မတ်   ၁၆

50

ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဆိုင်ရာဝန်ကြီးဌာန၊ ပတ်ဝန်းကျင်ထိန်းသိမ်းရေးဦးစီးဌာနမှ ကြီးမှူးကျင်းပသော ဓာတ်သတ္တုအသေးစားနှင့် လက်လုပ်လက်စားနှင့် အသေးစား လုပ်ငန်းများအတွက် ပတ်ဝန်းကျင်ထိန်းသိမ်းရေးဆိုင်ရာ လိုက်နာရမည့်စည်းကမ်းချက်များ၊ ကတိကဝတ်များနှင့် EMP Format တို့အားရှင်းလင်းဆွေးနွေးခြင်းကို မတ်လ ၁၆ ရက်နေ့ မွန်းလွဲ ၂ နာရီအချိန်တွင် ရှမ်းပြည်နယ်အစိုးရအဖွဲ့ရုံး အစည်းအဝေး ခန်းမ(၁)၌ ကျင်းပသည်။

အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ပတ်ဝန်းကျင်ထိန်းသိမ်းရေးဦးစီးဌာန ဒုတိယညွှန်ကြားရေးမှူးချုပ်၊ ဒုတိယညွှန်ကြားရေးမှူး၊ ရှမ်းပြည်နယ်သတ္တုတွင်းဦးစီးဌာန ညွှန်ကြားရေးမှူး၊ ရှမ်းပြည်နယ်ပတ်ဝန်းကျင်ထိန်းသိမ်းရေးဦးစီးဌာန ညွှန်ကြားရေးမှူး၊ ခရိုင်အထွေထွေအုပ်ချုပ်ရေးမှူး၊ ပြည်နယ်ဌာနဆိုင်ရာများ၊ ရှမ်းပြည်နယ်ပတ်ဝန်းကျင်ထိန်းသိမ်းရေးဦးစီးဌာန အမှုထမ်း အရာထမ်းများနှင့် ဖိတ်ကြားထားသူများ တက်ရောက်ခဲ့ကြသည်။

ရှေးဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က အဖွင့်အမှာစကားပြောကြားပြီး ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်က ဓာတ်သတ္တုလက်လုပ်လက်စား ထုတ်လုပ်ခြင်းလုပ်ငန်းများအတွက် ပတ်ဝန်းကျင်ထိန်းသိမ်းရေးဆိုင်ရာ လိုက်နာရမည့် စည်းကမ်းချက်များနှင့် ဓာတ်သတ္တု အသေးစားတူးဖော်ထုတ်လုပ်ခြင်းလုပ်ငန်းများအား IEE အစီရင်ခံစာအစား ဆောင်ရွက်ရမည့် EMP Format နှင့်စပ်လျဉ်း၍ ရှင်းလင်းတင်ပြပြီး တက်ရောက်လာသူများက ရှင်းလင်းတင်ပြချက်များကို အပြန်အလှန် ဆွေးနွေးခဲ့ကြကြောင်း သိရှိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Mon, 16 Mar 2020 16:55:22 +0630
ရှမ်းပြည်နယ်အတွင်း (COVID-19) ကာကွယ် ကုသရေး လုပ်ငန်းများ တွင် အသုံးပြုနိုင်ရန်ရည်ရွယ်၍ ငွေရည်ပုလဲကုမ္ပဏီများအုပ်စုမှ လာရောက်လှူဒါန်း http://shanstate.gov.mm/index.php?option=com_content&view=article&id=2586:covid-19&catid=50&Itemid=276 http://shanstate.gov.mm/index.php?option=com_content&view=article&id=2586:covid-19&catid=50&Itemid=276

တောင်ကြီး မတ် -   ၁၆

49

             မတ်လ ၁၆ ရက် မွန်းလွဲ ၁ နာရီချိန်တွင် ရှမ်းပြည်နယ်အစိုးရအဖွဲ့ရုံး၌ ရှမ်းပြည်နယ်အတွင်း ၂၀၁၉-ကိုရိုနာဗိုင်းရပ်စ်ကူးစက်ရောဂါ (COVID-19) ကာကွယ် ကုသရေး လုပ်ငန်းများတွင် အသုံးပြုနိုင်ရန်ရည်ရွယ်၍ တစ်စုံ ကျပ်သိန်းတစ်ရာ့ငါးဆယ် တန်ဖိုးရှိ Philips Respironics Trilogy 202 portable ventilator အမျိုးအစား အသက်ရှူစက် (၂)စုံ (တန်ဖိုးငွေကျပ်သိန်းသုံးရာ) နှင့် တစ်စုံ ကျပ်ကိုးထောင့်ငါးရာ တန်ဖိုးရှိ တစ်ကိုယ်ရေသုံး ကူးစက်ရောဂါကာကွယ်ရေးဝတ်စုံ အစုံ (၁၀၀၀) (တန်ဖိုး ကိုးဆယ့်ငါးသိန်းကျပ်) စုစုပေါင်း ငွေကျပ် သုံးရာကိုးဆယ့်ငါးသိန်း တန်ဖိုးရှိ ပစ္စည်းများ ကို ငွေရည်ပုလဲကုမ္ပဏီများအုပ်စု (Ngwe Yi Pale Group of Companies) ကိုယ်စား Executive Director ဦးစိန်မျိုးအောင်မှ လှူဒါန်းပေးအပ်ရာ ရှမ်းပြည်နယ်အစိုးရအဖွဲ့ ကိုယ်စား ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာ ညီညီအောင်က လက်ခံပြီး ကျေးဇူးတင်စကားပြောကြားကာ မှတ်တမ်းတင် ဂုဏ်ပြု လက်မှတ် ပြန်လည် ပေးအပ်ခဲ့ကြောင်း သိရသည်။

အစရ(ရှမ်း)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Mon, 16 Mar 2020 13:55:33 +0630
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် စျေးသူစျေးသားများအား အားပေးစကားပြောကြား http://shanstate.gov.mm/index.php?option=com_content&view=article&id=2585:2020-03-13-12-28-55&catid=50&Itemid=276 http://shanstate.gov.mm/index.php?option=com_content&view=article&id=2585:2020-03-13-12-28-55&catid=50&Itemid=276

တောင်ကြီး မတ် - ၁၃

48

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ် လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ဗမာတိုင်းရင်းသား လူမျိုးရေးရာဝန်ကြီး ဒေါက်တာအောင်သန်းမောင်၊ ပြည်နယ်ဥပဒေချုပ် ဦးတင်ဦး၊ ပြည်နယ်အစိုးရအဖွဲ့ အတွင်းရေးမှူး ဦးစိုးစိုးဇော် နှင့် တာဝန်ရှိသူတို့သည် မတ်လ ၁၃ ရက်နေ့ ညနေ ၄ နာရီခွဲအချိန်က  တောင်ကြီးမြို့၊ မြို့မစျေးနှင့် City Square တို့ရှိ ကုန်စိမ်း၊ ကုန်ခြောက်အရောင်းဆိုင်များရှိ ဈေးသူဈေးသားများအား  Covid- 19 နှင့် ပတ်သက်၍ ရောဂါကူးစက်သည့် နည်းလမ်းများ၊ ရောဂါကာကွယ်နိုင်သည့် နည်းလမ်းများအား ပြည်နယ်ဝန်ကြီးချုပ်မှ ရှင်းလင်းပြောကြားကာ ဈေးသူဈေးသားများကို အားပေးစကားပြောကြားပြီး စျေးအတွင်းလှည့်လည်ကြည့်ရှုခဲ့ကြ ကြောင်း သိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Fri, 13 Mar 2020 18:58:55 +0630
ကွမ်းလုံမြို့၌ ၂၀၂၀ပြည့်နှစ်တက္ကသိုလ်ဝင်တန်းဖြေဆိုနေသည့် ကျောင်းသားကျောင်းသူများအား ပြည်နယ်လူမှုရေးဝန်ကြီးကြည့်ရှုအားပေး http://shanstate.gov.mm/index.php?option=com_content&view=article&id=2584:2020-03-12-08-28-11&catid=50&Itemid=276 http://shanstate.gov.mm/index.php?option=com_content&view=article&id=2584:2020-03-12-08-28-11&catid=50&Itemid=276

