ရှမ်းပြည်နယ်သတင်းများ

ပိုးသတ်ဆေး ဥပဒေနှင့် မြေဩဇာ ဥပဒေ လုပ်ထုံးလုပ်နည်းဆိုင်ရာ လိုက်နာဆောင်ရွက်ရမည့် လုပ်ငန်းစဉ်များ ရှင်းလင်းဆွေးနွေးပွဲကျင်းပ

တောင်ကြီး  မတ်  ၂၅

 

6

 

7 

  ပိုးသတ်ဆေးဥပဒေနှင့် မြေဩဇာဥပဒေ လုပ်ထုံးလုပ်နည်းဆိုင်ရာ လိုက်နာရမည့် လုပ်ငန်းစဉ်များ ရှင်းလင်းဆွေးနွေးပွဲကို မတ်(၂၅)ရက်နံနက်(၉)နာရီက တောင်ကြီးမြို့၊ ပြည်နယ်စိုက်ပျိုးရေးဦးစီးဌာန၊ အစည်းအဝေးခန်းမ၌ ကျင်းပရာ ရှမ်းပြည်နယ်အစိုးရအဖွဲ့၀င် ပြည်နယ်စည်ပင်သာယာရေးဝန်ကြီး ဦးတူးမောင်က တက်ရောက် အမှာစကားပြောကြားခဲ့ပြီး၊ ရှမ်းပြည်နယ်စိုက်ပျိုးရေးဦးစီးဌာန၊ ပြည်နယ်ဦးစီးမှူး ဦးဝင်းလှိုင် ၊ ဒုတိယပြည်နယ်ဥပဒေအရာရှိ ဦးကျော်ဝင်း နှင့် စိုက်ပျိုးရေးဦးစီးဌာန၊ သီးနှံကာကွယ်ရေးဌာနခွဲ(ရုံးချုပ်)မှ လက်ထောက်ညွှန်ကြားရေးမှူး ဒေါက်တာ ပြုံးပြုံးကြည်တို့မှ ပိုးသတ်ဆေးများ အန္တရာယ်ကင်းစွာ သုံးစွဲရေးနှင့် ပိုးသတ်ဆေးဥပဒေလိုက်နာ ကျင့်သုံးရေးတို့ကို ရှင်းလင်းဆွေးနွေးကြပြီး၊ တက်ရောက်လာသည့် ဒေသခံပြည်သူများက ပြန်လည်ဆွေးနွေးကြသည်။


    အခမ်းအနား ဒုတိယပိုင်းတွင် မြေအသုံးချရေးဌာနခွဲ၊ စိုက်ပျိုးရေးဦးစီးဌာန၊ နေပြည်တော်မှ လက်ထောက်ညွှန်ကြားရေးမှူး ဒေါ်စန်းစန်းမြင့်မှ မြေဩဇာဥပဒေနှင့် လုပ်ထုံးလုပ်နည်းများကို ရှင်းလင်း၍ လည်းကောင်း၊ ပြည်နယ်မြေအသုံးချရေးတာဝန်ခံ ဦးထွန်းလှအောင်မှ မြေဩဇာဥပဒေဆိုင်ရာ လိုက်နာဆောင်ရွက်ရမည့် အချက်များအား ရှင်းလင်းဆွေးနွေးကြပြီး တက်ရောက်လာကြသည့် ဒေသခံတောင်သူများမှ ပြန်လည်ဆွေးနွေးခဲ့ကြသည်။


    အဆိုပါ အခမ်းအနားသို့ တောင်ကြီးမြို့နယ်ဒေသခံတောင်သူများ၊ စိုက်ပျိုးရေးဆေးဆိုင်မှ ဆေးဆိုင်ရှင်များ တက်ရောက်ခဲ့ပါသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ဓနုဆုံဆည်းရာနေ့ အခမ်းအနားတက်ရောက်

တောင်ကြီး   မတ်   ၂၅

 

0011

 

0022

 

0033

 

0055

 

0044

 

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် သည် မတ်(၂၅) ရက် နံနက်(၈)နာရီက ဓနုကိုယ်ပိုင်အုပ်ချုပ်ခွင့်ရ ဒေသ ပင်းတယမြို့ ရွှေဥမင်ဘုရား ရင်ပြင်ရှေ့၌ ကျင်းပပြုလုပ်သည့် ဓနုဆုံဆည်းရာနေ့ အခမ်းအနား သို့တက်ရောက် အမှာစကား ပြောကြားသည်။


    ထို့နောက် ဓနုကိုယ်ပိုင်အုပ်ချုပ်ခွင့်ဒေသ၊ အမျိုးသားလွှတ်တော် ကိုယ်စားလှယ် ဦးရှုမောင်၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးထူးကိုကို တို့က အမှာစကားပြောကြားပြီး ဓနုတိုင်းရင်းသား ကိုယ်စားလှယ် ဒေါက်တာကျော်လွင်ထူးက ဆွေးနွေးတင်ပြသည်။

 

  ၎င်းနောက် ပြည်နယ်ဝန်ကြီးချုပ်က ဓနုစာပေယဉ်ကျေးမှုနှင့် ဒေသဖွံ့ဖြိုးရေးအသင်းအတွက် အလှူငွေကျပ်(၁ဝ) သိန်း ၊ တောင်ရိုး စာပေနှင့်ယဉ်ကျေးမှုအသင်းအတွက် အလှူငွေကျပ်(၅)သိန်းကို လည်းကောင်း ၊ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌ က ဓနုစာပေယဉ်ကျေးမှုနှင့် ဒေသဖွံ့ဖြိုးရေးအသင်းအတွက် အလှူငွေ ကျပ်(၁၂)သိန်းကိုလည်းကောင်း ၊ အမျိုးသားလွှတ်တော် ကိုယ်စားလှယ် ဦးရှုမောင်က ဓနုစာပေယဉ်ကျေးမှုနှင့်ဒေသဖွံ့ဖြိုးရေး အသင်းအတွက် အလှူငွေကျပ်(၁)သိန်းကိုလည်းကောင်း အသီးသီး ပေးအပ်လှူဒါန်းခဲ့ကြသည်။

 

   ဆက်လက်ပြီး ဓနုဆုံဆည်းရာနေ့ သီချင်းနှင့် ရိုးရာမပျက် ဓနုခြေလက်၊ သိုင်းကကွက်အကတို့ဖြင့် ဖျော်ဖြေတင်ဆက်ကြပြီး ဆွမ်းတော်ကြီးဝင် ဆက်ကပ်လှူဒါန်းပူဇော်ပွဲကို ဆက်လက်ကျင်းပ ရာ ပြည်နယ်ဝန်ကြီးချုပ်နှင့် ဇနီး ၊ ဧည့်သည်တော်များမှ ဦးဆောင်၍ ဆွမ်းတော်ကြီးဆက်ကပ်လှူဒါန်းပူဇော်ခဲ့ကြသည်။


   အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့်ဇနီး ဒေါ်ဖြူဖြူညွန့် ၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူးနှင့် ဇနီး ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌနှင့်အဖွဲ့ဝင်များ၊ ဖိတ်ကြားထားသောဧည့်သည်တော်များ၊ စာပေယဉ်ကျေးမှုအသင်း များ၊ လူမှုရေးအသင်းအဖွဲ့များနှင့် ဒေသခံ တိုင်းရင်းသားပြည်သူများ တက်ရောက်ခဲ့ကြသည်။

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ညောင်ရွှေမြို့နယ်ဒေခံပြည်သူများနှင့် တွေ့ဆုံပွဲ

  တောင်ကြီး  မတ် ၁၆

 02
 
04
 
 
03
 
 
01
 
05
 
 
06
 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်
ညောင်ရွှေမြို့နယ်ဒေခံပြည်သူများနှင့် တွေ့ဆုံပွဲ