ကွမ်းလုံ   မတ် -  ၁၂

47

ရှမ်းပြည်နယ်(မြောက်ပိုင်း)၊ ကွမ်းလုံမြို့၊ အထက(ကွမ်းလုံ) စာစစ်ဌာနတွင် မတ် ၁၂ ရက် နံနက် ၉ နာရီက ကျောင်းသားကျောင်းသူများ ၂၀၂၀ တက္ကသိုလ်ဝင်တန်း၊ အင်္ဂလိပ်ဘာသာရပ် ဖြေဆိုနေမှုကို ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီးဒေါက်တာမျိုးထွန်းနှင့် တာဝန်ရှိသူများက သွားရောက်ကြည့်ရှုအားပေးခဲ့ကြသည်။

ဆက်လက်၍ ပြည်နယ်လူမှုရေးဝန်ကြီးသည် အထက(ကွမ်းလုံ)ကျောင်းရုံးခန်းမ၌ တက္ကသိုလ်ဝင်တန်း ကျောင်းသား ကျောင်းသူများအား ညစာကြည့်ဝိုင်းဖွင့်လှစ်၍ အချိန်ပိုသင်ကြားပေးခဲ့သော ဆရာ၊ ဆရာမများအား ငွေကျပ်(၂၄)သိန်း ထောက်ပံ့ချီးမြှင့်ပေးအပ်ခဲ့ပြီး၊ ကွမ်းလုံပြည့်သူဆေးရုံတွင် အသစ် ဆောက်လုပ်မည့် ခွဲစိတ်ခန်းပါ နှစ်ထပ်လူနာဆောင် မြေသန့်ပန္နက်တင် မင်္ဂလာအခမ်းအနားသို့ တက်ရောက်၍ ပန္နက်ရိုက်ပေးခဲ့ကြောင်း သိရှိရသည်။

မောင်မောင်သန်း(တောင်ကြီး)

09-250132943

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Thu, 12 Mar 2020 14:58:11 +0630
ရှမ်းပြည်နယ်အစိုးရအဖွဲ့ဝန်ကြီးချုပ် ဒေါက်တာလင်းထွဋ်၊ တောင်ကြီးမြို့နယ်ရှိစာဖြေဌာနများသို့လိုက်လံကြည့်ရှုအားပေး http://shanstate.gov.mm/index.php?option=com_content&view=article&id=2583:2020-03-12-03-08-12&catid=50&Itemid=276 http://shanstate.gov.mm/index.php?option=com_content&view=article&id=2583:2020-03-12-03-08-12&catid=50&Itemid=276

တောင်ကြီး မတ် - ၁၁

45

မြန်မာနိုင်ငံတစ်ဝှမ်း၌ ၂၀၁၉-၂၀၂၀ ပညာသင်နှစ်၊ တက္ကသိုလ်ဝင်တန်းစာမေးပွဲအား မတ်လ ၁၁ ရက်နေ့ မှ ၂၀ ရက် နေ့အထိ တစ်ပြိုင်နက်တည်းကျင်းပလျက်ရှိရာ ရှမ်းပြည်နယ်(တောင်ပိုင်း)တောင်ကြီးမြို့၊ စာစစ်ဌာန၌ စာဖြေဌာန (၁၅)ခုတွင် စာရင်းရှိကျောင်းသား၊ ကျောင်းသူ (၉၅၂၁)ဦးရှိရာ ဖြေဆိုသူကျောင်းသား၊ ကျောင်းသူ(၈၈၅၇)ဦးသည် မတ်လ ၁၁ ရက် နံနက် ၉ နာရီက တောင်ကြီးမြို့ အမှတ်(၁)၊ (၂)၊ (၃)၊ (၄)၊ (၅) အခြေခံပညာအထက်တန်းကျောင်းတွင် ဝင်ရောက်ဖြေဆိုလျက်ရှိပြီး စာဖြေဌာနများသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စိုက်ပျိုးရေး မွေးမြူရေး နှင့်ဆည်မြောင်းဝန်ကြီး ဦးစိုင်းလုံကျော်၊ ပြည်နယ်အဆင့် ဌာနဆိုင်ရာ၊ ပြည်နယ်ပညာရေးမှူး၊ တောင်ကြီးခရိုင်အုပ်ချုပ်ရေးမှူး၊ မြို့နယ်ပညာရေးမှူး၊ မြို့နယ်ရဲတပ်ဖွဲ့မှူး၊ မြို့နယ်မီးသတ်ဦးစီးဌာနမှူးနှင့် တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ တာဝန်ရှိသူများနှင့်အတူ လှည့်လည်ကြည့်ရှုအားပေးခဲ့ကြောင်းသိရသည်။

ရှမ်းပြည်နယ်အတွင်း ၂၀၁၉-၂၀၂၀ ပညာသင်နှစ်အတွက် တက္ကသိုလ်ဝင်တန်း စာမေးပွဲဝင်ရောက်ဖြေဆိုသူ ကျောင်းသား၊ ကျောင်းသူစာရင်းရှိ(၆၆၄၉၅)ဦးရှိသည့်အနက် ဖြေဆိုသူကျောင်းသား၊ ကျောင်းသူ(၆၂၄၂၃)ဦး ဝင်ရောက်ဖြေဆိုကြောင်း သိရှိရသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Thu, 12 Mar 2020 09:38:12 +0630
လားရှိုးမြို့၌ ၂၀၂၀ပြည့်နှစ်တက္ကသိုလ်ဝင်တန်းဖြေဆိုနေသည့်ကျောင်းသား၊ကျောင်းသူများအား ပြည်နယ်လူမှုရေးဝန်ကြီးမှကြည့်ရှုအားပေး http://shanstate.gov.mm/index.php?option=com_content&view=article&id=2582:2020-03-12-03-04-22&catid=50&Itemid=276 http://shanstate.gov.mm/index.php?option=com_content&view=article&id=2582:2020-03-12-03-04-22&catid=50&Itemid=276