 
  ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်သည် ညောင်ရွှေမြို့နယ် ဒေခံပြည်သူများနှင့် တွေ့ဆုံဆွေးနွေးပွဲ အခမ်းအနားကို မတ်(၁၆)ရက်နံနက်(၈)နာရီက ညောင်ရွှေမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမဆောင်၌ ကျင်းပပြုလုပ်ခဲ့သည်။
အခမ်းအနားတွင် မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးစိုးဝင်းနိုင်က ဒေသဆိုင်ရာအချက်အလက်များကို ရှင်းလင်းတင်ပြပြီး တောင်ကြီးခရိုင်အုပ်ချုပ်ရေးမှူး ဦးကောင်းဇံဦးက ဖြည့်စွက်ရှင်းလင်း တင်ပြခဲ့သည်။
  ဆက်လက်ပြီး အင်းတိုင်းရင်းသားရေးရာဝန်ကြီး ဦးဝင်းမြင့်က နန်းပန်ကျေးရွာအုပ်စုအား မြို့နယ်ခွဲအဆင့်တိုးမြှင့်ပေးနိုင်ရေးနှင့် အင်းလေးဇုန်ဝင်ခွင့်ကောက်ခံရေးကိစ္စကိုလည်းကောင်း၊ အင်းလေးဒေသဖွံ့ဖြိုးရေး အထောက်အကူပြုကော်မတီ ဥက္ကဋ္ဌ ဦးတင်အောင်ကျော်က ညောင်ရွှေမြို့နယ်ပြည်သူ့ဆေးရုံအား ကုတင်(၅ဝ)ဆန့် ဆေးရုံအဆင့်တိုးမြင့် ပေးနိုင်ရေးနှင့် ဒေသဖွံ့ဖြိုးရေး ကိစ္စရပ်များကိုလည်းကောင်း၊ ဦးအောင်မြင့်က အင်းလေးကန်အတွင်း ဗေဒါများ ဆယ်ယူသန့်ရှင်းရေး ပြုလုပ်ရေးနှင့် ရေထွက်များ ထိန်းသိမ်းရေးကိစ္စရပ်များကိုလည်းကောင်း၊ ရှမ်းပြည်နယ် လွှတ်တော်ကိုယ်စားလှယ် ဒေါက်တာထွန်းအောင်က ရေလမ်းကြောင်းများ တိုးချဲ့နိုင်ရေးနှင့် အင်းလေးကန်ပတ်လမ်း ပြုပြင်နိုင်ရေး ကိစ္စရပ်များကိုလည်းကောင်း၊  ရှမ်းပြည်နယ်လွှတ်တော်ကိုယ်စားလှယ် ဦးအောင်ကြည်ဝင်း က  နန်းပန်ဈေးလှေဆိပ် အဆင့်တိုးမြှင့်ဆောက်လုပ်ရေးကိစ္စကိုလည်းကောင်း အသီးသီးဆွေးနွေး တင်ပြခဲ့ကြသည်။
 ထို့နောက် ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်၊ ပြည်နယ်ဥပဒေချုပ် ဦးမောင်မောင်၊ ပြည်နယ်ဘဏ္ဍာရေးနှင့် အခွန် ဝန်ကြီး ဦးခွန်သိန်းမောင်၊ ပြည်နယ်တရားလွှတ်တော် တရားသူကြီး ဦးခင်မောင်ဌေးတို့က အသီးသီးရှင်းလင်းဆွေးနွေးတင်ပြခဲ့ကြပြီး၊ ပြည်နယ်လွှတ်တော် ဥက္ကဋ္ဌ ဦးစိုင်းလုံးဆိုင်က ဖြည့်စွက်ရှင်းလင်းဆွေးနွေးခဲ့ပြီး၊ ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ် အမှာစကားပြောကြားခဲ့သည်။ 
 ဆက်လက်ပြီး ပြည်နယ်ဝန်ကြီးချုပ်နှင့် အဖွဲ့၀င်များသည် ပြန်လည်ပြုပြင်တည်ဆောက်မည့် ညောင်ရွှေမြို့၊ မြို့တော်ခန်းမ၊ ယဉ်ကျေးမှုဗုဒ္ဓပြတိုက်နှင့် လူရည်ချွန်စခန်းသွင်း လေ့ကျင့်မည့် အမှတ်(၁)အခြေခံပညာ အထက်တန်းကျောင်းအတွင်း ကြိုတင်ပြင်ဆင်ထားရှိမှု အခြေအနေများကို လိုက်လံကြည့်ရှုစစ်ဆေးခဲ့ရာ တာဝန်ရှိသူများက လိုက်လံရှင်းလင်းတင်ပြခဲ့ကြပါသည်။
 

၂ဝ၁၃ ခုနှစ်၊ ကမ္ဘာ့တီဘီရောဂါ တိုက်ဖျက်ရေးနေ့ အခမ်းအနားကျင်းပ

တောင်ကြီး  မတ်လ  ၂၄

 

1

 

2

 

3

 

   ၂ဝ၁၃ခုနှစ်၊ ကမ္ဘာ့တီဘီရောဂါ တိုက်ဖျက်ရေးနေ့ အခမ်းအနားကို မတ်လ(၂၄)ရက်နေ့ နံနက်(၉)နာရီက တောင်ကြီးမြို့၊ မြို့တော်ခန်းမ၌  ကျင်းပရာ ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး၊ ဒေါက်တာမျိုးထွန်း တက်ရောက်အမှာစကားပြောကြားသည်။
    ထို့နောက် ကျန်းမာရေးဝန်ကြီးဌာန၊ ဒုတိယဝန်ကြီး၏ (၂ဝ၁၃)ခုနှစ် ကမ္ဘာ့တီဘီရောဂါတိုက်ဖျက်ရေးနေ့ အထိမ်းအမှတ် အခမ်းအနားဖွင့်ပွဲ မိန့်ခွန်းအား ပြည်နယ်ကျန်းမာရေးဦးစီးဌာနမှူး ဒေါက်တာ သန်းထွဋ်ဦးမှ ဖတ်ကြားပြီး ပြည်နယ်တီဘီရောဂါဝန်ကြီး ဒေါက်တာဇော်မြင့်က တီဘီရောဂါအကြောင်း သိကောင်းစရာနှင့် ရှေ့လုပ်ငန်းစဉ်များကို ရှင်းလင်းတင်ပြသည်။
   ၎င်းနောက် ပြည်နယ်လူမှုရေးဝန်ကြီး ဒေါက်တာမျိုးထွန်းသည် ခန်းမအတွင်း ခင်းကျင်းပြသထားသည့် မှတ်တမ်းဓါတ်ပုံများ၊ စာအုပ်စာစောင်များနှင့် ဆေးဝါးပစ္စည်းများကို လိုက်လံကြည့်ရှုခဲ့သည်။ အဆိုပါ အခမ်းအနားသို့ ပြည်နယ်လူမှုရေးဝန်ကြီး၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ ကျန်းမာရေးဌာနမှ တာဝန်ရှိသူများ၊ သူနာပြု/သားဖွားသင်တန်းကျောင်းမှ သင်တန်းသူ များ၊ လူမှုရေးအသင်းအဖွဲ့များနှင့် NGO အဖွဲ့အစည်းများ တက်ရောက်ခဲ့ကြသည်။

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် ပအိုဝ်းကိုယ်ပိုင် အုပ်ချုပ်ခွင့်ရဒေသ ဆီဆိုင်မြို့နယ် ဒေသခံပြည်သူများနှင့်တွေ့ဆုံ

 

တောင်ကြီး  မတ်  ၀၉

 

3

 

2

 

1

 

4

 

    ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်သည် ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ်ဒေသခံပြည်သူများနှင့် တွေ့ဆုံပွဲကို မတ်လ(၉)ရက် နံနက်(၉)နာရီခွဲက ဆီဆိုင်မြို့ မြို့နယ်ခန်းမ၌ ကျင်းပပြုလုပ်ခဲ့သည်။
   အခမ်းအနားတွင် ဆီဆိုင်မြို့နယ်အုပ်ချုပ်ရေးမှူး ဦးဝင်းလွင်က ဒေသဆိုင်ရာ အချက်အလက်များကို ရှင်းလင်းတင်ပြပြီးနောက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ ဦးခွန်စံလွင်က ဖြည့်စွက်ရှင်းလင်းတင်ပြ၍ ဒေသခံပြည်သူများမှ အထွေထွေကိစ္စရပ်များကို ဆွေးနွေးတင်ပြကြသည်။
  ထို့နောက် ပြည်နယ်အစိုးရအဖွဲ့ဝင် ပြည်နယ်ဘဏ္ဍာရေးနှင့်အခွန်ဝန်ကြီး ဦးခွန်သိန်းမောင်က ပညာရေးနှင့်ကျန်းမာရေးစောင့်ရှောက်မှုတို့အတွက် ပြည်နယ် အစိုးရအဖွဲ့မှ လှူဒါန်းသော အလှူငွေကျပ်(၁ဝ)သိန်းစီအား ပေးအပ်လှူဒါန်းရာ သက်ဆိုင်ရာ တာဝန်ရှိသူများက လက်ခံရယူကြသည်။
    ဆက်လက်ပြီး ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်မှ လုပ်ငန်းဆိုင်ရာများအားရှင်းလင်းဆွေးနွေးပြီးနောက် ပြည်နယ်ဥပဒေချုပ် ဦးမောင်မောင်က ဥပဒေရေးရာ ကိစ္စရပ်များကို လည်းကောင်း၊ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်က တရားစီရင်ရေးဆိုင်ရာ ကိစ္စရပ်များကို လည်းကောင်းရှင်းလင်းပြောကြားသည်။
    ယင်းနောက် ပြည်နယ်လွှတ်တော်ဥက္ကဌ ဦးစိုင်းလုံးဆိုင်က အမှာစကား ပြောကြားပြီး ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်လမ်းညွှန်အမှာ စကားပြောကြားခဲ့သည်။

 

5

 

6

 

7

 

   တွေ့ဆုံပွဲအပြီးတွင် ပြည်နယ်ဝန်ကြီးချုပ်နှင့်အဖွဲ့သည် ရှမ်းပြည်နယ်နှင့် ကယားပြည်နယ်ဆက်သွယ်ဖောက်လုပ်ထားသည့် တောင်ငူ - လိပ်သို - ယာဒို - လွိုင်ကော် - ဟိုပုံးလမ်း ကတ္တရာ ခင်းခြင်း လုပ်ငန်းဆောင်ရွက်နေမှုကို ကွင်းဆင်း ကြည့်ရှု စစ်ဆေးရာ တာဝန်ရှိသူများက  ရှင်းလင်းတင်ပြခဲ့သည်။
  ၎င်းနောက် ပြည်နယ်ဝန်ကြီးချုပ်သည် ဆီဆိုင်မြို့ ရေပေးဝေမှုလုပ်ငန်း ဆောင်ရွက်နေသည့် ဆီဆိုင်မြို့ ဇဝနရာမ ပရိပတ္တိစာသင်တိုက်အနီးရှိ ပင်မရေထွက်ကို သွားရောက်ကြည့်ရှုစစ်ဆေးရာ တာဝန်ရှိသူများက လိုက်လံ ရှင်းလင်း တင်ပြခဲ့သည်။

ရှမ်းပြည်နယ်အစိုးရအဖွဲ့၊ ပြည်နယ်လျှပ်စစ်နှင့် စက်မှုလက်မှု ဝန်ကြီး ဦးစိုင်းထွန်းရင် ဒေသခံတိုင်းရင်းသားများနှင့် တွေ့ဆုံ