လားရှိုး   မတ် - ၁၁

46

ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီးဒေါက်တာမျိုးထွန်းနှင့် တာဝန်ရှိသူများသည် မတ်(၁၁)ရက် နံနက်ပိုင်းက ရှမ်းပြည်နယ်(မြောက်ပိုင်း) လားရှိုးမြို့ရှိ အမှတ်(၁)၊(၂)၊(၃)၊(၄)၊(၆)၊(၈) အခြေခံပညာအထက်တန်းကျောင်း များတွင် ၂၀၂၀ပြည့်နှစ် တက္ကသိုလ်ဝင်တန်းစာမေးပွဲဖြေဆိုနေသည့် ကျောင်းသား၊ကျောင်းသူများအား သွားရောက်ကြည့်ရှု အားပေးခဲ့ကြောင်းသိရှိရသည်။

ရှမ်းပြည်နယ်(မြောက်ပိုင်း)လားရှိုးမြို့တွင် စာစစ်ဌာနများဖြစ်သည့် လားရှိုးခရိုင်တွင်(၁၂)ခု၊ မူဆယ်ခရိုင်တွင်(၉)ခု၊ ကျောက်မဲခရိုင်တွင်(၁၉)ခု၊ စုစုပေါင်း(၄၀)ရှိပြီး စာရင်းရှိကျောင်းသား၊ကျောင်းသူစုစုပေါင်း(၁၉၂၆၈)၊ ဖြေဆိုသူစုစုပေါင်း(၁၈၁၂၃)၊ ရာခိုင်နှုန်း(၉၄.၀၆)နှင့်၊  ပျက်ကွက်စုစုပေါင်း(၁၁၄၅)၊ ရာခိုင်နှုန်း(၅.၉၄)ဖြစ်ကြောင်းသိရှိရသည်။

မောင်မောင်သန်း(တောင်ကြီး)

09-250132943

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Thu, 12 Mar 2020 09:34:22 +0630
ရှမ်းပြည်နယ်ဝန်ကြီးချုပ် တက်ရောက်၍ ဆီဆိုင်မြို့နယ် နောင်ထော်စာသင်ကျောင်းအတွက် အလှူငွေပေးအပ်ပွဲ http://shanstate.gov.mm/index.php?option=com_content&view=article&id=2581:2020-03-07-04-51-37&catid=50&Itemid=276 http://shanstate.gov.mm/index.php?option=com_content&view=article&id=2581:2020-03-07-04-51-37&catid=50&Itemid=276

တောင်ကြီး မတ်   ၆

43

ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ် နောင်ထော်ကျေးရွာတွင် ရှမ်းပြည်နယ် အစိုးရမှ ထောက်ပံ့ငွေပေးအပ်ပွဲကို မတ်လ ၆ ရက်နေ့ နံနက် ၁၀ နာရီတွင် နောင်ထော်ကျေးရွာ အခြေခံပညာအထက်တန်းကျောင်း နောင်ထော်စာသင်ကျောင်း၌ကျင်းပသည်။

ထောက်ပံ့ငွေပေးအပ်ပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်ဘဏ္ဍာရေး စီမံကိန်းနှင့်စီးပွားရေးဝန်ကြီး ဦးစိုးညွန့်လွင်၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ပြည်နယ်သယံဇာတ နှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာ အောင်သန်းမောင်၊ ရှမ်းပြည်နယ်ဥပဒေချုပ် ဦးတင်ဦး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ အခြေခံပညာအထက်တန်း ကျောင်းမှ ကျောင်းအုပ်ဆရာမကြီးနှင့် ဆရာ ဆရာမများ၊ ကျောင်းသား ကျောင်းသူများ၊ ကျောင်းသားမိဘများ၊ ရပ်မိရပ်ဖများ၊ ကျောင်းအကျိုးတော်ဆောင်အဖွဲ့ဝင်များတို့တက်ရောက်ခဲ့ကြသည်။

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က နှုတ်ခွန်းဆက်စကားပြောကြား ပြီးအလှူငွေများကို ပေးအပ်ရာတွင် ပြည်နယ်ဘဏ္ဍာရေး စီမံကိန်းနှင့်စီးပွားရေးဝန်ကြီး ဦးစိုးညွန့်လွင်နှင့် ပြည်နယ်စည်ပင် သာယာရေးဝန်ကြီး ဦးစိုင်းစွံဆိုင်းတို့က ကျောင်းဆောင်ပြုပြင်ရာတွင် ထောက်ပံ့ငွေကို ကျောင်းအုပ်ဆရာမကြီး ဒေါ်ခင်စန္ဒာဝင်းက အလှူငွေသိန်း၃၀ကို လက်ခံရယူခဲ့ကြောင်းသိရှိရသည်။ မီးလောင်သည့် ကျောင်းအဆောက်အဦကို ဝန်ကြီးချုပ်နှင့် ဧည့်သည်တော် များကလှည့်လည်ကြည့်ရှုခဲ့ကြကြောင်း သတင်းရရှိသည်။

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Sat, 07 Mar 2020 11:21:37 +0630
ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဒေသခံပြည်သူများဖြင့်တွေ့ဆုံပွဲ http://shanstate.gov.mm/index.php?option=com_content&view=article&id=2580:2020-03-07-04-49-58&catid=50&Itemid=276 http://shanstate.gov.mm/index.php?option=com_content&view=article&id=2580:2020-03-07-04-49-58&catid=50&Itemid=276

တောင်ကြီး       မတ်   ၆

44

          ရှမ်းပြည်နယ်(တောင်ပိုင်း)လင်းခေးခရိုင်၊ မောက်မယ်မြို့နယ်၊ ကဒူးကြီးဒေသရှိ၊ ရပ်မိရပ်ဖများ၊ ဒေသခံပြည်သူ များနှင့်လူထုတွေ့ဆုံပွဲကို မတ်လ ၆ ရက်နေ့ နံနက် ၁၁ နာရီအချိန်တွင် ကဒူးကြီးအုပ်စု၊ ဘန်းမတ်ကျေးရွာ၊ ဘုန်းတော်ကြီး ကျောင်း၌ကျင်းပခဲ့သည်။

         အခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်ဘဏ္ဍာရေး၊ စီမံကိန်းနှင့်စီးပွားရေးဝန်ကြီး ဦးစိုးညွန့်လွင်၊ ပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်း၊ ပြည်နယ်သယံဇာတ နှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာညီညီအောင်၊ ဗမာတိုင်းရင်းသားလူမျိုးရေးရာဝန်ကြီး ဒေါက်တာ အောင်သန်းမောင်၊ ရှမ်းပြည်နယ်ဥပဒေချုပ် ဦးတင်ဦး၊ ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO) ဦးဆောင် နာယက ဗိုလ်မှူးကြီး ခွန်ဥက္ကာ၊ ဦးတင်ဦး၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)ဥက္ကဋ္ဌ  ဗိုလ်မှူးကြီး ခွန်သူရိန်၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ အကြီးအကဲများ၊ ကဒူးကြီးဒေသ၊ ရပ်မိရပ်ဖများ၊ ဒေသခံပြည်သူ များနှင့်ငြိမ်းချမ်းရေးမိတ်ဆက်အဖွဲ့များ တက်ရောက်ခဲ့ကြသည်။

          ရှေးဦးစွာပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO)ဥက္ကဋ္ဌ  ဗိုလ်မှူးကြီး ခွန်ဥက္ကာနှင့် ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်တို့က နှုတ်ခွန်းဆက်အမှာစကား ပြောကြားခဲ့သည်။ ပအိုဝ်း အမျိုးသားလွတ်မြောက်ရေးအဖွဲ့ချုပ် (PNLO)ဥက္ကဋ္ဌ  ဗိုလ်မှူးကြီးခွန်သူရိန်က ဒေသ၏လိုအပ်ချက်များကို တင်ပြ တောင်းဆို ခဲ့ပြီး၊ တက်ရောက်လာသော ကဒူးကြီးကျေးရွာအုပ်စု အုပ်ချုပ်ရေးမှူးဦးဝေခွန်သာက လမ်းပန်းဆက်သွယ်ရေး ကောင်းမွန်ရေးနှင့် ကျေးရွာ၏လိုအပ်ချက်များကို တင်ပြထောက်ခံခဲ့သည်။ တင်ပြထောက်ခံချက်များကို ရှမ်းပြည်နယ် အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်နှင့် ဧည့်သည်တော်များက လိုအပ်ချက်များအား ဖြည့်စွက် ဆောင်ရွက်ပေးသွားမည် ဖြစ်ကြောင်းပြောကြားပြီး၊ ကျေးရွာဖွံ့ဖြိုးရေးအတွက် ရှမ်းပြည်နယ်အစိုးရအဖွဲ့က ထောက်ပံ့ငွေ များပေးအပ်ပြီး၊ ကဒူးကြီးအုပ်စု၊ ဘန်းမတ်ကျေးရွာ၊ အခြေခံပညာကျောင်းအတွက် စာအုပ်ဒါဇင် ၂၀၀ ဒါဇင်အား လှူဒါန်းပေးခဲ့သည်။ 

စိုင်းသန်းကျော်(တောင်ကြီး)

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Sat, 07 Mar 2020 11:19:58 +0630
ရှမ်းပြည်နယ်အစိုးရအဖွဲ့နှင့် Swiss Agency for Development and Cooperation (SDC)အဖွဲ့တွေ့ဆုံခြင်း http://shanstate.gov.mm/index.php?option=com_content&view=article&id=2579:swiss-agency-for-development-and-cooperation-sdc&catid=50&Itemid=276 http://shanstate.gov.mm/index.php?option=com_content&view=article&id=2579:swiss-agency-for-development-and-cooperation-sdc&catid=50&Itemid=276

တောင်ကြီး မတ် ၄ 

42

ရှမ်းပြည်နယ်အစိုးရအဖွဲ့နှင့် Swiss Agency for Development and Cooperation (SDC)အဖွဲ့တို့နှင့် တွေ့ဆုံခြင်းကို မတ်လ ၄ ရက် နံနက်(၁၀)နာရီအချိန်တွင် ရှမ်းပြည်နယ်ဝန်ကြီးချုပ်၏ ဧည့်ခန်းမ၌ လက်ခံတွေ့ဆုံခဲ့သည်။ 

တွေ့ဆုံပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ပြည်နယ်စီမံကိန်းနှင့် ဘဏ္ဍာရေး ဝန်ကြီး ဦးစိုးညွန့်လွင်၊ ပြည်နယ်စိုက်ပျိုးရေး မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်လူမှုရေးဝန်ကြီး ဒေါက်တာမျိုးထွန်းတို့မှ  Swiss Agency for Development and Cooperation (SDC)အဖွဲ့တို့နှင့် လက်ခံတွေ့ဆုံ၍ အပြန်အလှန်ဆွေးနွေးခဲ့ကြကြောင်းသိရှိရသည်။

 

စိုင်းသန်းကျော်(တောင်ကြီး)

 

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 04 Mar 2020 13:44:16 +0630
အမိန့်ကြော်ငြာစာ (၁၉/၂၀၂၀) http://shanstate.gov.mm/index.php?option=com_content&view=article&id=2578:2020-02-26-08-44-02&catid=50&Itemid=276 http://shanstate.gov.mm/index.php?option=com_content&view=article&id=2578:2020-02-26-08-44-02&catid=50&Itemid=276

အမိန့်ကြော်ငြာစာ(၁၉/၂၀၂၀)

၂၀၂၀ပြည့်နှစ်၊ ဇန်နဝါရီလ ၁၇ ရက်

img139

img140

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 26 Feb 2020 15:14:02 +0630
အမိန့်ကြော်ငြာစာ (၁၉/၂၀၂၀) http://shanstate.gov.mm/index.php?option=com_content&view=article&id=2577:2020-02-26-08-42-04&catid=50&Itemid=276 http://shanstate.gov.mm/index.php?option=com_content&view=article&id=2577:2020-02-26-08-42-04&catid=50&Itemid=276

အမိန့်ကြော်ငြာစာ(၁၉/၂၀၂၀)

၂၀၂၀ပြည့်နှစ်၊ ဇန်နဝါရီလ ၁၇ ရက်

img139

img140

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 26 Feb 2020 15:12:04 +0630
ပဉ္စမအကြိမ်မြောက် စည်ပင်သာယာရေးအဖွဲ့များအတွက် ကောင်းမွန်သော အလေ့အထများမျှဝေခြင်း အလုပ်ရုံဆွေးနွေးပွဲကျင်းပ http://shanstate.gov.mm/index.php?option=com_content&view=article&id=2576:2020-02-26-05-08-36&catid=50&Itemid=276 http://shanstate.gov.mm/index.php?option=com_content&view=article&id=2576:2020-02-26-05-08-36&catid=50&Itemid=276