တောင်ကြီး  မတ်လ  ၂၁

  21-1

  ဒေသဖွံ့ဖြိုးတိုးတက်ရေး၊ စီးပွားရေးနှင့် လူနေမှုအဆင့်အတန်း မြင့်မားရေးအတွက် ရှမ်းပြည်နယ်အစိုးရအဖွဲ့ဝင် ပြည်နယ်လျှပ်စစ်နှင့် စက်မှုလက်မှုဝန်ကြီး ဦးစိုင်းထွန်းရင်သည် ညောင်ရွှေမြို့နယ် အင်းလေး ဒေသ ကြေးစားမြောက်ရွာ  ၊ ကြေးစားတောင်ရွာ၊ ကြေးစားအောက်ရွာ၊ မင်းချောင်းလယ်ရွာ၊ မင်းချောင်းနောက်ရွာနှင့် ပွဲစားကုန်းကျေးရွာတို့မှ ဒေသခံ အင်းတိုင်းရင်းသားများနှင့် တွေ့ဆုံပွဲကို မတ်လ(၂၁)ရက် နေ့လည်(၂)နာရီခွဲက ကြေးစားကုန်း ဘုရားကျိန်းကျောင်း၌ ကျင်းပ ပြုလုပ်ခဲ့သည်။


   တွေ့ဆုံပွဲတွင် ပြည်နယ်ဝန်ကြီးမှ အင်းလေးဒေသသည် ခရီးသွားဧည့်သည်များ စိတ်ဝင်တစား လာရောက်လည်ပတ်လေ့လာသည့် နေရာတစ်ခုဖြစ်သည့်အားလျော်စွာ ပြောင်းလဲလာသည့်ခေတ်စနစ်နှင့်အညီ စီးပွားရေးလုပ်ငန်းများကို ပြုပြင်ပြောင်းလဲ လုပ်ဆောင်သွားကြရန် လိုအပ်ကြောင်း ၊ ယနေ့ တွေ့ဆုံပွဲ ပြုလုပ်ရခြင်းသည် အင်းလေးဒေသအတွင်း စီးပွားရေးနှင့်လူနေမှုဘဝဖွံ့ဖြိုး တိုးတက်ရေးအတွက် ဖြစ်ခြင်းကြောင့် ဒေသခံများ၏ တွေ့ကြုံနေရသည့် အခက်အခဲများကို ဆွေးနွေးကြရန် ပြောကြား ခဲ့သည်။
       

   ထို့နောက် ဒေသခံပြည်သူများမှ အခြေခံလိုအပ်ချက်ဖြစ်သည့် ပညာရေး၊ ကျန်းမာရေးကဏ္ဍများတွင် ကူညီဆောင်ရွက်ပေးရန် အလုပ်အကိုင်အခွင့်အလမ်းများ ရရှိနိုင်ရေး၊ ကျေးရွာလျှပ်စစ်မီး သုံးစွဲနိုင်ရေး၊ စီးပွားရေးဖွံ့ဖြိုးတိုးတက်အောင် ကူညီဆောင်ရွက်ပေးစေလိုကြောင်းဖြင့် တင်ပြဆွေးနွေးကြပြီး ပြည်နယ်ဝန်ကြီးမှ မေးမြန်းချက်များ အပေါ်ပြန်လည်ရှင်းလင်း ဆွေးနွေးဖြေကြား ပေးခဲ့သည်။

ရှမ်းပြည်နယ်အထွေထွေအုပ်ချုပ်ရေးဦးစီးဌာနလုပ်ငန်းညှိနှိုင်းအစည်းအဝေးကျင်းပ

တောင်ကြီး  မတ်  (၇)

 

02

 

01

 

03

 

     ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ တောင်ကြီးခရိုင်၊ လွိုင်လင်ခရိုင်၊  လင်းခေးခရိုင်အတွင်းရှိ ခရိုင်/မြို့နယ်/ မြို့နယ်ခွဲ အထွေထွေအုပ်ချုပ်ရေးဦးစီးဌာနများ၏ လုပ်ငန်းညှိနှိုင်းအစည်းအဝေးကို မတ်(၇)ရက် နံနက်(၈)နာရီက တောင်ကြီးမြို့၊ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အုပ်ချုပ်ရေးမှူး၊ အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ အတွင်းရေးမှူးများ၊ ပြည်ထဲရေးဝန်ကြီးဌာန လက်အောက်ရှိ ဦးစီးဌာနနှင့် တပ်ဖွဲ့များမှ တာဝန်ရှိသူများ၊ တောင်ကြီး ခရိုင်အုပ်ချုပ်ရေးမှူး၊ လွိုင်လင် ခရိုင်အုပ်ချုပ်ရေးမှူး၊  လင်းခေးခရိုင်အုပ်ချုပ်ရေးမှူးနှင့် တောင်ကြီး၊ လွိုင်လင်၊ လင်းခေးခရိုင်အတွင်းရှိ  မြို့နယ်/ မြို့နယ်ခွဲ အုပ်ချုပ်ရေးမှူးများ တက်ရောက်သည်။
    ရှေးဦးစွာ ပြည်နယ်ဝန်ကြီးချုပ်က အမှာစကားပြောကြားပြီး၊ ပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်က တရားစီရင်ရေးဆိုင်ရာကိစ္စရပ်များကို လည်းကောင်း၊ ပြည်နယ်ဝန်ကြီးများက သက်ဆိုင်ရာ လုပ်ငန်းကိစ္စရပ်များကို လည်းကောင်း၊ ပြည်နယ်ဥပဒေချုပ် ဦးမောင်မောင်က ဥပဒေရေးရာကိစ္စရပ်များကို လည်းကောင်း၊ ပြည်နယ်စာရင်းစစ်ချုပ် ဦးသိန်းမြင့်က စာရင်းစစ်ဆေးခြင်းဆိုင်ရာကိစ္စရပ်များကို လည်းကောင်း အသီးသီးရှင်းလင်း တင်ပြကြသည်။
    ထို့နောက် ရှမ်းပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူး ဦးရဲနိုင်အောင်က ဦးစီးဌာန၏ လုပ်ငန်းဆိုင်ရာအခြေအနေများ ရှင်းလင်း တင်ပြခဲ့ပြီး၊ သက်ဆိုင်ရာ ခရိုင်အုပ်ချုပ်ရေးမှူးများ၊ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ အတွင်းရေးမှူးများက မိမိဒေသ၏ လုပ်ငန်းဆိုင်ရာအချက်အလက်များကို အသီးသီးရှင်းလင်းတင်ပြခဲ့ကြပြီး အစည်းအဝေး(ပထမပိုင်း)ကို ခေတ္တရပ်နားခဲ့သည်။
    အစည်းအဝေး(ဒုတိယပိုင်း)ကို နေ့လည်(၁)နာရီခွဲတွင် ဆက်လက်ကျင်းပရာ ပြည်နယ်အုပ်ချုပ်ရေးမှူး ဦးရဲနိုင်အောင်က အမှာစကားပြောကြားပြီး တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ မြို့နယ်/ မြို့နယ်ခွဲ အုပ်ချုပ်ရေးမှူးများက မိမိဒေသ၏ လုပ်ငန်းဆိုင်ရာအချက်အလက်များကို အသီးသီးရှင်းလင်း တင်ပြခဲ့ကြပြီး  ပြည်နယ်အုပ်ချုပ်ရေးမှူးက နိဂုံးချုပ်အမှာစကားပြောကြားခဲ့သည်။

 

ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ် ကုလသမဂ္ဂဖွံ့ဖြိုးမှု အစီအစဉ် ( UNDP ) မှ တာဝန်ရှိ ပုဂ္ဂိုလ်များနှင့် တွေ့ဆုံ

တောင်ကြီး  မတ်  ၁၉

 c02

 

c03

 

c01

 

   ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ် သည် မတ်(၁၉)ရက် နေ့လည်(၂)နာရီက ကုလသမဂ္ဂဖွံ့ဖြိုးမှု အစီအစဉ် ( UNDP ) မှ Mr Christian Hainzl (Transition Project Manager, UNDP) ဦးဆောင်သော အဖွဲ့အား ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ လက်ခံတွေ့ဆုံခဲ့သည်။
   ထိုသို့ တွေ့ဆုံရာတွင် ရှမ်းပြည်နယ်အစိုးရအဖွဲ့နှင့် ကုလသမဂ္ဂဖွံ့ဖြိုးမှု အစီအစဉ် ( UNDP ) တို့ ပူးပေါင်း၍ ဒေသဖွံ့ဖြိုးတိုးတက်ရေးကိစ္စရပ်များ ဆောင်ရွက်နိုင်ရေးအတွက် ရှမ်းပြည်နယ် မြို့တော်၊  တောင်ကြီးမြို့တွင်  UNDP ရုံး  ဖွင့်လှစ်ရန်၊ လားရှိုးတွင် ရုံးခွဲဖွင့်လှစ်ရန်နှင့် သဘာဝပတ်ဝန်းကျင်ထိန်းသိမ်းရေး၊ ဆင်းရဲမွဲတေမှုပပျောက်ရေးကိစ္စရပ်များကို ဆွေးနွေးညှိနှိုင်း ခဲ့ကြသည်။
    တွေ့ဆုံပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ ပြည်နယ်ဥပဒေချုပ် ၊ ပြည်နယ်အစိုးရအဖွဲ့ အတွင်းရေးမှူး ၊ ပြည်နယ်အဆင့် ဌာနဆိုင်ရာများ တက်ရောက်ခဲ့ပြီး၊ ဧည့်သည်ကိုယ်စားလှယ်အဖွဲ့တွင်  ကုလသမဂ္ဂဖွံ့ဖြိုးမှု အစီအစဉ် ( UNDP )မှ Mr Christian Hainzl ဦးဆောင်သော အဖွဲ့ဝင်များအား တက်ရောက် ခဲ့ကြပါသည်။