တောင်ကြီး ဖေဖော်ဝါရီ   −   ၂၄

41

Asia Foundation နှင့် Renaissance Institute တို့ပူးပေါင်း၍ ပဉ္စမအကြိမ်မြောက် စည်ပင်သာယာရေးအဖွဲ့များ အတွက်ကောင်းမွန်သော အလေ့အထများမျှဝေခြင်း အလုပ်ရုံဆွေးနွေးပွဲကို ဖေဖော်ဝါရီ(၂၄)ရက် နံနက်(၉)နာရီက တောင်ကြီးမြို့ Royal Taunggyi Hotel ၌ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်ဒေါက်တာလင်းထွဋ်က ယနေ့ကျင်းပပြုလုပ်သည့် အလုပ်ရုံဆွေးနွေးပွဲ အခမ်းအနားတွင် မြန်မာနိုင်ငံတစ်ဝှမ်းလုံးရှိ စည်ပင်သာယာရေးမိသားစု၏ အကြီးအကဲများကို တစ်နေရာတည်း၊ တစ်စုတစ်စည်း တည်းတွေ့ရှိရသည့်အတွက် ကြည်နူးဝမ်းသာမိပါကြောင်း၊ ၂၀၀၈ဖွဲ့စည်းပုံ အခြေခံဥပဒေနှင့်အညီ ပြောင်းလဲ ဖြစ်ပေါ်လာသော နိုင်ငံရေးစနစ်အရ စည်ပင်သာယာရေးအဖွဲ့သည် ဒေသန္တရလုပ်ပိုင်ခွင့် အပြည့်အဝရရှိထားပြီး တိုင်းဒေသကြီးနှင့် ပြည်နယ်အစိုးရ များ၏ ကြီးကြပ်ကွပ်ကဲမှုအောက်တွင် ရောက်ရှိနေပြီး မြန်မာနိုင်ငံရေးအပြောင်းအလဲ၌ ဗဟိုချုပ်ကိုင်မှုလျှော့ချခြင်း အကျိုး ကျေးဇူးများကို စည်ပင်သာယာရေးအဖွဲ့က လက်တွေ့ခံစားရမည်ဖြစ်ကြောင်း၊ ပြည်သူတွေအတွက် ပိုမိုကောင်းမွန်သော မြို့ပြ ဝန်ဆောင်မှုလုပ်ငန်းများ ဖြည့်ဆည်းပေးရန် စည်ပင်သာယာရေးအဖွဲ့အနေဖြင့် အခွင့်အရေးကို အမိအရအသုံးချနိုင်ရန် အရေးကြီး ပါကြောင်း၊ မြို့ပြဖွံ့ဖြိုးမှုသည် နိုင်ငံတစ်နိုင်ငံ၏ စီးပွားရေးတိုးတက်မှုကို ဖော်ညွှန်းနိုင်သည့်နည်းတူ မြို့ပြစနစ် အားကောင်းလာ နိုင်ရန်အတွက် စည်ပင်သာယာရေးအဖွဲ့၏ လုပ်ငန်းစွမ်းဆောင်ရည်ပေါ်တွင် မူတည်နေပါကြောင်း၊ စည်ပင်သာယာရေးအဖွဲ့ အနေဖြင့် နိုင်ငံရေးဖြစ်စဉ်ပြောင်းလဲမှုမှ အပ်နှင်းလိုက်သည့် ဒေသန္တရလုပ်ပိုင်ခွင့်အာဏာကို အကောင်းဆုံး ချိန်ညှိကိုင်တွယ်ပြီး ခေတ်စနစ်နှင့် လိုက်လျောညီထွေရှိသော စည်ပင်သာယာရေး အုပ်ချုပ်မှုစနစ်တစ်ခုကို ဖန်တီးပုံဖော်ပေးကြရန် တိုက်တွန်း ပြောကြားသွားပြီး၊ (၃)ရက်တာကျင်းပပြုလုပ်မည့် အလုပ်ရုံဆွေးနွေးပွဲတွင် လက်ရှိကြုံတွေ့နေရသော စိန်ခေါ်မှုများ၊ သင်ယူ ရရှိမှုများနှင့် အနာဂတ်အခွင့်အလမ်းများကို အချင်းချင်းမျှဝေပြီး သင်ခန်းစာများ ဖော်ထုတ်ပေးကြရန်နှင့် နိုင်ငံအတွင်းဖြစ်ပေါ် နေသော မြို့ပြစီမံခန့်ခွဲမှုဆိုင်ရာ လိုအပ်ချက်များနှင့်စပ်လျဉ်း၍ မူဝါဒချမှတ်သူများကိုတင်ပြနိုင်ရေး ဆွေးနွေးဆောင်ရွက်ပေးကြ ရန်ပြောကြားသွားသည်။

ဆက်လက်၍ Renaissance Institute မှဒါရိုက်တာအဖွဲ့ဝင် ဒေါက်တာအောင်ကိုကိုမှ ကြိုဆိုနှုတ်ခွန်းဆက်စကား  ပြောကြားပြီး Asia Foundation အစီအစဉ်မန်နေဂျာ ပီတာရိတ်စ်မှ ကြိုဆိုနှုတ်ခွန်းဆက်စကားပြောကြား၍ စတုတ္ထအကြိမ် အလုပ်ရုံဆွေးနွေးပွဲကိုပြန်လည်ခြုံငုံသုံးသတ်ပြီး၊ အဆိုပါအခမ်းအနားသို့ ပြည်နယ်နှင့်တိုင်းဒေသကြီး(၁၄)ခုနှင့် နေပြည်တော်မှ မြို့တော်ဝန်များ၊ စည်ပင်သာယာရေးဝန်ကြီးများ၊ ပြည်နယ်တိုင်းဒေသကြီး စည်ပင်သာယာရေးအဖွဲ့များမှ ညွှန်ကြားရေးမှူးများ၊ မြို့နယ်စည်ပင်သာယာရေးအမှုဆောင်အရာရှိများ တက်ရောက်ကြကြောင်းသိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 26 Feb 2020 11:38:36 +0630
ရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေများပေးအပ် http://shanstate.gov.mm/index.php?option=com_content&view=article&id=2575:2020-02-26-04-46-57&catid=50&Itemid=276 http://shanstate.gov.mm/index.php?option=com_content&view=article&id=2575:2020-02-26-04-46-57&catid=50&Itemid=276

တောင်ကြီး ဖေဖော်ဝါရီ   −   ၂၄

40

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့ အစည်းများသို့ ၂၀၁၉−၂၀၂၀ခု ဘဏ္ဍာရေးနှစ် ထောက်ပံ့ကြေးငွေများ ပေးအပ်ခြင်းကို ဖေဖော်ဝါရီ(၂၄)ရက် နံနက်(၉)နာရီခွဲက တောင်ကြီးမြို့ မြို့တော်ခန်းမ၌ ကျင်းပသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က ယနေ့ကျင်းပသောအခမ်းအနားသည် အခြားသော အခမ်းအနားများနှင့်မတူကွဲပြားပြီး တစ်မူထူးခြားချက်များရှိသည့်အပြင် လူသာဓု၊ နတ်သာဓု ခေါ်ရမည့် အခမ်းအနားမျိုးဖြစ်သည့် အပြင် အင်မတန်မွန်မြတ်လှသော စေတနာ့ဝန်ထမ်း လူမှုရေးအဖွဲ့အစည်းများကို နိုင်ငံတော်အစိုးရ၏ကိုယ်စား လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနအနေဖြင့် ရှမ်းပြည်နယ်အစိုးရအဖွဲ့မှတစ်ဆင့် ထောက်ပံ့ချီးမြှင့်မှုဖြစ်သည့် အခမ်းအနားဖြစ်သောကြောင့် ရှေးဦးစွာပြောကြားလိုကြောင်း၊ လူမှုဝန်ထမ်းလုပ်ငန်း ဖွံ့ဖြိုးတိုးတက်ရေးအတွက် နိုင်ငံတော်အစိုးရ ၏အားတစ်ခုတည်းဖြင့် ဆောင်ရွက်မရနိုင်သလို သက်ဆိုင်ရာတိုင်းဒေသကြီးနှင့် ပြည်နယ်အစိုးရအပါအဝင် တက်ရောက်လာသော လူမှုဝန်ထမ်း၊ စေတနာ့ဝန်ထမ်းသမားများအပြင် ပြည်သူတစ်ရပ်လုံးကပါ လူမှုဝန်ထမ်းအသိစိတ်ဓာတ် မြင့်မြင့်မားမားနှင့်အတူ တကွပူးပေါင်းပါဝင်ကြရန်တိုက်တွန်းလိုကြောင်း၊ ၂၀၁၈−၂၀၁၉ ဘဏ္ဍာရေးနှစ်တွင် (၅၄၅၈.၆)သိန်း ထောက်ပံ့ပေးနိုင်ခဲ့ပြီး (၂၀၁၉−၂၀၂၀) ဘဏ္ဍာရေးနှစ်တွင် (၆၆၂၃.၈၂)သိန်း ထောက်ပံ့ပေးမည်ဖြစ်ပြီး၊ ယခင်နှစ်ထက် ကျပ်သိန်းပေါင်း(၁၁၆၅.၂၂)ခန့် ပိုမိုပြီး တိုးမြှင့်ထောက်ပံ့ပေးနိုင်မည် ဖြစ်သောကြောင့် ရှမ်းပြည်နယ်အစိုးရအနေဖြင့် များစွာဂုဏ်ယူဝမ်းမြောက်မိပါကြောင်းနှင့် လူမှုဝန်ထမ်းဦးစီးဌာနကို အထူးကျေးဇူးတင်ရှိပါကြောင်းပြောကြားသွားသည်။