အင်းလေးဒေသဟိုတယ်ဇုန် မြေနေရာအတွက် လျှောက်လွှာခေါ်ယူခြင်း

တောင်ကြီး၊ မတ် ၀၆


ရှမ်းပြည်နယ်အစိုးရအဖွဲ့၏ ကြီးကြပ်မှုဖြင့် အင်းလေးဒေသတွင် ဟိုတယ်ဇုန်မြေနေရာများအား ဖော်ထုတ်လျက်ရှိရာ ဟိုတယ်ဇုန်၌ လုပ်ငန်းများ လာရောက်ရင်းနှီးမြုပ်နှံဆောင်ရွက်လိုသည့် လုပ်ငန်းရှင်များအနေဖြင့် လျှောက်လွှာများအား တောင်ကြီးခရိုင်အထွေထွေအုပ်ချုပ်ရေးဦးစီးဌာန တွင် လျှောက်လွှာတစ်စုံလျှင် ၅၀၀ဝိ/- (ကျပ်ငါးထောင်တိတိ) နှုန်းဖြင့် ဝယ်ယူပြီး ၁၇-၃-၂၀၁၃ ရက်၊ ညနေ (၄)နာရီ နောက်ဆုံးထားလျှောက်ထားနိုင်ပါကြောင်း၊ အသေးစိတ်သိလိုပါက တောင်ကြီးခရိုင်အထွေထွေ အုပ်ချုပ်ရေးဦးစီးဌာန၊ ဖုန်း ၀၈၁-၂၁၂၁၀၀၃၊ ၀၈၁-၂၁၂၁၆၉၁ သို့ ဆက်သွယ်မေးမြန်းစုံစမ်းနိုင် ကြောင်း သိရှိရပါသည်။

ရှမ်းပြည်နယ်အစိုးရအဖွဲ့ နှင့် UNDP, UNICEF, UN-Women, WFP, UNFPA, UNOPS တို့မှ ကိုယ်စားလှယ်အဖွဲ့များတွေ့ဆုံ

တောင်ကြီး  မတ်  ၁၆

 

11

 

22

 

33

    ရှမ်းပြည်နယ်အစိုးရအဖွဲ့  ပြည်နယ်ဝန်ကြီးချုပ်  ဦးစဝ်အောင်မြတ်သည် UNDP,UNICEF,UN-Women,WFP,UNFPA,UNOPS  တို့မှ ကိုယ်စားလှယ်အဖွဲ့များအား မတ်(၁၆)ရက် ညနေ(၄)နာရီ က တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ လက်ခံတွေ့ဆုံခဲ့သည်။
    ထိုသို့ တွေ့ဆုံရာတွင် ကိုယ်စားလှယ်အဖွဲ့မှ နိုင်ငံ(၇)နိုင်ငံရှိ အဖွဲ့(၇)ဖွဲ့၊ ကော်မတီဝင်များက UN ၏ အကူအညီဖြင့် လုပ်ကိုင်နေသည့် လုပ်ငန်းများကို လေ့လာရန်နှင့် လိုအပ်နေသေးသည့် လုပ်ငန်းများအား သိရှိနိုင်ရေး၊ လူမှုရေး၊ စီးပွားရေး၊ နိုင်ငံရေး ပြုပြင်ပြောင်းလဲမှုများဆောင်ရွက်ရာတွင် ရင်ဆိုင်နေရသည့် အခက်အခဲများကို ကူညီဖြေရှင်းပေးရေး၊ UN အဖွဲ့များမှ ပိုမိုပူးပေါင်းဆောင်ရွက်ပေးနိုင်ရေးနှင့် ဒေသဖွံ့ဖြိုးရေးကိစ္စရပ်များတွင်လည်း ပူးပေါင်းဆောင်ရွက်နိုင်ရေးကိစ္စရပ်များကို ရှင်းလင်းဆွေးနွေးခဲ့သည်။
    ပြည်နယ်ဝန်ကြီးချုပ် ဦးစဝ်အောင်မြတ်က ယခုလို လာရောက်တွေ့ဆုံခြင်းအတွက် ကျေးဇူးတင်ရှိကြောင်း၊ UN အဖွဲ့များ၏ ပံ့ပိုးကုညီမှုများကို အသိအမှတ်ပြုကြောင်း၊  ဒေသဖွံ့ဖြိုးတိုးတက်ရေးနှင့် ပြည်သူများ၏ လူမှုဘဝ ဖွံ့ဖြိုးတိုးတက်ရေးတို့အတွက် နိုင်ငံတော်မှ ပြုပြင်ပြောင်းလဲနေသော လုပ်ငန်းစဉ်များတွင် UN အဖွဲ့များမှ ပူးပေါင်းပါဝင် ဆောင်ရွက်ပေးကြရန်လည်း ဖိတ်ကြားလိုပါကြောင်း ဆွေးနွေးပြောကြားခဲ့သည်။
    အဆိုပါ ဆွေးနွေးပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်နှင့် ပြည်နယ်ဝန်ကြီးများ၊ ပြည်နယ်ဥပဒေချုပ် ဦးမောင်မောင်၊ ပြည်နယ်အစိုးရအဖွဲ့ အတွင်းရေးမှူး ဦးရဲနိုင်အောင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ ဦးစံလွင်၊ ပြည်နယ်အဆင့် ဌာနဆိုင်ရာများ တက်ရောက်ခဲ့ကြပါသည်။ ကိုယ်စားလှယ်အဖွဲ့တွင် Mr. Remongar Dennis (Deputy Permanent Representative,UNDP/UNFPA/UNOPS) ဦးဆောင်သော ကိုယ်စားလှယ်များ တက်ရောက်ခဲ့ကြပြီး ဆွေးနွေးပွဲကို ညနေ(၆)နာရီတွင် ရပ်နားခဲ့သည်။

ဓနုကိုယ်ပိုင်အုပ်ချုပ်ခွင့်ရဒေသခံပြည်သူများနှင့်တွေ့ဆုံ

11

 

 

13

3

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်
ဓနုကိုယ်ပိုင်အုပ်ချုပ်ခွင့်ရဒေသ
ရွာငံမြို့နယ်ဒေသခံပြည်သူများနှင့်တွေ့ဆုံ

 

 

 

တောင်ကြီး မတ် ၅

 

ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်သည် ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့နယ်ဒေသခံပြည်သူများနှင့်တွေ့ဆုံပွဲကို မတ်(၅)ရက် နံနက်(၉)နာရီက ရွာငံမြို့ဗထူးခန်းမ၌ ကျင်းပရာ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်၊ ပြည်နယ်တရား လွှတ်တော် တရားသူကြီးချုပ် ဦးကြွယ်ကြွယ်၊ ပြည်နယ်ဥပဒေချုပ် ဦးမောင်မောင်၊ ပြည်နယ်ဝန်ကြီးများ၊ အစိုးရအဖွဲ့ တာဝန်ရှိသူများ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့် အဖွဲ့ဝင်များ၊ ရွာငံမြို့နယ်အုပ်ချုပ်ရေးမှူး နှင့် မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များနှင့် ဒေသခံပြည်သူများ တက်ရောက် ခဲ့ကြသည်။
အခမ်းအနားတွင် ရွာငံမြို့နယ်အုပ်ချုပ်ရေးမှူး ဦးဘုန်းထက်နိုင်မြင့် က ဒေသ ဆိုင်ရာ အုပ်ချုပ်ရေး၊ စီးပွားရေး၊ လူမှုရေးအခြေအနေများကို ရှင်းလင်းတင်ပြပြီး၊ ဓနု ကိုယ်ပိုင်အုပ်ချုပ်ခွင့် ရဒေသဦးစီးအဖွဲ့ ဥက္ကဌ ဦးထူးကိုကိုက ဖြည့်စွက်ရှင်းလင်း တင်ပြ၍ ဒေသခံရပ်မိရပ်ဖ ဦးလွန်းမောင် က ဒေသလိုအပ်ချက်များ တင်ပြသည်။
ထို့နောက် ရှမ်းပြည်နယ်အစိုးရအဖွဲ့ရုံး ညွှန်ကြားရေးမှူး ဦးမြတ်ကျော်ကျော် က မြို့နယ်နှင့် ရပ်ကွက် (သို့) ကျေးရွာဖွံ့ဖြိုးဖွံ့တိုးတက်ရေး အထောက်အကူပြု အဖွဲ့များဖွဲ့စည်း တာဝန်ပေးခြင်းနှင့် ခရိုင်မြို့နယ်စီမံခန့်ခွဲရေး အဖွဲ့အစည်းများ၊ စည်ပင်သာယာရေး အဖွဲ့ ဖွဲ့စည်းခြင်းဆိုင်ရာ နှင့် နိုင်ငံတော်သမ္မတ၏ နိုင်ငံ့ စွမ်းဆောင်ရည်ဆုမြင့်နိုင်ရေးအတွက် နယ်မြေအလိုက် စွမ်းဆောင်ရှင်များ ရွေးချယ် တင်ပြရေးကိစများ ရှင်းလင်းဆွေးနွေးပြီး၊ ပြည်နယ်ဥပဒေချုပ် ဦးမောင်မောင်၊ ပြည်နယ် တရားလွှတ်တော် တရားသူကြီးချုပ် ဦးကြွယ်ကြွယ်၊ ပြည်နယ်လွှတ်တော် ဥက္ကဌ ဦးစိုင်းလုံးဆိုင်တို့က လမ်းညွှန်အမှာစကား အသီးသီးပြောကြားပြီး ပြည်နယ်ဝန်ကြီးချုပ် ဦးစဝ်အောင်မြတ်က နိဂုံးချုပ်လမ်းညွှန်အမှာစကားပြောကြားခဲ့ပြီး ဌာနဆိုင်ရာတာဝန်ရှိသူများနှင့် ဒေသခံရပ်မိရပ်ဖများ ရင်းရင်းနှီးနှီးနွေးထွေးစွာ တွေ့ဆုံခဲ့သည်။

Subcategories

မူလသို့

အစိုးရအဖွဲ့

သတင်းများ

ဆက်သွယ်ရန်

တိုင်းရင်းသား လူမျိုးများ

myaung-ziရှမ်းပြည်နယ်(အရှေ့ပိုင်း) မိုင်းခတ်နှင့် ရှမ်းပြည်နယ်(တောင်ပိုင်း) နမ့်စန်(ခိုလမ်)မြို့နယ်များတွင် အများဆုံး နေထိုင်ကြပါသည်။

We have 35 guests and no members online