ဆက်လက်၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၏ (၂၀၁၉−၂၀၂၀) ဘဏ္ဍာရေးနှစ် ရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေ ခွင့်ပြုရန်ပုံငွေ စုစုပေါင်း ကျပ်သိန်း(၆၆၂၃.၈၂)သိန်းကို ရှမ်းပြည်နယ်ဝန်ကြီးချုပ်ထံသို့ ရှမ်းပြည်နယ်လူမှုဝန်ထမ်းရုံး ညွှန်ကြားရေးမှူးဦးထွန်းဦးကပေးအပ်ရာ ပြည်နယ်ဝန်ကြီးချုပ် ဒေါက်တာလင်းထွဋ်က လက်ခံရယူပြီး၊ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေများကို ပြည်နယ် ဝန်ကြီးချုပ် ဒေါက်တာလင်းထွဋ်နှင့်ဇနီး ရှမ်းပြည်နယ်အမျိုးသမီးရေးရာအဖွဲ့ မိခင်နှင့်ကလေးစောင့်ရှောက်မှုကြီးကြပ်ရေးနာယက ဒေါ်နန်းရွှေမြင့်၊ ရှမ်းပြည်နယ်လွှတ်တော်ဒုတိယဥက္ကဋ္ဌ၊ အရှေ့ပိုင်းတိုင်းစစ်ဌာနချုပ် တိုင်းစစ်ဌာနမှ တာဝန်ရှိသူများ၊ ပြည်နယ် ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့ အတွင်းရေးမှူးတို့မှ တောင်ကြီးမြို့နယ် ဓမ္မဝိဒူ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၃၈၀.၇၃)သိန်းနှင့် ငြိမ်းချမ်းလူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ (၁၂၆.၄၂)သိန်း၊ အေးသာယာလူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၂၄၈.၄၃)သိန်းနှင့် ဒေါ်ကြီးဒေါ်ငယ် လူငယ်ဖွံ့ဖြိုး ရေးပရဟိတဂေဟာသို့ (၁၄၁.၁၂)သိန်း၊ တောင်ကြီးမြို့နယ် သူငယ်တော်ယေဇူးမသန်စွမ်းနှင့် လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၂၅၇.၂၅)သိန်းနှင့် အမျိုးသမီးပရဟိတဂေဟာသို့ ထောက်ပံ့ငွေ(၅၂.၉၂)သိန်း၊ ဟမ်းဆီးလူငယ်ဖွံ့ဖြိုးရေး ပရဟိတ ဂေဟာသို့ ထောက်ပံ့ငွေ(၁၄၄.၀၆)သိန်းနှင့် ရှမ်းရိုးမဘိုးဘွားရိပ်သာသို့ ထောက်ပံ့ငွေ(၃၈.၂၂)သိန်း၊ ရှမ်းပြည်နယ်တောင်ပိုင်း အတွင်းရှိ တပ်ရင်းတပ်ဖွဲ့များတွင် ဖွင့်လှစ်ထားသော မူကြိုကျောင်းပေါင်း(၃၃)ကျောင်းအတွက် ထောက်ပံ့ငွေ(၃၁၆.၈)သိန်း ပေးအပ်ခြင်းနှင့် သင်ထောက်ကူပစ္စည်းဝယ်ယူရန်အတွက် (၃၃)သိန်းအသီးသီးပေးအပ်ခဲ့ကြပြီး စေတနာ့ဝန်ထမ်းအဖွဲ့အစည်း များသို့တောင်ကြီးမြို့နယ် Open Door လူငယ်ဖွံ့ဖြိုးရေးပရဟိတဂေဟာသို့ ထောက်ပံ့ငွေ(၂၄.၈၄)သိန်း၊ တောင်ကြီးခရိုင်အတွင်းရှိ ကိုယ့်အားကိုယ်ကိုးမူလတန်းကြိုကျောင်းများသို့ သင်ထောက်ကူပစ္စည်း ဝယ်ယူရန်အတွက် ထောက်ပံ့ငွေ(၈၃)သိန်း၊ ဖယ်ခုံမြို့နယ် လအိလူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၂၄၄.၆၈)သိန်းနှင့် လပင်နွဲ့ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၉၄.၀၈)သိန်း၊ ဖယ်ခုံမြို့နယ် စလင်းလူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၁၃၈.၈၄)သိန်းနှင့် ဆိုင်ခွန်တောင် လူငယ်ဖွံ့ဖြိုးရေး ပရဟိတဂေဟာသို့  ထောက်ပံ့ငွေ(၉၆.၂၁)သိန်း၊ ဖယ်ခုံမြို့နယ် နတ်တောလူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၉၉.၁၅)သိန်းနှင့် ဘီကင်း လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၉၇.၀၂)သိန်း၊ ဖယ်ခုံမြို့နယ် လကျီနွဲ့ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၁၁၆.၇၉)သိန်းနှင့် ဇီးဖြူတောင် လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၆၆.၁၅)သိန်း၊ ဖယ်ခုံမြို့နယ် သံတာထရေးဇာ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ (၄၇.၅၂)သိန်းနှင့် ရွှေညောင်မြို့နယ် စိတ္တသုခ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၇၃.၄၄)သိန်း၊ ညောင်ရွှေမြို့နယ် မိုင်းသောက်လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၁၄၉.၁၃)သိန်းနှင့် ဇေယျသုခ လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၁၇၄.၁၂)သိန်း၊ ပင်လောင်းမြို့နယ် နန်းဟူးလူငယ်ဖွံ့ဖြိုးရေး ပရဟိတဂေဟာသို့ထောက်ပံ့ငွေ(၁၂၅.၆၁)သိန်းနှင့် ထီနားကောင်း လူငယ်ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၅၇.၉၉)သိန်း၊ ကလောမြို့နယ် ပစ္ဆိမာရုံ(အောင်ပန်း) လူငယ် ဖွံ့ဖြိုးရေး ပရဟိတဂေဟာသို့ ထောက်ပံ့ငွေ(၁၆၂.၃၆)သိန်းနှင့် ရပ်စောက်မြို့နယ် သုခကာရီဘိုးဘွားရိပ်သာသို့ ထောက်ပံ့ငွေ(၆.၄၈) သိန်း၊ ပင်းတယမြို့နယ် ဓနုမြေဘိုးဘွားရိပ်သာသို့ ထောက်ပံ့ငွေ(၁၄.၀၄)သိန်း၊ လွိုင်လင်ခရိုင်အတွင်းရှိ ကိုယ့်အားကိုယ်ကိုး မူလတန်းကြိုကျောင်း(၁၄)ကျောင်းသို့ ထောက်ပံ့ငွေ(၁၃၄.၄)သိန်းနှင့် သင်ထောက်ကူပစ္စည်းဝယ်ယူရန်အတွက် ထောက်ပံ့ငွေ(၁၄) သိန်း၊ လင်းခေးခရိုင်အတွင်းရှိ လင်းခေးမြို့နယ်၊ မကျိုင်းမွန်းလူငယ်ဖွံ့ဖြိုးရေးပရဟိတဂေဟာသို့ ထောက်ပံ့ငွေ(၁၅၉.၄၂)သိန်းနှင့် ကိုယ့်အားကိုယ်ကိုး မူလတန်းကြိုကျောင်း(၅)ကျောင်းသို့ ထောက်ပံ့ငွေ(၄၈)သိန်း ပေးအပ်ခြင်းနှင့် သင်ထောက်ကူပစ္စည်း ဝယ်ယူ ရန်အတွက် ထောက်ပံ့ငွေ(၅)သိန်း၊ ကျိုင်းတုံခရိုင်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေ(၄၂.၇၃)သိန်းနှင့် ကိုယ့်အားကိုယ်ကိုး မူလတန်းကြိုကျောင်း(၁၁)ကျောင်းသို့ ထောက်ပံ့ငွေ(၁၁၆.၆)သိန်း၊ တာချီလိတ်ခရိုင်အတွင်းရှိ စေတနာ့ ဝန်ထမ်းအဖွဲ့အစည်းများသို့ ထောက်ပံ့ငွေ(၄၆၆.၅၆)သိန်းနှင့် ကိုယ့်အားကိုယ်ကိုး မူလတန်းကြိုကျောင်း(၂၁)ကျောင်းသို့ ထောက်ပံ့ငွေ(၂၂၂.၆)သိန်း၊ လားရှိုးခရိုင်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေ(၄၇၇.၆၀)သိန်းနှင့် ကိုယ့်အားကိုယ်ကိုး မူလတန်းကြိုကျောင်း(၃၇)ကျောင်းသို့ ထောက်ပံ့ငွေ(၃၉၂.၂)သိန်း၊ ကျောက်မဲခရိုင်အတွင်းရှိ စေတနာ့ဝန်ထမ်း အဖွဲ့အစည်းများသို့ ထောက်ပံ့ငွေ(၁၁၇.၉၉)သိန်းနှင့် ကိုယ့်အားကိုယ်ကိုး မူလတန်းကြိုကျောင်း(၅)ကျောင်းသို့ ထောက်ပံ့ငွေ(၅၃) သိန်း၊ မူဆယ်ခရိုင်အတွင်းရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ငွေ(၂၅၅.၇၈)သိန်းနှင့် ကိုယ့်အားကိုယ်ကိုး မူလတန်း ကြိုကျောင်း(၂)ကျောင်းသို့ ထောက်ပံ့ငွေ(၂၁.၂)သိန်း ထောက်ပံ့ပေးအပ်ခဲ့ကြပြီး တက်ရောက်လာသော စေတနာ့ဝန်ထမ်း အဖွဲ့အစည်းများမှ ကိုယ်စားလှယ်တစ်ဦးဖြစ်သူ တောင်ကြီးမြို့ ရှမ်းရိုးမဘိုးဘွားရိပ်သာ ရိပ်သာကြီးကြပ်ရေးကော်မတီဝင် ဒုတိယ ဥက္ကဋ္ဌဦးစိုင်းမြင့်ဌေးက ကျေးဇူးတင်စကားပြန်လည်ပြောကြားသည်။

အဆိုပါရှမ်းပြည်နယ်အတွင်းရှိ စေတနာ့ဝန်ထမ်းအဖွဲ့အစည်းများသို့ ရှမ်းပြည်နယ်(တောင်ပိုင်း)အတွင်းရှိ စေတနာ့ဝန်ထမ်း အဖွဲ့အစည်းများသို့ ထောက်ပံ့ငွေ(၄၄၅၇.၅၆)သိန်း၊ ရှမ်းပြည်နယ်(မြောက်ပိုင်း)ကို (၁၃၁၇.၇၇)သိန်း၊ ရှမ်းပြည်နယ်(အရှေ့ပိုင်း)ကို (၈၄၈.၄၉)သိန်း၊ ထောက်ပံ့ခွင့်ပြုရန်ပုံငွေစုစုပေါင်းမှာ(၆၆၂၃.၈၂)သိန်းဖြစ်ကြောင်းသိရှိရသည်။

မောင်မောင်သန်း(တောင်ကြီး)

၀၉−၂၅၀၁၃၂၉၄၃

 

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 26 Feb 2020 11:16:57 +0630
(၁၁)ကြိမ်မြောက် တောင်ရိုးအမျိုးသားနေ့ကျင်းပ http://shanstate.gov.mm/index.php?option=com_content&view=article&id=2574:2020-02-26-04-24-54&catid=50&Itemid=276 http://shanstate.gov.mm/index.php?option=com_content&view=article&id=2574:2020-02-26-04-24-54&catid=50&Itemid=276

ညောင်ရွှေ ဖေဖော်ဝါရီ   -   ၂၅

39

၂၀၂၀ပြည့်နှစ် ဖေဖော်ဝါရီ(၂၅)ရက် နံနက်(၁၀)နာရီက ရှမ်းပြည်နယ်(တောင်ပိုင်း) ညောင်ရွှေမြို့နယ် ကျားတွန် ကျေးရွာတွင် (၁၁)ကြိမ်မြောက် တောင်ရိုးအမျိုးသားနေ့ ကျင်းပကြောင်းသိရသည်။

(၁၁)ကြိမ်မြောက် တောင်ရိုးအမျိုးသားနေ့မုဒ်ဦးကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ အင်းတိုင်းရင်းသားလူမျိုးရေးရာဝန်ကြီး ဒေါက်တာထွန်းလှိုင်၊ အရှေ့ပိုင်းတိုင်းစစ်ဌာနချုပ် ဒုတိယတိုင်းမှူး၊ တိုင်းရင်းသားလူမျိုး ရေးရာဝန်ကြီးဌာနမှ ညွှန်ကြားရေးမှူးချုပ်၊ တောင်ရိုးစာပေနှင့်ယဉ်ကျေးမှုဗဟိုအဖွဲ့မှ ဥက္ကဋ္ဌဦးသောင်းရွှေတို့မှ ဖဲကြိုးဖြတ်ဖွင့်လှစ် ပေးကြသည်။

အခမ်းအနားတွင် နိုင်ငံတော်အလံနှင့် တောင်ရိုးတိုင်းရင်းသားအလံများကို ဦးစွာအလေးပြုကြပြီး တောင်ရိုးစာပေနှင့် ယဉ်ကျေးမှုအကအဖွဲ့မှ ရိုးရာအကများဖြစ်သော ဘော်နင်း(ရိုးရာ)မောင်းဆိုင်း ယဉ်ကျေးမှုအကမှဖျော်ဖြေခြင်း၊ နန်းမှန်မြင်းက ယဉ်ကျေးမှုအကအဖွဲ့မှ ဖျော်ဖြေတင်ဆက်ကြသည်။

ဆက်လက်၍ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်က မြန်မာနိုင်ငံသည် တိုင်းရင်းသား လူမျိုးပေါင်းစုံ၊ ဘာသာပေါင်းစုံ၊ ယဉ်ကျေးမှု၊ ဘာသာစကား၊ စာပေအနုသုခုမအပါအဝင် မိမိတို့လူမျိုး၏ သမိုင်းအစဉ်အလာကို ထိန်းသိမ်းစောင့်ရှောက်လျက်ရှိရာ တောင်ရိုးတိုင်းရင်းသားများအနေဖြင့် မိမိတို့လူမျိုး၏ ရိုးရာလေ့ထုံးတမ်းနှင့် သမိုင်းအမွေအနှစ် တို့ကိုထိန်းသိမ်းစောင့်ရှောက်ပြီး၊ စည်းလုံးညီညွတ်မှုကိုပါ ဖော်ဆောင်ရာရောက်သည့် (၁၁)ကြိမ်မြောက် တောင်ရိုးအမျိုးသားနေ့ နှင့်တောင်ရိုးတိုင်းရင်းသားများ၏ ရိုးရာယဉ်ကျေးမှုစုံညီပွဲတော်ကို ကျင်းပနိုင်ခြင်းအတွက် ဝမ်းမြောက်ဂုဏ်ယူဖွယ်ဖြစ်ပါကြောင်း၊ တောင်ရိုးမျိုးနွယ်စု တိုင်းရင်းသားများသည် သမိုင်းသုတေသီတို့ အဆိုအရ ရှေးမြန်မာအနွယ် (Proto Burmese) များကဲ့သို့ပင် တိဘက်မြန်မာအုပ်စု အပါအဝင်ဖြစ်ကြောင်းနှင့် ရခိုင်၊ မြန်မာ၊ ဓနု၊ တောင်ရိုး၊ အင်းသား အစရှိသည့် လူမျိုးစုများဖြစ်လာကြမည့် ရှေးမြန်မာအနွယ်များမှာ မေခ-မလိခမှ ဧရာဝတီမြစ်ကြောင်းကိုစုန်၍ ဆင်းသက်လာပြီး ၎င်းဒေသတွင် အခြေစိုက်ကာ မြန်မာ ဖြစ်လာကြပြီး အချို့မှာဇော်ဂျီပန်းလောင်မြစ်အတိုင်း အရှေ့သို့တက်၍ ဓနု၊ တောင်ရိုး၊ အင်းသားစသည်တို့ဖြစ်လာကြပြီး အချို့မှာ ရခိုင်ရိုးမကိုကျော်ဖြတ်ကာ အခြေစိုက်၍ ရခိုင်လူမျိုးများဖြစ်လာကြကြောင်းနှင့် ရခိုင်အစတောင်ရိုးမှ ဟူသောယူဆချက်ရှိလာ ခဲ့ကြောင်း၊ မိမိတို့ရှမ်းပြည်နယ်ကြီး ငြိမ်းချမ်းသာယာဝပြောမှု၊ ဖွံ့ဖြိုးတိုးတက်မှု၊ ယဉ်ကျေးမှုအမွေအနှစ်များ မပျောက်ပျက်အောင် ထိန်းသိမ်းစောင့်ရှောက်မှု၊ တိုင်းရင်းသားညီအစ်ကိုများအကြား ချစ်ကြည်ရင်းနှီးမှုများ ပိုမိုတိုးတက်ရရှိခံစားနိုင်ရန် ဆောင်ရွက်ရာ တွင်ယနေ့တက်ရောက်လာကြသည့် တောင်ရိုးတိုင်းရင်းသားညီအစ်ကိုမောင်နှမများအပါအဝင် ရှမ်းပြည်နယ်သူ၊ ရှမ်းပြည်နယ်သား များအားလုံးပူးပေါင်းပါဝင် ကြိုးပမ်းဆောင်ရွက်မှုများ အထူးပင်အရေးကြီးလှပါကြောင်းပြောကြားသွားသည်။

ထို့နောက် ပြည်နယ်ဝန်ကြီးချုပ် ဒေါက်တာလင်းထွဋ်က (၁၁)ကြိမ်မြောက် တောင်ရိုးအမျိုးသားနေ့ပွဲတော်အတွက် ရှမ်းပြည်နယ်အစိုးရအဖွဲ့မှ လှူဒါန်းသောအလှူငွေကျပ်(၆)သိန်းကိုပေးအပ်ရာ တောင်ရိုးစာပေနှင့် ယဉ်ကျေးမှုဗဟိုအသင်းအဖွဲ့မှ ဥက္ကဌဦးသောင်းရွှေကလက်ခံရယူပြီး၊ ဂုဏ်ပြုမှတ်တမ်းလွှာ ပြန်လည်ပေးအပ်သည်။

ယင်းနောက် ရှမ်းပြည်နယ်လွှတ်တော် ဒုတိယဥက္ကဌဦးစဝ်အောင်မြတ်၊ အင်းတိုင်းရင်းသားလူမျိုးရေးရာဝန်ကြီး ဒေါက်တာထွန်းလှိုင်တို့က အမှာစကားပြောကြားကြပြီး၊ (၁၁)ကြိမ်မြောက် တောင်ရိုးအမျိုးနေ့ပွဲတော်အခမ်းအနားသို့ တိုင်းရင်းသားများရေးရာဝန်ကြီးဌာနမှ ပြည်ထောင်စုဝန်ကြီးနိုင်သက်လွင်ထံမှ ပေးပို့သောသဝဏ်လွှာကို ညွှန်ကြားရေးမှူးချုပ်မှ ဖတ်ကြားပြီး အလှူငွေများပေးအပ်ကာ ဂုဏ်ပြုမှတ်တမ်းလွှာပြန်လည်ပေးအပ်ပြီး ရန်ကုန်တိုင်းအစိုးရအဖွဲ့ ရခိုင်တိုင်းရင်းသား ရေးရာဝန်ကြီး ဒေါက်တာဇော်အေးမောင်၏ သဝဏ်လွှာအား မြန်မာနိုင်ငံလုံးဆိုင်ရာ ရခိုင်လူမှုကွန်ယက်အဖွဲ့အစည်းမှ    အတွင်းရေးမှူးဦးစိန်အောင်မှဖတ်ကြားပြီး၊ တောင်ရိုးစာပေယဉ်ကျေးမှုဗဟိုအဖွဲ့ ဥက္ကဌဦးသောင်းရွှေမှအမှာစကားပြောကြားပြီး (၁၁)ကြိမ်မြောက် တောင်ရိုးအမျိုးသားနေ့ပွဲတော်ကျင်းပရေး ကော်မတီဥက္ကဌ ဦးအောင်ဆန်းမှ ကျေးဇူးတင်စကားပြန်လည် ပြောကြားပြီး အလှူရှင်များမှအလှူငွေများပေးအပ်လှူဒါန်းကြကာ ဂုဏ်ပြုမှတ်တမ်းလွှာများပြန်လည်ပေးအပ်၍ ပြည်နယ် ဝန်ကြီးချုပ်နှင့် တာဝန်ရှိသူများသည် တောင်ရိုးစာပေယဉ်ကျေးမှုမှ ပြသထားသောပြခန်းများအား လှည့်လည်ကြည့်ရှုကြကြောင်း သိရှိရသည်။

မောင်မောင်သန်း(တောင်ကြီး)

09250132943

]]>
shanstate.gov.mm@gmail.com (Shan State Goverment) ရှမ်းပြည်နယ်သတင်းများ Wed, 26 Feb 2020 10:54:54 +0630